୨୪ ଘଣ୍ଟା ଭିତରେ ଗଞ୍ଜାମରେ ଦୁଇ ଦୁଇଟି ହତ୍ୟାକାଣ୍ଡ, ପୋଲିସକୁ ଅପରାଧୀଙ୍କ ଚ୍ୟାଲେଞ୍ଜ

ବ୍ରହ୍ମପୁର: ଗଞ୍ଜାମ ଜିଲ୍ଲାରେ୨୪ଘଣ୍ଟା ଭିତରେ ଦୁଇ ଦୁଇଟି ହତ୍ୟାକାଣ୍ଡ।କାହାକୁ ବିଚ୍ରାସ୍ତାରେ ଗୋଡ଼ାଇ ଗୋଡ଼ାଇ ଖଣ୍ଡାରେ ଆକ୍ରମଣ କରି ହତ୍ୟା ତ ଆଉ କାହାକୁ ଗୁଳି କରି ହତ୍ୟା।ଦିନ ଦ୍ବିପ୍ରହରରେ ପୁଲିସକୁ ଚ୍ୟାଲେଞ୍ଜ ଦେଉଛନ୍ତି ଅପରାଧୀ।କବିସୂର୍ଯ୍ୟନଗର ଥାନା ପଥରାପଲ୍ଲି ଗାଁର ମୁଖ୍ଯ ସଡକ ଉପରେ ଘଟିଯାଇଛି ଏକ ଗୁଳିମାଡ ଘଟଣା । ଗୁଳିମାଡରେ କବିସୂର୍ଯ୍ୟନଗର ଆଠଗଡପାଟଣା ଗ୍ରାମର ବିଜେପି ନେତା ଭାବରେ ପରିଚିତ ଥିବା ଲକ୍ଷ୍ମୀ ନାରାୟଣ ଓରଫ କୁନା ପାଇକରାୟଙ୍କ ମୃତ୍ୟୁବରଣ ହୋଇଥିବା ବେଳେ ଅତି ନିକଟରୁ ଗୁଳିମାଡ କରି ହତ୍ୟା କରାଯାଇଥିବା ଜଣାପଡିଛି । ମୃତକ ଲକ୍ଷ୍ମୀ ପାଇକରାୟଙ୍କ ନାମରେ ମଧ୍ଯ ଜିଲ୍ଲା ଏବଂ ଜିଲ୍ଲା ବାହାରର ବିଭିନ୍ନ ଥାନାରେ ଏକାଧିକ ଅପରାଧିକ ମାମଲା ଥିବା ଜଣାପଡିଛି। ମୃତକ ଲକ୍ଷ୍ମୀ କବିସୂର୍ଯ୍ୟନଗର ବିଧାୟକଙ୍କ ଦୃଢ ସମର୍ଥକ ଥିଲେ । ଏପରି କି ସେ କବିସୂର୍ଯ୍ୟନଗର ବିଧାନସଭା ନିର୍ବାଚନ ମଣ୍ଡଳୀରର ବିଭିନ୍ନ ଅଂଚଳରେ ଠିକାଦରି କାର୍ଯ୍ଯ କରୁଥିବା ବେଳେ କିଏ କାହିଁକି ଏଭଳି ତାଙ୍କୁ ଗୁଳି କରି ହତ୍ୟା କରିଛି ତାହାର ଅସ୍ପଷ୍ଟ ରହିଛି । ସେହିପରି ୨୮ ତାରିଖ ରାତିରେ ପୁରୁଷୋତ୍ତମପୁର ଥାନା ଅନ୍ତର୍ଗତ ସମା ନିକଟରେ ଶିକୁଳା ଗାଁର ସୁମନ୍ତ ମହାପାତ୍ର ନାମକ ଜୈନିକ ଯୁବକଙ୍କୁ ସଙ୍ଘବଦ୍ଧ ଭାବେ ଗୋଡ଼ାଇ ଗୋଡ଼ାଇ ଆକ୍ରମଣ କରି ହତ୍ୟା କରିଥିଲେ। ୧୦ ରୁ ୧୨ ଜଣ ଯୁବକ ସଙ୍ଘବଦ୍ଧ ଭାବେ ମାରଣାସ୍ତ୍ରରେ ଆକ୍ରମଣ କରି ହତ୍ୟା କରିଥିବା ପରିବାରବର୍ଗ ଅଭିଯୋଗ କରିଛନ୍ତି। ସିକୁଳା ଗାଁ ରୁ ସମା ମେଡିକାଲକୁ ବଡ଼ ଭାଇଙ୍କ ସ୍ୱାସ୍ଥ୍ୟ ପରୀକ୍ଷା ପାଇଁ ଆସୁଥିବା ବେଳେ ହତ୍ୟା କରିଥିଲେ ବୋଲି ମୃତକଙ୍କ ବଡ଼ ଭାଇ କହିଛନ୍ତି। ତେବେ ୨୪ ଘଣ୍ଟା ମଧ୍ଯରେ ଗୋଟିଏ ନିର୍ବାଚନ ମଣ୍ଡଳୀରେ ଦୁଇ ଦୁଇଟି ହତ୍ୟାକାଣ୍ଡ ଘଟଣା ଘଟିଥିବା ବେଳେ ଜିଲ୍ଲାରେ ଆଇନ ଶୃଙ୍ଖଳା ପରିସ୍ଥିତି ବିପର୍ଯ୍ୟସ୍ତ ନେଇ ବୁଦ୍ଧିଜୀବୀ ମହଲରେ ତୀବ୍ର ପ୍ରତିକ୍ରିୟା ଦେଖା ଦେଇଛି। Also read: ଆୟ ବହିର୍ଭୂତ ସମ୍ପତ୍ତି ଠୁଳ ଅଭିଯୋଗ : OWSSB ଆସିଷ୍ଟାଣ୍ଟ ପ୍ରୋଜେକ୍ଟ ମ୍ୟାନେଜରଙ୍କୁ ଗିରଫ କଲା ଭିଜିଲାନ୍ସ ତେବେ ଏହି ହତ୍ୟାକାଣ୍ଡ ପରେ ହତ୍ୟାକାରୀ ମାନେ ଫେରାର ହୋଇଯାଇଥିବା ବେଳେ ପୁରୁଷୋତ୍ତମପୁର SDPO ଓ ଅତିରିକ୍ତ SP ଙ୍କ ନେତୃତ୍ବ ରେ ଏକ ଟିମ ଗଠନ କରାଯାଇ ଘଟଣାର ତଦନ୍ତ ଆରମ୍ଭ କରାଯାଇଛି। ଯିଏବି ଏହି ହତ୍ୟାକାଣ୍ଡ ରେ ଜଡିତ ଥିବ ତୁରନ୍ତ ଗିରଫ କରାଯିବ ବୋଲି ଅତିରିକ୍ତ ଏସପି ଗଣମାଧ୍ୟମକୁ ସୂଚନା ଦେଇଛନ୍ତି । ଅନ୍ୟପଟେ କିନ୍ତୁ କବିସୂର୍ଯ୍ୟନଗର ବିଧାୟକ ପ୍ରତାପ ନାୟକ ଘଟଣାସ୍ଥଳ ପରିଦର୍ଶନ କରିବା ସହ ହତ୍ୟାକାଣ୍ଡ ପଛରେ ବିଜେଡିର ହାତ ଥିବାର ରୋକଠୋକ କହିଛନ୍ତି । ଯାହାକି ଏବେ ଘଟଣା ଆଲୋଚନାର ପ୍ରମୁଖ କାରଣ ହୋଇଛି । ଅପର ପକ୍ଷରେ ଘଟଣାକୁ ନେଇ ପରିବାରବର୍ଗ ମୁହଁ ଖୋଲି ନାହାନ୍ତି l କବିସୂର୍ଯ୍ୟ ନଗର ନିର୍ବାଚନ ମଣ୍ଡଳୀରେ ଦୁଇ ଦିନ ଭିତରେ ଦୁଇ ଦୁଇଟି ହତ୍ୟାକାଣ୍ଡ ଘଟିଥିବା ବେଳେ ଅପରାଧୀଙ୍କ ବିରୁଦ୍ଧରେ ପୁଲିସର କାର୍ଯ୍ୟାନୁଷ୍ଠାନ କଣ ରହିବ ତା ଉପରେ ରହିଛି ସମସ୍ତଙ୍କର ନଜର।

ଦୁନିଆକୁ ଘାରିଛି Ghibli ନିଶା, ହଜିଲା ChatGPT ନିଦ, ଜାଣନ୍ତୁ କଣ କହିଲେ CEO ଅଲ୍ଟମ୍ୟାନ

ନୂଆଦିଲ୍ଲୀ ୩୦।୩: ଓପନ ଏଆଇର ଚାଟ୍ ଜିପିଟି ଇଣ୍ଟରନେଟରେ ଏକ ନୂଆ ଝଡ଼ ସୃଷ୍ଟି କରିଛି। ଇଣ୍ଟରନେଟ୍ ୟୁଜର କମ୍ପାନୀର ଏକ ନୂଆ ସୁବିଧା ଷ୍ଟୁଡିଓ ଘିବଲୀ ଉପରେ ମୋହିତ ହୋଇଯାଇଛନ୍ତି। ଏଥି ପାଇଁ ଓପନ ଏଆଇର ସର୍ଭର ଉପରେ ଏତେ ଚାପ ସୃଷ୍ଟି ହୋଇଛି ଯେ କମ୍ପାନୀର ସିଇଓ ନିଜେ ଟ୍ୱିଟ୍ କରି ଲୋକଙ୍କୁ ଏଥିରୁ କ୍ଷାନ୍ତ ହେବାକୁ ନିବେଦନ କରିଛନ୍ତି। ଚାଟ ଜିପିଟି ଇମେଜ ଜେନେରେସନ ଟୁଲର ବ୍ୟାପକ ବ୍ୟବହାର ପରେ ଓପନ ଏଆଇ ସିଇଓ ସାମ ଅଲ୍ଟମ୍ୟାନ ନିଜେ ଟ୍ୱିଟ୍ କରିଛନ୍ତି। can yall please chill on generating images this is insane our team needs sleep — Sam Altman (@sama) March 30, 2025 ସେ ଲେଖିଛନ୍ତି ଆପଣମାନେ ଇମେଜି ତିଆରିରେ ଟିକେ ବିରତି ନେଇ ପାରିବେକି? ଏହା ଆପଣମାନଙ୍କ ପାଗଳାମୀ ହୋଇପାରେ ହେଲେ ଆମ ଟିମ୍‌ ଟିକେ ଶାନ୍ତିରେ ଶୋଇବାକୁ ଚାହୁଁଛୁ। ତାଙ୍କର ଏହି ଟ୍ୱିଟ ଏବେ ଭାଇରାଲ ହେଉଥିବା ବେଳେ ଲୋକେ କିନ୍ତୁ ଇମେଜ ତିଆରିରୁ ନିଜକୁ ରୋକି ପାରୁ ନାହାନ୍ତି। ପ୍ରକାର ପ୍ରକାରର ଇମେଜ ସୃଷ୍ଟି କରି ନିଜନିଜ ସୋସିଆଲ ସାଇଟରେ ଅପଲୋଡ କରିବାରେ ଲାଗିଛନ୍ତି। ଏଥିରେ ଦେଶ ଦୁନିଆର ନେତା ହୁଅନ୍ତୁ କି ପର୍ବପର୍ବାଣୀ ସବୁର ଏବେ ଇମେଜ ତିଆରି ଚାଲିଛି। କିପରି କରିବେ ଘିବଲୀ ଇମେଜ? ଏଥିପାଇଁ ଆପଣଙ୍କୁ ଚାଟଜିପିଟି ଆପ୍ ଅଥବା ୱେବସାଇଟ୍ କୁ ଯିବାକୁ ପଡିବ। ଏଥିରେ ତଳେ ଦିଆଯାଇଥିବା ‘ପ୍ଲସ୍’ ଆଇକନରେ କ୍ଲିକ୍ କରି ନିଜର ଫଟୋ ଅପଲୋଡ କରନ୍ତୁ। ଲେଖନ୍ତୁ ଘିବଲୀଫାଇ କର ନଚେତ ଏହି ଫଟୋକୁ ଷ୍ଟୁଡିଓ ଘିବଲୀ ଥିମରେ ବଦଳାଇ ଦିଅ। କିଛି ସମୟର ଅପେକ୍ଷା ପରେ ଆପଣଙ୍କୁ ମିଳିବ ଖୁସି କରିଦେବା ଭଳି ଘିବଲୀ ଷ୍ଟାଇଲ ଇମେଜ। ଚାଟ ଜିପିଟି ବ୍ୟବହାର କରୁଥିବା ଲୋକଙ୍କ ନିମନ୍ତେ ପ୍ରତିଦିନ ମାଗଣାରେ ୩ଟି ଫଟୋ ଏଡିଟର ସୁବିଧା ଦିଆଯାଉଛି।

ଇରାନକୁ ଟ୍ରମ୍ପଙ୍କ ଖୋଲା ଧମକ: ସର୍ତ୍ତରେ ରାଜି ହୁଅ ନହେଲେ ଏମିତି ବୋମା ମାଡ଼ ହେବ, ପୂର୍ବରୁ କେବେ ଦେଖି ନଥିବ

ନୂଆଦିଲ୍ଲୀ: ଇରାନକୁ ଖୋଲାଖୋଲି ଧମକ ଦେଲେ ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ। ନ୍ୟୁକ୍ଲିୟର ସର୍ତ୍ତରେ ରାଜି ହେଇଯାଅ ନହେଲେ ଏମିତି ବୋମା ମାଡ଼ କରିବୁ ଯେ ପୂର୍ବରୁ କେବେ ଦେଖି ନଥିବ। ଆମେରିକା ଗଣମାଧ୍ୟମ ଏନ୍‌ବିସି ନ୍ୟୁଜ୍‌କୁ ସାକ୍ଷାତ୍‌କାର ଦେଇ ଏପରି କହିଛନ୍ତି ଡୋନାଲ୍ଡ ଟ୍ରମ୍ପ। ଆମେରିକା ଇରାନ ସହିତ ପରମାଣୁ ବୋମାକୁ ନେଇ ଚୁକ୍ତି କରିବାକୁ ଚାହୁଁଛି। ହେଲେ ଇରାନ ଏଥିପାଇଁ ରାଜି ହେଉ ନାହିଁ। ଏନେଇ ଟ୍ରମ୍ପ ଇରାନ ସର୍ବୋଚ୍ଚ ନେତାଙ୍କୁ ନିକଟରେ ଏକ ଚିଠି ପଠାଇଥିଲେ। ହେଲେ ତେହରାନର କୌଣଶି ନେତା ସିଧା ସଳକ ଏନେଇ କୌଣସି ପ୍ରତିକ୍ରିୟା ଦେଇ ନଥିଲା। ତେବେ ରବିବାର ସକାଳ ଇରାନ ଆମେରିକା ସହିତ ସିଧାସଳଖ ଏ ନେଇ ଆଲୋଚନା କରିବାକୁ ମନା କରିଦେଇଥିଲା। ପଢନ୍ତୁ- ନେପାଳରେ ହିଂସା, ଫେରିବ କି ରାଜଶାହୀ; ଓଲି ସରକାରଙ୍କ ଆକ୍ସନ ବନାମ ପ୍ରଦର୍ଶନକାରୀଙ୍କ ଅଲ୍‌ଟିମେଟମ୍ ଇରାନ ରାଷ୍ଟ୍ରପତି ମାସୁଦ ପେଜେଶକିୟାନ କହିଥିଲେ ଯେ ଆମ ଦେଶ ଏହାର ପରମାଣୁ କାର୍ଯ୍ୟକ୍ରମ ବିଷୟରେ ଆମେରିକା ସହିତ ସିଧାସଳଖ ଆଲୋଚନା କରିବ ନାହିଁ। ଟ୍ରମ୍ପଙ୍କ ଚିଠିରେ ଇରାନ ପ୍ରଥମ ଥର ପାଇଁ ଏଭଳି ଖୋଲାଖୋଲି ମତ ରଖିଛି। ଯଦିଓ ଇରାନ ସିଧାସଳଖ ଆଲୋଚନାକୁ ପ୍ରତ୍ୟାଖ୍ୟାନ କରିଛି, ତେବେ ରାଷ୍ଟ୍ରପତି ଆମେରିକା ସହିତ ପରୋକ୍ଷ ଆଲୋଚନାର ସମ୍ଭାବନାକୁ ଅସ୍ୱୀକାର କରିନାହାଁନ୍ତି। ରାଷ୍ଟ୍ରପତି ଭାବରେ ଡୋନାଲ୍ଡ ଟ୍ରମ୍ପଙ୍କ ପ୍ରଥମ କାର୍ଯ୍ୟକାଳରେ ଟ୍ରମ୍ପ ୨୦୧୮ରେ ଇରାନ ଏବଂ ବିଶ୍ୱର ଅନ୍ୟ ଦେଶ ମଧ୍ୟରେ ହୋଇଥିବା ଚୁକ୍ତିରୁ ଆମେରିକାକୁ ବାହାର କରି ନେଇଥିଲେ। ଏହି ଚୁକ୍ତିନାମାରେ ଆର୍ଥିକ କଟକଣାକୁ କୋହଳ କରିବା ବଦଳରେ ଇରାନର ପରମାଣୁ କାର୍ଯ୍ୟକ୍ରମ ଉପରେ କଠୋର କଟକଣା ଲାଗୁ କରିବାକୁ ସର୍ତ୍ତ ରହିଥିଲା। ଚୁକ୍ତିରୁ ଓହରିଯିବା ପରେ ଟ୍ରମ୍ପ ଇରାନ ଉପରେ ଏକାଧିକ କଠୋର କଟକଣା ଲାଗୁ କରିଥିଲେ। ପଢନ୍ତୁ- ଋଷ ରାଜଧାନୀରେ ବଡ଼ଧରଣର ଆଟାକ୍, ବିସ୍ଫୋରଣରେ ଉଡ଼ିଗଲା ରାଷ୍ଟ୍ରପତି ପୁଟିନ୍‌ଙ୍କ କାର୍ ଏହାପରଠାରୁ, ଆମେରିକା ଓ ଇରାନ ମଧ୍ୟରେ ଉତ୍ତେଜନା ଲାଗି ରହିଛି। ୧୦୧୮ରେ ଚୁକ୍ତିରୁ ଓହିରିବା ପରେ ଆମେରିକା ଇରାନ ସେନା ମୁଖ୍ୟ କ୍ୱାସୀମ ସୁଲେମାନୀକୁ ବୋମା ପକାଇ ହତ୍ୟା କରିଥିଲା। ଯାହା ଦୁଇ ଦେଶର ଶତ୍ରୁତାକୁ ଭୟଶ୍ରଙ୍କର ଭାବେ ବଢ଼ାଇ ଦେଇଥିଲା। ଇରାନ ଟ୍ରମ୍ପ ଉପରେ ବ୍ୟକ୍ତିଗତ ଆକ୍ରମଣ କରିବ ବୋଲି ମଧ୍ୟ ଷଡ଼ଯନ୍ତ୍ର କରିଥିଲା। ଏବେ ପୁଣି ଗାଜାରେ ଇସ୍ରାଏଲ-ହମାସ ସଂଘର୍ଷରେ ଇରାନ-ସମର୍ଥିତ ଗୋଷ୍ଠୀର ନେତାମାନଙ୍କ ଉପରେ ମଧ୍ୟ ଆକ୍ରମଣ ହେବା ଓ ଆମେରିକା ସମର୍ଥନ ଦେବା ଇରାନ ସହ ଶତ୍ରୁତାକୁ ବଢାଇଛି। ବର୍ତ୍ତମାନ, ଆମେରିକା ୟେମେନରେ ହୁତି ବିଦ୍ରୋହୀଙ୍କ ବିରୁଦ୍ଧରେ ଏୟାରଷ୍ଟ୍ରାଇକ୍ କରୁଛି। ଇରାନର ପରମାଣୁ କାର୍ଯ୍ୟକ୍ରମ ବିରୁଦ୍ଧରେ ସମ୍ଭାବ୍ୟ ସାମରିକ କାର୍ଯ୍ୟାନୁଷ୍ଠାନ ନେଇ ଚର୍ଚ୍ଚା ଜାରି ରହିଛି। ତେଣୁ ଏଥିପାଇଁ ଇରାନ ସତର୍କ ରହିଛି।

ନୀତିଶଙ୍କ ସ୍ପିଡରେ ବ୍ରେକ୍ ଦେଲେ ସିଏସକେ ବୋଲର; ୧୮୩ ରନ୍‌ର ଟାର୍ଗେଟ ଦେଲା ରାଜସ୍ଥାନ

ନୂଆଦିଲ୍ଲୀ: ଆଇପିଏଲ ମହାସମର ୨୦୨୫ । ୧୧ତମ ମ୍ୟାଚରେ ପ୍ରାରମ୍ଭିକ ଝଟକା ସତ୍ତ୍ବେ ନିର୍ଦ୍ଧାରିତ ୨୦ ଓଭରରେ ୧୮୨ ରନ ସଂଗ୍ରହ କରିଛି ରାଜସ୍ଥାନ ରୟାଲ୍ସ । ଚେନ୍ନାଇ ସୁପର କିଙ୍ଗସ ସାମ୍ନାରେ ୧୮୩ ରନ୍‌ର ବିଜୟ ଲକ୍ଷ୍ୟ ରହିଛି । ପୂର୍ବ ମ୍ୟାଚରେ ରୟାଲ ଚ୍ୟାଲେଞ୍ଜର୍ସ ବେଙ୍ଗାଲୁରୁ ଠାରୁ ପରାସ୍ତ ହୋଇଥିବା ଚେନ୍ନାଇ ସୁପର କିଙ୍ଗସ ଆଜିର ମ୍ୟାଚ ଜତିବା ଲକ୍ଷ୍ୟରେ ରହିଛି । ହେଲେ ସିଏସକେ ପାଇଁ ଏହି ମ୍ୟାତ୍ ଜିତିବା ଏତେ ସହଜ ହେବ ନାହିଁ । କାରଣ ୨୦୧୯ ଆଇପିଏଲ ପରେ ଚେନ୍ନାଇ ଟିମ୍ କେବେ ବି ୧୮୦ ରନ୍ ଚେଜ୍ କରି ଜିତିନାହିଁ । ସୁପର ସନଡେ’ରେ ମୁହାଁମୁହିଁ ହୋଇଛନ୍ତି ରାଜସ୍ଥାନ ରୟାଲ୍ସ ଓ ଚେନ୍ନାଇ ସୁପର କିଙ୍ଗସ । ଆସାମ ଗ୍ବୌହାଟୀ ଷ୍ଟାଡିୟମରେ ଏହି ମ୍ୟାଚ୍ ଖେଳାଯାଉଛି । ସିଏସକେ ଟସ୍ ଜିତି ପ୍ରଥମେ ବ୍ୟାଟିଂ ପାଇଁ ରାଜସ୍ଥାନକୁ ଆମନ୍ତ୍ରଣ କରିଥିଲା । ଟିମ୍ ରିୟାନ ପରାଗ ନିର୍ଦ୍ଧାରିତ ୨୦ ଓଭରରେ ୯ ଓ୍ବିକେଟ୍ ହରାଇ ୧୮୨ ରନ୍ ସଂଗ୍ରହ କରିଛି । ସିଏସଏକ ସାମ୍ନାରେ ୧୮୩ ରନ ଟାର୍ଗେଟ୍ ରହିଛି । ପ୍ରାରମ୍ଭିତ ଝଟକା ଲାଗିଥିଲେ ମଧ୍ୟ ଦ୍ବିତୀୟ ଓ୍ବିକେଟ ଜବରଦସ୍ତ ଇନିଂସ ଖେଳିଛନ୍ତି ନୀତିଶ ରାଣା । ସେ ମାତ୍ର ୩୬ ବଲରେ ୮୧ ରନ ସଂଗ୍ରହ କରିଥିଲେ । ଏଥିରେ ୧୦ ଚୌକା ଓ ୫ଟି ଛକା ରହିଛି । ସେହିପରି ଚେନ୍ନାଇ ପକ୍ଷରୁ ଖଲିଲ୍ ଅହମ୍ମଦ, ନୁର ଅହମ୍ମଦ ଓ ପଥିରାଣା ଦୁଇଟି ଲେଖାଏଁ ଓ୍ବିକେଟ୍ ନେଇଛନ୍ତି ।

ଦେଖା ଗଲା ଚାନ୍ଦ, ଇମାରତେ ସରିୟା ଫୁଲୱାରୀ ସରିଫ ଘୋଷଣା କଲେ ‘ଇଦ’

ପାଟନା ୩୦।୩: ବିହାର, ଝାଡ଼ଖଣ୍ଡ ଏବଂ ଓଡିଶା ମୁଖ୍ୟାଳୟ ‘ଇମାରତେ ସରିୟା ଫୁଲୱାରୀ ସରିଫ’ର ୧୧ ସଦସୀୟ ଟିମ୍ ୩୦ ମାର୍ଚ୍ଚ ରବିବାର ଇଦର ଚାନ୍ଦ ଦେଖିଛନ୍ତି। ଚାନ୍ଦ ଦେଖାଯିବା ପରେ ‘ଇଦ’ ଘୋଷଣା କରି ଇମାରତ ସରିୟା ଫୁଲୱାରୀ ସରିଫ ସଦସ୍ୟ ୱାସୀ ଅହମ୍ମଦ କାସୀମ କହିଛନ୍ତି ଯେ ‘ଚାନ୍ଦ ଦେଖାଯାଇଛି, ଯାହାର ଏବେ ଘୋଷଣା କରାଯାଉଛି, ସୋମବାର ଇଦ ପାଳନ ହେବ’। ଇମାରତେ ସରିୟା ପକ୍ଷରୁ ଚାନ୍ଦ ଦେଖା ଯାଇଥିବାର ଘୋଷଣା ହେବାମାତ୍ରେ ମୁସଲମାନ ଭାଇମାନେ ପରସ୍ପରକୁ କୋଳାଗ୍ରତ କରି ଇଦ ଶୁଭେଚ୍ଛା ଜଣାଇଛନ୍ତି। ସେହିପରି ବିହାର ମୁଖ୍ୟମନ୍ତ୍ରୀ ନିତିଶ କୁମାର ଇଦର ଚାନ୍ଦ ଦେଖାଯାଇଥିବା ଖବରରେ ଖୁସି ବ୍ୟକ୍ତି କରି କହିଛନ୍ତି ଯେ ‘ପବିତ୍ର ରମଜାନ ମାସରେ ରୋଜାଦାରଙ୍କ ଦ୍ୱାରା କରାଯାଇଥିବା ଉପାସନା ଦ୍ୱାରା ସେମାନଙ୍କ ଘର ପରିବାର ସହିତ ପ୍ରଦେଶ ଓ ଦେଶରେ ଶାନ୍ତି ଏବଂ ସମୃଦ୍ଧି ଆସିବ’। ସମାଜରେ ସୁଖ ଶାନ୍ତି ଓ ଭାଇଚାରା ଯେପରି କାୟମ ରହେ ମୁଖ୍ୟମନ୍ତ୍ରୀ ଆଶା ପୋଷଣ କରିଥିବା ବେଳେ ଇଦର ଦିନ ପୁରସ୍କାରର ଦିନ ବୋଲି କହିଛନ୍ତି। ଚାନ୍ଦ ଦେଖାଯାଇଥିବାରୁ ମୁସଲମାନ ମାନେ ସୋମବାର ସକାଳେ ଇଦଗାହରେ ଇଦ-ଉଲ-ଫିତର ନମାଜ ପଢିବେ। ରାଜଧାନୀ ପାଟନାର ଅନେକ ସ୍ଥାନରେ ଇଦ ନମାଜ ପାଠ କରାଯିବ। ଏଥି ପାଇଁ ପାଟନା ଜିଲ୍ଲା ପ୍ରଶାସନ ପକ୍ଷରୁ ବ୍ୟାପକ ବ୍ୟବସ୍ଥା କରାଯାଇଛି। ଯେପରି ଇଦ ନମାଜମ ପାଠ ବେଳେ କୌଣସି ପ୍ରକାରର ଅସୁବିଧା ନ ହୁଏ ସେଥି ପାଇଁ ସୁରକ୍ଷାର ବ୍ୟାପକ ବ୍ୟବସ୍ଥା କରାଯାଇଛି। ବିହାର ସହିତ ଝାଡଖଣ୍ଡ ଏବଂ ଓଡିଶାରେ ଗୋଟିଏ ଦିନରେ ଇଦ ପାଳନ ହେବ। ଏଣୁ ଏଠାରେ ମଧ୍ୟ ବ୍ୟାପକ ବ୍ୟବସ୍ଥା କରାଯାଇଛି।

ତତଲା ତାଓ୍ବାରେ ଭାଜି ହେଉଛି ପଶ୍ଚିମ ଓଡ଼ିଶା, ୪୫ ଡିଗ୍ରୀ ଛୁଇଁଯିବ ପାରଦ !

ଭୁବନେଶ୍ଵର: ରାଜ୍ୟରେ ଲାଗି ରହିଛି ଗ୍ରୀଷ୍ମ ପ୍ରବାହ । ଉତ୍ତରରୁ ଉପକୂଳ । ପଶ୍ଚିମରୁ କେନ୍ଦ୍ରାଞ୍ଚଳ ସବୁଠି ପାରଦ ୪୦ ଡିଗ୍ରୀ ଉପରେ । ଗରମ ଏମିତି ଯେ ଦେହ ହାତ ଝାଇଁ ମାରି ଯାଉଛି । ଜନଜୀବନ ପୂରା ଅସ୍ତବ୍ୟସ୍ତ ହୋଇପଡ଼ିଲାଣି ।ଆସନ୍ତା ୭ ଓ ୮ ତାରିଖରେ ପଶ୍ଚିମ ଓଡ଼ିଶାର ଅଧିକାଂଶ ସ୍ଥାନରେ ତାପମାତ୍ରା ୪୫ ଡିଗ୍ରୀ ଛୁଇଁଯିବ ବୋଲି ପାଣିପାଗ ବିଶେଷଜ୍ଞ ଅନୁମାନ କରିଛନ୍ତି । ପଶ୍ଚିମରେ ଭୟଙ୍କର ତାତି, ଉପକୁଳରେ ଗୁଳୁଗୁଳି । ସାରା ରାଜ୍ୟରେ ଉପର ମୁହାଁ ପାରଦ । ଜାରି ରହିଛି ହିଟଓ୍ବେଭ । ତତଲା ତାଓ୍ବାରେ ଭାଜି ହେଉଛି ପଶ୍ଚିମ ଓଡ଼ିଶା । ଆଉ ଉପକୂଳରେ ପ୍ରଚଣ୍ଡ ଗୁଳୁଗୁଳି । ପଶ୍ଚିମରୁ କେନ୍ଦ୍ରାଞ୍ଚଳ ଅଧିକାଂଶ ସ୍ଥାନରେ ତାପମାତ୍ରା ଏବେ ୪୦ ଡିଗ୍ରୀ । ଖରାରେ ଜନ ଜୀବନ ଆଉଟୁ ପାଉଟ ହୋଇପଡ଼ିଲାଣି । ବଜାର, ହାଟ, ବସଷ୍ଟାଣ୍ଡ ଆଦି ସ୍ଥାନରେ ସକାଳ ୧୦ ଟା ପରେ ସବୁଠି ଖାଁ ଖାଁ ସ୍ଥିତି । ଅତି ଜରୁରୀ କାମ ନହେଲେ ଲୋକେ ଘରୁ ବାହାରିବାକୁ ପସନ୍ଦ କରୁନାହାନ୍ତି । ଝାରସୁଗୁଡା, ବଲାଙ୍ଗୀର ଆଦି ସ୍ଥାନରେ ଗ୍ରୀଷ୍ଣ ପ୍ରବାହ ପାଇଁ ଲୋକେ କଲବଲ ହେଉଛନ୍ତି। ପାଣିପାଗ ବିଶେଷଜ୍ଞଙ୍କ କହିବା କଥା ଆସନ୍ତା ୭ରୁ ୮ ତାରିଖ ବେଳକୁ ପଶ୍ଚିମ ଓ ଆଭ୍ୟନ୍ତରୀଣ ଜିଲ୍ଲା ଗୁଡ଼ିକରେ ତାପମାତ୍ରା ୪୫ ଡିଗ୍ରୀ ପର୍ଯ୍ୟନ୍ତ ଛୁଇଁପାରେ ।ଏମିତି ହେଲେ ସ୍ଥିତି ଭୟଙ୍କର ହୋଇପାରେ । ଆଜି ସନ୍ଧ୍ୟାରେ ଉତ୍ତର ଓ ଦକ୍ଷିଣ ଓଡ଼ିଶାର କିଛି ସ୍ଥାନରେ କାଳବୈଶାଖୀ ହେବାର ସମ୍ଭାବନା ରହିଛି । ପ୍ରଚଣ୍ଡ ଗ୍ରୀଷ୍ମ ପ୍ରବାହକୁ ଦୃଷ୍ଟିରେ ରଖି ସମସ୍ତ ଜିଲ୍ଲା ପ୍ରଶାସନକୁ ଆନୁସଙ୍ଗିକ ବ୍ୟବସ୍ଥା ସହ ସଜାଗ ରହିବାକୁ ସରକାରଙ୍କ ନିର୍ଦ୍ଦେଶ ରହିଛି । ଏସ୍ଓପି କଡାକଡ଼ି ପାଳନ କରିବାକୁ କୁହାଯାଇଛି।

ଦୁଇ ଶ୍ରମିକଙ୍କ ଉପରେ ଲାମ୍ବୋଗିନୀ ଛଡ଼ାଇବା ପରେ, ଅଭିଯୁକ୍ତ ପଚାରୁଛି କିଏ ମରିଗଲା କି ?

ନୂଆଦିଲ୍ଲୀ: ଭାରତରେ ଲୋକଙ୍କ ଭିତରେ ମଣିଷପଣିଆ ଶେଷ ପ୍ରାୟେ ହେବାକୁ ବସିଲାଣି। ଚୋରି ଡକାୟତୀ କଥା ଛାଡ଼ନ୍ତୁ ବଡ଼ଲୋକମାନେ ଗରିବ ଓ ସାଧାରଣ ଲୋକଙ୍କୁ ପୋକମାଛି ନଜରରେ ଦେଖୁଛନ୍ତି। ନିଜର ଦାମି ଦାମି କାର୍‌ର ଚକାରେ ଗରିବ ଲୋକଙ୍କୁ ଦଳି ଚକିଟି ଦେଉଛନ୍ତି। ଲୋକଙ୍କୁ ମାରି ସାରିବା ପରେ ପଚାରୁଛନ୍ତି ଲୋକେ ମରିଗଲେ? ଦିଲ୍ଲୀର ନୋଏଡ଼ା ସେକ୍ଟର ୯୪ରେ ଏଭଳି ଘଟଣା ଘଟିଛି। ରବିବାର ଦୀପକ ନାମକ ଜଣେ ବ୍ୟକ୍ତି ନିଜର ଲାମ୍ବୋଗିନୀ କାର୍ ସ୍ପିଡ୍‌ରେ ଆଣି ରାସ୍ତାକଡ଼ରେ ବସିଥିବା ଶ୍ରମିକଙ୍କ ଉପରେ ଚଢ଼ାଇ ଦେଇଛି। ଏଥିରେ ଦୁଇ ଶ୍ରମିକ ଗୁରୁତର ଆହତ ହୋଇଛନ୍ତି। କାର୍ ଛଡାଇ ସାରିବା ପରେ ବି ଦୀପକ କାର୍ ଭିତରୁ ବାହାରି ନଥିଲା। ହଠାତ୍ ଦୁର୍ଘଟଣା ଆବାଜ ପାଇଁ ସେଠାରେ କାମ କରୁଥିବା ଅନ୍ୟ ଶ୍ରମିକମାନେ କାର ପାଖକୁ ଚାଲି ଆସିଥିଲେ। ଜଣେ ଶ୍ରମିକ କାର୍ କାଚ ଖୋଲି ଦୀପକକୁ ପଚାରିଥିଲେ ଭାଇ ତୁମେ ଏଠି ନିଜର ଷ୍ଟଣ୍ଟ କାହିଁକି ଦେଖାଉଛ? ଲୋକେ ମଲେଣି ତୁମ ପାଇଁ ତୁମକୁ କିଛ ଜଣା ଅଛି? କାର୍ ଭିତରେ ଥାଇ ଦୀପକ ଅତି ଅସମ୍ବେଦନଶୀଳ ଭଳି ଜବାବ ଦେଇଥିଲେ। ଲୋକେ ମରିଗଲେଣି ? ବୋଲି ପଚାରିଥିଲେ। ଏହାପରେ ଶ୍ରମିକମାନେ ଜବାବ ଦେଇ କହିଥିଲେ ଗାଡ଼ି ଭିତରୁ ବାହାର ଆଉ ସେପଟେ ଦେଖ ତୁମ କ’ଣ କରିଛ? ପଢନ୍ତୁ- ଏବେ ମୋଟରସାଇକେଲ କିଣିଲେ ମିଳିବ ଦୁଇଟି ISI ସାର୍ଟିଫାଏଡ୍ ହେଲ୍‌ମେଟ୍ !: କେନ୍ଦ୍ରମନ୍ତ୍ରୀଙ୍କ ନିର୍ଦ୍ଦେଶ ଏହାପରେ ଦୀପକ କାର୍ ଭିତରୁ ବାହାରକୁ ଚାଲି ଆସିଥିଲେ। ଶ୍ରମିକ ଏଭଳି ବେପରୁଆ ଗାଡ଼ି କାହିଁକି ଚଲାଉଛ ବୋଲିପଚାରିଥିଲେ। ଜବାବରେ ଦୀପକ କହିଥିଲେ ଯେ ମୁଁ ଏକ୍ସଲେରେଟର ଧୀରେ ଦବାଇଥିଲି। ଶ୍ରମିକ ପୁଣି ପଚାରିଥିଲେ ଏଇଟା ତୁମର ଧୀରେ ଥିଲା? ଏହାପରେ ଶ୍ରମିକମାନେ ପୁଲିସକୁ ଫୋନ୍ କରିବା ପରେ ପୁଲିସ ଆସି ଦୀପକୁ ଅଟକ ରଖିବା ସହିତ କାର୍ ଜବତ କରିଛି। ଏବଂ ଆହତକୁ ଡାକ୍ତରଖାନା ନେବାର ବ୍ୟବସ୍ତା କରିଥିଲା। କାର୍‌ଟି ଦୀପକ ନାଁରେ ନାହିଁ ସେ ଟେଷ୍ଟ ଡ୍ରାଇଭରେ ଆସି ଏଭଳି କାଣ୍ଡ ଘଟାଇଛି ବୋଲି ପୁଲିସ କହିଛି। A #Lamborghini , a fat bank account, and ZERO Humanity This #Noida brat mows down two labourers and casually asks—“Koi mar gaya idhar?” pic.twitter.com/TaUgdB769z — Smriti Sharma (@SmritiSharma_) March 30, 2025 ପଚରାଉଚରା ବେଳେ ଦୀପକ ପୁଲିସକୁ ପ୍ରତିକ୍ରିୟା ଦେଇ କହିଛି ଯେ କାରର ସ୍କ୍ରିନରେ କିଛି ତ୍ରୁଟି ଦେଖାଯାଇଥିଲା। ସେ ଗାଡ଼ି ଚଲାଇବା ସମୟରେ ସେ ସ୍କ୍ରିନକୁ ଯାଞ୍ଚ କରୁଥିବା ବେଳେ ଦୁର୍ଘଟଣା ଘଟିଛି। ଘଟଣାରେ ଦୀପକ ବିରୁଦ୍ଧରେ ମାମଲା ରୁଜୁ କରାଯାଇଛି ବୋଲି ପୁଲିସ କହିଛି। ପଢନ୍ତୁ- ହିମାଚଳ ପ୍ରଦେଶରେ ଭୟଙ୍କର ଭୂସ୍ଖଳନ; ଗଛ ଉପୁଡ଼ି ୬ ମୃତ, ୫ ଗୁରୁତର

ଏପ୍ରିଲ ୧ରୁ ୧୪ ପର୍ଯ୍ୟନ୍ତ ହେବ ଓଡ଼ିଆ ପକ୍ଷ ଦିବସ, ରାଜନୀତି ଆରମ୍ଭ

ଭୁବନେଶ୍ଵର: ଚଳିତ ବର୍ଷ ଧୁମଧାମରେ ଓଡ଼ିଆ ପକ୍ଷ ଦିବସ ପାଳନ କରିବେ ରାଜ୍ୟ ସରକାର। ଏପ୍ରିଲ ୧ ଓଡ଼ିଶା ଦିବସରୁ ଏପ୍ରିଲ ୧୪ ମହାବିଷୁବ ସଂକ୍ରାନ୍ତି ଯାଏଁ ରାଜ୍ୟରେ ପାଳିତ ହେବ ଓଡ଼ିଆ ପକ୍ଷ ଦିବସ। ତେବେ ଓଡ଼ିଆ ପକ୍ଷ ଦିବସ ପାଳନକୁ ସମାଲୋଚନା କରିଛନ୍ତି ବିରୋଧୀ। ବିଜେଡି କହିଛି ଡବଲ ଇଞ୍ଜିନ ସରକାରରେ ଗୋଟିଏ ଇଞ୍ଜିନ ଆଉ ଗୋଟେ ଇଞ୍ଜିନର ପକ୍ଷ ଛେଦନ କରୁଛନ୍ତି। ଏମିତିରେ କି ପକ୍ଷ ପାଳନ କରିବେ ରାଜ୍ୟ ସରକାର। କଂଗ୍ରେସ ବି କରିଛି ସମାଲୋଚନା।ଅନ୍ୟପଟେ ବିରୋଧିଙ୍କ ଅଭିଯୋଗର କଡ଼ା ଜବାବ ରଖିଛି ଶାସକ ଦଳ। ଏପ୍ରିଲ ୧ ଓଡ଼ିଶା ଦିବସରୁ ମହାବିଷୁବ ସଂକ୍ରାନ୍ତି ଏପ୍ରିଲ ୧୪ ଯାଏଁ ରାଜ୍ୟରେ ପାଳନ ହେବ ଓଡ଼ିଆ ପକ୍ଷ ଦିବସ। ଓଡ଼ିଆ ପକ୍ଷରେ ହେବାକୁ ଥିବା କାର୍ଯ୍ୟକ୍ରମରେ ସାମିଲ ହେବେ ସରକାରଙ୍କ ବିଭିନ୍ନ ବିଭାଗ।ଏପ୍ରିଲ ୧ରେ ସମସ୍ତ ଜିଲ୍ଲାରେ ଧୁମଧାମରେ ପାଳନ ହେବ ଓଡ଼ିଶା ଦିବସ।୨ ତାରିଖରେ ହେବ ଖଡ଼ିଛୁଆଁ ଦିବସ। ୩ରେ ଆମ ପୋଷାକ ଆମ ନାମ ପାଳନ ହେବ ।୪ରେ ଓଡିଆ ନାମ ଫଳକ ଅଭିଯାନ ସଚେତନତା ପଦଯାତ୍ରା ।୫ରେ ଭୁବନେଶ୍ବରରେ ଐତିହ୍ୟ ଗଣଦୌଡ଼। ୬ରେ ଦେବାଳୟ ଓ ଐତିହ୍ୟ ସ୍ଥଳିଗୁଡିକର ସ୍ବଚ୍ଚତା ଅଭିଯାନ। ସେହିପରି ୭ରେ ବର୍ଣ୍ଣବୋଧ ଉତ୍ସବ, ୮ରେ ରକ୍ତଦାନ ଦିବସ, ୯ରେ ଆସ ବହିଟିଏ କିଣିବା ଦିବସ, ୧୦ରେ ଲୋକକଳା ପାଇଁ ଦିନଟିଏ କାର୍ୟକ୍ରମ ମାଧ୍ୟମରେ ବରିଷ୍ଠ କଳାକାରଙ୍କୁ ସମ୍ବର୍ଦ୍ଧନା ଓ ଲୋକ କଳାଗ୍ରାମ ପ୍ରଦର୍ଶନ ହେବ।ସେହିପରି ୧୧ ତାରିଖରେ ଯୁବ ଲେଖକ ସମ୍ମୀଳନୀ, ୧୨ ରେ ଓଡ଼ିଶା ସାହିତ୍ୟ ଏକାଡେମୀ ଓ ଜିଲ୍ଲା ପ୍ରଶାସନ ପକ୍ଷରୁ ଓଡ଼ିଶାର ବରପୁତ୍ରଙ୍କ ସଂପର୍କରେ ରାଜ୍ୟରେ ଆଲୋଚନାଚକ୍ର ହେବ। ଏପ୍ରିଲ ୧୩ରେ ପାରମ୍ପରିକ ଖାଦ୍ୟ ଦିବସ ପାଳନ। ଏବଂ ୧୪ରେ ଓଡ଼ିଆ ନବବର୍ଷ ପାଳିତ ହେବ।ଏହି ଅବସରରେ ବିଭିନ୍ନ ସ୍ଥାନରେ ହୁଳୁହୁଳି, ଝୋଟି, ଚିତା, ମୁରୁଜ, ପିଠାପଣା ପ୍ରତିଯୋଗିତା କରାଯିବ।ଏଥିପାଇଁ ଜନସାଧାରଣଙ୍କ ସହଯୋଗ ଲୋଡିଛନ୍ତି ସଂସ୍କୃତି ମନ୍ତ୍ରୀ । Also read: କାମାକ୍ଷା ଏକ୍ସପ୍ରେସ୍ ଲାଇନଚ୍ୟୁତ ଘଟଣା : ଟ୍ରାକ୍ ନିକଟରେ ଶ୍ରମିକଙ୍କ କୋଡି, ବେଲଚା ଓ ଶାବଳ ପଡିଥିବା କହିଛନ୍ତି ପ୍ରତ୍ୟେକ୍ଷଦର୍ଶୀ ସେପଟେ ଓଡ଼ିଆ ପକ୍ଷ ଦିବସ ପାଳନକୁ ନେଇ ବିରୋଧୀଙ୍କ ସମାଲୋଚନା। ବିଜେଡି କହିଛି ଡବଲ ଇଞ୍ଜିନ ସରକାରରେ ଗୋଟିଏ ଇଞ୍ଜିନ ଆଉ ଗୋଟେ ଇଞ୍ଜିନର ପକ୍ଷ ଛେଦନ କରୁଛନ୍ତି। ଓଡ଼ିଶା ସରକାର ୧୦ ମାସରେ କେତେ କେନ୍ଦ୍ରୀୟ ଅନୁଦାନ ପାଉଛନ୍ତି, ହିସାବ ଦେବେ କି ସରକାର।ରାଜ୍ୟର ସ୍ବାର୍ଥ ସମ୍ବଳିତ ଦାବି ଯାହା ନବୀନଙ୍କ ସମୟରେ ହେଉଥିଲା କେତେ କେନ୍ଦ୍ର ସରକାର ପାଳନ କଲେ। ପ୍ରଥମେ ରାଜ୍ୟ ସରକାର ନିଜ ପକ୍ଷ ମଜବୁତ କରନ୍ତୁ। ପ୍ରତିଦିନ ଓଡ଼ିଆ ଅସ୍ମିତା କ୍ଷୁର୍ଣ୍ଣ ହେଉଛି। ତେଣୁ ପକ୍ଷ ପାଳନ ଏକ ଘୋଡ଼ଣି ମାତ୍ର। ସେପଟେ କଂଗ୍ରେସ କହିଛି ଓଡ଼ିଆ ଠିକାଦାରମାନଙ୍କୁ କାମ ମିଳୁଛି ତ?ବଡବଡ କମ୍ପାନୀ ଆସି ଓଡ଼ିଶାରେ ନିର୍ମାଣ କାମ କରୁଛନ୍ତି। ଓଡ଼ିଆ ବରପୁତ୍ରମାନଙ୍କୁ ସରକାର ସମ୍ମାନ ଦେଇପାରୁଛନ୍ତି କି?ଓଡ଼ିଆ ଅସ୍ମିତା ନାଁରେ ଓଡ଼ିଶାର କଳା ଓ ସଂସ୍କୃତିକୁ ନଷ୍ଟ କରିବାକୁ ଯୋଜନା ଚାଲିଛି ବୋଲି କଂଗ୍ରେସ କହିଛି। ଅନ୍ୟପଟେ ବିରୋଧିଙ୍କୁ କଡ଼ା ଜବାବ ରଖି ଶାସକ ଦଳ କହିଛି ନାଲି ଚଷମା ପିନ୍ଧିଥିବା ଲୋକଙ୍କୁ ସମଗ୍ର ଦୁନିଆଟା ନାଲି ହିଁ ଦେଖାଯିବ। ୨୪ବର୍ଷ ହେଲା ଅସ୍ମିତା ଅର୍ଥ ବୁଝି ପାରିଲେ ନାହାଁ। ଅତୀତ ଇତିହାସ ଉପରେ ସାଧାରଣ ଜ୍ଞାନ ଗରିମା ରହିବା ଦରକାର। ରାଜ୍ୟରେ ପ୍ରଥମ ଥର ବିଜେପି ସରକାରକୁ ଆସିବା ପରେ ଚଳିତ ବର୍ଷ ଧୁମ ଧାମରେ ଓଡିଆ ପକ୍ଷ ଦିବସ ପାଳନ କରାଯାଉଛି ।ଏଥିପାଇଁ ୨ କୋଟି ୧୭ ଲକ୍ଷ ଟଙ୍କା ବଜେଟ ରହିଛି।

ପୁଟିନଙ୍କ ଉପରେ ଖୁବ୍ ରାଗ ଓ ବିରକ୍ତି ଲାଗୁଛି, ୟୁକ୍ରେନ୍ ସହ ଚୁକ୍ତି ନକଲେ ୫୦% ଶୁଳ୍କ ଲଗାଇବି: ଡୋନାଲ୍ଡ ଟ୍ରମ୍ପ

ୱାଶିଂଟନ: ଋଷ ରାଷ୍ଟ୍ରପତି ଭ୍ଲାଦିମିର ପୁଟିନଙ୍କ ଉପରେ ରାଗିଲେ ଓ ବିରକ୍ତି ବି ହେଲେ ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ। ୟୁକ୍ରେନ୍‌ ରାଷ୍ଟ୍ରପତିଙ୍କ ନେତୃତ୍ୱ ଉପରେ ପୁଟିନ ପ୍ରଶ୍ନ ଉଠାଇବା ପରେ ଟ୍ରମ୍ପ ଏଭଳି ଆଚରଣ ଦେଖାଇଛନ୍ତି। ରବିବାର ମିଡିଆକୁ ପ୍ରତିକ୍ରିୟା ଦେଇ ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ କହିଛନ୍ତି ଯେ ୟୁକ୍ରେନୀୟ ରାଷ୍ଟ୍ରପତି ଭୋଲୋଡିମିର ଜେଲେନସ୍କିଙ୍କ ନେତୃତ୍ୱର ବିଶ୍ୱସନୀୟତାକୁ ସମାଲୋଚନା କରିବାରୁ ତାଙ୍କ ରୁଷୀୟ ପ୍ରତିପକ୍ଷ ଭ୍ଲାଦିମିର ପୁଟିନଙ୍କ ଉପରେ ସେ ଅତ୍ୟନ୍ତ କ୍ରୋଧିତ ଏବଂ ବିରକ୍ତ ଅଛନ୍ତି। ପଢନ୍ତୁ- ଇରାନକୁ ଟ୍ରମ୍ପଙ୍କ ଖୋଲା ଧମକ: ସର୍ତ୍ତରେ ରାଜି ହୁଅ ନହେଲେ ଏମିତି ବୋମା ମାଡ଼ ହେବ, ପୂର୍ବରୁ କେବେ ଦେଖି ନଥିବ ଶୁକ୍ରବାର ପୁଟିନ ୟୁକ୍ରେନରେ ରାଷ୍ଟ୍ରପତି ଜେଲେନ୍‌ସ୍କିଙ୍କ ବିରୋଧରେ ମନ୍ତବ୍ୟ ଦେଇଥିଲେ। ୟୁକ୍ରେନ୍‌ରେ ଏକ ଅସ୍ଥାୟୀ ସରକାର ସ୍ଥାପନ ହେଲେ ଯାଇ ଜେଲେନସ୍କିଙ୍କୁ ପ୍ରଭାବଶାଳୀ ଭାବରେ ବାହାର କରିଦିଆଯାଇପାରିବ ବୋଲି ପୁଟିନ ପରାମର୍ଶ ଦେଇଥିଲେ। ପୁଟିନଙ୍କ ଏଭଳି ପ୍ରତିକ୍ରିୟାରେ ଜବାବରେ ଟ୍ରମ୍ପ ଏଭଳି ମନ୍ତବ୍ୟ ଦେଇଛନ୍ତି। ଆମେରିକାର ଏନ୍‌ବିସି ନ୍ୟୁଜ୍‌କୁ ସାକ୍ଷାତକାର ଦେଇ ଟ୍ରମ୍ପ ଋଷ ଉପରେ ଚାପ ବଢ଼ାଇ ଚେଷ୍ଟା କରିଥିଲେ। ୟୁକ୍ରେନରେ ତିନି ବର୍ଷ ଧରି ଚାଲିଥିବା ଯୁଦ୍ଧକୁ ଯଦି ମସ୍କୋ ବନ୍ଦ କରିବା ପାଇଁ କିଭ ସହିତ ଏକ ଚୁକ୍ତି କରିବାରେ ଅସମର୍ଥ ହୁଏ, ତେବେ ରୁଷ ତେଲ ଉପରେ ୫୦ ପ୍ରତିଶତ ପର୍ଯ୍ୟନ୍ତ ଶୁଳ୍କ ଲଗାଇବାକୁ ଟ୍ରମ୍ପ ଧମକ ଦେଇଛନ୍ତି। ପଢନ୍ତୁ- ଋଷିଆ ସହ ଯୁଦ୍ଧରେ ଆମେରିକାର ସୈନ୍ୟ ସହାୟତାକୁ ଋଣ ଭାବୁନି ୟୁକ୍ରେନ, ଜାଣନ୍ତୁ କ’ଣ କହିଛନ୍ତି ଜେଲେନସ୍କି ସେ କହିଛନ୍ତି ଯଦି ରୁଷ ଏବଂ ମୁଁ ୟୁକ୍ରେନରେ ରକ୍ତପାତ ବନ୍ଦ କରିବା ପାଇଁ ଏକ ଚୁକ୍ତି କରିପାରିବୁ ନାହିଁ, ଏବଂ ଏଥିରେ ଋଷର ଭୁଲ୍ ଥିବା ଯଦି ମୁଁ ଅନୁଭବ କଲି ତେବେ ମୁଁ ତୈଳ ଉପରେ ଦ୍ୱିତୀୟ ଶୁଳ୍କ ଲଗାଇବି, ରୁଷରୁ ବାହାରୁଥିବା ସମସ୍ତ ତେଲ ଉପରେ ଶୁଳ୍କ ଲାଗିବ। ଏହାର ଅର୍ଥ ହେଲା ଯଦି ଆପଣ ରୁଷରୁ ତେଲ କିଣନ୍ତି, ତେବେ ଆପଣ ଆମେରିକାରେ ବ୍ୟବସାୟ କରିପାରିବେ ନାହିଁ। ସେହି ତେଲ ଉପରେ ୨୫ ପ୍ରତିଶତ ଶୁଳ୍କ ରହିବ, ସମସ୍ତ ତେଲ ଉପରେ ୨୫ ରୁ ୫୦ ପଏଣ୍ଟ ଶୁଳ୍କ ଲଗାଯିବ। ଟ୍ରମ୍ପଙ୍କ ପୂର୍ବବର୍ତ୍ତୀ ଜୋ ବିଡେନଙ୍କ ସରକାର ଋଷର ୟୁକ୍ରେନ୍ ଆକ୍ରମଣ ପରେ ଫେବୃଆରୀ ୨୦୨୨ ରେ ରୁଷର ତୈଳ ଆମଦାନୀ ଉପରେ ନିଷେଧାଦେଶ ଲଗାଇଥିଲେ। ଆମେରିକାର ଶକ୍ତି ସୂଚନା ପ୍ରଶାସନ ଅନୁଯାୟୀ, ୨୦୨୩ରେ ଆମେରିକାକୁ ମାତ୍ର ୧୦,୦୦୦ ବ୍ୟାରେଲ ରୁଷର ଅଶୋଧିତ ତୈଳ ଏବଂ ପେଟ୍ରୋଲିୟମ ଉତ୍ପାଦ ଆମଦାନୀ କରାଯାଇଥିଲା। ଋଷପ୍ରତି ସ୍ୱର କଠୋର କହି ଟ୍ରମ୍ପ କହିଥିଲେ ପୁଟିନ ୟୁକ୍ରେନ୍‌ରେ ନୂଆ ନେତା ଚାହିଁବା ମାନେ ଶାନ୍ତି ଚୁକ୍ତିରେ ବିଳମ୍ବ କରିବା। ଉପସ୍ଥାପକଙ୍କୁ ସମ୍ବୋଧନ କରି ଟ୍ରମ୍ପ କହିଥିଲେ ମୁଁ ଭାବୁଛି ଯେ ଯଦି ଆମେ ଏକ ଆଲୋଚନା ମଧ୍ୟକୁ ଆସି ଯାଇଛି, ତେବେ ଆପଣ ବହୁତ କ୍ରୋଧିତ ଥିଲେ କିମ୍ବା ବରକ୍ତ ଥିଲେ ବୋଲି କହିପାରିବେ। ହେଲେ ପୁଟିନ ଗତକାଲି (ଶୁକ୍ରବାର) କହିଥିଲେ ଯେ ତୁମେ ଜାଣ। ପୁଟିନ ଜେଲେନ୍ସକିଙ୍କ ବିଶ୍ୱସନୀୟତା ଆଡ଼କୁ କଥା ନେଇଥିଲା। ବର୍ତ୍ତମାନ ସମୟ ତାହା ନୁହେଁ। ତେବେ ଆସନ୍ତା ସପ୍ତାହରେ ସେ ପୁଟିନଙ୍କ ସହିତ ଏନେଇ ଆଲୋଚନା କରିବେ ବୋଲି ଟ୍ରମ୍ପ କହିଛନ୍ତି। ଟ୍ରମ୍ପ ଇଣ୍ଟରଭ୍ୟୁରେ ପୁଟିନଙ୍କୁ ସମାଲୋଚନା କରିବା ପୂର୍ବରୁ ଜେଲେନ୍‌ସ୍କିଙ୍କୁ ମଧ୍ୟ ସମାଲୋଚନା କରିଥିଲେ। ସେ ଋଷ ବିରୁଦ୍ଧରେ ୟୁକ୍ରେନ ଯୁଦ୍ଧ ପରିଚାଳନାରେ ବିରକ୍ତି ହୋଇଗଲେଣି। ଦେଶରେ ନିର୍ବାଚନ ନ କରାଉଥିବାରୁ ଟ୍ରମ୍ପ ଜେଲେନ୍‌ସ୍କିଙ୍କୁ ଏକଛତ୍ରବାଦୀ ବୋଲି ମଧ୍ୟ କହିଥିଲେ। ପଢନ୍ତୁ- ଋଷ ରାଜଧାନୀରେ ବଡ଼ଧରଣର ଆଟାକ୍, ବିସ୍ଫୋରଣରେ ଉଡ଼ିଗଲା ରାଷ୍ଟ୍ରପତି ପୁଟିନ୍‌ଙ୍କ କାର୍ ସୂଚନା ଥାଉକି ଋଷ ୨୪ ଫେବୃଆରୀ ୨୦୨୨ରେ ୟୁକ୍ରେନ ଉପରେ ଆକ୍ରମଣ କରିବା ପରଠାରୁ ୟୁକ୍ରେନ ଦେଶରେ ସାମରିକ ଆଇନ ଘୋଷଣା କରିଛି। ତେଣୁ ସେହି ସମୟ ମଧ୍ୟରେ ଦେଶରେ କୌଣସି ନିର୍ବାଚନ ହୋଇପାରିବ ନାହିଁ ବୋଲି ନିୟମ ରହିଛି। ସେପଟେ ଟ୍ରମ୍ପ ତାଙ୍କ ରାଷ୍ଟ୍ରପତି ହେବା ପାଇଁ ନିଜର ନିର୍ବାଚନ ପ୍ରଚାର ସମୟରେ ୟୁକ୍ରେନ ଯୁଦ୍ଧ ସମାପ୍ତ କରିବାକୁ ପ୍ରତିଶ୍ରୁତି ଦେଇଥିଲେ। ଏବଂ ଏହି ପ୍ରସଙ୍ଗକୁ ସେ ଏକ ପ୍ରମୁଖ ବୈଦେଶିକ ନୀତି ବୋଲି ଦର୍ଶାଇ ଲୋକଙ୍କ ଭୋଟ ହାତେଇବାକୁ ଚେଷ୍ଟା କରିଥିଲେ।ତେଣୁ ଟ୍ରମ୍ପ ରାଷ୍ଟ୍ରପତି ହେବା ପରେ ସେହି କାମ ଆରମ୍ଭ କରିଦେଇଛନ୍ତି। ତାଙ୍କର ଦ୍ୱିତୀୟ କାର୍ଯ୍ୟକାଳର ପ୍ରଥମ କିଛି ମାସରେ ଆମେରିକୀୟ, ରୁଷ ଏବଂ ୟୁକ୍ରେନୀୟ ଅଧିକାରୀଙ୍କ ମଧ୍ୟରେ ବୈଠକ ଅନୁଷ୍ଠିତ ହୋଇଛି। ଗତ ସପ୍ତାହରେ, ରୁଷ ଏବଂ ୟୁକ୍ରେନ ଏକ ଆଂଶିକ ଯୁଦ୍ଧବିରତି ପାଇଁ ରାଜି ହୋଇଥିଲେ। ଏଥିରେ ବ୍ଲାକ୍‌ ସିରେ ସୁରକ୍ଷିତ ନୌଚାଳନାକୁ ଅନୁମତି ଦେବା ଏବଂ ପରସ୍ପରର ଗୁରୁତ୍ୱପୂର୍ଣ୍ଣ କେନ୍ଦ୍ର ଉପରେ ଆକ୍ରମଣ ନ କରିବାରେ ସର୍ତ୍ତ ଥିଲା।

ୟୁରୋପ ସ୍ପେଶ୍ ପ୍ରକଳ୍ପକୁ ବଡ଼ ଝଟକା; ଲଞ୍ଚ୍‌ର ୪୦ ସେକେଣ୍ଡ ପରେ ରକେଟ୍ କ୍ରାସ୍

ନୂଆଦିଲ୍ଲୀ: ୟୁରୋପ ସ୍ପେଶ୍ ପ୍ରକଳ୍ପକୁ ବଡ଼ ଝଟକା । ଉଡ଼ାଣର ୪୦ ସେକେଣ୍ଡ ପରେ ଖସିପଡ଼ିଲା ରକେଟ୍ । ରବିବାର ନରେଓ୍ବେ ସ୍ପେଶ୍ ଷ୍ଟେସନରୁ ଏହି ରକେଟକୁ ଉତ୍‌କ୍ଷେପଣ କରାଯାଇଥିଲା । ମାତ୍ର ଏହା ଉଡାଣର କିଛି ସେକେଣ୍ଡ ପରେ କ୍ରାସ୍ କରିଯିବାରୁ ମିଶନ ଫେଲ୍ ମାରିଛି । ଏହାର ଭିଡିଓ ସୋସିଆଲ୍ ମିଡିଆରେ ଭାଇରାଲ୍ ହେବାରେ ଲାଗିଛି । ଏଥିରେ ରକେଟ୍‌ ବ୍ଲାଷ୍ଟ ହୋଇଯାଇଥିବା ଦେଖିବାକୁ ମିଳିଛି । ରିପୋର୍ଟ ଅନୁଯାୟୀ, ଏହି ରକେଟ୍ ୟୁରୋପରୁ ସାଟେଲାଇଟ୍ ପ୍ରକ୍ଷେପଣକୁ ତ୍ୱରାନ୍ୱିତ କରିବା ପାଇଁ ବିକଶିତ କରାଯାଉଥିଲା । ହେଲେ ଏହା ଲଞ୍ଚର ମାତ୍ର ୪୦ ସେକେଣ୍ଡ ପରେ କ୍ରାସ୍ ହୋଇଯାଇଛି । ଜର୍ମାନ ଷ୍ଟାର୍ଟଅପ୍ ଇସାର ଏୟରୋସ୍ପେସ୍ ଏହାକୁ ପ୍ରାରମ୍ଭିକ ପରୀକ୍ଷଣ କହି ଟାଳି ଦେଇଛି । ସୂଚନା ଅନୁଯାୟୀ, ସ୍ପେକ୍ଟ୍ରସ୍ ରକେଟ୍ ୟୁରୋପରୁ ସଫଳ ଲଞ୍ଚ ନେଇ ଆଶା କରାଯାଉଥିଲା । ସ୍ବିଡେନ, ବ୍ରିଟେନ ଓ ଅନ୍ୟଦେଶ ମାନେ ବ୍ୟବସାୟିକ ସ୍ପେଶ୍ ମିଶନରେ ଭାଗିଦାରୀ ନେଇ ଇଚ୍ଛା ପ୍ରକାଶ କରିଥିଲେ । ଇସାର ଏୟରୋସ୍ପେଶ ପୂର୍ବରୁ ଭବିଷ୍ୟବାଣୀ କରିଥିଲେ କି ପ୍ରାରମ୍ଭିକ ଲଞ୍ଚରେ ସଫଳତା ମିଳିବା କଷ୍ଟସାଧ୍ୟ ହେବ । କମ୍ପାନି କହିଛି, ଏହି ପରୀକ୍ଷଣରୁ ଗୁରୁତ୍ବପୂର୍ଣ୍ଣ ଡାଟା ମିଳିଛି । ଆଗାମୀ ମିଶନରେ ଏହା ବହୁତ ଉପଯୋଗୀ ହେବ ।

ବାୟା କଲା ଘିବଲି ଇମେଜ୍: ସାରା ବିଶ୍ୱରେ ଚାଟ୍ ଜିପିଟି ଡାଉନ: ଚିନ୍ତାର ଅଲ୍ଟମ୍ୟାନ୍

ନୂଆଦିଲ୍ଲୀ: ଲୋକଙ୍କୁ ବାୟା କରିଛି ଘିବଲି ଫଟୋ। ସମସ୍ତେ ଚାଟ୍ ଜିପିଟି ୟୁଜ୍ କରି ଘିବଲି ଫଟୋ ବନାଇରେ ବ୍ୟସ୍ତ। ଏଥିପାଇଁ ରବିବାର ଓପନଏଆଇ ଆର୍ଟିଫିସିଆଲ ଇଣ୍ଟେଲିଜେନ୍ସ ଟୁଲ ChatGPT ସାରା ବିଶ୍ୱରେ ଡାଉନ ହୋଇଯାଇଛି। ନୂଆ ଅପଡେଟ୍ ଷ୍ଟୁଡିଓ ଘିବଲି ଇମେଜ୍ ଜେନେରେଟରର ଅତ୍ୟଧିକ ବ୍ୟବହାର ଯୋଗୁ ChatGPT ଡାଉନ୍ ହୋଇଯାଇଛି। ଭାରତରେ ଏହା ପ୍ରାୟ ସନ୍ଧ୍ୟା ୪ଟାରୁ ୫.୩୦ ପର୍ଯ୍ୟନ୍ତ ଡାଉନ ହୋଇଯାଇଥିଲା। ଏହି ସମୟ ମଧ୍ୟରେ, ଡାଉନଡିଟେକ୍ଟରରେ ଏନେଇ ଅନେକ ଅଭିଯୋଗ କରାଯାଇଥିଲା। କିଛି ଉପଭୋକ୍ତା ଏବେ ବି ପ୍ଲାଟଫର୍ମ ବ୍ୟବହାର କରିବାରେ ସମସ୍ୟାର ସମ୍ମୁଖୀନ ହେଉଛନ୍ତି ବୋଲି ଅଭିଯୋଗ କରିଛନ୍ତି। ସାରା ବିଶ୍ୱରେ ଓପନଏଆଇରେ ଏଭଳି ସମସ୍ୟା ଯୋଗୁ କମ୍ପାନୀ ଏନେଇ ଅପରାହ୍ନ ୪:୪୦ ରେ ଏକ ବିବୃତ୍ତି ଜାରି କରିଥିଲା। ଆମେ ସର୍ଭିସ ପୁଣିଥରେ ଆରମ୍ଭ କରିବାକୁ କାମ ଜାରି ରଖିଛୁ ବୋଲି କମ୍ପାନୀ କହିଥିଲା। ଏହାପରେ ୩୦ ମିନିଟ୍ ପରେ ଓପନଏଆଇର ସମସ୍ତ ସର୍ଭିସ ରିଷ୍ଟୋର ହୋଇଯାଇଥିଲା ବୋଲି କମ୍ପାନୀ ସୂଚନା ଦେଇଥିଲା। ଏହି ଘଟଣାରେ କମ୍ପାନୀ ୫ ଦିନ ମଧ୍ୟରେ ମୂଳ କାରଣ ବିଶ୍ଳେଷଣ (RCA) ରିପୋର୍ଟ ଦାଖଲ କରିବ ବୋଲି କହିଛି। ପଢନ୍ତୁ- ଏବେ ମୋଟରସାଇକେଲ କିଣିଲେ ମିଳିବ ଦୁଇଟି ISI ସାର୍ଟିଫାଏଡ୍ ହେଲ୍‌ମେଟ୍ !: କେନ୍ଦ୍ରମନ୍ତ୍ରୀଙ୍କ ନିର୍ଦ୍ଦେଶ ଷ୍ଟୁଡିଓ ଘିବଲି ଟ୍ରେଣ୍ଡ ଯୋଗୁ ଡାଉନ ହେଲେ ଚାଟଜିପିଟି ଷ୍ଟୁଡିଓ ଘିବଲିର GPT-4o ର ନୂଆ ଅପଡେଟ୍ ୟୁଜରଙ୍କ ମଧ୍ୟରେ ଖୁବ୍ ଲୋକପ୍ରିୟ ହୋଇଛି। ସୋସିଆଲ ମିଡିଆରେ ୟୁଜରଙ୍କ ମଧ୍ୟରେ ଷ୍ଟୁଡିଓ ଘିବଲି ଟ୍ରେଣ୍ଡର କ୍ରେଜ୍ ବହୁତ ଦେଖିବାକୁ ମିଳିଥିଲା। ଏହି କାରଣରୁ, ଚାଟଜିପିଟିରେ ଟ୍ରାଫିକ୍ ହଠାତ୍ ବଢ଼ି ଯାଇଥିଲା। ଏହି ଫିଚର ଚାହିଦା ଏତେ ଅଧିକ ଥିଲା ଯେ ଓପନଏଆଇ ସିଇଓ ସାମ୍ ଅଲ୍ଟମ୍ୟାନ୍ ଏକ୍ସରେ ପୋଷ୍ଟ ଘିବଲି ନ ବନାଇବାକୁ ଅନୁରୋଧ କରିଥିଲେ। ସେ ଲେଖିଥିଲେ 'ଦୟାକରି ଇମେଜ୍ ତିଆରି କରିବାରୁ ଟିକେ ବିରତି ନିଅନ୍ତୁ, ଆମ ଟିମ୍‌ର ଶୋଇବା ବି ଆବଶ୍ୟକ।' ଏବେ ଦିନରେ କେବଳ ୩ଟି ଘିବଲି ଇମେଜ ତିଆରି କରିପାରିବେ ଗ୍ରାହକ ChatGPTର ଫ୍ରି ଭର୍ଜନ ୟୁଜରମାନେ ଏବେ ପ୍ରତିଦିନ କେବଳ ୩ ଟି ଘିବଲି ଇମେଜ୍ ତିଆରି କରିପାରିବେ। ତେବେ ଯେଉଁମାନେ ସର୍ଭିସ୍ ପାଇଁ ପେଡ୍‌ କରୁଛନ୍ତି ସେମାନଙ୍କ ପାଇଁ ମଧ୍ୟ କିଛି ପ୍ରତିବନ୍ଧକ ଲାଗୁ ହୋଇପାରେ। କିନ୍ତୁ OpenAI ଏହି ପ୍ରତିବନ୍ଧକ ଅସ୍ଥାୟୀ ଭାବେ ଲଗାଇଛି ବୋଲି କହିଛି। ଅଲ୍ଟମ୍ୟାନ୍ କହିଛନ୍ତି ଯେ ନୂଆ ଇମେଜ୍ ଜେନେରେଟର ସର୍ଭରଗୁଡ଼ିକ ଉପରେ ବହୁତ ଚାପ ପକାଇଛି। ସେ କହିଥିଲେ ଯେ ଆମର GPU (ଗ୍ରାଫିକ୍ସ ଚିପ୍ସ) ମେଲ୍ଟ ହେଉଛି। ତେଣୁ ଏହାକୁ ଏଡାଇବା ପାଇଁ ଆମେ ଇମେଜ୍ ଜେନେରେଟର ଉପରେ ଅସ୍ଥାୟୀ ଭାବେ କଟକଣା ଲାଗୁ କରୁଛୁ। ସର୍ଭର କ୍ଷମତା ବୃଦ୍ଧି କରିବା ପାଇଁ କାମ ଜାରି ରହିଛି। ଖୁବ୍‌ ଶୀଘ୍ର ଏଥିରେ ସୁଧାର ଆସିଯିବ ବୋଲି ଅଲ୍ଟମ୍ୟାନ୍ କହିଥିଲେ।

ରୋମାଞ୍ଚକର ମ୍ୟାଚ୍‌ରେ ବାଜି ମାରିଲା ରାଜସ୍ଥାନ ରୟାଲ୍ସ, ଜିତାଇ ପାରିଲେନି ଧୋନୀ; ଚେନ୍ନାଇର କ୍ରମାଗତ ୨ୟ ପରାଜୟ

ଗୌହାଟୀ: ଆଇପିଏଲ୍‌ର ୧୧ତମ ସଂଘର୍ଷପୂର୍ଣ୍ଣ ମ୍ୟାଚ୍‌ରେ ବାଜି ମାରିଲା ରାଜସ୍ଥାନ ରୟାଲ୍ସ। ରୋମାଞ୍ଚକର ମ୍ୟାଚ୍‌ରେ ରାଜସ୍ଥାନ ୬ ରନରେ ଚେନ୍ନାଇକୁ ହରାଇଛି। ଏଥିସହ ରାଜସ୍ଥାନ ଚଳିତ ଆଇପିଏଲ୍ ସିଜିନରେ ନିଜର ପ୍ରଥମ ବିଜୟ ହାସଲ କରିଛି। ଚେନ୍ନାଇ ପ୍ରଥମ ମ୍ୟାଚ୍ ଜିତିବା ପରେ ଲଗାତାର ଦ୍ଵିତୀୟ ପରାଜୟ ଭୋଗିଛି। ରାଜସ୍ଥାନ ରୟାଲ୍ସ ଦ୍ଵାରା ଧାର୍ଯ୍ୟ ୧୮୩ ରନର ବିଜୟ ଲକ୍ଷ୍ୟ ପିଛା କରିଥିବା ଚେନ୍ନାଇ ୬ ଓ୍ଵିକେଟ୍ ହରାଇ ୧୭୬ ରନରେ ସୀମିତ ରହିଥିଲା। ଅଧିନାୟକ ଋତୁରାଜ ଗାଏକ୍ଵାଡ଼ଙ୍କ ୬୩ ରନ ଇନିଂସ ବୃଥା ହୋଇଛି। ରବୀନ୍ଦ୍ର ଜାଡ଼େଜା ୩୨ ରନରେ ଅପରାଜିତ ଥିଲେ। ଏହା ପୂର୍ବରୁ ରାଜସ୍ଥାନ ନୀତିଶ ରାଣାଙ୍କ ୮୧ ରନର ବିଧ୍ଵଂସୀ ଇନିଂସ ବଳରେ ୧୮୨ ରନ କରିଥିଲା। ରାଜସ୍ଥାନ ପକ୍ଷରୁ ଓ୍ଵାନିନ୍ଦୁ ହସରଙ୍ଗା ୪ ଓ୍ଵିକେଟ୍ ନେଇ ଦଳ ବିଜୟରେ ମହତ୍ଵପୂର୍ଣ୍ଣ ଭୂମିକା ଗ୍ରହଣ କରିଛନ୍ତି। ୧୮୩ ରନର ବିଜୟ ଲକ୍ଷ୍ୟ ପିଛା କରିଥିବା ଚେନ୍ନାଇକୁ ଶୂନ୍ୟ ରନରୁ ହିଁ ବଡ଼ ଝଟକା ଲାଗିଥିଲା। ଇନଫର୍ମ ବ୍ୟାଟର ରଚିନ ରବୀନ୍ଦ୍ର ଖାତା ଖୋଲି ପାରି ନ ଥିଲେ। ଏହା ପରେ ରାହୁଲ ତ୍ରିପାଠୀ ଓ ଅଧିନାୟକ ଋତୁରାଜ ଗାଏକ୍ଵାଡ଼ ୪୬ ରନ ଯୋଡ଼ିଥିଲେ। ରାହୁଲ ତ୍ରିପାଠୀ ୨୩ ରନ କରି ଆଉଟ୍ ହୋଇଥିଲେ। ଇମ୍ପାକ୍ଟ ପ୍ଲେୟାର ଭାବେ ଆସିଥିବା ଶିବମ ଦୁବେ(୧୮) ନିରାଶ କରିଥିଲେ। ବିଜୟ ଶଙ୍କର(୯) କ୍ରିଜରେ ତିଷ୍ଠି ପାରି ନ ଥିଲେ। ଅନ୍ୟପଟେ ଋତୁରାଜ ଗାଏକ୍ଵାଡ଼ ଇନିଂସ ସମ୍ଭାଳିଥିଲେ। ସେ ୪୪ ବଲ୍‌ରୁ ୬୩ ରନର ଗୁରୁତ୍ଵପୂର୍ଣ୍ଣ ଇନିଂସ ଖେଳିଥିଲେ। ଗାଏକଓ୍ଵାଡ଼ଙ୍କ ଆଉଟ୍ ପରେ ଚେନ୍ନାଇର ରନ ରେଟ୍ ହାର ବଢିବାରେ ଲାଗିଥିଲା। ରବୀନ୍ଦ୍ର ଜାଡ଼େଜା ଓ ମହେନ୍ଦ୍ର ସିଂ ଧୋନୀ କ୍ରିଜରେ ଥିବା ପର୍ଯ୍ୟନ୍ତ ଦଳର ବିଜୟ ଆଶା ଉଜ୍ଜିବୀତ ରହିଥିଲା। ଶେଷ ଦୁଇ ଓଭରରେ ଚେନ୍ନାଇକୁ ଜିତିବା ପାଇଁ ୩୯ ରନ ଦରକାର ଥିଲା। ୧୯ତମ ଓଭରରେ ୧୯ ରନ ସଂଗ୍ରହ ହୋଇଥିଲା। ତେବେ ୨୦ତମ ଓଭରରେ ଧୋନୀ ୧୧ ବଲରୁ ୧୬ ରନ କରି ଆଉଟ୍ ହେବା ସହ ଚେନ୍ନାଇ ପ୍ରଶଂସକଙ୍କୁ ନିରାଶ କରିଥିଲେ। ଜେମି ଓଭରଟନ ୪ ବଲରୁ ୧୧ ରନ ଓ ଜାଡ଼େଜା ୩୨ ରନ କରି ଅପରାଜିତ ଥିଲେ ହେଁ ଚେନ୍ନାଇକୁ ପରାଜୟରୁ ରକ୍ଷା କରି ପାରି ନ ଥିଲେ। ଶେଷରେ ଚେନ୍ନାଇ ଇନିଂସ ୧୭୬ ରନରେ ଅଟକି ଥିଲା। ବୋଲିଂରେ ରାଜସ୍ଥାନ ପକ୍ଷରୁ ଓ୍ଵାନିନ୍ଦୁ ହସରଙ୍ଗା ୩୫ ରନ ଦେଇ ୪ଟି ଅକ୍ତିକାର କରିଛନ୍ତି। ସନ୍ଦୀପ ଶର୍ମା ଓ ଜୋଫ୍ରା ଆର୍ଚର ପ୍ରତ୍ୟେକଙ୍କୁ ଗୋଟିଏ ଲେଖାଏଁ ଓ୍ଵିକେଟ୍ ମିଳିଛି।

Sikandar Box Office Collection Day 1: ବକ୍ସ ଅଫିସରେ କେମିତି ରୋଜଗାର କଲା ସିକନ୍ଦର, ଏଭଳି କହୁଛନ୍ତି ୟୁଜର୍ସ

ନୂଆଦିଲ୍ଲୀ: ସଲମାନ ଖାନଙ୍କ ବହୁ ପ୍ରତୀକ୍ଷିତ ଫିଲ୍ମ ‘ସିକନ୍ଦର’ ଶେଷରେ ମାର୍ଚ୍ଚ 30 ରେ ପ୍ରେକ୍ଷାଳୟରେ ମୁକ୍ତିଲାଭ କରିଛି । ଏହି ଫିଲ୍ମଟି ପ୍ରସିଦ୍ଧ ନିର୍ଦ୍ଦେଶକ ଏ.ଆର.ଙ୍କ ଦ୍ୱାରା ନିର୍ମିତ । ଏହା ମୁରୁଗାଦୋସଙ୍କ ନିର୍ଦ୍ଦେଶନାରେ ନିର୍ମିତ । ସେ ପୂର୍ବରୁ ଅନ୍ୟ ହିଟ୍ ଫିଲ୍ମ ଦେଇସାରିଛନ୍ତି । ଦର୍ଶକ ଏହି ଫିଲ୍ମରୁ ମଧ୍ୟ ଜବରଦସ୍ତ ଆକ୍ସନ ଏବଂ ଏକ ଶକ୍ତିଶାଳୀ କାହାଣୀ ଆଶା କରୁଥିଲେ । ତେବେ ଦର୍ଶକ ଏହି ଫିଲ୍ମକୁ ନେଇ ଭିନ୍ନ ଭିନ୍ନ […]

ଆମ ଓଡ଼ିଶା ବୁଲେଟିନ୍ : ୩୦/୦୩ /୨୦୨୫

କଥା ଦେଇ ଭୁଲିଗଲେ ବିଜେପି ସରକାର ; ବର୍ଦ୍ଧିତ ଭତ୍ତା ଦେବାକୁ କହି ଭୁଲିଗଲେ

କନକ ବ୍ୟୁରୋ: ବାରମ୍ବାର ବଦଳୁଛି ନିୟମ । ତଳୁ ଉପର ଯାଏଁ କେହି କିଛି ଶୁଣୁନାହାନ୍ତି । ନିର୍ବାଚନ ପରେ ଚିତ୍ର କେମିତି ବଦଳିଯାଏ, ତାହା ଦେଖିବାକୁ ମିଳିଛି ବର୍ଦ୍ଧିତ ଭତ୍ତା ପ୍ରଦାନ କ୍ଷେତ୍ରରେ । ଯାହାକୁ ନେଇ ବର୍ଦ୍ଧିତ ଭତା ପାଇବାରୁ ବଞ୍ଚିତ ଯୋଗ୍ୟ ହିତାଧିକାରୀ ଏ ଅଫିସରୁ ସେ ଅଫିସ ଦଉଡି ଦଉଡି ନୟାନ୍ତ ହୋଇଛନ୍ତି । ଏହାକୁ ନେଇ ମୁହାଁମୁହିଁ ହୋଇଛନ୍ତି ଶାସକ ବିରୋଧୀ । ପ୍ରତିଶ୍ରୁତି ଥିଲା ସମସ୍ତ ଭତ୍ତା ହିତାଧିକାରୀଙ୍କୁ ମିଳିବ ୩୦୦୦ ଟଙ୍କା। କିନ୍ତୁ ନିର୍ବାଚନ ପରେ ବଦଳିଗଲା ସରକାରଙ୍କ ସ୍ବର । ୮୦ ବର୍ଷ ବୟସରୁ ଊର୍ଦ୍ଧ୍ବ ଓ ୮୦ ପ୍ରତିଶତରୁ ଅଧିକ ଦିବ୍ୟାଙ୍ଗ ହିତାଧିକାରୀଙ୍କୁ ୩୫୦୦ ଟଙ୍କା ଭତ୍ତା ଘୋଷଣା କରିଥିଲେ ସରକାର। ହେଲେ, ଏବେ ସେହି ବର୍ଦ୍ଧିତ ଭତ୍ତା ବି ସମସ୍ତଙ୍କୁ ମିଳିପାରୁନି। ଏପରିକି ବର୍ଦ୍ଧିତ ଭତ୍ତା ପାଇବା ପାଇଁ ଯୋଗ୍ୟ ହୋଇଥିଲେ ଏ ଅଫିସରୁ ସେ ଅଫିସକୁ ଦୌଡିବାକୁ ବାଧ୍ୟ ହେଉଛନ୍ତି। ଫଳରେ ରାଜ୍ୟରେ ଏବେ ବି ହଜାର ହଜାର ଆବେଦନକାରୀ ଭତ୍ତା ଅପେକ୍ଷାରେ ରହିଛନ୍ତି। ପ୍ରଥମ ଦଫାରେ ୩ ଲକ୍ଷ ୮୮ ହଜାର ୩୬ ଜଣଙ୍କୁ ମିଳିଛି ବର୍ଦ୍ଧିତ ଭତ୍ତା। ବାଦ୍‌ ପଡ଼ିଥିବା ଯୋଗ୍ୟ ହିତାଧିକାରୀଙ୍କୁ ଦ୍ବିତୀୟ ଦଫାରେ ଭତ୍ତା ମିଳିବ ବୋଲି କୁହାଯାଇଥିଲା। ହେଲେ ପରେ ପ୍ରତି ଜିଲ୍ଲାରୁ ସର୍ବାଧିକ ୨୦୦ ଜଣଙ୍କୁ ବର୍ଦ୍ଧିତ ଭତ୍ତା ଦିଆଯାଇପାରିବ ବୋଲି କହିଲେଣି ସରକାର। ଏହି ନିୟମ ଆଧାରରେ ୨୩ ଜିଲ୍ଲାରୁ ମାତ୍ର ୪୪୨୨ ଜଣଙ୍କୁ ୩୫୦୦ ଲେଖାଏଁ ଭତ୍ତା ଦିଆଯାଇଛି। ଦ୍ବିତୀୟ ଦଫାରୁ ବାଦ୍‌ ପଡ଼ିଛି ଅନୁଗୁଳ, ବାଲେଶ୍ବର, ବରଗଡ଼, କଟକ, ମାଲକାନଗିରି, ନୂଆପଡ଼ା, ପୁରୀ ଜିଲ୍ଲା। ଯାହାକୁ ନେଇ ବିରୋଧୀ କହିଛନ୍ତି, ନିର୍ବାଚନ ପରେ ପ୍ରତିଶ୍ରୁତି ପାଲଟିଲା ପ୍ରତାରଣା। ସେପଟେ ମନ୍ତ୍ରୀ କହିଛନ୍ତି ଲୋକଙ୍କ ସ୍ବାର୍ଥ କଥା ଚିନ୍ତା କରୁଛନ୍ତି, ଲୋକଙ୍କ ସରକାର। ଭତ୍ତା ପାଉଥିବା ହିତାଧିକାରୀଙ୍କ ତାଲିକା ସରକାରଙ୍କ ପାଖରେ ଥିଲା । ତଥାପି ସର୍ଭେ କରାଇ ସମସ୍ତଙ୍କଠାରୁ ପୁଣି ଥରେ କାଗଜପତ୍ର ନେଲେ । କିନ୍ତୁ ଦେଲା ବେଳକୁ ବଦଳିଗଲା ନିୟମ।

ଘରେ ସ୍ୱାମୀ ନଥିବା ବେଳେ ମହିଳାଙ୍କ ସହ ଦୁଷ୍କର୍ମ କରି, ଭିଡିଓ ଭାଇରାଲ କରିଦେଲା ଏହି ଦୁର୍ବୃତ୍ତ

ନୂଆଦିଲ୍ଲୀ: ଉତ୍ତରପ୍ରଦେଶର ଶାହଜହାପୁର ଜିଲ୍ଲାରେ ମହିଳାଙ୍କ ସହ ଦୁଷ୍କର୍ମ ମାମଲା ସାମ୍ନାକୁ ଆସିଛି। ଦୁଷ୍କର୍ମ କରିବା ପରେ ଦୁର୍ବୃତ୍ତମାନେ ଭିଡିଓ ସୋସିଆଲ ମିଡିଆରେ ଭାଇରାଲ କରିଛି। ଅପରାଧୀ ମହିଳାଙ୍କୁ ଜୀବନରୁ ମାରିଦେବାର ଧମକ ଦେଇ ଏହି ଭିଡିଓ କରିଛି। ବର୍ତ୍ତମାନ ଏହି ମାମଲାରେ ଏଫଆଇଆର ଦାଖଲ କରିଛନ୍ତି ପୀଡ଼ିତା। ଅପରାଧୀକୁ ପୋଲିସ ଗିରଫ ମଧ୍ୟ କରିଛି। ଏଫଆଇଆର ଅନୁଯାୟୀ, ଅଭିଯୁକ୍ତ ଜଣ ସେହି ଅଞ୍ଚଳରେ ବସବାସ କରେ। ଯେତେବେଳେ ୩୫ ବର୍ଷୀୟ ମହିଳାଜଣକ ଘରେ ଏକା ଥିଲେ, […]

ତରଭୁଜ ଖାଇ ମଞ୍ଜି ଫିଙ୍ଗି ଦେଉଛନ୍ତି କି? କରନ୍ତୁନି ମୁର୍ଖାମୀ! ଏଥିରେ ରହିଛି ଭରପୁର ଲାଭ

ନୂଆଦିଲ୍ଲୀ: ସାଧାରଣତଃ ଖରାଦିନେ ଲୋକମାନଙ୍କର ପସନ୍ଦ ହୋଇଥାଏ ତରଭୁଜ । ଏହାକୁ ଖାଇବା ଦ୍ବାରା ଶରୀର ହାଇଡ୍ରେଟ ହୋଇ ରହିଥାଏ । କିନ୍ତୁ ଲୋକେ ତରଭୁଜ ଖାଇବା ପରେ ମଞ୍ଜି ଫିଙ୍ଗି ଦେଇଥାନ୍ତି । ଯଦି ଆପଣ ଏହାକୁ ଅଦରକାରୀ ଭାବି ଫିଙ୍ଗି ଦେଉଛନ୍ତି ତାହେଲେ ଏହା ବୋକାମୀ ଅଟେ । ତରଭୁଜ ମଞ୍ଜିରେ ପ୍ରୋଟିନ, ଭିଟାମିନ୍ସ ଏବଂ ମିନେରାଲ୍ସ ରହିଥାଏ । ଯାହା ଶରୀର ପାଇଁଁ ଜରୁରୀ ପୋଷକ ତତ୍ତ୍ବ ପ୍ରଦାନ କରିଥାଏ । ସେହିପରି […]

ଆଉ ରହିବନି ଗରିବଙ୍କ ଚିନ୍ତା ; ଘର ଭେଟି ଦେଲେ ସରକାର

କନକ ବ୍ୟୁରୋ: ଅନ୍ତ୍ୟୋଦୟ ଗୃହ ଯୋଜନାରେ ଶୁଭାରମ୍ଭ କରିଛନ୍ତି ମୁଖ୍ୟମନ୍ତ୍ରୀ। ଭବାନୀପାଟଣାରେ ଆୟୋଜିତ ସ୍ବତନ୍ତ୍ର କାର୍ଯ୍ୟକ୍ରମରେ ଯୋଗ ଦେଇ ହିତାଧିକାରୀଙ୍କୁ କାର୍ଯ୍ୟାଦେଶ ବଣ୍ଟନ କରିଛନ୍ତି। ଏଥିସହ ସ୍ବତନ୍ତ୍ର କାର୍ଯ୍ୟକ୍ରମ ଜରିଆରେ ରାଜ୍ୟର ସମସ୍ତ ଜିଲ୍ଳାରେ ଅନ୍ତ୍ୟୋଦୟ ଗୃହ ଯୋଜନାର ଶୁଭାରମ୍ଭ ହୋଇଛି। ଖରା ବର୍ଷାରୁ ମୁଣ୍ଡ ଗୁଞ୍ଜିବାକୁ ଆଉ ରହିବନି ଚିନ୍ତା। ପ୍ରତ୍ୟେକ ଗରିବଙ୍କ ମୁଣ୍ଡ ଉପରେ ଯେମିତି ପକ୍କା ଘର ରହିବ ସେଥିପାଇଁ ମୋହନ ସରକାର ଆରମ୍ଭ କରିଛନ୍ତି ଅନ୍ତ୍ୟୋଦୟ ଗୃହ ଯୋଜନା। ମୁଖ୍ୟମନ୍ତ୍ରୀ ମୋହନ ମାଝୀ କଳାହାଣ୍ଡି ଭବାନୀପାଟଣାରୁ ଏହି ଯୋଜନାର ଶୁଭାରମ୍ଭ କରିଛନ୍ତି। ଏଥିସହ ଯୋଗ୍ୟ ହିତାଧିକାରୀଙ୍କୁ ଘର ନିର୍ମାଣ ପାଇଁ କାର୍ଯ୍ୟାଦେଶ ପ୍ରଦାନ କରିଛନ୍ତି। ଭବାନୀପାଟଣା ଭଳି ରାଜ୍ୟର ବିଭିନ୍ନ ସ୍ଥାନରେ ଆୟୋଜିତ ସ୍ବତନ୍ତ୍ର କାର୍ଯ୍ୟକ୍ରମରେ ଯୋଗ୍ୟ ହିତାଧିକାରୀଙ୍କୁ କାର୍ଯ୍ୟାଦେଶ ବଣ୍ଟନ କରାଯାଇଛି। ଯାହାକୁ ନେଇ ଖୁସି ବ୍ୟକ୍ତ କରିଛନ୍ତି ଦୀର୍ଘ ଦିନ ହେବ ଘର ଖଣ୍ଡେ କରିବା ପାଇଁ ସ୍ବପ୍ନ ଦେଖୁଥିବା ଗରିବ।

ଚୈତ୍ର ନବରାତ୍ରୀର ଦ୍ୱିତୀୟ ଦିନରେ କରନ୍ତୁ ମାଆ ବହ୍ମଚାରିଣୀଙ୍କ ପୂଜା, ଦୂର ହେବ ଗ୍ରହ ଦୋଷ

ଓଡ଼ିଶା ଭାସ୍କର: ମାଆ ବ୍ରହ୍ମଚାରିଣୀ ହେଉଛନ୍ତି ମା ଦୁର୍ଗାଙ୍କର ଦ୍ୱିତୀୟ ଶକ୍ତି । ଚୈତ୍ର ନବରାତ୍ରର ଦ୍ୱିତୀୟ ଦିନରେ ମାଆ ବ୍ରହ୍ମଚାରିଣୀଙ୍କର ପୂଜା କରାଯାଏ। ମାଆ ବ୍ରହ୍ମଚରିଣୀଙ୍କୁ ପୂଜା କରି ଭକ୍ତମାନେ ସଫଳତା ହାସଲ କରିଥାନ୍ତି। ବିଶ୍ୱାସ କରାଯାଏ ଯେ, ମା ଦୁର୍ଗାଙ୍କୁ ପୂଜା କରିବା ଦ୍ୱାରା ନଅଟି ଗ୍ରହ ଶାନ୍ତ ହୋଇଯାଏ। ଜ୍ୟୋତିଷ ଶାସ୍ତ୍ରରେ ମା ବ୍ରହ୍ମଚାରିଣୀ ଚନ୍ଦ୍ର ସହିତ ଜଡିତ। ମାଙ୍କୁ ପୂଜା କରି ଚନ୍ଦ୍ରଦୋଷ ଦୂର କରାଯାଇଥାଏ। ତେବେ ଆସନ୍ତୁ ଜାଣିବା ପୂଜା […]

କୋରାପୁଟକୁ ଲମ୍ବିଛି ‘ରାଜା’ ସାମ୍ରାଜ୍ୟ ; ସେମିଳିଗୁଡାରୁ ଟିପ୍ପର, ଜେସିବି ଜବତ

କନକ ବ୍ୟୁରୋ: କୋରାପୁଟକୁ ଲମ୍ବିଛି ରାଜା ଚକ୍ରର ବ୍ୟବସାୟିକ ସାମ୍ରାଜ୍ୟ । ତଦନ୍ତ ବେଳେ ସାମ୍ନାକୁ ଆସିଲା ତଥ୍ୟ । ଆଜି ସେମିଳିଗୁଡାରୁ ରାଜା ଚକ୍ରର ୧୪ ଟିପର ଜବତ କରିଛି ଇଓଡବ୍ଲୁ । ଗନ୍ଧମାର୍ଦନ ଖଣି ଲୋଡ଼ିଙ୍ଗ ଏଜେନ୍ସି ଦୁର୍ନୀତି ଘଟଣାରେ ଖଣି ମାଫିଆ ରାଜା ଚକ୍ରର ଗିରିଫଦାରି ଘଟଣା ସାରା ରାଜ୍ୟରେ ଚର୍ଚ୍ଚା ପାଲଟିଥିବା ବେଳେ ଏବେ କୋରାପୁଟରେ ମଧ୍ୟ ରାଜାର ସାମ୍ରାଜ୍ୟ ଥିବା ଜଣାପଡ଼ିଛି । ସେମିଳିଗୁଡା ସହର ଉପକଣ୍ଠରେ ୧୫ରୁ ଅଧିକ କ୍ରସର ଥିବା ବେଳେ ଏଥିରେ ରାଜା ଚକ୍ରର ଏକାଧିକ ଗାଡି ପରିବହନ ପାଇଁ ଲାଗିଛି । ଏହି ଘଟଣା ଇଓଡବ୍ଲୁ ନଜରକୁ ଆସିବା ପରେ ଗାଡି ଗୁଡିକ ଜବତ ପାଇଁ ପୋଲିସକୁ ନିର୍ଦ୍ଦେଶ ଦିଆଯାଇଥିଲା । ଆଜି ୧୪ଟି ଟିପର ସହ ଗୋଟିଏ ଜେସିବିକୁ ଜବତ କରିଛି ସେମିଳିଗୁଡା ପୋଲିସ ।

ଭୂମିକମ୍ପରେ ଭୁଶୁଡ଼ି ପଡ଼ିଥିବା ନିର୍ମାଣଧୀନ କୋଠା ସହ ଚୀନ୍ କନେକ୍ସନ, ଥାଇଲାଣ୍ଡ ସରକାର ଦେଲେ ଯାଞ୍ଚ ନିର୍ଦ୍ଦେଶ

ନୂଆଦିଲ୍ଲୀ: ମିଆଁମାରରେ ଆସିଥିବା ବିନାଶକାରୀ ଭୂମିକମ୍ପ ମୃତ୍ୟୁର ତାଦଣ୍ଡ ରଚିଛି । ୭.୭ ତୀବ୍ରତାରେ ଛାରଖାର ହୋଇଯାଇଛି ମିଆଁମାର ସହିତ ଥାଇଲାଣ୍ଡ । ବ୍ୟାଙ୍କକର ୩୩ ମହଲା ନିର୍ମାଣଧୀନ କୋଠା ଭୂକମ୍ପରେ ମାଟି ସମାଧି ନେଇଛି । ଏହା ଭିତରେ କାର୍ଯ୍ୟ କରୁଥିବା ଡଜନରୁ ଅଧିକ ଶ୍ରମିକ ଧ୍ବଂସାବଶେଷ ତଳେ ଦବି ଯାଇଛନ୍ତି । ତେବେ ଏହି ଦୁର୍ଘଟଣାର ଯାଞ୍ଚ ଆରମ୍ଭ ହୋଇଛି । କେଉଁ ପରିସ୍ଥିତିରେ ବ୍ୟାଙ୍କକର ଏହି ସୁଉଚ୍ଚ ଅଟ୍ଟାଳିକା ଭୁଶୁଡି ପଡ଼ିଲାର ତା’ର ଯାଞ୍ଚ ଜାରି ରହିଛି । କୁହାଯାଉଛି ଏହି ବିଲ୍ଡିଂ ନିର୍ମାଣ ଦାୟିତ୍ବରେ ଚୀନ୍ କମ୍ପାନି ରହିଛି । ଏହାର ନିର୍ମାଣ ପଦ୍ଧତୀକୁ ନେଇ ପ୍ରଶ୍ନବାଚୀ ଉଠାଇଛନ୍ତି ଲୋକେ । ସମାଚାର ଏଜେନ୍ସିAFPଅନୁଯାୟୀ, ଶକ୍ତିଶାଳୀ ଭୂମିକମ୍ପରେ ବ୍ୟାଙ୍କକରେ ବର୍ତ୍ତମାନ ସୁଦ୍ଧା ୧୭ଜଣଙ୍କ ମୃତ୍ୟୁ ହୋଇଛି । ସେହିପରି ୩୨ଜଣ ଆହତ ହୋଇଥିବା ବେଳେ ୮୩ଜଣ ଶ୍ରମିକ ନିଖୋଜ ରହିଛନ୍ତି । ରେସକ୍ୟୁ ଟିମ୍ ପ୍ରଚଣ୍ଡ ଗ୍ରୀଷ୍ମରେ ଧ୍ବଂସାବଶେଷ ତଳୁ ଫସିରହିଥିବା ଲୋକଙ୍କୁ ଖୋଜାଖୋଜି କରୁଛନ୍ତି । ଥର୍ମାଲ ଇମେଜିଂ ଡ୍ରୋନ୍ ଜରିଆରେ ମାଟି ତଳୁ ୧୫ଜଣ ଲୋକଙ୍କୁ ଜୀବିତ ଥିବା ସଙ୍କେତ ମିଳିଛି । ସେହିଭଳି ଏଯାଏଁ ୮ ମୃତଦେହ ଉଦ୍ଧାର କରିଛନ୍ତି ଉଦ୍ଧାରକାରୀ ଦଳ । କାହିଁକି ଭୁଶୁଡ଼ି ପଡ଼ିଲା ଅଟ୍ଟାଳିକା : ଥାଇଲାଣ୍ଡ ଷ୍ଟେଟ୍ ଅଡିଟ୍ ଅଫିସ୍‌ର ଥିଲା ଭୂମିକମ୍ପରେ ଭୁଶୁଡ଼ିଯାଇଥିବା ନିର୍ମାଣଧୀନ କୋଠା। ୪୫ ମିଲିୟନ ପାଉଣ୍ଡ ବ୍ୟୟରେ ଏହି ୩୩ ମହଲା ବିଶିଷ୍ଟ ବିଲ୍ଡିଂ ତିଆରି କରାଯାଉଥିଲା । ଏହି ପ୍ରକଳ୍ପକୁ ଥାଇଲାଣ୍ଡ କମ୍ପାନି ଇଟାଲିୟନ୍-ଥାଇ ଡେଭଲ୍‌ପମେଣ୍ଟ ପିଏଲସି ଏଲଟିଡି ଏବଂ ଚୀନର ଚାଇନା ରେଲଓ୍ବେ ନଂ-୧୦ ଏଲଟିଡି ସଂଯୁକ୍ତ ଭାବେ ନିର୍ମାଣ କରୁଥିଲା । ଚାଇନା ରେଲଓ୍ବେ ନଂ ୧୦ ବିଶେଷ ଭାବେ ଚୀନର ସରକାରୀ କମ୍ପାନି‘ଚାଇନା ରେଲଓ୍ବେ ନଂ-୧୦ ଇଞ୍ଜିନିୟରିଂ ଗ୍ରୁପ’ର, ଯାହାର ୪୯ ପ୍ରତିଶତ ଅଂଶ ରହିଛି । ଯାଞ୍ଚ ଆଦେଶ, ୭ଦିନରେ ରିପୋର୍ଟ : ଥାଇଲାଣ୍ଡ ଉପ-ପ୍ରଧାନମନ୍ତ୍ରୀ ଅନୁଟିନ୍ ଚାର୍ନଭିରାକୁଲ ଏହି ଦୁର୍ଘଟଣାର ଯାଞ୍ଚ ଆଦେଶ ଦେଇଛନ୍ତି । ଏହାକୁ ନେଇ ଏକ ବିଶେଷଜ୍ଞ କମିଟି ଗଠନ କରାଯାଇଛି । ତେବେ କେଉଁ ପରିସ୍ଥିତିରେ ନିର୍ମାଣଧୀନ କୋଠା ଭୁଶୁଡ଼ି ପଡ଼ିଲା ଏହାର ଯାଞ୍ଚ କରି ଆସନ୍ତା ୭ ଦିନ ମଧ୍ୟରେ ତଦନ୍ତ ରିପୋର୍ଟ ଦାଖଲ କରିବେ । ଏଠି ପ୍ରଶ୍ନ ଉଠୁଛି ଉଚ୍ଚ ଅଟ୍ଟାଳିକାରେ ଡିଜାଇନ ଏବଂ ନିର୍ମାଣରେ ତ୍ରୁଟି ଥିଲା କି ? ନା ଚୀନ କମ୍ପାନି ନିମ୍ନ ମାନର ସାମଗ୍ରୀ ଏଥିରେ ବ୍ୟବହାର କରିଛି ? ସୂଚନା ଅନୁଯାୟୀ, ଏହି ଶକ୍ତିଶାଳୀ ଭୂମିକମ୍ପରେ ମିଆଁମାରରେ ସର୍ବାଧିକ କ୍ଷତି ଘଟିଛି । ବର୍ତ୍ତମାନ ସୁଦ୍ଧା ୧୬ଶହରୁ ଅଧିକ ଲୋକ ପ୍ରାଣ ହରାଇଛନ୍ତି । ହଜାରରେ ଅଧିକ ଆହତ ହୋଇଛନ୍ତି । ଅନେକ ଲୋକ ନିଖୋଜ ରହିଥିବାରୁ ମୃତ୍ୟୁ ସଂଖ୍ୟା ବଢ଼ିବ ବୋଲି କୁହାଯାଉଛି ।

ରାଜ୍ୟରେ ଜାରି ରହିଛି ଗ୍ରୀଷ୍ମ ପ୍ରବାହ, ଦୁଇ ଦିନ ମଧ୍ୟରେ ତାପମାତ୍ରା କମିବା ସମ୍ଭାବନା

ଭୁବନେଶ୍ବର ୩୦ । ୩ : ପଶ୍ଚିମରେ ତାତି, ଉପକୂଳରେ ଗୁଳୁଗୁଳି । ସାରା ରାଜ୍ୟରେ ଉପରମୁହାଁ ପାରଦ । ଜାରି ରହିଛି ହିଟ୍‌ଓ୍ବେଭ । ତତଲା ତାଓ୍ବାରେ ଭାଜି ହେଉଛି ପଶ୍ଚିମ ଓଡ଼ିଶା । କଲବଲ କରୁଛି ଖରା । ପଶ୍ଚିମ କେନ୍ଦ୍ରାଞ୍ଚଳର ଅଧିକାଂଶ ସ୍ଥାନରେ ତାପମାତ୍ରା ଏବେ ୪୦ ଡିଗ୍ରୀ ଛୁଇଁଛି । ଖରାରେ ଆଉଟୁ ପାଉଟ ଜନଜୀବନ । ଦିନ ୧୦ଟା ବେଳକୁ ବାହାରିବା ମୁସ୍କିଲ ହୋଇପଡୁଛି । ଖରା ଯୋଗୁ ଖାଁ ଖାଁ ହାଟ ବଜାର । ସେପଟେ ବସଷ୍ଟାଣ୍ଡ, ମାର୍କେଟ୍‌ ଅଞ୍ଚଳରେ ଅଧିକ ପାନୀୟ ଜଳ ସୁବିଧା ସହ ଛାଇ କରିବାକୁ ଦାବି ହୋଇଛି । ସେପଟେ ପାଣିପାଗ ବିଜ୍ଞାନୀଙ୍କ କହିବା ଅନୁଯାୟୀ, ଆସନ୍ତା ୭ରୁ ୮ ତାରିଖ ବେଳକୁ ପଶ୍ଚିମ ଓଡ଼ିଶାର ତାପମାତ୍ରା ୪୫ ଡିଗ୍ରୀ ପହଞ୍ଚିଯିବ । ରବିବାର ସନ୍ଧ୍ୟାରେ ଉତ୍ତର ଓ ଦକ୍ଷିଣ ଓଡ଼ିଶାର କିଛି ସ୍ଥାନରେ କାଳବୈଶାଖୀ ହେବାର ସମ୍ଭାବନା ରହିଛି । ସେପଟେ ଏପ୍ରିଲ ୭ରୁ ୮ ତାରିଖ ବେଳକୁ ପଶ୍ଚିମ ଓ ଆଭ୍ୟନ୍ତରୀଣ ଜିଲ୍ଲା ଗୁଡ଼ିକରେ ତାପମାତ୍ରା ୪୫ ଡିଗ୍ରୀ ପର୍ଯ୍ୟନ୍ତ ଛୁଇଁପାରେ ବୋଲି ସୋଆ ସିଇସି ନିର୍ଦ୍ଦେଶକ ଶରତ ଚନ୍ଦ୍ର ସାହୁ ଆକଳନ କରିଛନ୍ତି । You Can Read: ଏପ୍ରିଲ୍ ୧ରେ ଓଡ଼ିଶା ଦିବସକୁ ବେଶ୍ ଧୁମ୍‌ଧାମ୍‌ରେ ପାଳନ କରିବ ବିଜେଡି

ଆଶାରାମକୁ ମିଳିଲା ୯୦ ଦିନ ଜାମିନ, ଚିନ୍ତାରେ ପୀଡ଼ିତାଙ୍କ ପରିବାର

ଶାହଜହାଁପୁର ୩୦।୩: ଦୁଷ୍କର୍ମ ମାମଲାରେ ଆଜୀବନ ଜେଲଦଣ୍ଡାଦେଶ ଭୋଗୁଥିବା ଆଶାରାମ ବାପୁଙ୍କ ଜାମିନ ଅବଧି ଆଉ ୩ ମାସ ବଢିଛି। ଫଳରେ ପୀଡ଼ିତାଙ୍କ ପିତା ପରିବାରର ସୁରକ୍ଷାକୁ ନେଇ ଉଦବେଗ ପ୍ରକାଶ କରିଛନ୍ତି। ଦୁଷ୍କର୍ମ ପୀଡ଼ିତାଙ୍କ ପିତା କହିଛନ୍ତି ତାଙ୍କ ପରିବାର ନିମନ୍ତେ ଏବେ ବିପଦ ବଢ଼ି ଯାଇଛି। ଏବେ ଆଶାରାମ କେବେବି ତାଙ୍କପରିବାର ପ୍ରତି କିଛିବି କରି ପାରେ। ତେବେ ଆଶାରାମଙ୍କୁ ବାରମ୍ବାର ଜାମିନ ଦିଆଯାଉଥିବାରୁ ପୀଡ଼ିତାଙ୍କ ପିତା ଆଶ୍ଚର୍ଯ୍ୟ ପ୍ରକାଶ କରିଛନ୍ତି। ଉତ୍ତରପ୍ରଦେଶ ଶାହଜାହଁପୁର ନିବାସୀ ପୀଡ଼ିତାଙ୍କ ପିତା କହିଛନ୍ତି ଯେ ଆଶାରାମ ସମସ୍ତଙ୍କୁ ନିଜ ହିସାବରେ ଚଳାଉଛି। ପୀଡ଼ିତାଙ୍କ ସହିତ ୨୦୧୩ ମସିହାରେ ଆଶାରାମଙ୍କ ଯୋଦ୍ଧପୁରସ୍ଥିତ ଆଶ୍ରମରେ ଦୁଷ୍କର୍ମ ହୋଇଥିଲା। ସେତେବେଳେ ପୀଡ଼ିତା ନାବାଳିକା (୧୬) ଥିଲା। ଗୁଜରାଟ ଉଚ୍ଚନ୍ୟାୟାଳୟ ଆଶାରାମଙ୍କୁ ହୃଦୟରୋଗ ଏବଂ ବୃଦ୍ଧାବସ୍ଥା ସମ୍ପର୍କିତ ସ୍ୱାସ୍ଥ୍ୟ ସମସ୍ୟାର ଚିକିତ୍ସା ନିମନ୍ତେ ଶୁକ୍ରବାର ଜାମିନ ମଞ୍ଜୁର କରିଥିଲେ। ଆଶାରାମଙ୍କ ପାଇଁ କୋର୍ଟରେ ମକଦ୍ଦମା ଚଳାଉଥିବା ବରିଷ୍ଠ ଓକିଲ ଶୀଲୀନ ମେହେଟ୍ଟା ତର୍କ ଦେଇଛନ୍ତି ଯେ ୮୬ ବର୍ଷ ବୟଷ୍କ ଆଶାରାମ ହୃଦୟ ଏବଂ ବୃକକ ଜନିତ ରୋଗରେ ପୀଡ଼ିତ। ଏଣୁ ତାଙ୍କର ଆୟୁର୍ବେଦିକ ପଞ୍ଚକର୍ମ ଚିକିତ୍ସା କରାଯାଉଛି। ଓକିଲ କୋର୍ଟଙ୍କୁ କହିଛନ୍ତି ଯେ ଯୋଦ୍ଧପୁରସ୍ଥିତ ଆୟୁର୍ବେଦିକ ହସ୍ପିଟାଲରେ ଆଶାରାମଙ୍କ ଚିକିତ୍ସା ଏବେ ଆରମ୍ଭ ହୋଇଛି ଏଥିପାଇଁ ତାଙ୍କୁ ଆଉ ୩ ମାସ ସମୟ ଲାଗିବ। ପୀଡ଼ିତାଙ୍କପିତା କହିଛନ୍ତି ଆଶାରାମ ଜେଲରେ ଥିବା ପର୍ଯ୍ୟନ୍ତ ଆମେ ସୁରକ୍ଷିତ ଥିଲୁ। ଏବେ ଆଶାରାମ ସମସ୍ତଙ୍କୁ ନିଜ ହିସାବରେ ଚଳାଉଛି। ପ୍ରଥମେ କୋର୍ଟ ୭ ଦିନ ପରେ ୧୨ ଦିନ ପୁଣି ଅଢେଇ ମାସ ଓ ଏବେ ୩ ମାସ ଜାମିନ ମଞ୍ଜୁର ହୋଇଛି। ସୂଚନା ଅନୁସାରେ ଗୁଜରାଟ ପୋଲିସ ଦ୍ୱାରା ରୁଜୁ ଏହି ମାମଲାରେ ଉଚ୍ଚତମ ନ୍ୟାୟାଳୟ ଜାନୁୟାରୀ ୭ରେ ମାର୍ଚ୍ଚ ୩୧ ତାରିଖ ପର୍ଯ୍ୟନ୍ତ ଜାମିନ ମଞ୍ଜୁର କରିଥିଲେ। ଏହି ଜାମିନ ଅବଧି ୩୧ ମାର୍ଚ୍ଚ ସୋମବାର ସମାପ୍ତ ହେବା ପୂର୍ବରୁ ତାଙ୍କ ଓକିଲମାନେ ହାଇକୋର୍ଟରେ ୧ ଏପ୍ରିଲରୁ ଆଗାମୀ ୩ ମାସ ନିମନ୍ତେ ଜାମିନ ନିବେଦନ କରିଥିଲେ। ଦୁଷ୍କର୍ମ ପୀଡ଼ିତାଙ୍କ ପିତା କହିଛନ୍ତି ଯେ ଯେବେଠୁ ଆଶାରାମ ଜାମିନରେ ବାହାରକୁ ବାହାରିଲାଣି ତା ସମର୍ଥକମାନେ ସେ ଆଉ ଜେଲକୁ ଯିବେନି ବୋଲି କହୁଛନ୍ତି ଓ ତାହା ଏବେ ସତ୍ୟ ପ୍ରମାଣିତ ହେଉଛି। ଜାମିନରେ ମୁକୁଳିବା ପରେ ଆଶାରାମ ଯୋଦ୍ଧପୁରରୁ ଇନ୍ଦୋର, ଉଜ୍ଜୈନ ଓ ସୁରଟ ନିୟମିତ ଗସ୍ତ କରୁଛନ୍ତି ଓ ନିଜର ଅନୁଗାମୀଙ୍କୁ ଭେଟୁଛି। ଏଣୁ ଏବେ ଆମ ପରିବାର ପ୍ରତି ବିପଦ ବଢିଯାଇଥିବା ପୀଡ଼ିତାଙ୍କ ପିତା କହିଛନ୍ତି। ଏବେ ଆଶାରାମ ଆମ ପରିବାର ସହ କେତେବେଳେ ବି କିଛିବି କରିପାରେ ବୋଲି ସେ ଆଶଙ୍କା କରିଛନ୍ତି। ଏଥିରେ ପୋଲିସ ଏସପି ରାଜେଶ ଦ୍ୱିବେଦୀ କହିଛନ୍ତି ଯେ ଦୁଷ୍କର୍ମ ପୀଡ଼ିତାଙ୍କ ଘରର ସୁରକ୍ଷା ପାଇଁ ଜଣେ ବନ୍ଧୁକଧାରୀ ସୁରକ୍ଷା କର୍ମୀଙ୍କୁ ମୁତୟନ କରାଯାଇଛି। ପୀଡିତାଙ୍କ ଘର ସାମ୍ନାରା ସିସିଟିଭି କ୍ୟାମେରା ମଧ୍ୟ ଲଗାଯାଇଛି। ଏହା ଛଡା ସ୍ଥାନୀୟ ଥାନା ପୋଲିସକୁ ପାଟ୍ରୋଲିଂ କାଳରେ ପୀଡ଼ିତାଙ୍କ ଘର ଉପରେ କଡ଼ା ନଜର ରଖିବାକୁ ମଧ୍ୟ ନିର୍ଦ୍ଦେଶ ଦିଆଯାଇଛି ବୋଲି ଦ୍ୱିବେଦୀ କହିଛନ୍ତି।

‘ଏମ୍ପୁରାନ’ରୁ ହଟିବ ବିବାଦୀୟ ସିନ୍, ପ୍ରଶଂସକଙ୍କୁ କ୍ଷମା ମାଗିଲେ ମୋହନଲାଲ

ନୂଆଦିଲ୍ଲୀ: ମାଲାୟଲମ ଷ୍ଟାର ମୋହନଲାଲ ଓ ପୃ୍‌ଥ୍ଵୀରାଜ ସୁକୁମାରନଙ୍କ ନିକଟରେ ରିଲିଜ ଏଲ୨: ଏମ୍ପୁରାନ ବକ୍ସ ଅଫିସରେ ଧମାଲ କରୁଛି। ମାତ୍ର ଫିଲ୍ମରେ ଚିତ୍ରିତ ଦଙ୍ଗା ଦୃଶ୍ୟ ଫିଲ୍ମକୁ ବିବାଦରେ ପକାଇଛି। ଚଳଚ୍ଚିତ୍ରରେ ୨୦୦୨ ଗୁଜରାଟ ଦଙ୍ଗାର ଦୃଶ୍ୟ ଦେଖିବାକୁ ମିଳିଛି। ଏଥିରେ ଥିବା ଆପତ୍ତିଜନକ ଦୃଶ୍ୟକୁ ନେଇ ଅଭିନେତା ମୋହନଲାଲଙ୍କ ପ୍ରତିକ୍ରିୟା ସାମ୍ନାକୁ ଆସିଛି। ମାଲାୟଲମ ସୁପରଷ୍ଟାର ସାମାଜିକ ଗଣମାଧ୍ୟମରେ ପୋଷ୍ଟ କରି କ୍ଷମା ମାଗିଛନ୍ତି। ଅଭିନେତା ଲେଖିଛନ୍ତି, ମୁଁ ଜାଣିବାକୁ ପାଇଛି ଲୁସିଫର ଫ୍ରାଞ୍ଚାଇଜର ସେକେଣ୍ଡ ପାର୍ଟ ଏମ୍ପୁରାନରେ ଦେଖା ଯାଇଥିବା କିଛି ରାଜନୈତିକ ଓ ସାମାଜିକ ପ୍ରସଙ୍ଗ ମୋର ପ୍ରଶଂସକ ଓ ଶୁଭେଚ୍ଛୁଙ୍କୁ ଆଘାତ ଦେଇଛି। କଳାକାର ହିସାବରେ ଏହା ସୁନିଶ୍ଚିତ କରିବା ମୋର କର୍ତ୍ତବ୍ୟ ଯେ, ମୋର କୌଣସି ବି ଫିଲ୍ମ କୌଣସି ରାଜନୈତିକ ଆନ୍ଦୋଳନ, ବିଚାରଧାରା କିମ୍ବା ଧାର୍ମିକ ସମୁଦାୟ ପ୍ରତି ଆଘାତ ନ ଦେଉ। ଏଥିପାଇଁ ମୁଁ ଏବଂ ଏମ୍ପୁରାନ ଟିମ୍ ସମସ୍ତଙ୍କୁ ହୃଦୟର ସହ କ୍ଷମା ମାଗୁଛୁ। ଆମେ ବୁଝି ପାରୁଛୁ ଏହାର ପୂରା ଦାୟିତ୍ଵ ଫିଲ୍ମର ପରଦା ପଛ ପାର୍ଶ୍ଵରେ କାମ କରୁଥିବା ସମସ୍ତ ଲୋକଙ୍କର ରହିଛି। ଆମେ ସମସ୍ତେ ମିଶି ଏହି ନିଷ୍ପତ୍ତି ନେଇଛୁ ଯେ, ଫିଲ୍ମରୁ ବିବାଦୀୟ ଦୃଶ୍ୟକୁ ହଟାଇ ଦିଆଯିବ। ବିବାଦ ମଧ୍ୟରେ ନିକଟରେ କେରଳର ମୁଖ୍ୟମନ୍ତ୍ରୀ ପିନାରାଇ ବିଜୟନ ଏହାର ସ୍କ୍ରିନିଂରେ ଉପସ୍ଥିତ ଥିଲେ। ସେ ଏମ୍ପୁରାନର ଟିମକୁ ସମର୍ଥନ କରି କହିଥିଲେ ଯେ, ଅଭିବ୍ୟକ୍ତିର ସ୍ଵାଧୀନତାକୁ ଯେ କୌଣସି ମୂଲ୍ୟରେ ସଂରକ୍ଷିତ କରିବା ଉଚିତ୍। ଅନ୍ୟପଟେ ବିଜେପିର କେରଳ ରାଜ୍ୟ ସଂପାଦକ ଏସ ସୁରେଶଙ୍କ କହିବା କଥା ଏମ୍ପୁରାନରେ କୌଣସି ରାଜନୈତିକ ପ୍ରସଙ୍ଗ ନାହିଁ। କେରଳ ବିଜେପି ଏଥିରେ ହସ୍ତକ୍ଷେପ କରିବ ନାହିଁ। ଊଲ୍ଲେଖନୀୟ ଏହି ଫିଲ୍ମ ବକ୍ସ ଅଫିସରେ ଦମଦାର କଲେକ୍ସନ କରୁଛି। ସାକନିଲ୍କର ରିପୋର୍ଟ ଅନୁସାରେ ଏମ୍ପୁରାନ ପ୍ରଥମ ଦିନରେ ୨୧ କୋଟି ଟଙ୍କାର କାରବାର କରିଥିଲା। ଫିଲ୍ମ ୪ ଦିନରେ ୫୦ କୋଟିର ବ୍ୟବସାୟ କରି ସାରିଥିବା ବେଳେ ଓ୍ଵାର୍ଲ୍ଡ ଓ୍ଵାଇଡ କଲେକ୍ସନ ୧୦୦ କୋଟି ଟପି ସାରିଛି। ଅଳ୍ପ ସମୟରେ ୧୦୦ କୋଟି କଲେକ୍ସନ କରିବାରେ ଏହା ପ୍ରଥମ ମାଲାୟଲମ ଫିଲ୍ମ ପାଲଟିଛି।

ବର୍ଷକରେ କାର୍ଯ୍ୟକ୍ଷମ ହେବ ଢେଙ୍କାନାଳରେ ମେଡ଼ିକାଲ କଲେଜ, ଅଧିଗ୍ରହଣ ହେବ ଚିହ୍ନଟ ଜାଗା

ଢେଙ୍କାନାଳ ୩୦ । ୩ : ଖୁବ୍‌ଶୀଘ୍ର ଢେଙ୍କାନାଳରେ ହେବାକୁ ଯାଉଛି ବହୁ ପ୍ରତୀକ୍ଷିତ ମେଡ଼ିକାଲ କଲେଜ । ବିଧାନସଭାରେ ମୁଖ୍ୟମନ୍ତ୍ରୀ ଏନେଇ ଘୋଷଣା ପରେ ଖାଦ୍ୟ ଯୋଗାଣ ଓ ଖାଉଟି କଲ୍ୟାଣ ତଥା ବିଜ୍ଞାନ ଓ କାରିଗରୀ କୌଶଳ ମନ୍ତ୍ରୀ କୃଷ୍ଣଚନ୍ଦ୍ର ପାତ୍ର ଢେଙ୍କାନାଳରେ ସୂଚନା ଦେଇଛନ୍ତି । ଗତ ନିର୍ବାଚନର ପ୍ରତିଶ୍ରୁତି ମୁତାବକ ଆମ ସରକାର ପ୍ରତିଶ୍ରୁତି ରକ୍ଷା କରିଥିବାରୁ ମୁଖ୍ୟମନ୍ତ୍ରୀ ମୋହନ ଚରଣ ମାଝୀ ଓ ସ୍ୱାସ୍ଥ୍ୟମନ୍ତ୍ରୀ ମୁକେଶ ମହାଲିଙ୍ଗଙ୍କୁ ଢେଙ୍କାନାଳବାସୀଙ୍କ ପକ୍ଷରୁ କୃତଜ୍ଞତା ଜଣାଇଛନ୍ତି । ଆସନ୍ତା ବର୍ଷେ ମଧ୍ୟରେ ଏହି ମେଡ଼ିକାଲ କଲେଜ ଜିଲ୍ଲା ମୁଖ୍ୟ ଡାକ୍ତରଖାନାରେ କାର୍ଯ୍ୟକ୍ଷମ ହେବ । ଆସନ୍ତା ବର୍ଷରୁ ମେଡ଼ିକାଲ ଶିକ୍ଷାଦାନ ଆରମ୍ଭ ହେବ । ତେବେ ମେଡ଼ିକାଲ କଲେଜ ପାଇଁ ଆବଶ୍ୟକ ଭିତ୍ତିଭୂମି ପାଇଁ ସରକାର ଅର୍ଥ ବ୍ୟବସ୍ଥା କରିଛନ୍ତି । ଏଥିପାଇଁ ଆବଶ୍ୟକ ଜାଗା ପାଇଁ ଢେଙ୍କାନାଳ ମୁଖ୍ୟ ଡାକ୍ତରଖାନା ପାର୍ଶ୍ବକୁ ଲାଗି ୨୦ଏକର ପରିମିତ ଜାଗା ଚିହ୍ନଟ କରାଯାଇଛି । ଏହି ୨୦ ଏକର ଜାଗା ଖୁବ୍‌ଶୀଘ୍ର ଅଧିଗ୍ରହଣ କରାଯିବ ବୋଲି ମନ୍ତ୍ରୀ ପ୍ରକାଶ କରିଛନ୍ତି। You Can Read: ଅନ୍ତ୍ୟୋଦୟ ଗୃହ ଯୋଜନାକୁ ବିଜେଡି ଓ କଂଗ୍ରେସର ସମାଲୋଚନା ; 'ଭୂମିହୀନ ଘର ପାଇବେ ନା, ଯୋଜନା କେବଳ ଯୋଜନାରେ ରହିବ'

ନେପାଳରେ ହିଂସା, ଫେରିବ କି ରାଜଶାହୀ; ଓଲି ସରକାରଙ୍କ ଆକ୍ସନ ବନାମ ପ୍ରଦର୍ଶନକାରୀଙ୍କ ଅଲ୍‌ଟିମେଟମ୍

ନୂଆଦିଲ୍ଲୀ: ନେପାଳ ସମ୍ବିଧାନରେ ମାତ୍ର ୧୬ ବର୍ଷ ଧର୍ମ ନିରପେକ୍ଷ ଶବ୍ଦ ଲେଖା ହୋଇଥିଲା । ଏବେ ପୁଣି ଥରେ ହିନ୍ଦୁରାଷ୍ଟ୍ର ଘୋଷଣା କରିବାକୁ ଦାବି ହୋଇଛି । ଏହାକୁ ନେଇ ପଡୋଶୀ ଦେଶରେ ଜୋରଦାର ହିଂସା ଦେଖାଦେଇଛି । ପ୍ରଧାନମନ୍ତ୍ରୀ ଓଲି ଏବଂ କମ୍ୟୁନିଷ୍ଟ ସରକାଙ୍କ ବିରୋଧରେ ବଡ଼ ମୋର୍ଚ୍ଚା ଖୋଲିଛନ୍ତି ସାଧାରଣ ଲୋକ । ରାଜଶାହୀ ସମର୍ଥକ ମାନେ ସରକାରଙ୍କୁ ଏପ୍ରିଲ ତିନି ତାରିଖ ପର୍ଯ୍ୟନ୍ତ ଅଲ୍‌ଟିମେଟମ୍ ଦେଇଛନ୍ତି । ଅନ୍ୟପଟେ ଦେଖିବାକୁ ଗଲେ ନେପାଳ ପୂର୍ବରୁ ୨୩୯ ବର୍ଷ ପର୍ଯ୍ୟନ୍ତ ହିନ୍ଦୁରାଷ୍ଟ୍ର ରହିଥିଲା । ନେପାଳ ହିଂସା ପୁଣି ଥରେ ଦେଶ ଓ ଦୁନିଆ ସାମ୍ନାରେ ଅନେକ ପ୍ରଶ୍ନବାଚୀ ରଖିଛି । ୧୬ ବର୍ଷ ପୂର୍ବରୁ ଯେଉଁ ରାଜପଦକୁ ହଟାଯାଇଥିଲା ଏବଂ ରାଜଶାହୀର ମୂଳୋତ୍ପାଟନ ହୋଇଥିଲା, ତାହା ପୁଣି ଥରେ କ’ଣ ଫେରିବ ? ଏପଟେ ହିଂସା ବିରୋଧରେ ପ୍ରଧାନମନ୍ତ୍ରୀ କେପି ସିଂହ ଓଲି ଆକ୍ସନକୁ ଆସିଛନ୍ତି । କମ୍ୟୁନିଷ୍ଟ ସରକାର ପୂର୍ବତନ ରାଜା ଜ୍ଞାନେନ୍ଦ୍ରକୁ ନେଇ କଠୋର ହୋଇଛି । ପୂର୍ବତନ ନେପାଳ ରାଜାମାନଙ୍କୁ ନେଇ କଡା ନିଷ୍ପତ୍ତି ନେଇଛନ୍ତି । କିଛି ଦିନ ପୂର୍ବରୁ ରାଜା ଜ୍ଞାନେନ୍ଦ୍ର ନେପାଳର ଏକ ବଡ଼ ପ୍ରାନ୍ତ ଯାତ୍ରା କରିବା ପରେ ଲୋକମାନଙ୍କ ସମର୍ଥନ ଲୋଡ଼ିଥିଲେ । ମାତ୍ର ସରକାର ଏବେ ଆକ୍ସନ ମୁଡରେ ରହିଛନ୍ତି । ଶୁକ୍ରବାର ଦେଶରେ ହିଂସାତ୍ମକ ଘଟଣା ପରେ ନେପାଳର ଓଲି ସରକାର ବଡ଼ ନିଷ୍ପତ୍ତି ନେଇଛନ୍ତି । ରାଜା ଜ୍ଞାନେନ୍ଦ୍ରଙ୍କ ସୁରକ୍ଷା ବ୍ୟବସ୍ଥାରେ ପରିବର୍ତ୍ତନ କରାଯାଇଛି । ଯେଉଁ ସୁରକ୍ଷାକର୍ମୀମାନେ ଦାୟିତ୍ବରେ ଥିଲେ ସେମାନଙ୍କୁ ହଟାଇ ଦିଆଯାଇଛି । ଏହା ସହିତ ସୁରକ୍ଷା ବ୍ୟବସ୍ଥାକୁ ସଂକୁଚିତ କରାଯାଇଛି । ପୂର୍ବରୁ ଜ୍ଞାନେନ୍ଦ୍ର ଶାହଙ୍କ ସୁରକ୍ଷା ଦାୟିତ୍ବରେ ୨୫ଜଣ ସୁରକ୍ଷାକର୍ମୀ ରହୁଥିଲେ । ଏହାକୁ ହ୍ରାସ କରାଯାଇ ୧୬ଜଣ କରାଯାଇଛି । ସେପଟେ କାଠମାଣ୍ଡୁ ନଗର ନିଗମ ମଧ୍ୟ ରାଜାଙ୍କ ବିରୋଧରେ ଶକ୍ତ କାର୍ଯ୍ୟାନୁଷ୍ଠାନ ନେଇଛି । ଶୁକ୍ରବାର ହିଂସାରେ ନଷ୍ଟ ହୋଇଥିବା ସରକାରୀ ସମ୍ପତ୍ତି ପାଇଁ ରାଜା ଜ୍ଞାନେନ୍ଦ୍ରଙ୍କ ଉପରେ ଜୋରିମନା ଲଗାଇଛନ୍ତି କେ.ପି ସିଂହ ଓଲି ସରକାର । ଜ୍ଞାନେନ୍ଦ୍ର ଶାହଙ୍କୁ ୭.୯୩ ଲକ୍ଷ ନେପାଳୀ ଟଙ୍କା ଫାଇନ୍ କରାଯାଇଛି । କାଠମାଣ୍ଡୁ ନଗର ନିଗମ ତରୁନ୍ତ ଟଙ୍କା ପଇଠ ପାଇଁ ନିର୍ଦ୍ଦେଶ ଦେଇଛନ୍ତି । ଶୁକ୍ରବାର ସାଧାରଣ ଲୋକଙ୍କ ଦ୍ବାରା ହୋଇଥିବା ହିଂସାରେ ଘରଦ୍ବାର, ବିଲ୍ଡିଂ, ସରକାରୀ ଅଫିସ୍ ଏବଂ ସରକାରୀ ନଷ୍ଟ ହୋଇଛି । ଅନ୍ୟପଟେ ହିଂସାତ୍ମକ ଘଟଣାକୁ ଗୁରୁତର ସହିତ ନେଇଛନ୍ତି ସରକାର । ହିଂସାକୁ ନେଇ ଯାଞ୍ଚ ଆରମ୍ଭ ହୋଇଛି । ରାଜଶାହୀ ଦାବି କରୁଥିବା ପ୍ରଦର୍ଶନକାରୀଙ୍କୁ ଚେତାବନୀ ଦେଇଛନ୍ତି ଓଲି ସରକାର । ସେମାନଙ୍କ ବିରୋଧରେ ଆଗକୁ କଡ଼ା କାର୍ଯ୍ୟାନୁଷ୍ଠାନ ନିଆଯିବ ବୋଲି କୁହାଯାଇଛି ।

ଷ୍ଟାର୍କଙ୍କ ପରେ ବ୍ୟାଟରଙ୍କ ବିସ୍ଫୋରଣରେ ଧରାଶାୟୀ SRH, ଦିଲ୍ଲୀର ଲଗାତାର ଦ୍ଵିତୀୟ ବିଜୟ

ବିଶାଖାପଟନମ: ମିଚେଲ୍ ଷ୍ଟାର୍କ ଓ କୁଲଦୀପ ଯାଦବଙ୍କ ଘାତକ ବୋଲିଂ ପରେ ଦମ ଦେଖାଇଲେ ବ୍ୟାଟର। ବିଶାଖାପଟନମରେ ଖେଳା ଯାଇଥିବା ମ୍ୟାଚ୍‌ରେ ଦିଲ୍ଲୀ କ୍ୟାପିଟାଲ୍ସ ୭ ଓ୍ଵିକେଟ୍‌ରେ ସନରାଇଜର୍ସ ହାଇଦ୍ରାବାଦକୁ ହରାଇଛି। ଦିଲ୍ଲୀ କ୍ରମାଗତ ଦ୍ଵିତୀୟ ବିଜୟ ହାସଲ କରିଥିବା ବେଳେ ହାଇଦ୍ରାବାଦ ନିଜର ତୃତୀୟ ମ୍ୟାଚ୍‌ରୁ ଦ୍ଵିତୀୟ ପରାଜୟ ଭୋଗିଛି। ୧୬୪ ରନ ବିଜୟ ଲକ୍ଷ୍ୟ ପିଛା କରି ଦିଲ୍ଲୀ ୧୬ ଓଭରରେ ୩ ଓ୍ଵିକେଟ୍ ହରାଇ ସହଜରେ ହାସଲ କରି ନେଇଛି। ଦଳ ପକ୍ଷରୁ ଫାଫ ଡୁପ୍ଲେସିସ୍ ସର୍ବାଧିକ ୫୦ ରନ କରିଥିବା ବେଳେ ଅଭିଷେକ ପୋରେଲ ୩୪ ରନ ଓ ଟ୍ରିଷ୍ଟନ ଟବ୍ସ ୨୧ ରନ କରି ଅପରାଜିତ ଥିଲେ। ଏହା ପୂର୍ବରୁ ହାଇଦ୍ରାବାଦ ଅନିକେତ ବର୍ମାଙ୍କ ୭୪ ରନ ବଳରେ ୧୮.୪ ଓଭରରେ ୧୬୩ ରନ କରି ପାରିଥିଲା। ବିଜୟ ସହ ଦିଲ୍ଲୀ ପଏଣ୍ଟ ଟେବୁଲର ଦ୍ଵିତୀୟ ସ୍ଥାନକୁ ଉଠିଥିବା ବେଳେ ଷଷ୍ଠକୁ ଖସି ଆସିଛି ହାଇଦ୍ରାବାଦ। ବୋଲିଂରେ ମିଚେଲ୍ ଷ୍ଟାର୍କ ୫ ଓ୍ଵକେଟ୍ ନେଇ ପ୍ଲେୟାର ଅଫ୍ ଦ ମ୍ୟାଚ୍ ବିବେଚିତ ହୋଇଛନ୍ତି। Also read: ଏମଏସ ଧୋନିଙ୍କୁ ମଜାକ ଉଡ଼ାଇଲେ ବୀରେନ୍ଦ୍ର ସେହୱାଗ, ଭିଡିଓ ଭାଇରାଲ୍.... ୧୬୪ ରନର ବିଜୟ ଲକ୍ଷ୍ୟ ପିଛା କରିଥିବା ଦିଲ୍ଲୀକୁ ଦମଦାର ଆରମ୍ଭ ଦେଇଥିଲେ ଦୁଇ ଓପନର ଫାଫ ଡୁ ପ୍ଲେସିସ୍ ଓ ଜେକ ଫ୍ରେଜର ମ୍ୟାକଗର୍ଗ। ବିଶେଷ କରି ଡୁପ୍ଲେସିସ୍ ଧୂଆଁଧାର ବ୍ୟାଟିଂ କରିଥିଲେ। ଦୁହେଁ ପ୍ରଥମ ଓ୍ଵିକେଟ୍‌ରେ ୮୧ ରନ ଯୋଡ଼ି ଦଳର ବିଜୟ ସହଜ କରିଥିଲେ। ଡୁପ୍ଲେସିସ୍ ୨୭ ବଲରୁ ୩ ଚୌକା ଓ ୩ ଛକା ସହ ୫୦ ରନ କରିଥିଲେ। ଅନ୍ୟପଟେ କ୍ରିଜରେ ସଂଘର୍ଷ କରୁଥିବା ଫ୍ରେଜର ୩୨ ବଲରୁ ୩୮ ରନ କରି ପାଭିଲିୟନ ଫେରିଥିଲେ। ମଧ୍ୟକ୍ରମରେ କେଏଲ ରାହୁଲ ୧୫ ରନ କରି ଆଉଟ୍ ହୋଇଥିଲେ। ଏହା ପରେ ଅଭିଷେକ ପୋରେଲ ଓ ଟ୍ରିଷ୍ଟନ ଟବ୍ସ ଦଳକୁ ଆଉ କୌଣସି କ୍ଷତି ହେବାକୁ ଦେଇ ନ ଥିଲେ। ଦୁଇ ବ୍ୟାଟର ଅବିଭାଜିତ ଚତୁର୍ଥ ଓ୍ଵିକେଟ୍‌ରେ ୫୧ ରନ ଯୋଡ଼ି ଦଳକୁ ୨୪ ବଲ ପୂର୍ବରୁ ବିଜୟୀ କରାଇଛନ୍ତି। ପୋରେଲ୍ ମାତ୍ର ୧୮ ବଲରୁ ୨ ଚୌକା ଓ ୨ ଛକା ସହ ୩୪ ରନ ଓ ଷ୍ଟବ୍ସ ୨୧ ରନ କରି ଅପରାଜିତ ଥିଲେ। SRH ଇନିଂସ ପ୍ରଥମେ ବ୍ୟାଟିଂ କରିଥିବା ଏସଆରଏଚର ଆରମ୍ଭ ନୈରାଶ୍ୟଜନକ ଥିଲା। ୧୧ ରନ ସ୍କୋରରେ ଅଭିଷେକ ଶର୍ମା(୧ ରନ), ୨୦ ରନ ସ୍କୋରରେ ଇଶାନ କିଶନ(୨) ଓ ୨୫ ରନ ସ୍କୋରରେ ନୀତିଶ ରେଡ୍ଡୀ(୦) ଆଉଟ୍ ହୋଇଥିଲେ। ଏହା ପରେ ଫର୍ମରେ ଥିବା ଟ୍ରେଭିସ ହେଡ ୨୨ ରନ କରି ଆଉଟ୍ ହୋଇଥିଲେ। ୩୭ ରନରେ ୪ ଓ୍ଵିକେଟ୍ ହରାଇ ମୁସ୍କିଲରେ ପଡ଼ିଥିବା ଏସଆରଏଚ ଇନିଂସକୁ ସମ୍ଭାଳିଥିଲେ ଅନିକେତ ବର୍ମା। ଅନିକେତ ଓ ହେନରିକ କ୍ଲାସେନ ଦ୍ରୁତ ବ୍ୟାଟିଂ କରି ଦଳର ସ୍କୋରକୁ ୧୦୦ ପାର ପହଞ୍ଚାଇଥିଲେ। ଦୁହେଁ ୫ମ ଓ୍ଵିକେଟ୍ ପାଇଁ ୭୭ ରନ ଯୋଡ଼ିଥିଲେ। କ୍ଲାସେନ ୧୯ ବଲ୍‌ରୁ ୩୨ ରନର ଉପଯୋଗୀ ରନ କରିଥିଲେ। ଗୋଟିଏ ପଟେ ଓ୍ଵିକେଟ୍ ଖସି ଚାଲିଥିଲେ ହେଁ ଅନିକେତ ବିସ୍ଫୋରକ ବ୍ୟାଟିଂ ଜାରି ରଖିଥିଲେ। ନିମ୍ନକ୍ରମରେ କୌଣସି ବ୍ୟାଟର କ୍ରିଜରେ ତିଷ୍ଠି ପାରି ନ ଥିଲେ। ଅନିକେତ ୪୧ ବଲରୁ ୫ ଚୌକା ଓ ୬ ଛକା ସହ ୭୪ ୫ ରନର ଦମଦାର ଇନିଂସ ଖେଳିଥିଲେ। ଫଳରେ ଏସଆରଏଚ ୧୬୩ ରନ ସ୍କୋରରେ ପହଞ୍ଚି ପାରିଥିଲା।ଦଳ ୧୮.୪ ଓଭରରେ ଅଲଆଉଟ୍ ହୋଇଥିଲା। ବୋଲିଂରେ ଦିଲ୍ଲୀ ପକ୍ଷରୁ ମିଚେଲ୍ ଷ୍ଟାର୍କ ଶାଣିତ ବୋଲିଂ କରିଥିଲେ। ସେ ନିଜ ଆଇପିଏଲ୍ କ୍ୟାରିୟରରେ ସର୍ବଶ୍ରେଷ୍ଠ ବୋଲିଂ କରି ପ୍ରଥମ ଥର ୫ ଓ୍ଵିକେଟ୍ ଅକ୍ତିକାର କରିଛନ୍ତି। କୁଲଦୀପ ଯାଦବ ୨୨ ରନ ଦେଇ ୩ଟି ଓ୍ଵିକେଟ୍ ନେଇଛନ୍ତି।

ଏବେ ମୋଟରସାଇକେଲ କିଣିଲେ ମିଳିବ ଦୁଇଟି ISI ସାର୍ଟିଫାଏଡ୍ ହେଲ୍‌ମେଟ୍ !: କେନ୍ଦ୍ରମନ୍ତ୍ରୀଙ୍କ ନିର୍ଦ୍ଦେଶ

ନୂଆଦିଲ୍ଲୀ: ଏବେ ମୋଟରସାଇକେଲ କିଣିବାକୁ ଗଲେ ସାଙ୍ଗରେ ମିଳିବ ଦୁଇଟି ISI ସାର୍ଟିଫାଏଡ୍ ହେଲମେଟ୍। ମୋଟରସାଇକେଲ କମ୍ପାନୀ ଗାଡ଼ି ସହିତ ଯାତ୍ରୀଙ୍କୁ ଦୁଇଟି ISI ସାର୍ଟିଫାଏଡ ହେଲ୍‌ମେଟ୍‌ ବିକ୍ରି କରିବାକୁ ସରକାର ନିର୍ଦ୍ଦେଶ ଦେଇଛନ୍ତି। ନିକଟରେ ଦିଲ୍ଲୀର ହୋଇଥିବା ଏକ ଅଟୋ ସମ୍ମଳନୀରେ କେନ୍ଦ୍ର ସଡ଼କ ପରିହନ ମନ୍ତ୍ରୀ ନୀତିନ ଗଡ଼କରି ଏହି ଘୋଷଣା କରିଛନ୍ତି। ଲୋକଙ୍କ ସୁରକ୍ଷା ଜରୁରୀ ବୋଲି ମନ୍ତ୍ରୀ କହିଛନ୍ତି। କମ୍ପାନୀଙ୍କୁ ମୋଟରସାଇକେଲ ସହିତ ଯାତ୍ରୀମାନଙ୍କୁ ଦୁଇଟି ହେଲ୍‌ମେଟ ଦେବାକୁ ଟୁ-ହ୍ୱିଲର ମ୍ୟାନୁଫେକ୍ଚର୍ସ ଆସୋସିଏସନ ଅଫ୍ ଇଣ୍ଡିଆ (ଟିଏଚଏମଏ) ବହୁ ଦିନରୁ ଦାବି କରି ଆସୁଥିଲା। ଏବେ କେନ୍ଦ୍ରମନ୍ତ୍ରୀଙ୍କ ଏଭଳି ଘୋଷଣା ପରେ ଟିଏଚଏମଏ ଏହାକୁ ଦୃଢ଼ ସମର୍ଥନ କରିଛି। କେନ୍ଦ୍ରମନ୍ତ୍ରୀଙ୍କ ଘୋଷଣାକୁ ପ୍ରଶଂସା କରି ଟିଏଚଏମଏର ଅଧ୍ୟକ୍ଷ ରାଜୀବ କପୁର କହିଛନ୍ତି “ଏହା କେବଳ ଏକ ନିୟମ ନୁହେଁ; ଏହା ଏକ ଜାତୀୟ ଆବଶ୍ୟକତା। ଏଭଳି ନିର୍ଦ୍ଦେଶ ଭବିଷ୍ୟତରେ ଏହି କ୍ଷତିକୁ ରୋକିପାରିବ ବୋଲି ଦୁର୍ଘଟଣାରେ ପ୍ରିୟଜନଙ୍କୁ ହରାଇଥିବା ପରିବାର ମଧ୍ୟରେ ଆଶା ସଂଚାର କରିଛି।” ପଢନ୍ତୁ- IGI ଏୟାରପୋର୍ଟରୁ ଅନ୍ତର୍ଜାତୀୟ ଉଡାଣ ହେବ ମହଙ୍ଗା, ଜାଣନ୍ତୁ କେତେ ବଢିଲା ୟୁଜର ଡେଭଲପମେଣ୍ଟ ଫି? ମୋଟରସାଇକେଲ ଯାତ୍ରା ଆଉ ବିପଦପୂର୍ଣ୍ଣ ହେବା କଥା ନୁହେଁ। ଚାଳକ ଓ ପଛରେ ବସିଥିବା ଯାତ୍ରୀ ହେଲ୍‌ମେଟ୍ ପିନ୍ଧି ଏହାକୁ ସୁରକ୍ଷିତ କରିବା ଉଚିତ୍ ବୋଲି ଆସୋସିଏସନ କହିଛି। ଏବଂ ଦେଶର ଚାହିଦା ପୂରଣ ପାଇଁ ଉଚ୍ଚମାନର ହେଲ୍‌ମେଟ ଉତ୍ପାଦନ ବଢାଇବାକୁ ଆସୋସିଏସନ ପ୍ରତିଶ୍ରୁତି ଦେଇଛି। ଦେଶରେ ପ୍ରତିବର୍ଷ ଦୁର୍ଘଟଣା ଜନିତ ମୃତ୍ୟୁ ୧.୮୮ ଲକ୍ଷ ଭାରତରେ ପ୍ରତିବର୍ଷ ୪,୮୦,୦୦୦ରୁ ଅଧିକ ସଡ଼କ ଦୁର୍ଘଟଣା ଘଟୁଛି, ଏବଂ ୧,୮୮,୦୦୦ରୁ ଅଧିକ ଲୋକଙ୍କ ମୃତ୍ୟୁ ହେଉଛି। ଏମାନଙ୍କ ମଧ୍ୟରୁ ୬୬% ମୃତକଙ୍କ ବୟସ ୧୮ ରୁ ୪୫ ବର୍ଷ ମଧ୍ୟରେ। ତେବେ ପ୍ରତିବର୍ଷ ଦୁଇଚକିଆ ଯାନ ଦୁର୍ଘଟଣାରେ ୬୯,୦୦୦ ରୁ ଅଧିକ ଲୋକଙ୍କର ପ୍ରାଣ ଯାଉଛି। ଦୁଇ ଚକିଆ ଯାନ ଦୁର୍ଘଟଣାରେ ପ୍ରାଣ ହରାଉଥିବା ମୋଟ ମୃତ୍ୟୁ ସଂଖ୍ୟାରୁ ୫୦% ହେଲମେଟ ପିନ୍ଧି ନଥିବାରୁ ହେଉଛି। ମୋଟରସାଇକଲେ ଚଲାଇଲା ବେଳେ ହେଲ୍‌ମେଟ୍ ପିନ୍ଧିବା କେତେ ଜରୁରୀ ଏଥିରୁ ଆପଣ ଜାଣିପାରୁଥିବେ। ତା’ ଛଡ଼ା ହେଲ୍‌ମେଟ ପିନ୍ଧିଲେ ଆପଣଙ୍କ ଜୀବନ ସୁରକ୍ଷିତ ରହିବା ସହିତ ଟ୍ରାଫିକର ମୋଟା ଚାଲାଣରୁ ରକ୍ଷା ପାଇପାରିବେ। ଏଥିରେ ଦୁଇଟା ଫାଇଦା ରହିଛି। ତେଣୁ ଏଥର ଭାବନ୍ତୁ ହେଲ୍‌ମେଟ ପିନ୍ଧିବେ ନା ପୂର୍ବପରି ହେଲ୍‌ମେଟକୁ ବାଇକ ହ୍ୟାଣ୍ଡେଲ୍‌ରେ ଟାଙ୍ଗି କିମ୍ବା ସ୍କୁଟି ଡିକିରେ ରଖି ବିପପୂର୍ଣ୍ଣ ଯାତ୍ରା କରିବେ।

ଗେମ୍ ଖେଳି ହାରିଗଲେ ଲକ୍ଷ ଲକ୍ଷ ଟଙ୍କା, ଧାର ସୁଝିବାକୁ ବିକିଲେ ମା’ର ଗହଣା : ପୁଅକୁ ବାନ୍ଧିଲା ପୋଲିସ

ଆନନ୍ଦପୁର ୩୦ । ୩ : ଅନଲାଇନ୍ ଗେମ୍ ଖେଳି ଲକ୍ଷ ଲକ୍ଷ ଟଙ୍କା ହାରିଲା ପୁଅ । ଲୋକଙ୍କ ଠାରୁ ଧାରରେ ଆଣିଥିବା ଟଙ୍କା ସୁଝିପାରିଲାନି । ଶେଷରେ ମା’ର ସୁନାଗହଣା ବିକିଲା । ପୁଅକୁ ବଞ୍ଚାଇବାକୁ ମା’ ରଚିଲା ନାଟକ । ସ୍ବାମୀଙ୍କ ଆଗରେ କହିଲେ ବନ୍ଧୁକ ମୁନରେ ଡକାୟତିର ମନଗଢା କାହାଣୀ । କଥା ଗଲା ଥାନାକୁ । ରୁଜୁ ହେଲା ଡକାୟତି ମାମଲା । ହେଲେ ପେଲିସ ଖୋଲିଦେଲା କାହାଣୀ ପଛର ଅସଲ ଗୁମର । ସୂଚନାଯୋଗ୍ୟ ଯେ,ଚଳିତମାସ ୨୫ତାରିଖରେକେନ୍ଦୁଝର ଜିଲ୍ଲାଆନନ୍ଦପୁର ଥାନା ଫକୀରପୁର ଗାଁରେ ଘଟିଥିଲା ଏଭଳିମିଛ ଡକାୟତିଘଟଣା ।ଆନନ୍ଦପୁର ଏସଡିପିଓ ପ୍ରଶାନ୍ତ ବେହେରାକହିଛନ୍ତି, ଗତ୨୫ ତାରିଖଦିନ ପ୍ରାୟ ୨ଟାସମୟରେ ୪ ଜଣଦୁର୍ବୃତ୍ତଘରେ ପଶି ବନ୍ଧୁକ ଦେଖାଇ ଆଲମିରାରୁ ପାଖାପାଖି ୫ ଭରି ଓଜନରସୁନା ଅଳଙ୍କାର ଲୁଟିନେଇଥିବା ଆନନ୍ଦପୁର ଥାନାରେ ଆଭିଯୋଗକରିଥିଲେ ଫକୀରପୁର ଗାଁର ଦମ୍ପତ୍ତିପ୍ରଫୁଲ୍ଲ ନାଥ ଓ ପୁଷ୍ପାବତୀ ନାଥ। ପୋଲିସ ଘଟଣାର ତଦନ୍ତ ଆରମ୍ଭ କରିଥିଲା ।ପୁଅସୁନାଗହଣାବିକିଥିବା ଲୋକନିକଟରେ ପହଞ୍ଚିସୁନାଅଳଙ୍କାର ଜବତକରିବା ପରେଅସଲ କଥା ପଦାକୁ ଆସିଥିଲା । ଶେଷରେ ଅଭିଯୁକ୍ତପୁଅକୁ ପୋଲିସଗିରଫ କରିଛି । You Can Read: ବର୍ଷକରେ କାର୍ଯ୍ୟକ୍ଷମ ହେବ ଢେଙ୍କାନାଳରେ ମେଡ଼ିକାଲ କଲେଜ, ଅଧିଗ୍ରହଣ ହେବ ଚିହ୍ନଟ ଜାଗା

ଋଷିଆ ସହ ଯୁଦ୍ଧରେ ଆମେରିକାର ସୈନ୍ୟ ସହାୟତାକୁ ଋଣ ଭାବୁନି ୟୁକ୍ରେନ, ଜାଣନ୍ତୁ କ’ଣ କହିଛନ୍ତି ଜେଲେନସ୍କି

କିଭ ୩୦।୩: ଆମେରିକା ରାଷ୍ଟ୍ରପତି ହେବା ପରଠାରୁ ଡୋନାଲ୍ଡ ଟ୍ରମ୍ପ ଲଗାତାର ଋଷିଆ-ୟୁକ୍ରେନ ଯୁଦ୍ଧକୁ ସମାପ୍ତ କରିବା ପାଇଁ ଚାପ ସୃଷ୍ଟି କରି ଆସୁଛନ୍ତି। ଏଥି ପାଇଁ ଟ୍ରମ୍ପଙ୍କ ପ୍ରଶାସନ ଲଗାତାର ଋଷିଆ ରାଷ୍ଟ୍ରପତି ଭ୍ଲାଦିମୀର ପୁଟିନଙ୍କ ସହ ସମ୍ପର୍କରେ ରହିଛି। ତେବେ ହ୍ୱାଇଟ୍ ହାଉସରେ ୟୁକ୍ରେନ ରାଷ୍ଟ୍ରପତି ଜେଲେନସ୍କି ଓ ଟ୍ରମ୍ପଙ୍କ ଉତ୍ତେଜନାପୂର୍ଣ୍ଣ କଥାବାର୍ତ୍ତା ପରେ ପରିସ୍ଥିତି ବିଗିଡି ଯାଇଛି। ଏଥିରେ ଆମେରିକା ଓ ପାଶ୍ଚାତ୍ୟ ଦେଶଙ୍କ ସହାୟତାରେ ଋଷିଆ ବିପକ୍ଷରେ ଯୁଦ୍ଧ ଲଢୁଥିବା ୟୁକ୍ରେନ ଏବେ ପାଲା ବଦଳେଇ ଦେଇଛି। ଆମେରିକା ଓ ଋଷିଆର ନିକଟତାକୁ ନଜରରେ ରଖି ୟୁକ୍ରେନ ରାଷ୍ଟ୍ରପତି ଭୋଲଦିମୀର ଜେଲେନସ୍କି ଆମେରିକା ରାଷ୍ଟ୍ରପତିଙ୍କୁ ଦୁଇ ପଦରେ ଜବାବ ଦେଇଛନ୍ତି। ଯୁଦ୍ଧରେ ଆମେରିକାରୁ ମିଳିଥିବା ସୈନ୍ୟ ସହାୟତାକୁ ୟୁକ୍ରେନ କୌଣସି ରୂପରେ ଋଣ ମନେ କରେ ନାହିଁ ବୋଲି ଜେଲେନସ୍କି ସ୍ପଷ୍ଟ କରିଦେଇଛନ୍ତି। ଜେଲେନସ୍କି ଏକ ସାକ୍ଷାତକାରରେ କହିଛନ୍ତି ଯେ ୟୁକ୍ରେନ ଏହି ସହାୟତା ନିମନ୍ତେ ଆମେରିକା ପ୍ରତି କୃତଜ୍ଞ ହେଲେ କେବେବି ଆମେରିକାର ଏହି ସହାୟତାକୁ ଆମେ ଋଣ ରୂପେ ସ୍ୱୀକାର କରି ନାହୁଁ। ଜେଲେନସ୍କି କହିଛନ୍ତି ଯେ ଆମେ ଆମର ସ୍ୱାଧୀନତା ଓ ଗଣତନ୍ତ୍ର ନିମନ୍ତେ ଲଢେଇ ଲଢୁଛୁ। ଏଥିରେ ଆମେରିକାର ଏହି ସମର୍ଥନ କେବଳ ୟୁକ୍ରେନ ନିମନ୍ତେ ନୁହେଁ ବରଂ ସାରା ବିଶ୍ୱର ସ୍ଥିରତା ନିମନ୍ତେ ବୋଲି କହିଛନ୍ତି। ଋଷିଆ ବିପକ୍ଷରେ ୟୁକ୍ରେନର ଏହି ଯୁଦ୍ଧରେ ଆମେରିକା ଯାହା ବି ସହାୟତା କରିଛି ଏହା ଦେଶ ଉପରେ ଋଣ ନୁହେଁ ଓ ଆମେ ଏ ବାବଦେ ଟଙ୍କାଟିଏ ବି ଫେରାଇବୁ ବି ନାହିଁ ବୋଲି ଜେଲେନସ୍କି ଏବେ ସ୍ପଷ୍ଟ କରିଦେଇଛନ୍ତି। ଉଲ୍ଲେଖଯୋଗ୍ୟ ଯେ ମାର୍ଚ୍ଚ ୧୨ ତାରିଖରେ ପ୍ରକାଶିତ ଏକ ପ୍ରେସ ବିବୃତ୍ତିରେ ଆମେରିକା ବୈଦେଶିକ ବିଭାଗ କହିଥିଲା ଯେ ୨୦୨୨ ମସିହାରେ ଋଷିଆର ଆକ୍ରମଣ ପରଠାରୁ ୱାସିଂଟନ ୟୁକ୍ରେନକୁ ୬୬.୫ ବିଲିୟନ ଡଲାରର ସାମରିକ ସହାୟତା ପ୍ରଦାନ କରିଛି। ଏଥିରେ କୁହାଯାଇଛି ଯେ ୟୁକ୍ରେନକୁ ୨୦୧୪ ମସିହାରୁ ୬୯.୨ ବିଲିୟନ ଡଲାରର ସାମରିକ ସହାୟତା ପ୍ରଦାନ କରାଯାଇଛି। ତେବେ ସାମ୍ବାଦିକଙ୍କ ସହ ଆଲୋଚନାରେ ଜେଲେନସ୍କି କହିଛନ୍ତି ଯେ ୟୁକ୍ରେନ ଯେ କୌଣସି ଋଷୀୟ ପ୍ରତିନିଧିଙ୍କ ସହ ଆଲୋଚନା ନିମନ୍ତେ ପ୍ରସ୍ତୁତ ହେଲେ ଭ୍ଲାଦିମୀର ପୁଟିନଙ୍କ ସହିତ ନୁହେଁ।

SCBରେ ଭିତ୍ତିଭୂମି ଓ ସମ୍ପ୍ରସାରଣ କାମ ତଦାରଖ କଲେ ମୁଖ୍ୟ ଶାସନ ସଚିବ

କଟକ ୩୦ । ୩ : କଟକ ବଡ ମେଡିକାଲରେ ଭିତ୍ତିଭୂମି ଓ ମେଡିକାଲର ସମ୍ପ୍ରସାରଣ କାମ ତଦାରଖ କରିଛନ୍ତି ମୁଖ୍ୟ ଶାସନ ସଚିବ । ମୁଖ୍ୟ ଶାସନ ସଚିବଙ୍କ ସହ ସ୍ବାସ୍ଥ୍ୟ ସଚିବଓ କେନ୍ଦ୍ରାଞ୍ଚଳ ଆରଡିସି ଏହି ସମୀକ୍ଷା ବୈଠକରେ ଉପସ୍ଥିତ ଥିଲେ । କଟକ ବଡ ମେଡିକାଲରେ ସର୍ବନିମ୍ନ ଆବଶ୍ୟକ ଭିତ୍ତିଭୂମିର ଅଭାବଥିବା ନେଇ ବିଧାନସଭାରେ ଉଦବେଗ ପ୍ରକାଶ ପାଇଥିଲା । ଏହାସହ ଗଣମାଧ୍ୟମରେ ଏସସିବିରେ ଭେଣ୍ଟିଲେଟର ଅଚଳ ନେଇ ଖବର ପ୍ରକାଶ ପାଇଥିଲା । ଏସସିବିରେ ୨୦୨ ଭେଣ୍ଟିଲେଟରରୁ ୮୯ଟି ଖରାପ ରହିଛି । ଏହାସହ ସେଣ୍ଟ୍ରାଲ ଏୟାର କମ୍ପ୍ରେସର ସିଷ୍ଟମ ମଧ୍ୟଅଚଳ ରହିଛି,ଯାହା ଫଳରେ ଭେଣ୍ଟିଲେଟର ଗୁଡିକ ଅଚଳ ହେଉଥିବା ଖବର ପ୍ରକାଶ ପାଇଥିଲା । ଏସବୁର ତଦାରଖ ପାଇଁ ଆଜି ମୁଖ୍ୟ ଶାସନ ସଚିବ ଓ ସ୍ବାସ୍ଥ୍ୟ ସଚିବଏସସିବିମେଡିକାଲ ପହଞ୍ଚି ଡାକ୍ତରଖାନା କର୍ତ୍ତୃପକ୍ଷଙ୍କ ସହ ଆଲୋଚନା କରିଛନ୍ତି । You Can Read: ଗେମ୍ ଖେଳି ହାରିଗଲେ ଲକ୍ଷ ଲକ୍ଷ ଟଙ୍କା, ଧାର ସୁଝିବାକୁ ବିକିଲେ ମା’ର ଗହଣା : ପୁଅକୁ ବାନ୍ଧିଲା ପୋଲିସ

ଭୂମିକମ୍ପ ବିନାଶରେ ଅଟକିଲା ମିଆଁମାର ଗୃହଯୁଦ୍ଧ, ରିଲିଫ ଓ ଉଦ୍ଧାର କାର୍ଯ୍ୟ ପାଇଁ ହତିଆର ଛାଡିଲେ ବିଦ୍ରୋହୀ

ନେପିଡ ୩୦।୩: ମିଆଁମାର ଗୃହଯୁଦ୍ଧକୁ ଭୀଷଣ ଭୂମିକମ୍ପ ରୋକି ଦେଇଛି। ୭.୭ ତୀବ୍ରତାରଏହି ଭୂମିକମ୍ପରେ ବ୍ୟାପକ କ୍ଷୟକ୍ଷତି ହୋଇଛି। ଏପର୍ଯ୍ୟନ୍ତ ୧୬୪୪ଜଣଙ୍କ ମୃତ୍ୟୁ ହୋଇଥିବାର ଖବର ଆସୁଛି। ଏହି ପ୍ରାକୃତିକ ବିପର୍ଯ୍ୟୟରେ ଗୃହ ଯୁଦ୍ଧ ଅଟକିଯାଇଥିବାର ଦେଖାଯାଉଛି। ଦେଶରେ ସେନାର କୋପ ଡି’ ଟେଟ୍ କୁ ବିରୋଧ କରୁଥିବା ବିଦ୍ରୋହୀମାନେ ରବିବାର ଆଗାମୀ ଦୁଇ ସପ୍ତାହ ପର୍ଯ୍ୟନ୍ତ ଅସ୍ଥାୟୀ ଯୁଦ୍ଧବିରାମ ଘୋଷଣା କରିଛନ୍ତି। ଦେଶରେ ଉପୁଜିଥିବା ପରିସ୍ଥିତିରେ ରିଲିଫ ଓ ଉଦ୍ଧାର କାର୍ଯ୍ୟ ତ୍ୱରାନ୍ୱିତ କରିବା ପାଇଁ ଏହି ପଦକ୍ଷେପ ନିଆଯାଇଛି। ପ୍ୟୁପିଲସ୍ ଡିଫେନ୍ସ ଫୋର୍ସ (ପିଡିଏଫ) ୩୦ ମାର୍ଚ୍ଚ ୨୦୨୫ରୁ ଭୂମିକମ୍ପ ପ୍ରଭାବିତ ଅଞ୍ଚଳରେ ଦୁଇ ସପ୍ତାହ ପର୍ଯ୍ୟନ୍ତ ଆକ୍ରମକ ସୈନ୍ୟ କାର୍ଯ୍ୟାନୁଷ୍ଠାନ ଉପରେ ରୋକ ଘୋଷଣା କରିଛି। ତେବେ ପିଡିଏଫ ସ୍ପଷ୍ଟ ଭାବେ କହିଛି ଯେ ଆକ୍ରମଣ ପରିସ୍ଥିତିରେ ରକ୍ଷାତ୍ମକ କାର୍ଯ୍ୟାନୁଷ୍ଠାନ କରାଯିବ। ଏହି ସୂଚନା ଦେଇଛି ସାଡୋ ନ୍ୟାସନାଲ ୟୁନିଟ ଗଭର୍ଣ୍ଣମେଣ୍ଟ (ଏନୟୁଜି)। ସୋସିଆଲ ମିଡିଆରେ ଏନୟୁଜି ଏକ ବୟାନ ପୋଷ୍ଟ କରିଛି। ଏହି ବୟାନରେ କୁହାଯାଇଛି ଯେ ଏନୟୁଜି ନିଜ ନିୟନ୍ତ୍ରଣରେ ଥିବା ଅଞ୍ଚଳର ସୁରକ୍ଷା, ପରିବହନ ଓ ଅସ୍ଥାୟୀ ଉଦ୍ଧାର କାର୍ଯ୍ୟ ସମେତ ଚିକିତ୍ସା ଶିବିର ସ୍ଥାପନା ସୁନିଶ୍ଚିତ କରିବା ପାଇଁ ସଂକଳ୍ପବଦ୍ଧ। ଏଣୁ ଏଥି ପାଇଁ ଆବଶ୍ୟକ ହେଲେ ଜାତିସଂଘ ଓ ଅନ୍ୟ ସ୍ୱେଛାସେବୀ ଅନୁଷ୍ଠାନଙ୍କୁ ସହଯୋଗ କରିବାକୁ ଯୋଜନା କରୁଛି। ମିଆଁମାର ଭୂମିକମ୍ପ ପରେ ଧ୍ୱଂସସ୍ତୁପ ତଳୁ ଲଗାତାର ଶବ ବାହାର କରାଯାଉଛି। ମୃତକଙ୍କ ସଂଖ୍ୟା ୧,୬୪୪କୁ ପହଞ୍ଚିଛି। ସେହିପରି ଭୂମିକମ୍ପରେ ଆହତଙ୍କ ସଂଖ୍ୟା ୩,୪୦୮ ଥିବା ବେଳେ ୧୩୯ ଜଣ ଏବେବି ନିଖୋଜ ଅଛନ୍ତି। ବର୍ମା ନାମରେ ଲୋକପ୍ରିୟ ମିଆଁମାରରେ ଦୀର୍ଘ ସମୟ ହେଲା ଗୃହ ଯୁଦ୍ଧ ଲାଗି ରହିଛି। ପ୍ରଥମରୁ ଏଠାରେ ଗୃହଯୁଦ୍ଧ ମନବୀୟ ସଂକଟ ସୃଷ୍ଟି କରିଥିବା ବେଳେ ଭୂମିକମ୍ପ ପରିସ୍ଥିତିକୁ ଜଟିଳ କରିଛି। ଭୂମିକମ୍ପ ଯୋଗୁ ମିଆଁମାରରେ ରିଲିଫ ଓ ଉଦ୍ଧାର ପରିଚାଳନା କଷ୍ଟକର ହେଉଛି। ମିଆଁମାର ସେନା ଫେବୃଆରୀ ୨୦୨୧ରେ ଆଙ୍ଗ ସାନ ସୁ କିଙ୍କ ନିର୍ବାଚିତ ସରକାରକୁ କ୍ଷମତାଚ୍ୟୁତ କରି ଶାସନ ହାତେଇ ନେଇଛି। ଭୂମିକମ୍ପ ପରେ ମଧ୍ୟ ସରକାରୀ ସୈନ୍ୟ ବିଦ୍ରୋହୀ ସଙ୍ଗଠନଙ୍କ ବିରୋଧରେ କାର୍ଯ୍ୟାନୁଷ୍ଠାନ କରୁଥିବା ଦେଖାଯାଇଛି।

ସାଙ୍ଗମାନଙ୍କ ସମର୍ଥନ ପାଇବ, ଏହି ରାଶିର ବ୍ୟକ୍ତିଙ୍କ ଖର୍ଚ୍ଚ ବୃଦ୍ଧି ପାଇବ

ମେଷ - ମେଷ ରାଶି କୁ ଶ୍ରୀ ଘାତ ଚନ୍ଦ୍ର । ମା’ଙ୍କ ସାଥୀ ପାଇବେ । ପରିବାରରେ ସୁଖ ଏବଂ ଶାନ୍ତି ରହିବ । ପରିବାରରେ ଧାର୍ମିକ କାର୍ଯ୍ୟ ହେବ। ଗୃହର ରକ୍ଷଣାବେକ୍ଷଣ ଏବଂ ସାଜସଜ୍ଜା କାର୍ଯ୍ୟରେ ଖର୍ଚ୍ଚ ବୃଦ୍ଧି ପାଇବ। ବୃଷ - ସମସ୍ତ କାର୍ଯ୍ୟ ବିଳମ୍ବରେ ସଂପୂର୍ଣ୍ଣ ହେବ ।ମନ ଅସୁବିଧାରେ ପଡ଼ିବ ।ଆତ୍ମବିଶ୍ୱାସର ଅଭାବ ହେବ। ପରିବାରର ସ୍ୱାସ୍ଥ୍ୟର ଯତ୍ନ ନିଅନ୍ତୁ । ଶିକ୍ଷାଗତ କାର୍ଯ୍ୟଗୁଡ଼ିକ ସୁଖଦ ଫଳାଫଳ ପାଇବ । ବୌଦ୍ଧିକ କାର୍ଯ୍ୟରୁ ଆୟ ହୋଇପାରେ । ମିଥୁନ - ପରିବାରରେ ସୁଖ ଶାନ୍ତି ବୃଦ୍ଧି ପାଇବ ମନ ଖୁସି ରହିବ,ତଥାପି ଆତ୍ମ-ନିୟନ୍ତ୍ରିତ ରହିବ । ଚାକିରିରେ କର୍ମକ୍ଷେତ୍ରରେ ଅଧିକ କଠିନ ପରିଶ୍ରମ ହେବ । ଜୀବନ ମଧ୍ୟ ଅସଂଗଠିତ ହେବ । ସାଙ୍ଗମାନଙ୍କ ସମର୍ଥନ ପାଇବ । ସ୍ୱାସ୍ଥ୍ୟର ଯତ୍ନ ନିଅନ୍ତୁ । କର୍କଟ - କର୍ମ କ୍ଷେତ୍ର ରେ ସର୍ବଦା ଚଞ୍ଚଳ ରହିବେ । ମନ ଖୁସି ରହିବ । ତଥାପି,ଅନାବଶ୍ୟକ ବିବାଦରୁ ଦୂରେଇ ରୁହନ୍ତୁ । ପିତାଙ୍କ ସ୍ୱାସ୍ଥ୍ୟର ଯତ୍ନ ନିଅନ୍ତୁ । ବ୍ୟବସାୟ ପାଇଁ ବିଦେଶ ଭ୍ରମଣ କରିବାର ସମ୍ଭାବନା ଅଛି । ଭାଇମାନଙ୍କ ସହଯୋଗ ମିଳିବ। ସିଂହ - ପରୋପକାର କରି ଆତ୍ମ ସନ୍ତୋଷ ଲାଭ କରିବେ ।ଅନାବଶ୍ୟକ କ୍ରୋଧରୁ ଦୂରେଇ ରୁହନ୍ତୁ । ବାର୍ତ୍ତାଳାପରେ ସନ୍ତୁଳିତ ରୁହନ୍ତୁ । ଶିକ୍ଷାଗତ କାର୍ଯ୍ୟ ପ୍ରତି ଧ୍ୟାନ ଦିଅନ୍ତୁ ।କର୍ମ କ୍ଷେତ୍ରରେ ବାଧା ଆସିପାରେ । ଆୟ ହ୍ରାସ ହୋଇପାରେ । ଭ୍ରମଣର ସମ୍ଭାବନା ଅଛି । କନ୍ୟା - ସୁଖ ହାନି ହେବାର ଯଥେଷ୍ଟ ସମ୍ଭାବନା ରହିଛି । ତୁମର ଭାବନାକୁ ନିୟନ୍ତ୍ରଣରେ ରଖନ୍ତୁ । ଚାକିରି ସାକ୍ଷାତକାର ଇତ୍ୟାଦିରେ ଆପଣ ସଫଳତା ପାଇବେ । ଶାସକ ପ୍ରଶାସନଠାରୁ ସହାୟତା ପାଇବେ ସାଙ୍ଗମାନଙ୍କ ସମର୍ଥନ ପାଇବ । ତୁଳା - ବନ୍ଧୁ ମାନଙ୍କ ସହଯୋଗ ମିଳିବ । ମନ ଖୁସି ରହିବ । ପାରିବାରିକ ଜୀବନ ସୁଖମୟ ହେବ । ଶିକ୍ଷାଗତ ଏବଂ ଅନୁସନ୍ଧାନ କାର୍ଯ୍ୟ ପାଇଁ ଅନ୍ୟ କିଛି ସ୍ଥାନକୁ ଯାଇପାରନ୍ତି । ପରିଶ୍ରମ ଅଧିକ ହେବ । ଖର୍ଚ୍ଚ ବୃଦ୍ଧି ପାଇବ । ଆପଣଙ୍କ ସ୍ୱାସ୍ଥ୍ୟର ମଧ୍ୟ ଯତ୍ନ ନିଅନ୍ତୁ । ବିଛା - ମନକୁ ଥଣ୍ଡା ରଖନ୍ତୁ । ଅନାବଶ୍ୟକ କ୍ରୋଧରୁ ଦୂରେଇ ରୁହନ୍ତୁ । ବାର୍ତ୍ତାଳାପରେ ସନ୍ତୁଳନ ବଜାୟ ରଖନ୍ତୁ । ପୁରୁଣା ବନ୍ଧୁଙ୍କୁ ଭେଟି ଖୁସି ହେବେ । ପରିବାରରେ ଧାର୍ମିକ କାର୍ଯ୍ୟ ହେବ। ପୋଷାକ ଉପରେ ଖର୍ଚ୍ଚ ବୃଦ୍ଧି ପାଇବ । ନୂତନ ଆୟର ଉତ୍ସ ସୃଷ୍ଟି ହେବ । ଧନୁ - ମନର କିଛି କଥା ପ୍ରକାଶ କରନ୍ତୁ ନାହିଁ । ମନରେ ଉତ୍ଥାନ-ପତନ ହେବ । ଅଦରକାରୀ ବିତର୍କରୁ ଦୂରେଇ ରୁହନ୍ତୁ । ଶିକ୍ଷାଗତ କାର୍ଯ୍ୟଗୁଡ଼ିକର ସୁଖଦ ଫଳାଫଳ ମିଳିବ । ପିତାଙ୍କ ସ୍ୱାସ୍ଥ୍ୟର ଯତ୍ନ ନିଅନ୍ତୁ । ସାଙ୍ଗମାନଙ୍କ ସମର୍ଥନ ମିଳିବ । ମକର - ଅଯଥାରେ କିଛି ଦ୍ରବ୍ୟ ନଷ୍ଟ ହେବ । ମା ଙ୍କ ସ୍ୱାସ୍ଥ୍ୟର ଯତ୍ନ ନିଅନ୍ତୁ । ବୌଦ୍ଧିକ କାର୍ଯ୍ୟରେ ବ୍ୟସ୍ତତା ବୃଦ୍ଧି ପାଇବ ଏବଂ ଆୟର ଉତ୍ସ ମଧ୍ୟ ସୃଷ୍ଟି ହେବ । ଖର୍ଚ୍ଚ ମଧ୍ୟ ବୃଦ୍ଧି ପାଇବ । ସୁସ୍ୱାଦୁ ଖାଦ୍ୟ ପ୍ରତି ଆଗ୍ରହ ବୃଦ୍ଧି ପାଇବ । କୁମ୍ଭ - ଅଧିକ ପରିଶ୍ରମ କରିବେ ତଥାପି ଧର୍ଯ୍ୟ ବଜାୟ ରଖିବାକୁ ଚେଷ୍ଟା କର । ଅଧିକ ଖର୍ଚ୍ଚ ହେବ । ଧାର୍ମିକ ସଙ୍ଗୀତ ପ୍ରତି ଇଚ୍ଛା ବୃଦ୍ଧି ପାଇବ ସାଙ୍ଗମାନଙ୍କ ସହିତ ନୂତନ ବ୍ୟବସାୟ ଆରମ୍ଭ କରିବେ । କର୍ମ କ୍ଷେତ୍ରରେ ସାମାନ୍ୟ କଷ୍ଟ ଅନୁଭବ ହେବ । ମୀନ - ଦୃଢ଼ ମନା ହୋଇ କାର୍ଯ୍ୟ କରିବେ ।ମନ ଅଶାନ୍ତ ହୋଇପାରେ ଭାଷଣରେ ମଧୁରତା ମଧ୍ୟ ରହିବ । ପରିବାରରେ ଶାନ୍ତି ବଜାୟ ରଖିବାକୁ ଚେଷ୍ଟା କରନ୍ତୁ । ଆୟ ଏବଂ ଅଧିକ ଖର୍ଚ୍ଚ ହୋଇପାରେ । ପରିବାରର ସମର୍ଥନ ପାଇବେ । ଜ୍ୟୋତିର୍ବିଦ ଶ୍ରୀ ସିଦ୍ଧାର୍ଥ ଶେଖର ନାୟକ ଯୋଗାଯୋଗ – 8249826682

ହିମାଚଳ ପ୍ରଦେଶରେ ଭୟଙ୍କର ଭୂସ୍ଖଳନ; ଗଛ ଉପୁଡ଼ି ୬ ମୃତ, ୫ ଗୁରୁତର

ନୂଆଦିଲ୍ଲୀ: ହିମାଚଳ ପ୍ରଦେଶରେ ଭୟଙ୍କର ଭୂସ୍ଖଳନ । କୁଲ୍ଲୁ ଜିଲ୍ଲାର ମାଣିକର୍ଣ୍ଣରେ ଭୂସ୍ଖଳନ ହୋଇଛି । ଏଥିରେ ୬ଜଣଙ୍କ ମୃତ୍ୟୁ ହୋଇଥିବା ବେଳେ ୫ଜଣ ଆହତ ହୋଇଛନ୍ତି । ମୃତକଙ୍କ ମଧ୍ୟରେ ୩ଜଣ ମହିଳା ଓ ୩ଜଣ ପୁରୁଷ ରହିଛନ୍ତି । ସୂଚନା ଅନୁଯାୟୀ ରବିବାର ସଂଧ୍ୟା ପ୍ରାୟ ୫ଟା ବେଳେ ଏହି ଦୁର୍ଘଟଣା ଘଟିଛି । ମାଣିକର୍ଣ୍ଣ ଗୁରୁଦ୍ବାର ସାମ୍ନାରେ କିଛି ପର୍ଯ୍ୟଟକ ଏକ ଟାଟା ସୋମ ରଖି ରାସ୍ତା ପାର୍ଶ୍ବରେ ବସିଥିଲେ । ଏହି ସମୟରେ ଭୂସ୍ଖଳନ ହୋଇଥିଲା । ଏକ ବିରାଟ ଗଛ ଲୋକଙ୍କ ଉପରେ ପଡ଼ିବାରୁ ଘଟଣାସ୍ଥଳରେ ୬ଜଣଙ୍କ ମୃତ୍ୟୁ ହୋଇଛି । Landslide in Kullu near Manikaran Sahib in Himachal #Landslide pic.twitter.com/iNKQd763Sp — Dhirendra Kumar/धीरेंद्र कुमार (@dhir022) March 30, 2025 କୁଲ୍ଲୁ ଏଡିଏମ ଅଶ୍ବିନୀ କୁମାର କହିଛନ୍ତି, ମାଣିକର୍ଣ୍ଣ ଗୁରୁଦ୍ବାର ପାର୍କିଂ ନିକଟରେ ଏହି ଦୁର୍ଘଟଣା ହୋଇଛି । ଭୂସ୍ଖଳନ ଯୋଗୁ ଏକ ବିରାଟ ଗଛ ଉପୁଡ଼ି ରାସ୍ତା ପାର୍ଶ୍ବରେ ବସିଥିବା ଲୋକଙ୍କ ଉପରେ ପଡ଼ିଥିଲା । ଫଳରେ ୬ଜଣଙ୍କ ମୃତ୍ୟୁ ହୋଇଛି । ମୃତଙ୍କ ମଧ୍ୟରେ ୩ ପୁରୁଷ ଓ ୩ଜଣ ମହିଳା ଅଛନ୍ତି । ମାଣିକର୍ଣ୍ଣ ଏସଏଚଓଙ୍କ ନେତୃତ୍ବରେ ପୋଲିସ ଟିମ୍ ଓ ଅଗ୍ନିଶମ ବାହିନୀ ଘଟଣାସ୍ଥଳରେ ପହଞ୍ଚି ରେସକ୍ୟୁ କାର୍ଯ୍ୟ ଜାରି ରଖିଛନ୍ତି । ମୃତଦେହକୁ ଜବତ କରି ପୋଷ୍ଟମର୍ଟମ ପାଇଁ ପଠାଯାଇଛି । ସେହିପରି ରେସକ୍ୟୁ ଟିମ୍ ୫ ଆହତଙ୍କୁ ଉଦ୍ଧାର କରି ନିକଟସ୍ଥ ହସ୍ପିଟାଲରେ ଭର୍ତ୍ତି କରିଛନ୍ତି ।

ପୁଣି ଭୟଙ୍କର ଭୂମିକମ୍ପ: ସୁନାମୀ ଚେତାବନୀ ଜାରି କଲା ଆମେରିକା

ନୂଆଦିଲ୍ଲୀ: ପୁଣି ଭୟଙ୍କର ଭୂମିକମ୍ପ। ୭.୧ ତୀବ୍ର ଝଟ୍‌କାରେ ଥରିଲା ପୃଥିବୀ। ରବିବାର ପ୍ରଶାନ୍ତ ମହାସାଗରୀୟ ଦ୍ୱୀପ ରାଷ୍ଟ୍ର ଟୋଙ୍ଗା ନିକଟରେ ୭.୧ ତୀବ୍ରତାର ଭୂମିକମ୍ପ ଅନୁଭୂତ ହୋଇଛି। ଶକ୍ତିଶାଳୀ ଭୂମିକମ୍ପ ଯୋଗୁ ଦ୍ୱିପ ଦେଶରେ ସୁନାମୀ ଚେତାବନୀ ଜାରି କରାଯାଇଛି। ୧୦ କିଲୋମିଟର ଗଭୀରରେ ଏହି ଭୂମିକମ୍ପ କେନ୍ଦ୍ରିଭୂତ ହୋଇଥିବା ଆମେରିକାର ଭୂତତ୍ତ୍ୱ ସର୍ବେକ୍ଷଣ (USGS) ସଂସ୍ଥା ସୂଚନା ଦେଇଛି। ପାଙ୍ଗାଇ ଗାଁରୁ ୯୦ କିଲୋମିଟର (୫୬ ମାଇଲ) ଦକ୍ଷିଣ-ପୂର୍ବରେ ଏହି ଅଗଭୀର ଭୂମିକମ୍ପ ଅନୁଭୂତ ହୋଇଥିଲା। ଏହି ଭୂମିକମ୍ପ ପାଇଁ ନିୟୁଏ ଦ୍ୱୀପ ରାଷ୍ଟ୍ରକୁ ମଧ୍ୟ ସତର୍କ ସୂଚନା ଜାରି କରାଯାଇଛି। ନିୟୁ ଏବଂ ଟୋଙ୍ଗାର କିଛି ଉପକୂଳରେ ଜୁଆର ସ୍ତରଠାରୁ ୦.୩ ରୁ ୧ ମିଟର ଉଚ୍ଚ ସୁନାମୀ ତରଙ୍ଗ ଉଠିପାରେ ବୋଲି ଆମେରିକାର ଭୂତତ୍ତ୍ୱ ସର୍ବେକ୍ଷଣ ସଂସ୍ଥା ସତର୍କ ସୂଚନା ଜାରି କରିଛି। ସେହିପରି ବିପଦପୂର୍ଣ୍ଣ ସୁନାମି ଲହରୀ ଭୂମିକମ୍ପର କେନ୍ଦ୍ରସ୍ଥଳରୁ ୩୦୦ କିଲୋମିଟର ମଧ୍ୟରେ ଉପକୂଳକୁ ପ୍ରଭାବିତ କରିପାରେ ବୋଲି ପ୍ରଶାନ୍ତ ମହାସାଗର ସୁନାମି ସତର୍କତା କେନ୍ଦ୍ର ପକ୍ଷରୁ କୁହାଯାଇଛି। ପଢନ୍ତୁ- ଭୂମିକମ୍ପ ବିନାଶରେ ଅଟକିଲା ମିଆଁମାର ଗୃହଯୁଦ୍ଧ, ରିଲିଫ ଓ ଉଦ୍ଧାର କାର୍ଯ୍ୟ ପାଇଁ ହତିଆର ଛାଡିଲେ ବିଦ୍ରୋହୀ ଟୋଙ୍ଗା ଜାତୀୟ ବିପର୍ଯ୍ୟୟ ଏଜେନ୍ସି ଉପକୂଳବର୍ତ୍ତି ଏରିଆରେ ରହୁଥିବା ଲୋକମାନଙ୍କୁ ସେଠାରୁ ସୁରକ୍ଷିତ ସ୍ଥାନକୁ ଚାଲିଯିବାକୁ ନିର୍ଦ୍ଦେଶ ଦେଇଛି। ନିମ୍ନ ଉପକୂଳ ଅଞ୍ଚଳରେ ରହୁଥିବା ଲୋକମାନେ ଦୟାକରି ଉଚ୍ଚ ଭୂମିକୁ କିମ୍ବା ଅନ୍ୟ ସ୍ଥାନକୁ ଚାଲିଯାଆନ୍ତୁ ବୋଲି ଟୋଙ୍ଗା ଜାତୀୟ ବିପର୍ଯ୍ୟୟ ବିପଦ ପରିଚାଳନା କାର୍ଯ୍ୟାଳୟ ଫେସବୁକରେ ଲେଖିଛି। ଏହି ଅଞ୍ଚଳରେ ଲଗାତରେ ଭୂକମ୍ପ ଜନିତ ଘଟଣା ଜାରି ରହିଛି। ଯାହା ଦକ୍ଷିଣ ପ୍ରଶାନ୍ତ ମହାସାଗରୀୟ ଅଞ୍ଚଳର ଜାରି ରହିଥିବା ଭୂତାତ୍ତ୍ୱିକ ଅସ୍ଥିରତାକୁ ଦର୍ଶାଉଛି। ଟୋଙ୍ଗାରେ ଭୂମିକମ୍ପ ହେବା ଏକ ସାଧାରଣ କଥା। ଏହା ଏକ ନିମ୍ନାଞ୍ଚଳ ଦ୍ୱୀପପୁଞ୍ଜର ଦେଶ, ଯେଉଁଠି ପ୍ରାୟ ୧୦୦,୦୦୦ ଲୋକ ରହୁଛନ୍ତି। ଏହା ଏବଂ ଭୂକମ୍ପୀୟ ଅଗ୍ନି ବଳୟ(ସେସ୍‌ମିକ ରିଙ୍ଗ ଅଫ୍ ଫାୟାର) ମଧ୍ୟରେ ଅବସ୍ଥିତ। ଏଠାରେ ଦକ୍ଷିଣପୂର୍ବ ଏସିଆ ଏବଂ ପ୍ରଶାନ୍ତ ମହାସାଗରୀୟ ଅବବାହିକାରେ ବିସ୍ତୃତ ଥିବା ଏକ ତୀବ୍ର ଟେକ୍ଟୋନିକ ଗତିବିଧିର ଏକ ଚାପ ସୃଷ୍ଟି ହେଉଛି। ଟୋଙ୍ଗା ହେଉଛି ପଲିନେସିଆର ଏକ ଦେଶ, ଯାହା ୧୭୧ଟି ଦ୍ୱୀପପୁଞ୍ଜକୁ ନେଇ ଗଠିତ। ଏହାର ଜନସଂଖ୍ୟା ୧୦୦,୦୦୦ ରୁ ସାମାନ୍ୟ ଅଧିକ। ଯେଉଁମାନଙ୍କ ମଧ୍ୟରୁ ଅଧିକାଂଶ ଟୋଙ୍ଗାଟାପୁ ମୁଖ୍ୟ ଦ୍ୱୀପରେ ବାସ କରନ୍ତି। ଏହା ଅଷ୍ଟ୍ରେଲିଆର ପୂର୍ବ ଉପକୂଳରୁ ୩,୫୦୦ କିଲୋମିଟର (୨,୦୦୦ ମାଇଲ) ରୁ ଅଧିକ ଦୂରରେ ଅବସ୍ଥିତ।

ଏବେ ବର୍ଷକୁ ୨ଥର ହେବ ମାଟ୍ରିକ୍ ପରୀକ୍ଷା, ୧୦ମ ଓ ଦ୍ୱାଦଶ ଶ୍ରେଣୀ ନିମନ୍ତେ ନୂଆ ସିଲାବସ୍ ଜାରି କଲେ CBSE

ନୂଆଦିଲ୍ଲୀ ୩୦।୩: ସେଣ୍ଟ୍ରାଲ ବୋର୍ଡ ଅଫ ସେକେଣ୍ଡାରୀ ଏଜୁକେସନ (ସିବିଏସଇ) ୧୦ମ ଓ ଦ୍ୱାଦଶ ଶ୍ରେଣୀ ନିମନ୍ତେ ନୂଆ ସିଲାବସ୍ ଜାରି କରିଛନ୍ତି। ଏହି ନୂଆ ସିଲାବସ ୨୦୨୫-୨୬ ନିମନ୍ତେ ଦଶମ ଓ ଦ୍ୱାଦଶ ଶ୍ରେଣୀ ନିମନ୍ତେ ଜାରି ହୋଇଛି। ଏହି ସିଲାବସ ଏବେ ସିବିଏସଇ ର ଅଧିକାରୀକ ୱେବସାଇଟରେ ଉପଲବ୍ଧ ହେଉଛି। ସିଲାବସ ୨୦୨୫-୨୬ ଆକାଡେମିକ ସାମଗ୍ରୀ ଓ ଶିକ୍ଷଣ ନିମନ୍ତେ ବ୍ୟାପକ ଗାଇଡଲାଇନ ପ୍ରଦାନ କରୁଛି। ଚଳିତବର୍ଷ ବୋର୍ଡ ଦଶମ ଶ୍ରେଣୀ ବୋର୍ଡ ପରୀକ୍ଷା ପ୍ରକ୍ରିୟାରେ ଗୁରୁତ୍ୱପୂର୍ଣ୍ଣ ପରିବର୍ତ୍ତନ କରିଛନ୍ତି। ଚଳିତବର୍ଷରୁ ବୋର୍ଡ ବର୍ଷରେ ଦୁଇଥର ଫେବୃଆରୀ ଓ ଏପ୍ରିଲ ରେ ୧୦ମ ବୋର୍ଡ ପରୀକ୍ଷା ଆୟୋଜନ କରିବେ, ଏଥିରୁ ଛାତ୍ରଛାତ୍ରୀଙ୍କୁ ସେମାନଙ୍କ ସ୍କୋର ସୁଧାର ନିମନ୍ତେ ଅଧିକ ସୁବିଧା ମିଳିବ। ଏହା ଛଡା ପାଠ୍ୟକ୍ରମରେ ଘୋଷିବା ବଦଳେ ଯୋଗ୍ୟତା ଆଧାରିତ ପ୍ରଶ୍ନ ମାଧ୍ୟମରେ ଅବଧାରଣାତ୍ମକ ବୋଧ ଓ ଜ୍ଞାନର ପ୍ରୟୋଗ ଉପରେ ଗୁରୁତ୍ୱ ଦିଆଯାଇଛି। ସେହିପରି ମୂଲ୍ୟାୟନରେ ଅଧିକ ପାରଦର୍ଶିତା ଓ ନିରପେକ୍ଷତା ସୁନିଶ୍ଚିତ କରିବା ପାଇଁ ସିବିଏସଇ ପୁନର୍ମୂଲ୍ୟାୟନ ପ୍ରକ୍ରିୟାରେ ମଧ୍ୟ ସୁଧାର କରିଛନ୍ତି। ଏହା ଛଡା ବୋର୍ଡ କୌଶଳ ଶିକ୍ଷା ଉପରେ ଗୁରୁତ୍ୱ ଦେଇଛନ୍ତି। ଦ୍ୱାଦଶ ଶ୍ରେଣୀରେ ବିଭିନ୍ନ କ୍ଷେତ୍ରରେ କୌଶଳର ଇଛାଧିନ ବିଷୟ ରଖିଛନ୍ତି ଯେପରି କି ଆତିଥ୍ୟ ଓ ପର୍ଯ୍ୟଟନ, ଆର୍ଟିଫିସିଆଲ ଇଣ୍ଟେଲିଜେନ୍ସ, ଭୌଗଳିକ ପ୍ରଯୁକ୍ତି ବିଦ୍ୟା, ଅର୍ଥ, ବ୍ୟବସାୟ, ଖୁଚୁରା ଓ ବୀମା ଭଳି ଉଦିୟମାନ ପ୍ରଯୁକ୍ତି ବିଦ୍ୟା ଆଦି ରହିଛି। ବୋର୍ଡ ଦ୍ୱାଦଶ ଶ୍ରେଣୀ ନିମନ୍ତେ ଇଛାଧିନ ବିଷୟ ରୂପେ ବ୍ୟବହାରିକ ଗଣିତକୁ ମଧ୍ୟ ସଂଯୁକ୍ତ କରିଛନ୍ତି। ଚଳିତବର୍ଷ ବୋର୍ଡ ଅନସ୍କ୍ରିନ ମାର୍କିଂ (ଓଏସଏମ) ଓ ଆଉ ଏକ ନୂଆ ପୁନର୍ମୂଲ୍ୟାୟନ ପ୍ରଣାଳୀ ମଧ୍ୟ ଲାଗୁ କରିବେ। ଏଣୁ ବୋର୍ଡ ସ୍କୁଲମାନଙ୍କୁ ଦଶମ ଓ ଦ୍ୱାଦଶ ଶ୍ରେଣୀରେ ସିବିଏସଇର ନୂଆ ସିଲାବସ ଅନୁସାରେ ପଢାଇବାକୁ ନିର୍ଦ୍ଦେଶ ଦେଇଛନ୍ତି। ଶିକ୍ଷାକୁ ଅଧିକ ଆକର୍ଷକ ଓ ସାର୍ଥକ କରିବା ପାଇଁ ପ୍ରକଳ୍ପ ଆଧାରିତ ଶିକ୍ଷଣ, ପଚରାଉଚରା ସଞ୍ଚାଳିତ ଦୃଷ୍ଟିକୋଣ ଓ ପ୍ରଦ୍ୟୋଗିକ ସକ୍ଷମ ଶିକ୍ଷା ଉପରେ ଜୋର ଦିଆଯାଇଛି।

ଚୋର ଧରିବାକୁ ଯାଇ ଛେଚା ଖାଇଲେ ପୋଲିସ ; ନିସ୍ତୁକ ପିଟିଲେ ଗାଁ ମହିଳା

କନକ ବ୍ୟୁରୋ: ଯାଜପୁର କୋରେଇ ଥାନା ଅଧିକାରୀଙ୍କୁ ସଂଘବଦ୍ଧ ଆକ୍ରମଣ । ଚୋରି ବାଇକ୍‌ ଜବତ କରିବାକୁ ଯାଇଥିବା ବେଳେ ଥାନା କର୍ମଚାରୀଙ୍କ ସହ ଆଇଆଇସି ରାକେଶ ତ୍ରିପାଠୀଙ୍କୁ ଆକ୍ରମଣ । ପୋଲିସ ଜବତ କରିଥିବା ଗାଡ଼ି ଛଡ଼ାଇ ନେଇଛନ୍ତି ତେଲେଙ୍ଗା ବସ୍ତିର କିଛି ମହିଳା । ପୋଲିସ କବଜାରୁ ଅଭିଯୁକ୍ତକୁ ଛଡ଼ାଇ ନେବା ସହ ପୋଲିସ ଗାଡ଼ି ମଧ୍ୟ ଭଙ୍ଗାରୁଜା କରିଛନ୍ତି । ମହିଳାଙ୍କ ଆକ୍ରମଣରେ କୋରେଇ ଥାନା ଅଧିକାରୀ ଆହତ ହୋଇଛନ୍ତି । କୁଆଖିଆ ଥାନା ଅଞ୍ଚଳରୁ ଏକ ବାଇକ୍‌ ଚୋରି ନେଇ ଅଭିଯୋଗ ଆସିଥିଲା । ଘଟଣାର ତଦନ୍ତ କରି ଚୋରି ବାଇକକୁ ଜବତ କରିବା ପାଇଁ କନ୍ତର ପଞ୍ଚାୟତ ତେଲେଙ୍ଗା ବସ୍ତି ନିକଟ ହାଟ ପଡ଼ିଆକୁ ଯାଇଥିଲେ ଥାନା ଅଧିକାରୀ । ଏହି ସମୟରେ ସ୍ଥାନୀୟ କିଛି ମହିଳା ପୋଲିସକୁ ଆକ୍ରମଣ କରିଥିବା ଜଣାପଡ଼ିଛି ।

ପରମାଣୁ ଚୁକ୍ତିକୁ ‘NO’କହିଲା ଇରାନ, ଡିଲ୍ ନ ମାନିଲେ ବୋମା ପକାଇ ଉଡ଼ାଇ ଦେବୁ କହିଲେ ଟ୍ରମ୍ପ

ୱାଶିଂଟନ,୩୦ା୩: ଆଣବିକ କାର୍ଯ୍ୟକ୍ରମ ସମ୍ପର୍କରେ ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କ ଚିଠିର ଉତ୍ତରରେ ଇରାନର ରାଷ୍ଟ୍ରପତି ମାସୁଦ ପେଜେଶକିଆନ୍ ଆମେରିକା ସହ ସିଧାସଳଖ ଆଲୋଚନାକୁ ପ୍ରତ୍ୟାଖ୍ୟାନ କରିଛନ୍ତି। ଏହି ସମୟରେ ଆମେରିକାର ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ଇରାନକୁ ଚେତାବନୀ ଦେଇଛନ୍ତି ଯେ, ଯଦି ଆଣବିକ କାର୍ଯ୍ୟକ୍ରମ ଉପରେ ତେହେରାନ ୱାଶିଂଟନ ସହ ଚୁକ୍ତି କରିବାକୁ ରାଜି ନହୁଏ ତେବେ ଏହା ଉପରେ ବୋମା ପକାଯିବ ଏବଂ ଶୁଳ୍କ ଲାଗୁ କରାଯିବ। ପେଜେଶକିଆନ୍ କହିଛନ୍ତି, ଯଦିଓ ଉଭୟ ପକ୍ଷ ମଧ୍ୟରେ […]

ପ୍ଲାଟିନମ୍‌-ଡାଇମଣ୍ଡର ବଢିଲା ଡିମାଣ୍ଡ, ଏହାକୁ ଅଧିକ ଗିଫ୍ଟ କରୁଛନ୍ତି ଲୋକେ

ନୂଆଦିଲ୍ଲୀ: ସୁନା ଦର ବର୍ତ୍ତମାନ ଆକାଶ ଛୁଆଁ। ଏଥିରେ କରେଣ୍ଟ ଲାଗିଛି ବୋଲି କହିଲେ ଅତ୍ୟୁକ୍ତି ହେବ ନାହିଁ। ବିବାହ ବା ଜନ୍ମଦିନରେ ଲୋକେ ସଂପର୍କୀୟଙ୍କୁ ସୁନା ଉପହାର ଦେଉଥିଲେ। ହେଲେ ବର୍ତ୍ତମାନ ଏହା ଏଭଳି ଲାଗୁଛି, ସୁନାର ଚମକ୍ ଫିକା ପଡିଯାଇଛି। ସାରା ଦେଶରେ ଖାସକରି ଧନୀ ଲୋକେ ଏବଂ ଯୁବପିଢିଙ୍କ ମଧ୍ୟରେ ପ୍ଲାଟିନମ ଏବଂ ହୀରା ଗିଫ୍ଟ ଦେବା ଏବଂ ଏଥିରେ ନିବେଶର ଚଳଣୀ ଖୁବ ଜୋରରେ ବଢିବାରେ ଲାଗିଛି। ସୁନା ସବୁଠୁ ଲୋକପ୍ରିୟ […]

ପରିସ୍ରା କରିବା ପରେ ବି ଲିକେଜ୍ ହେଉଥିଲେ ହୋଇଯାଆନ୍ତୁ ସାବଧାନ ! ହୋଇପାରେ ଏହି ଗମ୍ଭୀର ସମସ୍ୟା

ନୂଆଦିଲ୍ଲୀ: ଶରୀର ଠିକ୍ ଭାବରେ କାର୍ଯ୍ୟ କରିବା ପାଇଁ ପରିସ୍ରା କରିବା ବହୁତ ଗୁରୁତ୍ୱପୂର୍ଣ୍ଣ । ଏହା ଶରୀରରୁ ବିଷାକ୍ତ ପଦାର୍ଥ ବାହାର କରିଦିଏ । ଯଦି କେହି ଦୀର୍ଘ ସମୟ ପର୍ଯ୍ୟନ୍ତ ପରିସ୍ରା ଧରି ରଖନ୍ତି କିମ୍ବା ଅଳ୍ପ ପରିମାଣରେ ପରିସ୍ରା କରନ୍ତି, ତେବେ ଏହା ତାଙ୍କ ସ୍ୱାସ୍ଥ୍ୟ ପାଇଁ ଗମ୍ଭୀର ସମସ୍ୟା ସୃଷ୍ଟି କରିପାରେ । ତେବେ ପରିସ୍ରା କରିବା ପରେ କିଛି ଜଣଙ୍କର ଲିକେଜ୍ ସମସ୍ୟା ରହିଥାଏ । ଯଦିଓ ଏହା ଏକ […]

ୟୁରୋପ ସ୍ପେସ୍ ପ୍ରୋଜେକ୍ଟକୁ ବଡ଼ ଝଟକା, ଉଡ଼ାଣର ୪୦ ସେକେଣ୍ଡରେ ଖସିପଡ଼ିଲା ରକେଟ୍

ବ୍ରୁସଲେସ୍,୩୦ା୩: ୟୁରୋପର ସ୍ପେସ୍ ପ୍ରୋଗ୍ରାମକୁ ଏକ ବଡ଼ ଝଟକା ଲାଗିଛି । ରବିବାର ଏକ ବଡ଼ ଧରଣର ବିପର୍ଯ୍ୟୟର ସମ୍ମୁଖୀନ ହୋଇଥିଲା ୟୁରୋପ। ଯେତେବେଳେ ୪୦ ସେକେଣ୍ଡ ପରେ ନରୱେରେ ଏକ ରକେଟ୍ ଖସିପଡିଥିଲା। ଏହି ଘଟଣାର ଭିଡିଓ ସାମ୍ନାକୁ ଆସିଛି ଯେଉଁଥିରେ ରକେଟ୍ ବିସ୍ଫୋରଣ ହୋଇଥିବାର ଦେଖିବାକୁ ମିଳିଛି। ଏହି ରକେଟ୍ ୟୁରୋପରୁ ସାଟେଲାଇଟ୍ ଲଞ୍ଚକୁ ସହଯୋଗ କରିବା ପାଇଁ ଉନ୍ନତି କରାଯାଇଥିଲା । ମାତ୍ର ଉଡ଼ାଣ ସଙ୍ଗେ ସଙ୍ଗେ ଏହା ଭୂମିରେ ଖସିପଡ଼ି ଦୁର୍ଘଟଣାଗ୍ରସ୍ତ […]

ଦିଶିଲା ଇଦ ଚାନ୍ଦ, କାଲି ସାରା ଦେଶରେ ପାଳନ ହେବ ଇଦ-ଉଲ-ଫିତର ପର୍ବ

ନୂଆଦିଲ୍ଲୀ: ରବିବାର ଦିନ ଇଦର ଚାନ୍ଦ ଆକାଶରେ ନଜର ଆସିଛି। ଏହାପରେ ମୌଲାନା ଘୋଷଣା କରିଛନ୍ତି ଯେ, ସୋମବାର ଦିନ ସାରା ଦେଶରେ ଇଦ ଉଲ-ଫିତରର ପର୍ବ ପାଳନ କରାଯିବ। ମୌଲାନା ଖାଲିଦ ରଶିଦ କହିଛନ୍ତି ଯେ, ୩୦ ମାର୍ଚ୍ଚରେ ଇଦର ଚାନ୍ଦ ନଜର ଆସିଛି। ଏଥିପାଇଁ ୩୧ ମାର୍ଚ୍ଚରେ ସାରା ଦେଶରେ ଇଦର ପର୍ବ ପାଳନ ହେବ। ଦିଲ୍ଲୀର ଜାମା ମସଜିଦରେ ସକାଳ ୬ଟା ୪୫ ମିନିଟରେ ନମାଜ ପଢାଯିବ। ସେହିପରି ଲକ୍ଷ୍ନୌରେ ସକାଳ ୧୦ଟାରେ […]

ପରମାଣୁ ବୋମାଠୁ ଶକ୍ତିଶାଳୀ ମିଆଁମାର ଭୂମିକମ୍ପ ; ଏଭଳି ଦୁର୍ବିପାକ ଦେଖିନଥିଲା ବିଶ୍ବ

କନକ ବ୍ୟୁରୋ: ପରମାଣୁ ବୋମାଠୁ ଭୟଙ୍କର ଭୂମିକମ୍ପ । ମିଆଁମାରରେ ତାଣ୍ଡବ ରଚିଥିବା ଭୂମିକମ୍ପ କେତେ ଶକ୍ତିଶାଳୀ ଥିଲା? ରିକ୍ଟର ସ୍କେଲରେ ଏହାର ତୀବ୍ରତା ୭.୭ ରେକର୍ଡ ହୋଇଥିଲା । ଏପରିକି କେତେକ ଗଣମାଧ୍ୟମରେ ୭.୯ ତୀବ୍ରତା ଥିବା ମଧ୍ୟ ଖବର ପ୍ରସାରିତ ହୋଇଥିଲା । ହେଲେ ଏବେ ଏକ ଅତି ଆଶ୍ଚର୍ଯ୍ୟଜନ ଓ ଭୟଙ୍କର ତଥ୍ୟ ସାମ୍ନାକୁ ଆସିଛି । ପରମାଣୁ ବୋମାଠୁ ଭୟଙ୍କର ଭୂମିକମ୍ପ : ୩ ଶହ ପରମାଣୁ ବୋମାର ଯେତିକି ଶକ୍ତି ଥାଏ, ତାହାଠାରୁ ଅଧିକ ଶକ୍ତିଶାଳୀ ଥିଲା ଏହି ଭୂମିକମ୍ପ । ଆମେରିକାର ଭୂତତ୍ତ୍ବବିତ୍ କହିଛନ୍ତି ଯେ, ପ୍ରଳୟଙ୍କରୀ ଭୂମିକମ୍ପ ପ୍ରାୟ ୩୩୪ ଆଣବିକ ବୋମାର ଶକ୍ତି ଛାଡ଼ିଥିଲା । ଜେସ୍ ଫୋନେକ୍ସ ଆମେରିକୀୟ ଗଣମାଧ୍ୟମ ସିଏନଏସକୁ ଏକ ସାକ୍ଷାତକାରରେ ଏକଥା କହିଛନ୍ତି । ଫୋନେକ୍ସ ଆଶଙ୍କା କରିଛନ୍ତି : ଭୂମିକମ୍ପ ଜନିତ ମୃତ୍ୟୁ ସଂଖ୍ୟା ଆଗକୁ ବହୁତ ଅଧିକ ବଢ଼ିପାରେ ଏପରିକି ଭୂମିକମ୍ପ ଜନିତ ମୃତ୍ୟୁ ସଂଖ୍ୟା ୧୦ ହଜାର ଛୁଇଁପାରେ ଏହାସହ ଆଗକୁ ମଧ୍ୟ ପ୍ରଭାବିତ ଅଞ୍ଚଳରେ ପୁଣି ଭୂମିକମ୍ପ ହୋଇପାରେ ମିଆଁମାରରେ ଭୂମିକମ୍ପରେ ୧୬ଶହରୁ ଅଧିକ ଲୋକଙ୍କ ମୃତ୍ୟୁ ଘଟିଛି ପ୍ରାୟ ୪ ହଜାର ଲୋକ ଆହତ ହୋଇଛନ୍ତି ଉଦ୍ଧାର କାର୍ଯ୍ୟ ଜାରି, ଭଗ୍ନାବଶେଷ ତଳେ ଅନେକ ପୋତି ହୋଇ ରହିଥିବା ଆଶଙ୍କା ‘ଅପରେସନ ବ୍ରହ୍ମ’ ମିଆଁମାରକୁ ସହାୟତା ପଠାଇଛି ନୂଆଦିଲ୍ଲୀ ୧୧୮ ଜଣ ମେଡିକାଲ କର୍ମଚାରୀଙ୍କୁ ନିୟୋଜିତ କରାଯାଇଛି ଆଇଏନଏସ୍ ସତପୁରା ଓ ଆଇଏନଏସ୍ ସାବିତ୍ରୀ ୪୦ ଟନ୍ ସାମଗ୍ରୀ ନେଇ ମିଆଁମାର ଯାଉଛନ୍ତି ଆସନ୍ତାକାଲି ସୁଦ୍ଧା ଏହି ଦୁଇ ଜାହାଜ ମିଆଁମାରରେ ପହଞ୍ଚିଯିବେ ଏକ ୮୦ ଜଣିଆ ଏନଡିଆରଏଫ ଟିମ୍ ମଧ୍ୟ ପଠାଇଛି ଭାରତ ଏମାନେ ଭଗ୍ନାଂଶ ତଳେ ପୋତି ହୋଇ ରହିଥିବା ଲୋକଙ୍କ ସନ୍ଧାନ କରୁଛନ୍ତି ପ୍ରଧାନମନ୍ତ୍ରୀ ମୋଦୀ ମିଆଁମାରର ସାମରିକ ଶାସକଙ୍କ ସହ କଥା ହୋଇଛନ୍ତି

କାମାକ୍ଷା ଏକ୍ସପ୍ରେସ୍‌ ଲାଇନ୍‌ଚ୍ୟୁତ ଘଟଣା, ଘୋଷଣା ହେଲା ସହାୟତା ରାଶି

ଭୁବନେଶ୍ବର: କାମାକ୍ଷା ଏକ୍ସପ୍ରେସ୍‌ ଲାଇନ୍‌ଚ୍ୟୁତ ଘଟଣାରେ ଜଣଙ୍କର ମୃତ୍ୟୁ ହୋଇଥିବା ବେଳେ 7ଜଣ ଗୁରୁତର ଆହତ ହୋଇଛନ୍ତି । ତେବେ ଏହି ଘଟଣା ପରେ ସହାୟତା ଘୋଷଣା କରାଯାଇଛି । ଜଣେ ମୃତକଙ୍କ ନିକଟ ସମ୍ପର୍କୀୟଙ୍କ ପାଇଁ ୫ ଲକ୍ଷର ସହାୟତା ରାଶି ଘୋଷଣା କରାଯାଇଛି । ସେହିପରି ଜଣେ ଗୁରୁତର ଆହତଙ୍କୁ ଅଢ଼େଇ ଲକ୍ଷ, ୨ ଆହତଙ୍କୁ ୫୦ ହଜାର ପ୍ରଦାନ କରାଯିବ । ଏନେଇପୂର୍ବତଟ ରେଲୱେ ପକ୍ଷରୁ ସହାୟତା ନେଇ ସୂଚନା ଜାରି କରାଯାଇଛି […]

ପୁଣି ପାଉଣାକୁ ନେଇ କଳାକାର ଓ ମାଲିକ  ବିବାଦ ; ଯାତ୍ରା କମେଡିଆନ୍ ନରି ପଣ୍ଡାଙ୍କୁ ଆକ୍ରମଣ

କନକ ବ୍ୟୁରୋ: ଯାତ୍ରା ପେଣ୍ଡାଲରେ ହସି ହସି ଦର୍ଶକଙ୍କୁ ନାକେଦମ କରୁଥିବା ହାସ୍ୟ ଅଭିନେତା ନରି ପଣ୍ଡାଙ୍କୁ ମାଡ଼ । ତୁଳସୀ ଗଣନାଟ୍ୟ ମାଲିକ ତାଙ୍କୁ ମାଡ଼ ମାରିଥିବା ଅଭିଯୋଗ କରିଛନ୍ତି । ଆଗାମୀ ଯାତ୍ରା ଋତୁ ପାଇଁ ମାଲିକଙ୍କ ଠାରୁ ଅଗ୍ରୀମ ଟଙ୍କା ଆଣିଥିଲେ ନରି । ତେବେ ବାକି ଟଙ୍କା ନମିଳିବାରୁ ଅଗ୍ରୀମ ଟଙ୍କାକୁ ମାଲିକଙ୍କୁ ଫେରସ୍ତ ପାଇଁ ଯାଇଥିବା ବେଳେ ତାଙ୍କୁ ମାଡ଼ ମରାଯାଇଥିବା ଅଭିଯୋଗ କରିଛନ୍ତି । ଏଭଳି ସ୍ଥିତିରେ ଆଗାମୀ ବର୍ଷଠାରୁ ସେ ଆଉ ଯାତ୍ରା କରିବେ ନାହିଁ ବୋଲି କହିଛନ୍ତି ନରି ପଣ୍ଡା । ଯାତ୍ରା କଳାକାରଙ୍କୁ ମାଡ଼ମରା ଘଟଣାକୁ ନିନ୍ଦା କରିଛନ୍ତି ବରିଷ୍ଠ କଳାକାର ଦୈତାରୀ ପଣ୍ଡା । କହିଛନ୍ତି, ଯାତ୍ରା କଳାକାରଙ୍କୁ ଉଚିତ୍ ସମ୍ମାନ ମିଳୁ । ଅନ୍ୟପଟେ, ନରି ପଣ୍ଡାଙ୍କ ଉପରକୁ ମାଡ଼ ଘଟଣାକୁ ଖଣ୍ଡନ କରିଛନ୍ତି ତୁଳସୀ ଗଣନାଟ୍ୟ ମାଲିକ । କହିଛନ୍ତି ଯେ ସେ ତାଙ୍କୁ ମାଡ଼ ମାରିନାହାନ୍ତି । ଚୁକ୍ତି ଠାରୁ ଅଧିକ ଟଙ୍କା ପାଇଁ ଦାବି କରିଥିଲେ । ମନା କରିବାରୁ ସ୍ତ୍ରୀଙ୍କୁ ମାଧ୍ୟମ କରି ଫୋନ୍ କରିଥିଲେ ନରି । ଏପରିକି ତାଙ୍କ ପାର୍ଟିରେ ନରି ପଣ୍ଡା ଅଭିନୟ କରିବେ ବୋଲି ଦୃଢ଼ତାର ସହ କହିଛନ୍ତି ଅନନ୍ତ ନାରାୟଣ ଧଳ । ଯାତ୍ରା କଳାକାର ଓ ମାଲିକଙ୍କ ମଧ୍ୟରେ ତୁ ତୁ ମେ ମେ କିଛି ନୂଆ ନୁହେଁ । ପୂର୍ବରୁ ମଧ୍ୟ ଅନେକ ଘଟଣା ସାମ୍ନାକୁ ଆସିଛି। ତେବେ ଏ ସମସ୍ୟାର ସମାଧାନ କେବେ ହେବ, ତା’ ଉପରେ ରହିଛି ନଜର।

ପେସାରେ ଅଧ୍ୟାପକ ନିଶା କିନ୍ତୁ ସମାଜସେବା, ଆଦିବାସୀ ମହିଳାଙ୍କୁ ସ୍ୱାବଲମ୍ବୀ କରିବା ଲକ୍ଷ୍ୟରେ ଟେଲରିଂ ଶିଖାଉଛନ୍ତି ନୀଳଗରିରିର ଶୁଭସ୍ମିତା

କନକ ବ୍ୟୁରୋ : ବାଲେଶ୍ବର ଜିଲ୍ଲା ନୀଳଗିରି ବ୍ଲକ କାଠପାଳ ଗାଁର ଶୁଭସ୍ମିତା ପଣ୍ଡା। ୪ ବର୍ଷ ହେଲା ଶୁଭସ୍ମିତା ନୀଳଗିରି ବ୍ଲକ ଅଯୋଧ୍ୟା ଡିଗ୍ରୀ କଲେଜରେ ଠିକା କର୍ମଚାରୀ ଭାବରେ ଅର୍ଥନୀତି ବିଭାଗର ଅଧ୍ୟାପିକା ଭାବରେ କାର୍ଯ୍ୟ କରନ୍ତି । ମାସିକ ବେତନ ମାତ୍ର ୫ ହଜାର । ଘର ଠାରୁ କଲେଜର ଦୂରତା ୮-୧୦ କିଲୋମିଟର । ପ୍ରତ୍ୟକ ଦିନ ଘର କାମ ସାରି ଟ୍ରେକର ସହାୟତାରେ କଲେଜକୁ ଆସନ୍ତି । କଲେଜରେ ଛାତ୍ରଛାତ୍ରୀଙ୍କୁ ପାଠ ପଢାଇବା ସହ କଲେଜ ଛୁଟି ପରେ ଶୁଭସ୍ମିତା ବାହାରି ଯାଆନ୍ତି ନିକଟସ୍ଥ ଆଦିବାସୀ ମୂଲକ ଗାଁ ଗୁଡିକୁ । ସେଠାରେ ନିଜେ ଶିଖିଥିବା ସିଲେଇ ଶିକ୍ଷାକୁ ମାଗଣାରେ ମହିଳା ଓ ଝିଅ ମାନଙ୍କୁ ଶିଖାଇବା ସହ ସ୍ବାବଲମ୍ବୀ ହେବାର ମାର୍ଗ ଦେଖାଉଛନ୍ତି । ସ୍ବଳ୍ପ ବେତନ ପାଉଥିବା ଶୁଭସ୍ମିତା ନିଜ ଯାତାୟତ ଖର୍ଚ୍ଚ ତୁଲାଇବା ସହ ମହିଳାମାନଙ୍କୁ ସିଲେଇ ଉପକରଣ ମାନ ମଧ୍ୟ ପ୍ରଦାନ କରିଥାଆନ୍ତି । ନିଜେ କଲେଜରେ ପଢୁଥିବା ସମୟରେ ଗାଁକୁ ଆସୁଥିବା ଜଣେ ସିଲେଇ ଶିକ୍ଷକଙ୍କ ଠାରୁ ମାଗଣାରେ ସିଲେଇ ଶିଖିଥିଲେ ଶୁଭସ୍ମିତା । ପ୍ରତ୍ୟକ ଦିନ କଲେଜ ଆସିବା ସମୟରେ ପଇସା ପାଇଁ ଆଦିବାସୀ ପରିବାର ଗୁଡିକରେ ଝଗଡା ହେଉଥିବାର ଦେଖି ସେ ସେମାନଙ୍କୁ ସ୍ବାବଲମ୍ବୀ କରିବା ପାଇଁ ମନସ୍ଥ କରି ନିଜେ ଶିଖିଥିବା ସିଲେଇ ଶିକ୍ଷାକୁ ଉପଯୋଗ କରିଥିଲେ । ପ୍ରଥମେ କିଛି ଛାତ୍ରୀଙ୍କ ସହ ନିକଟରେ ଥିବା ଗାଁକୁ ଯାଇ ସିଲେଇ ଶିକ୍ଷା ପାଇଁ ପ୍ରବର୍ତ୍ତାଇଥିଲେ । ପ୍ରଥମେ ୪ ଜଣ ମହିଳାରେ ଏହି ଶିକ୍ଷା ଆରମ୍ଭ ହୋଇଥିବା ବେଳେ ୪ ମାସରେ ଆଖପାଖ ତିନୋଟି ଗାଁର ୨୫ରୁ ଉର୍ଦ୍ଧ୍ବ ମହିଳା ଶୁଭସ୍ମିତାଙ୍କ ଠାରୁ ଶିକ୍ଷା ଗ୍ରହଣ କରି ରୋଜଗାରକ୍ଷମ ହେଲେଣି । ସେହିପରି ଫାଙ୍କା ସମୟରେ ଶୁଭସ୍ମିତା ଗରିବ ଆଦିବାସୀ ଛାତ୍ରଛାତ୍ରୀଙ୍କୁ ମାଗଣାରେ ଶିକ୍ଷା ପ୍ରଦାନ କରନ୍ତି । କଲେଜରେ ହେଉଥିବା ସମସ୍ତ ସଚେତନ ଭିତ୍ତିକ କାର୍ଯ୍ୟରେ ନିଜକୁ ନିୟୋଜିତ କରି ଗାଁ ଗାଁ ବୁଲି ସଚେତନ ମଧ୍ୟ କରିଥାଆନ୍ତି ।ବର୍ତ୍ତମାନର ସ୍ବାର୍ଥପର ସମାଜରେ ଶୁଭସ୍ମିତାଙ୍କ ଏଭଳି ମହତ କାମ ଅନ୍ୟମାନଙ୍କ ପାଇଁ ଉଦାହରଣ ।

ରୋଜଗାରର ମାଧ୍ୟମ ପାଲଟିଛି ସମୁଦ୍ର ଘାସ । ବିଭିନ୍ନ ପ୍ରକାର ସାମଗ୍ରୀ ପ୍ରସ୍ତୁତ କରି ରୋଜଗାରକ୍ଷମ ହୋଇଛନ୍ତି ୨ଶହ ମହିଳା

କନକ ବ୍ୟୁରୋ : ପୂର୍ବକାଳରେ ମହିଳାମାନେ ସମୁଦ୍ର କୂଳିଆ ଘାସରୁ ବିଭିନ୍ନ ଗୃହ ଉପକରଣ ପ୍ରସ୍ତୁତ କରି ବ୍ୟବହାର କରୁଥିଲେ। କିନ୍ତୁ ଏବେ ମିଶନ ଶକ୍ତି ଜରିଆରେ ଉତ୍ପାଦକ ଗୋଷ୍ଠୀ ଗଠନ କରି ଏହାକୁ ମହିଳାମାନେ ରୋଜଗାରର ମାଧ୍ୟମ କରିଛନ୍ତି । ବାଲେଶ୍ୱର ଜିଲ୍ଲା ଭୋଗରାଇ ବ୍ଲକ୍ ଅନ୍ତର୍ଗତ କୃଷ୍ଣନଗର ଗାଁକୁ ଲାଗି ରହିଛି ବଙ୍ଗୋପସାଗର । ଗାଁର ପ୍ରାୟ ମହିଳା ଫୁରସତ ସମୟରେ ସମୁଦ୍ର କୂଳକୁ ଯାଇ ଘାସ ସଂଗ୍ରହ କରି ତାକୁ ପାଣିରେ ଧୋଇ ଶୁଖାଇ ଥାଆନ୍ତି। ଶୁଖିଗଲା ପରେ ସେଥିରୁ ଫୁଲ ଚାଙ୍ଗୁଡି, ପାଛିଆ, ଟୋକେଇ, ଡାଲା, କୁଞ୍ଚା, ଆଦି ବିଭିନ୍ନ ଗୃହ ଉପକରଣ ସାମଗ୍ରୀ ତିଆରି କରିଥାନ୍ତି । ଏସବୁ ଜିନିଷ ଭଲ ବିକ୍ରି ହେଉଛି । ୨୦୨୪ ମସିହାରେ ମିଶନ ଶକ୍ତି ଜରିଆରେ ୪୦ ଜଣ ମହିଳା ଏକ ଉତ୍ପାଦକ ଗୋଷ୍ଠୀ ଗଠନ କରିଥିଲେ । ଏହି ଗୋଷ୍ଠୀ ଥରେ ମାତ୍ର ସେମାନଙ୍କ ଉତ୍ପାଦିତ ସାମଗ୍ରୀ ମିଶନ ଶକ୍ତି ମାଧ୍ୟମରେ ବିକ୍ରି କରିବାର ସୁଯୋଗ ପାଇଥିଲା । ଏବେ ମିଶନ ଶକ୍ତି ବଜାର ଏସବୁ କିଣୁ ନଥିବା ବେଳେ ସରକାରୀ ଷ୍ଟଲ୍ ମଧ୍ୟ ମିଳୁନାହିଁ । ମହିଳାମାନେ ପଶ୍ଚିମବଙ୍ଗ ବଜାର ଓ ଆଖପାଖରେ ଆୟୋଜିତ ଛୋଟବଡ଼ ମେଳାରେ ବିକ୍ରି କରୁଛନ୍ତି। ଏସବୁ ସାମଗ୍ରୀ ଆକର୍ଷଣୀୟ ହୋଇଥିବା ବେଳେ ପ୍ରଚାର ପ୍ରସାରରେ ଅଭାବ ରହିଛି । ସରକାରୀ ସ୍ତରରେ ତାଲିମ, ଆର୍ଥିକ ସହାୟତା ଓ ବଜାର ସୁବିଧା ମିଳିଲେ ମହିଳାମାନେ ଉପକୃତ ହୁଅନ୍ତେ । ବାଲେଶ୍ବର ଜିଲ୍ଲା ଭୋଗରାଇ ବ୍ଲକ କୃଷ୍ଣନଗର ଗାଁରେ ୪୦ ଜଣ ମହିଳାଙ୍କୁ ନେଇ ଗଠିତ ଉତ୍ପାଦକ ଗୋଷ୍ଠୀର ସଭ୍ୟା ସଂଖ୍ୟା ୨ ଶହ ଟପିଲାଣି । କାହା ଉପରେ ନିର୍ଭର ନକରି ଆତ୍ମନିର୍ଭରଶୀଳ ହେବା ପାଇଁ ମହିଳାଙ୍କ ଆଗ୍ରହ ବଢୁଛି । ଅଧିକ ସରକାରୀ ସହାୟତା ମିଳିଲେ ସେମାନେ ଆହୁରି ଆଗକୁ ବଢ଼ି ପାରନ୍ତେ ।

ଓଡିଶା ସୀମାନ୍ତରେ ଭାଷା ସଙ୍କଟ : ଓଡିଆ ଭୁଲିଗଲେଣି ଲୋକେ

କନକ ବ୍ୟୁରୋ: ଆମେ ଓଡ଼ିଆ । ଓଡ଼ିଆ ଭାଷା ଭିତିରେ ଗଠନ ହୋଇଥିବା ଓଡ଼ିଶା ପ୍ରଥମ ରାଜ୍ୟ । ଏଥିପାଇଁ ଆମେ ପ୍ରତି ବର୍ଷ ଉତ୍କଳ ଦିବସ ବା ଓଡ଼ିଶା ଦିବସ ପାଳନ କରୁଛେ । ହେଲେ, ଓଡ଼ିଆ ଭାଷାର ସୁରକ୍ଷାକୁ ନେଇ ସନ୍ଦେହ ସୃଷ୍ଟି ହୋଇଛି । ବିଶେଷକରି ସୀମାବର୍ତ୍ତି ଅଞ୍ଚଳରେ ଓଡ଼ିଆ ଭାଷାର ଅସ୍ତିତ୍ବକୁ ନେଇ ସଙ୍କଟ ସୃଷ୍ଟି ହୋଇଛି । ଆମେ ଓଡ଼ିଆ । ଓଡ଼ିଆ ଭାଷା ଭିତିରେ ଗଠନ ହୋଇଥିବା ଓଡ଼ିଶା ପ୍ରଥମ ରାଜ୍ୟ । ଏଥିପାଇଁ ଆମେ ପ୍ରତିବର୍ଷ ଉତ୍କଳ ଦିବସ ବା ଓଡ଼ିଶା ଦିବସ ପାଳନ କରୁଛେ । ହେଲେ, ଓଡ଼ିଆ ଭାଷାର ସୁରକ୍ଷାକୁ ନେଇ ସନ୍ଦେହ ସୃଷ୍ଟି ହୋଇଛି । ବିଶେଷକରି ସୀମାବର୍ତ୍ତି ଅଞ୍ଚଳରେ ଓଡ଼ିଆ ଭାଷାର ଅସ୍ତିତ୍ବକୁ ନେଇ ସଙ୍କଟ ସୃଷ୍ଟି ହୋଇଛି । ଦିନକ ପରେ ପାଳନ ହେବ ଉତ୍କଳ ଦିବସ । ଏଥିପାଇଁ ରାଜ୍ୟ ସରକାରଙ୍କ ପକ୍ଷରୁ ଜୋରଦାର ପ୍ରସ୍ତୁତି ଚାଲିଛି । କିନ୍ତୁ ଆନ୍ଧ୍ର ଓଡ଼ିଶା ସୀମାବର୍ତ୍ତୀ ଅଞ୍ଚଳରୁ ଯାହା ସାମନାକୁ ଆସିଛି ତାହା ଅତ୍ୟନ୍ତ ଚିନ୍ତାଜନକ । ରାୟଗଡା ଜିଲ୍ଲା ଆନ୍ଧ୍ର- ଓଡ଼ିଶା ସୀମାନ୍ତ ଦୃଶ୍ୟ । ସୀମା ଏପଟେ ଓଡିଶା, ଆରପଟେ ଆନ୍ଧ୍ର ପ୍ରଦେଶ । ସୀମାବର୍ତ୍ତି ଏହି ଅଞ୍ଚଳରେ ଏବେ ଓଡ଼ିଆ ଭାଷା ନିଜର ଅସ୍ତିତ୍ବ ହରାଇବାକୁ ବସିଲାଣି । ସୀମାର ରହୁଥିବା ଅଧିକାଂଶ ଲୋକ ମୁଖ୍ୟତଃ କୁଇ କିମ୍ବା ଓଡ଼ିଆ ଭାଷାରେ କଥା ହୋଇଥାନ୍ତି । ହେଲେ, ବର୍ତ୍ତମାନ ସେମାନେ ଓଡ଼ିଆ ଭାଷା ଛାଡି ତେଲଗୁ ଭାଷାରେ କଥା ହେଉଥିବା ଦେଖିବାକୁ ମିଳୁଛି । ସୀମାନ୍ତର ଏଭଳି ସ୍ଥିତି ପାଇଁ ପ୍ରଶାସନକୁ ଦାୟୀ କରିଛନ୍ତି ବୁଦ୍ଧଜୀବୀ । କ୍ଷୋଭର ସହ କହିଛନ୍ତି, ପିଲା କମ୍ ଥିବା କହି ଦୀଘ ଦିନ ହେବ ଏହି ଅଞ୍ଚଳରେ ଓଡ଼ିଆ ସ୍କୁଲ ଗୁଡିକୁ ବନ୍ଦ କରିଦିଆଯାଇଛି । ଶିକ୍ଷା ବିଭାଗ ଗୁରୁତ୍ବ ନଦେବାରୁ ସୀମାନ୍ତରେ ରହୁଥିବା ଓଡ଼ିଆ ଛାତ୍ରଛାତ୍ରୀ ପଡୋଶୀ ଆନ୍ଧ୍ରକୁ ଯାଇ ସେଠାରେ ତେଲଗୁ ଭାଷାରେ ପାଠ ପଢ଼ୁଛନ୍ତି । ଏଥିସହ ନିତ୍ୟ ବ୍ୟବହାର୍ଯ୍ୟ କାର୍ଯ୍ୟ ପାଇଁ ଆନ୍ଧ୍ର ଉପରେ ନିର୍ଭର କରିବାକୁ ପଡୁଥିବାରୁ ତେଲଗୁରେ କଥା ହେଉଛନ୍ତି ।

ପ୍ରକୃତି ଦେଉଛି ରୋଜଗାର, ଋତୁକାଳିନ ଫଳ କେନ୍ଦୁ ସଂଗ୍ରହ କରି ରୋଜଗାର କରୁଛନ୍ତି ନବରଙ୍ଗପୁର ଅଞ୍ଚଳର ଲୋକେ

କନକ ବ୍ୟୁରୋ : ପ୍ରକୃତି ଦେଉଛି ରୋଜଗାର । ଖରାଦିନେ ନବରଙ୍ଗପୁର ଜିଲ୍ଲାରେ ଆଦିବାସୀଙ୍କ ରୋଜଗାରର ମାଧ୍ୟମ ପାଲଟିଛି କେନ୍ଦୁ । ବନ ଜଙ୍ଗଲ ଘେରା ନବରଙ୍ଗପୁର ଜିଲ୍ଲାରେ ପ୍ରକୃତି ଅନେକ ସ୍ୱାଦିଷ୍ଟ ତଥା ସ୍ୱାସ୍ଥ୍ୟ ଉପଯୋଗୀ ଫଳ ଦେଇଥିବା ବେଳେ କେନ୍ଦୁ ସେଥିମଧ୍ୟରୁ ଅନ୍ୟତମ । ବଣ ଜଙ୍ଗଲ କିମ୍ବା ଘର ବାରିରେ ମଧ୍ୟ ଏହି କେନ୍ଦୁ ମିଳିଥାଏ । ଯାହାର ସ୍ୱାଦ ନିଆରା । ଖରା ଆରମ୍ଭରୁ ଆମ୍ବ, ପଣସ, ଲିଚି, ସେପଟା ଭଳି ଅନେକ ଋତୁକାଳିନ ଫଳ ମିଳୁଥିବା ବେଳେ କେନ୍ଦୁ ମଧ୍ୟ ଏହି ଖରାଦିନେ ଫଳିଥାଏ । ବିଶେଷକରି ଆଦିବାସୀ ମହିଳା ମାନେ ଜଙ୍ଗଲ କିମ୍ବା ଗାଁ ତୋଟାରୁ କେନ୍ଦୁ ସଂଗ୍ରହ କରି ବିକ୍ରି କରନ୍ତି । ଅନ୍ୟ ଫଳ ଭଳି କେନ୍ଦୁର ମଧ୍ୟ ସ୍ୱତନ୍ତ୍ର ସ୍ୱାଦ ଥିବାରୁ ଏହାର ଚାହିଦା ଢେର ଅଧିକ ରହିଛି । ତେଣୁ ବଜାରରେ ଏହାକୁ ବିକ୍ରି କରି ରୋଜଗାର କରୁଛନ୍ତି ଆଦିବାସୀ । ଜିଲ୍ଲାରେ ଶୀତଳ ଭଣ୍ଡାରର ଅଭାବ ଥିବାରୁ ଏହାର ସଂରକ୍ଷଣ ହୋଇପାରୁନାହିଁ । ଅପରପକ୍ଷରେ ଜଙ୍ଗଲ ନିଆଁର ଆଁରେ ଅନେକ ବୃକ୍ଷ ପରି କେନ୍ଦୁଗଛ ମଧ୍ୟ ନଷ୍ଟ ହୋଇଗଲାଣି । କେନ୍ଦୁ ବିନା କୌଣସି ଖତ ରାସାୟନିକ ସାରରେ ହେଉଥିବାରୁ ଏହା ସ୍ୱାସ୍ଥ୍ୟ ଉପଯୋଗୀ ହୋଇଥାଏ । କେନ୍ଦୁରେ ବିଭିନ୍ନ ଭିଟାମିନ, କାଲସିୟମ, ପ୍ରୋଟିନ ମଧ୍ୟ ରହିଛି । କେବଳ ନବରଙ୍ଗପୁର ଜିଲ୍ଲା ନୁହେଁ ପୋଡ଼ାଶୀ ଜିଲ୍ଲା ତଥା ପଡ଼ୋଶୀ ରାଜ୍ୟରେ ମଧ୍ୟ ଏହି କେନ୍ଦୁର ଚାହିଦା ଢ଼େର ଅଧିକ ରହିଛି ।

ଧର୍ମଶାଳାରେ ଜିଲ୍ଲାସ୍ତରୀୟ ମେଳାରେ ଜମିଲା ବେପାର, ଗ୍ରାମୀଣ କାରିଗରଙ୍କ ହସ୍ତଶିଳ୍ପର ବଢିଲା ଆଦର

କନକ ବ୍ୟୁରୋ : ବଡଚଣା ବ୍ଲକ ଛତିଆଠାରେ ଆୟୋଜିତ ହୋଇଛି ଜିଲ୍ଳାସ୍ତରୀୟ ହସ୍ତଶିଳ୍ପ ପ୍ରଦର୍ଶନୀ । ଭଳିକି ଭଳି ହାତ ତିଆରି ସାମଗ୍ରୀରେ ଝଲସୁଛି ପ୍ରଦର୍ଶନୀର ପ୍ରତିଟି ଷ୍ଟଲ । କାଇଁଚ, ପଥର, ମାଟି, କାଠ, ସବାଇ ଘାସ, ଜଉ, ବାଉଁଶରେ ତିଆରି ରକମ ରକମର କଳାକୃତି ପ୍ରଦର୍ଶନ କରିଛନ୍ତି ବିଭିନ୍ନ ପ୍ରାନ୍ତରରୁ ଆସିଥବା ଗ୍ରାମୀଣ କାରିଗର । ବିଶେଷକରି ପଥରରେ ତିଆରି ମୂର୍ତି, ଆଦିବାସୀ କଳାକୃତୀ, କାଇଁଚ ଓ ବାଉଁଶରେ ତିଆରି ସାମଗ୍ରୀ ମେଳାର ଆକର୍ଷଣ ବଢାଇଛି । ଓଡିଶାର କଟକ, ଯାଜପୁର, ଢେଙ୍କାନାଳ, ନୟାଗଡ, ଖୋର୍ଦ୍ଧା, ଜଗତସିଂହପୁର, ବାଲେଶ୍ୱର, ଭଦ୍ରକ ଆଦି କୋଡିଏଟି ଜିଲ୍ଳାରୁ କାରିଗରମାନେ ଭାଗ ନେଇ ସେମାନଙ୍କର କଳାକୃତୀର ପ୍ରଦର୍ଶନ କରିଛନ୍ତି । ରାଜ୍ୟ ସରକାରଙ୍କ ହସ୍ତଶିଳ୍ପ ବିଭାଗ ପକ୍ଷରୁ ଗ୍ରାମୀଣ କାରିଗରଙ୍କୁ ପ୍ରୋତ୍ସାହିତ କରିବା ଲକ୍ଷ ନେଇ ଏହି ମେଳାର ଆୟୋଜନ କରାଯାଇଥିଲା । ଅର୍ଥନୈତିକ ଅଭିବୃଦ୍ଧି ଓ କାରିଗରଙ୍କୁ ପରିଚୟ ଦେଇଛି ଏହି ମେଳା । ଗ୍ରାମୀଣ କାରିଗରଙ୍କ ଦ୍ୱାରା ପ୍ରସ୍ତୁତ ବିଭିନ୍ନ ସାମଗ୍ରୀର ଯଥେଷ୍ଟ ଚାହିଦା ରହିଥିବା ବେଳେ ସୁନ୍ଦର ସୁନ୍ଦର ସାମଗ୍ରୀ ଗ୍ରାହକଙ୍କୁ ଅକୃଷ୍ଟ କରୁଛି । ଚଳିତ ବର୍ଷ ଏହି ମେଳାରେ ୮୦ଟି ଷ୍ଟଲ ଲାଗିଥବା ବେଳେ ଜିଲ୍ଳା ହସ୍ତଶିଳ୍ପ ବିଭାଗ ପକ୍ଷରୁ କାରିଗର ମାନଙ୍କୁ ସମସ୍ତ ମୌଳିକ ସେବା ଯୋଗାଇ ଦିଆଯାଇଥବା କହିଛନ୍ତି ଜିଲ୍ଳା ସହକାରୀ ହସ୍ତଶୀଳ୍ପ ଅଧିକାରୀ । ରାଜ୍ୟ ସରକାରଙ୍କ ହସ୍ତଶିଳ୍ପ ବିଭାଗ ପକ୍ଷରୁ ଆୟୋଜିତ ଏହି ପ୍ରଦର୍ଶନୀ ଗ୍ରାମୀଣ କାରିଗରଙ୍କ ଅର୍ଥନୈତିକ ଅଭିବୃଦ୍ଧି ଦିଗରେ ସହାୟକ ହୋଇଛି ।

ଓଏଏ ସଭାପତି ଦାୟିିତ୍ୱ ନେଲେ ସମୀର, କହିଲେ ମୋର ପ୍ରଥମ ଲକ୍ଷ୍ୟ…

ଭୁବନେଶ୍ୱର,୩୦ା୩: ଓଡ଼ିଶା ଅଲିମ୍ପିକ୍ସ ସଂଘ ସଭାପତି(ଓଏଏ) ଭାବେ ଦାୟିତ୍ୱ ଗ୍ରହଣ କରିଛନ୍ତି ବରିଷ୍ଠ ବିଜେପି ନେତା ସମୀର ମହାନ୍ତି । ଦାୟିତ୍ୱ ଗ୍ରହଣ ପରେ ସମୀର ତାଙ୍କର ପ୍ରତିକି୍ରୟାରେ କହିଛନ୍ତି, ଏହା ମୋ’ ଜୀବନର ବଡ଼ ଉପଲବ୍ଧି । ଏଥିରେ ରାଜ୍ୟବାସୀ ଖୁସି ହେବେ । ଅଲିମ୍ପିକ୍ସ ପାଇଁ ଓଡ଼ିଶାରୁ ଅଧିକ ପିଲା ସୃଷ୍ଟି କରିବା ମୋର ପ୍ରଥମ ଲକ୍ଷ୍ୟ ରହିବ। ପ୍ରଧାନମନ୍ତ୍ରୀଙ୍କ ଲକ୍ଷ୍ୟ ରହିଛି ୨୦୪୭ ସୁଦ୍ଧା ଭାରତକୁ ବିକଶିତ ରାଷ୍ଟ୍ରରେ ପରିଣତ କରିବା । […]

ନୃଶଂସ ସାଜିଲା ୧୬ ବର୍ଷୀୟ ବାଳିକା, ଏୟାରପୋର୍ଟରେ ଶିଶୁକୁ ଜନ୍ମ ଦେଇ ଡଷ୍ଟବିନରେ ଫିଙ୍ଗିଦେଲା

ନୂଆଦିଲ୍ଲୀ: ମୁମ୍ବାଇ ଏୟାରପୋର୍ଟରୁ ଏକ ଆଶ୍ଚର୍ଯ୍ୟଜନକ ମାମଲା ସାମ୍ନାକୁ ଆସିଛି। ଏଠାରେ ଜଣେ ନାବାଳିକା ଅର୍ଥାତ ୧୬ ବର୍ଷୀୟ ବାଳିକା ଏକ ଶିଶୁକୁ ଜନ୍ମ ଦେଇ, ଡଷ୍ଟବିନରେ ଫିଙ୍ଗିଦେଇଛି। ଏହି ଘଟଣାକୁ ଚାରି ଦିନ ବିତିସାରିଛି। ଏହାପରେ ଆଜି ପୋଲିସ ଏହି ନବଜାତ ଶିଶୁର ମାଆକୁ ପରିଚିତ କରାଇଛି। ଏହି ନାବାଳିକା ଏବଂ ତାଙ୍କ ତାଙ୍କ ମାଆ ଦାବି କରିଛନ୍ତି ଯେ, ଏହା ଏକ ‘ଗର୍ଭପାତ’ ଥିଲା। ହେଲେ ଏହି ମାମଲାର ତଦନ୍ତ ଜାରି ରହିଛି। ପୋଲିସ […]

Tonga Earthquake: ମିଆଁମାର ପରେ ଏହି ସ୍ଥାନରେ ହେଲା ଭୟଙ୍କର ଭୂକମ୍ପ, ରିକ୍ଟର ସ୍କେଲରେ ତୀବ୍ରତା 7.0

ନୂଆଦିଲ୍ଲୀ: ଦକ୍ଷିଣ-ପଶ୍ଚିମ ପ୍ରଶାନ୍ତ ମହାସାଗର ଅଞ୍ଚଳର ଟୋଙ୍ଗା ଦ୍ୱୀପପୁଞ୍ଜରେ ବଡ଼ ଧରଣର ଭୂକମ୍ପ । ଆଜି ସନ୍ଧ୍ୟା 5ଟା 48 ମିନିଟରେ ଏହା ହୋଇଥିବା ବେଳେ ରିକ୍ଟର ସ୍କେଲରେ ୭.୦ ତୀବ୍ରତାର ଏକ ଭୂମିକମ୍ପ ଅନୁଭୂତ ହୋଇଥିଲା। ଜାତୀୟ ଭୂକମ୍ପ ବିଜ୍ଞାନ କେନ୍ଦ୍ର ପକ୍ଷରୁ ଏହି ସୂଚନା ଦିଆଯାଇଛି । ଆମେରିକାର ଭୂତତ୍ତ୍ୱ ସର୍ଭେ (USGS) ଅନୁଯାୟୀ, ଏହି ଶକ୍ତିଶାଳୀ ଭୂମିକମ୍ପ ଯୋଗୁଁ ପ୍ରଶାନ୍ତ ମହାସାଗର ଅଞ୍ଚଳରେ ସୁନାମି ଚେତାବନୀ ଜାରି କରାଯାଇଛି । ସୁନାମୀ ଆଲର୍ଟ- […]

ଏଥର ୧୪ ଦିନିଆ ଓଡ଼ିଶା ଦିବସ; ‘ଓଡ଼ିଶା ପକ୍ଷ’ ପାଳନ ପାଇଁ ସ୍ୱତନ୍ତ୍ର ପ୍ରସ୍ତୁତି

କନକ ବ୍ୟୁରୋ : ଉତ୍କଳ ଦିବସର ନାମ ପରିବର୍ତ୍ତନ କରି ଓଡ଼ିଶା ଦିବସ କରିବା ପରେ ଏହାକୁ ଧୁମଧାମରେ ପାଳନ ପାଇଁ ଜୋରଦାର ପ୍ରସ୍ତୁତି ଚଳାଇଛନ୍ତି ରାଜ୍ୟ ସରକାର। ଏଥର କେବଳ ଏପ୍ରିଲ ୧ ପରିବର୍ତ୍ତେ ପୂରା ୧୪ ଦିନ ପାଇଁ ଓଡ଼ିଶା ଦିବସ ପାଳନ ପାଇଁ କାର୍ଯ୍ୟକ୍ରମ ସ୍ଥିର କରାଯାଇଛି। ଓଡ଼ିଆ ଭାଷା, ସାହିତ୍ୟ ଓ ସଂସ୍କୃତି ମନ୍ତ୍ରୀ ସୂର୍ଯ୍ୟବଂଶୀ ସୂରଜଙ୍କ ନିର୍ଦ୍ଦେଶ କ୍ରମେ ବିଭାଗ ପକ୍ଷରୁ ଏନେଇ ପ୍ରସ୍ତୁତି ଆରମ୍ଭ ହୋଇଛି। ଏପ୍ରିଲ ପହିଲାଠାରୁ ଏପ୍ରିଲ ୧୪ ତାରିଖ ମହାବିଷୁବ ସଂକ୍ରାନ୍ତି ପର୍ଯ୍ୟନ୍ତ ପାଳନ ହେବ ‘ଓଡ଼ିଶା ପକ୍ଷ’। ୧୪ ଦିନରେ ୧୪ କାର୍ଯ୍ୟକ୍ରମ ଏପ୍ରିଲ ୧୪ରେ ଓଡ଼ିଆ ନବବର୍ଷ ଓଡ଼ିଶା ଦିବସ ପାଳନ ପାଇଁ ଏଥର ନିଆରା ଆୟୋଜନ କରିଛନ୍ତି ଓଡ଼ିଆ ଭାଷା, ସାହିତ୍ୟ ଓ ସଂସ୍କୃତି ବିଭାଗ। ପାଳନ ହେବାକୁ ଥିବା ଓଡ଼ିଶା ପକ୍ଷରେ ୧୪ ଦିନରେ ୧୪ ଟି କାର୍ଯ୍ୟକ୍ରମ ସ୍ଥିର କରାଯାଇଛି । ଏପ୍ରିଲ-୧ ତାରିଖରେ ଓଡ଼ିଶା ଦିବସ ପାଳନରୁ ଆରମ୍ଭ କରି ୧୪ ଦିନ ଧରି ଖଡ଼ିଛୁଆଁ ଦିବସ, ପାରମ୍ପରିକ ପୋଷାକ ପରିଧାନ ଦିବସ, ଓଡ଼ିଆରେ ନାମ ଫଳକ ଅଭିଯାନ, ଭୁବନେଶ୍ବରରେ ଐତିହ୍ୟ ଗଣଦୌଡ଼, ଦେବାଳୟ ଓ ଐତିହ୍ୟସ୍ଥଳୀର ସ୍ବଚ୍ଛତା ଅଭିଯାନ, ବର୍ଣ୍ଣବୋଧ ଦିବସ, ରକ୍ତଦାନ ଦିବସ, ଆସ ବହିଟିଏ କିଣିବା ଦିବସ, ବରିଷ୍ଠ କଳାକାରଙ୍କୁ ସମ୍ବର୍ଦ୍ଧନା, ଯୁବ ଲେଖକ ସମ୍ମିଳନୀ, ଓଡ଼ିଶାର ବରପୁତ୍ରମାନଙ୍କ ଉପରେ ଆଲୋଚନା, ପାରମ୍ପରିକ ଖାଦ୍ୟ ଦିବସ ଏବଂ ୧୪ ତାରିଖରେ ଓଡ଼ିଆ ନବବର୍ଷ ପାଳନର କାର୍ଯ୍ୟକ୍ରମ ରହିଛି। ଯାହାକୁ ନେଇ ଖୁସି ବ୍ୟକ୍ତ କରିଛନ୍ତି ସାହିତ୍ୟିକ। କିନ୍ତୁ ବିଜେଡି ଏହାକୁ ଏକ ଘୋଷଣା ମାତ୍ର ବୋଲି କହିଥିବା ବେଳେ ଜବାବ ରଖିଛି ବିଜେପି। ୧୪ ଦିନରେ ଏଭଳି ନିଆରା କାର୍ଯ୍ୟକ୍ରମରେ ସମସ୍ତଙ୍କୁ ସାମିଲ କରିବାକୁ ଏହି ବିଷୟବସ୍ତୁଗୁଡ଼ିକ ଉପରେ ସେଲଫି ଅପଲୋଡ୍ ଏବଂ ଅନଲାଇନ ମାଧ୍ୟମରେ ସାଧାରଣ ଜ୍ଞାନ ପ୍ରତିଯୋଗିତା କରିବା ପାଇଁ ମଧ୍ୟ ପ୍ରସ୍ତାବ ରଖାଯାଇଛି।

ପିଲା ବଢୁଛନ୍ତି, ପାଚିକା ନାହାନ୍ତି; ମଧ୍ୟାହ୍ନ ଭୋଜନ ରାନ୍ଧିବ କିଏ? କିଏ ତିଆରି କରିବ ଲଡୁ?

କନକ ବ୍ୟୁରୋ: ଅଷ୍ଟମ ଶ୍ରେଣୀ ପର୍ଯ୍ୟନ୍ତ ପିଲାଙ୍କୁ ପୂର୍ବରୁ ସ୍କୁଲରେ ମଧ୍ୟାହ୍ନ ଭୋଜନ ମିଳୁଥିଲା। ଏପ୍ରିଲ ପହିଲାରୁ ନବମ ଓ ଦଶମ ପିଲାଙ୍କୁ ବି ମଧ୍ୟାହ୍ନ ଭୋଜନ ଦେବାକୁ ସରକାର ଘୋଷଣା କରିଛନ୍ତି । ଏଥିସହ ସପ୍ତାହରେ ତିନିଦିନ ଅଣ୍ଡା ଓ ତିନିଦିନ ମାଣ୍ଡିଆ ଲଡୁ ମିଳିବ। ଏହାକୁ ନେଇ ପିଲା ଉତ୍ସାହିତ ଅଛନ୍ତି; କିନ୍ତୁ ଏହା କେମିତି ସଫଳ ହେବ ସେନେଇ ଶିକ୍ଷକ ଶିକ୍ଷୟିତ୍ରୀ, ପାଚିକା, ସହାୟିକାଙ୍କୁ ଚିନ୍ତା ଘାରିଛି । ପିଲା ବଢୁଛନ୍ତି, ପାଚିକା ନାହାନ୍ତି ମଧ୍ୟାହ୍ନ ଭୋଜନ ରାନ୍ଧିବ କିଏ? କିଏ ତିଆରି କରିବ ଲଡୁ? ବାଲେଶ୍ଵର ମ୍ୟୁନିସିପାଲିଟି ହାଇସ୍କୁଲ, ପୂର୍ବରୁ ଏଠାରେ ପ୍ରଥମରୁ ଅଷ୍ଟମ ପର୍ଯ୍ୟନ୍ତ ୩୬୦ ଛାତ୍ରଛାତ୍ରୀଙ୍କୁ ମଧ୍ୟାହ୍ନ ଭୋଜନ ଦିଆଯାଉଥିଲା। ଏପ୍ରିଲ ପହିଲାରୁ ୧୨୦ ଜଣ ନବମ ଓ ଦଶମ ପିଲାଙ୍କୁ ସାମିଲ କରାଯିବ। ଏଥିପାଇଁ ଏହି ସ୍କୁଲରେ ୪ ଜଣ ପାଚିକା ଓ ସହାୟିକା ଅଛନ୍ତି । ନବମ ଓ ଦଶମ ଶ୍ରେଣୀର ଅତିରିକ୍ତ ୧୨୦ ଜଣ ପିଲାଙ୍କ ପାଇଁ ଏହି ୪ଜଣ ହିଁ ମଧ୍ୟାହ୍ନ ଭୋଜନ ପ୍ରସ୍ତୁତ କରିବେ। ଯାହାକି ସେମାନଙ୍କ ପକ୍ଷେ କଷ୍ଟକର ବୋଲି କହିଛନ୍ତି ପାଚିକା ଓ ସହାୟିକା। ସେହିପରି ମାଣ୍ଡିଆ ଲଡୁ ତିଆରି ଜାଣି ନଥିବାରୁ ଚିନ୍ତାରେ ପଡିଛନ୍ତି। ନିୟମ ଅନୁସାରେ, ୧ ରୁ ୨୫ ଛାତ୍ରଛାତ୍ରୀ ପାଇଁ ଜଣେ ପାଚିକା ତଥା ସହାୟିକା, ୨୬ ରୁ ୧୦୦ ଜଣ ପାଇଁ ୨ଜଣ, ୧୦୧ ରୁ ୨୦୦ପାଇଁ ୩ ଜଣ, ୨୦୧ ରୁ ୩୦୦ ପାଇଁ ୪ ଜଣ ଓ ଏହାଠାରୁ ଅଧିକ ପ୍ରତି ୧୦୦ ଜଣ ପିଲାଙ୍କ ପାଇଁ ଜଣେ ପାଚିକା ଓ ସହାୟିକା ରହିବେ । କିନ୍ତୁ ଏହା ଭିତରେ କୌଣସି ନିଯୁକ୍ତି ଦିଆଯାଇନାହିଁ। ତେଣୁ ବର୍ତ୍ତମାନ ଥିବା ପାଚିକା ଓ ସହାୟିକାମାନେ ହିଁ ଅଧିକ ପିଲାଙ୍କୁ ରାନ୍ଧିକି ଦେବେ । ଏଥିସହ ମଧ୍ୟାହ୍ନ ଭୋଜନ ସହିତ ଏମାନଙ୍କୁ ବିନା ତାଲିମରେ ମାଣ୍ଡିଆ ଲଡୁ ତିଆରି କରିବାକୁ ପଡ଼ିବ । ବାଲେଶ୍ଵର ଜିଲ୍ଲାରେ ପ୍ରଥମରୁ ଅଷ୍ଟମ ଶ୍ରେଣୀ ପର୍ଯ୍ୟନ୍ତ ୨ ଲକ୍ଷ ୪୦ ହଜାର ୭୭୪ ଜଣ ପିଲା ସ୍କୁଲରେ ମଧ୍ୟାହ୍ନ ଭୋଜନ ଖାଉଛନ୍ତି । ଏବେ ନବମ ଓ ଦଶମ ଶ୍ରେଣୀର ୬୮ ହଜାର ୨୨୫ ଛାତ୍ରଛାତ୍ରୀ ସାମିଲ୍ ହେବେ। ତେବେ କେବଳ ବାଲେଶ୍ବର ଜିଲ୍ଲା ନୁହେଁ। ରାଜ୍ୟରେ ଥିବା ସମସ୍ତ ସ୍କୁଲରେ ସମାନ ଅବସ୍ଥା। ଏହାସହ ନୂଆ କରି ଆରମ୍ଭ ହେବାକୁ ଯାଉଥିବା ବାଲ ବାଟିକା ପିଲାମାନେ ମଧ୍ୟ ଖାଇବେ। କିନ୍ତୁ ଏମାନଙ୍କ ପାଇଁ ଅଧିକ ପାଚିକା ଓ ସହାୟିକା ନିଯୁକ୍ତ ହୋଇନାହାନ୍ତି ।

ପୂରଣ ହେବ ପକ୍କାଘର ଆଶା; ମିଳିଲା ଅନ୍ତ୍ୟୋଦୟ ଗୃହ କାର୍ଯ୍ୟାଦେଶ

କନକ ବ୍ୟୁରୋ : ଅନ୍ତ୍ୟୋଦୟ ଗୃହ ଯୋଜନାରେ ଶୁଭାରମ୍ଭ କରିଛନ୍ତି ମୁଖ୍ୟମନ୍ତ୍ରୀ। ଭବାନୀପାଟଣାରେ ଆୟୋଜିତ ସ୍ବତନ୍ତ୍ର କାର୍ଯ୍ୟକ୍ରମରେ ଯୋଗ ଦେଇ ହିତାଧିକାରୀଙ୍କୁ କାର୍ଯ୍ୟାଦେଶ ବଣ୍ଟନ କରିଛନ୍ତି। ଏଥିସହ ସ୍ବତନ୍ତ୍ର କାର୍ଯ୍ୟକ୍ରମ ଜରିଆରେ ରାଜ୍ୟର ସମସ୍ତ ଜିଲ୍ଳାରେ ଅନ୍ତ୍ୟୋଦୟ ଗୃହ ଯୋଜନାର ଶୁଭାରମ୍ଭ ହୋଇଛି। ପୂରଣ ହେବ ପକ୍କାଘର ଆଶା ମିଳିଲା ଅନ୍ତ୍ୟୋଦୟ ଗୃହ କାର୍ଯ୍ୟାଦେଶ ଖରା ବର୍ଷାରୁ ମୁଣ୍ଡ ଗୁଞ୍ଜିବାକୁ ଆଉ ରହିବନି ଚିନ୍ତା। ପ୍ରତ୍ୟେକ ଗରିବଙ୍କ ମୁଣ୍ଡ ଉପରେ ଯେମିତି ପକ୍କା ଘର ରହିବ, ସେଥିପାଇଁ ମୋହନ ସରକାର ଆରମ୍ଭ କରିଛନ୍ତି ଅନ୍ତ୍ୟୋଦୟ ଗୃହ ଯୋଜନା। ମୁଖ୍ୟମନ୍ତ୍ରୀ ମୋହନ ମାଝୀ କଳାହାଣ୍ଡି ଭବାନୀପାଟଣାରୁ ଏହି ଯୋଜନାର ଶୁଭାରମ୍ଭ କରିଛନ୍ତି। ଏଥିସହ ଯୋଗ୍ୟ ହିତାଧିକାରୀଙ୍କୁ ଘର ନିର୍ମାଣ ପାଇଁ କାର୍ଯ୍ୟଦେଶ ପ୍ରଦାନ କରିଛନ୍ତି। ଭବାନୀପାଟଣା ଭଳି ରାଜ୍ୟର ବିଭିନ୍ନ ସ୍ଥାନରେ ଆୟୋଜିତ ସ୍ବତନ୍ତ୍ର କାର୍ଯ୍ୟକ୍ରମରେ ଯୋଗ୍ୟ ହିତାଧିକାରୀଙ୍କୁ କାର୍ଯ୍ୟାଦେଶ ବଣ୍ଟନ କରାଯାଇଛି। ଯାହାକୁ ନେଇ ଖୁସି ବ୍ୟକ୍ତ କରିଛନ୍ତି ଦୀର୍ଘ ଦିନ ହେବ ଘର ଖଣ୍ଡେ କରିବା ପାଇଁ ସ୍ବପ୍ନ ଦେଖୁଥିବା ଗରିବ। ଏହି ଯୋଜନାରେ ଭିନ୍ନକ୍ଷମ, ବିଧବା, ଦୁରାରୋଗ୍ୟ ବ୍ୟାଧିରେ ପୀଡ଼ିତ, ସହିଦ ପରିବାର ବ୍ୟକ୍ତି, ପଦ୍ମଶ୍ରୀ ପାଇଥିବା ପରିବାର ବ୍ୟକ୍ତି, ବନ୍ୟା, ବାତ୍ୟା ଓ ଅଗ୍ନିକାଣ୍ଡ ପୀଡ଼ିତ ଲୋକ ଲାଭ ପାଇବେ। ଏଥିପାଇଁ ୨୦୨୫-୨୬ ଆର୍ଥିକ ବର୍ଷରେ ୨ହଜାର ୬୦୩ କୋଟି ଟଙ୍କା ବ୍ୟୟ ବରାଦ ରଖିଛନ୍ତି ମୋହନ ସରକାର। ତେବେ ଏହା କପି ପେଷ୍ଟ ବୋଲି କହି କଟାକ୍ଷ କରିଛନ୍ତି ବିଜେଡି ସାଂସଦ। ସୂଚନାଯୋଗ୍ୟ ଯେ, ଅନ୍ତ୍ୟୋଦୟ ଗୃହ ଯୋଜନା ଅଧିନରେ ଆସନ୍ତା ୩ବର୍ଷରେ ଅତି କମରେ ୨ଲକ୍ଷ ୨୫ ହଜାର ନୂତନ ପକ୍କା ଘର ଯୋଗାଇ ଦେବାକୁ ଲକ୍ଷ୍ୟ ରଖାଯାଇଛି।

ଦୁର୍ଘଟଣାସ୍ଥଳରେ ଉଦ୍ଧାର କାର୍ଯ୍ୟ ଜୋରଦାର ; ଜଣେ ପରେ ଜଣେ ଆହତଙ୍କୁ କରାଗଲା ଉଦ୍ଧାର

କନକ ବ୍ୟୁରୋ: ଦୁର୍ଘଟଣା ପରେ ଉଦ୍ଧାର କାର୍ଯ୍ୟ ଥିଲା ପ୍ରାଥମିକତା। କେମିତି ତୁରନ୍ତ ଆହତଙ୍କୁ ହସ୍ପିଟାଲରେ ପହଞ୍ଚା ଯାଇପାରିବ ସେଥିପ୍ରତି ଧ୍ୟାନ ଦେଇଥିଲା ପ୍ରଶାସନ। ରେଳବାଇ ସହ ସ୍ଥାନୀୟ ପ୍ରଶାସନର ବରିଷ୍ଠ ଅଧିକାରୀମାନେ ଘଟଣାସ୍ଥଳରେ ପହଞ୍ଚୁଥିଲେ। ଆଉ ଏପଟେ ଲାଇନ୍‌ଚ୍ୟୁତ ଟ୍ରେନରୁ ଆହତଙ୍କୁ ଉଦ୍ଧାର କାର୍ଯ୍ୟ ଜୋରଦାର ହୋଇଥିଲା। ଟ୍ରେନ ଭିତରୁ ଆହତଙ୍କୁ ବାହାର କରୁଥିଲେ ଉଦ୍ଧାରକାରୀ ଦଳ। କଟକ ଜିଲ୍ଲା ପ୍ରଶାସନର ବରିଷ୍ଠ ଅଧିକାରୀମାନେ ଘଟଣାସ୍ଥଳରେ ରହି ପୂରା ଉଦ୍ଧାର କାର୍ଯ୍ୟର ତଦାରଖ କରିଥିଲେ। ତେବେ ଦୁର୍ଘଟଣାର କାରଣ ଖୋଜିବା ଅପେକ୍ଷା, ପରିସ୍ଥିତିକୁ ସମ୍ଭାଳିବା ପାଇଁ ମୁଖ୍ୟତଃ ତିନିଟି ଦିନକୁ ଧ୍ୟାନ ଦିଆଯାଇଥିଲା। ଆହତଙ୍କୁ ତୁରନ୍ତ ଉଦ୍ଧାର କରି ହସ୍ପିଟାଲରେ ପହଞ୍ଚାଇବା ଦୀର୍ଘ ସମୟ ଧରି ଅପେକ୍ଷା କରିଥିବା ଯାତ୍ରୀଙ୍କୁ ପିଇବା ପାଣି ଓ ଖାଦ୍ୟ ଯୋଗାଇବା ଅନ୍ୟ ଯାତ୍ରୀମାନଙ୍କୁ ସେମାନଙ୍କ ଗନ୍ତବ୍ୟସ୍ଥଳରେ ପହଞ୍ଚାଇବାର ବ୍ୟବସ୍ଥା କରିବା ସୂଚନା ଅନୁସାରେ, ପ୍ରାୟ ୧୫ ଜଣ ଆହତ ଯାତ୍ରୀଙ୍କୁ କଟକ ଏସସିବି ମେଡିକାଲକୁ ପଠାଯାଇଥିଲା। ସେପଟେ ଯାତ୍ରୀଙ୍କ ନିକଟରେ ଖାଦ୍ୟ ଓ ପାଣି ପହଞ୍ଚାଇବାର ବ୍ୟବସ୍ଥା କରିଥିଲେ ସ୍ଥାନୀୟ ପ୍ରଶାସନ। ଏପରିକି ପ୍ରବଳ ଖରା ହେଉଥିବାରୁ ଏକ ଅସ୍ଥାୟୀ କ୍ୟାମ୍ପ କରି ସେହିଠାରେ ଆହତଙ୍କ ଚିକିତ୍ସା ଆରମ୍ଭ କରିଥିଲା ମେଡିକାଲ ଟିମ୍। ସେପଟେ ଅଫଲାଇନରେ ଟ୍ରେନ ଚଳଚଳ ସ୍ୱାଭାବିକ ରହିଥିବାବେଳେ, ଡାଉନଲାଇନରେ କେତେକ ଟ୍ରେନକୁ ରୁଟ୍ ପରିବର୍ତ୍ତନ କରି ପଠାଇବାର ବନ୍ଦୋବସ୍ତ କରିଥିଲା ପୂର୍ବତଟ ରେଳବାଇ। ଦିନ ପ୍ରାୟ ୨ଟା ୩୫ରେ ଭୁବନେଶ୍ୱରରୁ ଏକ ସ୍ୱତନ୍ତ୍ର ରିଲିଫ ଟ୍ରେନ କଟକ ଅଭିମୁଖେ ବାହାରିଥିଲା। ତେବେ ଦୁର୍ଘଟଣାରୁ ବର୍ତ୍ତି ଯାଇଥିବା ଯାତ୍ରୀଙ୍କୁ ଧରି ଗୁଆହାଟୀର କାମାକ୍ଷା ଅଭିମୁଖେ ବାହାରିଥିଲା ରିଲିଫ ଟ୍ରେନ୍। ସେପଟେ କିଛି ସ୍ଥାନୀୟ ଯାତ୍ରୀଙ୍କୁ ମଧ୍ୟ ବସ ଯୋଗେ ସେମାନଙ୍କ ଗନ୍ତବ୍ୟସ୍ଥଳକୁ ପଠାଇବାର ବନ୍ଦୋବସ୍ତ କରିଥିଲା ରେଳବାଇ।

ଦିନ ଯୋଗୁ ଟଳିଗଲା ବଡ଼ ଅଘଟଣ; କାମଦେଲା ଶୀଘ୍ର ଉଦ୍ଧାର କାର୍ଯ୍ୟ

କନକ ବ୍ୟୁରୋ: କଟକରେ ଟ୍ରେନ ଦୁର୍ଘଟଣାଗସ୍ତ ହେବା ପରେ ଯାତ୍ରୀମାନେ ବାହାରକୁ ବାହାରି ବୁଲୁଥିବାର ଦୃଶ୍ୟ ପ୍ରଥମେ ସାମ୍ନାକୁ ଆସିଥିଲା। ଯାହା ଦେଖିଲେ, ଲାଗୁଥିଲା ସେପରି କିଛି ବଡ଼ ଅଘଟଣ ଘଟିନି। କିନ୍ତୁ ପରେ ସାମ୍ନାକୁ ଆସିଥିଲା ବାସ୍ତବ ଚିତ୍ର। ଯାହା ସମସ୍ତଙ୍କୁ ଚମକାଇ ଦେଇଥିଲା। ଜଣଙ୍କ ପରେ ଜଣେ ଆହତଙ୍କୁ ଷ୍ଟ୍ରେଚର ସହାୟତାରେ ବାହାରକୁ ଅଣାଯାଇଥିଲା। ଆଉ ସଙ୍ଗେ ସଙ୍ଗେ ପ୍ରସ୍ତୁତ ହୋଇ ରହିଥିବା ଆମ୍ବୁଲାନ୍ସରେ ଆହତଙ୍କୁ ମେଡିକାଲ ନିଆଯାଇଥିଲା। ଯେଉଁଥିପାଇଁ ଅନେକ ଯାତ୍ରୀଙ୍କ ଜୀବନ ବଞ୍ଚିଯାଇଥିଲା। ହେଲେ ଦୁର୍ଘଟଣାରେ ଜଣେ ଯାତ୍ରୀଙ୍କ ଜୀବନ ଯାଇଛି। ମୃତକ ପଶ୍ଚିମବଙ୍ଗର ଶୁଭଙ୍କର ରୟ ବୋଲି ସୂଚନା ମିଳିଛି। ମୋଟ୍ ଉପରେ ୧୫ରୁ ଅଧିକ ବ୍ୟକ୍ତି ଆହତ ହୋଇଥିବା ନେଇ ସୂଚନା ମଳିଛି। ଦିନ ଯୋଗୁ ଟଳିଗଲା ବଡ଼ ଅଘଟଣ କାମଦେଲା ଶୀଘ୍ର ଉଦ୍ଧାର କାର୍ଯ୍ୟ ୨୦୨୩ ବାହାନଗା ଟ୍ରେନ ଦୁର୍ଘଟଣାରେ ୨୯୬ ଲୋକଙ୍କ ଜୀବନ ଯାଇଥିଲା। ରାତି ଯୋଗୁ ଉଦ୍ଧାର କାର୍ଯ୍ୟ ଠିକ୍ ଭାବେ ହୋଇପାରିନଥିଲା। କିନ୍ତୁ କଟକ ନିର୍ଗୁଣ୍ଡିରେ କାମାକ୍ଷା ଏକ୍ସପ୍ରେସ ଦୁର୍ଘଟଣା ଦିନରେ ହୋଇଥିବାରୁ ରେସକ୍ୟୁ ଅପରେସନରେ କୌଣସି ବାଧା ନଥିଲା। ସ୍ପଷ୍ଟ ଆଲୋକ ଯୋଗୁ ଆହତ ଯାତ୍ରୀଙ୍କୁ ବଗିରୁ ଉଦ୍ଧାର କରିବା ସହଜ ହୋଇଥିଲା। ତେବେ ଆହତମାନଙ୍କୁ କଟକ ବଡ଼ ମେଡିକାଲରେ ଭର୍ତ୍ତି କରାଯାଇଛି। ସେମାନଙ୍କ ମଧ୍ୟରୁ କିଛି ଯାତ୍ରୀ ଗୁରୁତର ଅବସ୍ଥାରେ ଚିକିତ୍ସିତ ହେଉଛନ୍ତି। ଅନ୍ୟ ଆହତଙ୍କର ଚିକିତ୍ସାରେ ଯେପରି କୌଣସି ଅବହେଳା ନହୁଏ ସେଥିପ୍ରତି ଗୁରୁତ୍ବ ଦିଆଯାଇଛି। ଦୁର୍ଘଟଣା ପରେ ପ୍ରଭାବିତ ଯାତ୍ରୀମାନଙ୍କୁ ସେମାନଙ୍କ ଗନ୍ତବ୍ୟସ୍ଥଳରେ ପହଞ୍ଚିଇବା ପାଇଁ ସ୍ବତନ୍ତ୍ର ଟ୍ରେନ ଗଡ଼ିଛି। କିଛି ସ୍ଥାନୀୟ ଯାତ୍ରୀଙ୍କୁ ବସ ଯୋଗେ ପଠାଯାଇଛି। ଖସିଯାଇଥିବା ଟ୍ରାକର ମରାମତି କାର୍ଯ୍ୟ ମଧ୍ୟ ଆରମ୍ଭ ହୋଇଛି। ସେପଟେ ମୃତ ଶୁଭଙ୍କର ରୟଙ୍କ ପରିବାର ଲୋକଙ୍କୁ ରେଳବାଇ ପକ୍ଷରୁ ଯୋଗାଯୋଗ କରାଯାଉଛି ।

କଟକ ନିର୍ଗୁଣ୍ଡିରେ ଭୟଙ୍କର ଟ୍ରେନ୍ ଦୁର୍ଘଟଣା;  ଟ୍ରାକରୁ ଖସିଲା କାମାକ୍ଷା ଏକ୍ସପ୍ରେସର ୧୧ ବଗି

କନକ ବ୍ୟୁରୋ: ସମୟ ଦିନ ପ୍ରାୟ ୧୧ଟା ୪୫, ରବିବାର ଉଦୁଉଦିଆ ଖରାବେଳ । ବେଙ୍ଗାଳୁରୁରୁ ଗୁଆହାଟୀ ଯାଉଥିଲା କାମାକ୍ଷା ଏକ୍ସପ୍ରେସ୍‌ ଟ୍ରେନ୍। ଶନିବାର ସକାଳ ୮ଟା ୫୦ରେ ଏହି ଟ୍ରେନଟି ବେଙ୍ଗଳୁରୁରୁ ଛାଡ଼ିଥିଲା, ଆଉ ସୋମବାର ଦିନ ୧ଟା ୪୫ରେ କାମାକ୍ଷାରେ ପହଞ୍ଚିଥାନ୍ତା । କିନ୍ତୁ କଟକ ମହାନଦୀ ବ୍ରିଜ୍‌ ଅତିକ୍ରମ କରିବା ପରେ ଥରିବାକୁ ଲାଗିଲା ଟ୍ରେନ। ନିର୍ଗୁଣ୍ଡି ଷ୍ଟେସନ ପୂର୍ବରୁ କମ୍ପି ଉଠିଲା ଟ୍ରେନର ବଗି। ଶୁଭିଲା ବିକଟାଳ ଶବ୍ଦ। କମ୍ପନ ଓ ଗର୍ଜନରେ ଧଡ଼ଧଡ଼ ହେଉଥିଲା ଯାତ୍ରୀଙ୍କ ଛାତି। କେହି କିଛି ବୁଝିବା ପୂର୍ବରୁ ଘଟିସାରିଥିଲା ଦୁର୍ଘଟଣା। ଟ୍ରାକ୍‌ରୁ ଅଲଗା ହୋଇଯାଇଥିଲା ୧୧ଟି ବଗି। ଟ୍ରେନଟି ଟ୍ରାକରୁ ଖସି ଅଟକିବା ପରେ ଭୟରେ ବାହାରକୁ ଚାଲିଆସିଥିଲେ ଯାତ୍ରୀ। ଯାହାର ଦୃଶ୍ୟ ଥିଲା ଅତି ଭୟଙ୍କର। କେଉଁଠି ଆହତଙ୍କ ଚିତ୍କାର ଶୁଭୁଥିଲା, ତ କିଏ ସହାୟତା ପାଇଁ ପାଟି କରୁଥିଲା। କିଛି ଯାତ୍ରୀ ଭୟରେ ଟ୍ରେନରୁ ଡେଇଁ ପଡ଼ି ଆହତ ମଧ୍ୟ ହୋଇଥିଲେ। ଖାଲି ସେତିକି ନୁହେଁ, ଦୁର୍ଘଟଣା କଷ୍ଟରୁ ବଳିଯାଇଥିଲା ଖରା ଗରମର କଷ୍ଟ। ଟାଣ ଖରା ଯୋଗୁଁ ନାହିଁ ନଥିବା ସମସ୍ୟା ଭୋଗିଲେ ଯାତ୍ରୀ। ପାଣି ମୁନ୍ଦେ ପାଇଁ ହେଉଥିଲେ ଡହଳବିକଳ। କିଏ ଗଛ ତଳେ ଆଶ୍ରୟ ନେଇଥିଲା ତ, ଆଉ କିଏ ଖରାରୁ ରକ୍ଷା ପାଇବାକୁ ଛାଇ ଖୋଜୁଥିଲା । ତେବେ ତେବେ ଖୁବ କମ ସମୟ ମଧ୍ୟରେ ଉଦ୍ଧାରକାରୀ ଟିମ୍‌ ପହଞ୍ଚି ଯାତ୍ରୀଙ୍କୁ ଉଦ୍ଧାର କରିଥିଲେ। ତେବେ କାହିଁକି ଟ୍ରେନଟି ଲାଇନଚ୍ୟୁତ ହେଲା। ସେନେଇ ଆରମ୍ଭ ହୋଇଛି କାରଣ ଖୋଜା। କାହିଁକି ଘଟିଲା ଏତେବଡ଼ ଅଘଟଣ? ଦୁର୍ଘଟଣା ପାଇଁ ଦାୟୀ କିଏ? ଲୋକୋ ପାଇଲଟଙ୍କ ଭୁଲ ନା କର୍ମଚାରୀଙ୍କ ଅବହେଳା? ଏ ସମସ୍ତ ପ୍ରଶ୍ନର ଉତ୍ତର ଖୋଜୁଛି ରେଳ ବିଭାଗ।

କ୍ୟାପିଟାଲ୍‌ ହସ୍ପିଟାଲର ବିକଳ ଚିତ୍ର ; ଫ୍ୟାନ ବୁଲୁନି, ପିଇବାକୁ ପାଣି ମିଳୁନି

କନକ ବ୍ୟୁରୋ: ରାଜଧାନୀର ପାରା ୪୦ ପାର୍‌। ତାତି ବଢୁଛି, ଚିନ୍ତା ବଢ଼ାଉଛି। ଆଉ ଏଭଳି ସମୟରେ କ୍ୟାପିଟାଲ ହସ୍ପିଟାଲରୁ ଆସିଛି ବିକଳ ଚିତ୍ର । ଡହଡହ ଖରାରେ ହନ୍ତସନ୍ତ ହେଉଛନ୍ତି ଲୋକ । ଭୁବନେଶ୍ୱର ଓ ଏହାର ଆଖପାଖ ଅଞ୍ଚଳର ଲୋକମାନେ କ୍ୟାପିଟାଲ ହସ୍ପିଟାଲ ଉପରେ ନିର୍ଭରଶୀଳ । ପ୍ରତିଦିନ ହଜାର ହଜାର ଲୋକ ହସ୍ପିଟାଲକୁ ଆସନ୍ତି । ସକାଳୁ ଲାଇନ୍ ଲଗାନ୍ତି । ହେଲେ ଏବେ ଘଣ୍ଟା ଘଣ୍ଟା ଛିଡ଼ା ହେବା କଷ୍ଟକର । ଖରାର ପ୍ରତିକାର ପାଇଁ ବିଶେଷ ବ୍ୟବସ୍ଥା ନଥିବାରୁ ଅସନ୍ତୋଷ ଜାହିର କରିଛନ୍ତି ଲୋକ । ଓପିଡ଼ି ଟିକେଟ କାଉଣ୍ଟର ହେଉ କିମ୍ବା ନିରାମୟ କେନ୍ଦ୍ର । ସକାଳ ପହରୁ ଏମିତି ଧାଡ଼ିରେ ଛିଡ଼ା ହୋଇଛନ୍ତି ଲୋକ । ମୁଣ୍ଡ ଉପରେ ଟିଣ ଚାଦର । ଟାଣ ଖରାରେ ଅବସ୍ଥା ଅସମ୍ଭାଳ । କୋଉଠି ପଙ୍ଖା ଚାଲୁନି ତ କେଉଁଠି ପାଣି ମିଳୁନି । ଖରାରେ ଡହଳ ବିକଳ ରୋଗୀ ଓ ସଂପର୍କୀୟ । ଯେଉଁଠି ପଙ୍ଖା ଚାଲୁଛି, ସେଠି ଝାଞ୍ଜି ପବନ ମାଡ଼ରେ ବେହାଲ ଅବସ୍ଥା । ଏହାରି ଭିତରେ ରୋଗୀ ଦେଖେଇବୁ କଣ ବରଂ ନିଜେ ରୋଗୀ ହୋଇଯିବୁ ବୋଲି କହିଛନ୍ତି ରୋଗୀଙ୍କ ସମ୍ପର୍କୀୟ । କ୍ୟାପିଟାଲ ହସ୍ପିଟାଲ ନିର୍ଦ୍ଦେଶକଙ୍କ କହିବା କଥା, ଗ୍ରୀଷ୍ମ ପ୍ରସ୍ତୁତିକୁ ନେଇ ଆମେ ସମ୍ପୂର୍ଣ୍ଣ ସଜାଗ, ଟିଣ ଚାଦରରେ ସିଲିଂ ହୋଇଛି, ପାଣି ଏବଂ ଓଆର୍‌ଏସ୍‌ର ବ୍ୟବସ୍ଥା କରାଯାଇଛି । ଆଗକୁ ହସ୍ପିଟାଲର ବିଭିନ୍ନ ଜାଗାରେ ସବୁଜ କପଡା ଆଚ୍ଛାଦିତ କରି ରଖାଯିବା ନେଇ ବ୍ୟବସ୍ଥା କରାଯାଉଛି। ମାର୍ଚ୍ଚ ସରିବାକୁ ବସିଲାଣି, ରାଜଧାନୀର ପାରା ବି ବଢ଼ିଲାଣି। ଏବେ ଦେଖିବା କଥା ମେଡିକାଲ କର୍ତ୍ତୃପକ୍ଷ କେତେ ଶୀଘ୍ର ପଦକ୍ଷେପ ନେଉଛନ୍ତି ।

ରାଜଧାନୀରେ ପୋଲିସ ଛାଉଣୀ ; ଆଗକୁ ଇଦ୍‌ ଠାରୁ ରାମ ନବମୀ ପାଳନ ପାଇଁ ଫେରାର ଅପରାଧୀଙ୍କ ଘରେ ଲାଗୁଛି ଲଟକା

କନକ ବ୍ୟୁରୋ: ଇଦ ଠାରୁ ରାମନବମୀ । କଡା ସୁରକ୍ଷା ବଳୟରେ ରହିବ ରାଜଧାନୀ । ପେଶାଦାର ଅପରାଧୀଙ୍କ ଉପରେ ରହିବ କମିଶନରେଟ ପୁଲିସର କଡ଼ା ନଜର । ସୋସିଆଲ ମିଡିଆରେ ଗୁଜବ, ସଦଭାବନା କ୍ଷୁର୍ଣ୍ଣ ହେବାଭଳି ବାର୍ତ୍ତା ଦେଲେ ଆଇନ ଅନୁଯାୟୀ ହେବ କାର୍ଯ୍ୟାନୁଷ୍ଠାନ। ଆଗକୁ ଇଦ୍, ରାମ ନବମୀ ଓ ପଣା ସଂକ୍ରାନ୍ତି । ଭାଇଚାରା ଓ ସଦଭାବନା ସହ ଏହି ପର୍ବକୁ ପାଳନ ନିମନ୍ତେ ଅଣ୍ଟା ଭିଡ଼ିଛି କମିଶନରେଟ୍‌ ପୁଲିସ । ଏନେଇ ଆଜି ଏସପି, ଆଇଜି ଓ ଡ଼ିଆଇଜିଙ୍କ ସହ ବୈଠକ ବରିଷ୍ଠ ପୋଲିସ ଅଧିକାରୀଙ୍କ ବୈଠକ ବସିଥିଲା । ବଛା ବଛା ପୋଲିସ ଅଧିକାରୀଙ୍କ ଛୁଟି ବାତିଲ କରାଯାଇଛି । ଅପରାଧୀଙ୍କ ଗତିବିଧି ଉପରେ ନଜର ରହିଛି । ଭୁବନେଶ୍ୱରରେ ପେଶାଦାର ତଥା ଫେରାର ଅପରାଧୀଙ୍କ ଘରେ ଲଟକା ଲାଗୁଛି । ସହରକୁ ଅପରାଧ ମୁକ୍ତ କରିବାପାଇଁ ନିଶା ମାଫିଆଙ୍କ ବିରୋଧରେ ଜିରୋ ଟଲରାନ୍ସ ଗ୍ରହଣ କରାଯାଉଛି ।

କୋଟି କୋଟି ଟଙ୍କା ଖର୍ଚ୍ଚରେ ତିଆରି ହୋଇଛି ଭେଣ୍ଡିଂ ଜୋନ୍ ; ହେଲେ ଯାଉନାହାନ୍ତି ଦୋକାନୀ

କନକ ବ୍ୟୁରୋ: କଟକରେ ଉଠାଦୋକାନୀଙ୍କ ଥଇଥାନ ପାଇଁ ଭେଣ୍ଡିଂ ଜୋନ ତିଆରି ହେଲା । କିନ୍ତୁ କାମରେ ଆସୁନି । ବଜାରଠାରୁ ଦୂର ହୋଇଥିବାରୁ ଉଠାଦୋକାନୀ ପୂର୍ବ ସ୍ଥାନରେ ବେପାର ଚଳାଇଛନ୍ତି । ସିଏମସି ପ୍ରତିଶ୍ରୁତି ମୁତାବକ କାମ କରିନଥିବାରୁ ଉଠାଦୋକାନୀ କି ସହର ସମସ୍ୟା କମିବା ବଦଳରେ ବଢ଼ିବାରେ ଲାଗିଛି। କଟକରେ ଉଚ୍ଛେଦ ଉଠାଦୋକାନୀଙ୍କ ପାଇଁ କୋଟିକୋଟି ଟଙ୍କାରେ ମହାନଗର ନିଗମ ପକ୍ଷରୁ ଭେଣ୍ତିଂ ଜୋନ୍ ନିର୍ମାଣ କରାଯାଇଛି । କିନ୍ତୁ ଏହା ବଜାରଠାରୁ ଦୂର ହୋଇଥିବାରୁ ଉଠାଦୋକାନୀ ଯିବାକୁ ରାଜି ହେଉନାହାନ୍ତି । ଉଚ୍ଛେଦ ସ୍ଥାନରେ ହିଁ ବ୍ୟବସାୟ ଚାଲିଛି । କୋଟିକୋଟି ଟଙ୍କା ଖର୍ଚ୍ଚରେ ନିର୍ମିତ ଭେଣ୍ଡିଂ ଜୋନ କାମରେ ଆସୁନି । ବିଭିନ୍ନ ସମୟରେ ପ୍ରତିବାଦ କରାଯାଇଥିବା ବେଳେ ଆଗକୁ ବଡ଼ ଆନ୍ଦୋଳନ କରାଯିବ ବୋଲି ଉଠାଦୋକାନୀ ମହାସଂଘ ଚେତାବନୀ ଦେଇଛି । ମହାନଗର ନିଗମ କାର୍ଯ୍ୟାଳୟ ଆଗରେ ଭେଣ୍ଡିଂ ଜୋନ ପାଇଁ ସିଏମସି ପ୍ରତିଶ୍ରୁତି ଦେଇଥିଲା। କିନ୍ତୁ ପ୍ରତିଶ୍ରୁତି ପାଣିର ଗାର ଭଳି ହୋଇଥିବା ଉଠାଦୋକାନୀ କହିଛନ୍ତି। ଅନ୍ୟତ୍ର ନିର୍ମିତ ଭେଣ୍ଡିଂ ଜୋନକୁ ଉଠା ଦୋକାନୀ ଯାଉନଥିବାରୁ ମହାନଗର ନିଗମ ପକ୍ଷରୁ ଭେଣ୍ଡିଂ ଜୋନ ନିର୍ମାଣ ପାଇଁ ଖର୍ଚ୍ଚ ହୋଇଥିବା ଅର୍ଥ ପାଣିରେ ପଡ଼ିଲା ଭଳି ହୋଇଛି । କଟକ ମହାନଗର ନିଗମ କମିଶନର କହିଛନ୍ତି, ଆବଶ୍ୟକ ମୁତାବକ ଭେଣ୍ଡିଂ ଜୋନ ପାଇଁ ସହରରେ ଆଉ ଖାଲିସ୍ଥାନ ନାହିଁ । ଜୀବନଜୀବିକା ପାଇଁ ରାସ୍ତାକଡ଼ରେ ବସୁଥିବା ଉଠାଦୋକାନୀଙ୍କ ସମସ୍ୟା ବୁଝିବ କିଏ?

ସ୍ବାମୀ ପାଇଁ ମୃତ୍ୟୁର ପିଆଲା ; ଘାତକ ସ୍ତ୍ରୀର କାହାଣୀ

କନକ ବ୍ୟୁରୋ: ଅନୁଜର ବିବାହକୁ ଦୁଇ ବର୍ଷ ପୂର୍ବରୁ ଉତ୍ତରପ୍ରଦେଶ ଗାଜିଆବାଦର ପିଙ୍କିଙ୍କ ସହ ହୋଇଥିଲା। ଅନୁଜଙ୍କ ବଡ ଭଉଣୀଙ୍କ କହିବା କଥା, ବିବାହର କିଛି ମାସ ଯାଏଁ ସବୁକିଛି ଠିକ୍ ଥିଲା। ହେଲେ କ୍ରମଶଃ ଦୁହିଁଙ୍କ ମଧ୍ୟରେ ଝଗଡା ଆରମ୍ଭ ହୋଇଥିଲା। ଅନୁଜଙ୍କ ସନ୍ଦେହ ଥିଲା ଯେ ସ୍ତ୍ରୀ ପିଙ୍କି ମୋବାଇଲରେ କାହା ସହ କଥାବାର୍ତ୍ତା ହେଉଛନ୍ତି । ଦିନେ ମୋବାଇଲ ଛଡାଇ ନେଇ ଦେଖିବାରୁ ଚମକି ପଡିଥିଲେ ଅନୁଜ ଆଉ ତା’ ପରେ ଅନୁଜଙ୍କ ପାଇଁ ମୃତ୍ୟୁର ଜାଲ ବିଛାଇଥିଲା ପତ୍ନୀ ପିଙ୍କି। ଅନୁଜଙ୍କ ପରିବାର ଲୋକଙ୍କ କହିବା ଅନୁସାରେ, ପିଙ୍କିର ଚାଲିଚଳଣ ଉପରେ ସନ୍ଦେହ କରିଥିଲେ ଅନୁଜ । ଅନୁଜ ଅନେକଥର ପିଙ୍କିକୁ କାହା ସହ କଥାବାର୍ତ୍ତା ହେବାର ଶୁଣିଥିଲେ ଯାହା ସାମାନ୍ୟ ନଥିଲା । କିନ୍ତୁ ପ୍ରତିଥର ତାଙ୍କ ସନ୍ଦେହକୁ ଟାଳିଦେଉଥିଲା ପିଙ୍କି । ଥରେ ଫୋନ ଛଡାଇନେଇ ଦେଖିବାରୁ ଅନୁଜଙ୍କ ଆଖିରେ ପଡିଥିଲା ଆପତ୍ତିଜନକ ମେସେଜ ଓ ଫଟୋ । ଏହାପରେ ପାଟିତୁଣ୍ଡ ହୋଇ ପିଙ୍କି ନିଜ ବାପ ଘରକୁ ଚାଲିଯାଇଥିଲେ । କିନ୍ତୁ କିଛି ଦିନ ପରେ ପିଙ୍କି ଅନୁଜ ସହ ରହିବାକୁ ଇଚ୍ଛା ପ୍ରକାଶ କରି ତାଙ୍କ ଘରକୁ ଆସିଥିଲା । ଥରେ ଅନୁଜ ଅଫିସରୁ ଘରକୁ ଆସିବା ପରେ ତାଙ୍କ ହାତକୁ କଫି କପ୍ ବଢାଇଦେଇଥିଲା ପିଙ୍କି । କଫି ପିଇବା ପରେ ଅନୁଜଙ୍କ ଅବସ୍ଥା ଖରାପ ହେବାରୁ ତାଙ୍କୁ ପାଖ ହସ୍ପିଟାଲରେ ଭର୍ତ୍ତି କରାଗଗଲା । ସେଠାରେ ଡାକ୍ତର ତାଙ୍କ ଶରୀରରେ ବିଷ ପ୍ରତିକ୍ରିୟା ହୋଇଛି ବୋଲି କହିଥିଲେ । ଅନୁଜଙ୍କ ଅବସ୍ଥା ଅଧିକ ଗୁରୁତୁର ହେବାରୁ ତାଙ୍କୁ ମିରଟ୍ ହସ୍ପିଟାଲକୁ ସ୍ଥାନାନ୍ତର କରାଯାଇ ତାଙ୍କୁ ଆଇସିୟୁରେ ଭର୍ତ୍ତି କରାଯାଇଛି । ପୋଲିସ ଏଥିରେ ତଦନ୍ତ ଜାରି ରଖିଛି ।

ସୈଫ୍‌ଙ୍କୁ ଛୁରାମାଡ ଘଟଣା; କୋର୍ଟରେ ଜାମିନ ଆବେଦନ କଲା ଅଭିଯୁକ୍ତ ଶରିଫୁଲ, କହିଲା- ଷଡଯନ୍ତ୍ର ହୋଇଛି

ବଲିଉଡ ଅଭିନେତା ସୈଫ ଅଲ୍ଲୀ ଖାନ। ତାଙ୍କ ଉପରେ ଛୁରୀରେ ଆକ୍ରମଣ କରିବା ଘଟଣାରେ ଅଭିଯୁକ୍ତ ଶରିଫୁଲକୁ ଗିରଫ କରିଥିଲା ମୁମ୍ବାଇ ପୋଲିସ । ବର୍ତ୍ତମାନ ଶରିଫୁଲ ମୁମ୍ବାଇ ସେକ୍ସନ କୋର୍ଟରେ ଜାମିନ ଆବେଦନ କରିଛନ୍ତି । ସୂଚନା ଅନୁଯାୟୀ ବର୍ତ୍ତମାନ ଶରିଫୁଲ କୋର୍ଟରେ ଜାମିନ ଆବେଦନ କରିଛନ୍ତି । ସେହି ଆବେଦନରେ ଉଲ୍ଲେଖ କରିଛନ୍ତି ଯେ ସେ କୌଣସି ଅପରାଧ କରିନାହାଁନ୍ତି । ତାଙ୍କ ବିରୋଧରେ ରୁଜୁ କରାଯାଇଥିବା ମାମଲା ଏକ ମନଗଢ଼ା ଓ ଷଡଯନ୍ତ୍ର । ପ୍ରକାଶିତ ରିପୋର୍ଟ ମୁତାବକ, ଅଭିଯୁକ୍ତ ଶରିଫୁଲ ଇସଲାମ ସୈଫ ଅଲ୍ଲୀ ଖାନଙ୍କ ଉପରେ ଛୁରାମାଡ଼ ଘଟଣାରେ ପୋଲିସ କରୁଥିବା ତଦନ୍ତରେ ପୂର୍ଣ୍ଣ ସହଯୋଗ କରୁଛନ୍ତି। ଏହି ମାମଲାଟି ବର୍ତ୍ତମାନ ବାନ୍ଦ୍ରା ମାଜିଷ୍ଟ୍ରେଟ୍ କୋର୍ଟରେ ଶୁଣାଣି ହେଉଛି, କିନ୍ତୁ ଏହା ମୁମ୍ବାଇ ସେସନ୍ସ କୋର୍ଟର କ୍ଷେତ୍ରାଧିକାର ଅଧୀନରେ ରହିଛି। ଏହି ମାମଲାରେ ପୁଲିସ ଚାର୍ଜସିଟ୍ ଦାଖଲ କରିବାପରେ ମାମଲା ସେସନ୍ସ କୋର୍ଟକୁ ସ୍ଥାନାନ୍ତର ହୋଇଯିବ। ଉଲ୍ଲେଖଯୋଗ୍ୟ, ଜାନୁଆରି ୧୬ ତାରିଖରେ ଅଭିଯୁକ୍ତ ଶରିଫୁଲ ଇସଲାମ ଡକାୟତି ଉଦ୍ଦେଶ୍ୟରେ ମୁମ୍ବାଇର ସୈଫଙ୍କ ଫ୍ଲାଟରେ ପ୍ରବେଶ କରିଥିଲେ । ଏହି ସମୟରେ ସେ ଅଭିନେତା ସୈଫ୍ ଅଲ୍ଲୀ ଖାନଙ୍କ ଉପରେ ଅନେକ ଥର ଛୁରୀରେ ଆକ୍ରମଣ କରିଥିଲେ । ଅଭିଯୁକ୍ତଙ୍କ ଆକ୍ରମଣରେ ଅଭିନେତା ଗୁରୁତର ଆହତ ହୋଇ ଡାକ୍ତରଖାନାରେ ଭର୍ତ୍ତି ହୋଇଥିଲେ। ଆକ୍ରମଣକାରୀ ଶରିଫୁଲଙ୍କୁ ଥାନେ ଜିଲ୍ଲାରୁ ଗିରଫ କରାଯାଇଥିଲା ।

ଓଡ଼ିଆ ପକ୍ଷ ପାଳନକୁ ନେଇ ବିଜେଡିର କଟାକ୍ଷ, ପ୍ରସନ୍ନ ଆଚାର୍ଯ୍ୟ କହିଲେ- ‘ପ୍ରଥମେ ରାଜ୍ୟ ସରକାର ନିଜର ପକ୍ଷ ମଜଭୁତ କରନ୍ତୁ’

ଭୁବନେଶ୍ବର ୩୦ । ୩ : ଓଡ଼ିଆ ପକ୍ଷପାଳନକୁ ନେଇ କଟାକ୍ଷ କଲା ବିଜେଡି।ଡବଲ ଇଞ୍ଜିନ ସରକାରରେ ଗୋଟିଏ ଇଞ୍ଜିନ ଆଉ ଗୋଟେ ଇଞ୍ଜିନର ପକ୍ଷ ଛେଦନ କରୁଛନ୍ତି । ଏମିତିରେ କି ପକ୍ଷ ପାଳନ କରିବେବୋଲିବିରୋଧୀ ଦଳ ଉପନେତା ପ୍ରସନ୍ନ ଆଚାର୍ଯ୍ୟକହିଛନ୍ତି। ଓଡ଼ିଶା ସରକାର୧୦ମାସରେ କେତେ କେନ୍ଦ୍ରୀୟ ଅନୁଦାନ ପାଇଛନ୍ତି,ତାର ହିସାବ ଦେବେ କି ସରକାର । କେନ୍ଦ୍ର ସରକାର ପ୍ରତ୍ୟେକ ଦିନ ରାଜ୍ୟର ସ୍ୱାର୍ଥର ପକ୍ଷ ଛେଦନ କରୁଛନ୍ତି । ରାଜ୍ୟର ସ୍ୱାର୍ଥ ସମ୍ବଳିତ ଦାବି ଯାହା ନବୀନଙ୍କ ସମୟରେ କରାଯାଇଥିଲା କେତେ ଭାରତ ସରକାର ପାଳନ କଲେ । ଏହା କେବଳ ପ୍ରହେଳିକା । ପ୍ରଥମେ ରାଜ୍ୟ ସରକାର ନିଜର ପକ୍ଷ ମଜଭୁତ କରନ୍ତୁ । ବିନା ଭୟରେ ବିନା ରାଜନୀତିରେ ନିଜର ପକ୍ଷ ଜୋରଦାର ଉପସ୍ଥାପନ କରନ୍ତୁ । ନିର୍ବାଚନ ଜିତିବା ପାଇଁ ଅସ୍ମିତା କଥା କହିଲ,ହେଲେ କାର୍ଯ୍ୟ କରି ଦେଖାଅ ।ପ୍ରତ୍ୟେକ ଦିନ ଓଡ଼ିଆ ଅସ୍ମିତାକ୍ଷୁର୍ଣ୍ଣ କରୁଛ । ତେଣୁ ପକ୍ଷ ପାଳନ ଏକ ଘୋଡ଼ଣି ମାତ୍ରବୋଲି ପ୍ରସନ୍ନ କହିଛନ୍ତି। ଏ ସରକାର ସବୁବେଳେ ଦୋଛକିରେ । କୌଣସି ନିଷ୍ପତ୍ତି ନେଇପାରୁ ନାହାନ୍ତି । ରାସ୍ତା ମିଳୁନି ସରକାରକୁବୋଲି ପ୍ରସନ୍ନ କହିଛନ୍ତି । You Can Read: ଭବାନୀପାଟଣାରେ ଅନ୍ତ୍ୟୋଦୟ ଗୃହ ଯୋଜନାର ଶୁଭାରମ୍ଭ, ୩ ବର୍ଷରେ ବିନିଯୋଗ ହେବ ୭ ହଜାର ୫୫୦ କୋଟି ଟଙ୍କା

ତୁର୍କୀ ପରଦାରେ ବିରାଟ କୋହଲି ! ଭାଇରାଲ ହେଉଛି ଫଟୋ

ମୁମ୍ଵାଇ ୩୦।୦୩; କ୍ରିକେଟ୍‌ ସୁପର୍‌ଷ୍ଟାର ବିରାଟ କୋହଲିଙ୍କ ଭଳି ଅବିକଳ ଦେଖାଯାଉଥିବା ଜଣେ ବ୍ୟକ୍ତିଙ୍କୁ ବିଶ୍ୱରେ ଚର୍ଚ୍ଚା । ଜଣେ ତୁର୍କୀ ଅଭିନେତା ଓ ବିରାଟଙ୍କ ଲୁକ୍‌ ମଧ୍ୟରେ ସମାନତାକୁ ନେଇ ସୋସିଆଲ ମିଡିଆରେ ଚହଳ ପଡ଼ିଛି । ତୁର୍କୀର ଐତିହାସିକ ଡ୍ରାମା ‘ଏର୍ତୁଗ୍ରୁଲ’ରେ ଏହି ଅଭିନେତା ବିରାଟଙ୍କ ଭ୍ରମ ସୃଷ୍ଟି କରିଛନ୍ତି । ତାଙ୍କ ଲୁକ୍‌ ପୂରାପୂରି ବିରାଟଙ୍କ ସହ ମେଳ ଖାଉଛି । ସୂଚନାଯୋଗ୍ୟ, ଭାରତ ସମେତ ସାରା ବିଶ୍ୱରେ ‘ଏର୍ତୁଗ୍ରୁଲ’ ସିରିଜ୍‌ର ପ୍ରଶଂସକ ରହିଛନ୍ତି । ଜଣେ ରେଡିଟ୍‌ ୟୁଜର୍‌ ଏହି ତୁର୍କୀ ଅଭିନେତାଙ୍କ ଫଟୋ ପୋଷ୍ଟ୍‌ କରିବା ପରେ ଖବରଟି ଶିରୋନାମା ହେଲା । ଫଟୋ ସହ ସେ ମଜାରେ କ୍ୟାପ୍‌ସନ ଲେଖିଲେ ‘ଟିଭି ଶୋ’ରେ ଅନୁଷ୍କା ଶର୍ମାଙ୍କ ସ୍ୱାମୀଙ୍କର ଡେବ୍ୟୁ ।’ ବିରାଟ ଓ ତୁର୍କୀ ଅଭିନେତାଙ୍କ ମଧ୍ୟରେ ଏହି ଅବିଶ୍ୱସନୀୟ ସମାନତା ଦେଖି ଅନେକ ୟୁଜର୍‌ ଅଭିନେତାଙ୍କୁ ପ୍ରଥମେ ବିରାଟ ବୋଲି ଭାବିନେଲେ । ଜଣେ ୟୁଜର୍‌ ପ୍ରତିକ୍ରିୟା ଦେଇଛନ୍ତି, ଏହା ମଜା ନୁହେଁ । ପ୍ରଥମେ ଯେତେବେଳେ ‘ଏର୍ତୁଗ୍ରୁଲ’ ସିରିଜ୍‌ରେ ଏହି ଚରିତ୍ରକୁ ଦେଖିଲି, ସଙ୍ଗେସଙ୍ଗେ ପାଟିରୁ ବାହାରିଲା ‘କ’ଣ ତୁର୍କୀ ସିରିଜ୍‌ରେ କୋହଲି ଅଭିନୟ କରୁଛନ୍ତି! ଏହି ସାମଞ୍ଜସ୍ୟ ବାସ୍ତବରେ ଭୟାନକ ।’ ଆଉ ଜଣେ ଲେଖିଛନ୍ତି ‘ମୁଁ ଭାବିନେଲି ଯେ କୋହଲି ଗୋପନରେ ଅଭିନୟ କ୍ଷେତ୍ରରେ ପ୍ରବେଶ କରିଛନ୍ତି!!’ ତେବେ ପ୍ରଥମ ଥର ସେଲିବ୍ରିଟିଙ୍କ ନକଲଙ୍କୁ ନେଇ ଚର୍ଚ୍ଚା ହୋଇନାହିଁ । କିଛି ବର୍ଷ ତଳେ, ବଲିଉଡ୍‌ ଅଭିନେତ୍ରୀ ଅନୁଷ୍କା ଶର୍ମା ନିଜେ ଆମେରିକୀୟ ଗାୟିକା ଜୁଲିଆ ମାଇକେଲ୍ସ ଓ ତାଙ୍କ ସହିତ ସାମଞ୍ଜସ୍ୟକୁ ସ୍ୱୀକାର କରିଥିଲେ ।

ଘର ଭିତରେ ପଡ଼ିଛି ପ୍ରେମୀ ଯୁଗଳଙ୍କ ମୃତଦେହ, କାରଣ ଖୋଜୁଛି ପୋଲିସ

କଣ୍ଟାବାଞ୍ଜି ୩୦।୦୩ :ଘର ଭିତରେ ପଡିଛି ପ୍ରେମୀ ଯୁଗଳଙ୍କ ମୃତଦେହ ।ବଲାଙ୍ଗୀର ଜିଲ୍ଲାକଣ୍ଟାବାଞ୍ଜି ମୁରିବାହାଲ ଥାନା ସିମେଲପାଲି ଗାଁର ଏକ ଘରେ ଭିତରେ ପଡିରହିଛିଦୁଇ ଜଣଙ୍କମୃତଦେହ । ଘଟଣାସ୍ଥଳରେ କଣ୍ଟାବାଞ୍ଜି ଏସଡିପିଓ,ମୁରିବାହାଲ ଥାନା ଅଧିକାରୀ ପହଞ୍ଚି ତଦନ୍ତ କରୁଛନ୍ତି । ହତ୍ୟା ନା ଆତ୍ମହତ୍ୟା କାରଣ ଅସ୍ପଷ୍ଟ। ଖବର ଅନୁଯାୟୀ, ରବିବାର ଦିନ ସିମେଲପାଲି ଗାଁରେ ଥିବା ଏକ ଘର ଭିତରେ ଦୁଇ ଜଣଙ୍କ ମୃତଦେହ ପଡିଥିବାର କିଛି ଲୋକ ଦେଖିଥିଲେ । ଏହାପରେ ତୁରନ୍ତ ମୁରିବାହାଲ ଥାନା ପୋଲିସକୁ ଖବର ଦେଇଥିଲେ । ମୁରିବାହାଲ ଥାନା ପୋଲିସ ଘଟଣାସ୍ଥଳରେ ପହଞ୍ଚି ମୃତଦେହକୁ ଜବତ କରି ବ୍ୟବଚ୍ଛେଦ ପାଇଁ ପଠାଇଛନ୍ତି । ତେବେ ମୃତକ ଦୁଇ ଜଣେ ପ୍ରେମୀ ଯୁଗଳ ବୋଲି ସୂଚନା ରହିଛି । ହେଲେ ଏବେ ଯାଏଁ ମୃତ୍ୟୁର ସଠିକ୍‌ କାରଣ ଜଣାପଡିନାହିଁ । ପୋଲିସର ପ୍ରାଥମିକ ତଦନ୍ତ ଏବଂ ଶବ ବ୍ୟବଚ୍ଛେଦ ରିପୋର୍ଟ ଆସିବା ପରେ ମୃତ୍ୟୁର ସଠିକ କାରଣ ଜଣାପଡିବ ବୋଲି ଆଶା କରାଯାଉଛି ।

ସୋମବାର ମହାପ୍ରଭୁଙ୍କ ଖସାପଡ଼ା ନୀତି, ବନ୍ଦ ରହିବ ସାଧାରଣ ଦର୍ଶନ

ପୁରୀ ୩୦।୦୩ : ସୋମବାର ମହାପ୍ରଭୁଙ୍କ ଖସାପଡ଼ା ଲାଗି ନୀତି ଅନୁଷ୍ଠିତ ହେବ । ଠାକୁରଙ୍କ ଦ୍ୱିତୀୟ ଭୋଗମଣ୍ଡପ ନୀତି ପରେ ଏହି ସ୍ୱତନ୍ତ୍ର ବିଧି ହେବ । ମହାପ୍ରଭୁଙ୍କ ଦଇତାପତି ସେବକମାନେ ଏହି ନୀତି ସମ୍ପାଦନ କରିଥାନ୍ତି । ଶ୍ରୀବିଗ୍ରହଙ୍କ ଶ୍ରୀଅଙ୍ଗ ସୁରକ୍ଷା ପାଇଁ ଏହି ନୀତି କରାଯାଏ । ଏହା ଠାକୁରଙ୍କ ଏକ ଗୁପ୍ତ ନୀତି ଓ ବର୍ଷକେ ଏକାଧିକ ଥର ସମ୍ପନ୍ନ ହୁଏ । ଏହି ନୀତି ସମୟରେ ମହାପ୍ରଭୁଙ୍କ ଦର୍ଶନ କଟକଣା ରହିବ। ଭକ୍ତମାନେ ଚତୁର୍ଦ୍ଧାମୂର୍ତ୍ତିଙ୍କ ଦର୍ଶନରୁ ବଞ୍ଚିତ ହେବେ ।

ପଥରପାଲିରେ ହତ୍ୟା, ବାଇକ୍‌ରେ ଯିବା ବେଳେ ଗୁଳିମାଡ଼ କଲେ ଦୁର୍ବୃତ୍ତ

ଆସ୍କା ୩୦।୦୩ : ଅପରାଧୀକୁ ଗୁଳି କରି ହତ୍ୟା । ଗଞ୍ଜାମ କବିସୂର୍ଯ୍ୟନଗର ଥାନା ପଥରପାଲିରେ ଗୁଳିମାଡ଼ ହୋଇଛି। ବାଇକ୍ ରେ ଯିବାବେଳେ ଗୁଳିମାଡ଼ କଲେ ଦୁର୍ବୃତ୍ତ । ମୃତକ ହେଲେ ଆଠଗଡ ପାଟଣା ଅଞ୍ଚଳର ଲକ୍ଷ୍ମୀ ନାରାୟଣ ପାଇକରାୟ ଓରଫ କୁନା । ମୃତ ବ୍ୟକ୍ତିଙ୍କ ନାଁରେ ରହିଛି ଏକାଧିକ ଅପରାଧିକ ମାମଲା । ଖବର ଅନୁଯାୟୀ, ଲକ୍ଷ୍ମୀ ନାରାୟଣ କଣ୍ଟ୍ରାଟିକ କାମ ନେଇଥିଲେ ରବିବାର ସକାଳେ କାମ ଦେଖିବାକୁ ଯାଇଥିଲେ । ଏହିସମୟରେ ତିନି ଜଣ ଦୁବୁର୍ତ୍ତ ତାଙ୍କୁ ମଟର ସାଇକେଲରେ ଆସି ଅଟକାଇବା ସହ ଗୁଳିମାଡ କରିଥିଲେ l ଲକ୍ଷ୍ମୀ ନାରାୟଣ ପାଇକରାୟଙ୍କ ମୁଣ୍ଡରେ ଗୁଳି ବାଜି ଥିବା ବେଳେ ସେଠାରେ ଟଳି ପଡ଼ିଥିଲେ l ପରେ ସମ୍ପର୍କୀୟ ଲୋକ ଗୁରୁତର ଅବସ୍ଥାରେ କବିସୂର୍ଯ୍ୟନଗର ମେଡିକାଳକୁ ଆଣିଥିବା ବେଳେ l ଡାକ୍ତର ତାଙ୍କୁ ମୃତ ଘୋଷଣା କରିଛନ୍ତି l

ବିରୋଧୀ ଦଳ ଉପନେତାଙ୍କ କଟାକ୍ଷର ଜବାବ ଦେଲା ବିଜେପି, ‘ଅତୀତ ଇତିହାସ ଉପରେ ସାଧାରଣ ଜ୍ଞାନ ଗରିମା ରହିବା ଦରକାର’

ଭୁବନେଶ୍ବର ୩୦ । ୩ : ଓଡ଼ିଆ ପକ୍ଷ ପାଳନକୁ ନେଇ ବିରୋଧୀ ଦଳ ଉପନେତା ପ୍ରସନ୍ନ ଆଚାର୍ଯ୍ୟଙ୍କ କଟାକ୍ଷ ପ୍ରସଙ୍ଗରେ ଜବାବ ରଖିଲେ ବିଜେପି ବିଧାୟକ ବାବୁ ସିଂ । ସେ କହିଛନ୍ତି, ନାଲି ଚଷମା ପିନ୍ଧିଥିବା ଲୋକଙ୍କୁ ସମଗ୍ର ଦୁନିଆଟା ନାଲି ହିଁ ଦେଖାଯିବ । ୨୪ ବର୍ଷ ହେଲା ଅସ୍ମିତା ଅର୍ଥ ବୁଝିପାରିଲେ ନାହିଁ । ୨୪ବର୍ଷ ଧରି ଶାସନ ଗାଡ଼ିର ଷ୍ଟିୟରିଂ ଧରିଥିଲେ । ଅତୀତ ଇତିହାସ ଉପରେ ସାଧାରଣ ଜ୍ଞାନ ଗରିମା ରହିବା ଦରକାର । ଅସ୍ମିତାକୁ ନେଇ ସେମାନେ ଅଲଗା ଅର୍ଥରେ ଭାବୁଛନ୍ତି ତାଙ୍କୁ ଭାବିବାକୁ ଦିଅନ୍ତୁ ବୋଲି ବିରୋଧୀ ଦଳ ଉପନେତାଙ୍କୁ ଜବାବ ଦେଇଛନ୍ତି ବାବୁ ସିଂ । ଉଡ୍ର, ଉତ୍କଳ, କଳିଙ୍ଗ, ଓଡ଼ିଶା ନେଇ ସମନ୍ଵୟ ରହିଛି । ଆମ ସମନ୍ୱୟର ଠାକୁର କାଳିଆ ଠାକୁର ବୋଲି କହିଛନ୍ତି । ମତ ପାର୍ଥକ୍ୟ ରହିବା ଅନୁଚିତ ବୋଲି ସେ କହିଛନ୍ତି । You Can Read: ଓଡ଼ିଆ ପକ୍ଷ ପାଳନକୁ ନେଇ ବିଜେଡିର କଟାକ୍ଷ, ପ୍ରସନ୍ନ ଆଚାର୍ଯ୍ୟ କହିଲେ- ‘ପ୍ରଥମେ ରାଜ୍ୟ ସରକାର ନିଜର ପକ୍ଷ ମଜଭୁତ କରନ୍ତୁ’

ମଣିପୁର, ନାଗାଲାଣ୍ଡ ଓ ଅରୁଣାଚଳରେ ବଢ଼ିଲା AFSPA; ୬ ମାସ ବୃଦ୍ଧି କଲେ କେନ୍ଦ୍ର ସରକାର

ନୂଆଦିଲ୍ଲୀ: ମଣିପୁର, ନାଗାଲାଣ୍ଡ ଓ ଅରୁଣାଚଳ ପ୍ରଦେଶରେ ବଢ଼ିଲା AFSPA । ସଶସ୍ତ୍ର ବଳ ସ୍ବତନ୍ତ୍ର ଶକ୍ତି ଅଧିନିୟମଙ୍କୁ କେନ୍ଦ୍ର ସରକାର ଆଉ ୬ ମାସ ପାଇଁ ବୃଦ୍ଧି କରିଛନ୍ତି । ଉତ୍ତର-ପୂର୍ବ ରାଜ୍ୟରେ ଉତ୍ତେଜନାପୂର୍ଣ୍ଣ ସ୍ଥିତିକୁ ଦେଖି ଏହି ନିଷ୍ପତ୍ତି ନିଆଯାଇଛି । ଗୃହ ମନ୍ତ୍ରଣାଳୟ ଅଧିସୂଚନା ଅନୁଯାୟୀ, କେନ୍ଦ୍ର ସରକାର ମଣିପୁର ରାଜ୍ୟର ଆଇନ ଶୃଙ୍ଖଳା ପରିସ୍ଥିତିକୁ ସମୀକ୍ଷା କରିବା ପରେ ସଶସ୍ତ୍ରବଳ ଅଧିନିୟମ, ୧୯୫୮ର ଧାରା ୩ ଦ୍ବାରା ଥିବା ଶକ୍ତିକୁ ପ୍ରୟୋଗ କରିଛନ୍ତି । ରାଜ୍ୟର ୫ ଜିଲ୍ଲାରେ ଥିବା ୧୩ ପୋଲିସ ଷ୍ଟେସନ ଅଧୀନରେ ଆସୁଥିବା ଅଞ୍ଚଳକୁ ଛାଡ଼ି ବାକି ମଣିପୁରର ସମସ୍ତ ଅଞ୍ଚଳରେ ଏହି ନିୟମ ଲାଗୁ ରହିବ । ଏପ୍ରିଲ ପହିଲାରୁ ଆସନ୍ତା ୬ ମାସ ପର୍ଯ୍ୟନ୍ତAFSPAଲାଗୁ କରିଛନ୍ତି କେନ୍ଦ୍ର ସରକାର । ସେହିପରି ନାଗାଲାଣ୍ଡରେ ମଧ୍ୟ ପୁଣି ଥରେAFSPAଲାଗୁ ହୋଇଛି। ଦିମାପୁର, ନିଉଲାଣ୍ଡ, ଚୁମୋକେଦିମା, ମୋନ, କିଫିର, ନୋକଲାକ, ଫେକ ଓ ପେରନ ସଶସ୍ତ୍ର ଅଧିନିୟମକୁ ବୃଦ୍ଧି କରାଯାଇଛି । କୋହିମା ଜିଲ୍ଲାର ଖୁଜାମା, କୋହିମା ଉତ୍ତର, କୋହିମା ଦକ୍ଷିଣ, ଜୁବଜା ଏବଂ କେଜୋଚା ପୋଲିସ ଷ୍ଟେସନ ଅଧୀନରେ ଆସୁଥିବା ଅଞ୍ଚଳ ନାଗାଲଣ୍ଡରେ କ୍ଷେତ୍ରରେ ରହିଛି । ସେହିପରି ମୋକୋକଚୁଂଗ ଜିଲ୍ଲାର ଲୋଙ୍ଗଚେମ ଏବଂ ଅନାକି‘ସି’ପୋଲିସ ଷ୍ଟେସନକୁ ଅଶାନ୍ତି ଅଞ୍ଚଳ ଘୋଷଣା କରାଯାଇଛି ।ଏହିସବୁ ଅଞ୍ଚଳରେAFSPAକୁ ୬ ମାସ ପର୍ଯ୍ୟନ୍ତ ବୃଦ୍ଧି କରାଯାଇଛି । AFSPA କ’ଣ ? ସଶସ୍ତ୍ରବଳ ସ୍ବତନ୍ତ୍ର ଶକ୍ତି ଅଧିନିୟମ, ୧୯୫୮ ଆଧାରରେ ଦେଶର ଅଶାନ୍ତ ଅଞ୍ଚଳକୁ ସୁବିଧାଜନକ କରିବା ପାଇଁ ଏହି ନିୟମ ରହିଛି । AFSPA ଲାଗୁ ହୋଇଥିବା ଅଞ୍ଚଳରେ କେନ୍ଦ୍ରୀୟ ବଳ ସହଜରେ ସର୍ଚ୍ଚ ଅପରେସନ କରିଥାଏ । ଦଙ୍ଗାକାରୀଙ୍କୁ ଗିରଫ କରିବା ଏବଂ ଆବଶ୍ୟକ ସ୍ଥଳେ ଫାୟାରିଂ ଅଧିକାର ମଧ୍ୟ ଦେଇଥାଏ ।

ଏପ୍ରିଲ୍ ୧ରେ ଓଡ଼ିଶା ଦିବସକୁ ବେଶ୍ ଧୁମ୍‌ଧାମ୍‌ରେ ପାଳନ କରିବ ବିଜେଡି

ଭୁବନେଶ୍ବର ୩୦ । ୩ : ବିଜେଡି ପାଳିବ ଓଡ଼ିଶା ଦିବସ ।ଏପ୍ରିଲ୍୧ତାରିଖଦିନ ଏହି ଦିବସକୁ ବେଶ୍ଧୁମ୍‌ଧାମ୍‌ରେ ସମଗ୍ର ରାଜ୍ୟରେ ପାଳନ କରିବ ବିଜେଡି । ସାମ୍ବାଦିକ ସମ୍ମିଳନୀରେରେ ସୂଚନା ଦେଲେ ବିଜେଡି ବରିଷ୍ଠ ନେତା ଦେବୀ ପ୍ରସାଦ ମିଶ୍ର । ଭୁବନେଶ୍ୱରଠୁ ଆରମ୍ଭ କରି ବ୍ଲକ,ପଞ୍ଚାୟତରେ ପାଳନ ହେବ ବୋଲି କୁହାଯାଇଛି । ଶଙ୍ଖ ଭବନ କାର୍ଯ୍ୟକ୍ରମରେ ବିଜେଡି ସଭାପତି ଯୋଗଦେବେ । ମହାପୁରୁଷଙ୍କ ପ୍ରତିମୂର୍ତ୍ତି ଓ ଫଟୋ ଚିତ୍ରରେ ପୁଷ୍ପମାଲ୍ୟ ଅର୍ପଣ କରାଯିବ । ବିଧାୟକ,ସାଂସଦ ଓ ଅନ୍ୟ ନେତା ମାନେ ଏହି କାର୍ଯ୍ୟକ୍ରମରେ ଯୋଗ ଦେବେ । ଠିକଣା ଭାବେ ପାଳନ କରିବୁ ବୋଲି କୁହାଯାଇଛି । You Can Read: କାମାକ୍ଷା ଏକ୍ସପ୍ରେସ୍ ଲାଇନଚ୍ୟୁତ : ଜାରି ହେଲା ହେଲ୍ପଲାଇନ୍ ନମ୍ବର, ୫ ଟ୍ରେନ୍‌ର ଗତିପଥ ପରିବର୍ତ୍ତନ

ପ୍ରଧାନମନ୍ତ୍ରୀ ମୋଦୀଙ୍କ ଛତିଶଗଡ଼ ଗସ୍ତ ପୂର୍ବରୁ ୫୦ ମାଓବାଦୀଙ୍କ ଆତ୍ମସମର୍ପଣ

ନୂଆଦିଲ୍ଲୀ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ଛତିଶଗଡ଼ ଗସ୍ତର କିଛି ଘଣ୍ଟା ପୂର୍ବରୁ ବିଜାପୁରରେ ୫୦ ମାଓବାଦୀ ଆତ୍ମ ସମର୍ପଣ କରିଛନ୍ତି। ଏଥିରୁ ୧୪ ମାଓବାଦୀଙ୍କ ଉପରେ ୬୮ ଲକ୍ଷ ଟଙ୍କାର ପୁରସ୍କାର ରାଶି ଘୋଷଣା କରାଯାଇଥିଲା। ମାଓବାଦୀମାନେ କହିଛନ୍ତି, ସେମାନେ ମିଥ୍ୟା ଓ ଅମାନବୀୟ ମାଓବାଦୀ ବିଚାରଧାରା, ବରିଷ୍ଠ କାର୍ଯ୍ୟକର୍ତ୍ତା ଦ୍ଵାରା ଆଦିବାସୀଙ୍କ ଶୋଷଣ ଓ ଆନ୍ଦୋଳନ ଭିତରେ ମତଭେଦ କାରଣରୁ ଆତ୍ମସମର୍ପଣ କରିଛନ୍ତି। ମାଓବାଦୀମାନେ ରାଜ୍ୟ ପୋଲିସ ଓ ସିଆରପିଏଫର ବରିଷ୍ଠ ଅଧିକାରୀଙ୍କ ସାମ୍ନାରେ ଅସ୍ତ୍ରଶସ୍ତ୍ର ତ୍ୟାଗ କରିଛନ୍ତି। ବିଜାପୁରର ବରିଷ୍ଠ ପୋଲିସ ଅଧିକାରୀ ଜିତେନ୍ଦ୍ର କୁମାର ଯାଦବ କହିଛନ୍ତି, ନକ୍ସଲମାନେ ସୁରକ୍ଷାବଳ ଦ୍ଵାରା ଶିବିର ଲଗାଇବା ଓ 'ଆପଣଙ୍କ ଭଲ ଗାଁ' ଯୋଜନାରେ ପ୍ରଭାବିତ ହୋଇଛନ୍ତି। ଏହି ଯୋଜନା ଆଧାରରେ ସୁରକ୍ଷାବଳ ଓ ପ୍ରଶାସନ ଦୁର୍ଗମ ଅଞ୍ଚଳରେ ମୌଳିକ ସୁବିଧା ଉପଲବ୍ଧ କରାଉଛନ୍ତି। ଯାଦବ କହିଛନ୍ତି, ଆତ୍ମ ସମର୍ପଣ କରିଥିବା ୫୦ ମାଓବାଦୀଙ୍କ ମଧ୍ୟରୁ ୮-୮ ଲକ୍ଷ ଟଙ୍କା ଓ ତିନି ଜଣଙ୍କ ଉପରେ ୫ ଲକ୍ଷ ଟଙ୍କା ଲେଖାଏଁ ପୁରସ୍କାର ରାଶି ଘୋଷଣା କରାଯାଇଥିଲା। Also read: ନାଗପୁର RSS ମୁଖ୍ୟାଳୟରେ ପ୍ରଧାନମନ୍ତ୍ରୀ ମୋଦି, ସ୍ମୃତି ମନ୍ଦିରରେ ସଂଘ ପ୍ରତିଷ୍ଠାତାଙ୍କୁ ଦେଲେ ଶ୍ରଦ୍ଧାଞ୍ଜଳି ଏହା ବ୍ୟତୀତ ୫ ଜଣ ମାଓବାଦୀଙ୍କ ଉପରେ ଏକ ଲକ୍ଷ ଟଙ୍କା ଲେଖାଏଁ ପୁରସ୍କାର ରହିଥିଲା। ଜିଲ୍ଲା ରିଜର୍ଭ ଗାର୍ଡ(ଡିଆରଜି), ବସ୍ତର ଫାଇଟର୍ସ, ସ୍ପେଶାଲ ଟାସ୍କ ଫୋର୍ସ(ଏସଟିଏଫ), ସିଆରପିଏଫ ଓ କୋବରା ଟିମ୍ ମାଓବାଦୀଙ୍କ ଆତ୍ମସମର୍ପଣରେ ଗୁରୁତ୍ଵପୂର୍ଣ୍ଣ ଭୂମିକା ଗ୍ରହଣ କରିଥିଲେ। ଏସପି କହିଛନ୍ତି, ଆନ୍ଦୋଳନ ପରିତ୍ୟାଗ କରି ସମାଜର ମୁଖ୍ୟ ସ୍ରୋତରେ ସାମିଲ ହୋଇଥିବା ମାଓବାଦୀଙ୍କୁ ସରକାରୀ ନୀତି ଅନୁସାରେ ପୁନର୍ବାସ ଓ ଥଇଥାନ କରାଯିବ। ମାଓବାଦୀଙ୍କ ଏହି ଆତ୍ମସମର୍ପଣ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ଛତିଶଗଡ଼ ଗସ୍ତର କିଛି ଘଣ୍ଟା ପୂର୍ବରୁ ହୋଇଛି। ଏହି ଗସ୍ତରେ ପ୍ରଧାନମନ୍ତ୍ରୀ ୩୩ ହଜାର ୭୦୦ କୋଟି ଟଙ୍କାର ବିଭିନ୍ନ ପ୍ରକଳ୍ପର ଶିଳାନ୍ୟାସ କରିବେ।

ଇଣ୍ଡିଗୋ ଏୟାରଲାଇନ୍ସକୁ ୯୪୪ କୋଟି ଟଙ୍କାର ଜରିମାନା କଲା ଆୟକର ବିଭାଗ: ଆଇନର ଦ୍ୱାରସ୍ଥ ହେବ କମ୍ପାନୀ

ନୂଆଦିଲ୍ଲୀ: ଇଣ୍ଡିଗୋ ଏୟାରଲାଇନ୍ସ ମୂଳ କମ୍ପାନୀ ଇଣ୍ଟରଗ୍ଲୋବ୍ ଆଭିଏସନ୍ ଲିମିଟେଡକୁ ଶତାଧିକ କୋଟି ଟଙ୍କାର ଜରିମାନା ଲଗାଇଛି ଆୟକର ବିଭାଗ। ରବିବାର ଏନେଇ କମ୍ପାନୀ ପକ୍ଷରୁ ସୂଚନା ଦିଆଯାଇଛି। ୨୦୨୧-୨୨ ମୂଲ୍ୟାଙ୍କନ (ଆସେସ୍‌ମେଣ୍ଟ) ବର୍ଷ ପାଇଁ ଆୟକର ବିଭାଗ ୯୪୪.୨୦ କୋଟି ଟଙ୍କାର ଫାଇନ କରିଛି ବୋଲି କମ୍ପାନୀ ସୂଚନା ଦେଇଛି। ତେବେ ଏହା ସମ୍ପୂର୍ଣ୍ଣ ଭୁଲ ଓ ଅଯଥା ଜରିମାନା ବୋଲି ଇଣ୍ଡିଗୋ ଦାବି କରିବା ସହିତ ଏହା ବିରୋଧରେ ଆଇନଗତ କାର୍ଯ୍ୟାନୁଷ୍ଠାନ ଗ୍ରହଣ କରିବ ବୋଲି କମ୍ପାନୀ କହିଛି। ତେବେ ଏହି ନିର୍ଦ୍ଦେଶ ଏୟାରଲାଇନ୍ସ ଉପରେ କୌଣସି ପ୍ରଭାବ ପକାଇବ ନାହିଁ ବୋଲି ଇଣ୍ଡିଗୋ କହିଛି। ଏନେଇ ଇଣ୍ଡିଗୋ ଏୟାରଲାଇନ୍ସ ପକ୍ଷରୁ ଜାରି ହୋଇଥିବା ବିବୃତ୍ତିରେ କୁହାଯାଇଛି “ଆୟକର କର୍ତ୍ତୃପକ୍ଷ ୨୦୨୧-୨୨ ମୂଲ୍ୟାଙ୍କନ ବର୍ଷ ପାଇଁ ୯୪୪.୨୦ କୋଟି ଟଙ୍କାର ଜରିମାନା ଆଦେଶ ଦେଇଛନ୍ତି। ଏହି ଆଦେଶ ଏକ ଭୁଲ ବୁଝାମଣା ଆଧାରରେ ଦିଆଯାଇଛି। କମ୍ପାନୀ ଧାରା ୧୪୩(୩) ଅନୁଯାୟୀ ମୂଲ୍ୟାଙ୍କନ ଆଦେଶ ବିରୁଦ୍ଧରେ ଆୟକର କମିଶନର (ଆପିଲ୍)ଙ୍କ ନିକଟରେ ଯେଉଁ ଅଭିଯୋଗ ଦାଖଲ କରିଥିଲା ତାହା ଖାରଜ ହୋଇଯାଇଇଛି ବୋଲି ଆୟକର ବିଭାଗ ଭାବିଛି। ତେଣୁ ବିଭାଗ ଏଭଳି ନୋଟିସ ପଠାଇଛି। କିନ୍ତୁ ଏହା ସମ୍ପୂର୍ଣ୍ଣ ଭୂଲ। କୌଣସି ଆବେଦନ ଖାରଜ ହୋଇ ନାହିଁ। ଏହା ଏବେ ବି ଚାଲିଛି ଏବଂ ମାମଲା ବିଚାରାଧୀନ ଅଛି।” ତେବେ ଏହି ନିର୍ଦ୍ଦେଶ ସମ୍ପୂର୍ଣ୍ଣ ତ୍ରୁଟିପୂର୍ଣ୍ଣ। ଏଥିପାଇଁ କମ୍ପାନୀ ଆଇନର ସହାୟତା ନେବ ବୋଲି କହିଛି। ପଢନ୍ତୁ- ଏଟିଏମ୍‌ରେ ଟଙ୍କା ଉଠାଣ ଚାର୍ଜ ବଢ଼ାଇବା ନେଇ କେନ୍ଦ୍ରକୁ କଂଗ୍ରେସର ଟାର୍ଗେଟ୍‌: ପୂରା ହିସାବ ଦେଲେ ଖଡ଼ଗେ ବିବୃତ୍ତିରେ କମ୍ପାନୀ ଆହୁରି କହିଛି ଯେ “ଆୟକର କର୍ତ୍ତୃପକ୍ଷଙ୍କ ଦ୍ୱାରା ଦିଆଯାଇଥିବା ଜରିମାନା ଆଦେଶ ଆଇନ ଅନୁଯାୟୀ ନୁହେଁ ବୋଲି କମ୍ପାନୀର ଦୃଢ଼ ବିଶ୍ୱାସ। ଏବଂ ଏହା ତ୍ରୁଟିପୂର୍ଣ୍ଣ ଏବଂ ଅଯଥା। ତେଣୁ, କମ୍ପାନୀ ଏହାକୁ ବିରୋଧ କରିବ ଏବଂ ଉପରୋକ୍ତ ଆଦେଶ ବିରୁଦ୍ଧରେ ଉପଯୁକ୍ତ ଆଇନଗତ ପ୍ରତିକାର ଗ୍ରହଣ କରିବ। ତେଣୁ, ଉକ୍ତ ଆଦେଶ କମ୍ପାନୀର ଆର୍ଥିକ, କାର୍ଯ୍ୟ କିମ୍ବା ଅନ୍ୟାନ୍ୟ କାର୍ଯ୍ୟକଳାପ ଉପରେ କୌଣସି ଗୁରୁତ୍ୱପୂର୍ଣ୍ଣ ପ୍ରଭାବ ପକାଇବ ନାହିଁ।” ଆୟକର ନିର୍ଦ୍ଦେଶ ପାଇବା ପରେ, ଇଣ୍ଡିଗୋର ଶେୟାର ୦.୩୨ ପ୍ରତିଶତ ହ୍ରାସ ପାଇ ୫,୧୧୩ ଟଙ୍କାରେ ସ୍ଥିର ରହିଥିଲା। ବର୍ତ୍ତମାନର କାରବାର ଅନୁସାରେ, ଏୟାରଲାଇନ୍ସର ଷ୍ଟକ୍ ସ୍ଥିରତା ଦେଖାଇଛି ଏବଂ ବର୍ଷ ତମାମ ଆଧାରରେ ପ୍ରାୟ ୧୧.୩୬ ପ୍ରତିଶତ ବୃଦ୍ଧି ପାଇଛି।

ମିଚେଲ୍ ଷ୍ଟାର୍କଙ୍କ ଘାତକ ବୋଲିଂ, ସନରାଇଜର୍ସ ହାଇଦ୍ରାବାଦର ସମ୍ମାନ ରଖିଲେ ଅନିକେତ

ବିଶାଖାପଟନମ: ମିଚେଲ୍ ଷ୍ଟାର୍କ ଓ କୁଲଦୀପ ଯାଦବଙ୍କ ଘାତକ ବୋଲିଂ। ସର୍ବଦା ବିଶାଳ ସ୍କୋର କରୁଥିବା ସନରାଇଜର୍ସ ହାଇଦ୍ରାବାଦ ଆଜି ଆଣ୍ଠେଇଛି। ଟପ୍ ଅର୍ଡର ବ୍ୟାଟରଙ୍କ ବିଫଳତା ସତ୍ତ୍ଵେ ଅନିକେତ ବର୍ମାଙ୍କ ଆକର୍ଷଣୀୟ ଅର୍ଦ୍ଧଶତକ ଇନିଂସ ବଳରେ ସମ୍ମାନଜନକ ସ୍କୋର କରି ପାରିଛି ସନରାଇଜର୍ସ ହାଇଦ୍ରାବାଦ। ଟସ୍ ଜିତି ପ୍ରଥମେ ବ୍ୟାଟିଂ କରିଥିବା ଏସଆରଏଚ ଆଇପିଏଲ୍‌ର ୧୦ମ ମ୍ୟାଚ୍‌ରେ ୧୬୩ ରନରେ ଅଲଆଉଟ୍ ହୋଇଛି। ଦଳ ପକ୍ଷରୁ ଅନିକେତ ବର୍ମା ୭୪ ରନର ଦମଦାର ଇନିଂସ ଖେଳିଛନ୍ତି। ହେନରିକ କ୍ଲାସେନ ୩୨ ରନ ଓ ଟ୍ରେଭିସ୍ ହେଡ୍ ୨୨ ରନ କରିଛନ୍ତି। ଦିଲ୍ଲୀ କ୍ୟାପିଟାଲ୍ସ ସାମ୍ନାରେ ୧୬୪ ରନର ବିଜୟ ଲକ୍ଷ୍ୟ ରହିଛି। ମିଚେଲ୍ ଷ୍ଟାର୍କ ନିଜ ଆଇପିଏଲ୍ କ୍ୟାରିୟରରେ ସର୍ବଶ୍ରେଷ୍ଠ ବୋଲିଂ କରି ୩୫ ରନ ଦେଇ ୫ଟି ସଫଳତା ପାଇଛନ୍ତି। କୁଲଦୀପ ଯାଦବ ୨୨ ରନ ଦେଇ ୩ଟି ଓ୍ଵିକେଟ୍ ନେଇଛନ୍ତି। Also read: ଧୋନୀଙ୍କୁ ପରାମର୍ଶ ଦେବାର ନାହିଁ ସାହାସ, CSK ମ୍ୟାନେଜମେଣ୍ଟକୁ ଖୁବ୍ ଶୁଣାଇଲେ ପୂର୍ବତନ ଖେଳାଳି ପ୍ରଥମେ ବ୍ୟାଟିଂ କରିଥିବା ଏସଆରଏଚର ଆରମ୍ଭ ନୈରାଶ୍ୟଜନକ ଥିଲା। ୧୧ ରନ ସ୍କୋରରେ ଅଭିଷେକ ଶର୍ମା(୧ ରନ), ୨୦ ରନ ସ୍କୋରରେ ଇଶାନ କିଶନ(୨) ଓ ୨୫ ରନ ସ୍କୋରରେ ନୀତିଶ ରେଡ୍ଡୀ(୦) ଆଉଟ୍ ହୋଇଥିଲେ। ଏହା ପରେ ଫର୍ମରେ ଥିବା ଟ୍ରେଭିସ ହେଡ ୨୨ ରନ କରି ଆଉଟ୍ ହୋଇଥିଲେ। ୩୭ ରନରେ ୪ ଓ୍ଵିକେଟ୍ ହରାଇ ମୁସ୍କିଲରେ ପଡ଼ିଥିବା ଏସଆରଏଚ ଇନିଂସକୁ ସମ୍ଭାଳିଥିଲେ ଅନିକେତ ବର୍ମା। ଅନିକେତ ଓ ହେନରିକ କ୍ଲାସେନ ଦ୍ରୁତ ବ୍ୟାଟିଂ କରି ଦଳର ସ୍କୋରକୁ ୧୦୦ ପାର ପହଞ୍ଚାଇଥିଲେ। ଦୁହେଁ ୫ମ ଓ୍ଵିକେଟ୍ ପାଇଁ ୭୭ ରନ ଯୋଡ଼ିଥିଲେ। କ୍ଲାସେନ ୧୯ ବଲ୍‌ରୁ ୩୨ ରନର ଉପଯୋଗୀ ରନ କରିଥିଲେ। ଗୋଟିଏ ପଟେ ଓ୍ଵିକେଟ୍ ଖସି ଚାଲିଥିଲେ ହେଁ ଅନିକେତ ବିସ୍ଫୋରକ ବ୍ୟାଟିଂ ଜାରି ରଖିଥିଲେ। ନିମ୍ନକ୍ରମରେ କୌଣସି ବ୍ୟାଟର କ୍ରିଜରେ ତିଷ୍ଠି ପାରି ନ ଥିଲେ। ଅନିକେତ ୪୧ ବଲରୁ ୫ ଚୌକା ଓ ୬ ଛକା ସହ ୭୪ ୫ ରନର ଦମଦାର ଇନିଂସ ଖେଳିଥିଲେ। ଫଳରେ ଏସଆରଏଚ ୧୬୩ ରନ ସ୍କୋରରେ ପହଞ୍ଚି ପାରିଥିଲା।ଦଳ ୧୮.୪ ଓଭରରେ ଅଲଆଉଟ୍ ହୋଇଥିଲା। ବୋଲିଂରେ ଦିଲ୍ଲୀ ପକ୍ଷରୁ ମିଚେଲ୍ ଷ୍ଟାର୍କ ଶାଣିତ ବୋଲିଂ କରିଥିଲେ। ସେ ନିଜ ଆଇପିଏଲ୍ କ୍ୟାରିୟରରେ ସର୍ବଶ୍ରେଷ୍ଠ ବୋଲିଂ କରି ପ୍ରଥମ ଥର ୫ ଓ୍ଵିକେଟ୍ ଅକ୍ତିକାର କରିଛନ୍ତି। କୁଲଦୀପ ଯାଦବ ୨୨ ରନ ଦେଇ ୩ଟି ଓ୍ଵିକେଟ୍ ନେଇଛନ୍ତି।

ମୃତ ଯାତ୍ରୀଙ୍କ ପରିଚୟ ମିଳିଲା ; ମୃତ ଶୁଭଙ୍କର ରାୟଙ୍କ ଘର ପଶ୍ଚିମବଙ୍ଗରେ

କନକ ବ୍ୟୁରୋ: କଟକ ଚୌଦ୍ବାର ନିର୍ଗୁଣ୍ଡିରେ ଘଟିଥିବା ଟ୍ରେନ୍ ଲାଇନଚ୍ୟୁତ ଘଟଣାରେ ମୃତ ଯାତ୍ରୀଙ୍କ ପରିଚୟ ମିଳିଛି । ମୃତକ ହେଉଛନ୍ତି ଶୁଭଙ୍କର ରାୟ । ତାଙ୍କ ଘର ପଶ୍ଚିମବଙ୍ଗରେ ବୋଲି ଜଣାପଡିଛି । ସମୟ ଦିନ ୧୧ଟା ୪୫ । ଆଗକୁ ବଢ଼ୁଥିଲା କାମାକ୍ଷା ଏକ୍ସପ୍ରେସ୍ । ବେଙ୍ଗାଲୁରରୁ ଆସାମ ଗୌହାଟୀ ଯାଉଥିବା ଏହି ଏକ୍ସପ୍ରେସ ମାତ୍ର ଅଳ୍ପ କିଛି ସମୟ ପୂର୍ବରୁ ନିର୍ଗୁଣ୍ଡି ଷ୍ଟେସନରୁ ଛାଡ଼ିଥିଲା । ହେଲେ ହଠାତ୍ ଟ୍ରେନରେ ଭିତରେ ବସିଥିବା ଯାତ୍ରୀମାନେ ଝଟକା ଅନୁଭବ କଲେ। କ’ଣ ଘଟିଲା ବୋଲି ସେମାନେ ଭୟଭୀତ ହୋଇପଡ଼ିଥିଲେ। ସେତେବେଳେ ଟ୍ରେନ୍ ଲାଇନଚ୍ୟୁତ ହୋଇଥିଲା। ଗୋଟିଏ ପରେ ଗୋଟିଏ ବଗି ଲାଇନଚ୍ୟୁତ ହେଲା । ମୋଟ୍ ୧୧ଟି ବଗି ଟ୍ରାକ ତଳକୁ ଚାଲିଗଲା । ସବୁକିଛି ଯେମିତି କିଛି ମିନିଟ୍ ଭିତରେ ଓଲଟପାଲଟ ହୋଇଗଲା। ଦୁର୍ଘଟଣା ପରେ ତୁରନ୍ତ ଘଟଣାସ୍ଥଳକୁ ଉଦ୍ଧାରକାରୀ ଦଳ ପହଞ୍ଚିଥିଲେ । ଏନଡିଆରଏଫ ଓ ଅଗ୍ନିଶମ ବାହିନୀର ସଦସ୍ୟ ପହଞ୍ଚି ଉଦ୍ଧାରକାର୍ଯ୍ୟ ଆରମ୍ଭ କରିଥିଲେ। ଜଣକ ପରେ ଜଣେ ଆହତଙ୍କୁ ମେଡିକାଲକୁ ସ୍ଥାନାନ୍ତରିତ କରାଗଲା । ଜଣେ ଗୁରୁତର ଯାତ୍ରୀଙ୍କୁ ହସ୍ପିଟାଲରେ ମୃତ ଘୋଷଣା କଲେ ଡାକ୍ତର । ଅନ୍ୟ ୬ ଆହତଙ୍କ ଚିକିତ୍ସା ଚାଲିଛି। ଜଣଙ୍କୁ ପ୍ରାଥମିକ ଚିକିତ୍ସା ପରେ ଛାଡ଼ିଦିଆଯାଇଛି । ତେବେ ଦୁର୍ଘଟଣା କେମିତି ଘଟିଲା ଏଯାଏଁ ସ୍ପଷ୍ଟ ହୋଇପାରିନାହିଁ । ଉଚ୍ଚସ୍ତରୀୟ ତଦନ୍ତ ପାଇଁ ନିର୍ଦ୍ଦେଶ ଦିଆଯାଇଛି । ଟ୍ରେନ୍ ଦୁର୍ଘଟଣା ନେଇ ମୁଖ୍ୟମନ୍ତ୍ରୀ ମୋହନ ମାଝୀ ଚିନ୍ତାପ୍ରକଟ କରିଛନ୍ତି । ଏହାସହ ଆସାମ ମୁଖ୍ୟମନ୍ତ୍ରୀ ହିମନ୍ତ ବିଶ୍ବଶର୍ମା ମଧ୍ୟ ଟୁଇଟ୍ କରି ଚିନ୍ତାପ୍ରକଟ କରିବା ସହ ଓଡ଼ିଶା ସରକାରଙ୍କ ସହ ଯୋଗାଯୋଗରେ ଥିବା କହିଛନ୍ତି। ଉଦ୍ଧାରକାର୍ଯ୍ୟ ଜାରି ରହିଥିବା ବେଳେ ୫ଟି ଟ୍ରେନର ଗତିପଥ ପରିବର୍ତ୍ତନ କରାଯାଇଛି। ସେପଟେ କାମାକ୍ଷା ଏକ୍ସପ୍ରେସରେ ଯାତ୍ରୀଙ୍କ ପାଇଁ ଗୋଟିଏ ସ୍ବତନ୍ତ୍ର ଟ୍ରେନର ବ୍ୟବସ୍ଥା କରାଯାଇଛି, ଯାହା ଯାତ୍ରୀଙ୍କୁ ସେମାନଙ୍କ ଗନ୍ତବ୍ୟସ୍ଥଳ ଗୌହାଟୀକୁ ନେଉଛି ।

Kamakhya Express Derail: ଯାତ୍ରୀଙ୍କ ପାଇଁ ଘୋଷଣା ହେଲା ସ୍ବତନ୍ତ୍ର ଟ୍ରେନ, ଭୁବନେଶ୍ୱରରୁ କାମାକ୍ଷା ଯିବ

ଭୁବନେଶ୍ବର: କାମାକ୍ଷା ଏକ୍ସପ୍ରେସ୍‌ ଲାଇନ୍‌ଚ୍ୟୁତ ଘଟଣାରେ ଜଣଙ୍କର ମୃତ୍ୟୁ ହୋଇଥିବା ବେଳେ 7ଜଣ ଗୁରୁତର ହୋଇଛନ୍ତି । ସେମାନଙ୍କୁ ହସ୍ପିଟାଲରେ ଭର୍ତ୍ତି କରାଯାଇଛି । ତେବେ ଅନେକ ଯାତ୍ରୀ ଦୁର୍ଘଟଣା ପରେ ଫସି ରହିଥିବା ବେଳେ ସେମାନଙ୍କ ପାଇଁ ଏକ ସ୍ବତନ୍ତ୍ର ଟ୍ରେନର ବ୍ୟବସ୍ଥା କରାଯାଇଛି । ସୂଚନା ଅନୁସାରେ, ଭୁବନେଶ୍ବରରୁ ଏହି ଟ୍ରେନ ବାହାରି ଦୁର୍ଘଟଣାସ୍ଥଳ କଟକ ମଙ୍ଗୁଳି ଅଭୁମୁଖେ ଯାତ୍ରା କରିଛି । ସେଠାରୁ ଯାତ୍ରୀଙ୍କୁ ନେଇ କାମାକ୍ଷା ଯିବ । ସମସ୍ତ ଯାତ୍ରୀଙ୍କୁ […]

ନିର୍ଗୁଣ୍ଡି ଟ୍ରେନ୍ ଦୁର୍ଘଟଣା ; ତଦନ୍ତ କରିବ ଉଚ୍ଚସ୍ତରୀୟ କମିଟି

କନକ ବ୍ୟୁରୋ: ଚୌଦ୍ବାର ନିର୍ଗୁଣ୍ଡି ନିକଟରେ କେମିତି ଘଟିଲା ଟ୍ରେନ୍ ଦୁର୍ଘଟଣା, ଏହାର ତଦନ୍ତ ପାଇଁ ନିର୍ଦ୍ଦେଶ ଦିଆଯାଇଛି। ଉଚ୍ଚସ୍ତରୀୟ କମିଟି ଏହାର ତଦନ୍ତ କରିବ। ଏହି ଦୁର୍ଘଟଣାରେ ମୁଖ୍ୟମନ୍ତ୍ରୀ ମୋହନ ମାଝୀ ମଧ୍ୟ ଦୁଃଖ ପ୍ରକାଶ କରିଛନ୍ତି। ଏହାସହ ଆସାମ ମୁଖ୍ୟମନ୍ତ୍ରୀ ମଧ୍ୟ ଟୁଇଟ୍ କରି ଚିନ୍ତାପ୍ରକଟ କରିଛନ୍ତି । ଟ୍ରାକରୁ ଖସିଲା ଟ୍ରେନ। କଟକରେ ଲାଇନଚ୍ୟୁତ ହୋଇଛି ଏକ୍ସପ୍ରେସ ଟ୍ରେନ । କଟକ ନିର୍ଗୁଣ୍ଡି ନିକଟରେ କାମାକ୍ଷା ଏକ୍ସପ୍ରେସ ଟ୍ରେନ ଆଜି ଦିନ ୧୧ଟା ୫୪ ମିନିଟରେ ଲାଇନଚ୍ୟୁତ ହୋଇଛି । ଜଣେ ଯାତ୍ରୀଙ୍କର ମୃତ୍ୟୁ ହୋଇଛି । ୮ ଜଣ ଯାତ୍ରୀ ଆହତ ହୋଇଛନ୍ତି । ଆମ୍ବୁଲାନ୍ସ ଯୋଗେ ଆହତ ମାନଙ୍କୁ କଟକ ଏସ୍‌ସିବି ମେଡିକାଲରେ ଭର୍ତ୍ତି କରାଯାଇ ଚିକିତ୍ସା କରାଯାଉଛି । ଟ୍ରାକରୁ ଖସିଯାଇଛି ଟ୍ରେନର ୧୧ଟି ବଗି । କଟକ ଜିଲ୍ଲାପାଳ ଦତ୍ତାତ୍ରେୟ ଭାଉସାହେବ ସିନ୍ଦେ, ଗ୍ରାମାଞ୍ଚଳ ଏସପି ପ୍ରତୀକ ସିଂ ଏବଂ ରେଲୱେର ବରିଷ୍ଠ ଅଧିକାରୀ ମାନେ ଘଟଣାସ୍ଥଳରେ ପହଞ୍ଚି ସ୍ଥିତି ଅନୁଧ୍ୟାନ କରିଛନ୍ତି। ପୂର୍ବତଟ ରେଳପଥ ପକ୍ଷରୁ ହେଲପଲାଇନ୍ ନମ୍ବର ଜାରି କରାଯାଇଛି। ଏହାସହ ଯାତ୍ରୀଙ୍କୁ ସେମାନଙ୍କ ଗନ୍ତବ୍ୟସ୍ଥଳରେ ପହଞ୍ଚାଇବାକୁ ଗୌହାଟୀକୁ ଚାଲିଲା ସ୍ବତନ୍ତ୍ର ଟ୍ରେନ୍।

ଘିବଲି ଆନିମେ ଷ୍ଟାଇଲ କଣ? ସୋସିଆଲ ମିଡିଆରେ ଟ୍ରେଣ୍ଡିଂ ଫଟୋ

ନୂଆଦିଲ୍ଲୀ: OpenAI ବର୍ତ୍ତମାନ ଏହାର ନୂତନ ଇମେଜ୍ ଜେନେରେସନ୍ ଟୁଲ୍ GPT-4o ଲଞ୍ଚ କରିଛି ଯାହା ବ୍ୟବହାରକାରୀମାନଙ୍କୁ ସେମାନଙ୍କର ପ୍ରିୟ ଛବିଗୁଡ଼ିକୁ ସ୍ୱତନ୍ତ୍ର Ghibli ଆନିମେ ଶୈଳୀରେ ରୂପାନ୍ତରିତ କରିବାକୁ ଅନୁମତି ଦିଏ । ଏହି ଉପକରଣରେ ତିଆରି ହୋଇଥିବା ଫଟୋଗୁଡ଼ିକ ଇଣ୍ଟରନେଟରେ ଭାଇରାଲ ହେଉଛି । ସମସ୍ତେ ନିଜ ନିଜ ଡିପିରେ ଏହି ଫଟୋ ରଖୁଛନ୍ତି । ପ୍ରକୃତରେ, GPT-4o ହେଉଛି OpenAIର ନୂତନ ଉନ୍ନତ AI ମଡେଲ୍ ଯେଉଁଥିରେ ‘Images in ChatGPT’ ନାମକ […]

Chaitra Navratri Bhog 2025: ନବରାତ୍ରୀରେ ପ୍ରତିଦିନ ମାଆଙ୍କୁ ଲଗାନ୍ତୁ ଏହି ଭୋଗ, ପ୍ରସନ୍ନ ହେବେ ମାଆ

ନୂଆଦିଲ୍ଲୀ: ଆଜି 30 ମାର୍ଚ୍ଚରୁ ପବିତ୍ର ଚୈତ୍ର ନବରାତ୍ରି ପର୍ବ ଆରମ୍ଭ ହୋଇଛି । ଏହା ସହିତ, ସବୁଠି ଏକ ଭକ୍ତିପୂର୍ଣ୍ଣ ପରିବେଶ ଦେଖିବାକୁ ମିଳୁଛି । ଚୈତ୍ର ନବରାତ୍ରିର ନଅ ଦିନ ମଧ୍ୟରେ, ଦେବୀ ଦୁର୍ଗାଙ୍କ ନଅଟି ଭିନ୍ନ ରୂପକୁ ବିଧିବଦ୍ଧ ଭାବରେ ପୂଜା କରାଯାଏ । ବିଶ୍ୱାସ କରାଯାଏ ଯେ ନବରାତ୍ରି ସମୟରେ ଦେବୀଙ୍କ ପୂଜା କରିବା ଏବଂ ପ୍ରକୃତ ଭକ୍ତିର ସହିତ ମାତା ରାଣୀଙ୍କ ନାମରେ ଉପବାସ ରଖିବା ଦ୍ୱାରା ଭକ୍ତମାନେ ସମସ୍ତ […]

ଏକ୍ସପ୍ରେସ ଦୁର୍ଘଟଣାର ତଦନ୍ତ କରିବ ଉଚ୍ଚସ୍ତରୀୟ କମିଟି, ଦୁଃଖ ପ୍ରକାଶ କଲେ ମୁଖ୍ୟମନ୍ତ୍ରୀ

ଭୁୁବନେଶ୍ୱର: କାମାକ୍ଷା ଏକ୍ସପ୍ରେସ ଦୁର୍ଘଟଣାକୁ ନେଇ ସିପିଆର ନିଜର ପ୍ରତିକ୍ରିୟା ପ୍ରକାଶ କରିଛନ୍ତି । ସେ କହିଛନ୍ତି ଯେ, ‘ତଦନ୍ତ ପାଇଁ ଉଚ୍ଚସ୍ତରୀୟ କମିଟି ଗଠନ ହୋଇଛି । ତଦନ୍ତ ରିପୋର୍ଟ ପରେ ଏକ୍ସପ୍ରେସ ଦୁର୍ଘଟଣାର କାରଣ ଜଣାପଡିବ । ତେବେ ନିର୍ଗୁଣ୍ଡି ଦୁର୍ଘଟଣାସ୍ଥଳରେ ଉଦ୍ଧାରକାର୍ଯ୍ୟ ଶେଷ ହୋଇଛି । ଏହି ଉଦ୍ଧାରକାର୍ଯ୍ୟରେ ଲାଗିଥିଲେ ଏନଡିଆରଏଫ ଓ ଅଗ୍ନିଶମ ବାହିନୀ । ଏପର୍ଯ୍ୟନ୍ତ ଉଦ୍ଧାରକାର୍ଯ୍ୟ ସରିଥିବା ନେଇ କଟକ ଜିଲ୍ଲାପାଳ ସୂଚନା ଦେଇଛନ୍ତି । ଅନ୍ୟପଟେ ଯାତ୍ରୀଙ୍କୁ […]

ଜଷ୍ଟିସ୍ ଯଶୱନ୍ତ ବର୍ମାଙ୍କ ଘରୁ ବାହାରିଥିବା ପଇସା କାହାର ? ସିବିଆଇ ବି ପାରୁନି ଧରି

କନକ ବ୍ୟୁରୋ :ଦିଲ୍ଲୀ ହାଇକୋର୍ଟର ପୂର୍ବତନ ବିଚାରପତି ଯଶୱନ୍ତ ବର୍ମାଙ୍କ ଘରେ ହୋଇଥିବା ଟଙ୍କା ଦୁର୍ନୀତିର ପ୍ରତିଫଳନ ସଂସଦରେ ପହଞ୍ଚିଛି । ଆଇନ ଶୃଙ୍ଖଳା ପରିସ୍ଥିତି ଉପରେ ମଧ୍ୟ ପ୍ରଶ୍ନ ଉଠାଯାଉଛି । ସୁପ୍ରିମକୋର୍ଟ ତଦନ୍ତ ପାଇଁ ଗୋଟିଏ ତିନି ଜଣିଆ ଦଳ ଗଠନ କରିଛନ୍ତି କିନ୍ତୁ ଏଫଆଇଆର ଦାଖଲ କରିବାକୁ ମନା କରିଦେଇଛନ୍ତି । ଟଙ୍କା ଦୁର୍ନୀତିର ୧୫ ଦିନ ପରେ ମଧ୍ୟ ତାଙ୍କ ଘରୁ ମିଳିଥିବା ଟଙ୍କା ଉପରେ ଏପର୍ଯ୍ୟନ୍ତ କେହି ଦାବିଦାର ସାମ୍ନାକୁ ଆସିନାହାନ୍ତି । କାରଣ, ବିଚାରପତି ପୂର୍ବରୁ କହିସାରିଛନ୍ତି ଯେ ସେହି ସେହି ଟଙ୍କା ସହ ତାଙ୍କର କିମ୍ବା ତାଙ୍କ ପରିବାର କୌଣସି ସମ୍ପର୍କ ନାହିଁ । ବର୍ତ୍ତମାନ ତାଙ୍କୁ ଆହ୍ଲାବାଦ ହାଇକୋର୍ଟକୁ ବଦଳି କରାଯାଇଛି କିନ୍ତୁ ସେଠାକାର ବାର କାଉନସିଲ ତାଙ୍କ ନିଯୁକ୍ତିକୁ ବିରୋଧ କରିଛି । ପ୍ରକୃତରେ,ବିଚାରପତି ବର୍ମାଙ୍କ ଘରେ ଜଳିଯାଥିବା ନୋଟ୍ ସମ୍ପର୍କରେ କେହି କୌଣସି ଦାବି କରିନାହାଁନ୍ତି । ଏହା କାହାର ନୋଟ୍ ଥିଲା ତାହା ପ୍ରମାଣ କରିବା ତଦନ୍ତକାରୀ ସଂସ୍ଥାଗୁଡ଼ିକ ପାଇଁ ବହୁତ କଷ୍ଟକର ହୋଇପଡୁଛି । ଆଜି ଏହି ମାମଲାରେ ତାଙ୍କୁ କ୍ଲିନ୍ ଚିଟ୍ ମିଳିଛି । ଜଷ୍ଟିସ୍ ବର୍ମାଙ୍କ ଘରୁ ଜବତ୍‌ ହୋଇଥିବା ରାଶି ସରକାରୀ କୋଷାଗାରରେ ଜମା କରାଯିବ । ମାର୍ଚ୍ଚ ୧୪ ତାରିଖରେ ଜଷ୍ଟିସ ବର୍ମାଙ୍କ ଦିଲ୍ଲୀସ୍ଥିତ ବାସଭବନରେ ନିଆଁ ଲାଗିଥିଲା । ଅଗ୍ନିଶମ ବାହିନୀ ପହଞ୍ଚି ନିଆଁ ଲିଭାଇଥିଲା । ତେବେ ଏହି ସମୟରେ ବିପୁଳ ପରିମାଣରେ ନଗଦ ଟଙ୍କା ପୋଡିଯାଉଥିବାର ଭିଡିଓ ସାମ୍ନାକୁ ଆସିଥିଲା । ଏହାକୁ ନେଇ ଦିଲ୍ଲୀ ହାଇକୋର୍ଟ ପକ୍ଷରୁ ମଧ୍ୟ ଏକ ଅନ୍ତରୀଣ ତଦନ୍ତ ମାର୍ଚ୍ଚ ୨୦ରେ ଆରମ୍ଭ ହୋଇଥିଲା । ଏସବୁ ଭିତରେ ଜଷ୍ଟିସ୍ ବର୍ମାଙ୍କୁ ଆହ୍ଲାବାଦ ହାଇକୋର୍ଟକୁ ବଦଳି କରାଯିବା ବିବାଦକୁ ବଢ଼ାଇ ଦେଇଛି ।

କଳାହାଣ୍ଡିରେ ଅନ୍ତ୍ୟୋଦୟ ଗୃହ ଯୋଜନାର ରାଜ୍ୟସ୍ତରୀୟ ଶୁଭାରମ୍ଭ କଲେ ମୁଖ୍ୟମନ୍ତ୍ରୀ, 3 ବର୍ଷରେ ଦିଆଯିବ 5 ଲକ୍ଷ ଘର 

ଭୁବନେଶ୍ୱର: 70 ଦଶକରୁ ଆଜି ପର୍ଯ୍ୟନ୍ତ ଘର ଖଣ୍ଡିଏ ପାଇବା ଗରିବ ଓ ସାଧାରଣ ଲୋକଙ୍କ ପାଇଁ ବଡ ସମସ୍ୟା ହୋଇ ରହିଛି। ଆଜି ମଧ୍ୟ ଅନେକଙ୍କ ମୁଣ୍ଡ ଗୁଞ୍ଜିବା ପାଇଁ ଘର ଖଣ୍ଡିଏ ବି ନାହିଁ। ଏ ସମସ୍ୟାର ସମାଧାନ ହେବ ଏବଂ ସମସ୍ତଙ୍କୁ ପକ୍କା ଘର ମିଳିବ। ଅନ୍ତ୍ୟୋଦୟ ଗୃହ ଯୋଜନାରେ ସବୁଠାରୁ ଗରିବ ଓ ଅସହାୟ ଲୋକଙ୍କ ପାଇଁ ଘର ଦିଆଯିବ । ଆଜି କଳାହାଣ୍ଡିର ଭବାନୀପାଟଣାରେ ଅନ୍ତ୍ୟୋଦୟ ଗୃହ ଯୋଜନାର ଶୁଭାରମ୍ଭ […]

ମହାପ୍ରଭୁଙ୍କ ଖସାପଡ଼ା ନୀତି ପାଇଁ ଆସନ୍ତାକାଲି ବନ୍ଦ ରହିବ ସାଧାରଣ ଦର୍ଶନ

ପୁରୀ : ସୋମବାର ମହାପ୍ରଭୁଙ୍କ ଖସାପଡ଼ା ଲାଗି ନୀତି ଅନୁଷ୍ଠିତ ହେବ । ଠାକୁରଙ୍କ ଦ୍ୱିତୀୟ ଭୋଗମଣ୍ଡପ ନୀତି ପରେ ଏହି ସ୍ୱତନ୍ତ୍ର ବିଧି ହେବ । ମହାପ୍ରଭୁଙ୍କ ଦଇତାପତି ସେବକମାନେ ଏହି ନୀତି ସମ୍ପାଦନ କରିଥାନ୍ତି । ଶ୍ରୀବିଗ୍ରହଙ୍କ ଶ୍ରୀଅଙ୍ଗ ସୁରକ୍ଷା ପାଇଁ ଏହି ନୀତି କରାଯାଏ । ଏହା ଠାକୁରଙ୍କ ଏକ ଗୁପ୍ତ ନୀତି ଓ ବର୍ଷକେ ଏକାଧିକ ଥର ସମ୍ପନ୍ନ ହୁଏ । ଏହି ନୀତି ସମୟରେ ମହାପ୍ରଭୁଙ୍କ ଦର୍ଶନ କଟକଣା ରହିବ। […]

ନିର୍ଗୁଣ୍ଡି  ଟ୍ରେନ୍ ଲାଇନଚ୍ୟୁତ ଘଟଣା; ଉଦ୍ଧାର କାର୍ଯ୍ୟ ଜାରି ରଖିଛି ଏନଡିଆରଏଫ ଓ ଫାୟାର ଟିମ୍

କନକ ବ୍ୟୁରୋ: ବେଙ୍ଗାଲୁରୁ କାମାକ୍ଷା ଏକ୍ସପ୍ରେସ ଲାଇନଚ୍ୟୁତ । ଟ୍ରାକରୁ ଖସିଲା ଏଗାର ବଗି । ଦୁର୍ଘଟଣାରେ କେହି ମୃତାହତ ହୋଇ ନଥିବା ସୂଚନା ରହିଛି । ହେଲେ କୌଣସି ଜନଜୀବନ ହାନି ସୂଚନା ନଥିବାବେଳେ ଆହତଙ୍କ ସଂଖ୍ୟା ବଢୁଥିବା ସୂଚନା ରହିଛି । ଏପରି ସ୍ଥଳେ ମେଡ଼ିକାଲ ଟିମ୍ ସହ ଏନଡିଆରଏଫ ଓ ଫାୟାର ଟିମ୍ ସେଠାରେ ଉଦ୍ଧାର କାର୍ଯ୍ୟ ଜାରି ରଖିଛନ୍ତି । ଆହତଙ୍କୁ ତୁରନ୍ତ ଏସସିବି ସ୍ଥାନାନ୍ତର କରାଯାଉଛି। ଯେଉଁ ଯାତ୍ରୀମାନେ ସେଠାରେ ରହିଛନ୍ତି ସେମାନଙ୍କୁ କିଭଳି ତାଙ୍କ ଗନ୍ତବ୍ୟ ସ୍ଥଳକୁ ପହଞ୍ଚାଇହେବ ସେ ବ୍ୟବସ୍ଥା କରାଯାଉଛି । ଚୌଦ୍ବାର ନିର୍ଗୁଣ୍ଡି ନିକଟରେ ଏହି ଦୁର୍ଘଟଣା ଘଟିଛି । ଏଗାର ବଗି ଲାଇନଚ୍ୟୁତ ହୋଇଥିବା ବେଳେ କାହାରି ମୃତ୍ୟୁ ଘଟି ନଥିବା ସିପିଆରଓ ବିଶ୍ବଜିତ ସାହୁ ସୂଚନା ଦେଇଛନ୍ତି ,ଏବେ ସୁଦ୍ଧା କୌଣସି କ୍ଷୟକ୍ଷତି ସୂଚନା ମିଳିନଥିବା ବେଳେ ଯାତ୍ରୀମାନେ ଭୟରେ ବାହାରକୁ ଦୌଡିଥିଲେ । ଟ୍ରେନ୍‌ର ଏଗାର ବଗି ଲାଇନଚ୍ୟୁତ ହୋଇଥିବା ନେଇ ସୂଚନା ମିଳିଛି । ଖବର ପାଇଁ ରେଳବାଇ ପୋଲିସ ଘଟଣାସ୍ଥଳରେ ପହଞ୍ଚିଛି । ତେବେ କେଉଁ ପରିସ୍ଥିତିରେ ଏଭଳି ଅଘଟଣ ଘଟିଲା ସେ ନେଇ କୌଣସି ସୂଚନା ମିଳିନଥିବା ବେଳେ ତଦନ୍ତ ପରେ ସ୍ପଷ୍ଟ ହେବ । ଭୀଷଣ ଡହ ଡ଼ହ ଖରାରେ ହନ୍ତସନ୍ତ ହେଉଛନ୍ତି ଯାତ୍ରୀ । କେତେବେଳେ ଟ୍ରେନ ଚଳାଚଳ ସ୍ୱଭାବିକ ହେବ ତାର ମଧ୍ୟ ସୂଚନା ନାହିଁ । ସେପଟେ ଏନେଇ ଏଗାରଟି ବଗି ଲାଇନଚ୍ୟୁତ ହୋଇଥିବା ସୂଚନା ଦେଇଛନ୍ତି ସିପିଆରଓ । ଏହା ଭିତରେ ଏସି ବଗି ଗୁଡିକ ରହିଥିବା କହିଛନ୍ତି ପୂର୍ବତଟ ରେଳପଥ ଅଧିକାରୀ ।ଏହାସହ ରେଳ ଇଷ୍ଟକୋଷ୍ଟ ରେଲୱେ ପକ୍ଷରୁ ହେଲ୍ପଲାଇନ୍ ନମ୍ବର ଜାରି କରାଯାଇଛି। କଟକ ପାଇଁ ହେଲ୍ପଲାଇନ୍ ନଂ -୮୯୯୧୧୨୪୨୩୮ ଭୁବନେଶ୍ୱର ପାଇଁ ହେଲ୍ପଲାଇନ୍ ନଂ -୮୪୫୫୮୮୫୯୯୯ ଭଦ୍ରକ ପାଇଁ ହେଲ୍ପଲାଇନ୍ ନଂ -୯୪୩୭୪୪୩୪୬୯ ଦୁର୍ଘଟଣାସ୍ଥଳ ପାଇଁ ନଂ-୮୯୯୧୧୨୪୨୩୮ ଖୋର୍ଦ୍ଧା ପାଇଁ ହେଲ୍ପଲାଇନ୍‌ ନଂ -୦୬୭୪୨୪୯୨୨୪୫

ଏକ୍ସପ୍ରେସ ଲାଇନଚ୍ୟୁନ ପରେ ବଦଳିଲା ୩ଟି ଟ୍ରେନର ଗତିପଥ, ଜାଣନ୍ତୁ କେଉଁ କେଉଁ ଟ୍ରେନ୍

ଭୁବନେଶ୍ୱର : କାମାକ୍ଷା ଏକ୍ସପ୍ରେସ ଟ୍ରେନ ଦୁର୍ଘଟଣାରେ ଜଣଙ୍କର ମୃତ୍ୟୁ ଘଟିଥିବା ବେଳେ ଅନେକ ଆହତ ହୋଇଛନ୍ତି । ଏହି ଦୁର୍ଘଟଣା ପରେ ରେଲୱେ ପକ୍ଷରୁ ୩ଟି ଟ୍ରେନର ଗତିପଥ ପରିବର୍ତ୍ତନ କରାଯାଇଛି । ଯେଉଁ ଏକ୍ସପ୍ରେସର ଗତିପଥ ବଦଳିଛି, ସେଗୁଡ଼ିକ ହେଉଛି-ଧଉଳି, ନୀଳାଚଳ ଓ ପୁରୁଲିଆ ଏକ୍ସପ୍ରେସ । ଅନ୍ୟପଟେ ରେଲୱେ ପକ୍ଷରୁ ହେଲ୍ପଲାଇନ ନମ୍ବର ଜାରି କରାଯାଇଛି । କଟକ ପାଇଁ ହେଲ୍ପଲାଇନ ନମ୍ବର ହେଉଛି ୭୨୦୫୧୪୯୫୯୧ । ଭୁବନେଶ୍ୱର ପାଇଁ ହେଲ୍ପଲାଇନ ନମ୍ବର […]

ଝିଅ ହଜିବାକୁ ହେଲାଣି ୧୦ ଦିନ ; ହେଲେ ପୋଲିସ ନୀରବ

କନକ ବ୍ୟୁରୋ: ଅପହୃତ ନାବାଳିକା ଝିଅକୁ ଉଦ୍ଧାର ପାଇଁ ଥାନା ଆଗରେ ସାରା ରାତି ଧାରଣା । ଅଭିଯୁକ୍ତକୁ ତୁରନ୍ତ ଗିରଫ ଦାବି କରି ଧାରଣାରେ ବସିଛନ୍ତି ମହିଳା । ଭଦ୍ରକ ବାଂଶଡ଼ା ଥାନା ଘଣ୍ଟେଶ୍ବର ଫାଣ୍ଡି ଆଗରେ ଧାଣା ଦେଇଛନ୍ତି । ନାବାଳିକା ଝିଅ ଅପହରଣ ଘଟଣାକୁ ୧୦ ଦିନ ବିତିଗଲାଣି। କିନ୍ତୁ ପୁଲିସ ନାବାଳିକାକୁ ଉଦ୍ଧାର କରିବାରେ ବିଫଳ । ଅପହରଣକାରୀଙ୍କୁ ଗିରଫ ଦାବିକରି ରାତିସାରା ଫାଣ୍ଡି ଆଗରେ ମହିଳା ମାନେ ଧାରଣା ଦେଇଛନ୍ତି । ଝିଅକୁ ସ୍ଥାନୀୟ ଅଂଚଳର ଜଣେ ଯୁବକ ଅପହରଣ କରିଥିବା ନେଇ ଘଣ୍ଟେଶ୍ୱର ଫାଣ୍ଡିରେ ଲିଖିତ ଅଭିଯୋଗ କରିଛନ୍ତି ଝିଅର ବାପା । ସେପଟେ ବାଲେଶ୍ବର ଜିଲ୍ଲା ବସ୍ତା ଥାନା ଅଞ୍ଚଳରେ ଜଣେ ୧୫ ବର୍ଷୀୟା ନାବାଳିକା ନିଖୋଜ ହୋଇଛି । ଏନେଇ ଯୁବତୀଙ୍କ ପରିବାର ଲୋକେ ବସ୍ତା ଥାନାରେ ଅଭିଯୋଗ କରିଥିଲେ । କିନ୍ତୁ ପୁଲିସ ନୀରବ ରହିଥିବା ଅଭିଯୋଗ କରିଛନ୍ତି । ଝିଅକୁ ଫେରାଇ ଆଣିବା ଦାବିରେ ଆଜି ପରିବାର ଲୋକେ ବସ୍ତା ଥାନା ଆଗରେ ଧାରଣାରେ ବସିଛନ୍ତି ।

ଏସସିବିରେ ମନୋଜ ଆହୁଜା ; ସାଙ୍ଗରେ ଅଛନ୍ତି ସ୍ବାସ୍ଥ୍ୟ ସଚିବ

କନକ ବ୍ୟୁରୋ: କଟକ ବଡ଼ ଡାକ୍ତରଖାନାରେ ମୁଖ୍ୟ ଶାସନ ସଚିବ । ମୁଖ୍ୟ ଶାସନ ସଚିବ ମନୋଜ ଆହୁଜା ଏସସିବି ମେଡିକାଲ ପହଞ୍ଚିଛନ୍ତି । ତାଙ୍କ ସହ ଅଛନ୍ତି ସ୍ବାସ୍ଥ୍ୟ ସଚିଵ ଆଶ୍ବସ୍ଥି ଏସ୍ । କଟକ ଵଡ ମେଡିକାଲର ଭିତ୍ତିଭୂମି ସମୀକ୍ଷା କରୁଛନ୍ତି ମୁଖ୍ୟ ଶାସନ ସଚିବ । ଏଥିସହ ଵଡ ମେଡିକାଲ ସମ୍ପ୍ରସାରଣ କାମର ମଧ୍ୟ ସମୀକ୍ଷା କରୁଛନ୍ତି ଦୁଇ ସଚିବ । ଡିଏମ୍ଇଟି ମଧ୍ୟ ଏସସିବି ମେଡିକାଲ ବୁଲି ସ୍ଥିତି ପରଖୁଛନ୍ତି । ମେଡିକାଲରେ ଭେଣ୍ଟିଲେଟର୍‌ ଅଚଳାବସ୍ଥା ସହ ଏକାଧିକ ସମସ୍ୟା ଥିବା ଅଭିଯୋଗ ଆସିବା ପରେ ଏନେଇ ମେଡିକାଲ କର୍ତ୍ତୃପକ୍ଷଙ୍କ ସହିତ ଆଲୋଚନା କରିବେ ବୋଲି କହିଛନ୍ତି ଦୁଇ ସଚିବ ଓ ଡିଏମଇଟି ।

ନିର୍ଗୁଣ୍ଡି ଟ୍ରେନ୍‌ ଦୁର୍ଘଟଣା;ଜାରି ହେଲା ହେଲ୍ପଲାଇନ୍ ନମ୍ବର

ପୁଣି ଲାଇନଚ୍ୟୁତ ହେଲା ଟ୍ରେନ : କଟକ ନିର୍ଗୁଣ୍ଡି ନିକଟରେ କାମାକ୍ଷା ଏକ୍ସପ୍ରେସର ୧୧ ବଗି ଲାଇନଚ୍ୟୁତ