ଅପ୍ରେଲ୍ ୨୫ ତାରିଖ, ଗୁରୁବାର ; ଜାଣନ୍ତୁ କେଉଁ ରାଶି ପାଇଁ କେମିତି ରହିବ ଆଜିର ଦିନ

ମେଷ - ବନ୍ଧୁଙ୍କ ସାହାଯ୍ୟ ସହଯୋଗ ମିଳିବ। କୌଣସିବି ବ୍ୟବସାୟିକ କାରବାରରୁ ଅର୍ଥ ଉପକୃତ ହେବ | ଅଫିସରେ ସହକର୍ମୀଙ୍କ ସମର୍ଥନ ପାଇବେ। ପାରିବାରିକ ବିବାଦ ସମାପ୍ତ ହେବ | ରୋଗୀମାନେ ସେମାନଙ୍କର ବିଶେଷ ଯତ୍ନ ନେବା ଉଚିତ୍ । ବୃଷ - ମନରେ ଉତ୍‌ଥାନ-ପତନ ଦେଖାଦେବ। ଧୈର୍ଯ୍ୟ ବଜାୟ ରଖିବାକୁ ଚେଷ୍ଟା କରନ୍ତୁ। ଶିକ୍ଷାଗତ ଏବଂ ଅନୁସନ୍ଧାନ କାର୍ଯ୍ୟ ପାଇଁ ଅନ୍ୟ କିଛି ସ୍ଥାନକୁ ଯାଇପାରନ୍ତି। ପରିବାରଠାରୁ ଦୂରରେ ରହିବାକୁ ପଡିପାରେ । ପରିଶ୍ରମ ଅଧିକ ହେବ । ମିଥୁନ - ସମ୍ମାନ ହାନି ଘଟିବ। ଅଜଣା ବ୍ୟକ୍ତିଙ୍କ ପାଇଁ ଠକାମୀର ଶିକାର ହୋଇପାରନ୍ତି । ଧନ ଲାଭର ଯୋଗ ମଧ୍ୟ ରହିଛି । ଛାତ୍ରଛାତ୍ରୀଙ୍କ ପାଇଁ ଦିନଟି ଆଳସ୍ୟରେ କଟିବ । ଦିନଟିରେ ଉତ୍ତମ ଫଳ ପ୍ରଦାନ କରିବ ନାହିଁ । କର୍କଟ - କାର୍ଯ୍ୟ କ୍ଷେତ୍ରରେ ବିଶେଷ ସହାୟତା ମିଳିବ । ବନ୍ଧୁ ମିଳନର ଯୋଗ ରହିଛି । ନିଜ ପରାକ୍ରମ ବଳରେ ଶତ୍ରୁଙ୍କୁ ପରାସ୍ତ କରିବାର କ୍ଷମତା ରଖିବେ । ପରିବାରରେ ସୁଖ ଶାନ୍ତି ଲାଗି ରହିବ । ଛାତ୍ରଛାତ୍ରୀ ମାନେ ବିଶେଷ ଭାବେ ଉପକୃତ ହେବେ । ସିଂହ - କାର୍ଯ୍ୟରେ ସଫଳତା ପ୍ରାପ୍ତ ହେବ। ନୂତନ କର୍ମ ସଂସ୍ଥାନ ପାଇଁ ଆଗ୍ରହୀ ହେବେ | ଶିକ୍ଷାଗତ କାର୍ଯ୍ୟ ପାଇଁ ବିଦେଶ ଯିବାର ସମ୍ଭାବନା ଅଛି । ପତି-ପତ୍ନୀଙ୍କଠାରୁ ଅଲଗା ହେବାର ପରିସ୍ଥିତି ସୃଷ୍ଟି ହୋଇପାରେ । କନ୍ୟା - କର୍ମକ୍ଷେତ୍ରରେ ବିରୋଧାଭାବ ଦେଖାଦେବ । ନିଜ ବ୍ୟବହାରରେ ସଂଯମତା ରକ୍ଷା କରନ୍ତୁ । ପରିବାର ଲୋକଙ୍କ ଠାରୁ ଖୁସିର ବାର୍ତ୍ତା ମିଳିବ । ବ୍ୟବସାୟରେ ଏତେ ଲାଭ ହେବ ନାହିଁ । ପାରିବାରିକ ସମ୍ପର୍କ ସୁଦୃଢ ହେବ । ତୁଳା - ଆଶାନୁରୂପ ଅର୍ଥ ପ୍ରାପ୍ତିର ଯୋଗ ରହିଛି । ଲାଗି ରହିଥିବା ସମସ୍ୟାର ସମୂଳ ସମାଧାନ ହେବ । ରାଜନୈତିକ କ୍ଷେତ୍ରଟି ଆପଣଙ୍କ ପାଇଁ ବହୁତ୍ ଶୁଭ ଦାୟକ ରହିଛି । ଜମିବାଡ଼ି ସମ୍ପର୍କିତ କିଛି ଅସୁବିଧା ଦେଖା ଯିବ । ନିବେଶ ପାଇଁ ଦିନଟି ଅନୁକୂଳ ରହିଛି । ଛାତ୍ରଛାତ୍ରୀ ମାନେ ଉପକୃତ ହେବେ । ବିଛା - ଗୃହରେ ସୁଖ ସମ୍ମାନ ପ୍ରାପ୍ତି ହେବ । ସାମାଜିକ ଓ ସାଂସ୍କୃତିକ କାର୍ଯ୍ୟରେ ମନୋନିବେଶ କରିବେ । କର୍ମ କ୍ଷେତ୍ରରେ କିଛି ଲାଭଦାୟକ ପ୍ରୟାସ କରିବେ । ବ୍ୟବସାୟୀଙ୍କ ପାଇଁ ରୋଜଗାରର ନୂଆ ପନ୍ଥା ଦେଖାଯିବ । ଧନୁ - ଭକ୍ତି ଭାବରେ ଦିନଟି କଟିବ । ସେବା ପୂଜାରେ ମନୋନିବେଶ କରିବେ । ବ୍ୟବସାୟୀମାନେ ରିସ୍କ ନେଇ କାର୍ଯ୍ୟ କଲେ ସଫଳତା ମିଳିବ । ଛାତ୍ର ଛାତ୍ରୀମାନଙ୍କ ପାଇଁ ବହୁ ପରିଶ୍ରମ ଲଘୁ କ୍ରିୟା । ରୋଜଗାରର ନୂଆ ପନ୍ଥା ମିଳିବ। ମକର - ଗୃହରେ ଲାଗି ରହିଥିବା ସମସ୍ୟାର ସମାଧାନ ଖୋଜିବେ । ସନ୍ତାନଙ୍କ ସହ ସମୟ ଅତିବାହିତ କରିବେ । ଯାତ୍ରା ସମୟରେ ସାବଧାନତା ଅବଲମ୍ବନ କରନ୍ତୁ । ବ୍ୟବସାୟୀଙ୍କ ପାଇଁ ଦିନଟି ମଧ୍ୟମ ଫଳ ପ୍ରଦାନ କରିବ । କୁମ୍ଭ - ଦିନଟିରେ ଶତ୍ରୁ ଙ୍କ ଭୟ ରହିବ । ଅଦରକାରୀ କାର୍ଯ୍ୟ କଳାପରେ ଆପଣଙ୍କର ସମୟ ଏବଂ ଶକ୍ତି ନଷ୍ଟ କରନ୍ତୁ ନାହିଁ । ତୁମର ନିଷ୍ପତ୍ତି ଉପରେ ଉପଯୁକ୍ତ ଧ୍ୟାନ ଦିଅ । ନିବେଶ ପାଇଁ ଦିନଟି ଭଲ ରହିଛି । ମୀନ - ଲୁଚି ରହିଥିବା ଦକ୍ଷତାର ପରିପ୍ରକାଶ ହେବ । ଯଶ ହାନି ଘଟିବାର ସମ୍ଭାବନା ରହିଛି । ପଡୋଶୀଙ୍କ ସହ ମତଭେଦ ହୋଇ ପରେ । ପିତା ମାତାଙ୍କ ସେବା ରେ ସମୟ ଅତିବାହିତ ହେବ । ବ୍ୟବସାୟ ରେ ଅର୍ଥ ଫେରି ପାଇବା ବିଳମ୍ବ ହେବ । ଛାତ୍ରଛାତ୍ରୀ ମାନେ ଆଶାନୁରୂପ ଫଳ ପ୍ରାପ୍ତି କରିବେ ନାହିଁ । ଜ୍ୟୋତିର୍ବିଦ ଶ୍ରୀ ସିଦ୍ଧାର୍ଥ ଶେଖର ନାୟକ , ଯୋଗାଯୋଗ - ୮୨୪୯୮୨୬୬୮୨

ତାତିରୁ ମିଳିବନି ଆଶ୍ୱସ୍ତି, ଆହୁରି ୧୦ ଦିନ ଯମ ଯନ୍ତ୍ରଣା

ଭୁବନେଶ୍ୱର୨୫।୦୪: ଆଶା ଥିଲା କାଳବୈଶାଖୀ ତ୍ରାହି ଆଣିବ । ମାତ୍ର ଦକ୍ଷିଣ ଓଡ଼ିଶାର କିଛି ଅଞ୍ଚଳକୁ ଛାଡ଼ିଦେଲେ,ସେଭଳି ବର୍ଷା ହେଲାନି । ବୁଧବାର ଭୁବନେଶ୍ୱରରେ ଦିନ ୨ଟା ଯାଏଁ ଜଳେଇବା ପରେ ଅପରାହ୍ନରେ ଟିକିଏ ବର୍ଷା ଛିଞ୍ଚିଲା । ଆଗକୁ ଆଉ ବର୍ଷା ନାହିଁ । ଦୂର ଦୂର ଯାଏଁ ବର୍ଷା ସମ୍ଭାବନା ଦେଖାଯାଉନି । ପାଣିପାଗ ପୂର୍ବାନୁମାନ ଦେଖାଉଛି ଛାତି ଥରାଇ ଦେଲା ଭଳି ଚିତ୍ର । ଲଗାତାର ୧୦ ଦିନ ଧରି ପ୍ରଚଣ୍ଡ ଗ୍ରୀଷ୍ମ ପ୍ରବାହରେ ଆଉଟୁ ପାଉଟୁ ହେଉଥିବା ଓଡ଼ିଶାବାସୀ ଆହୁରି ୧୦ ଦିନ ଯମ ଯନ୍ତ୍ରଣାରେ ଛଯପଟ ହେବେ । ଜଳିବେ,ସିଝିବେ,ସନ୍ତୁଳି ହେବେ ଏ ନିଆଁ ମାଡ଼ରେ । ସୋଆ ପରିବେଶ ଓ ଜଳବାୟୁ ପରିବର୍ତ୍ତନ ନିର୍ଦ୍ଦେଶକ ଡ. ଶରତ ଚନ୍ଦ୍ର ସାହୁ କହିଛନ୍ତି,ଏବେ ବର୍ଷା ନାହିଁ । ଆସନ୍ତା ମେ’ପହିଲା ବେଳକୁ ଉପକୂଳ ଓ ଉତ୍ତର ଓଡ଼ିଶାରେ ବର୍ଷା ହୋଇପାରେ । ଏହା ସାମାନ୍ୟ ଆଶ୍ୱସ୍ତି ଦେବ । ମାତ୍ର ତା’ପରେ ବି ତାତି ଖସିବନି । ଆସନ୍ତା ୪/୫ ତାରିଖ ଯାଏଁ ତାତିରୁ ବଡ଼ ଧରଣର ଆଶ୍ୱସ୍ତି ଆଶା ଦେଖାଯାଉନି । ତା’ପରେ ବି ବର୍ଷା ହେବ କି ନାହିଁ,ଏବେଠାରୁ ଆକଳନ ସହଜ ନୁହେଁ । ଚଳିତ ଏପ୍ରିଲରେ ଏଯାବତ୍‌ ରାଜ୍ୟରେ ୧୨ ଦିନ ଗ୍ରୀଷ୍ମ ପ୍ରବାହ ସହିଲାଣି ଓଡ଼ିଶା । ଗତ ୧୫ ତାରିଖରୁ ଲଗାତାର ଗ୍ରୀଷ୍ମ ପ୍ରବାହ ଜାରି ରହିଛି। ସ୍ୱାଭାବିକଠାରୁ ଏଥର ଏପ୍ରିଲରେ ଗ୍ରୀଷ୍ମ ପ୍ରବାହ ଦିନ ସଂଖ୍ୟା ୪ ଗୁଣା ବଢ଼ିଗଲାଣି ଏଯାବତ୍‌ । ପୂର୍ବାନୁମାନ ଯାହା,ଏଥର ଏପ୍ରିଲରେ ଗ୍ରୀଷ୍ମ ପ୍ରବାହ ଦିନ ସଂଖ୍ୟା ୬ ଗୁଣା ବଢ଼ିପାରେ ସ୍ୱାଭାବିକ ତୁଳନାରେ । ପାଣିପାଗ ବିଭାଗ ଆଶା କରିଥିଲା, କାଳବୈଶାଖୀ ବର୍ଷା ତାତିରୁ ସାମୟିକ ଆଶ୍ୱସ୍ତି ଦେବ । ମାତ୍ର ଏଯାଏଁ ସେଭଳି ବଡ଼ ବର୍ଷା ହେଲାନି । ପଶ୍ଚିମା ଝଡ଼ ପ୍ରଭାବରେ ରାଜ୍ୟକୁ ବାଦଲ ଆସିଲା ସତ, ମାତ୍ର ବର୍ଷା ବିସ୍ତୃତ ଅଞ୍ଚଳରେ ହେଲାନି । ଦକ୍ଷିଣ ଓଡ଼ିଶାର ଗଞ୍ଜାମରେ ଆଜି ଅପରାହ୍ନରେ ପବନ ସହ ପ୍ରବଳ ବର୍ଷା ହୋଇଛି । ମାତ୍ର ଭୁବନେଶ୍ୱରରେ ଅତି ହାଲୁକା ବର୍ଷା ରେକର୍ଡ ହୋଇଛି । ଅପରପକ୍ଷରେ ବାଦଲ ଆକାଶରୁ ହଟିବା ଆରମ୍ଭ ହୋଇଯାଇଛି । ଏବେ ଆଉ ବର୍ଷା ସମ୍ଭାବନା ନାହିଁ । ଗୁରୁବାରଠାରୁ ସାରା ରାଜ୍ୟରେ ସାଏଁ କରି ଉପରମୁହାଁ ହେବ ପାରଦ, ରେକର୍ଡ ଭାଙ୍ଗିବ ତାତି । ପାଣିପାଗ ବିଭାଗର ତାଜା ପୂର୍ବାନୁମାନ ଅନୁସାରେ ଆସନ୍ତା ୫ ଦିନ ଭୀଷଣ ଗ୍ରୀଷ୍ମ ପ୍ରବାହ କଲବଲ କରିବ । ସାରା ଓଡ଼ିଶା ଜଳିବ ତାତି ପ୍ରକୋପରେ । ୨୫ ତାରିଖ (ଗୁରୁବାର) ଗଜପତି ଓ ଗଞ୍ଜାମରେ ଭୀଷଣ ଗ୍ରୀଷ୍ମ ପ୍ରବାହ ଅନୁଭୂତ ହେବ । ଝାରସୁଗୁଡ଼ା, ସୁନ୍ଦରଗଡ଼, ମୟୂରଭଞ୍ଜ, ବାଲେଶ୍ୱର, ଭଦ୍ରକ, ଯାଜପୁର, କେନ୍ଦ୍ରାପଡ଼ା, ଜଗତସିଂହପୁର, ଅନୁଗୁଳ, ନୟାଗଡ଼, ବଲାଙ୍ଗୀର, ବୌଦ୍ଧ, ନୂଆପଡ଼ା, କନ୍ଧମାଳ, ଖୋର୍ଦ୍ଧା, କଟକ ଓ ଢେଙ୍କାନାଳରେ ଗ୍ରୀଷ୍ମ ପ୍ରବାହ ଛଟପଟ କରିବ । ଆସନ୍ତା ୨୬,୨୭,୨୮,୨୯ ଓ ୩୦ ତାରିଖରେ ବି ସ୍ଥିତି ବଦଳିବନି । ବେଳକୁ ବେଳ ଆହୁରି କୋପ ବଢ଼ାଇବ ଗ୍ରୀଷ୍ମ ଲହରୀ । ୨୬ ତାରିଖ ବେଳକୁ ଟକଟକ ହୋଇ ଫୁଟୁଥିବ ସାରା ଓଡ଼ିଶା । ୨୬ରୁ ୩୦ ଭିତରେ ଆଭ୍ୟନ୍ତରୀଣ ଓଡ଼ିଶାରେ ସର୍ବୋଚ୍ଚ ତାପମାତ୍ରା ୪୫ ଡିଗ୍ରୀ ଓ ଉପକୂଳ ଓଡ଼ିଶା ୪୪ ଡିଗ୍ରୀ ସେଲସିୟସ୍‌ ତାଉରେ ଭାଜି ହେଉଥିବ । ଏ ସମ୍ଭାବ୍ୟ ସ୍ଥିତି ସ୍ପଷ୍ଟ କରୁଛି,ପ୍ରଚଣ୍ଡ ତାତିର ଲହରୀ ଭୟାନକ ରୂପ ନେଇ ଚାଲିଛି । ଆଗକୁ ଆହୁରି ଭୟଙ୍କର ହେବ । କୃଷି ପାଣିପାଗ ବିଶାରଦ ଡକ୍ଟର ସୁରେନ୍ଦ୍ରନାଥ ପଶୁପାଳକଙ୍କ ପୂର୍ବାନୁମାନ କହୁଛି,କାଳବୈଶାଖୀ ସମ୍ଭାବନା ନାହିଁ । ବର୍ତ୍ତମାନ ବର୍ଷା ହେବାର ନାହିଁ । ତାତି କମିବାର ଆଶା ବି ଦେଖାଯାଉନି । ମାସ ଶେଷବେଳକୁ ରାଜ୍ୟରେ ସର୍ବୋଚ୍ଚ ତାପମାତ୍ରା ୪୬ ଡିଗ୍ରୀ ସେଲସିୟସ୍‌ ଡେଇଁପାରେ । ସାଧାରଣତଃ ଏପ୍ରିଲରେ ଗ୍ରୀଷ୍ମ ପ୍ରବାହ ଦିନ ସଂଖ୍ୟା ୩ ଦିନ ଭିତରେ ରହିବା କଥା । ଗତବର୍ଷ ଏପ୍ରିଲ ମାସରେ ଓଡ଼ିଶାରେ ୫ ଦିନ ଗ୍ରୀଷ୍ମ ପ୍ରବାହ ଅନୁଭୂତ ହୋଇଥିଲା । ଏ ବର୍ଷ ଏଯାଏଁ ଏପ୍ରିଲରେ ୧୨ ଦିନ ଛଟପଟ କଲାଣି ଗ୍ରୀଷ୍ମ ପ୍ରବାହ । ମାସ ଶେଷବେଳକୁ ଏ ସଂଖ୍ୟା ୧୮ ହୋଇଯିବ । ୨୦୧୬ ଏପ୍ରିଲ ମାସରେ ଓଡ଼ିଶାରେ ଏଭଳି ଭୟାନକ ଗ୍ରୀଷ୍ମ ପ୍ରବାହ ଅନୁଭୂତ ହୋଇଥିଲା । ଗତ ବର୍ଷ ଜୁନ୍‌ ମାସରେ ରାଜ୍ୟରେ ଲଗାତାର ୧୨ ଦିନ ପ୍ରଚଣ୍ଡ ଗ୍ରୀଷ୍ମ ପ୍ରବାହ ସାରା ଓଡ଼ିଶାକୁ କଲବଲ କରିଥିଲା । ଉତ୍ତର ପଶ୍ଚିମ ଦିଗରୁ ରାଜ୍ୟକୁ ଧସେଇ ପଶୁଛି ତତଲା ପବନ । ଗୁରୁଚାପ ବଳୟ ଏହାକୁ ଆହୁରି ଶକ୍ତିଶାଳୀ କରି ରାଜ୍ୟକୁ ଟାଣି ଆଣିବାରେ ସହାୟକ ହେଉଛି । ଅନ୍ୟପଟେ ସାମୁଦ୍ରିକ ପବନ ଦୁର୍ବଳ ରହୁଛି । ଜଳୀୟବାଷ୍ପ କମ୍‌ ରହୁଥିବାରୁ ବର୍ଷା ହୋଇପାରୁନି । ଦେଶରେ ସବୁଠୁ ଉତ୍ତପ୍ତ ପିଣ୍ଡ ପାଲଟିଛି ଓଡ଼ିଶା । ଓଡ଼ିଶାରେ ୧୫ ତାରିଖରୁ ଓ ପଶ୍ଚିମବଙ୍ଗରେ ୧୭ ତାରିଖରୁ ଏଭଳି ଗ୍ରୀଷ୍ମ ପ୍ରବାହ ସ୍ଥିତି ବଳବତ୍ତର ରହିଛି ।

ସମ୍‌ ଅଲ୍ଟିମେଟ୍‌ ମେଡିକେୟାରକୁ ଜେସିଆଇ ପ୍ରାଇମ୍‌ ସାର୍ଟିଫିକେଟ୍‌, ଓଡିଶାର ପ୍ରଥମ ହସ୍ପିଟାଲ ଭାବେ ଏହି ସଫଳତା

ଭୁବନେଶ୍ୱର୨୫।୦୪ : ରାଜ୍ୟର ପ୍ରତିଷ୍ଠିତ ଚିକିତ୍ସାଳୟ ସମ୍‌ ଅଲ୍ଟିମେଟ୍‌ ମେଡିକେୟାର(ସମ୍ମମ)କୁ ଯୁଗ୍ମ କମିଶନ ଇଣ୍ଟରନ୍ୟାସନାଲ (ଜେସିଆଇ)ପ୍ରାଇମ୍‌ ସାର୍ଟିଫିକେଟ ମିଳିଛି । ରାଜ୍ୟରେ ପ୍ରଥମ ହସ୍ପିଟାଲ ଭାବେ ସମ୍ମମକୁ ଏହି ସଫଳତା ପ୍ରାପ୍ତ ହୋଇଛି । ରୋଗୀଙ୍କୁ ଗୁଣବତ୍ତା ଓ ସୁରକ୍ଷିତ ଚିକିତ୍ସା ସେବା ଯୋଗାଉଥିବା ସମ୍ମମକୁ ଏହି ସଫଳତା ମିଳିବାପରେ ଚାରିଆଡୁ ଛୁଟିଛି ଶୁଭେଚ୍ଛାର ସୁଅ । ବୁଧବାର ହସ୍ପିଟାଲ ପରିସରରେ ସାର୍ଟିଫିକେସନ କାର୍ଯ୍ୟକ୍ରମ ଆୟୋଜିତ ହୋଇଥିଲା । ପ୍ରମୁଖ ମେଡିକାଲ୍‌ ଟେକ୍‌ନୋଲୋଜି କମ୍ପାନୀ ବେକ୍ଟନ୍‌,ଡିକିନ୍‌ସନ୍‌ ଆଣ୍ଡ କୋ (ବିଡିଏ)ର ସହଯାଗରେ ଏହି ମାନ୍ୟତା ପ୍ରଦାନ କାର୍ଯ୍ୟକ୍ରମର ଆୟୋଜନ କରାଯାଇଥିଲା । ସମ୍ମମ୍‌ ଏହି କାର୍ଯ୍ୟକ୍ରମକୁ ସଫଳତାର ସହ ପୂରଣ କରିବା ସହ ୯୮.୪ ପ୍ରତିଶତ ଅନୁପାଳନ କରି ଏହି ମାନ୍ୟତା ପ୍ରାପ୍ତ କରିଛି । ସମ୍ମମ୍‌ର ସିଇଓ ଡା. ଶ୍ୱେତପଦ୍ମା ଦାଶ ହସ୍ପିଟାଲ ପକ୍ଷରୁ ଏହି ପ୍ରମାଣପତ୍ର ଗ୍ରହଣ କରିଥିଲେ । ଏହି ଅବସରରେ ହସ୍ପିଟାଲର ନର୍ସିଂ ଟିମ୍‌,ଫାର୍ମାସୀ ଟିମ୍‌,ବିଭିନ୍ନ ବିଭାଗର ମୁଖ୍ୟଙ୍କ ସମେତ ବିଡିର ଇଣ୍ଡିଆ ଓ ଦକ୍ଷିଣ ଏସିଆର ମେଡିକାଲ ପ୍ରତିନିଧି ଦଳର ମୁଖ୍ୟ ଡା. ପଙ୍କଜ ରାଇନା ଓ ଅନ୍ୟ ପ୍ରତିନିଧିମାନେ ଉପସ୍ଥିତ ଥିଲେ । ପ୍ରକାଶ ଥାଉକି, ୨୦୨୨ ମସିହାରେ ହସ୍ପିଟାଲରେ ଜେସିଆଇ ପ୍ରାଇମ୍‌ ପ୍ରୋଗ୍ରାମ୍‌ ଆରମ୍ଭ ହୋଇଥିବା ବେଳେ ହସ୍ପିଟାଲର ଉପରିସ୍ଥ ଅଧିକାରୀମାନଙ୍କ ସହଯୋଗ ଓ ତତ୍ତ୍ୱାବଧାନରେ ସଂକ୍ରମଣ ନିୟନ୍ତ୍ରଣ ବିଭାଗ, ନର୍ସିଂ, ଫାର୍ମାସୀ, ଇନ-ପେସେଣ୍ଟ ସର୍ଭିସ ଓ କ୍ୱାଲିଟି ମ୍ୟାନେଜମେଣ୍ଟ ଟିମ୍‌ ମିଳିତ ଭାବେ କାର୍ଯ୍ୟ କରିଥିଲେ । ଏହି ସାର୍ଟିଫିକେଟ୍‌ ପ୍ରୋଗ୍ରାମ୍‌ ସହିତ ‘ଇନ୍‌ଭାସିଭ ଫଙ୍ଗାଲ ଇନେ୍‌ଫକ୍ସନ ଇନ୍‌ ଆଇସିୟୁ' ଏବଂ ଇନଫେକ୍ସନ୍‌ କଣ୍ଟ୍ରୋଲ କେୟାର୍‌ ବଣ୍ଡଲ୍‌' ଭଳି ଦୁଇଟି ପ୍ରସଙ୍ଗରେ ଏକାଡେମିକ ସେସନ୍‌ ମଧ୍ୟ ଅନୁଷ୍ଠିତ ହୋଇଥିଲା । ଏହି ଦୁଇଟି ସେସନ୍‌ରେ ସମ୍ମମ୍‌ର କ୍ରିଟିକାଲ୍‌ କେୟାର ମେଡିସନ୍‌ ବିଭାଗର ସିନିୟର କନ୍‌ସଲଟାଣ୍ଟ ଡାକ୍ତର ଆନନ୍ଦ ମିଶ୍ର ଓ ଡାକ୍ତର ଅରୁଣ ରଥ ବିସ୍ତୃତ ତଥ୍ୟ ପ୍ରଦାନ କରିଥିଲେ ।

ପୋଲିସ-ମାଓବାଦୀ ମୁହାଁମୁହିଁ, ଏବେବି ଜଙ୍ଗଲରେ ଚାଲିଛି ଗୁଳିବିନିମୟ

ବୌଦ୍ଧ ୨୫।୦୪ : ପୋଲିସ-ମାଓବାଦୀ ମୁହାଁମୁହିଁ । ବୌଦ୍ଧ ଜିଲ୍ଲା କଣ୍ଟାମାଳ ବରଗାଁ ପଞ୍ଚାୟତ ପାଢେଲ ଡ୍ୟାମ୍‌ ନିକଟରେ ଗୁଳିବିନିମୟ । ଜଙ୍ଗଲରେ ଏବେବି ସର୍ଚ୍ଚ ଅପରେସନ ଚାଲିଛି । ଖବର ଅନୁଯାୟୀ, କଣ୍ଟାମାଳ ବରଗାଁ ପଞ୍ଚାୟତ ଡ୍ୟାମ୍‌ ନିକଟରେ ସୁରକ୍ଷାକର୍ମୀଙ୍କ ପକ୍ଷରୁ କୁମ୍ବିଂ ଅପରେସନ ଚାଲିଥିଲା । ଏହି ସମୟରେ ସୁରକ୍ଷାକର୍ମୀ ଏବଂ ମାଓବାଦୀ ମୁହାଁମୁହିଁ ହୋଇଥିଲା । ପୋଲିସଙ୍କୁ ଦେଖି ମାଓବାଦୀମାନେ ଗୁଳିବିନିମୟ କରିଥିଲେ । ଯାହାର ଦୃଢ ଜବାବ ଦେଇଥିଲେ ସୁରକ୍ଷାକର୍ମୀ । ଦୀର୍ଘ ସମୟ ଧରି ଉଭୟଙ୍କ ମଧ୍ୟରେ ଗୁଳିବିନିମୟ ଜାରି ରହିଛି । ତେବେ ଏନ୍‌କାଉଣ୍ଟରେ କେତେ ମାଓବାଦୀ ମୃତାହତ ହୋଇଛନ୍ତି । ସେନେଇ ସଠିକ୍‌ ସୂଚନା ମିଳିନାହିଁ । ପୋଲିସର କୁମ୍ବିଂ ପରେ ପ୍ରକୃତ ତଥ୍ୟ ସାମ୍ନାକୁ ଆସିବ ବୋଲି ଆଶା କରାଯାଉଛି ।

ଆସୁଛନ୍ତି ଗୃହମନ୍ତ୍ରୀ ଅମିତ ଶାହ, ସୋନପୁରର ବିଭିନ୍ନ କାର୍ଯ୍ୟକ୍ରମରେ ଯୋଗଦେବେ

ଭୁବନେଶ୍ୱର ୨୫/୦୪: ଗୁରୁବାର ଓଡ଼ିଶା ଆସୁଛନ୍ତି ଜାତୀୟ ରାଜନୀତିର ଚାଣକ୍ୟ ତଥା ଗୃହମନ୍ତ୍ରୀ ଅମିତ୍‌ ଶାହ । ସେ ସୋନପୁରକୁ ଯାଇ ନିର୍ବାଚନୀ ସଭାରେ ଯୋଗ ଦେବେ । ସଭାରେ ଦଳ ପାଇଁ ଭୋଟ୍‌ ମାଗିବେ । ନିର୍ବାଚନ ପ୍ରଚାର ପାଇଁ ଏହା ଶାହଙ୍କ ପ୍ରଥମ ଓଡ଼ିଶା ଗସ୍ତ । ବିଜେଡି ପ୍ରତି ଶାହଙ୍କ ଆଭିମୁଖ୍ୟ କ’ଣ ରହିବ? ନିଶାନା କରିବେ ନା ନରମ ହେବେ? ତା ଉପରେ ସମସ୍ତଙ୍କ ନଜର । ଶାହଙ୍କ ସୋନପୁର ଗସ୍ତ ପାଇଁ ବିଜେପି ଶିବିରର ଜୋଶ୍‌ ବଢ଼ିଯାଇଛି । ସୋନପୁରର ରାମେଶ୍ୱରମ ଷ୍ଟାଡିୟମରେ ହେବାକୁ ଥିବା ବିଶାଳ ଜନସଭାକୁ ସେ ସମ୍ବୋଧିତ କରିବେ । ପଶ୍ଚିମ ଓଡ଼ିଶାରେ ବିଜେପି ଯେଭଳି ଭଲ ପ୍ରଦର୍ଶନ କରିବ, ତାକୁ ନିଶ୍ଚିତ କରିବାକୁ ଏହି ସ୍ଥାନ ବଛାଯାଇଛି । ସୋନପୁର ସଭା ପରେ ଶାହ ଭୁବନେଶ୍ୱର ଆସିବେ । ଏଠାରେ ରାଜ୍ୟର ଶୀର୍ଷ ନେତୃତ୍ୱ ଓ ବିଭିନ୍ନ ଦଳୀୟ ପଦାଧିକାରୀଙ୍କୁ ଭେଟିବେ । କିଛି ପ୍ରାର୍ଥୀ ମଧ୍ୟ ଶାହଙ୍କୁ ଭେଟି ଆଲୋଚନା କରିବେ । ବିଜେପିର ବିଜୟ ବାନା ଯେମିତି ଉଡ଼ିବ ସେଥିପାଇଁ ଶାହ ଗୁରୁମନ୍ତ୍ର ଦେବେ ବୋଲି ସୂଚନା ମିଳିଛି । ଗୁରୁବାର ଅପରାହ୍ନ ୩ଟାରେ ଶାହ ସ୍ୱତନ୍ତ୍ର ବିମାନ ଯୋଗେ ଝାରସୁଗୁଡ଼ାରେ ପହଞ୍ଚିବେ । ସେଠାରୁ ହେଲିକପ୍ଟର ଯୋଗେ ସୋନପୁର ଯିବେ । ସୋନପୁର ସଭା ପରେ ୬.୫୫ରେ ଆସି ଭୁବନେଶ୍ୱରରେ ପହଞ୍ଚିବେ । ଶାହଙ୍କ ଗସ୍ତକୁ ଦୃଷ୍ଟିରେ ରଖି ପ୍ରଶାସନ ପକ୍ଷରୁ ଜୋରଦାର ପ୍ରସ୍ତୁତି କରାଯାଇଛି । ସୁରକ୍ଷା ବ୍ୟବସ୍ଥା କଡ଼ାକଡ଼ି ହୋଇଛି । ସୋନପୁର ସହରର ବିଭିନ୍ନ ସ୍ଥାନରେ ଦଳୀୟ ପୋଷ୍ଟର, ବ୍ୟାନର ଆଦି ଲାଗି ସହର ପଦ୍ମମୟ ହୋଇଉଠିଥିବା ଦେଖିବାକୁ ମିଳିଛି । ବିଜେପି ନେତା ଏବଂ କର୍ମୀ ସମସ୍ତେ ଚଳଚଞ୍ଚଳ ହୋଇପଡ଼ିଛନ୍ତି । ଏଥର ସାଧାରଣ ନିର୍ବାଚନରେ ମୁଖ୍ୟମନ୍ତ୍ରୀ ନବୀନ ପଟ୍ଟନୟକ ପଶ୍ଚିମ ଓଡ଼ିଶାର କଣ୍ଟାବାଞ୍ଜି ଆସନରୁ ନିର୍ବାଚନ ଲଢୁଥିବାରୁ ବିଜେପି ଏହାକୁ ଗୁରୁତର ସହ ନେଇଛି । ଏହାକୁ କାଉଣ୍ଟର କରିବାକୁ ଶାହ ପ୍ରଥମେ ପଶ୍ଚିମ ଓଡ଼ିଶାରୁ ନିର୍ବାଚନ ପ୍ରଚାର ଆରମ୍ଭ କରିବେ ।

ସୋଫିଆ ଫିର୍ଦୋସ ହିଁ ଲଢିବେ ନିର୍ବାଚନ, PCC-AICC ନିଷ୍ପତ୍ତିକୁ ଅପେକ୍ଷା

କଟକ ୨୫।୦୪: ବାରବାଟି କଟକ ବିଧାନସଭା ଆସନରୁ କଂଗ୍ରେସର ବିଧାୟିକା ପ୍ରାର୍ଥୀନୀ ଭାବେ ସୋଫିଆ ଫିର୍ଦୋସଙ୍କ ନାମକୁ ବସିଥିବା ବୈଠକରେ ମୋହର ମାରିଲେ କଂଗ୍ରେସ କର୍ମୀ ଓ ସମର୍ଥକ ମାନେ। ମହମ୍ମଦ ମୋକିମ୍ ନିର୍ବାଚନ ଲଢିବା ଆଶା କ୍ଷୀଣ ହେବା ପରେ ତାଙ୍କ ଝିଅ ସୋଫିଆଙ୍କ ନାମ ଚର୍ଚ୍ଚାରେ ଆସିଥିଲା। କଟକ ସୈଦାନି ବଗିଚା ସ୍ଥିତ ମହମ୍ମଦ ମୋକିମଙ୍କ ଘରେ ବାରବାଟି କଟକର ସମସ୍ତ କଂଗ୍ରେସ କର୍ମୀ ଓ ସମର୍ଥକ ମାନେ ଉପସ୍ଥିତ ଥିଲେ। ଏହି ବୈଠକରେ ସମସ୍ତେ ସୋଫିଆଙ୍କ ନିର୍ବାଚନ ଲଢ଼ିବା ସପକ୍ଷରେ ସହମତି ପ୍ରକାଶ କରିଛନ୍ତି। କଂଗ୍ରେସରୁ ଟିକେଟ ମିଳିବା ନେଇ ଏକ ପ୍ରସ୍ତାବ ପ୍ରଦେଶ କଂଗ୍ରେସ କମିଟି ଓ ଏଆଇସିସିକୁ ଜଣାଯିବ ବୋଲି କହିଛନ୍ତି କଂଗ୍ରେସ ନେତା ମହମ୍ମଦ ମୋକିମ୍।

ଶୁକ୍ରବାର ୮୯ ଆସନରେ ମତଦାନ, ୧୨୧୦ ପ୍ରାର୍ଥୀଙ୍କର ହେବ ଭାଗ୍ୟ ପରୀକ୍ଷା

ନୂଆଦିଲ୍ଲୀ ୨୫/୦୪: ଦ୍ୱିତୀୟ ପର୍ଯ୍ୟାୟ ଲୋକସଭା ନିର୍ବାଚନ ପାଇଁ ବୁଧବାର ସରିଚି ପ୍ରଚାର । ଆସନ୍ତା ୨୬ ତାରିଖରେ ୧୩ ରାଜ୍ୟ ଓ କେନ୍ଦ୍ରଶାସିତ ଅଞ୍ଚଳର ମୋଟ ୮୯ ଆସନରେ ମତଦାନ ହେବ । କେରଳର ସମସ୍ତ ୨୦ ଆସନରେ ଭୋଟ ଗ୍ରହଣ କରାଯିବ । ସେହିଭଳି କର୍ଣ୍ଣାଟକର ୧୪, ରାଜସ୍ଥାନର ୧୩, ଉତ୍ତର ପ୍ରଦେଶ ଓ ମହାରାଷ୍ଟ୍ରର ୮ଟି ଲେଖାଏଁ ଆସନରେ ମତଦାନ ଗ୍ରହଣ କରାଯିବ । ଏହାଛଡ଼ା ମଧ୍ୟ ପ୍ରଦେଶର ୭, ଆସାମ ଓ ବିହାରର ୫ ଲେଖାଏଁ, ପଶ୍ଚିମବଙ୍ଗ ଓ ଛତିଶଗଡ଼ର ୩ ଲେଖାଏଁ ଏବଂ ଜମ୍ମୁ-କାଶ୍ମୀର, ମଣିପୁର ଓ ତ୍ରିପୁରାର ଗୋଟିଏ ଲେଖାଏଁ ଲୋକସଭା ଆସନରେ ମଧ୍ୟ ମତଦାନ ହେବ । ଏପ୍ରିଲ ୧୯ରେ ଅନୁଷ୍ଠିତ ପ୍ରଥମ ପର୍ଯ୍ୟାୟ ନିର୍ବାଚନରେ ୨୧ ରାଜ୍ୟ ଓ କେନ୍ଦ୍ରଶାସିତ ଅଞ୍ଚଳର ମୋଟ ୧୦୨ ଆସନରେ ଭୋଟ୍‌ ହୋଇଥିଲା । ଆସନ୍ତା ୨୬ ତାରିଖ (ଶୁକ୍ରବାର)ରେ ସକାଳ ୭ଟାରୁ ମତଦାନ ଆରମ୍ଭ ହୋଇ ଅପରାହ୍ନ ୫ଟାରେ ଶେଷ ହେବ । ଏଥିପାଇଁ ନିର୍ବାଚନ କମିଶନଙ୍କ ପକ୍ଷରୁ ସମସ୍ତ ପ୍ରସ୍ତୁତି ଶେଷ ହୋଇଛି । ପୋଲିଂ ବୁଥ୍‌ଗୁଡ଼ିକରେ ସୁରକ୍ଷା ବ୍ୟବସ୍ଥା କଡ଼ାକଡ଼ି କରାଯାଇଛି । ଦ୍ୱିତୀୟ ପର୍ଯ୍ୟାୟ ପାଇଁ ମୋଟ ୨,୬୩୩ ପ୍ରାର୍ଥୀ ନାମାଙ୍କନ ଦାଖଲ କରିଥିଲେ । ପ୍ରାର୍ଥିପତ୍ର ନାକଚ ଓ ପ୍ରତ୍ୟାହାର ପରେ ଏବେ ୧,୨୧୦ ପ୍ରାର୍ଥୀ ରହିଯାଇଛନ୍ତି । ତେଣୁ ଭୋଟରମାନେ ଦ୍ୱିତୀୟ ପର୍ଯ୍ୟାୟରେ ୧,୨୧୦ ପ୍ରାର୍ଥୀଙ୍କ ଭାଗ୍ୟ ନିର୍ଦ୍ଧାରଣ କରିବେ । ଏହି ପ୍ରାର୍ଥୀମାନଙ୍କ ମଧ୍ୟରେ ଆଉଟର ମଣିପୁରରୁ ୪ ଜଣ ରହିଛନ୍ତି । ସମସ୍ତ ୭ଟି ପର୍ଯ୍ୟାୟ ନିର୍ବାଚନ ଶେଷ ହେବା ପରେ ଜୁନ୍‌ ୪ରେ ଭୋଟ ଗଣତି ହୋଇ ଫଳାଫଳ ପ୍ରକାଶ ପାଇବ । ବୁଧବାର ପ୍ରଚାର ଅଭିଯାନ ଥମିବା ପୂର୍ବରୁ ବିଜେପି ଓ କଂଗ୍ରେସ ଭଳି ବଡ଼ ଦଳ ଜୋରଦାର ପ୍ରଚାର କରିଥିଲେ । ବିଜେପି ପକ୍ଷରୁ ଏହାର ରାଷ୍ଟ୍ରୀୟ ଅଧ୍ୟକ୍ଷ ଜେ ପି ନଡ୍ଡା କମାଣ ସମ୍ଭାଳିଥିଲେ । ବିହାରର ଭାଗଲପୁର, ଖଗଡ଼ିଆ ଓ ଝଞ୍ଝାରପୁରରେ ଏନ୍‌ଡିଏ ପ୍ରାର୍ଥୀଙ୍କ ସମର୍ଥନରେ ସେ ଜନସଭାକୁ ସମ୍ବୋଧନ କରିଥିଲେ । ସେହିଭଳି ତେଜସ୍ୱୀ ଯାଦବ ବାଙ୍କା ଓ ଭାଗଲପୁରରେ ନିର୍ବାଚନ ରାଲିରେ ସାମିଲ ହୋଇଥିଲେ । ଭାଗଲପୁର ଲୋକସଭା ଆସନରୁ ଜେଡିୟୁର ଅଜୟ ମଣ୍ଡଳ ଲଢ଼ୁଛନ୍ତି । କଂଗ୍ରେସ ପକ୍ଷରୁ ଅଜିତ ଶର୍ମାଙ୍କୁ ସୁଯୋଗ ଦିଆଯାଇଛି । ତେଣୁ ଉଭୟଙ୍କ ମଧ୍ୟରେ ଏଠାରେ ଦ୍ୱିପାକ୍ଷିକ ଲଢ଼େଇ ହେବ । ବାଙ୍କାରେ ଜେଡିୟୁର ଗିରିଧାରୀ ଯାଦବ ଓ ଆରଜେଡିର ଜୟ ପ୍ରକାଶଙ୍କ ମଧ୍ୟରେ ମୁହାଁମୁହିଁ ହେବ । କଟିହାରରେ ଜେଡିୟୁ ସାଂସଦ ଦୁଲାଲ ଚନ୍ଦ ଗୋସ୍ୱାମୀ ଲଢ଼ୁଥିବା ବେଳେ ତାଙ୍କୁ ଟକ୍କର ଦେଉଛନ୍ତି କଂଗ୍ରେସର ତାରିକ ଅନୱର ।

IPL 2024 : ହାଇଦ୍ରାବାଦ୍‌ରେ ହେବ ରନ୍‌ ବର୍ଷା, ରାତିରେ SRH-RCB ଟକ୍କର

ହାଇଦ୍ରାବାଦ୍‌ ୨୫।୦୪ : ଆଇପିଏଲ୍‌ ୨୦୨୪ । ଗୁରୁବାର ଦିନ ଟୁର୍ଣ୍ଣାମେଣ୍ଟର ଖେଳାଯିବ ୪୧ ତମ ମ୍ୟାଚ୍‌ । ହାଇଦ୍ରାବାଦ୍‌ର ରାଜୀବ ଗାନ୍ଧୀ ଷ୍ଟାଡିୟମ୍‌ରେ ମୁହାଁମୁହିଁ ହେବେ ରୟାଲ ଚ୍ୟାଲେଞ୍ଜର୍ସ ବାଙ୍ଗାଲୋର ଏବଂ ସନରାଇଜର୍ସ ହାଇଦ୍ରାବାଦ୍‌ । ଉଭୟ ଟିମ୍‌ରେ ବ୍ୟାଟର ଥିବାର ଏହି ମ୍ୟାଚ୍‌ ହାଇସ୍କୋରିଂ ଗେମ୍‌ର ଆଶା ରହିଛି । ସଂଧ୍ୟା ୭ଟା ୩୦ରେ ଖେଳାଯିବ ମ୍ୟାଚ୍‌ । ବର୍ତ୍ତମାନ ସୁଦ୍ଧା ହାଇଦ୍ରାବାଦ୍‌ ଟିମ୍‌ ୨୦୨୪ ସିଜିନ୍‌ରେ ୭ଟି ମ୍ୟାଚ୍‌ ଖେଳିସାରିଛି । ଯେଉଁଥିରେ ୫ଟିରେ ବିଜୟୀ ହୋଇଥିବା ବେଳେ ୨ଟିରେ ହୋଇଛି ପରାସ୍ତ । ମୋଟ ୧୦ ଅଙ୍କ ସହ ପଏଣ୍ଟ ଟେବୁଲର ୩ୟ ସ୍ଥାନରେ ରହିଛି ।ଚଳିତ ଟୁର୍ଣ୍ଣାମେଣ୍ଟରେ ଦଳ ଟପ୍‌ ଫର୍ମରେ ରହିଛି । ତେଣୁ ବିରୋଧୀ ଟିମ୍‌କୁ ଘାଇଲା କରିବାରେ କମିନ୍ସ ବାହିନୀ ପୁରା ପରଫେକ୍ଟ ।ସେହିପରି ଚଳିତ ସିଜିନ୍‌ରେ ନିଜ ନାଁରେ ଅନେକ ରେକର୍ଡ କରିସାରିଛି ହାଇଦ୍ରାବାଦ୍‌ ଟିମ୍‌ । ତେଣୁ ଦେଖାଯାଉ ଗୁରୁବାର ଖେଳାଯିବାକୁ ଥିବା ମ୍ୟାଚ୍‌ କଣ ରେକର୍ଡ ଭାଙ୍ଗୁଛି ହାଇଦ୍ରାବାଦ୍‌ । ସେହିପରି ରୟାଲ ଚ୍ୟାଲେଞ୍ଜର୍ସ ବାଙ୍ଗାଲୋର । ଚଳିତ ସିଜିନ୍‌ ଟିମ୍‌ ପାଇଁ ସେତେଟା ଭଲ ନାହିଁ । ଦଳ ପାଇଁ ପ୍ଲେ-ଅପ୍‌ ରାସ୍ତା କଠିନ୍‌ । ବର୍ତ୍ତମାନ ସୁଦ୍ଧା ଟିମ୍‌ ୮ଟି ମୁକାବିଲା ଖେଳିସାରିଛି । ଯେଉଁଥିରୁ ଗୋଟିଏ ମ୍ୟାଚ୍‌ରେ ବିଜୟୀ ହୋଇଥିବା ବେଳେ ୭ଟିରେ ପରାସ୍ତର ସାମ୍ନା କରିଛି । ମୋଟ ୨ ଅଙ୍କ ସହ ପଏଣ୍ଟ ଟେବୁଲ୍‌ର ୧୦ମ ସ୍ଥାନ ମାନେ ପୁରା ଶେଷରେ ରହିଛି ବାଙ୍ଗାଲୋର ଟିମ୍‌ । ସୂଚନାଯୋଗ୍ୟ ଯେ, ବର୍ତ୍ତମାନ ସୁଦ୍ଧା ରାଜସ୍ଥାନ ଟିମ୍‌ ୮ଟି ମ୍ୟାଚ୍‌ ଖେଳିସାରିଛି । ଯେଉଁଥିରେ ୭ଟିରେ ବିଜୟୀ ହୋଇଥିବା ବେଳେ ଗୋଟିଏରେ ହୋଇଛି ପରାସ୍ତ । ମୋଟ ୧୪ ଅଙ୍କ ସହ ପଏଣ୍ଟ ଟେବୁଲ୍‌ର ପ୍ରଥମ ସ୍ଥାନରେ ରହିଛି । ଏହାପରେ ରହିଛି କୋଲକାତା ନାଇଟ ରାଇଡର୍ସ । ଦଳ ୭ଟି ମ୍ୟାଚ୍‌ରୁ ୫ଟିରେ ବିଜୟୀ ହୋଇଛି । ଆଉ ୧୦ ପଏଣ୍ଟ ସହ ୨ୟ ସ୍ଥାନରେ ରହିଛି । ସେହିପରି ତୃତୀୟ ସ୍ଥାନରେ ରହିଛି ସନରାଇଜର୍ସ ହାଇଦ୍ରାବାଦ୍‌ । ଦଳ ୭ଟି ମ୍ୟାଚ୍‌ରୁ ୫ଟିରେ ହୋଇଛି ବିଜୟ । ଆଉ ୧୦ ଅଙ୍କ ସହ ପଏଣ୍ଟ ଟେବୁଲ୍‌ରେ ତୃତୀୟ ସ୍ଥାନରେ ରହିଛି । ଏହାପଛକୁ ରହିଛି ଲକ୍ଷ୍ନୌ ସୁପର ଜାଏଣ୍ଟସ । ଦଳ ୮ଟି ମ୍ୟାଚ ଖେଲି ୫ଟିରେ ହୋଇଛି ବିଜୟୀ । ଆଉ ୩ଟିରେ ହୋଇଛି ପରାଜୟ । ମୋଟ ୧୦ ଅଙ୍କ ସହ ପଏଣ୍ଟ ଟେବୁଲ୍‌ରେ ୪ର୍ଥ ସ୍ଥାନରେ ରହିଛି ।

ଆଜିଠାରୁ ରାଜ୍ୟର ସ୍କୁଲ ଗୁଡିକରେ ଗ୍ରୀଷ୍ମଛୁଟି ଆରମ୍ଭ

ଭୁବନେଶ୍ୱର: ପ୍ରଚଣ୍ଡ ଗ୍ରୀଷ୍ମ ପ୍ରବାହକୁ ଦୃଷ୍ଟିରେ ରଖି ଆଜିଠାରୁ ରାଜ୍ୟର ସ୍କୁଲ ଗୁଡିକରେ ଗ୍ରୀଷ୍ମଛୁଟି ଆରମ୍ଭ ହୋଇଛି । ଛୁଟି ସମୟରେ ସମସ୍ତ ସରକାରୀ ଓ ସରକାରୀ ଅନୁଦାନପ୍ରାପ୍ତ ବିଦ୍ୟାଳୟରେ ଶିକ୍ଷା ତଥା ଶୈକ୍ଷିକ କାର୍ଯ୍ୟକ୍ରମ ନିମନ୍ତେ ରାଜ୍ୟ ପ୍ରାଥମିକ ଶିକ୍ଷା ନିର୍ଦ୍ଦେଶକ, ରାଜ୍ୟ ମାଧ୍ୟମିକ ଶିକ୍ଷା ନିର୍ଦ୍ଦେଶକ ଓ ଉଚ୍ଚ ମାଧ୍ୟମିକ ଶିକ୍ଷା ନିର୍ଦ୍ଦେଶକଙ୍କ ପ୍ରତ୍ୟକ୍ଷ ତତ୍ୱାବଧାନରେ ବିଦ୍ୟାଳୟ ପରିଚାଳନା କରାଯିବ । ବର୍ତ୍ତମାନ ସ୍କୁଲରେ ନାମଲେଖା ଚାଲିଛି । ଏହି ପ୍ରକ୍ରିୟା ଶେଷ ହେବା […]

(Video) ଭରା ଷ୍ଟାଡିୟମରେ ହାତ ଯୋଡ଼ି କ୍ଷମା ମାଗିଲେ ରିଷଭ ପନ୍ତ: ମ୍ୟାଚରେ କରିଥିଲେ ଏମିତି ଭୁଲ!

ନୂଆଦିଲ୍ଲୀ: ଗୁଜୁରାଟ ଟାଇଟନ୍ସ ବିପକ୍ଷ ମ୍ୟାଚରେ ବିସ୍ଫୋରକ ବ୍ୟାଟିଂ କରି ଦଳକୁ ବିଜୟୀ କରିଛନ୍ତି ଅଧିନାୟକ ରିଷଭ ପନ୍ତ । ମାତ୍ର ୪୩ ବଲରୁ ୫ଟି ଚୌକା ଏବଂ ୮ଟି ଛକା ସହ ୮୮ ରନର ଏକ ଦମଦାର ଇନିଂସ ଖେଳିଛନ୍ତି ଦିଲ୍ଲୀ କ୍ୟାପିଟାଲ୍ସର ଅଧିନାୟକ । କିନ୍ତୁ ଏହି ଦଳର ବିଜୟ ପରେ ରିଷଭ ଭରା ଷ୍ଟାଡିୟମରେ କ୍ୟାମେରା ସାମନାରେ କ୍ଷମା ପ୍ରାର୍ଥନା କରିଛନ୍ତି । ମ୍ୟାଚ ବେଳେ କରିଥିବା ଛୋଟ ଭୁଲ ପାଇଁ ଜଣେ […]

ବୌଦ୍ଧରେ କମ୍ବିଂ ଅପରେସନ, ଟଳିଲେ ଦୁଇ ନକ୍ସଲ

ବୌଦ୍ଧରେ ମୁହାଁମୁହିଁ ହେଲେ ସୁରକ୍ଷା କର୍ମୀ ଓ ନକ୍ସଲ। ସୁରକ୍ଷା କର୍ମୀଙ୍କ କମ୍ବିଂ ଅପରେସନ ବେଳେ ଟଳି ପଡ଼ିଲେ ଦୁଇ ନକ୍ସଲ। ।

କିମ୍ବଦନ୍ତୀ ଦ୍ରୁତ ଧାବକ ଉସେନ ବୋଲ୍ଟ ଟି-୨୦ ବିଶ୍ୱକପର ବ୍ରାଣ୍ଡ ଆମ୍ବାସଡର

ଜୁନ୍ ୧ରୁ ଆମେରିକା ଏବଂ ୱେଷ୍ଟଇଣ୍ଡିଜରେ ଖେଳାଯିବ ICC ପୁରୁଷ ଟି-୨୦ ବିଶ୍ୱକପ...

ଜନସାଧାରଣଙ୍କ କଲ୍ୟାଣ ପାଇଁ ବ୍ୟକ୍ତିଗତ ସମ୍ପତ୍ତି ହାସଲ କରାଯାଇପାରିବ ନାହିଁ ଏହା କହିବା ବିପଜ୍ଜନକ: ସୁପ୍ରିମକୋର୍ଟ

ନୂଆଦିଲ୍ଲୀ: ବୁଧବାର ସୁପ୍ରିମକୋର୍ଟ କହିଛନ୍ତି ଯେ, ସାମାଜିକ ପରିବର୍ତ୍ତନର ଭାବନା ଆଣିବା ସମ୍ବିଧାନର ଉଦ୍ଦେଶ୍ୟ । ଏହା କହିବା ବିପଜ୍ଜନକ ହେବ ଯେ ଜଣେ ବ୍ୟକ୍ତିର ବ୍ୟକ୍ତିଗତ ସମ୍ପତ୍ତିକୁ ସମ୍ପ୍ରଦାୟର ସାମଗ୍ରୀକ ସମ୍ବଳ ଭାବରେ ବିବେଚନା କରାଯାଇପାରିବ ନାହିଁ ଏବଂ ଜନସାଧାରଣଙ୍କ ମଙ୍ଗଳ ପାଇଁ ରାଜ୍ୟ ଏହା ହାସଲ କରିପାରିବ ନାହିଁ । ପ୍ରଧାନ ବିଚାରପତି ଚନ୍ଦ୍ରଚୂଡଙ୍କ ନେତୃତ୍ୱରେ ଏକ ନଅ ଜଣିଆ ସମ୍ବିଧାନ ବେଞ୍ଚ ଏହି ମନ୍ତବ୍ୟ ଦେଇଛନ୍ତି । ସମ୍ବିଧାନର ଧାରା ୩୯ (ବି) […]

ପ୍ରଚାର କରିବାକୁ ଓଡ଼ିଶା ଆସୁଛନ୍ତି ଶାହା, ସୋନପୁରର ରାମେଶ୍ୱରମ ଷ୍ଟାଡିୟମରେ ଚାଲିଛି ପ୍ରସ୍ତୁତି

ନୂଆଦିଲ୍ଲୀ: ଆଜି ଓଡ଼ିଶାକୁ ପ୍ରଚାର କରିବାକୁ ଆସୁଛନ୍ତି କେନ୍ଦ୍ର ଗୃହମନ୍ତ୍ରୀ ଅମିତ ଶାହା। ସୋନପୁରରେ ପ୍ରଥମ ନିର୍ବାଚନ ପ୍ରଚାର କରି ଓଡିଶାବାସୀଙ୍କୁ ଭୋଟ୍ ମାଗିବେ । ଏଥିପାଇଁ ସୋନପୁରର ରାମେଶ୍ୱରମ ଷ୍ଟାଡିୟମରେ ପ୍ରସ୍ତୁତି ଜୋରସୋରରେ ଚାଲିଛି । ଏଥିପାଇଁ ସୋନପୁର ଓ ବିଜେପି ଶିବିର ଚଳଚଞ୍ଚଳ ହୋଇଛି । ଅମିତ ଶାହା ଅପରାହ୍ଣ ୩ଟାରେ ଝାରସୁଗୁଡା ପହଞ୍ଚି ସ୍ୱତନ୍ତ୍ର ହେଲିକପ୍ଟର ଯୋଗେ ସୋନପୁର ଯିବେ । ରାମେଶ୍ୱର ପଡିଆରେ ଆୟୋଜିତ ସଭାରେ ଯୋଗ ଦେଇ ସଭାରେ ସାମିଲ […]

ଜେଇଇ ମେନ ରେଜଲ୍ଟ ପ୍ରକାଶ: ୫୬ ଜଣ ପରୀକ୍ଷାର୍ଥୀ ରଖିଛନ୍ତି ଶହେ ପ୍ରତିଶତ ନମ୍ବର

ନୂଆଦିଲ୍ଲୀ: ଜେଇଇ ମେନ ସେସନ୍-୨ ରେଜଲ୍ଟ ପ୍ରକାଶ ପାଇଛି। ଏନଟିଏ ପକ୍ଷରୁ ଜେଇଇ ମେନ୍ ଫଳ ପ୍ରକାଶ ପାଇଛି। ଜେଇଇ ମେନ୍ ଡଟ୍ ଏନଟିଏ ଡଟ୍ ଏସି ଡଟ୍ ଇନ୍ ରେ ରେଜଲ୍ଟ ଉପଲବ୍ଧ ରହିଛି। ଆପ୍ଲିକେସନ ନମ୍ବର, ପାସୱାର୍ଡ ଏବଂ ସିକ୍ୟୁରିଟି ପିନ ମାଧ୍ୟମରେ ରେଜଲ୍ଟ ଜାଣିପାରିବେ । ଚଳିତ ବର୍ଷ ଜେଇଇ ମେନ୍ ଜାନୁଆରୀ ଏବଂ ଏପ୍ରିଲରେ ଦୁଇଟି ରାଉଣ୍ଡରେ ଅନୁଷ୍ଠିତ ହୋଇଥିଲା । ୫୬ଜଣ ପରୀକ୍ଷାର୍ଥୀ ଶତ ପ୍ରତିଶତ ମାର୍କ ରଖିଛନ୍ତି। ପରୀକ୍ଷାରେ […]

୫ ଦିନ ପାଇଁ ସିଭିୟର ହିଟ୍ ୱେଭ୍ ୱାର୍ଣ୍ଣିଂ, ୧୦ ଜିଲ୍ଲାରେ ଅସହ୍ୟ ତାତି ନେଇ ସତର୍କ ସୂଚନା ଜାରି

ଭୁବନେଶ୍ବର: ରାଜ୍ୟରେ ଗ୍ରୀଷ୍ମ ପ୍ରବାହ ଜାରି ରହିଛି। ଆସନ୍ତା ୫ ଦିନ ରାଜ୍ୟରେ ଅଗ୍ନିବର୍ଷା ହେବ। ଅସହ୍ୟ ତାତି ସହିତ ଝାଞ୍ଜି ବହିବ ବୋଲି ଭୁବନେଶ୍ବରସ୍ଥିତ ପାଣିପାଗ ବିଭାଗ ପକ୍ଷରୁ ସତର୍କ ସୂଚନା ଜାରି କରାଯାଇଛି। ୫ ଦିନ ପାଇଁ ୧୦ ଜିଲ୍ଲାକୁ ସିଭିୟର ହିଟ୍ ୱେଭ୍ ୱାର୍ଣ୍ଣିଂ ଜାରି କରାଯାଇଛି। ୭ ଜିଲ୍ଲାରେ ତାପମାତ୍ରା ୪୫ ଡିଗ୍ରୀ ଟପିବ ବୋଲି ପାଣିପାଗ ବିଭାଗ ପକ୍ଷରୁ ପୂର୍ବାନୁମାନ କରାଯାଇଛି। ୨୭ ଏବଂ ୨୮ ତାରିଖରେ ଅସହ୍ୟ ତାତି […]

ନିଜକୁ ନିଆଁ ଲଗାଇ ଦେଲେ ମହିଳା, ରକ୍ଷା କରିବାକୁ ଯାଇ ସ୍ୱାମୀ ଗୁରୁତର

ପାରିବାରିକ କଳହରୁ ଘଟିଲା ସାଂଘାତିକ କାଣ୍ଡ। ନିଆଁରେ ପୋଡ଼ିହୋଇ ଗୁରୁତର ହେଲେ ଦମ୍ପତି।

ଜଙ୍ଗଲରେ ସୁରକ୍ଷାକର୍ମୀ- ମାଓବାଦୀ ଗୁଳି ବିନିମୟ, ଏନକାଉଣ୍ଟରରେ ୨ ମାଓବାଦୀ ନିହତ

ବୌଦ୍ଧ: ଦିନକୁ ଦିନ ମାଓବାଦୀଙ୍କ ଉପଦ୍ରବ ବୃଦ୍ଧି ପାଉଥିବା ବେଳେ ଏହା ସାଧାରଣ ଜନତା ଏବଂ ପୋଲିସ ପାଇଁ ମୁଣ୍ଡ ବିନ୍ଧାର କାରଣ ପାଲଟିଛି । ଏଥିମଧ୍ୟର ବୌଦ୍ଧ କଣ୍ଟାମାଳ ଥାନା ପଢ଼େଲ ଡ୍ୟାମ ନିକଟ ଜଙ୍ଗଲରେ ଏନକାଉଣ୍ଟରରେ ୨ ମାଓବାଦୀଙ୍କ ମୃତ୍ୟୁ ହୋଇଥିବା ଖବର ସାମ୍ନାକୁ ଆସିଛି । ଭୋର ସମୟରେ କମ୍ବିଂ ଅପରେସନ ବେଳେ ସୁରକ୍ଷାକର୍ମୀ ଏବଂ ମାଓବାଦୀଙ୍କ ମଧ୍ୟରେ ୨ ଘଣ୍ଟା କାଳ ଗୁଳିବିନିମୟ ହୋଇଥିଲା । ଏଥିରେ ସୁରକ୍ଷାକର୍ମୀମାନେ ୨ ମାଓବାଦୀଙ୍କୁ […]

ବିହାରରେ ଚାଞ୍ଚଲ୍ୟ, ବିଚ୍ ରାସ୍ତାରେ JDU ନେତାଙ୍କୁ ଗୁଳିକରି ହତ୍ୟା 

ମୁଖ୍ୟମନ୍ତ୍ରୀ ନୀତୀଶ କୁମାରଙ୍କ ଘନିଷ୍ଠ ଥିଲେ...

ଏହି ଆସନରୁ ନିର୍ବାଚନ ଲଢିବେ ରାହୁଲ ଗାନ୍ଧୀ? ମେ’ ୧ରେ ନାମାଙ୍କନ ଦାଖଲ କରିପାରନ୍ତି

ନୂଆଦିଲ୍ଲୀ: ୨୦୨୪ ନିର୍ବାଚନ ଆରମ୍ଭ ହୋଇସାରିଛି । ପ୍ରତ୍ୟେକ ରାଜ୍ୟ ଏବଂ ନିର୍ବାଚନ ମଣ୍ଡଳୀରେ ଏବେ କମ୍ପୁଛି ରାଜନୀତି ମଇଦାନ । ତେବେ ଏହା ଭିତରେ କଂଗ୍ରେସ ନେତା ରାହୁଲ ଗାନ୍ଧୀ କେଉଁଠୁ ଲଢିବେ, ସେ ନେଇ ଚର୍ଚ୍ଚା ଆରମ୍ଭ ହୋଇଛି । କୁହାଯାଉଛି ଏଥର ଆମେଠିରୁ ନିର୍ବାଚନ ଲଢିପାରନ୍ତି କଂଗ୍ରେସର ପୂର୍ବତନ ଅଧ୍ୟକ୍ଷ ରାହୁଲ ଗାନ୍ଧୀ । ଏପ୍ରିଲ ୨୭ ତାରିଖ ସେ ଆମେଠି ଯାଇପାରନ୍ତି ବୋଲି ମଧ୍ୟ ଶୁଣିବାକୁ ମିଳିଛି । ଏହାପରେ ମେ’ […]

ମେ’ ୧୦ରେ ଖୋଲିବ ମଣ୍ଡି

ସମ୍ବଲପୁର: ଆସନ୍ତା ମେ ମାସ ୧୦ ତାରିଖ ଦିନ ସମ୍ବଲପୁର ଜିଲ୍ଲାରେ ମଣ୍ଡି ଖୋଲିବ। ଏଥିରେ ୯ଟି ମହିଳା ସ୍ୱୟଂ ସହାୟକ ଗୋଷ୍ଠୀ ସହ ୩୦ଟି ପ୍ରାଥମିକ କୃଷି ସମବାୟ ସମିତି/ବୃହତ ଅଞ୍ଚଳ ବହୁମୁଖୀ ସମିତି ଅଂଶଗ୍ରହଣ କରିବେ। ମୋଟ ୬୧ଟି ଧାନ କ୍ରୟ କେନ୍ଦ୍ର ଖୋଲାଯିବ। ଏଥିରେ ୪୬ ଜଣ କଷ୍ଟମ ମିଲର୍‌ ଅଂଶଗ୍ରହଣ କରିବେ। ଏଥର ୧୫,୫୬୮ ଜଣ ଚାଷୀ ପଞ୍ଜୀକୃତ ହୋଇଥିବା ବେଳେ ସମୁଦାୟ ଯାଞ୍ଚ ହୋଇଥିବା ଚାଷୀଙ୍କ ସଂଖ୍ୟା ୧୫,୫୩୪ ରହିଛି। […]

ପୁଣି ମହାକାଶକୁ ଯାତ୍ରା କରିବେ ନାସାର ମହାକାଶଚାରୀ ସୁନିତା ୱିଲିୟମ୍ସ, ୩ୟ ସ୍ପେସ୍ ମିଶନ ପାଇଁ ନେଉଛନ୍ତି ତାଲିମ

ଫ୍ଲୋରିଡା: ନାସାର ବରିଷ୍ଠ ମହାକାଶଚାରୀ ସୁନିତା ୱିଲିୟମ୍‌ସ ପୁଣି ମହାକାଶକୁ ଯାତ୍ରା କରିବେ । ଏଥିପାଇଁ ସେ ବର୍ତ୍ତମାନ ତାଲିମ ନେଉଛନ୍ତି । ଆସନ୍ତା ମେ‘ ୬ରେ ଭାରତୀୟ ବଂଶୋଦ୍ଭବ ୫୯ ବର୍ଷୀୟା ସୁନିତା ମହାକାଶ ଯାତ୍ରା କରିବେ । ଏହା ତାଙ୍କର ତୃତୀୟ ମହାକାଶକ ଯାତ୍ରା ହେବ । ଏନେଇ ଆମେରିକୀୟ ମହାକାଶ ସଂସ୍ଥା ପକ୍ଷରୁ ସୂଚନା ଦିଆଯାଇଛି । ୨୦୦୬ ଡିସେମ୍ବର ୯ରେ ସୁନିତା ‘ଡିସ୍‌କଭରୀ’ ମହାକାଶ ଯାନରେ ପ୍ରଥମ ଥର ମହାକାଶ ଯାତ୍ରା […]

ଟ୍ରକ୍‌କୁ ପିଟିଲା ଟ୍ରକ୍: ହେଲପର ମୃତ

ବାଲୁଗାଁ: ବାଣପୁର ଥାନା ବେଲପଡ଼ା ଛକଠାରେ ଏକ ସଡ଼କ ଦୁର୍ଘଟଣା ଘଟିଛି। ଦୁର୍ଘଟଣାରେ ଜଣେ ଟ୍ରେକ୍ ହେଲପରଙ୍କ ମୃତ୍ୟୁ ଘଟିଛି। ଏନ୍‌ଏଚ୍ ୧୬ ବାଣପୁର ଥାନା ବେଲପଡ଼ା ଛକଠାରେ ରାସ୍ତା କଡ଼ରେ ଛିଡା ହୋଇଥିବା ଏକ ଟ୍ରକ୍‌କୁ ଅନ୍ୟ ଟ୍ରକ୍ ପଛରୁ ଧକ୍କା ଦେଇଥିଲା। ଟ୍ରକ୍‌ରେ ଥିବା ହେଲପରଙ୍କ ମୃତ୍ୟୁ ଘଟିଥିବାବେଳେ ଡ୍ରାଇଭରଙ୍କୁ ଗୁରୁତର ଆହତ ଅବସ୍ଥାରେ ଉଦ୍ଧାର କରାଯାଇଛି। ଡ୍ରାଇଭରଙ୍କୁ ଅଧିକ ଚିକିତ୍ସା ପାଇଁ ଭୁବନେଶ୍ବର ସ୍ଥାନାନ୍ତର କରାଯାଇଛି। ପୁଲିସ୍ ଘଟଣାସ୍ଥଳରେ ପହଞ୍ଚି ତଦନ୍ତ ଜାରି […]

ପ୍ରକାଶ ପାଇଲା JEE ମେନ୍ ରେଜଲ୍ଟ, ଏହି ୱେବସାଇଟରୁ ଜାଣନ୍ତୁ ଫଳାଫଳ

ଆପ୍ଲିକେସନ ନମ୍ବର, ପାସୱାର୍ଡ ଏବଂସିକ୍ୟୁରିଟିପିନ ମାଧ୍ୟମରେରେଜଲ୍ଟ ଜାଣିପାରିବେ...

ଟ୍ରକ୍‌କୁ ପିଟିଲା ଟ୍ରକ୍‌; ହେଲପର ମୃତ, ଡ୍ରାଇଭର ଗୁରୁତର

ରାସ୍ତା ପାର୍ଶ୍ୱରେ ଛିଡ଼ା ହୋଇଥିବା ଟ୍ରକ୍‌କୁ ପଛରୁ ଆସୁଥିବା ଏକ ଟ୍ରକ୍‌ ପିଟିଛି। ଏହି ଦୁର୍ଘଟଣାରେ ଘଟଣାସ୍ଥଳରେ ହେଲପରଙ୍କ ମୃତ୍ୟୁ ହୋଇଥିବା ବେଳେ ଡ୍ରାଇଭରଙ୍କ ଅବସ୍ଥା ଗୁରୁତର ରହିଛି।

ଟ୍ରକକୁ ପିଟିଲା ଟ୍ରକ୍‌: ହେଲପର ମୃତ

ବାଲୁଗାଁ : ଟ୍ରକକୁ ପଛରୁ ପିଟିଲା ଆଉ ଏକ ଟ୍ରକ, ହେଲପର ମୃତ। ବାଲୁଗାଁ ୧୬ନଂ ଜାତୀୟ ରାଜପଥ ବାଣପୁର ଥାନା ବେଲପଡା ଛକରେ ଏହି ଦୁର୍ଘଟଣା ଘଟିଛି। ରାସ୍ତାରେ ଏକ ଟ୍ରକ ଛିଡା ହୋଇଥିବାବେଳେ ବିପରୀତ ଦିଗରୁ ଦ୍ରୁତ ଗତିରେ ଆସୁଥିବା ଆଉ ଏକ ଟ୍ରକ ଧକ୍କା ଦେଇଥିଲା। ଫଳରେ ଘଟଣାସ୍ଥଳରେ ହେଲପରଙ୍କର ମୃତ୍ୟୁ ଘଟିଥିଲା। ଏବଂ ଡ୍ରାଇଭରଙ୍କୁ ଗୁରୁତର ଅବସ୍ଥାରେ ଭୁବନେଶ୍ଵର ସ୍ଥାନାନ୍ତର କରାଯାଇଛି। ପରେ ଖବର ପାଇ ପୁଲିସ୍ ଘଟଣାସ୍ଥଳରେ ପହଞ୍ଚି ଅଧିକ […]

ଯାତ୍ରୀଙ୍କ ପାଇଁ ଖୁସିଖବର ! କମ୍ ଦାମରେ ଏହି 9 ଟି ଗୁରୁତ୍ୱପୂର୍ଣ୍ଣ ଷ୍ଟେସନରେ ମିଳିବ ଖାଦ୍ୟ

ନୂଆଦିଲ୍ଲୀ: କମ ଖର୍ଚ ସଚେତନ ଥିବା ଯାତ୍ରୀମାନଙ୍କ ପାଇଁ ଏକ ବଡ଼ ଖବର ! ଭାରତୀୟ ରେଳବାଇ ସହିତ ଭାରତୀୟ ରେଳ କ୍ୟାଟରିଂ ଆଣ୍ଡ ଟୁରିଜିମ୍ କର୍ପୋରେସନ୍ (ଆଇଆରସିଟିସି) ଯାତ୍ରୀମାନଙ୍କୁ ବିଶେଷ କରି ଅଣସଂରକ୍ଷିତ କୋଚରେ ଥିବା ଯାତ୍ରୀମାନଙ୍କୁ ସ୍ବଳ୍ପମୂଲ୍ୟ ଭୋଜନ ସେବା ଯୋଗାଇବା ପାଇଁ ପଦକ୍ଷେପ ନେଇଛି | ଏହି କାର୍ଯ୍ୟକ୍ରମ ଗ୍ରୀଷ୍ମ ମାସରେ ଯାତ୍ରୀମାନଙ୍କ ଯାତାୟାତରେ ବୃଦ୍ଧି ଘଟିବ ବୋଲି ଅନୁମାନ କରାଯାଉଅଛି | ଭାରତୀୟ ରେଳବାଇରେ ଅଣସଂରକ୍ଷିତ କମ୍ପାର୍ଟମେଣ୍ଟ (ଜେନେରାଲ୍ କ୍ଲାସ୍ କୋଚ୍) […]

ଖତଖାଉଛି ଆର୍‌ଏମ୍‌ସିର ଅଳିଆବୁହା ଗାଡ଼ି: ୬୦ରୁ ଚାଲୁଛି ୩୫ ବ୍ୟାଟେରି ଯାନ

ରାଉରକେଲା: ରାଉରକେଲା ମହାନଗର ନିଗମ (ଆର୍‌ଏମ୍‌ସି)ର ପ୍ରକଳ୍ପ ପରିଚାଳନା ୟୁନିଟ୍‌ (ପିଏମ୍‌ୟୁ) ଓ ଠିକାସଂସ୍ଥାର ଭିତିରି ସମ୍ପର୍କରୁ ଅନେକ ପ୍ରକଳ୍ପ ସହରବାସୀଙ୍କ କାମରେ ଆସୁନି। ଗୋଟିଏ କି ଦୁଇଟି ନୁହେଁ ପିଏମୟୁ ଦ୍ବାରା ଯେତେଗୁଡ଼ିଏ ପ୍ରକଳ୍ପ ହୋଇଛି, ପ୍ରାୟ ଅଧିକାଂଶର ସ୍ଥିତି ଖରାପ। ହାଣ୍ଡିରୁ ଗୋଟିଏ ଭାତ ଚିପିଲା ପରି ଅଳିଆବୁହା ବ୍ୟାଟେରି ଗାଡ଼ିକୁ ଉଦାହରଣ ଭା‌ବେ ନିଆଯାଇପାରେ। ସହରର ୪୦ଟି ୱାର୍ଡରୁ ଅଳିଆ ଆର୍ବଜନା ସଂଗ୍ରହ କରିବାକୁ ଆର୍‌ଏମ୍‌ସି ପିଏମ୍‌ୟୁ ଜରିଆରେ ୬୦ଟି ବ୍ୟାଟେରି ଚାଳିତ […]

‘ନାସା’ର ରୋଭର୍ ମହାକୁମ୍ଭ: ଭାରତୀୟ ଛାତ୍ରଙ୍କ ଚମକ

ଭାରତର ଦୁଇ ଦଳ ଛାତ୍ରଙ୍କୁ ଆମେରିକାର ମହାକାଶ ଗବେଷଣା ପ୍ରତିଷ୍ଠାନ ‘ନାସା’ ‘ହ୍ୟୁମାନ ଏକ୍ସପ୍ଲୋରେସନ୍‌ ରୋଭର୍ ଚ୍ୟାଲେଞ୍ଜ’ (ହର୍କ) ପୁରସ୍କାର ପ୍ରଦାନ କରିଛି। ଏହି ପ୍ରତିଯୋଗିତାର ‘କ୍ରାସ୍‌ ଆଣ୍ଡ୍‌ ବର୍ନ’ ବିଭାଗର ପୁରସ୍କାର ଦିଲ୍ଲୀ-ଏନ୍‌ସିଆର୍‌ ସ୍ଥିତ କେଆଇଇଟି ଗ୍ରୁପ୍‌ ଅଫ୍‌ ଇନ୍‌ଷ୍ଟିଚ୍ୟୁସନ୍‌ସ୍ ପାଇଥିବା ବେଳେ ମୁମ୍ବାଇର କନକିଆ ଇଣ୍ଟର୍‌ନାସନାଲ୍‌ ସ୍କୁଲକୁ ‘ରୁକି ଅଫ ଦି ଇଅର’ ପୁରସ୍କାର ମିଳିଛି। ଆମେରିକାର ହଣ୍ଟସ୍‌ଭାଇଲ୍‌ ସ୍ଥିତ ଆମେରିକା ମହାକାଶ ଓ ରକେଟ୍‌ କେନ୍ଦ୍ରରେ ଅନୁଷ୍ଠିତ ଏହି ପ୍ରତିଯୋଗିତାରେ ଆମେରିକା ସମେତ […]

Breaking; ପ୍ରକାଶ ପାଇଲା ମେନ୍ ପରୀକ୍ଷାଫଳ: ଅନ୍ୱେଷ ଶୁଭମ ଓଡ଼ିଶା ଟପ୍ପର

ଭୁବନେଶ୍ୱର: ପ୍ରକାଶ ପାଇଛି ଜେଇଇ ମେନ୍ ପରୀକ୍ଷାଫଳ । ଏନଟିଏ ପକ୍ଷରୁ ପରୀକ୍ଷା ଫଳାଫଳ ନେଇ ଘୋଷଣା ହୋଇଯାଇଛି । ଏହି ଟପ୍ପର ତାଲିକାରେ ୫୬ ଜଣ ପରୀକ୍ଷାର୍ଥୀ ରହିଛନ୍ତି । ଚଳିତ ଜେଇଇ ମେନ୍ ପରୀକ୍ଷାରେ ୧୦୦ ପ୍ରତିଶତ ଏନଟିଏ ସ୍କୋର ହୋଇଥିବା ରେକର୍ଡ କରାଯାଇଛି । ତେବେ ଅନ୍ୱେଷା ଶୁଭମ୍ ପ୍ରଧାନ ଓଡ଼ିଶା ଟପ୍ପା ଭାବରେ ଖ୍ୟାତି ଅର୍ଜନ କରିଛନ୍ତି । ଜେଇଇ ଆଡଭାନ୍ସଡ ପାଇଁ ୨ ଲକ୍ଷ ୫୦ ହଜାର ୨୮୪ ଜଣ […]

୨୦୨୬ରୁ ଭାରତରେ ବିମାନ ଟାକ୍ସି ସେବା: ୭ ମିନିଟ୍‌ରେ ଦିଲ୍ଲୀରୁ ଗୁରୁଗ୍ରାମ!

ଭାରତରେ ବିମାନସେବା ଯୋଗାଉଥିବା ଅନ୍ୟତମ ପ୍ରମୁଖ ସଂସ୍ଥା ‘ଇଣ୍ଡିଗୋ’ର ମୂଳ କମ୍ପାନି ‘ଇଣ୍ଟରଗ୍ଲୋବ୍‌ ଏଣ୍ଟରପ୍ରାଇଜେସ୍‌’ ଓ ଆମେରିକାର ‘ଆର୍ଚର ଏଭିଏସନ୍‌’ ମିଶି ଖୁବ୍‌ ଶୀଘ୍ର ଭାରତରେ ବିଦ୍ୟୁତ୍‌-ବିମାନ-ଟାକ୍ସି ସେବା ଯୋଗାଇବେ ବୋଲି ଜଣାଯାଇଛି। ପ୍ରାଥମିକ ପର୍ଯ୍ୟାୟରେ ଏହା ଦିଲ୍ଲୀର କନଟ୍‌ପ୍ଲେସ୍‌ରୁ ହରିୟାଣାର ଗୁରୁଗ୍ରାମ ଯାଏ ଯାତ୍ରୀମାନଙ୍କୁ ନେବା ଆଣିବ କରିବ। ଦୁଇ ସ୍ଥାନ ମଧ୍ୟରେ ୨୭ କି.ମି. ଦୂରତା ଅତିକ୍ରମ କରିବାକୁ ସଡ଼କପଥରେ ସର୍ବନିମ୍ନ ୩୦ ମିନିଟ୍‌ ସମୟ ଲାଗୁଥିବା ବେଳେ ବିମାନ ଟାକ୍ସିରେ ମାତ୍ର ୭ […]

ଆଜି ଓଡ଼ିଶା ଆସୁଛନ୍ତି କେନ୍ଦ୍ର ମନ୍ତ୍ରୀ ଅମିତ ଶାହା, ନିର୍ବାଚନୀ ରଣନୀତି ନେଇ ରାଜ୍ୟ ନେତୃତ୍ୱଙ୍କ ସହ କରିବେ ଆଲୋଚନା

ଭୁବନେଶ୍ୱର: ଲୋକସଭା ନିର୍ବାଚନ ପାଇଁ ବିଭିନ୍ନ ରାଜନୈତିକ ଦଳ ପକ୍ଷରୁ ପ୍ରଚାର କାର୍ଯ୍ୟ ଜୋରଦାର ଚାଲିଛି । ଭୋଟରଙ୍କୁ ବିପୁଳ ମାତ୍ରାରେ ଆକୃଷ୍ଟ କରିବା ପାଇଁ ପ୍ରଚାର କାର୍ଯ୍ୟ ପାଇଁ ଓଡ଼ିଶାକୁ କେନ୍ଦ୍ରମନ୍ତ୍ରୀଙ୍କ ସୁଅ ଛୁଟିବାରେ ଲାଗିଛି । ଏହିକ୍ରମରେ ଆଜି କେନ୍ଦ୍ର ଗୃହମନ୍ତ୍ରୀ ଅମିତ ଶାହା ଓଡ଼ିଶା ଗସ୍ତରେ ଆସିବେ । ସେ ସୋନପୁରରେ ନିର୍ବାଚନ ବିଗୁଲ ଫୁଙ୍କିବେ । ରାଜ୍ୟରେ ପ୍ରଚାର କାର୍ଯ୍ୟ ପାଇଁ ଅମିତ ଶାହାଙ୍କ ଏହା ପ୍ରଥମ ଗସ୍ତ ହୋଇଥିବା ବେଳେ […]

ଶରୀରରେ ହିମୋଗ୍ଲୋବିନ୍‌ କମିଲେ କ’ଣ କରିବେ ? ଜାଣନ୍ତୁ କିଛି ଘରୋଇ ଉପାୟ

ଶରୀରରେ ହେମୋଗ୍ଲୋବିନର ପରିମାଣ କମିଲେ ରୋଗୀକୁ ହାଲିଆ ଲାଗେ । ଖାଇବା-ପିଇବାକୁ ଇଚ୍ଛା ହୁଏନି, ଚିଡ଼ଚିଡ଼ା ଲାଗେ, କାମ କରିବାର ଆଗ୍ରହ ହୋଇନଥାଏ, ଡାକ୍ତରଙ୍କ ପରାମର୍ଶ ନେଇ ହେମୋଗ୍ଲୋବିନ୍ ପରୀକ୍ଷା କରାନ୍ତୁ। ହେମୋଗ୍ଲୋବିନ୍ ସଠିକ୍ ମାତ୍ରାରେ ରହିଲେ, ଆମ ମସ୍ତିଷ୍କ, ବୃକକ୍, ହୃଦଯନ୍ତ୍ର ଠିକ୍‌ ଭାବରେ କାମ କରେ। ଏହାର ପରିମାଣ କମ୍ ଥିଲେ, ଔଷଧ ସେବନ କରିବା ପୂର୍ବରୁ ପ୍ରଥମେ ସରଳ ଉପାୟ କରିବା ଭଲ।ତେବେ ଆସନ୍ତୁ ଜାଣିବା ଏହି ଉପାୟ ବିଷୟରେ…. ଅଙ୍ଗୁର, ନାସପାତି, […]

ପୁଣି ତୃତୀୟଥର ପାଇଁ ମହାକାଶକୁ ଯାତ୍ରା କରିବେ ସୁନିତା

ଫ୍ଲୋରିଡା : ଆମେରିକୀୟ ମହାକାଶ ସଂସ୍ଥା ନାସାର ବରିଷ୍ଠ ମହାକାଶଚାରୀ ସୁନିତା ୱିଲିୟମ୍‌ସ ଆସନ୍ତା ମେ‘ ୬ରେ ପୁଣି ମହାକାଶକୁ ଯାତ୍ରା କରିବେ। ଏଥିପାଇଁ ସେ ବର୍ତ୍ତମାନ ତାଲିମ ନେଉଛନ୍ତି। ଭାରତୀୟ ବଂଶୋଦ୍ଭବ ୫୯ ବର୍ଷୀୟା ସୁନିତାଙ୍କର ଏହା ହେବ ତୃତୀୟ ମହାକାଶ ଯାତ୍ରା। ସୁନିତା ୨୦୦୬ ଡିସେମ୍ବର ୯ରେ ‘ଡିସ୍‌କଭରୀ’ ମହାକାଶ ଯାନରେ ପ୍ରଥମ ଥର ମହାକାଶ ଯାତ୍ରା କରିଥିଲେ। ଇଣ୍ଟରନ୍ୟାସନାଲ ସ୍ପେସ୍‌ ସେଣ୍ଟର (ଆଇଏସଏସ)ରେ ମାସାଧିକ କାଳ ଅବସ୍ଥାନ କରିଥିଲେ। ଏହି ସମୟରେ ସେ […]

କାଲି ଦ୍ୱିତୀୟ ପର୍ଯ୍ୟାୟ ଲଢ଼େଇ; ୧୩ଟି ରାଜ୍ୟରେ ପଡ଼ିବ ଭୋଟ

ମହାଯୁଦ୍ଧ ପାଇଁ ଗତକାଲି ପ୍ରଚାର ଲଢ଼େଇ ଥମିଥିବାବେଳେ ଦ୍ୱିତୀୟ ପର୍ଯ୍ୟାୟ ଭୋଟ୍ ପାଇଁ ପୋଲିଂ ଷ୍ଟେସନ୍‌ଗୁଡ଼ିକରେ ପହଞ୍ଚିବାରେ ଲାଗିଛନ୍ତି ପୋଲିଂ କର୍ମଚାରୀ।

ସମ୍ବାଦ ପ୍ରଭାବ: ରେଣ୍ଟାଲ କଲୋ‌ନି ୟୁଏଚ୍‌ଡବ୍‌ଲୁସିକୁ ଡାକ୍ତର ଆସି‌ଲେ

ଖଣ୍ଡଗିରି: ଶେଷରେ ରେଣ୍ଟାଲ କଲୋନି ସ୍ଥିତ ସହରାଞ୍ଚଳ ସ୍ବାସ୍ଥ୍ୟ ଓ ଆରୋଗ୍ୟ କେନ୍ଦ୍ରକୁ ଆସିଛନ୍ତି ଡାକ୍ତର। ଏଠାରୁ ଡିସ୍‌ପେନ୍‌ସାରିକୁ ବରମୁଣ୍ଡାକୁ ସ୍ଥାନାନ୍ତର କରିଦେବା ପରେ ଯେଉଁ ଅଭାବନୀୟ ପରିସ୍ଥିତି ସୃଷ୍ଟି ହୋଇଥିଲା। ତାକୁ ନେଇ ଜନପ୍ରତିନିଧି ଓ ସ୍ଥାନୀୟ ଲୋକଙ୍କ ଅଭିଯୋଗ ସହ ଗଣମାଧ୍ୟମରେ ଖବର ପ୍ରକାଶ ପାଇଥିଲା। ଏହାକୁ ନେଇ ସରକାରୀସ୍ତରରେ ହଟଚମଟ ହେବାପରେ ଗତ ୨୨ ତାରିଖରେ ଏଠାରେ ଭ‌ାରପ୍ରାପ୍ତ ମେଡିକାଲ ଅଫିସର ଭାବେ ଡା. ରୋହନ ବିଶ୍ବାଳ କାର୍ଯ୍ୟରେ ଯୋଗ ଦେଇଛନ୍ତି। ସେ […]

ମେ’ ୬ରୁ ଓଜେଇଇ: ଏପ୍ରିଲ ୨୭ରୁ ଡାଉନ୍‌ଲୋଡ କରିପାରିବେ ଆଡମିଟ୍‌ କାର୍ଡ

ଭୁବନେଶ୍ବର : ଓଡ଼ିଶା ଯୁଗ୍ମ ପ୍ରବେଶିକା ପରୀକ୍ଷା(ଓଜେଇଇ)ମେ’ ୬ରୁ ଆରମ୍ଭ ହୋଇ ୧୦ ତାରିଖ ପର୍ଯ୍ୟନ୍ତ ଚାଲିବ। ତିନୋଟି ସିଫ୍ଟରେ ରାଜ୍ୟ ଭିତରେ ୩୦ଟି ଓ ପଶ୍ଚିମବଙ୍ଗ, ବିହାର ଏବଂ ଝାଡଖଣ୍ଡରେ ୩ଟି କେନ୍ଦ୍ରରେ ପରୀକ୍ଷା ହେବ। ଏ ନେଇ ବୁଧବାର ଓଜେଇଇ ପକ୍ଷରୁ ସୂଚନା ଦିଆଯାଇଛି। ପ୍ରଥମ ସିଫ୍ଟ ସକାଳ ସାଢ଼େ ୮ଟାରୁ ଆରମ୍ଭ ହୋଇ ପୂର୍ବାହ୍ଣ ସାଢେ ୧୦ଟା ପର୍ଯ୍ୟନ୍ତ ଚାଲିବ। ଦ୍ବିତୀୟ ସିଫ୍ଟ ମଧ୍ୟାହ୍ନ ସାଢ଼େ ୧୨ଟାରୁ ଆରମ୍ଭ ହୋଇ ଅପରାହ୍ଣ ସାଢ଼େ […]

ଆଜି ଓଡିଶା ଆସୁଛନ୍ତି ଅମିତ ଶାହା: ସୋନପୁରରେ ଫୁଙ୍କିବେ ନିର୍ବାଚନୀ ବିଗୁଲ

ଭୁବନେଶ୍ବର : ନିର୍ବାଚନ ପାଇଁ ସରଗରମ ହେଲାଣି ରାଜନୀତି। କମ୍ପିଲାଣି ପ୍ରଚାର ମଇଦାନ। ଗୁରୁବାରଠାରୁ ବିଜେପିର ପ୍ରଚାର ଅଭିଯାନ ଜୋରଦାର ହେବ। କେନ୍ଦ୍ର ସ୍ବରାଷ୍ଟ୍ରମନ୍ତ୍ରୀ ଅମିତ ଶାହା ଆଜି ଅପରାହ୍ଣ ସାଢ଼େ ୩ଟାରେ ଝାରସୁଗୁଡ଼ା ବିମାନବନ୍ଦରରେ ପହଞ୍ଚିବେ। ସେଠାରୁ ସୋନପୁର ଯାଇ ନିର୍ବାଚନ ପ୍ରଚାର କରିବେ। ଏହାସହ ଜନସଭାରେ ଉଦ୍‌ବୋଧନ ଦେବେ। ଶାହାଙ୍କ ନିର୍ବାଚନୀ ସଭା ପାଇଁ ପ୍ରସ୍ତୁତି ଚୂଡ଼ାନ୍ତ ହୋଇସାରିଛି। ସେ ଏହି ସଭାରେ ରାଜ୍ୟ ସରକାର ଓ ମୁଖ୍ୟମନ୍ତ୍ରୀ ତଥା ବିଜେଡି ସଭାପତି ନବୀନ […]

ଛଅ ବର୍ଷ ପରେ ମଧ୍ୟ ଖୋଲିଲାନି ମାଂସ ବଜାର

ଭୁବନେଶ୍ୱର: ରାଜଧାନୀରେ ଖୋଲାରେ ଝୁଲା ହେବନାହିଁ ମାଂସ। ପ୍ରତି ୱାର୍ଡରେ ହେବ ଆମିଷ ବଜାର। ରାସ୍ତାଘାଟରେ ମାଂସ କେହି କାଟିବେନି କି ମାଛ ବିକିବେନି। ଏଭଳି କିଛି ଲକ୍ଷ୍ୟ ନେଇ ବିଏମସି ପକ୍ଷରୁ ୟୁନିଟ୍‌ ୪ରେ ୨୦୧୮ ମସିହାରେ ପାଖାପାଖି ୭୩ ଲକ୍ଷ ଟଙ୍କା ବ୍ୟୟବହୁଳରେ ତିଆରି ହୋଇଥିଲା ମାଂସ ବଜାର। ସରକାରୀ ଅଧିକାରୀଙ୍କ ଅଦୂରଦର୍ଶିତା ପାଇଁ ଲୋକଙ୍କ ଟିକସଦିଆ ଅର୍ଥ କେମିତି ପାଣିରେ ପଡ଼େ ତାହା ଏହି ମାର୍କେଟରେ ସ୍ପଷ୍ଟ ପ୍ରତିପାଦିତ ହେଉଛି। ନିର୍ମାଣ ହେବା […]

ବ୍ୟାଙ୍କିଙ୍ଗ୍‌ ସୂତ୍ର: ଚେକ୍‌ବହିର ଏମ୍ଆଇସିଆର୍ କୋଡ୍

ବ୍ୟାଙ୍କ କାରବାର ସମୟରେ ବେଳେବେଳେ ଆମକୁ ଏମ୍.ଆଇ.ସି.ଆର୍. କୋଡ୍ ଲେଖିବା ପାଇଁ କୁହାଯାଏ। ଏହି କୋଡ୍‌ଟି କ’ଣ? କ’ଣ ଏହାର ବ୍ୟବହାର? ପ୍ରତ୍ୟେକ ବ୍ୟାଙ୍କ ଶାଖାକୁ ଚିହ୍ନିତ କରିବା ପାଇଁ ତାହାର ବ୍ରାଞ୍ଚ କୋଡ୍ ଓ ଆଇ.ଏଫ୍.ଏସ୍.କୋଡ୍ ଛଡ଼ା ଅନ୍ୟ ଏକ କୋଡ୍ ହେଉଛି ଏମ୍.ଆଇ.ସି.ଆର୍. କୋଡ୍। ଏହା ‘ମାଗ୍‌ନେଟିକ୍‌ ଇଙ୍କ୍ କ୍ୟାରେକ୍ଟର୍‌ ରେକଗ୍‌ନିସନ୍’କୁ ବୁଝାଏ। ଏହି କୋଡ୍ ମୁଖ୍ୟତଃ ଚେକ୍ କ୍ଲିଅରାନ୍‌ସ ସମୟରେ ଆବଶ୍ୟକ ହୁଏ। ଚେକ୍ ମାଧ୍ୟମରେ କାହାକୁ ଟଙ୍କା ଦେଲେ, ଚେକ୍ ଗ୍ରହୀତା […]

ଆଜି ‘ବିଶ୍ବ ପେଙ୍ଗୁଇନ୍‌ ଦିବସ’: ନନ୍ଦନକାନନରେ ନାହିଁ ପେଙ୍ଗୁଇନ୍‌

ଭୁବନେଶ୍ବର: ସାରା ପୃଥିବୀର ପ୍ରକୃତି ଓ ଜୀବପ୍ରେମୀ ଏପ୍ରିଲ ୨୫ ତାରିଖକୁ ‘ବିଶ୍ବ ପେଙ୍ଗୁଇନ୍‌ ଦିବସ’ ଭାବେ ପାଳନ କରନ୍ତି। ବିଶ୍ୱର ଅନ୍ୟତମ ଆକର୍ଷଣୀୟ ଓ ବିରଳ ପକ୍ଷୀ ହେଉଛି ପେଙ୍ଗୁଇନ୍। ଯୁଦ୍ଧାସ୍ତ୍ର ବ୍ୟବହାର ଓ ମାନବକୃତ ବିଭିନ୍ନ ରାସାୟନିକ କାର୍ଯ୍ୟକଳାପର କୁପ୍ରଭାବ ସମୁଦ୍ର ଓ ଜଳବାୟୁ ଉପରେ ପଡୁଛି। ଫଳରେ ଆଟ୍‌ଲାଣ୍ଟିକର ଗ୍ଲେସିୟର ତରଳିବାରେ ଲାଗିଛି। ଏହାର କୁପ୍ରଭାବରେ ସମୁଦ୍ରିକ ପରିବେଶ ବିଗିଡ଼ିବାରେ ଲାଗିଛି। ତେଣୁ ବିଲୁପ୍ତପ୍ରାୟ ହୋଇ ଯାଇଥିବା ପେଙ୍ଗୁଇନ୍‌ମାନଙ୍କ ଅସ୍ଥିତ୍ୱ ଉପରେ ବିପଦ […]

ଟୟୋଟାର ନୂଆ କ୍ରୁଜର୍‌ ଟାଇଜର୍‌

ଟୟୋଟା ଅର୍ବାନ୍‌ କ୍ରୁଜର୍‌ ଟାଇଜର୍‌ ଉନ୍ମୋଚିତ ହୋଇଯାଇଛି। ଏଥିରେ ୧୧୯୭ ସିସିର ଇଞ୍ଜିନ୍‌ ରହିଛି। ଏହାର ତେଲ ଟାଙ୍କିର ଧାରଣ କ୍ଷମତା ୨୨.୮ ଲିଟର। ଏଥିରେ ଟେଲିସ୍କୋପିକ୍‌ ଷ୍ଟିୟରିଂ, ୱାୟାର୍‌ଲେସ୍‌ ଚାର୍ଜର୍‌, ୩୬୦ ଭିୟୁ କ୍ୟାମେରା, ହେଡ୍‌-ଅପ୍‌ ଡିସ୍‌ପ୍ଲେ, ସ୍ମାର୍ଟୱାଚ୍‌ କନେକ୍ଟିଭିଟି, ରିମୋଟ୍‌ ଭେଇକିଲ୍‌ ଇଗ୍ନିସନ୍‌, ୟୁଏସ୍‌ବି ସହ ରିୟର୍ ଏସି, ୬ଟି ଏୟାର୍‌ବ୍ୟାଗ୍‌, ହିଲ୍‌ ହୋଲ୍‌ଡ ଆସିଷ୍ଟ ଓ ରିଭର୍ସ ପାର୍କିଂ ସେନ୍‌ସର୍‌ ରହିଛି। ଏହାର ମାଇଲେଜ୍‌ ୨୨.୮ କି.ମି.। ଏହା ଲୁସେଣ୍ଟ୍‌ ଅରେଞ୍ଜ୍‌, ସ୍ପୋର୍ଟିନ୍‌ […]

ରାଜଧାନୀରେ ଖରା ଫ୍ୟାସନ୍‌: ବଢ଼ି ଯାଇଛି ଟୋପି ବିକ୍ରି, ଖରା ପାଇଁ ବୁର୍‌ଖା ଲୁକ୍‌

ଭୁବନେଶ୍ୱର: ପ୍ରଚଣ୍ଡ ଖରା। ବାହାରକୁ ବାହାରିବା କଷ୍ଟକର। କିନ୍ତୁ ନବାହାରିଲ‌େ ନଚଳେ। ପୁଣି ଖରା ଯୋଗୁଁ ଦିନସାରା ରାସ୍ତାଘାଟ, ସିନେମାହଲ୍‌, ବଜାର ଓ ପାର୍କ ଆଦି ଶୁନ୍‌ଶାନ୍‌ ପାଲଟି ଯାଉଥିବାବେଳେ ସନ୍ଧ୍ୟା ପରେ ଗହଳି ଆରମ୍ଭ ହୋଇ ଯାଉଛି। ସେ ଗହଳି ସାଧାରଣ ଦିନଠାରୁ ଅଧିକ ରାତି ଯାଏଁ ଜାରି ରହୁଛି। ଖରା ଯୋଗୁଁ ରାଜଧାନୀର ଯୁବପିଢ଼ିଙ୍କ ବେଶ ପୋଷାକ ବଦଳି ଯାଇଛି। ଏ ବାବଦରେ ଭୁବନେଶ୍ବର ଏବେ ଆଉ ଦେଶର ଅନ୍ୟ କୌଣସି ମହାନଗରଠାରୁ ପଛରେ […]

ବୈଠକ ପରେ ବୈଠକ, ଫଳ ଶୂନ୍‌: ରଥଚକରେ ଦବି ଯାଉଛି ରାସ୍ତା

ଭୁବନେଶ୍ବର: ଶ୍ରୀଲିଙ୍ଗରାଜଙ୍କ ରୁକୁଣା ରଥଯାତ୍ରା ଓ ବାହୁଡ଼ା ଯାତ୍ରା ପାଇଁ ପ୍ରତି ବର୍ଷ ବଡ଼ ବଡ଼ ବୈଠକ ବସୁଛି। ରଥଯାତ୍ରାକୁ ଶାନ୍ତି, ଶୃଙ୍ଖଳା ଓ ସୁରୁଖୁରୁରେ ଶେଷ କରିବା ପାଇଁ ଆଲୋଚନା ହେଉଛି। ରଥଯାତ୍ରା ସମୟରେ ଆବଶ୍ୟକ ସେବା ଯୋଗାଇ ଦେବା ପାଇଁ ସମନ୍ବୟ ବୈଠକରେ ସଂପୃକ୍ତ ବିଭାଗଗୁଡ଼ିକୁ ଦାୟିତ୍ବ ଦିଆଯାଉଛି। ହେଲେ କିଛି ବିଭାଗର ଦାୟିତ୍ବହୀନତା ପାଇଁ ରଥଯାତ୍ରାରେ ବିଭ୍ରାଟ ହେଉଛି। ମୁଖ୍ୟତଃ ରଥଦାଣ୍ଡ ରାସ୍ତା ଠିକ୍‌ ନଥିବାରୁ ରଥଚକ ବାରମ୍ବାର ଦବି ଯାଉଛି। ଫଳରେ […]

ମଧ୍ୟ ନିର୍ବାଚନମଣ୍ଡଳୀ: ଅଡ଼ୁଆରେ ବସ୍ତି ଭୋଟ୍‌

ଭୁବନେଶ୍ବର: ସହରୀ ଭୋଟର ମତଦାନ କରିବାକୁ ଆସୁନାହାନ୍ତି। ଯେଉଁଥିପାଇଁ ସହରାଞ୍ଚଳରେ ମତଦାନ ହାର କ୍ରମାଗତ ଭାବରେ କମିବାରେ ଲାଗିଛି। ଏଣୁ ନେତାମାନେ ବସ୍ତି ଭୋଟ୍‌କୁ ଟା‌ର୍ଗେଟ୍‌ କରିଛନ୍ତି। କିନ୍ତୁ ବସ୍ତିକୁ ନେଇ ରହିଥିବା ଗଦା ଗଦା ଅଭିଯୋଗର ସମାଧାନ ହୋଇନଥିବାରୁ ପ୍ରବଳ ଅସନ୍ତୋଷ ରହିଛି। ଯାହା ନେତାଙ୍କ ପାଇଁ ସମସ୍ୟା ସୃଷ୍ଟି କରିବା ଯଥେଷ୍ଟ ସମ୍ଭାବନା ରହିଛି। କେଉଁ ବସ୍ତିରେ ଜଣେ ହେଲେ ବାସିନ୍ଦା ଗୃହ ନିର୍ମାଣ ଯୋଜନାରେ ସାମିଲ ହୋଇନଥିବା ବେଳେ କେଉଁଠି ଅଯୋଗ୍ୟ ଘର […]

ଗଞ୍ଜାମ ଜିଲ୍ଲା: ନିର୍ବାଚନ ମଇଦାନରେ ୮ ମହିଳା

ବ୍ରହ୍ମପୁର:‌ ଗଞ୍ଜାମ ଜିଲ୍ଲାରେ ଚଳିତ ସାଧାରଣ ନିର୍ବାଚନରେ ବିଜେଡି ସର୍ବାଧିକ ୬ଜଣ ମହିଳାଙ୍କୁ ବିଭିନ୍ନ ଆସନରୁ ପ୍ରାର୍ଥୀ କରିଛି। କିନ୍ତୁ ଜାତୀୟ ଦଳ ବିଜେପି ଓ କଂଗ୍ରେସ ମାତ୍ର ଜଣେ ଲେଖାଏଁ ମହିଳାଙ୍କୁ ପ୍ରାର୍ଥୀ କରିଛନ୍ତି। ତେବେ ସତରେ କ’ଣ ବିଜେପି ଓ କଂଗ୍ରେସ ଶିବିରରେ ମହିଳା ନେତୃତ୍ବ ଅଭାବ ରହିଛି ନା ଏହାପଛରେ ଅନ୍ୟ କ’ଣ କାରଣ ରହିଛି, ତାକୁ ନେଇ ଏବେ ସାଧାରଣରେ ନାନା ଚର୍ଚ୍ଚା। ୨୦୨୪ ସାଧାରଣ ନିର୍ବାଚନ ପାଇଁ ପ୍ରସ୍ତୁତ ହୋଇଥିବା […]

ନାମାଙ୍କନ କଲେ ଇନ୍ଦିରା: ଶୋଭାଯାତ୍ରାରେ ବିଜେଡିର ଶକ୍ତି ପ୍ରଦର୍ଶନ

ଜୟପୁର: ବିରାଟ ଶୋଭାଯାତ୍ରାରେ ସମର୍ଥକଙ୍କ ସହ ଆସି ଆଜି ନାମାଙ୍କନ ଦାଖଲ କରିଛନ୍ତି ବିଜେଡିର ଜୟପୁର ବିଧାୟକ ପ୍ରାର୍ଥିନୀ ଡ. ଇନ୍ଦିରା ନନ୍ଦ। ୧୦ହଜାରରୁ ଊର୍ଦ୍ଧ୍ବ ସମର୍ଥକଙ୍କ ଗହଣରେ ଜୟପୁର ଉପଜିଲ୍ଲାପାଳ ପ୍ରଭାତ କୁମାର ପରିଡ଼ାଙ୍କ ନିକଟରେ ଦୁଇ ସେଟ୍ ନାମାଙ୍କନ ଦାଖଲ କରିଛନ୍ତି। ଏହି ଅବସରରେ ଇନ୍ଦିରା ନିଜ ପ୍ରତିକ୍ରିୟାରେ କହିଛନ୍ତି, ରାଜ୍ୟ ସରକାର ନିର୍ବାଚନମଣ୍ଡଳୀର ବିକାଶ ଦିଗରେ ସମସ୍ତ ପଦକ୍ଷପ ନେଇଛନ୍ତି। ବ୍ୟାପକ ଅନୁଦାନ ସତ୍ତ୍ବେ ଗତ ୧୦ବର୍ଷ ମଧ୍ୟରେ ଏହି ନିର୍ବାଚନମଣ୍ଡଳୀ ବିକାଶ […]

ଆମେ ନିର୍ବାଚନକୁ ନିୟନ୍ତ୍ରଣ କରିପାରିବୁ ନାହିଁ: ସୁପ୍ରିମ୍‌କୋର୍ଟ

ନୂଆଦିଲ୍ଲୀ: ସୁପ୍ରିମ୍‌କୋର୍ଟ ଆଜି କହିଛନ୍ତି ଯେ, ଏହା ନିର୍ବାଚନ ପାଇଁ ନିୟନ୍ତ୍ରଣ କର୍ତ୍ତୃପକ୍ଷ ନୁହନ୍ତି ଏବଂ ଏହାର ସାମ୍ବିଧାନିକ କର୍ତ୍ତୃପକ୍ଷ ନିର୍ବାଚନ ଆୟୋଗର କାର୍ଯ୍ୟକଳାପକୁ ନିୟନ୍ତ୍ରଣ କରିପାରିବେ ନାହିଁ। ଇଲେକ୍ଟ୍ରୋନିକ୍ ଭୋଟିଂ ମେସିନ୍ (ଇଭିଏମ୍)ରେ ଭିଭିପିଏଟି ସିଷ୍ଟମ୍ ଜରିଆରେ ସୃଷ୍ଟି ହୋଇଥିବା କାଗଜ ସ୍ଲିପ୍ ସହ କ୍ରସ୍ ଭେରିଫିକେସନ୍ ପାଇଁ ହୋଇଥିବା ଆବେଦନର ଶୁଣାଣି ବେଳେ ଏହି ମନ୍ତବ୍ୟ ଦିଆଯାଇଛି। ଅଦାଲତ ବର୍ତ୍ତମାନ ପାଇଁ ରାୟ ସଂରକ୍ଷିତ ରଖିଛନ୍ତି। ଜଷ୍ଟିସ ସଞ୍ଜୀବ ଖାନ୍ନା ଓ ଜଷ୍ଟିସ ଦୀପଙ୍କର […]

ସରିଲା ଦ୍ବିତୀୟ ପର୍ଯ୍ୟାୟ ପ୍ରଚାର, ୨୬ରେ ଭୋଟ୍

ନୂଆଦିଲ୍ଲୀ: ୨୦୨୪ ଲୋକସଭା ନିର୍ବାଚନର ଦ୍ବିତୀୟ ପର୍ଯ୍ୟାୟ ପାଇଁ ଆଜି (ବୁଧବାର) ସନ୍ଧ୍ୟାରେ ପ୍ରଚାର ଶେଷ ହୋଇଛି। ଦ୍ବିତୀୟ ପର୍ଯ୍ୟାୟରେ ଏପ୍ରିଲ ୨୬ତାରିଖରେ ୧୩ଟି ରାଜ୍ୟର ୮୯ଟି ଆସନରେ ମତଦାନ ହେବ। ଏପ୍ରିଲ ୧୯ତାରିଖରେ ଅନୁଷ୍ଠିତ ପ୍ରଥମ ପର୍ଯ୍ୟାୟ ନିର୍ବାଚନରେ ପ୍ରାୟ ୬୪ ପ୍ରତିଶତ ମତଦାନ ହୋଇଥିଲା। ଚଳିତ ଲୋକସଭା ନିର୍ବାଚନ ୭ଟି ପର୍ଯ୍ୟାୟରେ ଅନୁଷ୍ଠିତ ହେଉଛି। ଜୁନ୍ ପହିଲାରେ ଶେଷ ପର୍ଯ୍ୟାୟ ମତଦାନ ହେବ ଏବଂ ଜୁନ୍ ୪ତାରିଖରେ ଭୋଟ ଗଣତି ହେବ। ଦ୍ୱିତୀୟ ପର୍ଯ୍ୟାୟରେ […]

ହିଟ୍‌ୱେଭ୍‌ରେ ଗଲାଣି ୧୨ ଦିନ: ରେକର୍ଡ ଭାଙ୍ଗୁଛି ତାତି, ୨୦୨୩ରେ ୧୭ ଦିନ ଥିଲା ଗ୍ରୀଷ୍ମପ୍ରବାହ

ଭୁବନେଶ୍ବର: ଲଗାତାର ୧୦ ଦିନ ହେଲା ରାଜ୍ୟରେ ଜାରି ରହିଛି ଗ୍ରୀଷ୍ମ ପ୍ରବାହ(ହିଟ୍‌ୱେଭ୍‌)। ଏପ୍ରିଲରେ ଓଡ଼ିଶାରେ ସ୍ବାଭାବିକ ଭାବେ ୧ରୁ ୩ ଦିନ ହିଟ୍‌ୱେଭ୍‌ ଅନୁଭୂତ ହେଉଥିବା ବେଳେ ଏଥର ସବୁ ରେକର୍ଡ ଭାଙ୍ଗିଛି। ଏପ୍ରିଲ ୨୪ ତଥା ଆଜି ସୁଦ୍ଧା ଚଳିତ ମାସରେ ୧୨ ଦିନ ଗ୍ରୀଷ୍ମ ପ୍ରବାହ ହୋଇଛି। ଏପ୍ରିଲ ୫ ଓ ୬ରେ ପ୍ରଥମ ପର୍ଯ୍ୟାୟ ହିଟ୍‌ୱେଭ୍‌ ହୋଇଥିବା ବେଳେ ଏପ୍ରିଲ ୧୫ରୁ ଏପର୍ଯ୍ୟନ୍ତ ଦ୍ବିତୀୟ ପର୍ଯ୍ୟାୟ ହିଟ୍‌ୱେଭ୍‌ ଜାରି ରହିଛି। ଉପକୂଳ […]

ଆରମ୍ଭରୁ ମାହାଙ୍ଗା ଅଶାନ୍ତ: ବିଜେପି ରୋଡ୍‌ ସୋ’ରେ ମାରପିଟ୍, ଗାଡ଼ି ଭଙ୍ଗାରୁଜା

ମାହାଙ୍ଗା: ନିର୍ବାଚନ ପ୍ରଚାର ଆରମ୍ଭରୁ ଅଶାନ୍ତ ହୋଇଛି ମାହାଙ୍ଗା। ଆଜି ବିଜେପିର କେନ୍ଦ୍ରାପଡ଼ା ଲୋକସଭା ପ୍ରାର୍ଥୀ ବୈଜୟନ୍ତ ପଣ୍ଡା ଓ ମାହାଙ୍ଗାର ବିଧାୟକ ପ୍ରାର୍ଥୀ ସୁମନ୍ତ ଘଡେଇଙ୍କ ରୋଡ୍-ସୋ କାର୍ଯ୍ୟକ୍ରମରେ ଦୁଇ ଗୋଷ୍ଠୀ ମଧ୍ୟରେ ବଡ଼ ଧରଣର ଗଣ୍ଡଗୋଳ ହୋଇଛି। ଦୁଇ ଗୋଷ୍ଠୀ ମଧ୍ୟରେ ବଚସା ଓ ଗଣ୍ଡଗୋଳ ଘଟି ୩ ଜଣ ଗୁରୁତର ଆହତ ହୋଇଛନ୍ତି। ଗଣ୍ଡଗୋଳରେ ଗାଡ଼ି ଭଙ୍ଗାରୁଜା ହୋଇଛି। ଗୋଟିଏ ଗୋଷ୍ଠୀ ଅପର ଗୋଷ୍ଠୀର ଜଣେ ବ୍ୟକ୍ତିଙ୍କୁ ଉଠାଇ ନେଇ ନଈ କୂଳରେ […]

ହିଞ୍ଜିଳିରୁ ପ୍ରଚାର ଆରମ୍ଭ: ନବୀନଙ୍କ ବିକାଶ କାର୍ଡ, ଯୁବବର୍ଗ ଉପରେ ଆଖି

ହିଞ୍ଜିଳିକାଟୁ/ଶେରଗଡ଼: ‘ବିକାଶ’କୁ ପ୍ରସଙ୍ଗ କରି ମୁଖ୍ୟମନ୍ତ୍ରୀ ତଥା ବିଜେଡି ସଭାପତି ନବୀନ ପଟ୍ଟନାୟକ ୨୦୨୪ ସାଧାରଣ ନିର୍ବାଚନ ପ୍ରଚାରକୁ ଓହ୍ଲାଇଛନ୍ତି। ଯୁବ ଭୋଟର୍‌ମାନଙ୍କୁ ନିଜ ଆଡ଼କୁ ଟାଣିବା ଲାଗି ବଡ଼ କାର୍ଡ ଖେଳିଛନ୍ତି ନବୀନ। କହିଛନ୍ତି ଯେ ସରକାର ଆସିଲେ, ଯୁବ ବଜେଟ୍‌ ଆସିବ। ଅନ୍ୟପକ୍ଷରେ ନିଜର ଚିରାଚରିତ ଢଙ୍ଗରେ କାହାର ନାମ ନ ନେଇ ବିରୋଧୀଙ୍କୁ କଟାକ୍ଷ କରିବାକୁ ଭୁଲିନାହାନ୍ତି ନବୀନ। ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଏଥର ନିଜ ନିର୍ବାଚନମଣ୍ଡଳୀ ଗଞ୍ଜାମ ଜିଲ୍ଲାର ହିଞ୍ଜିଳିରୁ ନିର୍ବାଚନ […]

‘ମୋ ମା’ ଓ ଜେଜେମା ଦେଶ ପାଇଁ ସୁନା ଓ ମଙ୍ଗଳସୂତ୍ର ଦାନ କରିଥିଲେ’

ନୂଆଦିଲ୍ଲୀ: କଂଗ୍ରେସ ଅନୁପ୍ରବେଶକାରୀଙ୍କୁ ଦେବା ପାଇଁ ଲୋକଙ୍କ ସମ୍ପତ୍ତି ଲୁଟ୍ କରିବାକୁ ଯୋଜନା କରିଛି ବୋଲି ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଦେଇଥିବା ମନ୍ତବ୍ୟର ଜବାବ ଦେଇ ପ୍ରିୟଙ୍କା ଗାନ୍ଧୀ ଭଦ୍ରା ଆଜି ପ୍ରଶ୍ନ କରିଛନ୍ତି ଯେ ଦଳର ୫୦ ବର୍ଷର ଶାସନ କାଳରେ ଏଭଳି ଘଟଣା ଘଟିଛି କି? ମଙ୍ଗଳସୂତ୍ର ବିଷୟରେ କହିବାକୁ ଗଲେ ଯୁଦ୍ଧ ସମୟରେ ତାଙ୍କ ମା’ଙ୍କ ମଙ୍ଗଳସୂତ୍ର ଓ ଜେଜେମା’ଙ୍କ ସୁନା ଦେଶକୁ ଦାନ କରାଯାଇଥିଲା ବୋଲି ସେ ଦର୍ଶାଇଛନ୍ତି। ଆଜି ବେଙ୍ଗାଲୁରୁରେ […]

ଆଜି ଆସୁଛନ୍ତି ଅମିତ ଶାହ: ସୋନପୁରରୁ ଆରମ୍ଭ କରିବେ ପ୍ରଚାର

ସୋନପୁର: କେନ୍ଦ୍ର ଗୃହମନ୍ତ୍ରୀ ଅମିତ ଶାହ ଆସନ୍ତାକାଲି ଓଡ଼ିଶା ଗସ୍ତରେ ଆସି ସୋନପୁରରେ ନିର୍ବାଚନ ବିଗୁଲ୍‌ ଫୁଙ୍କିବେ। ପ୍ରଚାର ପାଇଁ ଶ୍ରୀ ଶାହଙ୍କର ଏହା ପ୍ରଥମ ଗସ୍ତ ହୋଇଥିବାରୁ ରାଜ୍ୟ ବିଜେପିର ନେତା ଓ କର୍ମୀ ଉତ୍ସାହିତ ହୋଇଛନ୍ତି। ରାଜ୍ୟ ସରକାରଙ୍କ ପ୍ରତି ତାଙ୍କର କିପରି ଆଭିମୁଖ୍ୟ ରହିବ, ତାହା ଉପରେ ସମସ୍ତଙ୍କ ନଜର ରହିଛି। ଶ୍ରୀ ଶାହ ଅପରାହ୍ନ ୩ଟାରେ ରାମେଶ୍ୱର ଷ୍ଟାଡିୟମଠାରେ ଆୟୋଜିତ ନିର୍ବାଚନୀ ସଭାରେ ଯୋଗଦେବେ। ସଭାରେ କେନ୍ଦ୍ର ମନ୍ତ୍ରୀ ଧର୍ମେନ୍ଦ୍ର ପ୍ରଧାନ, […]

କନୌଜରୁ ଲଢ଼ିବେ ଅଖିଳେଶ

ଲକ୍ଷ୍ନୌ: ସମାଜବାଦୀ ପାର୍ଟି (ସପା) ମୁଖ୍ୟ ଅଖିଳେଶ ଯାଦବ ଉତ୍ତରପ୍ରଦେଶର କନୌଜ ଲୋକସଭା ଆସନରୁ ନିର୍ବାଚନ ଲଢ଼ିବେ। ଯାଦବ ଆସନ୍ତାକାଲି ମଧ୍ୟାହ୍ନ ୧୨ଟାରେ ନାମାଙ୍କନପତ୍ର ଦାଖଲ କରିବେ। ଲୋକସଭା ନିର୍ବାଚନର ଚତୁର୍ଥ ପର୍ଯ୍ୟାୟରେ ମେ ୧୩ ତାରିଖରେ କନୌଜ ଆସନ ପାଇଁ ମତଦାନ ହେବ। ପୂର୍ବରୁ ସପା ଅଖିଳେଶ ଯାଦବଙ୍କ ପୁତୁରା ତଥା ଆରଜେଡି ସୁପ୍ରିମୋ ଲାଲୁ ପ୍ରସାଦ ଯାଦବଙ୍କ ଜ୍ୱାଇଁ ତେଜ ପ୍ରତାପ ଯାଦବଙ୍କୁ ଏହି ଆସନରୁ ପ୍ରାର୍ଥୀ ଘୋଷଣା କରିଥିଲା। କିନ୍ତୁ ତେଜ ପ୍ରତାପ […]

ଉଡ଼ାଣ ବେଳେ ବିମାନ ଚକ ଖସିଗଲା

ଜୋହାନ୍ସବର୍ଗ: ଦକ୍ଷିଣ ଆଫ୍ରିକାରେ ଉଡ଼ାଣ ଭରିବା ସମୟରେ ଏକ ବୋଇଂ-୭୩୭ ବିମାନର ମୁଖ୍ୟ ଚକ ଖସିପଡ଼ିବାରୁ ବିମାନଟିକୁ ଜରୁରିକାଳୀନ ଅବତରଣ କରିବାକୁ ପଡ଼ିଥିଲା। ଦକ୍ଷିଣ ଆଫ୍ରିକାର ଜୋହାନ୍ସବର୍ଗ ଓଆର୍ ଟାମ୍ବୋ ଅନ୍ତର୍ଜାତୀୟ ବିମାନବନ୍ଦରରେ ଫ୍ଲାଇସାଫେୟାର ବିମାନ ରନୱେରେ ଅବତରଣ କରିବା ବେଳେ ଅସୁରକ୍ଷିତ ହ୍ୱିଲ୍ ହବ୍‌ରୁ ଧୂଆଁ ବାହାରୁଥିବା ଏକ ଭିଡିଓରେ ଦେଖିବାକୁ ମିଳିଛି। ଏହି ଘଟଣାରେ ଉଭୟ ଅଣ୍ଡରକ୍ୟାରିଏଜ୍ ଓ ଡାହାଣ ପଙ୍ଖା ଆଂଶିକ ଭାଙ୍ଗି ପଡ଼ିଥିବା ଦେଖିବାକୁ ମିଳିଛି। ଫ୍ଲାଇସାଫେୟାର ମୁଖପାତ୍ରଙ୍କ କହିବା ଅନୁଯାୟୀ, […]

ଏଲନ୍‌ଙ୍କ ଖେଳ

ପୃଥିବୀର ସର୍ବାଧିକ ଜନବହୁଳ ତଥା ଦ୍ରୁତତମ ବର୍ଦ୍ଧିଷ୍ଣୁ ଅର୍ଥନୀତି ଭାରତରେ ଅଧିକ ‌‘ଟେସ୍‌ଲା’ କାର୍ ବିକ୍ରୟ କରିବା ନିମିତ୍ତ ଏହା ଉପରେ ଆମଦାନି ଶୁଳ୍‌କ ହ୍ରାସ କରିବା ନିମିତ୍ତ ମସ୍କ ଭାରତ ସରକାରଙ୍କୁ ଅନୁରୋଧ କରିବାରେ ଲାଗିଛନ୍ତି। ‘ଟେସ୍‌ଲା’ ଗତ ମାସରେ ତା’ର ଏହି ଉଦ୍ୟମରେ ଆଂଶିକ ସଫଳତା ଲାଭ କରିଥିଲା, ଯେତେବେଳେ ଭାରତରେ ଅନ୍ୟୂନ ୫୦୦ ନିୟୁତ ଡଲାର୍ ପୁଞ୍ଜି ନିବେଶ କରି ଏଠାରେ କାର୍ ଉତ୍ପାଦନ କରିବାକୁ ଆଗେଇ ଆସୁଥିବା କଂପାନିମାନଙ୍କ ପ୍ରତି ଲାଗୁ […]

ରାଇରଙ୍ଗପୁର, ସାରସକଣା ନିର୍ବାଚନ ମଣ୍ଡଳୀ କଂଗ୍ରେସ ପ୍ରାର୍ଥୀଙ୍କୁ ବଦଳି ଦାବି

ରାଇରଙ୍ଗପୁର:କଂଗ୍ରେସ କନ୍ଦଳ ଉଠୁଛି ପଡୁଛି। ସଂଗଠନର ନାଁ ଧରି ନ ଥିବା ବ୍ୟକ୍ତିଙ୍କ ମୁଣ୍ଡରେ କଂଗ୍ରେସର ସୁନା କଳସ, ଯାହାକୁ ନେଇ କର୍ମୀଙ୍କ ମଧ୍ୟରେ ତୀବ୍ର ଅସନ୍ତୋଷ ଦେଖାଦେଇଛି। ଚଳିତ ନିର୍ବାଚନ ପାଇଁ କଂଗ୍ରେସ ଆଶାୟୀଙ୍କ ତରଫରୁ ଅନଲାଇନ ମାଧ୍ୟମରେ ଆଶାୟୀ ପ୍ରାର୍ଥୀମାନଙ୍କ ଆବେଦନ ଗ୍ରହଣ କରାଯାଇଥିଲା। କଂଗ୍ରେସ ଟିକେଟ ହାତେଇଛନ୍ତି ଯୁବ ଚେହେରା ରାମ କୁମାର ସୋରେନ, ଯାହାଙ୍କୁ ଦଳୀୟ କର୍ମିମାନେ ଚିହ୍ନି ନାହାନ୍ତି। ତଳ ସ୍ତରରୁ କର୍ମୀମାନଙ୍କ ମତାମତ ନେଇ କଂଗ୍ରେସ ଟିକେଟ ଦିଆ […]

ବଣିଜ ବିଚାର: ଓଡ଼ିଶାରେ କୋକୋ ଚାଷ ଓ ଚକୋଲେଟ୍ ଶିଳ୍ପ

ଆମ ଦୈନନ୍ଦିନ ଜୀବନରେ ଚକୋଲେଟ୍‌ ଅତୁଳନୀୟ ମଧୁରତା ସୃଷ୍ଟି କରିଥାଏ। ଅନେକ ବର୍ଷ ପୂର୍ବେ କେତେକ ନିର୍ଦ୍ଦିଷ୍ଟ ଦିନ ବା ନିର୍ଦ୍ଦିଷ୍ଟ ଅବସରରେ ଚକୋଲେଟ୍‌ କ୍ରୟ କରାଯାଉଥିଲା। କିନ୍ତୁ କିଛି ବର୍ଷ ହେଲାଣି ଚକୋଲେଟ୍‌ ଦୈନନ୍ଦିନ ଜୀବନର ଅଂଶ ହୋଇସାରିଲାଣି, ଯହିଁରେ ସ୍ନେହ ଓ ପ୍ରେମ, ଶୁଭେଚ୍ଛା, ସଦ୍ଦିଚ୍ଛା, କୃତଜ୍ଞତା ଓ ଅଭିନନ୍ଦନ ଇତ୍ୟାଦି ଜ୍ଞାପନ କରିବା ଲାଗି ଚକୋଲେଟ୍‌ ଲୋଡ଼ା ପଡୁଛି। ଭାରତୀୟ ବଜାରରେ ଉପଲବ୍‌ଧ ଅଧିକାଂଶ ଚକୋଲେଟ୍‌ ମୂଳତଃ ବିଦେଶୀ କମ୍ପାନିମାନେ ତିଆରି ଓ […]

 ଗାଁରେ ଆଜି ବି ମିଳୁନି ମୌଳିକ ସୁବିଧା: ରାସ୍ତା ଓ ପାଣି ନାହିଁ ତ ଭୋଟ୍‌ ନାହିଁ

କୋରକୁଣ୍ଡା: ମାଲକାନଗିରି ବ୍ଲକର ଚାଲାଣଗୁଡା ପଞ୍ଚାୟତର ତଡିଗୁଡା ଗ୍ରାମ। ଏହି ଗ୍ରାମରେ ପ୍ରାୟ ୪୦ରୁ ଊର୍ଦ୍ଧ୍ବ ପରିବାର ବସବାସ କରନ୍ତି। ଗାଁକୁ ଆଜି ପର୍ଯ୍ୟନ୍ତ ପକ୍କା ରାସ୍ତଟିଏ ନାହିଁ। ଫଳରେ ଲୋକେ ବର୍ଷାଦିନେ ନାହିଁ ନଥିବା ହଇରାଣ ହୁଅନ୍ତି। ଖରାଦିନେ ଯେକୌଣସି ପ୍ରକାରେ ଲୋକେ ଗାଁରୁ ବାହାରକୁ ବାହାରି ନିଜ ଦୈନନ୍ଦିନ କାମ କରିପାରନ୍ତି। ତେବେ ରାସ୍ତାକୁ ନେଇ ବ୍ଲକ ପ୍ରଶାସନ ଠାରୁ ଜିଲ୍ଲା ପ୍ରଶାସନ ପର୍ଯ୍ୟନ୍ତ ଗୁହାରି କରି ଥକି ପଡିଥିବା ଗ୍ରାମବାସୀ କହନ୍ତି। ଗାଁର […]

ଭୋଟ ବେଳରେ ଆମେ ଓ ସୁଇଟି

ଏମିତିରେ ଏବକାର ନିର୍ବାଚନ ବିଷୟକ କଥାରେ ଆମ ପୈତୃକ ନାକଟି ଜମା ପୂରାଇବୁ ନାହିଁ ବୋଲି ଠିକ୍ କରିଥିଲୁ। ହେଲେ ଆମ ବାଲ୍ୟବନ୍ଧୁ ସତ୍ୟେନ୍ଦୁ ସେଦିନ ଆସି ଆମ ପିଲାଦିନର ସାଙ୍ଗ ରାଜୁ କଥା ଉଠାଇ କହିଲା: ମନେ ପଡୁଚି ନା ରାଜୁ କଥା? ଏମିତି ଭୋଟ୍ ବେଳ ଆସିଲେ ସେ କେମିତି ଆମକୁ ବିଜୁ ପଟ୍ଟନାୟକ, ଇନ୍ଦିରା ଗାନ୍ଧୀ ଓ ଆଉ ଆଉ ନେତାମାନଙ୍କ ନାଁ କହି ବାହାଦୁରି ମାରୁଥିଲା! ପୁଣି ଆମ ଭଳିଆ ପିଲାଙ୍କ […]

ବୀରମହାରାଜପୁରରେ ଭୁଶୁଡୁଛି କଂଗ୍ରେସ ଦୁର୍ଗ: ବରିଷ୍ଠ ନେତା ପ୍ରମୋଦ ମହାପାତ୍ର ଦଳରୁ ଦେଲେ ଇସ୍ତଫା

ବୀରମହାରାଜପୁର: ସୁବର୍ଣ୍ଣପୁର ଜିଲ୍ଲା ବୀରମହାରାଜପୁର ନିର୍ବାଚନ ମଣ୍ଡଳୀରେ କଂଗ୍ରେସ ବିଧାୟକ ପ୍ରାର୍ଥୀ ଭାବରେ ଯୁବନେତା ପ୍ରଦୀପ ସେଠୀଙ୍କୁ ଦଳ ବିଧାୟକ ଟିକଟ୍ ଦେବାପରେ ବଢ଼ିଚାଲିଛି ଅସନ୍ତୋଷ। ଏଠାରୁ ପୂର୍ବତନ ବିଧାୟକ ବିନୋଦ ପାତ୍ର ଦଳୀୟ ଟିକଟ୍ ପାଇବେ ବୋଲି ଆଶା ରଖିଥିଲେ। ସେଥିପାଇଁ ସେ ସଙ୍ଗଠନ ଜାରି ରଖିଥିଲେ। ଶେଷରେ ତାଙ୍କୁ ନିରାଶ ହେବାକୁ ପଡ଼ିଛି। ଏହାପରେ ବିନୋଦଙ୍କ ସମର୍ଥକମାନେ ଦଳରୁ ଇସ୍ତଫା ଦେବା ଆରମ୍ଭ କରିଛନ୍ତି। ବୁଧବାର ଦଳର ବରାଷ୍ଟ ନେତା ତଥା ସୁବଳୟା ସରପଂଚ […]

Md Moquim’s Daughter Sofia Firdous May Contest from Barabati-Cuttack Assembly Seat

Cuttack: Sophia Firdous, daughter of Congress MLA Muhammad Moquim, is set to contest the upcoming elections from the Barabati constituency. This decision was taken following a marathon meeting at Moquim’s residence on Wednesday, attended by leaders from all walks of life and party workers. Moquim’s political future had been uncertain after he was found guilty […] The post Md Moquim’s Daughter Sofia Firdous May Contest from Barabati-Cuttack Assembly Seat appeared first on Pragativadi | Odisha News, Breaking News Odisha, Latest Odisha News .

କାର୍‌ରୁ ମିଳିଲା ୩୦ ଲକ୍ଷ

ମାଲକାନଗିରି : ସାରା ଦେଶରେ ନିର୍ବାଚନ କମିସନଙ୍କ ପକ୍ଷରୁ ଆଦର୍ଶ ଆଚରଣ ବିଧି ଲାଗୁ ହୋଇସାରିଛି। ଏହାସତ୍ତ୍ବେ ମାଲକାନଗିରି ଜିଲାରୁ ଜବତ ହୋଇଛି ୩୦ ଲକ୍ଷ ଟଙ୍କା। ମାତ୍ର ଏହି ଟଙ୍କା କୌଣସି ନିର୍ବାଚନୀ ପ୍ରଚାର ପାଇଁ ନିଆଯାଉଥିଲା କି ନାହିଁ ତାହା ଜଣାପଡ଼ି ନାହିଁ। ମାଲକାନଗିରି ଜିଲାର ଦୁଇ ପ୍ରତିଷ୍ଠିତ ବ୍ୟବସାୟୀ ହେମନ୍ତ ପଟ୍ଟନାୟକ ଓ ପାଲ୍ ସ୍ବାମୀ ଏହି ଟଙ୍କା ନେଇ ମାଲକାନଗିରିରୁ ସୁକୁମାକୁ କାର ଯୋଗେ ଯାଉଥିଲେ। ଏହି ସମୟରେ ମାଲକାନଗିରି ଥାନା […]

ମଦ ଧରିବାକୁ ଆସି ହଟହଟା ହେଲେ ଅବକାରୀ କର୍ମଚାରୀ, ଉଦ୍ଧାର କଲା ପୁଲିସ

ସୋର: ମଦ ଧରିବାକୁ ଆସି ଅବକାରୀ ଅଧିକାରୀ ଓ କର୍ମଚାରୀ ହଟହଟା ହୋଇଥିବା ବେଳେ ପୁଲିସ ସେମାନଙ୍କୁ ଉଦ୍ଧାର କରିଥିବା ଜଣାପଡ଼ିଛି। ଆଜି ସକାଳେ ଅନନ୍ତପୁର ଫାଣ୍ଡି ଅଧୀନ ଆମ୍ବତୋଟା ଗ୍ରାମର ପର୍ଶୁରାମ ପରିଡ଼ା ଓ ତାଙ୍କ ଭାଇ ବୁଦ୍ଧିରାମ ପରିଡ଼ାଙ୍କ ଘର ଓ ବାଡ଼ିରେ ଚୋରା ମଦ ରଖି ବ୍ୟବସାୟ କରୁଥିବା ଅଭିଯୋଗରେ ଜଳେଶ୍ୱର ଅବକାରୀ ସେଟଲାଇଟ ଥାନା ଆଇଆଇସି ଲକ୍ଷସାଧବ ପ୍ରଧାନ ଏକ ଟିମ ସହ ସେଠାରେ ପହଂଚି ଖୋଜା ଖୋଜି କରିଥିଲେ, ଯାହାକୁ […]

ଏବେ ବି ୭ ଜିଲା ମେଲେରିଆ ପ୍ରବଣ

ଭୁବନେଶ୍ବର: ଜାତୀୟ ହାର ତୁଳନାରେ ଓଡ଼ିଶାରେ ମେଲେରିଆ ସଂକ୍ରମିତ ଓ ମୃତ୍ୟୁ ସଂଖ୍ୟା ହ୍ରାସ ପାଇଛି। ୨୦୧୪ ରୁ ୨୦୨୩ ମଧ୍ୟରେ ୧୦ ବର୍ଷରେ ପ୍ରାୟ ୯୫ ପ୍ରତିଶତ ମେଲେରିଆ ରୋଗୀଙ୍କ ସଂଖ୍ୟା ହ୍ରାସ ପାଇଛି। ସେହିପରି ମେଲେରିଆ ଜନିତ ମୃତ୍ୟୁସଂଖ୍ୟା ହ୍ରାସ ପାଇ ୮୬ ପ୍ରତିଶତରେ ରହିଛି। ଏହି ସମୟ ମଧ୍ୟରେ ମେଲେରିଆରେ ଆକ୍ରାନ୍ତ ୩୧୩ ଜଣଙ୍କ ମୃତ୍ୟୁ ହୋଇଛି। ଏହି ସମୟ ମଧ୍ୟରେ ରାଜ୍ୟରେ ୭,୦୧,୦୪,୨୧୪ ଜଣଙ୍କ ପରୀକ୍ଷା କରାଯାଇଥିବାବେଳେ ୧୮,୬୩,୪୦୮ ଜଣ ମେଲେରିଆରେ […]

ରାଜ୍ୟରେ ୨୭ରୁ ଭୀଷଣ ଖରା, ପାରଦ ୪୬0 ମୁହଁଇବା ସମ୍ଭାବନା

ଭୁବନେଶ୍ବର: ରାଜ୍ୟରେ ଅସହ୍ୟ ଗ୍ରୀଷ୍ମପ୍ରବାହ ଲାଗି ରହିଥିବାବେଳେ ଆଗାମୀ ଦିନରେ ତାପମାତ୍ରା ଆହୁରି ବଢ଼ିବ। ଆସନ୍ତା ୨୭ ଓ ୨୮ ତାରିଖରେ ସାରା ରାଜ୍ୟରେ ଭୀଷଣ ଗ୍ରୀଷ୍ମପ୍ରବାହ ଅନୁଭୂତ ହେବ ବୋଲି ଭୁବନେଶ୍ବର ପାଣିପାଗ ବିଜ୍ଞାନ କେନ୍ଦ୍ର ପକ୍ଷରୁ ସୂଚନା ମିଳିଛି। ୨୫ରୁ ୨୭ ତାରିଖ ପର୍ଯ୍ୟନ୍ତ ଗଜପତି ଓ ଗଞ୍ଜାମ ଜିଲାରେ ତାପମାତ୍ରା ବଢ଼ିବ। ଆସନ୍ତା ୩ରୁ ୪ ଦିନ ପର୍ଯ୍ୟନ୍ତ ତାପମାତ୍ରା ୨ରୁ ୪ ଡିଗ୍ରୀ ପର୍ଯ୍ୟନ୍ତ ବୃଦ୍ଧି ପାଇବ। ଏପରିକି ରାଜ୍ୟରେ ପାରଦ […]

ନର୍ଲା ଆସନ ପାଇଁ ନାମାଙ୍କନପତ୍ର ଦାଖଲ କଲେ ଭକ୍ତ ଦାସ

ଭବାନୀପାଟଣା/ଧର୍ମଗଡ଼: କଂଗ୍ରେସର ଲୋକସଭା ପ୍ରାର୍ଥୀଙ୍କ ସମେତ ଭବାନୀପାଟଣା, ନର୍ଲା, ଲାଞ୍ଜିଗଡ଼, ଜୁନାଗଡ଼, ଧର୍ମଗଡ଼ ବିଧାନସଭା ଆସନ ପାଇଁ ଆଜି କଂଗ୍ରେସ ସହ ଅନ୍ୟ ଦଳର ପ୍ରାର୍ଥୀମାନେ ନାମାଙ୍କନପତ୍ର ଦାଖଲ କରିଛନ୍ତି। ଭବାନୀପାଟଣା ମାଣିକେଶ୍ବରୀ ମନ୍ଦିରରେ ମା’ଙ୍କ ଦର୍ଶନ ପରେ ଏକ ଶୋଭାଯାତ୍ରାରେ କଂଗ୍ରେସର ସମସ୍ତ ପ୍ରାର୍ଥୀ ଜିଲାପାଳଙ୍କ କାର୍ଯ୍ୟାଳୟକୁ ଆସିଥିଲେ। କଂଗ୍ରେସ କଳାହାଣ୍ଡି ଲୋକସଭା ପ୍ରାର୍ଥୀ ଦ୍ରୌପଦୀ ମାଝୀ ଜିଲାପାଳଙ୍କ ନିକଟରେ ପ୍ରାର୍ଥିପତ୍ର ଦାଖଲ କରିଥିଲେ। ଡିଆର୍‌ଡିଏରେ ନର୍ଲା ଆସନ ପାଇଁ ଭକ୍ତଚରଣ ଦାସ, ଏଡିଏମ୍‌ଙ୍କ ନିକଟରେ […]

ମୁଁ ମଦ୍ୟପାନ କରିନାହିଁ, ମୋ ଶରୀରରେ ମଦ୍ୟ ଆପେଆପେ ତିଆରି ହୁଏ: କୋର୍ଟରେ ଯୁବକଙ୍କ ଅଜବ ବୟାନ

ବ୍ରୁସେଲ୍ସ: ୟୁରୋପର ବେଲଜିୟମ କୋର୍ଟରେ ଏକ ମାମଲାର ଶୁଣାଣି ସମୟରେ ହାସ୍ୟାସ୍ପଦ ପରିବେଶ ସୃଷ୍ଟି ହୋଇଥିଲା। ଡଙ୍କନ୍ ଡ୍ରାଇଭିଂରେ ଧରାପଡିଥିବା ଜଣେ ଯୁବକ ବିଚାରପତିଙ୍କ ଆଗରେ ଯୁକ୍ତି କରିଥିଲେ ଯେ ସେ ମଦ୍ୟପାନ କରିନାହାନ୍ତି, କିନ୍ତୁ ତାଙ୍କ ଶରୀରରେ ମଦ୍ୟ ଆପେଆପେ ତିଆରି ହୋଇଥାଏ। ପ୍ରକୃତରେ, ୪୦ ବର୍ଷିୟ ଆନ୍ସେ ଗେସ୍କୁଏଙ୍କ ବିରୋଧରେ ମଦ୍ୟପାନ କରି କାର ଚଳାଉଥିବା ଅଭିଯୋଗ ହୋଇଥିଲା। ପୋଲିସର ସୂଚନାନୁସାରେ, ୨୦୨୨ ମସିହାରେ ରାସ୍ତାରେ ଯାନ ଯାଞ୍ଚ ସମୟରେ ଆନ୍ସେଙ୍କ ବ୍ରେଥ୍ ଅନାଲାଇଜର […]

ଭୀଷଣ ଖରା ପାଇଁ ପ୍ରଚାର ମାନ୍ଦା

ଭଞ୍ଜନଗର: ଗଞ୍ଜାମ ଜିଲାର ଭଞ୍ଜନଗର ବିଧାନସଭା ଆସନ ଭଂଜନଗର ବ୍ଲକ, ଭଂଜନଗର ଏନ୍‍ଏସି ଏବଂ ଜଗନ୍ନାଥପ୍ରସାଦ ବ୍ଲକକୁ ନେଇ ଗଠିତ। ଏହି ନିର୍ବାଚନ ମଣ୍ଡଳୀରେ ୨୦୨୪ ନିର୍ବାଚନରେ ମୋଟ ୨,୩୮,୯୩୩ ମତଦାତା ଅଂଶଗ୍ରହଣ କରିବେ। ସେଥିମଧ୍ୟରୁ ପୁରୁଷ ଭୋଟର ୧,୨୩,୫୨୧ ଓ ମହିଳା ଭୋଟର ୧,୧୫,୩୯୫ ଅଛନ୍ତି। ନୂତନ ଭାବେ ୫୨୮୦ ଭୋଟର ନିଜର ନାମ ପଞ୍ଜିକୃତ କରିଥିବାବେଳେ ୮୦ ବର୍ଷରୁ ଊର୍ଦ୍ଧ୍ବ ବୟସର ଭୋଟର ସଂଖ୍ୟ ୪୧୪୮ ଏବଂ ଭିନ୍ନକ୍ଷମ ଭୋଟର ସଂଖ୍ୟା ୩୪୦୩ ରହିଛି। […]

ପ୍ରେମ ସମ୍ପର୍କକୁ ନେଇ ବରଯାତ୍ରୀ ବାହାରିବା ପୂର୍ବରୁ ବର ଉପରକୁ ଏସିଡ୍ ମାଡକଲେ ଯୁବତୀ, ଯୁବକ ଗୁରୁତର

ବଲିଆ ୨୪।୪: ଉତ୍ତରପ୍ରଦେଶ ବଲିଆରୁ ଏକ ଚାଞ୍ଚଲ୍ୟକର ଖବର ଆସୁଛି। ଏକ ବିବାହ ନିମନ୍ତେ ବରଯାତ୍ରୀ ବାହାରୁଥିବା ବେଳେ ବର ଉପରକୁ ଜଣେ ଯୁବତୀ ଏସିଡ ମାଡ଼ କରିଛନ୍ତି। ଫଳରେ ଯୁବକ ଗୁରୁତର ଆହତ ହୋଇଛନ୍ତି। ଆହତ ଯୁବକଙ୍କ ନାମ ରାକେଶ ବିନ୍ଦ ଓ ଏସିଡ ମାଡ଼ କରିଥିବା ଯୁବତୀଙ୍କ ସହ ତାଙ୍କର ପ୍ରେମ ସମ୍ପର୍କ ଥିଲା ବୋଲି ଜଣାପଡିଛି। ଗ୍ରାମର ମହିଳାମାନେ ଯୁବତୀଙ୍କୁ କାବୁ କରି ପୋଲିସ ଜିମା ଦେଇଥିବା ବେଳେ ପୋଲିସ ତାଙ୍କୁ ଗିରଫ କରିଛି। ଏହି ଘଟଣା ବଲିଆ ବାଂସଡିହ ଥାନା ଡୁମରୀ ଗାଁରେ ଘଟିଛି। ସୂଚନା ଅନୁସାରେ ରାକେଶ ବିନ୍ଦର ଜନୈକ ଯୁବତୀଙ୍କ ସହ ଅନେକ ବର୍ଷରୁ ପ୍ରେମ ସମ୍ପର୍କ ଥିଲା। ଯୁବତୀ ତାଙ୍କ ଉପରେ ବିବାହ ନିମନ୍ତେ ଚାପ ପକାଉଥିଲେ। ହେଲେ ରାକେଶ ତାଙ୍କୁ ଟାଳି ଚାଲିଥିଲେ। ଏହାକୁ ନେଇ ଅନେକ ଥର ଥାନା ଓ ପଞ୍ଚାୟତ ମଧ୍ୟ ହୋଇଥିଲା। ହେଲେ ରାକେଶ ଯୁବତୀଙ୍କୁ ବିବାହ କରିବା ବଦଳେ ପରିବାର ଲୋକେ ସ୍ଥିର କରିଥିବା ସ୍ଥାନରେ ବିବାହ କରିବାକୁ ବରଯାତ୍ରୀଙ୍କ ସହ ବାହାରିଥିବା ବେଳେ ଏହି ଅଘଟଣ ଘଟିଛି। ଅସନ୍ତୁଷ୍ଟ ଯୁବତୀ ଓଢଣାରେ ଆସି ବରଯାତ୍ରୀ ଗହଣରେ ବରବେଶ ହୋଇଥିବା ରାକେଶଙ୍କ ଉପରକୁ ଜ୍ୱଳନଶୀଳ ପଦାର୍ଥ ଫିଙ୍ଗିଦେଇଥିଲେ। ଫଳରେ ରାକେଶ ଯନ୍ତ୍ରଣାରେ ଚିତ୍କାର କରିଥିଲେ। ବରଯାତ୍ରୀ ବାହାରିବାର ଉତ୍ସାହ କୋଳାହଳରେ ପରିଣତ ହୋଇଥିଲା। ଲୋକେ ବରକୁ ଉଦ୍ଧାର କରି ତୁରନ୍ତ ଜିଲ୍ଲା ହସ୍ପିଟାଲକୁ ନେଇ ଯାଇଥିବା ବେଳେ ବରଯାତ୍ରୀରେ ଯାଉଥିହା ମହିଳାମାନେ ଯୁବତୀଙ୍କୁ କାବୁ କରି ପୋଲିସକୁ ସୂଚନା ଦେଇଥିଲେ। ପୋଲିସ ପହଞ୍ଚି ଯୁବତୀଙ୍କୁ ଗିରଫ କରିଛି। ଏହି ଘଟଣାରେ ରାଜ ବିନ୍ଦ ନାମକ ଅନ୍ୟ ଜଣେ ମଧ୍ୟ ଆହତ ହୋଇଛନ୍ତି। ପୋଲିସ ଯୁବତୀଙ୍କୁ ପଚରା ଉଚରା କରୁଛି।

ଓଡ଼ିଶାରେ ପ୍ରଥମ, ସମ୍ ହସ୍ପିଟାଲରେ ହାପ୍‌ଲୋଆଇଡେନ୍‌ଟିକାଲ୍ ହେମାଟୋପୋଇଟିକ୍ ଷ୍ଟେମ୍ ସେଲ୍ ଟ୍ରାନ୍ସପ୍ଲାଂଟେସନ୍ ସଫଳ

ଭୁବନେଶ୍ୱର : ସଫଳ ହେଲା ହାପ୍‌ଲୋଆଇଡେନ୍‌ଟିକାଲ୍ ହେମାଟୋପୋଇଟିକ୍ ଷ୍ଟେମ୍ ସେଲ୍ ଟ୍ରାନ୍ସପ୍ଲାଂଟେସନ୍‌ । ଯାହାକି ଓଡ଼ିଶାରେ ପ୍ରଥମ। ଆଉ ଏହି ବଡ଼ ଉପଲବ୍ଧି ହାସଲ କରିଛି ସ୍ଥାନୀୟ ଇନ୍‌ଷ୍ଟିଚ୍ୟୁଟ୍ ଅଫ୍ ମେଡିକାଲ୍ ସାଇନ୍‌ସେସ ଆଣ୍ଡ ସମ୍ ହସ୍ପିଟାଲ୍‌ର କ୍ଲିନିକାଲ୍ ହେମାଟୋଲୋଜି। ବିଭାଗ ପକ୍ଷରୁ ଆକ୍ୟୁଟ୍ ମାଇଲଏଡ ଲ୍ୟୁକୋମିଆ (ଏଏମ୍‌ଏଲ୍‌) ସମସ୍ୟାରେ ପୀଡ଼ିତା ଜଣେ ୫୧ ବର୍ଷୀୟା ମହିଳାଙ୍କ ଶରୀରରେ ହାପ୍‌ଲୋଆଇଡେନ୍‌ଟିକାଲ୍ ହେମାଟୋପୋଇଟିକ୍ ଷ୍ଟେମ୍ ସେଲ୍ ଟ୍ରାନ୍ସପ୍ଲାଂଟେସନ୍ (ଏଚ୍‌ଏସ୍‌ସିଟି) ସଫଳତାର ସହ କରାଯାଇଛି । ଏହି ହାପ୍‌ଲୋଆଇଡେନ୍‌ଟିକାଲ୍ ପ୍ରତ୍ୟାରୋପଣ ଏକ ପ୍ରକାର ଆଲୋଜେନିକ୍ ପ୍ରତ୍ୟାରୋପଣ ଯେଉଁଥିରେ କି ଅଧା ମେଳ ଖାଉଥିବା ଡୋନର୍‌ର ସୁସ୍ଥ ଓ ରକ୍ତ ପ୍ରସ୍ତୁତକାରୀ କୋଷ ଗୁଡ଼ିକୁ କଢ଼ାଯାଇ ରୋଗୀର ଅସୁସ୍ଥ କୋଷ ବଦଳରେ ସ୍ଥାନୀତ କରାଯାଏ ବୋଲି ବୁଧବାର ସମ୍ ହସ୍ପିଟାଲର କ୍ଲିନିକାଲ୍ ହେମାଟୋଲୋଜି, ହେମାଟୋଅଙ୍କୋଲୋଜି ଏବଂ ହେମାଟୋପୋଇଟିକ୍ ଷ୍ଟେମ୍ ସେଲ ଟ୍ରାନ୍ସପ୍ଲାଂଟ ବିଭାଗର ମୁଖ୍ୟ ପ୍ରଫେସର (ଡାକ୍ତର) ପ୍ରିୟଙ୍କା ସାମଲ କହିଛନ୍ତି । ରୋଗୀଙ୍କ ନିମନ୍ତେ ଡୋନର୍ ତାଙ୍କ ନିଜ ଝିଅ ହୋଇଥିବା ବେଳେ ତାଙ୍କ ଶରୀରର ହ୍ୟୁମାନ୍ ଲ୍ୟୁକୋସାଇଟ୍ ଆଂଟିଜେନ୍ସ (ଏଚ୍‌ଏଲ୍‌ଏ) ରୋଗୀଙ୍କ ସହିତ ଅଧା ମେଳ ଖାଇଥିଲା । ପ୍ରତ୍ୟାରୋପଣ ପରେ ରୋଗୀଙ୍କ ଶରୀରରେ କିଛିଟା ସମସ୍ୟା ଦେଖା ଦେଇଥିଲେ ମଧ୍ୟ ସେଗୁଡ଼ିକୁ ଖୁବ୍ ଭଲ ଭାବେ ଏବଂ ଯଥା ଶୀଘ୍ର ସୁଧାରି ଦିଆଯାଇଥିଲା ବୋଲି ଡାକ୍ତର ସାମଲ ସାମ୍ବାଦିକମାନଙ୍କୁ ସୂଚନା ଦେବା ସହ ରାଜ୍ୟରେ ପ୍ରଥମ ଥର ପାଇଁ ଏହି ସଫଳ ହାପ୍‌ଲୋ ପ୍ରତ୍ୟାରୋପଣ ସୁଲଭ ଖର୍ଚ୍ଚରେ କରାଯାଇଥିବା କହିଛନ୍ତି । ଡାକ୍ତର ସାମଲ କହିଥିଲେ ଯେ କିଛି ମାସ ତଳେ ସେ ଟରୋଂଟୋ ସ୍ଥିତ ପ୍ରିନ୍‌ସେସ୍ ମାର୍ଗାରେଟ୍ କ୍ୟାନ୍ସର ସେଂଟର ଠାରେ ଏହି ହାପ୍‌ଲୋ ପ୍ରତ୍ୟାରୋପଣ ସମ୍ପର୍କିତ ପ୍ରଶିକ୍ଷଣ ନେଇ ଫେରିଥିଲେ । ଏହି ସମସ୍ୟାରେ ପୀଡ଼ିତ ରୋଗୀଙ୍କ ମୃତ୍ୟୁହାରକୁ ହ୍ରାସ କରିବା ସହ ଉତମ ଚିକିତ୍ସା ତାଙ୍କର ପ୍ରଶିକ୍ଷଣ ନେବାର ମୁଖ୍ୟ ଉଦ୍ଦେଶ୍ୟ ବୋଲି ସେ କହିଥିଲେ । ଏହି ପ୍ରତ୍ୟାରୋପଣ ତାଙ୍କ ବିଭାଗର ସମସ୍ତଙ୍କ ପାଇଁ ଅତ୍ୟନ୍ତ ଶିକ୍ଷଣୀୟ ଥିଲା ବୋଲି ସେ କହିଛନ୍ତି । ଏହି ସାମ୍ବାଦିକ ସମ୍ମିଳନୀରେ ଆଇଏମ୍‌ଏସ୍ ଆଣ୍ଡ ସମ୍ ହସ୍ପିଟାଲ୍‌ର ମେଡିକାଲ୍ ସୁପରିଟେଣ୍ଡେଂଟ ପ୍ରଫେସର (ଡାକ୍ତର) ପୁଷ୍ପରାଜ ସାମନ୍ତସିଂହାର, ଟ୍ରାନ୍ସଫ୍ୟୁଜନ୍ ମେଡିସିନ୍ ବିଭାଗର ମୁଖ୍ୟ ପ୍ରଫେସର (ଡାକ୍ତର) ଗିରିଜାନନ୍ଦିନୀ କାନୁନ୍‌ଗୋ ଏବଂ ହେମାଟୋ ଆଇସିୟୁର ଇନ୍‌ଚାର୍ଜ ଡାକ୍ତର ସନ୍ତୋଷ କୁମାର ସିଂହ ଉପସ୍ଥିତ ଥିଲେ । ପ୍ରଫେସର ସାମନ୍ତସିଂହାର କହିଥିଲେ ଯେ ଷ୍ଟେମ୍ ସେଲ ଟ୍ରାନ୍ସପ୍ଲାଂଟେସନ୍ ନିମନ୍ତେ ବିଭିନ୍ନ ବିଭାଗ ମଧ୍ୟରେ ସମନ୍ୱୟର ଆବଶ୍ୟକତା ଅତ୍ୟନ୍ତ ଗୁରୁତ୍ୱପୂର୍ଣ୍ଣ ଅଟେ । ଏଥିରେ କ୍ଲିନିକାଲ୍ ହେମାଟୋଲଜି, ଟ୍ରାନ୍ସଫ୍ୟୁଜନ୍ ମେଡିସିନ ଓ ଲ୍ୟାବ୍ ହେମାଟୋଲଜି ବିଭାଗ ସଂପୃକ୍ତ ରହିଥାନ୍ତି । ଏହି ଚିକିତ୍ସା ୫ ରୁ ୧୦ ବର୍ଷ ତଳେ ଦେଶର ବଡ଼ ବଡ଼ ସହରର ଅଗ୍ରଣୀ ଡାକ୍ତରଖାନା ଗୁଡ଼ିକରେ ଉପଲବ୍ଧ ହେଉଥିଲା ଏବଂ ବ୍ୟୟସାପେକ୍ଷ ଅଟେ । ମାତ୍ର ସମ୍ ହସ୍ପିଟାଲ୍‌ରେ ଏହା ବର୍ତମାନ ଓଡ଼ିଶାର ରୋଗୀମାନଙ୍କ ନିମନ୍ତେ ଉପଲବ୍ଧ ଅଟେ ।

ଶସ୍ତା ନୁହେଁ ନିର୍ବାଚନ ! ଜାଣନ୍ତୁ ଇଲେକ୍ସନ କରାଇବା ପାଇଁ ଦେଶର କେତେ ହେଉଛି ଖର୍ଚ୍ଚ?

ନୂଆଦିଲ୍ଲୀ ୨୪।୪: ଭାରତରେ ୨୦୨୪ ଲୋକସଭା ନିର୍ବାଚନ ୭ଟି ପର୍ଯ୍ୟାୟରେ ଅନୁଷ୍ଠିତ ହେବ।ଯାହା ଦେଶରେ ୧୯ ଏପ୍ରିଲ ଶୁକ୍ରବାର ଆରମ୍ଭ ହୋଇଯାଇଛି।ଭାରତରେ ନିର୍ବାଚନ ଆୟୋଗ ନିର୍ବାଚନ କରାଇଥାନ୍ତି।ଏଥର ସାଧାରଣ ନିର୍ବାଚନରେ ସାରା ଦେଶରେ ୯୬.୮ କୋଟିରୁ ଅଧିକ ଲୋକେ ଭୋଟ ଦେବେ।ତେବେ ଗଣତନ୍ତ୍ରର ମହାପର୍ବ ପାଳନ ଏତେ ଶସ୍ତା ନୁହେଁ।ଏତେ ବଡ଼ ଧରଣର ନିର୍ବାଚନ କରାଇବାକୁ ବିପୁଳ ବ୍ୟୟ ହୋଇଥାଏ।ଏହି ଖର୍ଚ୍ଚ ଗତ କିଛି ଦଶନ୍ଧୀ ହେଲା ବଢିବଢି ଚାଲିଛି। ୧୯୫୧-୫୨ ମସିହାରେ ନିର୍ବାଚନ କାଳରେ ପ୍ରାରମ୍ଭିକ ପର୍ଯ୍ୟାୟରେ ୧୦.୫ କୋଟି ଟଙ୍କା ବ୍ୟୟ ହୋଇଥିଲା। ତେବେ ୧୯୫୭ ନିର୍ବାଚନରେ ବ୍ୟୟ ପରିମାଣ ସାମାନ୍ୟ କମିଥିଲା। ତେବେ ଏହା ପରବର୍ତ୍ତି ସବୁ ନିର୍ବାଚନରେ ଏହି ବ୍ୟୟ ବଢ଼ିବଢି ଚାଲିଛି ଓ ଖର୍ଚ୍ଚ ବି ବେଶ୍ ବଢିଛି। ‘ଫାଷ୍ଟପୋଷ୍ଟ’ ରିପୋର୍ଟ ଅନୁସାରେ ୨୦୧୯ ଲୋକସଭା ନିର୍ବାଚନରେ ୫୦,୦୦୦ କୋଟି ଅର୍ଥାତ ୭ ବିଲିୟନ ଡଲାର ବ୍ୟୟ ହୋଇଥିଲା। ତେବେ ଏହାପୂର୍ବରୁ ଅନୁଷ୍ଠିତ ହୋଇଥିବା ୨୦୧୪ ସାଧାରଣ ନିର୍ବାଚନରେ ୩,୮୭୦ କୋଟି ଟଙ୍କା ଖର୍ଚ୍ଚ ହୋଇଥିବାର ହିସାବ ରହିଛି। ଏହି ବ୍ୟୟ ୨୦୧୬ ଆମେରିକା ରାଷ୍ଟ୍ରପତି ନିର୍ବାଚନ ବାବଦ ବ୍ୟୟ ୬.୫ ବିଲିୟନ ଡଲାର ଠାରୁ ମଧ୍ୟ ଅଧିକ। ଏଥିରେ ପ୍ରତି ଭୋଟ ପିଛା ବ୍ୟୟର ହିସାବ କଲେ ୧୯୫୧ ମସିହାରେ ଯେଉଁ ଭୋଟ ପିଛା ୬ ପଇସା ଖର୍ଚ୍ଚ ହେଉଥିଲା ୨୦୧୪ ସାଧାରଣ ନିର୍ବାଚନ ବେଳକୁ ତାହା ୪୬ ଟଙ୍କାକୁ ପହଞ୍ଚିଯାଇଛି। ନିର୍ବାଚନ ଅଭିଯାନ ବାବଦ ବ୍ୟୟ ଲଗାତାର ବଢିବଢି ଚାଲିଛି। ଏପରି ଖର୍ଚ୍ଚ ବୃଦ୍ଧିର ଅସଂଖ୍ୟ କାରକ ମଧ୍ୟ ରହିଛି। ଯେଉଁଥିରେ ସୋସିଆଲ ମିଡିଆର ବୃଦ୍ଧି ହେଉଥିବା ପ୍ରଭାବ ଓ ରାଜନୈତିକ ଅଭିଯାନ ପାଇଁ ବଢୁଥିବା ଚାହିଦା ମଧ୍ୟ ରହିଛି। ଏଥିରେ ନିର୍ବାଚନ ପାଇଁ ଇଲେକ୍ଟ୍ରୋନିକ ଭୋଟିଂ ମେସିନ କ୍ରୟ ଖର୍ଚ୍ଚ ସବୁଠୁ ଅଧିକ। ଏହା ଛଡା ପ୍ରଶାସନିକ ବ୍ୟୟ ଯେଉଁଥିରେ ଅଧିକାରୀମାନଙ୍କ ପାରିଶ୍ରମିକ, ଟ୍ରେନିଂ ସେସନ ଓ ସଚେତନତା ଅଭିଯାନ ମଧ୍ୟ ସାମିଲ। କେବଳ ଏତିକି ନୁହେଁ ନିର୍ବାଚନ ପ୍ରକ୍ରିୟାକୁ ସୁବିଧାଜନକ କରିବା ପାଇଁ ଯେଉଁ ଅଧିକାରୀମାନଙ୍କ ଡ୍ୟୁଟି ରହୁଛି ସେମାନଙ୍କୁ ଦୈନିକ ୩୫୦ ଓ ପୋଲିଂ ଅଧିକାରୀଙ୍କୁ ଦୈନିକ ୨୫୦ ଟଙ୍କା ହିସାବରେ ପାରିଶ୍ରମିକ ମିଳିଥାଏ । ତେବେ ଲୋକସଭା ନିର୍ବାଚନ ବାବଦ ବ୍ୟୟ କେବଳ କେନ୍ଦ୍ର ସରକାର ବହନ କରନ୍ତି ନାହିଁ। ଏଥି ପାଇଁ ଉଭୟ କେନ୍ଦ୍ର ଓ ରାଜ୍ୟ ସରକାର ବ୍ୟୟ କରିଥାନ୍ତି। ରାଜ୍ୟ ବିଧାନସଭା ନିର୍ବାଚନ ଖର୍ଚ୍ଚ ସମ୍ପୂର୍ଣ୍ଣ ରୂପେ ରାଜ୍ୟ ସରକାର ବହନ କରନ୍ତି। ହେଲେ ଯେଉଁଠି ଲୋକସଭା ଓ ବିଧାନସଭା ନିର୍ବାଚନ ଏକାଠି ହୁଏ ସେଠାରେ ଖର୍ଚ୍ଚ ରାଜ୍ୟ ଓ କେନ୍ଦ୍ର ସରକାରଙ୍କ ମଧ୍ୟରେ ସମାନ ବଣ୍ଟା ହୋଇଥାଏ।

କଂସ ମହରାଜ କଲେ ଭୋଟରଙ୍କୁ ସଚେତନ, ବରଗଡ଼ ଜିଲ୍ଲା ପ୍ରଶାସନର ନିଆରା ଉଦ୍ୟମ

ବରଗଡ଼: ମିଳିମିଶି ହେବା ଜୋଟ୍, ସଭେ ଆସ ଦେମା ଭୋଟ – ଏପରି ସଚେତନତା ବାର୍ତ୍ତାକୁ ନେଇ ଜିଲ୍ଳା ପ୍ରଶାସନ ତରଫରୁ ଭୋଟରକୁ ସଚେତନତା କରାଯାଉଛି । ବରଗଡ଼ ଧନୁଯାତ୍ରାରେ ମହାରାଜ କଂସଙ୍କ ଭୂମିକା ନିଭାଉଥିବା କଳାକାର ହୃଷିକେଶ ଭୋଇହିଁ ମହାରାଜ କଂସଙ୍କ ବେଶରେ ସଚେତନତା କରୁଛନ୍ତି। ଆଗାମୀ ସାଧାରଣ ନିର୍ବାଚନରେ ଜନସାଧାରଙ୍କୁ ଭୋଟଦାନ ପ୍ରତି ଆକୃଷ୍ଟ କରିବା ଉଦ୍ଦେଶ୍ୟରେ ବରଗଡ଼ ଧନୁଯାତ୍ରାର ମହାରାଜ କଂସ ସମସ୍ତଙ୍କୁ ସଚେତନତା କରିଛନ୍ତି । ଏହି ନିର୍ବାଚନ ଉତ୍ସବରେ ସମସ୍ତେ ଭୋଟ ଦେଇ ନିଜର ମତଦାନ ସାବ୍ୟସ୍ତ କରିବାକୁ ମଥୁରା ନରେଶ ମହାରାଜ କଂସ ସମସ୍ତଙ୍କୁ ନିର୍ଦ୍ଦେଶ ଦେଇଛନ୍ତି । ଆଗାମୀ ୨୦ ତାରିଖରେ ବରଗଡ଼ ଜିଲ୍ଳାର ସମସ୍ତ ଭୋଟ ମତଦାନ କରିବାକୁ ସେ ନିଜ ମହାମନ୍ତ୍ରୀଙ୍କ ଜରିଆରେ ଆଦେଶ ଦେଇଛନ୍ତି । ଜିଲ୍ଳା ପ୍ରଶାସନରୁ ଆଗାମୀ ନିର୍ବାଚନ ପର୍ବରେ ସମସ୍ତେ ସାମିଲ ହେବାକୁ ଦିଆଯାଇଥିବା ଏହି ସଚେତନତା ବାର୍ତା ବେଶ ଭାଇରାଲ ହେଉଥିବା ବେଳେ ଭୋଟରଙ୍କ ମଧ୍ୟରେ ବି ଆଗାମୀ ନିର୍ବାଚନରେ ଭୋଟଦାନ ନେଇ ବେଶ ଉତ୍ସାହ ପରିଲକ୍ଷିତ ହେଉଛି ।

ଋଷବ ପନ୍ତଙ୍କ ଛକ୍କା ଚୌକା ବର୍ଷା: ଗୁଜରାଟ ଆଗରେ ୨୨୫ ରନ୍‌ ଟାର୍ଗେଟ୍ ରଖିଲା ଦିଲ୍ଲୀ କ୍ୟାପିଟାଲ୍ସ

ନୂଆଦିଲ୍ଲୀ: କ୍ୟାପ୍ଟେନ୍ ଋଷବ ପନ୍ତଙ୍କ ଛକ୍କା ଚୌକା ବର୍ଷାରେ ଗୁଜରାଟ ଟାଇଟନ ଆଗରେ ୨୨୫ ରନ୍‌ର ବିଶାଳ ଟାର୍ଗେଟ୍ ରଖିଲା ଦିଲ୍ଲୀ କ୍ୟାପିଟାଲ। ପନ୍ତଙ୍କୁ ରୋକିବାକୁ ଫେଲ୍ ମାରିଲା ମୋହିତ ଶର୍ମାଙ୍କ ସବୁ ଫନ୍ଧି ଫିକର। ବୁଧବାର ଆଇପିଏଲ୍‌ ୪୦ ତମ ମ୍ୟାଚ୍‌ରେ ଦିଲ୍ଲୀର ଅରୁଣ ଜେଟ୍‌ଲୀ ଷ୍ଟାଡିୟମ୍‌ରେ ଦିଲ୍ଲୀ କ୍ୟାପିଟାଲ୍ ଓ ଗୁଜରାଟ ଟାଇଟନ୍ ମଧ୍ୟରେ ମୁକାବିଲା ହୋଇଛି। ଦିଲ୍ଲୀ ଟସ୍ ହାର ଗୁଜରାଟ୍‌ର ନିମନ୍ତ୍ରଣରେ ପ୍ରଥମେ ବ୍ୟାଟିଂ କରିଥିଲା। ଓପନିଂ ଆସିଥିବା ଜ୍ୟାକ୍ ଫ୍ରେସର ମ୍ୟାକ୍‌ଗର୍କ ଓ ପୃଥ୍ୱୀ ଶ' ଦଳକୁ ଭଲ ଓପନିଂ ଦେଇଥିଲେ। ୩.୨ ଓଭର ଚାଲିଥିବା ବେଳେ ଦଳୀୟ ସ୍କୋର ୩୫ ରନ୍‌ରେ ପ୍ରଥମେ ମ୍ୟାକ୍‌ଗର୍କ(୧୪ ବଲ୍ ୨୩ ପନ୍)ଙ୍କ ୱିକେଟ୍‌ ପଡ଼ିଥିଲା। ପରବର୍ତ୍ତି ଓଭରରେ ପୃଥ୍ୱୀ ଶ' ମଧ୍ୟ ମାତ୍ର ୭ ବଲ୍‌ରେ ୧୧ ରନ୍ କରି ଆଉଟ୍ ହୋଇଥିଲେ। ଏହାପରେ ଶାଇ ହୋପ୍(୬ ବଲ୍ ୫ ରନ୍) ମଧ୍ୟ ଶୀଘ୍ର ଆଉଟ୍ ହୋଇଯାଇଥିଲେ। ଏହାପରେ ଅକ୍ଷର ପଟେଲ୍ ଓ କ୍ୟାପ୍ଟେନ୍ ଋଷବ ପନ୍ତ ଆସି ପାଳି ସମ୍ଭାଳିଥିଲେ। ଦିଲ୍ଲୀ କ୍ୟାପିଟାଲ୍ ପାଇଁ ଅଲ୍‌ରାଉଣ୍ଡର ଭୂମିକା ନିର୍ବାହ କରୁଥିବା ଅକ୍ଷର ୪୫ ବଲ୍‌ରେ ଦ୍ରୁତ ୬୬ ରନ୍ କରିଥିଲେ। ଦଳ ପାଇଁ ବଡ଼ ଯୋଗଦାନ ଦେବା ପରେ ୧୬.୬ ଓଭରରେ ଅକ୍ଷର ଆଉଟ୍ ହୋଇଯାଇଥିଲେ। ଏହାପରେ କ୍ୟାପ୍ଟେନ ଋଷବ ପନ୍ତ ତ୍ରିସ୍ତାନ ଷ୍ଟବ୍ସ ଶେଷ ପର୍ଯ୍ୟନ୍ତ ବ୍ୟାଟିଂ କରି ଦଳର ସ୍କୋର୍‌କୁ ୨୨୪ ପର୍ଯ୍ୟନ୍ତ ନେଇଥିଲେ। ଦଳ ପକ୍ଷରୁ ଋଷବ ପନ୍ତ* ୪୩ ବଲ୍‌ରେ ସର୍ବାଧିକ ୮୮ ରନ୍ କରିଥିବା ବେଳେ ଷ୍ଟବ୍ସ* ୭ ବଲ୍‌ରେ ୨୬ ରନ୍‌ର ଯୋଗଦାନ ଦେଇଥିଲେ। ଗୁଜରାଟ ବୋଲିଂ ଅନ୍ୟପଟରେ ଗୁଜରାଟ ପକ୍ଷରୁ ସବୁଠାରୁ ମହଙ୍ଗା ସାବ୍ୟସ୍ତ ହୋଇଥିଲେ ମୋହିତ କୁମାର। ସେ ୪ ଓଭର୍‌ରେ ସର୍ବାଧିକ ୭୩ ରନ୍ ଦେଇଥିଲେ। ମୋହିତଙ୍କର ଶେଷ ଓଭରରେ ଋଷବ ପନ୍ତ ସବୁଠୁ ଅଧିକ ୩୧ ରନ୍ ସଂଗ୍ରହ କରିଥିଲେ। ଯାହା ଦଳକୁ ସବୁଠାରୁ ମହଙ୍ଗା ପଡ଼ିଥିଲା। ତେବେ ଆଜିର ମ୍ୟାଚ୍‌ର ଗୁଜରାଟର ସନ୍ଦୀପ ୱାରିଅର ସବୁଠାରୁ ସଫଳ ବୋଲର ସାବସ୍ୟସ୍ତ ହୋଇଛନ୍ତି। ସେ ୩ ଓଭର ବୋଲିଂ କରି ମାତ୍ର ୧୫ ରନ୍‌ ଦେଇଥିବା ବେଳେ ୩ଟି ୱିକେଟ୍ ନେଇଛନ୍ତି। ସନ୍ଦୀପଙ୍କ ବ୍ୟାତୀତ ନୁର ଅହମଦ ଗୋଟିଏ ୱିକେଟ୍ ନେଇଥିଲେ ବି ଅନ୍ୟ କୌଣସି ବୋଲର ୱିକେଟ୍ ନେବାରେ ସଫଳ ହୋଇ ନଥିଲେ।

ଦିଲ୍ଲୀରେ ମେୟର ଏବଂ ଡେପୁଟି ମେୟର ନିର୍ବାଚନ ପାଇଁ ବାଟ ଫିଟିଲା, ଏପ୍ରିଲ ୨୬ରେ ଭୋଟିଂ, ନିର୍ବାଚନ ଆୟୋଗ ଦେଲେ NOC

ନୂଆଦିଲ୍ଲୀ: ଦିଲ୍ଲୀରେ ମେୟର ଏବଂ ଡେପୁଟି ମେୟର ନିର୍ବାଚନ ପାଇଁ ବାଟ ଫିଟିଛି । ଜାତୀୟ ନିର୍ବାଚନ ଆୟୋଗ ଦିଲ୍ଲୀ ନଗର ନିଗମ (ଏମସିଡି)ରେ ମେୟର ଏବଂ ଡେପୁଟି ମେୟର ନିର୍ବାଚନ ପାଇଁ ଏନଓସି ଜାରି କରିଛନ୍ତି । ଏହାସହ ଏବେ ଦିଲ୍ଲୀରେ ଏପ୍ରିଲ ୨୬ରେ ମେୟର ଏବଂ ଡେପୁଟି ମେୟରର ନିର୍ବାଚନ ହୋଇପାରିବ । ନିୟମ ଅନୁସାରେ ଦିଲ୍ଲୀରେ ଲୋକସଭା ନିର୍ବାଚନ ପାଇଁ ଆଚରଣ ବିଧି ଲାଗୁ ହୋଇଥିବାରୁ ଏମସିଡି ନିର୍ବାଚନ ପାଇଁ ଇସିଆଇଙ୍କ ଏନଓସି ବାଧ୍ୟତାମୂଳକ ହୋଇଥାଏ । ଉଲ୍ଲେଖଯୋଗ୍ୟ ଯେ ଦିଲ୍ଲୀ ନଗର ନିଗମ ନିର୍ବାଚନ ଆୟୋଗଙ୍କୁ ଏକ ଅନୁରୋଧ କରି ଏପ୍ରିଲ୍ ୨୬ରେ ନିର୍ବାଚନ କରିବା ପାଇଁ ଅନୁମତି ଲୋଡ଼ିଥିଲା । ଏହା ପୂର୍ବରୁ ନିର୍ବାଚନ ସମ୍ପର୍କିତ ଫାଇଲ୍ ଏଲଜି ଏବଂ ନିର୍ବାଚନ ଆୟୋଗଙ୍କ ନିକଟକୁ ପଠାଯାଇଥିଲା । ସାଧାରଣତଃ, ମେୟର ଏବଂ ଡେପୁଟି ମେୟର ନିର୍ବାଚନରେ ନିର୍ବାଚନ ଆୟୋଗଙ୍କ କୌଣସି ଭୂମିକା ନଥାଏ । ତେବେ ଏଥର ଲୋକସଭା ନିର୍ବାଚନ ହେଉଥିବାରୁ ଆଦର୍ଶ ଆଚରଣ ସଂହିତା ଲାଗୁ ଅଛି । ତେଣୁ ନିର୍ବାଚନ ଆୟୋଗଙ୍କ ଅନୁମତି ବାଧ୍ୟତାମୂଳକ ହୋଇଥାଏ । ଉଲ୍ଲେଖଯୋଗ୍ୟ ଯେ ଦିଲ୍ଲୀ ନଗର ନିଗମ ନିର୍ବାଚନ ପାଇଁ ଆମ ଆଦମୀ ପାର୍ଟି ମେୟର ପଦ ପାଇଁ ମହେଶ ଖିଚି ଏବଂ ଡେପୁଟି ମେୟର ପଦ ପାଇଁ ରବିନ୍ଦର ଭରଦ୍ୱାଜଙ୍କୁ ମୈଦାନକୁ ଓହ୍ଲାଇଛି । ଅନ୍ୟପଟେ ବିଜେପି କିଷନ ଲାଲଙ୍କୁ ମେୟର ଏବଂ ଡେପୁଟି ମେୟର ପାଇଁ ନୀତା ବିଷ୍ଟଙ୍କୁ ପ୍ରାର୍ଥୀ କରିଛି ।

ଦ୍ୱିତୀୟ ପର୍ଯ୍ୟାୟ ନିର୍ବାଚନ ନିମନ୍ତେ ପ୍ରଚାର ଶେଷ, ୧୩ ରାଜ୍ୟର ୮୮ ଲୋକସଭା ଆସନ ନିମନ୍ତେ ୨୬ ଏପ୍ରିଲରେ ହେବ ଭୋଟ

ନୂଆଦିଲ୍ଲୀ ୨୪।୪: ଲୋକସଭା ନିର୍ବାଚନ ୨୦୨୪ ଦ୍ୱିତୀୟ ପର୍ଯ୍ୟାୟ ଭୋଟ ଗ୍ରହଣ ନିମନ୍ତେ ଅବଗଣନା ଆରମ୍ଭ ହୋଇଯାଇଛି। ଦ୍ୱିତୀୟ ପର୍ଯ୍ୟାୟ ନିର୍ବାଚନ ନିମନ୍ତେ ବୁଧବାର ସନ୍ଧ୍ୟା ୬ଟା ବେଳେ ପ୍ରଚାର ଶେଷ ହୋଇଛି। ଏପ୍ରିଲ ୨୬ ତାରିଖ ଦିନ ୧୩ ରାଜ୍ୟର ୮୮ ଲୋକସଭା ଆସନ ନିମନ୍ତେ ଭୋଟ ଗ୍ରହଣ ହେବ। ଏହି ସବୁ ଆସନର ନିର୍ବାଚନ ପରିଣାମ ଜୁନ ୪ରେ ଘୋଷଣା ହେବ। ନିର୍ବାଚନ ଶାନ୍ତିପୂର୍ଣ୍ଣ ଓ ନିରପେକ୍ଷ ହେଉ ସେଥି ପାଇଁ ନିର୍ବାଚନ ଆୟୋଗ ପୁରା ପ୍ରସ୍ତୁତି କରି ନେଇଛନ୍ତି। ଦ୍ୱିତୀୟ ପର୍ଯ୍ୟାୟ ଲୋକସଭା ନିର୍ବାନରେ କେତେକ ହାଇପ୍ରୋଫାଇଲ ସିଟ୍ ମଧ୍ୟ ରହିଛି, ଯେଉଁଥିରେ ମଥୁରା ଯେଉଁଠୁ ହେମାମାଲିନୀ ତାଙ୍କର ତୃତୀୟ ବିଜୟ ଆଶା ରଖୁଛନ୍ତି। ସେହିପରି ମିରଟ ଯେଉଁଠୁ ରାମାୟଣର ରାମ ଅର୍ଥାତ ଅରୁଣ ଗୋଭିଲ ବିଜେପି ପ୍ରାର୍ଥୀ ହୋଇଛନ୍ତି। ଏହାଛଡା ବିହାରର ପୂର୍ଣ୍ଣିଆ ମଧ୍ୟ ଏହି ପର୍ଯ୍ୟାୟର ସବୁଠୁ ଚର୍ଚ୍ଚିତ ଲୋକସଭା ଆସନ ମଧ୍ୟରୁ ଅନ୍ୟତମ, କାରଣ ପପୁ ଯାଦବ ଜେଡିୟୁ ସାଂସଦ ସନ୍ତୋଷ କୁମାର କୁଶୱାହଙ୍କ ବିରୋଧରେ ସ୍ୱାଧୀନ ପ୍ରତିଦ୍ୱନ୍ଦ୍ୱୀତା ନିମନ୍ତେ ନିର୍ବାଚଣ ରଣକ୍ଷେତ୍ରକୁ ପ୍ରବେଶ କରିଛନ୍ତି। ସେହିପରି କେରଳର ୱାଇନାଡ ଆସନରେ କଂଗ୍ରେସ ସାଂସଦ ରାହୁଲ ଗାନ୍ଧି, ସିପିଆଇର ଏନି ରାଜା ଓ କେରଳ ବିଜେପି ଅଧ୍ୟକ୍ଷ କେ.ସୁରେନ୍ଦ୍ରନଙ୍କ ମଧ୍ୟରେ ତ୍ରିକୋଣୀୟ ପ୍ରତିଦ୍ୱନ୍ଦ୍ୱୀତା ହେବ। ଏହି ଦ୍ୱିତୀୟ ପର୍ଯ୍ୟାୟ ନିର୍ବାଚନରେ ଆସାମର ୫, ବିହାରର ୫, ଛତିଶଗଡର ୩, ଜମ୍ମୁ-କାଶ୍ମୀରର ଗୋଟିଏ, କର୍ଣ୍ଣାଟକର ୧୪, କେରଳର ୨୦, ମଧ୍ୟପ୍ରଦେଶର ୬, ମହାରାଷ୍ଟ୍ରର ୮, ରାଜସ୍ଥାନର ୧୩, ତ୍ରିପୁରାର ୧, ଉତ୍ତରପ୍ରଦେଶର ୮ ଓ ପଶ୍ଚିମବଙ୍ଗର ୩ଟି ଆସନରେ ଭୋଟ ଗ୍ରହଣ ହେବ।

ଲାଗି ରହିଥିବା ସମସ୍ୟାର ସମାଧାନ ହୋଇପାରେ, ନିବେଶ ପାଇଁ ଦିନଟି ରହିଛି ଅନୁକୂଳ

ମେଷ - ବନ୍ଧୁଙ୍କ ସାହାଯ୍ୟ ସହଯୋଗ ମିଳିବ।କୌଣସିବି ବ୍ୟବସାୟିକ କାରବାରରୁ ଅର୍ଥ ଉପକୃତ ହେବ|ଅଫିସରେ ସହକର୍ମୀଙ୍କ ସମର୍ଥନ ପାଇବେ। ପାରିବାରିକ ବିବାଦ ସମାପ୍ତ ହେବ|ରୋଗୀମାନେ ସେମାନଙ୍କର ବିଶେଷ ଯତ୍ନ ନେବା ଉଚିତ୍ । ବୃଷ - ମନରେ ଉତ୍‌ଥାନ-ପତନଦେଖାଦେବ। ଧୈର୍ଯ୍ୟବଜାୟ ରଖିବାକୁ ଚେଷ୍ଟା କରନ୍ତୁ। ଶିକ୍ଷାଗତ ଏବଂ ଅନୁସନ୍ଧାନ କାର୍ଯ୍ୟ ପାଇଁ ଅନ୍ୟ କିଛି ସ୍ଥାନକୁ ଯାଇପାରନ୍ତି। ପରିବାରଠାରୁ ଦୂରରେ ରହିବାକୁ ପଡିପାରେ । ପରିଶ୍ରମ ଅଧିକ ହେବ । ମିଥୁନ - ସମ୍ମାନ ହାନି ଘଟିବ।ଅଜଣା ବ୍ୟକ୍ତିଙ୍କ ପାଇଁ ଠକାମୀର ଶିକାର ହୋଇପାରନ୍ତି । ଧନ ଲାଭର ଯୋଗ ମଧ୍ୟ ରହିଛି । ଛାତ୍ରଛାତ୍ରୀଙ୍କ ପାଇଁ ଦିନଟି ଆଳସ୍ୟରେ କଟିବ । ଦିନଟିରେ ଉତ୍ତମ ଫଳ ପ୍ରଦାନ କରିବ ନାହିଁ । କର୍କଟ - କାର୍ଯ୍ୟ କ୍ଷେତ୍ରରେ ବିଶେଷ ସହାୟତା ମିଳିବ । ବନ୍ଧୁ ମିଳନର ଯୋଗ ରହିଛି । ନିଜ ପରାକ୍ରମ ବଳରେ ଶତ୍ରୁଙ୍କୁ ପରାସ୍ତ କରିବାର କ୍ଷମତା ରଖିବେ । ପରିବାରରେ ସୁଖ ଶାନ୍ତି ଲାଗି ରହିବ । ଛାତ୍ରଛାତ୍ରୀ ମାନେ ବିଶେଷ ଭାବେ ଉପକୃତ ହେବେ । ସିଂହ - କାର୍ଯ୍ୟରେ ସଫଳତା ପ୍ରାପ୍ତ ହେବ। ନୂତନ କର୍ମ ସଂସ୍ଥାନ ପାଇଁ ଆଗ୍ରହୀ ହେବେ|ଶିକ୍ଷାଗତ କାର୍ଯ୍ୟ ପାଇଁ ବିଦେଶ ଯିବାର ସମ୍ଭାବନା ଅଛି । ପତି-ପତ୍ନୀଙ୍କଠାରୁ ଅଲଗା ହେବାର ପରିସ୍ଥିତି ସୃଷ୍ଟି ହୋଇପାରେ । କନ୍ୟା - କର୍ମକ୍ଷେତ୍ରରେ ବିରୋଧାଭାବ ଦେଖାଦେବ । ନିଜ ବ୍ୟବହାରରେ ସଂଯମତା ରକ୍ଷା କରନ୍ତୁ । ପରିବାର ଲୋକଙ୍କ ଠାରୁ ଖୁସିର ବାର୍ତ୍ତା ମିଳିବ । ବ୍ୟବସାୟରେ ଏତେ ଲାଭ ହେବ ନାହିଁ । ପାରିବାରିକ ସମ୍ପର୍କ ସୁଦୃଢ ହେବ । ତୁଳା - ଆଶାନୁରୂପ ଅର୍ଥ ପ୍ରାପ୍ତିର ଯୋଗ ରହିଛି । ଲାଗି ରହିଥିବା ସମସ୍ୟାର ସମୂଳ ସମାଧାନ ହେବ । ରାଜନୈତିକ କ୍ଷେତ୍ରଟି ଆପଣଙ୍କ ପାଇଁ ବହୁତ୍ ଶୁଭ ଦାୟକ ରହିଛି । ଜମିବାଡ଼ି ସମ୍ପର୍କିତ କିଛି ଅସୁବିଧା ଦେଖା ଯିବ । ନିବେଶ ପାଇଁ ଦିନଟି ଅନୁକୂଳ ରହିଛି । ଛାତ୍ରଛାତ୍ରୀ ମାନେ ଉପକୃତ ହେବେ । ବିଛା - ଗୃହରେ ସୁଖ ସମ୍ମାନ ପ୍ରାପ୍ତି ହେବ । ସାମାଜିକ ଓ ସାଂସ୍କୃତିକ କାର୍ଯ୍ୟରେ ମନୋନିବେଶ କରିବେ । କର୍ମ କ୍ଷେତ୍ରରେ କିଛି ଲାଭଦାୟକ ପ୍ରୟାସ କରିବେ । ବ୍ୟବସାୟୀଙ୍କ ପାଇଁ ରୋଜଗାରର ନୂଆ ପନ୍ଥା ଦେଖାଯିବ । ଧନୁ - ଭକ୍ତି ଭାବରେ ଦିନଟି କଟିବ । ସେବା ପୂଜାରେ ମନୋନିବେଶ କରିବେ । ବ୍ୟବସାୟୀମାନେ ରିସ୍କ ନେଇ କାର୍ଯ୍ୟ କଲେ ସଫଳତା ମିଳିବ । ଛାତ୍ର ଛାତ୍ରୀମାନଙ୍କ ପାଇଁ ବହୁ ପରିଶ୍ରମ ଲଘୁ କ୍ରିୟା । ରୋଜଗାରର ନୂଆ ପନ୍ଥା ମିଳିବ। ମକର - ଗୃହରେ ଲାଗି ରହିଥିବା ସମସ୍ୟାର ସମାଧାନ ଖୋଜିବେ । ସନ୍ତାନଙ୍କ ସହ ସମୟ ଅତିବାହିତ କରିବେ । ଯାତ୍ରା ସମୟରେ ସାବଧାନତା ଅବଲମ୍ବନ କରନ୍ତୁ । ବ୍ୟବସାୟୀଙ୍କ ପାଇଁ ଦିନଟି ମଧ୍ୟମ ଫଳ ପ୍ରଦାନ କରିବ । କୁମ୍ଭ - ଦିନଟିରେ ଶତ୍ରୁ ଙ୍କ ଭୟ ରହିବ । ଅଦରକାରୀ କାର୍ଯ୍ୟ କଳାପରେ ଆପଣଙ୍କର ସମୟ ଏବଂ ଶକ୍ତି ନଷ୍ଟ କରନ୍ତୁ ନାହିଁ । ତୁମର ନିଷ୍ପତ୍ତି ଉପରେ ଉପଯୁକ୍ତ ଧ୍ୟାନ ଦିଅ । ନିବେଶ ପାଇଁ ଦିନଟି ଭଲ ରହିଛି । ମୀନ - ଲୁଚି ରହିଥିବା ଦକ୍ଷତାର ପରିପ୍ରକାଶ ହେବ । ଯଶ ହାନି ଘଟିବାର ସମ୍ଭାବନା ରହିଛି । ପଡୋଶୀଙ୍କ ସହ ମତଭେଦ ହୋଇ ପରେ । ପିତା ମାତାଙ୍କ ସେବା ରେ ସମୟ ଅତିବାହିତ ହେବ । ବ୍ୟବସାୟ ରେ ଅର୍ଥ ଫେରି ପାଇବା ବିଳମ୍ବ ହେବ । ଛାତ୍ରଛାତ୍ରୀ ମାନେ ଆଶାନୁରୂପ ଫଳ ପ୍ରାପ୍ତି କରିବେ ନାହିଁ । ଜ୍ୟୋତିର୍ବିଦ ଶ୍ରୀ ସିଦ୍ଧାର୍ଥ ଶେଖର ନାୟକ ଯୋଗାଯୋଗ - ୮୨୪୯୮୨୬୬୮୨

ଯାତ୍ରୀଙ୍କ ପାଇଁ ରେଳବାଇର ସ୍ୱତନ୍ତ୍ର ବ୍ୟବସ୍ଥା: ମାତ୍ର ୨୦ ଟଙ୍କାରେ ମିଳିବ ସ୍ୱାଦିଷ୍ଟ ଓ ସ୍ୱାସ୍ଥ୍ୟକର ଖାଦ୍ୟ

ନୂଆଦିଲ୍ଲୀ : ଭାରତୀୟ ରେଳ ଯାତ୍ରୀମାନଙ୍କର ଟ୍ରେନ୍‌ରେ ଦିଆଯାଉଥିବା ଖାଇବାକୁ ନେଇ ଅନେକ ସମୟରେ ଅଭିଯୋଗ ରହିଥାଏ। ଟ୍ରେନ୍‌ରେ ଦିଆଯାଉଥିବା ଖାଦ୍ୟର ମାନ ଓ ଅଧିକ ଦାମ୍ ଯାତ୍ରୀଙ୍କ ଅସନ୍ତୋଷ ରହିଥାଏ।। ହେଲେ ଏବେ ଏହି ସମସ୍ୟାର ସମାଧାନ ପାଇଁ ସେଣ୍ଟ୍ରାଲ ଓ ୱେଷ୍ଟର୍ଣ୍ଣ ରେଳବାଇ ଏକ ନୂଆ ପଦକ୍ଷେପ ନେଇଛି। ଇଣ୍ଡିଆନ ରେଲ୍‌ୱେ ଆଣ୍ଡ୍ ଟୁରିଜିମ କର୍‌ପୋରେସନ୍‌ ସହ ମିଶି ଯାତ୍ରୀଙ୍କୁ ଇକୋମୋମି ମିଲ୍ସ ଦେବା କାମ ଆରମ୍ଭ କରିଦେଇଛି। ଯେଉଁଥିରେ ମାତ୍ର ୨୦ ଟଙ୍କାରେ ପରିଷ୍କାର, ସ୍ୱାଦିଷ୍ଟ ଓ ଉଚ୍ଚମାନର ସ୍ୱାସ୍ଥ୍ୟକର ଖାଇବା ଦିଆଯାଉଛି। ଏଥିରେ ଦୁଇ ପ୍ରକାରର ଖାଇବି ବିକ୍ରି କରାଯାଉଛି। ବିଶେଷ କରି ଯେଉଁଯାତ୍ରୀମାନେ ଜେନେରାଲ୍ କୋଚ୍‌ରେ ଯାତ୍ରା କରୁଛନ୍ତି ସେମାନଙ୍କ ପାଇଁ ଇକୋନୋମି ମିଲର ମୂଲ୍ୟ ୨୦ ଟଙ୍କା ଓ ସ୍ନାକ୍‌ସ ମିଲ୍‌ର ମୂଲ୍ୟ ୪୦ ଟଙ୍କା ରଖାଯାଇଛି। ଦେଶରେ ଏବେ ଆଉ ୧୦୦ଟି ଷ୍ଟେସନ୍‌ରେ ଏହି ମିଲ୍ କାଉଣ୍ଟର ଆରମ୍ଭ ହୋଇଛି। ମୋଟ ୧୫୦ ଟି ରେଳ ଷ୍ଟେସନରେ ଇକୋନୋମି ମିଲ୍ କାଉଣ୍ଟର ଚାଲିଛି। ଯେଉଁଥିରେ ସାଉଥ୍ ସେଣ୍ଟ୍ରାଲ୍ ରେଲ୍‌ୱେର ୧୨ ଷ୍ଟେସନ୍‌ ରହିଛି। In view of extra passengers rush during the #summer season, #IRCTC is providing #economymeals for the convenience of General Coaches #passengers . Provision has been made for economy meals alongwith packaged drinking water from the dispensing counters near General Coaches at the… pic.twitter.com/jC41RvLzJT — IRCTC (@IRCTCofficial) April 23, 2024 ପଢ଼ନ୍ତୁ- ଭାରତରେ ଅବିଶ୍ୱାସନୀୟ କାର୍ଯ୍ୟ କରିଛନ୍ତି ପିଏମ୍‌ ମୋଦୀ: ଜେପି ମୋରଗାନ ସିଇଓ ଜେମି ଡିମନ ପ୍ରଥମେ ପ୍ରଥମେ ମାତ୍ର ୫୦ଟି ଷ୍ଟେସନ୍‌ରେ ଏହି ସୁବିଧା ଆରମ୍ଭ ହୋଇଥିଲା। ହେଲେ ଯୋଜନା ସଫଳ ହେବାରୁ ଆଉ ୧୦୦ଟି ଷ୍ଟେସନ୍‌ରେ ଏହି ସୁବିଧା ଉପଲବ୍ଧ କରାଯାଇଛି। ଏହାକୁ ନେଇ ଆଇଆର୍‌ସିଟିସି ଏକ୍ସ ହ୍ୟାଣ୍ଡେଲ୍‌ରେ ଭିଡିଓ ଶେୟାର କରି ସୂଚନା ଦେଇଛି। ଏହି ଶସ୍ତା ମିଲ୍‌ ହାଇଦ୍ରାବାଦ, ବିଜୟୱାଡା, ଗୁନ୍ତାକଲ, ତିରୁପତି, ରାଜମୁନ୍ଦ୍ରି, ବିକ୍ରାବାଦ, ପକାଲା, ନାନ୍ଦୟାଲ, ପୂର୍ଣ୍ଣା, ଔରଙ୍ଗାବାଦ ରେଳ ଷ୍ଟେସନରେ ଉପଲବ୍ଧ ରହିଛି। ଏହା ବ୍ୟତୀତ ପ୍ଲାଟଫର୍ମରେ ଜେନେରାଲ୍ ସେକେଣ୍ଡ କ୍ଲାସ୍ କୋଚ୍‌ ନିକଟରେ ଥିବା କାଉଣ୍ଟରରେ ଜଳର ବ୍ୟବସ୍ଥା ମଧ୍ୟ କରାଯାଇଛି। ସେଣ୍ଟ୍ରାଲ ରେଲୱେର କରଜତ ଓ ଏବଂ ଇଗତପୁରୀ ଷ୍ଟେସନରେ ଏହି ସୁବିଧା ଉପଲବ୍ଧ ଥିବା ବେଳେ ୱେଷ୍ଟର୍ଣ୍ଣ ରେଲ୍‌ୱର ମୁମ୍ବାଇ ସେଣ୍ଟ୍ରାଲ ଏବଂ ବାନ୍ଦ୍ରା ଟର୍ମିନାସ ରେଳ ଷ୍ଟେସନରେ ମଧ୍ୟ ଏହି ସୁବିଧା ଉପଲବ୍ଧ ରହିଛି। ଯାତ୍ରୀମାନେ ଏହି ସୁବିଧା ସହଜରେ ପାଇପାରିବେ ବୋଲି ରେଳବାଇ ଦ୍ୱାରା ବ୍ୟବସ୍ଥା କରାଯାଉଛି। ରେଳବାଇର ଏଭଳି ବ୍ୟବସ୍ଥାକୁ ବିଭିନ୍ନ ଆଡ଼ୁ ପ୍ରଶଂସା କରାଯାଉଛି।

୫୨୭ ଭାରତୀୟ ଖାଦ୍ୟ ସାମଗ୍ରୀରେ କ୍ୟାନସର ସୃଷ୍ଟିକାରୀ କେମିକାଲ, ୟୁରୋପୀୟ ୟୁନିୟନର ଦାବି

ନୂଆଦିଲ୍ଲୀ: ଭାରତରୁ ବିଦେଶକୁ ରପ୍ତାନୀ କରାଯାଉଥିବା ମସଲାରେ କ୍ୟାନସର ସୃଷ୍ଟିକାରୀ ରୟାସନ ଥିବା ପ୍ରସଙ୍ଗ ଥମିବାର ନାଁ ଧରୁ ନାହିଁ । ଏହାରି ଭିତରେ ଆଉ ଏକ ବଡ଼ ଦାବି ସାମନାକୁ ଆସିଛି । କେବଳ ମସଲା ହିଁ ନୁହେଁ ଭାରତରୁ ବିଦେଶ ରପ୍ତାନ କରାଯାଉଥିବା ଅନେକ ଖାଦ୍ୟ ଉତ୍ପାଦରେ ମଧ୍ୟ କ୍ୟାନସର ସୃଷ୍ଟିକାରୀ କେମିକାଲ ଥିବା ସୂଚନା ସାମନାକୁ ଆସିଛି । ଉଲ୍ଲେଖଯୋଗ୍ୟ ଯେ ହଂକଂ ଏବଂ ସିଙ୍ଗାପୁର ମସଲା ଗୁଣ୍ଡରେ ମିଳିଥିବା କଥିତ ଏଥିଲିନ ଅକ୍ସାଇଡ୍ ଉପରେ ପ୍ରତିବନ୍ଧକ ଲଗାଇ ସାରିଛନ୍ତି । ଏଥିଲିନ ଅକ୍ସାଇଡକୁ କାର୍ସିନୋଜେନ କୁହାଯାଏ, ଯାହା କ୍ୟାନ୍ସରର କାରକ ଅଟେ । ଏହାରି ଭିତରେ ୟୁରୋପୀୟ ସଂଘ (ଇୟୁ) ୫୨୭ ଭାରତୀୟ ଖାଜ୍ୟ ସାମଗ୍ରୀରେ ଏହିପରି ଏଥିଲିନ ଅକ୍ସାଇଡ୍ ଚିହ୍ନଟ କରାଯାଇଛି । ଟାଇମ୍ସ ନାଓର ରିପୋର୍ଟ ଅନୁସାରେ ଏହା ଉପରେ ପରବର୍ତ୍ତି କାର୍ଯ୍ୟାନୁଷ୍ଠାନ ପାଇଁ ପ୍ରସ୍ତୁତି କରାଯାଉଛି । ପଢନ୍ତୁ: ଏମ୍‌ଡିଏଚ୍ ଓ ଏଭରେଷ୍ଟ ମସଲାରେ କ୍ୟାନ୍‌ସର ବାହକ କେମିକାଲ ଭୟ: ସାମ୍ପଲ ଟେଷ୍ଟ କରିବ ଏଫ୍‌ଏସ୍‌ଏସ୍ଏଆଇ ୨୦୨୦ ସେପ୍ଟେମ୍ୱରୁ ୨୦୨୪ ଏପ୍ରିଲ୍ ମଧ୍ୟରେ କରାଯାଇଥିବା ନୀରିକ୍ଷଣରେ ଇୟୁ ଖାଦ୍ୟ ସୁରକ୍ଷା ପ୍ରାଧିକରଣ ଭାରତରୁ ଆମଦାନୀ ହେଉଥିବା ୫୨୭ ଖାଦ୍ୟ ସାମଗ୍ରୀରେ କାର୍ସିନୋଜେନିକ ଏଥିଲିନ ଅକ୍ସାଇଡ୍ ଥିବା ଜାଣିବାକୁ ପାଇଛି । ଏଥିରେ ମୁଖ୍ୟ ରୂପେ ୩୧୩ ତେଲର ଖାଦ୍ୟ ପଦାର୍ଥ, ୬୦ ପ୍ରକାର ଚେର-ମୂଳି ଏବଂ ମସଲା ଏବଂ ଅନ୍ୟ ସାମଗ୍ରୀରେ କ୍ୟାନସର ସୃଷ୍ଟିକାରୀ କେମିକାଲ ଚିହ୍ନଟ କରାଯାଇଛି । ଏହି କ୍ରମରେ ଅଧିକାରୀମାନେ କହିଛନ୍ତି ଯେ ୮୭ ଅର୍ଡରକୁ ସୀମାରୁ ଫେରାଇ ଦିଆଯାଇଛି ଏବଂ ଅନ୍ୟ ସବୁଗୁଡ଼ିକୁ ବଜାରରୁ ହଟା ଯାଇଛି । ଏଥିଲିନ ଅକ୍ସାଇଡ୍ ଏକ ରଙ୍ଗହୀନ ଗ୍ୟାସ୍ ଅଟେ । ଏହାର ଉପଯୋଗ କୀଟନାଶକ ଏବଂ ଷ୍ଟରଲାଇଜିଂ ଏଜେଣ୍ଟ ରୂପେ କରାଯାଉଛି । କିନ୍ତୁ ଏହି ରସାୟନକୁ ଚିକିତ୍ସା ଉପକରଣକୁ ଷ୍ଟରଲାଇଜ୍ କରିବା ପାଇଁ ବ୍ୟବହାର କରାଯାଇଥାଏ । ଡାକ୍ତରଙ୍କ କହିବା ଅନୁସାରେ ଏଥିଲିନ ଅକ୍ସାଇଡର ପ୍ରଭାବରୁ ଲିମ୍ଫୋମା ଏବଂ ଲ୍ୟୁକେମିୟା ପରି କ୍ୟାନ୍ସର ହୋଇଥାଏ ।

ପୃଥିବୀଦିବସ: ବେଦାନ୍ତ ଆଲୁମିନିୟମ୍‌ ନବୀକରଣଯୋଗ୍ୟ ଶକ୍ତି ଉତ୍ପାଦନ ପାଇଁ ବାୟୋମାସ୍‌ର ବ୍ୟବହାର କରିଛି

ଭୁବନେଶ୍ଵର: ଭାରତର ବୃହତମ ଆଲୁମିନିୟମ ଉତ୍ପାଦନକାରୀ ବେଦାନ୍ତ ଆଲୁମିନିୟମ, ବିଦ୍ୟୁତ୍ ଉତ୍ପାଦନ ପାଇଁ ବାୟୋମାସ୍ ବ୍ରିକେଟ୍ ନିୟୋଜନ ସହିତ ଇନ୍ଧନ ମିଶ୍ରଣକୁ ଅଧିକ ସ୍ଥାୟୀ କରିଛି । କମ୍ପାନୀ ବର୍ତ୍ତମାନ ଓଡ଼ିଶାର ଲାଞିଗଡରେ ଥିବା ବିଶ୍ୱ ସ୍ତରୀୟ ଆଲୁମିନା ରିଫାଇନାରୀରେ ପ୍ରତିଦିନ ୨୦ ଟନ୍ ବାୟୋମାସ୍ ବ୍ରିକେଟ୍ ବ୍ୟବହାର କରୁଛି । ଏହା ଜୀବାଶ୍ମ ଇନ୍ଧନ ଉପରେ ନିର୍ଭରଶୀଳତା ହ୍ରାସ କରିବା ସହିତ ପ୍ରତିବର୍ଷ ୧୦,୦୦୦ ଟନରୁ ଅଧିକ ଅଙ୍ଗାରକାମ୍ଳ ସମାନ୍ତରାଳ ଭାବରେ ୟୁନିଟର ଗ୍ରୀନ୍ ହାଉସ୍ ଗ୍ୟାସ୍ (ଜିଏଚଜି) ନିର୍ଗମନକୁ ହ୍ରାସ କରିବ । ପୃଥିବୀ ଦିବସ ୨୦୨୪ ଅବସରରେ ଏହା ୨୦୫୦ କିମ୍ବା ଶୀଘ୍ର ନେଟ ଜିରୋ କାର୍ବନ ହାସଲ କରିବା ପାଇଁ କମ୍ପାନୀର ଯାତ୍ରାରେ ଏକ ଗୁରୁତ୍ୱପୂର୍ଣ୍ଣ ପଦକ୍ଷେପ ଅଟେ । ବାୟୋମାସ୍ ବ୍ରିକେଟ୍ ସ୍ଥାନୀୟ କୃଷକମାନଙ୍କ ଠାରୁ ମିଳିଥିବା କୃଷି ଅବଶିଷ୍ଟାଂଶରୁ ନିର୍ମିତ, ଯେଉଁମାନେ ଅନ୍ୟଥା ଏହାକୁ ଜଳାଇ ପରିବେଶ ପ୍ରଦୂଷଣର କାରଣ ସାଜିଥାନ୍ତି । ବୃତାକାର ଅର୍ଥବ୍ୟବସ୍ଥାକୁ ସର୍ବଦା ପ୍ରୋତ୍ସାହନ ଦେଉଥିବା ବେଦାନ୍ତ ଆଲୁମିନିୟମ୍ କୃଷକମାନଙ୍କୁ ସେମାନଙ୍କ ଫସଲର ଉପଯୁକ୍ତ ପାରିଶ୍ରମିକ ଦେଇ ଏହି ପଦକ୍ଷେପ ମାଧ୍ୟମରେ ସେମାନଙ୍କ କାର୍ଯ୍ୟ କ୍ଷେତ୍ରରେ କୃଷକଙ୍କ ଆୟକୁ ମଧ୍ୟ ବୃଦ୍ଧି କରୁଛି । ବାଲକୋ, ଭାରତର ବିଶ୍ୱସ୍ତରୀୟ ଆଲୁମିନିୟମ୍ ଉତ୍ପାଦକ ତଥା ଛତିଶଗଡର କୋରବା ଠାରେ ଅବସ୍ଥିତ ବେଦାନ୍ତ ଆଲୁମିନିୟମର ଏକ ୟୁନିଟ୍ ପୂର୍ବରୁ ମଧ୍ୟ ଏହି ପରି ପଦକ୍ଷେପ ମଧ୍ୟ ଗ୍ରହଣ କରାଯାଇଛି । ଏହଛଡା କମ୍ପାନୀ ଏହାର କାର୍ଯ୍ୟକୁ ଦେଶବ୍ୟାପୀ ଶକ୍ତି ଯୋଗାଇବା ପାଇଁ ୧୩୩୫ ମେଗାୱାଟ ଅକ୍ଷୟ ଶକ୍ତି ଉତ୍ସ କରିବାକୁ ଦୀର୍ଘକାଳୀନ ଶକ୍ତି ବିତରଣ ଚୁକ୍ତିନାମା କରିଛି । ଏହି ଅବସରରେ ଉଦବୋଧନ ଦେଇ ବେଦାନ୍ତ ଲିମିଟେଡ୍‌ର ଆଲୁମିନା ବିଜନେସ୍‌ର ସିଇଓ ଶ୍ରୀ ପ୍ରଣବ କୁମାର ଭଟ୍ଟାଚାର୍ଯ୍ୟ କହିଛନ୍ତି ଯେ, ଭାରତ ସ୍ୱଚ୍ଛ ଏବଂ ଅଧିକ ସ୍ଥାୟୀ ଶକ୍ତି ପ୍ରଣାଳୀକୁ ଏକୀଭୂତ କରିବା ଦିଗରେ କାର୍ଯ୍ୟ କରୁଥିବାରୁ ଆମ ଅପରେସନ୍ ମଧ୍ୟରେ ବାୟୋମାସ୍ ସହ ରଣନୈତିକ ନିୟୋଜନ ନିର୍ଗମନ ହାସଲ କରିବାରେ ଏକ ପ୍ରମୁଖ ଭୂମିକା ଗ୍ରହଣ କରିପାରିବ । ହ୍ରାସ ଲକ୍ଷ୍ୟ ଏବଂ ଗ୍ରାମୀଣ ଅର୍ଥନୀତିକୁ ସମର୍ଥନ କରିବା ଆମର କାର୍ଯ୍ୟକଳାପକୁ ଡିକାର୍ବୋନାଇଜିଂ ଟେକ୍ନୋଲୋଜିର ମୂଲ୍ୟାଙ୍କନ କରିବା ପାଇଁ ଏହା ଆମର ରଣନୀତିର ଏକ ଗୁରୁତ୍ୱପୂର୍ଣ୍ଣ ଅଂଶ ଗଠନ କରେ । ପୃଥିବୀ ଦିବସ ଅବସରରେ କମ୍ପାନୀ ଏହାର ବିକାଶ ପ୍ରକଳ୍ପ ଜୀବିକା ସମ୍ରିଦ୍ଧି ତତ୍ୱାବଧାନରେ ଝାରସୁଗୁଡ଼ା ଓଡ଼ିଶାରେ କୃଷକମାନଙ୍କ ପାଇଁ ସଚେତନ ଅଧିବେଶନ ଆୟୋଜନ କରିଥିଲା, ଯାହା କୃଷିର ଅଧିକ ଦକ୍ଷ ପଦ୍ଧତି ମାଧ୍ୟମରେ ଆୟ ଉପାର୍ଜନକୁ ବୃଦ୍ଧି କରିବାକୁ ଲକ୍ଷ୍ୟ ରଖିଛି ।

ବକିଙ୍ଗହମ ପାଲେସ ସମ୍ମୁଖ ସଡ଼କରେ ସାମରିକ ଘୋଡ଼ାଙ୍କ ଉତ୍ପାତ, ୪ ଆହତ

ଲଣ୍ଡନ ୨୪।୪: ମଧ୍ୟଲଣ୍ଡନର ବକିଙ୍ଗହମ ପାଲେସ ନିକଟ ସଡ଼କରେ ବୁଧବାର ୪ଟି ସାମରିକ ଘୋଡ଼ା ଉତ୍ପାତ କରିଛନ୍ତି। ଏହି ଘଟଣାରେ ୪ ଜଣ ଆହତ ହୋଇଥିବାର ଜଣାପଡିଛି। ଏହି ଘଟଣା ସେନାର ନିୟମିତ ଅଭ୍ୟାସ କାଳରେ ହୋଇଛି। ଏହି ଘଟଣା କାଳରେ ଘୋଡା ଉପରେ ଶଇସ ମଧ୍ୟ ଥିଲେ। ଲୋକେ ସୋସିଆଲ ମିଡିଆରେ ଘଟଣାର ଭିଡିଓ ଏବଂ ଫଟୋ ସେୟାର କରୁଛନ୍ତି। ଏଥିରେ ଭାରତୀୟ ଉଚ୍ଚାୟୋଗ ଓ ୱେଷ୍ଟଏଣ୍ଡ ଥିଏଟର ଡିଷ୍ଟ୍ରିକ୍ଟ ମଧ୍ୟରେ ରକ୍ତାକ୍ତ ଘୋଡାମାନଙ୍କୁ ଦୌଡୁଥିବାର ଦେଖାଯାଇଛି। ତେବେ ପରେ ବ୍ରିଟେନ ସେନା ଘୋଡାଗୁଡିକୁ ନିୟନ୍ତ୍ରିତ କରାଯାଇଥିବା ସୂଚନା ଦେଇଛି। ଏହି ଘଟଣାରେ କେତେକ କର୍ମଚାରୀ ଓ ଘୋଡା ଆହତ ହୋଇଛନ୍ତି। ଘୋଡ଼ାମାନଙ୍କୁ କ୍ୟାମ୍ପକୁ ଲେଉଟାଇ ନିଆଯାଇଥିବା ବେଳେ ସେଠାରେ ସେମାନଙ୍କୁ ଚିକିତ୍ସକୀୟ ସହାୟତା ପ୍ରଦାନ କରାଯାଇଛି। କୁହାଯାଉଛି ବକିଙ୍ଗହମ ପାଲେସ ଆଖପାଖରେ ଚାଲିଥିବା ନିର୍ମାଣ କାର୍ଯ୍ୟ ଯୋଗୁ ହେଉଥିବା ଶବ୍ଦ ଘୋଡାଙ୍କୁ ବିଚଳିତ କରିଥିଲା। ଏଣୁ ସେମାନେ ଅମାନିଆ ହୋଇ ଜନଗହଳିପୂର୍ଣ୍ଣ ରାସ୍ତାକୁ ଦୌଡିଥିଲେ। ଆଗାମୀ ମାସରେ କ୍ୱିନ୍‌ଙ୍କ ବାର୍ଷିକ ଜନ୍ମଦିନ ଯାହାକୁ ‘ଟ୍ରୁପିଙ୍ଗ ଦି କଲର’ କୁହାଯାଏ। ସେଥି ପାଇଁ ପ୍ୟାରେଡ ପ୍ରସ୍ତୁତି ଚାଲିଥିବା ବେଳେ ଏହି ଘଟଣା ଘଟିଛି। ବକିଙ୍ଗହମ ପାଲେସ୍ କିଙ୍ଗ ଚାର୍ଲସ ତୃତୀୟଙ୍କ ନିବାସ ସ୍ଥାନ। ଏହି ଘଟଣାରେ ୩ ଜଣ ସୈନିକ ଆହତ ହୋଇଥିବା ବେଳେ ସେମାନଙ୍କୁ ଚିକିତ୍ସା ନିମନ୍ତେ ହସ୍ପିଟାଲରେ ଭର୍ତ୍ତି କରାଯାଇଛି।

ଆଇପିଏଲ ବେଟିଂ ବେଳେ ପୋଲିସର ଚଢ଼ଉ, ୫ ଅଭିଯୁକ୍ତ ଗିରଫ

ପୁରୀ: ଆଇପିଏଲ ବେଟିଂ ଚାଲିଥିବା ବେଳେ ମାଡ଼ି ବସିଲା ପୋଲିସ। ବେଟିଂ ଅଭିଯୋଗରେ ପାଞ୍ଚ ଅଭିଯୁକ୍ତଙ୍କୁ ଗିରଫ କଲା ବଳିଆ ପଣ୍ଡା ଥାନା ପୋଲିସ।‌ ଗିରଫ ଅଭିଯୁକ୍ତ ହେଉଛନ୍ତି ଛତିଶଗଡ଼ ଓ ବିହାର ଅଞ୍ଚଳର। ସେମାନଙ୍କଠାରୁ ଏଲଇଡି ଟିଭି, ସ୍ପିକର, ୪ଟି ମୋବାଇଲ୍ ଫୋନ୍, ଟାଟା ସ୍କାଏ ମେସିନ୍, ଗୋଟିଏ ରେଜିଷ୍ଟ୍ରାର ଜବତ। ଏନେଇ ସୋସିଆଲ ମିଡିଆରେ ପୁରୀ ପୋଲିସର ସୂଚନା।

ଇଲେକ୍ଟ୍ରୋନିକ୍ସ ସେଗ୍‌ମେଣ୍ଟରେ ଅମ୍ବାନୀଙ୍କ ଏଣ୍ଟ୍ରି! ଇଲେକ୍ଟ୍ରିକ୍ ବଲ୍ଭ ଠାରୁ ଆରମ୍ଭ କରି ଟିଭି, ଫ୍ରିଜ୍ ତିଆରି କରିବ ରିଲାଏନ୍ସ

ନୂଆଦିଲ୍ଲୀ: ମୁକେଶ ଅମ୍ବାନୀଙ୍କ ରିଲାଏନ୍ସ ଗ୍ରୁପ୍‌ ଟେଲିକମ୍ କ୍ଷେତ୍ରରେ ନିଜର ଏକଚାଟିଆ ପ୍ରଭାବ ବିସ୍ତାର କରିବା ପରେ ଏବେ ଇଲେକ୍ଟ୍ରୋନିକ୍ସ କ୍ଷେତ୍ରରେ ମଧ୍ୟ କମ୍ପାନୀ ନିଜର ପ୍ରଭାବ ବିସ୍ତାର କରିବାକୁ ଯୋଜନା ଆରମ୍ଭ କରିଦେଇଛି। ଏହି ଅନୁସାରେ, କମ୍ପାନୀ ଇଲେକ୍ଟ୍ରିକ୍ ବଲ୍ଭ ଠାରୁ ଆରମ୍ଭ କରି ଟିଭି, ଫ୍ରିଜ୍ ଓ ଏସି ପର୍ଯ୍ୟନ୍ତ ତିଆରି କରିବ ଓ ବିକ୍ରି କରିବ। ଭାରତରେ ବିଦେଶୀ କମ୍ପାନୀଙ୍କ ପ୍ରଭାବ କମ୍ କରିବାକୁ ରିଲାଏନ୍ସ ଇଲେକ୍ଟ୍ରୋନିକ୍ସ ଓ ଗୃହଉପକରଣ କ୍ଷେତ୍ରରେ ପ୍ରବେଶ କରିବ ବୋଲି ଯୋଜନା କରୁଛି। ଇକୋନୋମିକ୍ସ ଟାଇମ୍ସର ରିପୋର୍ଟ ଅନୁସାରେ, କମ୍ପାନୀ ୱାଇଜର (Wyzr)ବ୍ରାଣ୍ଡରେ ମେଡ୍-ଇନ୍ ଇଣ୍ଡିଆ ପ୍ରଡକ୍ଟ ଲଞ୍ଚ କରିବ। କମ୍ପାନୀ ଏହି ବ୍ରାଣ୍ଡରେ ଏଲ୍‌ଇଡି ବଲ୍ଭ, ଟିଭି, ଫ୍ରିଜ୍,ଏସି, ୱାଶିଂ ମେସିନ ଆଦି ଇଲେକ୍ଟ୍ରୋନିକ୍ସ ପ୍ରଡକ୍ଟ ଭାରତ ମାର୍କେଟ୍‌ରେ ଲଞ୍ଚ କରିବ। ଏହି ଯୋଜନା ସହ ଜଡ଼ିତ ରିଲାଏନ୍ସ ଏକ୍‌ଜିକ୍ୟୁଟିଭ୍‌ମାନଙ୍କ ସୂତ୍ରରୁ ମିଳିଥିବା ସୂଚନା ଅନୁସାରେ, ମେନୁଫେକ୍‌ଚରିଂ ଓ ପ୍ରଡକ୍ସନ ଫାଇନାଲ କରିବା ପାଇଁ କମ୍ପାନୀ ଆଲୋଚନା ଆରମ୍ଭ କରିଛି। ବର୍ତ୍ତମାନ, ୱାଇଜର ବ୍ରାଣ୍ଡ୍‌ ନାଁରେ ଘରୋଇ ବ୍ୟବହାର ପାଇଁ ଆବଶ୍ୟକୀୟ ଇଲେକ୍ଟ୍ରୋନିକ ଉପକରଣ ତିଆରି କରିବାକୁ ଘରୋଇ କମ୍ପାନୀ ଡିକ୍ସନ ଟେକ୍ନୋଲୋଜୀ ଓ ମିର୍କ ଇଲେକ୍ଟ୍ରୋନିକ୍ସ(ଓନିଡା ପ୍ୟାରେଣ୍ଟ କମ୍ପାନୀ) ଏଗ୍ରୀମେଣ୍ଟ କରିବା ଉପରେ କାମ ଜାରି ରହିଛି। ପଢ଼ନ୍ତୁ- ୨୦୨୩-୨୪ ଆର୍ଥିକ ବର୍ଷରେ ବଢ଼ିଲା ରିଲାଏନ୍ସ ଇଣ୍ଡଷ୍ଟ୍ରିଜ ନେଟ ଲାଭ, ୭.୩ ପ୍ରତିଶତ ସହ ୭୯୦୨୦ କୋଟି ଟଙ୍କାଙ୍କୁ ବୃଦ୍ଧି ଏହିସବୁ ପ୍ରଡକ୍ଟ ଆଣିପାରେ ରିଲାଏନ୍ସ ନିକଟରେ ରିଲାଏନ୍ସ ରିଟେଲ୍‌ ୱାଇଜର ବ୍ରାଣ୍ଡ ନାଁରେ ଏୟାର କୁଲର ଲଞ୍ଚ୍ କରିଥିଲା। ଏବେ ଏହି ବ୍ରାଣ୍ଡ୍‌କୁ ବଢ଼ାଇବା ପାଇଁ କମ୍ପାନୀ ଯୋଜନା କରୁଛି। ବର୍ତ୍ତମାନ ରିଲାଏନ୍ସ ଇଣ୍ଡଷ୍ଟ୍ରିଜ୍ ଟିଭି, ଫ୍ରିଜ୍, ଏସି, ୱାସିଂ ମେସିନ୍, ଏଲଇଡି ବଲ୍ଭ ଇ-ଉପକରଣ କଣ୍ଟ୍ରାକ୍ଟରେ ତିଆରି କରିବ। ବଜାରରେ ଏହି ବ୍ରାଣ୍ଡ୍‌ ସେଟ୍ ନେଇଗଲା ପରେ କମ୍ପାନୀ ନିଜେ ପ୍ଲାଣ୍ଟ ବସାଇ ପ୍ରଡକ୍ସନ କରିବ। ବର୍ତ୍ତମାନ, କଞ୍ଜ୍ୟୁମର ଇଲେକ୍ଟ୍ରୋନିକ୍ସ ସେଗ୍‌ମେଣ୍ଟରେ ରିଲାଏନ୍ସ୍‌ର ଉପସ୍ଥିତି ସୀମିତ ରହିଛି। ୨୦୨୨ରେ ରିଲାଏନ୍ସ ଇଣ୍ଡଷ୍ଟ୍ରିଜ୍ ୧,୬୭୦ ଟଙ୍କାରେ ଆମେରିକୀୟ ଇଲେକ୍ଟ୍ରୋନିକ୍ସ ଉତ୍ପାଦନକାରୀ କମ୍ପାନୀ ସାନମିନା(sanmina)ର ଭାରତୀୟ ୟୁନିଟରେ ୫୦.୧ ପ୍ରତିଶତ ଅଂଶଧନ ଅଧିଗ୍ରହଣ କରିଥିଲା। ସାମିନା ପାଖରେ ଚେନ୍ନାଇର ୧୦୦ ଏକର ବ୍ୟାପୀ ଏକ ମ୍ୟାନୁଫେକ୍ଚରିଂ ପ୍ଲାଣ୍ଟ ରହିଛି। ଏହି ହ୍ଲାଣ୍ଟରେ ୱାଇଜର ବ୍ରାଣ୍ଡ ପ୍ରଡକ୍ଟ ତିଆରି କରାଯିବ ବୋଲି ସୂଚନା ମିଳିଛି। ତେବେ କମ୍ପାନୀ ପକ୍ଷରୁ ଏନେଇ କୌଣସି ଖୁଲାସା କରାଯାଇ ନାହିଁ।

ସମ୍ବଲପୁରରେ ଜମୁଛି ମହାଲଢେଇ, ଦେବଗଡ଼ରେ ବବି ଏବଂ ଆଠମଲ୍ଲିକରେ ଧର୍ମେନ୍ଦ୍ରଙ୍କ ଶକ୍ତି ପ୍ରଦର୍ଶନ

ଭୁବନେଶ୍ଵର: ରାଜ୍ୟର ସମସ୍ତ ନିର୍ବାଚନ ମଣ୍ଡଳୀ ମଧ୍ୟରୁ ଦୃଷ୍ଟି କେନ୍ଦ୍ରୀଭୂତ ହୋଇଛି ସମ୍ବଲପୁର ଲୋକସଭା ନିର୍ବାଚନ ମଣ୍ଡଳୀରେ। ସେଠାରେ ହେଉଛି ମହାଲଢ଼େଇ । ମୁହାଁମୁହିଁ ହୋଇଛନ୍ତି କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ ଏବଂ ବିଜେଡି ସାଂଗଠନିକ ସଂପାଦକ ପ୍ରଣବ ପ୍ରକାଶ ଦାସ। ଆଜି ଧର୍ମେନ୍ଦ୍ର ଆଠମଲ୍ଲିକରେ ପ୍ରଚାର କରିଥିବା ବେଳେ ପ୍ରଣବ ଦେବଗଡ଼ରେ କରିଥିଲେ ଶକ୍ତି ପ୍ରଦର୍ଶନ। ଉଭୟ ପ୍ରାର୍ଥୀ ସାଙ୍ଗରେ ନିଜର ଦଳର ବିଧାୟକ ପ୍ରାର୍ଥୀଙ୍କୁ ସାଙ୍ଗରେ ନେଇ ମଇଦାନକୁ ଓହ୍ଲାଇଛନ୍ତି। Also read: ରାଜ୍ୟ ସରକାରଙ୍କ ବିରୋଧରେ ବିଜେପିର ଚାର୍ଜସିଟ୍, ଉନ୍ମୋଚନ କଲେ କେନ୍ଦ୍ରମନ୍ତ୍ରୀ ଭୂପେନ୍ଦ୍ର ଯାଦବ ଧୋତି ବେଶରେ ଧର୍ମେନ୍ଦ୍ର। ମନ୍ଦିରରେ ଦର୍ଶନ କଲେ ପଦଯାତ୍ରା କଲେ ବିଶାଳ ରୋଡ ସୋ ମାଧ୍ୟମରେ ଶକ୍ତି ପ୍ରଦର୍ଶନ କଲେ। ସମ୍ବଲପୁର ଲୋକସଭା ଆସନ ପାଇଁ ବିଜେପି ପ୍ରାର୍ଥୀ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ ଆଜି ଆଠମଲ୍ଲିକରେ ପ୍ରଚାର କରିଥିଲେ। ସାଙ୍ଗରେ ଥିଲେ ସ୍ଥାନୀୟ ବିଧାୟକ ପ୍ରାର୍ଥୀ, ସ୍ଥାନୀୟ ନେତା ଓ ଶହ ଶହ କର୍ମୀ। ବିଜେପି ନେତୃବୃନ୍ଦଙ୍କ ସହ ରୋଡ଼ ସୋରେ ସାମିଲ ହୋଇଥିଲେ କେନ୍ଦ୍ରମନ୍ତ୍ରୀ। ଯେଉଁଥିରେ ହଜାର ହଜାର ବିଜେପି କର୍ମୀ ଯୋଗ ଦେଇଥିଲେ। କିଆକଟାରୁ ବିନିକେଇ ଯାତ୍ରା ମଧ୍ୟରେ ମାଧପୁରରେ କର୍ମୀଙ୍କ ସହ କରିଥିଲେ ପଦଯାତ୍ରା। ଧୋତି କୁର୍ତ୍ତା ପିନ୍ଧି କାନ୍ଧରେ ଗାମୁଛା ପକାଇ ଏକ ନୂଆ ଅବତାରରେ ଅବତୀର୍ଣ୍ଣ ହୋଇଥିଲେ । ଦେଉଳଝରୀରେ ଦିଅଁ ଦର୍ଶନ ସାରି ଆଠମଲ୍ଲିକ NAC ଅଫିସ ସ୍ଥିତ ମହାତ୍ମା ଗାନ୍ଧୀଙ୍କ ପ୍ରତିମୂର୍ତ୍ତିରେ ମାଲ୍ୟାର୍ପଣ କରିଥିଲେ । ଏଥିସହିତ ରୋଡ ସୋ ମାଧ୍ୟମରେ ଶକ୍ତି ପ୍ରଦର୍ଶନ କରିଥିଲେ। ଏହି ସମୟରେ ରାଜ୍ୟ ସରକାର କାହିଁକି ଆୟୁଷ୍ମନ ଭାରତ ଯୋଜନା ଲାଗୁ କରୁନାହାନ୍ତି ବୋଲି ଧର୍ମେନ୍ଦ୍ର ପ୍ରଶ୍ନ କରିଥିଲେ। ଖାଲି ବିକାଶ କଥା କହିଲେ ହେବନି ରାଜ୍ୟ ସରକାର ଏକ ବିକାଶନେଇ ଶ୍ବେତପତ୍ର ଆଣିବା ଲାଗି ଧର୍ମେନ୍ଦ୍ର ଆହ୍ବାନ ଦେଇଥିଲେ। . ସମ୍ବଲପୁରରେ ବିଜେଡିର ପ୍ରାର୍ଥୀ ତଥା ବିଜେଡି ସାଂଗଠନିକ ସଂପାଦକ ପ୍ରଣବ ପ୍ରକାଶ ଦାସ ଆଜି ଦୁଇଟି ସ୍ଥାନରେ କରିଥିଲେ ଶକ୍ତି ପ୍ରଦର୍ଶନ। କାନ୍ଧରେ ଶଙ୍ଖମାର୍କା ଉତ୍ତରୀ ଓ ଫର୍ମାଲ ପ୍ୟାଣ୍ଟ ସାର୍ଟ ପିନ୍ଧି ବବି ସାଧାରଣ ଲୋକଙ୍କ ସହିତ ମିଶିଯାଉଥିଲେ। କେତେବେଳେ ଫୁଲ ବର୍ଷା ହେଉଥିଲା ଆଉ କେତେବେଳେ ସେ ଆଗକୁ ଆସି ଜନତାଙ୍କୁ କରୁଥିଲେ ଜୁହାର। ଦେବଗଡ ଜିଲ୍ଲା ରିଆମାଳ ବ୍ଲକ ପଳଶମା ଗାଁରେ କର୍ମୀ ସମ୍ମିଳନୀରେ ଯୋଗଦେଇଥିଲେ ପ୍ରଣବ। ସାଙ୍ଗରେ ଥିଲେ ବିଧାୟକ ପ୍ରାର୍ଥୀ ଅରୁନ୍ଧତୀ ଦେବୀ। ଆଗାମୀ ସାଧାରଣ ନିର୍ବାଚନରେ ଦେବଗଡ ବାସୀ ଏକତ୍ରିତ ହୋଇ ଉଭୟ ବିଧାନସଭା ଓ ଲୋକସଭାରେ ଯୋଡ଼ି ଶଙ୍ଖକୁ ଜିତାଇବାକୁ ଆହ୍ବାନ ଦେଇଥିଲେ। ସେହିପରି ଅନୁଗୋଳର ଛେଣ୍ଡିପଦାରେ ମଧ୍ୟ ପ୍ରଚାର କରିଥିଲେ ପ୍ରଣବ। ପ୍ରଣବଙ୍କ ସହ ଛେଣ୍ଡିପଦା ବିଧାନସଭା ପ୍ରାର୍ଥୀ ସୁଶାନ୍ତ କୁମାର ବେହେରା ଥିଲେ। ଏକ ବିରାଟ ପଟୁଆରରେ ବିଜେଡି କର୍ମୀ ପ୍ରଣବଙ୍କୁ ସ୍ବାଗତ କରିବା ସହ ସଭା ସ୍ଥଳକୁ ପାଛୋଟି ନେଇଥିଲେ। ଯେଉଁଠାରେ ପାଖାପାଖି ପାଞ୍ଚ ହଜାର ବିଜେଡି କର୍ମୀ ଉପସ୍ଥିତ ରହିଥିଲେ। ଆଉ ଏଠାରେ ମଧ୍ୟ ପ୍ରଣବ ଯୋଡ଼ି ଶଙ୍ଖର ଆହ୍ବାନ ଦେଇଥିଲେ। ପଶ୍ଚିମ ଓଡ଼ିଶାରେ ୪୦ ଡିଗ୍ରି ହିଟ୍ୱେଭ ବହୁଛି। କିନ୍ତୁ ଏହାଠାରୁ ବଳିଯାଇଛି ନିର୍ବାଚନ ପ୍ରଚାର ତାତି। ଦୁଇ ପ୍ରାର୍ଥୀ ଭୋଟରଙ୍କ ମନକୁ ଛୁଇଁବା ପାଇଁ ଦିନରାତି ଏକ କରିଦେଇଛନ୍ତି।

ଏବେ ଭାରତୀୟଙ୍କ ଗୋଡ଼ ମାପରେ ତିଆରି ହେବ ଜୋତା ଚପଲ: ‘ଭା’ କୋଡ୍‌ରେ ଆସିବ ଫୁଟ୍‌ୱୟାର

ନୂଆଦିଲ୍ଲୀ: ଏବେ ଆମେରିକା କିମ୍ବା ୟୁରୋପ ନୁହେଁ, ଭାରତୀୟଙ୍କ ଗୋଡ଼ ମାପରେ ଚପଲ ତିଆରି ହେବ। ଫଳରେ ସାଇଜ୍ ନେଇ ଆଉ କୌଣସି ସମସ୍ୟା ହେବ ନାହିଁ। ପୂର୍ବରୁ ଜୋତା ଏବଂ ଚପଲ ଆମେରିକୀୟ କିମ୍ବା ୟୁରୋପୀୟଙ୍କ ମାପରେ ହେଉଥିଲା। ଏଥିପାଇଁ ଆମ ଦେଶର ଲୋକଙ୍କ ପାଦକୁ ଏହା ଫିଟ୍ ହେଉ ନଥିଲା। ବାସ୍ତବରେ, ଆମେରିକୀୟ ଏବଂ ୟୁରୋପୀୟମାନଙ୍କ ତୁଳନାରେ ଭାରତୀୟଙ୍କ ପାଦ ଅଧିକ ଟିକେ ଅଧିକ ଚୌଡ଼ା। କମ୍ପାନୀଗୁଡିକ ଆମେରିକୀୟ କିମ୍ବା ୟୁରୋପୀୟମାନଙ୍କ ପାଦର ଲମ୍ବ ଏବଂ ମୋଟେଇ ଆଧାରରେ ଜୋତା ଏବଂ ଚପଲ ତିଆରି କରୁଛନ୍ତି। ଫଳରେ ଜୋତା ମାପରେ ସମସ୍ୟା ଦେଖା ଦେଉଛି। ହେଲେ ବର୍ତ୍ତମାନ ଆଉ ଏମିତି ହେବ ନାହିଁ, ଏହି ସିଷ୍ଟମ୍ ପରିବର୍ତ୍ତନ ହେବାକୁ ଯାଉଛି। ବର୍ତ୍ତମାନ ଜୁତା ଓ ଚପଲ ପାଇଁ ଭାରତୀୟ ମାନକ ତିଆରି ଚାଲିଛି। ଆସନ୍ତା ବର୍ଷ ଅର୍ଥାତ୍ ୨୦୨୫ ଠାରୁ, କମ୍ପାନୀଗୁଡିକ ଭାରତୀୟଙ୍କ ପାଇଁ ଜୋତା ତିଆରି କରିବେ। ଏଥିପାଇଁ ‘ଭା (Bha)’ କୋଡ଼ ରଖାଯାଇଛି, ଯାହାର ଅର୍ଥ ଭାରତରୁ ଆସୁଛି। ଏଥିପାଇଁ ଖାଲି ବ୍ୟୁରୋ ଅଫ୍ ଇଣ୍ଡିଆନ୍ ଷ୍ଟାଣ୍ଡାର୍ଡରୁ ସ୍ୱୀକୃତି ମିଳିବା ବାକି ରହିଛି। ପଢ଼ନ୍ତୁ -ଇଲେକ୍ଟ୍ରୋନିକ୍ସ ସେଗ୍‌ମେଣ୍ଟରେ ଅମ୍ବାନୀଙ୍କ ଏଣ୍ଟ୍ରି! ଇଲେକ୍ଟ୍ରିକ୍ ବଲ୍ଭ ଠାରୁ ଆରମ୍ଭ କରି ଟିଭି, ଫ୍ରିଜ୍ ତିଆରି କରିବ ରିଲାଏ ନ୍ସ ଭାରତୀୟଙ୍କ ପାଦକୁ ନେଇ ହୋଇଛି ସର୍ଭେ ଭାରତୀୟଙ୍କ ପାଦର ଆକୃତି ଓ ଆକାର ଜାଣିବାକୁ କାଉନସିଲ୍ ଅଫ୍ ସାଇଣ୍ଟିଫିକ୍ ଆଣ୍ଡ ଇଣ୍ଡଷ୍ଟ୍ରିଆଲ୍ ରିସର୍ଚ୍ଚ ଏବଂ ସେଣ୍ଟ୍ରାଲ୍ ଲେଦର ରିସର୍ଚ୍ଚ ଇନ୍‌ଷ୍ଟିଟ୍ୟୁଟ୍ ସମଗ୍ର ଭାରତରେ ଏକ ସର୍ଭେ କରିଥିଲା। ଏଥିରେ ଜଣାପଡ଼ିଥିଲା ଯେ ମହିଳାଙ୍କ ପାଦର ଆକାର ୧୧ ବର୍ଷ ବୟସ ପର୍ଯ୍ୟନ୍ତ ବଢ଼ିଥାଏ। କିନ୍ତୁ ପୁରୁଷମାନଙ୍କରେ ଏହା ୧୫-୧୬ ବର୍ଷ ପର୍ଯ୍ୟନ୍ତ ବଢ଼ି ଚାଲିଥାଏ। ଡିସେମ୍ବର ୨୦୨୧ ରୁ ମାର୍ଚ୍ଚ ୨୦୨୨ ମଧ୍ୟରେ ଏହି ସର୍ଭେ କରାଯାଇଥିଲା। ସର୍ଭେରେ ପାଞ୍ଚଟି ଭୌଗୋଳିକ କ୍ଷେତ୍ରରେ ୭୯ ଟି ସ୍ଥାନରେ ରହୁଥିବା ପ୍ରାୟ ୧,୦୧,୮୮୦ ଲୋକଙ୍କୁ ଏଥିରେ ସାମିଲ୍ କରାଯାଇଥିଲା। କେବଳ ସେତିକି ନୁହେଁ, ଭାରତୀୟ ପାଦର ଆକୃତି, ପରିମାପ ଏବଂ ଗଠନ ବୁଝିବା ପାଇଁ 3D ଫୁଟ ସ୍କାନିଂ ମେସିନ୍‌ର ବ୍ୟବହାର କରାଯାଇଥିଲା। ମାପ ହେଉ ନଥିବାରୁ ୫୦ ପ୍ରତିଶତ ଜୋତା ହେଉଛି ରିଟର୍ଣ୍ଣ ଏହି ପରିବର୍ତ୍ତନର ସବୁଠାରୁ ବଡ଼ କାରଣ ହେଉଛି ଭାରତର ବଡ ବଜାର। ପ୍ରତ୍ୟେକ ଭାରତୀୟଙ୍କର ହାରାହାରି ୧.୫ଟି ଜୋତା ରହିଛି। ତେବେ ଠିକ୍ ମାପ ନହେବା ଯୋଗୁ ଅନ୍‌ଲାଇନ୍‌ରେ କିଣାଯାଇଥିବା ୫୦ ପ୍ରତିଶଥ ଜୋତା ଫେରସ୍ତ କରାଯାଇଥାଏ। ନୂଆ ସିଷ୍ଟମରେ ଲାଗୁ ହେଲେ କମ୍ପାନୀଗୁଡିକ ସାଇଜ୍ ୧୦ ପରିବର୍ତ୍ତେ ୮ ଆକାରରେ ଜୋତା ତିଆରି କରିବାକୁ ପଡ଼ିବ।

ଶେଷ ପର୍ଯ୍ୟନ୍ତ ଲଢିଲା ଗୁଜରାଟ, ରୋମାଞ୍ଚକର ମୁକାବିଲାରେ ବାଜି ମାରିଲା ଦିଲ୍ଲୀ

ନୂଆଦିଲ୍ଲୀ: ଆଇପିଏଲରେ ଆଜି ପୁଣି ଆଉ ଏକ ରୋମାଞ୍ଚକର ମୁକାବିଲା ଦେଖିବାକୁ ମିଳିଛି। ଟୁର୍ଣ୍ଣାମେଣ୍ଟର ୪୦ତମ ହାଇସ୍କୋରିଂ ମ୍ୟାଚ୍‌ରେ ଶେଷ ବଲ୍‌ରେ ବାଜି ମାରି ନେଇଛି ଦିଲ୍ଲୀ କ୍ୟାପିଟାଲ୍ସ। ଘରୋଇ ମଇଦାନରେ ଦଳ ଗୁଜରାଟ ଟାଇଟନ୍ସକୁ ୪ ରନରେ ପରାସ୍ତ କରିଛି। ଦିଲ୍ଲୀ ଦ୍ଵାରା ଧାର୍ଯ୍ୟ ୨୨୫ରନର ବିଜୟ ଲକ୍ଷ୍ୟକୁ ପିଛା କରି ଗୁଜରାଟ୍ ୮ ଓ୍ଵିକେଟ୍ ହରାଇ ୨୨୦ ରନ କରିପାରିଛି। ସାଇ ସୁଦର୍ଶନ ୬୫ ରନ ଓ ଡେଭିଡ୍ ମିଲରଙ୍କ ବିସ୍ଫୋରକ ୫୫ ରନ କରିଥିଲେ ହେଁ ତାହା ଦଳ ପାଇଁ ଯଥେଷ୍ଟ ନ ଥିଲା। ପ୍ରଥମେ ବ୍ୟାଟିଂ କରିଥିବା ଦିଲ୍ଲୀ କ୍ୟାପିଟାଲ୍ସ ଅଧିନାୟକ ଋଷଭ ପନ୍ତଙ୍କ ବିସ୍ଫୋରକ ଅପରାଜିତ ୮୮ ରନ ଓ ଅକ୍ଷର ପଟେଲ୍‌ଙ୍କ ୬୬ ରନ ବଳରେ ୪ ଓ୍ଵିକେଟ୍ ହରାଇ ୨୨୪ ରନର ବିଶାଳ ସ୍କୋର କରିଥିଲା। ବୋଲିଂରେ ଦିଲ୍ଲୀର କୁଲଦୀପ ଯାଦବ ୨୯ ରନ ଦେଇ ୨ଟି ଓ୍ଵିକେଟ୍ ନେଇଛନ୍ତି। ରଶିଖ ଡାର ସଲାମ ୪୪ ରନ ଦେଇ ୩ଟି ଓ୍ଵିକେଟ୍ ନେଇଥିଲେ। ଦିଲ୍ଲୀ ନବମ ମ୍ୟାଚ୍‌ରୁ ୪ଟି ବିଜୟ ଓ ୮ ପଏଣ୍ଟ ସହ ଷଷ୍ଠ ସ୍ଥାନକୁ ଉଠିଛି। ଅନ୍ୟପଟେ ଗୁଜରାଟ ସମାନ ମ୍ୟାଚ୍‌ରୁ ୫ମ ପରାଜୟ ଭୋଗିଛି।

ସାଧାରଣ ନିର୍ବାଚନ-୨୦୨୪ ପାଇଁ ଜିଲାର ନିର୍ବାଚନ ପ୍ରସ୍ତୁତି ନେଇ ସମୀକ୍ଷା

ଫୁଲବାଣୀ:ଜିଲା ନିର୍ବାଚନ ଅଧିକାରୀ -ତଥା- କନ୍ଧମାଳ ଜିଲାପାଳ ଆଶିଷ ଈଶ୍ୱର ପାଟିଲ୍ ଆଜି ସଦ୍ଭାବନା ସଭାଗୃହରେ ଆଗାମୀ ଏକକାଳୀନ ସାଧାରଣ ନିର୍ବାଚନ-୨୦୨୪ ପାଇଁ ଜିଲାର ନିର୍ବାଚନ ପ୍ରସ୍ତୁତି ନେଇ ସମୀକ୍ଷା କରିଛନ୍ତି। ନିର୍ବାଚନ ଆୟୋଗଙ୍କ ଘୋଷଣା ଅନୁଯାୟୀ କନ୍ଧମାଳ ଜିଲାରେ ପଞ୍ଝମ ପର୍ଯ୍ୟାୟର କାର୍ଯ୍ୟସୂଚୀ ଅନୁଯାୟୀ ମତଦାନ ହେବ। ୨୬.୦୪.୨୦୨୪ରିଖରେ ଗେଜେଟ୍ ବିଜ୍ଞପ୍ତି ପ୍ରକାଶନ ହେବ। ମେ ୩ ତାରିଖ ସୁଦ୍ଧା ନାମାଙ୍କନ ପତ୍ର ଦାଖଲ କରାଯିବ ଏବଂ ୬ ତାରିଖ ସୁଦ୍ଧା ପ୍ରାର୍ଥୀପତ୍ର ପ୍ରତ୍ୟାହାର ହୋଇପାରିବ […]

ଲାଡେନ ପିନ୍ଧିଥିବା ଏହି ଘଣ୍ଟା ବାବଦରେ ଜାଣିଛନ୍ତି କି ରୋଚକ କଥା!

ନୂଆଦିଲ୍ଲୀ: ଆତଙ୍କବାଦୀ ସଂଗଠନ ଅଲକାଏଦା ମୁଖ୍ୟ ଥିବା ଓସାମା ବିନ୍ ଲାଡେନ ଏପରି ଏକ ଆତଙ୍କବାଦୀ ଥିଲା, ଯାହାର ମୃତ୍ୟୁ ପରେ ବି ଏବେ ବି ଅନେକ ସମୟରେ ତାକୁ ନେଇ ଚର୍ଚ୍ଚା ହୋଇଥାଏ | ବାସ୍ତବରେ ଓସାମା ବିନ୍ ଲାଡେନ ହାତରେ ଏକ ବିଶେଷ ପ୍ରକାରର ଘଣ୍ଟା ଥିଲା | ଯଦିଓ ଏହା କ୍ୟାସିଓର ଏକ ବହୁତ ଲୋକପ୍ରିୟ ଘଣ୍ଟା, କିନ୍ତୁ ଓସାମା ସମୟରେ ଆତଙ୍କବାଦୀମାନେ ଏହାକୁ ପ୍ରତୀକ ଭାବରେ ବ୍ୟବହାର କରିଥିଲେ | ଆସନ୍ତୁ […]

ସ୍ୱଚ୍ଛ ଓ ମୁକ୍ତ ନିର୍ବାଚନ ପ୍ରକ୍ରିୟା ହେଉଛି ଭାରତୀୟ ଗଣତନ୍ତ୍ରର ମୂଳସ୍ତମ୍ଭ

ଭୁବନେଶ୍ୱର: ସ୍ୱଚ୍ଛ ଓ ମୁକ୍ତ ନିର୍ବାଚନ ପ୍ରକ୍ରିୟା ହେଉଛି ଭାରତୀୟ ଗଣତନ୍ତ୍ରର ମୂଳସ୍ତମ୍ଭ। ଭାରତୀୟ ଗଣତନ୍ତ୍ର ସମଗ୍ର ବିଶ୍ୱରେ ଏହାର ମୁକ୍ତ, ଅବାଧ, ନିରପେକ୍ଷ ଓ ତ୍ରୁଟିଶୂନ୍ୟ ନିର୍ବାଚନ ପ୍ରକ୍ରିୟା ପାଇଁ ପ୍ରସିଦ୍ଧ। ଏହି ପ୍ରତିଷ୍ଠାକୁ ବଜାୟ ରଖ#ବା ପାଇଁ ଓ ନିର୍ବାଚନ ପ୍ରକ୍ରିୟାକୁ ସ୍ୱଚ୍ଛ, ମୁକ୍ତ ଓ ଅବାଧ କରିବା ପାଇଁ ପ୍ରବର୍ତ୍ତନ ସଂସ୍ଥାଗୁଡ଼ିକର ମହତ୍ତ୍ୱପୂର୍ଣ୍ଣ ଭୂମିକା ରହିଛି। ଆଜି ମୁଖ୍ୟ ନିର୍ବାଚନ ଅଧିକାରୀ ନିକୁଞ୍ଜ ବିହାରୀ ଧଳ ଭୁବନେଶ୍ୱର ଖାରବେଳ ଭବନର ସମ୍ମିଳନୀ କକ୍ଷରେ […]