ମୋହନ-ମନମୋହନଙ୍କ ଗୋଟି ଚାଳନାରେ ଦୋହଲି ଗଲାଣି ବିଜେଡି; ବିଜେପିର ମିଶନ ପୂରା ଓଡ଼ିଶା

କନକ ବ୍ୟୁରୋ : ଉତ୍ତର ଓଡ଼ିଶାରେ ବିଜେଡି ଗଡ଼ ଭୁଶୁଡି ଚାଲିଛି । କେତେବେଳେ ନେତା ଦଳ ଛାଡୁଛନ୍ତି ତ ଆଉ କେତେବେଳେ ନେତାଙ୍କୁ ଦଳ ବାହାର ରାସ୍ତା ଦେଖାଉଛନ୍ତି । ପରବର୍ତ୍ତି ସମୟରେ ସେହି ନେତାମାନେ ବିଜେପିରେ ମିଶୁଛନ୍ତି । ଯାହାଫଳରେ ଗୋଟିଏ ପଟେ ବିଜେଡି ଛିଡୁଥିବାବେଳେ ଅନପଟେ ବିଜେପି ବଢ଼ି ଚାଲିଛି । ତେବେ ଉତ୍ତର ଓଡ଼ିଶା ପରେ ଆଗକୁ କାହାପାଳି ? ମୋହନ, ମନମୋହନଙ୍କ ଗୋଟି ଚାଳନାରେ ଉତ୍ତର ଓଡ଼ିଶାରେ ଦୋହଲୁଛି ବିଜେଡି ଗଡ଼ । ଦିନକୁ ଦିନ ବାଲେଶ୍ୱର, ଭଦ୍ରକ, ମୟୂରଭଞ୍ଜ, କେନ୍ଦୁଝରରେ ବିଜେପି ଶକ୍ତିଶାଳୀ ହେଉଛି । ଆଗକୁ ପଂଚାୟତ ଓ ପୌର ନିର୍ବାଚନ ଥିବାରୁ ଉତ୍ତର ଓଡ଼ିଶା ପରେ କାହାପାଳି ପଡ଼ିବ ସେ ନେଇ ରାଜନୈତିକ ମହଲରେ ଭିନ୍ନ ଭିନ୍ନ ଚର୍ଚ୍ଚା ହେଉଛି । ଏହି ଚର୍ଚ୍ଚାକୁ ଖୋରାକ୍ ଯୋଗାଇଛି ବିଜେପି ରାଜ୍ୟ ସଭାପତି ମନମୋହନ ସାମଲଙ୍କ ବୟାନ । ରାଜ୍ୟସଭା ସାଂସଦ ଭାବେ ଶପଥ ନେଇ ଦିଲ୍ଲୀରୁ ଫେରିବା ପରେ କହିଛନ୍ତି, ସମସ୍ତଙ୍କ ପାଖରେ ସରକାର ପହଞ୍ଚୁଛନ୍ତି । ଯାହା ସଂକଳ୍ପ କରୁଛି ତାହା ପୂରଣ କରୁଛି । ସେଥିପାଇଁ ଲୋକଙ୍କ ଆଗ୍ରହ ବଢ଼ୁଛି ଏବଂ ଭାରତୀୟ ଜନତା ପାର୍ଟି ଶକ୍ତିଶାଳୀ ହେଉଛି । ଯେଉଁମାନେ ସମାଜରେ ଲୋକଙ୍କ ସହିତ ଅଛନ୍ତି ସେମାନଙ୍କୁ ଦଳ ଗ୍ରହଣ କରିବ । ଅଧିକ ପଢ଼ନ୍ତୁ : ବିଜେଡିରେ ବଡ଼ ଗଡ଼ବଡ଼; ଉତ୍ତର ଓଡ଼ିଶାରେ ଲାଗୁଛି ଗ୍ରହଣ, ମମତାଠୁ ମଞ୍ଜୁଲତା ଛିଡୁଛି ଦଳ ସରକାରକୁ ଆସିବା ପରେ ବିଜେପି ତୃଣମୂଳସ୍ତରରେ ଦଳକୁ ମଜଭୁତ କରିବାକୁ ଆରମ୍ଭ କରିଥିଲା କସରତ । ପ୍ରଥମେ ପଂଚାୟତ ଓ ବ୍ଲକ ସ୍ତରରେ ବିଜେଡି ଗଡ଼ ଭାଙ୍ଗିବାକୁ ନୀଳନକ୍ସା ପ୍ରସ୍ତୁତ କରିଥିଲା । ଏହା ପରେ ଏକାଧିକ ବ୍ଲକ ଓ ପଂଚାୟତରେ ସଫଳ ହୋଇଥିଲା ଶାସକ ଦଳର ଚାଲ୍ । ବହୁ ବ୍ଲକ ଅଧ୍ୟକ୍ଷ, ସମିତି ସଭ୍ୟ, ଜିଲ୍ଲା ପରିଷଦ ସଦସ୍ୟ ଓ ସରପଞ୍ଚ ବିଜେଡି ଛାଡ଼ି ବିଜେପିରେ ସାମିଲ ହୋଇନ୍ତି । ଜିଲ୍ଲାର ବରିଷ୍ଠ ନେତାମାନେ ବି ଶଂଖ ଛାଡି ପଦ୍ମ ଧରିଛନ୍ତି । ନିର୍ବାଚନ ଯେତେ ପାଖେଇବ ଏହି ପ୍ରକ୍ରିୟା ଆହୁରି ବଢ଼ିବାର ସମ୍ଭାବନା ରହିଛି । ବିଜେପି ଶକ୍ତିଶାଳୀ ହେଉଥିଲେ ନୂଆ ଓ ପୂରୁଣା ନେତାଙ୍କୁ ନେଇ ଚାଲିବା ଦଳ ପାଇଁ ବଡ ଆହ୍ୱାନ ହୋଇପାରେ । ପୁରୁଣା ନେତା ଓ କର୍ମୀ ଦଳ ଡିଆଁ ନେତାଙ୍କୁ କେମିତି ଗ୍ରହଣ କରୁଛନ୍ତି ? ତାହା ବଡ଼ ପ୍ରଶ୍ନ ।

ଆନ୍ଧ୍ର ନେଇଯାଉଛି ଓଡ଼ିଶା ଅନେଇଛି

ବିଜୁ ଲିଗାସି ବନାମ ନବୀନ

ଏସୀୟ ବ୍ୟାଡ୍‌ମିଣ୍ଟନ: ଦ୍ବିତୀୟ ପର୍ଯ୍ୟାୟରେ ଧ୍ରୁବ-ତନିଶା

କନକବ୍ୟୁରୋ : ଚୀନର ନିଙ୍ଗ୍‌ବୋଠାରେ ମଙ୍ଗଳବାରଠାରୁ ଆରମ୍ଭ ହୋଇଥିବା ଏସୀୟ ବ୍ୟାଡ୍‌ମିଣ୍ଟନ୍‌ର ପ୍ରଥମ ଦିନ ଭାରତ ପାଇଁ ମିଶ୍ରିତ ସଫଳତା ଆଣିଦେଇଛି। ମିଶ୍ରିତ ଯୁଗଳ ବର୍ଗରେ ଭାରତର ଧ୍ରୁବ କପିଳ ଓ ତନିଷା କ୍ରାଷ୍ଟୋ ଦ୍ବିତୀୟ ପର୍ଯ୍ୟାୟରେ ପ୍ରବେଶ କରିଛନ୍ତି । ସେମାନେ ଥାଇଲାଣ୍ଡର ଫୁଓ୍ବାନାଟ୍‌ ହୋର୍ବାନଲୁଇକିଟ୍‌ ଓ ବେନ୍ୟାପା ଏମସାର୍ଡଙ୍କୁ ୨୧-୧୪, ୧୧-୨୧, ୨୧-୧୫ରେ ପରାସ୍ତ କରିଛନ୍ତି। ତେବେ ଭାରତର ରୋହନ କାପୁର ଓ ଗଡ୍ଡେ ରୁତ୍ବିକା ଶିବାନୀ ମାଲେସିୟା ଯୋଡ଼ି ଗୋ ସୁନ ହୁଆତ୍‌ ଓ ଲାଇ ସେଭୋନ ଜେମିଙ୍କଠାରୁ ହାରି ପ୍ରତିଯୋଗିତାରୁ ବାଦ ପଡ଼ିଛନ୍ତି । ସେହିପରି ଭାରତର ଆଉ ଏକ ମିଶ୍ରିତ ଯୁଗଳ ଯୋଡ଼ି ଆଶୀଷ ସୂର୍ଯ୍ୟା ଓ ଅମୃତା ପ୍ରମୁଥେଶ ମଧ୍ୟ ମାଲେସିଆର ଓଙ୍ଗ୍‌ ତିଏନ୍‌ ସି ଓ ଲିମ୍‌ ଚିଉ ସିଏନ୍‌ଙ୍କଠାରୁ ପରାସ୍ତ ହୋଇଛନ୍ତି । ବୁଧବାର ଏକକ ବର୍ଗରେ ଭାରତର ଲକ୍ଷ୍ୟ ସେନ୍‌ ହଂକଂର ଲି ଚିଉକ୍‌ ୟୁଙ୍କୁ ଭେଟିବେ। ସେହିପରି ମହିଳା ଏକକ ବର୍ଗରେ ପିଭି ସିନ୍ଧୁ ମାସେସିଆର ଓଙ୍ଗ୍‌ ଲିଙ୍ଗ୍‌ ଚିଙ୍ଗ୍‌ଙ୍କୁ ଭେଟିବେ ।

ବିଜେଡିରେ ବଡ଼ ଗଡ଼ବଡ଼; ଉତ୍ତର ଓଡ଼ିଶାରେ ଲାଗୁଛି ଗ୍ରହଣ, ମମତାଠୁ ମଞ୍ଜୁଲତା ଛିଡୁଛି ଦଳ

କନକ ବ୍ୟୁରୋ : ୨୪ ବର୍ଷ କ୍ଷମତା ଯିବାର ୨୪ ମାସ ପୂରିନି । ହେଲେ ନେତା ଆଉ ନବୀନଙ୍କ ବୋଲ ମାନିବା ସପକ୍ଷରେ ନାହାନ୍ତି । କିଏ ବିଦ୍ରୋହୀ ହେଉ ଦଳରୁ ବହିଷ୍କୃତ ହେଉଛନ୍ତି ତ ଆଉ କିଏ ସୁପ୍ରିମୋଙ୍କୁ ଓପନ ଚ୍ୟାଲେଞ୍ଜ ଦେଇ ଦଳ ଛାଡ଼ୁଛନ୍ତି । ଭଦ୍ରକର ମଣ୍ଡଳ ଦମ୍ପତିଙ୍କ ସମତେ ଏଇ କେଇ ମାସ ଉତ୍ତର ଓଡ଼ିଶାର ଅନେକ ନେତା ଶଙ୍ଖ ଶିବିରରୁ ଆଉଟ୍ ହୋଇଛନ୍ତି । ସ୍ଥିତି ବିଗୁଡୁଥିବାବେଳେ ଯାଜପୁର ଗଡ଼ ସଜାଡିବାକୁ ଉଦ୍ୟମ ଆରମ୍ଭ କରିଛନ୍ତି ସୁପ୍ରିମୋ । ୨୦୨୪ ନର୍ବାଚନ ପରେ ଉତ୍ତର ଓଡ଼ିଶା ବିଜେଡିରେ ଲାଗି ରହିଛି ବଡ ଅସ୍ଥିରତା । ସମସ୍ତଙ୍କୁ ଚମକାଇ ରାଜ୍ୟସଭା ସାଂସଦ ମମତା ମହନ୍ତ ପ୍ରଥମ ବିଜେଡି ଛାଡ଼ି ବିଜେପିରେ ମିଶିଥିଲେ । କିଛି ଦିନ ପୂର୍ବରୁ ବରିଷ୍ଠ ରବି ଜେନା ଓ ତାଙ୍କର ଶହ ଶହ ସମର୍ଥକ ବିଜେଡ଼ି ଛାଡ଼ି ବିଜେପିରେ ସାମିଲ ହୋଇଥିଲେ । ତା'ପରେ ମନମୋହନଙ୍କ ଜିଲ୍ଲା ଭଦ୍ରକର ପ୍ରୟାସ କାନ୍ତି ସାମଲ ଓ ତାଙ୍କ ସମର୍ଥକ ଶଂଖ ଛାଡ଼ି ପଦ୍ମ ଧରିଥିଲେ । ଏବେ ବିଜେପି ଲିଙ୍କରେ ଥିବା ମଣ୍ଡଳ ଦମ୍ପତିଙ୍କୁ ବିଜେଡ଼ି ଆଉଟ କରିଛି । ଚର୍ଚ୍ଚା ହେଉଛି ଖୁବଶୀଘ୍ର ମଞ୍ଜୁଲତା ମଣ୍ଡଳ ଓ ମୁକ୍ତିକାନ୍ତ ମଣ୍ଡଳ ଦଳ ବଳ ସହିତ ବିଜେପିରେ ସାମିଲ ହେବେ । ଦଳରୁ ବିଦା ହେବା ପରେ ମୁକ୍ତି ମୁହଁ ଖୋଲି ଦଳୀୟ ନେତାଙ୍କ ଉପରେ ବର୍ଷିଛନ୍ତି । କହିଛନ୍ତି, ମୁଁ କୌଣସି ଦଳ ବିରୋଧୀ କାର୍ଯ୍ୟ କରିନି । ଅଧିକ ପଢ଼ନ୍ତୁ : କଡ଼ ଲେଉଟାଇବ ରାଜ୍ୟ ରାଜନୀତି; ନବୀନଙ୍କୁ ଟକ୍କର ଦେବେ ବିଜୁ ପ୍ରେମୀ ଭଦ୍ରକ ଜିଲ୍ଲାରେ ଆକ୍ସନ ପରେ ଆଜି ଯାଜପୁର ଜିଲ୍ଲା ସଂଗଠନରେ ରିଆକ୍ସନ ଦେଖିବାକୁ ମିଳିଛି । ପ୍ରମିଳା ମଲିକଙ୍କ ବାସଭବନରେ ଯାଜପୁରିଆ ନେତା ବବି, ପ୍ରତିରଞ୍ଜନ, ବିଶ୍ୱ ମଲ୍ଲିକ, ସୁଜାତା ସାହୁ, ପ୍ରଣବ ବଳବନ୍ତରାୟ ପ୍ରଥମେ ଏକାଠି ହୋଇଥିଲେ । ପରେ ନବୀନ ନିବାସ ଯାଇ ସୁପ୍ରିମୋଙ୍କୁ ଭେଟିଛନ୍ତି । ଏକାଠି ଅଛନ୍ତି ବୋଲି ବାର୍ତ୍ତା ଦେବାକୁ ଉଦ୍ୟମ କରିଛନ୍ତି । କହିଛନ୍ତି, ଦଳରେ ନେତା ଛାଡିଲେ ମଧ୍ୟ ବିଜେଡି ସଂଗଠିତ ଅଛି । ଆଗକୁ ପଞ୍ଚାୟତ ନିର୍ବାଚନ । ଯଦି ନେତା ଧାଡ଼ି କରି ଦଳ ଛାଡନ୍ତି କିମ୍ବା ବିଦ୍ରୋହୀ ସାଜନ୍ତି ତାହା ହେଲେ ଆଗାମୀ ଦିନରେ ଏହା ଶାସକ ଦଳ ପାଇଁ ଲାଭ ଦାୟକ ହେବ ।

ଓଳାରେ ମା’ତାରିଣୀଙ୍କ ପଂଚମ ବାର୍ଷିକ ମନ୍ଦିର ପ୍ରତିଷ୍ଠା ଉତ୍ସବ

ଭଦ୍ରକ, ୭ା୪ (ଓଡ଼ିଆ ପୁଅ / ସ୍ନିଗ୍ଧା ରାୟ) – ଏହି ଜିଲାର ଭଣ୍ଡାରିପୋଖରୀ ବ୍ଲକ ତେସିଙ୍ଗା ପଂଚାୟତ ଅନ୍ତର୍ଗତ ଓଳା ଗ୍ରାମରେ ପ୍ରତିଷ୍ଠିତ ମା’ ତାରିଣୀଙ୍କ ପଂଚମ ବାର୍ଷିକ ପ୍ରତିଷ୍ଠା ଉତ୍ସବ ମଙ୍ଗଳବାର ଦିନ ଅନୁଷ୍ଠିତ ହୋଇଯାଇଛି।ଘଟ ଉତୋଳନ, ସୂର୍ଯ୍ୟ ପୂଜା ପରେ ସ୍ଥାନୀୟ ଅଂଚଳର ଓ ଜଗତର କଲ୍ୟାଣ ପାଇଁ ମା’ ତାରିଣୀଙ୍କ ପୂଜାର୍ଚ୍ଚନା ଓ ହୋମଯଜ୍ଞ ଅନୁଷ୍ଠିତ ହୋଇଥିଲା।ପ୍ରଦୀପ କୁମାର ସାହୁ ଓ ପ୍ରଭାରାଣୀ ସାହୁ କର୍ତା ଭାବେ ସଂକଳ୍ପ କରିଥିଲେ।ଶ୍ରୀକାନ୍ତ ପଣ୍ଡା ଓ ଦୀପକ ଦାସ ପୂଜାର୍ଚ୍ଚନା କରିଥିଲେ।ଏଥିରେ ସ୍ଥାନୀୟ ଅଂଚଳର ଶ୍ରଦ୍ଧାଳୁମାନେ ଯୋଗଦେଇଥିଲେ।ପ୍ରସାଦସେବନ କରାଯାଇଥିଲା।ଶ୍ୟାମସୁନ୍ଦର ପାତ୍ର, ଧର୍ମାନନ୍ଦ ସାହୁ,ମାୟାଧର ସାହୁ,ଅନିରୁଦ୍ଧ ଖିଲାର, ପରମାନନ୍ଦ ସାହୁ,ପ୍ରତାପ ସାହୁ,ମନୋଜ ବେହେରା, ଶରତ ସାହୁ ଓ ଅମୂଲ୍ୟନିଧି ବେହେରା ପ୍ରମୁଖ କାର୍ଯ୍ୟକ୍ରମ ପରିଚାଳନା କରିଥିଲେ। Continue reading ଓଳାରେ ମା’ତାରିଣୀଙ୍କ ପଂଚମ ବାର୍ଷିକ ମନ୍ଦିର ପ୍ରତିଷ୍ଠା ଉତ୍ସବ

ଜିଲା ମୁଖ୍ୟ ଚିକିତ୍ସାଳୟ ଠାରେ ଆହାର କେନ୍ଦ୍ର ସ୍ଥାପନ ପାଇଁ ଦାବିକଲେ ପୂର୍ବତନ ବିଧାୟକ ନରେନ ପଲେଇ

ଭଦ୍ରକ, ୭ା୪ (ଓଡ଼ିଆ ପୁଅ / ସ୍ନିଗ୍ଧା ରାୟ) – ଭଦ୍ରକର ଗେଲପୁର ଠାରେ ଅବସ୍ଥାପିତ ନୂତନ ମୁଖ୍ୟ ଚିକିତ୍ସାଳୟ ଠାରେ ଏକ ଆହାର କେନ୍ଦ୍ର ସ୍ଥାପନ କରିବା ନେଇ ଆଜି ପୂର୍ବତନ ବିଧାୟକ ନରେନ ପଲେଇ ଜିଲାପାଳଙ୍କ ଜରିଆରେ ମୁଖ୍ୟମନ୍ତ୍ରୀ ମୋହନ ଚରଣ ମାଝୀଙ୍କୁ ଏକ ପତ୍ର ମାଧ୍ୟମରେ ଅନୁରୋଧ କରିଛନ୍ତି। ତେବେ ଜିଲାପାଳଙ୍କ ଅନୁପସ୍ଥିତିରେ ସେ ଅତିରିକ୍ତ ଜିଲାପାଳ ସରୋଜ ଦତଙ୍କୁ ଦେଇଥିବା ପତ୍ର ଅନୁସାରେ ଗତ ୨୦୨୫ ମସିହା ଅଗଷ୍ଟ ମାସ ଭଦ୍ରକ ଜିଲା ମୁଖ୍ୟ ଚିକିତ୍ସାଳୟଟି ନୂଆ ବଜାର ଠାରୁ ସ୍ଥାନାନ୍ତର ହୋଇ ଗେଲପୁର ଠାରେ ସ୍ଥାପନ କରାଯାଇ ରୋଗୀ ସେବାର ଏକ ନୂତନ ଅଧ୍ୟାୟ ସୃଷ୍ଟି କରିଛି। ତେବେ ଏହି ଚିକିତ୍ସାଳୟ ନିକଟରେ ଯେଉଁ କେତେକ ଉଠା ଦୋକାନୀ ଅସ୍ଥାୟୀ ଭାବେ ଜଳଖିଆ ଓ ହୋଟେଲ କରି ବାହାରୁ ଆସୁଥିବା ରୋଗୀଙ୍କ ସଂପର୍କୀୟଙ୍କୁ ଖାଦ୍ୟ ଯୋଗାଉଥିଲେ, ତାହାକୁ ଜିଲା ପ୍ରଶାସନ ପକ୍ଷରୁ ବନ୍ଦ କରାଯାଇଛି। ଫଳରେ କେବଳ ଏହି ଜିଲାରେ ନୁହେଁ ପଡୋଶୀ ଯାଜପୁର, ବାଲେଶ୍ୱର, କେନ୍ଦୁଝର ଭଳି ଅଂଚଳରୁ ଆସୁଥିବା ରୋଗୀ ଓ ତାଙ୍କ ସଂପର୍କୀୟମାନେ ଖାଦ୍ୟ ପାଇଁ ନାହିଁ ନଥିବା ଅସୁବିଧା ଭୋଗୁଛନ୍ତି। ଏଠାରେ ସୂଚନାଯୋଗ୍ୟ ଚିକିତ୍ସାଳୟ ଠାରୁ ଭଦ୍ରକ ସହରର ଦୂରତା ପ୍ରାୟ ୨ କିମି। ଏଣୁ ଚିକିତ୍ସାଳୟ ପରିସରରେ କିମ୍ବା ପାଶ୍ୱର୍ବର୍ତୀ ଅଂଚଳରେ ଏକ ଆହାର କେନ୍ଦ୍ର ସ୍ଥାପନ କରାଗଲେ, ରୋଗୀମାନଙ୍କ ସହ ଆସୁଥିବା ଲୋକେ ଖାଦ୍ୟର ସୁବିଧା ପାଇପାରନ୍ତେ ବୋଲି ସେ ଅନୁରୋଧ କରିଛନ୍ତି। Continue reading ଜିଲା ମୁଖ୍ୟ ଚିକିତ୍ସାଳୟ ଠାରେ ଆହାର କେନ୍ଦ୍ର ସ୍ଥାପନ ପାଇଁ ଦାବିକଲେ ପୂର୍ବତନ ବିଧାୟକ ନରେନ ପଲେଇ

ଧାମରା ବନ୍ଦରରେ ବିସ୍ଥାପିତଙ୍କ ସମସ୍ୟା ସମାଧାନ ନହେବାରୁ ରେଳ ଧାରଣାରେ ଧାରଣା ଦେଲେ ବିଧବା ମା, ୧ଘଂଟା ରେଳ ଚଳାଚଳ ବନ୍ଦ

ଭଦ୍ରକ, ୭ା୪ (ଓଡ଼ିଆ ପୁଅ / ସ୍ନିଗ୍ଧା ରାୟ) – ଧାମରା ବନ୍ଦର କର୍ତୁପକ୍ଷଙ୍କ ମନମାନୀରେ ଅତିଷ୍ଠ ହୋଇପଡିଛନ୍ତି ଜଣେ ବିଧବା ଅସହାୟ ମହିଳା। ଦୀର୍ଘ ଦିନ ହେବ ସଂପୃକ୍ତ ମହିଳା ଜଣକ ନ୍ୟାୟ ପାଇବାରୁ ବଂଚିତ ହୋଇଥିବାରୁ ଆଜି ସଂପୃକ୍ତ ମହିଳା ନିଜର ହକ ଜାହିର ପାଇଁ ଧାମରା –ଭଦ୍ରକ ରେଳପଥରେ ଧାମରା ଡି ଆଇ ରୋଡରେ ଧାରଣା ଦେଇଥିଲେ। ଏହି ଧାରଣା ଫଳରେ ଧାମରା- ଭଦ୍ରକ ରେଳପଥରେ ରେଳଚଳାଚଳ କିଛି ଘଂଟା ପାଇଁ ବାଧାପ୍ରାପ୍ତ ହୋଇଥିଲା। ପରେ ଧାମରା ଥାନାଧିକାରୀଙ୍କ ହସ୍ତକ୍ଷେପ ଫଳରେ ଧାରଣାରୁ ଉଠିଥିଲେ ସଂପୃକ୍ତ ବିଧବା ଅସହାୟ ମହିଳା। ପ୍ରାପ୍ତ ଖବର ଅନୁଯାଇ ନରସିଂହ ପ୍ରସାଦ ଗ୍ରାମର ସତ୍ୟଭାମା ସେଠୀ ନିଜର ୪ଏକର ଜମି ଧାମରା ବନ୍ଦର ରେଳ ଲାଇନରେ ହରାଇ କ୍ଷତି ପୂରଣ ପାଇଥିଲେ। ପରେ ସେ ରହୁଥିବା ଘରବାଡିରେ ଧାମରା ବନ୍ଦର କର୍ତୁପକ୍ଷ ପହଂଚି କିଛି ଗଛପତ୍ର ହାଣି ନଷ୍ଟ କରିଦେଇଥିଲେ। ସଂପୃକ୍ତ ଅସହାୟ ବିଧବା ମହିଳା ଜଣକ ଧାମରା ବନ୍ଦର କର୍ତୁପକ୍ଷ ଙ୍କ ନିକଟରେ କ୍ଷତିପୂରଣ ପାଇଁ ଦାବୀ କରିଥିବା ବେଳେ କର୍ତୁପକ୍ଷ ଏହାକୁ ଅଗ୍ରାହ୍ୟ କରି ଦେଇଥିଲେ। ଏଥିସହ ଧାମରା ବନ୍ଦରକୁ ଅତି ଉଚ୍ଚ ଶକ୍ତି ବିଦ୍ୟୁତ ସରବରାହ ପାଇଁ ସଂପୃକ୍ତ ମହିଳାଙ୍କ ଘରବାଡି ଦେଇ ଏହି ତାର ଟଣା ହୋଇଥିବା ବେଳେ ଏଥି ପାଇଁ ମଧ୍ୟ କ୍ଷତିପୂରଣ ମିଳି ନଥିଲା। ଅନ୍ୟ ପକ୍ଷରେ ଧାମରା ବନ୍ଦର କର୍ତୁପକ୍ଷ ସଂପୃକ୍ତ ଅସହାୟ ବିଧବା ମହିଳାଙ୍କ ଘରବାଡି ଦେଇ ପାଣି ପାଇପ ଲାଇନ ନେଇଥିବା ବେଳେ ସେହି ପାଣି ପାଇପ ଲାଇନ ଫାଟି ପାଣି ବୋହି ଯାଇ ସଂପୃକ୍ତ ମହିଳାଙ୍କ ଘର ବାଡିରେ ପାଣି ଜମା ହୋଇ ରହୁଥିବା ବେଳେ ଏହି ପାଣି କିପରି ନିଷ୍କାସନ ହେବ ସେଥିପାଇଁ ଧାମରା ବନ୍ଦର କର୍ତୁପକ୍ଷ ମଧ୍ୟ ନୀରବ ଦ୍ରଷ୍ଟା ସାଜିଥିଲେ। ଏହି ସମସ୍ତ ଅଭିଯୋଗକୁ ଭିତିକରି ସଂପୃକ୍ତ ମହିଳା ଆଜି ସକାଳ ୧୧ଟାରେ ଡିଆଇ ରୋଡ ରେଳ ଧାରଣାରେ ଧାରଣା ଦେଇଥିଲେ।ଫଳରେ ଧାମରା- ଭଦ୍ରକ ରେଳପଥରେ ଦୀର୍ଘ ୧ଘଂଟା ଧରି ରେଳ ଚଳାଚଳ ବନ୍ଦ ହୋଇଯାଇଥିଲା। ପରେ ଧାମରା ଥାନାଧିକାରୀ ଆସି ସଂପୃକ୍ତ ମହିଳାଙ୍କୁ ବୁଝାଇ ସୁଝାଇ ଥାନାକୁ ନେବା ସହ ଏହି ସମସ୍ୟାର ଆଶୁ ସମାଧାନ କରିବେ ବୋଲି ପ୍ରତିଶ୍ରୁତି ଦେଇଥିଲେ । ପରେ ଧାମରା- ଭଦ୍ରକ ରେଳପଥରେ ରେଳ ଚଳାଚଳ ସ୍ୱାଭାବିକ ହୋଇଥିଲା। Continue reading ଧାମରା ବନ୍ଦରରେ ବିସ୍ଥାପିତଙ୍କ ସମସ୍ୟା ସମାଧାନ ନହେବାରୁ ରେଳ ଧାରଣାରେ ଧାରଣା ଦେଲେ ବିଧବା ମା, ୧ଘଂଟା ରେଳ ଚଳାଚଳ ବନ୍ଦ

ଗୋ ମାଫିଆଙ୍କ ଘରେ ପୋଲିସର ରେଡ, ୬ ଗିରଫ ସହ ସୁନା ରୁପା ଜବତ

ଭଦ୍ରକ, ୭ା୪ (ଓଡ଼ିଆ ପୁଅ / ସ୍ନିଗ୍ଧା ରାୟ) – ପୂର୍ବାଂଚଳ ଡିଆଇଜି ପିନାକ ମିଶ୍ରଙ୍କ ନିର୍ଦ୍ଦେଶ କ୍ରମେ ବାଲେଶ୍ୱର, ଭଦ୍ରକ ଓ ମୟୁରଭଞ୍ଜ ଜିଲାରେ ପୋଲିସ ପକ୍ଷରୁ ଗୋ’ ମାଫିଆଙ୍କ ଘରେ ରେଡ ହୋଇଛି। ବିଶେଷକରି ଭଦ୍ରକର ପୁରୁଣାବଜ଼ାରରେ ୫ଟି ଓ ଗୁଜିଦରଡ଼ାରେ ୩ଟି ମୋଟ ୯ଟି ସ୍ଥାନରେ ମଙ୍ଗଳବାର ଭୋର ସମୟରୁ ଦିନ ୧୨ଟା ପର୍ଯ୍ୟନ୍ତ ମାଜିଷ୍ଟ୍ରେଟ୍‌ଙ୍କ ଉପସ୍ଥିତିରେ ରେଡ ଆରମ୍ଭ କରାଯାଇଥିଲା । ଭଦ୍ରକର ଗୁଜିଦରଡା, ଅଲାଲପୁର, ସନ୍ଥିଆ, ମିର୍ଜାପୁର ଭଳି ସ୍ଥାନରେ ଏହି ଚଢାଉ ହୋଇଥିଲା। ଚଢ଼ାଉ ବେଳେ ସମୁଦାୟ ୧୨ ଲକ୍ଷ ୧୩ ହଜାର ୪୧୦ ଟଙ୍କା ଜବତ ହୋଇଛି । ସମାନ ଭାବେ ୧ କିଲୋ ୫୯୫ ମିଲିଗ୍ରାମ ସୁନା ଅଳଙ୍କାର , ୪ କିଲୋ ୨୦୦ ମିଲିଗ୍ରାମ୍ ରୂପା ଅଳଙ୍କାର ଜବତ୍ କରିଛି ପୋଲିସ । ଗୋ ଚାଲାଣ ରେ ବ୍ୟବହୃତ ୬ ଟି ଚାରି ଚକିଆ ଗାଡ଼ି ସହ ୮ ଟି ମୋଟର ସାଇକେଲ, ୬ଟି ଖଣ୍ଡା ଓ ଗୋଟିଏ ଖେଳନା ବନ୍ଧୁକ, ବ୍ୟାଙ୍କ ପାସବୁକ୍ ୧୭, ଏଟିଏମ୍ କାର୍ଡ ୧୨ ଟି ଜବତ ହୋଇଛି । ତେବେ ଏହି ଗୋ ମାଫିଆ ଙ୍କ ବାହାର ରାଜ୍ୟ ର ଲିଙ୍କ ନେଇ ପୋଲିସ ତଦନ୍ତ ଆରମ୍ଭ କରିଛି । ଏମାନେ ବେଆଇନ୍ ଗୋ ଚାଲାଣ କରି ବିପୁଳ ଅର୍ଥ ରୋଜଗାର କରିବା ଓ ଏଥିପାଇଁ ବିଭିନ୍ନ ସମୟରେ ଆଇନ୍ ଶୃଙ୍ଖଳା ପରିସ୍ଥିତି ସୃଷ୍ଟି କରୁଥିବାର ଅଭିଯୋଗରେ ଏହି ଚଢାଉ କରାଯାଇଛି ବୋଲି ସୂଚନା ମିଳିଛି। ଆଗାମୀ ଦିନ ରେ ବେଆଇନ ଗୋ ଚାଲାଣ ରୋକିବା ଦିଗ ରେ ପୋଲିସ ଅଧିକ ଧ୍ୟାନ ଦେବ ବୋଲି କହିଛି । ୬ ଗୋ’ ମାଫିଆଙ୍କୁ ପୋଲିସ ଗିରଫ କରିଛି। ଏମାନଙ୍କ ନାମରେ ଜିଲାର ବିଭିନ୍ନ ସ୍ଥାନରେ ଗୋ ତସ୍କରୀ ଓ ଗୋ ମାଂସ ଚାଲାଣ ନେଇ ମାମଲା ରହିଛି। ଦୀର୍ଘ ଦଶନ୍ଦି ପରେ ପ୍ରଥମ କରି ଏଭଳି କାର୍ଯ୍ୟାନୁଷ୍ଠାନ ନିଆଯାଇଥିବାରୁ ଗୋ ମାଫିଆଙ୍କ ମଧ୍ୟରେ ଭୟ ସଂଚାର ହୋଇଛି। ତେବେ ଏମାନଙ୍କୁ ଆର୍ଥିକ ସହଯୋଗ କରି ନିଜର ବ୍ୟବସାୟ ବଢାଉଥିବା ବହୁ ସହଯୋଗୀଙ୍କୁ ପୁଲିସ୍ ଖୁବଶୀଘ୍ର ଗିରଫ କରିବ ବୋଲି ଜଣାପଡିଛି। ଗୋ’ ମାଫିଆମାନେ ବିଭିନ୍ନ ସମୟରେ ଗୋ’ ମାଂସ ଓ ଗୋଚାଲାଣ କରି ବହୁ ପରିମାଣରେ ଟଙ୍କା ସୁନା ଗଚ୍ଛିତ ରଖିବା ସହ ବିଭିନ୍ନ ସମୟରେ ହିଂସା ଓ ଗଣ୍ଡଗୋଳ ଘଟୁଥିବା କାରଣରୁ ଏହି ରେଡ କରାଯାଇଛି ବୋଲି ଆଜି ଏକ ସାମ୍ବାଦିକ ସମ୍ମିଳନୀରେ ଏସପି ମନୋଜ ରାଉତ କହିଛନ୍ତି । ଏହି ଚଢ଼ାଉ ରେ ୨ ଡ଼ିଏସପି, ୧୦ ଇନ୍ସପେକ୍ଟରଙ୍କ ନେତୃତ୍ୱରେ ୮ଟି ପୋଲିସ ଟିମ ସହ ୬ ପ୍ଲାଟୁନ ଫୋର୍ସ ସାମିଲ ହୋଇଥିଲେ। Continue reading ଗୋ ମାଫିଆଙ୍କ ଘରେ ପୋଲିସର ରେଡ, ୬ ଗିରଫ ସହ ସୁନା ରୁପା ଜବତ

ଭୋଟର ତାଲିକାରୁ ନାଁ ଗୁଡ଼ିକୁ ଜାଣିଶୁଣି ବାଛି କଢ଼ାଯାଇଛି : ମମତା

କନକବ୍ୟୁରୋ : ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ମମତା ବାନାର୍ଜୀ ମଙ୍ଗଳବାର ଅଭିଯୋଗ କରିଛନ୍ତି ଯେ ରାଜ୍ୟରେ ଏସ୍‌ଆଇଆର ( ସ୍ବତନ୍ତ୍ର ଭୋଟର ତାଲିକା ସଂଶୋଧନ) ପ୍ରକ୍ରିୟାରେ ମତୁଆ ଏବଂ ସଂଖ୍ୟାଲଘୁ ସମ୍ପ୍ରଦାୟର ଭୋଟରମାନଙ୍କୁ ଜାଣିଶୁଣି କାଟି ଦିଆଯାଇଛି । ନଦିଆ ଜିଲ୍ଲାର ଚକଦାହାରେ ଏକ ରାଲିରେ ଉଦ୍‌ବୋଧନ ଦେଇ ମମତା କହିଛନ୍ତି, ଯେଉଁ ଭୋଟରମାନଙ୍କ ନାଁ କଟାଯାଇଛି ତାଙ୍କ ଦଳ ତୃଣମୂଳ କଂଗ୍ରେସ ସେମାନଙ୍କୁ ସମର୍ଥନ କରିବ। ମମତା କହିଛନ୍ତି, କେନ୍ଦ୍ର ସରକାର ପକ୍ଷପାତ କରୁଛନ୍ତି ଏବଂ ସ୍ବତନ୍ତ୍ର ଭାବେ କିଛି ନିର୍ଦ୍ଦିଷ୍ଟ ସମ୍ପ୍ରଦାୟକୁ ଟାର୍ଗେଟ୍‌ କରି ଭୋଟର ତାଲିକାରୁ ନାଁ କାଟି ଦେଉଛନ୍ତି। ମମତା କହିଛନ୍ତି, ଏହି ପକ୍ଷପାତ କ’ଣ ପାଇଁ। ଆପଣ ମତୁଆ, ରାଜବଂଶୀ ଏବଂ ସଂଖ୍ୟାଲଘୁଙ୍କୁ ବାଦ୍‌ ଦେଉଛନ୍ତି । ଆପଣ କ’ଣ ଭାବୁଛନ୍ତି ଲୋକ ଏହା ବୁଝିପାରୁନାହାନ୍ତି । ମମତା ମଧ୍ୟ ଦାବି କରିଛନ୍ତି ଯେ ମୁର୍ଶିଦାବାଦ, ମାଲଦା ଏବଂ ଉତ୍ତର ଦିନାଜପୁର ଯେଉଁଠାରେ ସଂଖ୍ୟାଲଘୁ ଜନସଂଖ୍ୟା ଅଧିକ ସେଠାରେ ନାଁ ଗୁଡ଼ିକୁ ତାଲିକାରୁ ଉକୁଣି ପରି ବାଛି କାଟି ଦିଆଯାଇଛି। ଏସ୍‌ଆଇଆର ପରେ ୯୧ ଲକ୍ଷ ଭୋଟର କଟିଛନ୍ତି ନିର୍ବାଚନ କମିସନ୍‌ ତଥ୍ୟ ଅନୁଯାୟୀ ଚୂଡ଼ାନ୍ତ ଭୋଟର ତାଲିକାରୁ ପାଖାପାଖି ୯୧ ଲକ୍ଷ ନାଁ କଟାଯାଇଛି। ଉଲ୍ଲେଖଯୋଗ୍ୟ ‌ଯେ ଫେବ୍ରୁଆରି ୨୮ରେ ଜାରି ହୋଇଥିବା ସରକାରୀ ତଥ୍ୟ ଅନୁଯାୟୀ ୬୩.୬୬ ଲକ୍ଷ ‌ଭୋଟରଙ୍କ ନାଁ ତଥା ପାଖାପାଖି ୮.୩ ପ୍ରତିଶତ ଭୋଟରଙ୍କ ନାଁ ଗତବର୍ଷ ନଭେମ୍ବରରେ ଏସ୍‌ଆଇଆର ପ୍ରକ୍ରିୟାରୁ କଟାଯାଇଛି। ଏହାଦ୍ବାରା ମୋଟ ଭୋଟରଙ୍କ ସଂଖ୍ୟା ୭.୬୬ କୋଟିରୁ ୭.୦୪ କୋଟିକୁ କମିଯାଇଛି। ମମତା ଦାବି କରିଛନ୍ତି ଯେ ସୁପ୍ରିମକୋର୍ଟରେ ସେ ଏହି ମାମଲାରେ ହସ୍ତକ୍ଷେପ କରିବାପରେ ପାଖାପାଖି ୩୨ ଲକ୍ଷ ନାମକୁ ପୁଣିଥରେ ତାଲିକାରେ ଯୋଡ଼ା ଯାଇଛି।

ଲାଭରେ ପଡ଼ିଶା, ଛିଡ଼ୁଛି ଓଡ଼ିଶା ! ବିପଦରେ ଜମି, ଜଙ୍ଗଲ ଓ ଜଳ

କନକ ବ୍ୟୁରୋ : ୨୦୩୬ ସୁଦ୍ଧା ବିକଶିତ ଓଡ଼ିଶାର ସ୍ୱପ୍ନ ଦେଖୁଛନ୍ତି ସରକାର । ହେଲେ ଏହି ସ୍ୱପ୍ନ କଣ କୋଟିଆ ବିନା ଏବଂ ଗଜପତି ଓ ରାୟଗଡ଼ାର ଚାଷ ଜମିକୁ ମରୁଭୂମି ସଜାଇ ସତ ହେବ । ଓଡ଼ିଶା ମାଟିରେ ଦାଦାଗିରି ଦେଖାଉଥିବା ପଡିଶା ଆନ୍ଧ୍ର ଉପରେ କେନ୍ଦ୍ର ଆଶୀର୍ବାଦ ଅଜାଡି ଦେଉଥିବା ବେଳେ ଦାରୁଣ ଦୁଃଖ ଭିତରେ ଏବେ ଓଡ଼ିଶା । ଡବଲ ଇଞ୍ଜିନ ସରକାରରେ ଡବଲ ବିକାଶ ହେବ । ଏଭଳି କିଛି ପ୍ରତିଶ୍ରୁତି ଓଡ଼ିଶାକୁ ମିଳିଥିଲା । ହେଲେ ଓଡ଼ିଶା ଚେଇଁ ଶୋଇ ବିକାଶର ସ୍ୱପ୍ନ ଦେଖୁଥିବା ବେଳେ ଖୁଲମଖୁଲା ପଡ଼ିଶା ଆନ୍ଧ୍ର, ଓଡ଼ିଶାକୁ ଗିଳିବାରେ ବ୍ୟସ୍ତ । ଦକ୍ଷିଣ ଓଡ଼ିଶାର ଜଳ, ଜଙ୍ଗଲ ଓ ଜମି ସବୁଠି ପଡ଼ିଶା ଆନ୍ଧ୍ରର ଦାଦାଗିରି । କୋଟିଆରେ ବାରମ୍ବାର ତାଗିଦ, ବିରୋଧ ପରେ ବି ଆନ୍ଧ୍ର ଜୋରଜବରଦସ୍ତି କୋଟିଆକୁ କବ୍‌ଜା କରିବାକୁ ଅଣ୍ଟା ଭିଡ଼ିଛି । କିଛି ଦିନର ନୀରବତା ପରେ ପୁଣିଥରେ କୋଟିଆରେ ଆନ୍ଧ୍ର ଅଧିକାରୀ ପଇଁତରା ମାରିଛନ୍ତି । ଆନ୍ଧ୍ର ପକ୍ଷରୁ ଦିଆଯାଉଥିବା ସରକାରୀ ସୁବିଧାର ଲାଭ ପାଉଛନ୍ତି କି ପଚାରି ବୁଝିବା ସହ ନିଜ ଆଡକୁ ଆକୃଷ୍ଟ କରିବାକୁ ଭରପୁର ଉଦ୍ୟମ କରିଛନ୍ତି । ହେଲେ କୋଟିଆର ସୁରକ୍ଷା ପାଇଁ ଓଡ଼ିଶା ସରକାରଙ୍କ ପ୍ରୟାସ କେବଳ ସ୍ୱତନ୍ତ୍ର କମିଟି ଗଠନରେ ସୀମିତ । କୋଟିଆର ବିକାଶ ପାଇଁ ପୂର୍ଣ୍ଣକାଳୀନ ଅଫିସର ନିଯୁକ୍ତ ହୋଇଛନ୍ତି । ହେଲେ ପ୍ରଶ୍ନ ଉଠୁଛି, କାହିଁକି ଓଡ଼ିଶା ସରକାର କୋଟିଆବାସୀଙ୍କ ବିଶ୍ୱାସ ଜିଣିପାରୁନାହାନ୍ତି ? ବେଆଇନ ଭାବେ ଅନୁପ୍ରବେଶ କରୁଥିବା ଆନ୍ଧ୍ର ଅଧିକାରୀଙ୍କ ଉପରେ କାର୍ଯ୍ୟାନୁଷ୍ଠାନ ନେବାରେ କାହିଁକି ପଛଘୁଞ୍ଚା ଦେଉଛନ୍ତି ସରକାର ? ସ୍ୱତନ୍ତ୍ର ରୋଡ୍‌ମ୍ୟାପ୍‌ କରିଥିଲେ ସୁଦ୍ଧା କୋଟିଆର ସୁରକ୍ଷା କାହିଁକି ସୁନିଶ୍ଚିତ ହୋଇପାରୁନି ? ଅଧିକ ପଢ଼ନ୍ତୁ : କଡ଼ ଲେଉଟାଇବ ରାଜ୍ୟ ରାଜନୀତି; ନବୀନଙ୍କୁ ଟକ୍କର ଦେବେ ବିଜୁ ପ୍ରେମୀ କେବଳ ଦକ୍ଷିଣ ଓଡ଼ିଶାର ଜମି ନୁହେଁ ଜଙ୍ଗଲ ଓ ଜଳ ଉପରେ ମଧ୍ୟ ଆନ୍ଧ୍ରର ଲୋଲୁପ ଦୃଷ୍ଟି ପଡ଼ିଛି । ବଂଶଧାରାରେ ନେରେଡି ବ୍ୟାରେଜ ନିର୍ମାଣକୁ ଟ୍ରିବ୍ୟୁନାଲର ସବୁଜ ସଂକେତ ପରେ ଓଡ଼ିଶାର ଜଳରେ ମଧ୍ୟ ଭାଗ ବସାଇଛି ଆନ୍ଧ୍ର । ବ୍ୟାରେଜ ନିର୍ମାଣ ପାଇଁ ଓଡ଼ିଶାରୁ ପାଖାପାଖି ୧୦୦ ଏକରରୁ ଅଧିକ ଜମି ନେବ ଆନ୍ଧ୍ର । ଏହି ପ୍ରକଳ୍ପ ଦ୍ୱାରା ରାୟଗଡ଼ା ଓ ଗଜପତି ଜିଲ୍ଲାର ଅନେକ ଚାଷ ଜମି ମରୁଭୂମିର ରୂପ ନେବା ନେଇ ଆଶଙ୍କା ବଢିଛି । କେବଳ ଏତିକି ନୁହେଁ ମାଲକାନଗିରି ସ୍ୱାଭିମାନ ଅଞ୍ଚଳର ସୀମାବର୍ତ୍ତୀ ଗାଁ ଜୁମଡ଼ାଙ୍ଗ ଉପରେ ଆଖି ପକାଇଛି ଆନ୍ଧ୍ର । ଗାଁ ଲୋକଙ୍କୁ ନିଜ ସପକ୍ଷରେ ନେବାକୁ ଦେଇଛି ଶିକ୍ଷକ ନିଯୁକ୍ତି । ସେହିପରି ଆନ୍ଧ୍ରର ପୋଲାଭରମକୁ ଜାତୀୟ ପ୍ରକଳ୍ପ ମାନ୍ୟତା ଓ ଏଥିପାଇଁ ଆର୍ଥିକ ସହାୟତା ଦେଇ କଟା ଘାରେ ଚୂନ ମାରିଛି କେନ୍ଦ୍ର । ହେଲେ, ଓଡ଼ିଶାର ପାଟି ଖୋଲୁନି । କିଛି ଦିନ ତଳେ ପଲାସା-ଇଚ୍ଛାପୁରମ ସେକ୍ସନକୁ ଆନ୍ଧ୍ରର ଦକ୍ଷିଣତଟ ରେଳପଥ ହାତକୁ ଟେକି ଦେଇଛି କେନ୍ଦ୍ର ।

ସିଏସ୍‌‌କେରେ ଖେଳିବା ଯନ୍ତ୍ରଣାଦାୟକ ଥିଲା: ଅଶ୍ବିନ

ଚେନ୍ନଇ: ତାଙ୍କ ସହରର ଆଇପିଏଲ୍‌ ଦଳ ଚେନ୍ନଇ ସୁପର କିଙ୍ଗ୍‌ସ (ସିଏସ୍‌କେ) ପାଇଁ ଆଇପିଏଲ ଖେଳିବା ମାନସିକ ଯନ୍ତ୍ରଣାଦାୟକ ଓ ବରିକ୍ତିକର ଅନୁଭୂତି ଥିଲା ବୋଲି ପୂର୍ବତନ ଭାରତୀୟ କିମ୍ବଦନ୍ତୀ ସ୍ପିନର ରବିଚନ୍ଦ୍ରନ ଅଶ୍ବିନ କହିଛନ୍ତି। ସେ ଆଇପିଏଲ୍‌‌ରୁ କାହିଁକି ଅବସର ନେଲେ ବୋଲି ଅଶ୍ବିନଙ୍କୁ ଏକ ୟ୍ୟୁଟ୍ୟୁବ୍‌‌ ଚ୍ୟାନେଲର ସାକ୍ଷାତ୍‌କାର କାର୍ଯ୍ୟକ୍ରମରେ ପ୍ରଶ୍ନ କରା ଯାଇଥିଲା। ଏହାର କାରଣ ଦର୍ଶାଇ ଅଶ୍ବିନ କହିଥିଲେ, ସିଏସ୍‌‌କେର ଯେତିକି ସମୟ ରହିଥିଲି; ସେଥିରେ ମୋ ଭୂମିକା, ଭବିଷ୍ୟତ ସମ୍ପର୍କରେ […]

ଅଭ୍ୟାସକୁ ଫେରିଲେ ହାର୍ଦିକ

ଗୁଆହାଟୀ: ଅସୁସ୍ଥ ଥିବାରୁ ମୁମ୍ବଇ ଇଣ୍ଡିଆନ୍‌ସର ଅଧିନାୟକ ହାର୍ଦିକ ପାଣ୍ଡ୍ୟା ଦିଲ୍ଲୀ କ୍ୟାପିଟାଲ୍‌ସ ବିପକ୍ଷ ୨ୟ ମ୍ୟାଚ୍‌ ଖେଳିନଥିଲେ। ରବିବାର ସନ୍ଧ୍ୟା​‌ରେ ଗୁଆହାଟୀରେ ହାର୍ଦିକ ଅଭ୍ୟାସ କରିଥିଲେ। ୱାର୍ମଅପ୍‌ କରିବା ପରେ ହାର୍ଦିକ ବେଶ୍ କିଛି ସମୟ ବୋଲିଂ କରିଥିଲେ। ଅଭ୍ୟାସରେ ୟର୍କର ପକାଇବା ଉପରେ ହାର୍ଦିକ ଧ୍ୟାନ ଦେଇଥିଲେ। ପରେ ହାର୍ଦିକ ବ୍ୟାଟିଂ କରିଥିବା ବେଳେ ବ୍ୟାଟିଂ ପ୍ରଶିକ୍ଷକ କୈରନ୍ ପୋଲାର୍ଡଙ୍କ ତୀକ୍ଷ୍‌ଣ ନଜର ତାଙ୍କ ଉପରେ ଥିଲା। ସୋମବାର ରାଜସ୍ଥାନ ରୟାଲ୍‌ସ ବିପକ୍ଷରେ ହାର୍ଦିକ […]

ଡେଭିଡ୍‌ ଓ୍ବାର୍ଣ୍ଣର୍‌ ଗିରଫ : ମଦ୍ୟପାନ କରି ଚଲାଉଥିଲେ ଗାଡି

କନକବ୍ୟୁରୋ : ମଦ୍ୟପାନ କରି ଗାଡ଼ି ଚଳାଇବା ଅଭିଯୋଗରେ ଗିରଫ ହୋଇଛନ୍ତି ପୂର୍ବତନ ଅଷ୍ଟ୍ରେଲୀୟ ବ୍ୟାଟର୍‌ ଡେଭିଡ୍‌ ଓ୍ବାର୍ଣ୍ଣର୍‌ । ଗତ ରବିବାର ରାତିରେ ସେ ସିଡ୍‌ନିର ମାରୋବ୍ରାଠାରେ ମଦ୍ୟପାନ କରି ଗାଡ଼ିଚଳାଉଥିବା ବେଳେ ଧରା ପଡ଼ିଥିଲେ । ଦୁଇଥର ହୋଇଥିବା ପରୀକ୍ଷାରୁ ସେ ଅନୁମୋଦିତ ମାତ୍ରାଠାରୁ ଅଧିକ ମଦ୍ୟପାନ କରିଥିବା ଜଣାପଡ଼ିଥିଲା । ନ୍ୟୁ ସାଉଥ୍‌ ଓ୍ବେଲ୍ସ ପୁଲିସ ପକ୍ଷରୁ କୁହାଯାଇଛି ଯେ ତାଙ୍କ ଗାଡ଼ିକୁ ଅଟକାଇ ତାଙ୍କର ପରୀକ୍ଷା କରାଯାଇଥିଲା, ଯେଉଁଥିରେ ସେ ମଦ୍ୟପାନ କରିଥିବା ସ୍ପଷ୍ଟ ହୋଇଥିଲା । କିଛି ସମୟ ପରେ କରାଯାଇଥିବା ଆଉ ଏକ ପରୀକ୍ଷା ପଜିଟିଭ୍‌ ବାହାରିବା ପରେ ତାଙ୍କୁ ଗିରଫ କରି ମାରୋବ୍ରା ପୁଲିସ ଷ୍ଟେସନକୁ ନିଆଯାଇଥିଲା । ଓ୍ବାର୍ଣ୍ଣର ୨୦୨୪ ଜୁନ ୨୪ରେ ଅନ୍ତର୍ଜାତୀୟ କ୍ରିକେଟ୍‌ରୁ ଅବସର ଗ୍ରହଣ କରିଥିଲେ। ଏବେ ସେ ପାକିସ୍ତାନ କ୍ରିକେଟ୍‌ ଲିଗ୍‌ (ପିଏସ୍‌ଏଲ୍‌)ରେ କରାଚୀ କିଙ୍ଗ୍ସ ପାଇଁ ଚୁକ୍ତିବଦ୍ଧ ଅଛନ୍ତି । ନିଜର ପରବର୍ତ୍ତୀ ପିଏସଏଲ୍‌ ମ୍ୟାଚ୍‌ ଖେଳିବାକୁ ସେ ଏପ୍ରିଲ ୯ ସୁଦ୍ଧା ପାକିସ୍ତାନ ଫେରିବାର ଅଛି।

ଆସାମ, କେରଳ ଓ ପୁଡ଼ୁଚେରିରେ ପ୍ରଚାର ଶେଷ, ଗୁରୁବାର ଦିନ ଗୋଟିଏ ପର୍ଯ୍ୟାୟରେ ମତଦାନ

କନକ ବ୍ୟୁରୋ : ଆସାମ, କେରଳ ଓ ପୁଡୁଚେରି ବଧାନସଭା ନିର୍ବାଚନ ପାଇଁ ଆଜି ଅପରାହ୍ଣ ୫ଟାରେ ପ୍ରଚାର ଶେଷ ହୋଇଛି। ଆସନ୍ତା ଗୁରୁବାର ଏହି ତିନି ବିଧାନସଭା ପାଇଁ ଗୋଟିଏ ପର୍ୟ୍ୟାରେ ଭୋଟ୍ ଗ୍ରହଣ କରାଯିବ। ଆଉ ପ୍ରଚାରର ସୁଯୋଗ ନଥିବାରୁ ଆଜି ଶେଷଦିନରେ ସବୁ ଦଳ ଜୋରଦାର ପ୍ରଚାର କରିଛନ୍ତି। ବରିଷ୍ଠ ବିଜେପି ନେତା ତଥା କେନ୍ଦ୍ର ଗୃହମନ୍ତ୍ରୀ ଅମିତ ଶାହ ଆଜି ଆସାମରେ ପ୍ରଚାର କରିଥିଲେ। ନିର୍ବାଚନୀ ରାଲିରେ ଶାହ ଅଭିଯୋଗ କରିଛନ୍ତି ଯେ ଆସାମ ପାଇଁ କଂଗ୍ରେସ କିଛି କରିନାହିଁ। ବରଂ ଅନୁପ୍ରବେଶକାରୀଙ୍କୁ ଆଶ୍ରୟ ଦେଇଛି। ବିଜେପି ପୁଣି ସରକାର ଗଠନ କଲେ ସବୁ ଅନୁପ୍ରବେଶକାରୀଙ୍କୁ ସେମାନଙ୍କ ନିଜ ଦେଶକୁ ପଠାଇ ଦିଆଯିବ। ଆସାମକୁ ବିଜେପି ଦେଶର ଅନ୍ୟ ବିକଶିତ ଅଞ୍ଚଳ ସହିତ ସମକକ୍ଷ କରିବ। ଅନେକ ପ୍ରତିଶ୍ରୁତି ଦେଇ ଶାହ ଆସାମରେ ପ୍ରଚାର କରିଥିଲେ। ଆସାମରେ ୧୨୬ ବିଧାନସଭା ଆସନ ଥିବା ବେଳେ ବିଭିନ୍ନ ଦଳରୁ ୭୨୨ ଜଣ ପ୍ରାର୍ଥୀ ଅଛନ୍ତି। ଅଧିକ ପଢ଼ନ୍ତୁ : ଆସାମ, କେରଳ ଏବଂ ପୁଡୁଚେରୀରେ ନିର୍ବାଚନୀ ପ୍ରଚାରର ଆଜି ଶେଷ ଦିନ କେରଳରେ ୧୪୦ ବିଧାନସଭା ଆସନରେ ଆସନ୍ତା ଗୁରୁବାର ନିର୍ବାଚନ ପାଇଁ ଆଜି ପ୍ରଚାର ଶେଷ ହୋଇଛି। ଏଠାରେ ବିଭିନ୍ନ ଦଳର ମୋଟ୍ ୮୯୦ ଜଣ ପ୍ରାର୍ଥୀ ଆଜି ଶେଷଦିନରେ ଜୋରଦାର ପ୍ରଚାର କରିଛନ୍ତି। ଏଠାରେ ଶାସକ ଲେଫ୍ଟ ଡେମୋକ୍ରାଟିକ୍ ଫ୍ରଣ୍ଟ- ଏଲଡିଏଫ୍, ବିରୋଧୀ ୟୁନାଇଟେଡ୍ ଡେମୋକ୍ରାଟିକ୍ ଫ୍ରଣ୍ଟ- ୟୁଡିଏଫ୍, ଏନଡିଏ ଓ ଅଂଶୀଦାର ଦଳର ପ୍ରାର୍ଥୀମାନେ ଶେଷ ସମୟ ପର୍ୟ୍ୟନ୍ତ ପ୍ରଚାର କରିଥିଲେ । ସେହିପରି କେନ୍ଦ୍ର ଶାସିତ ଅଞ୍ଚଳ ପୁଡୁଚେରିରେ ୩୦ଟି ବିଧାନସଭା ଆସନ ଲାଗି ପ୍ରଚାର ଶେଷ ହେଇଛି। ଏଠାରେ ମୋଟ୍ ୨୯୧ ଜଣ ପ୍ରାର୍ଥୀ ଶେଷଦିନରେ ଘମାଘୋଟ୍ ପ୍ରଚାର କରିଛନ୍ତି। ମୁଖ୍ୟତଃ ଡିଏମକେ ମେଣ୍ଟ, ଏନଡିଏ ଓ ଟିଭିକେ ମଧ୍ୟରେ ପ୍ରତିଦ୍ୱନ୍ଦ୍ୱିତା ହେଉଛି। ପ୍ରଚାରର ଶେଷଦିନରେ ସବୁ ଦଳର ପ୍ରାର୍ଥୀ ଜୋରଦାର ପ୍ରଚାର କରିଛନ୍ତି। ଏବେ ଏପ୍ରିଲ ୯ ତାରିଖରେ ଭୋଟ୍ ଗ୍ରହଣ ଓ ମେ ୪ ତାରିଖରେ ଗଣତି ଏବଂ ଫଳାଫଳ ଘୋଷଣାକୁ ଅପେକ୍ଷା ।

ଆଜି ରାତି ଇରାନ ପାଇଁ ଗୁରୁତ୍ୱପୂର୍ଣ୍ଣ, ରାତାରାତି ଧ୍ୱଂସ କରିଦେବାକୁ ଟ୍ରମ୍ପଙ୍କ ଧମକ ସହ ଇସ୍ରାଇଲର ବ୍ଲୁ ପ୍ରିଣ୍ଟ

କନକ ବ୍ୟୁରୋ : ଇରାନ ଉପରେ ଏକ ବଡ଼ ଧରଣର ଆକ୍ରମଣ ପାଇଁ ବ୍ଲୁ-ପ୍ରିଣ୍ଟ ପ୍ରସ୍ତୁତ କରିଛି ଇସ୍ରାଏଲ। ଇରାନବାସୀଙ୍କ ପାଇଁ ଫାର୍ସୀ ଭାଷାରେ ଏକ 'ଜରୁରୀ' ସତର୍କ ସୂଚନା ଜାରି କରିଛି। ସାଧାରଣ ଜନତାଙ୍କୁ ଟ୍ରେନରେ ଯାତ୍ରା ନକରିବାକୁ ଏବଂ ରେଳ ଷ୍ଟେସନଠାରୁ ଦୂରେଇ ରହିବାକୁ ପରାମର୍ଶ ଦିଆଯାଇଛି।ଅନ୍ୟପଟେ ଟ୍ରମ୍ପ ଚେତାବନୀ ସୂଚାଉଛି ,ଆଜି ରାତି ଇରାନ ପାଇଁ ଭୟଙ୍କର ରାତି ହୋଇପାରେ ଯୁଦ୍ଧ ପଂହଚିଲା ୩୮ ଦିନରେ ହେଲେ ଆଜି ରାତି ଇରାନ ପାଇଁ ବହୁତ ଗୁରୁତ୍ବପୂର୍ଣ୍ଣ । କାହିଁକି ନା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ଧମକ ଦେଇଛନ୍ତି ଯେ ଇରାନକୁ ରାତାରାତି ଧ୍ୱଂସ କରି ଦିଆଯାଇପାରେ। ଟ୍ରମ୍ପ କହିଛନ୍ତି, ଯଦି ଇରାନ ସମୟସୀମା ସୁଦ୍ଧା ଆମେରିକା ସହିତ ଏକ ଚୁକ୍ତିରେ ପହଞ୍ଚିବାରେ ବିଫଳ ହୁଏ, ତେବେ ଇରାନକୁ ନିସ୍ତାର ନାହିଁ। ଟ୍ରମ୍ପଙ୍କ ଚୁକ୍ତି ଅନୁଯାୟୀ, ଇରାନକୁ ହର୍ମୁଜ୍ ପ୍ରଣାଳୀ ଖୋଲିବାକୁ ପଡିବ, ଯାହା ଦେଇ ବିଶ୍ୱର ୨୦% ତୈଳ ଯୋଗାଣ ପରିବହନ ହୁଏ। ଟ୍ରମ୍ପଙ୍କ ଦ୍ୱାରା ନିର୍ଦ୍ଧାରିତ ଏହି ସମୟସୀମା ମଙ୍ଗଳବାର ୱାଶିଂଟନ୍, ଡି.ସି. ସମୟ ରାତି ୮ଟା ଏବଂ ଭାରତୀୟ ସମୟ ବୁଧବାର ସକାଳ ୫ଟାରେ ଶେଷ ହେଉଛି। ଏହି ସମୟରେ, ଇରାନ ଅସ୍ଥାୟୀ ଯୁଦ୍ଧବିରତି ପାଇଁ ପ୍ରସ୍ତାବକୁ ପ୍ରତ୍ୟାଖ୍ୟାନ କରିଛି। ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କ ଧମକ ପରେ ଇରାନ ନିଜର ଯୁବପିଢ଼ି, ଛାତ୍ରଛାତ୍ରୀ ଏବଂ କ୍ରୀଡ଼ାବିତ, କଳାକାର ମାନଙ୍କୁ ଦେଶର ସୁରକ୍ଷା ପାଇଁ ଆଗେଇ ଆସିବାକୁ ନିବେଦନ କରିଛି। ଇରାନ କହିଛି, ଦେଶର ବିଦ୍ୟୁତ୍ କେନ୍ଦ୍ର ଏବଂ ଭିତ୍ତିଭୂମି ହେଉଛି ଜାତୀୟ ସମ୍ପତ୍ତି ଏବଂ ଆଗାମୀ ପିଢ଼ିର ଭବିଷ୍ୟତ। ଏହାକୁ ରକ୍ଷା କରିବା ପାଇଁ ଯୁବକମାନେ ପାୱାର ପ୍ଲାଣ୍ଟଗୁଡ଼ିକ ଚାରିପଟେ ଏକ ବିଶାଳ ‘ମାନବ ଶୃଙ୍ଖଳା’ ତିଆରି କରନ୍ତୁ। ଯୁବପିଢ଼ି ଏକାଠି ହୋଇ ବିଶ୍ୱକୁ ଏହି ବାର୍ତ୍ତା ଦିଅନ୍ତୁ ଯେ ଇରାନବାସୀ ନିଜ ମାତୃଭୂମିକୁ ରକ୍ଷା କରିବା ପାଇଁ ଶେଷ ନିଶ୍ୱାସ ପର୍ୟ୍ୟନ୍ତ ପ୍ରସ୍ତୁତ। ଦେଶ ପାଇଁ ପ୍ରାଣବଳି ଦେବାକୁ ପଛାଇବେ ନାହିଁ ବୋଲି ପ୍ରାୟ ୧୪ ନିୟୁତ ଯୁବକ ସ୍ବେଚ୍ଛାକୃତ ଭାବେ ଆଗ୍ରହ ପ୍ରକାଶ କରିଥିବା ଇରାନ ଦାବି କରିଛି। ଅଧିକ ପଢ଼ନ୍ତୁ : ମଧ୍ୟପ୍ରାଚ୍ୟରେ ଯୁଦ୍ଧ ଭିତରେ ବଡ଼ ବୟାନ ରଖିଛନ୍ତି ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ଇରାନ ଉପରେ ବଡ଼ ଧରଣର ଆକ୍ରମଣ ଯୋଜନା କରୁଛି କି ଇସ୍ରାଏଲ?ଇରାନର ସାଧାରଣ ନାଗରିକଙ୍କ ପାଇଁ ଫାର୍ସୀ ଭାଷାରେ ଏକ ‘ଜରୁରୀ’ ଚେତାବନୀ ଜାରି କରାଯାଇଛି। ଏହି ସୂଚନାରେ ଇରାନବାସୀଙ୍କୁ ରେଳ ଷ୍ଟେସନ ଏବଂ ଟ୍ରେନ ଯାତ୍ରାରୁ ଦୂରେଇ ରହିବାକୁ ପରାମର୍ଶ । ସୂଚନା ଅନୁଯାୟୀ, ଇସ୍ରାଏଲ ଇରାନର ଗୁରୁତ୍ୱପୂର୍ଣ୍ଣ ଭିତ୍ତିଭୂମି ଏବଂ ପରିବହନ ବ୍ୟବସ୍ଥାକୁ ଟାର୍ଗେଟ କରିପାରେ। ଚେତାବନୀ ପରେ ସମଗ୍ର ଇରାନରେ ଭୟ ଓ ଆତଙ୍କର ବାତାବରଣ ଖେଳିଯାଇଛି। ପ୍ରଶାସନ ପକ୍ଷରୁ ମଧ୍ୟ ସୁରକ୍ଷା ବ୍ୟବସ୍ଥାକୁ ଯାଞ୍ଚ କରାଯାଉଛି। ତୁର୍କୀର ଇସ୍ତାନବୁଲ୍ ସହରରେ ଥିବା ଇସ୍ରାଏଲ୍ ଦୂତାବାସ ନିକଟରେ ଭୟଙ୍କର ଗୁଳିକାଣ୍ଡ ଘଟିଛି। ୩ ଜଣଙ୍କର ମୃତ୍ୟୁ ହୋଇଥିବା ବେଳେ ୨ ଜଣ ପୋଲିସ ଅଧିକାରୀ ଗୁରୁତର ଭାବେ ଆହତ ହୋଇଛନ୍ତି। ସୂଚନା ଅନୁଯାୟୀ, ଦୂତାବାସ ବାହାରେ ସୁରକ୍ଷା ବଳ ଏବଂ ସନ୍ଦିଗ୍ଧ ଆକ୍ରମଣକାରୀଙ୍କ ମଧ୍ୟରେ ଜୋରଦାର ଗୁଳି ବିନିମୟ ହୋଇଥିଲା।ତୁର୍କୀ ଗୃହମନ୍ତ୍ରୀଙ୍କ ସୂଚନା ଅନୁସାରେ, ପୋଲିସ ପାଲଟା ଜବାବ ଦେଇ ତିନିଜଣ ଦୁବୃର୍ତ୍ତଙ୍କୁ ନିହତ କରିଛି। ଆକ୍ରମଣକାରୀମାନେ ଅତ୍ୟାଧୁନିକ ରାଇଫଲ୍ ଏବଂ ଗୁଳିଗୋଳା ସହ ଆସିଥିଲେ।

ମାଲକାନଗିରିରେ ପୋଖରୀ ନାଁରେ ଦୁର୍ନୀତି, ଖନନ ନକରି ଲକ୍ଷାଧିକ ଟଙ୍କା ଲୁଟ୍ ଅଭିଯୋଗ

କନକ ବ୍ୟୁରୋ : ମାଲକାନଗିରି ଜିଲ୍ଲା ମାଥିଲି ବ୍ଲକରୁ ଆସିଛି ଦୁର୍ନୀତିର ଏକ ବଡ଼ ଚିତ୍ର। ଚାଷୀଙ୍କ ସୁବିଧା ପାଇଁ ପୋଖରୀ ଖୋଳାଯିବା କଥା, କିନ୍ତୁ ଏଠି ପୋଖରୀ ହେଉନି ବରଂ ଦୁର୍ନୀତି ବଢୁଛି। ମନରେଗା ଯୋଜନାରେ ଲକ୍ଷ ଲକ୍ଷ ଟଙ୍କାର ଅନୁମୋଦନ ହୋଇଥିଲେ ବି କାମ କିନ୍ତୁ ଶୂନ। ‘ମୋ ପୋଖରୀ’ ଯୋଜନା ନାଁରେ ଚାଲିଛି ସରକାରୀ ଅର୍ଥ ହରିଲୁଟ୍। ଦୁର୍ନୀତି କେତେ ଉପାୟରେ ହୋଇପାରିବ ତାର ଜ୍ବଳନ୍ତ ଉଦାହରଣ ହେଉଛି ଏହି ଖବର । ମାଲକାନଗିରି ଜିଲ୍ଲା ମାଥିଲି ବ୍ଲକ ଚେଡେଙ୍ଗା ପଞ୍ଚାୟତର ସର୍ଗୀଗୁଡା ଗାଁ। ଚାରିପଟେ ସବୁଜିମା ଭିତରେ ଦୁର୍ନୀତିର କଳାବାଦଲ। ରାସ୍ତାକଡ଼ରେ ଗୋପୀ ଦୋରାଙ୍କ ନାଁରେ ପୋଖରୀ ଉନ୍ନତୀକରଣ ପାଇଁ ୨୦୨୪-୨୫ ଆର୍ଥିକ ବର୍ଷରେ ୧ ଲକ୍ଷ ୮୦ ହଜାର ଟଙ୍କା ମଞ୍ଜୁର ହୋଇଛି। ହେଲେ ବାସ୍ତବତା କିଛି ଅଲଗା। ନିଜେ ହିତାଧିକାରୀ ୧୦ ହଜାର ଟଙ୍କା ଖର୍ଚ୍ଚ କରି ସାମାନ୍ୟ ଖୋଳିଥିବା ବେଳେ, ବର୍ଷେ ବିତିଯାଇଥିଲେ ବି ବିଭାଗୀୟ ବାବୁଙ୍କ ଦେଖା ନାହିଁ। ବିଭାଗୀୟ ବାବୁ ଅର୍ଥ ଦେଉନାହାନ୍ତି କି କାମ ଆଗକୁ ବଢୁନି। ସେତିକି ନୁହେଁ, ଟାଙ୍ଗିନିଗୁଡ଼ା ଗାଁରେ ଦୁର୍ନୀତିର ଚେର ଆହୁରି ଲମ୍ବିଛି। ମୃତ ବନସିଂ ମାଛାଙ୍କ ପୁରୁଣା ପୋଖରୀକୁ ନୂଆ ଦେଖାଇ ଭଗତ ମାଛାଙ୍କ ନାଁରେ ଅର୍ଥ ହଡ଼ପ କରିବାର ଚାଲିଛି ଷଡ଼ଯନ୍ତ୍ର। ୧ ଲକ୍ଷ ୮୦ ହଜାର ଟଙ୍କାର ଅଟକଳ ମୂଲ୍ୟ ଥିବା ବେଳେ ହିତାଧିକାରୀଙ୍କୁ ମାତ୍ର ୫ ହଜାର ଟଙ୍କା ଧରାଇ ବାକି ଟଙ୍କା ବାବୁ ଉଠାଇ ନେଇଥିବା ଅଭିଯୋଗ ହୋଇଛି। ଅର୍ଜୁନ ପେଦା, ମୁକୁନ୍ଦ ମାଛା ଓ କୃପା ପେଦାଙ୍କ ଭଳି ଅନେକ ହିତାଧିକାରୀ ମଧ୍ୟ ସମାନ ଅଭିଯୋଗ ଆଣିଛନ୍ତି। ଯଦିଓ ବିଭାଗୀୟ ଅଧିକାରୀ ତଦନ୍ତର ପ୍ରତିଶ୍ରୁତି ଦେଇଛନ୍ତି, କିନ୍ତୁ ପ୍ରଶ୍ନ ଉଠୁଛି- କେବେ ମିଳିବ ନ୍ୟାୟ? ଅଧିକ ପଢ଼ନ୍ତୁ : ମାଲକାନଗିରିରେ ପ୍ରାକ୍ ଶିକ୍ଷାର ବିକଳ ଚିତ୍ର, ୧୮୫ ଅଙ୍ଗନବାଡ଼ି କେନ୍ଦ୍ରରେ ନାହିଁ ନିଜସ୍ୱ ଘର କାଗଜ କଲମରେ ଯୋଜନା ସଫଳ ହେଉଛି, ହେଲେ ଗ୍ରାଉଣ୍ଡ ଜିରୋରେ ସ୍ଥିତି ସାଂଘାତିକ। ଚାଷୀଙ୍କ ହକକୁ କିଛି ଅସାଧୁ ଅଧିକାରୀ ଓ ମଧ୍ୟସ୍ଥି ଗିଳି ଦେଉଥିବା ବେଳେ ଏହା ଉପରେ କଡ଼ା କାର୍ୟ୍ୟାନୁଷ୍ଠାନ କେବେ ହେଉଛି, ତାକୁ ଅପେକ୍ଷା।

କଡ଼ ଲେଉଟାଇବ ରାଜ୍ୟ ରାଜନୀତି; ନବୀନଙ୍କୁ ଟକ୍କର ଦେବେ ବିଜୁ ପ୍ରେମୀ

କନକ ବ୍ୟୁରୋ : ନବୀନଙ୍କୁ ଚେକମେଟ୍ ଦେବାକୁ ଏକଜୁଟ୍ ହେଲେଣି ପୁରୁଖା ବିଜୁ ପ୍ରେମୀ । ସୁଯୋଗ ଖୋଜୁଥିଲେ, ଏବେ ମଉକା ମିଳିଛି । ରାଜ୍ୟସଭା ନିର୍ବାଚନରେ ବିଜୁ ଲିଗାସୀ ନାରା ଦେଇ ନବୀନଙ୍କୁ ଚ୍ୟାଲେଞ୍ଜ ଦେଇଥିଲେ । ଏବେ ବିଜୁ ଲିଗାସୀକୁ ଆଗକୁ ନେବା ପାଇଁ ବିଜୁଙ୍କ ଶ୍ରାଦ୍ଧ ଦିବସକୁ ଆୟୁଧ କରିବାକୁ ଯୋଜନା କରିଛନ୍ତି । କଡ଼ ଲେଉଟାଇବ ରାଜ୍ୟ ରାଜନୀତି । ରାଜ୍ୟସଭା ନିର୍ବାଚନ ପରେ ଏଭଳି ସଂକେତ ମିଳିଛି । ଯାହାର ଝଲକ ଏପ୍ରିଲ ୧୭ରେ ବିଜୁଙ୍କ ଶ୍ରାଦ୍ଧ ଦିବସରେ ଦେଖିବାକୁ ମିଳିବ । ଏକାଠି ହେବେ ବିଜୁ ଅନୁଗତ । ରାଜ୍ୟ ରାଜନୀତି ପାଇଁ କଷିବେ ନୂଆ ଅଙ୍କ । ଏପ୍ରିଲ ୧୭..ଦୀର୍ଘ ଅଢେଇ ଦଶନ୍ଧି ଧରି ବିଜୁ ବାବୁଙ୍କ ଶ୍ରାଦ୍ଧ ଦିବସ ପାଳନ କରି ଆସୁଛି ବିଜେଡି । ରାଜ୍ୟସ୍ତରରୁ ଆରମ୍ଭ କରି ନିର୍ବାଚନମଣ୍ଡଳୀସ୍ତରରେ ବିଜୁଙ୍କୁ ମନେ ପକାନ୍ତି ଶହ ଶହ ବିଜୁ ପ୍ରେମୀ । ହେଲେ ଏଥର ସମାନ୍ତରଳ ଭାବେ ବିଜୁଙ୍କ ଶ୍ରାଦ୍ଧ ଦିବସ ପାଳନ କରିବେ ବିଜୁ ଲିଗାସୀର ନେତା । ବିଜୟ ମହାପାତ୍ର, ପ୍ରଭାତ ତ୍ରିପାଠୀ, ଅମର ଶତପଥୀ, ରବି ନାରାୟଣ ପାଣି । ବିଜୁ ଲିଗାସୀକୁ ନେଇ ଚାଲିଥିବା ଚର୍ଚ୍ଚା ଭିତରେ ଏହି ବରିଷ୍ଠ ନେତା ବିଜୁ ପ୍ରେମୀଙ୍କୁ ଏକାଠି କରିବାକୁ ଆରମ୍ଭ କରିଛନ୍ତି କସରତ । ଏପ୍ରିଲ ୧୭ରେ ବିଜୁ ବାବୁଙ୍କ ତିରୋଧାନ ଦିବସରେ ରାଜଧାନୀରେ ଏକାଠି ହୋଇ ଶକ୍ତି ପ୍ରଦର୍ଶନ କରିବେ । ବିଜୁ ଲିଗାସୀକୁ ବଞ୍ଚାଇବାକୁ ରାଜ୍ୟସଭା ନିର୍ବାଚନରୁ ଆରମ୍ଭ ହୋଇଥିବା ଅଭିଯାନ ଆଗକୁ ନେବାକୁ ଯୁବପିଢିକୁ ବାର୍ତ୍ତା ଦେବେ ବିଜୁ ଅନୁଗତ । ସିଧାସଳଖ କହିବାକୁ ଗଲେ, ଦୀର୍ଘଦିନ ପରେ ପୁଣିଥରେ ରାଜ୍ୟ ରାଜନୀତିରେ ପ୍ରବାଦ ପୁରୁଷ ବିଜୁ ପଟ୍ଟନାୟକ ପାଲଟିବେ ଚର୍ଚ୍ଚାର କେନ୍ଦ୍ରବିନ୍ଦୁ । ଅଧିକ ପଢ଼ନ୍ତୁ : ବିରୋଧୀ ଦଳ ହିସାବରେ ନବୀନ ବାବୁ ସବୁ ଜିଲ୍ଲା ବୁଲି ସମୀକ୍ଷା କରନ୍ତୁ : ମନମୋହନ ସାମଲ ବିଜେଡିରୁ କୋଣଠେସା ହୋଇଥିବା ଏକାଧିକ ପୁରୁଖା ଓ ତୁଙ୍ଗ ନେତା ଏବେ ବିଜୁଙ୍କୁ ଭରସିଛନ୍ତି । ବିଜୁଙ୍କ ଆଦର୍ଶକୁ ଆଗକୁ ନେଇ ରାଜ୍ୟ ରାଜନୀତିରେ ନୂଆ ସମୀକରଣ ସୃଷ୍ଟି କରିବା ଲକ୍ଷ୍ୟରେ ରହିଛନ୍ତି । ବିଜେଡିରେ ବିଜୁଙ୍କ ଆଦର୍ଶକୁ ଜଳାଞ୍ଜଳି ଦିଆଯାଉଥିବା ଅଭିଯୋଗ ଆଣି ରାଜ୍ୟସଭା ନିର୍ବାଚନରେ ବିଜେଡିର ଅଙ୍କ ବିଗାଡିଥିଲେ ବିଜୁ ଅନୁଗତ ନେତାଙ୍କ ପୁଅ । ବିଜୁଙ୍କ ଆଦର୍ଶରୁ ଦୂରାଉଥିବାରୁ ବିଜେଡିରେ ଆଗକୁ ଜଟିଳ ସ୍ଥିତି ଦେଖାଦେବ ବୋଲି ସଂକେତ ଦେଇଥିଲେ ରାଜ୍ୟସଭା ସାଂସଦ ଦିଲ୍ଲୀପ ରାୟ । ଯାହାର ଫାଇଦା ଉଠାଇବା ଲକ୍ଷ୍ୟରେ ରହିଛନ୍ତି ବିଜୁ ଲିଗାସୀର ନେତା । ବିଜୁ ଲିଗାସିର ନେତା ଏକାଠି ହେଲେ କାହାକୁ ମିଳିବ ଫାଇଦା ? ବିଜେଡି ଭୋଟ୍‌ବ୍ୟାଙ୍କକୁ ଭାଗ ଭାଗ କରିଦେବ କି ବିଜୁ ଲିଗାସିର ନେତା ?

୫ ବର୍ଷ ହେବ ସରୁନି ବାତ୍ୟା ଆଶ୍ରୟସ୍ଥଳୀ ନିର୍ମାଣ, ବିପତ୍ତି ବେଳେ ମିଳୁନି ସାହାରା

କନକ ବ୍ୟୁରୋ : ବାତ୍ୟା ମୁକାବିଲା ପାଇଁ ସରକାର କୋଟି କୋଟି ଟଙ୍କା ଖର୍ଚ୍ଚ କରୁଛନ୍ତି, ହେଲେ ବାସ୍ତବ ଚିତ୍ର କିନ୍ତୁ କିଛି ଅଲଗା। କେନ୍ଦ୍ରାପଡ଼ା ଜିଲ୍ଲାରେ ଏମିତି ଏକ ବାତ୍ୟା ଆଶ୍ରୟ ସ୍ଥଳୀ ରହିଛି, ଯାହାର ନିର୍ମାଣ କାର୍ୟ୍ୟ ୫ ବର୍ଷ ହେଲା ଚାଲିଛି କିନ୍ତୁ ସରିବାର ନାଁ ଧରୁନି। ବାତ୍ୟା ପରେ ବାତ୍ୟା ଆସୁଛି, ହେଲେ ଲୋକେ ଏଠାକୁ ଆସିବାକୁ ଭୟ କରୁଛନ୍ତି। କେନ୍ଦ୍ରାପଡ଼ା ଜିଲ୍ଲା ପୁରୁଷୋତ୍ତମପୁର ପଞ୍ଚାୟତ ଅନ୍ତର୍ଗତ ମାଲୁଆ ଗାଁର। ଗ୍ରାମ୍ୟ ଉନ୍ନୟନ ବିଭାଗ ପକ୍ଷରୁ ଏଠାରେ ନିର୍ମାଣ କରାଯାଉଛି ଏକ ବହୁମୁଖୀ ବାତ୍ୟା ଆଶ୍ରୟ ସ୍ଥଳୀ। ପ୍ରକଳ୍ପ ପାଇଁ ବ୍ୟୟ ଅଟକଳ ହୋଇଛି ପ୍ରାୟ ୧ କୋଟି ୮୦ ଲକ୍ଷ ଟଙ୍କା। ଦୀର୍ଘ ୫ ବର୍ଷ ତଳୁ ଆରମ୍ଭ ହୋଇଥିବା ଏହି କାମ ସରିବା ନାଁ ନେଉନି। ବିଲ୍ଡିଂର ଛାତ ପଡ଼ିଛି, ପ୍ଲାଷ୍ଟର ବି ସରିଛି। କିନ୍ତୁ ନା ଅଛି କବାଟ, ନା ଅଛି ଝରକା। ବାତ୍ୟା ବେଳେ ପବନ ଓ ବର୍ଷାରୁ ରକ୍ଷା ପାଇବାକୁ ଲୋକେ ଏଠାକୁ ଆସିବେ କେମିତି? ବିଜୁଳି ସଂଯୋଗ ହୋଇନି, ଶୌଚାଳୟ କାମ ବି ଅଧାରେ। ପାଣି ପାଇଁ ବୋରିଂ ହୋଇଥିଲା, ହେଲେ ଅବ୍ୟବହୃତ ହୋଇ ରହିବାରୁ ସିଏ ବି ଅଚଳ। ଅଧିକ ପଢନ୍ତୁ: ରାଜ୍ୟରେ ପ୍ରତିଷ୍ଠା ହେବ ୪ ନୂଆ ବିଶ୍ବବିଦ୍ୟାଳୟ: କେନ୍ଦ୍ରାପଡ଼ା, ଜଗତସିଂହପୁର, ଭଦ୍ରକ ଓ ଝାରସୁଗୁଡା ପାଇଁ ବଜେଟ୍‌ରେ ଘୋଷଣା ଅଭିଯୋଗ ହେଉଛି ଯେ, ବିଭାଗୀୟ ଅଧିକାରୀ ଓ ଠିକାଦାରଙ୍କ ମଧୁଚନ୍ଦ୍ରିକା ଯୋଗୁଁ କାର୍ୟ୍ୟରେ ଅହେତୁକ ବିଳମ୍ବ ହେଉଛି। ତଦାରଖ କରିବାକୁ କୌଣସି ଅଧିକାରୀଙ୍କ ଦେଖା ମିଳୁନାହିଁ। ବିଭାଗୀୟ ଅଧିକାରୀଙ୍କୁ ଯୋଗାଯୋଗ କରିବାରୁ ବ୍ୟସ୍ତ ଅଛନ୍ତି କହି ଏଡ଼ାଇ ଦେଉଛନ୍ତି। ଯଦି ବିଭାଗୀୟ ଅଧିକାରୀଙ୍କ ପାଖରେ ଲୋକଙ୍କ ସମସ୍ୟା ଶୁଣିବାକୁ ସମୟ ନାହିଁ ତାହେଲେ କାମ କିଭଳି ହେଉଥିବ, ତାହା ସହଜେ ଅନୁମେୟ। ବାତ୍ୟା ଆଶ୍ରୟସ୍ଥଳୀ ନାଁରେ କୋଟି କୋଟି ଟଙ୍କା ଖର୍ଚ୍ଚ ତ’ ହେଉଛି, କିନ୍ତୁ ବିପଦ ବେଳେ ମାଲୁଆ ଗାଁ ଲୋକଙ୍କ ଭାଗ୍ୟ ଏବେ ବି ସେଇ ଅନ୍ଧାରରେ।

ମଣିପୁର ହିଂସା ରୋକିବାରେ ସରକାର ବିଫଳ, ବୋମା ମାଡ଼ରେ ୨ ଶିଶୁଙ୍କ ମୃତ୍ୟୁ ପରେ ପୁଣି ଜଳିଲା ମଣିପୁର

କନକ ବ୍ୟୁରୋ : ପୁଣି ଅଶାନ୍ତ ହୋଇଉଠିଛି ମଣିପୁର । ସଂଘର୍ଷରେ ୪ ଜଣଙ୍କର ମୃତ୍ୟୁ ହୋଇଥିବା ବେଳେ ବହୁ ଲୋକ ଆହତ ହୋଇଛନ୍ତି। ବ୍ୟାପକ ଜଳାପୋଡ଼ା ହୋଇଥିବା ବେଳେ ହିଂସା ନିୟନ୍ତ୍ରଣ ପାଇଁ ରାଜ୍ୟର ୫ଟି ଜିଲ୍ଲାରେ ଇଣ୍ଟରନେଟ୍ ସେବା ବନ୍ଦ କରାଯାଇଛି। ଲୋକଙ୍କୁ ଘଉଡ଼ାଇବା ପାଇଁ ପୁଲିସ ଫାଙ୍କା ଗୁଳି ଚାଳନା କରିଥିଲା । ମଣିପୁରର ବିଷ୍ଣୁପୁର ଜିଲ୍ଲାରେ ପୁଣି ଆତଙ୍କ ଖେଳାଇଛନ୍ତି ସନ୍ଦିଗ୍ଘ କୁକି ଆତଙ୍କବାଦୀ। ସନ୍ଦିଗ୍ଘ ଆତଙ୍କବାଦୀମାନେ ମୋଇରାଙ୍ଗ ଟ୍ରୋଙ୍ଗଲାଓବିରେ ଏକ ଘର ଉପରେ ବୋମାମାଡ଼ କରିଥିଲେ। ସିଆରପିଏଫ୍ ଶିବିରରେ ଆକ୍ରମଣ ହୋଇଥିଲା। ଏଥିରେ ଦୁଇଜଣ ଶିଶୁ ପ୍ରାଣ ହରାଇଥିବା ବେଳେ ଏହାପରେ ଅଞ୍ଚଳରେ ହିଂସା ବ୍ୟାପି ବହୁ ଲୋକ ପ୍ରାଣ ହରାଇଥିବା କୁହାଯାଉଛି। ସିଆରପିଏଫ୍ ଶିବିର ଭିତରେ ଓ ବାହାରେ ବହୁ ଘରେ ଏବଂ ଗାଡ଼ିରେ ନିଆଁ ଲଗାଇ ଦିଆଯାଇଥିଲା। ଦୀର୍ଘ ସମୟ ଧରି ଉତ୍ତ୍ୟକ୍ତ ଲୋକ ଇମ୍ଫାଲ- ଚୁରାଚାନ୍ଦପୁର ରାସ୍ତା ଅବରୋଧ କରିଥିଲେ। ପରିସ୍ଥିତି ନିୟନ୍ତ୍ରଣ କରିବା ପାଇଁ ବ୍ୟାପକ ପୁଲିସ ମୁତୟନ କରାଯାଇଛି। ଲୋକମାନେ ଦୁଇଟି ତେଲ ଟ୍ୟାଙ୍କର ଓ ଗୋଟିଏ ଟ୍ରକରେ ନିଆଁ ଲଗାଇଦେଇଥିଲେ। ଆନ୍ଦୋଳନକାରୀମାନେ ମୋଇରାଙ୍ଗ ଥାନା ସମ୍ମୁଖରେ ଟାୟାର ଜାଳି ରାସ୍ତା ଅବରୋଧ କରିବା ସହ ଏକ ଅସ୍ଥାୟୀ ପୁଲିସ ପୋଷ୍ଟକୁ ମଧ୍ୟ କ୍ଷତି ପହଞ୍ଚାଇଛନ୍ତି। ଅଧିକ ପଢ଼ନ୍ତୁ : ଅଶାନ୍ତ ମଣିପୁର : ବୋମା ଆକ୍ରମଣ ପରେ ଗ୍ରାମବାସୀଙ୍କ ପ୍ରତିବାଦ ଉତ୍ତ୍ୟକ୍ତ ଲୋକଙ୍କୁ ଘଉଡ଼ାଇବା ପାଇଁ ପୁଲିସ ଫାଙ୍କା ଗୁଳି ଚାଳନା କରିଥିଲା। ପରିସ୍ଥିତିକୁ ଦେଖି ମଣିପୁରରେ ସ୍କୁଲ ବନ୍ଦ ରଖାଯାଇଛି । ବିପର୍ୟ୍ୟସ୍ତ ହୋଇପଡ଼ିଛି ସାଧାରଣ ଜୀବନ ଯାତ୍ରା।। ବନ୍ଦ ରହିଛି ଇଣ୍ଟରନେଟ୍ ସେବା । ସୁରକ୍ଷାକର୍ମୀ ସ୍ଥିତି ଉପରେ କଡ଼ା ନଜର ରଖିଛନ୍ତି। ମଣିପୁର ମୁଖ୍ୟମନ୍ତ୍ରୀ ୱାଇ. ଖେମଚାନ୍ଦ ସିଂ ଘଟଣାକୁ ବର୍ବର କାର୍ୟ୍ୟ କହି ନିନ୍ଦା କରିଛନ୍ତି। କହିଛନ୍ତି, ଏହା ମଣିପୁରରେ କଷ୍ଟଲବ୍ଧ ଶାନ୍ତିକୁ ବ୍ୟାହତ କରିବାର ପ୍ରୟାସ । ଅଭିଯୁକ୍ତଙ୍କୁ ଗିରଫ କରି କଡ଼ା କାର୍ୟ୍ୟାନୁଷ୍ଠାନ ଗ୍ରହଣ କରାଯିବ। ଆତଙ୍କବାଦୀ କାର୍ୟ୍ୟକୁ କୌଣସି ପରିସ୍ଥିତିରେ ବରଦାସ୍ତ କରାଯିବ ନାହିଁ। ଲୋକମାନେ ସଦ୍ଭାବନା ରକ୍ଷା କରିବା ପାଇଁ ମୁଖ୍ୟମନ୍ତ୍ରୀ ଅନୁରୋଧ କରିଛନ୍ତି। ପୂର୍ବରୁ ମଣିପୁରରେ ଜାତିଗତ ହିଂସା ଚରମ ସମାରେ ପହଞ୍ଚିଥିଲା। ସ୍ଥିତି ନିୟନ୍ତ୍ରଣକୁ ଆସୁଥିବା ବେଳେ ପୁଣି ହିଂସା ଲୋକଙ୍କ ନିଦ ହଜାଇଦେଇଛି।

ବିଶ୍ୱକପ୍‌ ଓ ଏସିଆଡ୍‌ ପୂର୍ବରୁ ଭାରତୀୟ ମହିଳା ହକି ଦଳର ପ୍ରସ୍ତୁତି

କନକ ବ୍ୟୁରୋ : ଚଳିତ ବର୍ଷ ଖେଳାଯିବାକୁ ଥିବା ଏଫଆଇଏଚ୍‌ ବିଶ୍ୱକପ୍‌ ଏବଂ ଏସୀୟ କ୍ରୀଡ଼ା ପାଇଁ ଭାରତୀୟ ମହିଳା ହକି ଦଳର ପ୍ରସ୍ତୁତି ଆରମ୍ଭ କରିଛି । ପ୍ରସ୍ତୁତିର ଅଂଶବିଶେଷ ଭାବେ ଭାରତୀୟ ମହିଳା ଦଳ ଆର୍ଜେଣ୍ଟିନା ଗସ୍ତ କରି ସେଠାରେ ୪ ମ୍ୟାଚ୍‌ ଶୃଙ୍ଖଳା ଖେଳି ନିଜକୁ ପରଖିବାକୁ ସୁଯୋଗ ପାଇବ । ବୁଏନସ ଏରସ୍‌ରେ ଖେଳାଯିବାକୁ ଥିବା ଆର୍ଜେଣ୍ଟିନା ବିପକ୍ଷ ଏହି ଶୃଙ୍ଖଳାରେ ଭାରତୀୟ ଦଳ ଭଲ କରିବାକୁ ଆଶା ରଖିଛି । ମୁଖ୍ୟ ପ୍ରଶିକ୍ଷକ ଜେରର୍ଡ ମାରିନ୍‌ ଦଳୀୟ ଖେଳାଳିଙ୍କ କ୍ୱାଲିଟି ଉପରେ ଗୁରୁତ୍ୱ ଦେଇଛନ୍ତି । ଅଧିକ ପଢ଼ନ୍ତୁ : ମା’ଙ୍କ ପ୍ରେରଣା ପାଇ ମୋହସିନଙ୍କ ପ୍ରତ୍ୟାବର୍ତ୍ତନ ଆର୍ଜେଣ୍ଟିନା ଭଳି ଦ୍ୱିତୀୟ ଶୀର୍ଷ ମାନ୍ୟତା ଦଳ ବିପକ୍ଷରେ ଭାରତୀୟ ଦଳ ମଧ୍ୟ ନିଜର ଦଳୀୟ ସମନ୍ୱୟ ଓ କୌଶଳକୁ ପରଖିବ । ଏହି ୪ ମ୍ୟାଚ୍‌ ଏପ୍ରିଲ୍‌ ୧୩, ୧୪, ୧୬ ଓ ୧୭ ତାରିଖରେ ଖେଳାଯିବ । ନିକଟ ଅତୀତରେ ଭାରତ ଓ ଅର୍ଜେଣ୍ଟିନା ପରସ୍ପର ବିପକ୍ଷରେ ପ୍ରତିଦ୍ୱନ୍ଦ୍ୱିତାପୂର୍ଣ୍ଣ ଖେଳିଛନ୍ତି । ଗତ ଜୁନ୍‌ ମାସରେ ଏଫଆଇଏଚ୍‌ ପ୍ରୋ ଲିଗ୍‌ ମୁକାବିଲାରେ ଉଭୟ ରୋମାଞ୍ଚକ ଭାବେ ୨-୨ରେ ଡ୍ର’ ରଖିଥିଲେ । ବେଲଜିୟମ୍‌ ଓ ‌ନେଦରଲାଣ୍ଡ୍‌ସରେ ଅଗଷ୍ଟ ମାସରେ ସମାନ ସମୟରେ ଏଫଆଇଏଚ୍‌ ମହିଳା ଓ ପୁରୁଷ ବିଶ୍ୱକପ୍‌ ଖେଳାଯିବାକୁ ଥିବାବେଳେ ଚଳିତ ବର୍ଷ ନେସପ୍ଟେମ୍ବର-ଅକ୍ଟୋବରରେ ଜାପାନରେ ଏସୀୟ କ୍ରୀଡ଼ା ଅନୁଷ୍ଠିତ ହେବାକୁ ଯାଉଛି । ଏହି ଦୁଇ ପ୍ରମୁଖ ପ୍ରତିଯୋଗିତା ପୂର୍ବରୁ ଭାରତୀୟ ଦଳକୁ ଭଲ ଅଭ୍ୟାସ ମିଳିବ ବୋଲି ବିଶ୍ୱାସ କରାଯାଉଛି । ‘ଆମେ ୨୪ ଜଣ ଖେଳାଳିଙ୍କୁ ନେଇ ଆର୍ଜେଣ୍ଟିନା ଯାଉଛୁ, ସର୍ବୋଚ୍ଚ ସ୍ତରରେ ଭଲ ପ୍ରଦର୍ଶନ କରିବାକୁ ବିକଳ୍ପର ବି ପରୀକ୍ଷା ‌ହୋଇଯିବ । ଆର୍ଜେଣ୍ଟିନା ବିଶ୍ୱର ଅନ୍ୟତମ ଶ୍ରେଷ୍ଠ ଦଳ । ଯେଉଁ ଖେଳାଳିମାନେ ଭଲ କରିବେ ସେମାନେ ଫରକ ପକାଇବେ’ ବୋଲି ମାରିନ୍‌ ପ୍ରକାଶ କରିଛନ୍ତି ।

ଏୟାରଲାଇନ୍‌ ର ସିଇଓ କ୍ୟାମ୍ପବେଲ୍ ୱିଲସନ୍‌ ଇସ୍ତଫା : ସମୟ ସୀମା ଶେଷ ହେବା ପୂର୍ବରୁ ଇସ୍ତଫା

କନକବ୍ୟୁରୋ : ଟାଟା ଗ୍ରୁପ୍‌ ଅଧୀନରେ ପରିଚାଳିତ ହେଉଥିବା ଏୟାରଲାଇନ୍‌ ର ସିଇଓ କ୍ୟାମ୍ପବେଲ୍ ୱିଲସନ୍‌ ଇସ୍ତଫା ଦେଇଛନ୍ତି। ଅହମଦାବାଦର ମର୍ମନ୍ତୁଦ ବିମାନ ଦୁର୍ଘଟଣା ପରେ ତାଙ୍କ ଉପରେ ଚାପ ଥିଲା। ଏହା ବ୍ୟତୀତ ନିୟମ ପାଳନରେ ତ୍ରୁଟି ପାଇଁ ବାରମ୍ବାର କମ୍ପାନି ଉପରେ ଜରିମାନା ଲାଗୁଥିଲା। ୨୦୨୨ରେ ପାଞ୍ଚ ବର୍ଷ ପାଇଁ ତାଙ୍କୁ ସିଇଓ ଭାବେ ନିଯୁକ୍ତି ମିଳିଥିଲା। ସମୟ ସୀମା ଶେଷ ହେବା ପୂର୍ବରୁ ସେ ଇସ୍ତଫା ଦେଇଛନ୍ତି। ୨୦୨୬ରେ ଇସ୍ତଫା ଦେବାକୁ ଚାହୁଥିବା ନେଇ ସେ ୨୦୨୪ରେ ଟାଟା ଗ୍ରୁପ୍‌ର ଅଧ୍ୟକ୍ଷ ଏନ୍‌ ଚନ୍ଦ୍ରଶେଖରନଙ୍କୁ ଜଣାଇଥିଲେ। ଟାଟା ଗ୍ରୁପ୍‌ ସ୍ପଷ୍ଟ କରିଛି ଯେ ତାଙ୍କ ଉତ୍ତରାଧିକାରୀ ସନ୍ଧାନ କରାଯିବା ପର୍ଯ୍ୟନ୍ତ ସେ ସିଇଓ ଭୂମିକା ତୁଲାଇବେ। ୨୦୨୨ରେ ୧୮ ହଜାର କୋଟି ଟଙ୍କାରେ ଭାରତ ସରକାରଙ୍କଠାରୁ ଏୟାର ଇଣ୍ଡିଆକୁ କିଣିବା ପରେ ତାହାର ପୁନରୁଦ୍ଧାର କରିବାକୁ ଟାଟା ଗ୍ରୁପ୍‌ ମହତ୍ବକାଂକ୍ଷୀ ଯୋଜନା ରଖିଥିଲା। କମ୍ପାନିରେ ସୁଧାର ହେବା ପରିବର୍ତ୍ତେ ଭୁଲ କାରଣ ପାଇଁ ତାହା ଲଗାତାର ଭାବେ ଚର୍ଚ୍ଚାରେ ରହିଲା। ଅପରେସନ ସିନ୍ଦୂର ପରେ ପାକିସ୍ତାନ ତାହାର ଆକାଶ ପଥକୁ ବନ୍ଦ କରିବା ପରେ ପରିଚାଳନା ଖର୍ଚ୍ଚ ବହୁତ ବଢ଼ିଥିଲା। କାରଣ ଅନ୍ତର୍ଜାତୀୟ ବିମାନଗୁଡ଼ିକୁ ଲମ୍ବା ଦୂର ଯାତ୍ରା କରିବାକୁ ପଡ଼ିଥିଲା। ଇରାନ ଯୁଦ୍ଧ ଆରମ୍ଭ ହେବା ପରେ ସ୍ଥିତି ଆହୁରି ଖରାପ ହୋଇଯାଇଛି। ବିମାନ ଇନ୍ଧନ ମୂଲ୍ୟ ଓ ପରିଚାଳନା ଖର୍ଚ୍ଚ ଅହେତୁକ ବଢ଼ିଥିବାରୁ ବ୍ୟବସାୟ ଜାରି ରଖିବା କମ୍ପାନିଗୁଡ଼ିକ ପାଇଁ କ‌ଷ୍ଟକର ହୋଇପଡ଼ିଛି। ୨୦୨୫-୨୬ରେ ଏୟାର ଇଣ୍ଡିଆ ୨୯ ହଜାର କୋଟି ଟଙ୍କା କ୍ଷତି ସହିବ ବୋଲି ଆକଳନ କରାଯାଇଛି। କେବଳ ଏୟାର ଇଣ୍ଡିଆ ନୁହେଁ, ଭାରତୀୟ ବିମାନ ଚଳାଚଳ ଶିଳ୍ପ ଏବେ ଗୁରୁତର ସଙ୍କଟ ଦେଇ ଗତି କରୁଛି। ସେଥିପାଇଁ କିଛି ଦିନ ପୂର୍ବେ ଦେଶର ଏକ ନମ୍ବର ଏୟାରଲାଇନ୍‌ ଇଣ୍ଡିଗୋର ସିଇଓ ପିଟର ଏଲବର୍ସ ଇସ୍ତଫା ଦେଇଥିଲେ। ସବୁଠୁ ଚିନ୍ତାର ବିଷୟ ହେଉଛି ଉଭୟ ଇଣ୍ଡି‌ଗୋ ଓ ଏୟାର ଇଣ୍ଡିଆ ଅଧୀନରେ ବିମାନ ଚଳାଚଳ ଶିଳ୍ପର ସିଂହ ଭାଗ ଆଧିପତ୍ୟ ରହିଛି। ଏହି ଦୁଇ କମ୍ପାନିର ସିଇଓ ଯେଉଁଭଳି ଢଙ୍ଗରେ ଇସ୍ତଫା ଦେଇଛନ୍ତି ତାହା ସମ୍ପୂର୍ଣ୍ଣ ଶିଳ୍ପର ଖରାପ ସ୍ଥିତିକୁ ଦର୍ଶାଉଛି।

ଦ୍ବିତୀୟ ପର୍ଯ୍ୟାୟ ରତ୍ନଭଣ୍ଡାର ଗଣତିମଣତି

ପୁରୀ:ବୁୁଧବାର ଠାରୁ ପୁଣି ରତ୍ନଭଣ୍ଡାର ଗଣତିମଣତି । ଦ୍ବିତୀୟ ପର୍ଯ୍ୟାୟ ଗଣତିମଣତି ଆରମ୍ଭ ହେବ। ରାଜ୍ୟ ସରକାରଙ୍କ ଅନୁମୋଦିତ ମାର୍ଗଦର୍ଶିକା ଏସୋପି ଆଧାରରେ ଗତ ମାସ ୨୫ତାରିଖରେ ଶ୍ରୀମନ୍ଦିର ରତ୍ନଭଣ୍ଡାରରେ ଗଛିତ ଥିବା ରତ୍ନ ଅଳଙ୍କାର ଗଣତିମଣତି ପ୍ରକ୍ରିୟା ଆରମ୍ଭ ହୋଇଥିଲା। ପ୍ରଥମ ଦିନ ବାହାର ରତ୍ନଭଣ୍ଡାର ଗଣତିମଣତି ହୋଇଥିଲା । ଆସନ୍ତାକାଲି ମଧ୍ୟ ବାହାର ରତ୍ନଭଣ୍ଡାର ଗଣତିମଣତି ହେବ । ଆସନ୍ତାକାଲି ଠାରୁ ପୁଣି ଆରମ୍ଭ ହୋଇ ଏପ୍ରିଲ ୧୧ ଯାଏଁ ଚାଲିବ । ପରେ […]

Middle East War: ସବୁ ଯୋଗାଯୋଗ ଚ୍ଛିନ୍ନ କଲା ଇରାନ, ରାଷ୍ଟ୍ରପତି କହିଲେ-ଦେଶ ପାଇଁ ମରିବାକୁ ପ୍ରସ୍ତୁତ

Middle East War: ଯୁଦ୍ଧ ବନ୍ଦର ସବୁ ଆଶାରେ ପୂର୍ଣ୍ଣଚ୍ଛେଦ ଟାଣିଛି ଇରାନ। ଆମେରିକା ସହ ଚାଲିଥିବା ସମସ୍ତ କୂଟନୀତିକ ଓ ପରୋକ୍ଷ ଯୋଗାଯୋଗକୁ ଆଜି ଇରାନ ବିଧିବଦ୍ଧ ଭାବେ ଚ୍ଛିନ୍ନ କରିଦେଇଛି। ଏକାଧିକ ରାଷ୍ଟ୍ର ମଧ୍ୟସ୍ଥି ସାଜି ବିବାଦର ସମାଧାନ କରିବାକୁ ଚାହୁଁଥିଲେ ହେଁ ଆମେରିକାର କୌଣସି ସର୍ତ୍ତରେ ଇରାନ ରାଜି ହେବ ନାହିଁ ବୋଲି ରୋକଠୋକ ଶୁଣାଇ ଦେଇଛି। ବେଶ କିଛି ଦିନ ହେବ ମଧ୍ୟସ୍ଥିଙ୍କ ଜରିଆରେ ଦୁଇ ପକ୍ଷ ବାର୍ତ୍ତା ଆଦାନ ପ୍ରଦାନ କରୁଥିଲେ। କିନ୍ତୁ ଆଜି ସେସବୁ ମଧ୍ୟ ବନ୍ଦ ହୋଇ ଯାଇଛି। ଏ ସମ୍ପର୍କରେ ଇରାନ ମଧ୍ୟସ୍ଥି ସାଜିଥିବା ପାକିସ୍ତାନକୁ ମଧ୍ୟ କହି ସାରିଛି। ଇରାନର ଏପରି ଆଭିମୁଖ୍ୟ ଯୁଦ୍ଧକୁ ଆହୁରି ତୀବ୍ର କରିବ। ଏହାକୁ ଦୃଷ୍ଟିରେ ଭାରତ ପକ୍ଷରୁ ଇରାନରେ ରହୁଥିବା ଭାରତୀୟଙ୍କୁ ୪୮ ଘଣ୍ଟା ପାଇଁ ଘର ଭିତରେ ରହିବାକୁ ପରାମର୍ଶ ଦିଆଯାଇଛି। ସେମାନଙ୍କୁ ସମସ୍ତ ବୈଦ୍ୟୁତିକ, ସାମରିକ ଓ ବିଲଡିଂର ଉପର ମହଲାକୁ ନ ଯିବାକୁ କୁହାଯାଇଛି। ସେହିପରି ଜାତୀୟ ରାଜପଥର ବ୍ୟବହାର ଦୂତାବାସ ସହ ଯୋଗାଯୋଗ କରି ବ୍ୟବହାର କରିବାକୁ ପରାମର୍ଶ ଦିଆଯାଇଛି। ଷ୍ଟ୍ରେଟ ଅଫ ହର୍ମୁଜ ଖୋଲିବାକୁ ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ଇରାନ ଆଗରେ ରଖିଥିବା କଣ୍ଟ ଆଉ କିଛି ଘଣ୍ଟା ପରେ ପୂରା ହେବ। ସେହିପରି ଟ୍ରମ୍ପ ମଧ୍ୟ ଆଜି ରାତିରେ ଇରାନ ସଭ୍ୟତାକୁ ଶେଷ କରିବେ ବୋଲି ଧମକ ଦେଇଛନ୍ତି। ଗୋଟିଏ ପଟେ ମହଲତ ପୂରିବାକୁ ଯାଉଥିବା ବେଳେ ଅନ୍ୟ ପଟେ ଟ୍ରମ୍ପଙ୍କ ବୟାନବାଜୀ ତୀବ୍ର ହୋଇଛି। ଏପରି ଏକ ସ୍ଥିତିରେ ଦେଶ ପାଇଁ ଜୀବନ ଦେବାକୁ ପ୍ରସ୍ତୁତ ଥିବା କହିଛନ୍ତି ଇରାନୀୟ ରାଷ୍ଟ୍ରପତି ମାସୁଦ ପେଜେସ୍କିଆନ। ସେ ଓ ଦେଶର ୧୪ ମିଲିୟନ ଲୋକ ଯୁଦ୍ଧରେ ମରିବାକୁ ପ୍ରସ୍ତୁତ ଥିବା କହିଛନ୍ତି। ସେ କହିଛନ୍ତି, “୧୪ ମିଲିୟନରୁ ଅଧିକ ଇରାନୀୟ ଲୋକ ନିଜ ଆଡ଼ୁ ଏହି ଯୁଦ୍ଧରେ ବଳିଦାନ ଦେବାକୁ ପ୍ରସ୍ତୁତ ଥିବା ଘୋଷଣା କରିଛନ୍ତି। ମୁଁ ମଧ୍ୟ ଇରାନ ପାଇଁ ସଦାସର୍ବଦା ବଳିଦାନ ଦେବାକୁ ପ୍ରସ୍ତୁତ ଅଛି ଓ ରହିବି।” ଏହାପୂର୍ବରୁ ଟ୍ରମ୍ପ କହିଥିଲେ ଯେ “ଆଜି ରାତିରେ ଗୋଟିଏ ପୂରା ସଭ୍ୟତାର ଅନ୍ତ ହୋଇଯିବ। ଏହାକୁ ଆଉ କେବେ ହେଲେ ଜୀବିତ କରାଯାଇ ପାରିବ ନାହିଁ। ମୁଁ ଏମିତି ଚାହୁଁନାହିଁ, କିନ୍ତୁ ସମ୍ଭବତଃଅ ଏମିତି ହେବ। ଆଜି ରାତି ବିଶ୍ୱର ଦୀର୍ଘ ଓ ଜଟିଳ ଇତିହାସର ସବୁଠାରୁ ମହତ୍ତ୍ୱପୂର୍ଣ୍ଣ କ୍ଷଣ ହେବ। ଏବେ ଇରାନରେ ଶାସନ ସଂପୂର୍ଣ୍ଣ ପରିବର୍ତ୍ତନ ହୋଇସାରିଛି। ଏବେ ଇରାନରେ ଅଲଗା, ଅଧିକ ବୃଦ୍ଧିମାନ ଓ କମ କଟ୍ଟରପନ୍ଥୀ ଚିନ୍ତାଧାରାର ଲୋକ କ୍ଷମତାରେ ରହିଛନ୍ତି। ସମ୍ଭବତଃ କୌଣସି ବୈପ୍ଳବିକ ଓ ଆଶ୍ଚର୍ଯ୍ୟ ଘଟଣା ଘଟିପାରେ। କିଏ ଜାଣିଛି? ୪୭ ବର୍ଷର ବଳପୂର୍ବକ ଲୁଟ, ଦୁର୍ନୀତି ଓ ମୃତ୍ୟୁର ଅନ୍ତ ହେବ। ଇରାନର ମହାନ ଲୋକଙ୍କୁ ଈଶ୍ୱର ଆଶୀର୍ବାଦ କରନ୍ତୁ।”

ଏଣିକି ସୀମା ଜଗିବେ କୁମ୍ଭୀର ଓ ବିଷାକ୍ତ ସାପ

ନୂଆଦିଲ୍ଲୀ : ଏଣିକି ସୀମା ଜଗିବେ କୁମ୍ଭୀର ଓ ବିଷାକ୍ତ ସାପ। ଭାରତ ଏବଂ ବାଂଲାଦେଶ ମଧ୍ୟରେ ସୀମା ବିଶ୍ୱର ସବୁଠାରୁ ଲମ୍ବା ଏବଂ ଜଟିଳ ସୀମା ମଧ୍ୟରୁ ଗୋଟିଏ। ଏହି ୪,୦୯୬ କିଲୋମିଟର ଲମ୍ବା ସୀମାରେ ଚୋରା ଚାଲାଣ ଏବଂ ଅନୁପ୍ରବେଶକୁ ରୋକିବା ସର୍ବଦା ଏକ ପ୍ରମୁଖ ଚ୍ୟାଲେଞ୍ଜ ହୋଇଆସିଛି। ବର୍ତ୍ତମାନ, ଏହି ଚ୍ୟାଲେଞ୍ଜର ମୁକାବିଲା କରିବା ପାଇଁ, ସୀମା ସୁରକ୍ଷା ବାହିନୀ (ବିଏସଏଫ) ଏକ ରଣନୀତି ବିଚାର କରୁଛି। ସୂଚନାନୁଯାୟୀ, ଦୁର୍ଗମ ଅଞ୍ଚଳରେ ଅନୁପ୍ରବେଶକାରୀଙ୍କୁ […]

ଉଚ୍ଚଶିକ୍ଷା କ୍ଷେତ୍ରରେ ବିପିୟୁଟିର ନୂତନ ମାଇଲ ଖୁଣ୍ଟ ସ୍ଥାପନ : ଶିକ୍ଷାନୁଷ୍ଠାନରେ ଖୁସିର ମାହୋଲ

କନକବ୍ୟୁରୋ : ଉଚ୍ଚଶିକ୍ଷା କ୍ଷେତ୍ରରେ ବିଜୁ ପଟ୍ଟନାୟକ ବୈଷୟିକ ବିଶ୍ବବିଦ୍ୟାଳୟ ବା ବିପିୟୁଟି ଏକ ନୂତନ ମାଇଲ ଖୁଣ୍ଟ ସ୍ଥାପନ କରିଛି। ସେମିଷ୍ଟର ପରୀକ୍ଷା ଶେଷ ହେବାର ମାତ୍ର ଦୁଇ ଦିନ ଭିତରେ ପରୀକ୍ଷା ଫଳ ପ୍ରକାଶ କରି ଏସିଆ ବୁକ୍ ଅଫ ରେକର୍ଡ ଏବଂ ଇଣ୍ଡିଆ ବୁକ୍ ଅଫ୍ ରେକର୍ଡସରେ ନିଜ ନାଁ ଲିପିବଦ୍ଧ କରିଛି । ଯାହାକୁ ନେଇ ବେଶ୍ ଖୁସି ଅଛନ୍ତି ଛାତ୍ରଛାତ୍ରୀ ଓ ଅଧ୍ୟାପକ। ଦୁଇ ଦିନ ଭିତରେ ପରୀକ୍ଷା ଫଳ ପ୍ରକାଶ କରି ଏସିଆ ବୁକ୍ ଅଫ ରେକର୍ଡ ଏବଂ ଇଣ୍ଡିଆ ବୁକ୍ ଅଫ ରେକର୍ଡରେ ସ୍ଥାନିତ ହୋଇଛି ବିପିୟୁଟି । ଦକ୍ଷତା ଓ ଶୈକ୍ଷିକ ଉତ୍କର୍ଷତା ପ୍ରତି ନିଜର ପ୍ରତିବଦ୍ଧତାର ଏକ ଉଲ୍ଲେଖନୀୟ ନିଦର୍ଶନ ସ୍ୱରୂପ ବିପିୟୁଟି ସଫଳତାର ସହ ୨୦୨୫-୨୦୨୬ ଅଡ୍ (Odd) ସେମିଷ୍ଟାର ପରୀକ୍ଷା ଫେଜ୍-୨ର ଫଳାଫଳକୁ ଅନ୍ତିମ ପରୀକ୍ଷା ଶେଷ ହେବାର ମାତ୍ର ଦୁଇ ଦିନ ମଧ୍ୟରେ ଫଳ ପ୍ରକାଶ କରି ଏହି ରେକର୍ଡ ହାଲ କରିଛି । ବିପିୟୁଟିରେ ଏହି ସେମିଷ୍ଟର ପରୀକ୍ଷା ଗତ ଜାନୁୟାରି ୧୨ରୁ ଆରମ୍ଭ ହୋଇ ଫେବୃଆରି ୩ରେ ଶେଷ ହୋଇଥିଲା । ଏଥିରେ ବିଟେକ୍‌, ବି-ଆର୍କ, ବିଏସ୍‌ସି, ବି-ଫାର୍ମା, ଵିବିଏ, ବିସିଏ, ଆଇଏମବିଏ, ଏମ୍-ଆର୍କ ଓ ପିଏଚଡି ଭଳି ବିଭିନ୍ନ ପାଠ୍ୟକ୍ରମ ରହିଥିଲା। ଏହି ପରୀକ୍ଷାରେ ମୋଟ ୬୭ ହଜାର ୯୬୩ଜଣ ଛାତ୍ରଛାତ୍ରୀ ପରୀକ୍ଷା ଦେଇଥିଲେ । ଏଥିରେ ୩ଲକ୍ଷ ୫୧ ହଜାର ୨ଶହ ୬୪ଟି ଉତ୍ତର ଖାତାର ଡିଜିଟାଲ ମୂଲ୍ୟାଙ୍କନ କରାଯାଇଥିଲା। ବିପିୟୁଟିର ଏହି ଉଦ୍ୟମ ଉଚ୍ଚଶିକ୍ଷା କ୍ଷେତ୍ରରେ ଏକ ନୂତନ ମାଇଲ ଖୁଣ୍ଟ ସ୍ଥାପନ କରିଛି l

ଓଡ଼ିଶା ଷ୍ଟିଲ୍ ସଂଘ ସହ ମୁଖ୍ୟମନ୍ତ୍ରୀଙ୍କ ଆଲୋଚନା, ୧୦୦ ମିଲିୟନ ଟନ୍ ଇସ୍ପାତ ଉତ୍ପାଦନ ଲକ୍ଷ୍ୟ

କନକ ବ୍ୟୁରୋ : ଓଡ଼ିଶାରେ ଉତ୍ପାଦନ ହେବ ୧୦୦ ମିଲିୟନ ଟନ ଇସ୍ପାତ । ଭାରତୀୟ ଷ୍ଟିଲ ସଂଘଙ୍କୁ ଡାକି ଆଲୋଚନା କଲେ ମୁଖ୍ୟମନ୍ତ୍ରୀ ମୋହନ ମାଝୀ । ବୈଠକ ପରେ ବିଶିଷ୍ଟ ଶିଳ୍ପପତି ନବୀନ ଜିନ୍ଦଲ ମୁଖ୍ୟମନ୍ତ୍ରୀ ମୋହନ ମାଝୀଙ୍କ କାର୍ୟ୍ୟକୁ ପ୍ରଶଂସା କରିଛନ୍ତି । ଶିଳ୍ପ କ୍ଷେତ୍ରରେ ଓଡ଼ିଶାରେ ବହୁତ ଭଲ କାମ ହେଉଥିବା କହିବା ସହ ଆହୁରି କହିଛନ୍ତି ଓଡ଼ିଶାରେ ଭିତ୍ତିଭୂମି ଉନ୍ନତି ହେଉଛି ଶିଳ୍ପାନୁଷ୍ଠାନ ବି ବଢୁଛି । ଓଡ଼ିଶା ସରକାରଙ୍କ ଖଣି ନୀତି ଓ ଅକ୍ସନ ବ୍ୟବସ୍ଥା ପାଇଁ ରାଜ୍ୟକୁ ଅଧିକ ରାଜସ୍ୱ ବି ମିଳୁଛି । ସେଥିପାଇଁ ମୁଖ୍ୟମନ୍ତ୍ରୀ ଙ୍କୁ ଧନ୍ୟବାଦ ଦେବା ସହ ଓଡ଼ିଶାରେ ଷ୍ଟିଲ ପ୍ରଡକ୍ସନ ଭଲ ହେଉଛି ବୋଲି କହିଛନ୍ତି । ତେଣୁ ଆଇରନ ଓର ଉତ୍ପାଦନକୁ ଅଧିକ ବଢାଇବାର ଆବଶ୍ୟକତା ରହିଛି । ଯେଉଁମାନେ ଓଡ଼ିଶାରେ ନିବେଶ କରିଛନ୍ତି ସେମାନଙ୍କୁ ଓଏମସିରୁ ଆଇରନ ଓର ଯୋଗାଇ ଦେବାକୁ ମୁଖ୍ୟମନ୍ତ୍ରୀଙ୍କୁ ଜଣାଇଛନ୍ତି। ମୁଖ୍ୟମନ୍ତ୍ରୀ ମଧ୍ୟ କହିଛନ୍ତି ଯେଉଁମାନେ ଓଡ଼ିଶାରେ ଷ୍ଟିଲ ପ୍ଲାଣ୍ଟ କରିବେ ସେମାନଙ୍କୁ ଆଇରନ ଓରର ଅଭାବ ରହିବ ନାହିଁ । ଶିଳ୍ପାନୁଷ୍ଠାନକୁ କଞ୍ଚା ମାଲର କୌଣସି ଅଭାଵ ରହିବ ନାହିଁ ବୋଲି ମୁଖ୍ୟମନ୍ତ୍ରୀ କହିଛନ୍ତି ଅଧିକ ପଢ଼ନ୍ତୁ : ଚର୍ଚ୍ଚାରେ ମୁଖ୍ୟମନ୍ତ୍ରୀଙ୍କ ଅନ୍ନପୂର୍ଣ୍ଣା ଯୋଜନା, ଏଣିକି ହିତାଧିକାରୀଙ୍କୁ ମୁଣ୍ଡପିଛା ୫ କିଲୋ ବଦଳରେ ମିଳିବ ୧୦ କିଲୋ ଚାଉଳ ସେହିଭଳି ମଧ୍ୟ ପ୍ରାଚ୍ୟ ଯୁଦ୍ଧ ଯୋଗୁ ସମଗ୍ର ବିଶ୍ୱ ପ୍ରଭାବିତ ହୋଇଛି । ସାରା ବିଶ୍ୱ ଡ଼ିଜେଲ, ପେଟ୍ରୋଲ ଓ ଗ୍ୟାସର ସଙ୍କଟ କୁ ସାମ୍ନା କରୁଛି । ଆମ ଦେଶ ଆତ୍ମନିର୍ଭର ଦିଗରେ ବହୁ ପୂର୍ବରୁ କାମ ଆରମ୍ଭ କରି ଦେଇଛି ବୋଲି କହିଛନ୍ତି ଶିଳ୍ପପତି ନବୀନ ଜିନ୍ଦଲ । ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଆତ୍ମନିର୍ଭର ଉପରେ ପ୍ରାଧାନ୍ୟ ଦେଇଛନ୍ତି । ତେଣୁ ବର୍ତ୍ତମାନ ଆମ ଦେଶ ଏକ ମଜଭୁତ ସ୍ଥିତିରେ ଅଛି । ବହୁତ ଦେଶରେ ବିଜୁଳି ସଙ୍କଟ ଦେଖା ଦେଇଥିବା ବେଳେ ଆମ ଦେଶରେ ତାହା ନାହିଁ । କୋଇଲାରୁ ବିଜୁଳି ଉତ୍ପନ୍ନ ହେଉଛି । ତେଣୁ ସେଥିରେ ଆମେ ଆତ୍ମନିର୍ଭରଶୀଳ । ଶିଳ୍ପ କ୍ଷେତ୍ରରେ କିଛି ଦିନ ଗ୍ୟାସ ଅଭାବ ଦେଖା ଦେଇଥିଲା ବର୍ତ୍ତମାନ ତାହା ବି ଆଉ ନାହିଁ । ଜିନ୍ଦଲ ଷ୍ଟିଲ କୋଲ ଗ୍ୟାସିଫିକେସନ ଉପରେ କାମ କରିଛି । କୋଇଲାରୁ ଆମେ ଯେଉଁ ସିଂଥେସିସ ଗ୍ୟାସ ପ୍ରସ୍ତୁତ କରିଥିଲୁ ତାହା ଆଜି ବହୁତ କାମ ଦେଉଛି । ତେଣୁ ଆମେ ୮୦ ପ୍ରତିଶତ ବର୍ତ୍ତମାନ ଗ୍ୟାସ ଉପରେ ନିର୍ଭରଶୀଳ ନୁହେଁ ବୋଲି ସେ କହିଛନ୍ତି...

କଥା କଥାକେ ଠାକୁର ଉପାସ : ସବୁ ଦେଖି ଚୁପ୍‌ ବସିଛି ମନ୍ଦିର ପ୍ରଶାସନ

କନକବ୍ୟୁରୋ : ସେବାୟତଙ୍କ ବିବାଦରୁ ଉପାସ ରହୁଛନ୍ତି ପ୍ରଭୁ ଲିଙ୍ଗରାଜ । ବର୍ଷ ବର୍ଷ ଧରି ବିବାଦ ଲାଗି ରହିଥିଲେ ବି ହୋଇପାରୁନାହିଁ ସମାଧାନ । ନୀତିକାନ୍ତିରେ ବିଭ୍ରାଟ ହେଲେ ବି ସମସ୍ତେ ଚୁପ । ସମସ୍ୟାର ସମାଧାନ ପାଇଁ ସରକାରୀ ସ୍ତରରେ ବି ନାହିଁ ଆନ୍ତରିକତା । ନିଜ ସ୍ବାର୍ଥ ପାଇଁ ପ୍ରଭୁ ଲିଙ୍ଗରାଜଙ୍କୁ ବାଜି ଲଗାଉଛନ୍ତି ସେବାୟତ। ଜିଦ୍ ପୂରଣ ନହେବା ଯାଏ ଠାକୁରଙ୍କୁ ବି ଉପାସ ରଖିବାକୁ ପଛାଉନାହାନ୍ତି। ନୀତିରେ ବିଭ୍ରାଟ ହେଉ ଅବା ସେବାୟତଙ୍କ ମଧ୍ୟରେ କନ୍ଦଳ। ସଙ୍ଗେ ସଙ୍ଗେ ନୀତି ବନ୍ଦ କରିଦିଅନ୍ତି। ଗତ ତିନି ମାସ ମଧ୍ୟରେ ସେବାୟତମାନେ ନିଜର କନ୍ଦଳ ପାଇଁ ଦୁଇ ଦୁଇ ଥର ପ୍ରଭୁ ଲିଙ୍ଗରାଜଙ୍କୁ ଉପାସ ରଖିଦେଉଛନ୍ତି। ପ୍ରଥମେ କ୍ଷୀର ଆଉଟା ନୀତିକୁ ନେଇ ବଡୁ ନିଯୋଗ ଓ ବ୍ରାହ୍ମଣ ନିଯୋଗ ମଧ୍ୟରେ ହେଲା ବିବାଦ। ଆଉ ଏବେ ପ୍ରଭୁ ଲିଙ୍ଗରାଜଙ୍କ ରୁପା ଘୋଡଣୀକୁ ନେଇ ଏହି ଦୁଇ ନିଯୋଗ ମଧ୍ୟରେ ଚାଲିଛି ବିବାଦ। ଏଭଳି ଘଟଣାରେ ସେବାୟତମାନେ ପରସ୍ପରକୁ କାଦୁଅ ଫିଙ୍ଗୁଥିବାବେଳେ ପ୍ରଭୁ ଲିଙ୍ଗରାଜଙ୍କ ନୀତିକାନ୍ତି କଥା ଭୁଲିଯାନ୍ତି। ସେବାୟତଙ୍କ ବିରୋଧରେ କେହି ମୁହଁ ଖୋଲୁନଥିବାବେଳେ ଶ୍ରଦ୍ଧାଳୁଙ୍କୁ ବେଶ କଷ୍ଟ ଦେଉଛି ଏହି ପରିସ୍ଥିତି। କେବଳ ଏହି ଦୁଇ ଘଟଣା ନୁହଁ , କୌଣସି ସେବାୟତ ନିଯୋଗ ମଧ୍ୟରେ ସାମାନ୍ୟ ମତାନ୍ତର ବା ମନାନ୍ତର ହେଲେ ବନ୍ଦ ହୋଇଯାଏ ପ୍ରଭୁ ଲିଙ୍ଗରାଜଙ୍କ ନୀତିକାନ୍ତି। ଲିଙ୍ଗରାଜ ମନ୍ଦିରର ସ୍ବତନ୍ତ୍ର ଆଇନ ନଥିବାରୁ ନା ଅଛି କୌଣସି କଟକଣା ନା ଭୁଲ କଲେ ହେଉଛି କାର୍ଯ୍ୟାନୁଷ୍ଠାନ।ଲିଙ୍ଗରାଜ ମନ୍ଦିରରେ ବିଭ୍ରାଟ ହେଲେ ଲିଙ୍ଗରାଜ ମନ୍ଦିର କାର୍ଯ୍ୟନିର୍ବାହୀ ଅଧିକାରୀଙ୍କ ପାଖରେ ବିଚାର ହୁଏ। ଏଥର ବି ସମାଧାନ ପାଇଁ ବଡୁ ନିଯୋଗ ଓ ବ୍ରାହ୍ମଣ ନିଯୋଗ କାର୍ଯ୍ୟନିର୍ବାହୀ ଅଧିକାରୀଙ୍କ ପାଖରେ ଆଲୋଚନା ହେଲା। ଭିତରେ ଆଲୋଚନା ଚାଲିଥାଏ ଆଉ ବାହାରେ ହାତାହାତି ହେଲେ ସେବାୟତ। ଲିଙ୍ଗରାଜ ମନ୍ଦିର ବିଭ୍ରାଟ ନେଇ ତଦନ୍ତ ଆରମ୍ଭ ହେଲାଣି। ଆସନ୍ତା ୨୦ ତାରିଖରେ ଲିଙ୍ଗରାଜ ମନ୍ଦିର ଟ୍ରଷ୍ଟ ବୋର୍ଡ ବୈଠକରେ ତଦନ୍ତ ରିପୋର୍ଟ ଉପସ୍ଥାପନ ହେବ। କିନ୍ତୁ ପ୍ରଶ୍ନ ଉଠୁଛି , ନୀତିକାନ୍ତିରେ ବିଭ୍ରାଟ କରିଥିବା ସେବାୟତଙ୍କ ବିରୋଧରେ କାର୍ଯ୍ୟାନୁଷ୍ଠାନ ହେବ ତ? ନା ପୂର୍ବ ଘଟଣା ଭଳି ଏହି ଘଟଣାର ଫାଇଲ୍‌ ବି ଚାପି ହୋଇଯିବ?

ମେଟ୍ରୋ ପ୍ରକଳ୍ପ ଆଶା ମଉଳିବା ପରେ ନିରାଶ ରାଜଧାନୀବାସୀ : ପାଣିରେ ପଡ଼ିଲା କୋଟି କୋଟି ଟଙ୍କା

କନକବ୍ୟୁରୋ : ମଉଳିଛି ଭୁବନେଶ୍ବରରେ ମେଟ୍ରୋ ସ୍ବପ୍ନ । ବିଜେଡି ସରକାର ଭୁବନେଶ୍ବରବାସୀଙ୍କୁ ମେଟ୍ରୋ ରେଳ ସ୍ବପ୍ନ ଦେଖାଇଥିବା ବେଳେ ଏବେ ଏହି ପ୍ରକଳ୍ପରେ ପୂର୍ଣ୍ଣଚ୍ଛେଦ ପଡ଼ିଛି । ରାଜ୍ୟ ସରକାର ମେଟ୍ରୋ ରେଳ ପ୍ରକଳ୍ପକୁ ସଂପୂର୍ଣ୍ଣ ବନ୍ଦ କରି ଦେଇଛନ୍ତି । ଏହା ଆଶାଜନକ ଲାଭ ଦେବନି , ଆଶାନୁରୂପ ଯାତ୍ରୀ ହେବେନି କହି ରାଜ୍ୟ କ୍ୟାବିନେଟ୍‌ ଏହି ନିଷ୍ପତ୍ତି ନେଇଛି । ଅପରପକ୍ଷେ ଏହି ପ୍ରକଳ୍ପ ନେଇ ଦିଲ୍ଲୀ ମେଟ୍ରୋ ରେଲ୍‌ ନିଗମ ସହ ହୋଇଥିବା ଚୁକ୍ତିକୁ ବାତିଲ୍‌ କରି ଦିଆଯାଇଛି । ମେଟ୍ରୋ ରେଳ ପ୍ରକଳ୍ପ ପାଇଁ ଖର୍ଚ୍ଚ ହେଲା କୋଟି କୋଟି ଟଙ୍କା । ହେଲେ ସେ ପ୍ରକଳ୍ପକୁ ଭୁଲିଯାଇ ରାଜ୍ୟ ସରକାର କ୍ୟାବିନେଟ୍‌ ଭୁବନେଶ୍ବର-କଟକ-ପୁରୀ-ପାରାଦୀପ ଆର୍ଥିକ କ୍ଷେତ୍ର ଉପରେ ଗୁରୁତ୍ବ ଦେଇଛନ୍ତି । ଅପରପକ୍ଷରେ ୨୦୨୫ ଡିସେମ୍ବର ପୂର୍ବରୁ ଭୁବନେଶ୍ବର ମେଟ୍ରୋ ରେଳ ପ୍ରକଳ୍ପ ନେଇ ହୋଇଥିବା ୨୭୩.୫୧ କୋଟି ଟଙ୍କାର ଖର୍ଚ୍ଚକୁ ରାଜ୍ୟ କ୍ୟାବିନେଟ୍‌ ମଞ୍ଜୁର କରିଛନ୍ତି । ବିଜେଡି ସରକାର ଅମଳରେ ଭୁବନେଶ୍ବର ମେଟ୍ରୋ ରେଳ ପ୍ରକଳ୍ପ ପାଇଁ ଶିଳାନ୍ୟାସ ହୋଇଥିଲା । ଅଧିକ ପଢନ୍ତୁ.... ପାକିସ୍ତାନକୁ ରାଜନାଥଙ୍କ ଚେତାବନୀ, ବେଙ୍ଗଲ ଉପରେ ଆଖି ପକାଇଲେ ପାକିସ୍ତାନର ମାନଚିତ୍ର ବଦଳିଯିବ ସେପଟେ ମେଟ୍ରୋ ପ୍ରକଳ୍ପ ବନ୍ଦ ନେଇ ରାଜଧାନୀବାସୀ ପ୍ରତିକ୍ରିୟା ପ୍ରକାଶ କରିଛନ୍ତି। ମେଟ୍ରୋ ଟ୍ରେନ ଚଳାଚଳ କରିଥିଲେ ରାଜଧାନୀବାସୀ ଟ୍ରାଫିକ ଯନ୍ତ୍ରଣାରୁ କିଛି ପରିମାଣରେ ମୁକ୍ତି ପାଇଥାନ୍ତେ। ରାଜଧାନୀର ସବୁଠୁ ବ୍ୟସ୍ତବହୁଳ ଜୟଦେବ ବିହାର- ନନ୍ଦନକାନନ ରାସ୍ତା ଉପରୁ ଚାପ କମିଥାନ୍ତା । ଏହି ରାସ୍ତାରେ ବହୁ ବଡ଼ ବଡ଼ ଶିକ୍ଷାନୁଷ୍ଠାନ ଥିବାରୁ ଛାତ୍ରଛାତ୍ରୀଙ୍କ ସମୟ ବଞ୍ଚିଥାନ୍ତା। ସହର ଭିତରେ ଘଟୁଥିବା ଦୁର୍ଘଟଣା ଅନେକାଂଶରେ ହ୍ରାସ ପାଇଥାନ୍ତା। ତେଣୁ ରାଜ୍ୟ ସରକାର ଏଦିଗରେ ପୁନର୍ବିଚାର କଲେ ରାଜଧାନୀବାସୀ ଉପକୃତ ହୁଏନ୍ତେ । ମେଟ୍ରୋ ପ୍ରକଳ୍ପ ବନ୍ଦ ହେବା ପରେ ଗୋଟିଏ ପଟେ ଏହାକୁ ନେଇ ରାଜନୀତି ହେଉଥିବା ବେଳେ ଅନ୍ୟପଟେ କଟକ ବାସିନ୍ଦା ନିରାଶ ହୋଇଛନ୍ତି। ଯଦି ମେଟ୍ରୋ ପ୍ରକଳ୍ପ ହୋଇଥାନ୍ତା ତାହେଲେ ଅନ୍ୟ ରାଜ୍ୟ ଭଳି ଓଡ଼ିଶାରେ ମଧ୍ୟ ମେଟ୍ରୋରେ ଯାତାୟାତ କରିଥାନ୍ତେ । ବର୍ତ୍ତମାନ ମେଟ୍ରୋ ପ୍ରକଳ୍ପ ବନ୍ଦ କରିବା ଦ୍ଵାରା କଟକବାସୀଙ୍କ ଆଶା ଭାଙ୍ଗିଗଲା । ସରକାର ମେଟ୍ରୋ ପ୍ରକଳ୍ପ ବନ୍ଦ କରିବା ଅତ୍ୟନ୍ତ ଦୁର୍ଭାଗ୍ୟଜନକ ବୋଲି କଟକ ସହର ବାସିନ୍ଦା କହିଛନ୍ତି । ମେଟ୍ରୋ ପ୍ରକଳ୍ପ ହୋଇଥିଲେ ଭୁବନେଶ୍ୱର-କଟକ ମଧ୍ୟରେ ଯାତାୟାତରେ କୌଣସି ଅସୁବିଧା ହୋଇ ନଥାନ୍ତା। ଏଭଳି ପ୍ରକଳ୍ପ ଆରମ୍ଭ କରି ବନ୍ଦ କରିବା ଠିକ୍ ନୁହେଁ ବୋଲି କହିଛନ୍ତି କଟକ ବାସିନ୍ଦା । ଓଡ଼ିଶା ପାଇଁ ସ୍ବାଭିମାନର କଥା ଥିଲା । ଓଡ଼ିଶାରେ ପ୍ରଥମ ମେଟ୍ରୋ ହୋଇଥାନ୍ତା । ରାଜ୍ୟର ଅନ୍ୟାନ୍ୟ ବିକାଶମୂଳକ କାର୍ଯ୍ୟରେ ଏହା ସହାୟକ ହୋଇଥାନ୍ତା। ଭୁବନେଶ୍ବର, କଟକ, ପୁରୀ ସହରରେ ଟ୍ରାଫିକ ସମସ୍ୟାର ସମାଧାନ ହୋଇଥାନ୍ତା । ସେହିପରି ଆଧୁନିକରଣ ଓ ସମୟାନୁବର୍ତ୍ତୀରେ ମେଟ୍ରୋ ରେଳର ଆବଶ୍ୟକତା ରହିଛି। ସରକାର ଚାହିଲେ ମେଟ୍ରୋ ପ୍ରକଳ୍ପ ପୁଣି ଥରେ ଆଗେଇବ। ପୂର୍ବ ସରକାର ଏହି ପ୍ରକଳ୍ପ ଆରମ୍ଭ କରିଥିବା ବେଳେ ବର୍ତ୍ତମାନର ସରକାର ଏହାକୁ ବନ୍ଦ ନକରି ବରଂ ପୁରୀ ପର୍ଯ୍ୟନ୍ତ ସମ୍ପ୍ରସାରିତ କଲେ ଉଭୟ ଭୁବନେଶ୍ବର-କଟକ ଓ ପୁରୀ ବାସୀ ଉପକୃତ ହେବା ସହ ବାହାରୁ ଆସୁଥିବା ପର୍ଯ୍ୟଟକ ଆକୃଷ୍ଟ ହୁଅନ୍ତେ। ମେଟ୍ରୋ ପ୍ରକଳ୍ପ ପାଇଁ ୨୭୩ କୋଟି ଖର୍ଚ୍ଚ ହେଲା। ହେଲେ ପ୍ରକଳ୍ପ ଅଧାରୁ ବନ୍ଦ ହୋଇଗଲା। ରାଜ୍ୟ ରାଜକୋଷରୁ ସାଧାରଣ ଜନତାଙ୍କ ଟିକସ ଅର୍ଥ ପାଣିରେ ପଡ଼ିଲା। ସରକାର ଏ ଦିଗରେ ଗୁରୁତ୍ବର ସହ ଚିନ୍ତା କରିବା ଆବଶ୍ୟକ।

ରାତି ପାହିଲେ ପୁଣି ଖୋଲିବ ଶ୍ରୀମନ୍ଦିର ରତ୍ନ ଭଣ୍ଡାର : ପୂର୍ବଭଳି ବନ୍ଦ ରହିବ ଭିତର କାଠ

କନକବ୍ୟୁରୋ : ରାତି ପାହିଲେ ପୁଣି ଖୋଲିବ ରତ୍ନ ଭଣ୍ଡାର। ୪୮ବର୍ଷ ପରେ ଆରମ୍ଭ ହୋଇଛି ଶ୍ରୀମନ୍ଦିର ରତ୍ନ ଅଳଙ୍କାର ଗଣତି। ପ୍ରଥମ ପର୍ଯ୍ୟାୟରେ ସରିଛି ଚଳନ୍ତି ଭଣ୍ଡାରର ଅଳଙ୍କାର ଗଣନା। ତେବେ ଆସନ୍ତାକାଲି ଠାରୁ ୩ଦିନ ଧରି ଚାଲିବ ବାହାର ଭଣ୍ଡାରରେ ରତ୍ନ ଅଳଙ୍କାର ଗଣନା ପ୍ରକିୟା । ଆସନ୍ତାକାଲି ରତ୍ନ ଗଣନା ସମୟରେ ପୂର୍ବଭଳି ବନ୍ଦ ରହିବ ଭିତର କାଠ ଦର୍ଶନ । ବାହାର ଭଣ୍ଡାରରେ ରହିଛି ୮୧୭୫ ଭରିର ୭୯ଟି ସୁନା ଆର୍ଟିକିଲ ବା ଦ୍ରବ୍ୟ। ୪୧୭୬ ଭରିର ରହିଛି ୩୯ ପ୍ରକାରର ରୁପା ଦ୍ରବ୍ୟ । ୮୧୭୫ ଭରିର ସୁନା ଦ୍ରବ୍ୟ ଓ ୪୧୭୬ ଭରିର ରୁପା ଦ୍ରବ୍ୟ ଥିବା ବାହାର ଭଣ୍ଡାରର ହେବ ଗଣତି । ଗତ ମାର୍ଚ୍ଚ ୨୫ତାରିଖରେ ଚଳନ୍ତି ଭଣ୍ଡାରର ଗଣତି ସରିଛି। ଗଣତି ଦିନ ସଅଳ ନୀତିକାନ୍ତି ହେବାସହ ସକାଳ ଧୂପ ନୀତି ସମୟରେ ସାରିବାକୁ ହୋଇଛି ନିଷ୍ପତ୍ତି। ତେବେ ଏସଓପି ଅନୁଯାୟୀ ସୁପରଭାଇଜିଙ୍ଗ ଟିମ୍ ଓ ହ୍ୟାଣ୍ଡଲିଙ୍ଗ ଟିମ୍ ଗଣତି କାର୍ଯ୍ୟରେ ରହିବେ। ଭିଡିଓଗ୍ରାଫି ଓ ଥ୍ରିଡି ମ୍ୟାପିଙ୍ଗ ସହ ହେବ ପୂରା ପ୍ରକ୍ରିୟା।

ଦେଖନ୍ତୁ ; ଭାବବିହ୍ୱଳ କରିବ ଶିକ୍ଷୟିତ୍ରୀଙ୍କ ଏହି ଭିଡିଓ

ସମାଜ ଡିଜିଟାଲ ଡେସ୍କ : ଶିକ୍ଷକମାନେ କେବଳ ଶିକ୍ଷା ପ୍ରଦାନ କରନ୍ତି ନାହିଁ; ବରଂ ସେମାନେ ଭବିଷ୍ୟତ ପାଇଁ ମୂଳଦୁଆ ସ୍ଥାପନ କରନ୍ତି। ଏହି ଭାବନାକୁ କଏଦ କରୁଥିବା ଏକ ହୃଦୟସ୍ପର୍ଶୀ ଭିଡିଓ ସୋସିଆଲ ମିଡିଆରେ ଏବେ ଦ୍ରୁତ ଗତିରେ ଭାଇରାଲ ହୋଇଛି, ଯାହା ସଭିଁଙ୍କ ହୃଦୟ ଜିତିଛି। ଏହି ଭିଡିଓଟି ଜଣେ ଶିକ୍ଷୟିତ୍ରୀ ଏବଂ ତାଙ୍କ ଛାତ୍ରଛାତ୍ରୀଙ୍କ ମଧ୍ୟରେ। ଇଣ୍ଟରନେଟରେ ଚର୍ଚ୍ଚାର ବିଷୟ ପାଲଟିଥିବା ଏହି ଭିଡିଓଟି ଏକ ସ୍କୁଲ ଶ୍ରେଣୀଗୃହର। ପ୍ରାରମ୍ଭରେ ସବୁକିଛି ସାଧାରଣ […]

ଇରାନ ସଭ୍ୟତା ମାଟିରେ ମିଶିବ:ଆମେରିକା ରାଷ୍ଟ୍ରପତି

ୱାଶିଂଟନ:ମଧ୍ୟପ୍ରାଚ୍ୟ ଯୁଦ୍ଧ ମଧ୍ୟରେ ଇରାନକୁ ସବୁଠାରୁ ବଡ଼ ଧମକ ଦେଇଛନ୍ତି ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ। ହର୍ମୁଜ ପ୍ରଣାଳୀ ଖୋଲିବାକୁ ଟ୍ରମ୍ପ ଇରାନକୁ ଦେଇଥିବା ଡେଡଲାଇନ ଆଜି ରାତିରେ ଶେଷ ହେବାକୁ ଯାଉଛି। ଇରାନୀୟ ସମୟ ଭୋର ୩.୩୦ ଓ ଆମେରିକା ସମୟ ରାତି ୮ଟା ବେଳକୁ ଏହି ସମୟସୀମା ଶେଷ ହେବ। ଏହାପୂର୍ବରୁ ଟ୍ରମ୍ପ ଟ୍ରୁଥ ସୋଶାଲରେ ଇରାନକୁ ଦେଇଛନ୍ତି ବଡ଼ ଧମକ। ଆଜି ରାତିରେ ପୂରା ଇରାନ ସଭ୍ୟତା ମାଟିରେ ମିଶିବ ବୋଲି ସେ […]

ନବରଙ୍ଗପୁର ଉମରକୋଟ ନିକଟରେ ମର୍ମନ୍ତୁଦ ଦୁର୍ଘଟଣା, ଗୋଟିଏ ପରିବାର ଚାଲିଗଲା ୪ ଜଣଙ୍କ ଜୀବନ

କନକ ବ୍ୟୁରୋ : ନବରଙ୍ଗପୁର ଜିଲ୍ଲା ଉମରକୋଟ ନିକଟରେ ଘଟିଛି ଏକ ମର୍ମନ୍ତୁଦ ସଡ଼କ ଦୁର୍ଘଟଣା। ଦୁଇଟି କାର୍‌ ମଧ୍ୟରେ ମୁହାଁମୁହିଁ ଧକ୍କା ହେବା ଫଳରେ ଗୋଟିଏ ପରିବାରର ୪ ଜଣଙ୍କ ମୃତ୍ୟୁ ଘଟିଥିବା ବେଳେ ୫ରୁ ଅଧିକ ଗୁରୁତର ହୋଇଛନ୍ତି। ଏହି ଖବର ପ୍ରସାରିତ ହେବା ପରେ କୋରାପୁଟ ଅଞ୍ଚଳରେ ଖେଳିଯାଇଛି ଶୋକର ଛାୟା। କାନ୍ଦବୋବାଳିରେ ଫାଟି ପଡ଼ୁଛି ପରିବେଶ । କିଏ କାହାକୁ ବଝାଇବା, କିଏ କାହାକୁ ସାନ୍ତନ୍ବା ଦେବ। କେଉଁ ମା’ ତା’ ପୁଅକୁ ହରାଇଛି। ଆଉ କିଏ ନିଜ ବାପାକୁ। ସଡ଼କ ଦୁର୍ଘଟଣାରେ ଗୋଟିଏ ପରିବାରରୁ ଚାଲିଯାଇଛି ୪ ଜୀବନ। ସତେ ଯେମିତି ପୁରା ପରିବାର ଉପରେ ଘୋଟି ଆସିଛି କଳାବାଦଲ। ଏ ଦୃଶ୍ୟ ଆପଣଙ୍କୁ ବିଚଳିତ କରିଦେବ। କୋରାପୁଟ ସୁନାବେଢ଼ାରୁ ନିଜ ପରିବାର ସହ ନବରଙ୍ଗପୁର ଝରୀଗାଁ ଚିତାବେଢା ଗାଁର ଏକ ବ୍ରତଘର ଭୋଜି ଖାଇ ଗାଡ଼ିରେ ମଉଜ ମଜଲିସ୍‌ କରି ଫେରୁଥିଲେ। ଆଉ କିଛି ସମୟ ଥିଲା ଘରେ ପହଞ୍ଚିବାକୁ, ଖୁସିରେ କ୍ଷଣିକରେ ଲାଗିଗଲା ଗ୍ରହଣ, ରକ୍ତରଞ୍ଜିତ ହେଲା ରାଜପଥ ନବରଙ୍ଗପୁର ଉମରକୋଟ-କୁଣ୍ଡେଇ ରାସ୍ତାର ବଡ଼କୁମାରୀ ନିକଟ ଭାରତମାଳା ଜାତୀୟ ରାଜପଥରେ ବିପରୀତ ଦିଗରୁ ଆସୁଥିବା ଏକ ବରଯାତ୍ରୀ ଗାଡ଼ି ସହ କାର୍‌ଟିର ମୁହାଁମୁହିଁ ଧକ୍କା ହୋଇଥିଲା। ଫଳରେ ଘଟଣାସ୍ଥଳରେ ହିଁ ୧୦ ବର୍ଷୀୟ ଆଶୁତୋଷ ରଥ, ଅରୁଣ ପଣ୍ଡା ଓ ସୁବ୍ରତ ଶତପଥୀଙ୍କ ମୃତ୍ୟୁ ହୋଇଥିଲା। ପରେ ଚିକିତ୍ସାଧୀନ ଅବସ୍ଥାରେ ପ୍ରାଣ ହରାଇଥିଲେ ବଂଶୀଧର ପଣ୍ଡା। ମୃତକଙ୍କ ମଧ୍ୟରେ ସମ୍ପର୍କରେ ଦୁଇ ଭାଇ ଏବଂ ଆଶୁତୋଷ ଓ ଅରୁଣ ସମ୍ପର୍କରେ ଅଜା ଓ ନାତି ଥିବା ଜଣାପଡ଼ିଛି। ଆହତ ହୋଇଛନ୍ତି ୪ଜଣ। ଅଧିକ ପଢ଼ନ୍ତୁ : କୋରାପୁଟ ଓ ମାଲକାନଗିରିରେ ମୃଦୁ ଭୂମିକମ୍ପ , ଭୟଭୀତ ଲୋକେ ଦୁର୍ଘଟଣା ଏତେ ଭୟଙ୍କର ଥିଲା ଯେ ଗାଡ଼ିଟି ସମ୍ପୂର୍ଣ୍ଣ ଭାଙ୍ଗିଯାଇଛି। ଉମରକୋଟ ଅଗ୍ନିଶମ ବାହିନୀ ପହଞ୍ଚି ଗୁରୁତରଙ୍କୁ ଉଦ୍ଧାର କରି ଉମରକୋଟ ଉପଖଣ୍ଡ ସ୍ୱାସ୍ଥ୍ୟ କେନ୍ଦ୍ରରେ ଭର୍ତ୍ତି କରିଥିଲେ। ଗୁରୁତରଙ୍କୁ କୋରାପୁଟ ବଡ଼ ମେଡିକାଲକୁ ସ୍ଥାନାନ୍ତର କରାଯାଇଛି। ବରଯାତ୍ରୀ ଗାଡ଼ିଟି ଟ୍ରାଫିକ ନିୟମ ଉଲ୍ଲଂଘନ କରି ରଙ୍ଗ ରୁଟ୍‌ରେ ଆସୁଥିବା ଅନୁମାନ କରାଯାଉଛି। ଘଟଣା ସ୍ଥଳରେ ଉମରକୋଟ ପୋଲିସ ପହଞ୍ଚି ତଦନ୍ତ ଜାରି ରଖିଛି। ଯେଉଁ ଘରକୁ ଆଉ କିଛି ସମୟ ପରେ ସମସ୍ତେ ହସଖୁସିରେ ଫେରିଥାନ୍ତେ, ସେଠି ୪ଟି ଶବ ଫେରିଛି। ଗୋଟିଏ ପରିବାରରୁ ଜଳିବ ୪ଟି ଜୁଇ। ଏହା ଠାରୁ ହୃଦୟ ବିଦାରକ ବୋଧ ହୁଏ ଆଉ କିଛି ହୋଇନପାରେ।

ଖୁଣ୍ଟାରେ କାଳବୈଶାଖୀ ପ୍ରଭାବ

ଖୁଣ୍ଟା : ମୟୂରଭଞ୍ଜ ଜିଲା ଖୁଣ୍ଟା ଅଞ୍ଚଳରେ କାଳବୈଶାଖୀ ପ୍ରଭାବରେ ଦୀର୍ଘ ସମୟ ଧରି ଝଡ଼ ବର୍ଷା ହେବା ସହିତ ୧୫ ମିନିଟ୍ ଧରି ବଡ କୁଆପଥର ମାନ ବୃଷ୍ଟି ହେବାରୁ ମଙ୍ଗଳବାର ଖୁଣ୍ଟା ଅଞ୍ଚଳରେ ଜନଜୀବନ ପ୍ରଭାବିତ ହୋଇଥିଲା। ମଧ୍ୟାହ୍ନରେ ସନ୍ଧ୍ୟା ସମୟର ଅନୁଭବ ହୋଇଥିଲା। ପାଣିପାଗ ପରିବର୍ତ୍ତନ ସମ୍ପର୍କରେ ପୂର୍ବାନୁମାନ କରି ସଂପୃକ୍ତ ବିଭାଗ ପକ୍ଷରୁ ମୋବାଇଲରେ ପ୍ରାକ୍ ସୂଚନା ଜାରି କରାଯାଇଥିଲା। ପୂର୍ବାହ୍ନରେ ପାଗ ସମ୍ପୂର୍ଣ୍ଣ ସ୍ୱାଭାବିକ ଥିବା ବେଳେ ମଧ୍ୟାହ୍ନରେ ଆକସ୍ମିକ […]

Middle East War: ଟ୍ରମ୍ପଙ୍କ ସବୁଠାରୁ ବଡ଼ ଧମକ: ଆଜି ରାତିରେ ଇରାନ ସଭ୍ୟତା ଶେଷ ହେବ

Middle East War: ମଧ୍ୟପ୍ରାଚ୍ୟ ଯୁଦ୍ଧ ମଧ୍ୟରେ ଇରାନକୁ ସବୁଠାରୁ ବଡ଼ ଧମକ ଦେଇଛନ୍ତି ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ। ହର୍ମୁଜ ପ୍ରଣାଳୀ ଖୋଲିବାକୁ ଟ୍ରମ୍ପ ଇରାନକୁ ଦେଇଥିବା ଡେଡଲାଇନ ଆଜି ରାତିରେ ଶେଷ ହେବାକୁ ଯାଉଛି। ଇରାନୀୟ ସମୟ ଭୋର ୩.୩୦ ଓ ଆମେରିକା ସମୟ ରାତି ୮ଟା ବେଳକୁ ଏହି ସମୟସୀମା ଶେଷ ହେବ। ଏହାପୂର୍ବରୁ ଟ୍ରମ୍ପ ଟ୍ରୁଥ ସୋଶାଲରେ ଇରାନକୁ ଦେଇଛନ୍ତି ବଡ଼ ଧମକ। ଆଜି ରାତିରେ ପୂରା ଇରାନ ସଭ୍ୟତା ମାଟିରେ ମିଶିବ ବୋଲି ସେ କହିଛନ୍ତି। ଏପରି ଧମକ ଦେଇ ସେ ଇରାନ ଉପରେ କୌଣସି ବଡ଼ ଆକ୍ରମଣର ସଙ୍କେତ ଦେଇଛନ୍ତି। ଟ୍ରମ୍ପ କହିଛନ୍ତି, “ଆଜି ରାତିରେ ଗୋଟିଏ ସଭ୍ୟତାର ଅନ୍ତ ହୋଇଯିବ। ଏହାକୁ ଆଉ କେବେ ହେଲେ ଜୀବିତ କରାଯାଇ ପାରିବ ନାହିଁ। ମୁଁ ଏମିତି ଚାହୁଁନାହିଁ, କିନ୍ତୁ ସମ୍ଭବତଃ ଏମିତି ହେବ।” ଟ୍ରମ୍ପ ଧମକ ଦେଇଥିଲେ ହେଁ ଶେଷ ସମୟରେ ଏହାକୁ ରଦ୍ଦ କରାଯାଇ ପାରେ ବୋଲି ମଧ୍ୟ କହିଛନ୍ତି। ସେ କହିଛନ୍ତି, “ଆଜି ରାତି ବିଶ୍ୱର ଦୀର୍ଘ ଓ ଜଟିଳ ଇତିହାସର ସବୁଠାରୁ ମହତ୍ତ୍ୱପୂର୍ଣ୍ଣ କ୍ଷଣ ହେବ। ଏହାକୁ ଆମେ ସମସ୍ତେ ଦେଖିବା। ଯଦିଓ ଏବେ ଇରାନରେ ଶାସନ ସଂପୂର୍ଣ୍ଣ ପରିବର୍ତ୍ତନ ହୋଇସାରିଛି। ଏବେ ଇରାନରେ ଅଲଗା, ଅଧିକ ବୃଦ୍ଧିମାନ ଓ କମ କଟ୍ଟରପନ୍ଥୀ ଚିନ୍ତାଧାରାର ଲୋକ କ୍ଷମତାରେ ରହିଛନ୍ତି। ସମ୍ଭବତଃ କୌଣସି ବୈପ୍ଳବିକ ଓ ଆଶ୍ଚର୍ଯ୍ୟ ଘଟଣା ଘଟିପାରେ। କିଏ ଜାଣିଛି? ୪୭ ବର୍ଷର ବଳପୂର୍ବକ ଲୁଟ, ଦୁର୍ନୀତି ଓ ମୃତ୍ୟୁର ଅନ୍ତ ହେବ। ଇରାନର ମହାନ ଲୋକଙ୍କୁ ଈଶ୍ୱର ଆଶୀର୍ବାଦ କରନ୍ତୁ।” ଟ୍ରମ୍ପଙ୍କ ଧମକ ପୂର୍ବରୁ ଆମେରିକା ସେନା ପକ୍ଷରୁ ଇରାନର ଗୁରୁତ୍ୱପୂର୍ଣ୍ଣ ଖାର୍ଗ ଦ୍ୱୀପ ନିକଟରେ ଏକାଧିକ ଏୟାର ଷ୍ଟ୍ରାଇକ କରାଯାଇଥିଲା। ଖାର୍ଗ ଦ୍ୱୀପ ନିକଟରେ ଥିବା ସାମରିକ ଘାଟି ଗୁଡ଼ିକ ଆମେରିକା ଉଡ଼ାଇ ଦେଇଛି। ସେଠାରେ ଏକାଧିକ ବିସ୍ଫୋରଣ ହୋଇଥିବା ଜଣାପଡ଼ିଛି। ସେହିପରି ଇସ୍ରାଏଲ ପକ୍ଷରୁ ଇରାନର ଏକାଧିକ ରେଳ ବ୍ରିଜ ଓ ଜାତୀୟ ରାଜପଥକୁ ମଧ୍ୟ ଧ୍ୱଂସ କରାଯାଇଛି। ଇରାନର କାଶନରେ ଥିବା ୟାହୟା ଅବାଦ ରେଳ ବ୍ରିଜ ଇସ୍ରାଏଲ ଆଟାକରେ କ୍ଷତିଗ୍ରସ୍ତ ହୋଇଛି। ସେହିପରି ଉତ୍ତର ଇରାନର ଜାତୀୟ ରାଜପଥକୁ ମଧ୍ୟ ଇସ୍ରାଏଲ ଉଡ଼ାଇ ଦେଇଛି। ଏବେ ବି ବିଭିନ୍ନ ଇରାନୀୟ ରେଳ ଓ ସଡ଼କ ଭିତ୍ତିଭୂମି ଉପରେ ଇସ୍ରାଏଲ ଆକ୍ରମଣ କରୁଛି।

ବଲାଙ୍ଗୀର ପାଟଣାଗଡ଼ରେ ପ୍ରକୃତିର ତାଣ୍ଡବ, କାଳବୈଶାଖୀ ସହ କୁଆପଥର ମାଡ଼ରେ ଛାରଖାର

କନକ ବ୍ୟୁରୋ: କ୍ଷେତରେ ପାଣି। ନଷ୍ଟ ହୋଇଯାଇଛି ଫସଲ। ଉଜୁଡ଼ା କ୍ଷେତରୁ ନିଜ ପରିଶ୍ରମକୁ ତୋଳି ଆଣୁଛି ଚାଷୀ। କାଳେ କିଛି ରହିଯାଇଥିବ। ବଲାଙ୍ଗୀର ଜିଲ୍ଲା ପାଟଣାଗଡ଼, ବେଳପଡ଼ା ଓ ଖପ୍ରାଖୋଲ ବ୍ଲକର ବିଭିନ୍ନ ସ୍ଥାନରେ ଦେଖିବାକୁ ମିଳିଛି ପ୍ରକୃତିର ଏହି ବିଭୀଷିକା । ଗତକାଲି ଦିନ ୨ଟା ୫୦ ମିନିଟ୍। ଟାଇଁ ଟାଇଁ ଖରା ହେଉଥିଲା। ଅଚାନକ ମାଡ଼ି ଆସିଲା କଳାହାଣ୍ଡିଆ ମେଘ। ପ୍ରାୟ ୧୫୦ କିଲୋମିଟର ବେଗରେ ବହିଲା ପବନ। ଗମନାଗମନ ଠପ୍ ହୋଇଗଲା, ଆଉ ଛାରଖାର କରିଦେଲା ଗରିବ ଚାଷୀର ପରିଶ୍ରମ। ଏବେ ସରକାରୀ ସାହାଯ୍ୟକୁ ଅପେକ୍ଷା କରିଛି ଚାଷୀ। ଖାଲି ଚାଷ ନୁହେଁ, କାହାର ଘର ଉଡ଼ିଯାଇଛି ତ ଆଉ କାହାର ଖପର ଛାତ ଖଣ୍ଡ ବିଖଣ୍ଡିତ ହୋଇଛି। ପାଟଣାଗଡ଼ ପାଢେଲ ଗାଁ ନିକଟରେ ପାଟଣାଗଡ଼-ପଦ୍ମପୁର ରାସ୍ତା ଅବରୋଧ କରିଛନ୍ତି ଶତାଧିକ ଚାଷୀ ଓ ଗାଁ ଲୋକ। ଘରଦ୍ୱାର ଭାଙ୍ଗିଛି, ଗଛ ଉପୁଡ଼ିଛି, ବିଦ୍ୟୁତ୍ ଖୁଣ୍ଟ ଭୂଇଁରେ ଶୋଇଛି, ହେଲେ ଦୁଃଖ ବୁଝିବାକୁ ପ୍ରଶାସନର ଦେଖା ନାହିଁ। ଏପରିକି ପାଟଣାଗଡ଼ ତହସିଲଦାର ଘଟଣାସ୍ଥଳକୁ ଆସି ‘ଏହା ମୋ ଅଞ୍ଚଳ ନୁହେଁ’ କହି ଚାଲିଯାଇଛନ୍ତି। କ୍ଷତିପୂରଣ ନମିଳିବା ଯାଏଁ ରାସ୍ତାରୁ ହଟିବୁ ନାହିଁ ବୋଲି ଜିଦ୍‌ରେ ଅଟଳ ଅଛନ୍ତି ଆନ୍ଦୋଳନକାରୀ। ଅଧିକ ପଢ଼ନ୍ତୁ : ମିଆଁମାରରେ ଭୂକମ୍ପ ବିଭୀଷିକା । ୧୫୦ ମୃତ, ୭୦୦ରୁ ଅଧିକ ଆହତ ଖପ୍ରାଖୋଲ ବ୍ଲକ ଚଙ୍ଗରିଆ ପଞ୍ଚାୟତର ରେଙ୍ଗାଲଯୁରି ଗାଁରେ ଥିବା ଏକମାତ୍ର ସ୍କୁଲ୍ ଏବେ ଭଙ୍ଗା ସ୍ତୁପରେ ପରିଣତ ହୋଇଛି। ପଞ୍ଚମ ଶ୍ରେଣୀ ଯାଏଁ ଥିବା ଏହି ସ୍କୁଲର ଆଜବେଷ୍ଟସ ଉଡ଼ିଯାଇଥିବା ବେଳେ, ରୋଷେଇ ଘର ମଧ୍ୟ ସମ୍ପୂର୍ଣ୍ଣ ଭାଙ୍ଗିଯାଇଛି। ଘଣ୍ଟା ଘଣ୍ଟା ବିତିଯାଇଥିଲେ ବି ସ୍କୁଲ ପରିସରରେ ଜମି ରହିଛି କୁଆପଥରର ବଡ଼ ବଡ଼ ଖଣ୍ଡ। ପିଲାଙ୍କ ବହିପତ୍ର ଓ ପୋଷାକ ସବୁ ପାଣିରେ ଭିଜି ଯାଇଛି। ଅଭିଭାବକ ଓ ଶିକ୍ଷକଙ୍କ ଗୋଟିଏ ଦାବି ତୁରନ୍ତ ସ୍କୁଲ ମରାମତି ହେଉ, ନଚେତ୍ ପିଲାଙ୍କ ପାଠପଢ଼ା ସମ୍ପୂର୍ଣ୍ଣ ବନ୍ଦ ହୋଇଯିବ।ଏବେ ଦେଖିବାକୁ ବାକି ରହିଲା, ପ୍ରକୃତିର ଏହି କରାଳ ମାଡ଼ରେ ସର୍ବସ୍ୱାନ୍ତ ହୋଇଥିବା ପାଟଣାଗଡ଼ବାସୀଙ୍କୁ ସରକାର କେବେ ସହାୟତାର ହାତ ବଢ଼ାଉଛନ୍ତି।

Murder: ସ୍ତ୍ରୀକୁ ମାରି ଝୁଲିପଡ଼ିଲେ ସ୍ୱାମୀ, ସାତ ବର୍ଷ ତଳେ କରିଥିଲେ ପ୍ରେମ ବିବାହ

ଗଞ୍ଜାମ ବେଲଗୁଣ୍ଠା ଥାନା ସରନୁଆପଲ୍ଲୀ ଗାଁରେ ଜଣେ ବ୍ୟକ୍ତି ତାଙ୍କ ସ୍ତ୍ରୀଙ୍କୁ ହତ୍ୟା କରିବା ପରେ ବେକରେ ରଶି ଲଗାଇ ଆତ୍ମହତ୍ୟା କରିଥିବା ଅଭିଯୋଗ ହୋଇଛି। ମୃତ ଦମ୍ପତି ହେଉଛନ୍ତି ଚିତ୍ରସେନ ନାୟକ ଓ ପୂଜା ନାୟକ। ସୂଚନା ଅନୁଯାୟୀ, ଗତକାଲି ବିଳମ୍ବିତ ରାତିରେ ଟଙ୍କା ପଇସାକୁ ନେଇ ସ୍ୱାମୀ-ସ୍ତ୍ରୀଙ୍କ ମଧ୍ୟରେ ଝଗଡ଼ା ହୋଇଥିଲା। ସେହି ସମୟରେ ଚିତ୍ରସେନ ଫୁଙ୍କନଳା ଓ ପନିକିରେ ପୁଜାଙ୍କ ମୁଣ୍ଡକୁ ଆକ୍ରମଣ କରିଥିଲେ। ପରେ ସେ ଘରର ବାଡ଼ିଠାରୁ କିଛି ଦୂରରେ ଥିବା ଏକ ଗଛରେ ରଶି ବାନ୍ଧି ସେଥିରେ ଝୁଲି ପଡ଼ିଥିଲେ। ସାତ ବର୍ଷ ତଳେ ପ୍ରେମ ବିବାହ କରିଥିଲେ ଚିତ୍ରସେନ ନାୟକ ଓ ପୂଜା ନାୟକ। ସେମାନଙ୍କର ଦୁଇଟି ପୁଅ ଅଛନ୍ତି। ପ୍ରେମ ବିବାହ କରିବାର ଏକ ବର୍ଷ ପର୍ଯ୍ୟନ୍ତ ସବୁ ଠିକ୍ ଥିଲା। କିନ୍ତୁ ତା’ପରଠାରୁ ଉଭୟଙ୍କ ମଧ୍ୟରେ ଝଗଡ଼ା ଲାଗି ରହୁଥିଲା। ଦୁଇ ଛୁଆଙ୍କ ଭବିଷ୍ୟତ ଚିନ୍ତା କରି ଛଅ ମାସ ତଳେ ପୂଜା ଭୁବନେଶ୍ୱର ଚାଲିଯାଇଥିଲେ। ସିଆର୍‌ପି ଛକ ପାଖରେ ରହି ଶ୍ରମିକ ଭାବେ ସେ କାମ କରୁଥିଲେ। ବ୍ୟାଙ୍କରେ କାମ ଥିବାରୁ ସେ ଗାଁକୁ ଆସିଥିଲେ। ଅନ୍ୟପକ୍ଷରେ ପୂଜାଙ୍କ ଅନୁପସ୍ଥତିରେ ରାଗରେ ଜଳୁଥିଲା ଚିତ୍ରସେନ। ଆଉ ଗତକାଲି ରାତିରେ ଝଗଡ଼ା ବେଳେ ସେ ପୂଜାଙ୍କୁ ମାରିବା ପରେ ଆତ୍ମହତ୍ୟା କରିଥିବା ଅଭିଯୋଗ ହୋଇଛି। ପୂଜା ଆଜି ବ୍ୟାଙ୍କକୁ ଯାଇଥା’ନ୍ତେ। କିନ୍ତୁ ସେ ବ୍ୟାଙ୍କକୁ ନଯିବାରୁ ତାଙ୍କ ଭାଇ ଘରକୁ ଆସିଥିଲା। ଆଉ ଘର କବାଟ ଖୋଲି ଦେବା ପରେ ଭଉଣୀ ମରି ପଡ଼ିଥିବା ଦେଖଥିଲେ। ପୁଲିସ ମୃତଦେହ ଦୁଇଟିକୁ ଜବତ କରି ବ୍ୟବଚ୍ଛେଦ ପାଇଁ ପଠାଇବା ସହିତ ଘଟଣାସ୍ଥଳରେ ଯାଞ୍ଚ କରିଛି। ପୁଲିସର ତଦନ୍ତ ଜାରି ରହିଛି। ଭଞ୍ଜନଗରରୁ ରାଜେଶ କୁମାର ପଣ୍ଡାଙ୍କ ରିପୋର୍ଟ

ଦମ୍ପତିଙ୍କ କାରନାମା ; ଏମିତି କରୁଥିଲେ ଛିନତାଇ

ଭୁବନେଶ୍ୱର : ପ୍ରଥମେ ଥିଲେ ପାନଦୋକନୀ। ତା’ପରେ ଲୁଟି ଚାଲିଲେ ସୁନା ଚେନ୍। ଦମ୍ପତିଙ୍କ କାରନାମା ଏବେ ଚର୍ଚ୍ଚାର ବିଷୟ ପାଲଟିଛି। ରାସ୍ତାରେ ଟାର୍ଗେଟ କରି ଲୋକଙ୍କ ଠାରୁ ଲୁଟି ନେଉଥିଲେ ଚେନ୍। ମିଳିଥିବା ସୂଚନାନୁଯାୟୀ, ନିଳାଦ୍ରିବିହାରର ସଞ୍ଜୁକଟା ପୃଷ୍ଟି ଚନ୍ଦ୍ରଶେଖରପୁର ଥାନା ଅନ୍ତର୍ଗତ ସୁନା ଅଳଙ୍କାର କିଣିବା ପାଇଁ ଯାଇଥିଲେ। ଅଳଙ୍କାର ଦୋକାନ ସାମ୍ନାରେ ଥିବା ସମୟରେ ହଠାତ୍ ଜଣେ ବ୍ୟକ୍ତି ଆସି ତାଙ୍କ ବେକରୁ ଚେନ୍ ଛଡାଇ ନେଇ ଫେରାର ହୋଇଯାଇଥିଲେ। ଏନେଇ ମହିଳା […]

ଆଇସିସି ମାସର ଶ୍ରେଷ୍ଠ ଖେଳାଳି ଦୌଡ଼ରେ ବୁମ୍‌‌ରା, ସାମ୍‌ସନ

ଦୁବାଇ: ମାର୍ଚ୍ଚ ମାସ ଲାଗି ଆଇସିସିର ଶ୍ରେଷ୍ଠ କ୍ରିକେଟର ଦୌଡ଼ରେ ଭାରତର ଦୁଇ ଖେଳାଳି ଯଶପ୍ରୀତ୍‌‌ ବୁମ୍‌‌ରା ଓ ସଞ୍ଜୁ ସାମସନ ରହିଛନ୍ତି। ଦକ୍ଷିଣ ଆଫ୍ରିକାର ଯୁବ ବ୍ୟାଟ୍‌ସମ୍ୟାନ କନ୍ନର ଏଷ୍ଟରହୁଇଜେନ୍‌‌ ମଧ୍ୟ ଏହି ଦୌଡ଼ରେ ରହିଛନ୍ତି। ନ୍ୟୁଜିଲାଣ୍ଡ ବିପକ୍ଷ ୫ ମ୍ୟାଚ୍‌‌ ବିଶିଷ୍ଟ ଟ୍ବେଣ୍ଟି୨୦ ଶୃଙ୍ଖଳାରେ ଏଷ୍ଟରହୁଇଜେନ୍‌‌ ୨ଟି ଅର୍ଦ୍ଧଶତକ ସହ ମୋଟ ୨୦୦ ରନ୍‌‌ କରିଥିଲେ। ଅନ୍ୟପକ୍ଷରେ ମାର୍ଚ୍ଚରେ ଟ୍ବେଣ୍ଟି୨୦ ବିଶ୍ବକପ୍‌‌ ଚମ୍ପିଆନ୍‌ ହୋଇଥିବା ଭାରତୀୟ ଦଳର ଦୁଇ ପ୍ରମୁଖ ଖେଳାଳି ଓପ୍‌ନର ସଞ୍ଜୁ […]

ରୋହିତଙ୍କ କୀର୍ତ୍ତିମାନ ଭାଙ୍ଗିଲେ କୋହଲି

ବେଙ୍ଗାଲୁରୁ:ରବିବାର ଆଇପିଏଲ୍‌ ମ୍ୟାଚ୍‌ରେ ବଡ଼ କୀର୍ତ୍ତିମାନ ହାସଲ କରିଛନ୍ତି ଆର୍‌ସିବିର ବିରାଟ କୋହଲି। ଏହି ମ୍ୟାଚ୍‌ରେ​‌ କୋହଲି ୧୮ ବଲ୍‌ରୁ ୨୮ ରନ୍‌ କରିଥିଲେ। ଏହି ଇନିଂସ ବଳରେ ଏକ ଆଇପିଏଲ୍‌ ଦଳ ବିପକ୍ଷ​‌େ​‌ର ସର୍ବାଧିକ ରନ୍‌ କରିବାର କୀର୍ତ୍ତିମାନ କୋହଲି ହାସଲ କରିଛନ୍ତି। କେବଳ ଚେନ୍ନଇ ସୁପର କିଙ୍ଗ୍‌ସ (ସିଏସ୍‌କେ) ବିପକ୍ଷରେ କୋହଲି ସର୍ବାଧିକ ୧୧୭୪ ରନ୍‌ କରିଛନ୍ତି। କେକେଆର୍‌ ବିପକ୍ଷରେ ରୋହିତ ୧୧୬୧ ରନ୍‌ କରିଥିଲେ; ଯାହାକୁ ଟପି ଯାଇଛନ୍ତି କୋହଲି। ପଞ୍ଜାବ କିଙ୍ଗ୍‌ସ […]

ନିଲମ୍ବନ ପରେ ମୁହଁ ଖୋଲିଲେ ମୁକ୍ତିକାନ୍ତ ମଣ୍ଡଳ, ନିଲମ୍ବନ ପଛରେ ବ୍ୟୋମକେଶଙ୍କ ଷଡ଼ଯନ୍ତ୍ର ବୋଲି କହିଲେ

କନକ ବ୍ୟୁରୋ : ବିଜେଡି ରୁ ନିଲମ୍ବିତ ହେବା ପରେ ପ୍ରଥମ କରି ପ୍ରତିକ୍ରିୟା ରଖିଲେ ପୂର୍ବତନ ଧାମନଗର ବିଧାୟକ ମୁକ୍ତିକାନ୍ତ ମଣ୍ଡଳ । ଭଦ୍ରକ ଜିଲ୍ଲା ସଭାପତି ବ୍ୟୋମକେଶ ରାୟଙ୍କ ଉପରେ ବର୍ଷିଛନ୍ତି ମୁକ୍ତିକାନ୍ତ। କହିଲେ, ବ୍ୟୋମକେଶ ରାୟଙ୍କ ଇଙ୍ଗିତରେ ମତେ ଦଳରୁ କରାଯାଇଛି ନିଲମ୍ବିତ । ବିଗତ ଦିନରେ ମୋ ନେତୃତ୍ୱରେ ଜିଲ୍ଲାରେ ବିଜେଡି ଶକ୍ତିଶାଳୀ ଥିଲା। ହେଲେ ଆମକୁ ଦଳରୁ ବିଦା କରିବା, ଆଗାମୀ ଦିନରେ ବିଜେଡି ପାଇଁ ମହଙ୍ଗା ପଡିବ ବୋଲି କହିଛନ୍ତି ମୁକ୍ତିକାନ୍ତ। ମଞ୍ଜୁଲତା ମଣ୍ଡଳ ଭଦ୍ରକ ସାଂସଦ ଥିବାବେଳେ ଅନେକ ଉନୟନ କାର୍ୟ୍ୟ ହୋଇଥିଲା। ଏଥିପାଇଁ ନବୀନ ପଟ୍ଟନାୟକ ତାଙ୍କୁ ଅନେକ ପ୍ରଶଂସା କରିଥିଲେ। ହେଲା ଆଜି ବ୍ୟୋମକେଶ ଚକ୍ରାନ୍ତ କରି ଏଭଳି କରିଥିବା ସେ ଅଭିଯୋଗ କରିଛନ୍ତି। ଏହାସହ ଆଗାମୀ ଦିନରେ ଭଦ୍ରକରେ ବିଜେଡି ସମ୍ପୂର୍ଣ ଲୋପ ପାଇଯିବ ବୋଲି କହିଛନ୍ତି ମୁକ୍ତିକାନ୍ତ ମଣ୍ଡଳ। ଗତକାଲି ଉଭୟ ମୁକ୍ତିକାନ୍ତ ମଣ୍ଡଳ ଓ ମଞ୍ଜୁଲତା ମଣ୍ଡଳକୁ ନିଲମ୍ବନ କରାଯାଇଥିବା ନେଇ ଦଳ ପକ୍ଷରୁ ଚିଠି ଜରିଆରେ ସୂଚନା ଦିଆଯାଇଥିଲା। ଅଧିକ ପଢ଼ନ୍ତୁ : ପୁଣି ବିଜେଡିର ବଡ଼ ଆକ୍ସନ; ମୁକ୍ତିକାନ୍ତ ମଣ୍ତଳ ଓ ମଞ୍ଜୁଲତା ମଣ୍ତଳ ନିଲମ୍ବିତ

Arrest: ମା’ ଭଦ୍ରକାଳୀ ମନ୍ଦିରରୁ ଚୋରି ଘଟଣାରେ ୨ ଗିରଫ, ସହଜରେ ଫସିଗଲେ

ଭଦ୍ରକର ଅଧିଷ୍ଠାତ୍ରୀ ଦେବୀ ମା’ ଭଦ୍ରକାଳୀ ମନ୍ଦିରର ହୁଣ୍ଡିରୁ ଟଙ୍କା ଚୋରି ଘଟଣାରେ ୨ ଜଣ ଅଭିଯୁକ୍ତଙ୍କୁ ଗିରଫ କରିଛି ଗ୍ରାମାଞ୍ଚଳ ଥାନା ପୁଲିସ। ଏହା ସହିତ ଚୋରି ହୋଇଥିବା ୩୦ ହଜାର ୩୩୧ ଟଙ୍କା ମଧ୍ୟ ଜବତ କରାଯାଇଥିବା ସୂଚନା ଦେଇଛନ୍ତି ଭଦ୍ରକ ଏସପି। ଗିରଫ ଅଭିଯୁକ୍ତ ଦ୍ୱୟ ହେଉଛନ୍ତି ଦିପୁନ ବେହେରା ଓ ସିପୁନ ବାରିକ। ସେମାନେ ପିରାହାଟ ଥାନା ଗଦୀସାମନ୍ତରାପୁରର ବାସିନ୍ଦା। ଗତ ୫ ତାରିଖ ବିଳମ୍ବିତ ରାତ୍ରିରେ ଅଭିଯୁକ୍ତ ଦ୍ୱୟ ପାଚେରି ଡେଇଁ ମନ୍ଦିର ଭିତରେ ପଶିବା ସହିତ ହୁଣ୍ଡି ଭାଙ୍ଗି ଟଙ୍କା ଚୋରି କରିଥିଲେ। ସେମାନେ ତାଲା ଭାଙ୍ଗି ମନ୍ଦିରର କୋଠ ଓ ଭଣ୍ଡାର ଘରେ ପଶିଥିଲେ। ମାତ୍ର ମାଆଙ୍କର କୌଣସି ସୁନାରୁପା ଗହଣା ନେଇ ନପାରି କେବଳ ହୁଣ୍ଡିରୁ ପାଇଥିବା ଟଙ୍କା ନେଇ ଫେରାର ହୋଇଯାଇଥିଲେ। ପୁଲିସ ଘଟଣାକୁ ଗୁରୁତ୍ୱର ସହିତ ନେଇ ତଦନ୍ତ କରି ଉଭୟଙ୍କୁ ଗିରଫ କରିଛି। ସେମାନଙ୍କୁ ଗତକାଲିଠାରୁ ଗିରଫ କରାଯାଇଥିବା ବେଳେ ଆଜି କୋର୍ଟ ଚାଲାଣ କରାଯାଇଛି। ଭଦ୍ରକ ଏସ୍‌ପି ମନୋଜ ରାଉତଙ୍କ ସୂଚନା ଅନୁଯାୟୀ, ଗିରଫ ଅଭିଯୁକ୍ତ ଦ୍ୱୟଙ୍କର ପୂର୍ବରୁ ମଧ୍ୟ ଏଭଳି ପ୍ରକାରର ଚୋରିରେ ସଂପୃକ୍ତି ରହିଛି। ସେମାନେ ଗତ କିଛି ଦିନ ହେବ ଭଦ୍ରକାଳୀ ମନ୍ଦିର ପାଖାପାଖି ଥିବା ଏକ ଗାଁରେ ସେମାନଙ୍କ ବନ୍ଧୁଙ୍କ ଘରେ ରହୁଥିଲେ। ତଦନ୍ତ ବେଳେ ପୁଲିସର ସନ୍ଦେହ ହୋଇଥିଲା ଯେ ସ୍ଥାନୀୟ ଅଞ୍ଚଳର କୌଣସି ଲୋକ ଏହି ଚୋରି କରି ନଥିବେ। ଏ କାମ ନିଶ୍ଚିତ ଏ ଅଞ୍ଚଳ ବାହାର ଲୋକର ହୋଇଥିବ। ସେହି ଆଧାରରେ ତଦନ୍ତ ଆଗକୁ ବଢ଼ିବା ପରେ ଦିପୁନ ବେହେରା ଓ ସିପୁନ ବାରିକଙ୍କ ନାଁ ସାମ୍ନାକୁ ଆସିଥିଲା। ସେମାନଙ୍କୁ ଉଠାଇ ଆଣି ପଚରାଉଚରା କରିବା ପରେ ସେମାନେ ଦୋଷ ସ୍ୱୀକାର କରିଥିଲେ। ତଦନ୍ତ ଜାରି ରହିଥିବା ବେଳେ ଦରକାର ହେଲେ ସେମାନଙ୍କୁ ରିମାଣ୍ଡରେ ଆଣି ଜେରା କରାଯିବ ବୋଲି କହିଛନ୍ତି ଭଦ୍ରକ ଜିଲ୍ଲା ଏସ୍‌ପି। ଭଦ୍ରକରୁ ପାର୍ଥସାରଥୀ ନାୟକଙ୍କ ରିପୋର୍ଟ

ଖର୍ଗ ଦ୍ଵୀପ ଉପରେ ଆମେରିକାର ଆକ୍ରମଣ

ତେହେରାନ:ଇରାନର ଗୁରୁତ୍ୱପୂର୍ଣ୍ଣ ତୈଳ କେନ୍ଦ୍ର ଖର୍ଗ ଦ୍ଵୀପ ଉପରେ ଆମେରିକାର ଆକ୍ରମଣ। ଏକ ବଡ ରେଲଓ୍ବେ ବ୍ରିଜ୍ କୁ ଉଡାଇ ଦେଲା ଇସ୍ରାଇଲ। ଯାହା ଆମେରିକା ଏବଂ ଇରାନ ମଧ୍ୟରେ ଚାଲିଥିବା ସଂଘର୍ଷରେ ଏକ ବଡ଼ ବୃଦ୍ଧିକୁ ସୂଚିତ କରୁଛି। ପର୍ସିଆନ୍ ଉପସାଗରରେ ଅବସ୍ଥିତ, ଖାର୍ଗ ଦ୍ୱୀପ ଇରାନର ପ୍ରାୟ ୯୦% ତୈଳ ରପ୍ତାନି ପରିଚାଳନା କରିଥାଏ। ଏହି ଦ୍ଵୀପଟି ଭୌଗୋଳିକ ଏବଂ ଭିତ୍ତିଭୂମି ଦୃଷ୍ଟିରୁ ଇରାନକୁ ଲାଭଦାୟକ ଦେଇଥାଏ। ଏହି ଆକ୍ରମଣ ପରେ ଇରାନର ବାଣିଜ୍ୟ […]

ସାରା ରାଜ୍ୟରେ କାଳବୈଶାଖୀ ନେଇ ସତର୍କ କଲା ପାଣିପାଗ କେନ୍ଦ୍ର, ୧୩ ଜିଲ୍ଲାକୁ ଅରେଞ୍ଜ ୱାର୍ଣ୍ଣିଂ

କନକ ବ୍ୟୁରୋ : ସାରା ରାଜ୍ୟରେ କାଳବୈଶାଖୀ ବର୍ଷା ନେଇ ସତର୍କ କଲା ଆଞ୍ଚଳିକ ପାଣିପାଗ କେନ୍ଦ୍ର। ରାଜ୍ୟର ସବୁ ଜିଲ୍ଲାରେ କାଳବୈଶାଖୀ ବର୍ଷା ସମ୍ଭାବନା। ଆସନ୍ତାକାଲି ସକାଳ ସାଢ଼େ ୮ଟା ସୁଦ୍ଧା ୧୩ ଜିଲ୍ଲାକୁ ଅରେଞ୍ଜ ୱାର୍ଣ୍ଣିଂ ଓ ଅନ୍ୟ ସମସ୍ତ ଜିଲ୍ଲାକୁ ୟେଲୋ ୱାର୍ଣ୍ଣିଂ ଜାରି କରିଛି ଆଞ୍ଚଳିକ ପାଣିପାଗ କେନ୍ଦ୍ର। ସେହିପରି ଆସନ୍ତାକାଲି ୩ ଜିଲ୍ଲାକୁ ଅରେଞ୍ଜ ଓ ବାକି ସମସ୍ତ ଜିଲ୍ଲା ପାଇଁ ୟେଲୋ ୱାର୍ଣ୍ଣିଂ ଜାରି ହୋଇଛି। ସେପଟେ ଉତ୍ତର ଓଡ଼ିଶାରେ ଆରମ୍ଭ ହୋଇ ଯାଇଛି କାଳବୈଶାଖୀ ତାଣ୍ଡବ। ପ୍ରବଳ ବର୍ଷା, ପବନ ସାଙ୍ଗକୁ କୁଆପଥର ମାଡ଼ ସାଧାରଣ ଜୀବନ ଯାତ୍ରାକୁ ପ୍ରଭାବିତ କରିଛି। ବାଲେଶ୍ବର ସହରରେ ପ୍ରବଳ କୁଆପଥର ବର୍ଷା ଦେଖିବାକୁ ମିଳିଛି। ଅଧିକ ପଢ଼ନ୍ତୁ : ଜୀବନ ନେଲା କାଳବୈଶାଖୀ : ନିଖୋଜ ପର୍ଯ୍ୟଟକଙ୍କ ମୃତ୍ୟୁ

Israeli Consulate: ଇସ୍ରାଏଲ କନ୍ସ୍ୟୁଲେଟ ପାଖରେ ଗୁଳି ବିନିମୟ, ୩ ବନ୍ଧୁକଧାରୀ ନିହତ

Israel: ତୁର୍କୀର ଇସ୍ତାନବୁଲ ଠାରେ ଥିବା ଇସ୍ରାଏଲ କନ୍ସ୍ୟୁଲେଟ ନିକଟରେ ଭୟଙ୍କର ଗୁଳି ବିନିମୟ। ରାଫଲ, ପିସ୍ତଲ ଓ କାନ୍ଧର ବ୍ୟାଗ ପକାଇ ୩ ଜଣ ଯୁବକ ଇସ୍ରାଏଲ କନ୍ସ୍ୟୁଲେଟ ଥିବା ବିଲଡିଂରେ ପଶିବାକୁ ଚେଷ୍ଟା କରିବା ବେଳେ ମୁହାଁମୁହିଁ ସ୍ଥିତି ଦେଖିବାକୁ ମିଳିଛି। ତୁର୍କୀ ପୁଲିସ୍‌ର କାର୍ଯ୍ୟାନୁଷ୍ଠାନ ଯୋଗୁ ୩ ଜଣ ଯାକ ବନ୍ଧୁକଧାରୀ ନିହତ ହୋଇଛନ୍ତି। ତୁର୍କୀର ସୁରକ୍ଷା ବଳ ୩ ଜଣଙ୍କୁ ନିପାତ କରିଥିଲେ ହେଁ ଏହି ଅପରେସନରେ ୨ ଜଣ ପୁଲିସ୍‌ ଅଫିସର ଗୁରୁତର ଆହତ ହୋଇଛନ୍ତି। ସ୍ଥାନୀୟ ଗଣମାଧ୍ୟମ ଅନୁସାରେ, ବନ୍ଧୁକଧାରୀମାନଙ୍କୁ ଦେଖିବା ମାତ୍ରେ ପୁଲିସ୍‌ ପକ୍ଷରୁ ଅପରେସନ ଆରମ୍ଭ ହୋଇଥିଲା। ଆକ୍ରମଣକାରୀମାନେ ଗୁଳି ମାଡ଼ କରିବାରୁ ଏହାର ଜବାବ ସୁରକ୍ଷାକର୍ମୀ ଦେଇଥିଲେ। ପ୍ରାୟ ୧୦ ମିନିଟ ଧରି ଗୁଳି ବିନିମୟ ପରେ ସବୁ କିଛି ଥଣ୍ଡା ପଡ଼ିଥିଲା। ଘଟଣା ପରେ ଇସ୍ରାଏଲ କନ୍ସ୍ୟୁଲେଟରେ କୌଣସି କର୍ମଚାରୀ ନଥିଲେ। ତଥାପି ବନ୍ଧୁକଧାରୀମାନେ ବିଲଡିଂ ଭିତରକୁ ଯିବାକୁ ଚେଷ୍ଟା କରିଥିଲେ। ହେଲେ ତୁର୍କୀ ସୁରକ୍ଷାକର୍ମୀଙ୍କ ଉପଯୁକ୍ତ ପଦକ୍ଷେପ ଯୋଗୁ ସେମାନେ ନିଜ ଲକ୍ଷ୍ୟରେ ସଫଳତା ହାସଲ କରିପାରି ନାହାନ୍ତି। ଇସ୍ତାନବୁଲ ଗଭର୍ଣ୍ଣର ଡାଭୁଟ ଗୁଲ କହିଛନ୍ତି ଯେ ତୁର୍କୀରେ କୌଣସି ଇସ୍ରାଏଲ କୂଟନୀତିଜ୍ଞ ନାହାନ୍ତି। ଉକ୍ତ କନ୍ସ୍ୟୁଲେଟ ପ୍ରାୟ ୨ ବର୍ଷ ହେଲା ବନ୍ଦ ହୋଇ ରହିଛି। ୨୦୨୩ ଗାଜା ଯୁଦ୍ଧ ଠାରୁ ଏପରି ସ୍ଥିତି ଲାଗି ରହିଛି ବୋଲି ସେ କହିଛନ୍ତି। ଗାଜାରେ ଇସ୍ରାଏଲ ଆକ୍ରମଣ କରିବାରୁ ଏହାକୁ ତୁର୍କୀ ସମାଲୋଚନା କରିଥିଲା। ଏହାପରେ ଇସ୍ରାଏଲ ନିଜର କନ୍ସ୍ୟୁଲେଟକୁ ବନ୍ଦ କରି ଦେଇଥିଲା। ସାମ୍ନାକୁ ଆସିଥିବା ଭିଡିଓରେ ଦେଖିବାକୁ ମିଳୁଛି ଯେ ସନ୍ଦିଗ୍ଧ ବନ୍ଧୁକଧାରୀମାନେ ପାର୍କିଂ ହୋଇଥିବା ପୁଲିସ୍‌ ଓ ସୁରକ୍ଷାକର୍ମୀଙ୍କ ଗାଡ଼ି ପାଖରେ ଯିବା ସହ ବେଶ କିଛି ମିନିଟ ଧରି ଗୁଳି ମାଡ଼ କରୁଛନ୍ତି। ସେମାନେ ଅଟୋମେଟିକ ରାଇଫଲ ଓ ଗୋଟିଏ ହ୍ୟାଣ୍ଡଗନରୁ ଗୁଳି ବର୍ଷା କରିଥିଲେ। ପ୍ରଥମେ ରାସ୍ତା କଡ଼ରୁ ୨ ଜଣ ବନ୍ଧୁକଧାରୀଙ୍କ ମୃତଦେହ ମିଳିଥିଲା। ପରେ ଆଉ ଜଣଙ୍କୁ ମଧ୍ୟ ମୃତ ଅବସ୍ଥାରେ ଠାବ କରାଯାଇଥିଲା।

ହାଇୱାକୁ ପଛରୁ ପିଟିଲା ଆମ ବସ୍

ଭୁବନେଶ୍ୱର : ପୁଣି ଦୁର୍ଘଟଣା ଘଟାଇଲା ଆମ ବସ୍। ମଙ୍ଗଳବାର ହାଇୱାକୁ ପଛରୁ ପିଟିଛି ଆମ ବସ୍। ମାତ୍ର ସୌଭାଗ୍ୟବଶତଃ ଯାତ୍ରୀ ବଡ ଦୁର୍ଘଟଣାରୁ ଅଳ୍ପକେ ବର୍ତ୍ତି ଯାଇଥିବା ସହ ସୁରକ୍ଷିତ ଅଛନ୍ତି। ବାରଙ୍ଗ ଥାନା ପଦ୍ମନାଭ ନଗର ଛକ ନିକଟରେ ଏହି ଦୁର୍ଘଟଣା ଘଟିଛି। ୩୭ ନଂ ଆମ ବସ୍ ଯାତ୍ରୀ ନେଇ ଭୁବନେଶ୍ୱର ଯାଉଥିଲା। ଦୁର୍ଘଟଣାରେ ଆମ ବସର ୨ଟି କାଚ ଭାଙ୍ଗି ଯାତ୍ରୀଙ୍କ ଉପରେ ପଡ଼ିଛି। ୧୪ ଏପ୍ରିଲରେ ଶୁକ୍ରାଦିତ୍ୟ ରାଜଯୋଗ ; […]

David Warner: ମଦ ପିଇ ଗାଡ଼ି ଚଳାଉଥିବା ୱାର୍ଣ୍ଣରଙ୍କୁ ଗିରଫ କଲା ପୁଲିସ୍‌

David Warner: ପାକିସ୍ତାନ ସୁପର ଲିଗ ଖେଳୁଥିବା ଅଷ୍ଟ୍ରେଲୀୟ ବ୍ୟାଟର ଡାଭିଡ ୱାର୍ଣ୍ଣରଙ୍କୁ ନେଇ ବଡ଼ ଖବର ସାମ୍ନାକୁ ଆସିଛି। ସେ ମଦ ପିଇ ଗାଡ଼ି ଚଳାଇବା ବେଳେ ପୁଲିସ୍‌ ହାତରେ ଧରାପଡ଼ିଛନ୍ତି। ପିଏସଏଲ ଅଧାରୁ ବ୍ୟକ୍ତିଗତ କାମରେ ସ୍ୱଦେଶ ଯାଇଥିଲେ ୱାର୍ଣ୍ଣର। କିନ୍ତୁ ସିଡନୀର ମାରୌବରା ଠାରେ ତାଙ୍କୁ ମଦ ପିଇ ଗାଡ଼ି ଚଳାଇବା ଘଟଣାରେ ଗିରଫ କରାଯାଇଥିଲା। ଅଷ୍ଟ୍ରେଲୀୟ ମିଡିଆରେ ପ୍ରକାଶିତ ରିପୋର୍ଟ ଅନୁସାରେ, ୩୯ ବର୍ଷୀୟ ୱାର୍ଣ୍ଣରଙ୍କୁ ନ୍ୟୁ ସାଉଥ ୱାଲେସ ପୁଲିସ୍‌ ନିୟମିତ ଯାଞ୍ଚ ବେଳେ ଧରିଥିଲା। ଯାଞ୍ଚ ସ୍ଥଳ ଠାରୁ କିଛି ଦୂରତାରେ ୱାର୍ଣ୍ଣର ଗାଡ଼ି ପାର୍କିଂ କରି ଏଥିରୁ ଖସିବାକୁ ଚେଷ୍ଟା କରୁଥିଲେ। କିନ୍ତୁ ଅଧିକାରୀମାନେ ଗାଡ଼ି ପାଖକୁ ଆସି ୱାର୍ଣ୍ଣରଙ୍କୁ ରଙ୍ଗେ ହାତ ଧରିଛନ୍ତି। ରାସ୍ତା କଡ଼ରେ ହୋଇଥିବା ଯାଞ୍ଚ ବେଳେ ୱାର୍ଣ୍ଣର ଧାର୍ଯ୍ୟ ସୀମା ଠାରୁ ଅଧିକ ମଦ ପିଇଥିବା ସ୍ପଷ୍ଟ ହୋଇଥିଲା। ଏହାପରେ ତାଙ୍କୁ ଥାନାକୁ ନିଆଯାଇଥିଲା। ସେଠାରେ ସେ ନିଜର ରକ୍ତ ନମୁନା ଦେଇଥିଲେ। ଏଥିରେ ମଦର ପରିମାଣ ୦.୧୦୪ ରହିଥିଲା। ଅଷ୍ଟ୍ରେଲିଆରେ ଧାର୍ଯ୍ୟ ସୀମା ଠାରୁ ଏହା ଦୁଇ ଗୁଣ ଅଧିକ। ଏଥିଯୋଗୁ ତାଙ୍କ ନାଁରେ ବିଭିନ୍ନ ଦଫା ଲଗା ଯିବା ସହ ଗିରଫ କରାଯାଇଥିଲା। ତାଙ୍କୁ ମାରୌବରା ପୁଲିସ୍‌ ଷ୍ଟେସନରେ ଅଟକ ରହିବାକୁ ପଡ଼ିଥିଲା। ପରବର୍ତ୍ତୀ ସମୟରେ ସେ ପୁଲିସ୍‌ ହେପାଜତରୁ ମୁକୁଳିଛନ୍ତି। ତାଙ୍କୁ ଆସନ୍ତା ମାସରେ କୋର୍ଟରେ ହାଜର ହେବାକୁ କୁହାଯାଇଛି। ପୁଲିସ୍‌ ବିବୃତିରେ କୁହାଯାଇଛି ଯେ “ଏପ୍ରିଲ ୫ ତାରିଖ ସନ୍ଧ୍ୟା ପ୍ରାୟ ୫.୩୦ରେ ପୁଲିସ୍‌ ପକ୍ଷରୁ ମାଲାବର ରାସ୍ତାରେ ଚେକିଂ ଚାଲିଥିଲା। ଏହି ସମୟରେ ଯାଞ୍ଚ ସ୍ଥଳରୁ କିଛି ଦୂରରେ ଗୋଟିଏ ଭ୍ୟାନ ଆସି ଅଟକି ଥିଲା। ସେଠାରେ ଗାଡ଼ିକୁ ପାର୍କିଂ କରାଯାଇଥିଲା। ଏହାପରେ ଅଧିକାରୀମାନେ ଗାଡ଼ି ପାଖକୁ ଯାଇଥିଲେ ଓ ଏହା ମଧ୍ୟରେ ଥିବା ଜଣେ ୩୯ ବର୍ଷୀୟ ବ୍ୟକ୍ତିଙ୍କ ଯାଞ୍ଚ କରାଯାଇଥିଲା। ଯାଞ୍ଚ ବେଳେ ଗାଡ଼ି ଚାଳକ ମଦ ପିଇଥିବା ସ୍ପଷ୍ଟ ହୋଇଥିଲା। ତାଙ୍କୁ ଗିରଫ କରାଯିବା ସହ ଥାନାକୁ ନିଆଯାଇଥିଲା। ତାଙ୍କୁ ମେ’ ୭ ତାରିଖରେ କୋର୍ଟରେ ହାଜର ହେବାକୁ ନୋଟିସ କରାଯାଇଛି।” ୱାର୍ଣ୍ଣର ପିଏସଏଲରୁ କିଛି ମ୍ୟାଚ ପାଇଁ ଛୁଟି ନେଇ ଆସିଥିବା ବେଳେ ଏପରି କାଣ୍ଡ ଘଟାଇଛନ୍ତି। ତାଙ୍କୁ କୋର୍ଟରେ ହାଜର ହେବାକୁ କୁହାଯାଇଥିବାରୁ ଏହାର ପ୍ରଭାବ ପିଏସଏଲ ଉପରେ ପଡ଼ିପାରେ।

ଅଭିନେତ୍ରୀ ପରିଣୀତି ଚୋପ୍ରାଙ୍କ ନୂଆ କାର୍ଯ୍ୟକ୍ରମ : ଜାଣନ୍ତୁ କଣ ରହିଛି ସୋ ର ନାମ....

କନକବ୍ୟୁରୋ : ଅଭିନେତ୍ରୀ ପରିଣୀତି ଚୋପ୍ରା ମାଆ ହେବା ପରେ ଏକ ଅଭିନବ ଆଲୋଚନା କାର୍ଯ୍ୟକ୍ରମ ଉନ୍ମୋଚନ କରିଛନ୍ତି। ଏହାର ନାମ ‘ମମ୍ ଟକ୍‌ସ’। ଏଥିରେ ସେ ଟେଲିଭିଜନ୍‌ ଓ ବଲିଉଡ୍‌ ଜଗତର ବିଭିନ୍ନ ତାରକାଙ୍କ ସହିତ ଗର୍ଭାବସ୍ଥା ଓ ମାତୃତ୍ବ ସମ୍ପର୍କରେ ମନଖୋଲା ବାର୍ତ୍ତାଳାପ କରିବେ। କାର୍ଯ୍ୟକ୍ରମର ଟ୍ରେଲର୍‌ରେ ଦେଖିବାକୁ ମିଳିଛି ସେ ବିକ୍ରାନ୍ତ ମୈସୀ ଓ ତାଙ୍କ ପତ୍ନୀ ଶୀତଲ ଠାକୁରଙ୍କ ଠାରୁ ଆରମ୍ଭ କରି ଇମ୍ରାନ ଖାଁ, ଦିଶା ପରମାର, ନେହା ଧୁପିୟା ଓ ସ୍ବାମୀ ଜୈଦ ଦରବାର ଭଳି ଅତିଥିଙ୍କ ସହିତ ଗର୍ଭାବସ୍ଥା ନେଇ ରହିଥିବା ଅନ୍ଧବିଶ୍ବାସ ଓ ଭୁଲ୍‌ ଧାରଣା ସମ୍ପର୍କରେ ବିଚାରବିମର୍ଶ କରୁଛନ୍ତି। ଏହି କାର୍ଯ୍ୟକ୍ରମ ସମ୍ପର୍କରେ ଘୋଷଣା କରିବା ବେଳେ ସ୍ବାମୀ ତଥା ରାଜନେତା ରାଘବ ଚଢ଼ାଙ୍କ ଉପରେ ସେ ପ୍ରଶଂସାର ବର୍ଷା କରିଛନ୍ତି। ଗତ ବର୍ଷ ଏକ ପୁତ୍ରସନ୍ତାନକୁ ଜନ୍ମ ଦେବା ପରେ ରାଘବ ତା’ ଯତ୍ନ ନେବାରେ ସମାନ ଦାୟିତ୍ବ ତୁଲାଉଥିବା କଥା ପରିଣୀତି ପ୍ରକାଶ କରିଛନ୍ତି। ଶାଶୂଘରର ଅନ୍ୟ ସମସ୍ତେ ମଧ୍ୟ ତାଙ୍କୁ ଅନୁରୂପ ସମର୍ଥନ ଦେଇଆସିଛନ୍ତି। ତେବେ ସବୁ ମହିଳାଙ୍କୁ ଏଭଳି ସୌଭାଗ୍ୟ ମିଳେ ନାହିଁ, କିଛି ମହିଳା ଏକାକୀ ସନ୍ତାନକୁ ବଡ଼ କରନ୍ତି। ଗୋଟିଏ ଶିଶୁକୁ ବଡ଼ କରିବାର କିପରି ଅଲଗା ଅଲଗା ଶୈଳୀ ହୋଇପାରେ ତାହା ହିଁ ସେ ‘ମମ୍‌ ଟକ୍‌ସ’ କାର୍ଯ୍ୟକ୍ରମ ଜରିଆରେ ଦର୍ଶକଙ୍କୁ ଜଣାଇବାକୁ ଚାହାନ୍ତି। ‘ଜି୫’ରେ ଏହି କାର୍ଯ୍ୟକ୍ରମ ପ୍ରସାରିତ ହେବ। ୨୦୨୪ର ‘ଅମର ସିଂହ ଚମକିଲା’ରେ ଶେଷ ଥର ପାଇଁ ପରିଣୀତିଙ୍କ ଅଭିନୟ ଦେଖିବାକୁ ମିଳିଥିଲା। ଆଗକୁ ତାଙ୍କର ‘ତଲାସ: ଏ ମଦର୍ସ ସର୍ଚ୍ଚ’ ନାମକ ୱେବ୍‌ ଧାରାବାହିକ ଆସିବାର ଅଛି।

ସ୍ତ୍ରୀକୁ ପନିକିରେ ହାଣି ଝୁଲିଲା ସ୍ୱାମୀ

ଭଞ୍ଜନଗର : ଗଞ୍ଜାମ ଜିଲାର ବେଲଗୁଣ୍ଠା ଅଞ୍ଚଳ ସରନୂଆଁପଲ୍ଲୀ ଗାଁରେ ମଙ୍ଗଳବାର ଏକ ଦୁଃଖଦ ଓ ଅଭାବନୀୟ ଘଟଣା ଘଟିଛି। ପାରିବାରିକ କଳହର କରୁଣ ପରିଣତି ଏଠାରେ ଦେଖିବାକୁ ମିଳିଛି। ଉତ୍ତେଜିତ ସ୍ୱାମୀ ନିଜ ସ୍ତ୍ରୀକୁ ପନିକିରେ ଆକ୍ରମଣ କରି ହତ୍ୟା କରିବା ପରେ ନିଜ ମଧ୍ୟ ଆତ୍ମହତ୍ୟା କରିଛନ୍ତି। ସୂଚନାନୁଯାୟୀ, ଚିତ୍ରସେନ ନାୟକ ୭ ବର୍ଷ ତଳେ ପୂଜାଙ୍କୁ ପ୍ରେମ ବିବାହ କରିଥିଲେ। ସେମାନଙ୍କର ୨ ସନ୍ତାନ ଅଛି। ଅନେକ ସମୟରେ ଉଭୟଙ୍କ ମଧ୍ୟରେ କଳହ […]

ମା’ଙ୍କ ପ୍ରେରଣା ପାଇ ମୋହସିନଙ୍କ ପ୍ରତ୍ୟାବର୍ତ୍ତନ

କନକ ବ୍ୟୁରୋ :ମା’ ହିଁ ମୋ ପ୍ରେରଣା, ସେ ମୋ ଶକ୍ତି । ତାଙ୍କ ପାଇଁ ମୁଁ ଲମ୍ବା ବିରତି ପରେ ଆଇପିଏଲକୁ ପ୍ରତ୍ୟାବର୍ତ୍ତନ କରିପାରିଛି ବୋଲି କହିଛନ୍ତି ଲକ୍ଷ୍ନୌ ସୁପର୍‌ ଜାଏଣ୍ଟ୍‌ସର ବାମହାତୀ ପେସ୍‌ ବୋଲର ମୋହସିନ୍‌ ଖାନ୍‌। ମା’ କିନ୍ତୁ ଦୁଇ ମାସ ତଳେ ପରଲୋକଗମନ କରି ମୋତେ ପୁଣି ଦୁଃଖି କରି ଦେଇଛନ୍ତି । ‘ଆହତଜନିତ କାରଣରୁ ବିରତିରେ ଥିବାବେଳେ ମୁଁ ନିଜ ଉପରୁ କ୍ରମେ ବିଶ୍ୱାସ ହରାଇ ବସୁଥିଲି । ମା’ କିନ୍ତୁ ମୋତେ ନିୟମିତ ଭାବେ ଉତ୍ସାହିତ କରି ଆସୁଥିଲା । ପ୍ରତିଦ୍ୱନ୍ଦ୍ୱିତାପୂର୍ଣ୍ଣ କ୍ରିକେଟ୍ ଖେଳୁନଥିବାବେଳେ, ବିଶେଷ କରି ଥଇଧାନ ପ୍ରକ୍ରିୟାରେ ଥିବା ସମୟରେ ମୋ ମନକୁ ବହୁ ନକରାତ୍ମକ ଚିନ୍ତା ପଶି ଆସୁଥିଲା । ମୁଁ କେବେ ୧୪/୧୫ ମାସ ପରେ ପୁଣି କ୍ରିକେଟ୍‌ ଖେଳିବି ବିଶ୍ୱାସ ହେଉନଥିଲା । ମା’ର କିନ୍ତୁ ଦୃଢ଼ ବିଶ୍ୱାସ ଥିଲା । ମୁଁ ପୁଣି ଆଇପିଏଲ୍‌ ଓ ପ୍ରତିଦ୍ୱନ୍ଦ୍ୱିତାପୂର୍ଣ୍ଣ କ୍ରିକେଟ୍‌ ଖେଳେ ସେ ଦେଖିବାକୁ ଚାହୁଁଥିଲା । ଅଧିକ ପଢ଼ନ୍ତୁ : IPL ମ୍ୟାଚ୍‌ରେ ଅମ୍ପାୟାରଙ୍କ ବିବାଦୀୟ ନିଷ୍ପତ୍ତି, ବିସିସିଆଇକୁ ଫେରାଦ ହେବ ସନ୍‌ରାଇଜର୍ସ ସେ ଆହୁରି କହିଛନ୍ତି, ମୁଁ ଲକ୍ଷ୍ନୌ ଶିବିରରେ ଥିଲି, ଯେଉଁଦିନ ବେଙ୍ଗାଲୁରୁ ଫେରିଲି, ସେହିଦିନ ମା’ ଚାଲିଗଲା । ମା’ଙ୍କ ବିଦାୟ ପରେ ମୁଁ ବିସାଦ ଭିତରକୁ ଚାଲିଗଲି । ମାସେ ଯାଏଁ ଅଭ୍ୟାସ ବି କରିପାରିନଥିଲି । ଆହତରୁ ସମ୍ପୂର୍ଣ୍ଣ ମୁକୁଳିନଥିଲେ ମଧ୍ୟ ଲକ୍ଷ୍ନୌ ମୋତେ ଦଳରେ ରିଟେନ୍‌ କରିଥିଲା, ଯାହାକି ମୁଁ ଭାବି ନଥିଲି । ଦଳର ଫିଜିଓ ବୈଭବ ଡାଗା,‌ ଟ୍ରେନର୍‌ ‌ସୋହମ, ବୋଲିଂ ପ୍ରଶିକ୍ଷକ ଭରତ ଅରୁଣ ମୋ ଫିଟ୍‌ନେସ୍‌ ଓ ଲୟ ଲେଉଟାଇ ଦେବାରେ ମଧ୍ୟ ବଡ଼ ଭୂମିକା ତୁଲାଇଛନ୍ତି ବୋଲି ମୋହସିନ୍‌ ପ୍ରକାଶ କରିଛନ୍ତି ।

ଯୁଦ୍ଧ ଭିତରେ ମୃତ୍ୟୁର ଚିତ୍ର

ବାହା ହେଲେ IIT ବାବା : ଭାଇରାଲ୍ ହେଉଛି ପତ୍ନୀଙ୍କ ସହ ଫଟୋ , ମହାକୁମ୍ଭରୁ ହୋଇଥିଲେ ଫେମସ୍

କନକ ବ୍ୟୁରୋ : ମହାକୁମ୍ଭ ୨୦୨୫ ତ ଆପଣଙ୍କୁ ମନେ ଥିବ ? ସେହି ସମୟରେ ସଙ୍ଗମସ୍ଥଳରେ ବୁଡ଼ ପକାଇବା ପାଇଁ ପ୍ରୟାଗରାଜକୁ କୋଟି କୋଟି ଭକ୍ତଙ୍କ ସୁଅ ଛୁଟିଥିଲା । ଖାଲି ଭକ୍ତ କାହିଁକି ସେଠାକୁ ଆସିଥିବା ବାବା, ମାତା, ମାଳା ବିକ୍ରି କରୁଥିବା ଯୁବତୀ ସମସ୍ତେ ପରେ ଅତ୍ୟଧିକ ଲୋକପ୍ରିୟ ହୋଇଗଲେ । ଗଣମାଧ୍ୟମଠାରୁ ଆରମ୍ଭ କରି ସୋସିଆଲ୍ ମିଡିଆ ଚାରିଆଡ଼େ ସେହି ଚର୍ଚ୍ଚିତ ଚେହେରାଙ୍କ ଆଲୋଚନା ଚାଲିଲା । ଆଉ ସେହି ସମୟରେ ଆଉ ଜଣେ ଚେହେରା ସମସ୍ତଙ୍କ ନଜରକୁ ଆସିଥିଲେ ଏବଂ ତାଙ୍କ ଆଧ୍ୟାତ୍ମିକ ବାର୍ତ୍ତା ଦ୍ବାରା ଲୋକଙ୍କୁ ପ୍ରଭାବିତ କରିଥିଲେ । ସେ ଆଉ କେହି ନୁହଁନ୍ତି ଆଇଆଇଟି ବାବା ଅଭୟ ସିଂ । ଗତବର୍ଷ ଏହି ଆଇଆଇଟି ବାବା ଖୁବ୍ ଚର୍ଚ୍ଚାରେ ଥିଲେ । ଜଣେ ଉଚ୍ଚଶିକ୍ଷିତ ଯୁବକ କାହିଁକି ବାବା ହେବାକୁ ମନ ବଳେଇଲେ ଏହା ଜାଣିବାକୁ ଯେମିତି ପୂରା ଦେଶ ଚାହିଁ ବସିଥିଲା । ଅଭୟ ସିଂଙ୍କ ପାରିବାରିକ ବିବାଦ,ପୂର୍ବତନ ପ୍ରେମିକା ଏବଂ ସାଙ୍ଗସାଥୀଙ୍କୁ ନେଇ ସେତେବେଳେ ଖୁବ୍ ଆଲୋଚନା ହୋଇଥିଲା । ତେବେ ବର୍ତ୍ତମାନ ପୁଣିଥରେ ଏହି ଆଇଆଇଟି ବାବା ଚର୍ଚ୍ଚାର ପରିସରକୁ ଆସିଛନ୍ତି । କିନ୍ତୁ ଏଥର ଚର୍ଚ୍ଚିତ ହେବାର କାରଣ ଆଧ୍ୟାତ୍ମିକ ବାର୍ତ୍ତା କିମ୍ବା ପରିବାର ନୁହେଁ । ଏଥର ଭାଇରାଲର ବିଷୟ ହେଉଛନ୍ତି ତାଙ୍କ ଧର୍ମପତ୍ନୀ । ଆଜ୍ଞା ହଁ ମାୟାମୋହ,ବିବାହ ଭଳି ସାମାଜିକ କାର୍ଯ୍ୟକ୍ରମରୁ ଦୂରେଇ ରହିବା ପାଇଁ ବାର୍ତ୍ତା ଦେଉଥିବା ଆଇଆଇଟି ବାବା ଏବେ ବିବାହିତ । ଯାହାଙ୍କ ଫଟୋ ଏବେ ସୋସିଆଲ୍ ମିଡିଆରେ ଘୁରି ବୁଲୁଛି । ଆଗକୁ ପଢ଼ନ୍ତୁ : ଲେଖା ହୋଇଛି ଫଳ ଜୁସ୍ : ପ୍ୟାକେଟ୍ ଭିତରେ ସାଂଘାତିକ ସୁଗାର୍ ,ଢକ ଢକ କରି ପିଉଛନ୍ତି ବିଷ ଅଭୟ ସିଂଙ୍କ ଏହି ଫଟୋ ସେତେବେଳେ ଉଠାଯାଇଥିଲା ଯେତେବେଳେ ସେ ବ୍ୟାଙ୍କ୍ ଖାତାରେ କେୱାଇସି ଅପଡେଟ୍ କରିବା ପାଇଁ ଧର୍ମପତ୍ନୀ ପ୍ରିତିକାଙ୍କ ସହ ଝଜ୍ଜର ତହସିଲରେ ପହଞ୍ଚିଥିଲେ । ତହସିଲ୍ ପରିସରରେ ସେ ନିଜ ବାପା ଯିଏ ପେସାରେ ଜଣେ ଆଡଭୋକେଟ୍ ତାଙ୍କ ଚାମ୍ବରରେ କିଛି ସମୟ ରହିଥିଲେ । ତା’ପରେ ଲୋକଙ୍କ ନଜରରେ ଆସିବା କ୍ଷଣି କେହି ଜଣେ ତାଙ୍କ ଫଟୋ ଉଠାଇ ସୋସିଆଲ୍ ମିଡିଆରେ ପୋଷ୍ଟ୍ କରିଥିଲେ । ଅନେକ ଲୋକ ଅଭୟଙ୍କ ସହ ସେଲ୍ଫି ଉଠାଇବା ପାଇଁ ଭିଡ଼ ଲଗାଇଲେ ଏବଂ ତାଙ୍କ ପତ୍ନୀଙ୍କୁ ଶୁଭେଚ୍ଛା ଜଣାଇଲେ । ଏହି ଅବସରରେ ଗଣମାଧ୍ୟମ କର୍ମଚାରୀଙ୍କୁ ପ୍ରତିକ୍ରିୟା ଦେଇ ଅଭୟ କହିଥିଲେ ଯେ ପ୍ରିତିକା ବାଙ୍ଗାଲୋର ନିବାସୀ ଏବଂ ଦୁହେଁ ଏକମାର୍ଗର ପଥୀକ । ଏହି କାରଣରୁ ଦୁହିଁଙ୍କ ମନ ମିଶିଥିଲା ଏବଂ ଦୁହେଁ ବିବାହ ବନ୍ଧନରେ ବାନ୍ଧି ହୋଇଥିଲେ । ବର୍ତ୍ତମାନ ଏହି ଦମ୍ପତିଙ୍କ ଲକ୍ଷ୍ୟ ହେଉଛି ଶ୍ରୀ ୟୁନିଭର୍ସିଟି ତିଆରି କରିବା । ଏହି ବିଶ୍ବବିଦ୍ୟାଳୟରେ ସାଂସାରିକ ଜ୍ଞାନ ଏବଂ ଆଧ୍ୟାତ୍ମିକ ସାଧନା ସହିତ ବିଭିନ୍ନ ପ୍ରକାର ଜ୍ଞାନକୌଶଳ ବିଷୟରେ ପ୍ରଶୀକ୍ଷଣ ଦିଆଯିବ । କେବେ ସାଂସାରିକ ସମ୍ବନ୍ଧଠାରୁ ଦୂରେଇ ରହୁଥିବା ଆଇଆଇଟି ବାବା ଏବେ ନିଜ ଜୀବନସାଥୀଙ୍କ ସହ ହିମାଚଳ ପ୍ରଦେଶରେ ରହୁଛନ୍ତି । ମହାକୁମ୍ଭରେ ଅଭୟ ସିଂଙ୍କ ସାଧୁ ବେଶଭୂଷା,ଆଇଆଇଟି ବ୍ୟାକଗ୍ରାଉଣ୍ଡ ଏବଂ ସ୍ପଷ୍ଟ ବିଚାରଧାରା ତାଙ୍କୁ ଚର୍ଚ୍ଚାର କେନ୍ଦ୍ରକୁ ଆଣିଥିଲା । ସୂତ୍ର ମୁତାବକ ଚଳିତବର୍ଷ ଫେବୃଆରି ୧୫ ତାରିଖରେ ତାଙ୍କର ବିବାହ ଧର୍ମଶାଳାରେ ହୋଇଛି ।

କେରଳରେ ଏଥର କାହାର ସରକାର?.

ବିଶ୍ୱ ସ୍ୱାସ୍ଥ୍ୟ ଦିବସ ୨୦୨୬: ଏଥର ଥିମ୍ ‘ସ୍ୱାସ୍ଥ୍ୟ ପାଇଁ ଏକ ହୁଅନ୍ତୁ, ବିଜ୍ଞାନ ସହ ଛିଡ଼ା ହୁଅନ୍ତୁ’

କନକ ବ୍ୟୁରୋ: ପ୍ରତିବର୍ଷ ଏପ୍ରିଲ ୭ ତାରିଖରେ ପାଳନ କରାଯାଉଥିବା ବିଶ୍ୱ ସ୍ୱାସ୍ଥ୍ୟ ଦିବସ ସାରା ପୃଥିବୀରେ ସ୍ୱାସ୍ଥ୍ୟ ସଚେତନତା ବଢ଼ାଇବା ଓ ଲୋକମାନଙ୍କୁ ସୁସ୍ଥ ଜୀବନ ଦିଗରେ ପ୍ରେରିତ କରିବାରେ ଗୁରୁତ୍ୱପୂର୍ଣ୍ଣ ଭୂମିକା ନେଇଥାଏ। ଏହି ଦିନଟି ୧୯୪୮ ମସିହାରେ ବିଶ୍ୱ ସ୍ୱାସ୍ଥ୍ୟ ସଂଗଠନ (WHO) ଗଠନକୁ ସ୍ମରଣ କରି ପାଳନ କରାଯାଏ । ପ୍ରଥମ ବିଶ୍ୱ ସ୍ୱାସ୍ଥ୍ୟ ସଭାରେ ଏହାର ପ୍ରସ୍ତାବ ଆସିଥିଲା ଏବଂ ୧୯୫୦ ମସିହାରେ ପ୍ରଥମଥର ପାଇଁ ଏହା ଔପଚାରିକ ଭାବେ ପାଳନ ଆରମ୍ଭ ହୋଇଥିଲା । ୨୦୨୬ ମସିହାର ଥିମ୍: ଚଳିତ ବର୍ଷର ବିଶ୍ୱ ସ୍ୱାସ୍ଥ୍ୟ ଦିବସର ଥିମ୍ ହେଉଛି “Together for Health: Stand with Science” ଏହି ଥିମ୍ ବିଜ୍ଞାନ ଆଧାରିତ ସ୍ୱାସ୍ଥ୍ୟ ସେବାର ଗୁରୁତ୍ୱ, ବିଶ୍ୱସ୍ତରୀୟ ସହଯୋଗ ଓ ଗବେଷଣା ପ୍ରତି ଆସ୍ଥା ବୃଦ୍ଧିର ଆବଶ୍ୟକତାକୁ ପ୍ରମାଣିତ କରେ। ବିଶ୍ୱ ସ୍ୱାସ୍ଥ୍ୟ ଦିବସର ଗୁରୁତ୍ୱ: ଏହି ଦିନଟି ସାରା ବିଶ୍ୱରେ ବିଭିନ୍ନ ସ୍ୱାସ୍ଥ୍ୟ ସମସ୍ୟା ସମ୍ବନ୍ଧରେ ସଚେତନତା ବଢ଼ାଇଥାଏ । ସରକାରମାନଙ୍କୁ ଉନ୍ନତ ସ୍ୱାସ୍ଥ୍ୟ ବ୍ୟବସ୍ଥା ଗଢ଼ି ତୋଳିବା ପାଇଁ ପ୍ରେରଣା ଦେଇଥାଏ ଓ ସାଧାରଣ ଲୋକଙ୍କୁ ପ୍ରତିରୋଧମୂଳକ ସ୍ୱାସ୍ଥ୍ୟ ଅଭ୍ୟାସ ଆପେଣାଇବାକୁ ଉତ୍ସାହିତ କରେ । ସେଥିପାଇଁ ମାନସିକ, ଶାରୀରିକ ଓ ପରିବେଶୀୟ ସ୍ୱାସ୍ଥ୍ୟର ସମନ୍ୱୟ ମଧ୍ୟ ଏହି ଦିନର ମୁଖ୍ୟ ଲକ୍ଷ୍ୟ ଅଟେ । ସ୍ୱାସ୍ଥ୍ୟ ମାନବର ମୌଳିକ ଅଧିକାର ବୋଲି ଏହା ମନେ ପକାଇଥାଏ। ଅଧିକ ପଢ଼ନ୍ତୁ... ପ୍ରବାସୀ ଶ୍ରମିକଙ୍କ ପାଇଁ ଖୁସି ଖବର ; ଦୁଇଗୁଣା ହେଲା ୫ କେଜି ଏଫଟିଏଲ୍ ସିଲିଣ୍ଡର ବିଶ୍ୱସ୍ତରୀୟ ଅଭିଯାନ ଓ ପ୍ରୟାସ: ଚଳିତ ବର୍ଷର ଥିମ୍ ଅନୁଯାୟୀ WHO ଏକ ବର୍ଷବ୍ୟାପୀ ଅଭିଯାନ ଆରମ୍ଭ କରିଛି । ଏଥିରେ ଦେଶଗୁଡ଼ିକ ମଧ୍ୟରେ ବୈଜ୍ଞାନିକ ସହଯୋଗ ବଢ଼ାଇବା, ମାନବ, ପଶୁ ଓ ପରିବେଶୀୟ ସ୍ୱାସ୍ଥ୍ୟ ସୁରକ୍ଷା କରିବା ଏବଂ ସଠିକ୍ ସୂଚନା ଆଧାରିତ ସ୍ୱାସ୍ଥ୍ୟ ନୀତିକୁ ପ୍ରୋତ୍ସାହନ ଦେବାରେ ଜୋର ଦିଆଯାଇଛି । ଆଜିର ଦ୍ରୁତ ପରିବର୍ତ୍ତନଶୀଳ ପରିବେଶରେ ମହାମାରୀ, ଜଳବାୟୁ ପରିବର୍ତ୍ତନ ଓ ଜୀବନଶୈଳୀଜନିତ ରୋଗମାନେ ବୃଦ୍ଧି ପାଉଥିବାରୁ ସ୍ୱାସ୍ଥ୍ୟ ସଚେତନତା ଅତ୍ୟାବଶ୍ୟକ ହୋଇପଡ଼ିଛି । ଏହି ଦିନଟି ଲୋକମାନଙ୍କୁ ବିଜ୍ଞାନ ଉପରେ ଆସ୍ଥା ରଖିବା, ସଠିକ୍ ସୂଚନା ଅନୁସରଣ କରିବା ଓ ସୁସ୍ଥ ଜୀବନଶୈଳୀ ଆପେଣାଇବାକୁ ପାଇଁ ଆହ୍ୱାନ ଜାରି କରେ । ସେହିପରି ବିଶ୍ୱ ସ୍ୱାସ୍ଥ୍ୟ ଦିବସ କେବଳ ଗୋଟିଏ ଦିନର ପାଳନ ନୁହେଁ ଏହା ସାରା ବିଶ୍ୱରେ ସୁସ୍ଥ ଓ ସୁରକ୍ଷିତ ଭବିଷ୍ୟତ ଗଢ଼ିବା ପାଇଁ ଏକ ସାମୂହିକ ଆନ୍ଦୋଳନ ଅଟେ ।

Arrest: ସୁନା ଚେନ୍‌ ଲୁଟୁଥିଲେ, ପୁଲିସ୍‌କୁ ଚକମା ଦେବାକୁ ସ୍ତ୍ରୀଙ୍କୁ ବ୍ୟବହାର କରୁଥିଲେ

ଭୁବନେଶ୍ୱରର ଚନ୍ଦ୍ରଶେଖରପୁର ଥାନା ପୁଲିସ ଏକ ସ୍ୱାମୀ-ସ୍ତ୍ରୀ ଚେନ୍‌ ଲୁଟେରା ଗ୍ୟାଙ୍ଗକୁ ଧରିଛି। ସେମାନେ ହେଉଛନ୍ତି ରାକେଶ ରାଉତ (୩୫) ଓ ସ୍ୱେତାଲିନା ବେହେରା (୨୭)। ସେମାନଙ୍କ ସହିତ ଗୋଲେଖ ଚନ୍ଦ୍ର ସାଠୁଆ (୬୫) ନାମକ ଜଣେ ବୃଦ୍ଧଙ୍କୁ ମଧ୍ୟ ଗିରଫ କରିଛି ପୁଲିସ୍। ସେ ସେମାନଙ୍କଠାରୁ ଲୁଟ୍ ସୁନା ଚେନ୍ କିଣିଥିଲେ। ରାକେଶ ଓ ତାଙ୍କ ପତ୍ନୀ ଭୁବନେଶ୍ୱରର ଭରତପୁର ଥାନା ଅଞ୍ଚଳରେ ରହୁଥିବା ବେଳେ ଗୋଲେଖ ଚନ୍ଦ୍ର ସାଠୁଆ ହେଉଛନ୍ତି କଟକ ଜିଲ୍ଲା ନିଶ୍ଚିନ୍ତକୋଇଲି ଥାନା ଗୋପପୁର ଗାଁର ବାସିନ୍ଦା। ଅଭିଯୁକ୍ତମାନଙ୍କଠାରୁ ୮ଟି ସୁନା ଚେନ୍‌, ଗୋଟିଏ କାର ଓ ଗୋଟିଏ ବାଇକ୍ ଜବତ କରାଯାଇଛି। ସେମାନଙ୍କ ନାଁରେ ଭୁବନେଶ୍ୱର ବିଭିନ୍ନ ଥାନାରେ ୯ଟି ମାମଲା ରହିଛି। ଗତ ବର୍ଷ ଡିସେମ୍ବର ମାସ ୨୪ ତାରିଖରେ ଅଭିଯୋଗକାରୀ ରଞ୍ଜନ କୁମାର ପୃଷ୍ଟିଙ୍କ ମା’ ସଂଯୁକ୍ତା ପୃଷ୍ଟି ନୀଳାଦ୍ରି ବିହାରର ଏକ ଗହଣା ଦୋକାନକୁ ଯାଇଥିଲେ। ସେ ଦୋକାନ ସମ୍ମୁଖରେ ବସିଥିବା ବେଳେ ଅଭିଯୁକ୍ତ ରାକେଶ ରାଉତ ଆସି ତାଙ୍କଠାରୁ ସୁନା ଚେନ୍ ଲୁଟି ଫେରାର ହୋଇଯାଇଥିଲା। ଏନେଇ ରଞ୍ଜନ ଚନ୍ଦ୍ରଶେଖରପୁର ଥାନାରେ ଏତଲା ଦେଇଥିଲେ। ତଦନ୍ତ ବେଳେ ପୁଲିସ ଜାଣିବାକୁ ପାଇଲା ଯେ ରାକେଶ ରାଉତ ଭଡ଼ାରେ ବାଇକ୍‌ ନେଇ ସୁନା ଚେନ୍‌ ଲୁଟ୍‌ କରିଥାଏ। ସେ କପଡ଼ା ସାହାଯ୍ୟରେ ଗାଡ଼ିର ନମ୍ବର ପ୍ଲେଟ୍‌କୁ ଘୋଡ଼ାଇ ଦେଉଥିଲା। ଏମିତିକି ଲୁଟ୍ କରିବା ପରେ ସେ ତା‘ର ପୋଷାକ ବଦଳାଇ ଦେଉଥିଲେ। ପୁଲିସର ତଦନ୍ତକୁ ଦିଗହରା କରିବାକୁ ସେ ଏମିତି ଉପାୟ ଆପଣାଉଥିଲା। ତା’ ନାଁରେ ପୂର୍ବରୁ ବି ମାମଲା ଥିଲା। ଜେରା ବେଳେ ସେ ଭୁବନେଶ୍ୱରର ଚନ୍ଦ୍ରଶେଖରପୁର, ନୟାପଲ୍ଲୀ, ଇନ୍‌ଫୋସିଟି ଓ ଭରତପୁର ଥାନା ଅଞ୍ଚଳରେ ଅନେକ ସୁନା ଚେନ୍‌ ଲୁଟ୍ କରିଥିବା ସ୍ୱୀକାର କରିଥିବା ପୁଲିସ କହିଛି। ରାକେଶ ପୂର୍ବରୁ ଲୁଟ୍‌ କରୁଥିଲେ ବି ୨୦୧୫ ମସିହାରୁ ବଦଳି ଯାଇଥିଲା। ସେହି ବର୍ଷ ସେ ଏକ ପାନ ଦୋକାନ ଦେଇଥିଲା। କିନ୍ତୁ ସ୍ତ୍ରୀ ସହିତ ମିଶି ଗତ ବର୍ଷରୁ ପୁଣି ଆରମ୍ଭ କରି ଦେଇଛି ସୁନା ଚେନ୍ ଲୁଟ୍‌। ପୁଲିସ୍‌ର ସୂଚନା ଅନୁଯାୟୀ, ଉଭୟ ରାକେଶ ଓ ତା‘ ସ୍ତ୍ରୀ ଲୁଟ୍ କରିବାକୁ ଯାଆନ୍ତି। ଲୁଟ୍ କରିବା ପୂର୍ବରୁ ସେ ତା’ ସ୍ତ୍ରୀକୁ ବାଟରେ ଓହ୍ଲାଇ ଦିଏ। ଲୁଟ୍ କରିବା ପରେ ପୁଣି ସେହି ସ୍ଥାନକୁ ଫେରି ସ୍ତ୍ରୀକୁ ବାଇକ୍‌ରେ ବସାଇ ନେଇଯାଏ। କେବଳ ପୁଲିସକୁ ଚକମା ଦେବା ପାଇଁ ସେ ଏମିତି କରେ । ତା’ ସ୍ତ୍ରୀ ହେଉଛି ତା’ର ଘନିଷ୍ଠ ସହଯୋଗୀ। ଲୁଟ୍ ସୁନା ଚେନ୍‌ ବିକିବାରେ ସେ ସହାୟତା କରେ। ସେମାନେ ଲୁଟ୍ କରିଥିବା ସୁନା ଚେନ୍‌ ମଧ୍ୟରୁ ୪ଟିକୁ ଏକ ବ୍ୟାଙ୍କରେ ବନ୍ଧା ରଖିଥିଲେ। ଆଉ ୨ଟି ଗୋଲେଖ ଚନ୍ଦ୍ର ସାଠୁଆଙ୍କଠାରୁ ଜବତ କରାଯାଇଛି। ସେ ଏହି ଦମ୍ପତିଙ୍କଠାରୁ ସେହି ଚେନ୍‌ଗୁଡ଼ିକୁ କିଣିଥିଲେ।

ଗୋ- ମାଫିଆଙ୍କୁ ଧରିବାକୁ ଏମିତି ହୋଇଥିଲା ମାଷ୍ଟରପ୍ଲାନ୍ ! || DIG Pinak Mishra || Cow Mafia |Odisha Reporter

#ଗ ୋ_ମାଫିଆଙ୍କୁ_ଧରିବାକୁ_ଏମିତି_ହୋଇଥିଲା_ମାଷ୍ଟରପ୍ଲାନ୍ ! ରାଜ୍ୟର ବିଭିନ୍ନ ଜିଲ୍ଲାରେ ଗୋ-ମାଫିଆ ଧରପଗଡ଼। ପୂର୍ବାଞ୍ଚଳ ରେଞ୍ଜରେ ଗୋ ମାଫିଆଙ୍କ ଉପରେ ଚଢ଼ାଉ। ମୟୂରଭଞ୍ଜ, ବାଲେଶ୍ବର, ଭଦ୍ରକ ଜିଲ୍ଲାରେ ୩୨ଟି ସ୍ଥାନରେ ଚଢ଼ାଉ କରୁଛି ପୋଲିସ। ଏଯାଏଁ ନଗଦ ୫୦ ଲକ୍ଷରୁ ଊର୍ଦ୍ଧ୍ୱ ଟଙ୍କା ଓ ସୁନା ଅଳଙ୍କାର ଜବତ ହେଲାଣି। ପୂର୍ବାଞ୍ଚଳ DIG ପିନାକ ମିଶ୍ରଙ୍କ ନେତୃତ୍ୱରେ ଚାଲିଛି ରେଡ୍ ଚାଲିଛି। ଶୁଣନ୍ତୁ ଏନେଇ କଣ କହୁଛନ୍ତି ପୂର୍ବାଞ୍ଚଳ DIG ପିନାକ ମିଶ୍ର #OdishaReporter #OdishaNews #CattleMafia #PoliceRaid #Balasore #Mayurbhanj #Bhadrak #CrimeNews Odisha Reporter is one of the best Odia news portal in Odisha. Get all the news updates in Odia. ସମସ୍ତ ଓଡିଆଙ୍କ ପାଖରେ ଅତି ସହଜରେ ଓଡିଆ ଭାଷାରେ ଖବର ପହଞ୍ଚାଇବାର ମାଧ୍ୟମ ସାଜିଛି ‘ଓଡିଶା ରିପୋର୍ଟର’ | YouTube: http://bit.ly/OdishaReporteronYouTube Web: http://odishareporter.in Facebook: https://www.facebook.com/OdishaReporter/ Twitter: https://twitter.com/OdishaReporter Telegram: https://telegram.me/Odisha_Reporter_official Instagram: https://www.instagram.com/odishareporter_official/ #OdishaReporter

Bengal SIR: ଏସ୍‌ଆଇଆର ପରେ ବେଙ୍ଗଲ ଭୋଟର ତାଲିକାରୁ କଟିଲା ୯୧ ଲକ୍ଷ ନାଁ, କୁହୁଳିଲା ଅସନ୍ତୋଷ

Bengal election news: ପଶ୍ଚିମବଙ୍ଗର ଉତ୍ତର ୨୪ ପ୍ରଗଣା ଜିଲ୍ଲାର ଜଣେ ଗୃହୁଣୀ ହେଉଛନ୍ତି ନଦିଆ ମଣ୍ଡଳ। ଏବେ ସେ କ୍ଷୁବ୍ଧ। କାରଣ ୨୦୨୬ ପଶ୍ଚିମବଙ୍ଗ ବିଧାନସଭା ନିର୍ବାଚନ ପୂର୍ବରୁ ତାଙ୍କ ନାଁ ଭୋଟର ତାଲିକାରୁ କଟି ଯାଇଛି। ଭାରତୀୟ ନିର୍ବାଚନ କମିଶନ ନିର୍ବାଚନ ପୂର୍ବରୁ ବେଙ୍ଗଲରେ ଏସ୍‌ଆଇଆର କାର୍ଯ୍ୟକ୍ରମ କରିଥିଲେ। ଏହାପରେ ଭୋଟର ତାଲିକାରୁ ୯୦.୮୩ ଲକ୍ଷ ମତଦାତାଙ୍କ ନାଁ ବାଦ ପଡ଼ିଛି। ଏମାନଙ୍କ ମଧ୍ୟରୁ ଜଣେ ହେଲେ ନଦିଆ ମଣ୍ଡଳ। ସେ କହିଛନ୍ତି, “ମୁଁ ଦୁତ୍ତାପୁକୁରର ବାସିନ୍ଦା। ୨୭ ବର୍ଷ ତଳେ ମୋର ବାହାଘର ହୋଇଥିଲା ଓ ସେବେଠାରୁ ମୁଁ ଏଠାରେ ରହିଛି। ଏସ୍‌ଆଇଆର ଶୁଣାଣି ବେଳେ ମୁଁ ଆଧାର ଠାରୁ ଆରମ୍ଭ କରି ସମସ୍ତ ଆବଶ୍ୟକ ଦସ୍ତାବିଜ ଦେଇଥିଲି। କିନ୍ତୁ ଏବେ ଡିଲିଟ ହୋଇଥିବା ତାଲିକାରେ ମୁଁ ମୋ ନିଜ ନାଁ ପାଇଛି।” ନଦିଆ ମଣ୍ଡଳ ଏକାକୀ ଏପରି ସ୍ଥିତିର ସମ୍ମୁଖୀନ ହୋଇ ନାହାନ୍ତି। ଏକାଧିକ ପ୍ରମୁଖ ବ୍ୟକ୍ତି, ଛୋଟ ବ୍ୟବସାୟୀ ଓ ସାଧାରଣ ଲୋକଙ୍କ ନାଁ ଭୋଟର ତାଲିକାରୁ ବାଦ ପଡ଼ିଛି।ସୋମବାର ବିଳମ୍ବିତ ରାତିରେ ନିର୍ବାଚନ କମିଶନ ୧୨ତମ ତଥା ଚୂଡ଼ାନ୍ତ ସପ୍ଲିମେଣ୍ଟାରୀ ଭୋଟର ତାଲିକା ଜାରି କରିଛନ୍ତି। ଏସ୍‌ଆଇଆର ବେଳେ ନାଁ କଟିଥିବା ଲୋକଙ୍କ ଅଭିଯୋଗର ଶୁଣାଣି କରିବା ପରେ ତାଲିକା ଜାରି କରାଯାଇଛି। ସଂଶୋଧିତ ଭୋଟର ତାଲିକା ପରେ ୬୦.୦୬ ଲକ୍ଷ ଭୋଟରଙ୍କୁ ସନ୍ଦେହ ଘେରରେ ରଖାଯାଇଥିଲା। ଏହାପରେ ଏମାନଙ୍କ ମଧ୍ୟରୁ ୩୨.୬ ଲକ୍ଷ ଭୋଟରଙ୍କୁ ପରବର୍ତ୍ତୀ ଅବସ୍ଥାରେ ବୈଧ ଭୋଟର ଭାବେ ବିବେଚନା କରାଯାଇଥିଲା। ୨୭.୧ ଲକ୍ଷ ଭୋଟର ବେଆଇନ ମତଦାତା ଭାବେ ଘୋଷିତ ହୋଇଛନ୍ତି। ସେମାନଙ୍କ ନାଁକୁ ଭୋଟର ତାଲିକାରୁ ହଟାଇ ଦିଆଯାଇଛି। ସେମାନେ ଏବେ ଟ୍ରିବ୍ୟୁନାଲ ନିକଟରେ ଆବେଦନ କରିପାରିବେ। କିନ୍ତୁ ବେଙ୍ଗଲ ବିଧାନସଭା ନିର୍ବାଚନ ପାଇଁ ଏପ୍ରି ୨୩ରେ ପ୍ରଥମ ପର୍ଯ୍ୟାୟ ମତଦାନ ହେବ। ଏଥିପାଇଁ ବହୁତ କମ ସମୟ ବାକି ଥିବାରୁ ବାଦ ପଡ଼ିଥିବା ଭୋଟର ଚିନ୍ତାରେ ରହିଛନ୍ତି। ଏହାକୁ ମିଶାଇ ଏସ୍‌ଆଇଆର ପରେ ମୋଟ ୯୦.୮ ଲକ୍ଷ ପୁରୁଷ ଓ ମହିଳା ମତଦାତା ବେଙ୍ଗଲର ଭୋଟର ତାଲିକାରୁ ବାଦ ପଡ଼ିଛନ୍ତି। ଏହା ଦେଶରେ ଏଯାଏ ଦ୍ୱିତୀୟ ସର୍ବାଧିକ। ବେଙ୍ଗଲ ପୂର୍ବରୁ ତାମିଲନାଡୁରେ ୯୭ ଲକ୍ଷ ଭୋଟରଙ୍କ ନାଁ ଏସ୍‌ଆଇଆର ପରେ ହଟିଥିଲା। ବେଙ୍ଗଲ ଭଳି ତାମିଲନେଡୁ ମଧ୍ୟ ଭୋଟିଂ ହେବ। ବେଙ୍ଗଲ ଭୋଟର ତାଲିକାରୁ ଏତେ ସଂଖ୍ୟକ ଭୋଟର ବାଦ ପଡ଼ିବାରୁ ଉତ୍ତର ୨୪ ପ୍ରଗଣାର ବସିରହାଟରେ ସୋମବାର ବିକ୍ଷୋଭ ଦେଖିବାକୁ ମିଳିଥିଲା। ମଙ୍ଗଳବାର ଉତ୍ତର ୨୪ ପ୍ରଗଣାର ବର୍ସାତ ସ୍ଥିତ ଜିଲ୍ଲା ମାଜିଷ୍ଟ୍ରେଟ ଅଫିସ ନିକଟରେ ଭୋଟର ତାଲିକାରୁ ବାଦ ପଡ଼ିଥିବା ଲୋକମାନେ ଲମ୍ବା ଲାଇନ ଲଗାଇଛନ୍ତି। ଏହାବାଦ ଆଖପାଖ ଜିଲ୍ଲାଗୁଡ଼ିକରୁ ମଧ୍ୟ ସମାନ ଦୃଶ୍ୟ ସାମ୍ନାକୁ ଆସିଛି। ବେଙ୍ଗଲର ୪ ଜିଲ୍ଲା ମୁର୍ଶିଦାବାଦ, ମାଲଦା, ଉତ୍ତର ୨୪ ପ୍ରଗଣା ଓ ଦକ୍ଷିଣ ୨୪ ପ୍ରଗଣାରୁ ୩୦.୪ ଭୋଟରଙ୍କୁ ପ୍ରଥମେ ସନ୍ଦେହ ଘେରରେ ରଖାଯାଇଥିଲା। ଏହା ମଧ୍ୟରୁ ଶୁଣାଣି ପରେ ୧୨.୨ ଲକ୍ଷ ଭୋଟର ଚୂଡ଼ାନ୍ତ ଭୋଟର ତାଲିକାରୁ ବାଦ ପଡ଼ିଛନ୍ତି। ୨୦୨୧ରେ ଟିଏମସି ମୁର୍ଶିଦାବାଦରେ ୨୨ଟିରୁ ୨୦, ମାଲଦାରେ ୧୨ରୁ ୮ଟି, ଉତ୍ତର ଓ ଦକ୍ଷିଣ ୨୪ ପ୍ରଗଣାର ୬୪ଟି ଆସନରୁ ୫୭ଟିରେ ଜିତିଥିଲା। ମୋଟ ଉପରେ ଦଳ ଏହି ୪ ଜିଲ୍ଲାରୁ ୭୫ଟି ଆସନ ଦଖଲ କରିଥିଲା। ଏବେ ଏହି ୪ ଜିଲ୍ଲାରୁ ୧୨.୨ ଲକ୍ଷ ଭୋଟର ବାଦ ପଡ଼ିଛନ୍ତି। ବେଙ୍ଗଲର ମୋଟ ୨ଟି ପର୍ଯ୍ୟାୟରେ ମତଦାନ ହେବ। ଏପ୍ରିଲ ୨୩ରେ ୧୫୨ଟି ବିଧାନସଭା ଆସନ ପାଇଁ ଓ ଏପ୍ରିଲ ୨୯ରେ ବାକି ଥିବା ୧୪୨ ଆସନରେ ମତଦାନ ହେବ।

ସଲମାନ ପିନ୍ଧିଲେ ଫଟା ଜୋତା

ମୁମ୍ବାଇ : ବଲିଉଡ ଅଭିନେତା ସଲମାନ ଖାନଙ୍କ ଫଟା ଜୋତା ଏବେ ବେଶ ଚର୍ଚ୍ଚାରେ ରହିଛି। ‘ଭାଇଜାନ’ ଙ୍କ ଏହି ଫଟା ଜୋତାର ମୂଲ୍ୟ ଲକ୍ଷ ଲକ୍ଷ ଟଙ୍କା ହେବ ବୋଲି ଜଣାପଡ଼ିଛି। ବଲିଉଡ ଅଭିନେତା ସଲମାନ ଖାନ କେବଳ ତାଙ୍କ ଫିଲ୍ମ ପାଇଁ ନୁହେଁ ବରଂ ତାଙ୍କ ଫ୍ୟାଶନ୍ ପାଇଁ ମଧ୍ୟ ଜଣାଶୁଣା। ସଲମାନ ଖାନଙ୍କର ଏକ ସ୍ୱତନ୍ତ୍ର ଷ୍ଟାଇଲ୍ ଏବଂ ସ୍ୱାଗ୍ ଅଛି ଏବଂ ତାଙ୍କ ପ୍ରଶଂସକମାନେ ତାଙ୍କ ଫ୍ୟାଶନ୍ ପସନ୍ଦକୁ ଉତ୍ସାହର ସହିତ […]

ପାକିସ୍ତାନକୁ ରାଜନାଥଙ୍କ ଚେତାବନୀ, ବେଙ୍ଗଲ ଉପରେ ଆଖି ପକାଇଲେ ପାକିସ୍ତାନର ମାନଚିତ୍ର ବଦଳିଯିବ

କନକବ୍ୟୁରୋ : ପାକିସ୍ତାନ ପ୍ରତିରକ୍ଷା ମନ୍ତ୍ରୀ ଖ୍ୱାଜା ଆସିଫଙ୍କ ''କୋଲକାତା ଉପରେ ଆକ୍ରମଣ''ର ଦିବାସ୍ୱପ୍ନକୁ ଧୂଳିସାତ କରି ଭାରତୀୟ ପ୍ରତିରକ୍ଷା ମନ୍ତ୍ରୀ ରାଜନାଥ ସିଂହ ଏକ ଦୁର୍ଜେୟ ଚେତାବନୀ ଦେଇଛନ୍ତି। ମଙ୍ଗଳବାର ପଶ୍ଚିମବଙ୍ଗରେ ଏକ ନିର୍ବାଚନୀ ସଭାକୁ ସମ୍ବୋଧିତ କରି ରାଜନାଥ ପାକିସ୍ତାନକୁ ୧୯୭୧ ମସିହାର ସେହି ଐତିହାସିକ ପରାଜୟର କଳା ଅଧ୍ୟାୟ ମନେ ପକାଇ ଦେଇଛନ୍ତି, ଯେଉଁଥିରେ ପାକିସ୍ତାନ ଦୁଇଖଣ୍ଡ ହୋଇ ବିଶ୍ୱ ମାନଚିତ୍ରରୁ ନିଜର ଏକ ବଡ଼ ଭୂଭାଗ ହରାଇଥିଲା । ପାକିସ୍ତାନୀ ମନ୍ତ୍ରୀଙ୍କ ଆସ୍ଫାଳନର ପ୍ରତିଉତ୍ତରରେ ରାଜନାଥ ସ୍ପଷ୍ଟ ଭାବେ କହିଛନ୍ତି ଯେ, ଯଦି ସେମାନେ ପୁନର୍ବାର ବେଙ୍ଗଲ କିମ୍ବା ଭାରତର କୌଣସି ଅଂଶ ଉପରେ କୁଦୃଷ୍ଟି ପକାନ୍ତି, ତେବେ ଏଥର ପାକିସ୍ତାନ କେତେ ଭାଗରେ ବିଭକ୍ତ ହେବ, ତାହା କେବଳ ଭଗବାନ ହିଁ ଜାଣନ୍ତି। ମଣିପୁରରେ ରକେଟ୍ ମାଡ଼ରେ ୨ ଶିଶୁ ମୃତ, ମା’ ଗୁରୁତର, ୫ ଜିଲ୍ଲାରେ ଇଣ୍ଟରନେଟ୍ ସେବା ବନ୍ଦ ବର୍ତ୍ତମାନର ଅସ୍ଥିର ବିଶ୍ୱ ପରିସ୍ଥିତି ଏବଂ ଇରାନ ଯୁଦ୍ଧର ପରିପ୍ରେକ୍ଷୀରେ ପାକିସ୍ତାନ କୌଣସି ପ୍ରକାରର ହୀନ ପ୍ରୟାସ କରିପାରେ ବୋଲି ଭାରତ ସଜାଗ ରହିଛି। ରାଜନାଥ ସିଂହ ସାଂଘାତିକ ଚେତାବନୀ ଦେଇ କହିଛନ୍ତି ଯେ, ଶତ୍ରୁର ଯେକୌଣସି ଦୁଃସାହସର ଜବାବ ଅଦୃଶ୍ୟ, ଅଭୂତପୂର୍ବ ଏବଂ ଅତ୍ୟନ୍ତ ନିର୍ଣ୍ଣାୟକ ହେବ। ଏଥିସହ ସେ ''ଅପରେସନ ସିନ୍ଦୂର''ର ପ୍ରସଙ୍ଗ ଉଠାଇ ଶତ୍ରୁ ଶିବିରରେ କମ୍ପନ ସୃଷ୍ଟି କରିଛନ୍ତି। ଗତବର୍ଷ ପହଲଗାମ ଆତଙ୍କବାଦୀ ଆକ୍ରମଣର ପ୍ରତିଶୋଧ ସ୍ୱରୂପ ଆରମ୍ଭ ହୋଇଥିବା ଏହି ସାମରିକ ଅଭିଯାନ ଏବେ ମଧ୍ୟ ଶେଷ ହୋଇନାହିଁ ବୋଲି ସେ ଦୃଢ଼ୋକ୍ତି ପ୍ରକାଶ କରିଛନ୍ତି। ଭାରତୀୟ ପ୍ରତିରକ୍ଷା ମନ୍ତ୍ରୀଙ୍କ ଏହି ପ୍ରଚଣ୍ଡ ପ୍ରତିକ୍ରିୟା ପାକିସ୍ତାନର ଫମ୍ପା ଧମକକୁ ରୋକିବା ସହ ଦେଶର ସୀମା ଓ ସମ୍ମାନ ରକ୍ଷା ପାଇଁ ଭାରତର ସଂକଳ୍ପବଦ୍ଧତାକୁ ପୁନର୍ବାର ପ୍ରମାଣିତ କରିଛି।

ମଣିପୁରରେ ରକେଟ୍ ମାଡ଼ରେ ୨ ଶିଶୁ ମୃତ, ମା’ ଗୁରୁତର, ୫ ଜିଲ୍ଲାରେ ଇଣ୍ଟରନେଟ୍ ସେବା ବନ୍ଦ

କନକବ୍ୟୁରୋ : ଶାନ୍ତ ପଡ଼ୁଥିବା ମଣିପୁର ପୁଣିଥରେ ଭୟଙ୍କର ହିଂସାରେ ଥରିଉଠିଛି। ସୋମବାର ବିଳମ୍ବିତ ରାତିରେ ବିଷ୍ଣୁପୁର ଜିଲ୍ଲା ମୋଇରାଙ୍ଗରେ ଏକ ଆବାସିକ ଘର ଉପରେ ସନ୍ଦିଗ୍ଧ ରକେଟ୍ ମାଡ଼ ହେତୁ ଜଣେ ସୀମା ସୁରକ୍ଷା ବଳ (ବିଏସଏଫ୍) ଯବାନଙ୍କ ୫ ବର୍ଷର ପୁଅ ଓ ୫ ମାସର ଶିଶୁ ପୁତ୍ରର ମୃତ୍ୟୁ ଘଟିଛି। ଏହି ବିସ୍ଫୋରଣରେ ଶିଶୁଙ୍କ ମା’ ବିନିତା (୩୭) ଗୁରୁତର ଆହତ ହୋଇ ଡାକ୍ତରଖାନାରେ ଜୀବନ ସହ ସଂଗ୍ରାମ କରୁଛନ୍ତି । ପାହାଡ଼ିଆ ଅଞ୍ଚଳରୁ ନିକ୍ଷେପ କରାଯାଇଥିବା ଏହି ଶକ୍ତିଶାଳୀ ରକେଟ୍ ମାଡ଼ ଯୋଗୁଁ ମଙ୍ଗଳବାର ସମଗ୍ର ଉପତ୍ୟକାରେ ତୀବ୍ର ଉତ୍ତେଜନା ପ୍ରକାଶ ପାଇଛି। ପରିସ୍ଥିତିକୁ ନିୟନ୍ତ୍ରଣ କରିବା ପାଇଁ ମଣିପୁର ସରକାର ଇମ୍ଫାଲ ପୂର୍ବ, ଇମ୍ଫାଲ ପଶ୍ଚିମ, ଥୌବାଲ, କାକଚିଙ୍ଗ ଏବଂ ବିଷ୍ଣୁପୁର ଭଳି ୫ଟି ସଂବେଦନଶୀଳ ଜିଲ୍ଲାରେ ଆଗାମୀ ତିନି ଦିନ ପାଇଁ ମୋବାଇଲ୍ ଇଣ୍ଟରନେଟ୍ ସେବାକୁ ସମ୍ପୂର୍ଣ୍ଣ ବନ୍ଦ କରିଦେଇଛନ୍ତି। ଗୃହ ବିଭାଗ ପକ୍ଷରୁ ଜାରି କରାଯାଇଥିବା ନିର୍ଦ୍ଦେଶନାମା ଅନୁଯାୟୀ, ଗୁଜବ ଓ ବିଭ୍ରାନ୍ତିକର ତଥ୍ୟର ପ୍ରସାରକୁ ରୋକିବା ପାଇଁ ଏହି କଟକଣା ଜାରି କରାଯାଇଛି। ଏହି ନିର୍ମମ ଆକ୍ରମଣ ପ୍ରତିବାଦରେ ଉତ୍ତ୍ୟକ୍ତ ଲୋକେ ବିଷ୍ଣୁପୁରରେ ଚୂଡ଼ାଚାନ୍ଦପୁର ଅଭିମୁଖେ ଯାଉଥିବା ଦୁଇଟି ତେଲ ଟ୍ୟାଙ୍କର ଓ ଏକ ଟ୍ରକକୁ ନିଆଁ ଲଗାଇ ଦେଇଛନ୍ତି। ସ୍ଥିତି ଅଣାୟତ୍ତ ହେବା ଆଶଙ୍କାରେ ପ୍ରଶାସନ ପକ୍ଷରୁ ଅଞ୍ଚଳର ସମସ୍ତ ବିଦ୍ୟାଳୟକୁ ବନ୍ଦ କରିବା ସହ ସୁରକ୍ଷା ବଳକୁ ହାଇ-ଆଲର୍ଟରେ ରଖାଯାଇଛି। ସ୍ଥାନୀୟ ବିଧାୟକ ଏହି ବର୍ବରକାଣ୍ଡକୁ କଡ଼ା ନିନ୍ଦା କରିବା ସହ ଦୋଷୀଙ୍କୁ ତୁରନ୍ତ ଗିରଫ କରିବାକୁ ଦାବି କରିଛନ୍ତି। ମଣିପୁରରେ ଜାରି ରହିଥିବା ଏହି ସାଂଘାତିକ ହିଂସା ସାଧାରଣ ଜୀବନଯାତ୍ରାକୁ ସମ୍ପୂର୍ଣ୍ଣ ବିପର୍ଯ୍ୟସ୍ତ କରିଦେଇଛି।

ପ୍ରବାସୀ ଶ୍ରମିକଙ୍କ ପାଇଁ ଖୁସି ଖବର ; ଦୁଇଗୁଣା ହେଲା ୫ କେଜି ଏଫଟିଏଲ୍ ସିଲିଣ୍ଡର

କନକ ବ୍ୟୁରୋ : ପ୍ରବାସୀ ଶ୍ରମିକଙ୍କ ପାଇଁ ଖୁସି ଖବର । ସବୁ ରାଜ୍ୟ ଓ କେନ୍ଦ୍ରଶାସିତ ଅଞ୍ଚଳକୁ ଦୁଇ ଗୁଣା ୫ କେଜି ଗ୍ୟାସ ସିଲିଣ୍ଡର କୋଟା ବଢାଇଲେ କେନ୍ଦ୍ର ସରକାର । ଏହି ପାଞ୍ଚ କେଜି ଏଫଟିଏଲ ଗ୍ୟାସ କେବଳ ପ୍ରବାସୀ ଶ୍ରମିକଙ୍କ ପାଇଁ ଉପଲବ୍ଧ ରହିବ । ଏନେଇ ନିର୍ଦ୍ଦେଶ ଦେଇଛନ୍ତି କେନ୍ଦ୍ର ସରକାର । ଇରାନ ସହ ଆମେରିକାର ଯୁଦ୍ଧ ଭିତରେ ଗ୍ୟାସ ଓ ତୈଳର ଅଭାବ ସାରା ଦେଶରେ ଦେଖାଦେଇଛି । ଏହାର ସିଧାସଳଖ ପ୍ରଭାବ ଭାରତୀୟ ବଜାର ଉପରେ ମଧ୍ୟ ପଡ଼ିଥିଲା । ଦେଶରେ ଗ୍ୟାସ୍‌ର ସାମୟିକ ଅଭାବ ଦେଖାଦେବା ଫଳରେ ସବୁଠୁ ଅଧିକ ହନ୍ତସନ୍ତ ହୋଇଥିଲେ ଦିନ ମଜୁରିଆ ଓ ପ୍ରବାସୀ ଶ୍ରମିକ । ସ୍ଥାୟୀ ଠିକଣା ପ୍ରମାଣପତ୍ର ନଥିବାରୁ ଏହି ଶ୍ରମିକମାନେ ୧୪ କେଜିଆ ବଡ଼ ସିଲିଣ୍ଡର ପାଇବାରେ ଅସମର୍ଥ ହୁଅନ୍ତି । ସେମାନଙ୍କ ପାଇଁ ଏକମାତ୍ର ସାହା ହେଉଛି ୫ କେଜିଆ ଛୋଟ ସିଲିଣ୍ଡର । କିନ୍ତୁ ଯୋଗାଣ କମ୍ ଥିବାରୁ କିଛି ଅସାଧୁ ବ୍ୟବସାୟୀ ଏହାର କଳାବଜାରୀ କରି ଅଧିକ ଦାମରେ ବିକ୍ରି କରୁଥିଲେ। ଅନେକ ଶ୍ରମିକ ଅତିଷ୍ଠ ହୋଇ ରୋଷେଇ ପାଇଁ ପୁଣି କାଠ ଚୁଲିକୁ ଆପଣେଇଥିଲେ ତ କିଛି ଶ୍ରମିକ ସହର ଛାଡ଼ି ନିଜ ଗାଁକୁ ଫେରିବା ଆରମ୍ଭ କରିଥିଲେ । ଫଳରେ ସେମାନଙ୍କ ସୁବିଧା ପାଇଁ ସବୁ ରାଜ୍ୟକୁ ଦିଆଯାଉଥିବା ୫ କେଜି ଗ୍ୟାସ ସିଲିଣ୍ଡରକୁ ଦୁଇ ଗୁଣା ବଢାଇଛନ୍ତି କେନ୍ଦ୍ର ସରକାର ।

କାଶ୍ମୀରରେ ବଡ଼ ଆତଙ୍କବାଦୀ ମଡ୍ୟୁଲର ପର୍ଦ୍ଦାଫାସ୍: ୧୬ ବର୍ଷ ଧରି ଫେରାର ଆତଙ୍କବାଦୀ ଅବୁ ହୁରୈରା ସମେତ ୫ ଗିରଫ

କନକ ବ୍ୟୁରୋ : ଜମ୍ମୁ କାଶ୍ମୀର ପୁଲିସ ଲସ୍କର-ଏ-ତୈବାର ଏକ ଆନ୍ତଃରାଜ୍ୟ ଆତଙ୍କବାଦୀ ମଡ୍ୟୁଲର ପର୍ଦ୍ଦାଫାସ୍ କରିଛି। ଅପରେସନ ସମୟରେ ଶ୍ରୀନଗରରେ ଅବଦୁଲ୍ଲା ଓରଫ ଆବୁ ହୁରୈରା ସମେତ ପାଞ୍ଚ ଜଣଙ୍କୁ ଗିରଫ କରାଯାଇଛି। ସୂଚନା ଅନୁଯାୟୀ ଅବଦୁଲ୍ଲା ଗତ ୧୬ ବର୍ଷ ଧରି ଫେରାର ଥିଲା ଏବଂ ଜମ୍ମୁ କାଶ୍ମୀର ବାହାରେ ସଂଗଠନ ପାଇଁ ଶିବିର ସ୍ଥାପନ କରିବାରେ ସକ୍ରିୟ ଥିଲା। ପୁଲିସର ସୂଚନା ଅନୁଯାୟୀ, ଏହି ଅପରେସନରେ ଜଣେ ପାକିସ୍ତାନୀ ଆତଙ୍କବାଦୀ ଉସମାନ ଓରଫ ବହୁତାଇବକୁ ମଧ୍ୟ ଗିରଫ କରାଯାଇଛି। ଅପରେସନ କେନ୍ଦ୍ରୀୟ ଏଜେନ୍ସିମାନଙ୍କ ସହଯୋଗରେ କରାଯାଇଥିଲା। ଜମ୍ମୁ ଏବଂ କାଶ୍ମୀର, ରାଜସ୍ଥାନ ଏବଂ ହରିୟାଣା ସମେତ ୧୯ଟି ସ୍ଥାନରେ ଚଢାଉ କରାଯାଇ ତଦନ୍ତକାରୀ ଏଜେନ୍ସିଗୁଡ଼ିକ ବହୁ ଆପରାଧିକ ସାମଗ୍ରୀ ଜବତ କରିଛନ୍ତି। ଅଧିକ ପଢ଼ନ୍ତୁ : ଲସ୍କର-ଏ-ତୈବା ଆତଙ୍କବାଦୀ ଶବିରକୁ ଗିରଫ କଲା ଦିଲ୍ଲୀ ପୁଲିସ: ଆଇଏସ୍‌ଆଇ ନିର୍ଦ୍ଦେଶରେ ରଚିଥିଲା ଷଡ଼୍‌ଯନ୍ତ୍ର ତଦନ୍ତରୁ ଜଣାପଡିଛି ଯେ, ଏହି ନେଟୱାର୍କ ଆତଙ୍କବାଦୀମାନଙ୍କୁ ଲଜିଷ୍ଟିକ୍ସ, ଆଶ୍ରୟ ଏବଂ ଆର୍ଥିକ ସହାୟତା ଯୋଗାଇ ଦେଉଥିଲା। ଗିରଫ ପାଞ୍ଚ ଜଣଙ୍କ ମଧ୍ୟରୁ ତିନି ଜଣ ଶ୍ରୀନଗରର ବାସିନ୍ଦା। ସେମାନଙ୍କୁ ମହମ୍ମଦ ନକିବ ଭଟ୍, ଆଦିଲ ରସିଦ ଭଟ୍ ଏବଂ ଗୁଲାମ ମହମ୍ମଦ ମୀର ଓରଫ ମାମା ଭାବେ ଚିହ୍ନଟ କରାଯାଇଛି। ଅଧିକାରୀଙ୍କ ଅନୁଯାୟୀ, ତଦନ୍ତରୁ ଏହା ମଧ୍ୟ ଜଣାପଡିଛି ଯେ, ଜଣେ ବିଦେଶୀ ଆତଙ୍କବାଦୀ ଜାଲ୍ କାଗଜପତ୍ର ବ୍ୟବହାର କରି ଭାରତ ବାହାରକୁ ସଫଳତାର ସହ ଯାତ୍ରା କରିଥିଲେ । ଆତଙ୍କବାଦୀଜଣକ ପ୍ରାୟ ୧୬ ବର୍ଷ ପୂର୍ବେ ଭାରତରେ ଅନୁପ୍ରବେଶ କରିଥିଲେ ଏବଂ ଏହି ସମୟ ମଧ୍ୟରେ କାଶ୍ମୀର ଉପତ୍ୟକାର ବିଭିନ୍ନ ଜିଲ୍ଲାରେ କାର୍ୟ୍ୟ କରୁଥିଲେ। ସୁରକ୍ଷା ଏଜେନ୍ସିଗୁଡ଼ିକ କହିଛନ୍ତି ଯେ ଏହି ନେଟୱାର୍କ ବର୍ଷ ବର୍ଷ ଧରି ପ୍ରାୟ ୪୦ ଜଣ ବିଦେଶୀ ଆତଙ୍କବାଦୀଙ୍କୁ ପରିଚାଳନା ଏବଂ ନେତୃତ୍ୱ ଦେଇଛି, ଯାହାଙ୍କ ମଧ୍ୟରୁ ଅଧିକାଂଶ ପରେ ସୁରକ୍ଷା ବାହିନୀ ଦ୍ୱାରା ଏନକାଉଣ୍ଟରରେ ନିହତ ହୋଇଥିଲେ।

ମୋ ସହିତ ୧୪୦ ଲକ୍ଷ ଇରାନୀ ଦେଶ ପାଇଁ ନିଜ ଜୀବନ ଦେବାକୁ ପ୍ରସ୍ତୁତ : ଟ୍ରମ୍ପଙ୍କ ଧମକ ନେଇ ଇରାନ ରାଷ୍ଟ୍ରପତିଙ୍କ ବଡ଼ ବୟାନ

କନକବ୍ୟୁରୋ : ମଧ୍ୟପ୍ରାଚ୍ୟରେ ଉତ୍ତେଜନା ଏପରି ଏକ ସ୍ଥାନରେ ପହଞ୍ଚିଛି ଯେ ଯେଉଁଠାରୁ ଫେରିବାର ପଥ ବହୁତ ସଂକୀର୍ଣ୍ଣ ମନେହେଉଛି। ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କ ଦ୍ୱାରା ଇରାନକୁ ଦିଆଯାଇଥିବା ‘ମଧ୍ୟରାତ୍ରି ଅଲ୍ଟିମେଟମ୍‌’ର ଡେଡଲାଇନ୍ ପାଖେଇ ଆସୁଥିବାରୁ, ତେହେରାନ ଏକ ଅତ୍ୟନ୍ତ ଆକ୍ରମଣାତ୍ମକ ମନୋଭାବ ଗ୍ରହଣ କରିଛି। ଇରାନ ରାଷ୍ଟ୍ରପତି ମାସୁଦ ପେଜେଶକିୟାନ୍ ମଙ୍ଗଳବାର ସ୍ପଷ୍ଟ କରିଛନ୍ତି ଯେ, ତାଙ୍କ ଦେଶର ନାଗରିକମାନେ ଯେକୌଣସି ବିଦେଶୀ ଆକ୍ରମଣ ବିରୋଧରେ ନିଜ ଜୀବନକୁ ବାଜି ଲଗାଇକୁ ପଛଘୁଞ୍ଚା ଦେବେ ନାହିଁ। ଇରାନ ରାଷ୍ଟ୍ରପତି ମାସୁଦ ପେଜେଶକିୟାନ ସୋସିଆଲ ମିଡିଆ ପ୍ଲାଟଫର୍ମ ‘ଏକ୍ସ’ ରେ ଏକ ପୋଷ୍ଟରେ ବିଶ୍ୱ ସମ୍ପ୍ରଦାୟ ଏବଂ ବିଶେଷକରି ଆମେରିକାକୁ ଏକ କଡ଼ା ବାର୍ତ୍ତା ଦେଇଛନ୍ତି। ସେ କହିଛନ୍ତି ୧୪ ଲକ୍ଷରୁ ଅଧିକ ଗର୍ବିତ ଇରାନୀ ନାଗରିକ ଦେଶକୁ ରକ୍ଷା କରିବା ପାଇଁ ନିଜ ଜୀବନ ଦେବାକୁ ଇଚ୍ଛା ପ୍ରକାଶ କରିଛନ୍ତି । ଅଧିକ ପଢନ୍ତୁ... ‘ଭାରତ-ପାକିସ୍ତାନ ଯୁଦ୍ଧ ରୋକି ମୁଁ ବଞ୍ଚାଇଛି ୫ କୋଟି ଜୀବନ’, ୮ଟି ଯୁଦ୍ଧ ବନ୍ଦ କରିଥିବା ଦାବି କଲେ ଟ୍ରମ୍ପ ପେଜେଶକିୟାନ୍ ଭାବପ୍ରବଣ ହୋଇ ଲେଖିଛନ୍ତି, ମୁଁ ନିଜେ ଇରାନ ପାଇଁ ନିଜ ଜୀବନ ଦେବାକୁ ପ୍ରସ୍ତୁତ ଥିଲି , ରହିଛି ଏବଂ ରହିବି ମଧ୍ୟ। ଏହି ବିବୃତି ଏପରି ଏକ ସମୟରେ ଆସିଛି ଯେତେବେଳେ ଟ୍ରମ୍ପ ପ୍ରଶାସନ ଇରାନକୁ ଆଲୋଚନା ଟେବୁଲକୁ ଆସିବାକୁ ନଚେତ୍ ଗମ୍ଭୀର ପରିଣାମର ସମ୍ମୁଖୀନ ହେବାକୁ ଚରମବାଣୀ ଦେଇଛନ୍ତି। କଠୋର ସ୍ୱରରେ ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ମଙ୍ଗଳବାର ରାତି ୮ ଟା (ୱାଶିଂଟନ ସମୟ) ପର୍ଯ୍ୟନ୍ତ ଇରାନକୁ ସମୟ ଦେଇଛନ୍ତି। ଟ୍ରମ୍ପ ଚେତାବନୀ ଦେଇଛନ୍ତି ଯେ ଯଦି ଇରାନ ଏହି ସମୟସୀମା ମଧ୍ୟରେ ହର୍ମୁଜ ପ୍ରଣାଳୀକୁ ପୁନଃ ଖୋଲିବାରେ ବିଫଳ ହୁଏ ଏବଂ ଏକ ଚୁକ୍ତିରେ ରାଜି ନ ହୁଏ, ତେବେ ଆମେରିକା ଇରାନର ପ୍ରତ୍ୟେକ ବିଦ୍ୟୁତ୍ ପ୍ଲାଣ୍ଟ ଏବଂ ସେତୁ ଉପରେ ବୋମା ମାଡ଼ କରିବ। ଟ୍ରମ୍ପ ହ୍ୱାଇଟ୍ ହାଉସ୍ ବ୍ରିଫିଂରେ କହିଥିଲେ, ଗୋଟିଏ ରାତିରେ ସମଗ୍ର ଦେଶ ଧ୍ୱଂସ ପାଇପାରେ, ଏବଂ ସେହି ରାତି ମଙ୍ଗଳବାର ହୋଇପାରେ। ସେ ଏହା ମଧ୍ୟ କହିଥିଲେ ଯେ, ଏହି ଆକ୍ରମଣ ପରେ, ଇରାନ ପ୍ରସ୍ତର ଯୁଗକୁ ଫେରିଯିବ। ଆମେରିକାର ବିମାନ ଆକ୍ରମଣର ଧମକର ଜବାବରେ ଇରାନ ଏକ ଅନନ୍ୟ ପ୍ରତିରକ୍ଷା ରଣନୀତି ଗ୍ରହଣ କରିଛି। ଇରାନର ଉପ-କ୍ରୀଡା ମନ୍ତ୍ରୀ, ଆଲିରେଜା ରହିମି, ଦେଶର କ୍ରୀଡ଼ାବିତ, କଳାକାର, ଛାତ୍ର ଏବଂ ଶିକ୍ଷକମାନଙ୍କୁ ପାୱାର ପ୍ଲାଣ୍ଟ ଚାରିପାଖରେ ‘ମାନବ ଶୃଙ୍ଖଳ’ ଗଠନ କରିବାକୁ ନିବେଦନ କରିଛନ୍ତି। ରହିମି ଏକ ଭିଡିଓ ବାର୍ତ୍ତାରେ କହିଛନ୍ତି ଯେ ଏହି ଗଛଗୁଡ଼ିକ ଜାତୀୟ ସମ୍ପତ୍ତି ଏବଂ ଏଗୁଡ଼ିକୁ ସୁରକ୍ଷା ଦେବା ନାଗରିକମାନଙ୍କର କର୍ତ୍ତବ୍ୟ। ଏହି ପଦକ୍ଷେପ ସ୍ପଷ୍ଟ ଭାବରେ ଆମେରିକାର ଆକ୍ରମଣକୁ ପ୍ରତିହତ କରିବା ପାଇଁ ଏଗୁଡ଼ିକୁ ଚାରିପଟେ ‘ମାନବ ଢାଲ’ କରିବାକୁ ପ୍ରୟାସ ଜାରି ରହିଛି।

ଏକାଥରେ ୯ ପୁଲିସ୍‌ ଅଧିକାରୀ ପାଇବେ ଫାଶୀ

ନୂଆଦିଲ୍ଲୀ: ସାରାଦେଶରେ ଚହଳ। ୯ ପୁଲିସ୍ ଅଧିକାରୀଙ୍କୁ ଫାଶୀ ଦଣ୍ଡାଦେଶ। ସୋମବାର ମଦୁରାଇର ପ୍ରଥମ ଅତିରିକ୍ତ ଜିଲ୍ଲା ଏବଂ ସେସନ୍ସ କୋର୍ଟ ସଥାନକୁଲମ ହାଜତ ମୃତ୍ୟୁ ମାମଲାରେ ଦୋଷୀ ସାବ୍ୟସ୍ତ ହୋଇଥିବା ସମସ୍ତ ନଅ ଜଣ ପୋଲିସ କର୍ମଚାରୀଙ୍କୁ ମୃତ୍ୟୁଦଣ୍ଡ ଶୁଣାଇଛନ୍ତି। କୋର୍ଟ ମୃତକଙ୍କ ପରିବାରକୁ ମୋଟ ୧.୪୦ କୋଟି କ୍ଷତିପୂରଣ ଦେବାକୁ ମଧ୍ୟ ନିର୍ଦ୍ଦେଶ ଦେଇଛନ୍ତି। ଯାହା ଦୋଷୀ ପୁଲିସ୍‌ କର୍ମଚାରୀମାନେ ମିଳିତ ଭାବରେ ପ୍ରଦାନ କରିବେ। ବିଚାରପତି ଜି.ମୁଥୁକୁମାରନ୍ ରାୟ ଶୁଣାଇବା ସମୟରେ କହିଛନ୍ତି […]

‘ଭାରତ-ପାକିସ୍ତାନ ଯୁଦ୍ଧ ରୋକି ମୁଁ ବଞ୍ଚାଇଛି ୫ କୋଟି ଜୀବନ’, ୮ଟି ଯୁଦ୍ଧ ବନ୍ଦ କରିଥିବା ଦାବି କଲେ ଟ୍ରମ୍ପ

କନକବ୍ୟୁରୋ : ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ସୋମବାର ଏକ ସାମ୍ବାଦିକ ସମ୍ମିଳନୀରେ ନିଜକୁ ଏକ ବଡ଼ ଶାନ୍ତିଦୂତ ଭାବେ ଉପସ୍ଥାପନ କରିଛନ୍ତି। ଟ୍ରମ୍ପ ପୁଣି ଥରେ ଦାବି କରିଛନ୍ତି ଯେ , ସେ ଭାରତ ଓ ପାକିସ୍ତାନ ମଧ୍ୟରେ ସୃଷ୍ଟି ହୋଇଥିବା ଯୁଦ୍ଧ ପରିସ୍ଥିତିକୁ ସମାପ୍ତ କରି ପ୍ରାୟ ୩ ରୁ ୫ କୋଟି ଲୋକଙ୍କ ଜୀବନ ରକ୍ଷା କରିଛନ୍ତି । ପାକିସ୍ତାନ ପ୍ରଧାନମନ୍ତ୍ରୀ ନିଜେ ତାଙ୍କୁ ଏହି କଥା କହିଥିବା ଟ୍ରମ୍ପ ପ୍ରକାଶ କରିଛନ୍ତି । କେବଳ ସେତିକି ନୁହେଁ, ସେ ନିଜ ଶାସନ କାଳରେ ପ୍ରାୟ ୮ଟି ଯୁଦ୍ଧ ବନ୍ଦ କରିଥିବା ଦାବି କରିବା ସହ ଇରାନ ବିରୁଦ୍ଧରେ ଆମେରିକାର କାର୍ଯ୍ୟାନୁଷ୍ଠାନକୁ ‘ଈଶ୍ୱରଙ୍କ ସମର୍ଥନ’ ରହିଛି ବୋଲି କହିଛନ୍ତି। ଈଶ୍ୱର ସର୍ବଦା ମଙ୍ଗଳମୟ ଓ ସେ ଚାହାଁନ୍ତି ଯେ ସମସ୍ତଙ୍କର ଯତ୍ନ ନିଆଯାଉ, ତେଣୁ ଆମେରିକାର ଏହି ପଦକ୍ଷେପ ଯଥାର୍ଥ ବୋଲି ସେ ଦର୍ଶାଇଛନ୍ତି। ଯଦିଓ ସେ ଯୁଦ୍ଧ କିମ୍ବା ରକ୍ତପାତକୁ ପସନ୍ଦ କରନ୍ତି ନାହିଁ ବୋଲି କହିଛନ୍ତି, ତଥାପି ଇରାନର ପ୍ରତିଟି ବ୍ରିଜ୍କୁ ଧ୍ୱଂସ କରିଦେବା ପାଇଁ ସେ ଖୋଲା ଧମକ ଦେବାକୁ ପଛାଇ ନାହାନ୍ତି । ଗତ ମେ ମାସରେ ଭାରତର ପାକିସ୍ତାନ ସ୍ଥିତ ଆତଙ୍କବାଦୀ କ୍ୟାମ୍ପ ଉପରେ ହୋଇଥିବା ଆକ୍ରମଣ ପରେ ଯେଉଁ ଉତ୍ତେଜନା ଦେଖାଦେଇଥିଲା, ସେଥିରେ ତାଙ୍କର ମଧ୍ୟସ୍ଥତା ନିର୍ଣ୍ଣାୟକ ଥିଲା ବୋଲି ଟ୍ରମ୍ପ କହିଛନ୍ତି। ତେବେ ଭାରତ ସରକାର ପୂର୍ବରୁ ଟ୍ରମ୍ପଙ୍କ ଏଭଳି ମଧ୍ୟସ୍ଥତା ଦାବିକୁ ସମ୍ପୂର୍ଣ୍ଣ ରୂପେ ପ୍ରତ୍ୟାଖ୍ୟାନ କରିଆସିଛନ୍ତି ଏବଂ ଏହା ଦୁଇ ଦେଶର ଆଭ୍ୟନ୍ତରୀଣ ବ୍ୟାପାର ବୋଲି ସ୍ପଷ୍ଟ କରିଛନ୍ତି। ଏହା ସତ୍ତ୍ୱେ ଟ୍ରମ୍ପ ନିଜର ଏହି କାଳ୍ପନିକ ସଫଳତାକୁ ନିଜ ପ୍ରଚାରରେ ବ୍ୟବହାର କରିବାରେ ଲାଗିଛନ୍ତି । ସମ୍ମିଳନୀର ଶେଷ ଭାଗରେ ଟ୍ରମ୍ପଙ୍କ କ୍ଷୋଭ ମଧ୍ୟ ଦେଖିବାକୁ ମିଳିଥିଲା । ଏତେ ଗୁଡ଼ିଏ ଯୁଦ୍ଧ ବନ୍ଦ କରିଥିବା ସତ୍ତ୍ୱେ ତାଙ୍କୁ ନୋବେଲ ଶାନ୍ତି ପୁରସ୍କାର ଦିଆଯାଉ ନଥିବାରୁ ସେ ଦୁଃଖ ପ୍ରକାଶ କରିଥିଲେ । ଏଥିସହିତ ସିଓଲଠାରୁ କାନବେରା ପର୍ଯ୍ୟନ୍ତ ନିଜର ବନ୍ଧୁ ରାଷ୍ଟ୍ରମାନେ ଆମେରିକାକୁ ପର୍ଯ୍ୟାପ୍ତ ସହାୟତା ଦେଉ ନଥିବାରୁ ସେ ବିରକ୍ତି ପ୍ରକାଶ କରିଛନ୍ତି। ସମ୍ପୂର୍ଣ୍ଣ ସମ୍ମିଳନୀଟି ଟ୍ରମ୍ପଙ୍କ ନିଜ ପ୍ରଶଂସା ଏବଂ ଅନ୍ତର୍ଜାତୀୟ ନୀତିକୁ ନେଇ ଅନେକ ବିବାଦୀୟ ମନ୍ତବ୍ୟରେ ଭରପୂର ରହିଥିଲା ।

ଲୁଟ୍‌ କରି ଅଏସ କରୁଥିଲେ ଦମ୍ପତି ; ଧରାପଡ଼ିଲେ ଚେନ୍‌ ଝାମ୍ପୁଥିବା ଲୁଟେରା ଗ୍ୟାଙ୍ଗ

କନକ ବ୍ୟୁରୋ : ମହିଳାଙ୍କ ବେକରୁ ଚେନ୍ ଲୁଟ୍ କରି ଅଏସ କରୁଥିଲେ ଲୁଟେରା ଦମ୍ପତି । ଚେନ୍‌ ଝାମ୍ପୁଥିବା ଲୁଟେରା ଗ୍ୟାଙ୍ଗ୍‌ ଠାବ , ମୁଖ୍ୟ ଅଭିଯୁକ୍ତ ରାକେଶ ରାଉତ ଗିରଫ । ତା ଠାରୁ ଆହୁରି ୯ ଜଣଙ୍କ ବାବଦରେ ତଥ୍ୟ ମିଳିଥିଲା । ଅଭିଯୁକ୍ତ ଜଣକ ଚେନ ସ୍ନାଚିଂରେ ତା ପତ୍ନୀକୁ ବ୍ୟବହାର କରେ । ଘଟଣା ଘଟଇବା ପରେ, ନିଜ ସ୍ତ୍ରୀକୁ ସାଙ୍ଗରେ ଧରିକି ବୁଲେ । ୧୦ ବର୍ଷ ହେବ ଚେନ୍‌ ଲୁଟୁଥିଲା ଅଭିଯୁକ୍ତ, କିଛି ଦିନ ହେବ ସେ ପାନ ଦୋକାନ କରି ଚଳୁଥିଲା । ତା ନାଁରେ ଅନେକ ମାମଲା ପୂର୍ବରୁ ରହିଛି । ସେ ବିଭିନ୍ନ ଅଞ୍ଚଳ ବୁଲି ବୁଲି ଚେନ ଝାମ୍ପି ନିଏ । ଏହି ଲୁଟେରା ଠାରୁ ଚେନ କିଣିଥିବା ରିସିଭର ସମେତ ଅଭିଯୁକ୍ତ ରାକେଶ, ତାର ପତ୍ନୀକୁ ବି ଗିରଫ କରାଯାଇଛି । ଅଭିଯୋଗକାରୀ ରଂଜନ କୁମାର ପୃଷ୍ଟିଙ୍କ ରିପୋର୍ଟ ଆଧାରରେ ପୁଲିସ ତନାଘନା କରୁଥିଲା । ଅଧିକ ପଢ଼ନ୍ତୁ--- ଦୁଇ ସାହି ମଧ୍ୟରେ ଗୋଷ୍ଠୀ ସଂଘର୍ଷ, ୨୦ରୁ ଅଧିକ ଆହତ

ଧାମରା ଭଦ୍ରକ ରେଳପଥରେ ଜମିହରା ବିଧବା ସ୍ତ୍ରୀଙ୍କ ରେଳରୋକ

ଧାମରା:ଧାମରା ବନ୍ଦର କର୍ତ୍ତୃପକ୍ଷ ଙ୍କ ମନମାନୀ ପାଇଁ ଆଜି ନିଜର ସର୍ବସ୍ୱ ହରାଇଥିବା ଜଣେ ବିଧବା ସ୍ତ୍ରୀ ଲୋକ ଧାମରା ଭଦ୍ରକ ରେଳପଥ କୁ ଅବରୋଧ କରିବା ସହ ଧାରଣା ଦେଇଥିଲେ। ଅଭିଯୋଗ ଅନୁଯାଇ ନରସିଂହ ପ୍ରସାଦ ଗାଁର ସତ୍ୟଭାମା ସେଠୀ ଧାମରା ବନ୍ଦର ପାଇଁ ନିଜର ସର୍ବସ୍ୱ ହରାଇଥିଲେ। ଆଜି ଭଳି ଦିନରେ ଧାମରା ବନ୍ଦର କର୍ତ୍ତୃପକ୍ଷ ସତ୍ୟଭାମାଙ୍କ ଘର ବାଡିରୁ ବହୁ ଗଛ କାଟିନେଇଛନ୍ତି। ଏ ବାବଦରେ ଅଭିଯୋଗ କରିବା ପରେ ମଧ୍ୟ ବନ୍ଦର […]

Manipur: ରକେଟ୍‌ ଆଟାକ ପରେ ମଣିପୁରରେ ଭୟଙ୍କର ପୋଡ଼ାଜଳା: ଇଣ୍ଟରନେଟ ବନ୍ଦ, ଲାଗିଲା କର୍ଫ୍ୟୁ

Manipur: ପୁଣି ଅଶାନ୍ତି ହୋଇପଡ଼ିଛି ମଣିପୁର। ବ୍ୟାପକ ପୋଡ଼ାଜଳା ଓ ବିକ୍ଷୋଭ ଯୋଗୁ ମଣିପୁରର କ୍ଷମତାସୀନ ବିଜେପି ସରକାର ଆସନ୍ତା ୩ ଦିନ ପାଇଁ ରାଜ୍ୟର ୫ଟି ଜିଲ୍ଲାରେ ଇଣ୍ଟରନେଟ ସେବାକୁ ବନ୍ଦ କରି ଦେଇଛନ୍ତି। ସେହିପରି ବିଭିନ୍ନ ସ୍ଥାନରେ ସ୍ଥିତିକୁ ନିୟନ୍ତ୍ରଣ କରିବାକୁ କର୍ଫ୍ୟୁ ଲାଗୁ କରିଛନ୍ତି। ରକେଟ ଆଟକାରେ ୨ ଜଣ ଛୋଟ ପିଲାଙ୍କ ମୃତ୍ୟୁ ହୋଇଥିବା ବେଳେ ସେମାନଙ୍କ ମା’ ଆହତ ହୋଇଛନ୍ତି। ସେହିପରି ଏହା ବିରୋଧରେ ଆଜି ବିକ୍ଷୋଭ ଚାଲିଥିବା ବେଳେ ସୁରକ୍ଷାକର୍ମୀଙ୍କ ଗୁଳିରେ ଜଣେ ବ୍ୟକ୍ତିଙ୍କ ମୃତ୍ୟୁ ମଧ୍ୟ ହୋଇଥିବା ରିପୋର୍ଟ ପ୍ରକାଶ ପାଇଛି। ଏହି କାରଣରୁ ମଣିପୁରର ବିଭିନ୍ନ ସ୍ଥାନରେ ସାନି ବିକ୍ଷୋଭ ଓ ପୋଡ଼ାଜଳା ଦେଖା ଯାଇଛି। ବିକ୍ଷୋଭକାରୀମାନେ ଏକାଧିକ ତେଲ ବୋଝେଇ ଗାଡ଼ିରେ ନିଆଁ ଲଗାଇ ଦେବାରୁ ସ୍ଥିତି ଅଣାୟାତ୍ତ ହୋଇଛି। ଏହାକୁ ଦୃଷ୍ଟିରେ ରଖିସରକାର ଆସନ୍ତା ୩ ଦିନ ପାଇଁ ଇମ୍ଫାଲ ଇଷ୍ଟ, ଇମ୍ଫାଲ ୱେଷ୍ଟ, ଥୌବାଲ, କାକଚିଙ୍ଗ ଓ ବିଷ୍ଣୁପୁର ଜିଲ୍ଲାରେ ଇଣ୍ଟରନେଟ ସେବାକୁ ବାତିଲ କରି ଦେଇଛନ୍ତି। ବିଭ୍ରାନ୍ତିକର ଖବର ଓ ମିଥ୍ୟାର ପ୍ରଚାର ଯୋଗୁ ଆଇନଶୃଙ୍ଖଳା ପରିସ୍ଥିତି ବିପର୍ଯ୍ୟୟ ହେବାର ଆଶଙ୍କା ଥିବାରୁ ଇଣ୍ଟରନେଟକୁ ବନ୍ଦ କରିବା ଜରୁରୀ ଥିଲା ବୋଲି ପ୍ରଶାସନ କହିଛି। ମଙ୍ଗଳବାର ମଧ୍ୟରାତ୍ର ପରେ ବିଷ୍ଣୁପରରେ ହିଁ ରକେଟ ଆଟାକ ହୋଇଥିଲା। ଏଥିଯୋଗୁ ସେଠାରେ କର୍ଫ୍ୟୁ ଲାଗୁ କରାଯାଇଛି। ସୁରକ୍ଷାକର୍ମୀମାନେ ବିଭିନ୍ନ ସ୍ଥାନରେ ଫ୍ଲାଗମାର୍ଚ୍ଚ କରି ସ୍ଥିତିର ଅନୁଧ୍ୟାନ କରୁଛନ୍ତି। ପ୍ରଶାସନର କହିବା କଥା ଯେ ମଧ୍ୟରାତ୍ର ପରେ ସନ୍ଦିଗ୍ଧ ଆତଙ୍କବାଦୀମାନେ ମୋଇରଙ୍ଗରେ ଥିବା ତ୍ରୋଙ୍ଗଲାଓବି ଆୱଙ୍ଗ ଲେଇକାଇ ଗାଁରେ ରକେଟ ଆଟକା କରିଥିଲେ। ଏଥିରେ ଜଣେ ୫ ବର୍ଷର ପୁଅ ଓ ଜଣେ ୬ ମାସର ଝିଅ ପ୍ରାଣ ହରାଇଛନ୍ତି। ଉଭୟଙ୍କ ମା’ ଆକ୍ରମଣରେ ଆହତ ହୋଇଛନ୍ତି। ସେମାନଙ୍କ ଘର ପୂରା ଛିନଛତ୍ର ହୋଇ ଯାଇଛି। ଏହାକୁ ନେଇ ଆଜି ବିଷ୍ଣୁପରରେ ପ୍ରବଳ ଉତ୍ତେଜନା ଦେଖା ଯାଇଥିଲା। ବିକ୍ଷୋଭକାରୀ ଆକ୍ରମଣକୁ ବିରୋଧ କରି ଜାତୀୟ ରାଜପଥରେ ଯାଉଥିବା ତେଲ ବୋଝେଇ ଗାଡ଼ିରେ ନିଆଁ ଲଗାଇ ଦେଇଛନ୍ତି। ସେହିପରି ଆଉ କିଛି ସ୍ଥାନରେ ପୋଡ଼ା ଜଳା ହେବାରୁ ପ୍ରଶାସନ ପକ୍ଷରୁ କର୍ଫ୍ୟୁ ଲାଗୁ କରାଯାଇଛି। ଆଜି ସକାଳେ ବିକ୍ଷୋକାରୀମାନେ ପ୍ରଥମେ ୨ଟି ତୈଳ ବୋଝେଇ ଟ୍ୟାଙ୍କର ଓ ଗୋଟିଏ ଟ୍ରକକୁ ସ୍ଥାନୀୟ ପେଟ୍ରୋଲ ପମ୍ପ ନିକଟରେ ଜାଳି ଦେଇଥିଲେ। ସେମାନେ ପୁଲିସ୍‌ ଷ୍ଟେସନ ଆଗରେ ଟାୟାର ଜାଳିଛନ୍ତି ଓ ପୁଲିସ୍‌ ଆଉଟ ପୋଷ୍ଟକୁ ଭାଙ୍ଗି ଦେଇଛନ୍ତି। ଏହାବାଦ ପି ଗେଲମୋଲ ଠାରେ ଥିବା ସିଆରପିଏଫ କ୍ୟାମ୍ପରେ ମଧ୍ୟ ଶତାଧିକ ଲୋକ ଧସେଇ ପଶି ଭଙ୍ଗାରୁଜା କରିଛନ୍ତି। ବିଷ୍ଣୁପୁର-ଚୁରଚାନ୍ଦପୁର ସୀମାରେ ଏପରି ଘଟଣା ଘଟିଛି। ଏହି ଅଞ୍ଚଳରେ ହିଁ କୁକି ଓ ମୈତୈ ସଂପ୍ରଦାୟ ମଧ୍ୟରେ ରକ୍ତାକ୍ତ ସଂଘର୍ଷ ହୋଇଥିଲା। ବିକ୍ଷୋଭ ବୃଦ୍ଧି ପାଇବାରୁ ସୁରକ୍ଷାକର୍ମୀମାନେ ବାଧ୍ୟ ହୋଇ ଫାଙ୍କା ଗୁଳି ଚାଳନା କରିଛନ୍ତି। ସେହିପରି ଧୂଆଁ ବାହାରୁ ଥିବା ବୋମା ମାଡ଼ କରି ଭିଡ଼କୁ ନିୟନ୍ତ୍ରଣ କରିଛନ୍ତି। ଏହି ଘଟଣାରେ ୧୯ ଜଣ ଆହତ ହୋଇଥିବା ବେଳେ ଜଣେ ପ୍ରାଣ ହରାଇଥିବା କୁହାଯାଉଛି। ବିକ୍ଷୋଭ ବେଳେ ପୁଲିସ୍‌ ଗାଡ଼ି ମାଡ଼ କରିବାରୁ ବ୍ୟକ୍ତି ଜଣଙ୍କ ଆଖି ବୁଜିଥିବା ଅଭିଯୋଗ ହୋଇଛି।

ମ୍ୟାଗି-ପାସ୍ତାରେ କାମ ଚଲାଉଛୁ #reels #orshorts #bhubaneswar #student_tension | Odisha Reporter

ମ୍ୟାଗି-ପାସ୍ତାରେ କାମ ଚଲାଉଛୁ #reels #orshorts #bhubaneswar #student_tension Odisha Reporter is one of the best Odia news portal in Odisha. Get all the news updates in Odia. ସମସ୍ତ ଓଡିଆଙ୍କ ପାଖରେ ଅତି ସହଜରେ ଓଡିଆ ଭାଷାରେ ଖବର ପହଞ୍ଚାଇବାର ମାଧ୍ୟମ ସାଜିଛି ‘ଓଡିଶା ରିପୋର୍ଟର’ | YouTube: http://bit.ly/OdishaReporteronYouTube Web: http://odishareporter.in Facebook: https://www.facebook.com/OdishaReporter/ Twitter: https://twitter.com/OdishaReporter Telegram: https://telegram.me/Odisha_Reporter_official Instagram: https://www.instagram.com/odishareporter_official/ #OdishaReporter

ହାତାହାତି ଦୁଇ ବିଜେଡି ଗୋଷ୍ଠୀ | Odisha Reporter

#ହ ାତାହାତି_ଦୁଇ_ବିଜେଡି_ଗୋଷ୍ଠୀ ନିମାପଡ଼ା-ଗୋପ ବିଜେଡି ୨ ଗୋଷ୍ଠୀ ହାତାହାତି। ନିମାପଡ଼ା-ଗୋପ ବିଜେଡି ଦୁଇ ଗୋଷ୍ଠୀ ମଧ୍ୟରେ ହାତାହାତି। ବେଗୁନିଆ ଜାଗୁଳେଇ ପୀଠରେ ସାଂଗଠନିକ ବୈଠକ ବେଳେ ହାତାହାତି। ବିଜେଡି ନେତା ସୁବ୍ରତ ଛାଟୋଇଙ୍କ ଉପସ୍ଥିତିରେ ଠେଲାପେଲା। #OdishaReporter #OdishaNews #BJD #PoliticalClash #Nimapada #Gop #BreakingNews Odisha Reporter is one of the best Odia news portal in Odisha. Get all the news updates in Odia. ସମସ୍ତ ଓଡିଆଙ୍କ ପାଖରେ ଅତି ସହଜରେ ଓଡିଆ ଭାଷାରେ ଖବର ପହଞ୍ଚାଇବାର ମାଧ୍ୟମ ସାଜିଛି ‘ଓଡିଶା ରିପୋର୍ଟର’ | YouTube: http://bit.ly/OdishaReporteronYouTube Web: http://odishareporter.in Facebook: https://www.facebook.com/OdishaReporter/ Twitter: https://twitter.com/OdishaReporter Telegram: https://telegram.me/Odisha_Reporter_official Instagram: https://www.instagram.com/odishareporter_official/ #OdishaReporter

ମୁଁ ପ୍ରଥମେ ଜଣେ ବ୍ୟବସାୟୀ : ଇରାନର ତେଲ ପାଇଁ ଯୁଦ୍ଧ କରୁଛନ୍ତି ଟ୍ରମ୍ପ !

କନକବ୍ୟୁରୋ : ଆମେରିକା ଏବଂ ଇସ୍ରାଏଲ ସହିତ ଯୁଦ୍ଧ କରୁଥିବା ଇରାନର ସୀମା ପାର କରି ଭିତରେ ପ୍ରବେଶ କଲେ ଏକ ଭିନ୍ନ ପରିବେଶ ଦେଖିବାକୁ ମିଳୁଛି। କଳା ବ୍ୟାନର, କାନ୍ଥରେ ବଡ଼ ପୋଷ୍ଟର ଏବଂ ପ୍ରତିଶୋଧ ନେବାର ଧମକପୂର୍ଣ୍ଣ ମୁହଁ। ମହାସଂଗ୍ରାମ ମଧ୍ୟରେ ସବୁଠାରୁ ଆକର୍ଷଣୀୟ କଥା ହେଉଛି ସାଧାରଣ ଲୋକଙ୍କ ଜୀବନ। ସେମାନେ ଲୁହଭିଜା ଆଖି ଆଉ କୋହ ଭରା ଛାତି ଧରି ଯେକୌଣସି ପରିସ୍ଥିତିରେ ଆଗକୁ ବଢୁଛନ୍ତି । ଜୀବନ ହାରି ଯାଇନି, ଜୀବନ ହାରି ଯାଇନି ବରଂ ମୃତ୍ୟୁକୁ ଜିତିବାକୁ ଭଙ୍ଗାମନରେ ଅଣ୍ଟା ଭିଡ଼ିଛି। ବଞ୍ଚିଛନ୍ତି ମାନେ ତ ଜୀଇଁବାକୁ ହେବ। ଜୀବନ ଯୁଦ୍ଧରୁ ପଛକୁ ହଟିବାକୁ ସାଧାରଣ ଲୋକେ ନାରାଜ। ପ୍ରିୟ ପରିଜନଙ୍କୁ ହରାଇଥିବାର ଲୁହ ଝରି ଝରି ଆଉ ଏବେ ଆଖି ଶୁଖି ଗଲାଣି। କାନ୍ଦିବାକୁ ଆଉ ଆଖିରେ ଲୁହ ବି ନାହିଁ। ଯୁଦ୍ଧ ସଙ୍କଟ ମଧ୍ୟରେ ଛୋଟ ବଡ଼ ସହରଗୁଡ଼ିକରେ ଦୋକାନ ଖୋଲା ଅଛି, ଲୋକମାନେ ରାସ୍ତାରେ ଯିବା ଆସିବା କରୁଛନ୍ତି। ଜୀବନକୁ ଦୁଃଖ ମଧ୍ୟରେ ବି ସ୍ବାଭାବିକ କରିବାକୁ ପ୍ରୟାସ କରୁଛନ୍ତି। ରେଷ୍ଟୁରାଣ୍ଟଗୁଡ଼ିକ ଖାଦ୍ୟ ପରିବେଷଣ କରାଯାଉଛି। ବୋମା ମାଡ଼ରେ ବହୁ କମ୍ପ୍ଲେକ୍ସ ଭାଙ୍ଗିରୁଜି ଯାଇଛି। ସ୍କୁଲ-କଲେଜ,ପାଠାଗାର, କ୍ଲିନିକ୍ , ବ୍ୟବସାୟିକ ପ୍ରତିଷ୍ଠାନ ଆଦି ସବୁ ଧ୍ବଂସ ହୋଇଯାଇଛି। ଫଳରେ ଲୋକେ ସମସ୍ୟାରେ ପଡ଼ିଛନ୍ତି। ଲୋକମାନେ ଦୋକାନ ଘର ଭାଙ୍ଗିଯାଇଥିବା ବଜାରକୁ ଯାଉଛନ୍ତି। ପିଲାମାନେ ଆବର୍ଜନା ପଡ଼ିଥିବା ରାସ୍ତାରେ ଖେଳୁଛନ୍ତି। ଭଙ୍ଗା ଇଲେକ୍ଟ୍ରି ଖୁଣ୍ଟ ତଳେ ଯାନବାହାନ ଚଳାଚଳ କରୁଛି। ତେବେ ସଭିଙ୍କ ମୁହଁରେ ରହିଛି ଭୟର ଛାପ। ରାତି ଅନ୍ଧାରରେ କୋଳାହଳ କମିବା ସହିତ ସହର ଶାନ୍ତ ପଡ଼ିଯାଉଛି। ସରକାରୀ କୋଠା ଏବଂ ପୁଲିସ ଷ୍ଟେସନର ଅଧାଭଙ୍ଗା ଅବସ୍ଥାରେ ଠିଆ ହୋଇଥିବା ଦେଖିବାକୁ ମିଳୁଛି। ସୁରକ୍ଷା ଯାଞ୍ଚ୍ କେନ୍ଦ୍ର ବୃଦ୍ଧି ପାଇଛି। ସାଧାରଣ ଲୋକଙ୍କ ଦୈନନ୍ଦିନ କାର୍ଯ୍ୟ ସମ୍ପୂର୍ଣ୍ଣ ଭାବରେ ବାଧାପ୍ରାପ୍ତ ହୋଇଛି। ଲୋକେ ଭୟ କରୁଛନ୍ତି, କିନ୍ତୁ ସରକାରଙ୍କ ଆଭିମୁଖ୍ୟ ଭଳି ମୁଣ୍ଡ ‌ନଇଁବାକୁ ନାରାଜ ଅଛନ୍ତି। ଲୋକଙ୍କ ଏଭଳି ମନ୍ତବ୍ୟ ଏକ ରାଜନୈତିକ ବିବୃତି ନୁହେଁ, ବରଂ ଜଣେ ସାଧାରଣ ନାଗରିକର ମନୋବଳକୁ ପ୍ରତିଫଳିତ କରୁଛି।

ଇଏ କଣ ଏତେ ସିଲିଣ୍ଡର ଆସିଲା କେଉଁଠୁ ? || Illegal Gas Storage Busted in Rourkela || Odisha Reporter

#ଇଏ_କଣ_ଏତ େ_ସିଲିଣ୍ଡର_ଆସିଲା_କେଉଁଠୁ ? ରାଉରକେଲାରେ ଗ୍ୟାସ୍ କଳାବଜାରୀ। ଗ୍ୟାରେଜ୍ ଭିତରୁ ୧୬୦ ସିଲିଣ୍ଡର ଜବତ। ସେକ୍ଟର-୯ ଅଞ୍ଚଳରେ ରେଡ୍ ବେଳେ ଜଣଙ୍କ ଗ୍ୟାରେଜ୍ ରୁ ମିଳିଛି ବିପୁଳ ଗ୍ୟାସ୍ ସିଲିଣ୍ଡର। #OdishaReporter #OdishaNews #Raourkela #GasSmuggling #LPGSeizure #CrimeNews Odisha Reporter is one of the best Odia news portal in Odisha. Get all the news updates in Odia. ସମସ୍ତ ଓଡିଆଙ୍କ ପାଖରେ ଅତି ସହଜରେ ଓଡିଆ ଭାଷାରେ ଖବର ପହଞ୍ଚାଇବାର ମାଧ୍ୟମ ସାଜିଛି ‘ଓଡିଶା ରିପୋର୍ଟର’ | YouTube: http://bit.ly/OdishaReporteronYouTube Web: http://odishareporter.in Facebook: https://www.facebook.com/OdishaReporter/ Twitter: https://twitter.com/OdishaReporter Telegram: https://telegram.me/Odisha_Reporter_official Instagram: https://www.instagram.com/odishareporter_official/ #OdishaReporter

ନାଟୋ ଏକ କାଗଜ ବାଘ ବୋଲି କହିଲେ ଡୋନାଲ୍ଟ ଟ୍ରମ୍ପ

କନକ ବ୍ୟୁରୋ: ଆମେରିକାର ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ହ୍ୱାଇଟ୍ ହାଉସ୍ ଏକ ସାମ୍ବାଦିକ ସମ୍ମିଳନୀରେ ଉତ୍ତର ଆଟଲାଣ୍ଟିକ୍ ଚୁକ୍ତି ସଂଗଠନ (ନାଟୋ)କୁ ଟାର୍ଗେଟ କରି ନାଟୋକୁ ‘କାଗଜ ବାଘ’ ବୋଲି କହି କଟାକ୍ଷ କରିଛନ୍ତି। ସେ ଅଭିଯୋଗ କରିଛନ୍ତି, ଇରାନ ସହିତ ସଂଘର୍ଷ ସମୟରେ ନାଟୋ ଏବଂ ଅନ୍ୟାନ୍ୟ ସହଯୋଗୀମାନେ ଆମେରିକାକୁ ସମର୍ଥନ କରିବାରେ ବିଫଳ ହୋଇଛନ୍ତି। ନାଟୋ ସେକ୍ରେଟାରୀ ଜେନେରାଲ ମାର୍କ ରୁଟ୍‌ଙ୍କ ୱାଶିଂଟନ ଗସ୍ତ ପୂର୍ବରୁ ଆମେରିକା ରାଷ୍ଟ୍ରପତିଙ୍କ ମନ୍ତବ୍ୟ ଆସିଛି। ରୁଟ୍‌ ଖୁବ୍‌ଶୀଘ୍ର ଟ୍ରମ୍ପ୍‌ଙ୍କ ସହ ସାକ୍ଷାତ କରିବାର କାର୍ଯ୍ୟକ୍ରମ ରହିଛି। ଏହି ବୈଠକ ଇରାନ ଯୁଦ୍ଧ ସମ୍ପର୍କରେ କିଛି ପ୍ରମୁଖ ଏବଂ ଗୁରୁତ୍ୱପୂର୍ଣ୍ଣ ନିଷ୍ପତ୍ତି ନେବାର ଆଶା କରାଯାଉଛି। ଟ୍ରମ୍ପ କହିଛନ୍ତି ଯେ ଇରାନ ଯୁଦ୍ଧ ନାଟୋ ପ୍ରତି ଏକ ନକାରାତ୍ମକ ଛାପ ଛାଡିଛି ଯାହା କେବେ ଦୂର ହେବ ନାହିଁ। ରୁଷ ରାଷ୍ଟ୍ରପତି ଭ୍ଲାଦିମିର ପୁଟିନ ନାଟୋକୁ ଭୟ କରନ୍ତି ନାହିଁ ଏବଂ ଏହି ମେଣ୍ଟ ଏବେ ପ୍ରଭାବହୀନ ପ୍ରମାଣିତ ହେଉଛି। ଯେତେବେଳେ ଆମେରିକା ନାଟୋ ସହିତ ସହଯୋଗ ପାଇଁ ଯୋଗାଯୋଗ କରିଥିଲା, ସଦସ୍ୟ ଦେଶମାନେ ସହାୟତା କରି ନଥିଲେ। ତେବେ ଟ୍ରମ୍ପ କେଉଁ ଦେଶ କିମ୍ବା ନେତାଙ୍କ ସହ ସିଧାସଳଖ କଥା ହୋଇଛନ୍ତି ତାହା ସ୍ପଷ୍ଟ କରି ନାହାନ୍ତି। ଏବେ, ଆମେରିକା ନିଜର ସ୍ଥିତିକୁ ମଜବୁତ କରିଥିବାବେଳେ ଏବେ ନାଟୋ ଦେଶଗୁଡ଼ିକ ସମର୍ଥନ ପ୍ରଦାନ କରିବାକୁ ଆଗକୁ ବଢୁଛନ୍ତି। ଟ୍ରମ୍ପ ଜାପାନ,ଅଷ୍ଟ୍ରେଲିଆ ଏବଂ ଦକ୍ଷିଣ କୋରିଆ ଭଳି ସହଯୋଗୀ ଦେଶଗୁଡ଼ିକୁ ମଧ୍ୟ ଟାର୍ଗେଟ କରିଛନ୍ତି। ସେମାନେ ସଙ୍କଟ ସମୟରେ ଆମେରିକାକୁ ସାହାଯ୍ୟ କରିବାରେ ବିଫଳ ହୋଇଥିଲେ ବୋଲି ସେ କହିଛନ୍ତି। ସେ ଦର୍ଶାଇଛନ୍ତି ଯେ, ଆଞ୍ଚଳିକ ବିପଦରୁ ସୁରକ୍ଷା ଦେବା ପାଇଁ ଏହି ଦେଶଗୁଡ଼ିକରେ ହଜାର ହଜାର ଆମେରିକୀୟ ସୈନ୍ୟ ମୁତୟନ ଅଛନ୍ତି। ଅଧିକ ପଢନ୍ତୁ: ମୋଜତାବା ଖାମନେଇ କୋମାରେ ! ଇରାନରେ ବଢ଼ିଲା ଅନିଶ୍ଚିତତା ଟ୍ରମ୍ପ ଉତ୍ତର କୋରିଆ ନେତା କିମ୍ ଜୋଙ୍ଗ ଉନଙ୍କ ସହ ତାଙ୍କର ସମ୍ପର୍କକୁ ‘ବହୁ ଭଲ’ ବୋଲି ବର୍ଣ୍ଣନା କରିଛନ୍ତି। ସେ କହିଛନ୍ତି, ଆମେରିକୀୟ ସୈନ୍ୟ ଏପରି ଏକ ଅଞ୍ଚଳରେ ମୁତୟନ ଅଛନ୍ତି ଯେଉଁଠାରେ ପରମାଣୁ ବିପଦ ରହିଛି, ଏବଂ ଏହି ପରିସ୍ଥିତି ହେବା ଉଚିତ୍ ନଥିଲା ବୋଲି କହିଛନ୍ତି। ଟ୍ରମ୍ପ ଏହା ମଧ୍ୟ ସୂଚାଇ ଦେଇଛନ୍ତି, ଯେତେବେଳେ ସେ ଗ୍ରୀନଲାଣ୍ଡର ନିୟନ୍ତ୍ରଣ ନେବାକୁ ପ୍ରସ୍ତାବ ଦେଇଥିଲେ ସେତେବେଳେ ଆମେରିକା ଏବଂ ନାଟୋ ମଧ୍ୟରେ ଉତ୍ତେଜନା ଆରମ୍ଭ ହୋଇଥିଲା। ତାଙ୍କ ଅନୁସାରେ, ନାଟୋ ଦେଶମାନେ ଏହି ପ୍ରସ୍ତାବକୁ ସମର୍ଥନ କରି ନଥିଲେ, ଯାହା ଫଳରେ ସମ୍ପର୍କରେ ଫାଟ ସୃଷ୍ଟି ହୋଇଥିବା ସେ କହିଛନ୍ତି।

ବ୍ରେଡ ଖାଇକି ରହୁଛି #reels #bhubaneswar #student_tension | Odisha Reporter

ବ୍ରେଡ ଖାଇକି ରହୁଛି #reels #bhubaneswar #student_tension Odisha Reporter is one of the best Odia news portal in Odisha. Get all the news updates in Odia. ସମସ୍ତ ଓଡିଆଙ୍କ ପାଖରେ ଅତି ସହଜରେ ଓଡିଆ ଭାଷାରେ ଖବର ପହଞ୍ଚାଇବାର ମାଧ୍ୟମ ସାଜିଛି ‘ଓଡିଶା ରିପୋର୍ଟର’ | YouTube: http://bit.ly/OdishaReporteronYouTube Web: http://odishareporter.in Facebook: https://www.facebook.com/OdishaReporter/ Twitter: https://twitter.com/OdishaReporter Telegram: https://telegram.me/Odisha_Reporter_official Instagram: https://www.instagram.com/odishareporter_official/ #OdishaReporter

Ganja Seized: ପାହାଡ଼ ଉପରୁ ୩ କୋଟି ଟଙ୍କାର ଗଞ୍ଜେଇ ଜବତ; ଏସ୍‌ଡିପିଓ କହିଲେ ନୂଆ ଉପାୟ ଆପଣାଇଛନ୍ତି ମାଫିଆ

ଗଜପତି ଜିଲ୍ଲା ଅଡ଼ବା ଥାନା କାରିଗିଜୁ ଗାଁ ନିକଟସ୍ଥ ପାହାଡ଼ ଉପରୁ ପୁଲିସ୍ ଜବତ କରିଛି ୨୮ କ୍ୱିଣ୍ଟାଲ ୧୧ କେଜି ଗଞ୍ଜେଇ। ୧୧୩ଟି ବସ୍ତାରେ ଏହି ଗଞ୍ଜେଇ ରଖାଯାଇଥିଲା। ଏହାର ଆନୁମାନିକ ବଜାର ମୂଲ୍ୟ ୩ କୋଟି ଟଙ୍କା ହେବ ବୋଲି ପୁଲିସ୍ କହିଛି। ଆର. ଉଦୟଗିରି ଏସ୍‌ଡିପିଓ ରାକେଶ କୁମାର ସାହୁ କହିଛନ୍ତି ଯେ କାରିଗିଜୁ ଗାଁ ନିକଟ ପାହାଡ଼ରେ ଗଞ୍ଜେଇ ଚାଷୀ ଓ ବେପାରୀମାନେ ମିଶି ବହୁ ପରିମାଣରେ ଗଞ୍ଜେଇ ଗଚ୍ଛିତ କରି ରଖିଥିବା ନେଇ ଗଜପତି ପୁଲିସକୁ ସୂଚନା ମିଳିଥିଲା। ଏହା ପରେ ଚଢ଼ାଉ କରିବା ପାଇ ଗଜପତି ଜିଲ୍ଲା ପୁଲିସ ପକ୍ଷରୁ ନିର୍ଦ୍ଦେଶ ଦିଆଯାଇଥିଲା। ନିର୍ଦ୍ଦେଶ ପାଇବା ପରେ ଅଡ଼ବା ଥାନା ଓ ରାମଗିରି ଥାନା ପୁଲିସକୁ ମିଶାଇ ଏକ ଟିମ୍ ଗଠନ କରି ଚଢ଼ାଉ କରାଯାଇଥିଲା। ଏହି ଟିମ୍‌କୁ ୧୦ ଭାଗରେ ବିଭକ୍ତ କରି ପୂରା ଜଙ୍ଗଲରେ ସର୍ଚ୍ଚ ଅପରେସନ କରାଯାଇଥିଲା। ଚଢ଼ାଉ ବେଳେ ୨୮ କ୍ୱିଣ୍ଟାଲ ୧୧ କେଜି ଗଞ୍ଜେଇ ଜବତ କରାଯାଇଛି। ଏସ୍‌ଡିପିଓ କହିଛନ୍ତି, ଗଞ୍ଜେଇ ଚାଷୀ ଓ ବେପାରୀମାନେ ଏବେ ନୂଆ ନୂଆ ଉପାୟ ଆପଣାଇଲେଣି। ପୁଲିସ ଚଢ଼ାଉ ଭୟରେ ସେମାନେ ଆଉ ନିଜ ଘରବାଡ଼ିରେ ଗଞ୍ଜେଇକୁ ନ ରଖି ନିକଟସ୍ଥ ଜଙ୍ଗଲ ଓ ପାହାଡ଼ରେ ଗୁପ୍ତ ସ୍ଥାନରେ ବଡ଼ ବଡ଼ ଡମ୍ପ ତିଆରି କରି ସେଥିରେ ରଖୁଛନ୍ତି। ବଡ଼ ବଡ଼ ଜରି ବସ୍ତାରେ ସେମାନେ ଗଞ୍ଜେଇକୁ ଭର୍ତ୍ତି କରି ସେହି ଡମ୍ପରେ ଲୁଚାଇ ରଖୁଛନ୍ତି। ପରବର୍ତ୍ତୀ ସମୟରେ ସେଠାରୁ ଗଞ୍ଜେଇ ଚାଲାଣ କରୁଛନ୍ତି। ଆଗକୁ ଏହି ଭଳି ଚଢ଼ାଉ ଜାରି ରହିବ ଓ ଗଜପତି ଜିଲ୍ଲାକୁ ସମ୍ପୂର୍ଣ୍ଣ ଭାବେ ଗଞ୍ଜେଇ ମୂକ୍ତ କରାଯିବ ବୋଲି ଆର୍.ଉଦୟଗିରୀ ଏସଡିପିଓ କହିଛନ୍ତି। ସୂଚନାଯୋଗ୍ୟ, ବୌଦ୍ଧ ଜିଲ୍ଲା ମନମୁଣ୍ଡା ଥାନା ଶଗଡ଼ା ଫାଣ୍ଡି ଅନ୍ତର୍ଗତ ମନହରପୁର ଅଞ୍ଚଳର ଏକ ଜଙ୍ଗଲରୁ ଗତକାଲି ରାତି ଅଧରେ ଦୁଇଟି କାର ଜବତ କରିଛି ପୁଲିସ୍‌। ସେହି ଦୁଇ କାରରେ ଭର୍ତ୍ତି ହୋଇଥିଲା ବିପୁଳ ପରିମାଣରେ ଗଞ୍ଜେଇ। ପୁଲିସ୍ ସେହି ଗଞ୍ଜେଇକୁ ଜବତ କରିଛି। ହେଲେ ଫେରାର ହୋଇଯାଇଛନ୍ତି ଗଞ୍ଜେଇ ମାଫିଆ। ମୋହନାରୁ ମିହିର ଜତିଙ୍କ ରିପୋର୍ଟ

ଝିଅର ଡିଭୋର୍ସ ; ବାପା ବାଣ୍ଟିଲେ ମିଠା, ଧୁମ୍‌ ନାଚିଲେ

ନୂଆଦିଲ୍ଲୀ: ଝିଅ ପାଇଲା ଛାଡପତ୍ର, ରାସ୍ତାରେ ନାଚିଲେ ବାପା। ଢ଼ୋଲ ବଜାଇଲେ,ମିଠା ଖୁଆଇଲେ। ବିରାଟ ପ୍ରୋସେସନ୍ କରି ଝିଅକୁ ପାଛୋଟି ଆଣିଲେ। କୋର୍ଟରୁ ଛାଡପତ୍ର ମିଳିବା ପରେ ନିଜ ଝିଅକୁ ଏମିତି କିଛି ସ୍ଵାଗତ କରିଛନ୍ତି ବାପା। ଏମିତି କିଛି ନିଆରା ଦୃଶ୍ୟ ଦେଖିବାକୁ ମିଳିଛି ମେରଠରେ। ଜଣେ ଅବସରପ୍ରାପ୍ତ ବିଚାରପତି ତାଙ୍କ ଝିଅକୁ ବିବାହ ବିଚ୍ଛେଦ ପରେ ଏକ ନୂତନ ଉପାୟରେ ଘରକୁ ସ୍ଵାଗତ କରିଛନ୍ତି। ଟି-ସାର୍ଟରେ ଫଟୋ ଲଗାଇ କଲେ ସ୍ବାଗତ । ମେରଠର […]

କାନ୍ଥରେ ବଡ଼ ପୋଷ୍ଟର ଏବଂ ପ୍ରତିଶୋଧ ନେବାର ଧମକପୂର୍ଣ୍ଣ ମୁହଁ

କନକବ୍ୟୁରୋ : ଆମେରିକା ଏବଂ ଇସ୍ରାଏଲ ସହିତ ଯୁଦ୍ଧ କରୁଥିବା ଇରାନର ସୀମା ପାର କରି ଭିତରେ ପ୍ରବେଶ କଲେ ଏକ ଭିନ୍ନ ପରିବେଶ ଦେଖିବାକୁ ମିଳୁଛି। କଳା ବ୍ୟାନର, କାନ୍ଥରେ ବଡ଼ ପୋଷ୍ଟର ଏବଂ ପ୍ରତିଶୋଧ ନେବାର ଧମକପୂର୍ଣ୍ଣ ମୁହଁ । ମହାସଂଗ୍ରାମ ମଧ୍ୟରେ ସବୁଠାରୁ ଆକର୍ଷଣୀୟ କଥା ହେଉଛି ସାଧାରଣ ଲୋକଙ୍କ ଜୀବନ । ସେମାନେ ଲୁହଭିଜା ଆଖି ଆଉ କୋହ ଭରା ଛାତି ଧରି ଯେକୌଣସି ପରିସ୍ଥିତିରେ ଆଗକୁ ବଢୁଛନ୍ତି । ଅଧିକ ପଢନ୍ତୁ... ଆମେରିକା-ଇସ୍ରାଏଲ ସାତ ଥର ଇରାନର ପରମାଣୁ ପ୍ଲାଣ୍ଟ ଉପରେ କରିଛନ୍ତି ଆକ୍ରମଣ: ଆକଟ କରିବାରେ ବିଫଳ ଜାତିସଂଘ ଜୀବନ ହାରି ଯାଇନି, ଜୀବନ ହାରି ଯାଇନି ବରଂ ମୃତ୍ୟୁକୁ ଜିତିବାକୁ ଭଙ୍ଗାମନରେ ଅଣ୍ଟା ଭିଡ଼ିଛି। ବଞ୍ଚିଛନ୍ତି ମାନେ ତ ଜୀଇଁବାକୁ ହେବ। ଜୀବନ ଯୁଦ୍ଧରୁ ପଛକୁ ହଟିବାକୁ ସାଧାରଣ ଲୋକେ ନାରାଜ। ପ୍ରିୟ ପରିଜନଙ୍କୁ ହରାଇଥିବାର ଲୁହ ଝରି ଝରି ଆଉ ଏବେ ଆଖି ଶୁଖି ଗଲାଣି। କାନ୍ଦିବାକୁ ଆଉ ଆଖିରେ ଲୁହ ବି ନାହିଁ। ଯୁଦ୍ଧ ସଙ୍କଟ ମଧ୍ୟରେ ଛୋଟ ବଡ଼ ସହରଗୁଡ଼ିକରେ ଦୋକାନ ଖୋଲା ଅଛି, ଲୋକମାନେ ରାସ୍ତାରେ ଯିବା ଆସିବା କରୁଛନ୍ତି । ଜୀବନକୁ ଦୁଃଖ ମଧ୍ୟରେ ବି ସ୍ବାଭାବିକ କରିବାକୁ ପ୍ରୟାସ କରୁଛନ୍ତି। ରେଷ୍ଟୁରାଣ୍ଟଗୁଡ଼ିକ ଖାଦ୍ୟ ପରିବେଷଣ କରାଯାଉଛି। ବୋମା ମାଡ଼ରେ ବହୁ କମ୍ପ୍ଲେକ୍ସ ଭାଙ୍ଗିରୁଜି ଯାଇଛି। ସ୍କୁଲ-କଲେଜ,ପାଠାଗାର, କ୍ଲିନିକ୍ , ବ୍ୟବସାୟିକ ପ୍ରତିଷ୍ଠାନ ଆଦି ସବୁ ଧ୍ବଂସ ହୋଇଯାଇଛି। ଫଳରେ ଲୋକେ ସମସ୍ୟାରେ ପଡ଼ିଛନ୍ତି। ଲୋକମାନେ ଦୋକାନ ଘର ଭାଙ୍ଗିଯାଇଥିବା ବଜାରକୁ ଯାଉଛନ୍ତି। ପିଲାମାନେ ଆବର୍ଜନା ପଡ଼ିଥିବା ରାସ୍ତାରେ ଖେଳୁଛନ୍ତି। ଭଙ୍ଗା ଇଲେକ୍ଟ୍ରି ଖୁଣ୍ଟ ତଳେ ଯାନବାହାନ ଚଳାଚଳ କରୁଛି। ତେବେ ସଭିଙ୍କ ମୁହଁରେ ରହିଛି ଭୟର ଛାପ। ରାତି ଅନ୍ଧାରରେ କୋଳାହଳ କମିବା ସହିତ ସହର ଶାନ୍ତ ପଡ଼ିଯାଉଛି। ସରକାରୀ କୋଠା ଏବଂ ପୁଲିସ ଷ୍ଟେସନର ଅଧାଭଙ୍ଗା ଅବସ୍ଥାରେ ଠିଆ ହୋଇଥିବା ଦେଖିବାକୁ ମିଳୁଛି। ସୁରକ୍ଷା ଯାଞ୍ଚ୍ କେନ୍ଦ୍ର ବୃଦ୍ଧି ପାଇଛି। ସାଧାରଣ ଲୋକଙ୍କ ଦୈନନ୍ଦିନ କାର୍ଯ୍ୟ ସମ୍ପୂର୍ଣ୍ଣ ଭାବରେ ବାଧାପ୍ରାପ୍ତ ହୋଇଛି। ଲୋକେ ଭୟ କରୁଛନ୍ତି, କିନ୍ତୁ ସରକାରଙ୍କ ଆଭିମୁଖ୍ୟ ଭଳି ମୁଣ୍ଡ ‌ନଇଁବାକୁ ନାରାଜ ଅଛନ୍ତି। ଲୋକଙ୍କ ଏଭଳି ମନ୍ତବ୍ୟ ଏକ ରାଜନୈତିକ ବିବୃତି ନୁହେଁ, ବରଂ ଜଣେ ସାଧାରଣ ନାଗରିକର ମନୋବଳକୁ ପ୍ରତିଫଳିତ କରୁଛି।

ଗୋ ମାଫିଆଙ୍କ ଘରୁ ମିଳିଲା 50ଲକ୍ଷ| Odisha Reporter

#ଗ ୋ_ମାଫିଆଙ୍କ_ଘରୁ_ମିଳିଲା_50ଲକ୍ଷ ୩ଜିଲ୍ଲାରେ ଗୋ-ମାଫିଆଙ୍କ ଘରେ ପୋଲିସର ଚଢ଼ାଉ, ପ୍ରେସମିଟ୍‌ରେ ପୂର୍ବାଞ୍ଚଳ DIG ପିନାକ ମିଶ୍ରଙ୍କ ସୂଚନା । ବାଲେଶ୍ୱର, ଭଦ୍ରକ ଓ ମୟୂରଭଞ୍ଜର ୩୨ଟି ସ୍ଥାନରେ ଚାଲିଛି ଚଢ଼ାଉ । ଏଯାଏଁ ନଗଦ ୫୦ ଲକ୍ଷରୁ ଊର୍ଦ୍ଧ୍ୱ ଟଙ୍କା ଓ ସୁନା ଅଳଙ୍କାର ଜବତ । Odisha Reporter is one of the best Odia news portal in Odisha. Get all the news updates in Odia. ସମସ୍ତ ଓଡିଆଙ୍କ ପାଖରେ ଅତି ସହଜରେ ଓଡିଆ ଭାଷାରେ ଖବର ପହଞ୍ଚାଇବାର ମାଧ୍ୟମ ସାଜିଛି ‘ଓଡିଶା ରିପୋର୍ଟର’ | YouTube: http://bit.ly/OdishaReporteronYouTube Web: http://odishareporter.in Facebook: https://www.facebook.com/OdishaReporter/ Twitter: https://twitter.com/OdishaReporter Telegram: https://telegram.me/Odisha_Reporter_official Instagram: https://www.instagram.com/odishareporter_official/ #OdishaPolice #CowSmuggling #GoMafia #CattleMafiaRaid #Balasore #OdishaReporter

ସରକାର ନିୟମ କଲେ ଆମେ ହଇରାଣ ହେଲୁ #reels #orshorts #hostelstudent_tension| Odisha Reporter

ସରକାର ନିୟମ କଲେ ଆମେ ହଇରାଣ ହେଲୁ #reels #orshorts #hostelstudent_tension Odisha Reporter is one of the best Odia news portal in Odisha. Get all the news updates in Odia. ସମସ୍ତ ଓଡିଆଙ୍କ ପାଖରେ ଅତି ସହଜରେ ଓଡିଆ ଭାଷାରେ ଖବର ପହଞ୍ଚାଇବାର ମାଧ୍ୟମ ସାଜିଛି ‘ଓଡିଶା ରିପୋର୍ଟର’ | YouTube: http://bit.ly/OdishaReporteronYouTube Web: http://odishareporter.in Facebook: https://www.facebook.com/OdishaReporter/ Twitter: https://twitter.com/OdishaReporter Telegram: https://telegram.me/Odisha_Reporter_official Instagram: https://www.instagram.com/odishareporter_official/ #OdishaReporter

'ବିଜେଡିରେ ଜଣେ ଗଲେ 10ଜଣ ଆସିବେ' || Pramila Mallick || Jajpur BJD || Odisha Politics || Odisha Reporter

#ବ ିଜେଡିରେ_ଜଣେ_ଗଲେ_10ଜଣ_ଆସିବେ ‘ବିଜେଡି ଏକ ବିରାଟ ଦଳ। ଜଣେ ଗଲେ, ୧୦ ଜଣ ଆସି ସାମିଲ ହେଉଛନ୍ତି। ଆହୁରି ବହୁଜଣ ଆସି ଦଳରେ ସାମିଲ ହେବେ । ସଙ୍ଗଠନ ମଜବୁତ ହେବେ । ଏଥିପାଇଁ ପ୍ଲାନ୍ ବି ପୂରା ପ୍ରସ୍ତୁତ। କାରଣ ନବୀନ ପଟ୍ଟନାୟକଙ୍କୁ ଲୋକେ ଖୁବ୍ ଭଲ ପାଉଛନ୍ତି। ଏପରି କହିଛନ୍ତି ବିରୋଧୀ ଦଳ ମୁଖ୍ୟ ସଚେତକ ପ୍ରମିଳା ମଲ୍ଲିକ । #BJD #NaveenPatnaik #OdishaPolitics #PoliticalNews #PramilaMallik #IndiaPolitics #OdishaReporter Odisha Reporter is one of the best Odia news portal in Odisha. Get all the news updates in Odia. ସମସ୍ତ ଓଡିଆଙ୍କ ପାଖରେ ଅତି ସହଜରେ ଓଡିଆ ଭାଷାରେ ଖବର ପହଞ୍ଚାଇବାର ମାଧ୍ୟମ ସାଜିଛି ‘ଓଡିଶା ରିପୋର୍ଟର’ | YouTube: http://bit.ly/OdishaReporteronYouTube Web: http://odishareporter.in Facebook: https://www.facebook.com/OdishaReporter/ Twitter: https://twitter.com/OdishaReporter Telegram: https://telegram.me/Odisha_Reporter_official Instagram: https://www.instagram.com/odishareporter_official/ #OdishaReporter

'ବିଜେଡିରେ ଜଣେ ଗଲେ 10ଜଣ ଆସିବେ' | Odisha Reporter

#ବ ିଜେଡିରେ_ଜଣେ_ଗଲେ_10ଜଣ_ଆସିବେ ‘ବିଜେଡି ଏକ ବିରାଟ ଦଳ। ଜଣେ ଗଲେ, ୧୦ ଜଣ ଆସି ସାମିଲ ହେଉଛନ୍ତି। ଆହୁରି ବହୁଜଣ ଆସି ଦଳରେ ସାମିଲ ହେବେ । ସଙ୍ଗଠନ ମଜବୁତ ହେବେ । ଏଥିପାଇଁ ପ୍ଲାନ୍ ବି ପୂରା ପ୍ରସ୍ତୁତ। କାରଣ ନବୀନ ପଟ୍ଟନାୟକଙ୍କୁ ଲୋକେ ଖୁବ୍ ଭଲ ପାଉଛନ୍ତି। ଏପରି କହିଛନ୍ତି ବିରୋଧୀ ଦଳ ମୁଖ୍ୟ ସଚେତକ ପ୍ରମିଳା ମଲ୍ଲିକ । #BJD #NaveenPatnaik #OdishaPolitics #PoliticalNews #PramilaMallik #IndiaPolitics #OdishaReporter Odisha Reporter is one of the best Odia news portal in Odisha. Get all the news updates in Odia. ସମସ୍ତ ଓଡିଆଙ୍କ ପାଖରେ ଅତି ସହଜରେ ଓଡିଆ ଭାଷାରେ ଖବର ପହଞ୍ଚାଇବାର ମାଧ୍ୟମ ସାଜିଛି ‘ଓଡିଶା ରିପୋର୍ଟର’ | YouTube: http://bit.ly/OdishaReporteronYouTube Web: http://odishareporter.in Facebook: https://www.facebook.com/OdishaReporter/ Twitter: https://twitter.com/OdishaReporter Telegram: https://telegram.me/Odisha_Reporter_official Instagram: https://www.instagram.com/odishareporter_official/ #OdishaReporter

ଆମେରିକା-ଇସ୍ରାଏଲ ସାତ ଥର ଇରାନର ପରମାଣୁ ପ୍ଲାଣ୍ଟ ଉପରେ କରିଛନ୍ତି ଆକ୍ରମଣ: ଆକଟ କରିବାରେ ବିଫଳ ଜାତିସଂଘ

କନକବ୍ୟୁରୋ : ଫେବ୍ରୁଆରି ୨୮ ରେ ଇରାନ ବିରୋଧରେ ଯୁଦ୍ଧ ଆରମ୍ଭ ହେବା ପରଠାରୁ, ଆମେରିକା ଏବଂ ଇସ୍ରାଏଲ ଇରାନର ପରମାଣୁ ପ୍ଲାଣ୍ଟ ଉପରେ ଥରେ କିମ୍ବା ଦୁଇଥର ନୁହେଁ, ବରଂ ମୋଟ ସାତ ଥର ଆକ୍ରମଣ କରିଛନ୍ତି । ଇରାନର ବୈଦେଶିକ ମନ୍ତ୍ରୀ ଆବାସ ଆରାଘଚି ଜାତିସଂଘର ମହାସଚିବ, ଜାତିସଂଘ ସୁରକ୍ଷା ପରିଷଦ ସଦସ୍ୟ ରାଷ୍ଟ୍ର ଏବଂ ଆଇଏଇଏର ନିର୍ଦ୍ଦେଶକ ଜେନେରାଲଙ୍କୁ ଏକ ଚିଠି ଲେଖିଛନ୍ତି, ଯେଉଁଥିରେ ଦେଶର ପରମାଣୁ ସୁବିଧା ଉପରେ ଆମେରିକା ଏବଂ ଇସ୍ରାଏଲ ଦ୍ୱାରା ବାରମ୍ବାର ଆକ୍ରମଣର ବିସ୍ତୃତ ବିବରଣୀ ଦିଆଯାଇଛି। ଏଥିରେ, ଇରାନ କହିଛି ଯେ ଆମର ପରମାଣୁ ସୁବିଧା ଉପରେ ଆକ୍ରମଣ ବାରମ୍ବାର କରାଯାଇଛି। ୧ ମାର୍ଚ୍ଚରେ ନାଟାଞ୍ଜ ପରମାଣୁ କେନ୍ଦ୍ର ଉପରେ ଦୁଇଥର ଆକ୍ରମଣ ହୋଇଥିଲା। ୧୭ ମାର୍ଚ୍ଚରେ, ସକ୍ରିୟ ବୁଶେହର ପରମାଣୁ ଶକ୍ତି କେନ୍ଦ୍ରରୁ ମାତ୍ର ୩୫୦ ମିଟର ଦୂରରେ ଏକ ଗଠନ ଉପରେ ଆକ୍ରମଣ କରାଯାଇଥିଲା। ମାର୍ଚ୍ଚ ୨୧ ତାରିଖରେ, ନାଟାଞ୍ଜ ପରମାଣୁ କେନ୍ଦ୍ରର ଅନେକ ସ୍ଥାନରେ ବୋମା ମାଡ଼ କରାଯାଇଥିଲା। ମାର୍ଚ୍ଚ ୨୪ ତାରିଖରେ, ଏକ କ୍ଷେପଣାସ୍ତ୍ର ବୁଶେହର ପରମାଣୁ ଶକ୍ତି କେନ୍ଦ୍ରର ବିସ୍ତାରିତ ପରିଧି ମଧ୍ୟରେ ପଡ଼ିଥିଲା। ମାର୍ଚ୍ଚ ୨୭ ତାରିଖରେ, ବୁଶେହର ପରମାଣୁ ଶକ୍ତି କେନ୍ଦ୍ର ଉପରେ ତୃତୀୟ ଥର ପାଇଁ ଆକ୍ରମଣ ହୋଇଥିଲା। ମାର୍ଚ୍ଚ ୨୭ ତାରିଖରେ, ଖୋଣ୍ଡାବ-ଆରକରେ ଥିବା ଭାରୀ ଜଳ ଉତ୍ପାଦନ ପ୍ଲାଣ୍ଟ ଉପରେ ଆକ୍ରମଣ ହୋଇଥିଲା। ୨୭ ମାର୍ଚ୍ଚରେ ଆର୍ଦାକାନ୍-ୟାଜଦ ୟୁରାନିୟମ୍ ପ୍ରକ୍ରିୟାକରଣ ସ୍ଥଳ ଉପରେ ବୋମା ମାଡ଼ କରାଯାଇଥିଲା। ଇରାନର ବୈଦେଶିକ ମନ୍ତ୍ରୀ ଚିଠିରେ ଲେଖିଛନ୍ତି, ଏହି ଆକ୍ରମଣ ସମଗ୍ର ଅଞ୍ଚଳକୁ ରେଡିଓଆକ୍ଟିଭ୍ ପ୍ରଦୂଷଣର ବିପଦରେ ପକାଇଛି। ଏହା ମାନବତା ଏବଂ ପରିବେଶ ଉପରେ ଏକ ଅତ୍ୟନ୍ତ ଗମ୍ଭୀର ପ୍ରଭାବ ପକାଇପାରେ। ତେଣୁ, ଏହି ଆକ୍ରମଣକୁ ଅଣଦେଖା କରାଯାଇପାରିବ ନାହିଁ। ମାତ୍ର ନଅ ମାସ ମଧ୍ୟରେ, ଇସଲାମିକ୍ ଗଣରାଜ୍ୟ ଇରାନ ଉପରେ ଦୁଇଟି ଆକ୍ରମଣାତ୍ମକ ଯୁଦ୍ଧ ଲଦି ଦିଆଯାଇଛି। ଗୋଟିଏ ଆମେରିକା ଦ୍ୱାରା, ପରମାଣୁ ଅସ୍ତ୍ର ଅପ୍ରସାରଣ ଚୁକ୍ତି (ଏନପିଟି) ରକ୍ଷକ, ଏବଂ ଅନ୍ୟଟି ଇସ୍ରାଏଲ ଦ୍ୱାରା, ଏହା ଏକ ରାଷ୍ଟ୍ର ଯାହା ଆଇନ ବାହାରେ କାର୍ଯ୍ୟ କରୁଛି କାରଣ ଇସ୍ରାଏଲ ଏନପିଟିର ଢାଞ୍ଚା ବାହାରେ ରହିଛି । ଚିଠିରେ ଆହୁରି କୁହାଯାଇଛି, ଉଭୟ ଘଟଣାରେ, ଇରାନର ଶାନ୍ତିପୂର୍ଣ୍ଣ ପରମାଣୁ ପ୍ରତିଷ୍ଠାନଗୁଡ଼ିକ ଉପରେ ଆକ୍ରମଣ ଏବଂ ବୋମା ମାଡ଼ କରାଯାଇଥିଲା। ତଥାପି, ଏହା ନିରାଶାଜନକ ଯେ ଜାତିସଂଘ ସୁରକ୍ଷା ପରିଷଦ, ଆଇଏଇଏର ବୋର୍ଡ ଅଫ୍ ଗଭର୍ଣ୍ଣର୍ସ ଏବଂ ଏହାର ନିର୍ଦ୍ଦେଶକ ଏହି ପ୍ରତିଷ୍ଠାନଗୁଡ଼ିକ ଏହି ବେଆଇନ ଆକ୍ରମଣଗୁଡ଼ିକୁ ନିନ୍ଦା କରିବାରେ ବିଫଳ ହୋଇଥିଲେ। ଅଧିକନ୍ତୁ, ଏପରି ଆକ୍ରମଣ ପୁନରାବୃତ୍ତି ନ ହେବା ପାଇଁ ସେମାନେ ସେମାନଙ୍କର କ୍ଷମତା ମଧ୍ୟରେ କୌଣସି ପ୍ରଭାବଶାଳୀ ପଦକ୍ଷେପ ନେଇପାରି ନାହାନ୍ତି। ଇରାନର ବୈଦେଶିକ ମନ୍ତ୍ରୀ କହିଛନ୍ତି, ବର୍ତ୍ତମାନ ପରିସ୍ଥିତି ଏପରି ହୋଇଛି ଯେ ଅନ୍ତର୍ଜାତୀୟ ମାନବିକ ଆଇନକୁ ‘ମୂର୍ଖ’ ବୋଲି କହୁଥିବା ବରିଷ୍ଠ ଆମେରିକୀୟ ଅଧିକାରୀମାନେ ଏତେ ସାହସୀ ହୋଇଯାଇଛନ୍ତି ଯେ ସେମାନେ ଇରାନର ପରମାଣୁ କେନ୍ଦ୍ରଗୁଡ଼ିକୁ ଟାର୍ଗେଟ କରିବା ବିଷୟରେ ମଧ୍ୟ କଥାବାର୍ତ୍ତା କରୁଛନ୍ତି। ଜାତିସଂଘରେ ଆମେରିକାର ସ୍ଥାୟୀ ପ୍ରତିନିଧି ଖୋଲାଖୋଲି ଭାବରେ କହିଛନ୍ତି ଯେ ବୁଶେହର ପରମାଣୁ ଶକ୍ତି କେନ୍ଦ୍ର ଉପରେ ଆକ୍ରମଣ କରିବାର ବିକଳ୍ପକୁ ଅସ୍ୱୀକାର କରାଯାଇନାହିଁ । ଏନେଇ ଉତ୍ତେଜନା ବୃଦ୍ଧି ପାଇଛି କାରଣ ଜାତିସଂଘ ଏବଂ ଅନ୍ତର୍ଜାତୀୟ ଏଜେନ୍ସିଗୁଡ଼ିକ ଆମେରିକା ଏବଂ ଇସ୍ରାଏଲର ସ୍ପଷ୍ଟ ଆକ୍ରମଣାତ୍ମକ କାର୍ଯ୍ୟ ବିରୋଧରେ କୌଣସି କାର୍ଯ୍ୟାନୁଷ୍ଠାନ ଗ୍ରହଣ କରିନାହାନ୍ତି। ଫଳରେ ଏହା ଆକ୍ରମଣକାରୀଙ୍କୁ ଆହୁରି ସାହସ ଦେଇଛି। ଇରାନ କହିଛି ଯେ ଏହି ବେଆଇନ ଆକ୍ରମଣର ସିରିଜ୍ ଜାତିସଂଘ, ଜାତିସଂଘ ସୁରକ୍ଷା ପରିଷଦ, ଆଇଏଇଏ ଏବଂ ଏହାର ସୁରକ୍ଷା ବ୍ୟବସ୍ଥାର ବିଶ୍ୱସନୀୟତାକୁ ଗଭୀର ଏବଂ ଅପୂରଣୀୟ କ୍ଷତି ପହଞ୍ଚାଇଛି।

ଅମରାବତୀ ହେଲା ଆନ୍ଧ୍ରପ୍ରଦେଶର ରାଜଧାନୀ: ମୁଖ୍ୟମନ୍ତ୍ରୀ ଚନ୍ଦ୍ରବାବୁ ନାଇଡୁ କଲେ ଘୋଷଣା

କନକ ବ୍ୟୁରୋ: ଆନ୍ଧ୍ର ପ୍ରଦେଶ ପାଇଁ ଖୁସି ଖବର ଆସିଛି ଅମରାବତୀକୁ ରାଜ୍ୟର ସ୍ଥାୟୀ ରାଜଧାନୀ ଘୋଷଣା କରାଯାଇଛି। ମୁଖ୍ୟମନ୍ତ୍ରୀ ଏନ. ଚନ୍ଦ୍ରବାବୁ ନାଇଡୁ ଏବଂ ଉପମୁଖ୍ୟମନ୍ତ୍ରୀ ପବନ କଲ୍ୟାଣ ମଧ୍ୟ ସେମାନଙ୍କର ସୋସିଆଲ ମିଡିଆ ଏକ୍ସ ହ୍ୟାଣ୍ଡେଲରେ ଏହା ଘୋଷଣା କରିଛନ୍ତି । ମୁଖ୍ୟମନ୍ତ୍ରୀ ଚନ୍ଦ୍ରବାବୁ ନାଇଡୁ ଏକ୍ସରେ ବିଜ୍ଞପ୍ତି ସେୟାର କରି ଲେଖିଛନ୍ତି, ‘ଆନ୍ଧ୍ର ପ୍ରଦେଶର ରାଜଧାନୀ ଅମରାବତୀ’। ଅଧିକ ପଢନ୍ତୁ: ସବୁଠୁ ଧନୀ ମୁଖ୍ୟମନ୍ତ୍ରୀ ଚନ୍ଦ୍ରବାବୁ ନାଇଡୁ । ମମତାଙ୍କ ପାଖରେ ସବୁଠୁ କମ ସମ୍ପତ୍ତି । ଉଲ୍ଲେଖଯୋଗ୍ୟ, ସଂସଦର ବଜେଟ ଅଧିବେଶନ ସମୟରେ, ଆନ୍ଧ୍ର ପ୍ରଦେଶ ପୁନର୍ଗଠନ ଆଇନ (ସଂଶୋଧନ) ବିଲ୍, ୨୦୨୬, ଉଭୟ ଗୃହରେ ବହୁମତରେ ଗୃହୀତ ହୋଇଥିଲା।ରାଷ୍ଟ୍ରପତିଙ୍କ ପ୍ରତି କୃତଜ୍ଞତା ପ୍ରକାଶ କରି ଚନ୍ଦ୍ରବାବୁ ନାଇଡୁ ଏକ୍ସ ରେ ଲେଖିଛନ୍ତି, ଆନ୍ଧ୍ରପ୍ରଦେଶର ଲୋକଙ୍କ ପକ୍ଷରୁ, ମୁଁ ଆନ୍ଧ୍ରପ୍ରଦେଶ ପୁନର୍ଗଠନ (ସଂଶୋଧନ) ଆଇନ, ୨୦୨୬କୁ ଅନୁମୋଦନ କରିଥିବାରୁ ରାଷ୍ଟ୍ରପତି ଦ୍ରୌପଦୀ ମୁର୍ମୁ ଜୀଙ୍କୁ ହୃଦୟରୁ କୃତଜ୍ଞତା ଜଣାଉଛି। ଏହା ଆମର ରାଜଧାନୀ ପାଇବାର ଦୀର୍ଘଦିନର ସ୍ୱପ୍ନକୁ ପୂରଣ କରିଛି। ମୁଁ କେନ୍ଦ୍ର ସରକାର ଏବଂ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ପ୍ରତି ସେମାନଙ୍କର ପ୍ରତିଶ୍ରୁତି ପାଳନ କରି ଆମ ରାଜ୍ୟକୁ ମାର୍ଗଦର୍ଶନ ପ୍ରଦାନ କରିଥିବାରୁ ମଧ୍ୟ କୃତଜ୍ଞତା ଜଣାଉଛି । ମୁଖ୍ୟମନ୍ତ୍ରୀ ନାଇଡୁଙ୍କ ନେତୃତ୍ୱାଧୀନ ଟିଡିପି-ଏନଡିଏ ସରକାରଙ୍କ ଏହି ପଦକ୍ଷେପକୁ ଅମରାବତୀର ଭବିଷ୍ୟତ ପାଇଁ ଏକ ପ୍ରମୁଖ ପଦକ୍ଷେପ ଭାବରେ ଦେଖାଯାଉଛି। ଯେତେବେଳେ ଆନ୍ଧ୍ର ପ୍ରଦେଶ ବିଭାଜିତ ହୋଇଥିଲା, ଚନ୍ଦ୍ରବାବୁ ନାଇଡୁ ଏହାକୁ ରାଜ୍ୟର ନୂତନ ପ୍ରଶାସନିକ ଏବଂ ରାଜନୈତିକ କେନ୍ଦ୍ର କରିବାକୁ ଯୋଜନା କରିଥିଲେ। ଏବେ ଏହା ସ୍ପଷ୍ଟ ଯେ ରାଜ୍ୟର କେବଳ ଗୋଟିଏ ରାଜଧାନୀ ରହିବ, ଏବଂ ତାହା ଅମରାବତୀ ହେବ। ଏହି ନିଷ୍ପତ୍ତିକୁ ପ୍ରଶାସନିକ ସ୍ପଷ୍ଟତା ଏବଂ ବିକାଶ ଦିଗରେ ଏକ ପ୍ରମୁଖ ପଦକ୍ଷେପ ଭାବରେ ଦେଖାଯାଉଛି।

ଇରାନରେ ଆମେରିକାର ରହସ୍ୟମୟ ଅପରେସନ, ଉଦ୍ଧାର ଅଭିଯାନ ନା ଗୁପ୍ତ ରଣନୀତି?

କନକବ୍ୟୁରୋ : ଇରାନରେ ଏକ ଦୁଃସାହସିକ ସାମରିକ ଅଭିଯାନ ମାଧ୍ୟମରେ ଆମେରିକା ନିଜର ଜଣେ ନିଖୋଜ ବାୟୁସେନା ଅଧିକାରୀଙ୍କୁ ଉଦ୍ଧାର କରିଥିବା ଦାବି କରିଛି, ଯାହା ଏବେ ସମଗ୍ର ବିଶ୍ୱରେ ଚର୍ଚ୍ଚାର ବିଷୟ ପାଲଟିଛି। ଗତ ସପ୍ତାହରେ ଏକ ‘ଏଫ୍-୧୫ଇ’ ଷ୍ଟ୍ରାଇକ୍ ଇଗଲ୍ ବିମାନ ଖସିପଡ଼ିବା ପରେ ଉକ୍ତ ଅଧିକାରୀଙ୍କୁ ବଞ୍ଚାଇବା ପାଇଁ ଆମେରିକା ପ୍ରାୟ ୧୫୫ଟି ଯୁଦ୍ଧବିମାନ ଏବଂ ଶତାଧିକ କମାଣ୍ଡୋଙ୍କୁ ନିୟୋଜିତ କରିଥିଲା। ତେବେ ଜଣେ ସୈନିକଙ୍କ ପାଇଁ ଏତେ ବଡ଼ ଧରଣର ସାମରିକ ଶକ୍ତି ପ୍ରୟୋଗ ଏବଂ ଘଟଣାସ୍ଥଳଠାରୁ ପ୍ରାୟ ୨୦୦ ମାଇଲ୍ ଦୂର ଇସଫାହାନରେ ଅପରେସନ ଚଳାଇବା ସାମରିକ ବିଶେଷଜ୍ଞଙ୍କ ମନରେ ସନ୍ଦେହ ସୃଷ୍ଟି କରିଛି। ଅଧିକ ପଢନ୍ତୁ... ପୃଥିବୀର ଜନସଂଖ୍ୟା ସୀମା ଅତିକ୍ରମ କରିଛି : ଦୁଇ ଶତାବ୍ଦୀର ଜନସଂଖ୍ୟା ଉପରେ ଆଧାରିତ ଅଧ୍ୟୟନରୁ ପ୍ରକାଶ ଇରାନର ପରମାଣୁ କେନ୍ଦ୍ର ନିକଟରେ ଆମେରିକୀୟ ସେନାର ଏହି କାର୍ଯ୍ୟକଳାପକୁ ନେଇ ଅନେକ ପ୍ରଶ୍ନ ଉଠିଛି। ଇରାନର ବୈଦେଶିକ ମନ୍ତ୍ରାଳୟ ଅଭିଯୋଗ କରିଛି ଯେ ଆମେରିକାର ଅସଲ ଲକ୍ଷ୍ୟ ଉଦ୍ଧାର କାର୍ଯ୍ୟ ନୁହେଁ, ବରଂ ଗୁପ୍ତ ଭାବେ ୟୁରାନିୟମ୍ ଜବତ କରିବା ଥିଲା। ଏହି ଅଭିଯାନ ସମୟରେ ଆମେରିକାର ଦୁଇଟି ଏମସି-୧୩୦ ବିମାନ ନଷ୍ଟ ହେବା ଏବଂ ପାଇଲଟଙ୍କ ଆଶ୍ଚର୍ଯ୍ୟଜନକ ଭାବେ ୭୦୦୦ ଫୁଟ ଉଚ୍ଚ ପାହାଡ଼ ଚଢ଼ି ଆତ୍ମଗୋପନ କରିବା ଭଳି ଘଟଣା ଏହାକୁ ଏକ କଳ୍ପିତ କାହାଣୀ ଭଳି ପ୍ରତୀୟମାନ କରୁଛି। ଯଦିଓ ଆମେରିକା ଏହାକୁ ଏକ ସଫଳ ମାନବିକ ଅଭିଯାନ କହୁଛି, କିନ୍ତୁ ବିଶେଷଜ୍ଞଙ୍କ ମତରେ ଏହା ପରମାଣୁ କେନ୍ଦ୍ର ଉପରେ ହେବାକୁ ଥିବା କୌଣସି ଗୁପ୍ତ ଆକ୍ରମଣର ବିଫଳ ପ୍ରୟାସ ହୋଇଥାଇପାରେ ବୋଲି କୁହାଯାଉଛି।

Middle East War: ଇରାନର ଶକ୍ତି ପ୍ଲାଣ୍ଟକୁ ଧ୍ୱଂସ କରିପାରନ୍ତି ଟ୍ରମ୍ପ, ମାନବ ଶୃଙ୍ଖଳ ଢାଲ ପାଇଁ ତେହରାନର ପ୍ରସ୍ତୁତି

Middle East War: ଷ୍ଟ୍ରେଟ ଅଫ ହର୍ମୁଜ ଖୋଲିବା ପାଇଁ ଇରାନକୁ ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ଦେଇଥିବା ମହଲତ ଦ୍ରୁତଗତିରେ ପାଖେଇ ଆସୁଛି। ଯଦି ଇରାନ ଧାର୍ଯ୍ୟ ସମୟ ରାତି ୮ଟା(ଇରାନୀୟ ସମୟ ଭୋର ୩.୩୦) ସୁଦ୍ଧା ହର୍ମୁଜ ନ ଖୋଲିବ, ତା’ହେଲେ ଆମେରିକା ତେହରାନର ଶକ୍ତି ପ୍ଲାଣ୍ଟ ଓ ଭିତ୍ତିଭୂମିକୁ ଧ୍ୱଂସ କରିବ ବୋଲି ଟ୍ରମ୍ପ ଧମକ ଦେଇଛନ୍ତି। ଟ୍ରମ୍ପଙ୍କ ମହଲତ ଶେଷ ହେବାକୁ ଯାଉଥିବା ବେଳେ ଏବେ ଇରାନ ଏହାକୁ କାଉଣ୍ଟର କରିବାକୁ ନୂଆ ଗୋଟି ଚଳାଇଛି। ନିଜ ପାୱାର ପ୍ଲାଣ୍ଟଗୁଡ଼ିକର ସୁରକ୍ଷା ପାଇଁ ଇରାନ ମାନବ ଶୃଙ୍ଖଳକୁ ଢାଲ କରିବାକୁ ଲକ୍ଷ୍ୟ ରଖିଛି। ଏଥିପାଇଁ ଦେଶର ପ୍ରମୁଖ ଶକ୍ତି ପ୍ଲାଣ୍ଟଗୁଡ଼ିକ ନିକଟରେ ଯୁବ ଇରାନୀୟମାନେ ମାନବ ଶୃଙ୍ଖଳ କରନ୍ତୁ ବୋଲି ତେହରାନ ପକ୍ଷରୁ ଆହ୍ୱାନ ଦିଆଯାଇଛି। ଇରାନର କ୍ରୀଡ଼ା ଓ ଯୁବ ମନ୍ତ୍ରଣାଳୟ ପକ୍ଷରୁ ଦେଶର ଯୁବଗୋଷ୍ଠୀ, ଆଥଲେଟ, କଳାକାର ଓ ଶିକ୍ଷାର୍ଥୀଙ୍କୁ ସ୍ଥାନୀୟ ସମୟ ମଙ୍ଗଳବାର ଦିନ ୨ଟାରୁ ବିଭିନ୍ନ ଶକ୍ତି ପ୍ଲାଣ୍ଟ ନିକଟରେ ଏକାଠି ହେବାକୁ କୁହାଯାଇଛି। ଟ୍ରମ୍ପ ଦେଇଥିବା ମହଲତର ଶେଷ ହେବାର ପ୍ରାୟ ୧୩ ଘଣ୍ଟା ପୂର୍ବରୁ ଯୁବଗୋଷ୍ଠୀଙ୍କୁ ଏକାଠି ହେବାକୁ ପରାମର୍ଶ ଦିଆଯାଇଛି। ଟ୍ରମ୍ପ ଦେଇଥିବା ମହଲତ ଇରାନୀୟ ସମୟ ବୁଧବାର ଭୋର ୩.୩୦ରେ ଶେଷ ହେବ। ଇରାନର ଯୁବ ବ୍ୟାପର ଉପ ମନ୍ତ୍ରୀ ଅଲୀରେଜା ରହିମ କହିଛନ୍ତି, “ଏହି ପଦକ୍ଷେପ(ମାନବ ଶୃଙ୍ଖଳ) ଯୁବଗୋଷ୍ଠୀ ନିଜେ ଦେଇଥିବା ପ୍ରସ୍ତାବ ଅନୁସାରେ କରାଯାଉଛି। ଅନେକ ବିଶ୍ୱବିଦ୍ୟାଳୟ, ଯୁବ କଳାକାର ଓ ଯୁଗ ସଂଗଠନଗୁଡ଼ିକ ପକ୍ଷରୁ ପ୍ରସ୍ତାବ ଦିଆଯାଇଥିଲା ଯେ ଆମେ ଦେଶର ଶକ୍ତି କେନ୍ଦ୍ର ଗୁଡ଼ିକ ନିକଟରେ ମାନବ ଶୃଙ୍ଖଳ କରିବା ଉଚିତ। ଏବେ ଉଜ୍ଜ୍ୱଳ ଭବିଷ୍ୟତ ପାଇଁ ଇରାନର ଯୁବଗୋଷ୍ଠୀ ସାଙ୍କେତିକ ଭାବେ ମାନବ ଶୃଙ୍ଖଳା କରିବେ। ଆମେ ଆଶା କରୁଛୁ ଯେ ଦେଶର ପ୍ରତିଟି ଯୁବକ ଏହି ମାନବ ଶୃଙ୍ଖଳରେ ସାମିଲ ହୋଇ ଶକ୍ତି କେନ୍ଦ୍ରର ସୁରକ୍ଷା କରିବେ।” ଟ୍ରମ୍ପ ଇରାନ ବିରୋଧରେ ତାଙ୍କର ଧମକକୁ ତୀବ୍ର କରିବା ସହ ଦେଶର ସମସ୍ତ ବିଦ୍ୟୁତ୍ କେନ୍ଦ୍ର ଓ ବ୍ରିଜ ଗୁଡ଼ିକୁ ଧ୍ୱଂସ କରିବାର ଚେତାବନା ଦେଇଛନ୍ତି। ଟ୍ରମ୍ପଙ୍କ ଯୁଦ୍ଧ ବିରତି ପ୍ରସ୍ତାବକୁ ଇରାନ ଅଗ୍ରାହ୍ୟ କରିବାରୁ ସେ କହିଛନ୍ତି ଯେ “ସମଗ୍ର ଦେଶକୁ ଗୋଟିଏ ରାତିରେ ଧ୍ୱଂସ କରାଯାଇ ପାରିବ। ସେହି ରାତି ହୁଏତ ଆସନ୍ତାକାଲି ରାତି ହୋଇପାରେ।” ହର୍ମୁଜ ଖୋଲିବା ଡେଡଲାଇନ ଅତିକ୍ରମ କରିବା ପରେ ଇରାନର ଆଉ ରକ୍ଷା ନାହିଁ ବୋଲି ମଧ୍ୟ ଟ୍ରମ୍ପ ନାଲି ଆଖି ଦେଖାଇ କହିଛନ୍ତି। ତାଙ୍କର ଏହି ଧମକ ପରେ ଇରାନ ମାନବ ଶୃଙ୍ଖଳ କରିବାକୁ ଲକ୍ଷ୍ୟ ରଖିଛି।

ପୃଥିବୀର ଜନସଂଖ୍ୟା ସୀମା ଅତିକ୍ରମ କରିଛି : ଦୁଇ ଶତାବ୍ଦୀର ଜନସଂଖ୍ୟା ଉପରେ ଆଧାରିତ ଅଧ୍ୟୟନରୁ ପ୍ରକାଶ

କନକବ୍ୟୁରୋ : ଏକ ନୂତନ ଅନ୍ତର୍ଜାତୀୟ ଅଧ୍ୟୟନ ସାରା ବିଶ୍ୱରେ ଚିନ୍ତା ସୃଷ୍ଟି କରିଛି। ପରିବେଶଗତ ଗବେଷଣା ନ୍ୟୁଜ୍‌ଲେଟରରେ ପ୍ରକାଶିତ ଏକ ରିପୋର୍ଟ ଅନୁଯାୟୀ, ପୃଥିବୀର ୮୩୦ କୋଟି ଜନସଂଖ୍ୟା ପ୍ରାକୃତିକ ସମ୍ପଦ ଉପରେ ଚାପ ପକାଉଛି। ଫଳରେ ଗ୍ରହର ପୁନର୍ଜୀବିତ ହେବା କ୍ଷମତା ହ୍ରାସ ପାଉଛି। ବୈଜ୍ଞାନିକମାନେ ଆକଳନ କରିଛନ୍ତି ଯେ, ମଣିଷ ପ୍ରାୟ ୭୦ ରୁ ୮୦ ପ୍ରତିଶତ ଦ୍ରୁତ ଗତିରେ ପ୍ରାକୃତିକ ସମ୍ପଦ ବ୍ୟବହାର କରୁଛି। ଏହାର ଅର୍ଥ ହେଉଛି ଆମର ବର୍ତ୍ତମାନର ଜୀବନଶୈଳୀକୁ ବଜାୟ ରଖିବା ପାଇଁ, ଆମକୁ ପ୍ରାୟ ୧.୭ ରୁ ୧.୮ ପୃଥିବୀର ଆବଶ୍ୟକତା ରହିଛି। ଅଷ୍ଟ୍ରେଲିଆର ଫ୍ଲିଣ୍ଡର୍ସ ବିଶ୍ୱବିଦ୍ୟାଳୟର ବୈଜ୍ଞାନିକ କୋରି ବ୍ରାଡଶାଙ୍କ ନେତୃତ୍ୱରେ ହୋଇଥିବା ଏହି ଗବେଷଣାରୁ ଜଣାପଡିଛି ଯେ ମଣିଷ ନିଜର ସମ୍ବଳର ସୀମା ଅତିକ୍ରମ କରିସାରିଛି। ବୈଜ୍ଞାନିକଙ୍କ ମତରେ, ପୃଥିବୀର ବହନ କ୍ଷମତା, କିମ୍ବା ଉପଲବ୍ଧ ସମ୍ବଳ ଉପରେ ଆଧାର କରି ଏକ ପ୍ରଜାତି ଦୀର୍ଘ ସମୟ ପାଇଁ ବଞ୍ଚି ରହିପାରିବା ସର୍ବାଧିକ କ୍ଷମତା ବର୍ତ୍ତମାନ ମାନବ ଜନସଂଖ୍ୟାଠାରୁ କମ୍ ରହିଛି। ଅଧିକ ପଢନ୍ତୁ.... ମୋଜତାବା ଖାମନେଇ କୋମାରେ ! ଇରାନରେ ବଢ଼ିଲା ଅନିଶ୍ଚିତତା ଏହି ଅଧ୍ୟୟନ ଦୁଇ ଶତାବ୍ଦୀର ଜନସଂଖ୍ୟା ତଥ୍ୟ ଉପରେ ଆଧାରିତ। ରିପୋର୍ଟରୁ ଜଣାପଡ଼ିଛି ଯେ ଇତିହାସରେ ଏକ ସମୟ ଥିଲା ଯେତେବେଳେ ମାନବ ଜନସଂଖ୍ୟା ଏବଂ ସମ୍ବଳ ବ୍ୟବହାର ସନ୍ତୁଳିତ ଥିଲା। କିନ୍ତୁ, ୧୯୫୦ ପରେ, ଦ୍ରୁତ ଜନସଂଖ୍ୟା ବୃଦ୍ଧି, ଶିଳ୍ପାୟନ ଏବଂ ପ୍ରାକୃତିକ ସମ୍ପଦର ବର୍ଦ୍ଧିତ ବ୍ୟବହାର ଏହି ସନ୍ତୁଳନକୁ ସମ୍ପୂର୍ଣ୍ଣ ଭାବରେ ବିପର୍ଯ୍ୟସ୍ତ କରିଦେଇଛି। ମଣିଷ, କିମ୍ବା ହୋମୋ ସାପିଏନ୍ସ, ସେମାନଙ୍କର ପ୍ରଯୁକ୍ତିବିଦ୍ୟା କ୍ଷମତା ଯୋଗୁଁ ଏହି ସୀମାକୁ ଆଗକୁ ବଢାଇ ଚାଲିଛନ୍ତି। ବିଶେଷକରି ଜୀବାଶ୍ମ ଇନ୍ଧନର ବ୍ୟବହାର,୨୦ ଶତାବ୍ଦୀରେ ଜନସଂଖ୍ୟା ବୃଦ୍ଧି ଯୋଗୁ ଅଧିକ ପ୍ରଭାବିତ ହୋଇଛି। ପୃଥିବୀର ବହନ କ୍ଷମତା ନେଇ ଚର୍ଚ୍ଚା ୧୯ ଶତାବ୍ଦୀର ଶେଷ ଭାଗରେ ଜାହାଜ ଶିଳ୍ପରୁ ଆରମ୍ଭ ହୋଇଥିଲା, ଯେତେବେଳେ କୋଇଲା ଚାଳିତ ଜାହାଜଗୁଡ଼ିକୁ ମାଲ ଏବଂ ଇନ୍ଧନର ସନ୍ତୁଳନ ମୂଲ୍ୟାଙ୍କନ କରିବା ପାଇଁ ବ୍ୟବହାର କରାଯାଉଥିଲା। ସମାନ ନୀତି ଆଜି ପୃଥିବୀ ଏବଂ ମାନବ ଜୀବନ ପାଇଁ ପ୍ରଯୁଜ୍ୟ। ୨୦୭୦ ସୁଦ୍ଧା ଜନସଂଖ୍ୟା ସର୍ବାଧିକ ଛୁଇଁପାରେ। ଅଧ୍ୟୟନ ଅନୁଯାୟୀ, ୧୯୫୦ ପରେ, ଏକ ସମୟ ଆରମ୍ଭ ହେଲା ଯାହାକୁ ବୈଜ୍ଞାନିକମାନେ ଏକ ନକାରାତ୍ମକ ଜନସଂଖ୍ୟାଗତ ପର୍ଯ୍ୟାୟ ବୋଲି କୁହନ୍ତି। ଏହାର ଅର୍ଥ ହେଉଛି ଯେ ଜନସଂଖ୍ୟା ବୃଦ୍ଧି ଆଉ ଅର୍ଥନୈତିକ ଏବଂ ସାମାଜିକ ବିକାଶକୁ ତ୍ୱରାନ୍ୱିତ କରେ ନାହିଁ, ବରଂ ଚାପ ଏବଂ ସମସ୍ୟାକୁ ବୃଦ୍ଧି କରେ। କୋରି ବ୍ରାଡସଙ୍କ ଅନୁସାରେ, ଯଦି ବର୍ତ୍ତମାନର ଧାରା ଜାରି ରହେ, ତେବେ ୨୦୬୦ଦଶକର ଶେଷ ଭାଗ କିମ୍ବା ୨୦୭୦ ସୁଦ୍ଧା ବିଶ୍ୱ ଜନସଂଖ୍ୟା ୧୧୭୦ କୋଟି ରୁ ୧୨୪୦ କୋଟି ମଧ୍ୟରେ ପହଞ୍ଚିପାରେ। ଗବେଷଣା ଏହା ମଧ୍ୟ ସ୍ପଷ୍ଟ କରିଛି ଯେ ପୃଥିବୀ ବର୍ତ୍ତମାନର ଚାହିଦାକୁ ମଧ୍ୟ ପୂରଣ କରିବାକୁ ଅସମର୍ଥ। ମୁଖ୍ୟ ଲେଖକ କୋରି ବ୍ରାଡଶା କହିଛନ୍ତି, ଆମେ ଯେଉଁ ପ୍ରକାରେ ସମ୍ବଳ ବ୍ୟବହାର କରୁଛୁ ତାହା ଗ୍ରହର କ୍ଷମତାଠାରୁ ବହୁତ ଅଧିକ। ଏହି ପରିସ୍ଥିତି ଦୀର୍ଘକାଳୀନ ନୁହେଁ ଏବଂ ଯଦି ସମାଧାନ ନ କରାଯାଏ ତେବେ ଏହାର ଗମ୍ଭୀର ପରିଣାମ ହୋଇପାରେ। ପୃଥିବୀର ସୀମା ବାହାରେ ସମ୍ପଦ ବ୍ୟବହାର କରିବା ଦ୍ଵାରା ପରିବେଶଗତ ଋଣ ସୃଷ୍ଟି ହେଉଛି। ଏହା ଜଳବାୟୁ ପରିବର୍ତ୍ତନ, ଜୈବ ବିବିଧତା ହ୍ରାସ, ଜଙ୍ଗଲ କ୍ଷୟ ଏବଂ ପ୍ରାକୃତିକ ସମ୍ପଦର ଦ୍ରୁତ ହ୍ରାସ ଭଳି ସମସ୍ୟା ସୃଷ୍ଟି କରୁଛି। ଏହି ସମସ୍ତ କାରଣଗୁଡ଼ିକ ମିଳିତ ଭାବରେ ପୃଥିବୀର ପରିବେଶଗତ ସନ୍ତୁଳନକୁ ବିପଦରେ ପକାଉଛି। ବ୍ରାଡଶା ଏବଂ ତାଙ୍କ ଦଳ, ପରିବେଶଗତ ବିବର୍ତ୍ତନ ମଡେଲ ବ୍ୟବହାର କରି, ଗତ ଦୁଇ ଶତାବ୍ଦୀରେ ବିଶ୍ୱ ଏବଂ ଆଞ୍ଚଳିକ ସ୍ତରରେ ଜନସଂଖ୍ୟା ଆକାର ଏବଂ ବୃଦ୍ଧି ହାରରେ ପରିବର୍ତ୍ତନକୁ ଟ୍ରାକ୍ କରି ମାନବ ବହନ କ୍ଷମତାର ପ୍ରମାଣ-ଭିତ୍ତିକ ଆକଳନ ପ୍ରସ୍ତୁତ କରିଥିଲେ। ବିଶ୍ୱର ବତ୍ତର୍ମାନର ଜନସଂଖ୍ୟା ପୃଥିବୀର ବହନ କ୍ଷମତାଠାରୁ ବହୁତ ଅଧିକ। ଗବେଷଣା ଅନୁଯାୟୀ, ପୃଥିବୀର ସର୍ବାଧିକ ବହନ କ୍ଷମତା ପ୍ରାୟ ୧୧୭୦ କୋଟି ରୁ ୧୨୪୦ କୋଟି ଥିବାବେଳେ ସର୍ବୋତ୍ତମ ବହନ କ୍ଷମତା ମାତ୍ର ୨୫୦ କୋଟି। ଏହାର ଅର୍ଥ ହେଉଛି ଆଜିର ଜନସଂଖ୍ୟା ପୃଥିବୀ ପାଇଁ ସୁରକ୍ଷିତ ସୀମାର ତିନି ଗୁଣା। ଆକଳନ କରାଯାଇଛି ଯେ, ବିଶ୍ୱ ଜନସଂଖ୍ୟା ୨୦୬୦ ରୁ ୨୦୭୦ ମଧ୍ୟରେ ଏହାର ଶୀର୍ଷରେ ପହଞ୍ଚିପାରେ। ଅଧ୍ୟୟନର ସବୁଠାରୁ ଆକର୍ଷଣୀୟ ନିଷ୍କର୍ଷ ହେଉଛି ଯେ ଏକ ସ୍ଥାୟୀ ଏବଂ ସନ୍ତୁଳିତ ଜୀବନ ପାଇଁ ବର୍ତ୍ତମାନର ସ୍ତର ତୁଳନାରେ ଯଥେଷ୍ଟ କମ୍ ବିଶ୍ୱ ଜନସଂଖ୍ୟା ଆବଶ୍ୟକ। ବୈଜ୍ଞାନିକଙ୍କ ମତରେ, ଯଦି ସମସ୍ତେ ପରିବେଶଗତ ସୀମା ମଧ୍ୟରେ ରହି ଏକ ଆରାମଦାୟକ ଏବଂ ଆର୍ଥିକ ଭାବରେ ସୁରକ୍ଷିତ ଜୀବନଯାପନ କରିବାକୁ ଚାହାଁନ୍ତି, ତେବେ ପୃଥିବୀ ପ୍ରାୟ ୨୫୦ କୋଟି ଲୋକଙ୍କୁ ସନ୍ତୁଳିତ ଭାବରେ ସମର୍ଥନ କରିପାରିବ। ଅଧ୍ୟୟନ ଏହା ମଧ୍ୟ ସ୍ପଷ୍ଟ କରିଛି ଯେ ଜନସଂଖ୍ୟା ଏକମାତ୍ର ସମସ୍ୟା ନୁହେଁ। ବିକଶିତ ଏବଂ ଧନୀ ଦେଶଗୁଡ଼ିକରେ ପ୍ରାକୃତିକ ସମ୍ପଦର ଅତ୍ୟଧିକ ବ୍ୟବହାର ମଧ୍ୟ ଏକ ପ୍ରମୁଖ କାରଣ। କମ୍ ଜନସଂଖ୍ୟା ସତ୍ତ୍ୱେ ଅଧିକ ବ୍ୟବହାର ପରିବେଶଗତ ପ୍ରଭାବ ପକାଉଛି। ବିପରୀତ ଭାବରେ, ଅଧିକ ଜନସଂଖ୍ୟା କିନ୍ତୁ କମ୍ ବ୍ୟବହାର ଥିବା ସମାଜଗୁଡ଼ିକ ତୁଳନାତ୍ମକ ଭାବରେ କମ୍ କ୍ଷତି ପହଞ୍ଚାଇଥାନ୍ତି। ଏହି ଅସନ୍ତୁଳନର ପରିଣାମ ସ୍ୱରୂପ ଆଜି ବିଶ୍ୱ ଅନେକ ଗମ୍ଭୀର ସଙ୍କଟର ସମ୍ମୁଖୀନ ହେଉଛି। ଗୁରୁତର ଜଳ ଅଭାବ ଯୋଗୁ ଜାତିସଂଘ ଜଳ ଦେବାଳିଆ ହେବା ନେଇ ଚେତାବନୀ ଦେଇଛି। ବନ୍ୟପ୍ରାଣୀଙ୍କ ସଂଖ୍ୟା ହ୍ରାସ ଖାଦ୍ୟ ସଙ୍କଟର ଆଶଙ୍କା ଶକ୍ତି ସମ୍ପଦ ଉପରେ ନିର୍ଭରଶୀଳତା ଉପରେ ଜାତିସଂଘ ତାଗିଦ୍ କରିଛି। ଏହି ସଙ୍କଟର ସମାଧାନ ପାଇଁ ରିପୋର୍ଟରେ ଅନେକ ପଦକ୍ଷେପ ପରାମର୍ଶ ଦିଆଯାଇଛି। ଏଥିରେ ସ୍ଥାୟୀ ଜୀବନଶୈଳୀ ଗ୍ରହଣ, ଦାୟିତ୍ୱପୂର୍ଣ୍ଣ ସମ୍ବଳ ବ୍ୟବହାର, ବିଶ୍ୱସ୍ତରୀୟ ସହଯୋଗ ଏବଂ ଶିକ୍ଷା ମାଧ୍ୟମରେ ଜନସଂଖ୍ୟା ବୃଦ୍ଧିକୁ ସ୍ଥିର କରିବା ଅନ୍ତର୍ଭୁକ୍ତ। ପରିବାର ନିୟୋଜନ ଏବଂ ସଚେତନତା କାର୍ଯ୍ୟକ୍ରମ ମଧ୍ୟ ଏହି ଦିଗରେ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିପାରିବ ବୋଲି ଉଲ୍ଲେଖ କରାଯାଇଛି। କୋରି ବ୍ରାଡଶଙ୍କ ଅନୁସାରେ, ଛୋଟ, କମ୍ ବ୍ୟବହାରକାରୀ ସମାଜ କେବଳ ପରିବେଶ ପାଇଁ ଭଲ ନୁହେଁ ବରଂ ମାନବ ଜୀବନର ଗୁଣବତ୍ତା ମଧ୍ୟ ଉନ୍ନତ କରିଥାଏ। ସେ ଚେତାବନୀ ଦେଇଛନ୍ତି ଯେ, ପରିବର୍ତ୍ତନର ସମୟ ଦ୍ରୁତ ଗତିରେ ଶେଷ ହେଉଛି, କିନ୍ତୁ ପରିସ୍ଥିତିକୁ ଉନ୍ନତ କରିବା ପାଇଁ ଅର୍ଥପୂର୍ଣ୍ଣ ପଦକ୍ଷେପ ନିଆଯାଇପାରିବ। ଏହି ଅଧ୍ୟୟନ ଏକ ସ୍ପଷ୍ଟ ବାର୍ତ୍ତା ଦେଇଛି, ଆଗାମୀ ଦଶନ୍ଧିଗୁଡ଼ିକରେ ନିଆଯାଇଥିବା ନିଷ୍ପତ୍ତିଗୁଡ଼ିକ ଭବିଷ୍ୟତ ପିଢ଼ି କି ପ୍ରକାରର ପୃଥିବୀ ପାଇବେ ଏବଂ ପ୍ରାକୃତିକ ସମ୍ପଦ ଜୀବନକୁ ସମର୍ଥନ କରିବାକୁ ସକ୍ଷମ ରହିବ କି ନାହିଁ ତାହା ନିର୍ଣ୍ଣୟ କରିବ।

ମଧ୍ୟପ୍ରାଚ୍ୟର ଉତ୍ତେଜନା ବୃଦ୍ଧି : ଟ୍ରମ୍ପଙ୍କ ଇରାନକୁ ଚେତାବନୀ

କନକ ବ୍ୟୁରୋ : ଇରାନର ତେଲ ପାଇଁ ଯୁଦ୍ଧ କରୁଛନ୍ତି କି ଟ୍ରମ୍ପ । ବିଶ୍ବ ମଧ୍ୟପ୍ରାଚ୍ୟର ଯୁଦ୍ଧ ଦେଖୁଛି କିନ୍ତୁ ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କ ପାଇଁ ଏହା ସମ୍ପୂର୍ଣ୍ଣ ବ୍ୟକ୍ତିଗତ ପାଲଟିଛି । ଇରାନ ସହିତ ବଢ଼ୁଥିବା ସାମରିକ ସଂଘର୍ଷ ମଧ୍ୟରେ, ଟ୍ରମ୍ପ ଏକ ଏପରି ପଦକ୍ଷେପ ନେଇଛନ୍ତି ଯାହା ବିଶ୍ୱ କୂଟନୀତିର ପ୍ରତିଷ୍ଠିତ ମାନଦଣ୍ଡକୁ ଦୋହଲାଇ ଦେଇଛି । ଟ୍ରମ୍ପ ସ୍ପଷ୍ଟ ଭାବରେ କହିଛନ୍ତି , ଆମେରିକା ଇରାନର ତୈଳ କ୍ଷେତ୍ରଗୁଡ଼ିକୁ ଦଖଲ କରିବା ଆବଶ୍ୟକ । କାରଣ ଯୁଦ୍ଧରେ ବିଜେତାଙ୍କୁ ପୁରସ୍କୃତ କରାଯାଏ ଏବଂ ବିଜେତା ଦଖଲ କରିଥିବା ଇରାନର ତୈଳ ସମ୍ପଦକୁ ସୁରକ୍ଷିତ କରିବା ବିଷୟରେ ପଚରାଯିବାରୁ,ଟ୍ରମ୍ପ ସ୍ପଷ୍ଟ ଭାବରେ କହିଛନ୍ତି, ଯଦି ଏହା ମୋର ପସନ୍ଦ ବୋଲି ପଚାରୁଛନ୍ତି, ତେବେ ମୋର ଉତ୍ତର ହଁ, କାରଣ ମୁଁ ପ୍ରଥମେ ଜଣେ ବ୍ୟବସାୟୀ । ଅଧିକ ପଢ଼ନ୍ତୁ : ମୁଁ ଭେନେଜୁଏଲାରେ ବେଶ୍ ଲୋକପ୍ରିୟ, ରାଷ୍ଟ୍ରପତି ନିର୍ବାଚନ ଲଢ଼ିଲେ ବିଜୟ ନିଶ୍ଚିତ: ଟ୍ରମ୍ପଙ୍କ ନୂଆ ଦାବି ଇରାନର ସାମରିକ ପରିସ୍ଥିତି ଉପରେ କଟାକ୍ଷ କରି ଟ୍ରମ୍ପ କହିଛନ୍ତି, ଦେଶ ଆଉ ପ୍ରତିରୋଧ କରିବା ସ୍ଥିତିରେ ନାହିଁ । ଟ୍ରମ୍ପଙ୍କ ଅନୁସାରେ, ଇରାନର କୌଣସି ନୌସେନା ନାହିଁ, କୌଣସି ବାୟୁସେନା ନାହିଁ, ଏବଂ କୌଣସି ବିମାନ ପ୍ରତିରୋଧୀ ଅସ୍ତ୍ର ନାହିଁ । ଯେତେବେଳେ ଟ୍ରମ୍ପଙ୍କୁ ପଚରାଗଲା ଯେ, ସେ ଶାନ୍ତି ବଦଳରେ ଇରାନକୁ ଟୋଲ୍ ଆଦାୟ କରିବାକୁ ଅନୁମତି ଦେବେ କି, ସେ କଠୋର ଭାବରେ ଉତ୍ତର ଦେଇଛନ୍ତି, ଆମେ କାହିଁକି ଟୋଲ୍ ଆଦାୟ କରିବା ଉଚିତ୍ ନୁହେଁ? ଆମେ ବିଜେତା, ଏବଂ ସେମାନେ ହାରିଯାଇଛନ୍ତି । ଶେଷ ହେବା ପରେ ପରିସ୍ଥିତି ବହୁତ ଗମ୍ଭୀର ହୋଇପାରେ ।

ମୋଜତାବା ଖାମନେଇ କୋମାରେ ! ଇରାନରେ ବଢ଼ିଲା ଅନିଶ୍ଚିତତା

କନକ ବ୍ୟୁରୋ : ଇରାନର ନୂଆ ଶାସକ ମୋଜତାବା କୋମାରେ । ‘କୋମ’ ସହରରେ ରେ ଚାଲିଛି ଚିକିତ୍ସା । ସର୍ବୋଚ୍ଚ ନେତା ମୋଜତାବା ଖାମନେଇଙ୍କ ସ୍ୱାସ୍ଥ୍ୟାବସ୍ଥା ଅତି ସଂକଟାପନ୍ନ ଥିବା ଏକ ଗୁଇନ୍ଦା ରିପୋର୍ଟରୁ ଜଣାପଡ଼ିଛି । ଗତ ଫେବୃଆରୀ ୨୮ରେ ଆମେରିକା-ଇସ୍ରାଏଲ ବିମାନ ଆକ୍ରମଣରେ ନିଜ ପିତା ଆୟୋତୋଲ୍ଲା ଅଲି ଖାମନେଇଙ୍କ ମୃତ୍ୟୁ ପରେ ମୋଜତାବା ଦାୟିତ୍ୱ ଗ୍ରହଣ କରିଥିଲେ ମଧ୍ୟ ସେହିଦିନଠାରୁ ସେ ସାର୍ବଜନୀନ ଭାବେ ଦୃଶ୍ୟମାନ ହୋଇନାହାନ୍ତି । ଅଧିକ ପଢ଼ନ୍ତୁ : ରାତାରାତି ଇରାନ ଧ୍ୱଂସ ହୋଇଯିବ: ସମୟସୀମା ଶେଷ ହେବା ପୂର୍ବରୁ ପୁଣି ଧମକ ଦେଲେ ଟ୍ରମ୍ପ ଜାତୀୟ ଗଣମାଧ୍ୟମ ରିପୋର୍ଟ ଅନୁସାରେ, ୫୬ ବର୍ଷୀୟ ମୋଜତାବା ବର୍ତ୍ତମାନ ''କୋମ''ରେ ଅଚେତ ବା କୋମା ଅବସ୍ଥାରେ ଚିକିତ୍ସିତ ହେଉଛନ୍ତି । ଗୋଇନ୍ଦା ରିପୋର୍ଟରୁ ଆହୁରି ମଧ୍ୟ ଜଣାପଡ଼ିଛି , କୋମ ସହରରେ ଆୟୋତୋଲ୍ଲା ଅଲି ଖାମନେଇଙ୍କ ପାଇଁ ଏକ ବିରାଟ ସମାଧି ପୀଠ ବା ମାଉସୋଲିୟମ୍ ନିର୍ମାଣ ପାଇଁ ପ୍ରସ୍ତୁତି ଚାଲିଛି । ଏହି ସମାଧି ପୀଠରେ ଏକାଧିକ କବର ପାଇଁ ସ୍ଥାନ ରଖାଯାଇଥିବା ସୂଚନା ମିଳିଛି, ଯାହା ସନ୍ଦେହ ସୃଷ୍ଟି କରୁଛି ଯେ ମୋଜତାବାଙ୍କ ମୃତ୍ୟୁ ମଧ୍ୟ ଅତି ନିକଟତର । କୁହାଯାଉଛି ଯେ ତାଙ୍କୁ ତାଙ୍କ ପିତାଙ୍କ ପାଖରେ ସମାଧି ଦେବା ପାଇଁ ଯୋଜନା କରାଯାଉଛି ।

ରାତି ୮ଟାରୁ ପାକିସ୍ତାନରେ ଲକଡାଉନ୍ ଆରମ୍ଭ !

କନକ ବ୍ୟୁରୋ : ଆଜି ରାତି ୮ଟାରୁ ପାକିସ୍ତାନରେ ଲକଡାଉନ୍ ଆରମ୍ଭ ! ଇରାନ ଯୁଦ୍ଧ ମଧ୍ୟରେ ଶାହବାଜ ସରିଫଙ୍କ ବଡ଼ ଘୋଷଣା । ହର୍ମୁଜ୍ ପ୍ରଣାଳୀ ଦେଇ ଜାହାଜ ଚଳାଚଳକୁ ଅବରୋଧ କରିବା ପରଠାରୁ, ଦକ୍ଷିଣ ଏସୀୟ ଏବଂ ୟୁରୋପୀୟ ଦେଶଗୁଡ଼ିକ ପେଟ୍ରୋଲ, ଡିଜେଲ ଏବଂ ଏଲପିଜିର ଅଭାବର ସମ୍ମୁଖୀନ ହୋଇଛନ୍ତି । ଭାରତ, ନେପାଳ ଏବଂ ବାଂଲାଦେଶ ଭଳି ଦେଶଗୁଡ଼ିକ ଏହି ସଙ୍କଟକୁ କମ କରିବା ପାଇଁ ଗୁରୁତ୍ୱପୂର୍ଣ୍ଣ ପଦକ୍ଷେପ ନେଇଛନ୍ତି କିନ୍ତୁ ପାକିସ୍ତାନ ସ୍ମାର୍ଟ ଲକଡାଉନ୍ ଲାଗୁ କରି ମଧ୍ୟ ସଙ୍କଟରୁ ରକ୍ଷା ପାଇପାରିନାହିଁ । ପ୍ରଧାନମନ୍ତ୍ରୀ ଶାହବାଜ ସରିଫ ମୁଖ୍ୟମନ୍ତ୍ରୀମାନଙ୍କ ସହିତ ଏକ ବୈଠକରେ ଏହା ଘୋଷଣା କରିଛନ୍ତି । ଅଧିକ ପଢ଼ନ୍ତୁ : ମଙ୍ଗଳବାର ରାତି ୮ଟାରୁ ପାକିସ୍ତାନରେ ଲକଡାଉନ୍ ଆରମ୍ଭ!: ଇରାନ ଯୁଦ୍ଧ ମଧ୍ୟରେ ଶାହବାଜ ସରିଫଙ୍କ ବଡ ଘୋଷଣା ପାକିସ୍ତାନ ରେଡ଼ିଓ ଅନୁଯାୟୀ, ଶାହବାଜ ସରକାର ପଞ୍ଜାବ, ଖାଇବର ପଖତୁନଖ୍ୱା, ବେଲୁଚିସ୍ତାନ, ଇସଲାମାବାଦ ରାଜଧାନୀ ଅଞ୍ଚଳ, ଗିଲଗିଟ-ବାଲ୍ଟିସ୍ତାନ ଏବଂ ପାକ୍ ଅଧିକୃତ କାଶ୍ମୀରରେ ଆଜି ଠାରୁ ରାତି ୮ ଟାରେ ବଜାର, ସପିଂ ମଲ୍ ଏବଂ ବାଣିଜ୍ୟିକ କ୍ଷେତ୍ର ବନ୍ଦ କରିବାକୁ ନିଷ୍ପତ୍ତି ନେଇଛନ୍ତି । ଇସଲାମାବାଦରେ ଶାହବାଜ ସରିଫଙ୍କ ଅଧ୍ୟକ୍ଷତାରେ ଅନୁଷ୍ଠିତ ଏକ ସମୀକ୍ଷା ବୈଠକରେ ଏହି ନିଷ୍ପତ୍ତି ନିଆଯାଇଛି । ସେହିପରି, ସମସ୍ତ ଜେନେରାଲ ଷ୍ଟୋର, ଡିପାର୍ଟମେଣ୍ଟ ଷ୍ଟୋର ଏବଂ ସମସ୍ତ ପ୍ରକାରର ମଲ୍ ରାତି ୮ ଟାରେ ବନ୍ଦ ହୋଇଯିବ । ବୈଠକରେ ରାତି ୧୦ଟା ପରେ ବିବାହ ଉତ୍ସବ ଉପରେ ପ୍ରତିବନ୍ଧକ ଲଗାଇବାକୁ ମଧ୍ୟ ନିଷ୍ପତ୍ତି ନିଆଯାଇଛି ।

Gas Cylinder Seized: ଗ୍ୟାରେଜରୁ ୧୬୧ ଗ୍ୟାସ୍ ସିଲିଣ୍ଡର ଜବତ

ରନ୍ଧନ ଗ୍ୟାସ ନେଇ ସଙ୍କଟ ଦେଖାଦେଇଥିବା ବେଳେ ରାଜ୍ୟରେ କିଛି ଲୋକ ଏହାର କଳାବଜାରୀରେ ମାତିଛନ୍ତି। କାରଣ ରାଜ୍ୟର ବିଭିନ୍ନ ସ୍ଥାନରେ ଚଢ଼ାଉ ବେଳେ ଶହ ଶହ ଗ୍ୟାସ ସିଲିଣ୍ଡର ଜବତ କରାଯାଉଛି। ଆଜି ରାଉରକେଲା ସହରର ସେକ୍ଟର ୯ରେ ଥିବା ଏକ ଗ୍ୟାରେଜ ଘରୁ ୧୬୧ଟି ଗ୍ୟାସ୍ ସିଲିଣ୍ଡର ଜବତ କରାଯାଇଛି। ତା’ ମଧ୍ୟରେ କିଛି କମର୍ସିଆଲ ଗ୍ୟାସ ସିଲିଣ୍ଡର ଥିବା ବେଳେ ବାକି ସବୁ ଘରୋଇ ଗ୍ୟାସ ସିଲିଣ୍ଡର। ଜବତ ସିଲିଣ୍ଡରଗୁଡ଼ିକ ମଧ୍ୟରୁ ୨୨ଟିରେ ଗ୍ୟାସ୍‌ ଭର୍ତ୍ତି ହୋଇଛି। କୌଣସି ସୂତ୍ରରୁ ସୂଚନା ପାଇ ରାଉରକେଲା ମନାନଗର ନିଗମ (RMC), ପୁଲିସ୍ ଓ ଖାଦ୍ୟ ଯୋଗାଣ ବିଭାଗ ପକ୍ଷରୁ ମିଳିତି ଭାବେ ଚଢ଼ାଉ କରାଯାଇଥିଲା। ମାଜିଷ୍ଟ୍ରେଟ୍ ଦାୟିତ୍ୱରେ ଥିବା ରାଉରକେଲା ଅତିରିକ୍ତ ତହସିଲଦାରଙ୍କ ଉପସ୍ଥିତିରେ ଏହି ଚଢ଼ାଉ କରାଯାଇଥିଲା ଓ ସିଲିଣ୍ଡରଗୁଡ଼ିକୁ ଜବତ କରାଯାଇଥିଲା। ରାଉରକେଲା ଅତିରିକ୍ତ ତହସିଲଦାର କହିଛନ୍ତି, କିଏ ରଖିଥିଲେ ଜଣାପଡ଼ିନାହିଁ। ପୁଲିସ ଏହାର ତଦନ୍ତ କରିବ। କେସ୍ କରାଯିବ। ଖାଦ୍ୟ ଯୋଗାଣ ଓ ଖାଉଟି କଲ୍ୟାଣ ବିଭାଗ ପକ୍ଷରୁ ଏନେଇ ସମସ୍ତ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ। ଗତ ରବିବାର ଢେଙ୍କାନାଳ ଓ ଯାଜପୁରରୁ ୧୩୨ଟି ଗ୍ୟାସ୍ ଭର୍ତ୍ତି ସିଲିଣ୍ଡର ଜବତ କରାଯାଇଥିଲା। ବେଆଇନ ଭାବେ ଗ୍ୟାସ୍ ସିଲିଣ୍ଡର ବିକ୍ରି କରାଯାଉଥିବା ଖବର ପାଇ ଢେଙ୍କାନାଳ ସହରର ଶାସନ ଛକ ନିକଟରେ ଥିବା ‘ସୀତାରାମ’ ନାମକ ଏକ ଗ୍ୟାସ ଦୋକାନରେ ଚଢ଼ାଉ କରିଥିଲା ଯୋଗାଣ ବିଭାଗ ଓ ଜିଲ୍ଲା ପ୍ରଶାସନର ମିଳିତ ଏନଫୋର୍ସ ମେଣ୍ଟ ଟିମ୍। ଚଢ଼ାଉ ସମୟରେ ଏହି ଦୋକାନରୁ ୨୭ଟି ଗ୍ୟାସ ସିଲିଣ୍ଡର ଜବତ କରାଯାଇଥିଲା। ସେଥିରୁ ୩ଟି କମର୍ସିଆଲ ଟାଙ୍କି ଥିଲା। ସେହିପରି ଯାଜପୁର ଜିଲ୍ଲା ଯୋଗାଣ ବିଭାଗ ପକ୍ଷରୁ କୋରେଇ ଓ ସୁକିନ୍ଦା ବ୍ଲକ୍‌ର ବିଭିନ୍ନ ସ୍ଥାନରେ ଚଢ଼ାଉ କରାଯାଇ ୧୦୫ଟି ଗ୍ୟାସ୍ ଭର୍ତ୍ତି ସିଲିଣ୍ଡର ଜବତ କରାଯାଇଥିଲା। ତା’ ମଧ୍ୟରେ ୧୦୩ଟି ଘରୋଇ ଗ୍ୟାସ୍ ସିଲିଣ୍ଡର ଥିବା ବେଳେ ୨ଟି କମର୍ସିଆଲ ସିଲିଣ୍ଡର ରହିଥିଲା।