ଇତିହାସ ରଚିଲେ ଅର୍ଶଦୀପ ସିଂ; ଏପରି କରିବାର ହେଲେ ପ୍ରଥମ ଭାରତୀୟ, ବୁମରା-ପାଣ୍ଡ୍ୟା ଅଛନ୍ତି ବହୁତ ପଛରେ…

ନୂଆଦିଲ୍ଲୀ ୨୩।୦୧: ଟିମ୍‌ ଇଣ୍ଡିଆର ଷ୍ଟାର ଦ୍ରୁତ ବୋଲର ଅର୍ଶଦୀପ ସିଂହ । ନିଜ ନାଁରେ କରିଛନ୍ତି ଐତିହାସିକ ରେକର୍ଡ । ସେ ଟି-୨୦ ଅନ୍ତର୍ଜାତୀୟ କ୍ରିକେଟରେ ହୋଇଛନ୍ତି ସର୍ବାଧିକ ୱିକେଟ୍ ନେଇଥିବା ଭାରତୀୟ ବୋଲର। ବୁଧବାର ଇଂଲଣ୍ଡ ବିପକ୍ଷରେ ଖେଳାଯାଇଥିବା ଟି-୨୦ ମ୍ୟାଚ୍‌ରେ ସେ ଏହି ସଫଳତା ହାସଲ କରିଛନ୍ତି। ଇଂଲଣ୍ଡ ବିପକ୍ଷ ଏହି ମ୍ୟାଚ୍‌ରେ ଅର୍ଶଦୀପ ୨ଟି ୱିକେଟ୍ ନେଇ ଇତିହାସ ରଚିଛନ୍ତି । ସେ ଟି-୨୦ଅନ୍ତର୍ଜାତୀୟରେ ସର୍ବାଧିକ ୱିକେଟ୍ ନେଇଥିବା ଭାରତୀୟ ବୋଲର ହୋଇଯାଇଛନ୍ତି । ଏହି କ୍ଷେତ୍ରରେ ସେ ୟଜୁବେନ୍ଦ୍ର ଚହଲଙ୍କୁ ପଛରେ ପକାଇଛନ୍ତି। ଚହଲ ୮୦ଟିମ୍ୟାଚ୍‌ରେନେଇଥିଲେ ୯୬ଟିୱିକେଟ୍ । ଅର୍ଶଦୀପ୬୧ତମ ମ୍ୟାଚ୍‌ରେ ଏହି ସଫଳତା ହାସଲ କରିଛନ୍ତି । ଏହି ରେକର୍ଡ ଦୃଷ୍ଟିରୁଦ୍ରୁତ ବୋଲର ଜସପ୍ରିତ ବୁମରାହ,ହାର୍ଦ୍ଦିକ ପାଣ୍ଡ୍ୟା ଏବଂ ଭୁବନେଶ୍ୱର କୁମାର ବହୁତ ପଛରେ ଅଛନ୍ତି । ଏବେ ଅର୍ଶଦୀପ ଐତିହାସିକ ଶତକର ହୋଇଛନ୍ତି ନିକଟତର । ଏହାର ଅର୍ଥ ହେଉଛି ସେ ଟି-୨୦ଅନ୍ତର୍ଜାତୀୟରେ ୧୦୦ ୱିକେଟ୍ ନେବାର ବହୁତ ନିକଟତର । ଏପର୍ଯ୍ୟନ୍ତ କୌଣସି ଭାରତୀୟ ଏହି ସଫଳତା ହାସଲ କରିପାରି ନାହାନ୍ତି। କୋଲକାତା ମ୍ୟାଚ୍‌ରେ ଅର୍ଶଦୀପ ସିଂହ ଇଂଲଣ୍ଡଟିମ୍‌ ଉପରେ ଭାରୀ ପଡିଥିଲେ । ସେ ପ୍ରଥମ ଓଭରରେ ହିଁ ଫିଲ୍ ସଲ୍ଟଙ୍କୁ ନିଜର ଶିକାର କରିଥିଲେ । ସଲ୍ଟ ୱିକେଟକିପର ସଞ୍ଜୁ ସାମସନଙ୍କ ଦ୍ୱାରା କ୍ୟାଚ୍ ଆଉଟ୍ହୋଇଥିଲେ । ଏହା ପରେ ଇନିଂସର ତୃତୀୟ ଓଭରରେବେନ୍ ଡକେଟଙ୍କୁ ରିଙ୍କୁ ସିଂହକରିଥିଲେକ୍ୟାଚ୍ ଆଉଟ୍ । ଦ୍ୱିତୀୟ ୱିକେଟ୍ ନେଇଅର୍ଶଦୀପ ଏହି ଐତିହାସିକ ରେକର୍ଡ ନିଜନାଁରେକରିଛନ୍ତି।

ରାଜଧାନୀରେ ସିରିଜ୍‌ ଦୁର୍ଘଟଣା, ମୋ ବସ୍‌କୁ ପିଟିଲା ଆଉ ଏକ ମୋ ବସ୍‌...

ଭୁବନେଶ୍ୱର ୨୩।୦୧ : ରାଜଧାନୀରେ ପୁଣି ସିରିଜ୍‌ ଦୁର୍ଘଟଣା । ଭୁବନେଶ୍ୱର ରାଜମହଲ ଛକ ନିକଟରେ ପଛକୁ ପଛକୁ ପିଟି ହେଲା ଦୁଇଟି ବସ୍‌ । ଦୁର୍ଘଟଣାରେ କେତେ ଜଣ ଆହତ ହୋଇଥିବା ସେନେଇ ସ୍ପଷ୍ଟ ସୂଚନା ମିଳିନାହିଁ । ହେଲେ ଦୁର୍ଘଟଣା ପରେ ରାସ୍ତା ଜାମ୍‌ ହୋଇଛି । ଖବର ଅନୁଯାୟୀ, ଗୁରୁବାର ଦିନ ସକାଳ ସମୟରେ ଭୁବନେଶ୍ୱର ରାଜମହଲ ଛକରେ ଘଟିଲା ଦୁର୍ଘଟଣା । ମୋ ବସ୍‌ ଭାରସାମ୍ୟ ହରାଇ ଆଗରେ ଥିବା ଆଉ ଏକ ମୋ ବସ୍‌କୁ ଧକ୍କା ଦେଇଥିଲା । ଯାହାଫଳରେ ଉଭୟ ଗାଡି ଭାଙ୍ଗି ଯାଇଥିବା ଜଣାପଡିଛି । ତେବେ ବର୍ତ୍ତମାନ ଯାଏଁ ଦୁର୍ଘଟଣାରେ କୌଣସି ଯାତ୍ରୀଙ୍କ କ୍ଷୟକ୍ଷତି ହୋଇନଥିବା ସୂଚନା ମିଳିଛି । ସେପଟେ ଦୁର୍ଘଟଣାରେ ରାସ୍ତାରେ ଜାମ୍‌ ଲାଗିରହିଥିଲା । ଏମିତିକି ସେହି ରାସ୍ତା ଦେଇ ଯିବାଆସିବା କରୁଥିବା ଲୋକକୁ ସାମାନ୍ୟ ଅସୁବିଧାର ସମ୍ମୁଖୀନ ହେବାକୁ ପଡିଛି । ଘଟଣାସ୍ଥଳରେ ସ୍ଥାନୀୟ ପୋଲିସ ଏବଂ ଟ୍ରାଫିକ ଅଧିକାରୀ ପହଞ୍ଚି ରାସ୍ତାରୁ ଭିଡ ହଟାଉଥିବା ସୂଚନା ମିଳିଛି । ଓଡିଶା-ଛତିଶଗଡ଼ ସୀମାନ୍ତରେ ସରିଲା ସର୍ଚ୍ଚ ଅପରେସନ, ୪ ଦିନ ପରେ ଜଙ୍ଗଲରୁ ବାହୁଡିଲେ ସୁରକ୍ଷାକର୍ମୀ

ସୁରକ୍ଷାକର୍ମୀଙ୍କୁ ସଫଳତା, ମାଲକାନଗିରି ସୀମାନ୍ତରୁ ମାଓବାଦୀଙ୍କ ବଡ଼ ଅସ୍ତ୍ରାଗାର ଠାବ

ମାଲକାନଗିରି ୨୩।୦୧ : ସୁରକ୍ଷାକର୍ମୀଙ୍କୁ ସଫଳତା । ମାଲକାନଗିରି ଛତିଶଗଡ ସୀମାନ୍ତ ସୁକୁମା ଜିଲ୍ଲାରେ ମାଓବାଦୀଙ୍କ ଅସ୍ତ୍ରଶସ୍ତ୍ର ତିଆରି କାରଖାନା ଠାବ ହୋଇଛି। ଏହାସହ ଏକ ଅସ୍ତ୍ର ଶସ୍ତ୍ର ତିଆରି ଉପକରଣ ମଧ୍ୟ ଜବତ କରିଛନ୍ତି ସୁରକ୍ଷା କର୍ମୀ । ଓଡିଶା-ଛତିଶଗଡ଼ ସୀମାନ୍ତରେ ସରିଲା ସର୍ଚ୍ଚ ଅପରେସନ, ୪ ଦିନ ପରେ ଜଙ୍ଗଲରୁ ବାହୁଡିଲେ ସୁରକ୍ଷାକର୍ମୀ ଖବର ଅନୁଯାୟୀ, ଛତିଶଗଡ଼ ସୁକମା ଜିଲ୍ଲାରେ ସୁରକ୍ଷାକର୍ମୀଙ୍କ ପକ୍ଷରୁ ଚାଲିଥିଲା ସର୍ଚ୍ଚ ଅପରେସନ । ମାଓ ବିରୋଧୀ ଅଭିଯାନରେ କୋବ୍ରା ବାଟାଲିୟନ ଓ ସିଆର୍‌ପିଏଫ୍‌ ପକ୍ଷରୁ ଚାଲିଥିଲା । ଏହି ସମୟରେ ମାଓବାଦୀଙ୍କ ଏକ ବଡ଼ କାରଖାନାର ଠାବ ହୋଇଛି । ମେଟାଗୁଡେମ ଏବଂ ଡୁଲେର ଗାଁ ମଧ୍ୟରେ ଥିବା ଜଙ୍ଗଲ ଭିତରୁ ବିପୁଳ ପରିମାଣର ବିସ୍ଫୋରକ ସାମଗ୍ରୀ ମିଳିଛି । ତେବେ ଉଦ୍ଧାର ହୋଇଥିବା ଅସ୍ତ୍ରଶସ୍ତ୍ର ମଧ୍ୟରେ ସାବୁନ ବାକ୍ସରେ ପ୍ୟାକ୍ ହୋଇଥିବା ୨୧ଟି ଇମ୍ପ୍ରୋଭାଇଜ୍ଡ ଏକ୍ସପ୍ଲୋସିଭ୍ ଡିଭାଇସ୍ (IED), ମଲ୍ଟିପଲ୍ ବ୍ୟାରେଲ୍ ଗ୍ରେନେଡ୍ ଲଞ୍ଚର୍ (BGL) ବୋମା, ଏକ ଜେନେରେଟର ସେଟ୍, ଲେଦ୍ ମେସିନ୍, ବିସ୍ଫୋରକ ତିଆରି ସାମଗ୍ରୀ, ବନ୍ଧୁକ ତିଆରି ଉପକରଣ ଏବଂ ଜରୁରୀ ଚିକିତ୍ସା ସାମଗ୍ରୀ ରହିଛି। ଛତିଶଗଡ଼ରରେ ଅନ୍ତିମ ପର୍ଯ୍ୟାୟ ରେ ମାଓ ବିରୋଧୀ ଅପରେସନ ଚାଲିଥିବା ବେଳେ ମାଓବାଦୀଙ୍କୁ ମୁଳପୋଛ କରିବା ଲାଗି ସୁରକ୍ଷାକର୍ମୀ ଦିନ ରାତି ଅପରେସନ କରୁଛନ୍ତି। ପରାଜୟ ପରେ ଜୋସ୍‌ ବଟଲରଙ୍କ ବୟାନ ; ଆମେ ଆଗ୍ରେସିଭ୍‌ କ୍ରିକେଟ୍‌ ଖେଳୁଛୁ, ହେଲେ ଟିମ୍‌ ଇଣ୍ଡିଆ ଆମଠାରୁ ଦୁଇ ପାଦ ଆଗରେ

ସୀମା ଟପିଗଲା ସ୍ୱାମୀର ବର୍ବରତା, ସ୍ତ୍ରୀକୁ ମାରି କୁକରରେ ରାନ୍ଧିଲା, ଅବିଶିଷ୍ଟାଂଶକୁ ଭସାଇଲା ହ୍ରଦରେ

ହାଇଦ୍ରାବାଦ ୨୩/୦୧: ସୀମା ଟପିଗଲା ସ୍ୱାମୀର ବର୍ବରତା । ସ୍ତ୍ରୀକୁ ମାରି କୁକରରେ ରାନ୍ଧିଲା । ଖାଲି ରାନ୍ଧିଲାନି ତ ଅବିଶିଷ୍ଟାଂଶକୁ ଭସାଇଦେଲା ହ୍ରଦରେ । ହାଇଦ୍ରାବାଦରେ ଜଣେ ଅବସରପ୍ରାପ୍ତ ସେନା କର୍ମଚାରୀ ଘଟାଇଛନ୍ତି ଏପରି ଜଘନ୍ୟ କାଣ୍ଡ । ହାଇଦ୍ରାବାଦ ମୀରପେଟ୍‌ ଥାନା ଅଞ୍ଚଳରେ ଘଟିଛି ଏଭଳି ଲୋମଟାଙ୍କୁରା ହତ୍ୟାକାଣ୍ଡ । ସୂଚନା ଥାଉକି, ଆନ୍ଧ୍ରପ୍ରଦେଶର ପ୍ରକାଶମ ଜିଲ୍ଲାର ବାସିନ୍ଦା ଗୁରୁ ମୂର୍ତ୍ତି ୧୩ ବର୍ଷ ପୂର୍ବେ ଭେଙ୍କଟ ମାଧବୀଙ୍କୁ ବିବାହ କରିଥିଲେ । ଉଭୟଙ୍କର ଦୁଇଟି ସନ୍ତାନ ଅଛନ୍ତି । ପୂର୍ବରୁ ସେ ସେନାରେ କାର୍ଯ୍ୟ କରୁଥିଲେ। ସେଠାରୁ ଅବସର ନେବା ପରେ ବର୍ତ୍ତମାନ କାଞ୍ଚନବାଗ DRDOରେ ଆଉଟସୋର୍ସ ସୁରକ୍ଷା କର୍ମୀ ଭାବରେ କାର୍ଯ୍ୟ କରୁଛନ୍ତି । ସେ ପତ୍ନୀ ଭେଙ୍କଟ ମାଧବୀ ଏବଂ ଦୁଇ ପିଲାଙ୍କ ସହିତ ମୀରପେଟର ନ୍ୟୁ ଭେଙ୍କଟେଶ୍ୱର ନଗର କଲୋନୀରେ ଏକ ଭଡା ଘରେ ରହୁଥିଲେ । ଗତ କିଛି ଦିନ ଧରି ଉଭୟଙ୍କ ମଧ୍ୟରେ ଲାଗିରହୁଥିଲା ଝଗଡା । ହେଲେ ହଠାତ୍ ଜାନୁଆରୀ ୧୮ ତାରିଖରେ ନିଖୋଜ ହୋଇଯାଇଥିଲେ ମାଧବୀ । ମୂର୍ତ୍ତି ପରିବାର ଲୋକଙ୍କୁ ଏ ବିଷୟରେ ଜଣାଇଥିଲେ । ପରିବାର ଲୋକଙ୍କ ସହ ସେ ନିଜେ ମୀରପେଟ୍ ପୋଲିସ ଷ୍ଟେସନରେ ମାଧବୀ ନିଖୋଜ ଥିବାନେଇ ଅଭିଯୋଗ କରିଥିଲେ । ମୂର୍ତ୍ତି ତାଙ୍କ ଶ୍ୱଶୁର ଘର ଲୋକଙ୍କ ସହିତ ପୋଲିସ ଷ୍ଟେସନକୁ ଅଭିଯୋଗ କରିବାକୁ ଯାଇଥିଲେ । ସେଠାରେ ଏପରି ଅଭିନୟ କରିଥିଲେ ଯେପରି ସେ ତାଙ୍କ ସ୍ତ୍ରୀଙ୍କ ବିଷୟରେ କିଛି ଜାଣି ନାହାଁନ୍ତି । ତେବେ ପୋଲିସ ଆରମ୍ଭ କରିଥିଲା ଛାନ୍‌ଭିନ୍ । ସନ୍ଦେହ ହେବାରୁ ଅଧିକ ପଚରାଉଚରା ପାଇଁ ଥାନାରେ ସ୍ୱାମୀଙ୍କୁ ଅଟକ ରଖିଥିଲା ପୋଲିସ । ତୁହାକୁ ତୁହା ଜେରା ପରେ ଅଭିଯୁକ୍ତ ସ୍ୱାମୀ ମୁହଁରୁ ବାହାରିନଥିଲା କିଛି । ଯାହା ଉତ୍ତର ଥିଲା, ସେଥିରେ ପୋଲିସର ସନ୍ଦେହ ଘନୀଭୂତ ହୋଇଥିଲା । ପୂର୍ବ କଥା ଓ ବର୍ତ୍ତମାନ କଥାରେ ରହିନଥିଲା ତାଳମେଳ । ପ୍ରଶ୍ନ ବାଣରେ ଛନ୍ଦି ହୋଇଯିବା ପରେ ଶେଷରେ ସତ ମାନିଥିଲା ପିଶାଚ ସ୍ୱାମୀ। ସ୍ତ୍ରୀଙ୍କୁ ହତ୍ୟା କରିଥିବା ପୋଲିସ ଆଗରେ ସ୍ୱୀକାର କରିଥିଲା। ମୃତଦେହ ବିଷୟରେ ପଚରା ଯିବାରୁ ସେ ଯାହା କହିଥିଲେ ପୋଲିସ ବି ଆଶ୍ଚର୍ଯ୍ୟ ହୋଇଯାଇଥିଲା । ସେ ମୃତଦେହକୁ ଖଣ୍ଡ ଖଣ୍ଡ କରି କାଟିବା ପରେ ଏହାକୁ ପ୍ରେସର କୁକରରେ ରାନ୍ଧିଥିଲେ। ଅବିଶିଷ୍ଟ ଅଂଶ ଜିଲ୍ଲାଲଗୁଡ଼ାର ଚନ୍ଦନ ହ୍ରଦରେ ଫିଙ୍ଗି ଦେଇଥିବା କହିଥିଲେ। ପୋଲିସ ଏହି ଘଟଣାରେ ମୂର୍ତ୍ତିଙ୍କୁ ଗିରଫ କରି ଅଧିକ ତଦନ୍ତ ଚଳାଇଛି।

ସୌରଭଙ୍କ ନିଖୋଜ ଘଟଣାରେ ଟ୍ବିଷ୍ଟ, ବିଶାଖାପାଟଣା ଇଚ୍ଛାପୁର ଷ୍ଟେସନ ସିସିଟିଭିରେ କଏଦ, ଟ୍ରାକ କରୁଛି ପୋଲିସ

ବ୍ରହ୍ମପୁର ୨୩/୧: ବ୍ରହ୍ମପୁରର ନୌସେନା ଅଧିକାରୀ ସୌରଭ ପାତ୍ରଙ୍କ ନିଖୋଜ ମାମଲାରେ ଟ୍ବିଷ୍ଟ । ବିଶାଖାପାଟମା ଇଚ୍ଛାପୁର ଷ୍ଟେସନରେ ସିସିଟିଭିରେ କଏଦ ହୋଇଛନ୍ତି ସୌରଭ । ସିସିଟିଭି କ୍ୟାମେରାରେ ସୌରଭ ଇଚ୍ଛାପୁର ପ୍ଲାଟଫର୍ମ ବାହାରକୁ ଯାଉଥିବା ଦେଖିବାକୁ ମିଳିଛି । ବ୍ରହ୍ମପୁର ଲାଞ୍ଜିପଲ୍ଲୀ ଅଞ୍ଚଳରୁ କିଛି ଡକ୍ୟୁମେଣ୍ଟ ଉଦ୍ଧାର କରିଛି ପୋଲିସ । ଟ୍ରେନରେ ବିଶାଖାପାଟଣା ଯାଉଥିବାବେଳେ ଇଚ୍ଛାପୁର ଷ୍ଟେସନରୁ ସୌରଭ ନିଖୋଜ ହୋଇଯାଇଥିବା ପରିବାର ଲୋକ ଅଭିଯୋଗ କରିଥିଲେ । ଇଚ୍ଛାପୁର ଷ୍ଟେସନରେ ମିଳିଥିବା ସିସିଟିଭି ଫୁଟେଜକୁ ଆଧାର କରି ସୌରଭଙ୍କୁ ଟ୍ରାକ କରୁଛି ପୋଲିସ । ହେଲେ ଏବେ ସୁଦ୍ଧା ସୌରଭଙ୍କ କୌଣସି ସନ୍ଧାନ ମିଳିନି । ଗଞ୍ଜାମ ଜିଲ୍ଲା ବ୍ରହ୍ମପୁର ଗେଟ୍ ବଜାରର ବୃନ୍ଦାବତୀ ନଗରରେ ସୌରଭଙ୍କ ଘର । ୨୦୧୯ରୁ ସେ ନୌସେନାରେ ନିଯୁକ୍ତି ପାଇଥିଲେ । କେରଳର କୋଚି INS ଗରୁଡରେ ସେ ଚାକିରି କରୁଥିଲେ । ୨୦୨୪ ଡିସେମ୍ବର ୨୮ରେ ସେ ଘରକୁ ଛୁଟିରେ ଆସିଥିଲେ । ଜାନୁଆରୀ ୧୯ରେ ସୌରଭ କୋଚି ଫେରିବାର ଥିଲା । ଜାନୁଆରୀ ୧୯ରେ ଭୋର ୩ଟାରେ ବ୍ରହ୍ମପୁର ରେଳ ଷ୍ଟେସନରେ ସୌରଭଙ୍କୁ ଟ୍ରେନରେ ବସାଇଥିଲେ ପରିବାର ଲୋକ । ଅପରାହ୍ମରେ ତାଙ୍କର ଫ୍ଲାଇଟ ଥିଲା । ବ୍ରହ୍ମପୁରରୁ ଟ୍ରେନ ଯୋଗେ ବିଶାଖାପାଟଣା ଯାଇ ସେଠାରୁ କୋଚିକୁ ଫ୍ଲାଇଟ ଟିକେଟ ହୋଇଥିଲା । ତେବେ ବ୍ରହ୍ମପୁର ଛାଡିବା ପରେ ତାଙ୍କ ଫୋନ ସ୍ବିଚ ଅପ ଆସିଥିଲା । ପରିବାର ଲୋକେ ତାଙ୍କୁ ବାରମ୍ବାର ଯୋଗାଯୋଗ କରିବାକୁ ଚେଷ୍ଟା କରିଥିଲେ ।ହେଲେ ସୌରଭଙ୍କ ଫୋନ ଅନ୍‌ ହୋଇନଥିଲା । ଚାରିଆଡେ ଖୋଜାଖୋଜି ପରେ ବିଶାଖାପାଟଣା ଏୟାରପୋର୍ଟରେ ଅନୁସନ୍ଧାନ କରିଥିଲେ ପରିବାର ଲୋକ । ହେଲେ ସେଠାରେ ଯାହା ଦେଖିଲେ ଆଶ୍ଚର୍ଯ୍ୟ ହୋଇଯାଇଥିଲେ । ସୌରଭ ସେଠାରେ ଚେକ୍‌ ଇନ୍‌ କରିନଥିଲେ । ପରେ କୋଚି INS ଗରୁଡ ଅଧିକାରୀଙ୍କ ସହ କଥା ହୋଇଥିଲେ ପରିବାର ଲୋକେ । ସୌରଭ କାର୍ଯ୍ୟରେ ଯୋଗ ଦେଇନଥିବା ଜଣାପଡିଥିଲା । ପରେ ସୌରଭଙ୍କ ସାଙ୍ଗସାଥୀ ସହ କଥା ହୋଇଥିଲେ । ହେଲେ କେହି କିଛି ସନ୍ତୋଷଜନକ ଉତ୍ତର ଦେଇପାରିନଥିଲେ । ସବୁଆଡୁ ନିରାଶ ହେବା ପରେ ସୌରଭଙ୍କ ମାଆ ଟାଉନ ଥାନାରେ ପୁଅର ନିଖୋଜ ସଂପର୍କରେ ଜଣାଇଥିଲେ । ପୁଅର କୌଣସି ସନ୍ଧାନ ମିଳୁନଥିବାରୁ ଚିନ୍ତାରେ ଅଛନ୍ତି ପରିବାର ଲୋକ । ପୁଅକୁ ଖୋଜି ଆଣିବାକୁ ପୋଲିସ ଓ ନୌସେନାକୁ ନିବେଦନ କରିଛନ୍ତି ପରିବାର ଲୋକ ।

ଚଳିତ ବିଧାନସଭାରେ ବିଶୃଙ୍ଖଳାକୁ ବରଦାସ୍ତ କରାଯିବ ନାହିଁ, ବିରୋଧୀ ଦଳ ବିରୋଧୀ ଭୂମିକା ନିଭାନ୍ତୁ : ବାଚସ୍ପତି

ଭୁବନେଶ୍ବର ୨୩ । ୧: ଆସନ୍ତା ଫେବୃଆରୀ ୧୩ ତାରିଖରୁ ଆରମ୍ଭ ହେବ ସପ୍ତଦଶ ବିଧାନସଭାର ତୃତୀୟ ଅଧିବେଶନ । ୧୩ ତାରିଖରେ ରାଜ୍ୟପାଳଙ୍କ ଅଭିଭାଷଣ ରହିବ । ୧୪ ଓ ୧୫ ତାରିଖ ଦୁଇ ଦିନ ଧରି ଅଭିଭାଷଣ ସମ୍ପର୍କିତ ଆଲୋଚନା ରହିବ ବୋଲି ବାଚସ୍ପତି ସୁରମା ପାଢ଼ୀ କହିଛନ୍ତି । ମୋଟ୍ ୨୮ ଦିନର କାର୍ଯ୍ୟଦିବସ ରହିବ । ୨୮ ଦିନ ଭିତରେ ୩ ଦିନ ସରକାରୀ ଓ ୩ ଦିନ ବେସରକାରୀ କାର୍ଯ୍ୟଦିବସ ରହିବ । ଫେବ୍ରୁଆରୀ ୧୩ରୁ ବିଧାନସଭା ବଜେଟ୍ ଅଧିବେଶନ, ୧୭ରେ ବଜେଟ୍ ଉପସ୍ଥାପନ ୧୭ ତାରିଖରେ ଆଗତ ହେବ ବଜେଟ୍ । ବଜେଟ୍ ଉପରେ ବିସ୍ତୃତ ଆଲୋଚନା ହେବ । ୨୦ ଓ ୨୧ରେ ବଜେଟ୍ ଉପରେ ସାଧାରଣ ଆଲୋଚନା ରହିଛି । ୨୨ ତାରିଖରୁ ମାର୍ଚ୍ଚ ୬ ତାରିଖ ପର୍ଯ୍ୟନ୍ତ ବିଭିନ୍ନ ସ୍ଥାୟୀ କମିଟି ଦ୍ୱାରା ବଜେଟ୍ ଉପରେ ନିରୀକ୍ଷକ ପାଇଁ ନିର୍ଦ୍ଧାରଣ କରାଯାଇଛି । ୭ ମାର୍ଚ୍ଚରେ ସ୍ଥାୟୀ କମିଟି ରିପୋର୍ଟ ଉପସ୍ଥାପନା ହେବ । ୧୦ ମାର୍ଚ୍ଚରୁ ଖର୍ଚ୍ଚ ଦାବି ସମ୍ପର୍କିତ ଆଲୋଚନା ହେବ । ୨୯ ତାରିଖରେ ବିନିଯୋଗ ବିଲ୍ ଉପସ୍ଥାପନ ହେବ, ବଜେଟ୍ ପାରିତ ହେବ । ସରକାରୀ ଦଳ ବଜେଟ୍ ଉପସ୍ଥାପନା କରିବେ । ବିରୋଧୀ ଦଳଙ୍କର ଯଦି କୌଣସି ବିଷୟ ଉପସ୍ଥାପନ କରିବାର ଥିବ ଗଠନମୂଳକ ପରାମର୍ଶ ଦେଲେ ଉପାଦେୟ ହେବ । ବିରୋଧୀ ମାନେ ବିରୋଧାଭାସ କଲେ, ବିଶୃଙ୍ଖଳା କଲେ ଚଳିତ ବିଧାନସଭାରେ ବିଶୃଙ୍ଖଳାକୁ ବରଦାସ୍ତ କରାଯିବ ନାହିଁ । ବିରୋଧୀ ଦଳ ବିରୋଧୀ ଭୂମିକା ନିଭାନ୍ତୁ । ଗଠନମୂଳକ ପରାମର୍ଶ ଦିଅନ୍ତୁ । ସମୟ ଅଛି ସର୍ବଦଳୀୟ ବୈଠକ ଡକାଯିବ । ଏ ନେଇ ତାରିଖ ସ୍ଥିର ହୋଇନି ବୋଲି ବାଚସ୍ପତି ସୁରମା ପାଢ଼ୀ କହିଛନ୍ତି। ସୂଚନାଯୋଗ୍ୟ ଯେ, ଆସନ୍ତା ଫେବୃଆରୀ ୧୩ ତାରିଖରୁ ଆରମ୍ଭ ହେବ ରାଜ୍ୟ ବଜେଟ୍ ଅଧିବେଶନ । ଦୁଇଟି ପର୍ଯ୍ୟାୟରେ ଏହି ଅଧିବେଶନ ଅପ୍ରେଲ ୫ ତାରିଖ ଯାଏଁ ଚାଲିବ । ଫେବୃଆରୀ ୧୩ରୁ ୨୧ ତାରିଖ ଯାଏଁ ପ୍ରଥମ ପର୍ଯ୍ୟାୟ ଅଧିବେଶନ ଚାଲିବ । ଏହାପରେ ଫେବୃଆରୀ ୨୨ରୁ ମାର୍ଚ୍ଚ ୬ ତାରିଖ ପର୍ଯ୍ୟନ୍ତ ଅଧିବେଶନ ବନ୍ଦ ରହିବ । ମାର୍ଚ୍ଚ ୭ରୁ ଅପ୍ରେଲ ୫ ତାରିଖ ପର୍ଯ୍ୟନ୍ତ ଦ୍ୱିତୀୟ ପର୍ଯ୍ୟାୟ ଅଧିବେଶନ ଚାଲିବ । ବିଧାନସଭା ସଚିବାଳୟ ପକ୍ଷରୁ ଜାରି କାର୍ଯ୍ୟସୂଚୀ ଅନୁସାରେ ବଜେଟ୍ ଅଧିବେଶନର ପ୍ରଥମ ଦିନରେ ରାଜ୍ୟପାଳଙ୍କ ଅଭିଭାଷଣ ହେବ । ଫେବୃଆରୀ ୧୭ ତାରିଖରେ ଅର୍ଥ ବିଭାଗ ପାଖରେ ରଖିଥିବା ମୁଖ୍ୟମନ୍ତ୍ରୀ ମୋହନ ଚରଣ ମାଝୀ ୨୦୨୫-୨୬ ଆର୍ଥିକ ବର୍ଷ ପାଇଁ ପୂର୍ଣ୍ଣାଙ୍ଗ ବଜେଟ୍ ଉପସ୍ଥାପନ କରିବେ । ମାର୍ଚ୍ଚ ୨୯ରେ ପାରିତ ହେବ ବ୍ୟୟ ମଞ୍ଜୁରୀ ବିଲ୍ । You Can Read: ସୁରକ୍ଷାକର୍ମୀଙ୍କୁ ସଫଳତା, ମାଲକାନଗିରି ସୀମାନ୍ତରୁ ମାଓବାଦୀଙ୍କ ବଡ଼ ଅସ୍ତ୍ରାଗାର ଠାବ

ଶ୍ରୀଧର ହତ୍ୟା ଘଟଣାର ପର୍ଦ୍ଦାଫାଶ, ପୂର୍ବ ଶତ୍ରୁତାରୁ ସଂଘବଦ୍ଧ ଆକ୍ରମଣ କରିଥିଲେ

ବୌଦ୍ଧ ୨୩/୧: ବୌଦ୍ଧ ଆଦର୍ଶ ଥାନା ବଘିଆପଡା ଫାଣ୍ଡି ନୂଆପାଲି ଗାଁର ଶ୍ରୀଧର ବେହେରା ହତ୍ୟା ଘଟଣା । ୬ ହତ୍ୟାକାରୀଙ୍କୁ ବାନ୍ଧିଲା ପୋଲିସ । ଗିରଫ ୬ ଅଭିଯୁକ୍ତ ଭୁକ୍ତାପଡା ଗାଁର ବିଶ୍ବାମିତ୍ର ବାଦି, ନୂଆପାଲି ଗାଁର ସୁବାସ ଦୀପ, ବିଭୀଷଣ ଦୀପ, ସୁରେଶ ଦୀପ,ଲକ୍ଷ୍ମଣ ଦୀପ ଓ ହର୍ଷ ଦୀପ । ଗତ ୨୦ ତାରିଖ । ସମୟ ରାତି ପ୍ରାୟ ୧୨ଟା । ପୂର୍ବ ଶତ୍ରୁତାକୁ ନେଇ ଶ୍ରୀଧରଙ୍କୁ ଘର ସାମ୍ନାରେ ମରଣାନ୍ତକ ଆକ୍ରମଣ କରିଥିଲେ ଗାଁର ଆଉ ଏକ ପରିବାର । ଟାଙ୍ଗିଆ ଓ ଅନ୍ୟ ମାରଣାସ୍ତ୍ରରେ ଚୋଟ ପରେ ଚୋଟ ପକାଇ ଚାଲିଥିଲେ । ଘଟଣାସ୍ଥଳରେ ହିଁ ରକ୍ତ ଜୁଡୁବୁଡୁ ଅବସ୍ଥାରେ ଶ୍ରୀଧର ଆଖି ବୁଜିଥିଲେ । ଶ୍ରୀଧରଙ୍କ ପରିବାର ଲୋକଙ୍କ ଅଭିଯୋଗ ଆଧାରରେ ଆଦର୍ଶ ଥାନା ପୋଲିସ ୪ ଜଣଙ୍କୁ ଅଟକ ରଖି ପଚରାଉଚରା କରିଥିଲା । ହତ୍ୟାକାଣ୍ଡରେ ଆଉ ୨ ଜଣଙ୍କ ସଂପୃକ୍ତି ଥିବା ୪ ଅଭିଯୁକ୍ତଙ୍କ ଠାରୁ ଜାଣିବାକୁ ପାଇଥିଲା ପୋଲିସ । ପଚାଉଚରା ଓ ଛାନ୍‌ଭିନ୍‌ ପରେ ପୋଲିସ ୬ ଅଭିଯୁକ୍ତଙ୍କୁ ଗିରଫ କରିଛି । ପୂର୍ବ ଶତ୍ରୁତାକୁ ନେଇ ଶ୍ରୀଧରଙ୍କୁ ବୀଭତ୍ସ ହତ୍ୟା କରାଯାଇଥିବା ସ୍ପଷ୍ଟ କରିଛି ପୋଲିସ ।

ନୂଆ ସରକାର ନୂଆ ନୀତିରେ ଚାଲିବ, ଅସାଧୁ ମିଲରଙ୍କୁ କଡ଼ା ଚେତାବନୀ ଦେଲେ ଯୋଗାଣ ମନ୍ତ୍ରୀ

ଭୁବନେଶ୍ବର ୨୩ । ୧: ଅସାଧୁ ମିଲରଙ୍କୁ ଯୋଗାଣ ମନ୍ତ୍ରୀକୃଷ୍ଣ ଚନ୍ଦ୍ର ପାତ୍ରଙ୍କ କଡ଼ା ଚେତାବନୀ।ଯେଉଁ ମିଲର ମାନେ ଅଧିକ କଟ୍‌ନୀ ଛଟ୍‌ନୀ କରୁଛନ୍ତି, କଥା ମାନୁନାହାନ୍ତି, ସେମାନଙ୍କୁ କାରଣ ଦର୍ଶାଅ ନୋଟିସ୍ କରାଯାଇଛି।ଯେଉଁ ମିଲର ସରକାରଙ୍କ ନିୟମ ମାନିବେ ନାହିଁ, ମନମାନି କରିବେ, ପୁରୁଣା ନୀତିରେ ଚାଲିବେ ସେସବୁ ଆଉ ଚାଲିବ ନାହିଁ।ନୂଆ ସରକାର ନୂଆ ନୀତିରେ ଚାଲିବ।କୃଷକ ମାନଙ୍କୁ ହଇରାଣ କଲେ କଡ଼ା ଆକ୍ସନ ହେବ ବୋଲି ଯୋଗାଣ ମନ୍ତ୍ରୀ ଚେତାଇ ଦେଇଛନ୍ତି। କଟ୍‌ନି ଛଟ୍‌ନି କଲେ ତୁରନ୍ତ ସସ୍‌ପେଣ୍ଡ ନିର୍ଦ୍ଦେଶ,ଖରାପ ଧାନ ନଆଣିବାକୁ ଚାଷୀଙ୍କୁ ପରାମର୍ଶ ଗତ ୨୧ ତାରିଖରେ ଯୋଗାଣ ମନ୍ତ୍ରୀ କହିଥିଲେ, ରାଜ୍ୟରେ ସୁରୁଖୁରୁରେ ଚାଲିଛି ଧାନ କିଣା । କଟ୍‌ନି ଛଟ୍‌ନି ହେଉନି । କାଁ ଭାଁ ଯଦି କେଉଁଠି କିଛି ସମସ୍ୟା ହେଉଛି ତାକୁ ସମାଧାନ କରାଯାଉଥିବା କହିଥିଲେ ଯୋଗାଣ ମନ୍ତ୍ରୀ । ବର୍ତ୍ତମାନ ସୁଦ୍ଧା ଆମର ୭୨୦୮ କୋଟି ଟଙ୍କା ଚାଷୀଙ୍କୁ ଦିଆଯାଇଛି । ୩୪ ଲକ୍ଷ ୨୯ ହଜାର ମେଟ୍ରିକ୍ ଟନ୍ ଧାନ ବର୍ତ୍ତମାନ ସୁଦ୍ଧା ସରକାର କିଣି ସାରିଛନ୍ତି । ଯେଉଁଠି କଟ୍‌ନି ଛଟ୍‌ନି ଅଭିଯୋଗ ଆସୁଛି ସେଠି ତୁରନ୍ତ ଆକ୍ସନ ନିଆଯାଉଛି । ଯେଉଁମାନେ କରୁଛନ୍ତି ତାଙ୍କୁ ସସ୍‌ପେଣ୍ଡ କରିବାକୁ ଯୋଗାଣ ମନ୍ତ୍ରୀ କଡ଼ା ନିର୍ଦ୍ଦେଶ ଦେଇଛନ୍ତି । ବର୍ଷା କାରଣରୁ କିଛି ସ୍ଥାନରେ ଧାନ ଡିସକଲର ହୋଇଯାଇଛି । କ୍ଷତିପୂରଣ ପାଇଥିବା ଚାଷୀ ସେହି ଧାନକୁ ମଣ୍ଡିକୁ ନେଇ ଆସୁଥିବାରୁ ସମସ୍ୟା ହେଉଛି । ଖରାପ ଧାନ ମଣ୍ଡିକୁ ନଆଣିବାକୁ ଚାଷୀଙ୍କୁ ଯୋଗାଣ ମନ୍ତ୍ରୀ ନିବେଦନ କରିଥିଲେ । କିଛି ଦିନ ହେଲାଣି ରାଜ୍ୟର ବିଭିନ୍ନ ସ୍ଥାନରୁ ମଣ୍ଡି ଅବ୍ୟବସ୍ଥାର ଚିତ୍ର ସାମ୍ନାକୁ ଆସୁଛି । କେଉଁଠି ଖରାପ ଧାନ କହି ମିଲର ନେଉନାହାନ୍ତି ତ ଆଉ କେଉଁଠି କଟ୍‌ନି ଛଟ୍‌ନିର ଅଭିଯୋଗ ଆଣୁଛନ୍ତି ଚାଷୀ । ପ୍ରଶାସନ ପକ୍ଷରୁ ବିଭିନ୍ନ ସ୍ଥାନରେ ଚଢାଉ ହେଉଥିଲେ ମଧ୍ୟ କିଛି ଦଲାଲ ଗଳାବାଟରେ କାରବାର ଚଳାଇଛନ୍ତି । ସେପଟେ ଭଦ୍ରକରେ ଧାନ ସଂଗ୍ରହ ବେଳେ ମିଲର୍ସଙ୍କ ମନମାନି ପାଇଁ କାର୍ଯ୍ୟାନୁଷ୍ଠାନ । ସମବାୟ ସମିତି ବୁଲିବା ବେଳେ ଜିଲ୍ଲାପାଳ ଅଭିଯୋଗର ତଦନ୍ତ କରିଥିଲେ । ଅଭିଯୋଗର ସତ୍ୟାସତ୍ୟ ଜାଣିବା ପରେ କାର୍ଯ୍ୟାନୁଷ୍ଠାନ ହୋଇଛି । ୩ ମିଲରଙ୍କୁ କାରଣ ଦର୍ଶାଅ ନୋଟିସ୍ ଜାରି ହୋଇଥିଲା । ଉତ୍ତର ନ ରଖିଲେ କାର୍ଯ୍ୟାନୁଷ୍ଠାନ ହେବ ବୋଲି ଜିଲ୍ଲାପାଳ କହିଥିଲେ । ଧାନ ସଂଗ୍ରହ ବେଳେ ମିଲର୍ସଙ୍କ ମନମାନି ପାଇଁ ଜିଲ୍ଲାପାଳଙ୍କ କାର୍ଯ୍ୟନୁଷ୍ଠାନ ଭଦ୍ରକ ଜିଲ୍ଲାରେ ଧାନ ସଂଗ୍ରହ ବେଳେ ମଣ୍ଡି ଓ ମିଲରଙ୍କ ବିରୋଧରେ ଅଭିଯୋଗ ଆସୁଥିଲା । ଏହି ଆଧାରରେ ଭଦ୍ରକ ଜିଲ୍ଲାପାଳ ଦିଲ୍ଲୀପ ରାଉତ ରାଏ ଗେଲଟୁଆ ଓ ଆମ୍ବରୋଳି ସ୍ଥିତ ଦୁଇଟି ମଣ୍ଡି ବୁଲୁଥିଲେ । ଚାଷୀଙ୍କ ସହ ଆଲୋଚନା ପରେ ଅଭିଯୋଗ ଶୁଣିଥିଲେ । ପରେ ୩ଟି ମିଲ୍ ଯଥା ଜେଏମଡି, ୱାଇଜିପି, ଅଦିତିକୁ କାରଣ ଦର୍ଶାଅ ନୋଟିସ୍ ଜାରି ହୋଇଛି । ଉତ୍ତର ନରଖିଲେ କାର୍ଯ୍ୟାନୁଷ୍ଠାନ ନିଆଯିବ ବୋଲି ଜିଲ୍ଲାପାଳ କହିଥିଲେ । ଜିଲ୍ଲାରେ ଭଲ ପ୍ରଦର୍ଶନ କରିଥିବା ମିଲରଙ୍କୁ ପ୍ରଶଂସା କରିଥିଲେ । ତେବେ ଟାର୍ଗେଟ୍‌କୁ ନଜରରେ ରଖି ଆଗକୁ ଅନ୍ୟ ଜିଲ୍ଲାର ମିଲରଙ୍କୁ ମଧ୍ୟ ଧାନ ସଂଗ୍ରହ ପାଇଁ ଦାୟିତ୍ଵ ଦେବା ପାଇଁ ଜିଲ୍ଲା ପ୍ରଶାସନ ନିଷ୍ପତ୍ତି ନେବ ବୋଲି କୁହାଯାଇଛି । You Can Read: ଚଳିତ ବିଧାନସଭାରେ ବିଶୃଙ୍ଖଳାକୁ ବରଦାସ୍ତ କରାଯିବ ନାହିଁ, ବିରୋଧୀ ଦଳ ବିରୋଧୀ ଭୂମିକା ନିଭାନ୍ତୁ : ବାଚସ୍ପତି

ଆମେରିକାରୁ ଇଟାଲୀ ଯାଏଁ ତେଜିଲା ପ୍ରତିବାଦର ସ୍ୱର, ଓଲଟା ଝୁଲିଲା ପ୍ରତିମୂର୍ତ୍ତି

ନୂଆଦିଲ୍ଲୀ ୨୩/୦୧: ମସ୍କଙ୍କ ପିଛା ଛାଡୁନି ବିବାଦ । କୋଟିପତି ଟେକ୍ ଜାଏଣ୍ଟ ଏଲୋନ ମସ୍କଙ୍କୁ ନେଇ ଦିନକୁ ଦିନ ନୂଆ ନୂଆ ଚର୍ଚ୍ଚା । ଟ୍ରମ୍ପ ରାଷ୍ଟ୍ରପତି ହେବା ପରଠୁ ସେ ରହିଆସୁଛନ୍ତି ଲାଇମ୍‌ ଲାଇଟ୍‌ରେ । ଏବେ ନାଜିଙ୍କୁ ସାଲ୍ୟୁଟ୍ ମାରି ସେ ପୁଣି ଚର୍ଚ୍ଚାରେ ସେ । ଏହା ପରେ ତାଙ୍କୁ ସୋସିଆଲ ମିଡିଆରେ ପ୍ରବଳ ସମାଲୋଚନାର ସମ୍ମୁଖୀନ ହେବାକୁ ପଡିଛି । ଆମେରିକାର ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କ ଶପଥ ଗ୍ରହଣ ଉତ୍ସବରେ ମସ୍କଙ୍କ ଇଙ୍ଗିତକୁ ନାଜି ସାଲ୍ୟୁଟ୍ ଭାବରେ ବିବେଚନା କରାଯିବାରୁ ଏହି ମାମଲା ଆରମ୍ଭ ହୋଇଥିଲା। DO NOT BELIEVE THE MEDIA The media is misleading you. Elon Musk never did a Nazi salute. Watch the full video: He simply gestured and said, “Thank you, my heart goes out to you.” pic.twitter.com/e3vBaLoVqx — DogeDesigner (@cb_doge) January 20, 2025 ମସ୍କଙ୍କ ଏହି କାର୍ଯ୍ୟକଳାପର ଫଟୋ ଏବଂ ଭିଡିଓ ସୋସିଆଲ ମିଡିଆରେ ଭାଇରାଲ ହୋଇଗଲା। ଆଉ ସମାଲୋଚକମାନେ ମସ୍କଙ୍କ ଏହି ଇଙ୍ଗିତକୁ ନାଜି ଜର୍ମାନୀର ଏକ ଫାସିବାଦୀ ପ୍ରତୀକ ଭାବରେ ଦେଖିଲେ । ତଥାପି, ମସ୍କ ଏହି ଅଭିଯୋଗଗୁଡ଼ିକୁ ପ୍ରତ୍ୟାଖ୍ୟାନ କରିଛନ୍ତି । ସେ କହିଛନ୍ତି, ସତ କହିବାକୁ ଗଲେ, ବିରୋଧୀଙ୍କୁ ସର୍ବଦା କିଛି ଟପିକ୍ ଦରକାର ଗୋଡ ଟାଣିବାକୁ । ହିଟଲରଙ୍କ ସହ ଯୋଡ଼ି କାହାକୁ ଆକ୍ରମଣ କରିବା ଅତ୍ୟନ୍ତ ବିରକ୍ତିକର ହୋଇପଡ଼ିଛି । ସେ ଟ୍ୱିଟ୍ କରି ନିଜର ପ୍ରତିକ୍ରିୟା ରଖିଛନ୍ତି। ଇଟାଲୀର ମିଲାନର ପ୍ରସିଦ୍ଧ ପିଆଜାଲେ ଲୋରେଟୋରେ ଏକ ଛାତ୍ର ଗୋଷ୍ଠୀ ମସ୍କଙ୍କ ପ୍ରତିମୂର୍ତ୍ତିକୁ ଓଲଟା ଟାଙ୍ଗି ପ୍ରଦର୍ଶନ କରିଥିଲେ । ଏହି ସ୍ଥାନଟି ଐତିହାସିକ ଭାବରେ ଫାସିଷ୍ଟ ନେତା ବେନିଟୋ ମୁସୋଲିନିଙ୍କ ନିର୍ମମତାର ପ୍ରତୀକ । ୧୯୪୫ ମସିହାରେ, ମୁସୋଲିନି ଏବଂ ତାଙ୍କ ସାଥୀମାନଙ୍କୁ ଏହି ସ୍ଥାନରେ ଓଲଟା ଫାଶି ଦିଆଯାଇଥିଲା । ଛାତ୍ର ଗୋଷ୍ଠୀ କାମ୍ବିଆର ରୋଟା ପ୍ରଦର୍ଶନର ଦାୟିତ୍ୱ ନେଇଥିଲେ । ଆଉ ଗୋଟିେ ଗୋଷ୍ଠୀ ମସ୍କଙ୍କୁ ଜଣେ ଫାସିଷ୍ଟ ନେତାଙ୍କ ସହିତ ତୁଳନା କରିଥିଲା।

କମିଶନରେଟ୍ ପୋଲିସର ଆକ୍ସନ, ଗାଡିକୁ କଟା ହେଲା ମୋଡିଫାଏଡ୍ ସାଇଲେନସର୍

ଭୁବନେଶ୍ୱର ୨୩।୦୧ : ବିକଟାଳ ଶବ୍ଦ କରୁଥିବା ଗାଡି ବିରୋଧରେ ଆକ୍ସନ । କମିଶନରେଟ୍ ପୋଲିସ ପକ୍ଷରୁ ବିଭିନ୍ନ ସ୍ଥାନରେ ଚଢାଉ କରାଯାଉଛି । ମୋଡିଫାଏଡ ସାଇଲେସନସର ଲଗାଇଥିବା ଯୁବକଙ୍କ ବାଇକ୍‌କୁ ଜବତ କରାଯାଇଛି । ଏହାସହିତ ମୋଡିଫାଏଡ ସାଇଲେନସର ପାଇପ୍‌କୁ ବି କଟାଯାଇଛି । ଖବର ଅନୁଯାୟୀ, ବାଇକ୍‌ରେ କିଛି ଯୁବକ ମୋଡିଫାଏଡ ସାଇଲନସର ଲଗାଇ ବିକଟାଳ ଶବ୍ଦ କରୁଥିଲେ । ଯାହାଦ୍ୱାରା କି ରାସ୍ତାରେ ଯିବାଆସିବା କରୁଥିବା ଲୋକଙ୍କୁ ବିଭିନ୍ନ ଅସୁବିଧାର ସମ୍ମୁଖୀନ ହେଉଥିଲେ । ଶେଷରେ ଆକ୍ସନକୁ ଆସିଥିଲା କମିଶନରେଟ୍‌ ପୋଲିସ। ବିଭିନ୍ନ ସ୍ଥାନମାନଙ୍କରେ ଚଢାଉ କରି ଗାଡିରେ ଲାଗିଥିବା ମୋଡିଫାଏଡ ସାଇଲେନସର କାଟିଥିଲେ। ଏହିକ୍ରମରେ ଗୁରୁବାର ଦିନ ମଧ୍ୟ ରାଜଧାନୀର ବିଭିନ୍ନ ସ୍ଥାନରେ ଚଢାଉ କରିଥିଲା କମିଶନରେଟ୍‌ ପୋଲିସ। ଏହି ଚଢାଉରେ ବସ୍‌ ଏବଂ ବାଇକରେ ଲାଗିଥିବା ମୋଡିଫାଏଡ୍‌ ସାଇଲେନସର ପାଇପକୁ କଟାଯାଇଛି। ସୂଚନାଯୋଗ୍ୟ ଯେ, କଟକରେ ବୁଧବାର ଦିନ କଟକର ବିଭିନ୍ନ ସ୍ଥାନରେ ଚଢାଉ କରିଥିଲା କମିଶନରେଟ୍‌ ପୋଲିସ । ଏହି ଚଢାଉରେ ୧୨୦ରୁ ଅଧିକ ବସ୍‌ ଅଟକାଇ ଯାଞ୍ଚ୍‌ କରାଯାଇଥିଲା । ଯାହାମଧ୍ୟରେ ୮୫ଟି ବସ୍‍ରେ ପୁଲିସ୍‌ ମଲ୍‌ଟି ଟୋନ୍‍ ହର୍ଣ୍ଣ ଲାଗିଥିବାର କର୍ମଚାରୀମାନେ ଜାଣିବାକୁ ପାଇଥିଲା। ଉକ୍ତ ୮୫ଟି ଯାକ ଗାଡ଼ିରୁ ପୁଲିସ୍‌ ମଲଟି ହର୍ଣ୍ଣ ଖୋଲି ଥିବାର ସୂଚନା ମିଳିଛି। ମୋଟର ଯାନ ଆଇନ୍‌ ଉଲ୍ଲଂଘନ କରିଥିବା ବସ୍‌ଗୁଡ଼ିକରୁ ୫ ଶହ ଟଙ୍କା ଲେଖାଏଁ ପୁଲିସ୍‌ ଜରିମାନା ଆଦାୟ ବି ହୋଇଛି। ଶ୍ରୀଧର ହତ୍ୟା ଘଟଣାର ପର୍ଦ୍ଦାଫାଶ, ପୂର୍ବ ଶତ୍ରୁତାରୁ ସଂଘବଦ୍ଧ କରିଥିଲେ ଆକ୍ରମଣ

ଶ୍ରୀମନ୍ଦିର ବାହାର ଲାଗିବ ଓ୍ୱାଚ୍ ଟାଓ୍ୱାର, ଗର୍ଭଗୃହ ଫଟୋ ଭାଇରାଲ ବି ହେବ ତଦନ୍ତ

ଭୁବନେଶ୍ୱର ୨୩।୦୧ : ଶ୍ରୀମନ୍ଦିର ବାହାରେ ଲାଗିପାରେ ଓ୍ୱାଚ୍‌ ଟାଓ୍ୱାର । ଏନେଇ ରାଜ୍ୟ ସରକାର ଚିନ୍ତା କରୁଛନ୍ତି । ଖୁବଶୀଘ୍ର କୌଣସି ନିଷ୍ପତ୍ତି ନିଆଯାଇପାରେ ବୋଲି କହିଛନ୍ତି ଆଇନ୍‌ମନ୍ତ୍ରୀ ପୃଥ୍ୱୀରାଜ ହରିଚନ୍ଦନ । ଖବର ଅନୁଯାୟୀ, କିଛି ଦିନ ହେବ ଶ୍ରୀମନ୍ଦିର ଉପରେ ଅଜଣା ଡ୍ରୋନ୍‌ ବୁଲୁଛି ।ଯାହାର କୌଣସି ସଠିକ୍‌ ଠିକଣା ଖୋଜି ପାଉନି ପୋଲିସ । ତେବେ ଗୋଟିଏ ପରେ ଶ୍ରୀମନ୍ଦିର ଉପରେ ଡ୍ରୋନ୍‌ ଉଡୁଥିବା ବେଳେ ଆଉ ଗୋଟିଏ ପଟେ ଗର୍ଭଗୃହର ଫଟୋ ମଧ୍ୟ ଭାଇରାଲ ହୋଇଛି । ତେବେ ସବୁ ଘଟଣାକୁ ଦୃଷ୍ଟିରେ ରଖି ରାଜ୍ୟ ସରକାର ନୂଆ ପଦକ୍ଷେପ ନେବାକୁ ଯାଉଛନ୍ତି । ଶ୍ରୀମନ୍ଦିର ବାହାର ବାରମ୍ବାର ଡ୍ରୋନ୍‌ ଉଡୁଥିବାରୁ ଆଗାମୀ ଦିନରେ ଓ୍ୱାଚ୍‌ ଲଗାଇବାକୁ ଯୋଜନା କରୁଛନ୍ତି ରାଜ୍ୟ ସରକାର । ଡ୍ରୋନ କେଉଁଠୁ ଆସୁଛି, ତାକୁ ଉଚ୍ଚତାରୁ ନିରୀକ୍ଷଣ କରାଯାଇ ପାରିବ। ସେହିପରି ଗର୍ଭଗୃହ ଫଟୋ ଭାଇରାଲ ହେବାର ତଦନ୍ତ କରୁଛି ପୋଲିସ। ଯିଏ ବି ଏହା କରିଛି, ତା ବିରୋଧରେ କାର୍ଯ୍ୟାନୁଷ୍ଠାନ ହେବ। ଶ୍ରୀମନ୍ଦିର ସୁରକ୍ଷା ପାଇଁ ସବୁ ବ୍ୟବସ୍ଥା କରାଯିବ। ଚାରି ଦୁଆରରେ ସିସିଟିଭି ଜରିଆରେ କଡା ଚେକିଂ ହେଉଛି। ନୂଆ ସରକାର ନୂଆ ନୀତିରେ ଚାଲିବ, ଅସାଧୁ ମିଲରଙ୍କୁ କଡ଼ା ଚେତାବନୀ ଦେଲେ ଯୋଗାଣ ମନ୍ତ୍ରୀ

ଜାନୁଆରୀ ୩୧ରେ ସରିବ କେୱାଇସି, ତା ପୂର୍ବରୁ ଅଯୋଗ୍ୟ ହିତାଧିକାରୀ କାର୍ଡ ସରେଣ୍ଡର କରିବାକୁ ଯୋଗାଣ ମନ୍ତ୍ରୀଙ୍କ ଅପିଲ୍

ଭୁବନେଶ୍ବର ୨୩ । ୧: ରାସନ କାର୍ଡକୁ ନେଇ ପ୍ରତିକ୍ରିୟା ରଖିଛନ୍ତି ଯୋଗାଣ ମନ୍ତ୍ରୀ କୃଷ୍ଣ ଚନ୍ଦ୍ର ପାତ୍ର । ମନ୍ତ୍ରୀ କହିଛନ୍ତି, ଜାନୁଆରୀ ୩୧ ତାରିଖରେ କେୱାଇସି ଶେଷ ହେବ । ତା ପୂର୍ବରୁ ଅଯୋଗ୍ୟ ହିତାଧିକାରୀ କାର୍ଡ ସରେଣ୍ଡର କରିବାକୁ ପୁଣି ଥରେ ଅପିଲ୍ କଲେ ମନ୍ତ୍ରୀ । ବୋଧେ ଭୟରେ କେୱାଇସି ପାଇଁ ଆସୁନାହାନ୍ତି । କିନ୍ତୁ ଶୀଘ୍ର ସରେଣ୍ଡର କଲେ ଭଲ । ବ୍ଲକରେ ୨୦୦ରୁ ୩୦୦ ଅଧିକ ଅଯୋଗ୍ୟ ହିତାଧିକାରୀ ଅଛନ୍ତି । ସରକାରୀ ଚାକିରି କରି ହାତେଇଛନ୍ତି ରାସନ କାର୍ଡ । ସରେଣ୍ଡର କଲେ ଭଲ ବୋଲି ଯୋଗାଣ ମନ୍ତ୍ରୀ କହିଛନ୍ତି । ଆୟକରଦାତା ନେଉଥିଲେ ରାସନ କାର୍ଡ । କିଛିଦିନ ତଳେ ଏଭଳି ଚାଞ୍ଚଲ୍ୟକର ତଥ୍ୟ ଦେଇଥିଲେ ଯୋଗାଣ ମନ୍ତ୍ରୀ କୃଷ୍ଣଚନ୍ଦ୍ର ପାତ୍ର । ମନ୍ତ୍ରୀ କହିଥିଲେ ପ୍ରାୟ ୪ ଲକ୍ଷ ଆୟକରଦାତା ରାସନ ନେଉଥିଲେ । ଏ ନେଇ ବିଭାଗ ପାଖରେ ତଥ୍ୟ ପହଞ୍ଚିଛି । ଆୟକରଦାତାଙ୍କୁ ରାସନ କାର୍ଡରୁ ବାଦ୍ ଦେବା ପାଇଁ ପ୍ରକ୍ରିୟା ଆରମ୍ଭ ହୋଇଛି । ପୂର୍ବ ସରକାର ସମୟରେ ଆୟକରଦାତା ମାନେ ରାସନ କାର୍ଡ ପାଇଥିଲେ ବୋଲି ମଧ୍ୟ ମନ୍ତ୍ରୀ କହିଥିଲେ । ତେବେ କେତେ ଆୟକରଦାତା ରାସନ କାର୍ଡ ପାଇଛନ୍ତି ତାହାକୁ ନେଇ ଅନୁଧ୍ୟାନ ଚାଲିଛି । ପ୍ରକୃତ ସତ୍ୟାସତ୍ୟ ଜାଣିବାକୁ ଅଧିକାରୀଙ୍କୁ ନିର୍ଦ୍ଦେଶ ଦିଆଯାଇଛି । ରିପୋର୍ଟ ଆସିଲେ କାର୍ଯ୍ୟାନୁଷ୍ଠାନ ନିଆଯିବ । ପୁରା ତଥ୍ୟ ଆସିବା ପରେ ସେମାନଙ୍କୁ ରାସନ କାର୍ଡରୁ ବାଦ୍ ଦିଆଯିବ ବୋଲି ମନ୍ତ୍ରୀ କହିଥିଲେ । ଯୋଗାଣ ମନ୍ତ୍ରୀଙ୍କ ଭୂତ ରାସନ କାର୍ଡ ମନ୍ତବ୍ୟ, କଣ କହିଲେ ବିରୋଧୀ ? ଯୋଗାଣ ମନ୍ତ୍ରୀଙ୍କ ଭୂତ ରାସନ କାର୍ଡ ମନ୍ତବ୍ୟକୁ ନେଇ ଚିହିଁକି ଉଠିଥିଲେ ବିରୋଧୀ । କାଉଣ୍ଟର ଆଟାକ୍ କରି ବିଜେଡି ବିଧାୟକ ସାରଦା ଜେନା କହିଥିଲେ, ରାସନରେ ଭୂତ କାର୍ଡ କହି ଲୋକଙ୍କୁ ଭୂତାଉଛନ୍ତି ସରକାର । ରାସନ କାର୍ଡ ସହ ଆଧାର କାର୍ଡ ସଂଯୋଗ ରହିଛି । ଆଧାର କାର୍ଡ ଭାରତ ସରକାରଙ୍କ ସ୍ବୀକୃତପ୍ରାପ୍ତ । ୬ ମାସ ହେଲା ରାଜ୍ୟ ସରକାର E-KYC ଆଳରେ ଗରିବଙ୍କୁ ରାସନ ଦେଉନାହାନ୍ତି । ଆଧାର କାର୍ଡ ମିଛ କି ? ଯଦି ଆଧାର କାର୍ଡ ରାସନ ସହ ସଂଯୋଗ ତେବେ ଭୂତ କାର୍ଡ ଆସିଲା କେଉଁଠୁ । ଯୋଗାଣ ମନ୍ତ୍ରୀ ଓଡ଼ିଶାବାସୀଙ୍କୁ ଭୁଆଁ ବୁଲାଉଛନ୍ତି । ବାହାର ରାଜ୍ୟରେ ଥିବା ଲୋକେ E-KYC କରିନାହାନ୍ତି । ଯଦି ସେମାନେ E-KYC ପାଇଁ ଆସିବେ ୫ ହଜାର ଖର୍ଚ୍ଚ କରିବେ । ସେହି ହିତାଧିକାରୀଙ୍କୁ ଭୂତ କହି ଭୂତାଉଛନ୍ତି ସରକାର । କଂଗ୍ରେସ ନେତା ସନ୍ତୋଷ ସିଂ ସାଲୁଜା କହିଛନ୍ତି ଜାଲ୍‌ ରାସନକାର୍ଡ ଧାରୀଙ୍କ ଉପରେ ଆକ୍ସନ ହେବା ଦରକାର । ଆୟକର ଦାତା କାର୍ଡ ନେବା ଠିକ୍‌ ନୁହେଁ । You Can Read: ନୂଆ ସରକାର ନୂଆ ନୀତିରେ ଚାଲିବ, ଅସାଧୁ ମିଲରଙ୍କୁ କଡ଼ା ଚେତାବନୀ ଦେଲେ ଯୋଗାଣ ମନ୍ତ୍ରୀ

ଆଜିଠୁ ଭିତରକନିକା ବୁଲିପାରିବେ ପର୍ଯ୍ୟଟକ, କୁମ୍ଭୀର ଗଣନା ପାଇଁ ୯ ଦିନ ଧରି ବନ୍ଦ ଥିଲା

ପଟ୍ଟାମୁଣ୍ଡାଇ ୨୩/୧: ପର୍ଯ୍ୟଟକଙ୍କ ପାଇଁ ଖୁସି ଖବର । ଗୁରୁବାର ଠାରୁ ଖୋଲିଛି ଭିତରକନିକା ଜାତୀୟ ଉଦ୍ୟାନ । ଭିତରକନିକାର ପ୍ରାକୃତିକ ଶୋଭାରାଜିକୁ ବୁଲି ଉପଭୋଗ କରିପାରିବେ ପର୍ଯ୍ୟଟକ । କୁମ୍ଭୀର ଗଣନା ପାଇଁ ଗତ ୧୪ ତାରିଖରୁ ୨୨ ତାରିଖ ଯାଏ ଦୀର୍ଘ ୯ ଦିନ ଧରି ପର୍ଯ୍ୟଟକଙ୍କ ପାଇଁ ବନ୍ଦ ରହିଥିଲା । ନଦୀ ନାଳ ମାନଙ୍କରେ ବୋଟ୍‌ ଚଳାଚଳ ଉପରେ କଟକଣା ଲଗାଯାଇଥିଲା । ପର୍ଯ୍ୟଟକ ଆସିଲେ କୁମ୍ଭୀର ଗଣନାରେ ବାଧା ସୃଷ୍ଟି ହେବା ଆଶଙ୍କା ଥିବାରୁ ଭିତରକନିକା ପର୍ଯ୍ୟଟକଙ୍କ ପାଇଁ ବନ୍ଦ ରଖାଯାଇଥିଲା ।

ସିସିଟିଭିରେ ବ୍ଲାକ୍‌ ଟେପ୍ ଓ ପଣ୍ଡିତଙ୍କ ପାଇଁ କିପ୍ୟାଡ୍‌ ଫୋନ୍, ସାଉଥ୍‌ରୁ କ୍ୟାମେରାମ୍ୟାନ ; କାହିଁକି ଏଭଳି ସିକ୍ରେଟ୍‌ ବିବାହ କଲେ ନୀରଜ ଚୋପ୍ରା ?

ମୁମ୍ଵାଇ ୨୩।୦୧; ଗୋଲଡେନ ବୟ ନୀରଜ ଚୋପ୍ରାଙ୍କ ବିବାହ ସରିଛି । ହେଲେ ତାଙ୍କ ବିବାହକୁ ନେଇ ସରିନି ବିଭିନ୍ନ ଚର୍ଚ୍ଚା । ବିବାହକୁ ନେଇ ଗୋଟିଏ ପରେ ଗୋଟିଏ ଖବର ସାମ୍ନାକୁ ଆସୁଛି। ଗତ ୧୬ ତାରିଖରେ ଟେନିସ ତାରକା ହିମାନୀ- ନୀରଜଙ୍କର ସିକ୍ରେଟ ବିବାହ ହୋଇଥିଲା । ଏବେ ଏହି ଦମ୍ପତି ହନିମୁନରେ ଯାଇଛନ୍ତି । ତେବେ ଏମାନଙ୍କ ବିବାହ ଖବର କାହାକୁ ପୂର୍ବରୁ ଜଣାନଥିଲା । କିମ୍ବା ଏନେଇ ଗଣମାଧ୍ୟମରେ ମଧ୍ୟ ଖବର ପ୍ରସାରଣ କରାଯାଇନଥିଲା । ତେବେ ଏମାନେ ଏତେ ଗୁପ୍ତରେ ବିବାହ କାହିଁକି କରିଛନ୍ତି । ତାହା ଧିରେ ଧିରେ ଏବେ ସାମ୍ନାକୁ ଆସିବାରେ ଲାଗିଛି। ନୀରଜ ଚୋପ୍ରା ଏବଂ ହିମାନୀ ମୋର୍‌ଙ୍କ ବିବାହ ବିଷୟରେ କେହି ଜାଣି ନଥିଲେ। ଏହି ବିବାହ ଉତ୍ସବରେ କେବଳ ଉଭୟଙ୍କ ପରିବାର ସଦସ୍ୟ ଏବଂ କିଛି ବିଶେଷ ସମ୍ପର୍କୀୟ ଉପସ୍ଥିତ ଥିଲା। ବିବାହ ସମ୍ପର୍କରେ କେହି ଯେପରି ସୂଚନା ନ ପାଆନ୍ତି, ସେଥିପାଇଁ ପ୍ରସ୍ତୁତି ଏବଂ ପ୍ରତ୍ୟେକ କାର୍ଯ୍ୟକଳାପ ଉପରେ ୬ ମାସ ଧରି ନଜର ରଖାଯାଇଥିଲା। ଯେଉଁ ରିସର୍ଟରେ ବିବାହ ଅନୁଷ୍ଠିତ ହୋଇଥିଲା, ସେଠାର ସିସିଟିଭି କ୍ୟାମେରାରେ କଳା ଟେପ୍ ଲଗାଯାଇଥିଲା। ସେଥିପାଇଁ ଅଜ୍ଞାତ କ୍ୟାମେରା ମ୍ୟାନ ଯାଇଥିଲେ । କେବଳ ଏତିକି ନୁହେଁ ଯେଉଁ ପଣ୍ଡିତ ସେମାନଙ୍କ ବିବାହ କରିଥିଲେ ତାଙ୍କୁ ଏକ କିପ୍ୟାଡ଼ ମୋବାଇଲ ମଧ୍ୟ ଦିଆଯାଇଥିଲା । ସାଉଥରୁ କ୍ୟାମେରାମ୍ୟାନ ଆସିଥିଲେ । ଯେଉଁମାନେ ନୀରଜ ଏବଂ ହିମାନୀଙ୍କ ଚିହ୍ନି ନଥିଲେ। ଏହି ବିବାହ ନୀରଜ ଚୋପ୍ରାଙ୍କ ଦାଦା ସୁରେନ୍ଦ୍ର ଚୋପ୍ରା ଯୋଜନା କରିଥିଲେ। ବିବାହ ପରେ, ସେ ପ୍ରକାଶ କରିଥିଲେ ଯେ କାର୍ଯ୍ୟକ୍ରମକୁ ସମ୍ପୂର୍ଣ୍ଣ ଗୁପ୍ତ ରଖାଯାଇଥିଲା ବିବାହ ଫଟୋ ଏବଂ ଭିଡିଓ ଲିକ୍ ନ ହେବା ପାଇଁ, ଅତିଥିମାନଙ୍କୁ ମୋବାଇଲ୍ ଫୋନ୍ ବ୍ୟବହାର କରିବାକୁ ବାରଣ କରାଯାଇଥିଲା। ଯୋଗାଯୋଗ ପାଇଁ ସମସ୍ତଙ୍କୁ ୱାକି-ଟକି ବ୍ୟବହାର କରିବାକୁ ଅନୁମତି ଦିଆଯାଇଥିଲା। ସେ କହିଥିଲେ ଯେ ପ୍ରଥମେ ଉଭୟ ପରିବାର ଚଣ୍ଡିଗଡ଼ର ଏକ ହୋଟେଲରେ ପହଞ୍ଚିଥିଲେ। ସେଠାରେ ତାଙ୍କୁ ବିବାହ ବିଷୟରେ ସୂଚନା ଦିଆଯାଇଥିଲା। ସେମାନଙ୍କ ସମସ୍ତଙ୍କର ଫୋନ୍ ମଧ୍ୟ ରଖାଯାଇଥିଲା।

ଗମ୍ଭୀର ଓ ସୂର୍ଯ୍ୟାଙ୍କ ପାଦ ଛୁଇଁବାକୁ ଇଚ୍ଛା, କାହିଁକି ଏମିତି କହିଲେ ସାମସନ୍‌ଙ୍କ ବାପା

ନୂଆଦିଲ୍ଲୀ ୨୩/୦୧: ଭାରତୀୟ କ୍ରିକେଟ ଦଳର ୱିକେଟକିପର-ବ୍ୟାଟସମ୍ୟାନ ସଞ୍ଜୁ ସାମସନ । ସେ ବର୍ତ୍ତମାନ ଇଂଲଣ୍ଡ ବିପକ୍ଷ ପାଞ୍ଚ ମ୍ୟାଚ୍ ବିଶିଷ୍ଟ ଟି-୨୦ ସିରିଜରେ ବ୍ୟସ୍ତ ଅଛନ୍ତି । ଏହି ସିରିଜର ପ୍ରଥମ ମ୍ୟାଚ୍ ୨୨ ଜାନୁଆରୀରେ କୋଲକାତାର ଇଡେନ ଗାର୍ଡେନରେ ଖେଳାଯାଇଛି । ସିରିଜ୍ ଆରମ୍ଭ ହେବା ପୂର୍ବରୁ, ସାମସନଙ୍କ ବାପା ସାମସନ ବିଶ୍ୱନାଥ ସ୍ପୋର୍ଟସ୍ ଟୁଡେକୁ ଦେଇଥିବା ଏକ ସାକ୍ଷାତକାରରେ ସୂର୍ଯ୍ୟକୁମାର ଯାଦବ ଏବଂ ଗୌତମ ଗମ୍ଭୀରଙ୍କ ପ୍ରତି କୃତଜ୍ଞତା ପ୍ରକାଶ କରିଥିଲେ । ସେ କହିଛନ୍ତି ଯେ ସେ ଉଭୟଙ୍କ ପାଦ ଛୁଇଁବାକୁ ଚାହାଁନ୍ତି କାରଣ ସେମାନଙ୍କ ଯୋଗୁଁ ହିଁ ତାଙ୍କ ପୁଅ ଇଂଲଣ୍ଡ ବିପକ୍ଷ ଟି-୨୦ ସିରିଜରେ ଖେଳିବାର ସୁଯୋଗ ପାଇଛି। ସଞ୍ଜୁ ସାମସନଙ୍କ ବାପା ତାଙ୍କ ଏବଂ କେରଳ କ୍ରିକେଟ ଆସୋସିଏସନ (କେସିଏ) ମଧ୍ୟରେ ଚାଲିଥିବା ବିବାଦ ସମ୍ପର୍କରେ ଚାଞ୍ଚଲ୍ୟକର ଖୁଲାସା କରିଛନ୍ତି। ସେ କହିଥିଲେ ଯେ ସାମସନ୍ କେରଳରେ ସୁରକ୍ଷିତ ନୁହଁନ୍ତି ଏବଂ ତାଙ୍କ ପୁଅ ସହିତ କିଛି ମଧ୍ୟ ହୋଇପାରେ । ସେ ଏପରି ମଧ୍ୟ କହିଥିଲେ ଯେ ସେ ଚାହାଁନ୍ତି ଯେ ସାମସନ କେରଳ ଛାଡି ଅନ୍ୟ କୌଣସି ରାଜ୍ୟ ପାଇଁ ଖେଳିବେ। ପ୍ରକୃତରେ, ଏହି ବିବାଦ ସୟଦ ମୁସ୍ତାକ ଅଲୀ ଟ୍ରଫି ଏବଂ ବିଜୟ ହଜାରେ ଟ୍ରଫି ସହିତ ଜଡିତ । ଗତ ବର୍ଷ ଡିସେମ୍ବରରେ, ସାମସନ ସୟଦ ମୁସ୍ତାକ ଅଲି ଟ୍ରଫିରେ କେରଳର ଅଧିନାୟକ ଥିଲେ କିନ୍ତୁ ବିଜୟ ହଜାରେ ଟ୍ରଫି ପୂର୍ବରୁ ଶିବିରରୁ ବିରତି ନେଇଥିଲେ। ଏହା ପରେ ତାଙ୍କୁ ଦଳରେ ସାମିଲ କରାଯାଇ ନଥିଲା। ଏହି ନିଷ୍ପତ୍ତି ଯୋଗୁଁ ସାମସନଙ୍କ ଚାମ୍ପିଅନ୍ସ ଟ୍ରଫିରୁ ବାଦ ପଡ଼ିବା ନେଇ କଳ୍ପନାଜଳ୍ପନା ଆରମ୍ଭ ହୋଇଥିଲା।

ତାତିଲେ ଶତାଧିକ ମହିଳା, ପାଣି ପାଇଁ ବ୍ଲକ କାର୍ଯ୍ୟାଳୟରେ ପକାଇଲେ ତାଲା

ଆନନ୍ଦପୁର ୨୩।୦୧ : ତାତିଲେ ମହିଳା । ପାଣି ପାଇଁ ବ୍ଲକ୍‌ କାର୍ଯ୍ୟାଳୟ ଘେରିଲେ ଶତାଧିକ ମହିଳା । କେନ୍ଦୁଝର ଜିଲ୍ଲା ଆନନ୍ଦପୁର ଉପଖଣ୍ଡ ଘଷିପୁର ବ୍ଲକ ଘେରିଛନ୍ତି ବାତୋ ଗାଁର ଶତାଧିକ ମହିଳା । ଏପିରିକି ପମ୍ପହାଉସ୍‌କୁ ତାଲା ମଧ୍ୟ ପକାଇଦେଲେ ମହିଳା । ଆନନ୍ଦପୁର ଉପଖଣ୍ଡ ଘଷିପୁର ବ୍ଲକ ବାତୋ ଗାଁରେ ଗତ କିଛି ଦିନ ହେବ ପାନୀୟ ଜଳ ସମସ୍ୟା ଲାଗି ରହିଛି । ଯାହାକୁ ନେଇ ମହିଳାମାନେ ବାରମ୍ବାର ଅଭିଯୋଗ କରିଆସୁଥିଲେ । ତଥାପି କୌଣସି ସୁଫଳ ମିଳିନଥିଲା । ଏପିରିକି ସରକାରଙ୍କ ତରଫରୁ ଏଠାରେ ବସୁଧା ଯୋଜନାରେ ପମ୍ପହାଉସ୍ ବସାଯାଇ ଘରକୁ ଘର ପାଇପ ଯୋଗେ ପାନୀୟଜଳ ଯୋଗାଣର ବ୍ୟବସ୍ଥା କରାଯାଇଛି । ହେଲେ କିଛି ଲୋକ ଉକ୍ତ ପାଇପ୍‌ ଲାଇନ୍‌ରେ ମଟର ପମ୍ପ ଲଗାଇଥିବାରୁ ଅନ୍ୟମାନଙ୍କ ଘରକୁ ପାଣିଆସୁନାହିଁ । ଶେଷରେ ପାନୀୟ ଜଳ ପାଇଁ ନଦୀ, ପୋଖରୀ ଉପରେ ନିର୍ଭର କରୁଛନ୍ତି ଗାଁ ଲୋକ । ଅନ୍ୟପଟେ ପାଇପ୍‌ ଯୋଗେ ପାନୀୟଜଳ ଯୋଗାଣର କୌଣସି ନିର୍ଦ୍ଧିଷ୍ଟ ସମୟ ରହୁନାହିଁ । ପମ୍ପ ଅପରେଟର ନିଜ ମନଇଚ୍ଛାରେ ପାଣି ଛାଡୁଥିବାର ଅଭିଯୋଗ ହୋଇଛି । ଏବେ ଠାରୁ ଏଭଳି ପରିସ୍ଥିତି, ଆଗକୁ ଖରାଦିନେ ସ୍ଥିତି ଭୟାନକ ହେବ ବୋଲି ସାଧାରଣ ଲୋକ ପ୍ରଶ୍ନ କରିଛନ୍ତି । ତେଣୁ ଏହି ସମସ୍ୟାର ସମାଧାନ ପାଇଁ ମହିଳାମାନେ ଦାବି କରିଛନ୍ତି ।

‘ଚାଷୀଙ୍କୁ ହଇରାଣ କଲେ କାର୍ଯ୍ୟାନୁଷ୍ଠାନ ହେବ’, ମିଲରଙ୍କୁ ଚେତାବନୀ ଦେଲେ ଖାଦ୍ୟ ଓ ଯୋଗାଣ ମନ୍ତ୍ରୀ

ଭୁବନେଶ୍ୱର: ଖାଦ୍ୟ ଓ ଯୋଗାଣ ମନ୍ତ୍ରୀ କୃଷ୍ଣଚନ୍ଦ୍ର ପାତ୍ର ମିଲରମାନଙ୍କୁ କଡ଼ା ଚେତାବନୀ ଦେଇଛନ୍ତି। ସେ ଚେତାବନୀ ଦେଇ କହିଛନ୍ତି ଯେ, ମିଲରମାନେ ଚାଷୀଙ୍କୁ ହଇରାଣ କରନ୍ତୁ ନାହିଁ। ଯେଉଁମାନେ ଏ ନୀତି ଆପଣେଇବେ ସେମାନଙ୍କ ବିରୋଧରେ ଦୃଢ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ। ସେ ଆହୁରି କହିଛନ୍ତି ଯେ, ଯେଉଁ ମିଲରମାନେ ଅଧ୍ଖଳ କଟନି ଛଟନି କରୁଛନ୍ତି, ଏବଂ କଥା ମାନୁ ନାହାନ୍ତି, ସେମାନଙ୍କୁ କାରଣ ଦର୍ଶାଅ ନୋଟିସ ଜାରି କରାଯାଇଛି। ଯେଉଁ ମିଲରମାନେ ସରକାରଙ୍କ ନିୟମ […]

ଦିଲ୍ଲୀ ନିର୍ବାଚନ : କେଜ୍ରିୱାଲଙ୍କୁ ଅଣନିଶ୍ବାସୀ କଲେଣି କଂଗ୍ରେସ-ବିଜେପି

କନକ ବ୍ୟୁରୋ: ଜମୁଛି ଦିଲ୍ଲୀ ନିର୍ବାଚନ ପ୍ରଚାର ଲଢେଇ । ହାତରେ ୧୫ ଦିନ ଥିବା ବେଳେ ରଣହୁଙ୍କାର ଦେଉଛନ୍ତି ତିନି ପ୍ରମୁଖ ଦଳର ନେତା । କେମିତି ଜନତାଙ୍କ ଭୋଟ୍‌ ନେବେ ସେନେଇ ରଣନୀତି ବି ପ୍ରସ୍ତୁତ କରୁଛନ୍ତି । ହେଲେ କେଜ୍ରିୱାଲଙ୍କୁ ଘେରିବାକୁ ବିରୋଧୀ ବିଜେପି ଓ କଂଗ୍ରେସ ଯେଉଁ ରଣନୀତି ଆପଣାଇଲେଣି ସେଥିରୁ ଗୋଟିଏ କଥା ସ୍ପଷ୍ଟ ହେଉଛି କି, ଆଗାମୀ ନିର୍ବାଚନରେ ଆପର ଅଖଚକ ପୁରା ଜାମ ହୋଇଯିବ । ଲଗାତାର ଦ୍ବିତୀୟ ଥର କ୍ଷମତା ପାଇବା ପରେ ତୃତୀୟ ଥର ସିଏମ ଚୌକିରେ ବସିବାକୁ ଚେଷ୍ଟା କରୁଛନ୍ତି କେଜ୍ରିୱାଲ । ହେଲେ ଏଥର ସତ୍ତାକୁ ଫେରିବାକୁ ଆଦୌ ସହଜ ହେବନି । ଖାସ କରି ବହୁଚର୍ଚ୍ଚିତ ମଦ ଦୁର୍ନୀତିରେ ଛନ୍ଦି ହୋଇ କେଜ୍ରିୱାଲ ଓ ତାଙ୍କ ଦଳୀୟ ନେତାମାନେ ଜେଲ୍‌ ଯିବାଠୁ ଆରମ୍ଭ କରି ମାଳମାଳ ମାମଲାରେ ଫଶିଛନ୍ତି । ତେଣୁ ସାଧାରଣ ଜନତା ଆପ୍‌ ସରକାର ଉପରେ ଏଥର ଆଉ ବିଶ୍ବାସ କରିବେ ନାହିଁ ବୋଲି କୁହାଯାଉଛି । କେଜ୍ରିୱାଲଙ୍କୁ ମହଙ୍ଗା ପଡ଼ିଲା ମୋଦି-ରାହୁଲଙ୍କୁ ଟାର୍ଗେଟ୍‌ ଏବେ ଉଭୟ ଦଳ କରୁଛନ୍ତି କାଉଣ୍ଟର ଆଟାକ୍‌ ଦିଲ୍ଲୀ ନିର୍ବାଚନ ତାରିଖ ଘୋଷଣା ହେବା ପରେ ଆପ୍‌ ପକ୍ଷରୁ ପ୍ରଥମେ ପ୍ରାର୍ଥୀ ଘୋଷଣା ହୋଇଥିଲା । ଦଳର ରଣନୀତି ଦେଖିଲେ ସ୍ପଷ୍ଟ ଭାବରେ ବୁଝାପଡୁଥିଲା କି, ଏଥର କୌଣସି ପରିସ୍ଥିତିରେ ବିରୋଧୀ ଦଳରେ ବସିବାକୁ ସେମାନେ ରାଜି ନାହାନ୍ତି । ସେଇଥି ଲାଗି ତ କେଜ୍ରିୱାଲ ମୋଦି ଓ ରାହୁଲଙ୍କୁ ଟାର୍ଗେଟ୍‌ କରିଥିଲେ ତାହା ପୁଣି ସିଧାସଳଖ । ହେଲେ ସେହି ଟାର୍ଗେଟ୍‌ ଏବେ ଆପ୍‌ ଉପରେ ଭାରି ପଡ଼ିଛି । ଅର୍ଥାତ୍‌, ବିଜେପି ଓ କଂଗ୍ରେସ ପକ୍ଷରୁ ଆପ ଉପରେ ଜୋରଦାର ହମଲା କରାଯାଉଛି । ପ୍ରଥମେ ମଦ ଦୁର୍ନୀତି ଏବେ ସ୍ବାସ୍ଥ୍ୟ ବିଭାଗରେ ଦୁର୍ନୀତି ଦୁର୍ନୀତି ମୁକ୍ତ ନାରା ଦେଇ ଦିଲ୍ଲୀରେ ଦୁଇଦୁଇ ଥର ସରକାର କରିଥିଲେ କେଜ୍ରିୱାଲ । ହେଲେ ତୃତୀୟ ଥର ସେ ଚାଲ ଆଉ ଚଳିବ ନାହିଁ । କାରଣ ଦିଲ୍ଲୀରେ ମଦ ଦୁର୍ନୀତିରେ କୋଟି କୋଟି ଟଙ୍କା ରାଜସ୍ବ ହାନୀ ହୋଇଛି । ଇଏ ତ ଗଲା ମଦ ଦୁର୍ନୀତିର କଥା । ଏବେ ପୁଣି ରାଜ୍ୟ ସରକାରଙ୍କ ବିରୋଧରେ କଂଗ୍ରେସ ଆଣିଛି ସ୍ବାସ୍ଥ୍ୟ ଦୁର୍ନୀତିର ଅଭିଯୋଗ । ଅବକାରୀ ବିଭାଗ ପରି ସ୍ବାସ୍ଥ୍ୟ ବିଭାଗରେ ବି କୋଟି କୋଟି ଟଙ୍କାର ଦୁର୍ନୀତି ହୋଇଥିବା ଜଣାପଡ଼ିଛି । ଯାହାକୁ ନେଇ ଆପ ଉପରେ ଖୁବ ବର୍ଷିଛି କଂଗ୍ରେସ । ଏହାସହ ଦଳ କହିଛି, ସିଏଜି ରିପୋର୍ଟ ଅନୁସାରେ କେଜ୍ରିୱାଲଙ୍କ ବିରୋଧରେ ୩୮୨ କୋଟି ଟଙ୍କାର ଦୁର୍ନୀତି ରହିଛି । ତେଣୁ ଏଥର ଦିଲ୍ଲୀବାସୀ କେଜ୍ରିୱାଲଙ୍କୁ ଆଉ ବିଶ୍ବାସକୁ ନେବେ ନାହିଁ । ମୋଦିଙ୍କ ଟାର୍ଗେଟ୍‌ରେ କେଜ୍ରିୱାଲ ଦିଲ୍ଲୀ ନିର୍ବାଚନ ଲାଗି ଏବେ ରାଜଧାନୀର ରାଜନୈତିକ ପାଣିପାଗ ବେଶ ଉଷ୍ମ ହୋଇଛି । ବିଜେପି ପକ୍ଷରୁ ପ୍ରଚାର ମଙ୍ଗ ଧରିଛନ୍ତି ମୋଦି । ରାଲିରେ ପ୍ରଧାନମନ୍ତ୍ରୀ କହିଛନ୍ତି, ଦୁର୍ନୀତି କହିଲେ ଆପକୁ ବୁଝାଏ । ନିଜେ ମୁଖ୍ୟମନ୍ତ୍ରୀ ଥିବା ବେଳେ ବାସଭବନରେ ଦୁର୍ନୀତିର ଗନ୍ଧ ଆସୁଛି । ସାଧାରଣ ଲୋକଙ୍କୁ ମୌଳିକ ସୁବିଧା ଦେବାକୁ ବି ଆପ୍‌ ଚେଷ୍ଟା କରୁନି । ନିର୍ବାଚନ ଆସୁଥିବାରୁ ନିଇତି ନୂଆନୂଆ ଯୋଜନା ଘୋଷଣା କରୁଛି ଆପ । ବିଭିନ୍ନ ପ୍ରକାର ପ୍ରତିଶ୍ରୁତି ବି ଦେଉଛି ଦଳ । ହେଲେ ସେମାନେ ଭୁଲି ଯାଉଛନ୍ତି କି, ଜନତା ମୁର୍ଖ ନୁହନ୍ତି । ଯୋଜନା କରିବାରେ ଆପ୍‌ ବହୁତ ଡେରି କରିଦେଇଛି ବୋଲି ମୋଦି କହିଛନ୍ତି । ସେ ଆହୁରି ମଧ୍ୟ କହିଛନ୍ତି, ୧୦ ବର୍ଷ କ୍ଷମତାରେ ରହିବା ପରେ ବି ଯୋଜନା କରିବାରେ ସଫଳ ହେଲେନାହିଁ ଯେ ଏବେ ପୁଣି ଯୋଜନା କରୁଛନ୍ତି । କଂଗ୍ରେସ ବି ବର୍ଷିଲା ବିଜେପି ଯେଉଁପରି ଭାବରେ କେଜ୍ରିୱାଲଙ୍କ ଉପରେ ବର୍ଷିଛି । ଠିକ୍‌ ସେମିତି କଂଗ୍ରେସ ବି ଆଟାକ୍‌ କରିଛି କେଜ୍ରିୱାଲଙ୍କ ଉପରେ । ଦଳ କହିଛି, ଦୁର୍ନୀତି କରିବାରେ ମାଷ୍ଟର ହେଉଛି ଆପ୍‌ ସରକାର । ଲୋକଙ୍କ ଟିକସ ପଇସାରେ ସରକାର ଯେଉଁଭଳି ଦୁର୍ନୀତି କରିଛନ୍ତି ତାହାକୁ କେବେ ବି ଗ୍ରହଣ କରିବ ନାହିଁ ଦିଲ୍ଲୀ । ଏଥର ଆପ୍‌ ସରକାର କରିବାରେ କେବେ ସଫଳ ହେବ ନାହିଁ ବୋଲି ଦଳ କହିଛି । ମୋଟ୍‌ ଉପରେ ଦିଲ୍ଲୀର ଜଙ୍ଗ ଜିତିବାକୁ ଏବେ ତିନି ପ୍ରମୁଖ ଦଳ ଗ୍ରାଉଣ୍ଡରେ ଡେରା ପକାଇଛନ୍ତି । ନିଇତି ସଭା କରିବା ସହିତ ନୂଆନୂଆ ଯୋଜନା କରି ଲୋକଙ୍କ ଭୋଟ ନେବାକୁ ଚାହୁଁଛନ୍ତି । ତେଣୁ ଏମିତି ଆରୋପ-ପ୍ରତ୍ୟାରୋପ ରାଜନୀତିରେ କେମିତି କେଜ୍ରିୱାଲ ଭୋଟ୍‌ ବ୍ୟାଙ୍କ ଯୋଗାଡ କରୁଛନ୍ତି ତାହା ଦେଖିବାକୁ ବାକି ରହିଲା ।

ଡିଇଓଙ୍କ ଘରୁ ବାହାରୁଛି ବିଡା ବିଡା ଟଙ୍କା ; ବାବୁଙ୍କ ସମ୍ପତ୍ତି ଦେଖି ଭିଜିଲାନ୍ସ ଅଧିକାରୀ ଟେରା

କନକ ବ୍ୟୁରୋ: ଜିଲ୍ଲା ଶିକ୍ଷାଧିକାରୀଙ୍କ ଘରେ ପୁଳା ପୁଳା ଟଙ୍କା । ବାବୁଙ୍କ ଅମାପ ସମ୍ପତ୍ତି ଦେଖି ଟେରା ଭିଜିଲାନ୍ସ ଅଧିକାରୀ । ଟଙ୍କା ଗଣିବାକୁ ଘର ଭିତରକୁ ଗଲା ଟଙ୍କା ଗଣା ମେସିନ । ଏ ଘଟଣା ବିହାରର। ବିହାର ପଶ୍ଚିମ ଚମ୍ପାରଣ ଜିଲ୍ଲାର ଶିକ୍ଷା ଅଧିକାରୀ ରଜନୀକାନ୍ତ ପ୍ରବୀଣଙ୍କ ଘରୁ ଭିଜିଲାନ୍ସ ଚଢାଉ ସମୟରେ ମୋଟ ୧କୋଟି ୮୬ଲକ୍ଷ ୨୩ହଜାର ୬୬୫ଟଙ୍କା ଟଙ୍କା ଜବତ କରାଯାଇଥିବା ଜଣାପଡିଛି । ଆୟବହିର୍ଭୁତ ସମ୍ପତ୍ତି ଠୁଳ ଅଭିଯୋଗ ଆସିବା ପରେ ଭିଜିଲାନ୍ସର ୩ଟି ଟିମ୍ ପ୍ରବୀଣଙ୍କ ବିଭିନ୍ନ ଠିକଣା ଉପରେ ଚଢାଉ କରିବା ପରେ ଏତେ ପରିମାଣରେ ସମ୍ପତ୍ତି ସାମ୍ନାକୁ ଆସିଛି । ଆଗକୁ ଆହୁରି ଟଙ୍କା ବାହାରିବ ବୋଲି ଆଶଙ୍କା କରୁଛନ୍ତି ଭିଜିଲାନ୍ସ ଅଧିକାରୀ।

ମୁଖ୍ୟମନ୍ତ୍ରୀ ମୋହନ ମାଝୀଙ୍କ ପରେ ବାରବାଟୀ ଟିକେଟ୍ କିଣିଲେ ଧର୍ମେନ୍ଦ୍ର ; ଫେବୃଆରୀ ୯ରେ କଟକରେ ଭାରତ-ଇଂଲଣ୍ଡ ହେବ ୱାନଡେ ମ୍ୟାଚ୍

କନକ ବ୍ୟୁରୋ: ବାରବାଟୀରେ ଅନ୍ତର୍ଜାତୀୟ ମ୍ୟାଚ ପାଇଁ କ୍ରିକେଟ୍ ଫିଭର । ମୁଖ୍ୟମନ୍ତ୍ରୀ ମୋହନ ମାଝୀଙ୍କ ପରେ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ କିଣିଛନ୍ତି ବାରବାଟୀ ଟିକେଟ୍। ଫେବୃଆରୀ ୯ ତାରିଖରେ କଟକ ବାରବାଟୀ ଷ୍ଟାଡିୟମରେ ଭାରତ ଓ ଇଂଲଣ୍ଡ ମଧ୍ୟରେ ଦିନିକିଆ କ୍ରିକେଟ୍ ମ୍ୟାଚ ଅନୁଷ୍ଠିତ ହେବ। ଏହି ଅବସରରେ ଆଜି ସମ୍ବଲପୁରରେ ଓଡ଼ିଶା କ୍ରିକେଟ୍ ଆସୋସିଏସନର ସଦସ୍ୟମାନେ ଭେଟିଛନ୍ତି । କ୍ରିକେଟ୍ ମ୍ୟାଚର ଆୟୋଜନ ଓ ବ୍ୟବସ୍ଥା ଉପରେ ଆଲୋଚନା କରିବା ସହ ମ୍ୟାଚର ଟିକେଟ୍ କିଣିଛନ୍ତି କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ । ତାଙ୍କ ପୂର୍ବରୁ ମୁଖ୍ୟମନ୍ତ୍ରୀ ମୋହନ ମାଝୀ ମଧ୍ୟ ବାରବାଟୀ ମ୍ୟାଚ ପାଇଁ ଟିକେଟ୍ କିଣିଥିଲେ ।ଓଡ଼ିଶା କ୍ରିକେଟ୍ ଆସୋସିଏସନ୍ ପକ୍ଷରୁ କାର୍ୟ୍ୟକାରୀ ସଭାପତି ପଙ୍କଜ ମହାନ୍ତି, ସଂପାଦକ ସଞ୍ଜୟ ବେହେରା, ଅନୁଗୁଳ ବିଧାୟକ ତଥା ଆପେକ୍ସ କାଉନ୍‌ସିଲ ସଦସ୍ୟ ପ୍ରତାପ ପ୍ରଧାନ, ଓଡ଼ିଶା ଅଲିମ୍ପିକ ଆସୋସିଏସନର ସଂପାଦକ ଅଭିଜିତ ପାଲ୍, ପୂର୍ବତନ ବିଧାୟକ ଲଳିଟେନ୍ଦୁ ମହାପାତ୍ର ପ୍ରମୁଖ ମୁଖ୍ୟମନ୍ତ୍ରୀ ମୋହନ ଚରଣ ମାଝୀଙ୍କୁ ଭେଟିଥିଲେ। ଏହି ଅବସରରେ ମୁଖ୍ୟମନ୍ତ୍ରୀ ଏହି ମ୍ୟାଚ୍‌ର ପ୍ରଥମ ଟିକେଟ କିଣିଥିଲେ ।

ଟ୍ରାଫିକ୍ ପୋଲିସର ବଡ଼ କାର୍ଯ୍ୟାନୁଷ୍ଠାନ; ବାଣୀବିହାର ଛକରେ ବିକଟାଳ ହର୍ଣ୍ଣର ଯାଞ୍ଚ

ଭୁବନେଶ୍ୱର: ବାଣୀବିହାର ଛକରେ ବିକଟାଳ ହର୍ଣ୍ଣ ଟ୍ରାଫିକ ପୋଲିସ ଯାଞ୍ଚ କରୁଛି। ଏହି ଯାଞ୍ଚ ସମୟରେ ଟ୍ରାଫିକ ପୋଲିସ ବସ୍‌ରେ ଲାଗିଥିବା ପ୍ରେସର ହର୍ଣ୍ଣ କାଢିଛି। ଏଥିସହ ବାଇକରେ ଲାଗିଥିବା ମୋଡିଫାଏଡ୍ ହର୍ଣ୍ଣର ମଧ୍ୟ ଯାଞ୍ଚ କରୁଛି ଟ୍ରାଫିକ୍ ପୋଲିସ। ସୂଚନାନୁଯାୟୀ, ୫ଟି ସ୍ଥାନରେ ଯାଞ୍ଚ କରି ୪୦ଟି ବସରୁ ହର୍ଣ୍ଣ କାଢ଼ିଲା ଟ୍ରାପିକ ପୋଲିସ। ଗାଡ଼ିରେ ଲାଗିଥିବା ଏହି ବିକଟାଳ ହର୍ଣ୍ଣ ରାସ୍ତାର ଯାଉଥିବା ଲୋକଙ୍କୁ ବିପଦରେ ପକାଇଥାଏ। ଏଥିସହ ଧ୍ୱନି ପ୍ରଦୂଷଣ କରିଥାଏ। ଏହି […]

ବୟଫ୍ରେଣ୍ଡ ସହିତ ମିଶି ସ୍ବାମୀକୁ ମାରିଲା ସ୍ତ୍ରୀ, ସତ ଲୁଚାଇବା ପାଇଁ Sex power ଔଷଧ କାରଣ ବୋଲି କହିଲା

ନୂଆଦିଲ୍ଲୀ: କାନପୁରରେ ଜଣେ ମହିଳା ଏପରି ଅପରାଧ କରିଛନ୍ତି ଯେ ଏହା ଜାଣି ପୋଲିସ ମଧ୍ୟ ଆଶ୍ଚର୍ଯ୍ୟ ହୋଇଯାଇଥିଲା। ପ୍ରକୃତରେ, ମହିଳା ଜଣକ ପ୍ରଥମେ ତାଙ୍କ ପ୍ରେମିକଙ୍କ ସହିତ ମିଶି ତାଙ୍କ ସ୍ୱାମୀଙ୍କୁ ଗଳାକାଟି ହତ୍ୟା କରିଥିଲେ । ତାପରେ, ଏହି ହତ୍ୟା ଡ୍ରଗ୍ସ ଓଭରଡୋଜ୍ ଯୋଗୁଁ ହୋଇଥିଲା ବୋଲି ପ୍ରମାଣ କରିବା ପାଇଁ, ସ୍ୱାମୀଙ୍କ ପକେଟରେ ଶକ୍ତି ବୃଦ୍ଧିକାରୀ କ୍ୟାପସୁଲର 8ଟି ରାପର ରଖିଦେଇଥିଲେ । ତେବେ ପୋଷ୍ଟମର୍ଟମ ରିପୋର୍ଟ ଆସିବା ପରେ ସମସ୍ତ ତଥ୍ୟ […]

କଠୋର ହେଲେ ବାଚସ୍ପତି ; କହିଲେ ବରଦାସ୍ତ କରାଯିବନି ବିଶୃଙ୍ଖଳା

କନକ ବ୍ୟୁରୋ: ଚଳିତ ବିଧାନସଭାରେ ବିଶୃଙ୍ଖଳାକୁ ବରଦାସ୍ତ କରାଯିବ ନାହିଁ । ବିରୋଧୀ ଦଳଙ୍କର ଯଦି କୌଣସି ବିଷୟ ଉପସ୍ଥାପନ କରିବାର ଥିବ ତେବେ ଗଠନ ମୂଳକ ପରାମର୍ଶ ଦେଲେ ଉପାଦେୟ ହେବ ବୋଲି କହିଛନ୍ତି ବାଚସ୍ପତି ସୁରମା ପାଢୀ । ଫେବ୍ରୁଆରୀ ୧୩ରୁ ସପ୍ତଦଶ ବିଧାନସଭାର ତୃତୀୟ ଅଧିବେଶନ ଆରମ୍ଭ ହେବ । ପ୍ରଥମ ଦିନ ରାଜ୍ୟପାଳଙ୍କ ଅଭିଭାଷଣ ରହିବ । ୧୪ ଓ ୧୫ ଦୁଇ ଦିନ ଧରି ଅଭିଭାଷଣ ସମ୍ପର୍କିତ ଆଲୋଚନା ରହିବ । ଏଥର ୨୮ ଦିନ ରହିବ କାର୍ୟ୍ୟଦିବସ । ୧୭ ତାରିଖରେ ଆଗତ ହେଵ ବଜେଟ । ୨୦ ଓ ୨୧ ତାରିଖରେ ବଜେଟ ଉପରେ ସାଧାରଣ ଆଲୋଚନା ରହିଛି । ମାର୍ଚ୍ଚ ୭ରେ ସ୍ଥାୟୀ କମିଟି ରିପୋର୍ଟ ଉପସ୍ଥାପନ ହେବ । ତେବେ ପୂର୍ବରୁ ଶୀତକାଳୀନ ଅଧିବେଶନ ପାଇଁ ବାଚସ୍ପତି ସର୍ବଦଳୀୟ ବୈଠକ ଡାକିଥିଲେ ବି ବିରୋଧୀଙ୍କ ହଟ୍ଟଗୋଳରେ ଗୃହ ଚାଲିବାରେ ସମସ୍ରା ହୋଇଥିଲା। ଏହାକୁ ଦୃଷ୍ଟିରେ ରଖି ହେବାକୁ ଥିବା ବଜେଟ୍ ଅଧିବେଶନ ପାଇଁ ସଚେତନ ହୋଇଛନ୍ତି ଶାସକ ଦଳ ଓ ବାଚସ୍ପତି।

ଅସୁରକ୍ଷିତ ବଲିଉଡ୍: ଷ୍ଟାରଙ୍କୁ ମିଳୁଛି ଧମକ ପରେ ଧମକ, ସଙ୍କଟ ଘେରରେ ବଲିଉଡ୍

କନକ ବ୍ୟୁରୋ: ବଲିଉଡ ଉପରେ ସଙ୍କଟର କଳା ବାଦଲ । କାରଣ ବଲିଉଡ ଷ୍ଟାରଙ୍କୁ ମିଳୁଛି ଧମକ ପରେ ଧମକ । ଅସୁରକ୍ଷିତ ହୋଇପଡିଛନ୍ତି ବଲିଉଡ ଷ୍ଟାର । ପ୍ରଥମେ ସଲମାନ ଖାନଙ୍କୁ ଜୀବନରୁ ମାରିଦେବାକୁ ହତ୍ୟା ଧମକ ପରେ ସୈଫ ଅଲ୍ଲୀ ଖାନଙ୍କୁ ତାଙ୍କ ଘରେ ମରଣାନ୍ତରକ ଆକ୍ରମଣ । ଆଉ ଏବେ କମେଡି କିଙ୍ଗ କପିଲ ଶର୍ମା, ରାଜପାଲ ଯାଦବ, ସୁଗନ୍ଧା ଶର୍ମା ଓ କୋରିଓଗ୍ରାଫର-ଡିରେକ୍ଟର ରେମୋ ଡିସୁଜାଙ୍କୁ ଧମକପୂର୍ଣ୍ଣ ଇମେଲ ଆସିଛି । ଯାହାକୁ ନେଇ ବଲିଉଡରେ ଏବେ କୋକୁଆ ଭୟ ସୃଷ୍ଟି ହୋଇଛି । ଆଉ କେତେବେଳେ କାହା ପାଳି ପଡିବ ତାହା ବି କହିବା ଅସମ୍ଭବ । କେବଳ ଧମକ ନୁହେଁ କମେଡି କିଙ୍ଗ୍ କପିଲ ଶର୍ମାଙ୍କୁ ହତ୍ୟା ଧମକ ମିଳିଛି । ପାକିସ୍ତାନରୁ ଇ-ମେଲ ଯୋଗେ ଆସିଛି ହତ୍ୟା ଧମକ। କେବଳ କପିଲ ଶର୍ମା ନୁହଁନ୍ତି ତାଙ୍କ ସହ ଅନ୍ୟ ୩ କଳାକାରଙ୍କୁ ମଧ୍ୟ ଜୀବନରୁ ମାରିଦେବାକୁ ଧମକ ଆସିଛି। ଏହାକୁ ନେଇ ରାଜପାଲ ଯାଦବ, ରେମୋ ଡିସୁଜା ଓ ସୁଗନ୍ଧା ମିଶ୍ରା ଥାନାର ଦ୍ବାରସ୍ଥ ହୋଇଛନ୍ତି । ଅଭିଯୋଗ ପରେ ତଦନ୍ତ ଆରମ୍ଭ କରିଛି ମୁମ୍ବାଇ ପୋଲିସ । ମେଲରେ କେବଳ କଳାକାରଙ୍କୁ ନହେଁ ବରଂ ତାଙ୍କ ସମ୍ପର୍କୀୟଙ୍କ ମଧ୍ୟ ଟାର୍ଗେଟ କରାଯାଇଛି । ଏହି ଧମକପୂର୍ଣ୍ଣ ମେଲଟି ବିଷ୍ଣୁ ନାମକ ଜଣେ ବ୍ୟକ୍ତିଙ୍କ ନାଁରେ ଆସିଛି । ମେଲରେ ଲେଖା ଅଛି କି, ଏହା କୌଣସି ପବ୍ଲିସିଟି ଷ୍ଟଣ୍ଟ ନୁହେଁ କି ଆପଣଙ୍କୁ ହଇରାଣ କରିବାର କୌଣସି ଉଦ୍ଦେଶ୍ୟ ନାହିଁ ଆମର । ଆମ ପାଖରେ ତୁମର ସବୁ ଆକ୍ଟିଭିଟିର ସୂଚନା ରହିଛି । ଆମେ ଆଗାମୀ ୮ ଘଣ୍ଟା ଭିତରେ ତୁମଠାରୁ ତତ୍କାଳ ପ୍ରତିକ୍ରିୟା ଆଶା କରୁଛୁ । ଯଦି ଏପରି ନହୁଏ ତେବେ ଆମେ ଜାଣିନେବୁ ଯେ ଆପଣ ଆମ ମେସେଜକୁ ଗମ୍ଭୀରତା ସହ ନେଇ ନାହାନ୍ତି । ପ୍ରଥମେ ଗ୍ୟାଙ୍ଗଷ୍ଟରଙ୍କ ଟାର୍ଗେଟକୁ ଆସିଥିଲେ ସଲମାନ ଖାନ । ଭାଇଜାନଙ୍କୁ ଥରେ କି ଦୁଇ ଥରନୁହେଁ ଅନେକ ଥର ହତ୍ୟା ଧମକ ମିଳିଥିଲା । ଗ୍ୟାଙ୍ଗଷ୍ଟର ଲରେନ୍ସ ବିଷ୍ନୋଇଙ୍କ ନାଁରେ ତାଙ୍କୁ ଧମକ ମିଳିଥିଲା । ଆଉ ଧମକ ଦେଇଥିବା ବ୍ୟକ୍ତି ନିଜକୁ ଲରେନ୍ସ ବିଷ୍ନୋଇର ଭାଇ ବୋଲି ପରିଚୟ ଦେଇଥିଲେ । ଆଉ କହିଥିଲେ ସଲମାନ ଖାନ ଯଦି ନିଜ ଜୀବନ ବଞ୍ଚାଇବାକୁ ଚାହୁଁଛନ୍ତି ତେବେ ସେ ଆମ ମନ୍ଦିରକୁ ଯାଇ ୫କୋଟି ଟଙ୍କା ଦିଅନ୍ତୁ ଆଉ ଭୁଲ ମାଗନ୍ତୁ । କୁହାଯାଉଛି କି ସଲମାନ ଖାନ କୃଷ୍ଣସାର ମୃଗ ଶିକାର କରିବା ତାଙ୍କୁ ଭାରି ପଡିଥିଲା, ଯେଉଁଥିପାଇଁ ସେ ଲରେନ୍ସ ବିଷ୍ନୋଇର ଟାର୍ଗେଟକୁ ଆସିଥିଲେ । କାରଣ ବିଷ୍ନୋଇ ସମାଜ କୃଷ୍ଣସାର ମୃଗକୁ ପୂଜା କରନ୍ତି । ସେହିପରି ସୈଫ ଅଲ୍ଲି ଖାନଙ୍କୁ ମରଣାନ୍ତକ ଆକ୍ରମଣ ମୁମ୍ବାଇ ପୋଲିସ ପାଇଁ ଚ୍ୟାଲେଞ୍ଜ ସୃଷ୍ଟି କରିଥିଲା । ମଧ୍ୟରାତିରେ ସୈଫଙ୍କ ଘରେ ଚୋରି ଉଦ୍ଦେଶ୍ୟରେ ପଶି ଜଣେ ଦୃର୍ବୃତ୍ତ ସୈଫଙ୍କୁ ଆକ୍ରମଣ କରିଥିଲା । ଠିକ ସମୟରେ ହସ୍ପିଟାଲରେ ପହଞ୍ଚିବା ଯୋଗୁଁ ତାଙ୍କ ଜୀବନ ବଞ୍ଚିଯାଇଥିଲା ସତ, ହେଲେ ଜଣେ ବଲିଉଡ କଳାକାର ଯଦି ନିଜେ ଘରେ ସୁରକ୍ଷିତ ରହିପାରୁନାହାନ୍ତି ତେବେ ସାଧାରଣ ଲୋକ କେମିତି ସୁରକ୍ଷିତ ବୋଲି ପ୍ରଶ୍ନ ଉଠିଥିଲା । ଏହି ଘଟଣାରେ ଆକ୍ରମଣ କରିଥିବା ଦୁର୍ବୃତ୍ତ ଜଣକ ବାଂଲାଦେଶର ବୋଲି ଜଣାପଡିଥିଲା । ସେହି ଦୃର୍ବୃତ୍ତ ଜଣକ ସୈଫଙ୍କୁ ଆକ୍ରମଣ କରିବା ପୂର୍ବରୁ ଶାହାରୁଖଙ୍କ ମନ୍ନତ ପାଖରେ ରେକି କରୁଥିବାର ମଧ୍ୟ ସିସିଟିଭିରୁ ଜଣା ପଡୁଥିଲା । ଏବେ ପ୍ରଶ୍ନ ଉଠୁଛି, ମୁମ୍ବାଇରେ କେତେ ସୁରକ୍ଷିତ ବଲିଉଡ ଅଭିନେତା? କାହିଁକି ବାରମ୍ବାର ଧମକର ଶିକାର ହେଉଛନ୍ତି ଷ୍ଟାର? ପାକିସ୍ତାନର ବଲିଉଡ ଉପରେ କଣ ରହିଛି ରାଗ? କିଏ ଓ କାହିଁକି ଦେଲା ଏଭଳି ଧମକପୂର୍ଣ୍ଣ ମେଲ୍? ଏବେ ନଜର ରହିବ ମୁମ୍ବାଇ ପୋଲିସ ଏହି ଚ୍ୟାଲେଞ୍ଜକୁ କେମିତି ଗ୍ରହଣ କରିବ?

ନବ ଦାସ ହତ୍ୟାକାଣ୍ଡ ମାମଲାରେ  ଖୁବଶୀଘ୍ର ସରକାର ନିଷ୍ପତ୍ତି ନେବେ : ଆଇନ ମନ୍ତ୍ରୀ

କନକ ବ୍ୟୁରୋ : ନବ ଦାସ ହତ୍ୟାକାଣ୍ଡ ମାମଲାରେ ସିବିଆଇ ତଦନ୍ତ କରିବାକୁ ଝିଅ ଦୀପାଳି ଦାବି କରିବା ପରେ ଏହାକୁ ନେଇ ରାଜନୈତିକ ବୟାନବାଜି ଜାରି ରହିଛି। ଏ ଘଟଣା ନବୀନ ସରକାରଙ୍କ ସମୟରେ ଘଟିବା ସହ ସେ ସରକାର ସମୟରେ ଅନେକ ମାସ ମିତିଯିବା ପରେ ବି ଏବେ ବିଜେପି ସରକାରଙ୍କୁ ଦୋଷ ଦେବାରେ ଲାଗିଛନ୍ତି ବିରୋଧୀ ଏବଯ ତାଙ୍କ ଝିଅ ଦୀପାଳି। ଏହାକୁ ନେଇ ମୁହଁ ଖୋଲିଛନ୍ତି ଆଇନମନ୍ତ୍ରୀ ପୃଥ୍ବୀରାଜ ହରିଚନ୍ଦନ। କହିଛନ୍ତି ଏହି ମାମଲାରେ ତଦନ୍ତ ପ୍ରକ୍ରିୟା କଣ ହେବ, ସେ ନେଇ ସରକାର ଆଗକୁ ନିଷ୍ପତ୍ତି ନେବେ, ବିଭିନ୍ନ ତଥ୍ୟ ଗୋଟି ଗୋଟି କରି ସାମ୍ନାକୁ ଆସୁଛି। ସେ ଆହୁରି ମଧ୍ୟ କହିଛନ୍ତି, ପୂର୍ବ ସରକାର ସମୟରେ ଭୟର ବାତାବରଣ ଥିବାରୁ ଅନେକ ଲୋକ ମୁହଁ ଖୋଲୁନଥିଲେ, ଏପରିକି ନବ ଦାସଙ୍କ ପରିବାର ଲୋକ ମଧ୍ୟ ମୁହଁ ଖୋଲିବାକୁ ସାହାସ କରୁନଥିଲେ, ସେ ଭୟ ଦୂରେଇ ଯାଇଛି । ତେଣୁ ଅନେକ ତଥ୍ୟ ଧୀରେ ଧୀରେ ସାମ୍ନାକୁ ଆସିବା ଆରମ୍ଭ ହୋଇଛି ଆଉ ସେହି ସବୁ ତଥ୍ୟକୁ ହୁଏତ ଆଗାମୀ ଦିନରେ ତଦନ୍ତ ପରିସରଭୁକ୍ତ କରାଯିବ।

‘ଶ୍ରୀମନ୍ଦିର ବାହାରେ ଲଗାଯାଇପାରେ ୱାଚ ଟୱାର’, ଆଇନ ମନ୍ତ୍ରୀଙ୍କ ସୂଚନା

ପୁରୀ: ଶ୍ରୀମନ୍ଦିରକୁ ଜଗିବ ୱାଚ ଟାୱାର। ଏ ନେଇ ସୂଚନା ଦେଇଛନ୍ତି ଆଇନ ମନ୍ତ୍ରୀ ପୃଥ୍ୱୀରାଜ ହରିଚନ୍ଦନ। ଗର୍ଭଗୃହର ଫଟୋ ଏବଂ ଭିଡିଓ ଭାଇରାଲ ପରେ ଏଭଳି ୱାଚ ଟାୱାର ପାଇଁ ନିଷ୍ପତ୍ତି ନେଉଛନ୍ତି ସରକାର। ଶ୍ରୀମନ୍ଦିର ଉପରେ ଡ୍ରୋନ ଉଡିବା ଏବଂ ମନ୍ଦିର ଭିତରର ଫଟୋ ଓ ଭିଡିଓ ଭାଇରାଲକୁ ଦୃଷ୍ଟିରେ ରଖି ଏଭଳି ନିଷ୍ପତ୍ତି ନିଆଯାଉଛି। ୱାଚ ଟାୱାର ଲଗାଇବାକୁ ସରକାର ଚିନ୍ତା କରୁଛନ୍ତି। ଆଇନ ମନ୍ତ୍ରୀ ପୃଥ୍ୱୀରାଜ ହରିଚନ୍ଦନ ସୂଚନା ଜାରି କରି […]

ବିରୋଧୀଙ୍କୁ ଚେତାବନୀ ଦେଲେ ବାଚସ୍ପତି, ବିରୋଧୀଙ୍କ ବିଶୃଙ୍ଖଳାକୁ ବରଦାସ୍ତ କରାଯିବନି

ନୂଆଦିଲ୍ଲୀ: ଫ୍ରେବୁୟାରୀ 13 ତାରିଖରୁ ସପ୍ତାଦଶ ବିଧାନସଭାର ତୃତୀୟ ଅଧିବେସନ ଆରମ୍ଭ ହେବ । ଏହା ପୂର୍ବରୁ ବିରୋଧୀଙ୍କୁ ଚେତାବନୀ ଦେଇଛନ୍ତି ବାଚସ୍ପତୀ ସୁରମା ପାଢୀ । ବିଧାନସଭାରେ ବିଶୃଙ୍ଖଳା କଲେ କାର୍ଯ୍ୟାନୁଷ୍ଠାନ ନିଆଯିବ ବୋଲି ସେ କହିଛନ୍ତି । 13ରୁ ବିଧାନସଭା- ଆସନ୍ତା ଫେବୃଆରୀ 13 ତାରିଖରେ ଆରମ୍ଭ ହେବ ବିଧାନସଭା । 13 ତାରିଖରେ ମହାମହିମ ରାଜ୍ୟପାଳ ଅଭିଭାଷଣ ପ୍ରଦାନ କରିବେ । ଏହାପରେ 14 ଏବଂ 15 ତାରିଖରେ ଅଭିଭାଷଣ ସମ୍ପର୍କରେ ଆଲୋଚନା […]

ସୁବାଷ ଚନ୍ଦ୍ର ବୋଷ ଆଜି ବି ଅମର, ଜାଣନ୍ତୁ ତାଙ୍କର ବିମାନ ଦୁର୍ଘଟଣା ଏବଂ ନିଖୋଜ ହେବାର ରହସ୍ୟ

ନୂଆଦିଲ୍ଲୀ: ମହାନ ସ୍ୱାଧୀନତା ସଂଗ୍ରାମୀ ନେତାଜୀ ସୁବାଷ ଚନ୍ଦ୍ର ବୋଷଙ୍କର ଆଜି ଜନ୍ମ ଦିବସ । ସାରା ଦେଶ ଏହି ଦିନକୁ ପରାକ୍ରମ ଦିବସ ଭାବେ ପାଳନ କରୁଛି । ସରକାର ୨୦୨୧ ମସିହାରେ ନେତାଜୀ ସୁବାଷ ଚନ୍ଦ୍ର ବୋସଙ୍କ ଜନ୍ମଦିନକୁ ୨୩ ଜାନୁଆରୀ ଦିନ ପରାକ୍ରମ ଦିବସ ଭାବେ ପାଳନ କରିବାକୁ ଘୋଷଣା କରିଥିଲେ । ଆଜି ବି ସୁବାଷ ଚନ୍ଦ୍ର ବୋଷଙ୍କର ମୃତ୍ୟୁକୁ ନେଇ ଦ୍ୱନ୍ଦ୍ୱ ରହିଛି। ଅନେକଙ୍କ କହିବାନୁଯାୟୀ, ବିମାନ ଦୁର୍ଘଟଣାରେ ସୁବାଷ […]

ନବଦାସଙ୍କ ମୃତ୍ୟୁ ମାମଲା : ସୁରେଶ ପୂଜାରୀ ଦେଲେ ଚାଞ୍ଚଲ୍ୟକର ବୟାନ

କନକ ବ୍ୟୁରୋ : ପୂର୍ବତନ କ୍ୟାବିନେଟ୍‌ ମନ୍ତ୍ରୀ ନବଦାସ ମୃତ୍ୟୁ ମାମଲାକୁ ନେଇ ଚାଞ୍ଚଲ୍ୟକର ବୟାନ ଦେଇଛନ୍ତି ମନ୍ତ୍ରୀ ସୁରେଶ ପୂଜାରୀ । ମାସେ ହେଲାଣି ନବଙ୍କ ମୃତ୍ୟୁକୁ ନେଇ ଗୋଟିଏ ପରେ ଗୋଟିଏ ଗୁମର ଖୋଲିବାରେ ଲାଗିଛି । ଆଉ ଏହି ସମୟରେ ବଡ ବୟାନ ଦେଇଛନ୍ତି ସୁରେଶ ପୂଜାରୀ । କହିଛନ୍ତି, ମୁଁ ସେତେବେଳେ ମୃତ୍ୟୁକୁ ନେଇ ଅନେକ ତଥ୍ୟ ଦେଇଥିଲି ହେଲେ ତାହା ଆଇସୋଲେସନ୍‌ରେ ରହିଗଲା । ପୁଣି ତଥ୍ୟ ଅଛିଟ୍ଟଏ ଦିଗରେ ତଦନ୍ତ କଲେ ଦୋଷୀ ଧରାପଡ଼ିବ । ବିଜେଡି ସରକାର ଥିବା ବେଳେ କ୍ୟାବିନେଟ୍‌ ମନ୍ତ୍ରୀ ଥିଲେ ନବବାବୁ । ସରକାରୀ ଗସ୍ତରେ ଥିବା ବେଳେ ତାଙ୍କ ଉପରକୁ ଗୁଳି ମାଡ଼ ହୋଇଥିଲା । ସଙ୍ଗେ ସଙ୍ଗେ ସେଠାରେ ସେ ଗୁରୁତର ହୋଇପଡିଥିଲେ । ପ୍ରଥମେ ଜିଲ୍ଲା ମୁଖ୍ୟ ଚିକିତ୍ସାଳୟରେ ତାଙ୍କୁ ଭର୍ତ୍ତି କରାଯାଇଥିଲା ଚିକିତ୍ସା ଲାଗି । ଡାକ୍ତର ସେଠାରେ ଇସିଜି କରିଥିଲେ..ହେଲେ ସେହି ଇସିଜି ରିପୋର୍ଟକୁ ନେଇ କେଁ ଦେଖାଦେଇଥିବା । ପରେ ପରେ ତଦନ୍ତଭାର ଯାଇଥିଲା କ୍ରାଇମବ୍ରାଞ୍ଚକୁ । ହେଲେ ବାବୁମାନେ କାହା ଚାପରେ କେମିତି ତଦନ୍ତ କଲେ ଯେ ଘଟଣାର ଦୁଇବର୍ଷ ପୂରିବାକୁ ବସିଲାଣି ହତ୍ୟା ଷଡ଼ଯନ୍ତ୍ରର ମାଷ୍ଟରମାଇଣ୍ଡ କିଏ ଥିଲେ ସେନେଇ କିଛି ଜଣାପଡ଼ିଲା ନାହିଁ । ଖାଲି ଏତିକି ନୁହେଁ ବରଂ ପ୍ରତ୍ୟକ୍ଷଦର୍ଶୀଙ୍କ ବୟାନରେ ବି ଭୁଲ ରିପୋର୍ଟ ଦର୍ଶାଯାଇଥିବା ରିପୋର୍ଟରେ କୁହାଯାଇଛି । ଏହାସହ ଜାଣିଶୁଣି ମାମଲାକୁ ଚପା ଯାଇଥିବା ଅଭିଯୋଗ ହୋଇଛି । ଦିନ ଯେତିକି ଗଡୁଛି, ମାମଲାକୁ ନେଇ ସେତିକି ଚାପା ଗୁଞ୍ଜରଣା ସୃଷ୍ଟି ହେଉଛି । ଏହାରି ଭିତରେ ନବଦାସଙ୍କ ଝିଅ ଦୀପାଳି ବି ସିବିଆଇ ତଦନ୍ତ ଦାବି କରିଛନ୍ତି । ହେଲେ ଏବେ ସୁରେଶ ଯେଉଁ ବୟାନ ଦେଇଛନ୍ତି ସେଥିରୁ ଗୋଟିଏ କଥା ସ୍ପଷ୍ଟ ହେଉଛି କି ମାମଲାକୁ ଚାପିବାକୁ କେଉଁଠି ନା କେଉଁଠି ଚକ୍ରାନ୍ତ ସୃଷ୍ଟି ହୋଇଥିଲା । ଆଉ ଏବେ ସରକାର ବଦଳିବା ପରେ ପୁଣି ଥରେ ତଦନ୍ତ ହେବ, ଏବଂ ଯେଉଁମାନେ ଦୋଷୀ ସେମାନଙ୍କ ବିରୋଧରେ ମାମଲା ହେବ ବୋଲି କୁହାଯାଉଛି । ତେବେ ସମୟ କହିବ ତଦନ୍ତର ଦିଗ ଯାଉଛି କୁଆଡ଼େ...

ବିକଟାଳ ଶଦ୍ଦ କରି ଗାଡି ଚଲାଉଥିଲେ ହୁଅନ୍ତୁ ସାବଧାନ : କମିଶନରେଟ ପୋଲିସର ନୂଆ ନିୟମ ଆଦାୟ ହେବ ଜୋରିମାନ

କନକବ୍ୟୁରୋ : ବିକଟାଳ ଶବ୍ଦ କରି ଗାଡ଼ି ଚଳାଉଥିବା ରୋଡ ରୋମିଓ ସାବଧାନ । ରାଜଧାନୀରେ ବାଇକ ଚାଳକଙ୍କୁ ସାବାଡ୍ କରିବ କମିଶନରେଟ ପୋଲିସ । ଟ୍ବିନ ସିଟିରେ ଶବ୍ଦ ପ୍ରଦୂଷଣ କରୁଥିବା ବିକଟାଳ ହର୍ଣ୍ଣ ଗୁଡିକୁ ବାହାର କରୁଛି ପୋଲିସ , ଏପରି ବିକଟାଳ ଶବ୍ଦ କରି ଗାଡ଼ି ଚଳାଉଥିଲେ, କାର୍ଯ୍ୟାନୁଷ୍ଠାନ ନିଆଯିବ ବୋଲି ସୂଚନା ଦେଇଛନ୍ତି କମିଶନରେଟ ପୋଲିସ । ସେଥିପାଇଁ ବିକଟାଳ ଶଦ୍ଧ ଓ ସ୍ପିଡ ବାଇକ ଚଲାଉଥିଲେ ହୁସିଆର । ଆକ୍ସନ ମୋଡରେ ବର୍ତ୍ତମାନ କମିଶନରେଟ ପୋଲିସ । ଛକ ଛକରେ ଜଗଛି ପୋଲିସ୍ । କେଉଁ ସମୟରେ ବି ଝାମ୍ପି ନେବ ପୋଲିସ । ତେଣୁ ରୁହନ୍ତୁ ସର୍ତକ ରାସ୍ତାରେ ବିକଟାଳ ଶଦ୍ଦ କରି ଗାଡି ଚଲାଉଥିଲେ ହୋଇଯାଆନ୍ତୁ ସାବଧାନ , ଏଥିପାଇଁ କମିଶନରେଟ୍ ପୁଲିସ ସ୍ପେଶାଲ ଡ୍ରାଇଭ୍ ଚଳାଇଛି । ଯେଉଁ ଗାଡି ଗୁଡିକରେ ବିକଟାଳ ହର୍ଣ୍ଣ ବାଜୁଛି, ସେହି ଗାଡି ମାଲିକଙ୍କଠାରୁ ଆଦାୟ କରାଯାଉଛି ଜରିମାନା । ସଡ଼କ ସୁରକ୍ଷା ମାସ ପାଳନ ଅବସରରେ ଗତ କିଛି ଦିନ ହେଲା କମିଶନରେଟ୍ ପୋଲିସ ଏଭଳି ସ୍ପେଶାଲ ଡ୍ରାଇଭ୍ କରୁଛି।

ଯୋଗାଣ ମନ୍ତ୍ରୀଙ୍କ ମିଲରକୁ କଡା ଚେତାବନୀ : ଚାଷୀଙ୍କୁ ହଇରାଣ କଲେ ହେବ କଡା କାର୍ଯ୍ୟାନୁଷ୍ଠାନ

କନକବ୍ୟୁରୋ : ମିଲର ମାନଙ୍କୁ ଯୋଗାଣ ମନ୍ତ୍ରୀଙ୍କ କଡା ଚେତାବନୀ , ଚାଷୀ ମାନଙ୍କୁ ମିଲର ମାନେ କରିବେନି ହଇରାଣ ଯେଉଁମାନେ ଏ ନୀତି ଆପଣେଇବେ ସେମାନଙ୍କ ପାଇଁ ଦୃଢ କାର୍ଯ୍ୟାନୁଷ୍ଠାନ ନିଆଯିବ , ସୁଚନା ଅନୁଯାୟୀ ରାଜ୍ୟରେ ଧାନ ସଂଗ୍ରହ ଠିକ ଠାକ ଚାଲିଛି , ବାରମ୍ବାର କହିଲା ପରେ ବି ଯୋଉମାନେ ସୁଧୁରିବେ ନାହିଁ ତାଙ୍କ ବିରୋଧରେ ଦୃଢ କାର୍ଯ୍ୟାନୁଷ୍ଠାନ ନିଆଯିବ , ମିଲର ମାନେ ଯେଉଁମାନେ ଅଧିକ କଟଣୀ ଛଟଣୀ କରୁଛନ୍ତି କଥା ମାନୁ ନାହାନ୍ତି ସେମାନଙ୍କୁ କାରଣ ଦର୍ଶାଅ ନୋଟିସ ଦିଆଯାଇଛି | ଯେଉଁ ମିଲରମାନେ ସରକାର ନିୟମ ମାନିବେ ନାହିଁ, ମନମାନୀ କରିବେ ପୁରୁଣା ନୀତିରେ ଚାଲିବେ, ତାହା ଏବେ ଚଳିବ ନାହିଁ , ନୂଆ ସରକାର ନୂଆ ନୀତିରେ ଚାଲିବ କୃଷକମାନଙ୍କୁ ହଇରାଣ କଲେ ହେବ କାର୍ଯ୍ୟାନୁଷ୍ଠାନ...

ପରମ୍ପରା ରକ୍ଷା ପାଇଁ ନୀରଜ ବି ନେଲେ ଯୌତୁକ, ହେଲେ ହୋଇଗଲେ ୧ ଟଙ୍କାରେ ସନ୍ତୁଷ୍ଟ

ନୂଆଦିଲ୍ଲୀ: ପରିଚୟ ସାଉଁଟିଥିବା ହରିୟାଣାର ଶାନ୍ ନୀରଜ ଚୋପ୍ରାଙ୍କୁ କିଏ ବା ନ ଜାଣେ । ଅଲମ୍ପିକ୍ସରେ ତାଙ୍କ ପ୍ରଦର୍ଶନକୁ ଦର୍ଶକ ଏଯାଏଁ ଭୁଲିପାରୁନାହାଁନ୍ତି । ସବୁବେଳେ ନିଜ କ୍ୟାରିୟର୍‌, ଖେଳକୁ ନେଇ ଚର୍ଚ୍ଚାରେ ରହୁଥିବା ନୀରଜ୍ ଏବେ ନିଜ ବ୍ୟକ୍ତିଗତ ଜୀବନକୁ ନେଇ ଚର୍ଚ୍ଚାର କେନ୍ଦ୍ରବିନ୍ଦୁ ପାଲଟିଛନ୍ତି । ନୀରଜଙ୍କ ଚର୍ଚ୍ଚିତ ବିବାହ: ଜାନୁଆରୀ ୧୭ ତାରିଖରେ ହିମାନୀ ମୋର୍ ନାମକ ଯୁବତୀଙ୍କୁ ବିବାହ କରିଛନ୍ତି ସୁନାପୁଅ ନୀରଜ୍ । ନିଜ ପ୍ରେମକୁ ନେଇ ଚର୍ଚ୍ଚିତ […]

ଇ-କେଓ୍ୱାଇସି ଦାଖଲର ଶେଷ ତାରିଖ ଜାନୁୟାରୀ ୩୧ : ଯୋଗାଣ ମନ୍ତ୍ରୀଙ୍କ ସୂଚନା ଅଯୋଗ୍ୟ ହିତାଧିକାରୀ ତୁରନ୍ତ ଫେରାନ୍ତୁ କାର୍ଡ

କନକବ୍ୟୁରୋ : ଜାନୁଆରୀ ୩୧ ରେ ଇ କେୱାଇସି ଶେଷ ହେବ , ତା ପୂର୍ବରୁ ଅଯୋଗ୍ୟ ହିତାଧିକାରୀ କାର୍ଡ ସରେଣ୍ଡର କରିବାକୁ ପୁଣି ଥରେ ଅପିଲ କଲେ ମନ୍ତ୍ରୀ , ବୋଧେ ଭୟରେ ଇ କେୱାଇସି ପାଇଁ ଆସୁ ନାହାନ୍ତି , ଖୁବଶୀଘ୍ର ସରେଣ୍ଡର କଲେ ଭଲ , ବ୍ଲକରେ ୨୦୦ ରୁ ୩୦୦ ଅଧିକ ଅଯୋଗ୍ୟ ହିତାଧିକାରୀ ଅଛନ୍ତି , ସରକାରୀ ଚାକିରୀ କରି ହାତେଇଛନ୍ତି ରାସନ କାର୍ଡ, ସେମାନେ ଶୀଘ୍ର ସରେଣ୍ଡର କଲେ ଭଲ... ସୁଚନା ଅନୁଯାୟୀ ଗରିବଙ୍କ ରାସନକାର୍ଡକୁ କବଜା କରି ବସିଥିବା ବଡ଼ ବଡ଼ିଆ ସରକାରୀ ଅଧିକାରୀଙ୍କୁ ପୁଣି ଥରେ ଚେତାବନୀ ଦେଇଥିଲେ ଖାଦ୍ୟ ଯୋଗାଣ ଓ ଖାଉଟି କଲ୍ୟାଣ ମନ୍ତ୍ରୀ କୃଷ୍ଣଚନ୍ଦ୍ର ପାତ୍ର । ଅଯୋଗ୍ୟ ହିତାଧିକାରୀଙ୍କୁ ଆତ୍ମସମର୍ପଣ କରିବାକୁ ଆହ୍ୱାନ କରିଛନ୍ତି ମନ୍ତ୍ରୀ । ଯଦି ସରକାରଙ୍କୁ କାର୍ଡ ନ ଫେରାନ୍ତି ତାହା ହେଲେ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ବୋଲି ରୋକ୍ ଠୋକ୍ ଶୁଣାଇ ଥିଲେ । ମନ୍ତ୍ରୀ କହିଥିଲେ ଯେ ସାରା ରାଜ୍ୟରେ ଲକ୍ଷ ଲକ୍ଷ ସଂଖ୍ୟାରେ ଅଯୋଗ୍ୟ ରାସନ କାର୍ଡ ହିତାଧିକାରୀ ଅଛନ୍ତି । ଇ-କେୱାଇସି ଜରିଆରେ ଏହା ସ୍ପଷ୍ଟ ହୋଇଛି । ଉକ୍ତ ଅଯୋଗ୍ୟ ହିତାଧିକାରୀମାନେ ଇ-କେୱାଇସି କରିବା ଆସୁ ନାହାଁନ୍ତି । ସେଥିରେ ଶିକ୍ଷକ, ଡାକ୍ତର, ଅଧ୍ୟାପକ ମଧ୍ୟ ରହିଛନ୍ତି । ତେଣୁ ନିଜ ତରଫରୁ ଅଯୋଗ୍ୟ ହିତାଧିକାରୀମାନେ ଇ-କେୱାଇସି ପୂର୍ବରୁ ନିଜର କାର୍ଡ ଫେରସ୍ତ କରିବାକୁ ଅପିଲ କରିଛନ୍ତି ମନ୍ତ୍ରୀ । ଯଦି କାର୍ଡ ନ ଫେରାନ୍ତି ତେବେ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ବୋଲି ତାଗିଦ କରାଯାଇଛି । ଏଠାରେ ଉଲ୍ଲେଖ ଯୋଗ୍ୟ, ପୂର୍ବରୁ ମନ୍ତ୍ରୀ କହିଥିଲେ ଯେ ରାଜ୍ୟର ପ୍ରାୟ ୪ଲକ୍ଷ ଆୟକରଦାତା ରାସନ କାର୍ଡ ନେଇଛନ୍ତି ବୋଲି ମନ୍ତ୍ରୀ କହିଛନ୍ତି । ଓଏଏସ ଅଫିସ, ଡାକ୍ତର ଓ ଅଧ୍ୟାପକ ମଧ୍ୟ ରାସନ କାର୍ଡ ହାତେଇଛନ୍ତି । ଇ-କେୱାଇସି ଯାଞ୍ଚରୁ ସାମ୍ନାକୁ ଆସିଛି ଏଭଳି ଚାଞ୍ଚଲ୍ୟକର ତଥ୍ୟ । ଯଥାଶୀଘ୍ର କାର୍ଡ ଫେରସ୍ତ ନକଲେ ଫାଇନ୍‌ ଲଗାଇବାକୁ ତାଗିଦ କରିଛନ୍ତି ଯୋଗାଣ ମନ୍ତ୍ରୀ କୃଷ୍ଣ ପାତ୍ର । ଯେଉଁଦିନଠାରୁ ରାସନକାର୍ଡ ନେଇଥିବେ ସେହିଦିନଠାରୁ ଫାଇନ୍ କରି ଆଦାୟ କରାଯିବ ଏବଂ ହିସାବ କରି ସବୁ କାର୍ଡକୁ ରିକଭର କରାଯିବ ବୋଲି ମନ୍ତ୍ରୀ କହିଥିଲେ । ପୂର୍ବ ସୁଚନା ଅନୁଯାୟୀ ରାସନ କାର୍ଡର ଇ-କେୱାଇସି ଯାଞ୍ଚ ଚାଲିଥିବାବେଳେ, କାହାର କଟିବ, କାହାର ରହିବ ସେ ନେଇ ଦ୍ୱନ୍ଦ୍ୱରେ ରହିଥିଲେ ହିତାଧିକାରୀ । ଆଉ ଏତିକିବେଳେ ବଡ ସୂଚନା ଦେଇଥିଲେ ଯୋଗାଣ ମନ୍ତ୍ରୀ କୃଷ୍ଣଚନ୍ଦ୍ର ପାତ୍ର । ଯେଉଁମାନେ ରାସନ କାର୍ଡ ପାଇବା ପାଇଁ ଯୋଗ୍ୟ ନୁହଁନ୍ତି, ସେମାନଙ୍କୁ ରାସନ କାର୍ଡ ମିଳିଛି । ବର୍ଷ ବର୍ଷ ଧରି ସେମାନେ କାର୍ଡରେ ମାଗଣା ରାସନ ସାମଗ୍ରୀ ଉଠାଇ ଚାଲିଛନ୍ତି । ବଡ କଥା ହେଉଛି, ସେମାନଙ୍କ ମଧ୍ୟରେ ବହୁ ସଂଖ୍ୟାରେ ବାଙ୍ଗଲାଦେଶୀ ଓ ରୋହିଙ୍ଗ୍ୟା ଥିବା ଜଣାପଡିଥିଲା । ଆଉ ତାପରେ ଆକ୍ସନ ମୋଡରେ ଯୋଗାଣ ବିଭାଗ ରହିଥିଲା । ଏଭଳି କେତେ ବିଦେଶୀ ଓଡିଶାରେ ରାସନ କାର୍ଡ ପାଇଛନ୍ତି, ତଦନ୍ତ କରି ସେମାନଙ୍କ ତାଲିକା ଦେବାକୁ ଜିଲ୍ଲାପାଳମାନଙ୍କୁ ନିର୍ଦ୍ଦେଶ ମଧ୍ୟ ଦେଇଥିଲେ ଯୋଗାଣ ମନ୍ତ୍ରୀ । ବିଧାନସଭାର ତଥ୍ୟ ଅନୁସାରେ ଓଡ଼ିଶାରେ ୧ଲକ୍ଷ ୫୭ ହଜାରରୁ ଅଧିକ ବାଙ୍ଗଲାଦେଶୀ ରହୁଥିବା ପୂର୍ବ ସୂଚନା ଅନୁଯାୟୀ ତଥ୍ୟ ରହିଥିଲା ଏଥିସହ ଏବେ ବିଭିନ୍ନ ସରକାରୀ ଚାକିରିଆ ଥିବା ଏବେ ଜଣାପଡିଛି ।

ଯୋଗାଣ ମନ୍ତ୍ରୀଙ୍କ ଚେତାବନୀ: ରାସନ କାର୍ଡ ସରେଣ୍ଡର କଲେ କାର୍ଯ୍ୟାନୁଷ୍ଠାନ ହେବନି…ପ୍ରତି ବ୍ଲକରେ ୨୦୦ରୁ ୩୦୦ ଅଯୋଗ୍ୟ ହିତାଧିକାରୀ

ଭୁବନେଶ୍ବର: ବର୍ତ୍ତମାନ ରାଜ୍ୟରେ ରାସନ କାର୍ଡ ଧରପଗଡ ଆରମ୍ଭ ହୋଇଛି । ଅନେକ ଅଯୋଗ୍ୟ ହିତାଧିକାରୀ ରାସନକାର୍ଡ ହାତେଇ ଫାଇଦା ଉଠାଇଛନ୍ତି । ଏଥିରେ ସରକାରୀ ଅଧିକାରୀ ମଧ୍ୟ ବାଦ ପଡିନାହାନ୍ତି । ତେବେ ଏନେଇ ଆଜି ପୁଣି ଲୋକଙ୍କୁ ଚେତାଇଛନ୍ତି ଖାଦ୍ୟ ଓ ଯୋଗାଣ ମନ୍ତ୍ରୀ କୃଷ୍ଣଚନ୍ଦ୍ର ପାତ୍ର । 31 ତାରିଖ ସୁଦ୍ଧା ସରେଣ୍ଡର କଲେ କାର୍ଯ୍ୟାନୁଷ୍ଠାନ ହେବନି ବୋଲି ମନ୍ତ୍ରୀ କହିଛନ୍ତି । ଇ କେଓ୍ବାସି ଶେଷ ତାରିଖ- ବର୍ତ୍ତମାନ ଇକେଓ୍ବାସି ଜାରି […]

ଅଧିକ କ୍ରୋଧ ସାଜିପାରେ ବିପଜ୍ଜନକ, ଥରିଥାଏ ହାତ ଗୋଡ଼, ଜାଣନ୍ତୁ କିପରି କରିବେ ନିୟନ୍ତ୍ରଣ

ଓଡ଼ିଶା ଭାସ୍କର: ପରିସ୍ଥିତି ଅନୁଯାୟୀ ମନୁଷ୍ୟ ବିଭିନ୍ନ ଭାବନା ପ୍ରଦର୍ଶନ କରିଥାଏ । ଯେପରି ହସିବା, କାନ୍ଦିବା, ରାଗିବା ଇତ୍ୟାଦି । ସାଧାରଣତଃ ମନୁଷ୍ୟ କ୍ରୋଧିତ ହେଲେ ଶରୀରରେ ଅନେକ ହର୍ମୋନାଲ ପରିବର୍ତ୍ତନ ହୋଇଥାଏ । କ୍ରୋଧରେ ବ୍ୟକ୍ତି ହିତାହିତ ଜ୍ଞାନ ହରାଇଥାଏ । କ୍ରୋଧ ଉପରେ ନିୟନ୍ତ୍ରଣ ହରାଇବା ଯୋଗୁଁ ବ୍ୟକ୍ତିର ହାତ ଗୋଡ଼ ବେଳେ ବେଳେ ଥରିବାକୁ ଲାଗେ । ତେବେ ଆପଣ କେବେ ଭାବିଛନ୍ତି ଏପରି କାହିଁକି ହୋଇଥାଏ ? ସ୍ୱାସ୍ଥ୍ୟ ବିଶେଷଙ୍କ […]

ସିଡ଼ି ତଳେ Bathroom କରିଛନ୍ତି କି? ଦେଖାଦେଇପାରେ ସ୍ୱାସ୍ଥ୍ୟ ସମସ୍ୟା, ଜାଣନ୍ତୁ ଏହା କ’ଣ କୁହନ୍ତି ବାସ୍ତୁ ଏକ୍ସପର୍ଟ

ଓଡ଼ିଶା ଭାସ୍କର: ବାସ୍ତୁ ଶାସ୍ତ୍ରରେ ଦିଗର ଅନେକ ମହତ୍ୱ ରହିଛି । ପ୍ରତ୍ୟେକ ଛୋଟ ବଡ଼ ଜିନିଷ ପାଇଁ ବାସ୍ତୁ ନିୟମ ରହିଛି । ଏହି ନିୟମର ପାଳନ କରିଲେ ଜୀବନରେ ସୁଖ, ଶାନ୍ତି ଓ ସମୃଦ୍ଧି ବୃଦ୍ଧି ହୋଇଥାଏ ଏବଂ ନିୟମ ବିରୋଧରେ ଗଲେ ଜୀବନରେ ଅନେକ ସମସ୍ୟା ଦେଖାଦେଇଥାଏ । ବାସ୍ତୁ ଶାସ୍ତ୍ର ଅନୁଯାୟୀ ଘରର ଦକ୍ଷିଣ- ପଶ୍ଚିମ, ଦକ୍ଷିଣ କିମ୍ବା ପଶ୍ଚିମ ଦିଗରେ ସିଡ଼ି ନିର୍ମାଣ କରିବା ପାଇଁ ଉତ୍ତମ ଦିଗ । […]

ସୈତାନ ସ୍ବାମୀର ଭୟଙ୍କର କାଣ୍ଡ : ସ୍ତ୍ରୀକୁ କାଟିଲା, ପ୍ରେସରରେ ସିଝାଇଲା

କନକ ବ୍ୟୁରୋ: ପାରିବାରିକ କଳହର କରୁଣ ପରିଣତି । ସାମାନ୍ୟ ଝଗଡ଼ାର ଯେ ସ୍ଥିତି କଣ ହୋଇପାରେ ତାହା ଦେଖିବାକୁ ମିଳିଛି ହାଇଦ୍ରାବାଦରେ । ପାରିବାରିକ କଳହରୁ ସ୍ବାମୀ-ସ୍ତ୍ରୀ ଝଗଡ଼ା ହେବା ଏକ ସ୍ବାଭାବିକ କଥା । ପ୍ରତିଘରେ ଏମିତି କିଛି ହୁଏ । ହେଲେ ସେହି ଝଗଡ଼ା ଯେ ଏତେ ଭୟଙ୍କର ହେବ, ସ୍ତ୍ରୀର ଜୀବନ ନେଇଯିବ ସ୍ବାମୀ ସେକଥା କେହି କେବେ ବିଶ୍ବାସ କରିପାରୁନଥିବେ…ହେଲେ ଘଟଣାଟି ପୁରା ସତ । କଥା ହେଲା, ସ୍ତ୍ରୀକୁ ହତ୍ୟା କରିବା ପରେ ସ୍ବାମୀର ମନଶାନ୍ତ ହୋଇନଥିଲା ଯେ ସ୍ତ୍ରୀ ଶବକୁ ଖଣ୍ଡଖଣ୍ଡ କରି ପ୍ରେସର କୁକୁରରେ ସୁଝାଇଲା ଆଉ ପୁରା ଘଟଣାକୁ ବର୍ଣ୍ଣନା କରିବା ସହିତ ଦୋଷ ବି ସ୍ବୀକାର କଲା । ବିଭତ୍ସ, ସାଙ୍ଘାତିକ ହତ୍ୟାକାଣ୍ଡ ଜୀବନ ନେଲା, ପ୍ରେସରରେ ଶବ ସିଝାଇଲା ସ୍ତ୍ରୀକୁ ବୀଭତ୍ସ ହତ୍ୟା କଲା ସ୍ୱାମୀ । ସ୍ତ୍ରୀକୁ ହତ୍ୟା ପରେ ଖଣ୍ଡଖଣ୍ଡ କରି କାଟିଲା ସ୍ବାମୀ । ପ୍ରମାଣ ଲୁଚାଇବାକୁ ସୈତାନ ସ୍ବାମୀ ଶରୀରର କଟା ଖଣ୍ଡକୁ ପ୍ରେସର କୁକରରେ ସିଝାଇଲା । ଏଭଳି ଲୋମହର୍ଷଣକାରୀ ଘଟଣା ହାଇଦ୍ରାବାଦ ସହରରେ ଦେଖିବାକୁ ମିଳିଛି । ଜାତୀୟ ଗଣମାଧ୍ୟମର ରିପୋର୍ଟ ଅନୁସାରେ, ୪୫ ବର୍ଷୀୟ ଗୁରୁ ମୂର୍ତ୍ତି ନାମକ ଜଣେ ବ୍ୟକ୍ତି ନିଜ ୩୫ ବର୍ଷୀୟା ପତ୍ନୀ ଭେଙ୍କଟା ମାଧବୀଙ୍କୁ ଅତି ନିର୍ମମ ଭାବେ ହତ୍ୟା କରିଛନ୍ତି । ହତ୍ୟା ପରେ ଘଟଣା ସାମ୍ନାକୁ ଆସିବା ପରେ ପୋଲିସ ସାମ୍ନାରେ ସବୁ ସତ କହିଦେଇଛନ୍ତି ସୈତାନ ସ୍ବାମୀ । ଜାନୁଆରୀ ୧୬ ତାରିଖ, ୨୦୨୫ । ସେଦିନ ଥିଲା ଗୁରୁବାର । ହଠାତ୍‌ ମାଧବୀ ଘରୁ ନିଖୋଜ ହୋଇଯାଇଥିଲେ । କିନ୍ତୁ କୁଆଡ଼େ ଗଲେ ଘରୁ ମାଧବୀ ସେନେଇ ପରିବାର ଲୋକ ଟେର ପାଇନଥିଲେ । ମାଧବୀଙ୍କ ନିଖୋଜ ହେବା ଖବର ଜାଣିବା ପରେ ଏନେଇ ପୋଲିସ ଥାନାରେ ଏତଲା ବି ଦେଇଥିଲେ । କିନ୍ତୁ ମାଧବୀଙ୍କ ଖୋଜଖବର ମିଳିନଥିଲା । ଘରୁ ନିଖୋଜ ହୋଇଥିବାରୁ ମାଧବୀଙ୍କ ସ୍ବାମୀଙ୍କ ଉପରେ ପୋଲିସର ସନ୍ଦେହ ବଢିଥିଲା । ଜେରା କରିବା ପରେ ପୋଲିସ ଯେଉଁ ଚାଞ୍ଚଲ୍ୟକର ତଥ୍ୟ ପାଇଲା ତାହା ପୁରା ଦେଶକୁ ଦୋହଲାଇଦେଇଛି । ଅବସରପ୍ରାପ୍ତ ସେନା କର୍ମଚାରୀଙ୍କ ସାଙ୍ଘାତିକ କାରନାମା ଯାହାର ହାତ ଧରିଥିଲେ, ତା’କୁ ମାରିଦେଲେ ହାଇଦ୍ରାବାଦର ଘଟଣାକୁ ନେଇ ପୁରା ଦେଶରେ ଏବେ ଚର୍ଚ୍ଚା ଜୋର । କାରଣ ଜଣେ ଅବସରପ୍ରାପ୍ତ ସେନା କର୍ମଚାରୀ ଯେଉଁପରି ଭାବରେ ନିଜ ସ୍ତ୍ରୀଙ୍କୁ ହତ୍ୟା କରିଛନ୍ତି ତାହା ଏବେ ସ୍ବାମୀ-ସ୍ତ୍ରୀର ପବିତ୍ର ସମ୍ପର୍କରେ ଦାଗ ଲଗାଇଦେଇଛି । ସୂଚନା ଅନୁସାରେ, ଗୁରୁ ମୂର୍ତ୍ତି ଜଣେ ଅବସରପ୍ରାପ୍ତ ସେନା କର୍ମଚାରୀ। ଭାରତୀୟ ସେନାରୁ ଅବସର ନେବା ପରେ ସେ ଡିଆରଡିଓ ସିକ୍ୟୁରିଟି ଗାର୍ଡ ଭାବେ କାମ କରୁଥିଲେ। ଦୁହିଁଙ୍କର ଦୁଇଟି ସନ୍ତାନ ମଧ୍ୟ ଅଛନ୍ତି । ଘରୋଇ କଳିକୁ ନେଇ ଏହି ହତ୍ୟାକାଣ୍ଡ ଘଟିଥିବା ଜଣାପଡିଛି । କେମିତି ଥିଲା ହତ୍ୟାକାଣ୍ଡ ? ସ୍ତ୍ରୀ ଭେଙ୍କଟାଙ୍କୁ ଅତି ବିଭତ୍ସ ହତ୍ୟା କରିଛନ୍ତି ଗୁରୁ ମୂର୍ତ୍ତି ହତ୍ୟା ପରେ ଘଟଣା ଲୁଚାଇବାକୁ ଚେଷ୍ଟା କରିଥିଲେ ଗାଧୁଆ ଘରେ ଧାରୁଆ ଅସ୍ତ୍ରରେ ସ୍ତ୍ରୀଙ୍କ ଶବ କାଟିଥିଲେ ଖଣ୍ଡଖଣ୍ଡ ମୃତଦେହକୁ ରୋଷେଇ ଘରେ ସିଝାଇଥିଲେ ୭୨ ଘଣ୍ଟା ସ୍ତ୍ରୀର ମୃତଦେହ ସିଝାଉଥିବେ ଗରୁ ମୂର୍ତ୍ତି ହତ୍ୟାର ୪ ଦିନ ପରେ ହ୍ରଦରେ ମୃତଦେହ ପକାଇଥିଲେ ସ୍ବାମୀ ଦର୍ଶକବନ୍ଧୁ ହତ୍ୟା ନେଇ ନିଇତି ଗଣମାଧ୍ୟମରେ ଖବର ପ୍ରକାଶ ପାଉଛି । ହେଲେ ଜଣେ ଅବସରପ୍ରାପ୍ତ ସେନା କର୍ମଚାରୀ ଯେଉଁପରି ଭାବରେ ନିଜର ସ୍ତ୍ରୀଙ୍କୁ ହତ୍ୟା କଲେ ଏବଂ ଦୋଷ ଲୁଚାଇବାକୁ ଚେଷ୍ଟା କଲେ ତାହା ପୁରା ଦେଶରେ ଆଲୋଚନାର କେନ୍ଦ୍ରବିନ୍ଦୁ ପାଲଟିଛି ।

କନକ ନ୍ୟୁଜର ପ୍ରଭାବ ପରେ ବଦଳିଲା OSSSC ବିଜ୍ଞପ୍ତି : ଶିକ୍ଷକ ପଦବୀରେ ଆବେଦନ କରିପାରିବେ ସମ୍ପୂର୍ଣ୍ଣ ଦୃଷ୍ଟିବାଧିତ

କନକବ୍ୟୁରୋ : କନକ ନ୍ୟୁଜରେ ଖବର ପ୍ରସାରଣ ପରେ ବଦଳିଲା ସରକାରୀ ବିଜ୍ଞପ୍ତି । ଏସ୍‌ସି ଓ ଏସ୍‌ଟି ବିଭାଗର ସେବାଶ୍ରମରେ ଏଣିକି ସମ୍ପୂର୍ଣ୍ଣ ଦୃଷ୍ଟିବାଧିତ ନିଯୁକ୍ତି ପାଇପାରିବେ । ଏନେଇ ନୂଆ ବିଜ୍ଞପ୍ତି ଜାରି କରିଛି OSSSC । ଏସ୍‌ସି ଓ ଏସ୍‌ଟି ବିଭାଗର ସେବାଶ୍ରମରେ ସେବକ ସେବିକା ବା ଶିକ୍ଷକ ପଦବୀ ସମେତ ଆଦିବାସୀ ଭାଷା ଶିକ୍ଷକ ପଦବୀରେ ସମ୍ପୂର୍ଣ୍ଣ ଦୃଷ୍ଟିବାଧିତ ଆବେଦନ କରିପାରିବେ ନାହିଁ ବୋଲି କିଛି ଦିନ ତଳେ OSSSC ଏଭଳି ବିଜ୍ଞପ୍ତି ଜାରି କରିଥିଲା । ଜଣେ ଦୃଷ୍ଟିବାଧିତ ଆବେଦନକାରୀ ସିଟି କରିଥିବା ସହ ଓଟିଇଟିରେ ଉତ୍ତୀର୍ଣ୍ଣ ବି ହୋଇଥିଲେ । କିନ୍ତୁ ଓଡିଶା ସବ-ଅର୍ଡିନେଟ ଷ୍ଟାଫ ସିଲେକ୍ସନ କମିଶନର ବିଜ୍ଞପ୍ତି ଚିନ୍ତା ବଢାଇଥିଲା । ଜାନୁଆରୀ ୨୨ ତାରିଖ ଆବେଦନର ଶେଷ ତାରିଖ ଥିବାରୁ ବିଜ୍ଞପ୍ତି ପରିବର୍ତ୍ତନ କରିବା ପାଇଁ ଦାବି ହୋଇଥିଲା । ଏନେଇ ଏସସି-ଏସଟି ବିଭାଗର ଦ୍ବାରସ୍ଥ ହୋଇଥିଲେ ଆବେଦନକାରୀ । ଓଡିଶା ସବ-ଅର୍ଡିନେଟ ଷ୍ଟାଫ ସିଲେକ୍ସନ କମିଶନରେ ଅଭିଯୋଗ କରିଥିଲେ । ଏହି ଖବରକୁ ଗୁରୁତ୍ୱ ସହ କନକ ନ୍ୟୁଜ ପ୍ରସାରଣ କରିଥିଲା । ଶେଷରେ ଓଡିଶା ସବ-ଅର୍ଡିନେଟ ଷ୍ଟାଫ ସିଲେକ୍ସନ କମିଶନ ବଦଳାଇଛି ତାର ନିଷ୍ପତ୍ତି । ଆବେଦନ ପାଇଁ ଦିନକୁ ଘୁଞ୍ଚାଇ ଦେଇଛନ୍ତି । ଅନଲାଇନ ରେଜିଷ୍ଟ୍ରେସନ ତଥା ରି-ରେଜିଷ୍ଟ୍ରେସନ ପାଇଁ ଶେଷ ତାରିଖ ଜାନୁଆରୀ ୩୧ ତାରିଖ ରଖାଯାଇଛି ।

ନିଆଁର ଆଁରେ ଆମେରିକା : ୩୧ ହଜାର ଲୋକଙ୍କୁ ଘର ଛାଡ଼ିବାକୁ ନିର୍ଦ୍ଦେଶ

କନକ ବ୍ୟୁରୋ: ଦିନ ଗଡୁଛି, ଆମେରିକାର ନିଆଁ ଭୟଙ୍କର ରୂପ ନେଉଛି । ସ୍ଥିତି ତ ଏମିତି ହେଲାଣି ଯେ ଲୋକେ ଘରୁ ବାହାରିବାକୁ ବି ଡରିଲେଣି । ଖାସ କରି ଆମେରିକାର ଲସଆଞ୍ଜେଲସ ସହର ସର୍ବାଧିକ କ୍ଷତି ହୋଇଛି । ବୁଧବାର ରାତିରୁ ସହରର ପୁଣି ଏକ ନୂଆ ଜଙ୍ଗଲକୁ ନିଆଁ ବ୍ୟାପିଛି । ଯାହା ପ୍ରଶାସନର ମୁଣ୍ଡବ୍ୟଥାର କାରଣ ସାଜିଛି । ଗୋଟିଏ ପଟେ ଅଗ୍ନିଶମ ବାହିନୀ ଦିନରାତି ଏକ କରି ନିଆଁ ଲିଭା କାର୍ଯ୍ୟରେ ସାମିଲ ଅଛି, ଅନ୍ୟପଟେ ଗୋଟିଏ ପରେ ଗୋଟିଏ ଜଙ୍ଗଲକୁ ନିଆଁ ବ୍ୟାପିବାରେ ଲାଗିଛି । ଆମେରିକାର ଗଣମାଧ୍ୟମର ରିପୋର୍ଟ ଅନୁସାରେ,ମାତ୍ର କିଛି ସେକେଣ୍ଡରେ ୩୨ ଶହ ହେକ୍ଟର ପର୍ଯ୍ୟନ୍ତ ଜଙ୍ଗଲ ନିଆଁ ବ୍ୟାପିଯାଉଛି । ଯେହେତୁ ପବନର ବେଗ ଅଧିକ ରହିଛି । ତେଣୁ ଖୁବକମ୍‌ ସମୟ ମଧ୍ୟରେ ନିଆଁ ଜଙ୍ଗଲରେ ବ୍ୟାପିଯାଉଛି । ଆମେରିକାରେ ନିଆଁ ଜଳୁଛି ଲସଆଞ୍ଜେଲସ୍‌ ସ୍ଥିତି ସଙ୍ଗୀନ ୩୧ ହଜାର ଲୋକଙ୍କୁ ଘର ଛାଡ଼ିବାକୁ ନିର୍ଦ୍ଦେଶ ସ୍ଥାନୀୟ ଲୋକଙ୍କ ପାଇଁ ଜାରି ହେଲା ଜରୁରୀକାଳୀନ ଆର୍ଲଟ ନିଆଁ ବ୍ୟାପୁଥିବାରୁ ଘର ଛାଡ଼ିବାକୁ ନିର୍ଦ୍ଦେଶ ୧୫ ଦିନ ହେଲାଣି ଆମେରିକାରେ ନିଆଁ ଲାଗିଛି । ପ୍ରଶାସନର ପ୍ରାଣମୂର୍ଚ୍ଛା ଉଦ୍ୟମ ପରେ ବି ନିଆଁ ଆୟତ୍ତ ହେଉନି । ପରିସ୍ଥିତିକୁ ନଜରରେ ରଖି, ଲସଆଞ୍ଜେଲସରେ ଜରୁରୀକାଳୀନ ଆଲର୍ଟ ଜାରି କରାଯାଇଛି । ପ୍ରଶାସନ ପକ୍ଷରୁ ଦିଆଯାଇଥିବା ସୂଚନା ଅନୁସାରେ, ନିଆଁର ଭୟାଭୟତା ଦେଖି ଲୋକଙ୍କୁ ଘର ଛାଡ଼ିବାକୁ ନିର୍ଦ୍ଦେଶ ଦିଆଯାଇଛି । କେଉଁ ମୁହୂର୍ତ୍ତରେ ବି ଘର ଭିତରେ ନିଆଁ ପଶିଯିବ ତାହା କହିବା ମୁସ୍କିଲ । ତେଣୁ ନିଆଁ ଘରେ ପହଞ୍ଚିବା ପୂର୍ବରୁ ଆପଣ ଘର ଛାଡିଦିଅନ୍ତୁ ବୋଲି ପ୍ରଶାସନ କହିଛି । ନିଆଁ ଲିଭା କାମରେ ରୋବର୍ଟ ଆଖି ଆଗରେ ଛାରଖାର ହେଉଛି କୋଟି କୋଟି ସମ୍ପତ୍ତି ଆମେରିକାରେ ଲାଗିଥିବା ନିଆଁକୁ ଦେଖି ପ୍ରଶାସନ ମୁଣ୍ଡ କାମ କରୁନଥିବା ସ୍ଥିତିରେ । ପୂର୍ବରୁ ଏତେ ଭୟଙ୍କର ନିଆଁ କେବେ ଦେଖିବାକୁ ମିଳିନଥିଲା । ହେଲେ ଏବେର ନିଆଁ ପୁରା ଆମେରିକାରେ ହା ହା କାର ସ୍ଥିତି କରିଦେଇଛି । ନିଆଁର ମାତ୍ରା ଏତେ ଅଧିକ ରହିଛି ଯେ ଉଭୟ ଆକାଶ ଓ ସ୍ଥଳଭାଗରୁ ନିଆଁ ଲିଭା କାର୍ଯ୍ୟ ଚାଲିଛି ସତ ହେଲେ ନିଆଁ ଲିଭୁନି । ନିଆଁ ଧାସରେ ମଣିଷ ପଶିବା ସମ୍ଭବ ହେଉନଥିବାରୁ ରୋବର୍ଟ ମଧ୍ୟ ନିଆଁ ଲିଭା କାର୍ଯ୍ୟରେ ସାମିଲ ହୋଇଛି । ନିଆଁର ଆଁରେ ଆମେରିକା ବିକଶିତ ରାଷ୍ଟ୍ର ଆମେରିକା । କିନ୍ତୁ ଗତ କିଛିଦନ ତଳେ ଲାଗିଥିବା ନିଆଁ ପାଇଁ ଆମେରିକା ପ୍ରଶାସନ ଚିନ୍ତାରେ । କେମିତି ନିଆଁକୁ ଆୟତ୍ତ କରାଯିବ ସେନେଇ ଯେତେ ରଣନୀତି ପ୍ରସ୍ତୁତି କଲେ ବି ନିଆଁ ଲିଭୁନି । ବର୍ତ୍ତମାନ ସୁଦ୍ଧା ନିଆଁରେ ୨୫ରୁ ଉର୍ଦ୍ଧ୍ବ ଲୋକଙ୍କ ଜୀବନ ଯାଇଥିବା ବେଳେ ଅନେକ ବ୍ୟକ୍ତି ନିଖୋଜ ଅଛନ୍ତି । ତେବେ ସେମାନେ ଜୀବିତ କି ମୃତ ସେନେଇ କାହା ପାଖରେ ବି କିଛି ସୂଚନା ନାହିଁ । ଏପଟେ, ନିଆଁ କିନ୍ତୁ ଗୋଟିଏ ଜଙ୍ଗଲରୁ ଅନ୍ୟ ଜଙ୍ଗଲକୁ ବ୍ୟାପିବାରେ ଲାଗିଛି । ଏମିତି ସ୍ଥିତିରେ ଆମେରିକା ସରକାର କେମିତି ନିଆଁକୁ ଆୟତ୍ତ କରୁଛନ୍ତି, କେମିତି ଲୋକଙ୍କୁ ସୁରକ୍ଷିତ ରଖୁଛନ୍ତି ତାହା ଦେଖିବାକୁ ବାକି ରହିଲା ।

ବ୍ରହ୍ମପୁର ନୌସେନା ଅଧିକାରୀ ନିଖୋଜ ଘଟଣା । ବିଶାଖାପାଟଣା ଇଚ୍ଛାପୁର ଷ୍ଟେସନ୍‌ ସିସିଟିଭିରେ କଏଦ ହେଲା ସୌରଭ ପାତ୍ର ।

କନକ ବ୍ୟୁରୋ: ବ୍ରହ୍ମପୁରର ନୌସେନା ଅଧିକାରୀ ସୌରଭ ପାତ୍ର ନିଖୋଜ ଘଟଣାରେ ଏବେ ନୂଆ ତଥ୍ୟ ସାମ୍ନାକୁ ଆସିଛି । ବିଶାଖାପାଟଣା ଇଚ୍ଛାପୁର ଷ୍ଟେସନରେ ସିସିଟିଭିରେ କଏଦ ହୋଇଛନ୍ତି ସୌରଭ ପାତ୍ର । ସିସିଟିଭି କ୍ୟାମେରାରେ ସୌରଭ ଇଚ୍ଛାପୁର ପ୍ଲାଟଫର୍ମ ବାହାରକୁ ଯାଉଥିବା ଦେଖିବାକୁ ମିଳିଛି । ରେଳ ଧାରଣା କଡ଼ରୁ ତାଙ୍କର ପରିଚୟ ପତ୍ର ମଧ୍ୟ ଜବତ କରିଛି ପୋଲିସ । ଟ୍ରେନ୍‌ରେ ବିଶାଖାପାଟଣା ଯାଉଥିବା ବେଳେ ଇଚ୍ଛାପୁର ଷ୍ଟେସନ୍‌ରୁ ନିଖୋଜ ହୋଇଯାଇଥିବା ପରିବାର ଲୋକ ଅଭିଯୋଗ କରିଥିଲେ । ତେବେ ସିସିଟିଭି ଫୁଟେଜକୁ ଆଧାର କରି ସୌରଭଙ୍କୁ ଟ୍ରାକ୍ କରୁଛି ପୋଲିସ ।

ହାଇଦ୍ରାବାଦରେ ଚାଞ୍ଚଲ୍ୟ  । ସ୍ତ୍ରୀକୁ ହତ୍ୟା ପରେ ମୃତଦେହକୁ ଖଣ୍ଡ ଖଣ୍ଡ କରି କାଟିଲା ସ୍ବାମୀ ପ୍ରମାଣ ଲୁଚାଇବାକୁ କଟା ଖଣ୍ଡକୁ ପ୍ରେସର କୁକରରେ ସିଝାଇଲା ।

କନକ ବ୍ୟୁରୋ: ସ୍ତ୍ରୀକୁ ବୀଭତ୍ସ ହତ୍ୟା କଲା ସ୍ୱାମୀ । ସ୍ତ୍ରୀକୁ ହତ୍ୟା ପରେ ଖଣ୍ଡ ଖଣ୍ଡ କରି କାଟିଲା ସ୍ବାମୀ । ପ୍ରମାଣ ଲୁଚାଇବାକୁ ଶରୀରର କଟା ଖଣ୍ଡକୁ ପ୍ରେସର କୁକରରେ ସିଝାଇଲା । ଏଭଳି ଲୋମହର୍ଷଣକାରୀ ଘଟଣା ହାଇଦ୍ରାବାଦ ସହରରେ ଦେଖିବାକୁ ମିଳିଛି । ଜାତୀୟ ଗଣମାଧ୍ୟମ ରିପୋର୍ଟ ଅନୁସାରେ ୪୫ ବର୍ଷୀୟ ଗୁରୁ ମୂର୍ତ୍ତି ନାମକ ବ୍ୟକ୍ତି ନିଜ ୩୫ ବର୍ଷୀୟା ପତ୍ନୀ ଭେଙ୍କଟା ମାଧବୀଙ୍କୁ ନିର୍ମମ ଭାବେ ହତ୍ୟା କରିଛନ୍ତି । ଆଉ ପୋଲିସ ଜେରାବେଳେ ସବୁ କଥା ସ୍ବୀକାର କରିଛନ୍ତି ଗୁରୁ ମୂର୍ତ୍ତି । ଜାନୁଆରୀ ୧୬ ତାରିଖରୁ ମାଧବୀ ନିଖୋଜ ଥିବା ତାଙ୍କ ପରିବାର ଲୋକେ ପ୍ରଥମେ ଥାନାରେ ଅଭିଯୋଗ କରିଥିଲେ । ବହୁ ଖୋଜା ଖୋଜି ପରେ ବି ମାଧବୀଙ୍କ ପତ୍ତା ନମିଳିବାରୁ ସ୍ବାମୀ ଗୁରୁଙ୍କୁ ନେଇ ଜେରା କରିଥିଲା ହାଇଦ୍ରାବାଦ ପୋଲିସ । ଆଉ ପୋଲିସ ଜେରାବେଳେ ସେ ନିଜ ଦୋଷ ସ୍ବୀକାର କରିଛନ୍ତି ।

ଜାନୁଆରୀ ୨୩ ତାରିଖ, ଗୁରୁବାର; ଜାଣନ୍ତୁ କେଉଁ ରାଶି ପାଇଁ କେମିତି ରହିବ ଆଜିର ଦିନ

ମେଷ - ଧନ ପ୍ରାପ୍ତିର ଯୋଗ ରହିଛି । ମନ ପ୍ରସନ୍ନ ରହିବ । ଉତ୍ସାହର ସହ କାର୍ଯ୍ୟ କରିବେ । ଅର୍ଥ ନିବେଶ ପାଇଁ ଦିନଟି ବହୁତ ଉତ୍ତମ ରହିବ । ମାଲିମୋକଦ୍ଦମାରେ ଜୟଯୁକ୍ତ ହେବେ । ଛାତ୍ରଛାତ୍ରୀମାନେ ଅଧିକ ପରିଶ୍ରମ କରି ସଫଳତା ହାସଲ କରିବେ । ବୃଷ - କର୍ମ ଚଞ୍ଚଳ ରହିବେ । ମାନସିକ ଚିନ୍ତାରେ ରହି ନିଷ୍ପତ୍ତି ନେବେ ଓ ସଫଳତା ମଧ୍ୟ ମିଳିବ । ପରିବାରରେ ସାହାଯ୍ୟ ସହାନୁଭୂତି ଲାଗି ରହିବ । ମିଳୁନଥିବା ଅର୍ଥ ହଠାତ୍ ପ୍ରାପ୍ତି ହେବ । ନୂତନ ଯାନବାହାନ କ୍ରୟ କରିବେ । ଛାତ୍ରଛାତ୍ରୀମାନେ ବ୍ୟସ୍ତତାରେ ଦିନ କାଟିବେ। ମିଥୁନ - ଦେହ ଅସୁସ୍ଥ ହୋଇପାରେ। ଦିନଟି ମଧ୍ୟମ ଫଳ ଦେବ । କାର୍ଯ୍ୟ କ୍ଷେତ୍ରରେ ଚିନ୍ତାଜନକ ପରିସ୍ଥିତି ସୃଷ୍ଟି ହୋଇପାରେ । ମାନସିକ ଚାପ ବଢ଼ିବ । ବିଚ୍ଛେଦ ହୋଇଥିବା ସମର୍କ ନୂତନ ମୋଡ଼ ନେବ । ବ୍ୟବସାୟରେ ଏତେ ଲାଭ ଯୋଗ ନାହିଁ । କର୍କଟ - ଦିନଟି ଅତ୍ୟନ୍ତ ଖୁସି ଖବର ଦେବ । ବ୍ୟବସାୟୀମାନଙ୍କର ନୂତନ ଚୁକ୍ତି ଯୋଗୁଁ ଲାଭବାନ ହେବାର ସମ୍ଭାବନା ରହିଛି । ମାତାପିତାଙ୍କ ଆଶୀର୍ବାଦ ମିଳିବ । ଦାମ୍ପତ୍ୟ ଜୀବନ ସୁଖମୟ ହେବ । ବିଦ୍ୟାର୍ଥୀମାନେ ପରୀକ୍ଷାରେ ସଫଳତା ଅର୍ଜନ କରିବେ । ବନ୍ଧୁଙ୍କ ସହଯୋଗ ପାଇବେ । ସିଂହ - ଦିନଟି ଏତେ ଉତ୍ତମ ଫଳ ଦେବ ନାହିଁ । ମାନସିକ ସ୍ଥିତି ଠିକ୍ ରହିବ ନାହିଁ । କିଛି ଭୁଲ ନିଷ୍ପତ୍ତି ମଧ୍ୟ ନେଇପାରନ୍ତି । ଅନ୍ୟ ଲୋକଙ୍କ କଥାକୁ ଅଧିକ ଗୁରୁତ୍ଵ ଦେବ । ଏକାଧିକ କାର୍ଯ୍ୟରେ ଯୋଗଦାନ କରିବେ। କନ୍ୟା - ମିଶ୍ର ଫଳ ମିଳିବ । ଶିକ୍ଷା କ୍ଷେତ୍ରରେ ନିଜକୁ ଅଣଦେଖା କରନ୍ତୁ ନାହିଁ । ବାହ୍ୟ ଲୋକଙ୍କ ଦ୍ଵାରା ଠକାମୀର ଶିକାର ହୋଇପାରନ୍ତି । କାହା କଥାରେ ପଡ଼ି ନିର୍ଣ୍ଣୟ ନିଅନ୍ତୁ ନାହିଁ । ଦାମ୍ପତ୍ୟ ଜୀବନରେ ଖୁସି ଲାଗି ରହିବ । ତୁଳା - କୌଣସି କଥାକୁ ନେଇ ଚିନ୍ତାରେ ରହିବେ । କିଛି ନୂତନ ସମସ୍ୟା ସୃଷ୍ଟି ହୋଇପାରେ । ଛାତ୍ରଛାତ୍ରୀମାନେ ମନ ଲଗାଇ ପରିଶ୍ରମ କରିବେ । ନୂଆ ଯୋଜନା ପାଇଁ କାର୍ଯ୍ୟ ଆରମ୍ଭ କରିବେ । ବିଛା - ଦିନଟି ମିଶ୍ର ଫଳ ଦେବ । ଚାକିରିରେ ଉନ୍ନତି ହେବ । ପଦୋନ୍ନତିର ଯଥେଷ୍ଟ ସମ୍ଭାବନା ରହିଛି । ଭ୍ରମଣର ଯୋଗ ରହିଛି । ପ୍ରତିରୋଧର ଶିକାର ହୋଇପାରନ୍ତି । ଦାମ୍ପତ୍ୟ ଜୀବନ ସୁଖମୟ ହେବ । ଛାତ୍ରଛାତ୍ରୀମାନେ ଆଶାତୀତ ଫଳ ପ୍ରାପ୍ତ କରିବେ । ଧନୁ - ବ୍ୟସ୍ତ ହୋଇ କୌଣସି ନିଷ୍ପତ୍ତି ନିଅନ୍ତୁ ନାହିଁ । ଦୃଢ଼ ମନା ହୁଅନ୍ତୁ। ସଂପତ୍ତି କ୍ରୟ କରିବା ପାଇଁ ଆଗ୍ରହୀ ହେବେ। ବନ୍ଧୁଙ୍କ ଠାରୁ ଉପହାର ମିଳିବ । ବ୍ୟବସାୟୀମାନେ ଅଧିକ ଲାଭ ଆଶାରେ ରହିବେ । ଛାତ୍ରଛାତ୍ରୀମାନେ ଖୁସି ମନରେ ରହିବେ। ମକର - ଦିନରେ ମିଶ୍ର ଫଳ ମିଳିବ । ପରିବାରରେ ସୁଖ ଶାନ୍ତି ଲାଗି ରହିବ । ନେଇଥିବା ଉଧାର ଫେରସ୍ତ କରିବେ । ଅନ୍ଧ ଭଳି କାହାକୁ ଭରସା କରନ୍ତୁ ନାହିଁ । କିଛି ଶୁଭ କର୍ମ ପାଇଁ ଅଧିକ ସମୟ ଅପେକ୍ଷା କରିବାକୁ ପଡ଼ିବ। ଆୟ ଅପେକ୍ଷା ବ୍ୟୟ ଅଧିକ ରହିବ । ମୀନ - ଦିନଟି ଏତେ ଫଳପ୍ରଦ ହେବ ନାହିଁ । ଅଯଥା ଖର୍ଚ୍ଚରୁ ଦୂରେଇ ରୁହନ୍ତୁ । ବନ୍ଧନର ଭୟ ଆପଣଙ୍କୁ ରହିବ । ପୁରୁଣା ବନ୍ଧୁଙ୍କ ମିଳନ ହୋଇପାରେ । ବ୍ୟବସାୟରେ ସଂପୂର୍ଣ୍ଣ ଧ୍ୟାନ ଦେବେ ନହେଲେ କ୍ଷତି ହୋଇପାରେ । ଦାମ୍ପତ୍ୟ ଜୀବନ ମଧ୍ୟମ ଫଳ ଦେବ। କୁମ୍ଭ - ଦିନଟି ଉତ୍ତମ ଫଳ ପ୍ରଦାନ କରିବ । ଚାକିରି କ୍ଷେତ୍ରରେ ପଦୋନ୍ନତିର ଯୋଗ ଅଛି । ବିଦ୍ୟାର୍ଥୀମାନେ ଫଳାଫଳକୁ ଅପେକ୍ଷା କରିବେ । ନୂତନ ଯାନବାହାନ କ୍ରୟ କରିପାରନ୍ତି । ନୂତନ ସ୍ଥାନ ପ୍ରାପ୍ତିର ଯୋଗ ରହିଛି । ଆୟ ଉତ୍ତମ ରହିବ । ମୀନ - ଦିନଟି ଏତେ ଫଳପ୍ରଦ ହେବ ନାହିଁ । ଅଯଥା ଖର୍ଚ୍ଚରୁ ଦୂରେଇ ରୁହନ୍ତୁ । ବନ୍ଧନର ଭୟ ଆପଣଙ୍କୁ ରହିବ । ପୁରୁଣା ବନ୍ଧୁଙ୍କ ମିଳନ ହୋଇପାରେ । ବ୍ୟବସାୟରେ ସଂପୂର୍ଣ୍ଣ ଧ୍ୟାନ ଦେବେ ନହେଲେ କ୍ଷତି ହୋଇପାରେ ।

ତତାଇଲାଣି ଜାନୁଆରୀ : ଆଗକୁ ୨ରୁ ୪ ଡିଗ୍ରୀ ବଢିବ ପାରଦ, କୋରାପୁଟରେ ସର୍ବାଧିକ

ଭୁବନେଶ୍ୱର ୨୩।୦୧ : କାଲୁଆ କୋରାପୁଟରେ ଖରା ତାଉ । ଭାଙ୍ଗିଲା ଜାନୁଆରୀର ସର୍ବକାଳୀନ ତାତି ରେକର୍ଡ । ସ୍ୱାଭାବିକଠାରୁ ସାଢ଼େ ୫ ଡିଗ୍ରୀ ଉପରକୁ ଡେଇଁ ବୁଧବାର କୋରାପୁଟରେ ଦିନ ତାପମାତ୍ରା ୩୩.୨ ଡିଗ୍ରୀ ସେଲସିୟସ୍‌ରେ ପହଞ୍ଚିଛି । ଜାନୁଆରୀ ମାସରେ କୋରାପୁଟରେ କେବେ ଏମିତି ଗରମ ଅନୁଭବ ହୋଇନଥିଲା । ଏହାପୂର୍ବରୁ ୨୦୦୯ ଜାନୁଆରୀ ୩୧ରେ କୋରାପୁଟରେ ସର୍ବୋଚ୍ଚ ତାତ ଥିଲା ୩୩ ଡିଗ୍ରୀ । ଏଥର ଜାନୁଆରୀର ସବୁ ତାତି ରେକର୍ଡ ଭାଙ୍ଗିଛି କୋରାପୁଟ । ଏଭଳି ସ୍ଥିତି ପାଣିପାଗ ବିଜ୍ଞାନୀଙ୍କୁ ଚମକାଇ ଦେଇଛି । ରେକର୍ଡ କହୁଛି, ୨୦୦୯ ଜାନୁଆରୀରେ କୋରାପୁଟରେ ଏଭଳି ଭୀଷଣ ଗରମ ଅନୁଭୂତ ହୋଇଥିଲା । ସେହି ବର୍ଷ ଏପ୍ରିଲ ଓ ମେ’ ମାସରେ ଭୀଷଣ ଗ୍ରୀଷ୍ମ ପ୍ରବାହରେ ଜଳିଥିଲା ଓଡ଼ିଶା । ୨୦୦୯ ଗ୍ରୀଷ୍ମ ପ୍ରବାହରେ ରାଜ୍ୟରେ ୧୧୩ ଜଣଙ୍କର ମୃତ୍ୟୁ ହୋଇଥିଲା । ଏ ବର୍ଷ ଜାନୁଆରୀର ଗରମ ପୁଣି ଥରେ ଭୀଷଣ ତାତିର ସଙ୍କେତ ଦେଉନି ତ? ରାଜ୍ୟରେ ହଠାତ୍‌ ଯେମିତି ଗରମ ପବନ ପଶିଯାଇଛି । ଟାଣ ହୋଇଛି ଖରା । ଘରେ ବି ଗରମ ଲାଗୁଛି । ଏପଟେ ରାତିର ଶୀତ ପ୍ରବାହ ବି କମିଛି । ପାଣିପାଗ ବିଭାଗ କହୁଛି, ଦିନ ତାପମାତ୍ରା ଏମିତି ରହିବ । ରାତି ତାପମାତ୍ରା ଯେତିକି ଅଛି, ତା’ଠାରୁ ୨ରୁ ୪ ଡିଗ୍ରୀ ସେଲସିୟସ୍‌ ବଢ଼ିଯିବ । ଅର୍ଥାତ୍‌ ଶୀତ ବର୍ତ୍ତମାନ ପାଇଁ ଗାଏବ ହୋଇଯିବ । ଜାନୁଆରୀ ଯାଇନି । ଏବେଠାରୁ ତାଉ ଦେଖାଇଲାଣି ଖରା । ପ୍ରାୟ ସବୁଠି ସ୍ୱାଭାବିକଠାରୁ ଅଧିକ ରହିଛି ଦିନ ତାପମାତ୍ରା । ପାରଳାଖେମୁଣ୍ଡିରେ ଦିନ ତାପମାତ୍ରା ୩୪.୨ ଡିଗ୍ରୀ ସେଲସିୟସ୍‌ ଛୁଇଁଥିବାବେଳେ ଅଧିକାଂଶ ସ୍ଥାନରେ ପାରଦ ୩୨ ଉପରେ ରହିଛି । କୋରାପୁଟ ଭଳି ଥଣ୍ଡା ଅଞ୍ଚଳରେ ଦିନ ତାପମାତ୍ରା ୩୩ ଡିଗ୍ରୀ ଟପିଛି । କେନ୍ଦୁଝର ଓ ଝାରସୁଗୁଡ଼ାରେ ଦିନର ତାପମାତ୍ରା ଯେତିକି ରହିବା କଥା, ତା’ଠାରୁ ୪.୮ ଡିଗ୍ରୀ ଅଧିକ ଅଛି । ଅନୁଗୁଳରେ ୨.୮, ବାଲେଶ୍ୱରରେ ୩.୭, ଭୁବନେଶ୍ୱରରେ ୨.୨, ସମ୍ବଲପୁରରେ ୩.୬ ଡିଗ୍ରୀ ସେଲସିୟସ୍‌ ଅଧିକ ରହିଛି ଦିନ ତାପମାତ୍ରା । ୨୦୨୪ ଥିଲା ବିଶ୍ୱର ସବୁଠୁ ଉତ୍ତପ୍ତ ବର୍ଷ, ବୈଜ୍ଞାନିକ କହିଲେ ଆଗକୁ ଲଗାତାର ଆସିବ ବନ୍ୟା ଓ ଝଡତୋଫାନ ବୁଧବାର ବରଗଡ଼ର ଦିନ ତାପମାତ୍ରା ୩୩ ଡିଗ୍ରୀ ଥିବା ବେଳେ ସୁନ୍ଦରଗଡ଼ ୩୩.୫, ଝାରସୁଗୁଡ଼ା ୩୩, ନୂଆପଡ଼ା ୩୨.୪, ଟିଟିଲାଗଡ଼ ୩୨.୫, ଜଗତସିଂହପୁର ୩୨.୫, ସମ୍ବଲପୁର ୩୨.୩, ମାଲକାନଗିରି ୩୨.୨, ତାଳଚେର ୩୨.୨, ଅନୁଗୁଳ ୩୨.୧, ନବରଙ୍ଗପୁର ୩୨, ଭୁବନେଶ୍ୱର ୩୧.୯, ବାଲେଶ୍ୱର ୩୦.୮ ଡିଗ୍ରୀ ସେଲସିୟସ୍‌ ଥିଲା । ଅନ୍ୟପଟେ ରାତି ତାପମାତ୍ରା ବି ବଢ଼ିବାରେ ଲାଗିଛି । ମଙ୍ଗଳବାର ରାତିରେ ଫୁଲବାଣୀକୁ ବାଦ୍‌ ଦେଲେ କୌଣସି ସ୍ଥାନରେ ପାରଦ ୧୦ ଡିଗ୍ରୀ ତଳେ ନଥିଲା । ଉପକୂଳ ଅଞ୍ଚଳରେ ରାତି ତାପମାତ୍ରା ୧୫ ଡିଗ୍ରୀ ପାଖାପାଖି ପହଞ୍ଚିଛି । ପାଣିପାଗ ବିଭାଗ କହିଛି, ବର୍ତ୍ତମାନ କୁହୁଡ଼ି ଲାଗି ରହିବ ୨୪ ତାରିଖ ପର୍ଯ୍ୟନ୍ତ । ୨୩ ତାରିଖ ସକାଳେ ଜଗତସିଂହପୁର, କେନ୍ଦ୍ରାପଡ଼ା, ଭଦ୍ରକର କିଛି ସ୍ଥାନ ସମେତ କଟକ, ଖୋର୍ଦ୍ଧା, ପୁରୀ, ଯାଜପୁର, ଅନୁଗୁଳ, ଢେଙ୍କାନାଳ, କଳାହାଣ୍ଡି, କନ୍ଧମାଳ, ଝାରସୁଗୁଡ଼ା, ସୁନ୍ଦରଗଡ଼ରେ ମଧ୍ୟମ ଧରଣର କୁହୁଡ଼ି ହେବ । ଜଗତସିଂହପୁର, କେନ୍ଦ୍ରାପଡ଼ା ଓ ଭଦ୍ରକର ସ୍ଥାନେ ସ୍ଥାନେ ଘନ କୁହୁଡ଼ି ଆଶଙ୍କା ଅଛି । ବିଶେଷଜ୍ଞ କହିଛନ୍ତି, ବର୍ତ୍ତମାନ ଉତ୍ତର ଭାରତ ଉପରେ ପଶ୍ଚିମା ଝଡ଼ ପ୍ରଭାବ ରହିଛି । ଏପଟେ ବାୟୁମଣ୍ଡଳ ମଧ୍ୟଭାଗରେ ଜଳୀୟ ବାଷ୍ପ ନଥିବାରୁ ସୂର୍ଯ୍ୟ କିରଣ ସିଧା ପଡ଼ିବାରୁ ତାପମାତ୍ରା ବଢ଼ିଛି । ୨୫ ଯାଏଁ ଏଭଳି ପାଗ ରହିପାରେ । ଯୌତୁକରେ ୧ ଟଙ୍କା ନେଲେ ନୀରଜ ଚୋପ୍ରା, ଫ୍ୟାନ୍ସ କହିଲେ- ଜ୍ଵାଇଁ ହେବ ତ ଏମିତି…

ଇଲେକ୍ଟୋନିକ୍ସ ଦୋକାନରେ ଲାଗିଲା ନିଆଁ, ଜଳିଗଲା ଲକ୍ଷାଧିକ ଟଙ୍କାର ସାମଗ୍ରୀ

ଭଦ୍ରକ ୨୩।୦୧ : ଦୋକାନରେ ଭୟାବହ ଅଗ୍ନିକାଣ୍ଡ । ଜଳିଗଲା ଲକ୍ଷାଧିକ ଟଙ୍କାର ସାମଗ୍ରୀ ପୋଡି ପାଉଁଶ । ଭଦ୍ରକ ଜିଲ୍ଲା ଧୁସୁରି ବଜାରରେ ଥିବା ଇଲେକ୍ଟୋନିକ୍ସ ଦୋକାନରେ ଅଗ୍ନିକାଣ୍ଡ ଘଟିଛି । ଖବର ଅନୁଯାୟୀ, ବୁଧବାର ବିଳମ୍ବିତ ରାତିରେ ଧୁସୁରି ବଜାରରେ ଥିବା ଏଟିଏସ୍‌ ଇଲେକ୍ଟୋନିକ୍ସ ଦୋକାନରେ ହଠାତ୍‌ ନିଆଁ ଲାଗିଯାଇଥିଲା । ସ୍ଥାନୀୟ ଲୋକ ନିଆଁକୁ ଆୟତ୍ତ କରିବାକୁ ଚେଷ୍ଟା କରିଥିଲେ । କିନ୍ତୁ ଏଥିରେ ସଫଳ ହୋଇପାରିନଥିଲେ । ଶେଷରେ ଧାମନଗର ଅଗ୍ନିଶମ ବାହିନୀ ଖବର ପାଇ ଘଟଣାସ୍ଥଳରେ ପହଞ୍ଚି ନିଆଁକୁ ଆୟତ୍ତ କରିଛି । ଯାହାଫଳର ଏକ ବଡ଼ଧରଣର ଦୁର୍ଘଟଣାରୁ ବର୍ତ୍ତିଯାଇଛି । ଏହାସହିତ ନିକଟରେ ଅନ୍ୟ ଦୋକାନ ଗୁଡିକ ମଧ୍ୟ ବର୍ତ୍ତି ଯାଇଛି । ତେବେ ଏହି ଅଗ୍ନିକାଣ୍ଡରେ ଲକ୍ଷାଧିକ ଟଙ୍କାର ସାମଗ୍ରୀ ଜଳିପୋଡି ପାଉଁଶ ହୋଇଯାଇଥିବା ସୂଚନା ମିଳିଛି । ତତାଇଲାଣି ଜାନୁଆରୀ : ଆଗକୁ ୨ରୁ ୪ ଡିଗ୍ରୀ ବଢିବ ପାରଦ, କୋରାପୁଟରେ ସର୍ବାଧିକ

ଯାତ୍ରୀଙ୍କ ୫ ବର୍ଷର ଛୁଆ ନେଇଗଲା ଅଟୋ ଡ୍ରାଇଭର, ମହାରାଷ୍ଟ୍ରରୁ ଭଦ୍ରକ ଆସିଥିଲେ ବୁଲିବାକୁ

ଭଦ୍ରକ ୨୩।୦୧ : ଛୁଆ ନେଇଗଲା ଅଟୋ ଡ୍ରାଇଭର । ମହାରାଷ୍ଟ୍ରରୁ ଆସିଥିବା ଯାତ୍ରୀଙ୍କ ୫ ବର୍ଷର ଛୁଆକୁ ନେଇ ଚମ୍ପଟ ମାରିଛି ଅଟୋ ଡ୍ରାଇଭର । ଗୋଟିଏ ପଟେ ଡ୍ରାଇଭର ଫେରାର ଥିବା ବେଳେ ଅନ୍ୟ ଏକ ଚାଳକୁ ଧରି ପୋଲିସ ଜିମା ଦେଇଛନ୍ତି ସ୍ଥାନୀୟ ଲୋକ । ଭଦ୍ରକ ଜିଲ୍ଲା ଭଦ୍ରକ ରେଳ ଷ୍ଟେସନ ନିକଟରେ ଘଟିଛି ଏହି ଘଟଣା । ଖବର ଅନୁଯାୟୀ, ମହାରାଷ୍ଟ୍ରରୁ କେତେକ ଲୋକ ଭଦ୍ରକ ଆସିଥିଲେ । ଭଦ୍ରକ ରେଳ ଷ୍ଟେସନରେ ଓହ୍ଲାଇବା ପରେ ଦୁଇଟି ଅଟୋରେ ବନ୍ତ ଛକ ନିକଟକୁ ଆସିଥିଲେ। ଗୋଟିଏ ଅଟୋରୁ ଲୋକେ ଓହ୍ଲାଇବା ପରେ ଛୋଟ ପିଲାଟି ଗାଡ଼ିରେ ବସିଥିଲା । ଅଟୋ ଭଡା ନନେଇ ପିଲାଟିକୁ ନେଇ ଅଟୋ ଡ୍ରାଇଭର ଦ୍ରୁତ ଗତିରେ ପଳାଇଥିଲେ। ପରେ ଯାତ୍ରୀଙ୍କ ପାଟି ଶୁଣି ସ୍ଥାନୀୟ ଲୋକେ ସାଙ୍ଗରେ ଆସିଥିବା ଅନ୍ୟ ଏକ ଅଟୋକୁ ଅଟକାଇ ପୋଲିସକୁ ଖବର ଦେଇଥିଲେ । ପରେ ଭଦ୍ରକ ୧୧୨ ଟିମ ଅଟୋ ଡ୍ରାଇଭରକୁ ଥାନାକୁ ଆଣିଥିବା ବେଳେ ଫେରାର ହୋଇଥିବା ଅଟୋ ଓ ପିଲାକୁ ଖୋଜୁଛି ପୋଲିସ। ନେତାଜୀଙ୍କ ମୃତ୍ୟୁ ସମ୍ପର୍କିତ ଜନସ୍ବାର୍ଥ ମାମଲାର ଶୁଣାଣି, ପ୍ରତିପକ୍ଷଙ୍କୁ ନୋଟିସ କଲେ ହାଇକୋର୍ଟ

ଜୀବନ ବଞ୍ଚାଇଥିବା ଅଟୋ ଡ୍ରାଇଭରଙ୍କୁ ଭେଟି ଧନ୍ୟବାଦ ଜଣାଇଲେ ସୈଫ୍ ଅଲ୍ଲି ଖାନ, ଦେଲେ ୫୦ ହଜାର ଟଙ୍କା

ମୁମ୍ଵାଇ ୨୩।୦୧; ବଲିଉଡ ଅଭିନେତା ସୈଫ ଅଲି ଖାନଙ୍କ ସ୍ୱାସ୍ଥ୍ୟାବସ୍ଥା ଏବେ ସମ୍ପୂର୍ଣ୍ଣ ଠିକ୍ ଅଛି । ମଙ୍ଗଳବାର ତାଙ୍କୁ ହସ୍ପିଟାଲରୁ ଡିସଚାର୍ଜ ମଧ୍ୟ କରାଯାଇଥିଲା । ସୈଫ୍ ହସ୍ପିଟାଲରୁ ଘରକୁ ପହଞ୍ଚିବା ପରେ ସେ ପ୍ରଥମ ଥର କ୍ୟାମେରା ସାମ୍ନାକୁ ଆସିଥିଲେ । ପାପାରାଜିଙ୍କ ପାଇଁ ପୋଜ୍ ଦେବା ସହ ତାଙ୍କୁ ଧନ୍ୟବାଦ ଜଣାଇଥିଲେ । ବର୍ତ୍ତମାନ ସୈଫ ଅଲି ଖାନ ସେହି ଅଟୋ ଡ୍ରାଇଭରଙ୍କୁ ଭେଟିଛନ୍ତି । ଯିଏ ତାଙ୍କୁ ହସ୍ପିଟାଲ ନେଇବାରେ ସାହାଯ୍ୟ କରିଥିଲା । ଯାହାର ଫଟୋ ସୋସିଆଲ ମିଡିଆରେ ବେଶ ଭାଇରାଲ ହେବାରେ ଲାଗିଛି । ଅଟୋ ଡ୍ରାଇଭର ଭଜନ ସିଂ ରାଣାଙ୍କ ସହ ସୈଫଙ୍କର ଏକ ଫଟୋ ଭାଇରାଲ ହେଉଛି । ଫଟୋରୁ ସ୍ପଷ୍ଟ ହୋଇଛି ଯେ ସୈଫ୍ ମଙ୍ଗଳବାର ଦିନ ହସ୍ପିଟାଲରେ ଅଟୋ ଡ୍ରାଇଭରଙ୍କୁ ଭେଟିଥିଲେ । ଫଟୋରେ ସୈଫ ହ୍ୱାଇଟ୍ ସାର୍ଟ ସହ ଡେନିମ୍ ଜିନ୍ସରେ ନଜର ଆସିଛନ୍ତି । ସୈଫ ଡ୍ରାଇଭରଙ୍କ କାନ୍ଧରେ ହାତ ରଖି ଏକାଠି ବସି ଏକ ଫଟୋ ମଧ୍ୟ ଉଠାଇଥିଲ। ଏଥିସହ ସୈଫ ଅଟୋ ଡ୍ରାଇଭରଙ୍କୁ ଭେଟି ଧନ୍ୟବାଦ ମଧ୍ୟ ଜଣାଇଥିଲେ । ସୈଫ ଡ୍ରାଇଭରଙ୍କ କାମକୁ ପ୍ରଶଂସା କରି କହିଥିଲେ, ''ସମସ୍ତଙ୍କୁ ଏହିପରି ସାହାଯ୍ୟ କରିଚାଲ। ତୁମର ସେହି ଦିନର ଭଡା ଦେଇନି .. ତାହା ପାଇଁ ଚିନ୍ତା କରନାହିଁ ତାହା ତୁମକୁ ମିଳିବ । ଯଦି ତୁମକୁ ଜୀବନରେ କୌଣସି ପ୍ରକାରର ସାହାଯ୍ୟର ଆବଶ୍ୟକତା ଅଛି, ତେବେ ମୋତେ ମନେ ରଖ ।'' ଏହି ସମୟରେ ସୈଫ ଅଲି ଖାନଙ୍କ ମାଆ ଶର୍ମିଲା ଟାଗୋର ଏବଂ ପତ୍ନୀ କରୀନା କପୁର ମଧ୍ୟ ଡ୍ରାଇଭରଙ୍କୁ ଧନ୍ୟବାଦ ଜଣାଇଥିଲେ । କହିବାକୁ ଗଲେ ଅଟୋ ଡ୍ରାଇଭର ରାଣା ଜାଣି ନଥିଲେ ଯେ ସେ ଯେଉଁ ଆହତ ବ୍ୟକ୍ତିଙ୍କୁ ହସ୍ପିଟାଲକୁ ନେଉଥିଲେ ସେ ଆଉ କେହି ନୁହଁନ୍ତି ବରଂ ଅଭିନେତା ସୈଫ୍ ଅଲ୍ଲୀ ଖାନ। ସେ ପ୍ରଥମେ ରକ୍ତ ଜୁଡୁବୁଡୁ ସୈଫଙ୍କୁ ଡାକ୍ତରଖାନାକୁ ନେଇଗଲେ। ସେଠାରେ ପହଞ୍ଚିବା ପରେ ସେମାନେ ଜାଣିବାକୁ ପାଇଲେ ଯେ ଆହତ ବ୍ୟକ୍ତି ଜଣକ ସୈଫ୍ ଅଲ୍ଲୀ ଖାନ। ଚାଳକ ଜଣକ କହିଛନ୍ତି ଯେ ସେ ଜଣେ ଅସହାୟ ବ୍ୟକ୍ତିଙ୍କୁ ସାହାଯ୍ୟ କରିପାରିଥିବାରୁ ଖୁସି ଏବଂ ଗର୍ବିତ। ରାଣାଙ୍କ ତତ୍ପରତା ଏବଂ ଦାୟିତ୍ୱପୂର୍ଣ୍ଣ କାର୍ଯ୍ୟ ଯୋଗୁଁ ସୈଫ ଅଲ୍ଲୀ ଖାନଙ୍କୁ ଉଚିତ୍‌ ଚିକିତ୍ସା ମିଳିଥିଲା। ଏହାକୁ ଦୃଷ୍ଟିରେ ରଖି, ସୋସିଆଲ ମିଡିଆ ଇନଫ୍ଲୁଏନ୍ସର ଫୈଜାନ ଅନସାରୀ ରାଣାଙ୍କୁ ୧୧,୦୦୦ ଟଙ୍କା ନଗଦ ଦେଇ ସମ୍ମାନିତ କରିଥିଲେ। ଏହା ପରେ, ଅଭିନେତା ଭଜନ ସିଂହ ରାଣାଙ୍କୁ ଭେଟିଥିଲେ ଏବଂ ତାଙ୍କୁ ୫୦ ହଜାର ଟଙ୍କା ଦେଇଥିଲେ । ଡ୍ରାଇଭରଙ୍କୁ ଏହି କାର୍ଯ୍ୟ ପାଇଁ ତାଙ୍କୁ ସମସ୍ତେ ପ୍ରଶଂସା କରୁଛନ୍ତି । ସିକ୍ୟୁରିଟି ଟିମ୍ ବଦଳାଇଲେ ସୈଫ୍ ଅଲ୍ଲି ଖାନ୍‌, ଏବେ ସୁରକ୍ଷା ଦେବେ ୯୦ ଦଶକର ଏହି ଅଭିନେତା

ନେତାଜୀ ସୁଭାଷ ଚନ୍ଦ୍ର ବୋଷଙ୍କ ୧୨୮ତମ ଜନ୍ମ ଜୟନ୍ତୀ, ବୀରତ୍ୱର ଗାଥାକୁ ମନେ ପକାଉଛି ସାରା ଦେଶ

ଭୁବନେଶ୍ୱର ୨୩/୦୧: ଭାରତୀୟ ସ୍ୱାଧିନତା ସଂଗ୍ରାମର ଅଦ୍ବିତୀୟ ଯୋଦ୍ଧା ସୁଭାଷ ଚନ୍ଦ୍ର ବୋସଙ୍କ ଆଜି ଜନ୍ମ ଜୟନ୍ତୀ। ସେହିପରି ମହାନ ବିପ୍ଲବୀ ବୀର ସୁରେନ୍ଦ୍ର ସାଏଙ୍କ ମଧ୍ୟ ଆଜି ଜନ୍ମ ଜୟନ୍ତୀ । ସାରା ଦେଶରେ ଆଜି ଓଡ଼ିଶାର ଏହି ଦୁଇ ବରପୁତ୍ରଙ୍କ ଜନ୍ମଜୟନ୍ତୀ ପାଳନ କରାଯାଉଛି । ତାଙ୍କ ବୀରତ୍ୱର ଗାଥାକୁ ମନେପକାଇ ଦେଶପ୍ରେମରେ ସାରା ଦେଶ ମନେପକାଉଛି । ନେତାଜୀ ସୁଭାଷ ଚନ୍ଦ୍ର ବୋଷ ଭାରତୀୟ ସ୍ୱାଧିନତା ସଂଗ୍ରାମର ମହାନାୟକ । ଆଜି ନେତାଜୀଙ୍କ ୧୨୮ତମ ଜନ୍ମ ଜୟନ୍ତୀ । ଏଥିପାଇଁ ସଜେଇ ହୋଇଛି ଓଡ଼ିଆ ବଜାରସ୍ଥିତ ନେତାଙ୍କ ଜନ୍ମପୀଠ ଏବଂ ସଂଗ୍ରହାଳୟ। ସକାଳୁ ସକାଳୁ ନେତାଙ୍କ ଜନ୍ମପୀଠରେ ଲୋକମାନଙ୍କର ଗହଳି ଦେଖିବାକୁ ମିଳିଛି । ନେତାଜୀଙ୍କ ପ୍ରତିମୂର୍ତ୍ତିରେ ଲୋକମାନେ ପୁଷ୍ପମାଲ୍ୟ ଅର୍ପଣ କରୁଛନ୍ତି । ଜୟନ୍ତୀ ଅବସରରେ କଟକ ସ୍ଥିତ ନେତାଜୀଙ୍କ ଜନ୍ମସ୍ଥାନରେ ବିଭିନ୍ନ କାର୍ଯ୍ୟକ୍ରମ ଆୟୋଜନ କରାଯାଉଛି । କେନ୍ଦ୍ର ସଂସ୍କୃତି ମନ୍ତ୍ରାଳୟ ପକ୍ଷରୁ ପରାକ୍ରମ ଦିବସ ପାଳନ କରାଯିବ । ବାରବାଟୀ ଦୁର୍ଗ ଭିତରେ ଜାତୀୟସ୍ତରୀୟ ପରାକ୍ରମ ଦିବସ ପାଳନ କରିବା ସହ ନେତାଜୀ ସଂପର୍କିତ ବିଭିନ୍ନ ପ୍ରଦର୍ଶନୀ ଆୟୋଜିତ ହେବ । ପ୍ରଧାନମନ୍ତ୍ରୀଙ୍କ ଏକ ଭିଡିଓ ମେସେଜରୁ କାର୍ଯ୍ୟକ୍ରମ ଆରମ୍ଭ ହେବ ।

ଜଲଗାଓଁରେ ଦୁର୍ଘଟଣାରେ ୧୩ ମୃତ ଓ ୪୦ ଆହତ, ମୃତକଙ୍କ ପରିବାରକୁ ୬.୫୦ ଲକ୍ଷ ସହାୟତା

ଜଲଗାଓଁ,୨୩/୦୧: ମହାରାଷ୍ଟ୍ରର ଜଲଗାଓଁରେ ବୁଧବାର ଏକ ହୃଦୟବିଦାରକ ରେଳ ଦୁର୍ଘଟଣା ଘଟିଛି । ନିଆଁ ଗୁଜବରୁ ଗୋଟିଏ ଟ୍ରେନର ଯାତ୍ରୀ ବାହାରକୁ ଡେଇଁପଡ଼ିଥିଲେ । ସେମାନଙ୍କ ଉପରେ ଅନ୍ୟ ଏକ ଟ୍ରେନ ମାଡ଼ିଯାଇଛି । ଫଳରେ ୧୩ ଜଣ ଯାତ୍ରୀ ପ୍ରାଣ ହରାଇଥିବା ବେଳେ ୪୦ ଜଣ ଆହତ ହୋଇଛନ୍ତି । ମହାରାଷ୍ଟ୍ରର ଜଲଗାଓଁସ୍ଥିତ ପାଚୋରା ଷ୍ଟେସନ ନିକଟବର୍ତ୍ତୀ ମାହେଜି ଓ ପରଧାଡ଼େ ମଝିରେ ଏହି ଦୁର୍ଘଟଣା ବୁଧବାର ସନ୍ଧ୍ୟା ୪ଟା ୫୦ରେ ଘଟିଛି । ଲକ୍ଷ୍ନୌ-ମୁମ୍ବାଇ ପୁଷ୍ପକ ଏକ୍ସପ୍ରେସ ଅଚାନକ ରହିଯିବାରୁ ଏଥିରେ ନିଆଁ ଲାଗିଥିବା ନେଇ ଗୁଜବ ସୃଷ୍ଟି ହୋଇଥିଲା । ଏହାପରେ କିଛି ଯାତ୍ରୀ ଚେନ୍‌ ଟାଣି ପ୍ରାଣ ବିକଳରେ ବାହାରକୁ ଡେଇଁଥିଲେ । ଠିକ୍‌ ଏତିକି ବେଳେ ବିପରୀତ ଦିଗରୁ ଦ୍ରୁତ ବେଗରେ ଆସୁଥିବା ବେଙ୍ଗାଲୁରୁ-ନୂଆଦିଲ୍ଲୀ କର୍ଣ୍ଣାଟକ ଏକ୍ସପ୍ରେସ ସେମାନଙ୍କ ଉପରେ ମାଡ଼ିଯାଇଥିଲା । ରେଳ ଅଧିକାରୀଙ୍କ ଅନୁସାରେ, କର୍ଣ୍ଣାଟକ ଏକ୍ସପ୍ରେସ ଅଚାନକ ବୁଲାଣି ଟ୍ରାକ୍‌ (ସାର୍ପ ଟର୍ନ)ରେ ଗତି କରୁଥିବା ବେଳେ ଡ୍ରାଇଭର ରେଳ ଧାରଣା ଉପରେ ଲୋକଙ୍କୁ ଦେଖିପାରି ନ ଥିଲେ । ବୁଲାଣି ଶେଷ ହେବା କ୍ଷଣି ଏତେ ଲୋକଙ୍କୁ ଦେଖି ହତବାକ୍‌ ହୋଇଯାଇଥିଲେ । କ’ଣ କରିବେ ତାଙ୍କୁ ବୁଦ୍ଧି ଦିଶି ନ ଥିଲା । ଜୋରରେ ହର୍ନ ବଜାଇବା ସହ ବ୍ରେକ୍‌ କଷିବାକୁ ଲାଗିଥିଲେ । କିନ୍ତୁ ଦ୍ରୁତ ଗତି ଯୋଗୁ ଟ୍ରେନ୍‌କୁ ସେ ରୋକିପାରି ନ ଥିଲେ, ଯାହାଦ୍ୱାରା ଏହି ଦୁର୍ଘଟଣା ଘଟିଥିଲା । ପ୍ରତ୍ୟକ୍ଷଦର୍ଶୀଙ୍କ ମୁତାବକ, ଯାତ୍ରୀମାନେ ପୁଷ୍ପକ ଏକ୍ସପ୍ରେସରୁ ଡେଇଁବା ପରେ କର୍ଣ୍ଣାଟକ ଏକ୍ସପ୍ରେସକୁ ଦେଖିନେଇଥିଲେ । କିନ୍ତୁ ଗହଳି ଅଧିକ ଥିବାରୁ ସେମାନେ ନିଜକୁ ଧାରଣାରୁ ଏତେଶୀଘ୍ର ହଟାଇ ପାରି ନ ଥିଲେ । ଖବର ପାଇ ରେଳ କର୍ତ୍ତୃପକ୍ଷ ଓ ସ୍ଥାନୀୟ ଜରୁରି ସେବା ବିଭାଗ ଦୁର୍ଘଟଣା ସ୍ଥଳରେ ପହଞ୍ଚି ଉଦ୍ଧାର କାର୍ଯ୍ୟ ଜୋରଦାର କରିଥିଲେ । ସ୍ଥାନୀୟ ଲୋକମାନେ ମଧ୍ୟ ଉଦ୍ଧାର କାର୍ଯ୍ୟରେ ସହଯୋଗ କରିଥିଲେ । ୮ଟି ଆମ୍ବୁଲାନ୍ସରେ ମେଡିକାଲ ଟିମ୍‌ ଆହତ ଯାତ୍ରୀଙ୍କୁ ତୁରନ୍ତ ଚିକିତ୍ସା ଯୋଗାଇଥିଲେ । ମୃତ ଯାତ୍ରୀଙ୍କ ଶବଗୁଡ଼ିକୁ ଉଦ୍ଧାର ପରେ ଜଲଗାଓଁସ୍ଥିତ ହସ୍ପିଟାଲରେ ରଖାଯାଇଛି । କେନ୍ଦ୍ରୀୟ ରେଳପଥ ଓ ପଶ୍ଚିମ କେନ୍ଦ୍ରୀୟ ରେଳପଥ ତରଫରୁ ହେଲ୍ପଲାଇନ ନମ୍ବର ଜାରି ହୋଇଛି । ମୁମ୍ବାଇଠାରୁ ୪୦୦ କିଲୋମିଟର ଓ ଜଲଗାଓଁରୁ ୨୦ କିଲୋମିଟର ଦୂରରେ ଏହି ଦୁର୍ଘଟଣା ଘଟିଛି । ଜଣେ ବରିଷ୍ଠ ରେଳ ଅଧିକାରୀ କହିଛନ୍ତି, କର୍ଣ୍ଣାଟକ ଏକ୍ସପ୍ରେସ (୧୨୬୨୭) ଯଶୋୱନ୍ତପୁରରୁ ହଜରତ ନିଜାମୁଦ୍ଦିନ ଅଭିମୁଖେ ଯାଉଥିଲା । ଏହି ସମୟରେ ପୁଷ୍ପକ ଏକ୍ସପ୍ରେସ (୧୨୫୩୩) ଲକ୍ଷ୍ନୌରୁ ମୁମ୍ବାଇ ଯାଉଥିଲା । ପୁଷ୍ପକ ଏକ୍ସପ୍ରେସର ଏକ ବଗି ଭିତରେ ‘ହଟ୍‌ ଏକ୍ସେଲ’ ବା ‘ବ୍ରେକ୍‌-ବାଇଣ୍ଡିଙ୍ଗ୍‌ (ଜାମିଙ୍ଗ୍‌)’ ଯୋଗୁ ଧୂଆଁ ବାହାରିଥିଲା । ଏହାକୁ ଦେଖି କିଛି ଯାତ୍ରୀ ଭୟଭୀତ ହୋଇପଡ଼ିଥିଲେ । ସେମାନେ ଭୟରେ ଚେନ୍‌ ଟାଣିଥିଲେ । ଏହାପରେ ବଗିରେ ଥିବା ଅନ୍ୟମାନେ ତଳକୁ ଡେଇଁଥିଲେ । ରେଳ ଦୁର୍ଘଟଣାକୁ ନେଇ ସ୍ୱରାଷ୍ଟ୍ର ମନ୍ତ୍ରୀ ଅମିତ ଶାହ, ରେଳମନ୍ତ୍ରୀ ଅଶ୍ୱିନୀ ବୈଷ୍ଣବ, ୟୁପି ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ ଏବଂ ମହାରାଷ୍ଟ୍ର ମୁଖ୍ୟମନ୍ତ୍ରୀ ଦେବେନ୍ଦ୍ର ଫଡ଼ନବିସ ଶୋକବ୍ୟକ୍ତ କରିଛନ୍ତି । ମହାରାଷ୍ଟ୍ର ସରକାର ମୃତ ଯାତ୍ରୀଙ୍କ ପରିବାରକୁ ୫ ଲକ୍ଷ ଟଙ୍କା ଲେଖାଏଁ ଅନୁକମ୍ପାମୂଳକ ରାଶି ପ୍ରଦାନ ଲାଗି ଘୋଷଣା କରିଛନ୍ତି । ସେହିଭଳି ରେଳପଥ ପକ୍ଷରୁ ମୃତକଙ୍କ ପରିବାରକୁ ୧.୫ ଲକ୍ଷ, ଆହତଙ୍କୁ ୫୦ ହଜାର ଓ ସାମାନ୍ୟ ଆହତଙ୍କୁ ୫ ହଜାର ଟଙ୍କା ସହାୟତା ଦେବାକୁ ଘୋଷଣା ହୋଇଛି ।

ମା'ଙ୍କ ଚିକିତ୍ସା ପାଇଁ ଚୋରି ନିଷ୍ପତ୍ତି ନେଇଥିଲା ସୈଫ୍‌ଙ୍କ ଆକ୍ରମଣକରୀ, ଧନୀ ଲୋକଙ୍କୁ ଲୁଟିବାର ଥିଲା ଯୋଜନା

ମୁମ୍ଵାଇ ୨୩।୦୧; ଆକ୍ରମଣର ୫ଦିନ ପରେ ଡାକ୍ତରଖାନାରୁ ଡିସଚାର୍ଜ ହୋଇଥିଲେ ବଲିଉଡ ଷ୍ଟାର ସୈଫ ଅଲୀ ଖାନ୍ । ଜାନୁଆରି ୧୬ ତାରିଖରେ ସୈଫ ଅଲୀ ଖାନଙ୍କ ଘରେ ପଶି ଜଣେ ଦୁର୍ବୃତ୍ତ ତାଙ୍କୁ ଛୁରୀରେ ଆକ୍ରମଣ କରିଥିଲା। ଅଭିଯୁକ୍ତ ଜଣକ ଅଭିନେତାଙ୍କ ଉପରେ ଛଅ ଥର ଆକ୍ରମଣ କରିଥିଲା। ଡାକ୍ତରମାନେ ଅସ୍ତ୍ରୋପଚାର ମାଧ୍ୟମରେ ତାଙ୍କ ମେରୁଦଣ୍ଡରେ ଲାଗିଥିବା ଅଢ଼େଇ ଇଞ୍ଚର ଏକ ଛୁରୀ ଖଣ୍ଡ ମଧ୍ୟ ବାହାର କରିଥିଲେ ବୋଲି ସୂଚନା ମିଳିଛି। ତେବେ ଚିକିତ୍ସା ପରେ ଅଭିନେତାଙ୍କ ସ୍ୱାସ୍ଥ୍ୟାବସ୍ଥାରେ ଉନ୍ନତି ଆସିବାରୁ ମଙ୍ଗଳବାର ସେ ଘରକୁ ଫେରିଥିଲେ। ଏହି ଘଟଣାକୁ ନେଇ ପୋଲିସ ତଦନ୍ତ କରୁଥିବା ବେ‌ଳେ ଏବେ ଅଭିଯୁକ୍ତର ଏଭଳି ଉଦ୍ୟମ ପଛର କାରଣ ସାମ୍ନାକୁ ଆସିଛି। କୁହାଯାଉଛି ଯେ, ନିଜ ମା’ଙ୍କ ଚିକିତ୍ସା ପାଇଁ ଅଭିଯୁକ୍ତ ବାଂଲାଦେଶୀ ନାଗରିକ ଶରୀଫୁଲ ଇସଲାମ ଶହଜାଦ ଓରଫ ବିଜୟ ଦାସ ଚୋରି କରିବାକୁ ନିଷ୍ପତ୍ତି ନେଇଥିଲ‌ା। ଚାକିରି ଚାଲିଯିବା ପରେ ଟଙ୍କା ରୋଜଗାରର ଅନ୍ୟ କିଛି ବାଟ ନପାଇ ବିଜୟ ଏଭଳି କରିଥିବା ନେଇ ସାମ୍ନାକୁ ଆସିଛି। ଜଣେ ଧନୀ ବ୍ୟକ୍ତିଙ୍କୁ ଲୁଟିବା ପରେ ବାଙ୍ଗଲାଦେଶ ଫେରିଯିବାକୁ ଯୋଜନା କରିଥିଲା ଶରୀଫୁଲ। ସୂଚନା ମିଳିଛି ଯେ, ରେସ୍ତୋରାଁରେ କାମ କରି ୧୩,୦୦୦ପାଉଥିଲା ବିଜୟ। ମା’ଙ୍କ ଚିକିତ୍ସା ପାଇଁ ବାଂଲାଦେଶକୁ ୧୨,୦୦୦ ପଠାଇବା ସହ ନିଜ ପାଖରେ ୧ହଜାର ରଖୁଥିଲେ। ଜଣେ ଗ୍ରାହକଙ୍କ ହୀରା ମୁଦି ଚୋରି କରିବାରୁ ତାଙ୍କୁ ରେସ୍ତୋରାଁରୁ ବାହାର କରିଦିଆଯାଇଥିଲା। ଏହା ପରେ ତାଙ୍କ ପାଖରେ ଘରକୁ ପଠାଇବାକୁ ଆଉ ଟଙ୍କା ନଥିଲା। ଏହା ପରେ ସେ କୌଣସି ଧନୀ ବ୍ୟକ୍ତିଙ୍କୁ ଲୁଟିବେ ବୋଲି ଯୋଜନା କରିଥିଲେ। ଜୀବନ ବଞ୍ଚାଇଥିବା ଅଟୋ ଡ୍ରାଇଭରଙ୍କୁ ଭେଟି ଧନ୍ୟବାଦ ଜଣାଇଲେ ସୈଫ୍ ଅଲ୍ଲି ଖାନ, ଦେଲେ ୫୦ ହଜାର ଟଙ୍କା

ରଣଜୀ ଟ୍ରଫିର ଦ୍ୱିତୀୟ ଭାଗ, ଗ୍ରାଉଣ୍ଡକୁ ଓହ୍ଲାଇବେ ରୋହିତ, ପନ୍ତ, ଗିଲ୍ ଓ ଜାଡେଡା

ମୁମ୍ବାଇ ୨୩/୦୧: ଗୁରୁବାରଠୁ ରଣଜୀ ଟ୍ରଫିର ଦ୍ୱିତୀୟ ଭାଗ ଆରମ୍ଭ ହେବ । ଲିଗ୍‌ ପର୍ଯ୍ୟାୟର ପଞ୍ଚମ ରାଉଣ୍ଡ ଶେଷ ହେବା ପରେ ରଣଜୀ ଟ୍ରଫିକୁ ସ୍ଥଗିତ ରଖାଯାଇ ଦୁଇ ସୀମିତ ଓଭର ଘରୋଇ ଟୁର୍ଣ୍ଣାମେଣ୍ଟ ସୟଦ ମୁସ୍ତାକ ଅଲି ଟି-ଟ୍ୱେଣ୍ଟି ଓ ବିଜୟ ହଜାରେ ଟ୍ରଫି ଆୟୋଜନ କରାଯାଇଥିଲା । ଲିଗ୍‌ ପର୍ଯ୍ୟାୟର ୨ଟି ରାଉଣ୍ଡ ମୁକାବିଲା ଖେଳାଯିବା ସହ ନକ୍‌ ଆଉଟ୍‌ ଚୂଡ଼ାନ୍ତ ହେବ । ପ୍ରଥମ ଭାଗ ତୁଳନାରେ ଦ୍ୱିତୀୟ ଭାଗ ବେଶ୍‌ ସଂଘର୍ଷପୂର୍ଣ୍ଣ ରହିବ ଓ ଦର୍ଶକଙ୍କୁ ଆକର୍ଷିତ କରିବ । ଏହା ପଛର ଅସଲ କାରଣ ହେଉଛି ଭାରତୀୟ ଟେଷ୍ଟ ଦଳର ଅଧିକାଂଶ ସଦସ୍ୟ ରଣଜୀ ଟ୍ରଫି ଜରିଆରେ ଘରୋଇ କ୍ରିକେଟ୍‌କୁ ଫେରିବେ । ରୋହିତ ଶର୍ମା, ଯଶସ୍ୱୀ ଜୈସ୍ୱାଲ, ରିଷଭ ପନ୍ତ, ଶୁଭମନ ଗିଲ, ରବିନ୍ଦ୍ର ଜାଡେଜା ପ୍ରମୁଖ ଆସନ୍ତା କାଲି ଗ୍ରାଉଣ୍ଡକୁ ଓହ୍ଲାଉଛନ୍ତି । ବିରାଟ କୋହଲି ଅନ୍ତିମ ଲିଗ୍‌ ମ୍ୟାଚ୍‌ ଜରିଆରେ ରଣଜୀ ଟ୍ରଫିକୁ ପ୍ରତ୍ୟାବର୍ତ୍ତନ କରିବେ । ରୋହିତ ୧୦ବର୍ଷ ପରେ ରଣଜୀ ଟ୍ରଫି ଖେଳିବାକୁ ଯାଉଛନ୍ତି । ଶେଷ ଥର ପାଇଁ ସେ ୨୦୧୫ରେ ଏହି ପ୍ରିମିୟର ଘରୋଇ ଟୁର୍ଣ୍ଣାମେଣ୍ଟ ଖେଳିଥିଲେ । ଡିଫେଣ୍ଡିଂ ଚାମ୍ପିଅନ୍‌ ମୁମ୍ବାଇ ଷଷ୍ଠ ରାଉଣ୍ଡ୍‌ରେ ଜମ୍ମୁ ଓ କାଶ୍ମୀରକୁ ଭେଟିବ । ଆସନ୍ତାକାଲି ଷ୍ଟାର ସ୍ପୋର୍ଟ୍ସରେ ଏହି ମ୍ୟାଚର ସିଧା ପ୍ରସାରଣ ହେବ । ଅଜିଙ୍କ୍ୟା ରାହାଣେ ମୁମ୍ବାଇ ଦଳର ନେତୃତ୍ୱ ନେବେ । ରୋହିତ ଓ ଜୈସ୍ୱାଲ ଓପନ କରିବେ । ଶ୍ରେୟାସ ଆୟର, ସର୍ଦୁଲ ଠାକୁର, ଶିବମ ଦୁବେ ମଧ୍ୟ ଏହି ମ୍ୟାଚ୍‌ ଖେଳୁଛନ୍ତି । ମୁମ୍ବାଇ ପକ୍ଷରୁ ଖେଳୁଥିବା ଟେଷ୍ଟ ଦଳର ସଦସ୍ୟ ସର୍ଫରାଜ ଖାନ୍‌ ସମ୍ପ୍ରତି ଆହତ ଥିବାରୁ ଏହି ମ୍ୟାଚ୍‌ ଖେଳୁ ନାହାନ୍ତି । ତାଙ୍କ ସାନ ଭାଇ ମୁସିର ଖାନ୍‌ ମଧ୍ୟ ଫିଟ୍‌ ନାହାନ୍ତି । ଗତ ବର୍ଷ ଏକ ସଡ଼କ ଦୁର୍ଘଟଣାରେ ମୁସିର ଆହତ ହୋଇଥିଲେ । ପନ୍ତ, ଜାଡେଜା, ପୂଜାରା ମୁଖ୍ୟ ଆକର୍ଷଣ ଗ୍ରୁପ୍‌ ଡି’ରେ ଦିଲ୍ଲୀ ଷଷ୍ଠ ରାଉଣ୍ଡ୍‌ରେ ସୌରାଷ୍ଟ୍ରକୁ ଭେଟିବେ । ଏହି ମ୍ୟାଚ ଜରିଆରେ ପନ୍ତ ଓ ଜାଡ଼ୋଜା ଗ୍ରାଉଣ୍ଡକୁ ଓହ୍ଲାଇବେ । କିନ୍ତୁ ସମସ୍ତଙ୍କ ନଜର ଚେତେଶ୍ୱର ପୂଜାରାଙ୍କ ଉପରେ ରହିବ । ବେକରେ ଯନ୍ତ୍ରଣା ଯୋଗୁଁ କୋହଲି ଏହି ମ୍ୟାଚ୍‌ ଖେଳୁ ନାହାନ୍ତି । ୩୦ତାରିଖରୁ ଆରମ୍ଭ ହବାକୁ ଥିବା ରେଳବାଇ ବିପକ୍ଷ ମୁକାବିଲାରେ କୋହଲି ଖେଳିବେ ବୋଲି ଦିଲ୍ଲୀ କ୍ରିକେଟ୍‌ ଆସୋସିଏସନ୍‌(ଡିଡିସିଏ)କୁ ଜଣାଇ ସାରିଛନ୍ତି । କୋହଲି ଶେଷ ଥର ୨୦୧୨ରେ ରଣଜୀ ଟ୍ରଫି ଖେଳିଥିଲେ । ସେହିପରି ୨୦୧୭ ପରେ ପନ୍ତ ପ୍ରଥମ କରି ରଣଜୀ ଟ୍ରଫି ଖେଳିବାକୁ ଯାଉଛନ୍ତି । ଖେଳିବେ ଗିଲ୍‌, ପାଡ଼ିକଲ, ପ୍ରସିଦ୍ଧ ଏଲିଟ୍‌ ଗ୍ରୁପ୍‌-ସି’ର ଅନ୍ୟ ଏକ ମ୍ୟାଚ୍‌ରେ କର୍ଣ୍ଣାଟକ ଓ ପଞ୍ଜାବ ପରସ୍ପରକୁ ଭେଟିବେ । ଏହି ମ୍ୟାଚ୍‌ ଜରିଆ ଶୁଭମନ ଗିଲ ଗ୍ରାଉଣ୍ଡକୁ ଓହ୍ଲାଇବେ । କର୍ଣ୍ଣାଟକ ପକ୍ଷରୁ କେଏଲ ରାହୁଲ ଅନୁପସ୍ଥିତ ରହିବେ । କିନ୍ତୁ ବର୍ଡର-ଗାଭାସ୍କର ଟ୍ରଫି ଖେଳି ଫେରିଥିବା ଦେବଦତ୍ତ ପାଡ଼ିକଲ ଓ ପ୍ରସିଦ୍ଧ କ୍ରିଷ୍ଣା ଏହି ମ୍ୟାଚ୍‌ ଖେଳୁଛନ୍ତି । ରାହୁଲ ସମ୍ପ୍ରତି ଆହତ ଅଛନ୍ତି । ବର୍ଡର ଗାଭାସ୍କର ଟ୍ରଫି ସମୟରେ ତାଙ୍କ କହୁଣୀରେ ଆଘାତ ଲାଗିଥିଲା । ଖେଳିବେନି ଈଶ୍ୱରନ୍‌, ଆକାଶ ଦୀପ ଗ୍ରୁପ୍‌-ସିରେ ବେଙ୍ଗଲ୍‌ ହରିଆନାକୁ ଭେଟିବ । ବେଙ୍ଗଲର ଦୁଇ ଷ୍ଟାର ଖେଳାଳି ଅଭିମନ୍ୟୁ ଈଶ୍ୱରନ୍‌ ଓ ଆକାଶ ଦୀପ ମଧ୍ୟ ଏହି ମ୍ୟାଚ୍‌ ଖେଳୁ ନାହାନ୍ତି । ବର୍ଡର-ଗାଭାସ୍କର ଟ୍ରଫିର ବକ୍ସିଂ ଡେ’ ଟେଷ୍ଟରେ ଆକାଶ ଦୀପ ଆହତ ହୋଇଥିଲେ । ଈଶ୍ୱରନ ଭାରତ ଫେରିବା ପରେ ଏକ କ୍ଲବ୍‌ ସ୍ତରୀୟ ମ୍ୟାଚ୍‌ ଖେଳୁଥିବା ବେଳେ ଆହତ ହୋଇଛନ୍ତି । ତାଙ୍କ ଡାହାଣ ହାତ ମଝି ଆଙ୍ଗୁଳି ଭାଙ୍ଗି ଯାଇଛି । ଫିଟ୍‌ ହେବା ପାଇଁ ତାଙ୍କୁ ୩ସପ୍ତାହ ସମୟ ଲାଗିବ । ସିରାଜଙ୍କୁ ବିଶ୍ରାମ ଗ୍ରୁପ୍‌ରେ ହାଇଦ୍ରାବାଦ ହିମାଚଳକୁ ଭେଟିବ । ସିରାଜ ଏହି ମ୍ୟାଚ୍‌ ଖେଳୁ ନଥିଲେ ହେଁ ହାଇଦ୍ରାବାଦ ଦଳ ସହ ଅଭ୍ୟାସ କରୁଛନ୍ତି । ସେ ୩୦ତାରିଖରୁ ଆରମ୍ଭ ହେବାକୁ ଯାଉଥିବା ବିଦର୍ଭ ବିପକ୍ଷ ମୁକାବିଲା ଖେଳିବେ । ବର୍ଡର-ଗାଭାସ୍କର ଟ୍ରଫିରେ ସେ ୫ଟି ଯାକ ଟେଷ୍ଟ ଖେଳଥିଲେ । ଫିଟ୍‌ ଥିଲେ ହେଁ ତାଙ୍କୁ ହିମାଚଳ ବିପକ୍ଷ ମ୍ୟାଚ୍‌ରୁ ବିଶ୍ରାମ ଦିଆଯାଇଛି ।

ଶିକାରୀଙ୍କୁ ଧରିଲା AI କ୍ୟାମେରା, ବନ୍ଧୁକ ସହ ବିଭିନ୍ନ ସାମଗ୍ରୀ ଜବତ

କରଞ୍ଜିଆ ୨୩।୦୧ : ଶିକାରୀଙ୍କୁ ଧରିଲା AI କ୍ୟାମେରା ।ଶିମିଳିପାଳ ଅଭୟାରଣ୍ୟରେ ପୁଣି ଶିକାରୀଙ୍କୁ ଧରାଇ ଦେଲାAIକ୍ୟାମେରା ।ସେମାନଙ୍କ ନିକଟରୁ ଶିକାରରେ ବ୍ୟବହୃତ ସାମଗ୍ରୀ ଜବତ ହୋଇଛି ।ଏହାସହିତ ଘଟଣାରେ ଆଉ କିଏ କିଏ ସାମିଲ ଅଛନ୍ତି । ସେନେଇ ମଧ୍ୟ ବନବିଭାଗ ଟିମ୍‌ ଛାନ୍‌ଭିନ୍‌ ଜାରି ରଖିଛି । ଖବର ଅନୁଯାୟୀ, ଶିମିଳିପାଳ ଅଭୟାରଣ୍ୟରେଶିକାର ପାଇଁକିଛି ଶିକାରୀଉଦ୍ୟମକରୁଥିଲେ । ଏହି ସମୟରେଶିମିଳିପାଳ ଦକ୍ଷିଣ ବନ୍ୟପ୍ରାଣୀ ବନଖଣ୍ଡରୁ ୩ ଶିକାରୀଙ୍କୁ ଧରିଲା ସ୍ବତନ୍ତ୍ର ଏନଫୋର୍ସମେଣ୍ଟ ଟିମ୍ । ସେମାନଙ୍କ ନିକଟରୁ ୨ ଟି ଦେଶୀ ବନ୍ଧୁକ,ଧନୁ ତୀର ଓ ଶିକାର ପାଇଁ ବ୍ୟବହୃତ ଫାସ ଜବତ ହୋଇଛି । ୩ ଅଭିଯୁକ୍ତ ଉଦଳା ଥାନା ଅଞ୍ଚଳର ବୋଲି ଜଣାପଡିଛି । ଏନେଇ ସୂଚନା ଦେଇଛନ୍ତି ଶିମିଳିପାଳ ଦକ୍ଷିଣ ବନ୍ୟପ୍ରାଣୀ ବନଖଣ୍ଡର ଉପ ନିର୍ଦ୍ଦେଶକ ସମ୍ରାଟ୍ ଗୌଡା। ପରାଜୟ ପରେ ଜୋସ୍‌ ବଟଲରଙ୍କ ବୟାନ ; ଆମେ ଆଗ୍ରେସିଭ୍‌ କ୍ରିକେଟ୍‌ ଖେଳୁଛୁ, ହେଲେ ଟିମ୍‌ ଇଣ୍ଡିଆ ଆମଠାରୁ ଦୁଇ ପାଦ ଆଗରେ

ଜଙ୍ଗଲକୁ ଜଙ୍ଗଲ ଡେଉଁଛି ନିଆଁ; ୮ ହଜାର ଏକର ଅଞ୍ଚଳ ହୁତୁ ହୁତୁ ହୋଇ ଜଳୁଛି

ନୂଆଦିଲ୍ଲୀ: ଲସ୍‌ ଆଞ୍ଜେଲ୍ସରେ ଥମୁନି ବନାଗ୍ନି । ପୁଣି ଏକ ଜଙ୍ଗଲକୁ ଡେଇଁଲା ନିଆଁ । ଏହା ଧୀରେ ଧୀରେ ଜନବସତି ମୁହାଁ ହେଉଥିବାରୁ ବାସହରା ହେଉଛନ୍ତି ଲୋକେ । ହଜାରେରୁ ଅଧିକ ଲୋକ ଘରଦ୍ବାର ଛାଡ଼ି ସୁରକ୍ଷିତ ସ୍ଥାନକୁ ଚାଲିଯାଉଛନ୍ତି । ଏହା ପୂର୍ବରୁ ଲସ୍ ଆଞ୍ଜେଲ୍ସରେ ଜଙ୍ଗଲ ନିଆଁ ଭୟଙ୍କର ଧାରଣ କରିଥିଲା । ଏହି ଭୟାବହ ଅଗ୍ନିକାଣ୍ଡରେ ପ୍ରାୟ ୨୭ଜଣ ପ୍ରାଣ ହରାଇଥିଲେ । ଏବେ ପୁଣି ଏକ ଜଙ୍ଗଲରେ ନିଆଁ ଲାଗିବା ଘଟଣା ସ୍ଥାନୀୟ ପ୍ରଶାସନ ପାଇଁ ମୁଣ୍ଡ ବିନ୍ଧାର କାରଣ ପଲଟିଛି । କାଲିଫର୍ଣ୍ଣିଆର ଲସ୍ ଆଞ୍ଜେଲ୍ସର କାଷ୍ଟେଇକ୍ ହ୍ରଦ ନିକଟରେ ନିଆଁ ଲାଗିଛି । ଏହି ଅଞ୍ଚଳ ଉତ୍ତର-ପଶ୍ଚିମ ଲସ୍ ଆଞ୍ଜେଲ୍ସରେ ଅବସ୍ଥିତ । ନିଆଁ ପ୍ରାୟ ୮ ହଜାର ଏକର ବା ୩,୨୦୦ ହେକ୍ଟର ଜମିରେ ଲାଗିଛି । ତେଣୁ ହ୍ରଦର ଆଖପାଖ ଅଞ୍ଚଳରେ ଅବସ୍ଥିତ ଲୋଲଙ୍କୁ ସତର୍କ ରହିବାକୁ କୁହାଯାଇଛି । ସ୍ଥାନୀୟ ଅଞ୍ଚଳରେ ଦ୍ରୁତଗତିରେ ଶୁଷ୍କ ପବନ ବୋହୁ ଥିବାରୁ ନିଆଁ ଗୋଟିଏ ପରେ ଗୋଟିଏ ଜଙ୍ଗଲକୁ ଡେଇଁବାରେ ଲାଗିଛି । କାଷ୍ଟେଇକ୍ ହ୍ରଦ ନିକଟରେ ଆକାଶ ପୂରା ଧୂଆଁମୟ ହୋଇଯାଇଛି । ଆମେରିକୀୟ ମିଡିଆ ରିପୋର୍ଟ ଅନୁଯାୟୀ, ଲସ୍ ଆଞ୍ଜେଲ୍ସର କାଉଣ୍ଟି ଶରିଫ୍ ରବର୍ଟ ଜେନ୍ସନ ଲୋକଙ୍କୁ ତୁରନ ସ୍ଥାନ ଛାଡ଼ିବାକୁ ଅପିଲ୍ କରିଛନ୍ତି । ସେପଟେ ଲୋକେ ମଧ୍ୟ ଘରଦ୍ବାର ଛାଡ଼ି ସୁରକ୍ଷିତ ସ୍ଥାନକୁ ଚାଲିଯାଉଛନ୍ତି । ଏହା ପୂର୍ବରୁ ଲସ୍ ଆଞ୍ଜେଲ୍ସ ଜଙ୍ଗଳରେ ଯେଉଁ ବନାଗ୍ନି ଲାଗିଥିଲେ, ସେଥିରେ ହଜାରେରୁ ଅଧିକ ଘର ଜଳିପୋଡ଼ି ପାଉଁଶ ହୋଇଯାଇଥିଲା । ଜଙ୍ଗଲ ନିଆଁ ଯୋଗୁ ୨୭ ଜଣ ପ୍ରାଣ ହରାଇଥିବା ବେଳେ ୨ ଲକ୍ଷ ଲୋକ ବିସ୍ଥାପିତ ହୋଇଥିଲେ ।

ରାଜପାଲ ଯାଦବଙ୍କ ସମେତ ୪ କଳାକାରଙ୍କୁ ହତ୍ୟା ଧମକ, ପାକିସ୍ତାନରୁ ଆସିଲା ଇମେଲ

ମୁମ୍ବାଇ ୨୩।୦୧; ତିନି ଜଣ ବଡ଼ କଳାକାରଙ୍କୁ ପାକିସ୍ତାନରୁ ଧମକପୂର୍ଣ୍ଣ ମେଲ୍ ମିଳିଛି। ଅଭିନେତା ରାଜପାଲ ଯାଦବ, ରେମୋ ଡିସୁଜା ଏବଂ ସୁଗନ୍ଧା ମିଶ୍ର ଏହି ଧମକ ପାଇଛନ୍ତି। ରାଜପାଲ ଯାଦବଙ୍କ ଅଭିଯୋଗ ଅନୁଯାୟୀ ମୁମ୍ବାଇ ପୋଲିସ ଏକ ମାମଲା ରୁଜୁ କରିଛି। ଟିଭି ଅଭିନେତ୍ରୀ ସୁଗନ୍ଧା ମିଶ୍ର ଏବଂ କୋରିଓଗ୍ରାଫର ରେମୋଙ୍କଠାରୁ ମଧ୍ୟ ପୋଲିସ ଅଭିଯୋଗ ପାଇଛି। କୁହାଯାଉଛି ଇମେଲ୍ ପଠାଇଥିବା ବ୍ୟକ୍ତି ଇମେଲ୍ ଶେଷରେ'ବିଷ୍ଣୁ' ଲେଖିଛନ୍ତି। ତଦନ୍ତରୁ ଜଣାପଡ଼ିଛି ଯେ ଇମେଲ୍ ପଠାଇଥିବା ବ୍ୟକ୍ତି ପାକିସ୍ତାନରୁ ଏହା କରିଥିଲେ। ଏହି ମାମଲାରେ ଅଧିକ ତଦନ୍ତ ଚାଲିଛି। ପାକିସ୍ତାନରୁ ମିଳିଥିବା ଏହି ଇମେଲ୍‌ରେ ରାଜପାଲ ଯାଦବ, ରେମୋ ଡିସୁଜା ଏବଂ ସୁଗନ୍ଧା ମିଶ୍ରଙ୍କ କାର୍ଯ୍ୟକଳାପ ଉପରେ ନଜର ରଖାଯାଇଥିବାର ଦାବି କରାଯାଇଛି। ମେଲରେ ଲେଖାଯାଇଛି-'ଆମେ ତୁମର ସାମ୍ପ୍ରତିକ କାର୍ଯ୍ୟକଳାପ ଉପରେ ନଜର ରଖୁଛୁ।' ଆମେ ବିଶ୍ୱାସ କରୁ ଯେ ଏକ ସମ୍ବେଦନଶୀଳ ବିଷୟକୁ ଆପଣଙ୍କ ଦୃଷ୍ଟିକୁ ଆଣିବା ଗୁରୁତ୍ୱପୂର୍ଣ୍ଣ। ଏହା କୌଣସି ସାର୍ବଜନୀନ ଷ୍ଟଣ୍ଟ ନୁହେଁ କିମ୍ବା ଆପଣଙ୍କୁ ହଇରାଣ କରିବାର ପ୍ରୟାସ ନୁହେଁ। ଆମେ ଆପଣଙ୍କୁ ଅନୁରୋଧ କରୁଛୁ ଯେ ଆପଣ ଏହି ବାର୍ତ୍ତାକୁ ବହୁତ ଗମ୍ଭୀରତାର ସହ ନିଅନ୍ତୁ ଏବଂ ଗୋପନୀୟତା ବଜାୟ ରଖନ୍ତୁ।' ମେଲରେ ଆହୁରି ଲେଖାଯାଇଛି ଯେ ଯଦି ମେଲରଙ୍କ ଦାବିକୁ ଗ୍ରହଣ କରାନଯାଏ। ତେବେ ରାଜପାଲ ଯାଦବ, ସୁଗନ୍ଧା ମିଶ୍ର ଏବଂ ରେମୋ ଡିସୁଜାଙ୍କୁ ବିପଦପୂର୍ଣ୍ଣ ପରିଣାମ ଭୋଗ କରିବାକୁ ପଡିବ। ମେଲର୍ ମଧ୍ୟ ୮ ଘଣ୍ଟା ମଧ୍ୟରେ ତାରକାମାନଙ୍କ ଠାରୁ ଉତ୍ତର ମାଗିଛନ୍ତି। ମେଲରେ ଲେଖାଯାଇଛି- 'ଏହା କରିବାରେ ବିଫଳ ହେଲେ ବିପଜ୍ଜନକ ପରିଣାମ ହୋଇପାରେ। ଯାହା ଆପଣଙ୍କ ବୃତ୍ତିଗତ ଏବଂ ବ୍ୟକ୍ତିଗତ ଜୀବନକୁ ପ୍ରଭାବିତ କରିପାରେ।' ଆମେ ଆଗାମୀ ୮ ଘଣ୍ଟା ମଧ୍ୟରେ ଆପଣଙ୍କ ଠାରୁ ଏକ ପ୍ରତିକ୍ରିୟା ଆଶା କରୁଛୁ। ଯଦି ଆମେ ଉତ୍ତର ନପାଇଲୁ, ତେବେ ଆମେ ଧରିନେବୁ ଯେ ଆପଣ ଏହି ବିଷୟକୁ ଗମ୍ଭୀରତାର ସହ ନେଉନାହାଁନ୍ତି ଏବଂ ଆବଶ୍ୟକୀୟ କାର୍ଯ୍ୟାନୁଷ୍ଠାନ ଗ୍ରହଣ କରିବୁ..ବିଷ୍ଣୁ ।

ଓଡିଶା-ଛତିଶଗଡ଼ ସୀମାନ୍ତରେ ସରିଲା ସର୍ଚ୍ଚ ଅପରେସନ, ୪ ଦିନ ପରେ ଜଙ୍ଗଲରୁ ବାହୁଡିଲେ ସୁରକ୍ଷାକର୍ମୀ

ମାଲକାନଗିରି/ ନୂଆପଡ଼ା ୨୩।୦୧ : ସରିଲା ସର୍ଚ୍ଚ ଅପରେସନ। ଓଡିଶା-ଛତିଶଗଡ଼ ସୀମାନ୍ତ ଜଙ୍ଗଲରେ ଚାଲିଥିବା ମାଓଦମନ ଅଭିଯୋଗ ଶେଷ ହୋଇଛି । ସର୍ଚ୍ଚ ଅପରେସନ ପରେ ବାହୁଡିଲେ ଯବାନ । ୪ ଦିନ ଧରି ଚାଲିଥିବା ଅପରେସନରେ ୨୭ ଜଣ ମାଓବାଦୀ ନିହତ ହୋଇଛନ୍ତି । ଯେଉଁଥିରେ ଟପ୍‌ ମାଓ କମାଣ୍ଡର ଜୟରାମ ମଧ୍ୟ ରହିଥିଲେ। ସୁରକ୍ଷାବାହିନୀଙ୍କ ଏହି ଅପରେସନ ପରେ ଚାରିଆଡୁ ଛୁଟୁଛି ଶୁଭେଚ୍ଛାର ସୁଅ । ଓଡ଼ିଶା-ଛତିଶଗଡ଼ ରାଜ୍ୟ ସୀମାନ୍ତ ଅଞ୍ଚଳରେ ସୁରକ୍ଷା ବାହିନୀ ଏବଂ ମାଓବାଦୀଙ୍କ ମଧ୍ୟରେ ଗୁଳିବିନିମୟ ହୋଇଥିଲା । ନୂଆପଡ଼ା ଜିଲ୍ଲା ସୀମାନ୍ତରୁ ୫କିମି ଦୂର ଗରିଆବନ୍ଧ ଅଞ୍ଚଳରେ ଯବାନଙ୍କ ଗୁଳିରେ ୨୭ ଜଣ ନକ୍ସଲ ନିହତ ହୋଇଥିବା ବେଳେ ବିପୁଳ ଅସ୍ତ୍ରଶସ୍ତ୍ର ମଧ୍ୟ ମିଳିଥିଲା । ସେମାନଙ୍କ ମଧ୍ୟରୁ ୧୬ ଜଣଙ୍କ ମୃତଦେହ ଉଦ୍ଧାର କରାଯାଇଛି । ବାକି ନିହତ ମାଓବାଦୀଙ୍କ ମୃତଦେହ ଠାବ ହୋଇନଥିବା ସୂଚନା ମିଳିଛି । ସୂଚନାଯୋଗ୍ୟ ଯେ, କେନ୍ଦ୍ର ସରକାରଙ୍କ ସ୍ୱରାଷ୍ଟ୍ର ମନ୍ତ୍ରଣାଳୟର ନିର୍ଦ୍ଦେଶକ୍ରମେ ଛତିଶଗଡ଼ ରାଜ୍ୟରେ ମାଓ ବିରୋଧୀ ଅଭିଯାନକୁ ଜୋରଦାର ହୋଇଥିଲା। ଏହି ଅଭିଯାନରେ ସୁରକ୍ଷା ବାହିନୀ ୮୦ରୁ ଅଧିକ ମାଓବାଦୀଙ୍କୁ ନିପାତ ହୋଇଥିଲେ । ଛତିଶଗଡ଼ ରାଜ୍ୟର ମାଓବାଦୀମାନେ ପ୍ରାଣ ବିକଳରେ ଜୀବନ ବଞ୍ଚାଇବା ପାଇଁ ଓଡ଼ିଶା ମୁହାଁ ହୋଇଥିଲେ। ନୂଆପଡ଼ା ଓ ଛତିଶଗଡ଼ ରାଜ୍ୟ ଗରିଆବନ୍ଧ ଜିଲ୍ଲା ସୀମାନ୍ତରେ ମେଳି ବାନ୍ଧୁଥିଲେ। ଗତ ରବିବାର ରାତିରେ ସୀମାନ୍ତରେ ଓଡ଼ିଶା ଏବଂ ଛତିଶଗଡ଼ ପୁଲିସ ପକ୍ଷରୁ ମିଳିତ ଭାବେ ମାଓ ବିରୋଧି କମ୍ବିଂ ଅପରେସନ ଆରମ୍ଭ ହୋଇଥିଲା । ନୂଆପଡ଼ା ଜିଲ୍ଲାର ୩ଟି ସ୍ୱତନ୍ତ୍ର ଅପରେସନ ଗ୍ରୁପ (ଏସଓଜି), ୨ଟି ଛତିଶଗଡ଼ ରାଜ୍ୟର ସ୍ୱତନ୍ତ୍ର ପୁଲିସ ଟିମ(ଇ-୩୦) ଓ ୫ଟି ସିଆରପିଏଫ ଟିମ ସମେତ ୧୦ଟି ସୁରକ୍ଷା ବାହିନୀ ଟିମ ଅପରେସନରେ ସାମିଲ ହୋଇଥିଲା । ମା'ଙ୍କ ଚିକିତ୍ସା ପାଇଁ ଚୋରି ନିଷ୍ପତ୍ତି ନେଇଥିଲା ସୈଫ୍‌ଙ୍କ ଆକ୍ରମଣକରୀ, ଧନୀ ଲୋକଙ୍କୁ ଲୁଟିବାର ଥିଲା ଯୋଜନା

ବିବାହ-କଳହ ପରେ ହତ୍ୟା, ସ୍ତ୍ରୀକୁ ହତ୍ୟା କରି କୁକରରେ ସିଟି ମାରିଲା…ପରେ ନେଇ ହ୍ରଦରେ ଫିଙ୍ଗିଲା ପିଶାଚ ସ୍ବାମୀ

ନୂଆଦିଲ୍ଲୀ: ହତ୍ୟା ଏବଂ ଶରୀରକୁ ଖଣ୍ଡ ଖଣ୍ଡ କରିବା ଘଟଣା ସାଧାରଣ ହୋଇଗଲାଣି । ଶ୍ରଦ୍ଧା ହତ୍ୟା ମାମଲା ପରେ ଏପରି ଅନେକ ଘଟଣା ସାମ୍ନାକୁ ଆସିଛି ଯାହାକି ସମସ୍ତଙ୍କୁ ଚକିତ କରିଦେଇଛି । ହାଇଦ୍ରାବାଦରୁ ସାମ୍ନାକୁ ଆସିଛି ଏହି ଘଟଣା । ସ୍ତ୍ରୀକୁ ହତ୍ୟା କରିବା ପରେ ପ୍ରେସକୁକରରେ ସିଝାଇ ଦେଲା ସ୍ବାମୀ । ହାଇଦ୍ରାବାଦରୁ ସାମ୍ମାକୁ ଆସିଛି ଏହି ଛାତିଥରା ଘଟଣା । ପୂର୍ବତନ ସେନା କର୍ମଚାରୀ ତାଙ୍କ ସ୍ତ୍ରୀ ସହିତ ଏଭଳି କାର୍ଯ୍ୟ […]

ଖବର ବାଜିଲା ନିୟମ ବଦଳିଲା । ଏଣିକି ସମ୍ପୂର୍ଣ୍ଣ ଦୃଷ୍ଟିବାଧିତ ପାଇବେ ସରକାରୀ ଚାକିରି, OSSSCର ବିଜ୍ଞପ୍ତି ।

କନକ ବ୍ୟୁରୋ: କନକ ନ୍ୟୁଜରେ ଖବର ପ୍ରସାରଣ ହେଲା ଆଉ ବଦଳିଲା ସରକାରୀ ବିଜ୍ଞପ୍ତି । ଏସ ସି ଏସ ଟି ବିଭାଗର ସେବାଶ୍ରମରେ ଏଣିକି ସମ୍ପୂର୍ଣ୍ଣ ଦୃଷ୍ଟିବାଧିତ ନିଯୁକ୍ତି ପାଇପାରିବେ ବୋଲି ନୂଆ ବିଜ୍ଞପ୍ତି ଜାରି କରିଛି OSSSC । ଏସ ସି ଏସ ଟି ବିଭାଗର ସେବାଶ୍ରମରେ ସେବକ ସେବିକା ବା ଶିକ୍ଷକ ପଦବୀ ସମେତ ଆଦିବାସୀ ଭାଷା ଶିକ୍ଷକ ପଦବୀରେ ସମ୍ପୂର୍ଣ୍ଣ ଦୃଷ୍ଟିବାଧିତ ଆବେଦନ କରିପାରିବେ ନାହିଁ ବୋଲି କିଛି ଦିନ ତଳେ OSSSC ଏଭଳି ବିଜ୍ଞପ୍ତି ଜାରି କରିଥିଲା । ଦୃଷ୍ଟିବାଧିତ ଆବେଦନକାରୀ ସିଟି କରିଥିବା ସହ ଓଟିଇଟିରେ ଉତ୍ତୀର୍ଣ୍ଣ ବି ହୋଇଥିଲେ । କିନ୍ତୁ ଓଡିଶା ସବ-ଅର୍ଡିନେଟ ଷ୍ଟାଫ ସିଲେକ୍ସନ କମିଶନର ବିଜ୍ଞପ୍ତି ଚିନ୍ତା ବଢାଇଥିଲା । ଜାନୁଆରୀ ୨୨ ତାରିଖ ଆବେଦନର ଶେଷ ତାରିଖ ଥିବାରୁ ବିଜ୍ଞପ୍ତି ପରିବର୍ତ୍ତନ କରିବା ପାଇଁ ଦାବି ହୋଇଥିଲା । ଏନେଇ ଏସ ସି- ଏସଟି ବିଭାଗର ଦ୍ବାରସ୍ଥ ହୋଇଥିଲେ ଆବେଦନକାରୀ । ଓଡିଶା ସବ-ଅର୍ଡିନେଟ ଷ୍ଟାଫ ସିଲେକ୍ସନ କମିଶନରେ ଅଭିଯୋଗ କରିଥିଲେ । ଏହି ଖବରକୁ ଗୁରୁତ୍ୱ ସହ କନକ ନ୍ୟୁଜ ପ୍ରସାରଣ କରିଥିଲା । ଶେଷରେ ଓଡିଶା ସବ-ଅର୍ଡିନେଟ ଷ୍ଟାଫ ସିଲେକ୍ସନ କମିଶନ ବଦଳାଇଛି ତାର ନିଷ୍ପତ୍ତି । ଆବେଦନ ପାଇଁ ଦିନକୁ ଘୁଞ୍ଚାଇ ଦେଇଛନ୍ତି । ଅନଲାଇନ ରେଜିଷ୍ଟ୍ରେସନ ବା ରି ରେଜିଷ୍ଟ୍ରେସନ ପାଇଁ ଶେଷ ତାରିଖ ୩୧.୧.୨୦୨୫ ରଖାଯାଇଛି ।

ଟ୍ରେନ୍‌ରେ ଯାତ୍ରୀ ଛାଡିଦେଲେ ୬ କୋଟିର ସମ୍ପତ୍ତି, ଖୋଜି ଖୋଜି ଫେରାଇଲା RPF

କନକ ବ୍ୟୁରୋ: ଭାରତରେ ନିଇତି ଅଢେଇ କୋଟିରୁ ଉର୍ଦ୍ଧ୍ବ ଲୋକ ଟ୍ରେନ୍‌ରେ ଯାତ୍ରା କରନ୍ତି । ସେଇଥି ଲାଗି କୁହାଯାଏ ପୃଥିବୀର ସବୁଠୁ ଅଧିକ ଯାତ୍ରୀ ପରିବହନ ଟ୍ରେନ୍‌ରେ ହିଁ ହୁଏ । ଅନେକ କୁହନ୍ତି, ଭାରତରେ ଯେତିକି ଟ୍ରେନ୍‌ ଲାଇନ୍‌ ପଡ଼ିଛି ଯଦି ସେତିକି ପୃଥିବୀରେ ଗୁଡ଼ାଯାଏ ତାହାଲେ ଦେଢ ଥର ଗୁଡେଇ ହେବ । ଭାରତର ରେଳ ନେଟୱାର୍କ ବିଶ୍ବର ସବୁଠାରୁ ବଡ଼ ବୋଲି ବି କୁହାଯାଏ । କିନ୍ତୁ ଟ୍ରେନ୍‌ରେ ଯାତ୍ରୀମାନେ ଯିବା ବେଳେ ଅନେକ ସାମଗ୍ରୀ ନିଜର ଛାଡି ଦେଇ ପଳାନ୍ତି । ଯାହାକୁ ନେଇ ଏବେ ଚିନ୍ତାରେ ରେଲୱେ । କୋଟି କୋଟି ଟଙ୍କାର ସାମଗ୍ରୀ ଛାଡୁଛନ୍ତି ଯାତ୍ରୀ ଖୋଜି ଖୋଜି ଜିନିଷ ପହଞ୍ଚାଉଛନ୍ତି ଆରପିଏଫ୍‌ ଆରପିଏଫ୍‌ ବା ରେଳ ସୁରକ୍ଷା ବଳ । ଟ୍ରେନ୍‌ରେ ଯିବା ବେଳେ ଆମେ ସମସ୍ତେ ଆରପିଏଫ କର୍ମଚାରୀଙ୍କୁ ଦେଖନ୍ତି । ହେଲେ ଏବେ ସେମାନଙ୍କର ବଡ଼ ଟେନସନ ହେଉଛି ଟ୍ରେନ୍‌ରେ ଯାତ୍ରୀମାନେ ସାମଗ୍ରୀ ଛାଡ଼ି ପଳାଇବା । ଅନେକଙ୍କ ଧାରଣା ଥାଏ କି, ଟ୍ରେନ୍‌ରେ ଥରେ ସାମଗ୍ରୀ ଛାଡ଼ିଲେ ତାହା ମିଳିବା କଷ୍ଟ । କାରଣ ଷ୍ଟେସନରେ ମାତ୍ର କେହି ମୁହୂର୍ତ୍ତ ପାଇଁ ଟ୍ରେନ୍‌ ରହେ । ତେଣୁ ହଜିଲା ଜିନିଷ ଖୋଜିବ କିଏ । ଏହା କିନ୍ତୁ ସପୂର୍ଣ୍ଣ ଭୁଲ । କାରଣ ଟ୍ରେନ୍‌ରେ ଆପଣ ଯେଉଁ ସାମଗ୍ରୀ ଛାଡ଼ି ପଳାଇଛନ୍ତି ସେସବୁକୁ ଖୋଜି ଲୋକଙ୍କ ଘରେ ପହଞ୍ଚାଉଛନ୍ତି ଆରପିଏଫ ଯବାନ । ଯାହାକୁ ନେଇ ଏବେ ଚର୍ଚ୍ଚା ଜୋର । ଗତବର୍ଷ ୬.୬ କୋଟି ଟଙ୍କାର ସାମଗ୍ରୀ ମିଳିଥିଲା ଗୋଟି ଗୋଟି କରି ସମସ୍ତଙ୍କୁ ଫେରାଇଥିଲା ଆରପିଏଫ ଟ୍ରେନ୍‌ରେ ଗତବର୍ଷ ପ୍ରାୟ ସାଢେ ଛଅ କୋଟିରୁ ଉର୍ଦ୍ଧ୍ବ ଟଙ୍କାର ସାମଗ୍ରୀ ଯାତ୍ରୀମାନେ ଛାଡ଼ି ଯାଇଥିଲେ । ଯାହା ରେଲୱେର ଚିନ୍ତା ବଢାଇଥିଲା । କେମିତି ଠିକ୍‌ ଲୋକ ପାଖରେ ସବୁ ଜିନିଷ ପହଞ୍ଚିବ ସେନେଇ ଉଦ୍ୟମ କରାଯାଇଥିଲା ଏବଂ ସଫଳତା ବି ମିଳିଥିଲା । ଟ୍ରେନ୍‌ରେ ଯାତ୍ରୀମାନେ ସାମଗ୍ରୀ ଛାଡିବାର ମୁଖ୍ୟ କାରଣ ହେଉଛି ତରତର ବୋଲି ରେଲୱେର ଜଣେ ବରିଷ୍ଠ ଅଧିକାରୀ କହିଛନ୍ତି । ସେ କହିଛନ୍ତି, ଟ୍ରେନ୍‌ ଯେହେତୁ ଅତି କମ୍‌ ସମୟରେ ଷ୍ଟେସନ ଛାଡେ ତେଣୁ ତରତର ହୋଇ ଯାତ୍ରୀମାନେ ନିଜର ସାମଗ୍ରୀ ଭୁଲିଯାଆନ୍ତି । ଆଉ ଓହ୍ଲାଇବା ବେଳେ ଯେବେ ଜିନିଷ ନଥାଏ ସେବେ ସେମାନେ ବ୍ୟସ୍ତ ହୁଅନ୍ତି । ହେଲେ ସେମାନଙ୍କ ସାମଗ୍ରୀ ଫେରାଇବାକୁ ଆରପିଏଫ ଅମାନତ୍‌ ଯୋଜନା ଆରମ୍ଭ କରିଛି । ଯେଉଁ ଯୋଜନାରେ ସେମାନେ ଲୋକଙ୍କୁ ନିଜର ହଜିଲା ସାମଗ୍ରୀ ଫେରାଇ ଦେବେ । ଅପରେସନ୍‌ ଅମାନତ୍‌ର ଅର୍ଥ କଣ ଅମାନତ୍‌ । ନାଁ ଶୁଣିବା ମାତ୍ରେ ବୁଝାପଡୁଥିବ କି ସମ୍ପତ୍ତି । ହଁ…ସମ୍ପତ୍ତି । ଟ୍ରେନ୍‌ରେ ଯାତ୍ରା କରିବା ବେଳେ ଯେଉଁମାନେ ନିଜର ବହୁମୂଲ୍ୟ ସାମଗ୍ରୀ ଭୁଲିଯାଇଥାଆନ୍ତି ସେମାନଙ୍କୁ ସାମଗ୍ରୀ ଫେରାଇବାକୁ ଅମାନତ୍‌ ଯୋଜନା କରାଯାଇଛି । ରେଲୱେ ପକ୍ଷରୁ ମିଳିଥିବା ସୂଚନା ଅନୁସାରେ, ୨୦୨୪ରେ ୬.୬୭ କୋଟି ଟଙ୍କାର ସାମଗ୍ରୀ ଯାତ୍ରୀମାନେ ଟ୍ରେନ୍‌ରେ ଛାଡିଥିଲେ । ପାଖାପାଖି ୨୨ ଶହ ମାଲିକଙ୍କୁ ସେମାନଙ୍କ ସାମଗ୍ରୀ ଫେରାଇ ଦିଆଯାଇଛି । ତେଣୁ ଏମିତି ସ୍ଥିତିରେ ଯଦି ଆପଣଙ୍କର ସାମଗ୍ରୀ ଷ୍ଟେସନରେ କି ଟ୍ରେନ୍‌ରେ ହଜିଥିବ ତାହାଲେ ଆପଣ ବି ଆଦୌ ଧୈର୍ଯ୍ୟହରା ହୁଅନ୍ତୁ ନାହିଁ ବରଂ ରେଲୱେ ସହ ଯୋଗାଯୋଗ କରନ୍ତୁ ଏବଂ ନିଜ ସାମଗ୍ରୀ ଫେରିପାଆନ୍ତୁ । କେମିତି ପାଇବେ ଜିନିଷ ଟ୍ରେନ୍‌ରେ କି ଷ୍ଟେସନରେ ଯଦି ଆପଣଙ୍କ ସାମଗ୍ରୀ ହଜିଯାଇଛି ତାହାଲେ ଆଦୌ ବିଚଳିତ ନହୋଇ ଏନେଇ ଆରପିଏଫକୁ ଖବର ଦିଅନ୍ତୁ । କେଉଁଠାରେ, କେଉଁ ପରିସ୍ଥିତିରେ ଏବଂ ସାମଗ୍ରୀ କେମିତି ଥିଲା ସେନେଇ ସବିଶେଷ ତଥ୍ୟ ଦିଅନ୍ତୁ । ସବୁ ତଥ୍ୟ ପାଇବା ପରେ ରେଲୱେ ପକ୍ଷରୁ ଆପଣଙ୍କ ସାମଗ୍ରୀ ଖୋଜାଯାଇ ଫେରାଇ ଆଣିବାକୁ ଚେଷ୍ଟା କରାଯିବ ।

ରାଜଧାନୀରେ ଇଞ୍ଜିନିୟରଙ୍କ ମାନବ ସେବା, ରାତିରେ ଏକ ଟଙ୍କାରେ ବିକୁଛନ୍ତି ଚା’ବିସ୍କୁଟ…’ଜୟ ଜଗନ୍ନାଥ ରସଗୋଲା ଆମର, ଟଙ୍କିକିଆ ଚା ବିସ୍କୁଟ କେବଳ ଆପଣଙ୍କର’

ଭୁବନେଶ୍ବର: ଶୀତ ଋତୁରେ କପେ ଉଷୁମ ଚା । ତା ସାଙ୍ଗକୁ ଖଣ୍ଡେ ବିସ୍କୁଟ ମିଳିଗଲେ ଶାନ୍ତି । ରାଜଧାନୀରେ ରହିଛି ଏହି ସୁବିଧା । ତାହା ପୁଣି ମାତ୍ର ଏକ ଟଙ୍କାରେ । କଥାଟି ଆଶ୍ଚର୍ଯ୍ୟ ଲାଗିଲେ ବି ସମ୍ପୁର୍ଣ୍ଣ ସତ୍ୟ । ପ୍ରିୟରଞ୍ଜନ ନାମକ ବ୍ୟକ୍ତି ଏହି ଚା ଦୋକାନ କରି ମାନବ ସେବା ଯୋଗାଉଛନ୍ତି । ମାନବ ସେବା ମାଧବ ସେବା- ଦୋକାନ ଆଗରେ କେବଳ ଗୋଟିଏ ଶବ୍ଦ ଜୟ ଜଗନ୍ନାଥ ରସଗୋଲା […]

କୁମ୍ବିଂ ଅପରେସନ୍‌ବେଳେ ଯବାନଙ୍କୁ ବଡ଼ ସଫଳତା : ୨୧ଟି ଆଇଡି, ବିଜିଏଲ ବୋମା ସହ ବନ୍ଧୁକ ତିଆରି ସରଞ୍ଜାମ ଜବତ

କନକବ୍ୟୁରୋ : ଛତିଶଗଡ଼ରେ ଜୋରଦାର ଚାଲଛି ମାଓ ଅପରେସନ୍। ମାଓଗଡ଼ ଭାଙ୍ଗିବାକୁ ସର୍ଚ୍ଚ ଅପରେସନ୍ କରୁଛନ୍ତି ଯବାନ । ଏହାରି ଭିତରେ ଓଡିଶା ଛତିଶଗଡ଼ ସୀମାରୁ ଆଉ ଏକ ବନ୍ଧୁକ ତିଆରି କାରଖାନା ଠାବ ହୋଇଛି । ସୁକୁମା ମାଲକାନଗିରି ସୀମାରୁ ବନ୍ଧୁକ ତିଆର କାରଖାନା ଠାବ କରିଛନ୍ତି ଯବାନ। ବନ୍ଧୁକ ତିଆରି ସାମଗ୍ରୀ ସହ ୨୧ଟି ଆଇଡି, ବିଜିଏଲ ବୋମା ଜବତ । ଜେନେରେଟର, ୱେଲଡିଙ୍ଗ ମେଶିନ, ଲେଥ୍ ମେଶିନ ସାମଗ୍ରୀ ଜବତ ହୋଇଛି। ବନ୍ଧୁକ ତିଆରି ସରଂଜାମ ସହ ବିସ୍ଫୋରକ ସାମଗ୍ରୀ ମଧ୍ୟ ଜବତ କରାଯାଇଛି। ସୁକୁମା ଜିଲ୍ଲା ମେଟାଗୁଡା ଓ ଦୁଲେଡ ଜଂଗଲରେ କୁମ୍ବିଂ ଅପରେସନ୍‌ ବେଳେ କୋବ୍ରା ଓ ସିଆରପିଏଫ୍ ଯବାନ ଏହି ବିସ୍ଫୋରକ ସାମଗ୍ରୀ ଜବତ କରିଛନ୍ତି।

ଓଡ଼ିଶାରେ ସୃଷ୍ଟି ହେବେ ୧୬ ଲକ୍ଷରୁ ଅଧିକ ଲକ୍ଷପତି ଦିଦି, ସମସ୍ତ ଜିଲାପାଳଙ୍କୁ ନିର୍ଦ୍ଦେଶ

ଭୁବନେଶ୍ୱର: ମାର୍ଚ୍ଚ ଶେଷ ସୁଦ୍ଧା ରାଜ୍ୟରେ ସୃଷ୍ଟି ହେବେ ୧୬ ଲକ୍ଷରୁ ଅଧିକ ଲକ୍ଷପତି ଦିଦି। ଏଥିପାଇଁ ତତ୍ପରତା ଦେଖାଇବାକୁ ଓଡ଼ିଶା ଜୀବିକା ମିଶନ ନିର୍ଦ୍ଦେଶିକା ସମସ୍ତ ଜିଲାପାଳଙ୍କୁ ଚିଠି କରିଛନ୍ତି । ସମ୍ଭାବ୍ୟ ଲକ୍ଷପତି ଦିଦିଙ୍କୁ ଚିହ୍ନଟ କରିବା, ସେମାନଙ୍କୁ ତାଲିମ ଦେବା ଓ ପ୍ରୋତ୍ସାହନ ପ୍ରଦାନ ଆଦି ପ୍ରକ୍ରିୟାକୁ ଜୋରଦାର କରିବାକୁ ଜିଲା ଅଧିକାରୀଙ୍କୁ କୁହାଯାଇଛି। ଉଭୟ କେନ୍ଦ୍ର ଓ ରାଜ୍ୟ ସରକାର ଏହାକୁ ସବୁଠୁ ଅଧିକ ଗୁରୁତ୍ବ ଦେଉଥିବା କ‌ଥା କୁହାଯାଇଛି। ଉଲ୍ଲେଖନୀୟ […]

ପର୍ଯ୍ୟଟକଙ୍କ ପାଇଁ ଖୋଲିଲା ଭିତରକନିକା, କୁମ୍ଭୀର ଗଣନା ଯୋଗୁଁ ଥିଲା ବନ୍ଦ

କେନ୍ଦ୍ରାପଡ଼ା: ଭିତରକନିକା ଯିବାକୁ ଥିବା ପର୍ଯ୍ୟଟକଙ୍କ ପାଇଁ ଖୁସି ଖବର। ଆଜିଠୁ ଖୋଲିଲା ଭିତରକନିକା। କୁମ୍ଭୀର ଗଣନା ପାଇଁ ଭିତରକନିକା ବନ୍ଦ ଥିଲା। ୧୪ତାରିଖରୁ ୨୨ ତାରିଖ ପର୍ଯ୍ୟନ୍ତ ବନ୍ଦ ରଖାଯାଇଥିଲା ଏହି ପର୍ଯ୍ୟଟନସ୍ଥଳୀ। ଭିତରକନିକା ଖୋଲିବା ନେଇ ରାଜନଗର ବନଖଣ୍ଡ ଅଧିକାରୀ ସୂଚନା ଦେଇଛନ୍ତି। ଜାନୁଆରୀ ୧୪ ତାରିଖରୁ କୁମ୍ଭୀର ଗଣନା ଚାଲିଥିବାରୁ ସାଧାରଣ ଲୋକଙ୍କୁ ଉଦ୍ୟାନ ଭିତରକୁ ପ୍ରବେଶ ମନାଥିଲା। ଚଳିତ ବର୍ଷ କୁମ୍ଭୀର ଗଣନାରେ ୧୮୬୬ଟି ବଉଳା କୁମ୍ଭୀର ଚିହ୍ନଟ ହୋଇଛନ୍ତି। ଗତବର୍ଷ […]

ଲୋକପ୍ରିୟ ହାସ୍ୟାଭିନେତା କପିଲ ଶର୍ମାଙ୍କୁ ପାକିସ୍ତାନରୁ ଆସିଛି ହତ୍ୟା ଧମକ : ପୋଲିସ ଅଭିଯୋଗ ପରେ ତଦନ୍ତ ଆରମ୍ଭ

କନକବ୍ୟୁରୋ : କମେଡି କିଙ୍ଗ୍ କପିଲ ଶର୍ମାଙ୍କୁ ହତ୍ୟା ଧମକ। ପାକିସ୍ତାନରୁ ଇ-ମେଲ ଯୋଗେ ଆସିଛି ହତ୍ୟା ଧମକ । କେବଳ କପିଲ ଶର୍ମା ନୁହଁନ୍ତି ତାଙ୍କ ସହ ଅନ୍ୟ ୩ କଳାକାରଙ୍କୁ ମଧ୍ୟ ଜୀବନରୁ ମାରିଦେବାକୁ ଧମକ ଆସିଛି । ହାସ୍ୟାଭିନେତା ରାଜପାଲ ଯାଦବ, ସୁଗନ୍ଧା ଶର୍ମା ଓ କୋରିଓଗ୍ରାଫର-ଡିରେକ୍ଟର ରେମୋ ଡିସୁଜାଙ୍କୁ ଏହି ଧମକପୂର୍ଣ୍ଣ ଇମେସ ଆସିଛି । ଏହାକୁ ନେଇ ରାଜପାଲ ଯାଦବ, ରେମୋ ଡିସୁଜା ଓ ସୁଗନ୍ଧା ମିଶ୍ରା ଥାନାର ଦ୍ବାରସ୍ଥ ହୋଇଛନ୍ତି । ଅଭିଯୋଗ ପରେ ତଦନ୍ତ ଆରମ୍ଭ କରିଛି ମୁମ୍ବାଇ ପୋଲିସ ।

କଣାସରେ ଝାଡାବାନ୍ତି ,ସଂକ୍ରମଣ ରୋକିବାକୁ ପ୍ରଶାସନର ଉଦ୍ୟମ ଜାରି : ଗ୍ରାଉଣ୍ତ ଜିରୋରୁ ସ୍ଥିତି ପରଖିଲା କନକ ନ୍ୟୁଜ

କନକବ୍ୟୁରୋ : ପୁରୀ ଜିଲ୍ଲା କଣାସରେ ଝାଡାବାନ୍ତି ବ୍ୟାପିଥିବା ବେଳେ ଗାଁରେ ଯାଇ ସ୍ଥିତି ପରଖିଛି କନକ ନ୍ୟୁଜ୍ । ଝାଡାବାନ୍ତି ସଂକ୍ରମଣ ରୋକିବାକୁ ପ୍ରଶାସନ ଓ ସ୍ଥାନୀୟ ଲୋକ ଲାଗିପଡିଛନ୍ତି । ସେଥିପାଇଁ ଗାଁରେ ଆଶା ଦିଦିଙ୍କ ସମେତ ଅଙ୍ଗନବାଡି ଓ ଆୟୁଷ ଡାକ୍ତର ମେଡିକାଲ କ୍ୟାମ୍ପ କରି ରହିଛନ୍ତି। ଗାଁ ମୁଣ୍ଡରେ ସବୁବେଳେ ଜଗି ରହୁଛି ଆମ୍ବୁଲାନ୍ସ । ଏପଟେ ଧୀରେ ଧୀରେ ନଦୀ କୂଳଠୁ ଆରମ୍ଭ କରି ସବୁଠି ପରିଷ୍କାର କରାଯାଉଛି । ଯେତେ ମାତ୍ରରେ ଲୋକେ ପୂର୍ବରୁ ପ୍ରତେକ ଦିନ ମେଡିକାଲ ଯାଉଥିଲେ ବର୍ତ୍ତମାନ ତାହା କମି ଯାଇଛି । ପିଇବା ପାଇଁ ଏଠାରେ ବଡ଼ ସମସ୍ୟା ସୃଷ୍ଟି କରିଛି । ପ୍ରଶାସନ ପକ୍ଷରୁ ସକାଳେ ଓ ସାନ୍ଧ୍ୟାରେ ଦୁଇ ଥର ପାଣି ଯୋଗାଇ ଦିଆଯାଉଛି । ସ୍ଥାନୀୟ ଲୋକଙ୍କ କହିବା କଥା ଏପରି ପାଣି ବର୍ଷକ ୧୨ ମାସ ସରକାର ଯୋଗନ୍ତୁ, ନହେଲେ କିଛି ଦିନ ପରେ ପୁଣି ଏହି ଅଞ୍ଚଳ ପୂର୍ବ ପରି ହୋଇଯିବ।

ନାକେଦମ୍ କରିଦେଇଛନ୍ତି କି ମୂଷା…ଚିନ୍ତା କରନ୍ତୁ ନାହିଁ, ଘରୁ ଘଉଡ଼ାଇବା ପାଇଁ ଆପଣାନ୍ତୁ ଏହି ଉପାୟ

ଓଡ଼ିଶା ଭାସ୍କର: ଅଧିକାଂଶ ଘରେ ମୂଷାମାନେ ଉତ୍ପାତ କରିଥାନ୍ତିା ଘରେ ଥିବା ଲୁଗାପଟା ଠାରୁ ଆରମ୍ଭ କରି ଜରୁରୀ କାଗଜପତ୍ରଗୁଡ଼ିକୁ ଟୁକୁର ଟୁକୁର କରି ନଷ୍ଟ କରିଦିଅନ୍ତିା ମୂଷାଙ୍କ ଚଳପ୍ରଚଳ ଦ୍ୱାରା ଘରେ ଏକ ଅଜବ ଦୁର୍ଗନ୍ଧ ହୁଏା ଏଥିରେ ଅତିଷ୍ଟ ହୋଇ ବ୍ୟକ୍ତି ଜଣଙ୍କ ମୂଷା ଧରିବା ପାଇଁ ଯନ୍ତା ବସାଇଥାନ୍ତି । କିନ୍ତୁ ଅନେକ ସମୟରେ ଏହା ବିଫଳ ହୋଇଥାଏା କିଛି ସହଜ ଘରୋଇ ଉପାୟ ଆପଣାଇବା ଦ୍ୱାରା ଆମେ ମୂଷାଙ୍କ ଝିନଝଟରୁ ମୁକ୍ତି […]

ଶତ୍ରୁକୁ ମଧ୍ୟ ସାହାଯ୍ୟ କରୁଥିଲେ ସୁଭାଷ ; ପିଲାଟିବେଳୁ ଥିଲେ ଉଦାରତା ଓ ସାହସର ପ୍ରତୀକ

କନକ ବ୍ୟୁରୋ: ନେତାଜୀ ସୁଭାଷ ଚନ୍ଦ୍ର ବୋଷ... ଜଣେ ସାଧାରଣ ବ୍ୟକ୍ତି ନୁହନ୍ତି । ଦେଶ ପ୍ରେମ, ଦେଶ ଭକ୍ତିର ଏକ ଅସାଧାରଣ ଉଦାହରଣ ସେ । ତାଙ୍କର ଅଦ୍ଭୁତ ଦେଶଭକ୍ତି ହିଁ ତାଙ୍କୁ ଭାରତୀୟ ଇତିହାସରେ ସର୍ବଶ୍ରେଷ୍ଠ ସ୍ୱାଧିନତା ସଂଗ୍ରାମୀର ପରିଚୟ ଦେଇଛି । ସୁଭାଷଙ୍କ ମନରେ ଦେଶପ୍ରେମ,ସ୍ୱାଭିମାନ ଓ ଉଦାର ଭାବନା ପିଲାଟି ବେଳରୁ ହିଁ ଜାଗ୍ରତ ହୋଇଥିଲା । ଏବେ ବି ସେ କୋଟି କୋଟି ଯୁବପୀଢିଙ୍କ ପ୍ରେରଣା..ସାହାସ..ଓ ଶକ୍ତିର ଉତ୍ସ । ‘ଆଜାନ୍ଦ୍ ହିନ୍ଦ ଫୌଜ’ର କର୍ଣ୍ଣଧାର ସୁଭାଷ ଥିଲେ..ଉଜ୍ଜଳମୟ ବ୍ୟକ୍ତିତ୍ୱ । ୨୩ ଜାନୁୟାରୀ ୧୮୯୭ ମସିହା... କଟକ ଠାରେ ମାତା ପ୍ରଭାବତୀ ଦତ୍ତ ବୋଷ ଓ ପିତା ଜାନକୀନାଥ ବୋଷଙ୍କ କୋଳରେ ନବମ ସନ୍ତାନ ଭାବରେ ତାଙ୍କର ଜନ୍ମ । ବାଲ୍ୟକାଳରୁ ସାହାର୍ୟ୍ୟର ମନବୃତ୍ତି ରଖିଆସୁଥିବା ସୁଭାଷ ଛୁଆଁ ଅଛୁଆଁ ଓ ଜାତିପ୍ରଥା ଭେଦଭାବଠୁ ବହୁତ ଦୂରରେ ଥିଲେ । କଟକର ଓଡ଼ିଆ ବଜାରରେ ଥରେ ପ୍ଲେଗ ରୋଗ ବ୍ୟାପିଥିଲା । କେବଳ ସେ ରହୁଥିବା ବାପୁ ପଡ଼ା କଲୋନୀ ହିଁ ଏଥିରୁ ସୁରକ୍ଷିତ ଥିଲା କାରଣ ସେଠାରେ ରହୁଥିବା ଉଚ୍ଚ ଶିକ୍ଷିତ ଲୋକମାନେ ଆଖପାଖର ପରିଷ୍କାର ପରିଚ୍ଛନ୍ନତା ପ୍ରତି ଧ୍ୟାନ ଦେଉଥିଲେ । ସେଠାରେ ଥିବା କିଛି ପିଲା ସ୍ୱଚ୍ଛତା ଅଭିଯାନ ଚଳାଇବା ପାଇଁ ଏକ ଦଳ ଗଠନ କରିଥିଲେ । ଯେଉଁଥିରେ ୧୦ ବର୍ଷ ବୟସର ପିଲାଙ୍କଠାରୁ ଆରମ୍ଭ କରି ୧୮ ବର୍ଷ ବୟସର ଯୁବକମାନେ ସାମିଲ ଥିଲେ । ସେହି ଦଳର ମୁଖ୍ୟ ଥିଲେ ୧୨ ବର୍ଷର କୋମଳମତି ବାଳକ ସୁଭାଷ । ଓଡ଼ିଆ ବଜାରରେ ହାଇଦର ଅଲି ନାମକ ଜଣେ କୁଖ୍ୟାତ ଖଳ ପ୍ରକୃତିର ବ୍ୟକ୍ତି ଥିଲା । ଯେତେବେଳେ ବାପୁ ପଡ଼ାର ପିଲାମାନେ ଓଡ଼ିଆ ବଜାର ସଫା କରିବାକୁ ଆସୁଥିଲେ, ହାଇଦର ସେମାନଙ୍କୁ ଗାଳି ଗୁଲଜ କରି ବାହାର କରିଦେଉଥିଲେ । କାରଣ ବିଭିନ୍ନ ଅପରାଧୀକ କାର୍ଯ୍ୟ ଯୋଗୁଁ ସେଠାକାର ଓକିଲମାନେ ତାଙ୍କୁ ଅନେକ ଥର ଜେଲ ପଠାଇଥିଲେ । କିଛି ଦିନ ପରେ ହାଇଦରଙ୍କ ସ୍ତ୍ରୀ ଏବଂ ତାଙ୍କ ପୁଅ ମଧ୍ୟ ପ୍ଲେଗରେ ଆକ୍ରାନ୍ତ ହେଲେ । ଖବର ପାଇବା ମାତ୍ରେ ହିଁ ସ୍ୱଚ୍ଛତା ଅଭିଯାନ ଦଳର ମୁଖ୍ୟ ବାଳକ ସେମାନଙ୍କର ସେବା କରିବା ଆରମ୍ଭ କଲା । ହାଇଦର ସେ ବାଳକକୁ ପଚାରିଲା, 'ତୁମକୁ ମୋ ଉପରେ ରାଗ ଆସୁ ନାହିଁ ?' ପିଲାଟି ଉତ୍ତର ଦେଲା, 'ମୁଁ କାହିଁକି ରାଗିବି?' ହାଇଦର କହିଲା, 'ମୁଁ ବାପୁ ପଡ଼ାର ଲୋକମାନଙ୍କୁ ଗାଳି ଦିଏ ଘୃଣା କରେ' । ତୁମ ମାନଙ୍କୁ ମୁଁ ଶତ୍ରୁ ଭାବି ତଡ଼ି ଦେଇଥିଲି । ତୁମେ ମୋ ସ୍ତ୍ରୀ ଏବଂ ପିଲାମାନଙ୍କର ସେବା କରୁଛ । ତୁମର ସାହସ ଏବଂ ଉଦାରତାରେ ମୁଁ ପ୍ରଭାବିତ, ପୁଅ..ଦୟାକରି ମୋତେ କ୍ଷମା କର । ସେହି କୋମଳ ବାଳକଟି କହିଲା, 'ତୁମେ ଆମ ବାପା ତୁଲ୍ୟ' କ୍ଷମା କରିବାର ଅଧିକାର ଆମର ନାହିଁ । ଆମକୁ ତ ତୁମର ଆଶୀର୍ବାଦ ଦରକାର । ତୁମ ସ୍ତ୍ରୀ ମୋ ମାଆ ପରି ଏବଂ ପୁଅ ମୋ ଭାଇ ପରି । ପିଲାଟିର ନିଃସ୍ୱାର୍ଥପର ସେବା ଏବଂ ମିଠା କଥା ଶୁଣି ହାଇଦର ଅଲ୍ଲି ଏତେ ପ୍ରଭାବିତ ହେଲେ ଯେ ସେ ଭୋ ଭୋ ହୋଇ କାନ୍ଦିବାକୁ ଲାଗିଲେ । ପିଲାଟି କହିଲା, 'ଚାଚା, ଚିନ୍ତା କରନ୍ତୁ ନାହିଁ, ଆମକୁ ଆପଣଙ୍କ ସେବା କରିବାର ସୁଯୋଗ ଦେଉଥାଅ । ଶତ୍ରୃକୁ ବି ମିତ୍ରରେ ପରିଣତ କରିଦେଇଥିଲେ ସେ । ସେହି ଅସାଧାରଣ ପିଲାଟି ପରେ ନେତାଜୀ ସୁଭାଷ ଚନ୍ଦ୍ର ବୋଷ ଭାବରେ ପ୍ରସିଦ୍ଧ ଲାଭ କରିଥିଲେ । ଯୁଗେ ଯଗେ ତାଙ୍କୁ ମନେ ରଖିବ ଏ ଦେଶ,ଏ ଯୁବପୀଢୀ,ଏ ସମାଜ । ସେ ଅମର..ସେ ଚିର ସ୍ମରଣୀୟ ।

‘ଯଦି 8ଘଣ୍ଟା ଭିତରେ…’କପିଲ୍ ଶର୍ମାଙ୍କ ସମେତ 4 ଷ୍ଟାରଙ୍କୁ ମିଳିଲା ହତ୍ୟା ଧମକ

ନୂଆଦିଲ୍ଲୀ: କମେଡିଆନ କପିଲ ଶର୍ମା, ଅଭିନେତା ରାଜପାଲ ଯାଦବ, ସୁଗନ୍ଧା ମିଶ୍ରା ଏବଂ କୋରିଓଗ୍ରାଫର ରେମୋ ଡିସୌଜାଙ୍କ ସମେତ ଚାରି ଜଣ ସେଲିବ୍ରିଟିଙ୍କୁ ହତ୍ୟା ଧମକ । ଉମେଲ ଜରିଆରେ ଏହି ହତ୍ୟା ଧମକ ଦିଆଯାଇଥିବା ଜଣାପଡିଛି । ପୋଲିସର କହିବା ଅନୁସାରେ, ଏହି ଧମକପୂର୍ଣ୍ଣ ମେସେଜଗୁଡ଼ିକରେ ତାଙ୍କ ପରିବାର ଏବଂ ନିକଟ ସହଯୋଗୀମାନଙ୍କୁ ମଧ୍ୟ ଟାର୍ଗେଟ କରାଯାଇଛି । ଏହି ମାମଲାରେ ରାଜପାଲ ଯାଦବ, ସୁଗନ୍ଧା ମିଶ୍ରା ଏବଂ ରେମୋ ସମାନ ପ୍ରସଙ୍ଗରେ ଅଭିଯୋଗ ଦାଖଲ […]

ଠାବ ହେଲା ବନ୍ଧୁକ ତିଆରି କାରଖାନା, ୨୧ଟି ଆଇଇଡି ଓ ବିଜିଏଲ୍ ବୋମା ଜବତ

ଭୁବନେଶ୍ୱର: ସକାଳୁ ସକାଳୁ ଏକ ବଡ଼ ଖବର ସାମ୍ନାକୁ ଆସିଛି। ଓଡ଼ିଶା-ଛତିଶଗଡ଼ ସୀମାରୁ ଠାବ ହୋଇଛି ବନ୍ଧୁକ ତିଆରି କାରଖାନା। ସୁକୁମା-ମାଲକାନଗିରି ସୀମାରୁ ଯବାନମାନେ ବେଆଇନ ଭାବେ ଚଳାଇଥିବା ଏହି କାରଖାନାକୁ ଠାବ କରିଛନ୍ତି। ଜବତ ହେଲା ଏହି ସାମଗ୍ରୀ: ଯବାନମାନେ ଚଢାଉ ସମୟରେ ୨୧ଟି ଆଇଇଡି ଓ ବିଜିଏଲ୍ ବୋମାକୁ ଜବତ କରିଛନ୍ତି। ଏଥିସହ ଜବତ ହୋଇଛି ଜେନେରେଟର, ୱେଲ୍ଡିଂ ମେସିନ ଏବଂ ଲେଥ୍ ମେସିନ ସାମଗ୍ରୀ। ବିସ୍ଫୋରକ ତିଆରି ସରଞ୍ଜାମ, ବିସ୍ଫୋରକ ସାମଗ୍ରୀ ଏହି […]

ଗୁଜବ ପାଇଁ ମହାରାଷ୍ଟ୍ରର ଜଲଗାଁଓରେ ବଡ଼ ଟ୍ରେନ ଦୁର୍ଘଟଣା : ଯାତ୍ରୀଙ୍କ ଉପରେ ଚଢ଼ିଗଲା କର୍ଣ୍ଣାଟକ ଏକ୍ସପ୍ରେସ, ୧୨ ମୃତ୍ୟୁ

କନକବ୍ୟୁରୋ : ଗୁଜବ ପାଇଁ ଚାଲିଗଲା ଜୀବନ । ମହାରାଷ୍ଟ୍ରରେ ଘଟିଥିବା ଭୟଙ୍କର ଟ୍ରେନ ଦୁର୍ଘଟଣା ପଛର କାରଣ ଆସିଛି ସାମ୍ନାକୁ। ନିଆଁ ଗୁଜବ ପରେ ଗୋଟିଏ ଟ୍ରେନରୁ ଡେଇଁବା ପରେ ଗୋଟିଏ ଟ୍ରେନ ଧକ୍କାରେ ୧୨ ଜୀବନ ଯାଇଥିବା ଜଣାପଡିଛି । ମୁମ୍ବାଇ ରେଳ ଅଧିକାରୀଙ୍କ ସୂଚନା ଅନୁସାରେ, ଗତକାଲି ଲକ୍ଷ୍ନୌରୁ ମୁମ୍ବାଇ ଯାଉଥିବା ପୁଷ୍ପକ ଏକ୍ସପ୍ରେସ ଜଲଗାଓଁ ଅତିକ୍ରମ କରୁଥିବା ବେଳେ ଗୋଟିଏ ବଗିରେ ନିଆଁ ଲାଗି ଯାଇଥିବା କଥା ପ୍ରଚାର କରାଯାଇଥିଲା । ନିଆଁ ଲାଗିବା କଥା ଶୁଣି ଲୋକଙ୍କ ମଧ୍ୟରେ ଆତଙ୍କ ଖେଳି ଯାଇଥିଲା । ଏଥିପାଇଁ କିଛି ଯାତ୍ରୀ ଟ୍ରେନକୁ ଅଟକାଇବା ପାଇଁ ଚେନ୍‌ ଭିଡ଼ି ଦେଇଥିଲେ। ଟ୍ରେନ ମଝି ଟ୍ରାକରେ ଅଟକି ଥିବା ବେଳେ କିଛି ଲୋକ ପାଖରେ ଥିବା ଟ୍ରାକକୁ ଡେଇଁ ପଡ଼ିଥିଲେ। ଏତିକି ବେଳେ ବିପରୀତ ଦିଗରୁ ଆସୁଥିଲା ଆଉ ଏକ ଟ୍ରେନ । ନିଆଁ ଗୁଜବ କଥା ଶୁଣି ଟ୍ରାକକୁ ଡେଇଁ ପଡ଼ିଥିବା ଲୋକଙ୍କ ଉପରେ ଉକ୍ତ ଟ୍ରେନ ମାଡ଼ି ଗଲା। ଏଥିରେ ବର୍ତ୍ତମାନ ସୁଦ୍ଧା ୧୨ ଜଣଙ୍କ ଜୀବନ ଯାଇଥିବା ବେଳେ ଅନେକ ଆହତ ହୋଇ ହସ୍ପିଟାଲରେ ଚିକିତ୍ସିତ ହେଉଛି , ମହାରାଷ୍ଟ୍ରର ଜଲଗାଓଁରେ ଆଜି ଟ୍ରେନ ଦୁର୍ଘଟଣା ପଛରେ ଏମିତି କିଛି କାରଣ ରହିଥିବା ପ୍ରାଥମିକ ତଦନ୍ତରୁ ଜଣାପଡ଼ିଛି । ଲକ୍ଷ୍ନୌରୁ ମୁମ୍ବାଇ ଯାଉଥିବା ପୁଷ୍କକ ଏକ୍ସପ୍ରେସର କିଛି ଲୋକ ଟ୍ରେନରେ ନିଆଁ ଲାଗି ଯାଇଥିବା ଆଶଙ୍କା କରି ଟ୍ରାକୁ ଡେଇଁ ପଡ଼ିଥିଲେ। ବିପରୀତ ଦିଗରୁ ଆସୁଥିବା କର୍ଣ୍ଣାଟକ ଏକ୍ସପ୍ରେସ ଟ୍ରାକରେ ଥିବା ଲୋକଙ୍କୁ ଧକ୍କା ଦେଇଛି । ସେପଟେ ଏହି ଦୁର୍ଘଟଣାରେ ମୃତକଙ୍କ ପାଇଁ ରେଳ ବିଭାଗ ପକ୍ଷରୁ ଦେଢ ଲକ୍ଷ ଓ ମହାରାଷ୍ଟ୍ର ସରକାରଙ୍କ ତରଫରୁ ୫ ଲକ୍ଷ ଟଙ୍କାର ଅନୁକମ୍ପା ରାଶି ଘୋଷଣା କରାଯାଇଛି । ଗୁଜବ ପାଇଁ ଦୁର୍ଘଟଣା! ନିଆଁ ଗୁଜବ ପରେ ଗୋଟିଏ ଟ୍ରେନରୁ ଡେଇଁଲେ ଆଉ ଗୋଟିଏ ଟ୍ରେନ ନେଇ ଗଲା ୧୨ ଜୀବନ ବୁଧବାର ଲକ୍ଷ୍ନୌରୁ ମୁମ୍ବାଇ ଯାଉଥିଲା ପୁଷ୍କକ ଏକ୍ସପ୍ରେସ ଜଲଗାଓଁ ଅତିକ୍ରମ କରୁଥିବା ବେଳେ ବଗିରେ ନିଆଁ ଲାଗିଥିବା ପ୍ରଚାର ହୋଇଥିଲା ଏଥିପାଇଁ କିଛି ଯାତ୍ରୀ ଟ୍ରେନକୁ ଅଟକାଇବା ପାଇଁ ଚେନ୍‌ ଭିଡ଼ି ଦେଇଥିଲେ ଟ୍ରେନ ମଝି ଟ୍ରାକରେ ଅଟକି ଥିବା ବେଳେ କିଛି ଯାତ୍ରୀ ଡେଇଁପଡିଥିଲେ ଏତିକି ବେଳେ ବିପରୀତ ଦିଗରୁ ଆସୁଥିଲା ଆଉ ଏକ ଟ୍ରେନ ଟ୍ରାକକୁ ଡେଇଁ ପଡ଼ିଥିବା ଲୋକଙ୍କ ଉପରେ ଟ୍ରେନ ମାଡ଼ିଯାଇଥିଲା ବିପରୀତ ଦିଗରୁ ଆସୁଥିବା କର୍ଣ୍ଣାଟକ ଏକ୍ସପ୍ରେସ ଦେଇଥିଲା ଧକ୍କା

ଦୁଇ ବୀରପୁତ୍ରଙ୍କୁ ସମ୍ମାନ ଜଣାଉଛି ଦେଶ, ଆଜି ନେତାଜୀ ସୁବାଷ ଚନ୍ଦ୍ର ବୋଷ ଏବଂ ବୀର ସୁରେନ୍ଦ୍ର ସାଏଙ୍କ ପୁଣ୍ୟ ଜୟନ୍ତୀ

ଓଡ଼ିଶା ଭାସ୍କର: ଆଜିର ପୁଣ୍ୟ ତିଥିରେ ଓଡ଼ିଆ ବୀରପୁତ୍ର ନେତାଜୀ ସୁବାଷ ଚନ୍ଦ୍ର ବୋଷ ଏବଂ ବୀର ସୁରେନ୍ଦ୍ର ସାଏଙ୍କ ଜୟନ୍ତୀ। ଏହି ଦୁଇ ଯୋଦ୍ଧା ଭାରତର ସ୍ୱାଧୀନତା ସଂଗ୍ରାମରେ ଯୋଗ ଦେଇ ଭାରତର ସ୍ୱାଧୀନତା ଆଣିବାରେ ସାହାଯ୍ୟ କରିଥିଲେ। ଏହି ଦୁଇ ବୀରପୁତ୍ରଙ୍କ ମହାନ କାର୍ଯ୍ୟ ଏବଂ ନେତୃତ୍ୱ ଆଜି ସେମାନଙ୍କୁ ଅମର ରଖିଛି। ନେତାଜୀ ସୁବାଷ ଚନ୍ଦ୍ର ବୋଷ: ଆଜି ନେତାଜୀ ସୁବାଷ ଚନ୍ଦ୍ର ବୋଷଙ୍କ ଜୟନ୍ତୀ। ଏଥିପାଇଁ ପାଳିତ ହେବ ଜାତୀୟ ସ୍ତରୀୟ […]

ଫେବ୍ରୁଆରୀରେ ଟ୍ରମ୍ପ ଓ ମୋଦୀଙ୍କ ମଧ୍ୟରେ ହୋଇପାରେ ବୈଠକ : ବ୍ୟବସାୟିକ ଓ ଶ୍ରମିକ ଭିସା ଉପରେ ହୋଇପାରେ ଆଲୋଚନା

କନକବ୍ୟୁରୋ : ଫେବ୍ରୁଆରୀରେ ଆମେରିକାରେ ପିଏମ୍ ମୋଦୀ-ରାଷ୍ଟ୍ରପତି ଟ୍ରମ୍ପଙ୍କ ମଧ୍ୟରେ ହୋଇପାରେ ବୈଠକ । ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ଏବଂ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ମଧ୍ୟରେ ଖୁବଶୀଘ୍ର ବୈଠକ ହୋଇପାରେ । ଜାତୀୟ ଗଣମାଧ୍ୟମର ରିପୋର୍ଟ ଅନୁସାରେ ଭାରତୀୟ ଏବଂ ଆମେରିକୀୟ କୂଟନୀତିଜ୍ଞ ଫେବ୍ରୁଆରୀରେ ୱାଶିଂଟନରେ ପିଏମ୍ ମୋଦୀ ଏବଂ ଡୋନାଲ୍ଡ ଟ୍ରମ୍ପଙ୍କ ମଧ୍ୟରେ ଏକ ବୈଠକ ଆୟୋଜନ କରିବା ପାଇଁ ପ୍ରସାୟ କରୁଛନ୍ତି। ଯଦି ଏହି ବୈଠକ ହୁଏ ତେବେ ପିଏମ୍ ମୋଦୀ ଏବଂ ଟ୍ରମ୍ପଙ୍କ ମଧ୍ୟରେ ବ୍ୟବସାୟ ଏବଂ ଶ୍ରମିକ ଭିସା ଉପରେ ଚର୍ଚ୍ଚା ହୋଇପାରେ । ଦ୍ୱିତୀୟ ଥର ପାଇଁ ଟ୍ରମ୍ପ ହ୍ୱାଇଟ୍ ହାଉସରେ ପହଞ୍ଚିବା ପରେ ନୂଆଦିଲ୍ଲୀରେ ଅଧିକାରୀଙ୍କ ମଧ୍ୟରେ ଭାରତ ଉପରେ ଟାରିଫ୍ ବୃଦ୍ଧି କରାଯିବାକୁ ନେଇ ଚିନ୍ତା ବଢିଛି । ତେବେ ଫେବ୍ରୁଆରୀରେ ଏହି ବୈଠକ ହେବ କି ନାହିଁ ତାହା ସ୍ପଷ୍ଟ ହୋଇପାରି ନାହିଁ । ତେବେ ଅନୁସାରେ ଚଳିତ ବର୍ଷ ଶେଷ ସୁଦ୍ଧା ନିଶ୍ଚିତ ଦ୍ୱିପାକ୍ଷିକ ବୈଠକ ହୋଇପାରେ । ଅଷ୍ଟ୍ରେଲିଆ, ଜାପାନ ଏବଂ ଆମେରିକାର କ୍ୱାଡ୍ ସଦସ୍ୟ ରାଷ୍ଟ୍ରମୁଖ୍ୟ ଭାରତ ଦ୍ୱାରା ଆୟୋଜିତ ହେବାକୁ ଥିବା ବାର୍ଷିକ ଶିଖର ସମ୍ମିଳନୀରେ ସାମିଲ ହେବେ । ଟ୍ରମ୍ପ ନିଜର ପ୍ରଥମ କାର୍ଯ୍ୟକାଳରେ ୨୦୨୦ ଫେବ୍ରୁଆରୀ ମାସରେ ଭାରତ ଗସ୍ତରେ ଆସିଥିଲେ । ସେତେବେଳେ ଅହମଦାବାଦର କ୍ରିକେଟ୍ ଷ୍ଟାଡିୟମରେ ଏକ କାର୍ଯ୍ୟକ୍ରମ ଆୟୋଜନ କରାଯାଇଥିଲା ।

ରାଜ୍ୟ ଶିଳ୍ପ ରୂପାନ୍ତରଣରକୁ ଗୁରୁତ୍ୱ : ଉତ୍କର୍ଷ ଓଡ଼ିଶା ପୂର୍ବରୁ ୧୭ଟି ପ୍ରକଳ୍ପରେ ବାଜିଲା ମୋହର

କନକବ୍ୟୁରୋ : ରାଜ୍ୟ ଶିଳ୍ପ ଇକୋ ସିଷ୍ଟମକୁ ମଝବୁତ କରିବା ପାଇଁ ୧୭ଟି ପ୍ରକଳ୍ପକୁ ମଞ୍ଜୁର କରିଛନ୍ତି । ମୁଖ୍ୟ ଶାସନ ସଚିବଙ୍କ ଅଧ୍ୟକ୍ଷତାରେ ବସିଥିଲା ୧୪୩ତମ ସିଙ୍ଗଲ ୱିଣ୍ଡୋ ବୈଠକରେ ଏହି ପ୍ରକଳ୍ପ ଗୁଡିକୁ ମଞ୍ଜୁରି ମିଳିଛି । ୧୭ଟି ପ୍ରମୁଖ ପ୍ରକଳ୍ପ ଜରିଆରେ ରାଜ୍ୟକୁ ୩୮୮୩ କୋଟି ୭୨ ଲକ୍ଷ ଟଙ୍କାର ନିବେଶ ଆସିବ । ଫଳରେ ରାଜ୍ୟରେ ୧୨ ହଜାରରୁ ଅଧିକ ନିଯୁକ୍ତି ସୃଷ୍ଟି ହେବ । ନୂଆବର୍ଷ ଆରମ୍ଭରୁ ରାଜ୍ୟ ସରକାର ଶିଳ୍ପାୟନର ନୂଆ ଅଧ୍ୟାୟ । ଜାନୁଆରୀ ୧ ରେ ରାଜ୍ୟରେ ୪ ହଜାର ୨୨୨ କୋଟି ୨୪ ଲକ୍ଷ ଟଙ୍କାର ପୁଞ୍ଜିନିବେଶକୁ ସିଙ୍ଗଲ ୱିଣ୍ଡୋ କ୍ଲିଅରାନ୍ସ ଅଥରିଟି ବୈଠକ ମଞ୍ଜୁରୀ ଦେଇଥିଲା । ୨୫ଟି ନୂଆ ଶିଳ୍ପ ପ୍ରକଳ୍ପ କାର୍ଯ୍ୟକାରୀ ହେଲେ ପ୍ରାୟ ୧୪ ହଜାର ୪୯୭ ଜଣଙ୍କ ପାଇଁ ନିଯୁକ୍ତି ସୁଯୋଗ ସୃଷ୍ଟି ହେବ । ସେହିପରି ଜାନୁଆରୀ ୬ ତାରିଖରେ ମୁଖ୍ୟମନ୍ତ୍ରୀ ମୋହନ ଚରଣ ମାଝୀଙ୍କ ଅଧ୍ୟକ୍ଷତାରେ ଉଚ୍ଚସ୍ତରୀୟ କମିଟି ୪୪,୭୯୩.୦୩ କୋଟି ନିବେଶକୁ ମଞ୍ଜୁରୀ ଦେଇଥିଲେ । ଏହି ପ୍ରକଳ୍ପ କାର୍ଯ୍ୟକାରୀ ହେଲେ ୨୩,୦୦୫ ନିଯୁକ୍ତି ମିଳିବ ବୋଲି କୁହାଯାଇଛି । ସେହିଭଳି ଆଲପ୍ସ ମାଇନିଂ ସର୍ଭିସେସ ସମ୍ବଲପୁରରେ ୬୧ କୋଟି ୫୦ ଲକ୍ଷ ଟଙ୍କା ବ୍ୟୟରେ ୨୦ ଲକ୍ଷ ମେଟ୍ରିକ ଟନ କ୍ଷମତା ବିଶିଷ୍ଟ କୋଲ ଓ୍ୱାସେରୀ ପ୍ରତିଷ୍ଠା କରିବ । ୪୫୦ ଜଣଙ୍କ ଲାଗି ନିଯୁକ୍ତି ସୁଯୋଗ ରହିଛି । ସେହିପରି ଗଞ୍ଜାମ ଜିଲ୍ଲାରେ ଚାରୋଟି ପ୍ରକଳ୍ପ ରହିଛି । ସେଥିମଧ୍ୟରୁ ୩୦୦ କୋଟି ଟଙ୍କା ନିବେଶରେ ହେଟେରୋ ଡଗ୍ରସ ଔଷଧ ପ୍ରସ୍ତୁତି କରିବ । ଏଥିରେ ୧୫୦୦ ଜଣଙ୍କ ଲାଗି ନିଯୁକ୍ତି ସୁଯୋଗ ରହିଛି । ଅନର ଲ୍ୟାବ ଲିମିଟେଡ ୩୦୦ କୋଟି ଟଙ୍କା ବ୍ୟୟରେ ଔଷଧ ପ୍ରସ୍ତୁତି ପାଇଁ ଯୋଜନା ରଖିଛି । ବିକାଶ ହସ୍ପିଟାଲିଟି ସଂସ୍ଥା ୬୦ କୋଟି ଟଙ୍କା ବ୍ୟୟରେ ହୋଟେଲ ନିର୍ମାଣ କରାଯିବ । ଫଳରେ ୧୫୫ ଜଣଙ୍କ ଲାଗି ନିଯୁକ୍ତି ସୁଯୋଗ ରହିବ । ସେହିପରି ଶ୍ରୀଜଗନ୍ନାଥ ଲାଇମ ଆଣ୍ଡ କେମିକାଲ ୫୯.୦୨ କୋଟି ଟଙ୍କା ବ୍ୟୟରେ କୁଇକ ଲାଇମ କାରଖାନା ପ୍ରତିଷ୍ଠା କରିବାକୁ ନିଷ୍ପତ୍ତି ନେଇଛି । ଏଥିରେ ୧୫୦ ନିଯୁକ୍ତି ସୁଯୋଗ ରହିଛି । ସେହିଭଳି ଯାଜପୁର ଜିଲ୍ଲାରେ ୪ଟି ପ୍ରକଳ୍ପ ଥିବା ବେଳେ ରାୟଗଡା, ଝାରସୁଗୁଡା, ଅନୁଗୋଳ ଓ ଢେଙ୍କାନାଳରେ ଗୋଟିଏ ଲେଖାଏଁ ଏବଂ ଖୋର୍ଦ୍ଧାରେ ଦୁଇଟି ପ୍ରକଳ୍ପକୁ ମଞ୍ଜୁରୀ ମିଳିଛି ।

କେବେ ଉଠିବ ମୃତ୍ୟୁ ରହସ୍ୟ ଉପରୁ ପରଦା ? ସଠିକ୍ ତଦନ୍ତ ପାଇଁ ପ୍ରଧାନମନ୍ତ୍ରୀ ମୋଦୀଙ୍କୁ ଅନୁରୋଧ କଲେ ନେତାଜୀଙ୍କ ବଂଶଜ

କନକବ୍ୟୁରୋ : ନେତାଜୀ ସୁଭାଷ ଚନ୍ଦ୍ର ବୋଷଙ୍କ ୧୨୮ତମ ଜନ୍ମ ଜୟନ୍ତୀ ସାରାଦେଶ ପାଳନ କରୁଛି। ହେଲେ ଏବେ ବି ରହସ୍ୟ ଘେରରେ ରହିଛି ନେତାଜୀଙ୍କ ମୃତ୍ୟୁ। ନେତାଜୀଙ୍କ ମୃତ୍ୟୁ ରହସ୍ୟର ସଠିକ୍ ତଦନ୍ତ ପାଇଁ ପ୍ରଧାନମନ୍ତ୍ରୀ ମୋଦିଙ୍କୁ ଅନୁରୋଧ କରିଛନ୍ତି ନେତାଜୀଙ୍କ ବଂଶଜ । ସୂଚନା ମୁତାବିକ୍, ନେତାଜଙ୍କ ମୃତ୍ୟୁ ରହସ୍ୟକୁ ନେଇ ପ୍ରଥମେ ସାହାନୱାଜ୍ କମିଟି ଗଠନ ହୋଇଥିଲା । ଉକ୍ତ କମିଟି ରିପୋର୍ଟ୍ ଦେଇଥିଲା ତାଇହୁକୁ ବିମାନ ବନ୍ଦରରେ ନେତାଜୀଙ୍କ ମୃତ୍ୟୁ ବିମାନ ଦୁର୍ଘଟଣାରେ ହୋଇଥିଲା ଓ ସେହିଠାରେ ହିଁ ତାଙ୍କର ଦେହାନ୍ତ ହୋଇଥିଲା । ସେହି କମିଟିରେ ସଦସ୍ୟ ଥିଲେ ଖୋଦ୍ ନେତାଜୀଙ୍କ ବଡ଼ଭାଇ ସୁରେଶ୍ ଚନ୍ଦ୍ର ବୋଷ । କିନ୍ତୁ ସୁରେଶ୍ ସନ୍ତୁଷ୍ଟ ନଥିଲେ ସାନୱାଜ୍ କମିଟିର ରିପୋର୍ଟକୁ ନେଇ, ଏବଂ ସେତେବେଳର ପ୍ରଧାନମନ୍ତ୍ରୀ ଜବାହରଲାଲ ନେହେରୁଙ୍କୁ ମଧ୍ୟ ଜଣାଇଥିଲେ । ହେଲେ ସେ ସମୟରେ ଘଟଣାକୁ ଚାପି ଦିଆଯାଇଥିଲା। ପରେ ଜଷ୍ଟିସ ଜି.ଡ଼ି. ଖୋସଲା କମିଶନ ଓ ଜଷ୍ଟିସ ମନୋଜ୍ ମୁଖାର୍ଜୀ କମିଶନ ତଦନ୍ତ କରିଥିଲେ ମଧ୍ୟ ମୃତ୍ୟୁ ରହସ୍ୟ ଉପରୁ ପରଦା ହଟିପାରିନାହିଁ । ୨୦୧୪ ମସିହାରେ ନରେନ୍ଦ୍ର ମୋଦୀ ପ୍ରଥମଥର ପ୍ରଧାନମନ୍ତ୍ରୀ ହେବା ପରେ ନେତାଜୀଙ୍କ ପୁରା ପରିବାର ରାଜଭବନରେ ପ୍ରଧାନମନ୍ତ୍ରୀ ମୋଦୀଙ୍କୁ ତଦନ୍ତ ପାଇଁ ଅନୁରୋଧ କରିଥିଲେ। ମୋଦୀ ମଧ୍ୟ ତଦନ୍ତ ପାଇଁ ପ୍ରତିଶୃତି ଦେଇଥିଲେ । କିନ୍ତୁ ବିଡ଼ମ୍ବନାର ବିଷୟ ଏହାରି ଭିତରେ ୧୦ ବର୍ଷ ବିତଯାଇଥିଲେ ସୁଦ୍ଧା ଏବେବି ରହସ୍ୟ ଘେରରେ ନେତାଜୀଙ୍କ ମୃତ୍ୟୁ । ଆଉ ଏବେ ପୁନର୍ବାର ଗଣମାଧ୍ୟମ ଜରିଆରେ ସଠିକ୍ ତଦନ୍ତ ପାଇଁ ଅନୁରୋଧ କରିଛନ୍ତି ନେତାଜୀଙ୍କ ନାତି ସୁପ୍ରିୟୋ ବୋଷ । ସେପଟେ ନେତାଜୀ ଜୟନ୍ତୀ ପୂର୍ବରୁ ନେତାଜୀଙ୍କ ମୃତ୍ୟୁ ନେଇ ହାଇକୋର୍ଟରେ ଜନସ୍ବାର୍ଥ ମାମଲା ରୁଜୁ ହୋଇଛି । ମାମଲାକୁ ଗ୍ରହଣ କରି ପ୍ରତିପକ୍ଷଙ୍କୁ ନୋଟିସ କରିଛନ୍ତି ହାଇକୋର୍ଟ । ମାମଲାରେ କେନ୍ଦ୍ର ସରକାରଙ୍କ ଗୃହ ସଚିବଙ୍କୁ କରାଯାଇଛି ପକ୍ଷଭୁକ୍ତ । ମୁଖ୍ୟ ବିଚାରପତିଙ୍କ ଖଣ୍ଡପୀଠରେ ଏହି ମାମଲାର ଶୁଣାଣି ହୋଇଛି । ଏଥିରେ କୁହାଯାଇଛି, ୨୩ ଜାନୁୟାରୀକୁ ଜାତୀୟ ଦିବସ ଭାବେ ଘୋଷଣା କରାଯାଉ । ନେତାଜୀଙ୍କୁ ଜାତୀୟ ପୁତ୍ର ଭାବେ ସରକାରୀ ସ୍ତରରେ ଘୋଷଣା କରାଯାଉ। ନେତାଜୀଙ୍କ କଟକ ଜନ୍ମସ୍ଥାନ ଜାତୀୟ ସଂଗ୍ରହାଳୟ ହେଉ। ମନୋଜ ମୁଖାର୍ଜୀ କମିଶନଙ୍କ ରିପୋର୍ଟ ସରକାରୀ ସ୍ତରରେ ଗ୍ରହଣୀୟ କରାଯାଉ। ଏହି କମିଶନ ବିମାନ ଦୁର୍ଘଟଣାରେ ନେତାଜୀଙ୍କ ମୃତ୍ୟୁ ହୋଇନାହିଁ ବୋଲି ରିପୋର୍ଟ ଦେଇଥିଲେ

ସ୍ୱାଧୀନତା ସଂଗ୍ରାମୀ ନେତାଜୀ ସୁଭାଷ ଚନ୍ଦ୍ର ବୋଷଙ୍କ ଆଜି ୧୨୮ତମ ଜନ୍ମ ଜୟନ୍ତୀ : ସଂଗ୍ରାମୀଙ୍କ ବୀରତ୍ୱର ଗାଥାକୁ ମନେ ପକାଉଛି ସାରା ଦେଶ

କନକବ୍ୟୁରୋ : ଭାରତୀୟ ସ୍ୱାଧିନତା ସଂଗ୍ରାମର ଅଦ୍ବିତୀୟ ଯୋଦ୍ଧା ସୁଭାଷ ଚନ୍ଦ୍ର ବୋସଙ୍କ ଆଜି ଜନ୍ମ ଜୟନ୍ତୀ। ସେହିପରି ମହାନ ବିପ୍ଲବୀ ବୀର ସୁରେନ୍ଦ୍ର ସାଏଙ୍କ ମଧ୍ୟ ଆଜି ଜନ୍ମ ଜୟନ୍ତୀ । ସାରା ଦେଶରେ ଆଜି ଓଡ଼ିଶାର ଏହି ଦୁଇ ବରପୁତ୍ରଙ୍କ ଜନ୍ମଜୟନ୍ତୀ ପାଳନ କରାଯାଉଛି । ତାଙ୍କ ବୀରତ୍ୱର ଗାଥାକୁ ମନେପକାଇ ଦେଶପ୍ରେମରେ ସାରା ଦେଶ ମନେପକାଉଛି । ନେତାଜୀ ସୁଭାଷ ଚନ୍ଦ୍ର ବୋଷ ଭାରତୀୟ ସ୍ୱାଧିନତା ସଂଗ୍ରାମର ମହାନାୟକ । ଆଜି ନେତାଜୀଙ୍କ ୧୨୮ତମ ଜନ୍ମ ଜୟନ୍ତୀ । ଏଥିପାଇଁ ସଜେଇ ହୋଇଛି ଓଡ଼ିଆ ବଜାରସ୍ଥିତ ନେତାଙ୍କ ଜନ୍ମପୀଠ ଏବଂ ସଂଗ୍ରହାଳୟ। ସକାଳୁ ସକାଳୁ ନେତାଙ୍କ ଜନ୍ମପୀଠରେ ଲୋକମାନଙ୍କର ଗହଳି ଦେଖିବାକୁ ମିଳିଛି । ନେତାଜୀଙ୍କ ପ୍ରତିମୂର୍ତ୍ତିରେ ଲୋକମାନେ ପୁଷ୍ପମାଲ୍ୟ ଅର୍ପଣ କରୁଛନ୍ତି । ଜୟନ୍ତୀ ଅବସରରେ କଟକ ସ୍ଥିତ ନେତାଜୀଙ୍କ ଜନ୍ମସ୍ଥାନରେ ବିଭିନ୍ନ କାର୍ଯ୍ୟକ୍ରମ ଆୟୋଜନ କରାଯାଉଛି । କେନ୍ଦ୍ର ସଂସ୍କୃତି ମନ୍ତ୍ରାଳୟ ପକ୍ଷରୁ ପରାକ୍ରମ ଦିବସ ପାଳନ କରାଯିବ । ବାରବାଟୀ ଦୁର୍ଗ ଭିତରେ ଜାତୀୟସ୍ତରୀୟ ପରାକ୍ରମ ଦିବସ ପାଳନ କରିବା ସହ ନେତାଜୀ ସଂପର୍କିତ ବିଭିନ୍ନ ପ୍ରଦର୍ଶନୀ ଆୟୋଜିତ ହେବ । ପ୍ରଧାନମନ୍ତ୍ରୀଙ୍କ ଏକ ଭିଡିଓ ମେସେଜରୁ କାର୍ଯ୍ୟକ୍ରମ ଆରମ୍ଭ ହେବ । ସ୍ୱାଧିନତା ସଂଗ୍ରାମର ଅଗ୍ରଣୀ ସେନାନାୟକ ଥିଲେ ୧୮୯୭ ମସିହାରେ କଟକ ଓଡ଼ିଆ ବଜାରରେ ଜନ୍ମଗ୍ରହଣ ରେଭେନ୍ସାରେ ସ୍କୁଲ ଶିକ୍ଷା ଶେଷ କରିଥିଲ ସୁଭାଷ ବୋଷ କୋଲକାତାର ପ୍ରେସିଡେନସି କଲେଜରେ ଉଚ୍ଚଶିକ୍ଷା ଲାଭ କରିଥିଲେ ୧୯୨୦ ମସିହାରେ ଇଂଲଣ୍ଡରେ ଆଇସିଏସରେ ଉତ୍ତୀର୍ଣ୍ଣ ହୋଇଥିଲେ ଦୟାନନ୍ଦ ସରସ୍ୱତୀ ଓ ରବିନ୍ଦ୍ରନାଥ ଟାଗୋର ବିଚାରଧାରାରେ ପ୍ରଭାବିତ ହୋଇଥିଲେ ୧୯୨୧ ମସିହାରେ ଆଇସିଏସରୁ ଇସ୍ତଫା ଦେଇ ଭାରତ ଫେରିଆସିଥିଲେ ୧୯୩୮ରେ କଂଗ୍ରେସ ଅଧ୍ୟକ୍ଷ ହୋଇଥିଲେ ସୁଭାଷ ବୋଷ ଇଂରେଜଙ୍କ ଆଗରେ କଂଗ୍ରେସ ପକ୍ଷରୁ ସଂପୂର୍ଣ୍ଣ ସ୍ୱାଧିନତା ଦାବି କରିଥିଲେ ୧୯୩୯ ମସିହାରେ କଂଗ୍ରେସ ଅଧ୍ୟକ୍ଷ ପଦରୁ ଇସ୍ତଫା ଦେଇଥିଲେ ୧୯୩୯ ମେ ୩ ତାରିଖରେ ଫରୱାର୍ଡ ବ୍ଲକ ନାଁରେ ନିଜ ପାର୍ଟି ସ୍ଥାପନ କରିଥିଲେ ୧୯୩୯ ମସିହାରେ ସୁଭାଷଙ୍କ ସହ ଫରୱାର୍ଡ ବ୍ଲକ ନେତାଙ୍କୁ ନଜରବନ୍ଦୀ କଲେ ଇଂରେଜ ୧୯୪୧ ମସିହା ଜାନୁଆରି ୧୬ରେ ଛଦ୍ମବେଶରେ ଭାରତରୁ ପଳାୟନ କଲେ ଆଫଗାନିସ୍ତାନ, ଇରାନ ଦେଇ ୧୯୪୨ରେ ଜର୍ମାନୀ ପହଞ୍ଚି ହିଟଲରଙ୍କୁ ଭେଟିଥିଲେ ୧୯୪୩ ଅକ୍ଟୋବର ୨୧ରେ ଆଜାଦ ହିନ୍ଦ ଫୌଜ ଗଠନ କରିଥିଲେ ୧୯୪୩ ଜୁଲାଇ ୫ରେ ଦିଲ୍ଲୀଚଲୋ ଡାକରା ଦେଇଥିଲେ ୧୯୪୪ରେ ଆଜାଦହିନ୍ଦ ଫୌଜ ଭାରତର କିଛି ପ୍ରଦେଶକୁ କବଜା କରିଥିଲେ ନେତାଜୀଙ୍କ ମୃତ୍ୟୁ ନେଇ ଏବେ ବି ରହସ୍ୟ ଘେରରେ ରହିଛି ସେହିପରି ବିଶିଷ୍ଟ ସ୍ୱାଧୀନତା ସଂଗ୍ରାମୀ ବୀର ସୁରେନ୍ଦ୍ର ସାଏଙ୍କ ଆଜି ୨୧୬ ତମ ଜନ୍ମ ଜୟନ୍ତୀ । ପ୍ରତିଟି ଓଡ଼ିଆଙ୍କ ଗର୍ବ, ଗୌରବ ଓ ସମ୍ମାନ ବୀର ସୁରେନ୍ଦ୍ର ସାଏ । ତାଙ୍କ ଜନ୍ମଜୟନ୍ତୀ ଅବସରରେ ସମ୍ୱଲପୁର ଫୋର ସି ଗ୍ରାଉଣ୍ଡରେ ସମ୍ୱାଦ ପକ୍ଷରୁ ସ୍ୱତନ୍ତ୍ର କାର୍ଯ୍ୟକ୍ରମ କରାଯିବ । ଏଥିରେ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ ମୁଖ୍ୟ ଅତିଥି ଭାବେ ସାମିଲ ହେବେ । ସ୍କୁଲ ଛାତ୍ରଛାତ୍ରୀଙ୍କୁ ନେଇ ଏକ ବିଶାଳ ରାଲି କରାଯିବାର କାର୍ଯ୍ୟକ୍ରମ ରହିଛି । ସେହିପରି ସମ୍ୱଲପୁର ଜେଲ ଛକରେ ଥିବା ପ୍ରତିମୂର୍ତ୍ତିରେ ପ୍ରଶାସନ ଓ ବିଭିନ୍ନ ସଂଗଠନ ପକ୍ଷରୁ ପୁଷ୍ପମାଲ୍ୟ ଅର୍ପଣ କରିବା କାର୍ଯ୍ୟକ୍ରମ ରହିଛି । ପ୍ରତିଟି ଓଡ଼ିଆଙ୍କ ଗର୍ବ ବିଶିଷ୍ଟ ବିପ୍ଲବୀ ବୀର ସୁରେନ୍ଦ୍ର ସାଏ ତାଙ୍କ ବିରତ୍ୱର ଗାଥା ସ୍ୱାଧିନତା ସଂଗ୍ରାମରେ ନିଶ୍ଚିତ ଭାବେ ବିରଳ ଘଟଣା ୧୮୦୯ ଜାନୁଆରି ୨୩ରେ ଜନ୍ମ ଗ୍ରହଣ କରିଥିଲେ ବୀର ସୁରେନ୍ଦ୍ର ସାଏ ସମ୍ୱଲପୁର ନିକଟ ଖିଣ୍ଡା ଗାଁ ସୁରେନ୍ଦ୍ର ସାଏଙ୍କ ପୈତୃକ ଗାଁ ଚୌହାନ ବଂଶର ସମ୍ୱଲପୁର ମହାରାଜ ମଧୁକର ସାଏଙ୍କ ବଂଶଧର ପିଲାଟି ଦିନରୁ ବ୍ରିଟିଶ ବିରୋଧରେ ସଂଗ୍ରାମରେ ଝାସ ଦେଇଥିଲେ ୧୮୨୭ ମସିହାରୁ ଇଂରେଜ ବିରୋଧରେ ସଂଗ୍ରାମ କରିଥିଲେ ସୁରେନ୍ଦ୍ର ସାଏ ଦୁର୍ଗମ ଜଙ୍ଗଲ ଓ ପାହାଡରେ ଗରିଲା ଯୁଦ୍ଧ କରି ଇଂରେଜଙ୍କୁ ନାକେଦମ କରିଥିଲେ ୧୮୫୭ ମସିହା ସିପାହୀ ବିଦ୍ରୋହକୁ ଦେଶର ପ୍ରଥମ ସ୍ୱାଧିନତା ସଂଗ୍ରାମ କୁହାଯାଏ ଏହାର ୩୦ ବର୍ଷ ପୂର୍ବରୁ ସୁରେନ୍ଦ୍ର ସାଏ ସ୍ୱାଧିନତା ସଂଗ୍ରାମରେ ଝାସ ଦେଇଥିଲେ ୧୮୨୭ରୁ ୧୮୪୦ ମଧ୍ୟରେ ଇଂରେଜ ବିରୋଧରେ ସଶସ୍ତ୍ର ଲଢେଇ କରିଥିଲେ ୧୮୪୦ ମସିହାରେ ସୁରେନ୍ଦ୍ର ସାଏଙ୍କୁ ଗିରଫ କରି ହଜାରୀବାଗ ଜେଲ ପଠାଗଲା ୧୮୫୭ ସିପାହୀ ବିଦ୍ରୋହ ସମୟରେ ହଜାରୀବାଗ ଜେଲ ଖୋଲିଦେଇଥିଲେ ସିପାହୀ ସୁରେନ୍ଦ୍ର ସାଏ ଓ ତାଙ୍କ ଭାଇ ଉଦନ୍ତ ଜେଲରୁ ବାହାରି ସମ୍ୱଲପୁର ଆସିଥିଲେ ଦୀର୍ଘ ୧୭ ବର୍ଷ ଜେଲରେ ରହିବା ସତ୍ତ୍ବେ ସୁରେନ୍ଦ୍ରଙ୍କ ମନୋବଳ ଭାଙ୍ଗିନଥିଲା ସମ୍ୱଲପୁରର ଆଦିବାସୀ, ଜମିଦାର, ଗୌନ୍ତିଆଙ୍କୁ ନେଇ ସଶସ୍ତ୍ର ବାହିନୀ ଗଠନ କରିଥିଲେ ୧୮୫୭ ଅକ୍ଟୋବର ୭ରେ ୧୫୦୦ ସଶସ୍ତ୍ର ବାହିନୀ ସହ ସମ୍ୱଲପୁର ମାର୍ଚ୍ଚ କରିଥିଲେ ସମ୍ୱଲପୁର ରାଜବାଟୀକୁ କବଜା କରିଥିଲେ ସୁରେନ୍ଦ୍ର ସାଏ ଅସହାୟ ସମ୍ୱଲପୁର ଡେପୁଟି କମିଶନର ସହାୟତା ପାଇଁ ଚିଠି ଲେଖିଥିଲେ ଇଂରେଜ ସୈନ୍ୟ ଆସିବା ପରେ ଜଙ୍ଗଲରେ ଆତ୍ମଗୋପନ କରି ଗରିଲା ଯୁଦ୍ଧ ଲଢିଥିଲେ ୧୮୫୭ରୁ ୧୮୬୨ ଯାଏଁ ଗରିଲ୍ଲା ଯୁଦ୍ଧ ଜାରି ରଖିଥିଲେ ସୁରେନ୍ଦ୍ର ସାଏ ୧୮୬୪ରେ ଜଣେ ଗୁଇନ୍ଦାର ବିଶ୍ୱାସଘାତକତା ଯୋଗୁଁ ଧରାପଡିଥିଲେ ଗିରଫ ପରେ ମଧ୍ୟପ୍ରଦେଶର ଅସିରଗଡକିଲା ଜେଲକୁ ପଠାଯାଇଥିଲା ସେଠାରେ ମୃତ୍ୟୁ ପର୍ଯ୍ୟନ୍ତ ୨୦ ବର୍ଷ ଜେଲରେ ରହିଲେ ବୀର ସୁରେନ୍ଦ୍ର ସାଏ ୧୮୮୪ ଫେବୃଆରି ୨୮ରେ ଜେଲରେ ହିଁ ଶେଷ ନିଶ୍ୱାସ ତ୍ୟାଗ କରିଥିଲେ

ଭିତରକନିକାରେ ସରିଲା କୁମ୍ଭୀର ଗଣନା, ଗତବର୍ଷ ତୁଳନାରେ ଏଥରେ ବଢ଼ିଛନ୍ତି କୁମ୍ଭୀର

ଭିତରକନିକା : ସରିଲା ଭିତରକନିକାରେ କୁମ୍ଭୀର ଗଣନା। ଚଳିତବର୍ଷ ବୃଦ୍ଧି ପାଇଛି କୁମ୍ଭୀର ସଂଖ୍ୟା। ତଥ୍ୟ ଅନୁଯାୟୀ ଚଳିତ ବର୍ଷ ଭିତରକନିକାରେ ୧୮୨୬ଟି କୁମ୍ଭୀର ଗଣନା କରାଯାଇଛି । ଯେତେବେଳେକି ଗତବର୍ଷ ୧୮୧୧ଟି କୁମ୍ଭୀର ଗଣନା କରାଯାଇଥିଲା । ଅର୍ଥାତ ଗତବର୍ଷ ତୁଳନାରେ ଚଳିତବର୍ଷ କୁମ୍ଭୀରଙ୍କ ସଂଖ୍ୟା ମାତ୍ର ୧୫ ବୃଦ୍ଧି ପାଇଛି। ଏହି କୁମ୍ଭୀର ଗଣନା ୪ଟି ରେଞ୍ଜରେ ୩ ଦିନ ଧରି ଅନୁଷ୍ଠିତ ହୋଇଥିଲା। କନିକା, ରାଜନଗର ଗହୀରମଥା ଏବଂ ମହାକାଳପଡ଼ା ରେଞ୍ଜ ଅଞ୍ଚଳରେ ଥିବା ନଦୀ ନାଳରେ ଥିବା ବଉଳା କୁମ୍ଭୀର ଗଣନା କରାଯାଇଥିଲା। କୁମ୍ଭୀର ବିଶାରଦ ଡଃ ସୁଧାକର କରଙ୍କ ନେତୃତ୍ବରେ ୨୨ଟି ଟିମ୍ ଗଠନ କରାଯାଇ କୁମ୍ଭୀର ଗଣନା କରାଯାଇଥିଲା।

ଫେବ୍ରୁଆରୀରେ ଆମେରିକାରେ ପିଏମ୍ ମୋଦୀ-ରାଷ୍ଟ୍ରପତି ଟ୍ରମ୍ପଙ୍କ ମଧ୍ୟରେ ହୋଇପାରେ ବୈଠକ !

ନୂଆଦିଲ୍ଲୀ: ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ଏବଂ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ମଧ୍ୟରେ ଖୁବଶୀଘ୍ର ବୈଠକ ହୋଇପାରେ । ଜାତୀୟ ଗଣମାଧ୍ୟମର ରିପୋର୍ଟ ଅନୁସାରେ ଭାରତୀୟ ଏବଂ ଆମେରିକୀୟ କୂଟନୀତିଜ୍ଞ ଫେବ୍ରୁଆରୀରେ ୱାଶିଂଟନରେ ପିଏମ୍ ମୋଦୀ ଏବଂ ଡୋନାଲ୍ଡ ଟ୍ରମ୍ପଙ୍କ ମଧ୍ୟରେ ଏକ ବୈଠକ ଆୟୋଜନ କରିବା ପାଇଁ ପ୍ରସାୟ କରୁଛନ୍ତି । ଯଦି ଏହି ବୈଠକ ହୁଏ ତେବେ ପିଏମ୍ ମୋଦୀ ଏବଂ ଟ୍ରମ୍ପଙ୍କ ମଧ୍ୟରେ ବ୍ୟବସାୟ ଏବଂ ଶ୍ରମିକ ଭିସା ଉପରେ ଚର୍ଚ୍ଚା ହୋଇପାରେ । ଦ୍ୱିତୀୟ ଥର ପାଇଁ ଟ୍ରମ୍ପ ହ୍ୱାଇଟ୍ ହାଉସରେ ପହଞ୍ଚିବା ପରେ ନୂଆଦିଲ୍ଲୀରେ ଅଧିକାରୀଙ୍କ ମଧ୍ୟରେ ଭାରତ ଉପରେ ଟାରିଫ୍ ବୃଦ୍ଧି କରାଯିବାକୁ ନେଇ ଚିନ୍ତା ବଢିଛି । ତେବେ ଫେବ୍ରୁଆରୀରେ ଏହି ବୈଠକ ହେବ କି ନାହିଁ ତାହା ସ୍ପଷ୍ଟ ହୋଇପାରି ନାହିଁ । ସୂତ୍ର ଅନୁସାରେ ଚଳିତ ବର୍ଷ ଶେଷ ସୁଦ୍ଧା ନିଶ୍ଚିତ ଦ୍ୱିପାକ୍ଷିକ ବୈଠକ ହୋଇପାରେ । ଅଷ୍ଟ୍ରେଲିଆ, ଜାପାନ ଏବଂ ଆମେରିକାର କ୍ୱାଡ୍ ସଦସ୍ୟ ରାଷ୍ଟ୍ରମୁଖ୍ୟ ଭାରତ ଦ୍ୱାରା ଆୟୋଜିତ ହେବାକୁ ଥିବା ବାର୍ଷିକ ଶିଖର ସମ୍ମିଳନୀରେ ସାମିଲ ହେବେ । ଟ୍ରମ୍ପ ନିଜର ପ୍ରଥମ କାର୍ଯ୍ୟକାଳରେ ୨୦୨୦ ଫେବ୍ରୁଆରୀ ମାସରେ ଭାରତ ଗସ୍ତରେ ଆସିଥିଲେ । ସେତେବେଳେ ଅହମଦାବାଦର କ୍ରିକେଟ୍ ଷ୍ଟାଡିୟମରେ ଏକ କାର୍ଯ୍ୟକ୍ରମ ଆୟୋଜନ କରାଯାଇଥିଲା । ଆମେରିକା, ଭାରତର ସବୁଠୁ ବଡ଼ ବ୍ୟବସାୟୀକ ସହଯୋଗୀ । ଦୁଇ ଦେଶ ମଧ୍ୟରେ ଦ୍ୱିପାକ୍ଷିକ ବାଣିଜ୍ୟ ୨୦୨୩-୨୪ରେ ୧୧୮ ବିଲିୟନ ଡଲାର (୧୦ ଲକ୍ଷ କୋଟି ଟଙ୍କା) ପାର୍ କରିଥିଲା । ଏଥିରେ ଭାରତ ୩୨ ବିଲିୟନ ଡଲାର (ପ୍ରାୟ ୨.୭ ଲକ୍ଷ ଡଲାର) ବ୍ୟବସାୟ କରିଥିଲା । ସୂତ୍ର ଅନୁସାରେ ଦୁଇ ନେତାଙ୍କ ବୈଠକରେ ଟେକ୍ନୋଲଜି ଏବଂ ପ୍ରତିରକ୍ଷା କ୍ଷେତ୍ରରେ ସହଭାଗୀତା ବଢାଯିବ ଉପରେ ମଧ୍ୟ ଆଲୋଚନା ହୋଇପାରେ ।

ଆମେରିକାରେ ପ୍ରକୃତିର ତାଣ୍ଡବ: ବରଫ ଝଡ଼ରେ ୧୦ ଜଣଙ୍କ ମୃତ୍ୟୁ, ୨୧୦୦ ବିମାନ ବାତିଲ

ନୂଆଦିଲ୍ଲୀ: ଆମେରିକାରେ ପ୍ରକୃତିର ତାଣ୍ଡବ। ବ୍ୟାପକ କ୍ଷୟକ୍ଷତି ଘଟାଇଛି ବରଫ ଝଡ଼। ଆମେରିକାର ଟେକ୍ସାସ, ଲୁଇସିଆନା, ଆଲାବାମା, ଜର୍ଜିଆ, ଦକ୍ଷିଣ କାରୋଲିନା ଏବଂ ଫ୍ଲୋରିଡାରେ ୧୦ ଇଞ୍ଚରୁ ଅଧିକ ବରଫ ଝଡ଼ ହେଉଛି। ABC ନ୍ୟୁଜ୍ ରିପୋର୍ଟ ଅନୁଯାୟୀ, ପ୍ରତିକୂଳ ପାଗ ଯୋଗୁଁ ସମଗ୍ର ଆମେରିକାରେ ସଡ଼କ ଏବଂ ବିମାନ ସେବାକୁ ବନ୍ଦ ହୋଇଯାଇଛି। ଆମେରିକାରେ ୨୧୦୦ରୁ ଅଧିକ ବିମାନ ବାତିଲ କରାଯାଇଛି। ଟେକ୍ସାସ, ଜର୍ଜିଆ ଏବଂ ମିଲୱାକିରେ ଅତ୍ୟଧିକ ଥଣ୍ଡା ବରଫ ଝଡ଼ ଯୋଗୁଁ ୧୦ ଜଣଙ୍କର ମୃତ୍ୟୁ ହୋଇଛି। ABC ନ୍ୟୁଜ୍ ରିପୋର୍ଟ ଅନୁଯାୟୀ, ଅତ୍ୟଧିକ ଥଣ୍ଡା ଏବଂ ପ୍ରବଳ ତୁଷାରପାତ ଯୋଗୁଁ ହ୍ୟୁଷ୍ଟନ୍ ବିମାନବନ୍ଦରକୁ ବନ୍ଦ କରିଦିଆଯାଇଛି। ଜାନୁଆରୀ ୨୧ ଠାରୁ ତାଲାହାସି ଅନ୍ତର୍ଜାତୀୟ ବିମାନବନ୍ଦରରୁ ସମସ୍ତ ବିମାନ ଉଡ଼ାଣ ବାତିଲ କରାଯାଇଛି। ସେହିପରି ହ୍ୟୁଷ୍ଟନର ଜର୍ଜ ବସ୍ ଇଣ୍ଟରକଣ୍ଟିନେଣ୍ଟାଲ ବିମାନବନ୍ଦର ଏବଂ ୱିଲିୟମ୍ ପି. ହବି ବିମାନବନ୍ଦର ବନ୍ଦ କରାଯାଇଛି। ଲୁଇସିଆନାର ନ୍ୟୁ ଅର୍ଲିନ୍ସ ଆଖପାଖ ଅଞ୍ଚଳରେ ବରଫ ଝଡ଼ ଭଳି ପରିସ୍ଥିତି ଦେଖାଯାଇଥିଲା। ଲୁଇସିଆନାର ଲୋକମାନେ ୧୯୬୩ ପରଠାରୁ ସବୁଠାରୁ ପ୍ରବଳ ତୁଷାରପାତର ସମ୍ମୁଖୀନ ହେଉଛନ୍ତି। ଏହା ବ୍ୟତୀତ, ଅଧିକାଂଶ ଏୟାରଲାଇନ୍ସ ଲୁଇସ୍ ଆର୍ମଷ୍ଟ୍ରଙ୍ଗ ନ୍ୟୁ ଅର୍ଲିନ୍ସ ଅନ୍ତର୍ଜାତୀୟ ବିମାନବନ୍ଦରରେ ସେମାନଙ୍କର ଉଡ଼ାଣ ବାତିଲ କରିଛନ୍ତି। ଯେତେବେଳେ ଲୁଇସିଆନାରେ ସ୍କୁଲ ଏବଂ ରାଜ୍ୟ କାର୍ଯ୍ୟାଳୟଗୁଡ଼ିକୁ ବନ୍ଦ କରିଦିଆଯାଇଛି। ଏହା ବ୍ୟତୀତ ହ୍ୟୁଷ୍ଟନରୁ ନ୍ୟୁ ଅର୍ଲିଅନ୍ସ ଏବଂ ଜର୍ଜିଆର କି ସ୍କୁଲଗୁଡ଼ିକୁ ମଧ୍ୟ ବନ୍ଦ କରିଦିଆଯାଇଛି। ଲୁଇସିଆନା ରାଜ୍ୟପାଳ ଜେଫ୍ ଲ୍ୟାଣ୍ଡ୍ରି ବିବୃତ୍ତି ଜାରି କରି କହିଛନ୍ତି ଯେ ଆସନ୍ତା ୭ ଦିନ ମଧ୍ୟରେ ଥଣ୍ଡା ଯଥେଷ୍ଟ ବୃଦ୍ଧି ପାଇବ। ଯଦି ରାସ୍ତାଗୁଡ଼ିକ ସଫା ନାହିଁ, ଦୟାକରି ସେଗୁଡ଼ିକ ଉପରେ ଚାଲି ଯାଆନ୍ତୁ ନାହିଁ। ବରଫ ଝଡ଼ର ମୁକାବିଲା ପାଇଁ ସମ୍ପୂର୍ଣ୍ଣ ପ୍ରସ୍ତୁତ। ଯଦି ଘରୁ ବାହାରକୁ ଯିବାର ଆବଶ୍ୟକତା ନାହିଁ, ତେବେ ଆଦୌ ଯାଆନ୍ତୁ ନାହିଁ। ଘରେ ରୁହନ୍ତୁ ସୁରକ୍ଷିତ ରୁହନ୍ତୁ।”

ଟି-୨୦ ଅନ୍ତର୍ଜାତୀୟରେ ଭାରତ ପାଇଁ ସର୍ବାଧିକ ୱିକେଟ୍ ନେବାରେ ବୁମ୍ରାଙ୍କୁ ପଛରେ ପକାଇଲେ ପାଣ୍ଡ୍ୟା

ନୂଆଦିଲ୍ଲୀ: ଜସପ୍ରୀତ ବୁମ୍ରାଙ୍କୁ ପଛରେ ପକାଇଲେ ହାର୍ଦ୍ଦିକ ପାଣ୍ଡ୍ୟା। ଟି-୨୦ ଅନ୍ତର୍ଜାତୀୟ ଫର୍ମାଟ୍‌ରେ ଭାରତ ପାଇଁ ସର୍ବାଧିକ ୱିକେଟ୍ ନେଇଥିବା ବୋଲର ହୋଇଛନ୍ତି ହାର୍ଦ୍ଦିକ। କୋଲକାତାର ଇଡେନ ଗାର୍ଡେନ୍‌ରେ ଖେଳାଯାଉଥିବା ଇଂଲଣ୍ଡ ବିପକ୍ଷ ମ୍ୟାଚ୍‌ରେ ହାର୍ଦ୍ଦିକ ଏହି ମାଇଲଖୁଣ୍ଟ ଅତିକ୍ରମ କରିଛନ୍ତି। ହାର୍ଦ୍ଦିକ ପାଣ୍ଡ୍ୟା ଆଜି ଇଂଲଣ୍ଡ ବିପକ୍ଷରେ ବୋଲିଂ କରି ଦୁଇଟି ୱିକେଟ୍ ନେଇଥିଲେ। ଯୁବ ବ୍ୟାଟର ଜ୍ୟାକୋବ ବେଥେଲ ଓ ଜୋଫ୍ରା ଆର୍ଚରଙ୍କ ୱିକେଟ୍ ନେଇଥିଲେ ପାଣ୍ଡ୍ୟା। ସେ ୪ ଓଭର ବୋଲିଂ କରି ୪୨ ରନ୍ ଦେଇଥିବା ବେଳେ ୨ ୱିକେଟ୍ ନେଇଥିଲେ। ଫଳରେ ଭାରତ ପାଇଁ ସେ ଟି-୨୦ ଅନ୍ତର୍ଜାତୀୟରେ ସର୍ବାଧିକ ୯୧ ୱିକେଟ୍ ନେଇଛନ୍ତି। ଏହା ପୂର୍ବରୁ ଜସପ୍ରୀତ ବୁମ୍ରା ୮୯ ୱିକେଟ୍ ଓ ଭୁବନେଶ୍ୱର କୁମାର ୯୦ ୱିକେଟ୍ ନେଇ ଶୀର୍ଷରେ ଥିଲେ। ହେଲେ ଇଡେନ ଗାର୍ଡେନ ମ୍ୟାଚ୍‌ରେ ପାଣ୍ଡ୍ୟା ଦୁଇ ୱିକେଟ୍ ନେଇ ସମସ୍ତଙ୍କୁ ପଛରେ ପକାଇ ଦେଇଛନ୍ତି। ଏଥିସହିତହାର୍ଦ୍ଦିକ ପାଣ୍ଡ୍ୟା ଏବେ ଭାରତ ପାଇଁ ଟି-୨୦ ଫର୍ମାଟରେ ଅର୍ଶଦୀପ ସିଂହ ଏବଂ ୟୁଜଭେନ୍ଦ୍ର ଚହଲଙ୍କ ପରେ ତୃତୀୟ ସର୍ବାଧିକ ୱିକେଟ୍ ନେଇଥିବା ବୋଲରହୋଇଛନ୍ତି। ଆଜିର ମ୍ୟାଚ୍‌ରେ ଅର୍ଶଦୀପ ନିଜର ପ୍ରଥମ ଦୁଇ ଓଭରରେ ଇଂଲଣ୍ଡ ଓପନର ଫିଲପ୍ ସଲ୍ଟ ଓ ବେନ ଡୁକେଟଙ୍କ ୱିକେଟ୍ ନେଇଥିଲେ। ଏହି ୱିକେଟ୍ ନେବା ପରେ ଟି-୨୦ ଅନ୍ତର୍ଜାତୀୟ ଫାର୍ମାଟ୍‌ରେ ଭାରତ ପାଇଁ ୬୧ ମ୍ୟାଚ୍ ଖେଳି ସର୍ବାଧିକ ୯୭ ୱିକେଟ୍ ନେଇଛନ୍ତି। ଏପରି କରି ସେ ୟୁଜବେନ୍ଦ୍ର ଚହଲଙ୍କ ରେକର୍ଡ ଭାଙ୍ଗି ଦେଇଛନ୍ତି। ଚହଲ ବର୍ତ୍ତମାନ ଟିମ୍ ଇଣ୍ଡିଆରେ ସ୍ଥାନ ପାଇବାକୁ ଚେଷ୍ଟା ଜାରି ରଖିଥିବା ବେଳେ ଅର୍ଶଦୀପ ତାଙ୍କୁ ଟପି ନମ୍ବର ୱାନ ହୋଇ ଯାଇଛନ୍ତି।

ପୁଟିନ୍‌ଙ୍କୁ ଚରମବାଣୀ ଶୁଣାଇଲେ ଟ୍ରମ୍ପ୍: ତୁରନ୍ତ ଯୁଦ୍ଧ ବନ୍ଦ କର, ନହେଲେ କଠୋର ହେବ ଆମେରିକା

ନୂଆଦିଲ୍ଲୀ: ଆମେରିକାର ରାଷ୍ଟ୍ରପତି ହେବା ପରେ ଡୋନାଲ୍ଡ ଟ୍ରମ୍ପ ଅନେକ ଗୁରୁତ୍ୱପୂର୍ଣ୍ଣ ଘୋଷଣା କରିଥିଲେ। ଯେଉଁଥିରେ ଅବୈଧ ପ୍ରବାସୀଠାରୁ ଆରମ୍ଭ କରି ପାନାମା କେନାଲ ପର୍ଯ୍ୟନ୍ତ ଅନେକ ନିଷ୍ପତ୍ତି ଅନ୍ତର୍ଭୁକ୍ତ। ରୁଷ-ୟୁକ୍ରେନ ଯୁଦ୍ଧକୁ ନେଇ ରୁଷ ରାଷ୍ଟ୍ରପତି ଭ୍ଲାଦିମିର ପୁଟିନଙ୍କୁ ଚରମବାଣୀ ଶୁଣାଇଛନ୍ତି ଟ୍ରମ୍ପ। ସେ ରୁଷକୁ କ୍ଷତି ପହଞ୍ଚାଇବାକୁ ଚାହାଁନ୍ତି ନାହିଁ, କିନ୍ତୁ ଯଦି ରୁଷ ରାଜି ନହୁଏ ତେବେ ଏହା ବିରୁଦ୍ଧରେ ଅଧିକ କଠୋର ଆଭିମୁଖ୍ୟ ଗ୍ରହଣ କରାଯାଇପାରିବ। ବୁଧବାର ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ସୂଚିତ କରିଛନ୍ତି ଯେ ଯଦି ଭ୍ଲାଦିମିର ପୁଟିନ ୟୁକ୍ରେନରେ ଚାଲିଥିବା ଯୁଦ୍ଧର ଅନ୍ତ ପାଇଁ ଆଲୋଚନାର ପଥ ଗ୍ରହଣ ନ କରନ୍ତି,ତେବେ ରୁଷ ଉପରେ ଅତିରିକ୍ତ କଟକଣା ଲାଗୁ ହୋଇପାରେ। ମୁଁ ରୁଷର କ୍ଷତି ଚାହୁଁନାହିଁ। ମୁଁ ରୁଷ ଲୋକଙ୍କୁ ଭଲ ପାଏ ଏବଂ ରାଷ୍ଟ୍ରପତି ପୁଟିନଙ୍କ ସହ ସର୍ବଦା ମୋର ବହୁତ ଭଲ ସମ୍ପର୍କ ରହିଛି। ସେ ଆହୁରି ମଧ୍ୟ କହିଛନ୍ତି, ଆମେ କେବେ ଭୁଲିଯିବା ଉଚିତ୍ ନୁହେଁ ଯେ ରୁଷ ଆମକୁ ଦ୍ୱିତୀୟ ବିଶ୍ୱଯୁଦ୍ଧ ଜିତିବାରେ ସାହାଯ୍ୟ କରିଥିଲା।ଏଥିରେ ୬ କୋଟି ଜୀବନ ହରାଇଥିଲେ। ଏସବୁ କହିବା ପରେ, ମୁଁ ରୁଷର ବିଫଳତା ପାଇଁ ଗଭୀର ଦୁଃଖିତ। ଅର୍ଥନୀତି ବିଫଳ ହେଉଛି ଏବଂ ରାଷ୍ଟ୍ରପତି ଏହା ବିରୁଦ୍ଧରେ କୌଣସି କାର୍ଯ୍ୟାନୁଷ୍ଠାନ ନେଉନାହାଁନ୍ତି। ମୁଁ ପୁଟିନଙ୍କ ସହ ଅଛି। ଏବେ ଶାନ୍ତି ସ୍ଥାପନ କର ଏବଂ ଏହି ମୂର୍ଖତାପୂର୍ଣ୍ଣ ଯୁଦ୍ଧ ବନ୍ଦ କର। ଏହା ଆହୁରି ଖରାପ ହେବାକୁ ଯାଉଛି। ସେ ଆହୁରି କହିଛନ୍ତି, ଯଦି ଆମେ ଶୀଘ୍ର ଏକ ଚୁକ୍ତି ନକରିବା, ତେବେ ରୁଷ ଦ୍ୱାରା ଆମେରିକା ଏବଂ ଅନ୍ୟାନ୍ୟ ଅଂଶୀଦାର ଦେଶଗୁଡ଼ିକୁ ବିକ୍ରି କରାଯାଇଥିବା ଯେକୌଣସି ଜିନିଷ ଉପରେ ଉଚ୍ଚ ସ୍ତରର ଟିକସ, ଶୁଳ୍କ ଏବଂ ପ୍ରତିବନ୍ଧକ ଲଗାଇବା ବ୍ୟତୀତ ମୋ ପାଖରେ ଆଉ କୌଣସି ବିକଳ୍ପ ରହିବ ନାହିଁ। ଆସନ୍ତୁ ଏହି ଯୁଦ୍ଧକୁ ସମାପ୍ତ କରିବା। ଯଦି ମୁଁ ରାଷ୍ଟ୍ରପତି ହୋଇଥାନ୍ତି ଏହା କେବେ ଆରମ୍ଭ ହୋଇନଥାନ୍ତା! ଏହା ଏକ ଚୁକ୍ତି କରିବାର ସମୟ। ଆଉ କୌଣସି ଜୀବନ ନଷ୍ଟ ହେବା ଉଚିତ୍ ନୁହେଁ।

ନେତାଜୀଙ୍କ ମୃତ୍ୟୁ ସମ୍ପର୍କିତ ଜନସ୍ବାର୍ଥ ମାମଲାର ଶୁଣାଣି, ପ୍ରତିପକ୍ଷଙ୍କୁ ନୋଟିସ କଲେ ହାଇକୋର୍ଟ

କଟକ: ନେତାଜୀଙ୍କ ମୃତ୍ୟୁ ସମ୍ପର୍କିତ ଜନସ୍ବାର୍ଥ ମାମଲାର ଶୁଣାଣି। ମାମଲାକୁ ଗ୍ରହଣ କରି ପ୍ରତିପକ୍ଷଙ୍କୁ ନୋଟିସ କଲେ ହାଇକୋର୍ଟ ।ପିନାକପାଣି ମହାନ୍ତିଙ୍କ ତରଫରୁ ଦାୟର ହୋଇଥିବା ମାମଲାର ବିଚାର କରି କୋର୍ଟ ପ୍ରତିପକ୍ଷଙ୍କୁ ନୋଟିସ କରିଛନ୍ତି । ପିନାକପାଣି, ମନୋଜ ମୁଖାର୍ଜୀ କମିଶନଙ୍କ ରିପୋର୍ଟକୁ ସରକାରୀ ସ୍ତରରେ ଗ୍ରହଣୀୟ ପାଇଁ ଆବେଦନ କରିଛନ୍ତି। ଏହା ସହ ୨୩ ଜାନୁଆରୀକୁ ଜାତୀୟ ଦିବସ ଭାବେ ଘୋଷଣା କରିବା, ନେତାଜୀଙ୍କୁ ଜାତୀୟ ପୁତ୍ର ଭାବେ ସରକାରୀ ସ୍ତରରେ ଘୋଷଣା, ନେତାଜୀଙ୍କ କଟକ ଜନ୍ମସ୍ଥାନକୁ ଜାତୀୟ ସଂଗ୍ରହାଳୟ ଘୋଷଣା ପାଇଁ ମଧ୍ୟ ଆବେଦନକାରୀ ଆବେଦନରେ ଦର୍ଶାଇଛନ୍ତି । ତେବେ ମାମଲାରେ ପରବର୍ତ୍ତୀ ଶୁଣାଣି ଫେବ୍ରୁଆରୀ ୧୨ରେ ହେବ। ସୂଚନାଥାଉକି, ଭାରତରେ ନେତାଜୀଙ୍କ ମୃତ୍ୟୁର ରହସ୍ୟ ଜାଣିବା ପାଇଁ ୦୩ଟି କମିଶନ ଗଠନ କରାଯାଇଥିଲା। ଯେଉଁଥିରେ ଶେଷ କମିଶନ ଥିଲା ମନୋଜ ମୁଖାର୍ଜୀ କମିଶନ। ଏହି କମିଶନ ପ୍ଲେନ୍ କ୍ରାସ୍‌ରେ ନେତାଜୀଙ୍କ ମୃତ୍ୟୁ ହୋଇନଥିବା ରିପୋର୍ଟ ଦେଇଥିଲେ ।

ଦୟା ନଦୀକୁ ବିଷାକ୍ତ କରୁଛି ଗଙ୍ଗୁଆ ନାଳର ପାଣି; କଣାସ ଅଞ୍ଚଳରେ ନିୟନ୍ତ୍ରଣକୁ ଆସୁନି ହଇଜା

କନକ ବ୍ୟୁରୋ : କଣାସର ୪ଟି ପଂଚାୟତରେ ହଇଜା ବ୍ୟାପିବାରେ ଲାଗିଛି । ସ୍ୱାସ୍ଥ୍ୟବିଭାଗ ସ୍ଥିତି ନିୟନ୍ତ୍ରଣ ପାଇଁ ପଦକ୍ଷେପ ନେଉଥିବେ ବି କିଛି ପ୍ରଭାବ ପଡୁନି । ଲୋକେ କଲବଲ ହେଉଥିବାବେଳେ ରାଜନୀତି ପଶିଛି । କୁହାଯାଉଛି, ଦୟା ନଦୀରେ ଗଙ୍ଗୁଆ ନାଳର ବର୍ଜ୍ୟବସ୍ତୁ ଓ ନର୍ଦ୍ଦମା ପାଣି ମିଶିଥୁବାରୁ ଏହାକୁ ବ୍ୟବହାର କରି ଲୋକେ ହଇଜାରେ ଆକ୍ରାନ୍ତ ହୋଇଛନ୍ତି । ଆଗକୁ ଚିଲିକାର ଜୈବ ବିବିଧତା ପ୍ରଭାବିତ ହେବ । ଦୟା ନଦୀର ବିଷ ପାଣିରେ ଏବେ କଣାସ ଅଞ୍ଚଳର ଲୋକେ କଲବଲ ହେଲେଣି । କଣାସର ୪ଟି ପଞ୍ଚାୟତରେ ଶତାଧିକ ଲୋକ ହଇଜାରେ ଆକ୍ରାନ୍ତ ହେଲେଣି । ପ୍ରଶାସନର ପଦକ୍ଷେପ ଯଥେଷ୍ଟ ହେଉନାହିଁ । ଫଳରେ ହଇଜାରେ ଚାରିଜଣଙ୍କ ମୃତ୍ୟୁ ହୋଇଥିବା ଅଭିଯୋଗ ହୋଇଥିବାବେଳେ ସରକାର କହୁଛନ୍ତି ଜଣେ ମରିଛନ୍ତି । ଆଶାକର୍ମୀ ସ୍ୱାସ୍ଥ୍ୟକର୍ମୀ ଘରେ ଘରେ ହାଲୋଜିନ ବଟିକା ବାଂଟୁଛନ୍ତି । ନଦୀ ଘାଟକୁ ବିଶୋଧନ କରାଯାଉଛି । ପ୍ରଭାବିତ ଅଂଚଳରେ ବିଶୁଦ୍ଧ ପିଇବା ପାଣି ଦିଆଯାଉଛି । ଜିଲ୍ଲାପାଳ ,ଜିଲ୍ଲା ମୁଖ୍ୟ ଚିକିତ୍ସା ଅଧିକାରୀ ଓ ରାଜ୍ୟ ଜନ ସ୍ୱାସ୍ଥ୍ୟ ବିଭାଗର ନିର୍ଦେଶକ ସଂକ୍ରମିତ ଗାଁ ପରିଦର୍ଶନ କରି ପିଇବା ପାଣି ସମସ୍ୟାର ସମାଧାନ ପାଇଁ ପ୍ରତିଶ୍ରୃତି ଦେଇଛନ୍ତି । ଭୁବନେଶ୍ୱର ଉପକଣ୍ଠରେ ଗଙ୍ଗୁଆ ନାଳର ନର୍ଦ୍ଦମା ପାଣି ଓ ବର୍ଜ୍ୟବସ୍ତୁ ଦୟାନଦୀରେ ମିଶୁଛି । ପିପିଲିର କଂଟିଠାରୁ ଦୟା ଓ ଗଙ୍ଗୁଆ ନାଳର ମିଳନ ସ୍ଥଳୀରୁ ଚିଲିକା ଯାଏଁ ଉଭୟ ପାର୍ଶ୍ଵରେ ରହୁଥିବା ଲୋକେ ଏହି ପାଣି ଉପରେ ନିର୍ଭର କରୁଛନ୍ତି । ନର୍ଦ୍ଦମା ପାଣି ହିଁ ଦୟା ନଦୀରେ ପାଣିକୁ ଦୂଷିତ କରୁଛି । ଗାଁ ଲୋକେ ଏହି ବିଷ ପାଣିକୁ ପିଉଥିବାରୁ ହାଇଜା ବ୍ୟାପୁଛି । ଅନ୍ୟପଟେ ଏହି ପ୍ରସଙ୍ଗରେ ରାଜନୀତି ତେଜିଛି । ବିଜେଡି ନେତା ପ୍ରେସମିଟ୍ କରି ଉଦବେଗ ପ୍ରକାଶ କରିଛନ୍ତି। କହିଛନ୍ତି, ସ୍ୱତନ୍ତ୍ର ମେଡିକାଲ ଟିମ ପ୍ରଭାବିତ ଅଞ୍ଚଳରେ ୨୪ ଘଣ୍ଟା ରହୁ । ସବୁ ନଦୀ ଓ ଚିଲିକା ପାଇଁ ମାଷ୍ଟର ପ୍ଲାନ ପ୍ରସ୍ତୁତ ହେଉ ବୋଲି ଦାବି କରିଛନ୍ତି । ଜବାବରେ ଜଂଗଲ ଓ ପରିବେଶ ମନ୍ତ୍ରୀ କହିଛନ୍ତି, ଜଳ ପ୍ରଦୂଷଣର ଅନୁଧ୍ୟାନ ଚାଲିଛି । ଅନୁଧ୍ୟାନ ପରେ ଦୀର୍ଘମିଆଦି ଯୋଜନା ପ୍ରସ୍ତୁତ ହେଉଛି । ପ୍ରଶ୍ନ ଉଠୁଛି, ଗଙ୍ଗୁଆ ନାଳର ପାଣି ନଦୀରେ ମିଶିବା ପୂର୍ବରୁ କାହିଁକି ବିଶୋଧନ କରାଯାଉନି ? ଆଉ କେତେ କ୍ଷତି ହେଲେ ସରକାରଙ୍କ ଚେତା ପଶିବ ?

ସବୁଠୁ ବଡ଼ ନିର୍ବାଚନ: କିପରି କରାଯାଏ ବିଶ୍ୱକୁ କହିବ ନିର୍ବାଚନ ଆୟୋଗ

ନୂଆଦିଲ୍ଲୀ,୨୨ା୧: ନିର୍ବାଚନ ପ୍ରକ୍ରିୟାକୁ ନେଇ ମିଥ୍ୟା ପ୍ରଚାର ଏବଂ ପ୍ରଚାର ପ୍ରସାର ବିରୋଧରେ ନିର୍ବାଚନ ଆୟୋଗ ବର୍ତ୍ତମାନ ବିଶ୍ୱସ୍ତରରେ ଏହାର ନିରପେକ୍ଷ ତଥା ସ୍ୱଚ୍ଛ ନିର୍ବାଚନ ପ୍ରକ୍ରିୟାକୁ ମଧ୍ୟ ବ୍ରାଣ୍ଡ କରିବ। ଏହି କ୍ରମରେ ଆୟୋଗ ୨୦୨୪ରେ ଅନୁଷ୍ଠିତ ଲୋକସଭା ନିର୍ବାଚନର ସମ୍ପୂର୍ଣ୍ଣ ବିବରଣୀ ବିଶ୍ୱ ସହିତ ଶେୟାର କରିବାକୁ ନିଷ୍ପତ୍ତି ନେଇଛି । କିପରି ବିଶ୍ୱର ସବୁଠୁ ବଡ ନିର୍ବାଚନ ପାଇଛନ୍ତି, ଯେଉଁଥିରେ ୬୪ କୋଟିରୁ ଅଧିକ ଲୋକ ଭୋଟ୍ ଦେଇଛନ୍ତି, ତାଙ୍କ ଦ୍ୱାରା ପରିଚାଳିତ।ଏହା […]

Breaking: ରାଜ୍ୟ ସରକାରଙ୍କ ବଡ଼ ଘୋଷଣା, IAS ହେମନ୍ତ ଶର୍ମା-ରଞ୍ଜନା ଚୋପ୍ରାଙ୍କୁ ପଦୋନ୍ନତି

ଭୁବନେଶ୍ବର: ଦୁଇଜଣ ଆଇଏଏସ ଅଫିସରଙ୍କୁ ପଦୋନ୍ନତି ଦେଲେ ରାଜ୍ୟ ସରକାର । IAS ହେମନ୍ତ ଶର୍ମା ଏବଂ IAS ରଞ୍ଜନା ଚୋପ୍ରାଙ୍କୁଙ୍କୁ ପଦୋନ୍ନତି କରାଯାଇଛି । ଅତିରିକ୍ତ ମୁଖ୍ୟ ଶାସନ ସଚିବ ଭାବେ ହେମନ୍ତ ଶର୍ମାଙ୍କୁ ପଦୋନ୍ନତି କରାଯାଇଥିବା ବେଳେ IAS ରଞ୍ଜନା ଚୋପ୍ରାଙ୍କୁ ମଧ୍ୟ ଉପରିସ୍ତ ଗ୍ରେଡ୍‌କୁ ପଦୋନ୍ନତି କରିଛନ୍ତି ରାଜ୍ୟ ସରକାର ।

ଖୁବଶୀଘ୍ର ଟ୍ରମ୍ପଙ୍କୁ ଭେଟିବେ ପ୍ରଧାନମନ୍ତ୍ରୀ, ଏସବୁ ଗୁରୁତ୍ୱପୂର୍ଣ୍ଣ ବିଷୟ ଉପରେ ହେବ ଆଲୋଚନା

ୱାଶିଂଟନ/ନୂଆଦିଲ୍ଲୀ,୨୨ା୧: ଆମେରିକାର ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ଏବଂ ଭାରତର ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଖୁବ୍ ଶୀଘ୍ର ସାକ୍ଷାତ ହୋଇପାରନ୍ତି। ସୂଚନାନୁସାରେ, ଫେବୃଆରୀରେ ୱାଶିଂଟନରେ ପିଏମ ମୋଦୀ ଏବଂ ଡୋନାଲ୍ଡ ଟ୍ରମ୍ପଙ୍କ ମଧ୍ୟରେ ଏକ ବୈଠକ ଆୟୋଜନ କରିବାକୁ ଭାରତୀୟ ଏବଂ ଆମେରିକାର କୂଟନୀତିଜ୍ଞମାନେ ଚେଷ୍ଟା କରୁଛନ୍ତି। ଯଦି ଏହି ବୈଠକ ହୁଏ, ତେବେ ପ୍ରଧାନମନ୍ତ୍ରୀ ମୋଦୀ ଏବଂ ଟ୍ରମ୍ପ ବ୍ୟବସାୟ ଏବଂ ଶ୍ରମ ଭିସା ଉପରେ ଆଲୋଚନା କରିପାରିବେ। ହ୍ୱାଇଟ ହାଉସକୁ ଟ୍ରମ୍ପଙ୍କ ପ୍ରତ୍ୟାବର୍ତ୍ତନ ଭାରତ ଉପରେ […]

ବିହାର ବିଧାନସଭା ନିର୍ବାଚନ ପୂର୍ବରୁ ମଣିପୁର ରାଜନୀତିରେ ହଲଚଲ; ଜେଡିୟୁ ପ୍ରଦେଶ ଅଧ୍ୟକ୍ଷଙ୍କୁ ହଟାଇଲେ ନୀତୀଶ କୁମାର

କନକ ବ୍ୟୁରୋ : ଉତ୍ତରପୂର୍ବାଞ୍ଚଳ ରାଜ୍ୟ ମଣିପୁରରେ ରାଜନୈତିକ ହାଇଡ୍ରାମା, ପ୍ରଦେଶ ଅଧ୍ୟକ୍ଷଙ୍କୁ ପଦରୁ ହଟାଇଲା ଜେଡ଼ିୟୁ । ବିଜେପି ସରକାରରୁ ସମର୍ଥନ ପ୍ରତ୍ୟାହାର ପାଇଁ ରାଜ୍ୟପାଳଙ୍କୁ ଚିଠି ଚର୍ଚ୍ଚା ବଢାଇଥିଲେ କେ ବୀରେନ୍ ସିଂ । ଦଳର ଏକମାତ୍ର ବିଧାୟକ ବିରୋଧୀ ଦଳରେ ରହିବା ନେଇ ରାଜ୍ୟପାଳଙ୍କୁ ଚିଠି ଲେଖିଲେ ପ୍ରଦେଶ ଅଧ୍ୟକ୍ଷ । ଦଳର ରାଷ୍ଟ୍ରୀୟ ମୁଖପାତ୍ର ରାଜୀବ ରଞ୍ଜନ ପ୍ରସାଦ ଏହା ପ୍ରଦେଶ ଅଧ୍ୟକ୍ଷଙ୍କ ଏକପାଖିଆ ନିଷ୍ପତ୍ତି ଥିଲା ବୋଲି କହିଛନ୍ତି । ଏଥି ସହିତ ଦଳୀୟ ଅନୁଶାସନ ଭଙ୍ଗ କାରଣରୁ ବୀରେନ୍ ସିଂଙ୍କୁ ଦଳରୁ ଦଳରୁ ନିଳମ୍ବନ କରାଯାଇଥିବା ସେ ସୂଚନା ଦେଇଛନ୍ତି । ଏପରିକି ଆଗକୁ ମଧ୍ୟ ବିଜେପି ସରକାରଙ୍କୁ ସମର୍ଥନ ଜାରି ରହିବ ବୋଲି ଦଳ ପକ୍ଷରୁ କୁହାଯାଇଛି । ୨୦୨୨ ମସିହାରୁ ବିଜେପି ସହିତ ମଣିପୁରରେ ମେଣ୍ଟ କରିଛି ଜେଡ଼ିୟୁ ୨୦୨୨ ମସିହାରେ, ୬ ଜଣ ଜେଡିୟୁ ବିଧାୟକଙ୍କ ମଧ୍ୟରୁ ୫ ଜଣ ବିଜେପିକୁ ସମର୍ଥନ କରିଥିଲେ, ଯାହା ବିଜେପିର ସ୍ଥିତିକୁ ଆହୁରି ମଜବୁତ କରିଛି ।

ଟସ୍ ଜିତି ପ୍ରଥମେ ବୋଲିଂ କରିବ ଭାରତ, ଘରୋଇ ମାଟିରେ ବିଜୟ ଧାରା ବଜାୟ ରଖିବାକୁ ସୂର୍ଯ୍ୟ ବାହିନୀର ଲକ୍ଷ୍ୟ

କୋଲକାତା: ଭାରତ ଏବଂ ଇଂଲଣ୍ଡ ମଧ୍ୟରେ ୫ ମ୍ୟାଚ୍ ବିଶିଷ୍ଟ T20 ସିରିଜର ପ୍ରଥମ ମ୍ୟାଚ୍ କୋଲକାତାର ଇଡେନ ଗାର୍ଡେନ ଷ୍ଟାଡିୟମରେ ଖେଳାଯାଉଛି। ଏହି ମ୍ୟାଚ୍‌ରେ ଭାରତୀୟ ଦଳର ଅଧିନାୟକ ସୂର୍ଯ୍ୟକୁମାର ଯାଦବ ଟସ୍ ଜିତି ପ୍ରଥମେ ବୋଲିଂ କରିବାକୁ ନିଷ୍ପତ୍ତି ନେଇଛନ୍ତି। ଏହି ସିରିଜରେ ସୂର୍ଯ୍ୟକୁମାର ଯାଦବଙ୍କ ଅଧିନାୟକତ୍ୱରେ ଟିମ୍ ଇଣ୍ଡିଆର ପ୍ରଦର୍ଶନ ଉପରେ ସମସ୍ତଙ୍କ ନଜର ରହିବ। ଘରୋଇ ପରିବେଶରେ ଟି-୨୦ ସିରିଜରେ ଟିମ୍ ଇଣ୍ଡିଆର ପ୍ରଦର୍ଶନ ଉତ୍କୃଷ୍ଟ। ଗତ ଛଅ ବର୍ଷ ଧରି ଭାରତୀୟ ଦଳ ଘରୋଇ ପରିବେଶରେ କୌଣସି ଟି-୨୦ ସିରିଜ୍ ହାରିନାହିଁ। Toss News from the Eden Gardens #TeamIndia have elected to bowl against England in the T20I series opener. Follow The Match ▶️ https://t.co/4jwTIC5zzs #INDvENG | @IDFCFIRSTBank pic.twitter.com/s8VPSM3xfT — BCCI (@BCCI) January 22, 2025 ୨୦୧୯ ମସିହାରେ, ଭାରତୀୟ ଦଳକୁ ଅଷ୍ଟ୍ରେଲିଆ ବିପକ୍ଷରେ ଘରୋଇ ମାଟିରେ ଟି-୨୦ ସିରିଜରେ ପରାଜୟର ସାମ୍ନା କରିବାକୁ ପଡିଥିଲା, ଯାହା ପରେ ଆରମ୍ଭ ହୋଇଥିବା ଧାରା ଏବେ ବି ଜାରି ରହିଛି। ୨୦୧୯ ବର୍ଷରୁ ଏପର୍ଯ୍ୟନ୍ତ, ଟିମ୍ ଇଣ୍ଡିଆ ଘରୋଇ ମାଟିରେ ୧୪ଟି ଟି-୨୦ ସିରିଜ ଜିତିଛି ଏବଂ ଦୁଇଟି ସିରିଜ ଡ୍ର ରହିଛି। ଯଦି ଆମେ ଟି-୨୦ ଆନ୍ତର୍ଜାତୀୟ ମ୍ୟାଚରେ ଭାରତ ଏବଂ ଇଂଲଣ୍ଡ ମଧ୍ୟରେ ହେଡ୍ ଟୁ ହେଡ୍ ରେକର୍ଡ ଦେଖିବା, ତେବେ ଏପର୍ଯ୍ୟନ୍ତ ଦୁଇ ଦଳ ମଧ୍ୟରେ ୨୪ଟି ମ୍ୟାଚ୍ ଖେଳାଯାଇଛି, ଯେଉଁଥିରେ ଟିମ୍ ଇଣ୍ଡିଆ ୧୩ଟି ମ୍ୟାଚ୍ ଜିତିଥିବା ବେଳେ ଇଂଲଣ୍ଡ ୧୧ଟି ମ୍ୟାଚ୍ ଜିତିଛି।

ଚାମ୍ପିଅନ୍ସ ଟ୍ରଫି ପାଇଁ ଟିମ୍ ଇଣ୍ଡିଆ ଜର୍ସିରେ ଲେଖାଯିବ ପାକିସ୍ତାନ ନାଁ, ଜାଣନ୍ତୁ କାରଣ

ନୂଆଦିଲ୍ଲୀ: ଚାମ୍ପିଅନ୍ସ ଟ୍ରଫି ୨୦୨୫ ଫେବ୍ରୁଆରୀ ୧୯ରୁ ଆରମ୍ଭ ହେବ । ପାକିସ୍ତାନ ଏହାର ଆୟୋଜକ ହୋଇଥିବା ବେଳେ ହାଇବ୍ରିଡ୍ ମଡେଲରେ ଟୁର୍ଣ୍ଣାମେଣ୍ଟ ଖେଳାଯିବ । ଭାରତ ନିଜର ସମସ୍ତ ମ୍ୟାଚ୍ ଦୁବାଇରେ ଖେଳିବ । ଏହାରି ଭିତରେ କିଛି ରିପୋର୍ଟରେ ଦାବି କରାଯାଉଥିଲା ଯେ ଭାରତୀୟ ଟିମ୍ ଚାମ୍ପିଅନ୍ସ ଟ୍ରଫି ପାଇଁ ନିଜ ଜର୍ସିରେ ପାକିସ୍ତାନର ନାଁ ଲେଖିବାକୁ ମନା କରିଦେଇଛି । ଉଲ୍ଲେଖଯୋଗ୍ୟ ଯେ ଯେଉଁ ଦେଶ ଟୁର୍ଣ୍ଣାମେଣ୍ଟକୁ ହୋଷ୍ଟ କରିଥାଏ, ତାର ନାଁ ଟିମର ଜର୍ସି ଉପରେ ଲେଖା ରହିଥାଏ । ତେବେ ଏହି ଖବର ସାମନାକୁ ଆସିବା ପରେ ବିବାଦ ସୃଷ୍ଟି ହୋଇଥିଲା । ଏବେ ଏହି ପ୍ରସଙ୍ଗରେ ବିସିସିଆଇ ବଡ଼ ବୟାନ ଦେଇଛି । ଆଇସିସି ନିୟମ ଅନୁସାରେ, ଯେଉଁ ସବୁ ଟୁର୍ଣ୍ଣାମେଣ୍ଟ ଆଇସିସି ବ୍ୟାନର ତଳେ ଆୟୋଜନ ହୁଏ, ସେଥିରେ ଅଂଶଗ୍ରହଣ କରୁଥିବା ସବୁ ଟିମଙ୍କୁ ନିଜ ଛାତିର ଡାହାଣ ପଟେ ଟୁର୍ଣ୍ଣାମେଣ୍ଟର ନାଁ ଏବଂ ଆୟୋଜକ ଦେଶର ନାଁ, ଟୁର୍ଣ୍ଣାମେଣ୍ଟ ଆୟୋଜନ ବର୍ଷ ଲେଖିବା ବାଧ୍ୟତାମୂଳକ । ବିସିସିଆଇର ନୂଆ ସଚିବ ଦେବଜିତ୍ ସୌକିୟା ଏବେ ସ୍ପଷ୍ଟ କହିଛନ୍ତି ଯେ ଚାମ୍ପିଅନ ଟ୍ରଫି ବେଳେ ବିସିସିଆଇ ଜର୍ସି ସହ ଜଡିତ ଆଇସିସିର ସବୁ ନିୟମକୁ ପାଳନ କରିବ । ଅର୍ଥାତ୍ ଟିମ୍ ଇଣ୍ଡିଆର ଜର୍ସିରେ ଆୟୋଜକ ଦେଶ ପାକିସ୍ତାନର ନାଁ ରହିବ । ପାକିସ୍ତାନ ମିଡିଆ ଏହି ପ୍ରସଙ୍ଗକୁ ଉଠାଇ ବିସିସିଆଇ ଟିମ୍ ଇଣ୍ଡିଆ ଜର୍ସିରେ ନାଁ ଲେଖିବାକୁ ମନା କରୁଥିବା ଅଭିଯୋଗ କରିଥିଲା । ପିସିବି ଏହି ପ୍ରସଙ୍ଗକୁ ଆଇସିସି ନିକଟକୁ ନେବା ପାଇଁ ଚାହୁଁଥିଲା । କିନ୍ତୁ ବିସିସିଆଇ ଏବେ ଏହି ଖବରକୁ ଖଣ୍ଡନ କରିଛି ଏବଂ ଆଇସିସିର ସବୁ ନିୟମ ପାଳନ କରିବ ବୋଲି କହିଛି ।

ମଣିପୁର ଜେଡିୟୁ ଅଧ୍ୟକ୍ଷଙ୍କୁ ପଦରୁ ହଟାଇଲେ ନୀତୀଶ କୁମାର, ଏନଡିଏରୁ ପ୍ରତ୍ୟାହାର କରିଥିଲେ ସମର୍ଥନ

ନୂଆଦିଲ୍ଲୀ: ନୀତୀଶ କୁମାରଙ୍କ ଜନତା ଦଳ ୟୁନାଇଟେଡ୍ (ଜେଡିୟୁ) ମଣିପୁର ପ୍ରଦେଶ ଅଧ୍ୟକ୍ଷ ବୀରେନ ସିଂହଙ୍କୁ ପଦରୁ ହଟାଇଛି । ମଣିପୁରର ଏନଡିଏ ସରକାରରୁ ଜେଡିୟୁ ସମର୍ଥନ ଫେରାଇ ନେଇଥିବା ନେଇ ବୀରନେ ସିଂହ ଚିଠି ଲେଖିଥିଲେ । ଏହାପରେ ପାର୍ଟି ପକ୍ଷରୁ ଏହି କାର୍ଯ୍ୟାନୁଷ୍ଠାନ ଗ୍ରହଣ କରାଯାଇଛି । ଉଲ୍ଲେଖଯୋଗ୍ୟ ଯେ ସମର୍ଥନ ଫେରାଇ ନେବା ପତ୍ରରେ ଜେଡିୟୁ ଅଧ୍ୟକ୍ଷ ଲେଖିଥିଲେ ଯେ ମଣିପୁରରେ ପାର୍ଟିର ୫ ବିଧାୟକ ପୂର୍ବରୁ ବିଜେପିରେ ସାମିଲ ହୋଇସାରିଛନ୍ତି । ଏବେ ଜେଡିୟୁର କେବଳ ଜଣେ ବିଧାୟକ ଅଛନ୍ତି, ଯିଏ ବିଜେପି ନେତୃତ୍ୱାଧୀନ ସରକାରରେ ସାମିଲ ନାହାନ୍ତି । ବୀରେନ ସିଂହ ମଣିପୁର ରାଜ୍ୟାପଳଙ୍କୁ ସମର୍ଥନ ପ୍ରତ୍ୟାହାର ନେଇ ଚିଠି ଲେଖିଥିଲେ । ଏଥିରେ ସେ କହିଥିଲେ ଯେ ରାଜ୍ୟରେ ବର୍ତ୍ତମାନ ଜେଡିୟୁର ଜଣେ ମାତ୍ର ବିଧାୟକ ଅବଦୁଲ ନାସର ଅଛନ୍ତି, ତାଙ୍କୁ ଗୃହରେ ବିରୋଧୀ ସଦସ୍ୟ ରୂପେ ଦେଖାଯାଉଛି । ଅନ୍ୟପଟେ ମଣିପୁର ପ୍ରଦେଶ ଅଧ୍ୟକ୍ଷଙ୍କୁ ପଦରୁ ହଟାଇ, ନୀତୀଶ କୁମାର ନିଜ ସହଯୋଗୀ ଦଳ ବିଜେପିକୁ ଏକ ସନ୍ଦେଶ ଦେବାକୁ ଚାହିଁଛନ୍ତି । ମଣିପୁରରେ ସମର୍ଥନ ପ୍ରତ୍ୟାହର ନିଷ୍ପତ୍ତି ଦଳର ଶୀର୍ଷ ନେତୃତ୍ୱଙ୍କ ଦ୍ୱାରା ନିଆଯାଇ ନାହିଁ ଏବଂ ଏହା ରାଜ୍ୟ ନେତୃତ୍ୱଙ୍କ ନିଷ୍ପତ୍ତି ଥିଲା ବୋଲି ସନ୍ଦେଶ ଦେଇଛନ୍ତି । ଜେଡିୟୁ ମୁଖପାତ୍ର ରାଜୀବ ରଞ୍ଜନ କହିଛନ୍ତି ଯେ ମଣିପୁରରେ ପାର୍ଟିକୁ ନେଇ କିଛି ଭୁଲ୍ ଖବର ସାମନାକୁ ଆସିଛି । ଜେଡିୟୁର ମଣିପୁର ୟୁନିଟ ଅଧ୍ୟକ୍ଷଙ୍କଙ୍କୁ ଶୃଙ୍ଖଳାଗତ କାରଣରୁ ପଦରୁ ହଟାଯାଇଛି । ଏହାସହ ମଣିପୁରରେ ପୂର୍ବପରି ଏନଡିଏକୁ ଜେଡିୟୁର ସମର୍ଥନ ଜାରି ରହିବ ବୋଲି କହିଛନ୍ତି ।

ଭାରତୀୟ ବୋଲରଙ୍କ ସମ୍ମୁଖରେ ଇଂଲଣ୍ଡର ଫିକା ପ୍ରଦର୍ଶନ: ୧୩୨ ରନ୍‌ରେ ଅଲ୍ ଆଉଟ୍

କୋଲକାତା: ଭାରତୀୟ ବୋଲରଙ୍କ ସମ୍ମୁଖରେ ଇଂଲଣ୍ଡର ଫିକା ପ୍ରଦର୍ଶନ। ୧୩୨ ରନ୍‌ରେ ଅଲ୍‌ ଆଉଟ୍। ଭାରତ ଏବଂ ଇଂଲଣ୍ଡ ମଧ୍ୟରେ ୫ ମ୍ୟାଚ୍ ବିଶିଷ୍ଟ ଟି-୨୦ସିରିଜର ପ୍ରଥମ ମ୍ୟାଚ୍ କୋଲକାତାର ଇଡେନ ଗାର୍ଡେନ ଷ୍ଟାଡିୟମରେ ଖେଳାଯାଉଛି। ମ୍ୟାଚ୍‌ରେ ଭାରତୀୟ ଦଳର ଅଧିନାୟକ ସୂର୍ଯ୍ୟକୁମାର ଯାଦବ ଟସ୍ ଜିତି ପ୍ରଥମେ ବୋଲିଂ କରିବାକୁ ନିଷ୍ପତ୍ତି ନେଇଥିଲେ। ପ୍ରଥମେ ବ୍ୟାଟିଂ କରି ଇଂଲଣ୍ଡ ନିର୍ଦ୍ଧାରିତ ୨୦ ଓଭରରେ ମାତ୍ର ୧୩୨ ରନ୍ କରି ଅଲ ଆଉଟ ହୋଇଯାଇଛି। ପ୍ରଥମେ ବ୍ୟାଟିଂ କରି ଇଂଲଣ୍ଡ ନିର୍ଦ୍ଧାରିତ ୨୦ ଓଭରରେ ମାତ୍ର ୧୩୨ ରନ୍ କରି ଅଲ ଆଉଟ ହୋଇଯାଇଛି। ଦଳ ପକ୍ଷରୁ ଜସ ବଟଲର ସର୍ବାଧିକ ୬୮ ରନ୍(୮ ଚୌକା ୨ ଛକ୍କା) କରିଥିବା ବେଳେ ହ୍ୟାରୀ ବ୍ରୋକ ୧୭ ରନ୍ କରିଥିଲେ। ଅନ୍ୟ କୌଣସି ବ୍ୟାଟର ୧୫ ରନ୍‌ ପର୍ଯ୍ୟନ୍ତ ବି ଯାଇପାରି ନଥିଲେ। ଦଳର ୭ ବ୍ୟାଟର ଦୁଇ ଅଙ୍କ ବି ଛୁଇଁ ପାରି ନଥିଲେ। ସେହିପରି ଭାରତ ପକ୍ଷରୁ ବରୁଣ ଚକ୍ରବର୍ତ୍ତି ସର୍ବାଧିକ ୩ଟି ୱିକେଟ୍ ନେଇଛନ୍ତି। ଭରତୀୟ ବୋଲିଂ ଇଂଲଣ୍ଡ ବିପକ୍ଷ ପ୍ରଥମ ଟି-୨୦ ଅନ୍ତର୍ଜାତୀୟ ମ୍ୟାଚ୍‌ରେ ଭାରତର ରବି ବିଷ୍ଣୋଇଙ୍କୁ ଛାଡ଼ିଦେଲେ ବାକି ସମସ୍ତ ବୋଲର ଭଲ ପ୍ରଦର୍ଶନ କରିଛନ୍ତି। ଅର୍ଶଦୀପ ସିଂହ, ହାର୍ଦ୍ଦିକ ପାଣ୍ଡ୍ୟା ଓ ଅକ୍ସର ପଟେଲ ୨ ଲେଖାଏ ୱିକେଟ୍ ନେଇଥିବା ବେଳେ ବରୁଣ ଚକ୍ରବର୍ତ୍ତୀ ସର୍ବାଧିକ ୩ଟି ୱିକେଟ ନେଇଛନ୍ତି। ତେବେ ରବି ବିଷ୍ଣୋଇ ୪ ଓଭର ବୋଲିଂ କରି ୨୨ ରନ୍ ଦେଇଥିଲେ ବି ଗୋଟିଏ ବି ସଫଳତା ତାଙ୍କ ଭାଗ୍ୟକୁ ଆସି ପାରି ନଥିଲା।

ବ୍ରୋକିଂ ବିଜନେସରେ ପ୍ରବେଶ କରିବେ ମୁକେଶ ଅମ୍ୱାନୀ, ବ୍ଲାକରକ୍ ସହ ହାତ ମିଶାଇଲା ଜିଓ ଫାଇନାନସିଆଲ୍ ସର୍ଭିସେସ୍

ନୂଆଦିଲ୍ଲୀ : ଜିଓ ଫାଇନାନ୍ସିଆଲ୍‌ର ବଡ଼ ନିଷ୍ପତ୍ତି। ମ୍ୟୁଚୁଆଲ୍ ଫଣ୍ଡ ବ୍ୟବସାୟରେ ପ୍ରବେଶ କରିବା ପରେ ଏବେ କମ୍ପାନି କରିବାକୁ ଯାଉଛି ଷ୍ଟକ୍ ବ୍ରୋକିଂ ବ୍ୟବସାୟରେ ଏଣ୍ଟ୍ରି। ସିଙ୍ଗାପୁରର ବ୍ଲାକ୍ ରକ କମ୍ପାନୀ ସହ ମିଶି ଜିଓ ଏହି ନୂଆ ବ୍ୟବସାୟରେ ଏଣ୍ଟ୍ରି ମାରିବାକୁ ପୂରା ଯୋଜନା କରି ସାରିଛି। ବ୍ରୋକିଂ ବ୍ୟବସାୟରେ ଜିଓ ଫାଇନାନ୍ସିଆଲର ଏଣ୍ଟ୍ରି। ଖୁବଶୀଘ୍ର ଆସିବ ଜିଓର ବ୍ରୋକିଂ ସେବା। ମଙ୍ଗଳବାର ଏକ୍ସଚେଞ୍ଜ ଫାଇଲିଂରେ ଏନେଇ ସୂଚନା ଦେଇଛି ଜିଓ ଫାଇନାନ୍ସିଆଲ୍ ସର୍ଭିସେସ୍ । ରିପୋର୍ଟ ଅନୁଯାୟୀ ଜିଓ ଫାଇନାନ୍ସିଆଲ ସର୍ଭିସେସ‌ ଏବଂ ବ୍ଲାକ୍‌ରକ୍ର ମିଳିତ ଉଦ୍ୟମରେ ଜିଓ ବ୍ଲାକ୍‌ରକ୍ ଇନଭେଷ୍ଟମେଣ୍ଟ ଆଡଭାଇଜର୍ସ ନାମରେ ବ୍ରୋକିଂ ବ୍ୟବସାୟରେ ପ୍ରବେଶ କରିବାକୁ ଯୋଜନା କରିଛି । ଏହି କମ୍ପାନୀ ବ୍ରୋକିଂ ସହିତ ଅନ୍ୟ ବ୍ୟବସାୟ ଆରମ୍ଭ କରିବ। ଅବଶ୍ୟ କମ୍ପାନିକୁ ଏପର୍ଯ୍ୟନ୍ତ ବଜାର ନିୟାମକSEBIରୁ ଅନୁମୋଦନ ମିଳିନାହିଁ। ରିପୋର୍ଟ ଅନୁଯାୟୀ, ଜିଓ ବ୍ଲାକ୍‌ରକ୍‌ ଇନଭେଷ୍ଟମେଣ୍ଟ୍ ଆଡଭାଇଜର୍ସ ପିଭି ଲିମିଟେଡ୍ ସେପ୍ଟେମ୍ବର ୬ରେ ଗଠନ ହୋଇଥିଲା। ଯାହାର ମୂଳ ବ୍ୟବସାୟ ନିବେଶ ପରାମର୍ଶଦାତା ସେବା ପ୍ରଦାନ କରିବା ରହିଥିଲା। ହେଲେ ପରବର୍ତ୍ତୀ ସମୟରେ ଏହାକୁ ୱେଲ୍‌ଥ ମ୍ୟାନେଜମେଣ୍ଟ ଏବଂ ବ୍ରୋକିଂ କମ୍ପାନି କରିବାକୁ ନିଷ୍ପତ୍ତି ହୋଇଥିଲା। କମ୍ପାନିରେ ଜିଓ ଫାଇନାନ୍ସିଆଲ ସର୍ଭିସେସ ଏବଂ ସିଙ୍ଗାପୁରର ବ୍ଲାକ୍‌ରକ୍‌ ଆଡଭାଇଜର୍ସର ୫୦:୫୦ ପ୍ରତିଶତ ସେୟାର ରହିଛି। ଜର୍ଜ ହେବର ଜୋସେଫ, ଜିଓ ବ୍ଲାକ୍‌ରକ୍‌ ଆସେଟ୍ ମ୍ୟାନେଜମେଣ୍ଟର ପ୍ରଥମ ମୁଖ୍ୟ ବିନିଯୋଗ ଅଧିକାରୀ (CIO) ଭାବରେ ନିଯୁକ୍ତ ହୋଇଛନ୍ତି । ପୂର୍ବରୁ ଜିଓ ୨୦୨୪ରେ ମ୍ୟୁଚୁଆଲ୍ ଫଣ୍ଡ ବ୍ୟବସାୟ ଆରମ୍ଭ କରିସାରିଛି।

ଭାରତ ମୋବିଲିଟି ଗ୍ଲୋବାଲ ଏକ୍ସପୋ ୨୦୨୫ରେ ମନ ଜିତିଲା ଇଲେକ୍ଟ୍ରିକ୍ ଟୁ-ହ୍ୱିଲର, ଚର୍ଚ୍ଚାରେ ରହିଲା ୩ ଇଭି ସ୍କୁଟର

ନୂଆଦିଲ୍ଲୀ : ସରିଛି ଭାରତ ମୋବିଲିଟି ଗ୍ଲୋବାଲ ଏକ୍ସପୋ ୨୦୨୫ । ବିଶ୍ୱର ଏହି ମେଗା ମୋଟର ଶୋ’ରେ ନୂଆ ନୂଆ ଗାଡ଼ି ଲଞ୍ଚ କରିଛନ୍ତି ଅନେକ କମ୍ପାନୀ । ଟୁ ହ୍ୱିଲର ଠାରୁ ଆରମ୍ଭ କରି ଲଗଜୁରୀୟସ କାର୍। ପୁଣି ଇଭି ଯାନର ବି କ୍ରେଜ୍ ରହିଥିଲା। ମାତ୍ର ଦୁଇ ଦିନରେ ୯୦ରୁ ଅଧିକ ପ୍ରଡକ୍ଟ ଲଞ୍ଚ ହୋଇଥିଲା। ଇଭାର ମିନି ସୋଲାର କାର୍ ହେଉ କିମ୍ବା ଇଲେକ୍ଟ୍ରିକ୍ ଟୁ- ହ୍ୱିଲର..ଏସବୁ ଥିଲା ଖୁବ୍ ଚର୍ଚ୍ଚାରେ। ଭାରତ ମୋବିଲିଟି ଗ୍ଲୋବାଲ ଏକ୍ସପୋ ୨୦୨୫ରେ ସବୁଠାରୁ ଚର୍ଚ୍ଚାରେ ରହିଥିଲା ୩ଟି ଇ-ସ୍କୁଟର। ସମସ୍ତଙ୍କ ଧ୍ୟାନ ଆକର୍ଷଣ କରିଥିଲା ହୋଣ୍ଡାର ଇ-ସ୍କୁଟର। ପୂର୍ବରୁ କମ୍ପାନି ଏହି ଇ-ସ୍କୁଟରକୁ ଅନାବରଣ କରିଥିଲା। ଆଉ ଏବେ ଅଟୋ ଏକ୍ସପୋରେ ଲଞ୍ଚ୍ ପରେ ଗ୍ରାହକଙ୍କୁ ବେଶ୍‌ ପସନ୍ଦ ଆସିଛି ଆକ୍ଟିଭା-ଇ। ଏକ୍ସପୋରେ କମ୍ପାନୀ ଆକ୍ଟିଭା-ଇ ସହ ବଜେଟ ଫ୍ରେଣ୍ଟଲି ଇଲେକ୍ଟ୍ରିକ୍ ସ୍କୁଟରQC1କୁ ମଧ୍ୟ ଲଞ୍ଚ କରିଛି।QC1ର ମୂଲ୍ୟ ୯୦ ହଜାର ଟଙ୍କା ରହିଥିବାବେଳେ ପ୍ରିମିୟମ୍ ଆକ୍ଟିଭା-ଇର ମୂଲ୍ୟ ୧ ଲକ୍ଷ ୧୭ ହଜାର ଟଙ୍କାର ଆରମ୍ଭ ହେଉଛି। ସେହିଭଳି ଆକ୍ଟିଭା-ଇରRoadSync Duoଭାରିଆଣ୍ଟର ମୂଲ୍ୟ ୧ ଲକ୍ଷ ୫୨ ପର୍ଯ୍ୟନ୍ତ ରହିଛି। ସେହିପରି ଆଉ ଏକ ଇ-ସ୍କୁଟର ହେଲା ଏମ୍ପିୟର ଏକ୍ସପ୍ରେସ । କମ୍ପାନୀ ଏକ୍ସପୋରେ ଅନେକ ବାଇକ୍ ଏବଂ ସ୍କୁଟର ଲଞ୍ଚ କରିଥିଲେ ବି,ସବୁଠୁ ଚର୍ଚ୍ଚିତ ଥିଲା ଏକ୍ସପ୍ରେସ। କାରଣ ଏହା ସିଙ୍ଗିଲ ଚାର୍ଜରେ ୨୦୦ କିଲୋମିଟରର ମାଇଲେଜ ଦେଇଥାଏ। ବଡ଼ କଥା ହେଲା ଏଥିରେ ଉଭୟ ଏସି ଏବଂ ଡିସି ଫାଷ୍ଟ୍ ଚାର୍ଜିଂ କ୍ଷମତା ରହିଛି। ସେହିଭଳି ଜାପାନିଜ୍ କମ୍ପାନି ସୁଜୁକି ମଧ୍ୟ ଭାରତୀୟ ଇଭି ସେକ୍ଟରରେ ପ୍ରବେଶ କରିଛି। ଇ-ଆକ୍ସେସ୍ ଇଲେକ୍ଟ୍ରିକ୍ ସ୍କୁଟର ସହ ଭାରତୀୟ ବଜାରରେ ଏଣ୍ଟ୍ରି କରିଛି ସୁଜୁକି । ସମ୍ପୂର୍ଣ୍ଣ ନୂଆ ଡିଜାଇନ୍ ସହ ଏହା ଭାରତରେ ତିଆରି ହେବ। ଏଇଠାରୁ ତିଆରି ହୋଇ ବିଦେଶକୁ ରପ୍ତାନୀ ହେବ। ଏହାର ଦାମ ୧ ଲକ୍ଷରୁ ୧ ଲକ୍ଷ ୨୦ ହଜାର ମଧ୍ୟରେ ହୋଇପାରେ। ଏହି ଏକ୍ସପୋରେ କମ୍ପାନୀ ଆକ୍ସେସ ୧୨୫ର ନୂଆ ମଡେଲ ବି ଲଞ୍ଚ କରିଥିଲା। ଯାହାର ବେସ୍ ଭାରିଏଣ୍ଟର ଦିଲ୍ଲୀ ଏକ୍ସ ଶୋ ରୁମ ମୂଲ୍ୟ ୮୧ ହଜାର ୭୦୦ ଟଙ୍କା ରହିଛି।