ସୁପ୍ରିମକୋର୍ଟକୁ ପହଞ୍ଚିଲା ନିର୍ବାଚନ ଆୟୋଗଙ୍କ ବିହାର ଭୋଟର ସୂଚୀ ପୁନରୀକ୍ଷଣ ମାମଲା, ତତ୍କାଳ ରୋକ ଲଗାଇବାକୁ ଦାବି

ନୂଆଦିଲ୍ଲୀ ୫।୭: ଆସୋସିଏସନ ଅଫ ଡେମୋକ୍ରାଟିକ୍ ରିଫର୍ମ (ଏଡିଆର) ନିର୍ବାଚନ ଆୟୋଗ (ଇସିଆଇ)ଙ୍କ ବିହାର ଭୋଟର ଲିଷ୍ଟର ବିଶେଷ ଗହନ ପୁନରୀକ୍ଷଣ (ଏସଆଇଆର) ନିଷ୍ପତ୍ତିକୁ ସୁପ୍ରିମକୋର୍ଟରେ ଚ୍ୟାଲେଞ୍ଜ କରିଛି। ସମ୍ବିଧାନର ଅନୁଚ୍ଛେଦ ୩୨ ଅନୁସାରେ ରୁଜୁ ଜନସ୍ୱାର୍ଥ ମାମଲାରେ ଇସିଆଇଙ୍କ ଏସଆଇଆର ନିଷ୍ପତ୍ତି ଉପରେ ତୁରନ୍ତ ରୋକ ଲଗାଇବାକୁ ଦାବି କରାଯାଇଛି। ଆବେଦନରେ କୁହାଯାଇଛି ଯେ ନିର୍ବାଚନ ଆୟୋଗ ନାଗରିକତା ସାବ୍ୟସ୍ତ କରିବା ପାଇଁ ଏପରି ନଥିପତ୍ର ଚାହୁଁଛନ୍ତି, ଯେଉଁଥି ପାଇଁ ଅନୋକ ଭୋଟର ଭୋଟଦାନରୁ ବଞ୍ଚିତ ହୋଇପାରନ୍ତି। ଏହା ସହିତ ଆୟୋଗଙ୍କ ନିଷ୍ପତ୍ତି ସମ୍ବିଧାନର ଅନୁଚ୍ଛେଦ ୧୪, ୧୯, ୨୧, ୩୨୫ ଓ ୩୨୬ର ଉଲ୍ଲଂଘନ କରୁଛି । କେବଳ ଏତିକି ନୁହେଁ ଆୟୋଗଙ୍କ ନିଷ୍ପତ୍ତି ଜନ ପ୍ରତିନିଧି ଆଇନ ୧୯୫୦ର ଧାରା ୨୧(ଏ) ଓ ଭୋଟର ପଞ୍ଜିକରଣ ଆଇନ ୧୯୬୦ର ବିରୋଧାଚରଣ କରୁଛି। ଯେଉଁଥିରେ ପୂର୍ବରୁ ଥିବା ଭୋଟରଙ୍କୁ ଏବେ ନାଗରିକତାର ପ୍ରମାଣ ଦେବାକୁ ପଡୁଛି। ତେବେ ସବୁଠୁ ଚିନ୍ତାର କାରଣ ଯାହା ତାହା ହେଉଛି ଆୟୋଗ ଆଧାରକାର୍ଡ, ରେସନ କାର୍ଡ ଓ ଅନ୍ୟ ନଥିପତ୍ରକୁ ପ୍ରମାଣ ଭାବେ ଗ୍ରହଣ ନକରିବା । ଇସିଆଇଙ୍କ ଏହି ନିଷ୍ପତ୍ତି କାରଣରୁ ରାଜ୍ୟର କୋଟି କୋଟି ଗରିବ ଲୋକେ ଭୋଟ ଦାନରୁ ବଞ୍ଚିତ ହେବେ। ଏଡିଆର ପକ୍ଷରୁ କରାଯାଇଥିବା ନିବେଦନରେ କୁହାଯାଇଛି ଯେ ଭୋଟର ସୂଚୀର ବିଶେଷ ଗହନ ପୁନରୀକ୍ଷଣ କରିବା ପାଇଁ ନିଷ୍ପତ୍ତିର ଦୃଢ କାରଣ ମଧ୍ୟ ଜଣାଇ ନାହାନ୍ତି। ଜନପ୍ରତିନିଧିତ୍ୱ ଆଇନ ୧୯୫୦ର ଧାରା ୨୧(୩) ଅନୁସାରେ ନିର୍ବାଚନ ଆୟୋଗଙ୍କୁ ମଜଭୁତ କାରଣ ଆଧାରରେ ବିଶେଷ ପୁନରୀକ୍ଷଣ କରିବାର ଅଧିକାର ରହିଛି। ହେଲେ ବିହାର ବିଧାନସଭା ନିର୍ବାଚନ ପାଇଁ ଆୟୋଗ କୌଣସି ମଜଭୁତ କାରଣ ଦର୍ଶାଇ ନାହାନ୍ତି। ଆବେଦନରେ କୁହାଯାଇଛି ଯେ ନିର୍ବାଚନ ଆୟୋଗ ଅକ୍ଟୋବର ୨୦୨୪ରୁ ଜାନୁୟାରୀ ୨୦୨୫ ପର୍ଯ୍ୟନ୍ତ ଭୋଟର ସୂଚୀର ଆଂଶିକ ସମୀକ୍ଷା କରିଥିଲେ ଓ ଏଥିରେ ସେପରି ବଡ଼ ଧରଣର ତ୍ରୁଟି ବିଚ୍ୟୁତି ସାମ୍ନାକୁ ଆସିନଥିଲା। ଏଣୁ ବିହାର ବିଧାନସଭା ନିର୍ବାଚନର ମାତ୍ର କିଛି ମାସ ପୂର୍ବରୁ ବିଶେଷ ଅଭିଯାନ ଚଳାଇବାର ନିଷ୍ପତ୍ତି ଗୁରୁତର ପ୍ରଶ୍ନବାଚୀ ସୃଷ୍ଟି କରିଛି। ଆବେଦନରେ କୁହାଯାଇଛି ଯେ ବିହାର ଭଳି ରାଜ୍ୟରେ ଏତେ କମ ସମୟରେ ଭୋଟର ଲିଷ୍ଟର ଗହନ ପୁନରୀକ୍ଷଣ କରିବା ସମ୍ଭବ ନୁହେଁ। ଏହା ଛଡା ଏପରି ନିଷ୍ପତ୍ତି ଯୋଗୁ ଅନେକ ଭୋଟର ଭୋଟଦାନରୁ ବଞ୍ଚିତ ହୋଇ ପାରନ୍ତି। ଏଣୁ ଆବେଦନରେ ନିର୍ବାଚନ ଆୟୋଗଙ୍କ ନିଷ୍ପତ୍ତି ଉପରେ ତୁରନ୍ତ ରୋକ ଲଗାଇବାକୁ ନିବେଦନ କରାଯାଇଛି। ବିହାରରେ ଦାରିଦ୍ର୍ୟତା ଓ ପ୍ରବାସୀ ଶ୍ରମିକ ଏକ ବଡ଼ ପ୍ରସଙ୍ଗ। ଏହା ଛଡା ରାଜ୍ୟର ଏକ ବିଶାଳ ଜନସଂଖ୍ୟା ପାଖରେ ଜନ୍ମ ପ୍ରମାଣ ପତ୍ର ଅଥବା ନିଜ ମାତା-ପିତାଙ୍କ ରେକର୍ଡ ଭଳି ଆବଶ୍ୟକ କାଗଜପତ୍ର ନାହିଁ। ଏଣୁ ଶୀର୍ଷ ନ୍ୟାୟାଳୟଙ୍କୁ ତତ୍କାଳ ଏହି ମାମଲାରେ ଦଖଲ ଦେବା ସହ ଆୟୋଗଙ୍କ ନିଷ୍ପତ୍ତି ଉପରୋ ରୋକ ଲଗାଇବାକୁ ନିବେଦନ କରାଯାଇଛି।

କେରଳରେ ପୁଣି ବ୍ୟାପୁଛି ନିପାହ ଭାଇରସ, ୩୦୦ରୁ ଅଧିକ ସଂକ୍ରମିତ

ତିରୁଅନନ୍ତପୁମ ୫।୭: ଦେଶର ଦକ୍ଷିଣ ରାଜ୍ୟ କେରଳରେ ପୁଣି ନିପାହ ଭାଇରସ ସଂକ୍ରମଣ ହେଉଛି। ସ୍ୱାସ୍ଥ୍ୟ ଅଧିକାରୀଙ୍କ ଅନୁସାରେ ୨ ଜଣଙ୍କ ଠାରେ ନିପାହ ଭାଇରସ ସଂକ୍ରମଣର ସମ୍ଭାବିତ ଲକ୍ଷଣ ଦେଖାଯିବା ପରେ ଶୁକ୍ରବାର ୩ ଜିଲ୍ଲାରେ ଆଲର୍ଟ ଜାରି କରାଯାଇଛି। କେରଳରେ ନିପାହ ଭାଇରସର ୨ଟି ମାମଲା ମିଳିବା ପରେ କେନ୍ଦ୍ର ସ୍ୱାସ୍ଥ୍ୟ ମନ୍ତ୍ରାଳୟ ସେଠାରେ ଜାତୀୟ ସଂଯୁକ୍ତ ପ୍ରକୋପ ପ୍ରତିକ୍ରିୟା ଦଳ( ଏନଜେଓଆରଟି) ମୁତୟନ ନିମନ୍ତେ ବିଚାର କରୁଛି। ଏହି ଦଳ ସାର୍ବଜନିକ ସ୍ୱାସ୍ଥ୍ୟ ଉପାୟଗୁଡିକୁ ଲାଗୁ କରିବାରେ କେରଳ ସରକାରଙ୍କୁ ସହାୟତା କରିବ। ସୂତ୍ର ଅନୁସାରେ ଇଣ୍ଟିଗ୍ରେଟେଡ ଡିଜିଜ ସର୍ଭିଲାନ୍ସ ପ୍ରୋଗ୍ରାମ (ଆଇଡିଏସପି)ର କେନ୍ଦ୍ରୀୟ ନିରୀକ୍ଷଣ ୟୁନିଟି ଏନସିଡିସି ଏବେ ରାଜ୍ୟ ୟୁନିଟ୍ ସହିତ ସମ୍ପର୍କରେ ରହିଛି ଓ ପରିସ୍ଥିତି ଉପରେ ସକ୍ରିୟ ନଜର ରଖିଛି। ଏହା ଛଡା ବିଭିନ୍ନ ନିୟନ୍ତ୍ରଣ ଗିତିବିଦ୍ଧିର ସମନ୍ୱୟ ନିମନ୍ତେ ରାଜ୍ୟ ନିୟନ୍ତ୍ରଣ କକ୍ଷକୁ ସକ୍ରିୟା କରାଯାଇଛି। ଏକ ସୂତ୍ର ଅନୁସାରେ ଚିହ୍ନଟ ହୋଇଥିବା ମାମଲା ମହାମାରୀ ବିଜ୍ଞାନ ଦୃଷ୍ଟିରୁ ଜଣେ ଜଣଙ୍କ ସହିତ ସମ୍ପର୍କିତ ନୁହନ୍ତି। ତେବେ ସେମାନଙ୍କ ଲକ୍ଷଣ ଓ ସାମାଜିକ ସମ୍ପର୍କ ଯାଞ୍ଚ କରାଯାଉଛି। ଏଥିରେ ଏ ପର୍ଯ୍ୟନ୍ତ ୩ ଜିଲ୍ଲା ପଲ୍ଲକଡ଼, ମଲ୍ଲପୁରମ ଓ କୋଝିକୋଡରେ ୩୦୦ରୁ ଅଧିକ ସମ୍ପର୍କ ଠାବ କରାଯାଇଛି। ଏଣୁ କେରଳର ସବୁଠୁ ପ୍ରଭାବିତ ଜିଲ୍ଲାମାନଙ୍କର ବିଭିନ୍ନ କ୍ଷେତ୍ରରେ ୨୬ ସ୍ୱତନ୍ତ୍ର ଟିମ୍ ମୁତୟନ କରାଯାଇଛି। ଏମାନେ କଣ୍ଟାକ୍ଟ ଟ୍ରେସିଂ, ଲକ୍ଷଣ ଉପରେ ନଜର ରଖିବା ଓ ଲୋକଙ୍କୁ ସଚେତନ କରିବା ଦିଗରେ କାମ କରୁଛନ୍ତି। ସେହିପରି ରୋଗୀଙ୍କ ସମ୍ପର୍କରେ ଆସିଥିବା ଲୋକଙ୍କ ଚିହ୍ନଟ ନିମନ୍ତେ ପୋଲିସ ସହାୟତା ନିଆଯାଇଛି। ଏହା ଛଡା ଜିଲ୍ଲା କଲେକ୍ଟରଙ୍କୁ କଣ୍ଟେନମେଣ୍ଟ ଜୋନ ତିଆରି କରିବାକୁ କୁହାଯାଇଛି। ସେହିପରି ଅଧିକାରୀଙ୍କୁ ଏହା ବି ନିର୍ଦ୍ଦେଶ ଦିଆଯାଇଛି ଯେ ନିକଟ ସପ୍ତାହମାନଙ୍କରେ କୌଣସି ଅପ୍ରାକୃତିକ ଓ ଅପୁଷ୍ଟ ମୃତ୍ୟୁ ହୋଇଛି କି ଏହା ଯାଞ୍ଚ କରନ୍ତୁ। ଏହା ପୂର୍ବରୁ ଗତ ମେ ମାସରେ କେରଳରେ ନିପାହ ମାମଲା ରିପୋର୍ଟ କରାଯାଇଥିଲା। ମେ ୮ ତାରିଖ ଦିନ କେରଳ ମଲ୍ଲପୁରମ ଜିଲ୍ଲାରେ ଜନୈକା ୪୨ ବର୍ଷ ବୟଷ୍କା ମହିଳାଙ୍କ ଠାରେ ନିପାହ ଭାଇରସ ସଂକ୍ରମଣ ପୁଷ୍ଟି ହୋଇଥିଲା ଓ ତାଙ୍କୁ ଭେଣ୍ଟିଲେଟରରେରଖା ଯାଇଥିଲା।

ଗିଲ୍‌ଙ୍କ ଧମାକାଦାର ଶତକ, ଇଂଲଣ୍ଡକୁ ୬୦୮ ରନର ଟାର୍ଗେଟ୍ ଦେଲା ଭାରତ

ଏଜବାଷ୍ଟନ: ଏଜବାଷ୍ଟନ ଟେଷ୍ଟରେ ଭାରତୀୟ ବ୍ୟାଟରଙ୍କ ରାଜୁତି।ଇଂଲଣ୍ଡକୁ ୬୦୮ ରନର ବିଶାଳ ଟାର୍ଗେଟ୍ ଦେଲା ଭାରତ।ଦ୍ଵିତୀୟ ଇନିଂସରେ ଭାରତ୬ଓ୍ଵିକେଟ୍ ହରାଇ ୪୨୭ରନ କରିବା ସହ ପ୍ରଥମ ଇନିଂସରେ୧୮୦ ରନଅଗ୍ରଣୀ ଆଧାରରେ ଘରୋଇ ଦଳକୁ୬୦୮ ରନର ବିଶାଳ ଟାର୍ଗେଟ୍ ଦେଇଛି। ଅଧିନାୟକ ଶୁଭମନ ଗିଲ୍ଙ୍କ ୧୬୧ ରନ ବଳରେ ଭାରତ ଦ୍ଵିତୀୟ ଇନିଂସରେ ୬ ଓ୍ଵିକେଟ୍ ହରାଇ ୪୨୭ ରନରେ ପାଳି ସମାପ୍ତି ଘୋଷଣା କରିଛି। ଗିଲ୍‌ଙ୍କ ବ୍ୟତୀତ ରବୀନ୍ଦ୍ର ଜାଡ଼େଜା ଅପରାଜିତ ୬୯ ରନ ଓ ଋଷଭ ପନ୍ତ ୬୫ ରନର ବିସ୍ଫୋରକ ଇନିଂସ ଖେଳିଛନ୍ତି।

ପୁରୀ ପରେ ବାଲେଶ୍ଵରକୁ ମହାନଗର କରିବାକୁ ଦାବି କଲେ ଶାସକ-ବିରୋଧୀ

ଭୁବନେଶ୍ଵର: ଜୋର ଧରିଲା ମହାନଗର ନିଗମ ରାଜନୀତି। ପୁରୀ ପରେ ଏବେ ବାଲେଶ୍ବରକୁ ମହାନଗର ନିଗମ କରିବାକୁ ଜୋର ଧରିଲାଣି ଦାବି। ବାଲେଶ୍ବର ପାଇଁ ଉଭୟ ଶାସକ ଓ ବିରୋଧୀ ଦଳର ସଦସ୍ୟ ଦାବି ଉଠାଇଲେଣି। ବିଜେଡି କହିଛି ବାଲେଶ୍ବରକୁ ମହାନଗର ନିଗମରେ ପରିଣତ କରିବାକୁ ବହୁ ଆଗରୁ ଦାବି ହୋଇଆସୁଛି। ଅନ୍ୟପଟେ କଂଗ୍ରେସ କହିଛି ବାଲେଶ୍ବରକୁ ଉପେକ୍ଷା କରିଛନ୍ତି ଡବଲ ଇଞ୍ଜିନ ସରକାର। ସେପଟେ ଶାସକ ଦଳ ସଦସ୍ୟ ମଧ୍ୟ ବାଲେଶ୍ବରକୁ ମହାନଗର ନିଗମ କରିବାକୁ ଦାବି କରିଛନ୍ତି। ବାଲେଶ୍ବର ପାଇଁ ଉଭୟ ଶାସକ ଓ ବିରୋଧୀ ଦଳର ସଦସ୍ୟ ଦାବି ଊଠାଇଲେଣି। ବିଜେଡି କହିଛି ବାଲେଶ୍ବରକୁ ମହାନଗର ନିଗମରେ ପରିଣତ କରିବାକୁ ବହୁ ଆଗରୁ ଦାବି ହୋଇଆସୁଛି। ବିଜେଡି ସରକାର ସମୟରେ ମଧ୍ୟ ଏନେଇ ପ୍ରକ୍ରିୟା ଆରମ୍ଭ ହୋଇଥିଲା। ଅନ୍ୟପଟେ କଂଗ୍ରେସ କହିଛି ବାଲେଶ୍ବରକୁ ଉପେକ୍ଷା କରିଛନ୍ତି ଡବଲ ଇଞ୍ଜିନ ସରକାର। ମଧ୍ୟ ଓଡ଼ିଶାରୁ ଭୁବନେଶ୍ବର, କଟକ ଓ ପୁରୀ ଏବଂ ପଶ୍ଚିମ ଓଡ଼ିଶାରୁ ସମ୍ବଲପୁର ଓ ରାଉରକେଲା ଏବଂ ଦକ୍ଷିଣ ଓଡିଶାରୁ ବ୍ରହ୍ମପୁରକୁ ମହାନଗର ନିଗମ କରାଯାଇଛି।ତେବେ ଉତ୍ତର ଓଡ଼ିଶାକୁ କାହିଁକି ଏତେ ଅବହେଳା ପ୍ରଦର୍ଶନ କରାଯାଉଛି।ବାଲେଶ୍ବର ସଂସ୍କୃତି ଓ ବାଣିଜ୍ୟକ କ୍ଷେତ୍ର ଭାବରେ ପରିଚିତ। କେବଳ ବିରୋଧୀ ନୁହେଁ ଶାସକ ଦଳ ସଦସ୍ୟ ମଧ୍ୟ ବାଲେଶ୍ବରକୁ ମହାନଗର ନିଗମ କରିବାକୁ ଦାବି କରିଛନ୍ତି। ସରକାରୀ ଉପ ମୁଖ୍ୟସଚେତକ ଗୋବିନ୍ଦ ଦାସ କହିଛନ୍ତି ବାଲେଶ୍ଵରବାସୀଙ୍କର ମଧ୍ୟ ଦାବି ବାଲେଶ୍ଵରକୁ ମହାନଗର ନିଗମ ଭାବେ ଘୋଷଣା କରାଯାଉ। ବାଲେଶ୍ଵରରେ ଭିତ୍ତିଭୂମି ଅଛି। ପ୍ରତିରକ୍ଷା ଓ ଶିଳ୍ପାଞ୍ଚଳ ଦୃଷ୍ଟି କୋଣରୁ ବେଶ ଗୁରୁତ୍ଵପୂର୍ଣ୍ଣ ସ୍ଥାନ। ବିଧାୟକମାନେ ଏକଥା ରଖି ସାରିଛନ୍ତି। ନଗର ଉନ୍ନୟନ ମନ୍ତ୍ରୀ ମଧ୍ୟ ପ୍ରତିଶ୍ରୁତି ଦେଇଛନ୍ତି। ମୁଖ୍ୟମନ୍ତ୍ରୀ ଓ ବିଭାଗୀୟ ମନ୍ତ୍ରୀଙ୍କ ନିକଟରେ ଏନେଇ ଦାବି କରିବୁ ବୋଲି କହିଛନ୍ତି ଗୋବିନ୍ଦ ଦାସ। ଗତକାଲି ପୁରୀ ମହାନଗର ନିଗମ ଘୋଷଣା କରିଛନ୍ତି ମୁଖ୍ଯମନ୍ତ୍ରୀ। ପୁରୀ ନିଗମ ଘୋଷଣା କରିଛନ୍ତି ମୁଖ୍ୟମନ୍ତ୍ରୀ। ପୁରୀମହାନଗର ନିଗମରେ ପରିଣତ ହେଲେ ରାଜ୍ୟରେ ମହାନଗର ନିଗମ ସଂଖ୍ୟା ୬ରେ ପହଞ୍ଚିବ।

୮୬.୧୮ ମିଟର ଥ୍ରୋ, ଏନ୍‌ସି କ୍ଲାସିକ୍ ଟାଇଟଲ୍ ଜିତିଲେ ଗୋଲ୍ଡେନ ବୟ ନୀରଜ ଚୋପ୍ରା

ନୂଆଦିଲ୍ଲୀ: ଦୁଇ ଥର ଅଲିମ୍ପିକ୍ସ ପଦକ ବିଜେତା ଓ ପୂର୍ବତନ ବିଶ୍ୱ ଚାମ୍ପିଅନ ନୀରଜ ଚୋପ୍ରା ରେକର୍ଡ କରିଛନ୍ତି । ଭାରତର ଜାଭେଲିନ୍ ଥ୍ରୋ ସୁପରଷ୍ଟାର ନୀରଜ ଚୋପ୍ରା ଶନିବାର ନୀରଜ ଚୋପ୍ରା କ୍ଲାସିକ୍ (ଏନ୍‌ସି କ୍ଲାସିକ୍)ର ପ୍ରଥମ ସିଜିନର ଟାଇଟଲ୍ ଜିତିଛନ୍ତି । ବେଙ୍ଗାଲୁରୁର କାନ୍ତିରଭା ଷ୍ଟାଡିୟମରେ ଅନୁଷ୍ଠିତ ବିଶ୍ୱସ୍ତରୀୟ ଟୁର୍ଣ୍ଣାମେଣ୍ଟରେ ନୀରଜ ତାଙ୍କର କ୍ରମାଗତ ତୃତୀୟ ଟାଇଟଲ୍ ଜିତିଛନ୍ତି । ଏହା ପୂର୍ବରୁ ସେ ପ୍ୟାରିସ୍ ଡାଇମଣ୍ଡ ଲିଗ୍ ଏବଂ ପୋଲାଣ୍ଡର ଓଷ୍ଟ୍ରାଭାରେ ଗୋଲ୍ଡେନ ସ୍ପାଇକରେ ଟାଇଟଲ୍ ଜିତିଥିଲେ । ନୀରଜ ତାଙ୍କର ତୃତୀୟ ପ୍ରୟାସରେ ୮୬.୧୮ ମିଟର ଦୂରତା ସହିତ NC କ୍ଲାସିକ୍ ୨୦୨୫ ଟାଇଟଲ ଜିତିଛନ୍ତି । ୨୦୨୫ ବିଶ୍ୱ ଚାମ୍ପିଅନ୍ କେନିଆର ଜୁଲିୟସ୍ ୟେଗୋ ୮୪.୫୧ ମିଟର ସହିତ ଦ୍ୱିତୀୟ ସ୍ଥାନରେ ରହିଛନ୍ତି । ଶ୍ରୀଲଙ୍କାର ରୁମେଶ ପାଥିରାଗେ ୮୪.୩୪ ମିଟର ସହ ତୃତୀୟ ସ୍ଥାନ ଅଧିକାର କରିଥିଲେ । Neeraj Chopra shows exactly why he’s a champion! Brings out his A game in the third round with a massive 86.18m, taking the lead back from Rumesh Pathirage. The crowd is loving it! #NCClassic 2025 #GameOfThrows #CraftingVictories #NeerajChopra pic.twitter.com/QPvLFbbIgQ — Inspire Institute of Sport (@IIS_Vijayanagar) July 5, 2025 JSW ସ୍ପୋର୍ଟସ୍ ସହଯୋଗରେ ଏହି ପ୍ରତିଯୋଗିତା ଆୟୋଜିତ ହୋଇଥିଲା । ଏହାକୁ ଭାରତୀୟ ଆଥଲେଟିକ୍ସ ମହାସଂଘ (AFI) ଦ୍ୱାରା ଅନୁମୋଦିତ କରାଯାଇଥିଲା । ନୀରଜ ଚୋପ୍ରା କ୍ଲାସିକ୍ ପ୍ରତିଯୋଗିତାରେ ସାତ ଜଣ ଶ୍ରେଷ୍ଠ ଅନ୍ତର୍ଜାତୀୟ ଜାଭେଲିନ୍ ଥ୍ରୋଅର ସମେତ ୧୨ ଜଣ ଖେଳାଳି ଅଂଶଗ୍ରହଣ କରିଥିଲେ । ଚୋପ୍ରାଙ୍କ ସମେତ ପାଞ୍ଚ ଜଣ ଭାରତୀୟ ଖେଳାଳି ଏଥିରେ ଅଂଶଗ୍ରହଣ କରିଥିଲେ । ବିଶ୍ୱ ଆଥଲେଟିକ୍ସ NC କ୍ଲାସିକକୁ କ୍ଲାସ୍ A ମାନ୍ୟତା ଦେଇଛି । ଚୋପ୍ରା ଚଳିତ ବର୍ଷ ମେ ମାସରେ ୯୦ ମିଟର ଅତିକ୍ରମ କରିଥିଲେ । ଏନ୍‌ସି କ୍ଲାସିକ୍ ପୂର୍ବରୁ ସେ ୨୦୨୫ ଓଷ୍ଟ୍ରାଭା ଗୋଲ୍ଡେନ୍ ସ୍ପାଇକ୍‌ରେ ୮୫.୨୯ ମିଟରର ସର୍ବୋତ୍ତମ ପ୍ରୟାସ ସହିତ ଟାଇଟଲ ଜିତିଥିଲେ ।

ନିଜର ନଗ୍ନ ଫଟୋ ଉଠାଅ , ପରୱାର୍ଡ କର ... ଟାର୍ଗେଟ୍‌ ପୂରା ନହେବାରୁ କର୍ମଚାରୀଙ୍କୁ ଟକ୍ସିକ୍‌ ସଜା ଦେଲେ ବସ୍

ନୂଆଦିଲ୍ଲୀ : ଏକ ଜାପାନୀ କମ୍ପାନୀ ତାର ଟାର୍ଗେଟ୍‌ ପୂରଣ ନହେବାରୁ ନିଜର କର୍ମଚାରୀଙ୍କ ସହ ଘୃଣ୍ୟ କାର୍ଯ୍ୟ କରିଛି। ଅଭିଯୋଗ ଯେ , ଜାପାନୀ କମ୍ପାନୀ ନିୟୋ କର୍ପୋରେସନ ଖରାପ ପ୍ରଦର୍ଶନକୁ ନେଇ କେବଳ ଦରମା କାଟି ନାହିଁ, ବରଂ ୱାର୍କ ପ୍ଲେସ୍‌ରେ କର୍ମଚାରୀଙ୍କ ନଗ୍ନ ଫଟୋ ଉଠାଇବାକୁ ଓ ଏହାକୁ ଫରୱାର୍ଡ କରିବାକୁ ବାଧ୍ୟ କରିଥିଲା। ଏବେ ଏହି ଅଭିଯୋଗର ତଦନ୍ତ କରାଯାଉଛି। ମାମଲାଟି କଣ – ବାସ୍ତବରେ, ବିଦ୍ୟୁତ୍ କ୍ଷେତ୍ରର କମ୍ପାନୀ ନିୟୋ କର୍ପୋରେସନ ବିରୁଦ୍ଧରେ ଦାୟର ଏକ ମାମଲାରେ, ୫ଜଣ ପୂର୍ବତନ କର୍ମଚାରୀ ଅନେକ ଗୁରୁତର ଅଭିଯୋଗ ଲଗାଇ ଥିଲେ। ସାଉଥ୍ ଚାଇନା ମର୍ଣ୍ଣିଂ ପୋଷ୍ଟର ରିପୋର୍ଟ ଅନୁସାରେ , ଜଣେ ପୂର୍ବତନ କର୍ମଚାରୀ ଅଭିଯୋଗ କରିଥିଲେ ଯେ, କମ୍ପାନୀର ସେଲ୍ସ ମ୍ୟାନେଜମେଣ୍ଟ ତାଙ୍କୁ ନ୍ୟୁଡ୍ ବା ନଗ୍ନ ଫଟୋ ଉଠାଇବା ପାଇଁ ନିର୍ଦ୍ଦେଶ ଦେଇଥିଲେ। କର୍ମଚାରୀଙ୍କ କହିବାନୁସାରେ , କୁହାଯାଇ ଥିଲା ଯେ, ଯେବେ ବି ସେ ନିଜର ଡେଲି ସେଲ୍ସ ଟାର୍ଗେଟ୍‌କୁ ପୂରା କରିବାରେ ବିଫଳ ହୁଅନ୍ତି, ତ ତାଙ୍କୁ ନିଜର ନଗ୍ନ ଫଟୋ ଉଠାଇବାକୁ କୁହାଯାଉ ଥିଲା। ଏହାସହ ଫଟୋ ଗୁଡ଼ିକୁ ଅନ୍ୟ କର୍ମଚାରୀଙ୍କ ସହ ସେୟାର କରିବା ପାଇଁ ବାଧ୍ୟ କରାଯାଇ ଥିଲା। ପୂର୍ବତନ କର୍ମଚାରୀ ଦାବି କରିଛନ୍ତି ଯେ, ତାଙ୍କର ସିନିୟର କର୍ମଚାରୀ ନିୟମିତ ଭାବେ ସଜା ଭାବେ ତାଙ୍କର ଗୁପ୍ତାଙ୍ଗକୁ ସ୍ପର୍ଶ କରୁଥିଲେ। ପୂର୍ବତନ କର୍ମଚାରୀ କହିଛନ୍ତି ଯେ, ଯେତେବେଳେ ସେ ଅଭିଯୋଗ କରିବା ପାଇଁ ଶାଖା ପ୍ରବନ୍ଧକଙ୍କୁ ସଂପର୍କ କଲେ , ତାଙ୍କୁ ଥଟ୍ଟା ପରିହାସର ସାମ୍ନା କରିବାକୁ ପଡ଼ିଲା। ପ୍ରବନ୍ଧକ କଥିତ ଭାବେ କହିଥିଲେ ଯେ, ସମସ୍ତେ ଏହି ସ୍ଥିତି ଦେଇ ଗତି କରିଛନ୍ତି। କର୍ମଚାରୀ କହିଛନ୍ତି ଯେ ଲଗାତାର ଉତ୍ପୀଡ଼ନ ପରେ ସେ ଡିପ୍ରେସନକୁ ଚାଲି ଯାଇଥିଲେ। ରିପୋର୍ଟରେ ୱାର୍କପ୍ଲେସ୍‌ର ମାହୋଲରେ ଓଭରଟାଇମ୍‌ , ମୌଖିକ ଦୁର୍ବ୍ୟବହାର, ଆର୍ଥିକ ଶୋଷଣ ଓ ଶାରୀରିକ ଟର୍ଚର ବିଷୟରେ ସୂଚନା ମିଳିଲା। କିଛି କର୍ମଚାରୀମାନେ କହିଛନ୍ତି ଯେ, ସେମାନଙ୍କର ସେଲ୍ସ କମିଶନକୁ ମନଇଚ୍ଛା କାଟି ନିଆଯାଇ ଥିଲା। କିଛି ମାମଲାରେ , ତାଙ୍କୁ ନିଜର ବେତନର ଏକ ଭାଗ କମ୍ପାନୀକୁ ଫେରେଇବାକୁ ନିର୍ଦ୍ଦେଶ ଦିଆଯାଇ ଥିଲା। ଏବେ ପୀଡ଼ିତ କର୍ମଚାରୀ ୧୯ ମିଲିୟନ ୟେନ (ପାଖାପାଖି ୧,୩୨ ,୦୦୦ ଆମେରିକୀୟ ଡଲାର)ର ଜୋରିମନା ମାଗୁଛନ୍ତି। ଅଭିଯୋଗର ଗମ୍ଭୀରତା ସତ୍ତ୍ୱେ ନିୟୋ କର୍ପୋରେସନ ଦାବିର ଖଣ୍ଡନ କରିଛନ୍ତି। କମ୍ପାନୀର କହିବାନୁସାରେ , ମୋକଦ୍ଦମାରେ ତଥ୍ୟାତ୍ମକ ତ୍ରୁଟି ଥିଲା।

ସିଂହଦ୍ଵାରରେ ଲାଗିଲା ତିନି ରଥ, ରବିବାର ସୁନାବେଶରେ ଦର୍ଶନ ଦେବେ ଶ୍ରୀଜିଉ

ପୁରୀ: ଜନ୍ମବେଦୀ ଛାଡ଼ି ରତ୍ନବେଦୀ ଅଭିମୁଖେ ବାହୁଡ଼ା ଯାତ୍ରାରେସିଂହଦ୍ଵାରରେ ପହଞ୍ଚିଥିଲା ତିନି ରଥ।ମଙ୍ଗଳ ଆଳତିଠୁ ନେଇ ପହଣ୍ଡି ଏବଂ ଛେରା ପର୍ଯ୍ୟନ୍ତ ନୀତି ନିର୍ଦ୍ଧାରିତ ସମୟରେ ସଂପନ୍ନ ହେବା ପରେ ଅପରାହ୍ଣ ୩ଟାରୁ ରଥଟଣା ଆରମ୍ଭ ହୋଇଥିଲା।ପ୍ରଥମେ ତାଳଧ୍ଵଜ, ପରେ ଦର୍ପ ଦଳନ ଏବଂ ଶେଷରେ ନନ୍ଦିଘୋଷ ରଥ ସିଂହଦ୍ଵାର ସମ୍ମୁଖରେ ଲାଗିଛି।ଘଣ୍ଟଘଣ୍ଟା,ହୁଳହୁଳି ଓ ଶଙ୍ଖନାଦରେ ଉଚ୍ଛୁଳୁ ପଡ଼ୁଛି ବଡ଼ଦାଣ୍ଡ।ବାହୁଡ଼ାରେ ପୁଣି ଥରେ ଭକ୍ତ-ଭଗବାନ ଏକାକାର ହୋଇଛନ୍ତି।ବାହୁଡ଼ା ଯାତ୍ରାରେ ଶ୍ରୀବିଗ୍ରହଙ୍କ ରଥାରୂଢ ରୂପ ଦେଖିବାକୁ ଶ୍ରୀକ୍ଷେତ୍ରରେ ଲକ୍ଷ ଲକ୍ଷ ଲୋକଙ୍କ ସମାଗମ ଘଟିଛି।ଆସନ୍ତାକାଲି ଚତୁର୍ଦ୍ଧାମୂରତିଙ୍କ ସୁନାବେଶ ଅନୁଷ୍ଠିତ ହେବ। ଆଜି ନିର୍ଦ୍ଧାରିତ ସମୟରେ ଘୋଡ଼ା ଯୋଚା ପରେ ପ୍ରଥମେ ପ୍ରଭୁ ବଳଭଦ୍ରକଙ୍କ ଦର୍ପଦଳ ରଥ,ପରେ ଦେବୀ ସୁଭଦ୍ରାଙ୍କ ଦର୍ପଦଳନ ଓ ଶେଷରେ ମହାପ୍ରଭୁ ଜଗନ୍ନାଥଙ୍କ ନନ୍ଦିଘୋଷ ରଥ ଟଣା ଯାଇଥିଲା।ଏହା ପୂର୍ବରୁ ନିର୍ଦ୍ଧାରିତ ସମୟ ୧୦ଟାରେ ବାହୁଡ଼ା ପହଣ୍ଡି ଆରମ୍ଭ ଆରମ୍ଭ ହୋଇଥିଲା। ପ୍ରଥମେ ଚକ୍ରରାଜ ସୁଦର୍ଶନ ପହଣ୍ଡିରେ ଆସି ସୁଭଦ୍ରାଙ୍କ ଦର୍ପଦଳନ ରଥରେ ବିରାଜମାନ କରିଥିଲେ। ଏହା ପରେ ଟାହିଆ ସୁଶୋଭିତ ହୋଇ ଘଣ୍ଟ ବାଦ୍ୟ ତାଳେ ତାଳେ ହୁଳ ହୁଳିରେ ଧାଡ଼ି ପହଣ୍ଡିରେ ଆସିଥିଲେ ବଡ଼ ଭାଇ ବଳଭଦ୍ର। ଏହା ପରେ ଆସିଥିଲେ ଚକ୍ରରାଜ,ଓଡ଼ିଆଙ୍କ ମଉଡ଼ମଣି,କୋଟି ଆରାଧ୍ୟ ଦେବତା,ଜଗତର ନାଥ ଜଗନ୍ନାଥ। ଟାହିଆ ଲଗାଇ ସେବାୟତଙ୍କ ଘଣ୍ଟାବାଦ୍ୟ ତାଳେ ଝୁଲି ଝୁଲି ଧାଡ଼ି ପହଣ୍ଡିରେ ଆସିଥିଲେ ଚକାଆଖି। ତାଙ୍କର ଚୋକାଆଖି ଦେଖି ଆହ୍ଲାଦିତ ହୋଇ ଉଠିଥିଲେ ଶ୍ରଦ୍ଧାଳୁ। ଢଳି ଢଳି ଝୁଲି ଝୁଲି ଆସି ନନ୍ଦିଘୋଷ ରଥରେ ବିରାଜମାନ କରିଥିଲେ ମହାବାହୁ। ପାଖାପାଖି ୧୨ଟା ୩୦ରେ ବାହୁଡ଼ା ପହଣ୍ଡି ବିଜେ ନୀତି ସଂପନ୍ନ ହୋଇଥିଲା। ଏହା ପରେ ତିନି ରଥରେ ଶ୍ରୀ ମଦନ ମୋହନ, ଶ୍ରୀରାମ, ଶ୍ରୀକୃଷ୍ଣ ବିଜେ ନୀତି ସଂପନ୍ନ ହୋଇଥିଲା। ତିନି ବିଗ୍ରହଙ୍କ ଚିତା ଲାଗି ସହ ମଇଲମ ଓ ବେଶ ଶେଷ ୧ଟା ୧୫ରେ ହୋଇଥିଲା। ପ୍ରାୟ ୧ଟା ୩୦ରୁ ଛେରା ପହଁରା ନୀତି ଆରମ୍ଭ ହୋଇଥିଲା। ଗଜପତି ମହାରାଜ ଶ୍ରୀ ଦିବ୍ୟସିଂହ ଦେବ ତମଜାନରେ ଆସିଥିଲେ। ପ୍ରଥମେ ତାଳଧ୍ଵଜ ରଥରେ ଛେରାପହଁରା ନୀତି ଅନୁଷ୍ଠିତ ହୋଇଥିଲା। ଏହା ପରେ ଗଜପତି ଦର୍ପଦଳନ ଏବଂ ଶେଷରେ ନନ୍ଦିଘୋଷ ରଥରେ ଛେରାପହଁରା ନୀତି ସଂପନ୍ନ କରିଥିଲେ। ଏହି ନୀତି ପରେ ତିନି ରଥରେ ଚାରମାଳ ଫିଟା, ଘୋଡ଼ା ଓ ସାରଥୀ ଯୋଚା ଯାଇଥିଲା। ଆଉ ଶେଷରେ ନିର୍ଦ୍ଧାରିତ ସମୟ ପ୍ରାୟ ୩ଟାରେ ରଥଟଣା ଆରମ୍ଭ ହୋଇ ରାତି ୧୦ଟାରେ ତିନି ରଥ ସିଂହଦ୍ଵାରରେ ପହଞ୍ଚିଛି।

୧୫୦ଫୁଟ ଗଭୀର ଖାଇରେ ଖସି ପଡ଼ିଲା ବାଇକ୍ , ୨ବର୍ଷର ଶିଶୁ କନ୍ୟା ସୁରକ୍ଷିତ ଉଦ୍ଧାର ; ପିତାଙ୍କ ମୃତ୍ୟୁ

ନୂଆଦିଲ୍ଲୀ : କଥାରେ ଅଛି ଯାହାକୁ ରଖିବେ ସାଇଁ ମାରି ପାରେନା କେହି । ଏହା ପୁଣିଥରେ ପ୍ରମାଣିତ ହୋଇଛି। ହିମାଚଳ ପ୍ରଦେଶରେ ବାପା-ଝିଅ ବାଇକ୍‌ରେ ଯାଉଥିଲେ। ରାସ୍ତାରେ ତାଙ୍କର ବାଇକ୍ ୧୫୦ ଫୁଟ ଗଭୀର ଖାଇରେ ଖସି ପଡ଼ିଲା। ଏହି ଦୁର୍ଘଟଣାରେ ପିତାଙ୍କର ମୃତ୍ୟୁ ହୋଇଥିବା ବେଳେ ୨ବର୍ଷିୟା ଶିଶୁ କନ୍ୟାକୁ ହାଲକା ଆଘାତ ଲାଗିଛି ଏବଂ ସେ ସଂପୂର୍ଣ୍ଣ ସୁରକ୍ଷିତ ଅଛି। ଲାଇଭ ହିନ୍ଦୁସ୍ତାନ ଡଟ୍‌ କମ୍‌ରେ ପ୍ରକାଶିତ ତଥ୍ୟ ଆଧାରରେ , ହିମାଚଳ ପ୍ରଦେଶର ହମିରପୁର ଜିଲ୍ଲାର ଏକ ଗାଁରେ ୧୫୦ ଫୁଟ ଗଭୀର ଖାଇରେ ଖସିବା ଯୋଗୁଁ ଜଣେ ବ୍ୟକ୍ତିଙ୍କର ମୃତ୍ୟୁ ହୋଇଥିବା ବେଳେ ତାଙ୍କର ଦୁଇ ବର୍ଷର ଶିଶୁ କନ୍ୟା ଆହତ ହୋଇଛି। ପୁଲିସ ଶନିବାର କହିଛି ଯେ , ସୁଜାନପୁର ଅଞ୍ଚଳର ଆନ୍ସଲା ଗାଁରେ ଶୁକ୍ରବାର ରାତିରେ ଦୁହେଁ ଏକ ବାଇକରେ ଯାଉଥିଲେ। ରାସ୍ତାଟି ପାହାଡିଆ ଓ ଖସଡ଼ା ଥିଲା। ପୁଲିସର କହିବାନୁସାରେ, ଶନିବାର ସକାଳେ ତାଙ୍କୁ ଗଭୀର ଖାଇରୁ ଉଦ୍ଧାର କରାଯାଇ ଥିଲା। ଏହି ଦୁର୍ଘଟଣାରେ ଶିଶୁକନ୍ୟାକୁ ସାମାନ୍ୟ ଆଘାତ ଲାଗିଛି , ହେଲେ ଜୀବନ ବଞ୍ଚି ଯାଇଛି। କିନ୍ତୁ ତାଙ୍କର ବାପା ମନସୁଖ କୁମାରଙ୍କର ମୃତ୍ୟୁ ହୋଇଛି। ମନସୁଖ, ତାଙ୍କର ବନ୍ଧୁ କଞ୍ଚନ କୁମାର ଓ ତାଙ୍କର ଦୁଇ ବର୍ଷିୟା ଝିଅ ବାଇକ୍‌ରେ ଯାଉ ଥିଲେ। ଖସଡ଼ା ରାସ୍ତା ଦେଖି କଞ୍ଚନ ବାଇକ୍‌ରୁ ଓହ୍ଲାଇ ପଡ଼ିଲେ। ସେ ମନସୁଖଙ୍କୁ କହିଲେ ସେ କିଛି ଦୂର ଚାଲି ଚାଲି ଯିବେ ଏବଂ କିଛି ବାଟ ଆଗକୁ ଯାଇ ବାଇକ୍‌ରେ ବସିବେ। ଯେବେ ବହୁ ସମୟ ପରେ ମଧ୍ୟ ସେ ଦୁହେଁ ଆଉ ମିଳିଲେ ନାହିଁ , ତ କଞ୍ଚନ ତାଙ୍କୁ ଖୋଜିବା ଆରମ୍ଭ କରି ଦେଲେ। ପରେ ନିଜ ଗାଁର ଲୋକେ ଓ ପୁଲିସକୁ ସୂଚନା ଦେଲେ। ପୁଲିସ ଓ ହୋମଗାର୍ଡ ରାତି ୯ଟାରେ ଘଟଣା ସ୍ଥଳରେ ପହଞ୍ଚିଲେ । ତଲାସୀ ଅଭିଯାନ ଆରମ୍ଭ କରାଗଲା ଏବଂ ତାପର ଦିନ ମନସୁଖଙ୍କର ଶବ ଓ ଆହତ ଶିଶୁକନ୍ୟା ଏକ ଖାଇରୁ ମିଳିଲେ। ଝିଅକୁ ସୁଜାନପୁର ନିଆଯାଇ ଥିଲା ଏବଂ ପୁଣି ହମିରପୁର ଜିଲ୍ଲା ହସ୍ପିଟାଲ ରେଫର କରି ଦିଆ ଗଲା। ଏହି ସମ୍ୱନ୍ଧରେ ମାମଲା ରୁଜୁ କରାଗଲା। ଅଧିକାରୀ ଘଟଣାର କାରଣ ଜାଣିବା ପାଇଁ ତଦନ୍ତ ଆରମ୍ଭ କରିଛନ୍ତି।

ସମାନତା କ୍ଷେତ୍ରରେ ଭାରତର ବଡ଼ ସଫଳତା, ଚୀନ ଆମେରିକାକୁ ବି ଟପିଲା: ବିଶ୍ୱ ବ୍ୟାଙ୍କ ରିପୋର୍ଟ

ନୂଆଦିଲ୍ଲୀ : ସମାନତା କ୍ଷେତ୍ରରେ ଚୀନ, ଆମେରିକା ଭଳି ରାଷ୍ଟ୍ରକୁ ପଛରେ ପକାଇଲା ଭାରତ। ବିଶ୍ୱ ବ୍ୟାଙ୍କର ରିପୋର୍ଟ ଅନୁସାରେ, ଭାରତର ଗିନି ଇଣ୍ଡେକ୍ସ ଏବେ ୨୫.୫ ହୋଇଛି। ଫଳରେ ଚତୁର୍ଥ ବଡ଼ ଅର୍ଥନୀତିର ଦେଶ ଥିବା ଭାରତ ଏବେ ଚତୁର୍ଥ ସମାନତାର ଦେଶ ହୋଇଛି। ଏହି ତାଲିକାରେ ସ୍ଲୋବାକ ରିପବ୍ଲିକ୍, ସ୍ଲୋବେନିଆ ଓ ବେଲାରୁସ ଯଥାକ୍ରମେ ପ୍ରଥମ ଦ୍ୱିତୀୟ ଓ ତୃତୀୟ ସ୍ଥାନରେ ରହିଛନ୍ତି। ପ୍ରକୃତରେ,ଗିନି ଇଣ୍ଡେକ୍ସ ଏକ ପଦ୍ଧତି ଯାହା ଦର୍ଶାଏ ଯେ ଗୋଟିଏ ଦେଶର ଲୋକଙ୍କ ମଧ୍ୟରେ ଆୟ,ସମ୍ପତ୍ତି କିମ୍ବା ଉପଭୋଗ କେତେ ସମାନ ଭାବରେ ବଣ୍ଟାଯାଏ। ଏହାର ସ୍କୋର ୦ ରୁ ୧୦୦ ପର୍ଯ୍ୟନ୍ତ ରହିଛି। ୦ ଅର୍ଥ ହେଉଛି ଦେଶର ଜନତାଙ୍କ ପାଇଁ ସବୁକିଛି ସମାନ, ଆଉ ୧୦୦ ଅର୍ଥ ହେଉଛି ସବୁକିଛି କେବଳ ଜଣେ ବ୍ୟକ୍ତିଙ୍କ ମାଲିକାନାରେ ରହିଛି। ଏ ଦିଗରେ ଚୀନର ସ୍କୋର (୩୫.୭) ଏବଂ ଆମେରିକା (୪୧.୮) ରହିଥିବା ବେଳେ ସେହି ଦୁଳନାରେ ଭାରତର ବହୁତ କମ୍ ବ୍ୟବଧାନ ରହିଛି। ଅର୍ଥାତ ବିକଶିତ ଦେଶ ଅପେକ୍ଷା ସମାନତା ଦିଗରେ ଭାରତ ଭଲ ପ୍ରଦର୍ଶନ କରିଛି। ଗିନି ଇଣ୍ଡେକ୍ସରେ ଭାରତର ଭଲ ପ୍ରଦର୍ଶନ କୌଣସି ସଂଯୋଗ ନୁହେଁ ବରଂ ଦାରିଦ୍ର୍ୟ ଦୂରିକରଣରେ ମିଳିଥିବା ସଫଳତା ଯୋଗୁ ହୋଇଛି ବୋଲି ସରକାର କହିଛନ୍ତି। ବିଶ୍ୱ ବ୍ୟାଙ୍କ ରିପୋର୍ଟ ଅନୁଯାୟୀ, ଗତ ଦଶ ବର୍ଷ ମଧ୍ୟରେ ୧୭.୧ କୋଟି ଭାରତୀୟ ଦାରିଦ୍ର୍ୟ ସୀମାରୁ ବାହାରି ଆସିଛନ୍ତି। ୨୦୧୧-୧୨ ମସିହାରେ ଭାରତରେ ଦାରିଦ୍ର୍ୟ ସୀମା ତଳେ ରହୁଥିବା ଲୋକଙ୍କ ସଂଖ୍ୟା ୧୬.୨% ଥିଲା। ୨୦୨୨-୨୩ ମସିହାରେ ଏହା ହ୍ରାସ ପାଇ ୨.୩% ହୋଇଗଲା। ଦୈନିକ ୨.୧୫ ଡଲାରରୁ କମ୍ ରୋଜଗାର କରୁଥିବା ଲୋକ ଏହି ଶ୍ରେଣୀର ଅନ୍ତର୍ଭୁକ୍ତ। ତେବେ ବିଶ୍ୱ ବ୍ୟାଙ୍କ ନୂଆ ଦାରିଦ୍ର୍ୟ ସୀମା ପ୍ରତିଦିନ ୩ ଡଲାର ସ୍ଥିର କରିଛି। ଏହା ଅନୁଯାୟୀ, ୨୦୨୨-୨୩ ମସିହାରେ ଦାରିଦ୍ର୍ୟ ହାର ୫.୩% ହେବ। ଅନ୍ତର୍ଜାତୀୟ ଶ୍ରମ ସଂଗଠନ (ILO)ମଧ୍ୟ ନିକଟରେ ଏକ ରିପୋର୍ଟ ପ୍ରକାଶ କରିଥିଲା। ରିପୋର୍ଟ ଅନୁଯାୟୀ ଗତ ୧୧ ବର୍ଷ ମଧ୍ୟରେ ଭାରତର ସାମାଜିକ ସୁରକ୍ଷାରେ ବହୁତ ଉନ୍ନତି ହୋଇଛି। ରିପୋର୍ଟ ଅନୁଯାୟୀ,୨୦୧୯ ରେ କେବଳ ୧୯ ପ୍ରତିଶତ କଭରେଜ୍ ଥିବା ବେଳେ ୨୦୨୫ ରେ ଏହା ୬୪.3% କୁ ବୃଦ୍ଧି ପାଇଛି। ଭାରତ ବିଶ୍ୱରେ ଦ୍ୱିତୀୟ ସ୍ଥାନ ଅଧିକାର କରିଛି। କେନ୍ଦ୍ର ଦ୍ୱାରା ପରିଚାଳିତ ସରକାରୀ ଯୋଜନାଗୁଡ଼ିକ ମଧ୍ୟ ଏହି ସଫଳତା ହାସଲ କରିବାରେ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିଛି।

କ୍ୟାଣ୍ଟନମେଣ୍ଟ ରୋଡ୍ ସ୍ଥିତ ମାଲାବାର ଜୁଏଲାରୀରେ ନୂଆ ମାଇନ୍ ଡାଇମଣ୍ଡ୍‌ କଲେକ୍ସନ୍ ଲଞ୍ଚ୍

କଟକ : କ୍ୟାଣ୍ଟନମେଣ୍ଟ ରୋଡ ସ୍ଥିତ ମାଲାବାର ଜୁଏଲାରୀ ସୋରୁମ୍‌ରେ ନୂଆ ମାଇନ୍ ଡାଇମଣ୍ଡ୍ ଅଳଙ୍କାର କଲେକ୍ସନର ଲଞ୍ଚିଂ ହୋଇଛି। ଏଥିରେ ପାରମ୍ପରିକ ସୁନ୍ଦର ଡାଇମଣ୍ଡ ଅଳଙ୍କାର କଲେକ୍ସନ ସୁଲଭ ମୂଲ୍ଯରେ ଉପଲବ୍ଧ ହେବ। ଏନେଇ କଟକ ଷ୍ଟୋରର ଆସିଷ୍ଟାଣ୍ଟ ମ୍ୟାନେଜର ଚନ୍ଦ୍ରଶେଖର ପାତ୍ର କହିଛନ୍ତି, ନୂଆ ଡାଇମଣ୍ଡ କଲେକ୍ସନ ହେଉଛି ନାଚୁରାଲ ଡାଇମଣ୍ଡ୍‌ କଲେକ୍ସନ । ଏହାର ବିଶେଷତ୍ବ ହେଲା ଏହାକୁ ଗତ ବର୍ଷର ଗ୍ରାହକଙ୍କ ମତାମତ ଆଧାରରେ ଲଞ୍ଚ କରାଯାଇଛି। ନୂଆ କଲେକ୍ସନରେ ବିଭିନ୍ନ ପ୍ରକାର ଅଳଙ୍କାର ଉପଳବ୍ଧ ଅଛି। ସେହିଭଳି ସୋରୁମରେ ଏକ ସିଲଭର ଫେଷ୍ଟିଭାଲ ଆରମ୍ଭ ହୋଇଛି। ଏହି ଅଫର ୧୩ ତାରିଖ ପର୍ଯ୍ୟନ୍ତ ଚାଲିବ। କଲେକ୍ସନରେ ପାନ ଇଣ୍ଡିଆରୁ ଅନେକ କଲେକ୍ସନ ମଗାଯାଇଛି। ଯେଉଁଥିରେ ଆଣ୍ଟିକ ଏବଂ ପ୍ଲେନ ସିଲଭର କଲେକ୍ସନ ରହିଛି। ସେହିଭଳି ଏଥିରେ ମେକିଂ ଚାର୍ଜ ଉପରେ ୫୦% ପର୍ଯ୍ୟନ୍ତ ଛାଡ଼ ମଧ୍ୟ ରହିଥିବା କହିଛନ୍ତି ଷ୍ଟୋର ଆସିଷ୍ଟାଣ୍ଟ ମ୍ୟାନେଜର।

IMS ସମ୍ ହସ୍ପିଟାଲ୍ ଗ୍ୟାଷ୍ଟ୍ରୋଲୋଜି ବିଭାଗ ପକ୍ଷରୁ ଇଆରସିପି ଏକ୍ସପର୍ଟ କର୍ମଶାଳା ଆୟୋଜିତ, ERCPର ଉପକାରିତା ବିଷୟରେ କହିଲେ ବିଶେଷଜ୍ଞ ଡାକ୍ତର

ଭୁବନେଶ୍ବର: IMS ସମ୍ ହସ୍ପିଟାଲ୍ ଗ୍ୟାଷ୍ଟ୍ରୋଲୋଜି ବିଭାଗ ପକ୍ଷରୁ ଇଆରସିପି ଏକ୍ସପର୍ଟ କର୍ମଶାଳା ଆୟୋଜିତ ହୋଇଯାଇଛି। ଏହି କର୍ମଶାଳାରେ ସମ୍ ହସ୍ପିଟାଲର ଗାଷ୍ଟ୍ରୋଲୋଜି ବିଭାଗ HOD ପ୍ରଫେସର ଡାକ୍ତର ଗିରିଶ କୁମାର ପତି, ଗାଷ୍ଟ୍ରୋ କନସଲଟାଣ୍ଟ ଡା. ଜିମି ନାରାୟଣ ଓ ଦିଲ୍ଲୀର ଶ୍ରୀ ଗଗାଂରାମ୍ ହସ୍ପିଟାଲର କନସଲଟାଣ୍ଟ ଡା. ଶ୍ରୀହରୀ ଅନିଖିନ୍ଦି ଯୋଗଦେଇ ଇଆରସିପିର ସଫଳ ପ୍ରୟୋଗ ଓ ଏହାର ଉପକାରିତା ସମ୍ବନ୍ଧରେ ଆଲୋଚନା କରିଥିଲେ। ଏହାସହ ସମ୍‌ର ଫେଲୋ ଡାକ୍ତର,ରାଜ୍ୟ ଓ ଦେଶ ବାହାରୁ ଆସିଥିବା ଫେଲୋ ଡାକ୍ତରଙ୍କମଧ୍ୟ ଏନେଇ ଅଧିକ ସୂଚନା ଦେଇଥିଲେ।ଏହାର ବ୍ୟବହାର ଦ୍ବାରାକିପରିରୋଗୀଙ୍କସଂକ୍ରମଣର ନିର୍ଦ୍ଧିଷ୍ଟ ସ୍ଥାନ ନିରୂପଣ ହେବଏବଂ କିପରି ଏହାବିନା ଅସ୍ତ୍ରପ୍ରଚାରରେ ମଧ୍ୟ ହୋଇପାରିବସେନେଇ କହିଥିଲେ।ଏହା ରୋଗୀ ମାନଙ୍କପାଇଁ ମଧ୍ୟ ସହଜ ଓ ସରଳପଦ୍ଧତି ବୋଲି କହିଥିଲେ ବିଶେଷଜ୍ଞ ଡାକ୍ତର। କର୍ମଶାଳାରେ ଯୋଗଦେଇ ଆଇଏମ୍ଏସ୍ ସମ୍ ହସ୍ପିଟାଲ ମେଡିକାଲ୍ ସୁପରିଟେଣ୍ଡେଣ୍ଟ୍ ପୁଷ୍ପରାଜ ସାମନ୍ତସିଂହାର ଏଭଳି କର୍ମଶାଳାର ଆୟୋଜନ ପାଇଁ ପ୍ରଫେସର ଡାକ୍ତର ଗିରିଶ କୁମାର ପତି ଓ ଡା. ଜିମି ନାରାୟଣ କୁଂ ଖୁବ୍ ପ୍ରସଂଶା କରିଥିଲେ।

ପାକିସ୍ତାନରେ କୋଠା ଭୁଶୁଡ଼ି ୧୯ ଜଣଙ୍କ ମୃତ୍ୟୁ; ଉଦ୍ଧାର କାର୍ଯ୍ୟ ଜାରି, ଆହୁରି ବଢ଼ିପାରେ ସଂଖ୍ୟା

କରାଚୀ: ପାକିସ୍ତାନର କରାଚୀରେ କୋଠା ଭୁଶୁଡ଼ି ପଡ଼ିବାରୁ ୧୯ ଜଣଙ୍କର ମୃତ୍ୟୁ ହୋଇଛି। କରାଚୀର ଲୟାରି ଏରିଆରେ ଏହି ଦୁର୍ଘଟଣା ଘଟିଥିବା ବେଳେ ଉଦ୍ଧାର କାର୍ଯ୍ୟ ଜାରି ରହିଛି। ଭୁଶୁଡ଼ି ପଡ଼ିଥିବା କୋଠାର ଭଗ୍ନାବଶେଷ ସଫେଇ କାର୍ଯ୍ୟ ଜାରି ରହିଛି। ତେଣୁ ମୃତ୍ୟୁ ସଂଖ୍ୟା ଆହୁରି ବଢ଼ିପାରେ ବୋଲି କୁହାଯାଉଛି। ଡେପୁଟି କମିଶନର ସାଉଥ୍ ଜାଭେଦ ଲେଘାରି କହିଛନ୍ତି ଯେ ଉଦ୍ଧାରକାରୀ ଦଳ ଏପର୍ଯ୍ୟନ୍ତ ୧୯ ଜଣଙ୍କ ମୃତଦେହ ଉଦ୍ଧାର କରିଛି ଏବଂ ୬ ଜଣ ଆହତଙ୍କୁ ହସ୍ପିଟାଲରେ ଚିକିତ୍ସା କରାଯାଉଛି। ସେ କହିଛନ୍ତି“ଦୁର୍ଭାଗ୍ୟବଶତଃ,ଗତକାଲି ଅପରାହ୍ନରୁ ଉଦ୍ଧାରକାରୀ ଦଳମାନେ କାର୍ଯ୍ୟଜାରି ରଖିଛନ୍ତି। ତେଣୁ କୋଠାର ଭଗ୍ନାବଶେଷ ତଳେ ଆହୁରି ମୃତଦେହ ରହିଥାଇ ପାରେ ଓ ମୃତାହତଙ୍କ ସଂଖ୍ୟା ବୃଦ୍ଧି ପାଇପାରେ ବୋଲି ସେମାନେ ଆଶଙ୍କା କରୁଛନ୍ତି।” ଶୁକ୍ରବାର ଦିନ ଲୟାରିର ବାଗଦାଦି ଅଞ୍ଚଳରେ ଥିବା ପାଞ୍ଚ ମହଲା କୋଠାଟି ଭୁଶୁଡ଼ି ପଡ଼ିଥିଲା। ପ୍ରଥମେ ୭ ମୃତଦେହ ଉଦ୍ଧାର କରାଯାଇଥିଲା ବୋଲି କରାଚୀ ମେୟର ମୁର୍ତ୍ତାଜା ୱାହାବ ଘଟଣା ସ୍ଥଳରେ ମିଡିଆକୁ ସୂଚନା ଦେଇଥିଲେ। ଆହତମାନଙ୍କୁ ହସ୍ପିଟାଲକୁ ସ୍ଥାନାନ୍ତର କରାଯାଇଛି ବୋଲି ସେ ସୂଚନା ଦେଇଥିଲେ। କରାଚୀର ପୁରୁଣା ଅଞ୍ଚଳରେ ଏହି କୋଠାଟି ଜୀର୍ଣ୍ଣ କୋଠା ତାଲିକାରେ ଥିଲା। ଅଧିକାରୀ କହିଛନ୍ତି ଯେ ୨୨ଟି ପୁରୁଣା କୋଠା ଥିଲା,ଯେଉଁଥିରୁ ୧୬ଟିକୁ କର୍ତ୍ତୃପକ୍ଷ ଖାଲି କରିଦେଇଛନ୍ତି,କିନ୍ତୁ ୬ଟିରେ ଏବେ ବି ଲୋକେ ରହୁଥିଲେ ଏବଂ ସେମାନେ ଉକ୍ତ କୋଠା ଛାଡିବାକୁ ଚାହୁଁ ନଥିଲେ। ତେବେ ଉଦ୍ଧାର କାର୍ଯ୍ୟ ଆହୁରି ୧୦-୧୨ ଘଣ୍ଟା ପର୍ଯ୍ୟନ୍ତ ଜାରି ରହିବ ବୋଲି ସେ କହିଛନ୍ତି। ଲୟାରି କରାଚୀର ସବୁଠାରୁ ଭିଡ଼ପୂର୍ଣ୍ଣ ତିଳିଆ ଅଞ୍ଚଳ ଏବଂ ନିମ୍ନ ଆୟକାରୀ ଅଞ୍ଚଳ ମଧ୍ୟରୁ ଗୋଟିଏ। ଚଳିତ ସପ୍ତାହ ଆରମ୍ଭରେ,ସୋଲଜର ବଜାର ଅଞ୍ଚଳର ଏକ ପୁରୁଣା କୋଠାର ଏକ ଅଂଶ ଭୁଶୁଡ଼ି ପଡ଼ିବାରୁ ୨୨ ଜଣଙ୍କୁ ଉଦ୍ଧାର କରାଯାଇଥିଲା,ଯାହା ଫଳରେ ଉପର ମହଲାରେ ବାସିନ୍ଦା ଫସି ରହିଥିଲେ। ପ୍ରାଦେଶିକ ସରକାର ପୁରୁଣା କରାଚୀ ଅଞ୍ଚଳର ପ୍ରାୟ ୫୭୦ କୋଠାକୁ ବିପଦପୂର୍ଣ୍ଣ ଘୋଷଣା କରିଛନ୍ତି ଏବଂ ବାସିନ୍ଦାମାନଙ୍କୁ ସେଗୁଡ଼ିକୁ ଖାଲି କରିବାକୁ କହିଛନ୍ତି।

ଆଇଏମ୍ଏସ୍ ସମ୍ ହସ୍ପିଟାଲ୍‌ରେ ପାଲିଏଟିଭ୍ କେୟାର କର୍ମଶାଳା ଆୟୋଜିତ

ଭୁବନେଶ୍ବର: ସ୍ବାସ୍ଥ୍ୟ କ୍ଷେତ୍ରରେ ନିରବଚ୍ଛିନ୍ନ ଭାବରେ ରୋଗୀଙ୍କୁ ଉତ୍ତମ ସେବା ଯୋଗାଇ ଦେବାକୁ ଆଇଏମ୍ଏସ୍ ସମ୍ ହସ୍ପିଟାଲର ଚେଷ୍ଟା ଜାରି ରହିଛି । ପ୍ରତି କ୍ଷେତ୍ରରେ କିଭଳି ଭାବରେ ରୋଗାଙ୍କୁ ସର୍ବୋତ୍ତମ ସେବା ଯୋଗାଇ ଦିଆଯିବ ସେନେଇ ଡାକ୍ତର ଓ ନର୍ସ ନିରନ୍ତର ଚେଷ୍ଟା ଜାରି ରଖିଛନ୍ତି। ଏହି ଲକ୍ଷ୍ୟ ନେଇ ଆଇଏମ୍ଏସ୍ ସମ୍ ହସ୍ପିଟାଲ୍ ଆଗେଇ ଚାଲିଛି। ଶନିବାର ହସ୍ପିଟାଲ ପରିସରରେ ଥିବା କନଫରେନ୍ସ ହଲ୍ ଠାରେ ପାଲିଏଟିଭ୍ କେୟାରର ଏକ କର୍ମଶାଳାରେ ଏହା କହିଛନ୍ତି ମେଡିକାଲ୍ ସୁପରିଟେଣ୍ଡେଣ୍ଟ୍ ପୁଷ୍ପରାଜ ସାମନ୍ତସିଂହାର। ସୋଆ ଓ ଅମ୍ରିତ ଧାରା ପାଲିଏଟିଭ୍ କେୟାର ଟ୍ରଷ୍ଟର ମିଳିତ ଉଦ୍ୟମରେ ଆୟୋଜିତ ଏହି କର୍ମଶାଳା ସଫଳ ଭାବରେ ଅନୁଷ୍ଠିତ ହୋଇଛି। ଏହି କର୍ମଶାଳାରେ ସମ୍‌ ହସ୍ପିଟାଲର ସମସ୍ତ ନର୍ସ ଯୋଗଦେଇଥିଲେ । ମେଡିକାଲ ସୁପରିଟେଣ୍ଡେଣ୍ଟ୍ ଆହୁରି କହିଛନ୍ତି, ‘ ସମ୍ ହସ୍ପିଟାଲରେ ରୋଗୀଙ୍କୁ ଭଲ ସେବା ଯୋଗାଇଦେବା ସବୁବେଳେ ଆମର ପ୍ରାଥମିକତା ରହି ଆସିଛି, ତେଣୁ ଏଭଳି ସମୟରେ ପାଲିଏଟିଭ୍ କେୟାର ଏକ ଆଡଭାନ୍ସ ସେବା। ଏହାଦ୍ବାରା ରୋଗୀ ଏବଂ ତାଙ୍କ ପରିବାରକୁ ସେବା ସହ ସପୋର୍ଟ ଦିଆଯାଇଥାଏ। ଏହି କାର୍ଯ୍ୟକ୍ରମରେ ଅମ୍ରିତ ଧାରା ପାଲିଏଟିଭ୍ କେୟାର ଟ୍ରଷ୍ଟର ମୁଖ୍ୟ ଡାକ୍ତର ମାମି ପରିଜା, ସମ୍ ହସ୍ପିଟାଲ ନର୍ସିଂ ସୁପରିଟେଣ୍ଡେଣ୍ଟ୍ ମୀନତି ମିଶ୍ର ପ୍ରମୁଖ ଯୋଗ ଦେଇ ପାଲିଏଟିଭ୍ କେୟାର ବା ଉପସମ ସେବାର ଉପକାରିତା ଓ ଏହା ଆଜିର ସମାଜ କେତେ ଜରୁରୀ ସେନେଇ ଆଲୋଚନା କରିଥିଲେ ।

ରେଳଧାରଣାରେ ଶୋଇ କରୁଥିଲେ ରିଲ୍ସ, ଦୁଇ ନାବାଳକଙ୍କୁ ପଚରାଉଚରା କରୁଛି ପୁଲିସ

କନକ ବ୍ୟୁରୋ: ରେଳଧାରଣାରେ ରିଲ୍ସ ପଡିଲା ମହଙ୍ଗା । ରେଳ ଧାରଣାରେ ସାଇରନ ବଜାଇ ମାଡିଆସୁଛି ରେଳ । ହେଲେ ନାବାଳକଙ୍କୁ ରିଲ୍ସ ନିଶା ଏପରି ଘାରିଛି ଯେ ଜୀବନକୁ ପାଣି ଛଡାଇ ରେଳ ଧାରଣା ଉପରେ ଶୋଇରହିଛି । ଆଉ ଏସବୁ ଚିତ୍ରକୁ ବାହାରେ ରହି ମୋବାଇଲରେ ଭିଡିଓ କରିବାକୁ ସାଙ୍ଗକୁ କହିଛନ୍ତି । ସାଙ୍ଗ ବି ଅତି ଆରାମରେ ରେଳ ଧାରଣା ବାହାରେ ଛିଡାହୋଇ ସାଙ୍ଗର ଏହି ଦୃଶ୍ୟକୁ ମୋବାଇଲରେ କଏଦ କରୁଛି । ତେବେ ରେଳ ଧାରଣାରେ ଶୋଇ ରିଲ୍ସ କରିବା ଘଟଣା ଦୁଇ ନାବାଳକଙ୍କୁ ମହଙ୍ଗା ପଡିଛି । ଏହି ଘଟଣାରେ ରେଲଓ୍ୱେ ପୁଲିସ ପକ୍ଷରୁ ପଦକ୍ଷେପ ନିଆଯାଇଛି । ବୌଦ୍ଧ ଜିଲ୍ଲା ମନମୁଣ୍ଡା ନିକଟ ପୁରୁଣାପାଣି ଷ୍ଟେସନ ନିକଟ ଡାଲୁପାଲିଠାରେ ଏଭଳି ବିପଦଜନକ ରିଲ୍ସ ସୁଟ୍ ହୋଇ ସୋସିଆଲ ମିଡିଆରେ ଅପଲୋଡ ହେବାପରେ ଘଟଣାକୁ ଗୁରୁତର ସହ ନେଇଛି ରେଳବାଇ ପୁଲିସ । ଏହି ଘଟଣାରେ ବୌଦ୍ଧ ଜିଲ୍ଲାର ଅଂଚଳର ଦୁଇଜଣ ନାବାଳକଙ୍କୁ ଉଠାଇ ଆଣିବା ସହ ବାଉଁଶୁଣି ଥାନା ରେ ଅଟକ ରଖି ପଚରା ଉଚୁରା କରୁଛି ରେଳବାଇ ପୁଲିସ ।

ୟୁରିକ ଏସିଡ୍ ବଢ଼ିବାର ପ୍ରଭାବ କେଉଁ ଅଙ୍ଗ ଉପରେ ଅଧିକ ପଡ଼େ? ସଠିକ ଖାଦ୍ୟପେୟ ଓ ଜୀବନଶୈଳୀ ଜରିଆରେ ଏହାକୁ କରନ୍ତୁ ନିୟନ୍ତ୍ରଣ

ୟୁରିକ ଏସିଡ୍ ହେଉଛି ଏକ ପ୍ରାକୃତିକ ରାସାୟନିକ ପଦାର୍ଥ, ଯାହା ଶରୀରରେ ପ୍ୟୁରିନ (Purine) ଭାଙ୍ଗିବା ଫଳରେ ଉତ୍ପନ୍ନ ହୁଏ। ସାଧାରଣତଃ କିଡନୀ ଏହାକୁ ଫିଲ୍ଟର କରି ପରିସ୍ରା ମାଧ୍ୟମରେ ଶରୀରରୁ ବାହାର କରିଦିଏ। କିନ୍ତୁ ଯେତେବେଳେ ୟୁରିକ ଏସିଡର ମାତ୍ରା ଅଧିକ ହୁଏ (ହାଇପରୟୁରିସେମିଆ), ଏହା ଶରୀରରେ ଅନେକ ସମସ୍ୟା ସୃଷ୍ଟି କରିପାରେ। ଆସନ୍ତୁ ଜାଣିବା ଯୁରିକ ଏସିଡ ବଢ଼ିବାର ପ୍ରଭାବ କେଉଁ ଅଙ୍ଗ ଉପରେ ପଡ଼େ ଏବଂ ଏହାକୁ ନିୟନ୍ତ୍ରଣ କରିବାର ସହଜ ଉପାୟ। […]

ରାତି ସାରା ଶ୍ରୀଜିଉଙ୍କୁ ଦର୍ଶନ କରିପାରିବେ ଶ୍ରଦ୍ଧାଳୁ

କନକ ବ୍ୟୁରୋ: ଆଜି ରଥ ଉପରେ ହେବ ନାହିଁ ପହୁଡ ନୀତି । ରାତି ସାରା ଶ୍ରୀଜିଉଙ୍କୁ ଦର୍ଶନ କରିପାରିବେ ଶ୍ରଦ୍ଧାଳୁ । ଏନେଇ ସୂଚନା ଦେଇଛନ୍ତି ଶ୍ରୀମନ୍ଦିର ମୁଖ୍ୟ ପ୍ରଶାସକ ଅରବିନ୍ଦ ପାଢୀ । ସିଂହଦ୍ବାର ଆଗରେ ଲାଗିଛି ତିନି ରଥ । ତାଳଧ୍ବଜ, ଦର୍ପଦଳନ ପରେ ଲାଗିଲା ନନ୍ଦିଘୋଷ । ନନ୍ଦିଘୋଷ ରଥକୁ ଟାଣି ଆଣିଲେ ଶ୍ରଦ୍ଧାଳୁ । ଗୁଣ୍ଡିଚା ମନ୍ଦିରରେ ନିଜ ଲୀଳା ସାରି ବାହୁଡ଼ିଛନ୍ତି ଚତୁର୍ଦ୍ଧାମୂର୍ତ୍ତି । ଜନ୍ମବେଦିରେ ମାନବୀୟ ଲୀଳା ସାରି ସିଂହଦ୍ବାରକୁ ବାହୁଡ଼ି ଆସିଛନ୍ତି ମହାବାହୁ । ଭାଇଭଉଣୀଙ୍କ ସହ ଲକ୍ଷ୍ମୀ ସାଆନ୍ତାଣୀଙ୍କୁ ଛାଡ଼ି ଗୁଣ୍ଡିଚା ମନ୍ଦିରକୁ ଯାଇଥିଲେ କାଳିଆ ଠାକୁର । ଯାହାକୁ ନେଇ ଅଭିମାନ କରିଥିଲେ ମାଆ ଲକ୍ଷ୍ମୀ ।ଏହାକୁ ନେଇ ରହିଛି ବାହୁଡ଼ା ଦିନର ଏକ ଅନନ୍ୟ ପରମ୍ପରା ଲକ୍ଷ୍ମୀ-ନାରାୟଣ ଭେଟ । ସେହିପରି ଅର୍ଦ୍ଧାଶିନୀ ମନ୍ଦିର ବା ମାଉସୀ ମା’ ମନ୍ଦିରରେ ପୋଡ଼ ପିଠା ଖାଇ ସିଂହଦ୍ବାରକୁ ଆସିଛନ୍ତି ଚତୁର୍ଦ୍ଧା ମୂର୍ତ୍ତି । ଏହାସହ ନୀଳାଦ୍ରିବିଜେରେ ଲକ୍ଷ୍ମୀ ସାଆନ୍ତାଣୀଙ୍କ ମାନ ଭଞ୍ଜନ କରିବେ ଜଗନ୍ନାଥ ।

ସାଧାରଣ ଲୋକଙ୍କ ପାଇଁ ବଡ଼ ଖବର: ସରକାରଙ୍କ ଗୋଟିଏ ନିଷ୍ପତ୍ତି ପରେ ଶସ୍ତା ହେଲା ଖାଦ୍ୟ ତେଲ

ନୂଆଦିଲ୍ଲୀ : ଭାରତୀୟ ବଜାରରେ ଖାଦ୍ୟ ତେଲର ମୂଲ୍ୟରେ ଏକ ବଡ଼ ରିହାତି ଦେଖାଦେଇଛି। ସରକାର ୨୦୨୫ ମସିହାରେ ନୂଆ ଏବଂ ଉନ୍ନତ ଗୁଣବତ୍ତା ବିଶିଷ୍ଟ ସୋରିଷ ଫସଲ ବିକ୍ରି କରିବାକୁ ନିଷ୍ପତ୍ତି ନେଇଛନ୍ତି, ଯାହା ପରେ ଶନିବାର ବଜାରରେ ସୋରିଷ ତେଲ ଏବଂ ତୈଳବୀଜର ମୂଲ୍ୟରେ ହ୍ରାସ ଦେଖାଯାଇଛି। ଏହି ନିଷ୍ପତ୍ତି ସାଧାରଣ ପରିବାରଙ୍କ ପାଇଁ ଏକ ବଡ଼ ଆଶ୍ୱାସନା ଆଣିଛି, କାରଣ ଖାଦ୍ୟ ତେଲର ମୂଲ୍ୟ ହ୍ରାସ ସେମାନଙ୍କ ମାସିକ ବଜେଟକୁ ସହଜ କରିବ। […]

ଛାତି ଥରାଇ ଦେବ ଏହି Video ଉଡାଣ ଭରିବା ପୂର୍ବରୁ ବିମାନରେ ଲାଗିଲା ନିଆଁ ! ପ୍ରାଣ ବଞ୍ଚାଇବା ପାଇଁ ପଙ୍ଖା ଉପରୁ ଡେଇଁ ପଳାଇଲେ ଯାତ୍ରୀ, ଭିଡିଓ ଭାଇରାଲ

ସ୍ପେନର ପାଲମା ଦେ ମାଲୋର୍କା ବିମାନବନ୍ଦରରେ ଶୁକ୍ରବାର ମଧ୍ୟରାତ୍ରିରେ ଏକ ରାୟନଏୟାର ବୋଇଙ୍ଗ ୭୩୭ ବିମାନରେ ଅଗ୍ନିକାଣ୍ଡ ଆଶଙ୍କା ଯୋଗୁଁ ହଙ୍ଗାମା ସୃଷ୍ଟି ହୋଇଥିଲା। ମାଞ୍ଚେଷ୍ଟର ଅଭିମୁଖେ ଯାଉଥିବା ଏହି ବିମାନଟି ଟେକ୍‌ଅଫ୍‌ ପୂର୍ବରୁ ଏକ ଫାଲ୍ସ ଫାୟାର ୱାର୍ନିଂ ଲାଇଟ୍‌ ଯୋଗୁଁ ଏହାର ଉଡ଼ାଣ ବାତିଲ କରାଯାଇଥିଲା। ଏହି ଘଟଣାରେ ଆତଙ୍କିତ ଯାତ୍ରୀମାନେ ବିମାନର ଜରୁରୀ ଦ୍ୱାର ଦେଇ ବାହାରକୁ ବାହାରି ପଙ୍ଖା ଉପରୁ ଡେଇଁ ରନୱେ ଉପରେ ପହଞ୍ଚିଥିଲେ, ଯାହାର ଏକ ଭିଡିଓ ସୋସିଆଲ […]

୧୦ ଛକା, ୫୨ ବଲରେ ଶତକ: ଇତିହାସ ରଚିଲେ ବୈଭବ

କନକ ବ୍ୟୁରୋ: ୧୭ ବର୍ଷୀୟ ଆୟୁଷ ମହାତ୍ରେଙ୍କ ନେତୃତ୍ୱରେ ଭାରତର ୧୯ ବର୍ଷରୁ କମ୍ ଦଳ ଇଂଲଣ୍ଡ ଗସ୍ତରେ ଅଛି, ଯେଉଁଠାରେ ସେମାନେ ଇଂଲଣ୍ଡ ଅଣ୍ଡର ୧୯ ଟିମ୍ ବିପକ୍ଷରେ ୫ଟି ଦିନିକିଆ ଏବଂ ୨ଟି ବହୁ-ଦିବସୀୟ ମ୍ୟାଚ୍ ଖେଳୁଛନ୍ତି । ପାଞ୍ଚ ମ୍ୟାଚ୍ ବିଶିଷ୍ଟ ଯୁବ ଦିନିକିଆ ସିରିଜର ଚତୁର୍ଥ ମ୍ୟାଚ୍ ଆଜି ୱର୍ସେଷ୍ଟରରେ ଖେଳାଯାଇଥିଲା, ଯେଉଁଠାରେ ବୈଭବ ସୂର୍ଯ୍ୟବଂଶୀ ଏକ ବିସ୍ଫୋରକ ଶତକ ହାସଲ କରିଥିଲେ । ଏହି ମ୍ୟାଚ୍‌ରେ ଭାରତ ଅଣ୍ଡର-୧୯ ପାଇଁ ବୈଭବ ସୂର୍ଯ୍ୟବଂଶୀ ମାତ୍ର ୫୨ ବଲ୍‌ରେ ଶତକ ପୂରଣ କରିଥିଲେ, ଏହା ଯୁବ ଏକଦିବସୀୟରେ ଯେକୌଣସି ବ୍ୟାଟ୍ସମ୍ୟାନଙ୍କ ଦ୍ୱାରା ଦ୍ରୁତତମ ଶତକ ଥିଲା । ବୈଭବ ସୂର୍ଯ୍ୟବଂଶୀ ୭୮ ବଲ୍‌ରେ ୧୪୩ ରନ୍ କରିଥିଲେ, ଯେଉଁଥିରେ ୧୦ଟି ଛକା ଏବଂ ୧୩ଟି ଚୌକା ସାମିଲ ଥିଲା । ବୈଭବ ସୂର୍ୟ୍ୟବଂଶୀ ହେଉଛନ୍ତି ୧୯ ବର୍ଷରୁ କମ୍ ଏକଦିବସୀୟ ମ୍ୟାଚ୍‌ରେ ସର୍ବାଧିକ ଛକା ମାରିଥିବା ଭାରତୀୟ । ବୈଭବ ସୂର୍ଯ୍ୟବଂଶୀ ପୂର୍ବରୁ ଇଂଲଣ୍ଡ ୧୯ ବର୍ଷରୁ କମ୍ ଦଳ ବିପକ୍ଷରେ ସିରିଜର ତୃତୀୟ ଏକଦିବସୀୟ ମ୍ୟାଚ୍‌ରେ ମାତ୍ର ୩୧ ବଲ୍‌ରେ ୮୬ ରନ୍ କରିଥିଲେ । ଏହି ସମୟରେ ସୂର୍ଯ୍ୟବଂଶୀ ୬ଟି ଚୌକା ଏବଂ ୯ଟି ଛକା ମାରିଥିଲେ । ୧୪ ବର୍ଷୀୟ ବୈଭବ ଇଣ୍ଡିଆନ୍ ପ୍ରିମିୟର ଲିଗ୍ (ଆଇପିଏଲ୍) ୨୦୨୫ରେ ରାଜସ୍ଥାନ ରୟାଲ୍ସ ପାଇଁ ଚମତ୍କାର ପ୍ରଦର୍ଶନ କରିଥିଲେ । ଇଂଲଣ୍ଡ ୧୯ ବର୍ଷରୁ କମ୍ ବିପକ୍ଷରେ ବୈଭବଙ୍କ ସ୍କୋର: ପ୍ରଥମ ଦିନିକିଆ - ୪୮ ରନ୍ ଦ୍ୱିତୀୟ ଦିନିକିଆ - ୪୫ ରନ୍ ତୃତୀୟ ଦିନିକିଆ - ୮୬ ରନ୍ ଚତୁର୍ଥ ଦିନିକିଆ - ୧୪୩ ରନ୍

ଶ୍ରୀମନ୍ଦିର ସମ୍ମୁଖରେ ଲାଗିଲା ୩ ରଥ, କାଲି ସୁନାବେଶରେ ଝଲସିବେ ମହାବାହୁ

ପୁରୀ,୫ା୭: ମହାପ୍ରଭୁ ଜଗନ୍ନାଥ ବଡ଼ଭାଇ ବଳଭଦ୍ର ଏବଂ ଭଉଣୀ ସୁଭଦ୍ରାଙ୍କୁ ସାଙ୍ଗରେ ଧରି ନବଦିନାତ୍ମକ ଯାତ୍ରା ସାରି ଶନିବାର ଜନ୍ମବେଦୀରୁ ଶ୍ରୀମନ୍ଦିର ଅଭିମୁଖେ ବାହୁଡ଼ି ଆସିଛନ୍ତି। ଲକ୍ଷାଧିକ ଭକ୍ତଙ୍କ ଗହଣରେ ଆଜି ଅପରାହ୍ନ ୩ଟାରେ ରଥଟଣା କାର୍ଯ୍ୟ ହୋଇଥିଲା। ଚତୁର୍ଦ୍ଧାମୂର୍ତ୍ତି ବାଟରେ ମାଉସୀ ମା’ ମନ୍ଦିର ନିକଟରେ ପହଞ୍ଚିବା ପରେ ପୋଡ଼ପିଠା ଭୋଗଖାଇ ଶ୍ରୀମନ୍ଦିର ଆଡ଼କୁ ଯାତ୍ରା ଆରମ୍ଭ କରିଥିଲେ। ରାତି ସାଢ଼େ ୯ଟା ସୁଦ୍ଧା ତିନି ରଥ ସିଂହଦ୍ବାର ସାମ୍ନାରେ ପହଞ୍ଚି ଥିଲେ। ପ୍ରଥମେ ବଳଭଦ୍ରଙ୍କ […]

ଏକ୍ସ-ବୟଫ୍ରେଣ୍ଡର BMW କାର୍ ଜାଳିଦେଲା ଯୁବତୀ, ଜାଣନ୍ତୁ କାରଣ

ନୂଆଦିଲ୍ଲୀ: ଆମେ ସମସ୍ତେ ଚଳଚ୍ଚିତ୍ରରେ ଦେଖିଛୁ ଯେ, ଜଣେ ପାଗଳ ପୂର୍ବତନ ପ୍ରେମିକ ପ୍ରତିଶୋଧ ନେବା ପାଇଁ ଜଣେ ବ୍ୟକ୍ତିଙ୍କ ଗାଡ଼ି କିମ୍ବା ଅନ୍ୟାନ୍ୟ ମୂଲ୍ୟବାନ ଜିନିଷପତ୍ର ନଷ୍ଟ କରିଦିଏ। ତ୍ରିପୁରାରୁ ସମାନ ଏକ ଘଟଣା ସାମ୍ନାକୁ ଆସିଛି ଯେଉଁଥିରେ ଜଣେ ବ୍ୟକ୍ତିଙ୍କ BMW 320d ଲଗଜରୀ କାରକୁ ତାଙ୍କ ପୂର୍ବତନ ପ୍ରେମିକା ପୋଡ଼ି ଦେଇଛନ୍ତି। ଆହୁରି ଆଶ୍ଚର୍ଯ୍ୟଜନକ କଥା ହେଉଛି ଯେ, BMW ମାଲିକଙ୍କ ବନ୍ଧୁ ତାଙ୍କ ପୂର୍ବତନ ପ୍ରେମିକାଙ୍କୁ BMW ଜାଳିବାରେ ସାହାଯ୍ୟ କରିଛନ୍ତି। […]

ଦେଶରେ ବଢୁଛି ଗରିବଙ୍କ ସଂଖ୍ୟା, ଚିନ୍ତା ପ୍ରକାଶ କରି କେନ୍ଦ୍ରମନ୍ତ୍ରୀ କହିଲେ କିଛି ଧନୀ ଲୋକଙ୍କ ହାତରେ…

ନୂଆଦିଲ୍ଲୀ,୫ା୭: କେନ୍ଦ୍ର ସଡ଼କ ପରିବହନ ଏବଂ ରାଜପଥ ମନ୍ତ୍ରୀ ନୀତିନ ଗଡକରୀ ଶନିବାର ଗରିବଙ୍କ ସଂଖ୍ୟା ବୃଦ୍ଧି ଉପରେ ଚିନ୍ତା ପ୍ରକାଶ କରି କହିଛନ୍ତି ଯେ, କିଛି ଧନୀ ଲୋକଙ୍କ ହାତରେ ସମ୍ପତ୍ତି କେନ୍ଦ୍ରୀଭୂତ ହେଉଛି। ଧନର ବିକେନ୍ଦ୍ରୀକରଣର ଆବଶ୍ୟକତା ରହିଛି ବୋଲି କେନ୍ଦ୍ର ପରିବହନ ମନ୍ତ୍ରୀ ମହାରାଷ୍ଟ୍ରର ନାଗପୁର ଜିଲ୍ଲାରେ ଏକ କାର୍ଯ୍ୟକ୍ରମରେ ଯୋଗଦେଇ କହିଥିଲେ, ଯେଉଁଠାରେ ସେ କୃଷି, ଉତ୍ପାଦନ, କର ଏବଂ ଭିତ୍ତିଭୂମି ବିକାଶରେ ସରକାରୀ-ଘରୋଇ ସହଭାଗୀତା (ପିପିପି) ସମେତ ଅନେକ ପ୍ରସଙ୍ଗ […]

ଏହି ରେଲୱେ କମ୍ପାନୀକୁ ମିଳିଲା ୧୪୩ କୋଟି ଟଙ୍କାର ଅର୍ଡର , ଏବେ ସୋମବାର ସେୟାର ଉପରେ ରହିବ ନଜର

ନୂଆଦିଲ୍ଲୀ : ରେଲୱେ ସହ ଜଡ଼ିତ କମ୍ପାନୀ-ରେଲ୍‌ ବିକାଶ ନିଗମ ଲିମିଟେଡ୍‌ (ଆରଭିଏନଏଲ)ର ସେୟାର ସୋମବାର ଫୋକସରେ ରହିବ। ବାସ୍ତବିକତା ଏହା ଯେ, କମ୍ପାନୀକୁ ବଡ଼ ଅର୍ଡର ମିଳିଛି। ଏହି ଅର୍ଡର ୧୪୩.୩ କୋଟି ଟଙ୍କାର ରହିଛି, ଯାହା ଦକ୍ଷିଣ ମଧ୍ୟ ରେଲୱେରୁ ମିଳିଛି। ୫ ଜୁଲାଇରେ ଷ୍ଟକ୍‌ ଏକ୍ସଚେଞ୍ଜ ଫାଇଲିଂରେ କମ୍ପାନୀ କହିଛି , ଏହି କଣ୍ଟ୍ରାକ୍ଟ ଦକ୍ଷିଣ ରେଲୱେର ସେଲମ ଡିଭିଜନର ଇଲେକ୍ଟ୍ରିକ୍‌ ଟ୍ରାକ୍ସନ ସିଷ୍ଟମର ଅପଗ୍ରେଡିଂ ୱାର୍କ ସହ ସମ୍ୱନ୍ଧିତ। ଅର୍ଡରର ଡିଟେଲ୍- ଏହି ୱାର୍କ ଅର୍ଡରରେ ସଲେମ୍ ଜଙ୍କସନ – ପୋଦନୁର ଜଙ୍କସନ ଓ ଇରୁଗୁର-କୋୟମ୍ୱଟୁର ଜଙ୍କସନ –ପୋଦନୁର ଜଙ୍କସନ ପାଇଁ ଇଲେକ୍ଟ୍ରିକ୍‌ ଟ୍ରାକ୍ସନ ସିଷ୍ଟମକୁ ୧ x ୨୫ kv ରୁ ୨x୨୫ kv ଟ୍ରାକ୍ସନ ସିଷ୍ଟମରେ ଅପଗ୍ରେଡ୍ କରିବା ସାମିଲ ଅଛି। ଏହି ଅନୁସାରେ , ଦକ୍ଷିଣ ରେଲୱେ ୩,୦୦୦ ମେଟ୍ରିକ୍‌ ଟନ୍ ଲୋଡିଂ ଲକ୍ଷ୍ୟକୁ ପୂରା କରିବାରେ ସକ୍ଷମ ହେବ। ୱାର୍କର ମୂଲ୍ୟ ଟ୍ୟାକ୍ସ ସହ ୧୪୩.୩ କୋଟି ଟଙ୍କା ଅଛି। ଏହାକୁ ୧୪ ମାସ ଭିତରେ ପୂରା କରାଯିବାର ଅଛି। ସେୟାରର ସ୍ଥିତି – ଗତ ଶୁକ୍ରବାରରେ ରେଲୱେର କମ୍ପାନୀ ଆରଭିଏନଏଲର ସେୟାରର କଥା ଯଦି କହିବା ତ ଏହି ସାଧାରଣ ବୃଦ୍ଧି ସହ ୩୯୧.୩୫ ଟଙ୍କାରେ ବନ୍ଦ ହୋଇଥିଲା। ସେୟାର ୫୨ ସପ୍ତାହର ହାଇ ୬୪୭ ଟଙ୍କା। ଜୁଲାଇ ୨୦୨୪ରେ ସେୟାର ଏହି ସ୍ତରକୁ ସ୍ପର୍ଶ କରିଛି। ଅନ୍ୟପଟେ, ସେୟାରର ୫୨ ସପ୍ତାହର ଲୋ ୨୯୫.୨୫ ଟଙ୍କା ଅଛି। ଏହି ସେୟାର ମୂଲ୍ୟ ଅପ୍ରେଲ ୨୦୨୫ରେ ଥିଲା। ସେୟାରର ଟାର୍ଗେଟ୍‌ ପ୍ରାଇସ୍‌ – ଏଞ୍ଜେଲ ୱାନର ଓଶୋ କୃଷ୍ଣନ ଲକ୍ଷ୍ୟ କରିଛନ୍ତି ଯେ,ସେୟାର ୪୨୦ ଟଙ୍କାର ସ୍ତରର ପାଖରେ କଡ଼ା ପ୍ରତିରୋଧର ସାମ୍ନା କରିବାକୁ ପଡ଼ୁଛି। ଆନନ୍ଦ ରାଠୀଙ୍କ ବରିଷ୍ଠ ପ୍ରବନ୍ଧକ-ଟେକ୍ନିକାଲ ଅନୁସନ୍ଧାନ ବିଶ୍ଳେଷକ ଜିଗର ଏସ ପଟେଲ କହିଛନ୍ତି ଯେ, କାଉଣ୍ଟରରେ ସମର୍ଥନ ୩୮୫ ଟଙ୍କା ଓ ପ୍ରତିରୋଧ ୪୦୦ ଟଙ୍କାରେ ହେବ। ପଟେଲ ଏହା ମଧ୍ୟ କହିଛନ୍ତି ଯେ ଆଶା କରାଯାଉ ଥିବା ଟ୍ରେଡିଂ ରେଞ୍ଜ ସର୍ଟ ଟର୍ମରେ ୩୮୦ ଟଙ୍କା ଓ ୪୧୫ ଟଙ୍କା ମଧ୍ୟରେ ହେବ। କମ୍ପାନୀ ବିଷୟରେ – ୨୦୦୫ ମସିହାରେ ଗଠିତ ଆରଭିଏନଏଲ ୧୬,୫୦୦ କିଲୋମିଟରରୁ ଅଧିକ ଦୂରତାକୁ କଭର କରୁଥିବା ୧୫୨ ରୁ ଅଧିକ ରେଲୱେ ପ୍ରକଳ୍ପକୁ ପୂରା କରି ଭାରତୀୟ ରେଲୱେରେ ଇନଫ୍ରାଷ୍ଟ୍ରକଚରର ହ୍ରାସକୁ ପୂରଣ କରିବାରେ ପ୍ରମୁଖ ଭୂମିକା ତୁଲାଇଛି। ଆରଭିଏନଏଲ ବର୍ତ୍ତମାନରେ କୋଲକାତା , ଚେନ୍ନାଇ , ମୁମ୍ୱାଇ, ପୁନେ , ଇନ୍ଦୋର, ସୁରଟ, ଅହମ୍ମଦାବାଦ ଓ ନାଗପୁର ଭଳି ପ୍ରମୁଖ ସହରରେ ମେଟ୍ରୋ ପ୍ରକଳ୍ପକୁ କାର୍ଯ୍ୟକାରୀ କରୁଛି।

ଜନ୍ମବେଦୀ ଛାଡ଼ି ରତ୍ନବେଦୀକୁ ବାହୁଡ଼ୁଛନ୍ତି ଚତୁର୍ଦ୍ଧାମୂରତି, ବଡ଼ଦାଣ୍ଡରେ ଗଡ଼ି ଚାଲିଛି ତିନି ରଥ

ପୁରୀ: ଜନ୍ମବେଦୀ ଛାଡ଼ି ରତ୍ନବେଦୀ ଅଭିମୁଖେ ବାହୁଡ଼ା ଯାତ୍ରାରେ ଚତୁର୍ଦ୍ଧା ମୂରତି। ମଙ୍ଗଳ ଆଳତିଠୁ ନେଇ ପହଣ୍ଡି ଏବଂ ଛେରା ପର୍ଯ୍ୟନ୍ତ ନୀତି ନିର୍ଦ୍ଧାରିତ ସମୟରେ ସଂପନ୍ନ ହେବା ପରେ ଅପରାହ୍ଣ ୩ଟାରୁ ରଥଟଣା ଆରମ୍ଭ ହୋଇଛି। ଘର ଘର ନାଦରେ ତିନି ରଥ ଶ୍ରୀମନ୍ଦିର ଅଭିମୁଖେ ଗଡ଼ି ଚାଲିଛନ୍ତି। ଘଣ୍ଟଘଣ୍ଟା, ହୁଳହୁଳି ଓ ଶଙ୍ଖନାଦରେ ଉଚ୍ଛୁଳୁ ପଡ଼ୁଛି ବଡ଼ଦାଣ୍ଡ। ବାହୁଡ଼ାରେ ପୁଣି ଥରେ ଭକ୍ତ-ଭଗବାନ ଏକାକାର ହୋଇଛନ୍ତି। ବାହୁଡ଼ା ଯାତ୍ରାରେ ଶ୍ରୀବିଗ୍ରହଙ୍କ ରଥାରୂଢ ରୂପ ଦେଖିବାକୁ ଶ୍ରୀକ୍ଷେତ୍ରରେ ଲକ୍ଷ ଲକ୍ଷ ଲୋକଙ୍କ ସମାଗମ ଘଟିଛି। ଆଜି ନିର୍ଦ୍ଧାରିତ ସମୟରେ ଘୋଡ଼ା ଯୋଚା ପରେ ପ୍ରଥମେ ପ୍ରଭୁ ବଳଭଦ୍ରକଙ୍କ ଦର୍ପଦଳନ ରଥ, ପରେ ଦେବୀ ସୁଭଦ୍ରାଙ୍କ ଦର୍ପଦଳନ ଓ ଶେଷରେ ମହାପ୍ରଭୁ ଜଗନ୍ନାଥଙ୍କ ନନ୍ଦିଘୋଷ ରଥ ଟଣା ଯାଇଥିଲା। ଏହା ପୂର୍ବରୁ ନିର୍ଦ୍ଧାରିତ ସମୟ ୧୦ଟାରେ ବାହୁଡ଼ା ପହଣ୍ଡି ଆରମ୍ଭ ଆରମ୍ଭ ହୋଇଥିଲା। ପ୍ରଥମେ ଚକ୍ରରାଜ ସୁଦର୍ଶନ ପହଣ୍ଡିରେ ଆସି ସୁଭଦ୍ରାଙ୍କ ଦର୍ପଦଳନ ରଥରେ ବିରାଜମାନ କରିଥିଲେ। ଏହା ପରେ ଟାହିଆ ସୁଶୋଭିତ ହୋଇ ଘଣ୍ଟ ବାଦ୍ୟ ତାଳେ ତାଳେ ହୁଳ ହୁଳିରେ ଧାଡ଼ି ପହଣ୍ଡିରେ ଆସିଥିଲେ ବଡ଼ ଭାଇ ବଳଭଦ୍ର। ଏହା ପରେ ଆସିଥିଲେ ଚକ୍ରରାଜ, ଓଡ଼ିଆଙ୍କ ମଉଡ଼ମଣି, କୋଟି ଆରାଧ୍ୟ ଦେବତା, ଜଗତର ନାଥ ଜଗନ୍ନାଥ। ଟାହିଆ ଲଗାଇ ସେବାୟତଙ୍କ ଘଣ୍ଟାବାଦ୍ୟ ତାଳେ ଝୁଲି ଝୁଲି ଧାଡ଼ି ପହଣ୍ଡିରେ ଆସିଥିଲେ ଚକାଆଖି। ତାଙ୍କର ଚୋକାଆଖି ଦେଖି ଆହ୍ଲାଦିତ ହୋଇ ଉଠିଥିଲେ ଶ୍ରଦ୍ଧାଳୁ। ଢଳି ଢଳି ଝୁଲି ଝୁଲି ଆସି ନନ୍ଦିଘୋଷ ରଥରେ ବିରାଜମାନ କରିଥିଲେ ମହାବାହୁ। ପାଖାପାଖି ୧୨ଟା ୩୦ରେ ବାହୁଡ଼ା ପହଣ୍ଡି ବିଜେ ନୀତି ସଂପନ୍ନ ହୋଇଥିଲା। ଏହା ପରେ ତିନି ରଥରେ ଶ୍ରୀ ମଦନ ମୋହନ, ଶ୍ରୀରାମ, ଶ୍ରୀକୃଷ୍ଣ ବିଜେ ନୀତି ସଂପନ୍ନ ହୋଇଥିଲା। ତିନି ବିଗ୍ରହଙ୍କ ଚିତା ଲାଗି ସହ ମଇଲମ ଓ ବେଶ ଶେଷ ୧ଟା ୧୫ରେ ହୋଇଥିଲା। ପ୍ରାୟ ୧ଟା ୩୦ରୁ ଛେରା ପହଁରା ନୀତି ଆରମ୍ଭ ହୋଇଥିଲା। ଗଜପତି ମହାରାଜ ଶ୍ରୀ ଦିବ୍ୟସିଂହ ଦେବ ତମଜାନରେ ଆସିଥିଲେ। ପ୍ରଥମେ ତାଳଧ୍ଵଜ ରଥରେ ଛେରାପହଁରା ନୀତି ଅନୁଷ୍ଠିତ ହୋଇଥିଲା। ଏହା ପରେ ଗଜପତି ଦର୍ପଦଳନ ଏବଂ ଶେଷରେ ନନ୍ଦିଘୋଷ ରଥରେ ଛେରାପହଁରା ନୀତି ସଂପନ୍ନ କରିଥିଲେ। ଏହି ନୀତି ପରେ ତିନି ରଥରେ ଚାରମାଳ ଫିଟା, ଘୋଡ଼ା ଓ ସାରଥୀ ଯୋଚା ଯାଇଥିଲା। ଆଉ ଶେଷରେ ନିର୍ଦ୍ଧାରିତ ସମୟ ପ୍ରାୟ ୩ଟାରେ ରଥଟଣା ଆରମ୍ଭ ହୋଇଛି।

ମାଲିରେ ଓଡ଼ିଆ ଯୁବକଙ୍କୁ ଅପହରଣ : ଶୀଘ୍ର ସୁରକ୍ଷିତ ଭାବେ ଉଦ୍ଧାର କରିବାକୁ କେନ୍ଦ୍ରମନ୍ତ୍ରୀଙ୍କୁ ଅନୁରୋଧ କଲେ ବିରୋଧୀ ଦଳ ନେତା

ବ୍ରହ୍ମପୁର ୫।୭: ଗଞ୍ଜାମ ଜିଲ୍ଲାର ହିଞ୍ଜିଳି ଥାନା ସମରଝୋଳ ଗ୍ରାମର ବିଦେଶରେ କାର୍ଯ୍ୟରତ ପି.ଭେଙ୍କଟ ରମଣ ନାମକ ଯୁବକଙ୍କୁ ଆତଙ୍କବାଦୀ ସଂଗଠନ ଅପହରଣ ଘଟଣା,ଅପହରଣ ହୋଇଥିବା ଯୁବକଙ୍କୁ ଶୀଘ୍ର ସୁରକ୍ଷିତ ଭାବେ ଉଦ୍ଧାର କରିବା ନେଇ ବିଭାଗୀୟ କେନ୍ଦ୍ରମନ୍ତ୍ରୀଙ୍କୁ‘ଏକ୍ସ’ଯୋଗେ ଅନୁରୋଧ କଲେ ହିଞ୍ଜିଳି ବିଧାୟକ ତଥା ବିରୋଧୀ ଦଳ ନେତା ନବୀନ ପଟ୍ଟନାୟକ। ମୁମ୍ବାଇର ବ୍ଲୁ-ଷ୍ଟାର୍ କମ୍ପାନୀ ତରଫରୁ ପଶ୍ଚିମ ଆଫ୍ରିକାର ମାଲିରେ ଥିବା ଏକ ସିମେଣ୍ଟ କାରଖାନା କାର୍ଯ୍ୟ କରୁଥିଲେ ପି. ଭେଙ୍କଟ ରମଣ ।ହିଞ୍ଜିଳି ଥାନାରେ ପି. ଭେଙ୍କଟ ରମଣଙ୍କ ମା’ ଅଭିଯୋଗ କରିଛନ୍ତି । ମାଲିରେ ଅପହୃତ ଭାରତୀୟଙ୍କ ମଧ୍ୟରେ ରହିଛନ୍ତି ଗଞ୍ଜାମ ଯୁବକ, ଗତ ୩୦ତାରିଖରେ ଶେଷଥର କଥା ହୋଇଥିଲେ ପରିବାର ସୂଚନାଯୋଗ୍ୟ ଯେ, ଗତ ନଭେମ୍ବର ମାସରେ ଭେଙ୍କଟ ରମଣ ଏକ କନସଲଟାଣ୍ଟ କମ୍ପାନୀ ଦ୍ଵାରା ପଶ୍ଚିମ ଆଫ୍ରିକୀୟ ଦେଶ ମାଲିର ଏକ ସିମେଣ୍ଟ ଫ୍ୟାକ୍ଟ୍ରିରେ କାମ କରିବାକୁ ଯାଇଥିଲେ । ଗତ ୩୦ ତାରିଖ ଦିନ ପରିବାର ଲୋକେ ତାଙ୍କ ପୁଅ ସହ ଶେଷଥର କଥା ହୋଇଥିଲେ l ତା ପରେ ପରିବାର ଲୋକଙ୍କର ତାଙ୍କ ସହ ଆଉ ଯୋଗାଯୋଗ ହୋଇନଥିଲା l ଜୁଲାଇ ୩ ତାରିଖରେ କମ୍ପାନୀ ପକ୍ଷରୁ ପରିବାକୁ ଲୋକଙ୍କୁ କୁହାଯାଇଥିଲା ପୋଲିସ ତାଙ୍କ ପୁଅକୁ ଅଟକ ରଖିଛି । ପରେ ପରିବାର ଲୋକ ଜାତୀୟ ଗଣମଧ୍ୟମରୁ ଖବର ପାଇଥିଲେ କିଛି ଆତଙ୍କବାଦୀ ସଂଗଠନ ଡ଼ାଇମଣ୍ଡ ସିମେଣ୍ଟ ଫ୍ୟାକ୍ଟ୍ରି ଉପରେ ଆକ୍ରମଣ କରିବା ସହ ୩ ଭାରତୀୟଙ୍କୁ ଅପହରଣ କରିନେଇଛନ୍ତି l ସେଥିରେ ତାଙ୍କ ପୁଅ ଭେଙ୍କଟ ରମଣ ମଧ୍ୟ ରହିଥିବା ସେମାନେ ଜାଣିବାକୁ ପାଇଥିଲେ l ଏହାପରେ ପରିବାର ଲୋକ ଏ ନେଇ ହିଞ୍ଜିଳି ଥାନାରେ ଅଭିଯୋଗ କରିଥିଲେ l ପୁଅଙ୍କୁ ସୁରକ୍ଷିତ ଉଦ୍ଧାର କରିବା ପାଇଁ ଜିଲ୍ଲାପାଳଙ୍କୁ ଯୋଗାଯୋଗ ମଧ୍ୟ କରିଥିଲେ l ଏମିତିକି ଘଟଣା ବିଷୟରେ ଜାଣିବା ପାଇଁ ବୈଦେଶିକ ମନ୍ତ୍ରାଳୟକୁ ଯୋଗାଯୋଗ କରିବାକୁ ଚେଷ୍ଟା କରିଥିଲେ । କିନ୍ତୁ ବୈଦେଶିକ ମନ୍ତ୍ରାଳୟ ପକ୍ଷରୁ ଅପହରଣ ନେଇ କୌଣସି ସୂଚନା ମିଳିପାରିନାହିଁ । ଫଳରେ ଭୟରେ ପରିବାର ଲୋକ ଚିନ୍ତାଗ୍ରସ୍ତ ରହିଛନ୍ତି l ପୁଅକୁ ଉଦ୍ଧାର କରିବା ପାଇଁ ପରିବାର ପକ୍ଷରୁ ପ୍ରଶାସନ ନିକଟରେ ଅନୁରୋଧ କରିଛନ୍ତି l Concerned to know that Panad Venkat Raman of Hinjilicut block of Ganjam district has been kidnapped by extremists in the African Country Mali. He has remained incommunicado since then, leaving his family in deep agony. Request Union Minister ( @MEABharat ) Shri @DrSJaishankar to… — Naveen Patnaik (@Naveen_Odisha) July 5, 2025 You Can Read: ଶ୍ରୀଜିଉଙ୍କ ପବିତ୍ର ବାହୁଡ଼ା ଯାତ୍ରା : ଭାବବିହ୍ବଳ ପରିବେଶରେ ଆରମ୍ଭ ହେଲା ରଥ ଟଣା

ସ୍ୱପ୍ନେଶ୍ୱର ମହାଦେବ ମନ୍ଦିର ଜାତୀୟ ମହତ୍ତ୍ୱର ‘ସଂରକ୍ଷିତ ସ୍ମାରକୀ’, ଆଇନ ମନ୍ତ୍ରୀ କହିଲେ- ଦୀର୍ଘଦିନ ଅପେକ୍ଷାରେ ପୂର୍ଣ୍ଣଛେଦ ପଡ଼ିଲା

ଭୁବନେଶ୍ୱର: ଖୋର୍ଦ୍ଧା ପୁଞ୍ଜିଆମା ଗାଁରେ ଅବସ୍ଥିତ ଷଷ୍ଠ ଶତାବ୍ଦୀର ପ୍ରାଚୀନ ସ୍ୱପ୍ନେଶ୍ୱର ମହାଦେବ ମନ୍ଦିରକୁ ଜାତୀୟ ମହତ୍ତ୍ୱର ଏକ ‘ସଂରକ୍ଷିତ ସ୍ମାରକୀ’ ଘୋଷଣା କରାଯାଇଛି । ଭାରତୀୟ ପ୍ରତ୍ନତତ୍ତ୍ୱ ବିଭାଗ ପକ୍ଷରୁ ଗେଜେଟ୍ ନୋଟିଫିକେସନ ଜାରି କରି ଏହି ଘୋଷଣା କରାଯାଇଛି । ଏହି ପ୍ରାଚୀନ ଶିବ ମନ୍ଦିର ବାଣପୁର ବ୍ଲକରେ ଅବସ୍ଥିତ ଏବଂ ଏହା ଶୈଳୋଦ୍ଭବ ରାଜବଂଶର ରାଜତ୍ୱ ସମୟରେ ପ୍ରତିଷ୍ଠିତ ହୋଇଥିବା ବିଶ୍ୱାସ କରାଯାଏ, ଯାହା ସେତେବେଳେ ଓଡ଼ିଶାର ଏକ ପ୍ରମୁଖ ରାଜବଂଶ ଥିଲା । ଏହି ଘୋଷଣା ପରେ ଆଇନ ମନ୍ତ୍ରୀ ପୃଥ୍ୱୀରାଜ ହରିଚନ୍ଦନ କେନ୍ଦ୍ର ସରକାରଙ୍କୁ ଧନ୍ୟବାଦ ଜଣାଇଛନ୍ତି । ଏକ୍ସରେ ସେ ଲେଖିଛନ୍ତି, ଏହି ଐତିହାସିକ ସ୍ବପ୍ନେଶ୍ବର ମନ୍ଦିରକୁ ଭାରତ ସରକାରଙ୍କ ସଂସ୍କୃତି ମନ୍ତ୍ରାଳୟ ଅନ୍ତର୍ଗତ ଭାରତୀୟ ପ୍ରତ୍ନତତ୍ତ୍ୱ ସର୍ବେକ୍ଷଣ ବିଭାଗ (ଏଏସଆଇ) ପକ୍ଷରୁ ସୁରକ୍ଷିତ ସ୍ମାରକ ଭାବରେ ଘୋଷଣା କରାଯାଇଥିବାରୁ ମାନନୀୟ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କୁ ଆନ୍ତରିକ କୃତଜ୍ଞତା ଜ୍ଞାପନ କରିବା ସହ ଧନ୍ୟବାଦ୍ ଅର୍ପଣ କରୁଛି । ୨୦୨୪ରେ ଓଡିଶାରେ ଡବଲ ଇଞ୍ଜିନ ସରକାର ଗଠିତ ହେବା ପରେ ମୁଖ୍ୟମନ୍ତ୍ରୀ ମୋହନ ଚରଣ ମାଝୀ ଓ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନଙ୍କ ଅହରହ ପ୍ରଚେଷ୍ଟାରେ ଏହି ପ୍ରକ୍ରିୟା ଦ୍ରୁତ ହୋଇ ବର୍ତ୍ତମାନ ଏହାକୁ ସରକାରୀ ଭାବେ ଏଏସଆଇ ଦ୍ୱାରା 'ସୁରକ୍ଷିତ ସ୍ମାରକ' ଘୋଷଣା କରାଯାଇଛି । ଦୀର୍ଘଦିନ ଅପେକ୍ଷାରେ ପୂର୍ଣ୍ଣଛେଦ ପଡ଼ିଲା। ମୋ ନିର୍ବାଚନ ମଣ୍ଡଳୀ ଅନ୍ତର୍ଗତ ଆମ ବୀର ଐତିହାସିକ ବାଣପୁର ମାଟିର ଗାରିମା କୀର୍ତ୍ତିରାଜି ଆଜିକାଲିର ନୁହେଁ, ଏହାର ଇତିହାସ କିମ୍ୱଦନ୍ତୀ ସର୍ବ ପୁରାତନ। ଏହାର ଅନେକ ଉଦାହରଣ ରହିଛି ଆମ ଇତିହାସରେ। ଇତିମଧ୍ୟରୁ ଖ୍ରୀଷ୍ଟାବ୍ଦ ୬ଷ୍ଟ ଏବଂ ୮ମ ଶତାବ୍ଦୀ ସମୟର ଶୈଳୋଦ୍ଭବ ରାଜବଂଶର ରାଜଧାନୀ… pic.twitter.com/7fysLsOeNW — Prithiviraj Harichandan (@PrithivirajBJP) July 5, 2025 ଭାରତ ସରକାରଙ୍କ ବିଜ୍ଞପ୍ତି ଅନୁସାରେ ଏହି ମନ୍ଦିରକୁ ୯ ମେ ୨୦୨୪ରେ ଏକ ‘ସଂରକ୍ଷିତ ସ୍ମାରକୀ’ ମାନ୍ୟତା ଦିଆଯାଇଥିଲା । ଏହାପରେ ଲୋକଙ୍କ ଅବଗତି ପାଇଁ ନୋଟିସ୍ ଜାରି କରାଯାଇଥିଲା । ଭାରତ ସରକାରଙ୍କ ନିଷ୍ପତ୍ତି ଉପରେ କୌଣସି ଆପତ୍ତି ମିଳିନଥିଲା । ଏହାପରେ କେନ୍ଦ୍ର ସରକାର ରାଷ୍ଟ୍ରୀୟ ମହତ୍ତ୍ୱର ‘ସୁରକ୍ଷିତ ସ୍ମାରକ ଘୋଷଣା କରାଯାଇଛି । ବାଣପୁର ସହରଠାରୁ ୨୦ କିମଲୋମିଟର ଦୂରରେ ଥିବା ପୂରାତନ ବଙ୍କାଡ଼ଗଡ଼ର ଆରାଧ୍ୟ ଦେବ ଭାବେ ବାବା ସ୍ୱପ୍ନେଶ୍ୱର ପରିଚିତ । ଏହି ଶିବ ମନ୍ଦିରରେ ୫ଟି ମନ୍ଦିର ରହିଛି । ମଝିରେ ପୂଜା ପାଉଛନ୍ତି ବିଶାଳ ଆକୃତିର ଶିବ ଲିଙ୍ଗ । ବଙ୍କାଡ଼ଗଡ଼ର ପ୍ରଭୁ ଶ୍ରୀ ସ୍ଵପ୍ନେଶ୍ୱର ମହାଦେବ ମନ୍ଦିରର ଇତିହାସ ଅନେକ ପୁରୁଣା । ପ୍ରାୟ ଦେଢ଼ ହଜାର ବର୍ଷ ତଳର ମନ୍ଦିରର ପ୍ରତିଟି ଶିଳାରେ ସେତେବେଳର କାରୁ କାର୍ଯ୍ୟ ଶୋଭା ପାଉଛି । ମନ୍ଦିରଟି ଶୈଳୋଦ୍ଭିବ ରାଜାମାନଙ୍କ ଦ୍ୱାରା ଷଷ୍ଠ ଶତାବ୍ଦୀରେ ନିର୍ମାଣ କରାଯାଇଥିବା ବିଶ୍ୱାସ କରାଯାଏ ।

ଆମେରିକାର ପ୍ରଯୁକ୍ତିବିଦ୍ୟାରେ ସଜ୍ଜିତ ରୁଷ୍‌ର ଅସ୍ତ୍ରଶସ୍ତ୍ର ? ରିପୋର୍ଟରେ ଆଶ୍ଚର୍ଯ୍ୟକର ଖୁଲାସା

ନୂଆଦିଲ୍ଲୀ : ରୁଷ୍‌ - ୟୁକ୍ରେନ୍‌ ମଧ୍ୟରେ ଜାରି ଯୁଦ୍ଧକୁ ତିନି ବର୍ଷ ବିତି ସାରିଛି, ଏବଂ ଆମେରିକା ସମେତ ପାଶ୍ଚାତ ଦେଶ ଗୁଡ଼ିକ ରୁଷ୍‌ ଉପରେ ଖୁବ୍‌ ପ୍ରତିବନ୍ଧକ ଲଗାଇ ରଖିଛନ୍ତି। ଏହା ସତ୍ତ୍ୱେ ଏବେ ଏକ ନୂଆ ରିପୋର୍ଟ ପୂରା ଦୁନିଆକୁ ଆଶ୍ଚର୍ଯ୍ୟ କରି ଦେଇଛି। ଏହି ରିପୋର୍ଟ ଇଣ୍ଟରନ୍ୟାସନାଲ ପାର୍ଟନରସିପ୍‌ ଫର୍‌ ହ୍ୟୁମାନ ରାଇଟ୍ସ ( ଆଇପିଏଚ୍‌ଆର), ଇଣ୍ଡିପେଣ୍ଡେଣ୍ଟ ଆଣ୍ଟି କରପ୍ସନ କମିଶନ ( ଏନଏକେଓ) ଓ ମିଡ଼ିଆ ସଙ୍ଗଠନ ହଣ୍ଟରବୁକ୍‌ ମିଶି ପ୍ରସ୍ତୁତ କରିଛନ୍ତି। ରିପୋର୍ଟରେ ଦାବି କରାଯାଇଛି ଯେ , ରୁଷୀୟ ଫାଇଟର ଜେଟ୍ସ ଓ ଅସ୍ତ୍ରଶସ୍ତ୍ରରେ ଆଜି ବି ଆମେରିକୀୟ କମ୍ପାନୀମାନଙ୍କ ଦ୍ୱାରା ନିର୍ମିତ ଉପକରଣ ବ୍ୟବହୃତ ହେଉଛି। ତାହା ବି ଏମିତି ରାସ୍ତାରେ ଯାହା ଉପରେ କାହାର ଧ୍ୟାନ ଯାଇ ନାହିଁ। ରିପୋର୍ଟରେ ଏହି କଥାର ଖୁଲାସା ହୋଇଛି ଯେ, କେମିତି ଏହି ପାର୍ଟସ୍‌ ୩ୟ ଦେଶ ମାଧ୍ୟମରେ ରୁଷ୍‌ ପର୍ଯ୍ୟନ୍ତ ପହଞ୍ଚୁଛି । ତ କେମିତି ପାର୍‌ କରାଯାଉଛି ଏହି ପ୍ରତିବନ୍ଧକର ପାଚେରୀ ? କିଏ ଏହି ଗୋପନ ସପ୍ଲାଇ ରୁଟ୍‌ର ଖେଳାଳିମାନେ ? ଉଲ୍ଲେଖନୀୟ ଯେ, ୟୁକ୍ରେନ ଉପରେ ହମଲା ପରେ ଆମେରିକା ଓ ଏହାର ସହଯୋଗ ଦେଶମାନେ କଡ଼ା ଆଭିମୁଖ୍ୟ ଆପଣାଇ ଥିଲେ । ରୁଷ୍‌ ଉପରେ ବ୍ୟବସାୟିକ ଓ ପ୍ରଯୁକ୍ତିବିଦ୍ୟାର ପ୍ରତିବନ୍ଧକ ପାଚେରୀ ଠିଆ କରାଇ ଦେଇ ଥିଲେ। କିନ୍ତୁ ଏବେ ଏହି ରିପୋର୍ଟରେ ଦାବି କରାଯାଇଛି ଯେ, ରୁଷ୍‌ ଇଣ୍ଟରମିଡିଏଟ୍‌ ଟ୍ରେଡ୍‌ ରୁଟ୍ସ ଅର୍ଥାତ୍ ୩ୟ ଦେଶ ଗୁଡ଼ିକ ମାଧ୍ୟମରେ ପାଶ୍ଚାତ ଟେକନିକ୍‌ ହାସଲ କରିବା ଜାରି ରହିଛି। ଏହି କାରଣରୁ ରୁଷ୍‌ର ଫାଇଟର ଜେଟ୍ସ ଓ ମିସାଇଲ ସିଷ୍ଟମରେ ଏବେ ବି ଆମେରିକୀୟ କମ୍ପାନୀ ଗୁଡ଼ିକର ଇଲେକ୍ଟ୍ରୋନିକ୍‌ କମ୍ପୋନେଣ୍ଟସ ମିଳୁଛି। ରିପୋର୍ଟରେ ଏହା ମଧ୍ୟ ସ୍ପଷ୍ଟ କରାଯାଇଛି ଯେ, ଏହି ଆମେରିକୀୟ କମ୍ପାନୀଗୁଡ଼ିକ ପକ୍ଷରୁ ଜାଣିଶୁଣି କୌଣସି ବେଆଇନ କାମ କରାଯାଇ ନାହିଁ। ଏହି ପାର୍ଟ୍ସ ଅନେକ ସମୟରେ ଅନେକ ହାତ ଓ ଦେଶ ମଧ୍ୟଦେଇ ରୁଷ୍‌ରେ ପହଞ୍ଚି ଥାଏ , ଯେଉଁଥିରେ କମ୍ପାନୀ ଗୁଡ଼ିକୁ ନିଜେ ବି ଜାଣିପାରନ୍ତି ନାହିଁ ଯେ, ତାଙ୍କର ଜିନିଷ କୁଆଡ଼େ ଯାଉଛି। ଆଜିକା ସମୟରେ ବୈଶ୍ୱିକ ସପ୍ଲାଇ ଚେନ୍‌ ଏତେ ଜଟିଳ ଓ ପ୍ରସାର ହୋଇ ଗଲାଣି ଯେ ,ଏହା ଜାଣିବା ମୁସ୍କିଲ ହୋଇଯାଏ ଯେ , ଗୋଟେ ଛୋଟ ଚିପ୍ ବା ସାର୍କିଟ୍‌ କାହା ହାତକୁ ଯାଇଛି। ରିପୋର୍ଟରେ କୁହାଯାଇଛି ଯେ, ରୁଷ୍‌ ଅନେକ ଛୋଟ ଏସୀୟ ଓ ମଧ୍ୟ ଏସୀୟ ଦେଶ ଗୁଡ଼ିକ ମାଧ୍ୟମରେ ଏହି ପାର୍ଟ୍ସକୁ ମଗାଇବାର ନେଟୱର୍କ ତିଆରି କରିଛି,ଯେଉଁଥିରେ ଆମେରିକୀୟ ପ୍ରତିବନ୍ଧକର ସିଧା ଉଲ୍ଲଂଘନ ତ ହୋଇ ନାହିଁ , କିନ୍ତୁ ଉଦ୍ଦେଶ୍ୟ ଏଠାରେ ପୂରା ହୋଇଯାଉଛି ।

ହମ୍ପସରେ ବ୍ରେକ୍ ମାରିବାରୁ ସ୍କୁଟିକୁ ପଛପଟୁ ଧକ୍କା ଦେଲା ଟ୍ରେଲର, ମହିଳା କନେଷ୍ଟବଳଙ୍କ ମୃତ୍ୟୁ

ରାୟଗଡ଼ା ୫।୭: ରାୟଗଡ଼ା ଜିଲ୍ଲା ଚାନ୍ଦିଲି ଥାନା ଅନ୍ତର୍ଗତ ଗୁନାଖାଲ ଛକ ଠାରେ ସ୍କୁଟିକୁ ପଛପଟୁ ଧକ୍କା ଦେଲା ଟ୍ରେଲର । ଫଳରେ ସ୍କୁଟି ଚାଳକ ତଥା ମହିଳା କନେଷ୍ଟବଳଙ୍କର ଟ୍ରେଲର ତଳେ ଚାପି ହୋଇ ମୃତ୍ୟୁ ହୋଇଛି । ମୃତକ ହେଲେ କାର୍ଯ୍ୟରତ ପୋଲିସ କନେଷ୍ଟବଳ ଲାବଣ୍ୟା ଗାଣ୍ଟା । ତାଙ୍କ ଘର ଖେଦାପଡ଼ା ପଞ୍ଚାୟତରେ । ଦୁର୍ଘଟଣା ବେଳେ ବିପରୀତ ଦିଗରୁ ଆସୁଥିବା ଏକ ବାଇକ୍‌ ସହ ସ୍କୁଟି ଧକ୍କା ହେବାରୁ ବାଇକ୍ ମଧ୍ୟ ଦୁର୍ଘଟଣାଗ୍ରସ୍ତ ହୋଇଥିଲା । ବାଇକ୍‌ରେ ଥିବା ଦୁଇ ଜଣ ହେଲେ ବିଷମକଟକ ବ୍ଲକ ବେଠିଆପଡ଼ା ପଞ୍ଚାୟତର ମୁନିଗାଁର କାନ୍ତାରାଓ କାଡ୍ରାକା ଓ ସୁବାରାଓ କାଡ୍ରାକା । ଗୁରୁତର ଅବସ୍ଥାରେ ଦୁଇ ଜଣଙ୍କୁ ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଛି । ସୂଚନାଯୋଗ୍ୟ ଯେ, ଲାବଣ୍ୟା ସକାଳୁ ଘରୁ ବାହାରି ରାୟଗଡ଼ା ଶ୍ରଦ୍ଧା ଶ୍ରୀକ୍ଷେତ୍ରକୁ ବାହୁଡା ଯାତ୍ରା ଡ୍ୟୁଟିରେ ଆସୁଥିଲେ । ଉକ୍ତ ସମୟରେ ରାସ୍ତାରେ ବିପରୀତ ଦିଗରୁ ଅନ୍ୟ ଏକ ବାଇକ୍‌ରେ ଦୁଇ ଜଣ ଆସୁଥିଲେ । ତେବେ ନିକଟସ୍ଥ ହମ୍ପସରେ ବ୍ରେକ୍‌ ମାରିବା ବେଳେ ପଛପଟୁ ସ୍କୁଟିକୁ ଟ୍ରେଲର ଧକ୍କା ଦେଇଥିଲା । ଘଟଣାସ୍ଥଳରେ ଲାବଣ୍ୟା ସ୍କୁଟିରୁ ପଡିଯିବା ବେଳେ ଟ୍ରେଲର ତାଙ୍କ ଉପରେ ମାଡ଼ି ଯିବାରୁ ଘଟଣାସ୍ଥଳରେ ତାଙ୍କର ମୃତ୍ୟୁ ଘଟିଥିଲା । ଖବର ପାଇ ପୋଲିସ ଘଟଣାସ୍ଥଳରେ ପହଞ୍ଚି ଟ୍ରେଲରକୁ ଜବତ କରିଛି । ବାଇକରେ ଆସୁଥିବା ଦୁଇ ଜଣ ଜେକେପୁରରୁ ଗାଁକୁ ଫେରୁଥିବା ପ୍ରକାଶ କରିଛନ୍ତି ।

UNSCରେ ଭାରତର ସ୍ଥାୟୀ ସଦସ୍ୟତାକୁ ତ୍ରିନିଦାଦ ଓ ଟୋବେଗୋର ସମର୍ଥନ

ନୂଆଦିଲ୍ଲୀ ୫।୭: ଜାତି ସଂଘ ସୁରକ୍ଷା ପରିଷଦ (ୟୁଏନଏସସି)ରେ ଭାରତର ସ୍ଥାୟୀ ସଦସ୍ୟତାକୁ ଆଉ ଏକ ଦେଶର ସମର୍ଥନ ମିଳିଛି। ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଯାତ୍ରା ମଧ୍ୟରେ ତ୍ରିନିଦାଦା ଓ ଟୋବେଗୋ ଏହି ସମର୍ଥନ ଘୋଷଣା କରିଛି। ଶୁକ୍ରବାର ପ୍ରଧାନମନ୍ତ୍ରୀ ମୋଦି ଓ ତାଙ୍କ ସମକକ୍ଷ କମଲା ପ୍ରସାଦ ବିସେସରଙ୍କ ମଧ୍ୟରେ ବାର୍ତ୍ତା ହୋଇଥିଲା। ଏଥିରେ ଭାରତ ସହିତ ତ୍ରିନିଦାଦ ଓ ଟୋବେଗୋ ୬ଟି ବୁଝାମଣାପତ୍ରରେ ସ୍ୱାକ୍ଷର କରିଛି। ଏ ନେଇ ଶନିବାର ଜାରି ମିଳିତ ବୟାନରେ କୁହାଯାଇଛି ଯେ ତ୍ରିନିଦାଦା ଓ ଟୋବେଗୋ ବିସ୍ତାରିତ ମିଳିତ ଜାତିସଂଘରେ ଭାରତାର ସ୍ଥାୟୀ ସଦସ୍ୟତା ନିମନ୍ତେ ଭାରତକୁ ନିଜର ପୂର୍ଣ୍ଣ ସମର୍ଥନ ଦେବାକୁ ପୁଷ୍ଟି କରିଛି। ବୈଶ୍ୱିକ ପ୍ରସଙ୍ଗରେ ଗହନ ବିଚାରବିମର୍ଷ କରି ମୋଦି ଓ ବିସେସର ଜାତିସଂଘରେ ବ୍ୟାପକ ସଂସ୍କାର ଉପରେ ଗୁରୁତ୍ୱ ଦେଇଛନ୍ତି, ଯେଉଁଥିରେ ଜାତି ସଂଘ ସୁରକ୍ଷା ପରିଷଦ ସମ୍ପ୍ରସାରଣ ମଧ୍ୟ ସାମିଲ। ଯାହାଦ୍ୱାରା ବର୍ତ୍ତମାନର ବାସ୍ତବିକତାକୁ ବେଶ୍ ଭଲ ଭାବେ ପ୍ରତିବିମ୍ବିତ କରାଯାଇ ପାରିବ। ମିଳିତ ବକ୍ତବ୍ୟରେ କୁହାଯାଇଛି ଯେ ‘ବଢୁଥିବା ଭୂ-ରାଜନୈତିକ ଉତ୍ତେଜନା ଓ ବୈଶ୍ୱିକ ସଂଘର୍ଷକୁ ସ୍ୱୀକାର କରି ଦୁଇ ନେତା ଆଲୋଚନା ଓ କୂଟନୀତିକୁ ଆଗକୁ ବଢାଇବା ପାଇଁ ମାର୍ଗ ପ୍ରଦର୍ଶିତ କରିଛନ୍ତି’। ଏ କଥାରେ ମଧ୍ୟ ସହମତି ହୋଇଛି ଯେ ଭାରତ ୨୦୨୭-୨୮ ଅବଧି ଲାଗି ଜାତି ସଂଘ ସୁରକ୍ଷା ପରିଷଦରେ ଅସ୍ଥାୟୀ ଆଶନ ନିମନ୍ତେ ତ୍ରିନିଦାଦ ଓ ଟୋବେଗୋର ପ୍ରାର୍ଥୀତ୍ୱକୁ ସମର୍ଥନ କରିବ। ଏ ନେଇ ବିଦେଶ ମନ୍ତ୍ରାଳୟ କହିଛନ୍ତି ଯେ ପ୍ରଧାନମନ୍ତ୍ରୀଙ୍କ ତ୍ରିନିଦାଦ ଓ ଟୋବେଗୋ ଐତିହାସିକ ଯାତ୍ରା ଯୋଗୁ ଦୁଇ ଦେଶଙ୍କ ମଧ୍ୟରେ ବିଶେଷ ସମ୍ପର୍କକୁ ପ୍ରୋତ୍ସାହନ ମିଳିଛି। ୧୯୯୯ ମସିହା ପରେ କୌଣସି ଭାରତୀୟ ପ୍ରଧାନମନ୍ତ୍ରୀଙ୍କ ତ୍ରିନାଦାଦ ଓ ଟୋବେଗୋ ପ୍ରଥମ ଦ୍ୱିପାକ୍ଷୀୟ ଯାତ୍ରା। ଏହି ଗସ୍ତ କାଳରେ ଦୁଇ ନେତା ଆତଙ୍କବାଦ ବିରୋଧରେ ଲଢିବାକୁ ନିଜ ସଂକଳ୍ପ ପୁଷ୍ଟି କରିଛନ୍ତି। ଗସ୍ତ ଅବସରରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ତ୍ରିନିଦାଦ ଓ ଟୋବେଗୋ ରାଷ୍ଟ୍ରପତି କ୍ରିଷ୍ଟିନ କାର୍ଲା କଙ୍ଗାଲୁଙ୍କୁ ମଧ୍ୟ ଭେଟିଛନ୍ତି।

ନାରାୟଣ ଜୁଏଲର୍ସରୁ ସୁନା ଅଳଙ୍କାର ଲୁଟ୍ ଘଟଣା : ୧୦ଦିନ ପରେ ୬ ଅଭିଯୁକ୍ତ ଗିରଫ

ଘଟଗାଁ ୫।୭: କେନ୍ଦୁଝର ଜିଲ୍ଲା ହରିଚନ୍ଦନପୁର ମୁଖ୍ୟ ବଜାର ବ୍ୟାଙ୍କ୍ ଅଫ୍ ଇଣ୍ଡିଆ ଶାଖା ତଳେ ଥିବା ନାରାୟଣ ଜୁଏଲାରୀରୁ ଲୁଟ୍ ଘଟଣାରେ ୬ ଅଭିଯୁକ୍ତ ଗିରଫ । ପୂର୍ବରୁ ତିନି ଜଣଙ୍କୁ ଗିରଫ କରି କୋର୍ଟ ଚାଲାଣ କରିଥିବା ବେଳେ ଆଉ ତିନି ଜଣଙ୍କୁ ଗିରଫ କରି କୋର୍ଟ ଚାଲାଣ କରିଛି ପୋଲିସ । ଅଭିଯୁକ୍ତଙ୍କ ନିକଟକୁ କିଛି ପରିମାଣର ସୁନା ଓ ରୁପା ଅଳଙ୍କାର ସମେତ ୩ ମୋବାଇଲ ଓ ୩ ବାଇକ୍ ଜବତ କରାଯାଇଥିବା SDPO ବିଜୟ କୃଷ୍ଣ ମହାପାତ୍ର ଓ ହରିଚନ୍ଦନପୁର ଥାନା ଆଇଆଇସି ଦେବକୀ ନାଏକ ସୂଚନା ଦେଇଛନ୍ତି । ସୂଚନାଯୋଗ୍ୟ ଯେ, ଗତ ଜୁନ ୨୫ ତାରିଖ ସନ୍ଧ୍ୟା ୬ଟା ୪୫ ମିନିଟ୍ ସମୟରେ ୪ ଜଣ ଦୁର୍ବୃତ୍ତ ଦୁଇଟି ବାଇକ୍ ଯୋଗେ ଆସି ଦୋକାନରେ ସମସ୍ତଙ୍କ ଉପସ୍ଥିତିରେ ପ୍ରଥମେ ମାରଣାସ୍ତ୍ର ଦେଖାଇବା ସହିତ ଦୁଇ ରାଉଣ୍ଡ ବ୍ଲାଙ୍କ ଫାୟାରିଂ କରି ଦୋକାନୀଙ୍କୁ ଆକ୍ରମଣ କରି ଲୁଟି ନେଇଥିଲେ ପାଖାପାଖି ୧ କୋଟିରୁ ଉର୍ଦ୍ଧ୍ବ ଟଙ୍କାର ସୁନା ଅଳଙ୍କାର । ସଙ୍ଗେ ସଙ୍ଗେ ପୋଲିସ ପହଞ୍ଚି ଘଟଣାକୁ ଗୁରୁତର ସହ ପୁରା ଏରିଆକୁ ନାକାବନ୍ଦୀ କରି ତଦନ୍ତ ଚଳାଇଥିଲା । ପାଖାପାଖି ୧୦ ଦିନ ତନାଘନା କରି ଗତ ୧ ଜୁଲାଇରେ ୩ ଜଣଙ୍କୁ ଗିରଫ କରି କୋର୍ଟ ଚାଲାଣ କରିଥିବା ବେଳେ ଶନିବାର ୩ ଜଣଙ୍କୁ ଗିରଫ କରି କୋର୍ଟ ଚାଲାଣ କରିଛି ପୋଲିସ । ୬ ଅଭିଯୁକ୍ତ ମଧ୍ୟରୁ ତିନି ଅଭିଯୁକ୍ତ ହେଲେ କେନ୍ଦ୍ରାପଡ଼ା ଜିଲ୍ଲାର ବିକି ପାତ୍ର, ଜଗୁ ପାତ୍ର ଓ ଅଜିତ୍ ପଟ୍ଟନାୟକ ଏବଂ କଟକ ଜିଲ୍ଲାର ଜଗନ୍ନାଥ ଘଡେ଼ଇ, ଯାଜପୁର ଜିଲ୍ଲାରୁ ଇନ୍ଦ୍ରମଣି ମହାନ୍ତ ଓ କେନ୍ଦୁଝର ଜିଲ୍ଲାର ହରିଚନ୍ଦନପୁର ଥାନା ବାଇଲବେଡା ଗ୍ରାମର ବୁଦ୍ଧଦେବ ମହାନ୍ତ ବୋଲି ପୋଲିସ ସୂଚନା ଦେଇଛି । ତେବେ ଏହି ଅଭିଯୁକ୍ତ ମାନଙ୍କ ବିରୁଦ୍ଧରେ ଅନେକ କେଶ୍ ବିଭିନ୍ନ ଥାନାରେ ଥିବା ସୂଚନା ମିଳିଛି । You Can Read: ମାଲିରେ ଓଡ଼ିଆ ଯୁବକଙ୍କୁ ଅପହରଣ : ଶୀଘ୍ର ସୁରକ୍ଷିତ ଭାବେ ଉଦ୍ଧାର କରିବାକୁ କେନ୍ଦ୍ରମନ୍ତ୍ରୀଙ୍କୁ ଅନୁରୋଧ କଲେ ବିରୋଧୀ ଦଳ ନେତା

ଭାରତ ସହ ବିବାଦ ବାଂଲାଦେଶକୁ ପଡ଼ିଲା ମହଙ୍ଗା ! ବର୍ଷେ ଯାଏଁ କ୍ରିକେଟ୍ ସିରିଜ ସ୍ଥଗିତ କଲା ବିସିସିଆଇ

ନୂଆଦିଲ୍ଲୀ: ଆସନ୍ତା ଅଗଷ୍ଟରୁ ବାଂଲାଦେଶରେ ଭାରତ ସହ ହେବାକୁ ଥିବା ଦ୍ୱିପାକ୍ଷିକ ସିରିଜକୁ ସେପ୍ଟେମ୍ବର ୨୦୨୬ ପର୍ଯ୍ୟନ୍ତ ସ୍ଥଗିତ ରଖାଯାଇଛି । ବାଂଲାଦେଶ କ୍ରିକେଟ୍ ବୋର୍ଡ ଏବଂ ବିସିସିଆଇ ମିଳିତ ଭାବେ ଏହି ନିଷ୍ପତ୍ତି ନେଇଛନ୍ତି । ଏହି ନିଷ୍ପତ୍ତି କେବଳ କ୍ରିକେଟ୍ ସହ ଜଡ଼ିତ ନୁହେଁ, ବରଂ ବାଂଲାଦେଶରେ ଦେଖାଦେଇଥିବା ରାଜନୈତିକ ଅସ୍ଥିରତା, ସଂଖ୍ୟାଲଘୁଙ୍କ ବିରୁଦ୍ଧରେ ହିଂସା ଏବଂ ଭାରତ ସହିତ ଚାଲିଥିବା ସୀମା ବିବାଦର ଗୁରୁତ୍ୱପୂର୍ଣ୍ଣ ପ୍ରଭାବ ବୋଲି ଧରାଯାଉଛି । ବାଂଲାଦେଶରେ ଚାଲିଥିବା ଘଟଣା ଏବଂ ଅନ୍ତର୍ଜାତୀୟ ମଞ୍ଚରେ ଭାରତ ବିରୁଦ୍ଧରେ ଏହାର ଅବାନ୍ତର ବୟାନ ବିସିବିକୁ ମହଙ୍ଗା ପଡ଼ିଛି । ବାଂଲାଦେଶରେ ଗତ ଏକ ବର୍ଷରୁ ଉର୍ଦ୍ଧ୍ୱ ସମୟ ଧରି ରାଜନୈତିକ ଅସ୍ଥିରତା ଜାରି ରହିଛି । ୨୦୨୪ ଅଗଷ୍ଟରେ ଛାତ୍ର ଆନ୍ଦୋଳନ ପରେ ଶେଖ୍ ହସିନାଙ୍କ ସରକାରର ପତନ ଘଟିଥିଲା । ତାଙ୍କୁ ଦେଶ ଛାଡି ଭାରତରେ ଆଶ୍ରୟ ନେବାକୁ ପଡିଥିଲା । ବାଂଲାଦେଶରେ ଏବେ ମହମ୍ମଦ ୟୁନୁସଙ୍କ ନେତୃତ୍ୱରେ ଏକ ଅନ୍ତରୀଣ ସରକାର ଅଛି । ଅନ୍ତରୀଣ ସରକାର ଲଗାତାର ଭାରତ ବିରୋଧରେ ବୟାନ ଦେଇ, ଚୀନର ଗୁଣଗାନ କରୁଛି । ଏହାଛଡ଼ା ଭାରତ ଲଗାତାର ଆପତ୍ତି ସତ୍ତ୍ୱେ ସେଠାକାର ସରକାର ସଂଖ୍ୟାଲଘୁ ହିନ୍ଦୁଙ୍କୁ ସୁରକ୍ଷା ଦେଇପାରୁ ନାହିଁ । ଏପରି ସ୍ଥିତିରେ ବିସିସିଆଇ ଖେଳାଳିଙ୍କ ସୁରକ୍ଷାକୁ ନେଇ ଚିନ୍ତା ବ୍ୟକ୍ତ କରିଥିଲା । ଭାରତ ସରକାର ବି ବିସିସିଆଇକୁ ସୁରକ୍ଷା ନେଇ ସତର୍କ କରାଇଥିଲେ । ଭାରତ ସରକାର ଚାହୁଁଛନ୍ତି ଯେ ବାଂଲାଦେଶରେ ସ୍ଥିର ସରକାର ଓ ଆଇନ ବ୍ୟବସ୍ଥା ସ୍ଥିତି ନିୟନ୍ତ୍ରଣକୁ ଆସିବା ପରେ ହିଁ ଖେଳାଳି ଗସ୍ତ କରନ୍ତୁ । ଆସନ୍ତା ବର୍ଷ ଆରମ୍ଭରେ ବାଂଲାଦେଶରେ ନିର୍ବାଚନ ହେବାର ସମ୍ଭାବନା ରହିଛି । ବିସିବି ୨୦୨୬ ସେପ୍ଟେମ୍ୱରରେ ଭାରତ ସହ ସିରିଜ ପାଇଁ ଇଚ୍ଛୁକ ଅଛି । କିନ୍ତୁ ବାଂଲାଦେଶରେ ସ୍ଥିର ସରକାର ପରେ ହିଁ ତାରିଖ ସ୍ପଷ୍ଟ ହୋଇପାରିବ । ଏହି ସ୍ଥଗିତ କେବଳ କ୍ରିକେଟ୍ ସିରିଜକୁ ଟାଳିବା ନୁହେଁ, ବରଂ ବାଂଲାଦେଶର ଆଭ୍ୟନ୍ତରୀଣ ଆହ୍ୱାନ ଓ ଭାରତ ସହ ଏହାର ଜଟିଳ ସମ୍ପର୍କକୁ ଦର୍ଶାଉଛି ।

ଇଟାଲୀରେ ଯୌନ ଅପରାଧୀଙ୍କୁ ଏଣିକି ମିଳିବ‘କେମିକାଲ ଦଣ୍ଡ’, ହୋଇଯିବେ ନପୁଂସକ

ରୋମ ୫।୭ : ଇଟାଲୀ ସରକାର ଏବେ ଦୁଷ୍କର୍ମକାରୀ ଓ ଶିଶୁ ଯୌନଶୋଷଣକାରୀଙ୍କ ବିରୋଧରେ କଡ଼ା ଆଇନ ଆଣିବାକୁ ଯାଉଛନ୍ତି। ଏହି ଆଇନ ଅନୁସାରେ ଏଣିକି ଅପରାଧୀଙ୍କୁ ‘କେମିକାଲ କ୍ୟାଷ୍ଟ୍ରେସନ’ ଦଣ୍ଡ ଦିଆଯାଇ ପାରିବ। କେମିକାଲ କ୍ୟାଷ୍ଟ୍ରେସନ ଏକ ଔଷଧ ଆଧାରିତ ଚିକିତ୍ସା। ଏଥିରେ ଏପରି ଔଷଧ ଦିଆଯାଏ ଯାହା ଅପରାଧୀଙ୍କ ଯୌନ ଆକାଙକ୍ଷା ଅବଦମିତ କରିଦିଏ। ଏହି ଚିକିତ୍ସା ସମ୍ପୂର୍ଣ୍ଣ ସ୍ୱେଚ୍ଛିକ ଅର୍ଥାତ ଅପରାଧୀ ଚାହିଁଲେ ନିଜ ଇଛାରେ ଗ୍ରହଣ କରିପାରିବେ। ଯଦି ଅପରାଧୀ ଏହି ଚିକିତ୍ସାକୁ ସ୍ୱୀକାର କରେ ତେବେ ତା ଦଣ୍ଡ କୋହଳ ହୋଇପାରେ। ନିକଟ ଅତୀତରେ ଇଟାଲୀରେ ଅନେକ ବଡ଼ ବଡ଼ ଯୌନ ଅପରାଧ ହୋଇଛି। ଖାସ କରି ଶିଶୁଙ୍କ ପ୍ରତି ସାମୂହିକ ଦୁଷ୍କର୍ମ ମାମଲା ବଢିଛି। ଏହି ଅପରାଧ ଏବେ ଦେଶରେ ଜନଅସନ୍ତୋଷର କାରଣ ପାଲଟିଛି। ପ୍ରଧାନମନ୍ତ୍ରୀ ଜିୟୋର୍ଜିୟା ମେଲୋନୀଙ୍କ ସରକାର ଓ ଲିଗ୍ ପାର୍ଟି ଏହି ପ୍ରସ୍ତାବକୁ ସମର୍ଥନ କରୁଛି। ଏହି ଦଣ୍ଡଦ୍ୱାରା ଦ୍ୱିତୀୟବାର ଅପରାଧକୁ ନିୟନ୍ତ୍ରଣ କରାଯାଇ ପାରିବ। ତେବେ କେତେକ ବିରୋଧୀ ଦଳ ନେତା ଓ ମାନବାଧିକାର ସଙ୍ଗଠନ ଏହି ଆଇନକୁ ଦେଶରେ ବିରୋଧ କରୁଛନ୍ତି। ସେମାନଙ୍କ କହିବା କଥା ହେଲା ଏହା ମଣିଷର ମୌଳିକ ଅଧିକାରର ଉଲ୍ଲଂଘନ। କିଛି ଡାକ୍ତରଙ୍କ ଅନୁସାରେ ଅପରାଧୀ ଯୌନ ଅପରାଧ କେବଳ ଯୌନ ଇଛା କାରଣରୁ ହୁଏ ନାହିଁ, ବରଂ ଆକ୍ରୋଶ ଓ ନିୟନ୍ତ୍ରଣ ଭାବନାରେ ମଧ୍ୟ ଏହି ଅପରାଧ ସଙ୍ଗଠିତ ହୁଏ। ତେବେ ସରକାର ନୂଆ ଆଇନ ଉପରେ ଏବେ କାମ ଆରମ୍ଭ କରିଦେଇଛନ୍ତି। ଏହି ଆଇନର ଚିଠା ପ୍ରସ୍ତାବ ପ୍ରସ୍ତୁତି ନିମନ୍ତେ ଏକ କମିଟି ଗଠନ କରାଯିବ। ଏହି କମିଟି ଦ୍ୱାରା ପ୍ରସ୍ତୁତ ଚିଠା ପ୍ରସ୍ତାବ ସଂସଦରେ ଆଗତ ହେବା ପରେ ଏହା ଉପରେ ଚର୍ଚ୍ଚା ହେବ। ବିଧେୟକ ଉପରେ ବିତର୍କ ପରେ ଏହାକୁ ଗୃହୀତ କରାଯିବ।

ହାଫିଜ ଓ ଅଜହରକୁ ଭାରତକୁ ହସ୍ତାନ୍ତର କରିବାକୁ ପାକିସ୍ତାନ ପ୍ରସ୍ତୁତ : ବିଲାୱଲ ଭୁଟ୍ଟୋଙ୍କ ବଡ଼ ବୟାନ

ଇସଲାମାବାଦ : ପାକିସ୍ତାନର ପୂର୍ବତନ ବିଦେଶ ମନ୍ତ୍ରୀ ବିଲାୱଲ ଭୁଟ୍ଟୋ ଜର୍ଦ୍ଦାରୀଙ୍କ ବଡ଼ ବୟାନ। ସେ କହିଛନ୍ତି, ନୂଆଦିଲ୍ଲୀ ଏହି ପ୍ରକ୍ରିୟାରେ ସହଯୋଗ କରିବାକୁ ଯଦି ଇଚ୍ଛୁକତା ଦେଖାଏ , ତେବେ ଆତ୍ମବିଶ୍ୱାସ ସୃଷ୍ଟି କରିବା ପାଇଁ “ତଦନ୍ତାଧୀନ ବ୍ୟକ୍ତି”ଙ୍କୁ ଭାରତକୁ ପ୍ରତ୍ୟର୍ପଣ କରିବାରେ ,ତାଙ୍କ ଦେଶର କୌଣସି ଅଭିଯୋଗ ନାହିଁ। ଡନ୍‌ ଖବରକାଗଜ ଅନୁସାରେ , ପାକିସ୍ତାନ ପିପୁଲ୍ସ ପାର୍ଟିର ଅଧ୍ୟକ୍ଷ ବିଲାୱଲ ଶୁକ୍ରବାର ଅଲ୍ ଜଜିରା ସହ ଏକ ସାକ୍ଷାତ୍କାରରେ ଏହି ଟିପ୍ପଣୀ କରିଛନ୍ତି। ଖବରରେ କୁହାଯାଇଛି ଯେ, ଲଶ୍କର-ଏ-ତୈଇବା (ଏଲଇଟି) ପ୍ରମୁଖ ହାଫିଜ ସଇଦ୍‌ ଓ ଜୈଶ୍‌-ଏ-ମହମ୍ମଦ (ଜେଇଏମ) ପ୍ରମୁଖ ମସୁଦ୍‌ ଅଜହରକୁ ସମ୍ଭାବିତ ଚୁକ୍ତି ଓ ସଦ୍ଭାବନାପୂର୍ଣ୍ଣ ଆଭିମୁଖ୍ୟ ଅନୁସାରେ, ଭାରତକୁ ପ୍ରତ୍ୟର୍ପିତ କରିବା ବିଷୟରେ ପଚରା ଯାଇଥିବା ପ୍ରଶ୍ନର ଜବାବ ଦେଇ ବିଲାୱଲ ଏହି ଟିପ୍ପଣୀ କରିଛନ୍ତି। ବିଲାୱଲ କହିଛନ୍ତି , ପାକିସ୍ତାନ ସହ ଏକ ବ୍ୟାପକ ଆଲୋଚନାର ଅଂଶ ଭାବେ, ଯେଉଁଠି ଆତଙ୍କବାଦ ଏହିସବୁ ମାମଲା ମଧ୍ୟରୁ ଗୋଟିଏ, ଯାହା ଉପରେ ଆମେ ଆଲୋଚନା କରୁଛେ, ମୋର ବିଶ୍ୱାସ ଯେ, ପାକିସ୍ତାନ ଏଥିରେ କୌଣସି ବି ଜିନିଷରେ ବିରୋଧ କରିବ ନାହିଁ। ରାଷ୍ଟ୍ରୀୟ ଆତଙ୍କବାଦ ନିରୋଧକ ପ୍ରାଧିକରଣ (ନାକ୍ଟା) ଅନୁସାରେ, ଲଶ୍କର-ଏ-ତୈଇବା ଓ ଜୈସ୍‌-ଏ-ମହମ୍ମଦ ଦୁହିଁଙ୍କୁ ପାକିସ୍ତାନ ପ୍ରତିବନ୍ଧକ ଲଗେଇଛି, ଯାହାକି ୨୬/୧୧ ମୁମ୍ୱାଇ ଆତଙ୍କୀ ହମଲାର ମୁଖ୍ୟ ଷଡ଼ଯନ୍ତ୍ରକାରୀ ହାଫିଜ୍ ସଇଦ୍‌ ବର୍ତ୍ତମାନରେ ଆତଙ୍କବାଦକୁ ପାଣ୍ଠି ଯୋଗାଇବା ପାଇଁ ୩୩ ବର୍ଷର ସଜା କାଟୁଛନ୍ତି। ଏହିପରି ଜାତିସଂଘ ଦ୍ୱାରା ବୈଶ୍ୱିକ ଆତଙ୍କବାଦୀ ଘୋଷିତ ଅଜହରକୁ ମଧ୍ୟ ଟାକ୍ଟା ନିଷିଧ କରି ରଖିଛି। ବିଲାୱଲ କହିଛନ୍ତି , ଏହି ବ୍ୟକ୍ତିଙ୍କ ବିରୋଧରେ ବିଚାର କରାଯାଉ ଥିବା ମାମଲା ଗୁଡ଼ିକ ପାକିସ୍ତାନ ସହ ଜଡ଼ିତ ଥିଲା ,ଯେପରିକି ଆତଙ୍କବାଦୀ କାର୍ଯ୍ୟକଳାପ ପାଇଁ ପାଣ୍ଠି ଯୋଗାଇବା। ହେଲେ ସେ କହିଛନ୍ତି ଯେ, ସୀମା ପାର୍‌ ଆତଙ୍କବାଦ ପାଇଁ ସେମାନଙ୍କ ଉପରେ ମାମଲା ରୁଜୁ କରିବା ମୁସ୍କିଲ ଥିଲା, କାରଣ ଦିଲ୍ଲୀ ପକ୍ଷରୁ ମୌଳିକ ଜିନିଷର ପାଳନ କରାଯାଇ ନଥିଲା। ସେ କହିଛନ୍ତି, ଭାରତ କିଛି ମୌଳିକ ଜିନିଷକୁ ପାଳନ କରିବାରୁ ମନା କରୁଛି, ଯାହାକୁ ଦୋଷୀ ସାବ୍ୟସ୍ତ ପାଇଁ ଆବଶ୍ୟକତା ହୋଇ ଥାଏ। ଏହା ମହତ୍ତ୍ୱପୂର୍ଣ୍ଣ ...ଏହି ସବୁ କୋର୍ଟରେ ପ୍ରମାଣ ଉପସ୍ଥାପିତ କରିବା, ଲୋକଙ୍କୁ ଭାରତରୁ ପ୍ରମାଣ ଦେବାକୁ ଆସିବା, ଯାହା ବି ଜବାବୀ ଅଭିଯୋଗ ଲାଗିବ ତାକୁ ସହ୍ୟ କରିବା। ବିଲାୱଲ କହିଛନ୍ତି , ଯଦି ଭାରତ ଏହି ପ୍ରକ୍ରିୟାରେ ସହଯୋଗ କରିବାକୁ ପ୍ରସ୍ତୁତ , ତ ମୋର ବିଶ୍ୱାସ ଯେ,କୌଣସି ବି ଯାଞ୍ଚ ପରିସରରେ ଆସିଥିବା ବ୍ୟକ୍ତିଙ୍କୁ ପ୍ରତ୍ୟର୍ପଣ କରିବାରେ କୌଣସି ପ୍ରତିବନ୍ଧକ ଆସିବ ନାହିଁ।

ମିଥୁନ ରାଶି ବ୍ୟକ୍ତିଙ୍କୁ ଦିନରେ ଧନ ପ୍ରାପ୍ତିର ଯୋଗ ରହିଛି, ଖର୍ଚ୍ଚ ମଧ୍ୟ ଅଧିକ ହୋଇପାରେ

ମେଷ - ରାଶିକୁ ଘାତ ଚନ୍ଦ୍ର । ଆଖି ସହିତଜଡ଼ିତ ସମସ୍ୟା ବ୍ୟଥିତ କରିପାରେ । କୌଣସି ଜିନିଷରୁ ସଂକ୍ରମଣ ହେବାର ସମ୍ଭାବନା ମଧ୍ୟ ଅଛି । ମନକୁ ଯଥାସମ୍ଭବ ଶାନ୍ତ ରଖନ୍ତୁ,ନଚେତ୍ ସମସ୍ୟା ବଢ଼ିବ। ଚାକିରିରେ ଅସମ୍ମାନିତ ହେବାର ସମ୍ଭାବନା ରହିଛି । ବୃଷ - ପଥରୋଧର ଶିକାର ହୋଇପାରନ୍ତି । ପରିବାର ସଦସ୍ୟମାନେ ଆପଣଙ୍କଠାରୁ କିଛି ଆଶା କରିବେ । ସଂଯମତା ବଜାୟ ରଖନ୍ତୁ ଏବଂ ସମସ୍ତଙ୍କ ସହିତ ଭଲ ସମ୍ପର୍କ ବଜାୟ ରଖନ୍ତୁ । ଚାକିରି କ୍ଷେତ୍ରରେ ସାମାନ୍ୟ କଳହ ଯୋଗ ରହିଛି । ମିଥୁନ - ଧନ ପ୍ରାପ୍ତିର ଯୋଗ ରହିଛି । ବାହାର ସ୍ଥାନରୁ ସମ୍ମାନ ମିଳିବ। ଖର୍ଚ୍ଚ ବୃଦ୍ଧି ପାଇବ,କିନ୍ତୁ ଆପଣ ଏହା ବିଷୟରେ ଅଧିକ ଚିନ୍ତା କରିବେ ନାହିଁ । ଘରେ ଚିନ୍ତାଜନକ ପରିବେଶ ରହିବ,କିନ୍ତୁ ସମୟ ସହିତ ସବୁ କିଛି ସମାଧାନ ହୋଇଯିବ । କର୍କଟ - ଅନେକ ଲୋକଙ୍କ ସହିତ ମିଳନ ହେବ। ଯଦି ଆପଣ କୌଣସି ପ୍ରକାର ବ୍ୟବସାୟରେ ଜଡ଼ିତ ଅଛନ୍ତି,ତେବେ ଏଥିରେ ସତର୍କ ରହିବାକୁ ଅନୁରୋଧ । କୌଣସି ଚୁକ୍ତି କରିବା ପୂର୍ବରୁ,ଏହାକୁ ଭଲ ଭାବରେ ବିଚାର କରିବାକୁ ନିଶ୍ଚିତ ହୁଅନ୍ତୁ । ସିଂହ - ସେବା ପୂଜାରେ ମନୋନିବେଶ କରିବେ। ଆର୍ଥିକ ଦୃଷ୍ଟିରୁ ଶୁଭ ଖବର ମିଳିବ। ବିଦ୍ୟାର୍ଥୀମାନେ ଉନ୍ନତି ପଥ ଅନୁସରଣ କରିବେ। ବ୍ୟବସାୟ ଲାଭଦାୟକ ହେବ । କନ୍ୟା - ସୁଖ ହାନି ହେବାର ସମ୍ଭାବନା ଅଛି । କର୍ମ କ୍ଷେତ୍ରରେ କମ୍ କାମ ହେବ ଏବଂ ଆପଣ ସହକର୍ମୀମାନଙ୍କ ସହିତ ଗୁଣାତ୍ମକ ସମୟ ବିତାଇବ । ଜଣେ ବରିଷ୍ଠ ବ୍ୟକ୍ତିଙ୍କ ଦ୍ୱାରା ଉପଯୁକ୍ତ ମାର୍ଗଦର୍ଶନ ପାଇବେ । ଯାହା ଭବିଷ୍ୟତର ରଣନୀତିରେ ସହାୟକ ହେବ । ତୁଳା - ରାଶିରେ ସପ୍ତମ ଚନ୍ଦ୍ର ରହିଥିବାରୁ ଧନ ପ୍ରାପ୍ତିର ଯୋଗ ରହିଛି । ସ୍ୱାସ୍ଥ୍ୟ ଦୃଷ୍ଟିରୁ ଦିନଟି ଉତ୍ତମ ହେବାର ସମ୍ଭାବନା ଅଛି । ପ୍ରୀତି ଓ ସାନିଧ୍ୟ ଲାଭ କରିବେ । ବିଦ୍ୟାର୍ଥୀମାନେ ସାମାନ୍ୟ ଅବହେଳିତ ହେବେ ।ବ୍ୟବସାୟ ମଧ୍ୟମ ଫଳଦେବ। ବିଛା - ଭାଗବତ ପ୍ରେମରେ ସମୟ କାଟିବେ। ଡିଜିଟାଲ୍ ମାର୍କେଟିଂ,ମିଡିଆ,ସାମ୍ବାଦିକ ଇତ୍ୟାଦି ଅନୁଷ୍ଠାନ ସହିତ ଜଡ଼ିତ ଲୋକଙ୍କ ପାଇଁ ସମୟ ଅନୁକୂଳ ହେବାର ସମ୍ଭାବନା ଅଛି । କିଛି ଭଲ ଖବର ଯେକୌଣସି ସ୍ଥାନରୁ ଗ୍ରହଣ କରିପାରନ୍ତି। ଧନୁ - କର୍ତ୍ତବ୍ୟ ନିଷ୍ଠ ହୋଇ କାର୍ଯ୍ୟ କରିବେ। କର୍ମକ୍ଷେତ୍ରରେ ଏକ ପ୍ରକାର ବିବାଦର ସମ୍ମୁଖୀନ ହୋଇପାରେ । ଏହି ପରି ପରିସ୍ଥିତିର ସାମ୍ନା କରିବା କଠିନ ହେବ । ପାରିବାରିକ ଜୀବନ ମଧ୍ୟମ ଫଳ ଦେବ। ପ୍ରଶଂସା ପାଇ ଖୁସି ହେବେ । ମକର - ଅପେକ୍ଷା କରିଥିବା କାମବିଷୟରେ ଭଲ ଖବର ପାଇବେ । ଘରେ ସକରାତ୍ମକ ବାତାବରଣ ସୃଷ୍ଟି ହେବ ଏବଂ ସମସ୍ତେ ଆପଣଙ୍କ ଉପରେ ଖୁସି ହେବେ ।ସାମାନ୍ୟ କଲହଯୋଗ ରହିଛି । କୁମ୍ଭ - ରାଜ ସମ୍ମାନ ପ୍ରାପ୍ତି କରିବେ । ମନ ପ୍ରଫୁଲ୍ଲ ରହିବ। ପାରିବାରିକ ଜୀବନ ସୁଖମୟ ହେବ । ଅଯଥା କଳହ କରନ୍ତୁ ନାହିଁ । ସମାଜରେ ନିଜ ନାମକୁ ପ୍ରତିଷ୍ଠା କରିପାରିବେ ।ବ୍ୟବସାୟ ପାଇଁ ଦିନଟି ଭଲ ରହିଛି । ଆଶା ଅନୁସାରେ ଫଳ ପ୍ରାପ୍ତି ହେବ । ମୀନ - ଦୃଢ଼ ମନା ହୋଇ କାର୍ଯ୍ୟ କରିବେ। ସଫଳତାର ଶୀର୍ଷରେ ପହଞ୍ଚିବେ। ଭ୍ରମଣର ଯୋଗ ରହିଛି । ଅଧିକ ଖର୍ଚ୍ଚର ସମ୍ଭାବନା ଅଛି । ନୂତନ ସ୍ଥାନ ପ୍ରାପ୍ତି କରିବେ । ପରିବାର ସହ ସମୟ ଅତିବାହିତ କରିବେ। ଆଳସ୍ୟର ବଶବର୍ତ୍ତୀ ହୋଇପାରନ୍ତି । ଜ୍ୟୋତିର୍ବିଦ ଶ୍ରୀ ସିଦ୍ଧାର୍ଥ ଶେଖର ନାୟକ ଯୋଗାଯୋଗ – 8249826682

ଶୁଭମନଙ୍କ ବ୍ୟାଟିଂର ବର୍ଣ୍ଣନା ନାହିଁ, ଦ୍ୱିଶତକ ପରେ ମାରିଲେ ଶତକ; ଗାଭାସ୍କରଙ୍କ ୫୪ ବର୍ଷ ପୁରୁଣା ରେକର୍ଡ ଭାଙ୍ଗିଲା

ନୂଆଦିଲ୍ଲୀ: ଭାରତୀୟ ଟେଷ୍ଟ ଟିମ୍‌ର ଅଧିନାୟକ ଶୁଭମନ ଗିଲ୍‌ଙ୍କ ବ୍ୟାଟରୁ ରନ୍ ନୁହେଁ ରେକର୍ଡ ବର୍ଷା ଜାରି ରହିଛି । ଏଜବାଷ୍ଟନରେ ଇଂଲଣ୍ଡ ବିପକ୍ଷରେ ଖେଳାଯାଉଥିବା ଦ୍ୱିତୀୟ ଟେଷ୍ଟର ଦ୍ୱିତୀୟ ଇନିଂସରେ ଗିଲ୍ ପୁଣି ଏକ ଶତକୀୟ ଇନିଂସ ଖେଳିଛନ୍ତି । ସେ ୧୨୯ ବଲରେ ୧୦୦ ରନ୍ ପୂରଣ କରିଛନ୍ତି । ଏହା ପୂର୍ବରୁ ଭାରତର ଷ୍ଟାର୍ ବ୍ୟାଟର ପ୍ରଥମ ଇନିଂସରେ ଦ୍ୱିଶତକ ମାରିଥିଲେ । ଏହାସହ ଶୁଭମନ ଗିଲ୍ ଗୋଟିଏ ମ୍ୟାଚ୍‌ରେ ଦ୍ୱିଶତକ ଓ ଶତକ ମାରିବାରେ ଦୁନିଆର ନବମ ବ୍ୟାଟର ହୋଇଛନ୍ତି । ସୁନୀଲ ଗାଭାସ୍କରଙ୍କ ପରେ ଏହି କୀର୍ତ୍ତିମାନ କରିବାରେ ଦ୍ୱିତୀୟ ଭାରତୀୟ ହୋଇଛନ୍ତି । ମୋଟ ଉପରେ ଏହା ଶୁଭମନଙ୍କ ଟେଷ୍ଟ କ୍ୟାରିୟରର ୮ ଶତକ । ଭାରତର କିମ୍ୱଦନ୍ତି ଖେଳାଳି ସୁନୀଲ ଗାଭାସ୍କର ୧୯୭୧ରେ ୱେଷ୍ଟଇଣ୍ଡିଜ ବିପକ୍ଷରେ ଗୋଟିଏ ମ୍ୟାଚ୍‌ରେ ଶତକ ଓ ଦ୍ୱିଶତକ ମାରିଥିଲେ । ସେ ପ୍ରଥମ ପାଳିରେ ୧୨୪ ଓ ଦ୍ୱିତୀୟ ପାଳିରେ ୨୨୦ ରନ୍ କରିଥିଲେ । ଶୁଭମନ ଗିଲ୍ ୫୪ ବର୍ଷ ପରେ ଗୋଟିଏ ମ୍ୟାଚ୍‌ରେ ଦ୍ୱିଶତକ ଓ ଶତକ ହାସଲ କରିବାରେ ଦ୍ୱିତୀୟ ବ୍ୟାଟର ହୋଇଛନ୍ତି । ଗିଲ୍ ପ୍ରଥମ ଇନିଂସରେ ୨୬୯ ଓ ଦ୍ୱିତୀୟ ଇନିଂସରେ ଖବର ଲେଖାଯିବା ସୁଦ୍ଧା ଶତକ ପୂରଣ କରି ଅପରାଜିତ ଅଛନ୍ତି । ଶୁଭମନ ଗିଲ୍ ଗୋଟିଏ ଟେଷ୍ଟରେ ସବୁଠୁ ଅଧିକ ରନ୍ କରିବା ବ୍ୟାଟର ହୋଇଛନ୍ତି । ଏହି ମାମଲାରେ ସେ ଗାଭାସ୍କରଙ୍କୁ ପଛରେ ପକାଇଛନ୍ତି । ଗାଭାସ୍କର ୧୯୭୧ରେ ୱେଷ୍ଟଇଣ୍ଡିଜ ବିପକ୍ଷରେ ୩୪୪ ରନ୍ କରିଥିଲେ । ଶୁଭମନ ଗିଲ୍ ୩୬୯ ରନ୍ ସହ ଅପରାଜିତ ଅଛନ୍ତି । ଭିଭିଏସ୍ ଲକ୍ଷ୍ମଣ ୨୦୧୧ରେ ଅଷ୍ଟ୍ରେଲିଆ ବିପକ୍ଷରେ ୩୪୦ ରନ୍ କରିଥିଲେ । ସୌରଭ ଗାଙ୍ଗୁଲି ପାକିସ୍ତାନ ବିପକ୍ଷରେ ୨୦୦୭ରେ ଗୋଟିଏ ଟେଷ୍ଟରେ ୩୩୦ ରନ୍ କରିଥିଲେ । ଶୁଭମନ ଗିଲ୍ ଏସିଆ ବାହାରେ କୌଣସି ଟେଷ୍ଟ ମ୍ୟାଚରେ ୩୫୦ରୁ ଅଧିକ ରନ୍ କରିବାରେ ଦ୍ୱିତୀୟ ଏସୀୟ ଖେଳାଳି ହୋଇଛନ୍ତି । ତାଙ୍କ ପୂର୍ବରୁ ହନିଫ୍ ମହମ୍ମଦ ୧୯୫୮ରେ ୱେଷ୍ଟଇଣ୍ଡିଜ ବିପକ୍ଷରେ ବ୍ରିଜଟାଉନ ଟେଷ୍ଟରେ ମୋଟ ୩୫୪ ରନ୍ କରିଥିଲେ । ଗିଲ୍ SENA (ସାଉଥ୍ ଆଫ୍ରିକା, ଇଂଲଣ୍ଡ, ନ୍ୟୁଜିଲାଣ୍ଡ, ଅଷ୍ଟ୍ରେଲିଆ)ରେ କୌଣସି ଟେଷ୍ଟରେ ୩୦୦ରୁ ଅଧିକ ରନ୍ କରିବାରେ ତୃତୀୟ ଏସୀୟ ବ୍ୟାଟର ହୋଇଛନ୍ତି । ତାଙ୍କ ପୂର୍ବରୁ ରାହୁଲ ଦ୍ରାବିଡ଼ (୩୦୫) ଓ ସଚିନ ତେନ୍ଦୁଲକର (୩୦୧) ଅଷ୍ଟ୍ରେଲିଆରେ ଏପରି କରିଥିଲେ ।

ଏଥର ମାଡ଼ ମାରିଲେ , ଭିଡ଼ିଓ କରିବ ନାହିଁ ... ରାଜ ଠାକରେଙ୍କ ବିବାଦୀୟ ମନ୍ତବ୍ୟରେ ରାଜନୀତି ସରଗରମ

ନୂଆଦିଲ୍ଲୀ- ଦୁଇ ଦଶନ୍ଧି ପରେ ମହାରାଷ୍ଟ୍ରରେ ଉଦ୍ଧବ ଠାକରେ ଓ ରାଜ୍‌ ଠାକରେଙ୍କୁ ଏକାଠି ଗୋଟିଏ ମଞ୍ଚରେ ଦେଖିବାକୁ ମିଳିଛି। ହିନ୍ଦୀ ଭାଷାକୁ ମହାରାଷ୍ଟ୍ରର ସ୍କୁଲ୍ ଗୁଡ଼ିକରେ ବାଧ୍ୟତାମୂଳକ କରାଯିବା ନିଷ୍ପତ୍ତିକୁ ସରକାରଙ୍କ ଦ୍ୱାରା ପ୍ରତ୍ୟାହାର କରାଯିବାକୁ ନେଇ, ଉତ୍ସବ ପାଳୁଥିବା ଦୁଇ ଭାଇ କେନ୍ଦ୍ର ଓ ମହାରାଷ୍ଟ୍ର ସରକାରଙ୍କୁ ଜୋରଦାର ଟାର୍ଗେଟ୍‌ କରିଛନ୍ତି। ରାଜ୍ୟରେ ଭାଷା ନାଁରେ ହେଉଥିବା ହିଂସାକାଣ୍ଡକୁ ଅଣଦେଖା କରି ରାଜ୍‌ ଠାକରେ ନିଜର କାର୍ଯ୍ୟକର୍ତ୍ତାଙ୍କୁ ନୂଆ ପରାମର୍ଶ ମଧ୍ୟ ଦେଇଛନ୍ତି। ସେ କହିଛନ୍ତି ଏବେ ଯଦି କାହାକୁ ପିଟିବ ତ ତାର ଭିଡ଼ିଓ କରିବ ନାହିଁ। ଉଦ୍ଧବ ଠାକରେଙ୍କ ସହ ମଞ୍ଚରେ ଥିବା ରାଜ ଠାକରେ ନିଜର କର୍ମକର୍ତ୍ତାଙ୍କୁ ସମ୍ୱୋଧିତ କରି ମୀରା ରୋଡ୍‌ର ଏକ ଘଟଣାର ମଧ୍ୟ ଉଦ୍ଧୃତ କରିଥିଲେ, ଯେଉଁଠାରେ ଜଣେ ବ୍ୟବସାୟୀଙ୍କର ହତ୍ୟା ହୋଇ ଥିଲା। ସେ କହିଛନ୍ତି , କାହାର ମଥାରେ କଣ ଲେଖା ହୋଇଥାଏ ଯେ, ସେ କେଉଁ ଜାତି ବା ସଂପ୍ରଦାୟର? ମୋର କହିବା ହେଲା ଯେ, ବିନା କାରଣରେ କାହାକୁ ମାଡ଼ ମାର ନାହିଁ , ହେଲେ ଯଦି କେହି ଅଧିକ ନାଟକ କରିଥାଏ ତ ପୁଣି ତାର କାନ ତଳେ ନିଶ୍ଚୟ ବଜାଅ ... ହଁ ଆଗାମୀ ଥର ଯେବେ କାହାକୁ ପିଟ ତ ତାର ଭିଡ଼ିଓ କରିବ ନାହିଁ। ଏହା ପୂର୍ବରୁ ରାଜ ଠାକରେ ମୁଖ୍ୟମନ୍ତ୍ରୀ ଦେବେନ୍ଦ୍ର ଫଡଣବିସ୍‌ ଓ କେନ୍ଦ୍ର ସରକାରଙ୍କୁ ମଧ୍ୟ ମରାଠୀ ଭାଷାକୁ ନେଇ ଖୁବ୍‌ ଘେରିଥିଲେ। ସେ ବ୍ୟଙ୍ଗାତ୍ମକ ଭାବେ କହିଥିଲେ ,ଯଦି ତୁମ ପାଖରେ ବିଧାନସଭାରେ କ୍ଷମତା ଅଛି ...ତ ଆମ ପାଖରେ ମଧ୍ୟ ମହାରାଷ୍ଟ୍ରର ସଡ଼କର କ୍ଷମତା ଅଛି। ଖାଲି ଏତିକି ନୁହେଁ ରାଜ୍‌ କହିଛନ୍ତି ଯେ, ମୋ ପାଖକୁ ରାଜ୍ୟର ଶିକ୍ଷା ମନ୍ତ୍ରୀ ଆସିଥିଲେ...ମୁଁ ତାଙ୍କୁ ସ୍ପଷ୍ଟ ଭାବେ କହି ଦେଇଛି କି ମୁଁ ଆପଣଙ୍କ କଥା ଶୁଣିବି ନିଶ୍ଚୟ ହେଲେ ମାନିବି ନାହିଁ।

ଦ୍ୱିତୀୟ ପାଳିରେ ବି ଶତକ ହାସଲ କଲେ ଶୁଭମନ ଗିଲ୍: ଭାଙ୍ଗିଲେ ବିରାଟଙ୍କ ରେକର୍ଡ

ନୂଆଦିଲ୍ଲୀ : ଦ୍ୱିତୀୟ ଭାରତୀୟ କ୍ରିକେଟର ଭାବେ ଏକ ବିରଳ ରେକର୍ଡ କଲେ ଟେଷ୍ଟ କ୍ୟାପ୍ଟେନ୍ ଶୁଭମନ ଗିଲ।ଶନିବାର,ଜୁଲାଇ ୫ ତାରିଖରେ ଇଂଲଣ୍ଡ ବିପକ୍ଷରେ ଚାଲିଥିବା ଟେଷ୍ଟ ସିରିଜରେ ୫୦୦ ରନ ପୂରଣ କରି ଗିଲ ବିରାଟ କୋହଲିଙ୍କ ରେକର୍ଡ ସମକକ୍ଷ ହୋଇଛନ୍ତି। ଆଜିର ଇନିଂସରେଗିଲ୍ ୭୬ ରନ କରି ଇଂଲଣ୍ଡରେ ୫୦୦ ରନ ପୂରା ହୋଇଥିଲା। କୋହଲିଙ୍କ ପରେ ଇଂଲଣ୍ଡରେ ୫୦୦ ରନ୍ କରିବାରେ ସେ ଦ୍ୱିତୀୟ ଭାରତୀୟ ଟେଷ୍ଟ ଅଧିନାୟକ ହୋଇଛନ୍ତି। ବିରାଟ କୋହଲି ୨୦୧୮ରେ ଇଂଲଣ୍ଡରେ ଟେଷ୍ଟ ମ୍ୟାଚ୍ ଖେଳି ୫୯୩ ରନ୍ କରିଥିଲେ।ଇଂଲଣ୍ଡ ମାଟିରେ ଜଣେ ଭାରତୀୟ ଅଧିନାୟକ ଭାବେ ଏହା ସର୍ବାଧିକ ଟେଷ୍ଟ ସ୍କୋର ଥିଲା। ଅନ୍ୟପଟେ ଗିଲ୍ ପ୍ରଥମ ଇନିଂସରେ ୨୬୯ ରନ୍ କରି ବିରାଟଙ୍କ ରେକର୍ଡ ଭାଙ୍ଗି ଦେଇଥିଲେ। ତେବେ ଆଜି ଚତୁର୍ଥ ଦିନରେ ବି ଗିଲ୍ ଶତକ ହାସଲ କରିଛନ୍ତି। କରୁଣ ନାୟରଙ୍କ ୱିକେଟ୍ ଯିବା ପରେ ଗିଲ୍ ଆସିଥିଲେ। କେଏଲ୍‌ ରାହୁଲଙ୍କୁ ସହଯୋଗ କରି ପ୍ରଥମେ ପ୍ରଥମେ ସେ ଦୁର୍ବଳ ପ୍ରଦର୍ଶନ କରିଥିଲେ। ଏପଟେ ରାହୁଲ ଟିମ୍ ପାଇଁ ଅର୍ଦ୍ଧଶତକ ହାସଲ କରିନେଇଥିଲେ। ରାହୁଲ ଆଉଟ ହେବାପରେ ପନ୍ତ ବ୍ୟାଟିଂ କରିବାକୁ ଆସି ଭଲ ପ୍ରଦର୍ଶନ କରିଥିଲେ। ଫଳରେ ଟିମ୍ ଇଣ୍ଡିଆ ଲଞ୍ଚ ପୂର୍ବରୁ ୩୫୦ ଅଗ୍ରଣୀ ହାସଲ କରି ନେଇଥିଲା। ପଢ଼ନ୍ତୁ- ଶୁଭମନଙ୍କ ବ୍ୟାଟିଂର ବର୍ଣ୍ଣନା ନାହିଁ, ଦ୍ୱିଶତକ ପରେ ମାରିଲେ ଶତକ; ଗାଭାସ୍କରଙ୍କ ୫୪ ବର୍ଷ ପୁରୁଣା ରେକର୍ଡ ଭାଙ୍ଗିଲା ଲଞ୍ଚ ପରେ ଇନିଂସ ପୁଣି ଆରମ୍ଭ ହେବା ପରେ, ଗିଲ୍ ଗିଅର୍ ବଦଳାଇଲେ, ଏବଂ ସର୍ଟ ବୋଲିଂ କରିବାକୁ ଚେଷ୍ଟା କରୁଥିବା ବୋଲରମାନଙ୍କୁ ଆକ୍ରମଣ କରିବା ଆରମ୍ଭ କଲେ। ଫଳରେ ଦ୍ରୁତ ଗତିରେ ରନ୍ ବନାଇ ଦୁଇଟି ବଡ଼ ଛକ୍କା ମାରି ସେ ଅର୍ଦ୍ଧଶତକ ହାସଲ କରିଥିଲେ। ଗିଲ୍ ଓ ପନ୍ତ ମିଶି ଦଳୀୟ ସ୍କୋର ୪୦୦ କିବା ପରେ ପନ୍ତଙ୍କ ୱିକେଟ୍ ଯାଇଥିଲା। ପନ୍ତଙ୍କ ସହ ୧୧୦ ରନର ପାର୍ଟନର୍ସିପ୍ ଶେଷ ହେବା ପରେ ଗିଲ୍ ଆହୁରି ସତର୍କତାର ସହ ଖେଳ ପ୍ରଦର୍ଶନ କରିଥିଲେ। ମଝିରେ ମଝିରେ ଶୋଏବ ବଶିରଙ୍କ ଉପରେ ଆକ୍ରମଣ ମଧ୍ୟ କରିଥିଲେ। ଚୌକା ମାରି ୭୦ ରନ୍ ପୂରା କରିବା ପରେ ପୁଣି ୬ ମାରି ୫୦୦ ରନ୍ କ୍ଲବ୍‌ରେ ସାମିଲ୍ ହୋଇଥିଲେ। କୋହଲିଙ୍କ ଆଉ ଏକ ରେକର୍ଡ ଭାଙ୍ଗିଲେ ଗିଲ୍ ଶନିବାର ଗିଲ୍ ଜବରଦସ୍ତ ପ୍ରଦର୍ଶନ କରି ଭାରତର ଟେଷ୍ଟ ଅଧିନାୟକ ଭାବରେ କୋହଲିଙ୍କ ନାଁରେ ଥିବା ଆଉ ଏକ ରେକର୍ଡ ଭାଙ୍ଗି ଦେଇଛନ୍ତି। ଭାରତୀୟ ଟେଷ୍ଟ ଅଧିନାୟକ ଭାବରେ ଗିଲ୍ ତାଙ୍କର ଡେବ୍ୟୁ ସିରିଜରେ ସର୍ବାଧିକ ରନ କରି କୋହଲିଙ୍କୁ ପଛରେ ପକାଇ ଦେଇଛନ୍ତି। କୋହଲି ୨୦୧୪/୧୫ ରେ ଅଷ୍ଟ୍ରେଲିଆ ଗସ୍ତ ସମୟରେ ଡେବ୍ୟୁ ଟେଷ୍ଟ କ୍ୟାପ୍ଟେନ୍ ଭାବେ ସର୍ବାଧିକ ୪୪୯ ରନ କରି ରେକର୍ଡ କରିଥିଲେ। ଡେବ୍ୟୁ ସିରିଜରେ ସର୍ବାଧିକ ରନ କରିଥିବା ଭାରତୀୟ ଟେଷ୍ଟ ଅଧିନାୟକ •୫୦୦ - ଶୁଭମନ ଗିଲ ବନାମ ଇଂଲଣ୍ଡ (ବାହାରେ,୨୦୨୫,୪ ଇନିଂସ) •୪୪୯ - ବିରାଟ କୋହଲି ବନାମ ଅଷ୍ଟ୍ରେଲିଆ (ବାହାରେ,୨୦୧୪/୧୫,୪ ଇନିଂସ) •୩୪୭ - ବିଜୟ ହଜାରେ ବନାମ ଇଂଲଣ୍ଡ (ହୋମ୍,୧୯୫୧/୫୨,୭ ଇନିଂସ) •୩୧୯ - ନାରି କଣ୍ଟ୍ରାକ୍ଟର ବନାମ ପାକିସ୍ତାନ (ହୋମ୍,୧୯୬୦/୬୧,୬ ଇନିଂସ) •୩୦୫ - ଦିଲୀପ ଭେଙ୍ଗସରକାର ବନାମ ପଶ୍ଚିମ ଦିଗକୁ (ହୋମ୍,୧୯୮୭/୮୮,୫ ଇନିଂସ) •୩୦୩ - ମହମ୍ମଦ ଆଝାରୁଦ୍ଦିନ ବନାମ ନ୍ୟୁଜିଲ୍ୟାଣ୍ଡ (ବାହାରେ,୧୯୮୯/୯୦,୪ ଇନିଂସ)

ଠାକରେ ଭାଇଙ୍କ ଯୋଡ଼ି ସୃଷ୍ଟି କରିଛି ମରାଠୀ ବିବାଦ, ଏମକେ ଷ୍ଟାଲିନ କହିଲେ, ମହାରାଷ୍ଟ୍ରରେ ଭାଷା ଦ୍ୱନ୍ଦ୍ୱ…

ମୁମ୍ବାଇ,୫ା୭: ତିନି ଭାଷା ନୀତିକୁ ବିରୋଧ କରୁଥିବା ତାମିଲନାଡୁ ମୁଖ୍ୟମନ୍ତ୍ରୀ ଏମ୍.କେ. ଷ୍ଟାଲିନ୍, ଶିବସେନା (ଉଦ୍ଧବ ବାଲସାହେବ ଠାକରେ) ମୁଖ୍ୟ ଉଦ୍ଧବ ଠାକରେ ଏବଂ ମହାରାଷ୍ଟ୍ର ନବନିର୍ମାଣ ସେନା (ଏମ୍ଏନ୍ଏସ୍) ମୁଖ୍ୟ ରାଜ ଠାକରେ ଗୋଟିଏ ମଞ୍ଚରେ ଏକାଠି ହେବାକୁ ସ୍ୱାଗତ କରିଛନ୍ତି। ଷ୍ଟାଲିନ୍ ଏହି ନୀତିକୁ ବିଜେପିର ‘ହିନ୍ଦୀ ଲାଗୁ କରିବା’ ପ୍ରୟାସ ବୋଲି କହିଛନ୍ତି ଏବଂ ଦୀର୍ଘ ସମୟ ଧରି ଏହା ବିରୋଧରେ ସ୍ୱର ଉଠାଇ ଆସୁଛନ୍ତି। ଶନିବାର ମୁମ୍ବାଇରେ ‘ଭଏସ୍ ଅଫ୍ ମରାଠୀ’ […]

ଗୁଣ୍ଡିଚା ମନ୍ଦିରରୁ ବାହୁଡ଼ିଲେ ଚତୁର୍ଦ୍ଧାମୂର୍ତ୍ତି, ଶ୍ରୀନଅର ସମ୍ମୁଖରେ ହେଲା ଲକ୍ଷ୍ମୀ-ନାରାୟଣ ଭେଟ

କନକ ବ୍ୟୁରୋ: ଶରଧାବାଲି ଛାଡି ଶ୍ରୀମନ୍ଦିରକୁ ବାହାରିଛନ୍ତି ଶ୍ରୀଜୀଉ। ନିର୍ଦ୍ଧାରିତ ସମୟ ପୂର୍ବରୁ ଗଡ଼ିଥିଲା ବଡ଼ଠାକୁରଙ୍କ ରଥ । ନୀତିନିର୍ଘଣ୍ଟ ଅନୁସାରେ ଠାକୁରଙ୍କ ପହଣ୍ଡି ହୋଇଥିଲା । ରଥାରୁଢ଼ ତିନିଠାକୁରଙ୍କୁ ଦେଖିବାକୁ ଲୋକାରଣ୍ୟ ହୋଇଛି ଶରଧାବାଲି ଓ ବଡଦାଣ୍ଡ । ଠାକୁର ରାଜାଙ୍କ ଛେରାପହଁରା କରିବା ପରେ ଭାବର ସହ ଭାବବିନୋଦିଆଙ୍କ ରଥକୁ ଟାଣିନେଇଛନ୍ତି ଭକ୍ତ । ବାଟରେ ପୋଡପିଠା ଖାଇଛନ୍ତି ଶ୍ରୀଜିଉ । ଶ୍ରୀନଅର ସମ୍ମୁଖରେ ଲକ୍ଷ୍ମୀ-ନାରାୟଣ ଭେଟ ହୋଇଛି । ସିଂହଦ୍ବାର ସମ୍ମୁଖରେ ତାଳଧ୍ବଜ ଓ ଦର୍ପଦଳନ ପହଞ୍ଚିସାରିଛି ।

ଶ୍ରାବଣରେ କୈଳାସ ପର୍ବତ ଛାଡ଼ି ଏଠାରେ ବାସ କରନ୍ତି ଭଗବାନ ଶିବ, ଭକ୍ତଙ୍କ ଉପରେ ଅଜାଡ଼ି ଦିଅନ୍ତି…

ଶ୍ରାବଣ ମାସ ୧୧ ଜୁଲାଇରୁ ଆରମ୍ଭ ହେଉଛି। ଏହି ମାସ ଭଗବାନ ଶିବଙ୍କ ପୂଜା ଏବଂ ଉପବାସ ପାଇଁ ଉତ୍ସର୍ଗୀକୃତ। ଏହି ମାସରେ ଶିବ ଭକ୍ତମାନେ ଜଲାଭିଷେକ, ରୁଦ୍ରାଭିଷେକ ଏବଂ ଉପବାସ ଇତ୍ୟାଦି ସହିତ ଭଗବାନ ଶିବଙ୍କୁ ପ୍ରସନ୍ନ କରିବାକୁ ଚେଷ୍ଟା କରନ୍ତି। ଶ୍ରାବଣରେ କାଉଡ଼ିଆଙ୍କ ଯାତ୍ରା ମଧ୍ୟ ଆରମ୍ଭ ହୋଇଥାଏ । ଭକ୍ତମାନେ ପାଣିଭାର ନେଇ ଭଗବାନ ଶିବଙ୍କୁ ଜଳାଭିଷେକ କରିଥାନ୍ତି । ଏହି କାରଣରୁ ହିନ୍ଦୁ ଧର୍ମରେ ଶ୍ରାବଣକୁ ଏକ ପବିତ୍ର ମାସ ଭାବରେ […]

ପୁଣି ଶତକ ହାସଲ କଲେ ଗିଲ, ଭାଙ୍ଗିଲେ ୫୪ ବର୍ଷ ପୁରୁଣା ରେକର୍ଡ

କନକ ବ୍ୟୁରୋ: ଇଂଲଣ୍ଡ ମାଟିରେ ଗର୍ଜିଲା ଶୁବମନଙ୍କ ବ୍ୟାଟ୍ । ଏଜବେଷ୍ଟନ ଟେଷ୍ଟରେ ଭାରତୀୟ ଅଧିନାୟକ ଶୁବମନ ଗିଲ ଚମତ୍କାର ପ୍ରଦର୍ଶନ କରିଛନ୍ତି । ଭାରତର ପ୍ରଥମ ଇନିଂସରେ ଶୁବମନ ୨୬୯ ରନ କରିଥିଲେ । ଏବେ ଦ୍ବିତୀୟ ଇନିଂସରେ ବି ଶତକ କରିଛନ୍ତି ଶୁବମନ ଗିଲ୍ । ଶୁବମନ ହେଉଛନ୍ତି ଦ୍ବିତୀୟ ଭାରତୀୟ, ଯିଏ ଟେଷ୍ଟ ମ୍ୟାଚରେ ଉଭୟ ଇନିଂସରେ ଦ୍ବିଶତକ ଓ ଶତକ ହାସଲ କରିଛନ୍ତି । ଶୁବମନଙ୍କ ପୂର୍ବରୁ ସୁନୀଲ ଗାଭାସ୍କରଙ୍କ ନାଁରେ ଏ ରେକର୍ଡ ରହିଥିଲା । ଗାଭାସ୍କର ଏପ୍ରିଲ ୧୯୭୧ ମସିହାରେ ୱେଷ୍ଟଇଣ୍ଡିଜ ବିରୋଧରେ ମୋଟ ୩୪୪ ରନ କରିଥିଲେ । ଏଥିମଧ୍ୟରେ ୧୨୪ ଓ ୨୨୦ ରନ ସାମିଲ ଥିଲା । ଶୁବମନ ଗିଲ୍ ଟେଷ୍ଟ ମ୍ୟାଚରେ ଅଧିକ ରନ ସ୍କୋର କରିଥିବା ଭାରତୀୟ ଅଧିନାୟକ ସାଜିଛନ୍ତି । ବିରାଟ କୋହଲିଙ୍କୁ ପଛରେ ପକାଇ ଏହି ରେକର୍ଡର ଅଧିକାରୀ ହୋଇଛନ୍ତି ଶୁବମନ । ଏହାପୁର୍ବରୁ କୋହଲି ଶ୍ରୀଲଙ୍କା ବିପକ୍ଷ ଉଭୟ ଇନିଂସରେ ୨୯୩ ରନ୍ କରିଥିଲେ । ଏସିଆ ବାହାରେ କୌଣସି ଟେଷ୍ଟ ମ୍ୟାଚରେ ୩୫୦ରୁ ଅଧିକ ରନ କରିଥିବା ଦ୍ବିତୀୟ ଖେଳାଳି ହୋଇଛନ୍ତି ଶୁବମନ ଗିଲ୍ । ଏହାପୂର୍ବରୁ ହନିଫ ମହମ୍ମଦ ୧୯୫୮ରେ ୱେଷ୍ଟଇଣ୍ଡିଜ ବିରୋଧରେ ବ୍ରିଜଟାଉନ ଟେଷ୍ଟରେ ୩୫୪ ରନ କରିଥିଲେ । ଏବେ ଶୁବମନ ହନିଫଙ୍କ ରେକର୍ଡ ମଧ୍ୟ ଭାଙ୍ଗି ସାରିଛନ୍ତି ।

ନୀରଜ ଚୋପ୍ରା ଏନସି କ୍ଲାସିକ ୨୦୨୫ ଜିତିଲେ: ବେଙ୍ଗାଲୁରୁରେ ଭାରତୀୟ ଆଥଲେଟିକ୍ସର ଐତିହାସିକ ବିଜୟ

ବେଙ୍ଗାଲୁରୁ: ଭାରତର ସୁନାମଧନ୍ୟ ଜାଭେଲିନ ଥ୍ରୋ ତାରକା ତଥା ଦୁଇଥରର ଅଲିମ୍ପିକ ପଦକ ବିଜେତା ନୀରଜ ଚୋପ୍ରା ଶନିବାର, ୫ ଜୁଲାଇ ୨୦୨୫ରେ ବେଙ୍ଗାଲୁରୁର ଶ୍ରୀ କାନ୍ତୀରବ ଷ୍ଟାଡିୟମରେ ଅନୁଷ୍ଠିତ ପ୍ରଥମ ନୀରଜ ଚୋପ୍ରା କ୍ଲାସିକ (ଏନସି କ୍ଲାସିକ) ୨୦୨୫ରେ ୮୬.୧୮ ମିଟର ଥ୍ରୋ ସହ ସ୍ୱର୍ଣ୍ଣ ପଦକ ଜିତିଛନ୍ତି। ଏହି ଐତିହାସିକ ଇଭେଣ୍ଟ, ଯାହା ଭାରତର ପ୍ରଥମ ବିଶ୍ୱ ଆଥଲେଟିକ୍ସ କଣ୍ଟିନେଣ୍ଟାଲ ଟୁର ଗୋଲ୍ଡ ଲେଭେଲ ଓ କ୍ୟାଟେଗୋରୀ ‘ଏ’ ଇଭେଣ୍ଟ, ଭାରତୀୟ ଆଥଲେଟିକ୍ସ ପାଇଁ […]

ଋଷଭ ପନ୍ତ ହେଲେ ‘ସିକ୍ସର କିଙ୍ଗ’, ରଚିଲେ ଇତିହାସ

ନୂଆଦିଲ୍ଲୀ: ଋଷଭ ପନ୍ତ ଏକ ସ୍ପେଶାଲ ଖେଳାଳି। Birminghamରେ ଇଂଲଣ୍ଡ ବିପକ୍ଷରେ ଖେଳାଯାଉଥିବା ଦ୍ୱିତୀୟ ଟେଷ୍ଟର ଚତୁର୍ଥ ଦିନରେ ପନ୍ତ ନିଜର ୬୫ ରନର ଇନିଂସରେ ପ୍ରଥମ ଛକା ମାରି ସ୍ପେଶାଲ କ୍ଲବରେ ସାମିଲ ହୋଇଛନ୍ତି। ଏଥିସହ ସେ ସେହି କାରନାମା କରିଛନ୍ତି, ଆଜି ପର୍ଯ୍ୟନ୍ତ ଇତିହାସରେ କୌଣସି ବି ବ୍ୟାଟର କରିପାରିନାହାନ୍ତି। ୱିକେଟକିପର ବ୍ୟାଟ୍ସମ୍ୟାନ ଋଷଭ ପନ୍ତ Birmingham ଟେଷ୍ଟ ମ୍ୟାଚର ଦ୍ୱିତୀୟ ଇନିଂସରେ ୫୮ ବଲରେ ୬୫ ରନ କରିଛନ୍ତି। ଏହି ସମୟରେ ସେ […]

ହିମାଚଳରେ ପ୍ରକୃତିର ତାଣ୍ଡବ: ୮୦ରୁ ଅଧିକ ମୃତ,୪୦ରୁ ଅଧିକ ନିଖୋଜ

କନକ ବ୍ୟୁରୋ: ହିମାଚଳ ପ୍ରଦେଶ ଓ ଉତ୍ତରାଖଣ୍ଡ ପରେ ବର୍ଷା ମଧ୍ୟପ୍ରଦେଶ ଓ ରାଜସ୍ଥାନରେ ଦୁଃଖ ବଢାଇଛି । ମଧ୍ୟପ୍ରଦେଶର ୨୦ଟି ସହରରେ ପ୍ରବଳ ବର୍ଷା ହୋଇଛି । ମଣ୍ଡଲା, ସେଓନି ଏବଂ ବାଲାଘାଟ ଜିଲ୍ଲାଗୁଡ଼ିକୁ ରେଡ୍ ଆଲର୍ଟ ଜାରି କରାଯାଇଛି । ଜବଲପୁରରେ ଗ୍ୟାସ୍ ସିଲିଣ୍ଡର ବୋଝେଇ ଏକ ଟ୍ରକ୍ ପାଣିରେ ବୁଡ଼ି ଯାଇଛି । ମଣ୍ଡଲାରେ ବନ୍ୟା ପରିସ୍ଥିତି ସୃଷ୍ଟି ହୋଇଛି । ଜୁନ୍ ୧ ତାରିଖରୁ ରାଜସ୍ଥାନରେ ୧୬୭.୧ ମିମି ବର୍ଷା ହୋଇଛି, ଯାହା ସ୍ୱାଭାବିକ ଅପେକ୍ଷା ୧୩୭% ଅଧିକ । ନିରନ୍ତର ମୌସୁମୀ ସକ୍ରିୟ ଥିବାରୁ, ବର୍ତ୍ତମାନ ଗୋଟିଏ ବି ଜିଲ୍ଲା ଶୁଖିଲା ନାହିଁ । ଯେତେବେଳେ ଗତ ଜୁଲାଇ ପ୍ରଥମ ସପ୍ତାହ ପର୍ଯ୍ୟନ୍ତ ୧୪ଟି ଜିଲ୍ଲା ମରୁଡ଼ି କବଳରେ ଥିଲା । ଜୁନ୍ ୧ ତାରିଖରୁ ୪ ଯାଏ ରାଜସ୍ଥାନରେ ୧୬୭.୧ ମିମି ବର୍ଷା ହୋଇଛି, ଯାହା ସ୍ୱାଭାବିକ ଅପେକ୍ଷା ୧୩୭% ଅଧିକ । ମୌସୁମୀ ସକ୍ରିୟ ଥିବାରୁ, ବର୍ତ୍ତମାନ ଗୋଟିଏ ବି ଜିଲ୍ଲା ଶୁଖିଲା ନାହିଁ । ୨୦୨୪ ଜୁଲାଇ ପ୍ରଥମ ସପ୍ତାହ ପର୍ଯ୍ୟନ୍ତ ୧୪ଟି ଜିଲ୍ଲାରେ ମରୁଡ଼ି ପଡିଥିଲା ହେଲେ ଏବେ ଚିତ୍ର ଭିନ୍ନ । ସେହିପରି ଉତ୍ତର ପ୍ରଦେଶରେ ମଧ୍ୟ ପ୍ରବଳ ବର୍ଷା ଜାରି ରହିଛି । ବାରାଣସୀର ରତ୍ନେଶ୍ୱର ମହାଦେବ ମନ୍ଦିରର ଅଧାରୁ ଅଧିକ ଅଂଶ ପାଣିରେ ବୁଡ଼ି ରହିଛି । ଗଙ୍ଗାର ଜଳସ୍ତର ୪ ଦିନ ମଧ୍ୟରେ ୧୫ ଫୁଟ ବୃଦ୍ଧି ପାଇଛି । ଶୁକ୍ରବାର ରାତି ୧୧ଟା ସୁଦ୍ଧା ଗଙ୍ଗାନଦୀର ଜଳସ୍ତର ୬୨.୬୩ ମିଟର ରେକର୍ଡ କରାଯାଇଛି । ଟେକ୍ସାସର ହିଲ୍‌ କଣ୍ଟ୍ରିରେ ପ୍ରବଳ ବର୍ଷା ଓ ବନ୍ୟା ଯୋଗୁଁ ୨୪ ଜଣଙ୍କର ମୃତ୍ୟୁ ହୋଇଛି ଏବଂ ୨୩ରୁ ଅଧିକ ଝିଅ ନିଖୋଜ ଅଛନ୍ତି । ଶୁକ୍ରବାର ଗୁଆଡାଲୁପେ ନଦୀରେ ହଠାତ୍‌ ବନ୍ୟା ଆସିବା ଯୋଗୁଁ କେର୍‌ କାଉଣ୍ଟିରେ ବଡ ଅଘଟଣ ଘଟିଛି । ଏକ ଗ୍ରୀଷ୍ମକାଳୀନ ଶିବିରରୁ ପ୍ରାୟ ୭୫୦ ଜଣ ଝିଅଙ୍କ ମଧ୍ୟରୁ ୨୩ରୁ ୨୫ ଜଣ ନିଖୋଜ ଅଛନ୍ତି । ରାତିରେ ପ୍ରବଳ ବର୍ଷାରେ ୧୦ରୁ ୧୨ ଇଞ୍ଚ ଜଳସ୍ତର ବଢିଥିଲା, ଯାହା କେର କାଉଣ୍ଟିର ବାର୍ଷିକ ହାରାହାରି ବର୍ଷାର ଏକ ତୃତୀୟାଂଶ । କେର୍‌ କାଉଣ୍ଟିରେ ଉଦ୍ଧାରକାରୀ ଦଳ ହେଲିକପ୍ଟର, ଡ୍ରୋନ୍‌ ଓ ନୌକା ସାହାଯ୍ୟରେ ନିଖୋଜଙ୍କୁ ଖୋଜୁଛି । ଟେକ୍ସାସ ଗଭର୍ଣ୍ଣର ଗ୍ରେଗ ଆବୋଟ୍‌ ବିପର୍ଯ୍ୟୟ ଘୋଷଣା କରି ଉଦ୍ଧାର କାର୍ଯ୍ୟକୁ ତ୍ବରାନିତ୍ବ କରିଛନ୍ତି । ଜାତୀୟ ପାଣିପାଗ ଅନୁଯାୟୀ, ଆଗାମୀ ୨୪ରୁ ୪୮ ଘଣ୍ଟା ମଧ୍ୟରେ ଅଧିକ ବର୍ଷାର ସମ୍ଭାବନା ରହିଛି ଯାହା ସ୍ଥିତିକୁ ଆହୁରି ଜଟିଳ କରିପାରେ । ସେପଟେ ଚୀନର ଉତ୍ତର ଓ ପଶ୍ଚିମ ଅଞ୍ଚଳରେ ପ୍ରବଳ ବର୍ଷା ପାଇଁ ରେଡ୍‌ ଆଲର୍ଟ ଜାରୀ ରହିଛି । ବନ୍ୟା ଫଳରେ ୧୦ରୁ ଅଧିକ ଲୋକଙ୍କ ମୃତ୍ୟୁ ଘଟିଛି । ଚୀନର ପାଣିପାଗ ବିଭାଗ ଅନୁଯାୟୀ, ହେବେଇ ସମେତ ବେଜିଂ ଓ ତିଆନଜିନ୍‌ ଅଞ୍ଚଳରେ ଆଗାମୀ ୪୮ ଘଣ୍ଟା ମଧ୍ୟରେ ପ୍ରବଳ ବର୍ଷା ହେବାର ସମ୍ଭାବନା ରହିଛି । ପୂର୍ବରୁ ହେବେଇରେ ବନ୍ୟା ଯୋଗୁଁ ବ୍ୟାପକ କ୍ଷୟକ୍ଷତି ହୋଇଛି, ଅନେକ ଗାଁ ଜଳମଗ୍ନ ହୋଇଛି ଏବଂ ହଜାର ହଜାର ଲୋକ ବାସହରା ହୋଇଛନ୍ତି । ପାଣିପାଗ ବିଭାଗ ଚେତାବନୀ ଦେଇଛି, ଅଧିକ ବର୍ଷା ଯୋଗୁଁ ନଦୀଗୁଡ଼ିକରେ ଜଳସ୍ତର ବୃଦ୍ଧି ପାଇବ ଯାହା ସ୍ଥିତିକୁ ଆହୁରି ବିଗାଡ଼ି ଦେଇପାରେ । ଚୀନ ଗଣମାଧ୍ୟମ ଅନୁଯାୟୀ, ହେନାନ ପ୍ରଦେଶର ତାଇପିଙ୍ଗ୍ ସହରକୁ ୧୦୦୦ ରୁ ଅଧିକ ଉଦ୍ଧାର କର୍ମୀଙ୍କୁ ପଠାଯାଇଛି । ନଦୀର ବଦ୍ଧ ଭାଙ୍ଗିଯିବାରୁ ୫ ଜଣଙ୍କର ମୃତ୍ୟୁ ହୋଇଥିଲା ଏବଂ ୩ ଜଣ ନିଖୋଜ ହୋଇଛନ୍ତି ।

ସଂଜୟ ଭଣ୍ଡାରୀଙ୍କୁ ଭଗୋଡ଼ା ଆର୍ଥିକ ଅପରାଧୀ ଘୋଷଣା କଲେ ଦିଲ୍ଲୀ କୋର୍ଟ, ବ୍ରିଟେନରେ ରହୁଛନ୍ତି ଅସ୍ତ୍ରଶସ୍ତ୍ର ବ୍ୟବସାୟୀ

ନୂଆଦିଲ୍ଲୀ: ଦିଲ୍ଲୀର ଏକ ସ୍ୱତନ୍ତ୍ର ନ୍ୟାୟାଳୟ ଶନିବାର ବ୍ରିଟେନରେ ରହୁଥିବା ଅସ୍ତ୍ର ବ୍ୟବସାୟୀ ସଂଜୟ ଭଣ୍ଡାରୀଙ୍କୁ ଭଗୋଡ଼ା ଆର୍ଥିକ ଅପରାଧୀ (Fugitive Economic Offender) ଭାବେ ଘୋଷଣା କରିଛି। ଏହି ନିଷ୍ପତ୍ତି ପ୍ରବର୍ତ୍ତନ ନିର୍ଦ୍ଦେଶାଳୟ (ED) ଦ୍ୱାରା ଦାଖଲ ହୋଇଥିବା ଏକ ଆବେଦନ ଆଧାରରେ ନିଆଯାଇଛି, ଯେଉଁଥିରେ ଭଣ୍ଡାରୀଙ୍କ ବିରୁଦ୍ଧରେ କଳା ଧନ ଓ ମନି ଲଣ୍ଡରିଂ ଅଭିଯୋଗ ରହିଛି। ଏହି ନିଷ୍ପତ୍ତି ଅତିରିକ୍ତ ସେସନ୍‌ ଜଜ୍‌ ସଂଜୀବ ଅଗ୍ଗରୱାଲଙ୍କ ଦ୍ୱାରା ଜାରି ହୋଇଛି। କାହାଣୀର ପୃଷ୍ଠଭୂମି […]

ମହାରାଷ୍ଟ୍ର ରାଜନୀତିରେ ଐତିହାସିକ ମୂହୁର୍ତ୍ତ, ୨୦ବର୍ଷ ପରେ ଠାକରେ ଭାଇଙ୍କ ମିଳିତ ରାଲି

କନକ ବ୍ୟୁରୋ: ଶନିବାର ମହାରାଷ୍ଟ୍ର ରାଜନୀତିରେ ଏକ ସ୍ମରଣୀୟ ମୂହୁର୍ତ୍ତ ଦେଖିବାକୁ ମିଳିଛି । ପୂରା ଦୁଇ ଦଶନ୍ଧି ପରେ ଗୋଟିଏ ମଞ୍ଚରେ ଏକାଠି ନଜର ଆସିଛନ୍ତି ଠାକରେ ଭାଇ ଉଦ୍ଧବ ଓ ରାଜ । ମରାଠୀ ଭାଷା ଅସ୍ମିତା ବଞ୍ଚାଇବା ଉଦ୍ଦେଶ୍ୟରେ ଶିବସେନା ଆୟୋଜିତ କରିଥିବା ମେଗା ରାଲିରେ ଉଭୟଙ୍କୁ ଏକାଠି ଦେଖିବାକୁ ମିଳିଛି । ନିଜ ନିଜ ଅସ୍ତିତ୍ବ ବଞ୍ଚାଇବାକୁ ଏବେ ଉଦ୍ଧବ ଓ ରାଜ ଏକାଠି ହୋଇଛନ୍ତି । ବାହାନା ମହାରାଷ୍ଟ୍ର ଉପରେ ହିନ୍ଦୀ ଭାଷା ଲଦିବା ଅଭିଯୋଗ । ମାତ୍ର ଟାର୍ଗେଟ୍‌ରେ ରାଜ୍ୟରେ ହେବାକୁ ଥିବା ଆଗାମୀ ପୌର ନିର୍ବାଚନ । ଗତ ନିର୍ବାଚନରେ ଉଭୟଙ୍କ ଦଳର ଶୋଚନୀୟ ପରାଜୟ ହୋଇଛି । ବିଭାଜନ ପରେ ରାଜ୍ୟର ମୁଖ୍ୟମନ୍ତ୍ରୀ ଦାୟିତ୍ବ ତୁଳାଇଥିବା ଉଦ୍ଧବଙ୍କ ଶିବସେନା କ୍ରମଶଃ ଦୁର୍ବଳ ହେଉଛି । ମହାବିକାଶ ଅଘାଡିର ପ୍ରମୁଖ ଦଳ ହେଉଥିଲେ ମଧ୍ୟ ଉଦ୍ଧବଙ୍କ ଶିବସେନା ମାତ ୨୦ଟି ବିଧାନସଭା ଆସନ ଜିତିପାରିଥିଲା । ପ୍ରତ୍ୟେକ ଦିନ ଉଦ୍ଧବଙ୍କ ଶିବସେନାର କର୍ମୀ ଓ ପ୍ରମୁଖ ନେତାମାନେ ଶାସକ ଶିବସେନାରେ ଯୋଗ ଦେଉଛନ୍ତି । ଏଭଳି ସ୍ଥଳରେ ଉଦ୍ଧବ ଏକୁଟିଆ ପୌର ନିର୍ବାଚନ ଲଢ଼ିବା ସ୍ଥିତିରେ ନାହାନ୍ତି। ସେହିଭଳି ରାଜ ଠାକରେଙ୍କ ନବ ନିର୍ମାଣ ସେନା ଗତ ବିଧାନସଭା ନିର୍ବାଚନରେ ୧୦୦ରୁ ଅଧିକ ଆସନରେ ଲଢ଼ିଥିଲେ ମଧ୍ୟ କୌଣସିରେ ଜିତପାରିନଥିଲା । ଏପରିକି ରାଜ ନିଜ ପୁଅ ଅମିତକୁ ମୁମ୍ବାଇର ମାହିମରୁ ବିଜୟୀ କରିବାରେ ବିଫଳ ହୋଇଥିଲେ । ୨୦୧୪ ଓ ୨୦୧୯ ଲୋକସଭା ନିର୍ବାଚନ ସମୟରେ ରାଜ ଠାକରେ ପ୍ରଧାନମନ୍ତ୍ରୀ ମୋଦୀ ଓ ମୁଖ୍ୟମନ୍ତ୍ରୀ ଦେବେନ୍ଦ୍ର ଫଡନାଭିସଙ୍କ ସମର୍ଥନ କରିଥିଲେ ମଧ୍ୟ ତା ବଦଳରେ ବିଜେପି ତାଙ୍କୁ କୌଣସି ରାଜନୈତିକ ଫାଇଦା ଦେଇ ନାହିଁ । ଏପରି ସମୟରେ ଶାସକ ମେଣ୍ଟରେ ରହିବା କୌଣସି ଯଥାର୍ଥ ଅଛି ବୋଲି ରାଜ ଅନୁଭବ କରୁନାହାଁନ୍ତି । ତେଣୁ ସେ ମଧ୍ୟ ପୌର ନିର୍ବାଚନରେ ତାଙ୍କ ଦଳକୁ ସଫଳତା ଦେବାକୁ ଚାହୁଁଛନ୍ତି । ଦୁଇ ଭାଇଙ୍କ ପାଇଁ ପୌର ନିର୍ବାଚନ ଏକ ଅସ୍ତିତ୍ବର ଲଢ଼େଇ । ନିଜ ନିଜର ଅସ୍ତିତ୍ବ ବଞ୍ଚାଇବାକୁ ଏବେ ଦୁଇ ଭାଇ ହିନ୍ଦୀ ଭାଷା ଲଦିବା ପ୍ରସଙ୍ଗକୁ ଆଳ କରି ଏକାଠି ହୋଇଛନ୍ତି ।

କେନ୍ଦ୍ରମନ୍ତ୍ରୀ ପୀୟୂଷ ଗୋଏଲଙ୍କୁ ରାହୁଲ ଗାନ୍ଧୀଙ୍କ ଚ୍ୟାଲେଞ୍ଜ, ଟ୍ରମ୍ପଙ୍କ ଆଗରେ ମୁଣ୍ଡ ନୁଆଇବେ ପ୍ରଧାନମନ୍ତ୍ରୀ ମୋଦୀ

କନକ ବ୍ୟୁରୋ: ଆମେରିକା ସହ ବାଣିଜ୍ୟକ ଚୁକ୍ତି ସମୟରେ ଦେଶର ହିତ ସହ କୌଣସି ପ୍ରକାର ସାଲିସ କରାଯିବ ନାହିଁ ବୋଲି କେନ୍ଦ୍ର ବାଣିଜ୍ୟ ମନ୍ତ୍ରୀ ପିୟୁଷ ଗୋଏଲଙ୍କ ବୟାନକୁ ବିରୋଧୀଦଳ ନେତା ତାତ୍ସଲ୍ୟ କରିଛନ୍ତି । ଅପରେସନ ସିନ୍ଦୂର ସମୟରେ ଯେମିତି ମୁଣ୍ଡ ନୁଆଇଁଥିଲେ ବାଣିଜ୍ୟ ଚୁକ୍ତିରେ ମଧ୍ୟ କେନ୍ଦ୍ର ସରକାର ଆମେରିକା ଆଗରେ ମୁଣ୍ଡ ନୁଆଁଇବେ ବୋଲି ରାହୁଲଙ୍କ ଭବିଷ୍ୟବାଣୀ ପ୍ରଧାନମନ୍ତ୍ରୀ ମୋଦୀଙ୍କୁ ଚ୍ୟାଲେଞ୍ଜ କରିଛି । ଜୁଲାଇ ୯ ତାରିଖ ମଧ୍ୟରେ ଆମେରିକା ଓ ଭାରତ ମଧ୍ୟରେ ବାଣିଜ୍ୟିକ ଚୁକ୍ତି ସ୍ବାକ୍ଷାରିତ ହୋଇପାରେ । ତେବେ ବାଣିଜ୍ୟ ମନ୍ତ୍ରାଳୟର ସ୍ବତନ୍ତ୍ର ସଚିବ ରାଜେଶ ଅଗ୍ରୱାଲ ୱାଶିଂଟନରେ ଉପସ୍ଥିତ ଥିଲେ ବି ଦୁଇ ଦେଶ ମଧ୍ୟରେ ଏପର୍ଯ୍ୟନ୍ତ କୌଣସି ବୁଝାମଣା ହୋଇପାରିନି । ତେବେ ଯେଉଁ ଦୁଇଟି ବିଷୟରେ ଏପର୍ଯ୍ୟନ୍ତ ସହମତି ହୋଇପାରିନି ସେଗୁଡିକ ମଧ୍ୟରେ ପ୍ରଥମଟି ହେଲା ଆମେରିକାରୁ ଆମଦାନୀ ହେଉଥିବା ମକା ଓ ସୋୟାବିନ ଉପରେ ଭାରତର ଅଧିକ ରପ୍ତାନୀ ଶୁଳ୍କ । ଆମେରିକା ଏହାକୁ କମ କରିବାକୁ ଚାହୁଁଛି କିନ୍ତୁ ଭାରତ ସହମତି ଦେଉନି । ସେହିଭଳି ଦୁଗ୍ଦ ପ୍ରକ୍ରିୟାକରଣ କ୍ଷେତ୍ରରେ ଆମେରିକା ଭାରତୀୟ ବଜାରରେ ପ୍ରବେଶ କରିବାକୁ ଚାହୁଁଛି । ମାତ୍ର ପାଖାପାଖି ୮କୋଟି ଲୋକ ନିଯୁକ୍ତ ଥିବ ଏହି କ୍ଷେତ୍ରରେ ଆମେରିକାର ପ୍ରବେଶକୁ ଭାରତ ବିରୋଧ କରୁଛି ଅନ୍ୟପକ୍ଷରେ ଆମେରିକାର ଶ୍ରମଭିତ୍ତିକ ଶିଳ୍ପ ଯଥା ବୟନ, ରତ୍ନପଥର, ସୁନାଅଳଙ୍କାର, ଚମଡ଼ା, ରସାୟନ ପଦାର୍ଥ ଭଳି ଅପେକ୍ଷାକୃତ ଶସ୍ତା ମୂଲ୍ୟର ବ୍ୟବସାୟରେ ପ୍ରବେଶ ପାଇଁ ଭାରତ ଚାହୁଁଛି । ଜାନୁଆରୀରେ ଆମେରିକା ରାଷ୍ଟ୍ରପତି ଭାବେ ଡୋନାଲ୍ଡ ଟ୍ରମ୍ପ ଶପଥ ନେବା ପରେ ପାରସ୍ପରିକ ଶୁଳ୍କ ନାଁରେ ନୂଆ ଆଇନ ପ୍ରଣୟନ କରିବାକୁ ଘୋଷଣା କରିଥିଲେ । ଏହାକୁ ନେଇ ସମଗ୍ର ବିଶ୍ବରେ ପ୍ରତିକ୍ରିୟା ପ୍ରକାଶ ପାଇବାପରେ ଏହାକୁ ୯୦ ଦିନ ପର୍ଯ୍ୟନ୍ତ ସ୍ଥଗିତ ରଖିଥିଲେ ଟ୍ରମ୍ପ । ଜୁଲାଇ ୯ରେ ଏହାର ସମୟସୀମା ଶେଷ ହେବା ପରେ ଟ୍ରମ୍ପ ପ୍ରଶାସନ ଭାରତର ଆମାଦାନି କରୁଥିବା ସମସ୍ତ ଦ୍ରବ୍ୟ ଉପରେ ୨୬ ପ୍ରତିଶତ ଶଳ୍କ ଲଗାଇପାରେ ।

ଭାରତୀୟ ମହିଳା ଫୁଟବଲ ଦଳର ଐତିହାସିକ ବିଜୟ: ଥାଇଲାଣ୍ଡକୁ ହରାଇ AFC ମହିଳା ଏସୀୟ କପ୍‌ ୨୦୨୬ରେ ସ୍ଥାନ ପକ୍କା

ଅଷ୍ଟ୍ରେଲିଆ: ଭାରତୀୟ ମହିଳା ଫୁଟବଲ ଦଳ, ‘ବ୍ଲୁ ଟାଇଗ୍ରେସ’, ଶନିବାର ଏକ ନିର୍ଣ୍ଣାୟକ ବିଜୟ ହାସଲ କରି AFC ମହିଳା ଏସୀୟ କପ୍‌ ୨୦୨୬ରେ ନିଜର ସ୍ଥାନ ପକ୍କା କରିଛି। ଉଚ୍ଚ ରାଙ୍କିଙ୍ଗ ଥିବା ଥାଇଲାଣ୍ଡକୁ ୨-୧ ଗୋଲରେ ପରାସ୍ତ କରି ଭାରତ ଏହି ଐତିହାସିକ ସଫଳତା ହାସଲ କରିଛି। ମଧ୍ୟମଣ୍ଡଳୀୟ ଖେଳାଳି ସଙ୍ଗୀତା ବସଫୋରେ ଦୁଇଟି ଗୋଲ ଦେଇ ଦଳର ବିଜୟରେ ମୁଖ୍ୟ ଭୂମିକା ଗ୍ରହଣ କରିଥିଲେ। ମ୍ୟାଚ ପରେ ସଙ୍ଗୀତା କହିଛନ୍ତି, “ପ୍ରଥମେ ମୁଁ […]

ମୋଟା ଅଙ୍କର ଅର୍ଥ ବଦଳରେ ମିଳୁଛି ମେଡିକାଲ କଲେଜ ମାନ୍ୟତା, ଦୁର୍ନୀତି ରାକେଟ ଉପରୁ ପର୍ଦ୍ଦା ଉଠାଇଲା ସିବିଆଇ

କନକ ବ୍ୟୁରୋ: ବଡ ଦୁର୍ନୀତିର ପର୍ଦ୍ଦାଫାଶ କରିଛି ସିବିଆଇ । ମେଡିକାଲ କଲେଜ ଲାଇସେନ୍ସ ପାଇଁ ମୋଟା ଅର୍ଥ ଅଙ୍କ ନେଇ ଦିଆଯାଉଛି ମାନ୍ୟତା । ସବୁଠୁ ବଡ କଥା ହେଉଛି ମେଡିକାଲ କମିଶନ ଅଫ ଇଣ୍ଡିଆଠୁ ନେଇ ସ୍ବାସ୍ଥ୍ୟମନ୍ତ୍ରାଳୟର ଅନେକ ନାମୀଦାମୀ ନାଁ । ନା ଅଛି ଆବଶକୀୟ ସାଧନ, ନା ଅଛି ପର୍ଯ୍ୟାପ୍ତ ପରିମାଣର ମାନବ ସମ୍ବଳ । ତଥାପି ମିଳିଛି ଏକାଧିକ ମେଡିକାଲ କଲେଜର ମାନ୍ୟତା । ଏନେଇଜଡିତ ଏକ ବଡ଼ ଦୁର୍ନୀତିର ପର୍ଦ୍ଦାଫାସ କରିଛି ସିବିଆଇ । ମାମଲାରେ ସିବିଆଇ ୩୫ଜଣଙ୍କ ନାଁରେ ମାମଲା ରୁଜୁ କରିଛି । ଯେଉଁମାନଙ୍କ ମଧ୍ୟରେ ଅଛନ୍ତି କେନ୍ଦ୍ର ସ୍ବାସ୍ଥ୍ୟମନ୍ତ୍ରାଳୟ ଓ ଜାତୀୟ ଚିକିତ୍ସା କମିଶନର ଉଚ୍ଚ ପଦାଧିକାରୀ, ଘରୋଇ କଲେଜ ପ୍ରତିନିଧି, ବରିଷ୍ଠ ଶିକ୍ଷାବିତ ଓ ଆତ୍ମଘୋଷିତ ଧର୍ମଗୁରୁ । ମିଛ କାଗଜପତ୍ର ସହ ମାନ୍ୟତା ଦେବାକୁ ଏମାନଙ୍କ କରୁଥିଲେ କୋଟି କୋଟି ଟଙ୍କାର ନେଣଦେଣ । ୨୫ ଲକ୍ଷର ୩କୋଟି ପର୍ଯ୍ୟନ୍ତ ଡିଲ ହେଉଥିଲା । ସିବିଆଇ ଅନୁଯାୟୀ -ମେଡିକାଲ କଲେଜଗୁଡ଼ିକୁ ମାନ୍ୟତା ପ୍ରଦାନ ଏବଂ ଯାଞ୍ଚ କରିବାରେ ଦୁର୍ନୀତି ହୋଇଥିଲା -ଯାଞ୍ଚ ତାରିଖ, ମୂଲ୍ୟାୟନକାରୀଙ୍କ ନାମ ଭଳି ଗୋପନୀୟ ସୂଚନା କଲେଜଗୁଡ଼ିକୁ ଲିକ୍ ହୋଇଥିଲା -ନକଲି ଶିକ୍ଷକ ନିଯୁକ୍ତି, ରୋଗୀଙ୍କ ମିଥ୍ୟା ସୂଚନା, ବାୟୋମେଟ୍ରିକ୍ ହେରଫେର ଏବଂ ନିରୀକ୍ଷକମାନଙ୍କୁ ଲାଞ୍ଚ ଦେବା -ସରକାରୀ ଅଧିକାରୀ, ମଧ୍ୟସ୍ଥି ଏବଂ କଲେଜ ମୁଖ୍ୟମାନେ ଏକାଠି ଏକ ଅପରାଧିକ ଷଡ଼ଯନ୍ତ୍ର ରଚୁଥିଲେ -ସେମାନେ ଗୁପ୍ତ ଡକ୍ୟୁମେଣ୍ଟର ଫଟୋ ଉଠାଇ ମଧ୍ୟସ୍ଥିଙ୍କ ମାଧ୍ୟମରେ ଘରୋଇ କଲେଜଗୁଡ଼ିକୁ ପଠାଉଥିଲେ। ସିବିଆଇ କହିଛି ଏହି ଦୁର୍ନୀତିର ଚେର ଦିଲ୍ଲୀରୁ ଆରମ୍ଭ ହୋଇ ବିଭିନ୍ନ ରାଜ୍ୟ ଯାଏଁ ମାଡିଛି । ସବୁଠୁ ବଡ କଥା ହେଉଛି ମେଡିକାଲ କଲେଜ ମାନ୍ୟତା ପାଇଁ ରୋଗୀଠୁ ନେଇ ନକଲି ଅଧ୍ୟାପକ ସବୁ କିଛି ଉପରେ ମିଛ ତଥ୍ୟ ପ୍ରଦାନ କରାଯାଇ ଲାଇସେନ୍ସ ଦିଆଯାଉଥିଲା । ତେବେ ଡାକ୍ତରୀ ଶିକ୍ଷା କ୍ଷେତ୍ରରେ ଏହା ସବୁଠୁ ବଡ ଦୁର୍ନୀତି ମାମଲା ବୋଲି ସିବିଆଇ ପକ୍ଷରୁ କୁହାଯାଇଛି ।

ମୁଖ୍ୟମନ୍ତ୍ରୀ ବସ୍‌ ସେବା ଯୋଗୁଁ ଚିନ୍ତାରେ ଘରୋଇ ବସ୍‌ ମାଲିକ ସଂଘ: ଆର୍ଥିକ କ୍ଷତି ଦୁଃଖରେ କହିଦେଲେ ବଡ କଥା

ଭୁବନେଶ୍ୱର: ଓଡ଼ିଶାରେ ମୁଖ୍ୟମନ୍ତ୍ରୀ ବସ୍‌ ସେବା ଆରମ୍ଭ ହେବା ପରେ ଘରୋଇ ବସ୍‌ ମାଲିକ ସଂଘ ଗଭୀର ଚିନ୍ତାରେ ରହିଛନ୍ତି। ରାଜ୍ୟ ସରକାରଙ୍କ ଏହି ନୂଆ ଯୋଜନା, ଯାହା ପୂର୍ବରୁ ଚାଲିଥିବା ଲକ୍ଷ୍ମୀ ବସ୍‌ ଯୋଜନାର ଏକ ବିସ୍ତାରିତ ରୂପ ବୋଲି କୁହାଯାଉଛି, ଘରୋଇ ବସ୍‌ ମାଲିକମାନଙ୍କୁ ପ୍ରଚୁର ଆର୍ଥିକ କ୍ଷତିର ସମ୍ମୁଖୀନ କରାଇଛି। ଏହା ସହିତ ଗ୍ରାମାଞ୍ଚଳରେ ଘରୋଇ ବସ୍‌ ସେବା ପ୍ରାୟତଃ ବନ୍ଦ ହୋଇଯାଇଥିବା ଅଭିଯୋଗ ଉଠିଛି। ଘରୋଇ ବସ୍‌ ମାଲିକ ସଂଘର ସଦସ୍ୟମାନେ […]

ଗାଭାସ୍କରଙ୍କ ୫୪ ବର୍ଷର ପୁରୁଣା ମହାରେକର୍ଡକୁ ଭାଙ୍ଗିଦେଲେ ଶୁଭମନ ଗିଲ୍‌, ପୁଣି ଶତକ ମାରି ରଚିଲେ ଇତିହାସ

ନୂଆଦିଲ୍ଲୀ: ଅଧିନାୟକ ଭାବେ ଇଂଲଣ୍ଡ ଗସ୍ତରେ ଯାଇଥିବା ଶୁଭମନ ଗିଲଙ୍କ ବ୍ୟାଟରୁ ଖାଲି ରନ ବର୍ଷା ହେଉଛି। ପ୍ରଥମେ ସେ ଲିଡ୍ସ ଟେଷ୍ଟରେ ଶତକ ହାସଲ କରିଥିଲେ। ତା’ପରେ ସେ ଦ୍ୱିତୀୟ ଟେଷ୍ଟର ପ୍ରଥମ ଇନିଂସରେ ୨୬୯ ରନ କରିଥିଲେ। ବର୍ତ୍ତମାନ ସେହି ମ୍ୟାଚର ଦ୍ୱିତୀୟ ଇନିଂସରେ ସେ ଶତକ ମାରିଛନ୍ତି। ଗିଲ୍ ଏହି ଇନିଂସ ଆଧାରରେ ସେ ବ୍ୟାଟ୍ସମ୍ୟାନ୍ ସୁନୀଲ ଗାଭାସ୍କରଙ୍କ ୫୪ ବର୍ଷ ପୁରୁଣା ରେକର୍ଡ ଭାଙ୍ଗି ଇତିହାସ ରଚିଛନ୍ତି। ଗିଲ୍ ଏଜବାଷ୍ଟନ୍ ଟେଷ୍ଟରେ […]

ମାଲିରେ ଓଡ଼ିଆ ଯୁବକଙ୍କୁ ଅପହରଣ: ଉଦ୍ଧାର ପାଇଁ ଜୟଶଙ୍କରଙ୍କୁ ଏମିତି ନିବେଦନ କଲେ ନବୀନ

ଭୁବନେଶ୍ୱର/ନୂଆଦିଲ୍ଲୀ,୫ା୭: ଓଡ଼ିଶାର ପୂର୍ବତନ ମୁଖ୍ୟମନ୍ତ୍ରୀ ତଥା ବିଜେଡି ସୁପି୍ରମୋ ନବୀନ ପଟ୍ଟନାୟକ ମାଲିରେ ନିଖୋଜ ଥିବା ଗଞ୍ଜାମ ଜିଲ୍ଲାର ୨୮ ବର୍ଷୀୟ ପି. ଭେଙ୍କଟରମଣଙ୍କ ଶୀଘ୍ର ଏବଂ ସୁରକ୍ଷିତ ପ୍ରତ୍ୟାବର୍ତ୍ତନ ସୁନିଶ୍ଚିତ କରିବାକୁ ବୈଦେଶିକ ବ୍ୟାପାର ମନ୍ତ୍ରଣାଳୟକୁ ଅନୁରୋଧ କରିଛନ୍ତି। ଯୁବକ ଜଣକ ମାଲିର ଡାଇମଣ୍ଡ ସିମେଣ୍ଟ କାରଖାନାରେ କାମ କରୁଥିଲେ, ଯେଉଁଠାରେ ସେ ଜୁଲାଇ ୧ ତାରିଖରେ ଏକ ସଶସ୍ତ୍ର ଆକ୍ରମଣ ପରେ ନିଖୋଜ ଅଛନ୍ତି। ପରିବାର ସ୍ଥାନୀୟ ପୋଲିସରେ ଅଭିଯୋଗ କରିଥିଲେ ହେଁ ଏପର୍ଯ୍ୟନ୍ତ […]

ଜନ୍ମଦେଦୀରେ ସରିଲା ଲୀଳାଖେଳା, ଆଡ଼ପମଣ୍ଡରୁ ଭାଇ ଭଉଣୀଙ୍କୁ ଧରି ଶ୍ରୀମନ୍ଦିରକୁ ବାହୁଡ଼ିଲେ ଦାରୁବ୍ରହ୍ମ

କନକ ବ୍ୟୁରୋ: ଜନ୍ମବେଦୀ ଛାଡି ଶ୍ରୀଜୀଉ ଯେତେବେଳେ ବଡଦାଣ୍ଡକୁ ଓହ୍ଲାଇ ଆସିଛନ୍ତି, ସେତେବେଳେ ଲୋକାରଣ୍ୟ ହୋଇଉଠିଛି ଶ୍ରୀକ୍ଷେତ୍ର। କିଏ କେତେ ରୂପରେ ଭକ୍ତି ନୈବେଦ୍ୟ ଜଣାଉଛନ୍ତି । କିଏ ତାଙ୍କ ପାଇଁ ଭଜନ ଗାଉଛନ୍ତି, ତ ପୁଣି କିଏ ଜଣାଣ । କୁହାଯାଏ ନାଟୁଆ କାଳିଆ ଠାକୁରଙ୍କ ନାଚ, ଗୀତରେ ଭାରି ମନ । ନୃତ୍ୟ, ସଙ୍ଗୀତ ପ୍ରିୟ ମହାପ୍ରଭୁଙ୍କ ଆଗରେ ନୃତ୍ୟ ପରିବେଷଣ କରି ନିଜକୁ କୃତାର୍ଥ କରିଛନ୍ତି ଭକ୍ତ । ଜଣେ ୭୮ ବର୍ଷିୟ ଓଡ଼ିଶୀ ନୃତ୍ୟଶିଳ୍ପୀଙ୍କ ନାଚ ଥିଲା ବେଶ ନିଆରା । ବାହୁଡ଼ା ଯାତ୍ରାରେ ନୃତ୍ୟ ପରିବେଶଣ କରି ସେ ମହାଆନନ୍ଦ ଅନୁଭବ କରନ୍ତି ବୋଲି କହିଛନ୍ତି । ସେହିପରି ଆଉ ଜଣେ ଭକ୍ତ ହନୁମାନଙ୍କ ବେଶରେ ବଡ଼ ଦାଣ୍ଡରେ ଗଦା ବୁଲାଇ ତାଙ୍କ ନୃତ୍ୟ ପରିବେଶଣ କରୁଥିଲେ । ସାଙ୍ଗରେ ଥିଲେ ନାରଦ ଓ କୃଷ୍ଣ ବେଶ ଧାରୀ କୁନି ଭକ୍ତ । ତୁଳସୀ ପ୍ରିୟ କାଳିଆ ଠାକୁର । ତାଙ୍କ ପାଇଁ ତୁଳସୀ ଓ ଫୁଲ ନେଇ ଭକ୍ତ ଦାସିଆବାଉରୀଙ୍କ ପୀଠରୁ ଆସିଛନ୍ତି ତୁଳସୀ ବାବା । ପ୍ରଭୁଙ୍କ ପାଖରେ ଫୁଲ ଓ ତୁଳସୀ ଲାଗି ହୋଇଗଲେ, ସେ ଅପାର ଆନନ୍ଦ ଲାଭ କରନ୍ତି ବୋଲି କହିଛନ୍ତି । ଭାବବିନୋଦିଆ କାଳିଆ ଠାକୁରଙ୍କ ଦର୍ଶନ ପାଇଁ କେବଳ ଭାରତ ନୁହେଁ ଭାରତ ବାହାରୁ ମଧ୍ୟ ଭକ୍ତ ଧାଇଁଆସିଛନ୍ତି ପୁରୀ । ଭକ୍ତି ଭାବର ଗୀତ ଗାଇ ଶରଧାବାଲିରେ ପରମ ତୃପ୍ତି ଲାଭ କରିଛନ୍ତି । ବଡଦାଣ୍ଡରେ ସଂକୀର୍ତ୍ତନ ମଣ୍ଡଳୀ ବି ନାମ ସଂକୀର୍ତ୍ତନ କରି ଆତ୍ମସନ୍ତୋଷ ଲାଭ କରିଛନ୍ତି । ବାହୁଡ଼ା ଯାତ୍ରା ଅବସରରେ ବଡ଼ଦାଣ୍ଡ ଆଜି ଭକ୍ତି ଓ ଭାବର ଦାଣ୍ଡ ପାଲଟିଯାଇଛି ।

ଆମ୍ବୁଲାନ୍ସ  ରୋଗୀ ନୁହେଁ ଯାତ୍ରୀ ବୋହୁଛି, ଦେଖି ଅଶ୍ଚର୍ଯ୍ୟ ଉପସ୍ଥିତ ଲୋକ

କନକ ବ୍ୟୁରୋ: ମହାପ୍ରଭୁଙ୍କ ବାହୁଡ଼ା ଯାତ୍ରା ଦେଖିବା ପାଇଁ ପୁରୀକୁ ଛୁଟି ଆସିଛନ୍ତି ଲକ୍ଷାଧିକ ଶ୍ରଦ୍ଧାଳୁ । ଭକ୍ତଙ୍କ ଭିଡ଼ ରାସ୍ତାଘାଟ ସବୁ ଜାମ୍‌ । ଆଉ ଏହାରି ଭିତରେ ପୁରୀ ଡାକ୍ତରଖାନାରେ ପହଞ୍ଚିଥିଲା ଏକ ଆମ୍ବୁଲାନ୍ସ । ଆପଣମାନେ ଭାବୁଥିବେ ଆମ୍ବୁଲାନ୍ସରେ ଗୁରୁତର ରୋଗୀଙ୍କୁ ଡାକ୍ତରଖାନା ଅଣାଯାଇଛି । ରାସ୍ତାରେ ଯାଉଥିବା ଅନ୍ୟଗାଡ଼ି ମଧ୍ୟ ଠିକ୍‌ ଏମିତି ଭାବି ଆମ୍ବୁଲାନ୍ସକୁ ବାଟ ଛାଡ଼ି ଦେଇଥିବେ । ହେଲେ ଡାକ୍ତରଖାନାରେ ଆମ୍ବୁଲାନ୍ସ ଗେଟ୍‌ ଖୋଲିବା ପରେ ସାମ୍ନାକୁ ଆସିଲା ସତ । ୧୦୮ ଆମ୍ବୁଲାନ୍ସରେ ନଥିଲେ ରୋଗୀ । ଥିଲେ ଏକାଧିକ ବ୍ୟକ୍ତି । ଜଣେ ମହିଳା ମଧ୍ୟ ବାହାରିଲେ । ସେମାନଙ୍କ ବେକରେ ପରିଚୟ ପତ୍ର କି ପାସ୍‌ କଣ ଗୋଟେ ଝୁଲୁଛି । ସେମାନେ ସରକାରୀ ଅଧିକାରୀ ହୋଇଥାଇ ପାରନ୍ତି ବୋଲି ସନ୍ଦେହ କରାଯାଉଛି । ପୁରୀ ରଥଯାତ୍ରା ସମୟରେ ଭିଡ଼ ଭିତରେ କାହାର କିଛି ସ୍ୱାସ୍ଥ୍ୟଗତ୍‌ ସମସ୍ୟା ହେଲେ ତାଙ୍କୁ ଡାକ୍ତରଖାନାରେ ପହଞ୍ଚାଇବା ପାଇଁ ଆମ୍ବୁଲାନ୍ସ ରଖାଯାଇଛି । ହେଲେ ଏଠି ଆମ୍ବୁଲାନ୍ସଟି ରୋଗୀ ନୁହେଁ ଯାତ୍ରୀ ବୋହୁଛି । ଏଥିପାଇଁ କିଏ ଦେଇଛି ଅନୁମତି । କାହା କଥାରେ ଆମ୍ବୁଲାନ୍ସ ଡ୍ରାଇଭର ଲୋକଙ୍କୁ ଧରି ଡାକ୍ତରଖାନାକୁ ଯାଇଥିଲେ । ପୁରୀ ଡାକ୍ତରଖାନା ପରିସରରେ ଆମ୍ବୁଲାନ୍ସ ଭିତରୁ ସୁସ୍ଥ ଲୋକ ବାହାରୁଥିବା ଦେଖି ଏମିତି ପ୍ରଶ୍ନ କରିଛନ୍ତି ସେଠାରେ ଉପସ୍ଥିତ ଥିବା ବ୍ୟକ୍ତି ।

ଶରଧାବାଲି ଛାଡି ଶ୍ରୀମନ୍ଦିରକୁ ବାହାରିଛନ୍ତି ଶ୍ରୀଜୀଉ, ତିନିଠାକୁରଙ୍କୁ ଦେଖିବାକୁ ଶରଧାବାଲି ଓ ବଡଦାଣ୍ଡ ଜଗନ୍ନାଥମୟ

କନକ ବ୍ୟୁରୋ: ନବଦିନାତ୍ମକ ଯାତ୍ରା ସାରି ଶ୍ରୀମନ୍ଦିର ଅଭିମୁଖେ ବାହାରିଛନ୍ତି ତିନି ଠାକୁର । ନୀତି ନିର୍ଘଣ୍ଟର ବହୁ ପୂର୍ବରୁ ଆରମ୍ଭ ହୋଇଥିଲା ପହଣ୍ଡି ବିଜେ। ଆଡ଼ପ ମଣ୍ଡପରୁ ଧାଡ଼ି ପହଣ୍ଡିରେ ଆସି ରଥରେ ବିରାଜିତ ହୋଇଥିଲେ ଚତୁର୍ଦ୍ଧାମୁରତି। ପ୍ରଥମେ ସୁଦର୍ଶନ, ପରେ ବଳଭଦ୍ର ଓ ତା ପରେ ମା ସୁଭଦ୍ରାଙ୍କ ପହଣ୍ଡି ହୋଇଥିଲା । ଏହା ପରେ ଟାହିଆ ସହ ମହାପ୍ରଭୁଙ୍କ ଝୁଲି ଝୁଲି ଆସିବାର ଦୃଶ୍ୟ ଭକ୍ତଙ୍କ ହୃଦସ୍ପନ୍ଦନ ବଢାଇଦେଇଥିଲା । ଘଣ୍ଟଘଣ୍ଟା ନାଦରେ ପ୍ରକମ୍ପିତ ହୋଇ ଉଠିଥିଲା ଶରଧାବାଲି । ଜୟ ଜଗନ୍ନାଥ ଧ୍ବନିରେ ପ୍ରକମ୍ପିତ ହୋଇଥିଲା ପୁରା ପରିବେଶ । ୩ ରଥରେ ପହଣ୍ଡି ପରେ ବିରାଜିତ ଶ୍ରୀବିଗ୍ରହଙ୍କ ସେବା ପାଇଁ ପହଁଚିଥିଲେ ଆଦ୍ୟ ସେବକ ଗଜପତି ମହାରାଜ । ରଥ ଉପରେ ଛେରାପହଁରା ପାଇଁ ସୁସଜ୍ଜିତ ପାଲିଙ୍କି ତାମଯାନ୍‌ରେ ଆସିଥିଲେ । ପରମ୍ପରା ଅନୁସାରେ ଆରମ୍ଭ ହୋଇଥିଲା ଛେରାପହଁରା । ସୁନା ଖଡ଼ିକାରେ ତିନ ରଥରେ ଛେରାପହଁରା କରିଥିଲେ ଗଜପତି ମହାରାଜ ଦିବ୍ୟସିଂହ ଦେବ । ଏହି ନୀତି ପରେ ଚାରମାଳ ଖୋଲାଯିବା ସହ ରଥରେ ଘୋଡ଼ା ଯଚା ଯାଇଥିଲା । ବାହୁଡ଼ା ଯାତ୍ରା ପାଇଁ ନିର୍ଦ୍ଧାରିତ ସମୟର ବହୁ ପୂର୍ବରୁ ହେଇଛି ସମସ୍ତ ନୀତି । ଗୁଣ୍ଡିଚା ଯାତ୍ରାରେ କାଳିଆ ସାଆନ୍ତଙ୍କ ନନ୍ଦିଘୋଷ ରଥ ଗଡ଼ିପାରିନଥିଲା। ସେହି ଅପବାଦରୁ ମୁକ୍ତି ପାଇଁ ବାହୁଡ଼ାରେ ସଅଳ ହୋଇଛି ରଥଟଣା । ପ୍ରଥମେ ବଡ଼ ଭାଇ ବଳଭଦ୍ରଙ୍କ ତାଳଧ୍ବଜକୁ ଟାଣିଥିଲେ ଭକ୍ତ । ପରେ ଗଡ଼ିଥିଲା ଯୋଗମାୟା ମାଆ ସୁଭଦ୍ରାଙ୍କ ଦର୍ପଦଳନ ରଥ । ଶେଷରେ ଘୋର ଘର୍ଘର ନାଦ କରି ଗଡ଼ିଥିଲା ନନ୍ଦିଘୋଷ । ଶ୍ରୀମନ୍ଦିର ଅଭିମୁଖେ ବାହୁଡ଼ିଥିଲେ କାଳିଆ ଠାକୁର। ଜଗବନ୍ଧୁ ଜଗନ୍ନାଥଙ୍କ ରଥ ଦଉଡ଼ିକୁ ଟାଣିଥିଲେ ଭକ୍ତ । ଭଗବାନ ଓ ଭକ୍ତଙ୍କ ଏହି ଅପୂର୍ବ ମିଳନର ଦୃଶ୍ୟ ଦେଖି ବିମୋହିତ ହୋଇଛନ୍ତି କୋଟି କୋଟି ଜଗନ୍ନାଥ ପ୍ରେମୀ ।

ମାଉସୀ ମା’ ମନ୍ଦିରରେ ପୋଡ଼ ପିଠା ଖାଇଲେ ମହାପ୍ରଭୁ

କନକ ବ୍ୟୁରୋ: ବାହୁଡ଼ା ଯାତ୍ରା ସମୟରେ ମାଉସୀ ମା’ ମନ୍ଦିରରେ ପୋଡ଼ ପିଠା ଖାଇଛନ୍ତି ପ୍ରଭୁ ବଳଭଦ୍ର, ଦେବୀ ସୁଭଦ୍ରା, ଆଉ ମହାପ୍ରଭୁ ଜଗନ୍ନାଥ । ମାଉସୀ ଘରୁ ପୋଡ଼ ପିଠା ଖାଇବାର ପରମ୍ପରା ଶେଷ କରି ପୁଣି ବଡ଼ ଦାଣ୍ଡ ଅଭିମୁଖେ ବାହାରିଛି ୩ ରଥ । ମାଉସୀ ମା’ ମନ୍ଦିର ପୁରୀ ବଡ଼ଦାଣ୍ଡରେ ଜଗନ୍ନାଥ ମନ୍ଦିର ଆଡ଼କୁ ଗଲାବେଳେ ବଳଗଣ୍ଡି ପାଖରେ ବାମପଟେ ଅବସ୍ଥିତ । ଏଠାର ଅଧିଷ୍ଠାତ୍ରୀ ଦେବି ମାଉସୀ ମା' (ଅର୍ଦ୍ଧାଶନୀ) ଜଗନ୍ନାଥଙ୍କ ମାଉସୀ ଭାବରେ ଜଣା । ପୂର୍ବରୁ ଏଠି ହାତୀ ଗାଧୁଆ ନଦୀ ବହି ଯାଉଥିଲା । ଲୋକେ ତାକୁ ବଳବତ୍ତର ଗଣ୍ଡି କହୁଥିଲେ ଏବେ ଏହା ବଳଗଣ୍ଡି ଭାବେ ପରିଚିତ । ଆଗେ ମହାପ୍ରଭୁମାମାନଙ୍କର ରଥ ଆସି ଏଇଠି ଅଟକି କିଛି ସମୟ ବିଶ୍ରାମ ନେବାପରେ ନଈ ପାର ହୋଇ ବିଗ୍ରହମାନେ ଆରପଟରେ ଥିବା ରଥରେ ବିଜେ ହୋଇ ଗୁଣ୍ଡିଚା ମନ୍ଦିରକୁ ଯାଉଥିଲେ । ପୁଣି ଫେରିଲାବେଳକୁ ଅର୍ଥାତ ବାହୁଡ଼ାବେଳେ ଏଇଠି ମାଉସୀ ମା ଜଗନ୍ନାଥଙ୍କୁ ପୋଡ଼ପିଠା ଖାଇବାକୁ ଦେବାର ପରମ୍ପରା ଚଳି ଆସିଛି । ମା’ ଦେଖିବାକୁ ଅବିକଳ ସୁଭଦ୍ରା ଦେବୀଙ୍କ ପରି । ମାଙ୍କ ମୂର୍ତ୍ତି କୃଷ୍ଣପଥରରେ ତିଆରି । ସେ ଦ୍ୱିଭୂଜା, ଦୁଇ ପାଖରେ ଅଛନ୍ତି ଦୁଇ ପାର୍ଶ୍ୱଦେବୀ ଛାୟା ଓ ମାୟା । ମୂର୍ତ୍ତିର କଟିଦେଶ ଉପରକୁ ଆଚ୍ଛାଦିତ କରି ସୁଭଦ୍ରାଙ୍କ ମୁଖାଟିଏ ଚାପି ଦିଆଯାଇଛି ।

ରାଉରକେଲା ଇସ୍ପାତ ସବୁଜ ବନରେ ୮୦୦ ଚାରା ରୋପଣ, ଆରମ୍ଭ ହେଲା ଗଣ ବୃକ୍ଷରୋପଣ ଉତ୍ସବ

କନକ ବ୍ୟୁରୋ: ସେଲ୍ ରାଉରକେଲା ଇସ୍ପାତ କାରଖାନା ଦ୍ଵାରା ଜଗଦା ସିଡବ୍ଲ୍ୟୁଏସ ହସ୍ପିଟାଲ ନିକଟରେ ଇସ୍ପାତ ସବୁଜ ବନଠାରେ ଜୁଲାଇ ୪ ତାରିଖରେ ଆୟୋଜିତ ଗଣ ପରିବେଶ ସଚେତନତା ଓ ବୃକ୍ଷରୋପଣ ଉତ୍ସବରେ ଇସ୍ପାତ ସହରର ବିଭିନ୍ନ ବିଦ୍ୟାଳୟର ୩୦୦ରୁ ଅଧିକ ଛାତ୍ରଛାତ୍ରୀ, ଆରଏସପିର ବହୁ ବରିଷ୍ଠ ଅଧିକାରୀ ଓ ସିଆଇଏସଏଫ କାର୍ମିକ ଉତ୍ସାହ ସହକାରେ ଭାଗ ନେଇଥିଲେ । ଏହି ଉତ୍ସବରେ ରାଉରକେଲା ଇସ୍ପାତ କାରଖାନା ଓ ଦୁର୍ଗାପୁର ଇସ୍ପାତ କାରଖାନା ତଥା ଇସ୍କୋ ଇସ୍ପାତ କାରଖାନାର ଭାରପ୍ରାପ୍ତ ନିର୍ଦ୍ଦେଶକ ଆଲୋକ ବର୍ମା ମୁଖ୍ୟ ଅତିଥି ରୂପେ ଯୋଗଦେଇ କାର୍ଯ୍ୟକ୍ରମର ଉଦଘାଟନ କରିଥିଲେ । ଏହି ଅବସରରେ ଓଡିଶା ସରକାରଙ୍କ ଓଡିଶା ରାଜ୍ୟ ପ୍ରଦୂଷଣ ନିୟନ୍ତ୍ରଣ ବୋର୍ଡର ଆଞ୍ଚଳିକ ଅଧିକାରୀ ଡକ୍ଟର ଅନୁପ ମଲ୍ଲିକ, ମାନବ ସମ୍ବଳ ବିଭାଗର ନିର୍ବାହୀ ନିର୍ଦ୍ଦେଶକ ତରୁଣ ମିଶ୍ର, କାର୍ଯ୍ୟ ବିଭାଗର ନିର୍ବାହୀ ନିର୍ଦ୍ଦେଶକ ବିଶ୍ବରଞ୍ଜନ ପଲାଇ, ସାମଗ୍ରୀ ପରିଚାଳନା ବିଭାଗର ନିର୍ବାହୀ ନିର୍ଦ୍ଦେଶକ ଅନିଲ କୁମାର, ଚିକିତ୍ସା ଓ ସ୍ଵାସ୍ଥ୍ୟସେବା ବିଭାଗର ସିଏମଓ ଇନ ଚାର୍ଜ ଡାକ୍ତର ଜୟନ୍ତ କୁମାର ଆଚାର୍ଯ୍ୟ, ବିତ୍ତ ଓ ଲେଖା ବିଭାଗର ସିନିୟର ମ୍ୟାନେଜର ରାଜେଶ ଦାସଗୁପ୍ତା, ସିଆଇଏସଏଫର ସିନିୟର କମାଣ୍ଡାଣ୍ଟ ବିଜୟ କୁମାର, ବହୁ ମୁଖ୍ୟ ମହାପ୍ରବନ୍ଧକ ଏବଂ ଅନ୍ୟ ବରିଷ୍ଠ ଅଧିକାରୀ ଉପସ୍ଥିତ ଥିଲେ । ଛାତ୍ରଛାତ୍ରୀମାନଙ୍କୁ ସମ୍ୱୋଧିତ କରି ଡିଆଇସି କହିଥିଲେ ଯେ, ପ୍ରତ୍ୟେକ ଗଛର ଜୀବନ ରହିଛି ଏବଂ ଆମକୁ ଏହାର ସୁରକ୍ଷା ଓ ଯତ୍ନ ନେବାକୁ ହେବ । ଏକ ସବୁଜ ପରିବେଶ ସୃଷ୍ଟି କରିବା ଆମର ଲକ୍ଷ୍ୟ ହେବା ଉଚିତ, ବିଶେଷକରି ଯଦି ପିଲାମାନେ ଗଛର ଦାୟିତ୍ଵ ନିଅନ୍ତି, ତେବେ ସେମାନେ ବହୁତ ଭଲ ଭାବରେ ବଢ଼ିବେ । ଆଲୋକ ବର୍ମା ପ୍ରଥମ ଚାରା ରୋପଣ କରିବା ସହିତ ଏହି କାର୍ଯ୍ୟକ୍ରମ ଆରମ୍ଭ ହୋଇଥିଲା । ଏହି ଉତ୍ସବରେ ପ୍ରାୟ ୧.୨୫ ଏକର ପରିମିତ ଅଞ୍ଚଳରେ ଛତିଆନା, କରଞ୍ଜ, ନିମ୍ବ, ପୂତୁଲି, ଜାମୁନ, ସୁନାରି, ଶିଶୁ, ବକୁଳ, ଅଁଳା, ପଣସ, ପିଜୁଳି, ଓ ଆତ ଇତ୍ୟାଦି କିସମର ବୃକ୍ଷ ରୋପଣ ସମ୍ପନ୍ନ ହୋଇଥିଲା । ସୂଚନାଯୋଗ୍ୟ ଯେ, ଉଦ୍ୟାନକୃଷି ବିଭାଗ ନିଜସ୍ବ ଉଦ୍ୟମରେ ଏହି ଚାରା ବିକାଶ କରିଛି ଏବଂ ଚଳିତ ବର୍ଷ ୫୦୦୦ ବୃକ୍ଷରୋପଣର ଯୋଜନା ରଖୁଛି । ସହର ଇଞ୍ଜିନିୟରିଂ ଉଦ୍ୟାନ କୃଷି ବିଭାଗର ପୁରୁଷୋତ୍ତମ ସାହୁ ଏକ ଉପସ୍ଥାପନା ପ୍ରସ୍ତୁତ କରି ଅତିଥିମାନଙ୍କୁ ଉଦ୍ୟାନକୃଷି ବିଭାଗ ଦ୍ଵାରା ସମ୍ପାଦିତ ବ୍ୟାପକ ବୃକ୍ଷରୋପଣ କାର୍ଯ୍ୟଧାରା ସମ୍ପର୍କରେ ଅବଗତ କରାଇଥିଲେ । ପ୍ରାରମ୍ଭରେ ଇସ୍ପାତ ଇଂରାଜୀ ମାଧ୍ୟମ ବିଦ୍ୟାଳୟ ସେକ୍ଟର ୨୦ର ଛାତ୍ରଛାତ୍ରୀମାନେ ପରିବେଶ ଉପରେ ଆଧାରିତ ଆବାହନୀ ସଙ୍ଗୀତ ପରିବେଷଣ କରିଥିଲେ । ଏଥୁପୂର୍ବରୁ ଇସ୍ପାତ ଇଂରାଜୀ ମାଧ୍ୟମ ବିଦ୍ୟାଳୟ, ସେକ୍ଟର-୨୦, ଇସ୍ପାତ ବିଦ୍ୟା ମନ୍ଦିର, ସେକ୍ଟର ୧୯, ଦିଲ୍ଲୀ ପବ୍ଲିକ ସ୍କୁଲ, ସେକ୍ଟର-୧୪, ଜ୍ଞାନଜ୍ୟୋତି ପବ୍ଲିକ ସ୍କୁଲ,ସେକ୍ଟର-୧୯ ଏବଂ ଦୀପିକା ଇଂରାଜୀ ମାଧ୍ୟମ ବିଦ୍ୟାଳୟ, ସେକ୍ଟର-୫ ଓ ଦୀପିକା ଇସ୍ପାତ ଶିକ୍ଷା ସଦନର ଛାତ୍ରଛାତ୍ରୀମାନେ ହାତରେ ପରିବେଶ ସୁରକ୍ଷା ବାର୍ତ୍ତା ବହନ କରୁଥ‌ିବା ପ୍ଲାକାର୍ଡ ଧରି ସ୍ଲୋଗାନ ଦେଇ ଏକ ଆକର୍ଷଣୀୟ ପଦଯାତ୍ରାରେ ବୃକ୍ଷରୋପଣ ସ୍ଥଳୀରେ ପହଞ୍ଚିଥିଲେ । ଉଦ୍ୟାନକୃଷି ବିଭାଗର ଏଜିଏମ ଡକ୍ଟର ସତ୍ୟ ନାରାୟଣ ମିଶ୍ର କାର୍ଯ୍ୟକ୍ରମ ସଂଯୋଜନା କରିଥିଲେ । ସୂଚନାଯୋଗ୍ୟ ଯେ, ଆରଏସପି ଇସ୍ପାତ ସହର ଓ ଏହାର ଆଖପାଖ ଅଞ୍ଚଳରେ ଅଦ୍ୟାବଧି ୫୨ ଲକ୍ଷରୁ ଅଧିକ ବୃକ୍ଷରୋପଣ ସମ୍ପନ୍ନ କରିଛି । ଯାହା ଏହି ସମଗ୍ର ଅଞ୍ଚଳରେ ସବୁଜିମା ବଳୟ ସୃଷ୍ଟିରେ ବିଶେଷ ସହାୟକ ହୋଇଛି । ଚଳିତ ବର୍ଷ ଇସ୍ପାତ କାରଖାନା ଉଭୟ କାରଖାନା ଓ ସହରାଞ୍ଚଳରେ ବ୍ୟାପକ ଚାରା ଲଗାଇବା ନିମନ୍ତେ ଯୋଜନା ପ୍ରସ୍ତୁତ କରିଛି ।

ଯେତେବେଳେ ଟିମରେ ନଥାଆନ୍ତି ବୁମରାହ, ସାମି: ସେତେବେଳେ ସିରାଜ୍ ବନିଯାଆନ୍ତି ସାଇଲେଣ୍ଟ କିଲର୍

କନକ ବ୍ୟୁରୋ: ଏଜବାଷ୍ଟନ ଟେଷ୍ଟର ତୃତୀୟ ଦିନ ଆରମ୍ଭରେ ମହମ୍ମଦ ସିରାଜ ତାଙ୍କର ପ୍ରଥମ ଓଭରରେ ଦୁଇଟି ୱିକେଟ୍ ନେଇ ଇଂଲଣ୍ଡ ଇନିଂସକୁ ଦୋହଲାଇ ଦେଇଥିଲେ । ସିରାଜ ଜୋ ରୁଟ୍ ଏବଂ ବେନ୍ ଷ୍ଟୋକ୍ସଙ୍କୁ ଆଉଟ୍ କରିଥିଲେ । ଯାହା ଫଳରେ ଇଂଲଣ୍ଡ ଦଳର ସ୍କୋର ୮୪ ରନରେ ୫ ଓ୍ୱିକେଟ ହରାଇଥିଲା । କିନ୍ତୁ ପରେ ଜେମି ସ୍ମିଥ୍ ଏବଂ ହ୍ୟାରି ବ୍ରୁକ୍ ୩୬୮ ବଲରେ ୩୦୩ ରନର ରେକର୍ଡ ଭାଗୀଦାରି କରିଥିଲେ । ତଥାପି, ଏହାପରେ ମଧ୍ୟ ଇଂଲଣ୍ଡ ଦଳ ୪୦୭ ରନରେ ସୀମିତ ରହିଥିଲା । ଏଜବାଷ୍ଟନ ଟେଷ୍ଟରେ ସିରାଜ ୬ଟି ୱିକେଟ ନେଇ ଏକ ସ୍ମରଣୀୟ ଇନିଂସ ଖେଳିଥିଲେ । ଅନ୍ୟପଟେ ତାଙ୍କୁ ଆକାଶ ଦୀପଙ୍କ ପୂର୍ଣ୍ଣ ସମର୍ଥନ ମିଳିଥିଲା, ଯିଏ ବୁମରାହଙ୍କ ସ୍ଥାନରେ ଖେଳି ୪ଟି ୱିକେଟ ନେଇଥିଲେ । ଏହି ମ୍ୟାଚ୍ ସମୟରେ, ମହମ୍ମଦ ସିରାଜଙ୍କ ଏକ ପରିସଂଖ୍ୟାନ ବହୁତ ଆଶ୍ଚର୍ୟ୍ୟଜନକ ଥିଲା । ପ୍ରକୃତରେ, ଯେତେବେଳେ ସିରାଜ ଯଶପ୍ରିତ ବୁମରାହ କିମ୍ବା ମହମ୍ମଦ ଶାମିଙ୍କ ବିନା ଖେଳନ୍ତି, ତାଙ୍କର ଟେଷ୍ଟ ପରିସଂଖ୍ୟାନ ଅଧିକ ଆଶ୍ଚର୍ୟ୍ୟଜନକ ହୋଇଯାଏ । ସିରାଜ ଏପର୍ଯ୍ୟନ୍ତ ଯଶପ୍ରିତ ବୁମରାହଙ୍କ ସହ ୨୩ଟି ଟେଷ୍ଟ ମ୍ୟାଚ୍ ଖେଳିଛନ୍ତି ଏବଂ ଏହି ମ୍ୟାଚ୍ ଗୁଡ଼ିକରେ ତାଙ୍କର ବୋଲିଂ ହାର ୩୩.୮୨ ରହିଛି । କିନ୍ତୁ ଯେତେବେଳେ ସେ ୧୫ଟି ଟେଷ୍ଟ ମ୍ୟାଚ ବୁମରାହଙ୍କ ବିନା ଖେଳିଛନ୍ତି ସେତେବେଳେ ତାଙ୍କର ହାର ୨୫.୨୦କୁ ଉନ୍ନତ ହୋଇଛି । ଅର୍ଥାତ୍ ଏହା ଚମତ୍କାର । ସେହିପରି ମହମ୍ମଦ ସାମିଙ୍କ ସହ ଖେଳାଯାଇଥିବା ୯ଟି ଟେଷ୍ଟରେ ସିରାଜଙ୍କ ହାରାହାରି ୩୪.୯୬ ଥିଲା, ଯେତେବେଳେ ସେ ବୁମରାହ ଏବଂ ସାମି ଉଭୟଙ୍କ ସହ ଖେଳିଥିଲେ, ଏପରି ୬ଟି ଟେଷ୍ଟ ମ୍ୟାଚ୍‌ରେ ତାଙ୍କର ହାରାହାରି ୩୩.୦୫ ଥିଲା । ସବୁଠାରୁ ଆକର୍ଷଣୀୟ ପରିସଂଖ୍ୟାନ ହେଉଛି ଯେ ସିରାଜ ଯେଉଁ ୧୨ଟି ଟେଷ୍ଟ ମ୍ୟାଚରେ ବୁମରା କିମ୍ବା ସାମିଙ୍କ ସହ ବୋଲିଂ କରିନଥିଲେ, ତାଙ୍କର ହାରାହାରି ମାତ୍ର ୨୨.୨୭ ଥିଲା, ଯାହା ତାଙ୍କ କ୍ୟାରିୟରର ସର୍ବୋତ୍ତମ ପ୍ରଦର୍ଶନ । ଏହା ସ୍ପଷ୍ଟ ଯେ ସିରାଜ୍ ଜଣେ ଲିଡ୍ ବୋଲର ଭୂମିକାରେ ଅଧିକ ପ୍ରଭାବଶାଳୀ ପ୍ରଦର୍ଶନ କରନ୍ତି । ଅର୍ଥାତ୍, ଯେତେବେଳେ ତାଙ୍କୁ ବିଶ୍ୱାସ କରାଯାଏ ଏବଂ ଦାୟିତ୍ୱ ଦିଆଯାଏ, ଏହା ତାଙ୍କ ପ୍ରଦର୍ଶନ ଉପରେ ସିଧାସଳଖ ପ୍ରଭାବ ପକାଏ । ମ୍ୟାଚ୍ ପରେ ସିରାଜ ନିଜେ ସ୍ୱୀକାର କରିଛନ୍ତି ଯେ ସେ ଦାୟିତ୍ୱ ନେବାକୁ ପସନ୍ଦ କରନ୍ତି । ସିରାଜ ଅଷ୍ଟ୍ରେଲିଆରେ ଖରାପ ପ୍ରଦର୍ଶନ କରିନଥିଲେ, କିନ୍ତୁ ତାଙ୍କ ପ୍ରଦର୍ଶନ ଉପରେ ପ୍ରଶ୍ନ ଉଠିଲା । ବର୍ଡର ଗାଭାସ୍କର ଟ୍ରଫି ସମୟରେ, ସେ ୩୧.୧୫ ହାରରେ ୨୦ ୱିକେଟ୍ ନେଇଥିଲେ, ଯେତେବେଳେ ସେହି ସିରିଜ୍ ସିମ୍ ଏବଂ ସ୍ୱିଙ୍ଗ୍ ପାଇଁ ଅନୁକୂଳ ବୋଲି ବିବେଚନା କରାଯାଉଥିଲା । ଏଜବାଷ୍ଟନରେ ବି କାହାଣୀ ବଦଳିଗଲା । ଯେତେବେଳେ ସମସ୍ତ ବିଶେଷଜ୍ଞ ଏବଂ ପ୍ରଶଂସକ ବୁମରାହଙ୍କ ଅନୁପସ୍ଥିତି ବିଷୟରେ ଚିନ୍ତିତ ଥିଲେ, ସେତେବେଳେ ସିରାଜ ଆସିଲେ, ତାଙ୍କ ଶୈଳୀରେ ବୋଲିଂ କଲେ । ସେ ଲେନ୍ଥ ପରିବର୍ତ୍ତନ କଲେ ନାହିଁ, ଅଧିକ ସିମ୍ କିମ୍ବା ଅଧିକ ସ୍ୱିଙ୍ଗ୍ କଲେ ନାହିଁ, ତଥାପି ସେ ୬ ୱିକେଟ୍ ନେଇଥିଲେ ।

ୟୁକ୍ରେନ ଉପରେ ଆକ୍ରମଣରେ ରୁଷର ନୂଆ ରେକର୍ଡ, ଏକାବେଳକେ ୫୫୦ ଡ୍ରୋନ ମାଡ଼ କଲା ପୁଟିନ ସେନା

ନୂଆଦିଲ୍ଲୀ: ୟୁକ୍ରେନ ଉପରେ ରୁଷ ସବୁଠୁ ବଡ ଆକ୍ରମଣ। ତିନି ବର୍ଷ ଧରି ଚାଲିଥିବା ଯୁଦ୍ଧ ଏବେ ଉଗ୍ର ରୂପ ନେଇଛି। ଫେଲ ମାରିଛି ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କ ଦୁଇ ଦେଶ ମଧ୍ୟରେ ଶାନ୍ତି ଆଲୋଚନା। କିଭ୍‌ ଉପରେ ୫୫୦ ଡ୍ରୋନ୍ ହମଲା କରିଛି ରୁଷ ସେନା। ଏପରିକି ୧୧ଟି ମିଶାଇଲ ମଧ୍ୟ ନିକ୍ଷେପ କରିଛି। ଅଧିକାରୀମାନେ କହିଛନ୍ତି ଯେ କିଭ୍‌ରେ ବୋମାମାଡ଼ ସାତ ଘଣ୍ଟା ଧରି ଚାଲିଥିଲା। ରୁଷର ଏହି ଆକ୍ରମଣ ପରେ ରାଜଧାନୀର ଅନେକ ଜିଲ୍ଲାରେ ପ୍ରବଳ କ୍ଷତି ହୋଇଛି। ବୋମାମାଡ଼ରେ ଜଣେ ବ୍ୟକ୍ତିଙ୍କ ମୃତ୍ୟୁ ହୋଇଛି ଏବଂ ଜଣେ ଶିଶୁ ସମେତ ୨୬ ଜଣ ଆହତ ହୋଇଛନ୍ତି। ଲଗାତାର ଆକ୍ରମଣ ଏବଂ ବର୍ତ୍ତମାନର ପରିସ୍ଥିତିକୁ ଦେଖିଲେ ୟୁକ୍ରେନ ଏବଂ ରୁଷ ମଧ୍ୟରେ ୪୦ ମାସର ହିଂସାତ୍ମକ ସଂଘର୍ଷ ପରେ ମଧ୍ୟ ବର୍ତ୍ତମାନ ଶାନ୍ତି ଫେରିବାର କୌଣସି ଆଶା ନାହିଁ। ରୁଷର ଆକ୍ରମଣ ମଧ୍ୟରେ ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କ ସହ ମଧ୍ୟ କଥା ହୋଇଥିଲେ ଜେଲେନ୍ସକି। ଦୁଇ ନେତା ୟୁକ୍ରେନୀୟ ବାୟୁ ପ୍ରତିରକ୍ଷାକୁ ଆହୁରି ମଜବୁତ କରିବା ଉପରେ ଆଲୋଚନା କରିଥିଲେ। ଜେଲେନସ୍କି କହିଛନ୍ତି ଯେ ଟ୍ରମ୍ପଙ୍କ ସହ ଆଲୋଚନା ସକାରାତ୍ମକ ଥିଲା। ଏହି ଆଲୋଚନା ମଧ୍ୟ ଗୁରୁତ୍ୱପୂର୍ଣ୍ଣ କାରଣ ଆମେରିକା ୟୁକ୍ରେନକୁ ପଠାଯାଉଥିବା ସାମରିକ ସହାୟତାକୁ ଆଂଶିକ ଭାବରେ ବନ୍ଦ କରିଦେଇଛି। ରାତିରେ ହୋଇଥିବା ଏହି ଆକ୍ରମଣଯୋଗୁଁବିସ୍ଫୋରଣରେ କିଭ ଆକାଶ ଆଲୋକିତ ହୋଇଥିଲା। ବିମାନ ଆକ୍ରମଣଯୋଗୁଁସାଇରନ୍ ଚେତାବନୀର ଶବ୍ଦ ସାରା ସହରରେ ପ୍ରତିଧ୍ୱନିତ ହୋଇଥିଲା। ରୁଷର ଏହି ଆକ୍ରମଣ ପରେ,ୟୁକ୍ରେନୀୟ ରାଷ୍ଟ୍ରପତି ଜେଲେନସ୍କି କହିଛନ୍ତି,ଏହା ଏକଭୟଙ୍କରରାତି ଥିଲା। ଋଷ ବାୟୁସେନା କହିଛି ଯେ ରାତିରେ ୟୁକ୍ରେନୀୟ ଲକ୍ଷ୍ୟସ୍ଥଳକୁ ଲକ୍ଷ୍ୟ କରି ୫୫୦ ଡ୍ରୋନ ଉଡ଼ାଣ କରାଯାଇଥିଲା। ଅଧିକାଂଶ ଶାହେଦ ଡ୍ରୋନ ଥିଲା। ଋଷ ରାଜଧାନୀ କିଭରେ କୋଠା ଏବଂ ଅନ୍ୟାନ୍ୟ ଲକ୍ଷ୍ୟସ୍ଥଳକୁ ଧ୍ୱଂସ କରିବା ପାଇଁ ଆକ୍ରମଣ ସମୟରେ ୧୧ ମିଶାଇଲ ମଧ୍ୟ ବ୍ୟବହାର କରିଥିଲା। ରୁଷ ପ୍ରତିରକ୍ଷା ମନ୍ତ୍ରଣାଳୟ ଦାବି କରିଛି ଯେ ସୁରକ୍ଷା ବାହିନୀ କିଭରେ ଡ୍ରୋନ୍ ଏବଂ ଅନ୍ୟାନ୍ୟ ସାମରିକ ଉପକରଣ ତିଆରି କରୁଥିବା କାରଖାନାଗୁଡ଼ିକୁ ଟାର୍ଗେଟ କରିଥିଲେ। ଆକ୍ରମଣ ମଧ୍ୟରେ, ୟୁକ୍ରେନୀୟ ବାୟୁ ପ୍ରତିରକ୍ଷା ଦୁଇଟି କ୍ରୁଜ୍ ମିସାଇଲ୍ ନଷ୍ଟ କରିଥିବା ଦାବି କରିଛି।

ରେଳ ଧାରଣା ଉପରେ ଶୋଇଲେ, ଷ୍ଟଣ୍ଟ୍‌ ମାରି ରିଲ୍ସ କଲେ ନାବାଳକ

ବୌଦ୍ଧ ୫।୭: ବୌଦ୍ଧ ଜିଲ୍ଲା ପୁରୁଣାପାଣି ରେଳଷ୍ଟେସନ ନିକଟରେ ରେଳ ଆସୁଥିବା ବେଳେ ଦୁଃସାହସିକ ଭାବେ ରେଳ ଧାରଣା ଉପରେ ଶୋଇ ଷ୍ଟଣ୍ଟମାରି ରିଲ୍ସକଲେନାବାଳକ । ସୋସିଆଲ ମିଡ଼ିଆରେ ଭାଇରାଲ ହେଲା ଭିଡ଼ିଓ । ବୌଦ୍ଧ ଜିଲ୍ଲା ଦେଇ ଯାଇଥିବା ସୋନପୁର-ବୌଦ୍ଧ ରେଳପଥର ପୁରୁଣା ପାଣି ଷ୍ଟେସନ ଓ ମସିଣା ପଡା ଗ୍ରାମ ମଝିରେ ଥିବା ରେଳ ଆସୁଥିବା ବେଳେ ରେଳ ଧାରଣା ମଝିରେ ଶୋଇ ଜଣେ ନାବାଳକ ଷ୍ଟଣ୍ଟ ଦେଖାଉଥିବା ଭିଡିଓ ସାମ୍ନାକୁ ଆସୁଥିବା ବେଳେ ରେଳ ଅତିକ୍ରମ କଲା ପରେ ନାବାଳକ ଜଣକ ସୁରକ୍ଷିତ ଭାବରେ ରେଳ ଧାରଣାରୁ ଉଠିଥିବା ଦେଖିବାକୁ ମିଳିଛି । ସେପଟେ ଘଟଣା ସ୍ଥଳରେ ନାବାଳକଙ୍କସାଙ୍ଗ ମୋବାଇଲରେ ଭିଡ଼ିଓ ଉତ୍ତୋଳନ କରୁଥିବା ଦେଖିବାକୁ ମିଳିଛି । ତେବେ ଏ ନାବାଳକ ଜଣକ କେଉଁ ଅଞ୍ଚଳର ଜଣା ପଡିନଥିବା ବେଳେ ଏଭଳି ଦୁଃସାହସିକ ଭାବେ ଭିଡିଓକରିବାକୁ ନେଇ ବିଭିନ୍ନ ମହଲରେ ଉଦବେଗପ୍ରକାଶପାଉଛି। You Can Read: ଜଳସ୍ତର ବିପଦ ସଂକେତର ଯଥେଷ୍ଟ ତଳେ ଅଛି, ଏବେ ରାଜ୍ୟରେ ବନ୍ୟା ପରିସ୍ଥିତି ନାହିଁ

ବିଜେଡ଼ି ନେତ୍ରୀ ଲେଖାଶ୍ରୀଙ୍କ ନାମରେ ଅଶାଳୀନ ମନ୍ତବ୍ୟ ଘଟଣା, ବିଜେପି ବିଧାୟକଙ୍କ ବିରୋଧରେ ସଂଗୀନ ଦଫା

ଭୁବନେଶ୍ୱର ୦୫/୦୭: ବିଜେଡ଼ିର ସାଧାରଣ ସମ୍ପାଦିକା ଲେଖାଶ୍ରୀ ସାମନ୍ତ ସିଂହାରଙ୍କ ନାଁ ରେ ଅଶାଳୀନ ମନ୍ତବ୍ୟ ଘଟଣା । ନୀଳଗିରି ବିଧାୟକଙ୍କ ନାଁରେ ମାମଲା ରୁଜୁ କଲା ଭୁବନେଶ୍ୱର ମହିଳା ଥାନା ପୋଲିସ । ନୀଳଗିରି ବିଧାୟକଙ୍କ ନାଁରେ ଲାଗିଛି BNS ର ସଙ୍ଗୀନ ଦଫା I U/S-୭୫(୧): ଯୌନ ନିର୍ଯାତନା, ୭୦ ଅଶାଳୀନ ମନ୍ତବ୍ୟ ରଖିବା, ୨୯୬: ସର୍ବସାଧାରଣରେ ଗାଳି ଗୁଲଜ କରିବା, ୩୫୬: ମାନହାନୀ କରିବା ଭଳି ଦଫା ଲାଗିଛି । ତେବେ ମୋ ବାବଦରେ ଦେଇଥିବା ମନ୍ତବ୍ୟ ଅତ୍ୟନ୍ତ ଘୃଣ୍ୟ I ଏନେଇ ଅପରାଧିକ ମାମଲା ରୁଜୁ କରି ତୁରନ୍ତ କାର୍ଯ୍ୟାନୁଷ୍ଠାନ ଗ୍ରହଣ କରାଯାଉ । ନୀଳଗିରି ବିଜେପି ବିଧାୟକ ସନ୍ତୋଷ ଖଟୁଆଙ୍କ ନାଁରେ ଶୁକ୍ରବାର ଦେଇଥିଲେ ଏତଲା। ଆଜି ଥାନାରୁ ଗ୍ରହଣ କଲେ ଏତଲା କପି। ସନ୍ତୋଷ ଖଟୁଆଙ୍କ ନାଁରେ ଲାଗିଛି ବିଏନ୍‌ଏସ୍‌ ର ୪ଟି ଦଫା । ସେପଟେ ପ୍ରତିକ୍ରିୟା ରଖିଛନ୍ତି ବିଜେଡ଼ି ନେତ୍ରୀ ଲେଖାଶ୍ରୀ ସାମନ୍ତସିଂହାର । ସେ କହିଛନ୍ତି ବିଧାୟକଙ୍କ ଫାର୍ମ ହାଉସ ଠାରୁ ମୋ ଘର ଅଳ୍ପ ଦୂରରେ । ତେଣୁ କିଛି ବି ଅଘଟଣ ଘଟିପାରେ । ମୋ ଜିବନ ପ୍ରତି ବିପଦ ରହିଛି । ମୋତେ ସୁରକ୍ଷା ଦିଆଯାଉ । ଏ ସଂପର୍କରେ ମୁଁ ପ୍ରଧାନମନ୍ତ୍ରୀଙ୍କ ଦୃଷ୍ଟି ଆକର୍ଷଣ କରିଛି ।

'ବାଲାସାହେବ ଯାହା କରିପାରିଲେ ନାହିଁ, ଫଡନାଭିସ୍ ତାହା କରିଦେଲେ...', ଉଦ୍ଧବଙ୍କ ସହ ଗୋଟିଏ ମଞ୍ଚରେ କହିଲେ ରାଜ ଠାକରେ

ନୂଆଦିଲ୍ଲୀ:ମହାରାଷ୍ଟ୍ର ରାଜନୀତିରେ ଐତିହାସିକ ମୁହୂର୍ତ୍ତ।ପ୍ରାୟ ଦୁଇ ଦଶନ୍ଧି ପରେଏକାଠି ହେଲେଠାକରେ ପରିବାରର ଦୁଇ ଭାଇ। ଗୋଟିଏ ମଞ୍ଚରେରାଜ ଠାକରେ ଏବଂ ଉଦ୍ଧବ ଠାକରେ।ୱାର୍ଲିରNSCIଡୋମରେ ଆୟୋଜିତ'ଆୱାଜ୍ ମରାଠିଚା'ନାମକ ଏକ ମେଗା ରାଲିରେମହାରାଷ୍ଟ୍ର ନବନିର୍ମାଣ ସେନା (MNS)ମୁଖ୍ୟ ରାଜ ଠାକରେ ସରକାରଙ୍କ ତିନି ଭାଷା ଫର୍ମୁଲା ପ୍ରତ୍ୟାହାର ନିଷ୍ପତ୍ତିକୁ ମରାଠି ପରିଚୟର ବିଜୟ ବୋଲି କହିଥିଲେ।ଏହି ନିଷ୍ପତ୍ତି ପଛରେ ମରାଠି ଏକତାକୁ ଶ୍ରେୟ ଦେଇଥିଲେ। ରାଲିକୁ ସମ୍ବୋଧିତ କରି ରାଜ ଠାକରେ କହିଥିଲେ, ମୁଁ ମୋର ଏକ ସାକ୍ଷାତକାରରେ କହିଥିଲି ଯେ ମୋର ମହାରାଷ୍ଟ୍ର ଯେକୌଣସି ରାଜନୀତି ଏବଂ ଲଢ଼େଇ ଅପେକ୍ଷା ବଡ଼। ଆଜି20ବର୍ଷ ପରେ,ମୁଁ ଏବଂ ଉଦ୍ଧବ ଏକାଠି ହୋଇଛୁ। ବାଲାସାହେବ ଯାହା କରିପାରିଲେ ନାହିଁ,ଦେବେନ୍ଦ୍ର ଫଡନାଭିସ୍ ତାହା କରିଛନ୍ତି, ରାଜ ଏବଂ ଉଦ୍ଧବଙ୍କୁଏକାଠି କରିବାର କାମ। କାହାର ନାମ ନ ନେଇ ରାଜ ସ୍ପଷ୍ଟ ଭାବରେ କହିଥିଲେ ଯେ ମୁମ୍ବାଇକୁ ମହାରାଷ୍ଟ୍ରରୁ ଅଲଗା କରିବା ପାଇଁ କରାଯାଉଥିବା ପ୍ରୟାସ କେବେ ସଫଳ ହେବ ନାହିଁ। ଯଦି କେହି ମୁମ୍ବାଇ ଉପରେ ହାତ ରଖିବାକୁ ସାହସ କରନ୍ତି, ତେବେ ମରାଠୀ ମାନସ ପ୍ରକୃତ ଶକ୍ତି ଦେଖିବେ। ରାଜ ଠାକରେ କେନ୍ଦ୍ର ସରକାରଙ୍କୁ ଆକ୍ରମଣ କରି ପଚାରିଲେ, ହଠାତ୍ ହିନ୍ଦୀ ଉପରେ ଏତେ ଗୁରୁତ୍ୱ କାହିଁକି? ଏହା ଭାଷା ପ୍ରତି ପ୍ରେମ ନୁହେଁ, ବରଂ ଏକ ଏଜେଣ୍ଡା। ଆମ ଉପରେ ହିନ୍ଦୀ ଥୋପିବାକୁ ଚେଷ୍ଟା କରାଯାଉଛି। ଆମେ ଏହାକୁ ସହ୍ୟ କରିବୁ ନାହିଁ। ଯେତେବେଳେ ଆମର ପିଲାମାନେ ଇଂରାଜୀ ମାଧ୍ୟମରେ ପଢ଼ନ୍ତି, ସେତେବେଳେ ଆମର ମରାଠୀତ୍ୱ ଉପରେ ପ୍ରଶ୍ନ ଉଠାଯାଏ। କିନ୍ତୁ ଯେତେବେଳେ ବିଜେପି ନେତାମାନେ ମିଶନାରୀ ସ୍କୁଲରେ ପଢ଼ନ୍ତି, ସେତେବେଳେ କେହି ସେମାନଙ୍କର ହିନ୍ଦୁତ୍ୱ ଉପରେ ଆଙ୍ଗୁଠି ଉଠାଇ ନଥିଲେ। ଏହି କପଟତା କାମ କରିବ ନାହିଁ। ସେ କହିଥିଲେ ଯେ ବାଲାସାହେବ ଠାକରେ ଏବଂ ତାଙ୍କ ପିତା ଶ୍ରୀକାନ୍ତ ଠାକରେ ମଧ୍ୟ ଇଂରାଜୀ ମାଧ୍ୟମରୁ ପାଠପଢ଼ିଥିଲେ କିନ୍ତୁ କେବେ ମରାଠୀ ଛାଡି ନଥିଲେ। ସେ ବାଲାସାହେବଙ୍କ ସହ ଜଡିତ ଏକ ପୁରୁଣା କାହାଣୀ ବର୍ଣ୍ଣନା କରିଥିଲେ,ଯେତେବେଳେ1999ମସିହାରେ ବିଜେପି ଶିବସେନା ସରକାର ଗଠନ ହେବାର ସମ୍ଭାବନା ଥିଲା ଏବଂ ବିଜେପି ନେତାମାନେ ସୁରେଶ ଜୈନଙ୍କୁ ମୁଖ୍ୟମନ୍ତ୍ରୀ କରିବା ପାଇଁ ବାଲାସାହେବଙ୍କୁ ଭେଟିବାକୁ ଆସିଥିଲେ। ସେତେବେଳେ ବାଲାସାହେବ ସ୍ପଷ୍ଟ ଭାବରେ କହିଥିଲେ ଯେ କେବଳ ଜଣେ ମରାଠୀ ମଣିଷ ମହାରାଷ୍ଟ୍ରର ମୁଖ୍ୟମନ୍ତ୍ରୀ ହେବେ। ଦକ୍ଷିଣ ଭାରତର ଉଦାହରଣ ଦେଇ ସେ କହିଥିଲେ, ଷ୍ଟାଲିନ୍,କାନିମୋଝି,ଜୟଲଳିତା,ଏନ. ଲୋକେଶ,ଏ.ଆର. ରହମାନ,ସୂର୍ଯ୍ୟ,ସମସ୍ତେ ଇଂରାଜୀ ମାଧ୍ୟମରୁ ପାଠପଢ଼ିଛନ୍ତି। କେହି କ'ଣ ତାମିଲ ପ୍ରତି ସେମାନଙ୍କର ପ୍ରେମକୁ କମ୍ ଆଙ୍କିଛନ୍ତି?ହିନ୍ଦୀରେ ଭାଷଣ ଶୁଣି ରହମାନ ଥରେ ମଞ୍ଚ ଛାଡି ଚାଲିଯାଇଥିଲେ। ଶେଷରେ, ସେ କହିଥିଲେ ଯେ ସରକାର ଆସିବେ ଏବଂ ଯିବେ, ମେଣ୍ଟ ଗଠନ ହେବ ଏବଂ ଭାଙ୍ଗିବ, କିନ୍ତୁ ମରାଠୀ ଭାଷା ଏବଂ ସଂସ୍କୃତି ପ୍ରସଙ୍ଗରେ କୌଣସି ସାଲିସ କରାଯିବ ନାହିଁ। ଏହା ବାଲାସାହେବଙ୍କ ସ୍ୱପ୍ନ ଥିଲା ଏବଂ ଏହା ଆମର ପ୍ରତିବଦ୍ଧତା।

ଶେଫାଳି ଜରିୱାଲାଙ୍କ 'କାଣ୍ଟା ଲଗା' ଗୀତକୁ କଟାକ୍ଷ କଲେ ସୋନା ମହାପାତ୍ର, କହିଲେ- ଅଶ୍ଳୀଳ ଭିଡିଓ କରିଥିଲେ...',

ମୁମ୍ଵାଇ ୦୫।୦୭; ' କାଣ୍ଟା ଲଗା ଗାର୍ଲ ' ଫେମ୍ ଶେଫାଲି ଜରିୱାଲା । ସେ ଆଉ ଏହି ଦୁନିଆରେ ନାହାନ୍ତି। ଅଭିନେତ୍ରୀଙ୍କ ମୃତ୍ୟୁ ପରେ , ରାଧିକା ରାଓ ଓ ବିନୟ କାଣ୍ଟା ଲଗାର ରିମିକ୍ସ ପ୍ରସ୍ତୁତ କରିଥିବା କରିଥିଲେ ପରେ ଘୋଷଣା କରିଥିଲେ କି ସେମାନେ ଏହି ଗୀତର ସିକ୍ୱେଲ୍ ତିଆରି କରିବେ ନାହିଁ। ଗତ ବର୍ଷ ଶେଫାଲି ଏକ ପଡକାଷ୍ଟରେ ପ୍ରକାଶ କରିଥିଲେ ଯେ ସେ ତାଙ୍କ ଶେଷ ନିଶ୍ୱାସ ପର୍ଯ୍ୟନ୍ତ କାଣ୍ଟା ଲଗା ଗାର୍ଲ ଭାବରେ ପରିଚିତ ହେବାକୁ ଚାହାଁନ୍ତି। ଅଭିନେତ୍ରୀଙ୍କ ଏହି ଶେଷ ଇଚ୍ଛା ପୂରଣ କରିବା ପାଇଁ , ରାଧିକା ରାଓ ଏବଂ ବିନୟ ସାପ୍ରୁ ଘୋଷଣା କରିଥିଲେ ଯେ ସେମାନେ କେବେ ବି କାଣ୍ଟା ଲଗା ଗୀତର ସିକ୍ୱେଲ୍ ତିଆରି କରିବେ ନାହିଁ। ଏହି ଘୋଷଣା ପରେ , ଜଣାଶୁଣା ଗାୟିକା ସୋନା ମହାପାତ୍ର ଏକ ପୋଷ୍ଟ ସେୟାର କରି ନିର୍ଦ୍ଦେଶକମାନଙ୍କ ନାମ ନ ନେଇ ସେମାନଙ୍କ ଉପରେ କଟାକ୍ଷ କରିଥିଲେ। ସେ ତାଙ୍କ ଇନଷ୍ଟାଗ୍ରାମ ଷ୍ଟୋରୀରେ ଲେଖିଛନ୍ତି , ୩ ଜଣ କିମ୍ବଦନ୍ତୀ କା ଣ୍ଟା ଲଗାଙ୍କୁ ତିଆରି କରିଥିଲେ। ସଂଗୀତଜ୍ଞ , ଗୀତିକାର ଏବଂ ଗାୟିକା- ଆରଡି ବର୍ମନ , ମଜରୁହ ସୁଲତାନପୁରୀ , ଲତା ମଙ୍ଗେସକର। ଏହି ଦୁଇଜଣ ଜଣେ ୧୯ ବର୍ଷୀୟ ଝିଅ ସହିତ ରିମିକ୍ସ କରି ଏକ ପର୍ଣ୍ଣ ଭିଡିଓ ତିଆରି କରିଛନ୍ତି। RIP ଏବଂ ଜଣେ ୪୨ ବର୍ଷୀୟ ମହିଳାଙ୍କ ପାଇଁ ଏହି ଐତିହ୍ୟ ? ଏହି ଭାରତ ? ସୋନା ମହାପାତ୍ରଙ୍କ ଏହି ବୟାନ ପରେ , ସୋସିଆଲ ମିଡିଆରେ ହଙ୍ଗାମା ହୋଇଥିଲା। ଲୋକମାନେ ତାଙ୍କ ବୟାନକୁ ଇନ୍‌ସେନ୍ସିଟିଭ୍‌ ବୋଲି କହୁଛନ୍ତି। ଏଥିପାଇଁ ତାଙ୍କୁ ଖରାପ ଭାବରେ ଟ୍ରୋଲ୍ କରାଯାଉଛି । ଯାହା ଉପରେ ଗାୟିକା ପ୍ରତିକ୍ରିୟା ଦେଇଛନ୍ତି। ସେ କହିଥିଲେ , ଯେଉଁମାନେ ମୋତେ ଇନ୍‌ସେନ୍ସଟିଭ୍‌ କୁହନ୍ତି , ମୁଁ ସେମାନଙ୍କୁ କହିବାକୁ ଚାହୁଁଛି ଯେ ଆମେ କ ' ଣ ଏଥିରେ ସହମତ ଯେ ଆମର ସଙ୍ଗୀତ କିମ୍ବଦନ୍ତୀମାନେ ଯେପରିକି ଆରଡି ବର୍ମନ , ଲତା ମଙ୍ଗେସକର , ମଜରୁହ ସୁଲତାନପୁରୀ ଧୀରେ ଧୀରେ ଅଦୃଶ୍ୟ ହୋଇଯାଉଛନ୍ତି ଏବଂ ସେମାନଙ୍କ ସୃଷ୍ଟିରୁ ବିଚ୍ଛିନ୍ନ ହୋଇଯାଉଛନ୍ତି ?

ସରକାରଙ୍କୁ କଂଗ୍ରେସର ପ୍ରଶ୍ନ : ବାଲେଶ୍ୱରକୁ କେବେ ମିଳିବ ମହାନଗର ନିଗମର ମାନ୍ୟତା

ଭୁବନେଶ୍ବର ୫।୭: ବାଲେଶ୍ୱର ପ୍ରତି ଉପେକ୍ଷା କରିଛନ୍ତି ଡବଲଇଞ୍ଜିନସରକାର।କଂଗ୍ରେସନେତା ନବଜ୍ୟୋତି ପଟ୍ଟନାୟକକହିଛନ୍ତି,ମଧ୍ୟ ଓଡ଼ିଶାରେଭୁବନେଶ୍ୱର,କଟକ ଏବଂ ପୁରୀକୁ ମହାନଗର ନିଗମ ଭାବରେ ପରିଗଣିତ କରାଯାଇଛି।ସେହିଭଳି ପଶ୍ଚିମ ଓଡ଼ିଶାରେ ସମ୍ବଲପୁର,ରାଉଲକେଲା,ଅନ୍ୟପଟେ ଦକ୍ଷିଣ ଓଡ଼ିଶାରେବ୍ରହ୍ମପୁରକୁ ମଧ୍ୟ ମହାନଗର ମାନ୍ୟତା ମିଳିସାରିଛି।ତେବେ ଉତ୍ତର ଓଡ଼ିଶାରୁ ବାଲେଶ୍ୱର କାହିଁକି ଏତେ ଅବହେଳାପ୍ରଦର୍ଶନ କରଯାଉଛି। ବାଲେଶ୍ୱର ଏକ ସଂକୃତି ଏବଂ ବାଣିଜ୍ୟିକ କ୍ଷେତ୍ର ଭାବରେ ପରିଚିତ । କାହିଁକି ବାଲେଶ୍ୱରକୁ ମହାନଗର ନିଗମର ମାନ୍ୟତା ଦିଆଯାଇନାହିଁ ।ବାଲେଶ୍ୱର ବିଧାୟକ ଏବଂ ସାଂସଦ ଉଭୟ ବିଜେପି ଦଳର । ତେବେ ସେମାନେ ତାଙ୍କର ଉତ୍ତର ଦାଇତ୍ବ କାହିଁକି ତୁଲାଉ ନାହାନ୍ତି । ତେଣୁ ଆମର ସରକାରଙ୍କୁ ପ୍ରଶ୍ନ ବାଲେଶ୍ୱରକୁ କେବେ ମହାନଗର ନିଗମର ମାନ୍ୟତା ମିଳିବ । You Can Read: କଂଗ୍ରେସର ଲକ୍ଷ୍ୟ ଓ ଆଦର୍ଶ ସମ୍ପର୍କରେ ଲୋକଙ୍କୁ ଅବଗତ କରାଇବା ରାହୁଲ ଗାନ୍ଧୀଙ୍କ ଓଡ଼ିଶା ଗସ୍ତର ମୂଳ ଉଦ୍ଦେଶ୍ୟ

ସବୁଥର ଖୁସିଖୁସିରେ ବାହୁଡ, କିନ୍ତୁ ଏଥର ବ୍ୟତିକ୍ରମ କାହିଁକି...କାହିଁକି ଏ ଅଭିମାନ

ପୁରୀ ୦୫/୦୭: ସରିଛି ଜନ୍ମବେଦୀରେ ଲୀଳା ଖେଳା । ଏବେ ବାହୁଡିବାର ବେଳ । ଭାଉ ଭଉଣୀଙ୍କ ସହ ବଡଦେଉଳ ଅଭିମୁଖେ ଯାତ୍ରା । ଛାମୁଙ୍କ ସହ ପରିଜନ ବି ଯାତ୍ରାରେ । ୯ ଦିନର ମହାଯାତ୍ରା ଶେଷ । ଠିକ୍ ସମୟରେ ସରିଥିଲା ସବୁ ନୀତିକାନ୍ତି । ହେଲେ ଏ ନେତ୍ର ଆଜି କଣ ଦେଖିଲା । କାହିଁକି ମାନ କଲେ କି ମାଆ । ସୁନାମୁହଁରେ ଏ ବିରସ ଭାଷା । କାହିଁକି ମାଆ କାହିଁକି । କଣ ହେଲା, କିଏ କଲା କି ତ୍ରୁଟି । ଆଜି ମାନୁନଥିଲା ମନ। ବାହୁଡିବାର ନଥିଲା ଇଚ୍ଛା । ବାହୁଯାତ୍ରାରେ ପହଣ୍ଡି ବେଳେ ଏ ଦୃଶ୍ୟ ବବୟାନ କରୁଥିଲା ଅନେକ କିଛି । କାରଣ ପହଣ୍ଡି ବେଳେ ରଥକୁ ଚଢିବାରେ ବିଳମ୍ୱ କରିଥିଲେ ଦେବୀ । ଆଉ ଉଠାଇ ନେବାବେଳେ ଲତ୍ କିନା କରି ବସିପଡିଲେ ରାଣୀ । ଆଉ ଅଣାୟତ୍ତ ହୋଇପଡିଲେ ସେବାୟତ । ସବୁଥର ଖୁସିଖୁସିରେ ବାହୁଡ । ଏଥର କିନ୍ତୁ ଟିକିଏ ବ୍ୟତିକ୍ରମ ହେଲା । ଶୂନ୍ୟେ ଶୂନ୍ୟେ ପହଣ୍ଡି କରୁଥିବା ମାଆ ଆଜି ଗୁଣ୍ଡିଚା ମନ୍ଦିରରୁ ଆସିବା ବେଳେ ହଠାତ୍ ହୋଇଗଲେ ଭାରି । ରଥ ଚାରିପଟେ ବୁଲିବା ବେଳେ ସମ୍ଭାଳି ପାରିଲେନି ସେବାୟତ । ବୁଲିଲେ ସିନା ରଥକୁ ଉଠିବାର ଇଚ୍ଛା କରିନଥିଲେ । ସେବାୟତ ବି ଧଇଁସଇଁ ହୋଇପଡ଼ିଲେ । ବଡ ଭାଇ ସିନା ଚାଲିଗଲେ ସତ ଚେଷ୍ଟା ପରେ ବି ସହଜରେ ଯାଇନଥିଲେ ଭଉଣୀ । ଏ ଦୃଶ୍ୟ ଦେଖି ଚକିତ ହୋଇପଡିଥିଲେ ଦେଖଣାହାରୀ । କିଏ କହିଥିଲା କଣ ହେଲା କି ମାଆ । କେଉଁଠି ରହିଲା କି ତ୍ରୁଟି ବିଚ୍ୟୁତି । ଆଉ କେହି କହିଲେ ଗୁଣ୍ଡିଚା ମାଆ କୋଳ ଛାଡ଼ି ବଡ଼ ଦେଉଳକୁ ଯିବାକୁ ଇଚ୍ଛା କରୁନାହାଁନ୍ତି ଦେବୀ । ଖାଲି ସେବାୟତ ନୁହେଁ ଭକ୍ତ ମନ ବି କହିଲା, ’ହେ ମା ସୁଭଦ୍ରା । ଏ ଶାନ୍ତ ସରଳ ଚେହେରା ପଛରେ ଏତେ ଅଭିମାନ କାହିଁକି । ମାଆ ଭୁବନେଶ୍ବରୀ, ତୁମର ଆଜି ଏ କି ରୂପ । ଲାଗିଲା ଯେମିତି ତୁମେ ସେବାୟତଙ୍କୁ କହୁଛ, ନା ନା ମୁଁ ଜମା ଯିବିନି । ମାଆ ପାଖରୁ ମୋତେ ନିଅନା । ଆଉ କେଇଟା ଦିନ ରହି ଯିବି । ପୁଣି କହୁଛ, ହଁ ଯିବାକୁ ତ ପଡ଼ିବ , ମୁଁ କର୍ମକ୍ଷେତ୍ରକୁ ନଗଲେ ଭାଇମାନେ ଯିବେନି । ରଥଯାତ୍ରା ବେଳେ ମାନ କରିଥିଲେ କାଳିଆ ସାଆନ୍ତ । ଘୋଷଯାତ୍ରାରେ ଭାଇ-ଭଉଣୀ ଗଲେ ହେଲେ ପାଦେ ଆଗକୁ ଗଲେନି ଜଗତର ନାଥ । ଦୁଇଦିନ ଟଣାହେଲା ରଥ । ଆଉ ଏବେ ବାହୁଡା ବେଳେ ହଳଦୀମୁଖୀଙ୍କ ଏ କି ରୂପ । କାହିଁକି ଘଟୁଛି ଏମିତି ବାରମ୍ୱାର ଭକ୍ତଙ୍କ ମନରେ ଅନେକ ପ୍ରଶ୍ନ ।

ପୁରୀରେ ଏୟାରପୋର୍ଟ ହେବ, କେନ୍ଦ୍ର ସରକାରଙ୍କ ନିକଟରେ ନିଶ୍ଚିତ ଦାବି ରଖିବୁ

ଭୁବନେଶ୍ବର ୫।୭: ପୁରୀରେ ଏୟାରପୋର୍ଟ ହେବାକୁ ନେଇ ପ୍ରତିକ୍ରିୟା ରଖିଛନ୍ତି ବିଜେପି ବିଧାୟକ ଗୋବିନ୍ଦ ଦାସ । ସେ କହିଛନ୍ତି, ପୁରୀରେ ସାଢ଼େ ଚାରି କୋଟି ଓଡ଼ିଆଙ୍କ ଦେବତା ଅଛନ୍ତି । ପୁରୀରେ ଏୟାରପୋର୍ଟ ହେବ । କେନ୍ଦ୍ର ସରକାରଙ୍କ ପାଖରେ ନିଶ୍ଚିତ ଭାବରେ ଦାବି ରଖିବୁ । ଆମେ ନିଶ୍ଚିତ, ଯାହା ଓଡ଼ିଶାବାସୀଙ୍କ ଅପେକ୍ଷା ଅଛି । ସରକାର ତାକୁ ପୁରା କରିବାକୁ ଚେଷ୍ଟା କରିବେ । ଯାହା ଯାହା ବାଧକ ସାଜୁଛି ରାଜ୍ୟ ସରକାର କେନ୍ଦ୍ର ସରକାରଙ୍କ ସହ ବସି ଆଲୋଚନା କରିବେ । ଆମର ଡବଲ ଇଞ୍ଜିନ ସରକାର ଅଛି । କୌଣସି ଜିନିଷରେ ବାଧକ ସାଜିବ ନାହିଁ । ଟିକେ ଡେରି ହେବ, କିନ୍ତୁ ନିଶ୍ଚୟ ପୁରା ହେବ ବୋଲି ଗୋବିନ୍ଦ ଦାସ କହିଛନ୍ତି । ସେପଟେବାଲେଶ୍ଵରକୁ ମହାନଗର ନିଗମ ମାନ୍ୟତା ଦାବିପ୍ରସଙ୍ଗରେ ବିଜେପି ବିଧାୟକ କହିଛନ୍ତି,ଆମେ ବାଲେଶ୍ଵରବାସୀଙ୍କର ମଧ୍ୟ ଦାବି ବାଲେଶ୍ଵରକୁ ମହାନଗର ନିଗମ ଭାବେ ଘୋଷଣା କରାଯାଉ । ବାଲେଶ୍ଵରରେ ଭିତ୍ତିଭୂମି ଅଛି । ପ୍ରତିରକ୍ଷା ଏବଂ ଶିଳ୍ପାଞ୍ଚଳ ଦୃଷ୍ଟିକୋଣରୁ ବେଶ ଗୁରୁତ୍ଵପୂର୍ଣ୍ଣ ସ୍ଥାନ । ବିଧାୟକ ମାନେ ଏକଥା ରଖି ସାରିଛନ୍ତି । ନଗରଉନ୍ନୟନ ମନ୍ତ୍ରୀ ମଧ୍ୟ ପ୍ରତିଶ୍ରୁତି ଦେଇଛନ୍ତି । ମୁଖ୍ୟମନ୍ତ୍ରୀ ଏବଂ ବିଭାଗୀୟ ମନ୍ତ୍ରୀଙ୍କ ନିକଟରେ ଏନେଇ ଦାବି କରିବୁବୋଲିଗୋବିନ୍ଦ ଦାସ,କହିଛନ୍ତି । ବିଜେପି ନିର୍ବାଚନ ନେଇ ସେ କହିଛନ୍ତି, ବିଜେପି ନିର୍ବାଚନ ପ୍ରକ୍ରିୟା ଅନୁସାରେ ହିଁ ସଭାପତି ଚୟନ ହେବ । ବିଧାୟକ, ସାଂସଦଙ୍କ ସହିତ ଯେଉଁମାନେ ଭୋଟ୍ ଦେବେ, ସେମାନେ ଉପସ୍ଥିତି ରହି ଭୋଟ୍ ଦେବେ । ଗଣତନ୍ତ୍ର ପ୍ରକ୍ରିୟାରେ ହିଁ ବିଜେପି ସଭାପତି ଚୟନ ହେବ । You Can Read: ମାଲିରେ ଅପହୃତ ଭାରତୀୟଙ୍କ ମଧ୍ୟରେ ରହିଛନ୍ତି ଗଞ୍ଜାମ ଯୁବକ, ଗତ ୩୦ତାରିଖରେ ଶେଷଥର କଥା ହୋଇଥିଲେ ପରିବାର

ମହାକାଶରେ ସବୁଠୁ ଦୀର୍ଘ ସମୟ ବିତାଇବାରେ ପ୍ରଥମ ଭାରତୀୟ ମହାକାଶଚାରୀ ହେଲେ ଶୁଭାଂଶୁ ଶୁକ୍ଲା

ବେଙ୍ଗାଲୁରୁ ୫।୭: ଏକ୍ସିଓମ-୪ (ଏକ୍ସ-୪)ମିସନରେ ଜୁନ ୨୬ ତାରିଖ ଦିନ ଅନ୍ତର୍ଜାତୀୟ ମହାକାଶ କେନ୍ଦ୍ର (ଆଇଏସଏସ୍) କୁ ପହଞ୍ଚିଥିବା ଭାରତୀୟ ମହାକାଶଚାରୀ ଶୁଭାଂଶୁ ଶୁକ୍ଳାଙ୍କର ମହାକାଶରେ ୧୧ ଦିନ ପୁରିଛି। ଏହା ସହିତ ଶୁକ୍ଳା ମହାକାଶରେ ଅଧିକ ସମୟ ବିତାଇବାରେ ପ୍ରଥମ ଭାରତୀୟ ମହାକାଶଚାରୀ ପାଲଟିଛନ୍ତି। ଏକ୍ସ-୪ଚାଳକ ଦଳରେ ଶୁକ୍ଳାଙ୍କ ସହ ଅନ୍ୟ ୩ ଜଣ ମହାକାଶଚାରୀ ମଧ୍ୟ ଅଛନ୍ତି। ଏମାନେ ଜୁଲାଇ ୩ ତାରିଖ ସୁଦ୍ଧା ପୃଥିବୀକୁ ୧୧୩ଥର ପରିକ୍ରମା କରିଛନ୍ତି। ଏହିକ୍ରମରେ ମହାକାଶଚାରୀମାନେ ୪୦.୬୬ଲକ୍ଷରୁ ଅଧିକ କିଲୋମିଟର ଦୂରତା ଅତିକ୍ରମ କରିଛନ୍ତି, ଯାହା ପୃଥିବୀ ଓ ଚନ୍ଦ୍ର ମଧ୍ୟରେ ଦୂରତାର ପାଖାପାଖି ୧୨ ଗୁଣା ଅଧିକ। ଶୁକ୍ଳା ଏଏଚଏମ ରେଡିଓ କନେକ୍ସନରେ ବେଙ୍ଗାଲୁରୁସ୍ଥିତ ୟୁ.ଆର.ରାଓ ଉପଗ୍ରହ କେନ୍ଦ୍ର (ୟୁଆରଏସସି)ର ବୈଜ୍ଞାନିକଙ୍କ ସହିତ ସଂକ୍ଷିପ୍ତ ଆଲୋଚନାରେ କହିଛନ୍ତି ଯେ ‘ଏହା ଏକ ଭଲ କ୍ଷଣ।ଆମକୁ ବିଭିନ୍ନ ଦେଶର ଭୋଜନ ମିଳୁଛି ଓ ଏହାକୁ ଆମେ ସବୁ ସଦସ୍ୟଙ୍କ ମଧ୍ୟରେ ବାଣ୍ଟିଛୁ‘। ଶୁଭାଂଶୁ ଶୁକ୍ଳା ଗୁରୁବାର ଦିନ ମହାକାଶରେ ଅଧିକ ସମୟ ବିତାଇଥିବା ପ୍ରଥମ ଭାରତୀୟ ମହାକାଶଚାରୀ ପାଲଟିଥିଲେ। ଶୁକ୍ଳା ମହାକାଶ ରହଣୀରେ ପ୍ରଥମ ଭାରତୀୟ ମହାକାଶଚାରୀ ରାକେଶ ଶର୍ମାଙ୍କ ରେକର୍ଡ ଭାଙ୍ଗିଛନ୍ତି।ଶର୍ମା ୧୯୮୪ ମସିହାରେ ସୋଭିୟେତ ଇଣ୍ଟରକସମସ୍ କାର୍ଯ୍ୟକ୍ରମରେ ମହାକାଶରେ ୭ ଦିନ ୨୧ ଘଣ୍ଟା ଓ ୪୦ ମିନିଟ୍ ବିତାଇଥିଲେ। ଗତ ଗୁରୁବାର ଦିନ ସୁଦ୍ଧା ଶୁକ୍ଳା ମହାକାଶ କେନ୍ଦ୍ରରେ ୯ ଦିନ ବିତାଇଛନ୍ତି। ଶୁକ୍ଳା କହିଛନ୍ତି ଯେ ମିସନର ସବୁଠୁ ରୋମାଞ୍ଚକର ମୁହୂର୍ତ୍ତ ହେଉଛି ଅନ୍ତର୍ଜାତୀୟ ମହାକାଶ କେନ୍ଦ୍ରରୁ ପୃଥିବୀକୁ ଦେଖିବା। ଶୁକ୍ଳା କହିଛନ୍ତି ଯେ ବିଭିନ୍ନ ଦେଶର ଲୋକଙ୍କ ସହିତ କାମ କରିବା ମଧ୍ୟ ଏଠାରେ ଏକ ରୋମାଞ୍ଚକର ଅନୁଭବ। ସେହିପରି ଫ୍ଲୋରିଡାର କେନେଡି ମହାକାଶ କେନ୍ଦ୍ରରୁ ପ୍ରକ୍ଷେପଣର ନିଜ ଅନୁଭୂତି ସମ୍ପର୍କରେ ଶୁକ୍ଳା କହିଛନ୍ତି ଯେ ଲଞ୍ଚିଂ କାଳରେ ରକେଟ ଦ୍ରୁତବେଗରେ ଗତି କରୁଥିଲା। ଏହା ବେଶ୍ ଦ୍ରୁତ ଥିଲା, ଯେପରି ଆପଣ ଅଧିକ ଉପରକୁ ଉଠିବାରେ ଲାଗନ୍ତି ଦ୍ରୁତ ଗତିରେ ଆଗକୁ ବଢନ୍ତି ଏହି ସମୟରେ ତ୍ୱରଣ (ବସ୍ତୁର ବେଗରେ ପରିବର୍ତ୍ତନର ହାର) ବେଶ୍ ଅଧିକ ହେଉଥିଲା। ଏକ୍ସ-୪ ମିସନରେ ଅଭିଜ୍ଞ ମହାକାଶଯାତ୍ରୀ ପେଗ୍ଗି ହ୍ୱିଟସନ କମାଣ୍ଡର ଥିବା ବେଳେ ଶୁକ୍ଳା ପାଇଲଟ ଓ ପୋଲାଣ୍ଡ ଏବଂ ହଙ୍ଗେରୀର ମହାକାଶଚାରୀ ଯଥାକ୍ରମେ ମିସନ ବିଶେଷଜ୍ଞ ଭାବେ କାମ କରୁଛନ୍ତି। ଏକ୍ସ-୪ ମହାକାଶ ଯାତ୍ରୀମାନେ ବୈଜ୍ଞାନିକ ଗବେଷଣାରେ ଗୁରୁତ୍ୱପୂର୍ଣ୍ଣ ଯୋଗଦାନ ଦେଇଛନ୍ତି। ଏଥିରେ ଶୁକ୍ଳା ଚଳାଇଥିବା ଗବେଷଣାରୁ କୋଶିକିୟ ଆଣବିକ ତନ୍ତ୍ର ସମ୍ପର୍କରେ ସୂଚନା ମିଳିପାରେ, ଯାହା ପୃଥିବୀରେ ଚିକିତ୍ସକୀୟ ଜ୍ଞାନରେ ପରିବର୍ତ୍ତିତ ହୋଇପାରେ।

୫ମ ଶ୍ରେଣୀରେ ହୋଇଥିଲେ ଫେଲ୍‌; ହିନ୍ଦୀ କହିବାରୁ ଲାଗିଥିଲା ଜରିମାନା, ୪ର୍ଥ ପ୍ରୟାସରେ କଲେ UPSC

ନୂଆଦିଲ୍ଲୀ ୦୫।୦୭: ୨୫ ବର୍ଷୀୟ ଆଇଏଏସ୍ ଅଫିସର । ୩ଥର ବିଫଳତା ସତ୍ତ୍ୱେ ହାର ନ ମାନି ନଥିଲେ । ଚତୁର୍ଥ ପ୍ରୟାସରେ କ୍ରାକ୍‌ କଲେ UPSC ପରୀକ୍ଷା । ୫୬୯ ତମ ରାଙ୍କରେ ରହି ପୂରଣ କରିଛନ୍ତି ଆଇଏଏସ୍ ଅଫିସର ହେବାର ସ୍ୱପ୍ନ । ନେହା ବ୍ୟାଦୱାଲ । ବର୍ତ୍ତମାନ ଗୁଜରାଟରେ କାର୍ଯ୍ୟରତ । ସେ ନିଜ ଅଦମ୍ୟ ଇଚ୍ଛାଶକ୍ତି ଓ ଅକ୍ଳାନ୍ତ ପରିଶ୍ରମ ବଳରେ ଏହି ସଫଳତା ପାଇଛନ୍ତି । ରାଜସ୍ଥାନରେ ଜନ୍ମଗ୍ରହଣ କରିଥିଲେ ନେହା । କିନ୍ତୁ ଛତିଶଗଡ଼ର ରାୟପୁରରେ ବଢ଼ିଥିଲେ । ତାଙ୍କ ପିତା ଜଣେ ବରିଷ୍ଠ ଆୟକର ଅଧିକାରୀ । ନେହା ପ୍ରଥମରେ ପଞ୍ଚମ ଶ୍ରେଣୀରେ ହୋଇଥିଲେ ଫେଲ୍‌ । କିନ୍ତୁ ଏଥିରେ ସେ ନିରୁତ୍ସାହିତ ହୋଇନଥିଲେ । ଏହା ତାଙ୍କୁ କଠିନ ପରିଶ୍ରମ କରିବାକୁ ପ୍ରେରଣା ଦେଇଥିଲା। ଏହାପରେ ନେହା ତାଙ୍କ ପିତାଙ୍କ ସହ ଭୋପାଳକୁ ସ୍ଥାନାନ୍ତରିତ ହୋଇଥିଲେ।ସେଠାରେ ସେ ଏକ ଇଂରାଜୀ ମାଧ୍ୟମ ବିଦ୍ୟାଳୟରେ ପଢ଼ିଥିଲେ।ସେଠାରେ ହିନ୍ଦୀରେ କଥା ହେଲେ ଜୋରିମାନା ଲାଗୁ ହେଉଥିଲା।ଏମିତିକି ହିନ୍ଦୀରେ କଥା ହେବାରୁ ନେହାଙ୍କ ଉପରେ ଲାଗିଥିଲା ଜରିମାନା।ଏହାପରେ ନେହା ଇଂରାଜୀ ଶିଖିଥିଲେ । ନେହାUPSC ପରୀକ୍ଷା ଦେବାକୁ ନିଷ୍ପତ୍ତି ନେଇଥିଲେ।ସେ ପ୍ରଥମ ଦୁଇଟି ପ୍ରୟାସରେ ପ୍ରିଲିମ୍ସରେ ହୋଇଥିଲେ ବିଫଳ । ତୃତୀୟ ପ୍ରୟାସରେ ମେନ୍ସ ପରୀକ୍ଷା ଦେଇଥିଲେ ନେହା।ସେଥରେ ମଧ୍ୟ ସଫଳତା ମିଳି ନଥିଲା।କିନ୍ତୁ ଏତେ ପରେ ବି ଧର୍ଯ୍ୟଶକ୍ତି ହରାଇନଥିଲେ।କିନ୍ତୁ କଠୋର ନିଷ୍ପତ୍ତି ନେଇଥିଲେ।ନେହା ସଫଳତା ପାଇଁ ଅନେକ କିଛି ତ୍ୟାଗ କରିଛନ୍ତି।ସେ ମୋବାଇଲଠୁ ପୂରା ଦୂରେଇ ଯାଇଥିଲେ।ତିନି ବର୍ଷ ଧରି ସେ ମୋବାଇଲ ବ୍ୟବହାର କରନଥିଲେ।ସେ ନିଜ ଲକ୍ଷ୍ୟସ୍ଥଳରେ ପହଞ୍ଚିବା ପାଇଁ ଦିନକୁ ୧୭-୧୮ ଘଣ୍ଟା ପାଠ ପଢୁଥିଲେ। ନିଜ ତ୍ୟାଗ ଓ ଏକାଗ୍ରତା କାରଣରୁ ସେ ମାତ୍ର ୨୪ ବର୍ଷ ବୟସରେUPSC କ୍ରାକ୍‌ କରିଥିଲେ।ଆଉ ହୋଇଥିଲେ ଆଇଏଏସ୍ ଅଫିସର ହେଲେ।ନେହାଙ୍କ ଭାଇ ଓ ମାଉସୀ ମଧ୍ୟUPSC ଇଣ୍ଟରଭ୍ୟୁ ପାଇଁ ତାଙ୍କୁ ପ୍ରସ୍ତୁତ କରିବାରେ ସାହାଯ୍ୟ କରିଥିଲେ।ପରିବାରର ଏକଜୁଟ ସମର୍ଥନ ନେହାଙ୍କ ସଫଳତାରେ ମୁଖ୍ୟ ଭୂମିକା ଗ୍ରହଣ କରିଥିଲା। ନେହା କହିଛନ୍ତି, ସଫଳତାର ପଛରେ ତାଙ୍କ ପରିବାରର ଅବଦାନ ଅତୁଳନୀୟ। ସେ କହନ୍ତି, “ଛୁଟିକୁ ନ ଯିବା କିମ୍ବା କିଛି ନ କିଣିବା ତ୍ୟାଗ ନୁହେଁ।ପ୍ରକୃତ ତ୍ୟାଗ ହେଉଛି ପିତାମାତାଙ୍କର, ଯେଉଁମାନେ ଦୀର୍ଘ ଦିନ କାମ ପରେ ଘରକୁ ଫେରି ସନ୍ତାନ ପାଇଁ ସମୟ ଦିଅନ୍ତି।ମୋ ପିତା କାର୍ଯ୍ୟାଳୟରୁ ଫେରିବାର ୩୦ ମିନିଟ୍ ମଧ୍ୟରେ ମୋତେ ଗଣିତ ଓ ଇତିହାସ ପଢ଼ାଉଥିଲେ।” ତାଙ୍କର ଏହି ଯାତ୍ରା ପରୀକ୍ଷାର୍ଥୀଙ୍କ ପାଇଁ ଏକ ପ୍ରେରଣା ହେବ, ଯେଉଁମାନେ ବିଫଳତା ସତ୍ତ୍ୱେ ନିଜର ସ୍ୱପ୍ନକୁ ପୂରଣ କରିବାକୁ ଚେଷ୍ଟା କରୁଛନ୍ତି।

ଶସ୍ତା କପଡା, ଫ୍ରି ଖାଇବା, ପୁରୁଣା କାର୍‌; ଦୁନିଆର ସବୁଠାରୁ ସାନ ଅରବପତି, ଏପରି ମେଣ୍ଟେନ୍‌ କରନ୍ତି ଲାଇଫ୍‌ଷ୍ଟାଇଲ୍‌

ନୂଆଦିଲ୍ଲୀ ୦୫।୦୭: ବୟସ ମାତ୍ର ୩୦ ବର୍ଷ । କିନ୍ତୁ ସେ ସାଧାରଣ ଗରୀବ ଲୋକଙ୍କ ପରି ରହୁଛନ୍ତି । ଶସ୍ତା କପଡା ପିନ୍ଧୁଛନ୍ତି, ଫ୍ରି ଖାଦ୍ୟ ଖାଉଛନ୍ତି । ଆଉ ପୁରୁଣା କାର୍‌ ଚଳାଉଛନ୍ତି । ଏବେ ସେ ଦୁନିଆର ସବୁଠାରୁ କମ୍‌ ବୟସ୍କା ଅରବପତି । ଏହି ଯୁବତୀଙ୍କ ନାଁ ହେଉଛି ଲୁସି ଗୁଓ । ଧନୀ ତାଲିକାରେ ସେ ଟେଲର ସ୍ବିଫ୍ଟଙ୍କୁ ପଛରେ ପକାଇଛନ୍ତି । ଫୋବର୍ସର ରିପୋର୍ଟ ଅନୁସାରେ ତାଙ୍କର ମୋଟ ସମ୍ପତ୍ତିକୁ ୧.୨୫ ବିଲିୟନ ଡଲାର । କିନ୍ତୁ ଆଶ୍ଚର୍ଯ୍ୟଜନକ କଥା ହେଉଛି ଯେ ଜଣେ କୋଟିପତି ହେବା ସତ୍ତ୍ୱେ ସେ ତାଙ୍କ ଜୀବନରେ ଏପରି କିଛି କାମ କରନ୍ତି ଯାହା ତାଙ୍କୁ ସାଧାରଣ କରିଥାଏ । ଜାଣି ଆଶ୍ଚର୍ଯ୍ୟ ହେବେ କୋଟିକୋଟି ସମ୍ପତ୍ତିର ମାଲିକାଣୀ କିନ୍ତୁ ତାଙ୍କୁ ଦେଖିଲେ କେହି କହିବେନି ସେ ଏତ ଧନୀ । ତାଙ୍କର ସରଳ ଜୀବନଶୈଳୀ ସମସ୍ତଙ୍କ ପାଇଁ ପ୍ରେରଣା ପାଲଟିପାରେ । ଲୁସି କୌଣସି ମହଙ୍ଗା ଲଗଜରୀ କାର ଚଲାନ୍ତିନି । ବରଂ ଏକ ପୁରୁଣା ହୋଣ୍ଡା ସିଭିକ୍ କାର ଚଲାନ୍ତି। ଯାହା ତାଙ୍କୁ ସାଧାରଣ କରିଥାଏ । ଲୁସି କୁହନ୍ତି ଯେ ସେ ଟଙ୍କା ନଷ୍ଟ କରିବାରେ ବିଶ୍ୱାସ କରନ୍ତିନି । ଏହାବ୍ୟତୀତ ସେ ଏପରି ପୋଷାକ ମଧ୍ୟ ପିନ୍ଧନ୍ତି ଯାହା ସେଲ୍‌ରେ ଲାଗିଥାଏ କିମ୍ବା ମାଗଣାରେ ମିଳିଥାଏ । ଲୁସି ଏହା ମଧ୍ୟ କହିଥିଲେ ଯେ ତାଙ୍କର କେବଳ ଗୋଟିଏ କି ୨ଟି ଡିଜାଇନର୍ ଡ୍ରେସ୍ ରହିଛି । ଆଉ ସେ କେବଳ କମର୍ସିଆଲ୍ ବିମାନରେ ଯାତ୍ରା କରନ୍ତି। ଲୁସି କହିଥିଲେ ଯେ ସେ ସେନ୍ ୱେବସାଇଟରୁ ପୋଷାକ କିଣନ୍ତି । ଯାହା ଝିଅମାନଙ୍କ ମଧ୍ୟରେ ବହୁତ ସାଧାରଣ । ଆଉ ଭଗବାନ ଜାଣନ୍ତି ଯେ ସେଠାରୁ କେତେ ଝିଅ ସଠିକ୍ ଏବଂ ଶସ୍ତା ମୂଲ୍ୟରେ ପୋଷାକ କିଣନ୍ତି। ଲୁସି ଗୁଓ ୧୯୯୪ ମସିହାରେ ସାନ ଫ୍ରାନ୍ସିସ୍କୋରେ ଜନ୍ମଗ୍ରହଣ କରିଥିଲେ।ତାଙ୍କ ପିତାମାତା ଚୀନ୍ ପ୍ରବାସୀ ଥିଲେ।ସେମାନ ଉଭୟ ବୈଦ୍ୟୁତିକ ଇଞ୍ଜିନିୟର ଥିଲେ।ଲୁସି କମ୍ ବୟସରେ କୋଡିଂ ଶିଖିଥିଲେ ଏବଂ ଷଷ୍ଠ ଶ୍ରେଣୀରୁ ୱେବସାଇଟ୍ ତିଆରି କରିବା ଆରମ୍ଭ କରିଥିଲେ।ସେ କାର୍ନେଗି ମେଲନ୍ ବିଶ୍ୱବିଦ୍ୟାଳୟରେ କମ୍ପ୍ୟୁଟର ସାଇନ୍ସ ପଢ଼ିବା ଆରମ୍ଭ କରିଥିଲେ।କିନ୍ତୁ ଥିଏଲ୍ ଫେଲୋସିପ୍ ପାଇବା ପରେ ୨୦୧୪ ମସିହାରେ ସେ ପାଠପଢ଼ା ଛାଡି ଦେଇଥିଲେ।୨୦୧୬ ମସିହାରେ ସେ ସ୍କେଲ୍ ଏଆଇ ଆରମ୍ଭ କରିଥିଲେ। କିନ୍ତୁ ୨୦୧୮ ମସିହାରେ ତାଙ୍କୁ କମ୍ପାନୀରୁ ବାହାର କରିଦିଆଯାଇଥିଲା।ତଥାପି ସେ ତାଙ୍କର ଅଂଶଧନ ରଖିଥିଲେ।ଯାହାର ମୂଲ୍ୟ ଏବେ କୋଟି କୋଟି ଟଙ୍କା।ଲୁସି ବର୍ତ୍ତମାନ ପାସେସ୍ ନାମକ ଏକ କମ୍ପାନୀ ଚଳାଉଛନ୍ତି।ଯାହାOnlyFans ପରି ଏକ ନୂତନ ଡିଜିଟାଲ୍ ପ୍ଲାଟଫର୍ମ।ସେ କୁହନ୍ତି, ଗରିବ ପରି ବଞ୍ଚ, ଧନୀ ହୋଇ ରୁହ, ଏହା ତାଙ୍କର ଚିନ୍ତାଧାରା।ଲୁସି ଏକ ସାକ୍ଷାତକାରରେ କହିଥିଲେ ମୁଁ ପିନ୍ଧୁଥିବା ସବୁକିଛି ମାଗଣା କିମ୍ବା ସେଏନ୍ ଠାରୁ ମିଳୁଛି।ମୁଁ ଏବେବି ବାଏ ଓ୍ବାନ୍‌ଗେଟ୍‌ଓ୍ବାନ୍‌ପଲିସିରେ ରହିଛି।

ପଳାତକ ନୀରବ ମୋଦିଙ୍କ ଭାଇ ଆମେରିକାରେ ଗିରଫ, PNB ଠକେଇରେ ଭାରତର ଆବେଦନ ଉପରେ କାର୍ଯ୍ୟାନୁଷ୍ଠାନ

ନୂଆଦିଲ୍ଲୀ:ପଞ୍ଜାବ ନ୍ୟାସନାଲ ବ୍ୟାଙ୍କ (PNB)ଠକେଇର ଆଉ ଜଣେ ପ୍ରମୁଖ ଅଭିଯୁକ୍ତ ନୀରବ ମୋଦିଙ୍କ ଭାଇ ନେହଲ ଦୀପକ ମୋଦିଙ୍କୁ ଆମେରିକାରେ ଗିରଫ କରାଯାଇଛି। ଭାରତର ପ୍ରବର୍ତ୍ତନ ନିର୍ଦ୍ଦେଶାଳୟ (ED)ଏବଂ କେନ୍ଦ୍ରୀୟ ତଦନ୍ତ ବ୍ୟୁରୋ (CBI)ର ମିଳିତ ଆବେଦନ ଉପରେ ଆମେରିକାର ନ୍ୟାୟ ବିଭାଗ ଦ୍ୱାରା୪ଜୁଲାଇରେ ଗିରଫ କରାଯାଇଛି। ଭାରତର ସବୁଠାରୁ ବଡ଼ ବ୍ୟାଙ୍କିଙ୍ଗ୍ ଠକେଇର ତଦନ୍ତରେ ଏହାକୁ ଏକ ବଡ଼ କୂଟନୈତିକ ଏବଂ ଆଇନଗତ ସଫଳତା ବୋଲି ବିବେଚନା କରାଯାଉଛି। ଭାରତ ସରକାରଙ୍କ ପ୍ରତ୍ୟର୍ପଣ ଅନୁରୋଧ ଅଧୀନରେ ନେହଲ ମୋଦିଙ୍କୁଗିରଫ କରାଯାଇଛି ଏବଂ ବର୍ତ୍ତମାନ ଆମେରିକାରେ ତାଙ୍କ ପ୍ରତ୍ୟର୍ପଣ ପ୍ରକ୍ରିୟା ଆରମ୍ଭ ହୋଇଛି। ଆମେରିକୀୟ ପ୍ରସିକ୍ୟୁସନ୍ ଦ୍ୱାରା ଦାଖଲ କରାଯାଇଥିବା ଅଭିଯୋଗ ଅନୁଯାୟୀ,ଦୁଇଟି ମୁଖ୍ୟ ଅଭିଯୋଗ ଆଧାରରେ ନେହଲ ମୋଦିଙ୍କ ବିରୋଧରେ ପ୍ରତ୍ୟର୍ପଣ ପ୍ରକ୍ରିୟା ଚାଲିଛି। ନେହଲ ମୋଦିଙ୍କ ବିରୁଦ୍ଧରେ ତାଙ୍କ ଭାଇ ନୀରବ ମୋଦିଙ୍କୁ କୋଟି କୋଟି ଟଙ୍କାର ବେଆଇନ ଆୟ ଲୁଚାଇବା ଏବଂ ସେଲ୍ କମ୍ପାନୀ ଏବଂ ବିଦେଶୀ କାରବାର ମାଧ୍ୟମରେ ଏହାକୁ ଏଣେତେଣେ ସ୍ଥାନାନ୍ତର କରିବାରେ ସାହାଯ୍ୟ କରିବାର ଅଭିଯୋଗ ଅଛି। ପ୍ରବର୍ତ୍ତନ ନିର୍ଦ୍ଦେଶାଳୟର ଚାର୍ଜସିଟରେ ନେହଲ ମୋଦିଙ୍କୁ ସହ-ଅଭିଯୁକ୍ତ ଭାବରେ ନାମିତ କରାଯାଇଛି।ତାଙ୍କ ଉପରେ ପ୍ରମାଣ ନଷ୍ଟ କରିବାର ମଧ୍ୟ ଅଭିଯୋଗ ଅଛି।ବ୍ରିଟିଶ ହାଇକୋର୍ଟ ନୀରବ ମୋଦିଙ୍କ ଜାମିନ ଆବେଦନକୁ ପୁଣି ଥରେ ଖାରଜ କରିଛନ୍ତି। ସୂଚନାଯୋଗ୍ୟ ଯେ ୨୦୧୯ରେ ଇଣ୍ଟରପୋଲ୍ ନେହାଲ୍ ମୋଦିଙ୍କ ବିରୁଦ୍ଧରେ ରେଡ୍ କର୍ଣ୍ଣର ନୋଟିସ୍ ଜାରି କରିଥିଲା। ପୂର୍ବରୁ ତାଙ୍କ ଭାଇ ନୀରବ ମୋଦି ଏବଂ ନିଶାଲ୍ ମୋଦିଙ୍କ ବିରୁଦ୍ଧରେ ମଧ୍ୟ ଇଣ୍ଟରପୋଲ୍ ନୋଟିସ୍ ଜାରି କରାଯାଇଛି। ନେହାଲ୍ ଜଣେ ବେଲଜିୟମ୍ ନାଗରିକ ଏବଂ ଆଣ୍ଟୱର୍ପରେ ଜନ୍ମଗ୍ରହଣ କରିଥିଲେ। ନୀରବ ମୋଦି ପୂର୍ବରୁ ୟୁକେ ଜେଲରେ ବନ୍ଦୀ ଅଛନ୍ତି ଏବଂ ତାଙ୍କ ପ୍ରତ୍ୟର୍ପଣ ପ୍ରକ୍ରିୟା ମଧ୍ୟ ଚାଲିଛି। ନୀରବ ମୋଦି ଏବଂ ତାଙ୍କ ମାମୁଁ ମେହୁଲ ଚୋକ୍ସି ପିଏନବି ଠକେଇର ମୁଖ୍ୟ ଅଭିଯୁକ୍ତ। ଯେଉଁଥିରେ ବ୍ୟାଙ୍କକୁ ପ୍ରାୟ ୧୪,୦୦୦ କୋଟି ଟଙ୍କାର କ୍ଷତି ସହିବାକୁ ପଡିଥିଲା। ନେହଲ ମୋଦି ପ୍ରତ୍ୟର୍ପଣ ମାମଲାର ପରବର୍ତ୍ତୀ ଶୁଣାଣି ୧୭ ଜୁଲାଇ ୨୦୨୫ ରେ ସ୍ଥିର କରାଯାଇଛି। ଏହି ସମୟ ମଧ୍ୟରେ, ନେହଲ ମୋଦିଙ୍କ ପକ୍ଷରୁ ଏକ ଜାମିନ ଆବେଦନ ମଧ୍ୟ ଦାଖଲ କରାଯାଇପାରିବ, ଯାହାକୁ ଆମେରିକୀୟ ପ୍ରସିକ୍ୟୁସନ ବିରୋଧ କରିବ। ଏହି ଗିରଫଦାରୀ କେବଳ ଭାରତର ତଦନ୍ତ ଏଜେନ୍ସିଗୁଡ଼ିକ ପାଇଁ ଏକ ରଣନୈତିକ ସଫଳତା ନୁହେଁ, ବରଂ ଦୋଷୀମାନଙ୍କୁ ଆଇନର କବଳକୁ ଆଣିବା ପ୍ରକ୍ରିୟାକୁ ମଧ୍ୟ ମଜବୁତ କରିବ।

ମାଉସୀ ମା’ ମନ୍ଦିରରେ ଶ୍ରୀ ଶ୍ରୀ ହରିବଳଦେବ ଜୀଉଙ୍କ ସୁନାବେଶ, ଦୁଇ ଦିନ ଧରି ଅନୁଷ୍ଠିତ ହେବ ବାହୁଡ଼ା ଯାତ୍ରା

ବାରିପଦା ୫।୭: ଶନିବାର ଦ୍ୱିତୀୟ ଶ୍ରୀକ୍ଷେତ୍ର ବାରିପଦାରେ ଶ୍ରୀ ଶ୍ରୀ ହରିବଳଦେବ ଜୀଉଙ୍କ ମାଉସୀ ମା’ ମନ୍ଦିରରେ ସୁନାବେଶ ଅନୁଷ୍ଠିତ ହୋଇଯାଇଛି । ଚତୁର୍ଦ୍ଧା ମୁରତି ଆଡ଼ପ ମଣ୍ଡପ ବେଦିରେ ସୁନାବେଶରେ ଭକ୍ତମାନଙ୍କୁ ଦର୍ଶନ ଦେଇଛନ୍ତି । କଥିତ ଅଛି ଆଜିର ଦିନରେ ଆଡ଼ପ ମଣ୍ଡପରେ ପ୍ରଭୁମାନଙ୍କ ସୁନାବେଶ ଦର୍ଶନ କଲେ ବହୁତ ପୁଣ୍ୟ ଫଳ ମିଳିଥାଏ । ଏବେ ମଧ୍ୟ ଜନମାନସ ମଧ୍ୟରେ ବିଶ୍ୱାସ ରହିଛି ତାହା ଆଜି ମନ୍ଦିରରେ ଭକ୍ତଙ୍କ ପ୍ରବଳ ଭିଡ଼ରେ ପରିଲକ୍ଷିତ ହୋଇଛି । ସୁନାବେଶ କାର୍ଯ୍ୟକ୍ରମ ପରେ ଅପରାହ୍ନ ସମୟରେ ଚତୁର୍ଦ୍ଧାମୁରୁତି ମାନଙ୍କୁ ବାହୁଡ଼ା ପହଣ୍ଡି କରି ରଥାରୂଢ଼ କରାଯିବ। ପରେ ରବିବାର ଓ ସୋମବାର ଦୁଇ ଦିନ ଧରି ବାରିପଦାରେ ବାହୁଡ଼ା ଯାତ୍ରା ଅନୁଷ୍ଠିତ ହେବାର ପରମ୍ପରା ରହିଛି । ତିନି ଦିଅଁ ମାଉସୀ ମା’ ମନ୍ଦିରରେ ଅବସ୍ଥାନ କାଳରେ ଆଡ଼ପ ମଣ୍ଡପରେ ବିଜେ କରି ଦଶମୀ ପର୍ଯ୍ୟନ୍ତ ଗୁଣ୍ଡିଚା ଘରେ ବିଭିନ୍ନ ବେଶରେ ଭକ୍ତଙ୍କୁ ଦର୍ଶନ ଦେଇଥାନ୍ତି । ଆଉ ସେହି ପରମ୍ପରା ଅନୁଯାୟୀ ମହାପ୍ରଭୁ ସୁନା ବେଶରେ ଦର୍ଶନ ଦେଇଛନ୍ତି । ଆଡପ ମଣ୍ଡପରେ ଦର୍ଶନ କଲେ କୋଟି କୋଟି ପୂଣ୍ୟ ମିଳିଥାଏ ଏହି ବିଶ୍ବାସରେ ଅହେତୁକ ଭକ୍ତଙ୍କ ଭିଡ ଲାଗିଥିଲା । ଏନେଇ ମାଉସୀ ମା’ ମନ୍ଦିରରେ ସ୍ବତନ୍ତ୍ର ନୀତିକାନ୍ତି ଅନୁଷ୍ଠିତ ହୋଇଛି । You Can Read: ସରକାରଙ୍କୁ କଂଗ୍ରେସର ପ୍ରଶ୍ନ : ବାଲେଶ୍ୱରକୁ କେବେ ମିଳିବ ମହାନଗର ନିଗମର ମାନ୍ୟତା

ଏଜବାଷ୍ଟନ ଟେଷ୍ଟରେ ଟିମ୍ ଇଣ୍ଡିଆକୁ ବ୍ରୁକଙ୍କ ଚେତାବନୀ, ‘ଆମେ କୌଣସି ବି ଟାର୍ଗେଟ୍ ପିଛା କରି ପାରିବୁ’

ଏଜବାଷ୍ଟନ: ଭାରତ ବିପକ୍ଷ ଏଜବାଷ୍ଟନ ଟେଷ୍ଟ ମ୍ୟାଚ୍‌ରେ ଇଂଲଣ୍ଡ ବ୍ୟାଟର ହ୍ୟାରି ବ୍ରୁକ ଓ ଜେମି ସ୍ମିଥ ଦମଦାର ବ୍ୟାଟିଂ କରିଛନ୍ତି। ବ୍ରୁକ ପ୍ରଥମ ଇନିଂସରେ ୧୭ ଚୌକା ଓ ଏକ ଛକା ଜରିଆରେ ୨୩୪ ବଲ୍‌ରୁ ୧୫୮ ରନ କରିଛନ୍ତି। ବ୍ରୁକ ଏହି ସମୟରେ ଜେମି ସ୍ମିଥଙ୍କ ସହ ମିଶି ଷଷ୍ଠ ଓ୍ଵିକେଟ୍‌ ପାଇଁ ୩୦୩ ରନର ପାର୍ଟନରଶିପ କରି ଇଂଲଣ୍ଡକୁ କେବଳ ଫଲୋଅନରୁ ବଞ୍ଚାଇ ନ ଥିଲେ ବରଂ ଦଳକୁ ମ୍ୟାଚ୍‌ରେ ଲଢିବା ପାଇଁ ସ୍କୋର କରିଥିଲେ। ଏହି ଦୁଇ ବ୍ୟାଟରଙ୍କ ବିଶାଳ ଶତକୀୟ ଇନିଂସ ବଳରେ ଇଂଲଣ୍ଡ ୪୦୭ ରନ କରି ପାରିଛି। ଭାରତ ୧୮୦ ରନର ଅଗ୍ରଣୀ ହାସଲ କରିଛି। ଏବେ ଶତକବୀର ହ୍ୟାରି ବ୍ରୁକ ଭାରତୀୟ ଦଳକୁ ଚେତାବନୀ ଦେଇଛନ୍ତି। ବ୍ରୁକଙ୍କ କହିବା କଥା ତାଙ୍କ ଦଳ ଚତୁର୍ଥ ଇନିଂସରେ କୌଣସି ବି ଲକ୍ଷ୍ୟ ପିଛା କରିବାକୁ ସକ୍ଷମ। ତୃତୀୟ ଦିନର ଖେଳ ଶେଷ ସୁଦ୍ଧା ଭାରତ ମୋଟ୍ ୨୪୪ ରନ ଅଗ୍ରଣୀ ହାସଲ କରିଛି। ଖବର ଲେଖା ଯିବା ବେଳକୁ ଭାରତ ଚତୁର୍ଥ ଦିନରେ ୨ ଓ୍ଵିକେଟ୍ ହରାଇ ୧୦୯ ରନ କରିଛି ଏବଂ ୨୮୯ ରନ ଅଗ୍ରଣୀ ହାସଲ କରିଛି। ହାତରେ ଆହୁରି ୮ ଓ୍ଵିକେଟ୍ ବାକି ରହିଛି। ଭାରତୀୟ ଦଳ ଯଦି ଦୁଇ କିମ୍ବା ଅଢେଇ ସେସନ ବ୍ୟାଟିଂ କରେ ତେବେ ଇଂଲଣ୍ଡ ସମ୍ମୁଖରେ ପାଖାପାଖି ୫୦୦ ରନର ବିଜୟ ଲକ୍ଷ୍ୟ ରହିପାରେ। Also read: ଭାରତ ପାଇଁ ସୁନାମ ଆଣିଲେ ଡି. ଗୁକେଶ, ନିଜ ନାଁରେ କଲେ ରାପିଡ୍ ଟାଇଟଲ୍‌ ହ୍ୟାରି ବ୍ରୁକ ବିବିସି ସହ ସ୍ଵତନ୍ତ୍ର ଆଲୋଚନା ବେଳେ କହିଛନ୍ତି, ମୋତେ ଏବେ ବି ଲାଗୁଛି ଆମେ ଏହି ଟେଷ୍ଟ ମ୍ୟାଚ୍ ଜିତି ପାରିବୁ। ସମସ୍ତଙ୍କୁ ଜଣା ଯେ, ଆମେ ଲକ୍ଷ୍ୟ ପିଛା କରିବୁ, ସେ ଯେତେ ରନ ହେଉନା କାହିଁକି। ଜେମି ସ୍ମିଥଙ୍କ ସହ କ୍ରିଜରେ ସମୟ ବିତାଇବା ଦଳ ପାଇଁ ଫାଇଦା ସାବ୍ୟସ୍ତ ହୋଇଛି। ଆଶା କରୁଛି ଆମେ ମ୍ୟାଚ୍‌ରେ ପ୍ରତ୍ୟାବର୍ତ୍ତନ କରିବୁ। ବ୍ରୁକ ଭାରତୀୟ ବୋଲରଙ୍କ ପ୍ରଶଂସା କରି କହିଛନ୍ତି ଯେ, ତାଙ୍କ ଆଉଟ୍ ହେବା ସହ ମ୍ୟାଚ୍‌ର ଦିଗ ହିଁ ବଦଳିଗଲା। ଯଦି ମୁଁ ଆଉଟ୍ ହୋଇ ନ ଥାନ୍ତି ତେବେ ଏବେ ଏହି ସ୍ଥିତିରେ ଆମେ ନ ଥାଆନ୍ତୁ। ଭାରତକୁ ଶୀଘ୍ର ଆଉଟ୍ କରିବାକୁ ଚେଷ୍ଟା କରିବୁ।

ପହଲଗାମ ଆକ୍ରମଣ ଦୁର୍ଭାଗ୍ୟପୂର୍ଣ୍ଣ ଥିଲା, ହେଲେ ଅସ୍ଥିରତା ସୃଷ୍ଟି କରିବାକୁ ଭାରତ ଏହାକୁ ବ୍ୟବହାର କରୁଛି: ପାକିସ୍ତାନ

ନୂଆଦିଲ୍ଲୀ : ଦୁର୍ଭାଗ୍ୟପୂର୍ଣ୍ଣ ପହଲଗାମ ଆକ୍ରମଣକୁ ନେଇ ଭାରତ ଦେଶର ଉକ୍‌ସାଇବା ଭଳି ସ୍ଥିତି ସୃଷ୍ଟି କରି ଅଞ୍ଚଳରେ ଅସ୍ଥିରତା ସୃଷ୍ଟି କରୁଛି ବୋଲି ପାକିସ୍ତାନ ଅଭିଯୋଗ କରିଛି। ଅପରେସନ ସିନ୍ଦୂର ବେଳେ ପାକିସ୍ତାନକୁ ସମର୍ଥନ କରିଥିବା ଆଜରବାଇଜାନରେ ଆର୍ଥିକ ସହଯୋଗ ସଂଗଠନ (ECO) ସମ୍ମିଳନୀରେ ଭାଷଣ ଦେଇ ପାକିସ୍ତାନ ପ୍ରଧାନମନ୍ତ୍ରୀ ଶେହବାଜ ସରିଫ ଏଭଳି ଅଭିଯୋଗ ଆଣିଛନ୍ତି। ପୁଣି ଥରେ କାଶ୍ମୀର ପ୍ରସଙ୍ଗ ଉଠାଇବା ସହ କେନ୍ଦ୍ର ଶାସିତ ଅଞ୍ଚଳରେ ନିର୍ଦ୍ଦୋଷ ଲୋକଙ୍କ ଉପର ହୋଇଥିବା ବର୍ବରତାକୁ ସେ ନିନ୍ଦା କରିଛନ୍ତି। ଏଥିସହିତ ଇରାନ ଓ ଗାଜାରେ ନିର୍ଦ୍ଦୋଷଙ୍କ ଉପରେ ହେଉଥିବା ଆକ୍ରମଣକୁ ମଧ୍ୟ ଶେହବାଜ ନିନ୍ଦା କରିଛନ୍ତି। ଭାରତ ବିରୁଦ୍ଧରେ ଅଭିଯୋଗ କରି ସେ କହିଛନ୍ତି “ଜମ୍ମୁ ଏବଂ କାଶ୍ମୀରରେ ଦୁର୍ଭାଗ୍ୟଜନକ ଘଟଣା ପରେ ଭାରତ ଅକାରଣ ଏବଂ ଜାଣିଶୁଣି ଶତ୍ରୁତା ସୃଷ୍ଟି କରି ଆଂଚଳିକ ଶାନ୍ତି ଭଙ୍ଗ କରି ଅସ୍ଥିରତା ସୃଷ୍ଟି କରିବାକୁ ଚେଷ୍ଟା କରିଥିଲା।” ଏପ୍ରିଲ ୨୨ ତାରିଖରେ, ପହଲଗାମର ବୈସାରଣ ଉପତ୍ୟକାରେ ହୋଇଥିବା ଆତଙ୍କବାଦୀ ଆକ୍ରମଣରେ ୨୫ ଜଣ ପର୍ଯ୍ୟଟକ ଏବଂ ଜଣେ ସ୍ଥାନୀୟ ଲୋକଙ୍କ ମୃତ୍ୟୁ ହୋଇଥିଲା। ଏଇ କିଛି ବର୍ଷ ମଧ୍ୟରେ ଏହା କାଶ୍ମୀରରେ ହୋଇଥିବା ସବୁଠାରୁ ଭୟଙ୍କର ଆତଙ୍କବାଦୀ ଆକ୍ରମଣ ମଧ୍ୟରୁ ଗୋଟିଏ ଥିଲା। ପାକିସ୍ତାନ ସ୍ଥିତ ଆତଙ୍କବାଦୀ ସଂଗଠନ ଲସ୍କର-ଏ-ତୈବାର ଏକ ଶାଖା, ରେଜିଷ୍ଟାନ୍ସ ଫ୍ରଣ୍ଟ (TRF) ଏହି ଆକ୍ରମଣ ଘଟାଇଥିଲା। ଏହାର ଜବାବରେ ଭାରତ ପାକିସ୍ତାନ ସ୍ଥିତ ୯ଟି ଆତଙ୍କବାଦୀ ସଂଗଠନର କ୍ୟାମ୍ପ ଉପରେ ଟାର୍ଗେଟ୍ କରିଥିଲା। ଏହାପରେ ପାକିସ୍ତାନ-ଭାରତ ଉପରେ ଆକ୍ରମଣ କରିଥିଲା। ଫଳରେ ଦୁଇ ଦେଶ ମଧ୍ୟରେ କିଛି ଦିନ ପାଇଁ ଯୁଦ୍ଧ ଆରମ୍ଭ ହୋଇଥିଲା। ତେବେ ଆଜରବାଇଜାନରେ ଦେଇଥିବା ଭାଷଣରେ ପାକିସ୍ତାନ ପ୍ରଧାନମନ୍ତ୍ରୀ ପହଲଗାମ ଆକ୍ରମଣକୁ ନିନ୍ଦା କରିଛନ୍ତି। ବିଶ୍ୱରେ ଯେଉଁସ୍ଥାନରେ ନିର୍ଦ୍ଦୋଷଙ୍କର ହତ୍ୟା ହେଉଛି ପାକିସ୍ତାନ ତାଙ୍କ ସହ ଛିଡ଼ା ହୋଇଛି ବୋଲି କହିଛନ୍ତି ଶେହବାଜ।

ଅବଲୋକିତେଶ୍ୱରଙ୍କ ଆଶିର୍ବାଦ, ମୁଁ ଆଉ ୩୦-୪୦ ବର୍ଷ ବଞ୍ଚିବି: ଦଲାଇ ଲାମା

ମ୍ୟାକଲୋଡଗଞ୍ଜ ୫।୭: ଉତ୍ତରାଧିକାରୀ ଘୋଷଣାକୁ ନେଇ ଚର୍ଚ୍ଚା ଉପରେ ବିରାମ ଲଗାଇଛନ୍ତି ଦଲାଇଲାମା। ଶନିବାର ସେ କହିଛନ୍ତି ଯେ ‘ମୋତେ ଲାଗୁଛି ଲୋକଙ୍କ ସେବା ନିମନ୍ତେ ମୁଁ ଆଉ ୩୦-୪୦ବର୍ଷ ଜୀବିତ ରହିବି’। ମ୍ୟାକଲୋଡଗଞ୍ଜରେ ମୁଖ୍ୟ ଦଲାଇଲାମା ମନ୍ଦିର ତସୁଗଲାଗଖାଂଗରେ ରବିବାର ଜନ୍ମଦିବସ କାର୍ଯ୍ୟକ୍ରମ ଆୟୋଜିତ ହେବ। ଏହା ପୂର୍ବରୁ ଅନୁଷ୍ଠିତ ଦୀର୍ଘାୟୁ ପ୍ରାର୍ଥନା ସଭାରେ ତେନଜିନ ଗ୍ୟାତସୋ କହିଛନ୍ତି ଯେ ମୋତେ ସ୍ପଷ୍ଟ ସଂକେତ ମିଳୁଛି ଅବଲୋକିତେଶ୍ୱରଙ୍କ ଆଶିର୍ବାଦ ମୋ ସହିତ ରହିଛି। ତୀବ୍ବତ ଆଧ୍ୟାତ୍ମିକ ନେତା କହିଛନ୍ତି ଯେ ‘କେତେକ ଭବିଷ୍ୟବାଣୀକୁ ଦେଖି ମୋତେ ଲାଗୁଛି ମୋ ଉପରେ ଅବଲୋକିତେଶ୍ୱରଙ୍କ ଆଶିର୍ବାଦ ରହିଛି। ମୁଁ ଏପର୍ଯ୍ୟନ୍ତ ଜୀବନରେ ମୋର ସର୍ବଶ୍ରେଷ୍ଠ ଯୋଗଦାନ ଦେଇଛି। ମୁଁ ଆଶା କରୁଛି ଆହୁରି ୩୦-୪୦ ବର୍ଷ ଜୀବିତ ରହିବି’। ଆପଣମାନଙ୍କ ପ୍ରାର୍ଥନା ଏ ପର୍ଯ୍ୟନ୍ତ ଫଳଦାୟୀ ହୋଇଛି, ଆଗକୁ ମଧ୍ୟ ରହିବ। ସେ କହିଛନ୍ତି ‘ଯଦିଓ ମୁଁ ମୋ ଦେଶ ହରାଇଛି ଓ ଭାରତ ନିର୍ବାସନରେ ରହୁଛି, ଏଠାରେ ଜୀବାତ୍ମାମାନଙ୍କୁ ବେଶ୍ ଲାଭ ପହଞ୍ଚାଇ ପାରୁଛି। ମୁଁ ଯେତେ ସମ୍ଭବ ହୋଇ ପାରିବ ଜୀବାତ୍ମାଙ୍କୁ ଲାଭ ପହଞ୍ଚାଇବା ଓ ତାଙ୍କ ସେବା କରିବାକୁ ଇଛା ବ୍ୟକ୍ତ କରୁଛି’। ଅନ୍ୟପକ୍ଷରେ ଭାରତର ବୈଦେଶିକ ମନ୍ତ୍ରାଳୟ ଶୁକ୍ରବାର ଏକ ବୟାନରେ କହିଥିଲା ଯେ ଭାରତ ସରକାର ଆସ୍ଥା ଓ ଧର୍ମ ସମ୍ପର୍କିତ ମାମଲାରେ କୌଣସି ପକ୍ଷ ନିଅନ୍ତି ନାହିଁ। ମନ୍ତ୍ରାଳୟର ଏହି ଟିପ୍ପଣୀ ଦଲାଇ ଲାମାଙ୍କ ସେହି ବୟାନର ଦୁଇ ଦିନ ପରେ ଆସିଥିଲା ଯେଉଁଥିରେ ଦଲାଇ ଲାମା ତୀବ୍ବତୀ ବୌଦ୍ଧଙ୍କ ଏକ ଟ୍ରଷ୍ଟକୁ ତାଙ୍କର ଉତ୍ତରାଧିକାରୀ ନିଷ୍ପତ୍ତି ନେବାର ଅଧିକାର ରହିବ। ଏଥିରେ ବିଦେଶ ମନ୍ତ୍ରାଳୟ ମୁଖପାତ୍ର ରଣଧୀର ଜୟସ୍ୱାଲ କହିଥିଲେ ଯେ ସରକାର ଭାରତରେ ସମସ୍ତଙ୍କ ଲାଗି ଧାର୍ମିକ ସ୍ୱାଧୀନତା ସର୍ବଦା କାୟମ ରଖିଛନ୍ତି ଓ ଆଗକୁ ମଧ୍ୟ ତାହା ଜାରି ରହିବ। ସେ କହିଥିଲେ ଯେ ଆମେ ଦଲାଇ ଲାମାଙ୍କ ସଂସ୍ଥାର ନିରନ୍ତରତା ସମ୍ପର୍କରେ ମାନନୀୟ ଦଲାଇ ଲାମାଙ୍କ ପକ୍ଷରୁ ଦିଆଯାଇଥିବା ବୟାନ ସମ୍ପର୍କିତ ରିପୋର୍ଟ ଦେଖିଛୁ। ତେବେ ଭାରତ ସରକାର ଆସ୍ଥା ଓ ଧର୍ମ ସମ୍ପର୍କିତ ମାମଲାରେ କୌଣସି ପକ୍ଷ ନିଅନ୍ତି ନାହିଁ କି ଏ ସମ୍ପର୍କରେ କୌଣସି ବୟାନ ଅଥବା ମତାମତ ମଧ୍ୟ ଦିଅନ୍ତି ନାହିଁ।

ଗେଟ୍‌ରେ ଅପେକ୍ଷା କରିଥିଲା ସୁଟର , ୬ ସେକେଣ୍ଡରେ ହତ୍ୟା ; ସାମ୍ନାକୁ ଆସିଲା ଗୋପାଳ ଖେମକା ମର୍ଡରର ସିସିଟିଭି ଭିଡ଼ିଓ

ପାଟନା : ବିହାରର ବଡ଼ ବ୍ୟବସାୟୀ ତଥା ଉଦ୍ୟୋଗପତି ଗୋପାଳ ଖେମକାଙ୍କର ପାଟନାରେ (ଗାନ୍ଧୀ ମୈଦାନ ଥାନା ଠାରୁ, ପାଖାପାଖି ୫୦୦ ମିଟର ଦୂରତାରେ )ନିଜର ହିଁ ଆପାର୍ଟମେଣ୍ଟ ସାମ୍ନାରେ ହତ୍ୟା ହୋଇଥିଲା। ଏବେ ଏହାର ଏକ ସିସିଟିଭି ଭିଡ଼ିଓ ଆସିଛି ସାମ୍ନାକୁ। ଭିଡ଼ିଓରେ ଏକୁଟିଆ ସୁଟର ଆପାର୍ଟମେଣ୍ଟର ଗେଟ୍‌ ବାହାରେ ତାଙ୍କର ଆସିବାକୁ ଅପେକ୍ଷା କରୁଥିବାର ଦେଖିବାକୁ ମିଳୁଛି। ହେଲମେଟ୍‌ ପିନ୍ଧିଥିବା ହତ୍ୟାକାରୀ ରାତି ୧୧.୩୮ସମୟରେ ଖେମକାଙ୍କୁ ୬ ସେକେଣ୍ଟରେ ଗୁଳି ମାରିବା ପରେ ଏକ ସ୍କୁଟିରେ ଫେରାର ହେଉଛି। ଖେମକାଙ୍କର କାରର ପଛରେ ଆଉ ଏକ କାର୍‌ ଲାଗୁଛି , କିନ୍ତୁ ସେହି ଗାଡ଼ିରେ ବସିଥିବା ଲୋକେ ଯେତେବେଳେ ପରିସ୍ଥିତିକୁ ବୁଝି ବାହାରକୁ ଆସୁଛନ୍ତି , ତ ସେତେବେଳକୁ ହତ୍ୟାକାରୀ ଫେରାର ହୋଇ ଯାଉଛି। ଭିଡ଼ିଓରେ ଗେଟ୍‌ ଖୋଲିବାକୁ ଆସୁଥିବା ଗାର୍ଡକୁ ମଧ୍ୟ ଦେଖିବାକୁ ମିଳୁଛି। ଖେମକାଙ୍କର କାର୍‌ ରହିବାର ପାଖାପାଖି ୨୦ ସେକେଣ୍ଡ ପରେ ଗାର୍ଡ ଆସିବାର ନଜର ଆସୁଛି। ଗୋପାଳ ଖେମକାଙ୍କର ଭାଇ ଶଙ୍କର ଖେମକା କହିଛନ୍ତି ଯେ, ଗୋପାଳ ବାଙ୍କିପୁର କ୍ଲବ୍‌ର ଡାଇରେକ୍ଟର ଥିଲେ ଏବଂ ରାତିରେ ସେଠାରୁ ଫେରୁ ଥିଲେ। ଗୋପାଳ ନିୟମିତ ଭାବେ କ୍ଲବ୍‌ ଯାଉଥିଲେ। ଝଗଡ଼ା ବା ବିବାଦକୁ ଏଡେଇ ଶଙ୍କର କହିଛନ୍ତି ଯେ, ଶତ୍ରୁତା ଭଳି କୌଣସି କଥା ହୋଇଥିଲେ , ଭାଇ ରାତିରେ ଏହିପରି ଫେରି ନଥାନ୍ତେ। ଶଙ୍କର କହିଛନ୍ତି ପୁଲିସ ଖୋଳତାଡ କରୁ ଏବଂ କହୁ ଯେ ଗୋପାଳଙ୍କୁ କିଏ ଓ କାହିଁକି ମାରିଛି। ଶଙ୍କର କହିଛନ୍ତି ଯେ , ଗୋପାଳଙ୍କୁ ଝିଅ-ବୋହୂ ହସ୍ପିଟାଲ ନେଇ ଯାଇଥିଲେ , ଯେଉଁଠି ଡାକ୍ତରମାନେ ମୃତ ଘୋଷିତ କରିଥିଲେ। ଶଙ୍କର କହିଛନ୍ତି ଯେ, ସୂଚନା ଦେବା ପରେ ଗାନ୍ଧୀ ମୈଦାନ ଥାନା ପୁଲିସ ରାତି ୧.୩୦ଟା ସମୟରେ , ଟାଉନ ଡିଏସପି ଏସପି ୨.୪୫ ରେ ଓ ସିଟି ଏସପି ୨.୩୦ ଟା ସମୟରେ ଆସିଛି। ଗୋପାଳ ଖେମକାଙ୍କର ପୁଅ ଗୁଞ୍ଜନ ଖେମକାଙ୍କର ମଧ୍ୟ ୨୦୧୮ରେ ହାଜିପୁରରେ ତାଙ୍କର ଫ୍ୟାକ୍ଟ୍ରିର ଗେଟ୍‌ରେ ଏହିପରି ହତ୍ୟା କରାଯାଇ ଥିଲା, ସେତେବେଳେ ପୂର୍ବରୁ ଅପେକ୍ଷା କରିଥିବା ହତ୍ୟାକାରୀମାନେ ଗୁଞ୍ଜନଙ୍କୁ ଗୁଳି କରି ଥିଲେ। ଗୋପାଳ ଖେମକାଙ୍କୁ ପୁଅର ହତ୍ୟା ପରେ କିଛି ଦିନ ପାଇଁ ପୁଲିସ ସୁରକ୍ଷା ମିଳିଥିଲା ,କିନ୍ତୁ ପରେ ହଟେଇ ନିଆଯାଇ ଥିଲା। ଗୋପାଳ ଖେମକା ବିଜେପି ସହ ସଂପୃକ୍ତ ଥିଲେ ଏବଂ ତାଙ୍କର ହତ୍ୟା ପରେ ବିରୋଧୀ ନେତାମାନେ ନିତିଶ ସରକାରର ଆଇନ ବ୍ୟବସ୍ଥାର ଦାବିରେ ହମଲା କରିଥିଲେ। ତେଜସ୍ୱୀ ଯାଦବ କହିଥିଲେ ବିହାରରେ ପ୍ରତି ମାସରେ ଶହ ଶହ ହତ୍ୟାକାଣ୍ଡ ଘଟଣା ହେଉଛି,କିନ୍ତୁ ଏହାକୁ ଜଙ୍ଗଲରାଜ୍ କୁହାଯିବ ନାହିଁ ।

କାଙ୍ଗାଳ ପାକିସ୍ତାନକୁ ଆଉ ଏକ ଝଟକା, ଦେଶ ଛାଡ଼ିଲା ଟେକ୍ ଜାଏଣ୍ଟ ମାଇକ୍ରୋସଫ୍ଟ

ନୂଆଦିଲ୍ଲୀ: ଭିକାରୀ ପାକିସ୍ତାନକୁ ଆର୍ଥିକ ମୋର୍ଚ୍ଚାରେ ଆଉ ଏକ ବଡ଼ ଝଟକା ଲାଗିଛି । ଆମେରିକୀୟ ଟେକ୍ ଜାଏଣ୍ଟ ମାଇକ୍ରୋସଫ୍ଟ ପାକିସ୍ତାନରେ ନିଜ ପରିଚାଳନା ବନ୍ଦ କରିଛି । ୨୫ ବର୍ଷ ପରେ ଏହି ଗ୍ଲୋବାଲ୍ ସ୍ପଫ୍ଟୱେର କମ୍ପାନି ପାକିସ୍ତାନ ଛାଡ଼ିଥିବା ସୂଚନା ମିଳିଛି । ଗତ କିଛି ବର୍ଷ ହେଲା ମାଇକ୍ରୋସପ୍ଟ ଏହି ଦେଶରେ କର୍ମଚାରୀ ଓ ନିଜ ପରିଚାଳନାକୁ ଲଗାତାର ହ୍ରାସ କରିଆସୁଥିଲା । ଆଉ ଏବେ ସମ୍ପୂର୍ଣ୍ଣ ରୂପେ ଦେଶ ଛାଡ଼ୁଛି । ମାଇକ୍ରୋସଫ୍ଟ ଜୁନ୍ ୨୦୦୦ରେ ପାକିସ୍ତାନରେ ଏହାର କାର୍ଯ୍ୟ ଆରମ୍ଭ କରିଥିଲା । ମାଇକ୍ରୋସଫ୍ଟ ପାକିସ୍ତାନ ଛାଡ଼ିବା ଖବର ମାଇକ୍ରୋସଫ୍ଟ ପାକିସ୍ତାନର ପ୍ରତିଷ୍ଠାତା ମୁଖ୍ୟ ଜୱାଦ ରେହମାନଙ୍କ ଏକ ଲିଙ୍କଡିନ୍ ପୋଷ୍ଟ ପରେ ଜଣାପଡ଼ିଛି । ତେବେ କମ୍ପାନି ପକ୍ଷରୁ ବର୍ତ୍ତମାନ ସୁଦ୍ଧା କୌଣସି ଆନୁଷ୍ଠାନିକ ଘୋଷଣା ହୋଇ ନଥିବା ବୋଲି ଜଣାପଡ଼ିଛି । ସେପଟେ ଟେକ୍ ରାଡାରର ଏକ ରିପୋର୍ଟ ଅନୁଯାୟୀ, ଏହି ପଦକ୍ଷେପ ପାଇଁ ପୂର୍ବରୁ ମଞ୍ଜୁରି ମିଳିସାରିଛି, ମାଇକ୍ରୋସଫ୍ଟର ପାକିସ୍ତାନରେ ସମ୍ପୂର୍ଣ୍ଣ କାର୍ଯ୍ୟ ବନ୍ଦ ହୋଇଯାଇଛି ଏବଂ କେବଳ ପାଞ୍ଚ ଜଣ କର୍ମଚାରୀଙ୍କ ସହିତ ଏକ ଯୋଗାଯୋଗ କାର୍ଯ୍ୟାଳୟ ଖୋଲା ରହିଛି । ଲିଙ୍କଡ୍ ଇନ୍ ପୋଷ୍ଟରେ ‘ଏକ ଯୁଗର ଅନ୍ତ...ମାଇକ୍ରୋସଫ୍ଟ ପାକିସ୍ତାନ’ ଶୀର୍ଷକରେ ରେହମାନ ଲେଖିଛନ୍ତି, ପାକିସ୍ତାନରେ ମାଇକ୍ରୋସଫ୍ଟ ଆଜିଠାରୁ ସମ୍ପୂର୍ଣ୍ଣ ବନ୍ଦ ହେଉଥିବା ମୁଁ ଶୁଣିବାକୁ ପାଇଛି । କମ୍ପାନିରେ ଥିବା କର୍ମଚାରୀଙ୍କୁ ଆନୁଷ୍ଠାନିକ ଭାବେ ଏହା ଜଣାଇ ଦିଆଯାଇଛି । ଠିକ୍ ୨୫ ବର୍ଷ ପୂର୍ବେ, ଜୁନ୍ ୨୦୦୦ରେ ପାକିସ୍ତାନ ମାଇକ୍ରୋସଫ୍ଟର ପ୍ରତିଷ୍ଠା ଓ ନେତୃତ୍ୱ ନେବାର ସୌଭାଗ୍ୟ ମୋତେ ମିଳିଥିଲା । ସେ ଆହୁରି ଲେଖିଛନ୍ତି ଯେ ମାଇକ୍ରୋସଫ୍ଟର ପାକିସ୍ତାନ ଛାଡିବା ନିଷ୍ପତ୍ତିର ଆଲୋଚନା କରିବା ଜରୁରି । ଆଜିର ଖବର ଉପରେ ପ୍ରତିକ୍ରିୟା ପ୍ରକାଶ ପାଇଁ ବାଧ୍ୟ କରୁଛି । ଏହା କେବଳ ଏକ କର୍ପୋରେଟ୍ ଏକଜିଟ୍ ନୁହେଁ । ଏହା ଆମ ଦେଶ ସୃଷ୍ଟି କରିଥିବା ପରିବେଶର ଏକ ଗମ୍ଭୀର ସଙ୍କେତ । ଯେଉଁଠାରେ ମାଇକ୍ରୋସଫ୍ଟ ଭଳି ଏକ ଗ୍ଲୋବାଲ୍ ଜାଏଣ୍ଟ ମଧ୍ୟ ରହିବାକୁ ଚାହୁଁନାହିଁ ।

ଶ୍ରୀଜିଉଙ୍କ ପବିତ୍ର ବାହୁଡ଼ା ଯାତ୍ରା : ଭାବବିହ୍ବଳ ପରିବେଶରେ ଗଡ଼ିଲା ୩ ରଥ

ପୁରୀ ୫।୭: ବିଶ୍ବ ପ୍ରସିଦ୍ଧ ବାହୁଡ଼ା ଯାତ୍ରା । ଜନ୍ମବେଦୀରେ ସରିଛି ଲୀଳାଖେଳା । ଶ୍ରୀମନ୍ଦିର ଅଭିମୁଖେ ବାହୁଡ଼ିଛନ୍ତି ଚତୁର୍ଦ୍ଧାମୂର୍ତ୍ତି । ଗୁଣ୍ଡିଚା ମନ୍ଦିର ଛାଡ଼ି ଶ୍ରୀମନ୍ଦିର ଅଭିମୁଖେ ଯାଉଛନ୍ତି ମହାପ୍ରଭୁ । ଉଛୁଳି ପଡ଼ୁଛି ବଡ଼ଦାଣ୍ଡ, ଭାବବିହ୍ବଳ ପରିବେଶରେ ଗଡ଼ିଲା ୩ ରଥ । ଆଗେ ଆଗେ ପ୍ରଭୁ ବଳଭଦ୍ର, ମଝିରେ ଭଉଣୀ ସୁଭଦ୍ରା, ପଛରେ ଗହଳି ଲଗାଇ ଆସୁଛନ୍ତି କାଳିଆ ସାଆନ୍ତ । ଧାର୍ଯ୍ୟ ସମୟ ଠାରୁ ପ୍ରାୟ ୧ ଘଣ୍ଟା ଆଗରୁ ରଥ ଟଣା ଆରମ୍ଭ ହୋଇଛି । ଭକ୍ତିମୟ ପରିବେଶ ମଧ୍ୟରେ ବଡ଼ଠାକୁର ଶ୍ରୀବଳଭଦ୍ର ମହାପ୍ରଭୁଙ୍କ ତାଳଧ୍ୱଜ ରଥ ଟଣା ହେଉଛି । ସେହିଭଳି ଭାବମୟ ପରିବେଶରେ ଦେବୀ ସୁଭଦ୍ରାଙ୍କ ଦେବଦଳନ ରଥଟଣାର ଅପୂର୍ବ ଦୃଶ୍ୟ ଦେଖିବାକୁ ମିଳିଛି । ସେହିଭଳି ଆଧ୍ୟାତ୍ମିକ ଓ ଭକ୍ତିମୟ ପରିବେଶ ମଧ୍ୟରେ ମହାପ୍ରଭୁ ଶ୍ରୀଜଗନ୍ନାଥଙ୍କ ନନ୍ଦିଘୋଷ ରଥ ଟଣାର ଦିବ୍ୟ ଦୃଶ୍ୟ ଶ୍ରଦ୍ଧାଳୁଙ୍କ ମନ ମୋହୁଛି । ରଥ ଟାଣିବାକୁବଡ଼ଦାଣ୍ଡରେ ଲକ୍ଷ ଲକ୍ଷ ଶ୍ରଦ୍ଧାଳୁଙ୍କ ଗହଳିଚହଳି ଲାଗିଛି । ସୁରକ୍ଷା ଦୃଷ୍ଟିରୁ ପୁରୀରେ କଡ଼ା ସୁରକ୍ଷା ବ୍ୟବସ୍ଥା ଗ୍ରହଣ କରାଯାଇଛି । You Can Read: ମାଉସୀ ମା’ ମନ୍ଦିରରେ ଶ୍ରୀ ଶ୍ରୀ ହରିବଳଦେବ ଜୀଉଙ୍କ ସୁନାବେଶ, ଦୁଇ ଦିନ ଧରି ଅନୁଷ୍ଠିତ ହେବ ବାହୁଡ଼ା ଯାତ୍ରା

କାହିଁକି ପୋଡ଼ ପିଠା ଖାଇବାକୁ ମାଉସୀ ମା’ ଘରେ ଅଟକିଯାଏ ତିନି ରଥ?

କନକ ବ୍ୟୁରୋ: ମାଉସୀ ମା' ମନ୍ଦିର । ଏହା ପୁରୀ ବଡ଼ଦାଣ୍ଡରେ ଜଗନ୍ନାଥ ମନ୍ଦିର ଆଡ଼କୁ ଗଲାବେଳେ ବଳଗଣ୍ଡି ପାଖରେ ବାମପଟେ ଅବସ୍ଥିତ । ଏଠାର ଅଧିଷ୍ଠାତ୍ରୀ ଦେବୁ ମାଉସୀ ମା (ଅର୍ଦ୍ଧାଶନୀ) ଜଗନ୍ନାଥଙ୍କ ମାଉସୀ ଭାବରେ ଜଣା । ପୂର୍ବରୁ ଏଠି ହାତୀ ଗାଧୁଆ ନଦୀ ବହି ଯାଉଥିଲା । ଲୋକେ ତାକୁ ବଳବତ୍ତର ଗଣ୍ଡି କହୁଥିଲେ ଏବେ ଏହା ବଳଗଣ୍ଡି ଭାବେ ପରିଚିତ । ଆଗେ ମହାପ୍ରଭୁମାମାନଙ୍କର ରଥ ଆସି ଏଇଠି ଅଟକି କିଛି ସମୟ ବିଶ୍ରାମ ନେବାପରେ ନଈ ପାର ହୋଇ ବିଗ୍ରହମାନେ ଆରପଟରେ ଥିବା ରଥରେ ବିଜେ ହୋଇ ଗୁଣ୍ଡିଚା ମନ୍ଦିରକୁ ଯାଉଥିଲେ । ପୁଣି ଫେରିଲାବେଳକୁ ଅର୍ଥାତ ବାହୁଡ଼ାବେଳେ ଏଇଠି ମାଉସୀ ମା ଜଗନ୍ନାଥଙ୍କୁ ପୋଡ଼ପିଠା ଖାଇବାକୁ ଦେବାର ପରମ୍ପରା ଚଳି ଆସିଛି । ମା’ ଦେଖିବାକୁ ଅବିକଳ ସୁଭଦ୍ରା ଦେବୀଙ୍କ ପରି । ମାଙ୍କ ମୂର୍ତ୍ତି କୃଷ୍ଣପଥରରେ ତିଆରି । ସେ ଦ୍ୱିଭୂଜା, ଦୁଇ ପାଖରେ ଅଛନ୍ତି ଦୁଇ ପାର୍ଶ୍ୱଦେବୀ ଛାୟା ଓ ମାୟା । ମୂର୍ତ୍ତିର କଟିଦେଶ ଉପରକୁ ଆଚ୍ଛାଦିତ କରି ସୁଭଦ୍ରାଙ୍କ ମୁଖାଟିଏ ଚାପି ଦିଆଯାଇଛି । ବାହୁଡ଼ା ଯାତ୍ରାରେ ଶ୍ରୀମନ୍ଦିର ଫେରିବା ବେଳେ ମାଉସୀ ମା’ଙ୍କ ହାତରୁ ମହାପ୍ରଭୁ ପୋଡ଼ପିଠା ଖାଇଥାଆନ୍ତି । ଏହି ପରମ୍ପରା କାହିଁ କେଉଁ ଯୁଗରୁ ରହିଆସିଛି । ଏଥିପାଇଁ ମାଉସୀ ମା’ଙ୍କ ମନ୍ଦିରରେ ପୋଡ଼ପିଠା ପ୍ରସ୍ତୁତି ହୋଇଥାଏ । ମାଉସୀ ମା’ଙ୍କ ପୂଜକ ପୋଡ଼ପିଠା ପ୍ରସ୍ତୁତ ପୂର୍ବରୁ ଅଟାରେ ଛେନା, ଚିନି, ପିସ୍ତା ବାଦାମ, ଅଳେଇଚ, ଲବଙ୍ଗ, ଦେଶୀ ଘିଅ ଆଦି ମିଶାଇ ଏକ ମିଶ୍ରଣ ପ୍ରସ୍ତୁତ କରିଥାଆନ୍ତି । ଏହାକୁ ଚକଟା ଯାଇ ପୋଡ଼ପିଠା ଆକାରରେ ଚୁଲିରେ ବସାଯାଇ ବାମ୍ପରେ ସିଝିବାକୁ ଦିଆଯାଇଥାଏ । ବାମ୍ବରେ ସିଝିବା ପରେ ଏହାକୁ ବାହାର କରି ଥଣ୍ଡା ହେବାକୁ ଛାଡ଼ି ଦିଆଯାଇଯାଏ । ଥଣ୍ଡା ହେବା ପରେ ଖଣ୍ଡ ଖଣ୍ଡ କରି କାଟି ଏହାକୁ ପୁନର୍ବାର ଦେଶୀ ଘିଅରେ ଛଣା ଯାଇଥାଏ । ପରେ ତିନି ଠାକୁରଙ୍କୁ ତିନିଟି କୁଡ଼ୁଆରେ ସମର୍ପଣ କରାଯାଇଥାଏ ।

ସ୍ମୃତି ମନ୍ଧାନା ହାସଲ କଲେ ଐତିହାସିକ ରେକର୍ଡ, ଅଷ୍ଟ୍ରେଲିଆର ଏହି ଖେଳାଳିଙ୍କୁ ପଛରେ ପକାଇଲେ

ନୂଆଦିଲ୍ଲୀ: ଇଂଲଣ୍ଡ ଏବଂ ଭାରତୀୟ ମହିଳା ଟିମ ମଧ୍ୟରେ ପାଞ୍ଚଟି ମ୍ୟାଚର ଟି୨୦ ସିରିଜର ତୃତୀୟ ମୁକାବିକା Kennington Oval ଲଣ୍ଡନରେ ଖେଳାଯାଇଛି। ଏହି ମ୍ୟାଚରେ ଭାରତୀୟ ମହିଳା ଟିମ ପକ୍ଷରୁ ସ୍ମୃତି ମନ୍ଧାନା ଶାନଦାର ଅର୍ଦ୍ଧଶତକ ଇନିଂସ ଖେଳିଛନ୍ତି। ସେ ୪୯ ବଲରେ ୧୦ଟି ଚୌକା ସାହାଯ୍ୟରେ ୫୬ ରନ କରି ଆଉଟ୍ ହୋଇଛନ୍ତି। ନିଜର ଏହି ଇନିଂସରେ ସମୟରେ ସେ କିଛି ରେକର୍ଡ ମଧ୍ୟ ନିଜ ନାଁରେ କରିଛନ୍ତି। ସେ ବର୍ତ୍ତମାନ ଇଂଲଣ୍ଡର ବିପକ୍ଷ […]

ଗଡ଼ିଲା ତିନି ରଥ, ବାହୁଡୁଛନ୍ତି ୩ ଠାକୁର, ବଡ଼ଦାଣ୍ଡରେ ଲହଡ଼ି ମାରୁଛି ଜନସମୁଦ୍ର

ପୁରୀ: ଆଜି ପବିତ୍ର ବାହୁଡ଼ା ଯାତ୍ରା। ମାଉସୀ ମାଆଙ୍କ ଘରେ ରହଣୀ ପରେ ମହାପ୍ରଭୁ ବଡ଼ଭାଇ ଏବଂ ଭଉଣୀ ସହ ଶ୍ରୀମନ୍ଦିର ବାହୁଡ଼ୁଛନ୍ତି। ତେବେ ବର୍ତ୍ତମାନ ୩ ରଥ ଅର୍ଥାତ ତାଳଧ୍ୱଜ, ଦେବଦଳନ ଓ ନନ୍ଦିଘୋଷ ରଥ ଗଡ଼ିବା ଆରମ୍ଭ କରିଛି । ତିନି ରଥକୁ ଟାଣି ନେଉଛନ୍ତି ଶ୍ରଦ୍ଧାଳୁ। ବଡ଼ଦାଣ୍ଡରେ ଲକ୍ଷ ଲକ୍ଷ ଶ୍ରଦ୍ଧାଳୁଙ୍କ ଭିଡ଼ ଜମିଛି। ବଡ଼ଦାଣ୍ଡରେ ଲହଡ଼ି ମାରୁଛି ଜନସମୁଦ୍ର। ଘଣ୍ଟଘଣ୍ଟା, ଭେରିତୂରୀରେ କମ୍ପୁଛି ଗଗନ ପବନ। ଭିଡ଼ ପାଇଁ କଡ଼ା ସୁରକ୍ଷା […]

ଆଗାମୀ ୫ ଦିନ ପାଇଁ ଏମିତି ରହିବ ପାଣିପାଗ...

କନକ ବ୍ୟୁରୋ: ଆଗାମୀ ୫ ଦିନ ପାଇଁ ପାଣିପାଗ ସ୍ଥିତି ପୂର୍ବାନୁମାନ କରି ପ୍ରେସ୍ ରିଲିଜ୍ ଜାରି କରିଛି ଆଞ୍ଚଳିକ ପାଣିପାଗ କେନ୍ଦ୍ର । ମଧ୍ୟାହ୍ନ/ସନ୍ଧ୍ୟା ସମୟରେ ରାଜ୍ୟର ଅନେକ ସ୍ଥାନରେ ପ୍ରବଳ ବର୍ଷା, ଘଡ଼ଘଡ଼ି ସହ କାଳବୈଶାଖୀର ସମ୍ଭାବନା ରହିଛି । ତେଣୁ ବିଭିନ୍ନ ଜିଲ୍ଲାକୁ ଅରେଞ୍ଜ ଓ ୟେଲୋ ୱାର୍ଣ୍ଣିଂ ଜାରି କରି ଏହି ସମୟରେ ସତର୍କ ରହିବାକୁ ପରାମର୍ଶ ଦେଇଛି ପାଣିପାଗ କେନ୍ଦ୍ର । ଆସନ୍ତାକାଲି ଅର୍ଥାତ୍ ଜୁଲାଇ ୬ ତାରିଖ ପାଇଁ କିଛି ଜିଲ୍ଲାକୁ ଅରେଞ୍ଜ ଓ ୟେଲୋ ୱାର୍ଣ୍ଣିଂ ଜାରି କରି ସତର୍କ କରିଛି ପାଣିପାଗ କେନ୍ଦ୍ର । ଅରେଞ୍ଜ ୱାର୍ଣ୍ଣିଂ ଜାରି କରାଯାଇଥିବା ଜିଲ୍ଲା ଗୁଡ଼ିକ ହେଉଛି-: ସୁନ୍ଦରଗଡ଼, କେନ୍ଦୁଝର ଓ ଝାରସୁଗୁଡ଼ା । ଏହିସବୁ ଜିଲ୍ଲା ଗୁଡ଼ିକର ଗୋଟିଏ କିମ୍ବା ୨ଟି ସ୍ଥାନରେ ପ୍ରବଳରୁ ଅତି ପ୍ରବଳ ବର୍ଷା, ଘଡ଼ଘଡ଼ି ସହ ଝଟକା ପବନ ( ୩୦-୪୦) କିଲୋମିଟର ପ୍ରତି ଘଣ୍ଟା ହେବାର ସମ୍ଭାବନା ରହିଛି । ସେହିପରି ସମ୍ବଲପୁର, ବରଗଡ଼, ସୋନପୁର, ବୌଦ୍ଧ, ଅନୁଗୁଳ, ଢେଙ୍କାନାଳ, ମୟୂରଭଞ୍ଜ, ଦେବଗଡ଼, କୋରାପୁଟ, କଳାହାଣ୍ଡି, ରାୟଗଡ଼ା, କନ୍ଧମାଳ, ବଲାଙ୍ଗୀର, ନୂଆପଡ଼ା, ବାଲେଶ୍ବର, ଭଦ୍ରକ, ଯାଜପୁର, କେନ୍ଦ୍ରାପଡ଼ା, କଟକ ଓ ଜଗତସିଂହପୁର ଭଳି ଜିଲ୍ଲାକୁ ୟେଲୋ ୱାର୍ଣ୍ଣିଂ ଜାରି କରାଯାଇଛି । ଏହିସବୁ ଜିଲ୍ଲା ଗୁଡ଼ିକର ଗୋଟିଏ କିମ୍ବା ୨ଟି ସ୍ଥାନରେ ପ୍ରବଳ ବର୍ଷା ଓ ଝଟକା ପବନ ( ୩୦-୪୦) କିଲୋମିଟର ପ୍ରତି ଘଣ୍ଟା ହେବାର ପୂର୍ବାନୁମାନ କରିଛି ଆଞ୍ଚଳିକ ପାଣିପାଗ କେନ୍ଦ୍ର । ଜୁଲାଇ ୭ ତାରିଖ ପାଇଁ ମଧ୍ୟ କିଛି ଜିଲ୍ଲାକୁ ଅରେଞ୍ଜ ଓ ୟେଲୋ ୱାର୍ଣ୍ଣିଂ ଜାରି କରିଛି ପାଣିପାଗ କେନ୍ଦ୍ର । ଅରେଞ୍ଜ ୱାର୍ଣ୍ଣିଂ ଜାରି କରାଯାଇଥିବା ଜିଲ୍ଲା ଗୁଡ଼ିକ ହେଉଛି-: ମୟୂରଭଞ୍ଜ ଓ କେନ୍ଦୁଝର । ଏହି ଦୁଇଟି ଜିଲ୍ଲାର ଗୋଟିଏ କିମ୍ବା ୨ଟି ସ୍ଥାନରେ ପ୍ରବଳରୁ ଅତି ପ୍ରବଳ ବର୍ଷା, ଘଡ଼ଘଡ଼ି ସହ ଝଟକା ପବନ ( ୩୦-୪୦) କିଲୋମିଟର ପ୍ରତି ଘଣ୍ଟା ହେବାର ସମ୍ଭାବନା ରହିଛି । ସେହିପରି ସୁନ୍ଦରଗଡ଼, ଝାରସୁଗୁଡ଼ା, ସମ୍ବଲପୁର, ଦେବଗଡ଼, ବରଗଡ଼, ସୋନପୁର, ଅନୁଗୁଳ, ଢେଙ୍କାନାଳ, ନବରଙ୍ଗପୁର, କୋରାପୁଟ, ରାୟଗଡ଼ା, ବାଲେଶ୍ବର, ଭଦ୍ରକ, ଯାଜପୁର, କେନ୍ଦ୍ରାପଡ଼ା, କଟକ ଓ ଜଗତସିଂହପୁର ଭଳି ଜିଲ୍ଲା ଗୁଡ଼ିକର ଗୋଟିଏ କିମ୍ବା ୨ଟି ସ୍ଥାନରେ ଘଡ଼ଘଡ଼ି ସହ ଝଟକା ପବନ ( ୩୦-୪୦) କିଲୋମିଟର ପ୍ରତି ଘଣ୍ଟା ହେବାର ସମ୍ଭାବନା ରହିଛି । ସେହିପରି ଜୁଲାଇ ୮ ତାରିଖରେ ଅନେକ ଜିଲ୍ଲାକୁ ୟେଲୋ ୱାର୍ଣ୍ଣିଂ ଜାରି କରାଯାଇଛି । ସୁନ୍ଦରଗଡ଼, ଝାରସୁଗୁଡ଼ା, ସମ୍ବଲପୁର ଓ ବରଗଡ଼ ଭଳି ଜିଲ୍ଲାକୁ ସତର୍କ କରାଯାଇଥିବାବେଳେ ଜୁଲାଇ ୯ ତାରିଖରେ ଝାରସୁଗୁଡ଼ା, ବରଗଡ଼ ଓ ସୁନ୍ଦରଗଡ଼ ଭଳି ଜିଲ୍ଲାକୁ ୟେଲୋ ୱାର୍ଣ୍ଣିଂ ଜାରି କରାଯାଇଛି । ଏହିସବୁ ଜିଲ୍ଲାର ଗୋଟିଏ କିମ୍ବା ୨ଟି ସ୍ଥାନରେ ପ୍ରବଳ ବର୍ଷା ହୋଇପାରେ । ଏପଟେ ଜୁଲାଇ ୧୦ରୁ ୧୨ ତାରିଖ ଯାଏଁ ପାଗରେ ସାମାନ୍ୟ ପରିବର୍ତ୍ତନ ହୋଇପାରେ ।

ଏହି ଜାଗାରେ ଶେଷ ହୁଏ ଦୁନିଆ! ଆସନ୍ତୁ ଜାଣିବା

ଓଡିଶାଭାସ୍କର: ଏହି ଜାଗାରେ ଶେଷ ହୁଏ ଦୁନିଆ! ଆଜ୍ଞା ହଁ, ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ତାଙ୍କର ପାଞ୍ଚ ଦିନିଆ ଗସ୍ତରେ ଆର୍ଜେଣ୍ଟିନା ପହଞ୍ଚିବା ପରେ ଏହି ଦେଶ ପୁଣି ଥରେ ଚର୍ଚ୍ଚାକୁ ଆସିଛି। ଆର୍ଜେଣ୍ଟିନାରେ ଏକ ସହର ଅଛି ଯାହାକୁ ବିଶ୍ୱର ଶେଷ ବୋଲି କୁହାଯାଏ। ଉଶୁଆଇଆ ସହର ହେଉଛି ଆର୍ଜେଣ୍ଟିନାର ଟିଆରା ଡେଲ୍ ଫୁଏଗୋ ରାଜ୍ୟର ରାଜଧାନୀ। ମାର୍ଶାଲ୍ ପର୍ବତମାଳା ଏବଂ ବିଗଲ୍ ଚ୍ୟାନେଲ ମଧ୍ୟରେ ଅବସ୍ଥିତ ଏହି ସହର ଆଣ୍ଟାର୍କଟିକାରୁ ମାତ୍ର ଏକ ହଜାର […]

ଲକ୍ଷାଧିକ ଛାତ୍ରଙ୍କ ପାଇଁ ଖୁସି ଖବର! ମୁଖ୍ୟମନ୍ତ୍ରୀ ଘୋଷଣା କଲେ ମାଗଣା ସାଇକେଲ ଯୋଜନା, ଜାଣନ୍ତୁ କେଉଁ ରାଜ୍ୟରେ ଓ କାହାକୁ ମିଳିବ ଲାଭ

ମଧ୍ୟପ୍ରଦେଶ ସରକାର ଛାତ୍ରଛାତ୍ରୀଙ୍କ ପାଇଁ ଏକ ଗୁରୁତ୍ୱପୂର୍ଣ୍ଣ ଘୋଷଣା କରିଛନ୍ତି। ମୋହନ ଯାଦବ ସରକାର ୧୦ ଜୁଲାଇ ୨୦୨୫ରେ ରାଜ୍ୟର ପ୍ରାୟ ୧୫ ଲକ୍ଷ ଛାତ୍ରଛାତ୍ରୀଙ୍କୁ ମାଗଣା ସାଇକେଲ ବଣ୍ଟନ କରିବେ। ଏହି ଯୋଜନା ଷଷ୍ଠ ଓ ନବମ ଶ୍ରେଣୀରେ ପ୍ରବେଶ କରୁଥିବା ଛାତ୍ରଛାତ୍ରୀଙ୍କ ପାଇଁ ଉଦ୍ଦିଷ୍ଟ, ଯାହା ସେମାନଙ୍କୁ ଶିକ୍ଷା ଗ୍ରହଣରେ ସାହାଯ୍ୟ କରିବ। ନିଶୁଳ୍କ ସାଇକେଲ ଯୋଜନା ଅଧୀନରେ ଗ୍ରାମାଞ୍ଚଳର ସରକାରୀ ବିଦ୍ୟାଳୟରେ ପଢୁଥିବା ଛାତ୍ରଛାତ୍ରୀମାନେ ଏହି ସୁବିଧା ପାଇବେ। ଏହି ଯୋଜନାର ମୁଖ୍ୟ […]

ଘରେ ଝିଅ ଜନ୍ମ ହେଲେ ମିଳିବ ୨୭ ଲକ୍ଷ ଟଙ୍କା, ଜାଣନ୍ତୁ ନିୟମ

ଓଡିଶା ଭାସ୍କର: ଘରେ ଝିଅ ଜନ୍ମ ହେଲେ ଆପଣଙ୍କୁ ମିଳିବ 27 ଲକ୍ଷ ଟଙ୍କା। ଆଜ୍ଞା ହଁ, କେନ୍ଦ୍ର ସରକାରଙ୍କ ଏପରି ଏକ ଯୋଜନା ଅଛି ଯାହା ଆପଣଙ୍କ ଝିଅ ଜନ୍ମ ହେବାଠାରୁ ବଡ଼ ହେବା ପର୍ଯ୍ୟନ୍ତ ଆପଣଙ୍କୁ ଆର୍ଥିକ ଦୃଷ୍ଟିରୁ ଏତେ ମଜବୁତ କରିବ ଯେ ୨୧ ବର୍ଷ ପରେ ଆପଣ ପ୍ରତି ମାସରେ ଅଳ୍ପ କିଛି ସଞ୍ଚୟ କରି ୨୭ ଲକ୍ଷ ଟଙ୍କା ପର୍ଯ୍ୟନ୍ତ ପାଇପାରିବେ। ଏହି ଯୋଜନାର ନାମ ସୁକନ୍ୟା ସମୃଦ୍ଧି ଯୋଜନା, […]

ଗଡ଼ିଲା ନନ୍ଦିଘୋଷ ରଥ: ଶ୍ରୀ ଜଗନ୍ନାଥଙ୍କ ରଥଟଣା ଆରମ୍ଭ

କନକ ବ୍ୟୁରୋ: ଆରମ୍ଭ ହେଲା ମହାପ୍ରଭୁ ଶ୍ରୀ ଜଗନ୍ନାଥଙ୍କ ରଥଟଣା । ଚତୁର୍ଦ୍ଧାମୂର୍ତ୍ତି ରଥାରୂଢ଼ କରାଯାଇ ଗଜପତି ଦିବ୍ୟସିଂହ ଦେବଙ୍କ ଛେରାପହଁରା ନୀତି ପରେ ବାହୁଡ଼ା ରଥଯାତ୍ରାରେ ରଥଟଣା ଧାର୍ୟ୍ୟ ସମୟର ଘଣ୍ଟାଏ ପୂର୍ବରୁ ଆରମ୍ଭ ହୋଇଥିଲା । ନୀତି ନିର୍ଘଣ୍ଟରେ ରଥଟଣା ଅପରାହ୍ନ ୪ଟାରେ ଆରମ୍ଭ ହେବ ବୋଲି କୁହାଯାଇଥିଲା । ମାତ୍ର ଏହାର ଏକଘଣ୍ଟା ଆଗରୁ ଅପରାହ୍ନ ୩ଟାରେ ବଳଭଦ୍ରଙ୍କ ରଥ ଟଣା ହୋଇଥିଲା । ପ୍ରଥମେ ପ୍ରଭୁ ବଳଭଦ୍ର, ପରେ ମା’ ସୁଭଦ୍ରା ଆଉ ଶେଷ କାଳିଆ ଠାକୁରଙ୍କ ରଥଟଣା ନୀତି ଆରମ୍ଭ ହୋଇଛି । ଆଜି ଶ୍ରୀଗୁଣ୍ଡିଚା ମନ୍ଦିରରୁ ପ୍ରଭୁ ଶ୍ରୀବଳଭଦ୍ର, ଦେବୀ ମା’ସୁଭଦ୍ରା ଏବଂ ମହାପ୍ରଭୁ ଶ୍ରୀଜଗନ୍ନାଥଙ୍କର ଶ୍ରୀମନ୍ଦିରକୁ ବାହୁଡ଼ା ଯାତ୍ରା ନୀତି ଆରମ୍ଭ ହୋଇଥିଲା । ଚତୁର୍ଦ୍ଧାମୂର୍ତ୍ତି ରଥାରୂଢ଼ ହୋଇଛନ୍ତି । ପ୍ରଥମେ ଶ୍ରୀଗୁଣ୍ଡିଚା ମନ୍ଦିରରୁ ଚକ୍ରରାଜ ଶ୍ରୀସୁଦର୍ଶନଙ୍କୁ ପହଣ୍ଡିରେ ସେବାୟତମାନେ ଆଣିଥିଲେ । ଏହାପରେ ପାରମ୍ପରିକ ବାଦ୍ୟର ତାଳେ ତାଳେ ଧାଡ଼ି ପହଣ୍ଡିରେ ତାଳଧ୍ୱଜ ରଥକୁ ବଡ଼ ଠାକୁର ଶ୍ରୀବଳଭଦ୍ରଙ୍କର ବିଜେ କରାଯାଇଥିଲା ।

ଏହି ଡାଲିର ପାଣି ଅନେକ ରୋଗକୁ କରିଥାଏ ଦୂର, ଫ୍ୟାଟି ଲିଭର ଏବଂ ବ୍ୟାଡ୍ କୋଲେଷ୍ଟ୍ରଲ ରୋଗୀଙ୍କ ପାଇଁ ରାମବାଣ

ଓଡ଼ିଶା ଭାସ୍କର: ଆଜିକାଲିର ବ୍ୟସ୍ତବହୁଳ ଜୀବନଶୈଳୀ ଯୋଗୁଁ ଫ୍ୟାଟି ଲିଭର ସମସ୍ୟା ଦ୍ରୁତ ଗତିରେ ବଢ଼ିବାରେ ଲାଗିଛି। ଆଜିକାଲି ପ୍ରାୟତଃ ଲୋକଙ୍କର ପାଚନ ସମ୍ବନ୍ଧୀୟ ସମସ୍ୟା ଦେଖିବାକୁ ମିଳୁଛି। ଏହାର ଏକ ମୁଖ୍ୟ କାରଣ ହେଉଛି, ଲିଭର ଠିକ୍ ଭାବରେ କାମ ନକରିବା। ଏଥିପାଇଁ ମୁଗ ଡାଲି ପାଣି ପିଅନ୍ତୁ। ଏହା କରିବା ଦ୍ୱାରା ଶରୀରରେ ଜମା ହୋଇଥିବା ଚର୍ବି ଡିଟକ୍ସିଫାଇ ହୋଇଥାଏ, ପାଚନକୁ ତ୍ୱରାନ୍ୱିତ କରିବା ଏବଂ ଧମନୀକୁ ସଫା ଏବଂ ସୁସ୍ଥ ରଖିବାରେ ପ୍ରଭାବଶାଳୀ। […]

ଐଶ୍ବର୍ଯ୍ୟାଙ୍କ ସହ ଛାଡପତ୍ରକୁ ନେଇ ମୁହଁ ଖୋଲିଲେ ଅଭିଷେକ: କହିଲେ, ମୋ ପରିବାର ମୋ ଘରର ଶୋଭା ବଢାଉଛନ୍ତି..

କନକ ବ୍ୟୁରୋ : ଐଶ୍ବର୍ଯ୍ୟାଙ୍କ ସହ ଛାଡ଼ପତ୍ରକୁ ନେଇ ହେଉଥିବା ଆଲୋଚନା ମଧ୍ୟରେ ଅଭିଷେକ ବଚ୍ଚନ ନିଜର ନିରବତା ଭାଙ୍ଗିଛନ୍ତି । ବହୁତ ଦିନ ହେବ କପଲଙ୍କ ଛାଡପତ୍ର ନେଇ ଅନେକ ଆଲୋଚନା ଚାଲିଛି । ଏ ସମ୍ପର୍କରେ ନା ଐଶ୍ବର୍ଯ୍ୟା କେବେ ମିଡିଆ ସାମ୍ନାରେ କିଛି କହିଥିଲେ ନା ଅଭିଷେକ ବଚ୍ଚନ । ଏବେ ଅଭିଷେକ ଏହି ମିଥ୍ୟା ଆଲୋଚନା ଉପରେ ବିରାମ ଲଗାଇଛନ୍ତି । ଏକ ଜାତୀୟ ଗଣମାଧ୍ୟମକୁ ସାକ୍ଷାତକାର ଦେଇ ଐଶ୍ବର୍ଯ୍ୟା ଏବଂ ତାଙ୍କ ସମ୍ପର୍କର ସତ୍ୟତା ଜଣାଇଛନ୍ତି । ଅଭିଷେକ କହିଛନ୍ତି ମୁଁ ଯେତେବେଳେ କାମ ସାରି ଘରକୁ ଫେରିଥାଏ ସେତେବେଳେ ମୋ ଏକ ସୁନ୍ଦର ପରିବାର ଦେଖିବାକୁ ମିଳିଥାଏ । ଅଭିଷେକ ଆଗକୁ ମଧ୍ୟ କହିଛନ୍ତି ତାଙ୍କ ସ୍ତ୍ରୀ ଐଶ୍ବର୍ଯ୍ୟା ବାହାର ଦୁନିଆର ଆଲୋଚନା କୁ କେବେ ଧ୍ୟାନ ଦେଇନଥାନ୍ତି କି ପରିବାରରେ ଏହାର ପ୍ରଭାବ ମଧ୍ୟ ପଡିବାକୁ ଦିଅନ୍ତି ନାହିଁ । ଅଭିଷେକ ଆହୁରି ମଧ୍ୟ କହିଛନ୍ତି ମୋ ମା’ ଏବଂ ସ୍ତ୍ରୀ ବାହାରର ଦୁନିଆର କଥାବର୍ତ୍ତାକୁ ଖାତିର କରନ୍ତି ନାହିଁ କି ଘରେ ପ୍ରବେଶ କରାଇଦିଅନ୍ତି ନାହିଁ । ଅଭିଷେକ କହିଛନ୍ତି ଫିଲ୍ମ ଇଣ୍ଡଷ୍ଟ୍ରିରେ ରହି ହିଁ ମୁଁ ବଡ଼ ହୋଇଛି । ତେଣୁ ମୁଁ ଜାଣିଛି କେଉଁ କଥାକୁ ଗୁରୁତ୍ବର ସହ ନେବା ଉଚିତ୍‌ ଆଉ କେଉଁ କଥା ନେବା ଉଚିତ୍‌ ନୁହେଁ । ସୋସିଆଲ ମିଡ଼ିଆରେ କଣ ଚାଲିଛି ସେଥିରୁ ମୋର କିଛି ଫରକ୍‌ ପଡେନା ବୋଲି ଅଭିଷେକ କହିଛନ୍ତି ।

“ସୋନମ ପାଇଁ ଲୋକେ ବାହା ହେବାକୁ ଡ଼ରୁଛନ୍ତି”, ରାଜା ରଘବଂଶୀଙ୍କ ହତ୍ୟାକୁ ନେଇ ବର୍ଷିଲେ କଂଗ୍ରେସ କାଉନସିଲର

ନୂଆଦିଲ୍ଲୀ: ମଧ୍ୟପ୍ରଦେଶର ଇନ୍ଦୋରରୁ ରାଜା ରଘୁବଂଶୀ ହତ୍ୟା ମାମଲାକୁ ନେଇ ଏକ ବଡ଼ ଖବର ସାମ୍ନାକୁ ଆସିଛି। ଶିଲଂ ପୋଲିସ ଏହି ମାମଲାର ଗମ୍ଭୀରତାର ସହ ତଦନ୍ତ ଚଳାଇଛି। ଏହାରି ମଧ୍ୟରେ, ଏଠାକାର ଜଣେ ମହିଳା କଂଗ୍ରେସ କାଉନସିଲର ଏହି ମାମଲାର ମୁଖ୍ୟ ଅଭିଯୁକ୍ତ ଏବଂ ରାଜାଙ୍କ ପତ୍ନୀ ସୋନମ ରଘୁବଂଶୀଙ୍କୁ ତାଲିବାନ ଦଣ୍ଡ ଦେଇ ମୃତ୍ୟୁଦଣ୍ଡ ଦାବି କରିଛନ୍ତି। କଂଗ୍ରେସ କାଉନସିଲର ଏପରି କହିଛନ୍ତି ଯେ, ସୋନମଙ୍କ ଯୋଗୁଁ ଇନ୍ଦୋରର ଲୋକମାନେ ଏବେ ବିବାହ କରିବାକୁ […]

ଆଜି ହେଉଛି ବିନାଶର ଦିନ! ୨ ସପ୍ତାହରେ ୧୦୦୦ରୁ ଅଧିକ ଭୂକମ୍ପ, ଏହି ଭୟଙ୍କର ଭବିଷ୍ୟବାଣୀ ସତ ହେଉଥିବା ଦେଖି ଲୋକଙ୍କ ଉଡ଼ିଲା ହୋସ

ଜାପାନର ତୋକାରା ଦ୍ୱୀପପୁଞ୍ଜରେ ଗତ ଦୁଇ ସପ୍ତାହ ମଧ୍ୟରେ ୧୦୦୦ରୁ ଅଧିକ ଭୂକମ୍ପ ରେକର୍ଡ ହୋଇଛି, ଯାହା ଲୋକଙ୍କ ମଧ୍ୟରେ ଭୟ ଓ ଆତଙ୍କ ସୃଷ୍ଟି କରିଛି। ଏହି ଭୂକମ୍ପ ଶୃଙ୍ଖଳାର ଆରମ୍ଭ ୨୩ ଜୁନ ସକାଳୁ ହୋଇଥିଲା ଏବଂ ଏହା ପରଠାରୁ ପ୍ରଶାସନ ଅଞ୍ଚଳରୁ ଲୋକଙ୍କୁ ସୁରକ୍ଷିତ ସ୍ଥାନକୁ ସ୍ଥାନାନ୍ତର କରିବା ଆରମ୍ଭ କରିଛି। ଏକ୍ସରେ ଭାଇରାଲ ହେଉଥିବା ପୋଷ୍ଟ ଅନୁଯାୟୀ, ଏକ ମାଙ୍ଗା କମିକ୍ ବୁକ୍‌ରେ ୫ ଜୁଲାଇରେ ଜାପାନରେ ବିପୁଳ ବିନାଶର ଭବିଷ୍ୟବାଣୀ […]

ପୋଷ୍ଟ ଅଫିସର ଏହି ସରକାରୀ ଯୋଜନା କେବଳ ସୁଧରୁ ଦେବ ₹୮୨,୦୦୦ର ଆୟ, ବରିଷ୍ଠ ନାଗରିକଙ୍କ ପାଇଁ ସୁବର୍ଣ୍ଣ ସୁଯୋଗ

ନୂଆଦିଲ୍ଲୀ: ଯଦି ଆପଣ ଭବିଷ୍ୟତର ଆର୍ଥିକ ସୁରକ୍ଷାକୁ ନେଇ ଚିନ୍ତିତ ଏବଂ କମ୍ ବିପଦରେ ଉତ୍ତମ ରିଟର୍ଣ୍ଣ ଚାହୁଁଛନ୍ତି, ତେବେ ଭାରତୀୟ ଡାକ ବିଭାଗର ଏକ ଯୋଜନା ଆପଣଙ୍କ ପାଇଁ ଏକ ଉତ୍ତମ ବିକଳ୍ପ ହୋଇପାରେ। ଏହି ଯୋଜନା, ଯାହା ସିନିୟର ସିଟିଜେନ ସେଭିଂସ ସ୍କିମ (ଏସସିଏସଏସ) ଅଧୀନରେ ପରିଚାଳିତ, ୮.୨%ର ଆକର୍ଷଣୀୟ ସୁଧ ହାର ସହିତ ନିରାପଦ ନିବେଶର ସୁଯୋଗ ପ୍ରଦାନ କରୁଛି। ଏହା କେବଳ ସୁଧ ମାଧ୍ୟମରେ ଆପଣଙ୍କୁ ₹୮୨,୦୦୦ ପର୍ଯ୍ୟନ୍ତ ଆୟ କରାଇପାରେ, […]