KathaAnnualFunction : 'ଯୁବ ଲେଖକମାନେ ନିଜକୁ ଜାଣନ୍ତୁ, ନିଜ ଶକ୍ତିକୁ ବୁଝନ୍ତୁ'

କନକ ବ୍ୟୁରୋ: ଓଡ଼ିଆ ଗଳ୍ପର ନବଜାତକ ‘କଥା’ର ୩୯ତମ ବାର୍ଷିକ ଉତ୍ସବ ଏବଂ ନବପ୍ରତିଭା ପୁରସ୍କାର ସମାରୋହ ଭୁବନେଶ୍ବର ଜୟଦେବ ବିହାରସ୍ଥିତ ସତ୍ୟାନନ୍ଦ ଯୋଗ ବିଦ୍ୟାଳୟରେ ଅନୁଷ୍ଠିତ ହୋଇଛି । ପ୍ରତିବର୍ଷ ଭଳି ୯ ଜଣ ନବ ପ୍ରତିଭାଙ୍କୁ ଉତ୍ସବରେ ପୁରସ୍କୃତ କରାଯାଇଛି । ମୁଖ୍ୟ ଅତିଥି ଭାବେ ବିଶିଷ୍ଟ ହିନ୍ଦୀ ସାହିତ୍ୟିକ ବଦ୍ରୀ ନାରାୟଣ ତିଓ୍ବାରୀ ଯୋଗଦେଇଥିଲେ । ନୂଆ ଲେଖକମାନଙ୍କୁ ପରାମର୍ଶ ଦେଇ ବଦ୍ରୀ ନାରାୟଣ ତିଓ୍ବାରୀ କହିଥିଲେ, ଯୁବ ଲେଖକମାନେ ନିଜକୁ ଜାଣନ୍ତୁ, ନିଜ ଶକ୍ତିକୁ ବୁଝନ୍ତୁ । ସ୍ବାଗତ ଭାଷଣ ଦେଇ ଇଷ୍ଟର୍ଣ୍ଣ ମିଡିଆ ଲିମିଟେଡର ଅଧ୍ୟକ୍ଷ ସୌମ୍ୟରଞ୍ଜନ ପଟ୍ଟନାୟକ ‘କଥା’ ଜନ୍ମର ସ୍ମୃତିଚାରଣ କରିଥିଲେ । ଅଧିକ ଗଳ୍ପ ଲେଖାଯାଉ, ନୂଆ ଲେଖକ ସୃଷ୍ଟି ହୁଅନ୍ତୁ । ଗଳ୍ପ ମାଧ୍ୟମରେ ଗଣତନ୍ତ୍ରରେ ଯେଉଁ ପରିବର୍ତ୍ତନ ଆଶା ରଖିଛୁ ତାହା ସାର୍ଥକ ହେଉ ବୋଲି କହିଥିଲେ ସୌମ୍ୟରଞ୍ଜନ ପଟ୍ଟନାୟକ । ସମାରୋହର ପ୍ରଥମ ଅଧିବେଶନରେ ‘ଭାଷାକୁ ବିପଦ ସାମାଜିକ ଗଣମାଧ୍ୟମ’ ପ୍ରସଙ୍ଗରେ ବିଶିଷ୍ଟ କଥାକାର ରାମଚନ୍ଦ୍ର ବେହେରା, ପାରମିତା ଶତପଥୀ ଓ ଅରବିନ୍ଦ ରାୟ ଆଲୋଚନା କରିଥିଲେ । ଦ୍ବିତୀୟ ଅଧିବେଶନରେ ‘ଭାଷା ବଞ୍ଚି ରହିବାରେ ଯୁବ ସମାଜର ଭୂମିକା’ ପ୍ରସଙ୍ଗରେ ବିଶିଷ୍ଟ କଥାକାର ଦେବପ୍ରସାଦ ଦାଶ, ହିରଣ୍ମୟୀ ମିଶ୍ର ଓ ମାନସ ପଣ୍ଡା ଆଲୋଚନା କରିଥିଲେ । ଗଦ୍ୟ ବଞ୍ଚିଲେ ଗଣତନ୍ତ୍ର ବଞ୍ଚିବ। ଭାଷାକୁ ବୁଝିଲେ, ଶୁଣିଲେ, ଲେଖିଲେ ଭାଷା ବଞ୍ଚିରୁହେ। ଯେ ପର୍ଯ୍ୟନ୍ତ ଓଡ଼ିଆ ଥିବେ ଆମ ଭାଷା ବଞ୍ଚି ରହିଥିବ ବୋଲି ଏଥିରେ ମତ ପ୍ରକାଶ ପାଇଥିଲା । ସେହିପରି ତୃତୀୟ ଅଧିବେଶନରେ ‘ସଂପ୍ରତି ସାହିତ୍ୟ ଓ ସାମ୍ବାଦିକତାରେ ଓଡ଼ିଶାର ସ୍ବର’ ପ୍ରସଙ୍ଗରେ ସରଗରମ ଆଲୋଚନା ହୋଇଥିଲା । ଯେଉଁଥିରେ ବିଶିଷ୍ଟ ଲେଖକ-ସଂପାଦକ ସଂଗ୍ରାମ ଜେନା, ଇତିରାଣୀ ସାମନ୍ତ ଓ ଅମରେଶ ବିଶ୍ବାଳ ସାରଗର୍ଭକ ଚର୍ଚ୍ଚା କରିଥିଲେ । କାର୍ଯ୍ୟକ୍ରମର ସଫଳତା ପାଇଁ 'ସମ୍ବାଦ' ଓ 'କନକ ନ୍ୟୁଜ୍'ର ସମ୍ପାଦକ ତନୟା ପଟ୍ଟନାୟକ ସମସ୍ତଙ୍କୁ କୃତଜ୍ଞତା ଜଣାଇବା ସହ ନବପ୍ରତିଭାମାନଙ୍କୁ ଅଭିନନ୍ଦନ ଜଣାଇଥିଲେ ।

ବାବୁଲ ସୁପ୍ରିୟୋ, ପୂର୍ବତନ ଡିଜି ରାଜୀବ କୁମାର... ରାଜ୍ୟସଭା ପାଇଁ ୪ ପ୍ରାର୍ଥୀଙ୍କ ନାଁରେ ମୋହର ମାରିଲେ ମମତା

ନୂଆଦିଲ୍ଲୀ: ରାଜ୍ୟସଭା ନିର୍ବାଚନ ପାଇଁ ପ୍ରାର୍ଥୀ ଘୋଷଣା କରିଛି ତୃଣମୂଳ କଂଗ୍ରେସ ବା ଟିଏମସି। ଦଳ ଘୋଷଣା କରିଥିବା ପ୍ରାର୍ଥୀଙ୍କ ମଧ୍ୟରେ ରହିଛନ୍ତି ବାବୁଲ ସୁପ୍ରିୟୋ, ପଶ୍ଚିମବଙ୍ଗର ପୂର୍ବତନ ଡିଜିପି ରାଜୀବ କୁମାର, ମାନେକା ଗୁରୁସ୍ୱାମୀ...

ଉପାନ୍ତରେ ଆବାସ ଉପହାସ : ନିର୍ମାଣ କରିସାରିଛି, ହିତାଧିକାରୀଙ୍କୁ ମିଳିନାହିଁ

କନକ ବ୍ୟୁରୋ: ମାଲକାନଗିରି ଜିଲ୍ଲା ଚିତ୍ରକୋଣ୍ଡା ବ୍ଲକରେ ଆବାସ ଯୋଜନା ସାତ ସପନ । କେଉଁଠି ଘର ନିର୍ମାଣ ସରିଛି, ହେଲେ ଏପର୍ଯ୍ୟନ୍ତ ହିତାଧିକାରୀଙ୍କୁ ହସ୍ତାନ୍ତର ହୋଇନି, ଆଉ କେଉଁଠି ମୂଳରୁ କାମ ଆରମ୍ଭ ହୋଇନାହିଁ । ଫଳରେ ଅନେକ ଅଭାବୀ ପରିବାର ଆଜି ବି ଦଦରା ଘରେ ପିଲାଛୁଆଙ୍କୁ ଧରି ମୁଣ୍ଡ ଗୁଞ୍ଜିଛନ୍ତି । ବର୍ଷ ବର୍ଷର ଅପେକ୍ଷା ପରେ ବି ଆବାସ ତାଲିକାରେ ସାମିଲ ହୋଇପାରୁନାହାନ୍ତି । ସେପଟେ ବ୍ଲକ ପ୍ରଶାସନ କହୁଛି, ଆବାସରେ ରହିବାକୁ ଇଚ୍ଛା ପ୍ରକାଶ କରୁନାହାନ୍ତି ହିତାଧିକାରୀ । ଏହା ବି ପଢ଼ନ୍ତୁ: ପମ୍ପ ହାଉସ୍‌ ଘର ନିର୍ମାଣରେ ଅହେତୁକ ବିଳମ୍ୱ, ନିମ୍ନମାନ କାର୍ଯ୍ୟରେ ଦୁର୍ନୀତିର ଗନ୍ଧ ! ପକାଘର କାର୍ଯ୍ୟାଦେଶ ମିଳିଛି, ଘର ନିର୍ମାଣ ସରିଛି, ହେଲେ ହିତାଧିକାରୀଙ୍କୁ ମିଳିନାହିଁ । ଅନ୍ୟପଟେ ନିର୍ମାଣ ସରିଥିବା ଆବାସ ଗୃହ ଏବେ ବଣ ଜଙ୍ଗଲ ପାଲଟିଛି । ଚିତ୍ରକୋଣ୍ଡା ବ୍ଲକ ସଦର ମହକୁମା ନିକଟରେ ଥିବା ଶ୍ରୀହରି କଲୋନୀ ଠାରେ ନିର୍ମାଣ କରାଯାଇଥିବା ଆବାସ ଗୃହ ବିକାଶ ଅସଲ ଚିତ୍ର ବୟାନ କରୁଛି । ପାଞ୍ଚ ବର୍ଷ ତଳୁ ପକ୍କାଘର ନିର୍ମାଣ କରିସାରିଛି ଚିତ୍ରକୋଣ୍ଡା ବ୍ଲକ ପ୍ରଶାସନ । ହେଲେ ଆଜି ପର୍ଯ୍ୟନ୍ତ ହିତାଧିକାରୀଙ୍କୁ ଯୋଗାଇ ପାରିଲା ନାହିଁ । ୧୦ରୁ ୧୫ ହିତାଧିକାରୀଙ୍କ ଲାଗି ଆସିଥିବା ଘରର ଅବସ୍ଥା ନକହିବା ଭଲ । କେଉଁଠି ଝରକା ଭାଙ୍ଗି ଗଲାଣି ତ ଆଉ କେଉଁଠି କବାଟ ନାହିଁ । ଘରର ଚାରିପଟେ ଜଙ୍ଗଲ ପରିବେଶ ସୃଷ୍ଟି ହେଲାଣି, ଆଉ ଏହାର ସୁଯୋଗ ନେଇ ଆଡ୍ଡା ଜମାଇଲେଣି ଅସାମାଜିକ ବ୍ୟକ୍ତି । ଆବସ ଘର ତ ଦେଖିଲେ ଏବେ ଦେଖନ୍ତୁ ପକ୍କାଘର ଅପେକ୍ଷାରେ ଥିବା ଅଭାବୀ ପରିବାରକୁ । ଚିତ୍ରକୋଣ୍ଡା ପଞ୍ଚାୟତ ସ୍ଥିତ ଶ୍ରୀହରି କୋଲନୀର ଦେବକୀ ସାଗର । ସ୍ୱାମୀ-ସ୍ତ୍ରୀ ମୁଲ ଲାଗିଲେ ଘର ଚଳେ । ଦିନେ କାମ ନକଲେ ଉପାସ ରହୁଥିବା ପରିବାର, ନିଜ ସମ୍ବଳରେ ପକ୍କାଘର କରିବାକୁ ସାହାଜ ଜୁଟେଇ ପାରୁନାହିଁ । ତେଣୁ ଭାଗ୍ୟକୁ ଆଦରି ପଡ଼ିରହିଛନ୍ତି । ଆବାସ ଘରଟିଏ ପାଇଁ ବାରମ୍ବାର ପଞ୍ଚାୟତଠୁ ବ୍ଲକ କାର୍ଯ୍ୟାଳୟ ଧାଇଁଛନ୍ତି, ବାରବାର ଆବେଦନ କରିଛନ୍ତି । ହେଲେ ଆବାସ ହିତାଧିକାରୀ ତାଲିକାରେ ଯୋଡ଼ି ହୋଇପାରିନାହାନ୍ତି । କେବଳ ଦେବକୀ ନୁହନ୍ତି, ଅନେକ ପରିବାର ଘର ଅପେକ୍ଷାରେ ଅଛନ୍ତି, ତଥ୍ୟ ଅନୁଯାୟୀ ଚିତ୍ରକୋଣ୍ଡା ବ୍ଲକ ଅନ୍ତର୍ଗତ ୧୮ଟି ପଞ୍ଚାୟତ ପାଇଁ ୨୦୨୧-୨୨ ଓ ୨୪-୨୫ ଆର୍ଥିକ ବର୍ଷରେ ୧୨୬୭ଟି ପ୍ରଧାନମନ୍ତ୍ରୀ ଆବାସ ଆସିଥିଲା । ନିର୍ମାଣ ହୋଇଛି ୫୬୨ ଘର, ୭୦୫ଟି ଘର ଅସମ୍ପୂର୍ଣ୍ଣ । ସେହିଭଳି ୨୦୨୪-୨୫ ଓ ୨୫-୨୬ ଆର୍ଥିକ ବର୍ଷରେ ଅନ୍ତ୍ୟୋଦୟ ଗୃହ ଯୋଜନାରେ ଆସିଛି ୫୯୪ ଘର ଏବେ ସୁଦ୍ଧା ମାତ୍ର ୨୪ଟି ଘର ସମ୍ପୂର୍ଣ୍ଣ ହୋଇଛି । ଯାହା ଏବେ ଚିତ୍ରକୋଣ୍ଡା ବ୍ଲକର ଆବାସ ଯୋଜନା ବଣ୍ଟନରେ ଅବ୍ୟବସ୍ଥାକୁ ପୋଦାରେ ପକାଇଛି । ଆବାସ ସଂପର୍କରେ ଚିତ୍ରକୋଣ୍ଡା ବିଡିଓ କହିଛନ୍ତି, ନିର୍ମାଣ ହୋଇଥିବା ଘରେ ରହିବାକୁ ଇଚ୍ଛା ପ୍ରକାଶ କରୁନାହାନ୍ତି । ଆଉ ଯେଉଁ ସବୁ ଆବାସ ଗୃହ ନୂତନ ଭାବରେ ଦିଆଯାଇଛି ତାହାର ତୁରନ୍ତ ସମ୍ପୂର୍ଣ ହେବ । ତେବେ ଦେଖିବାକୁ ବାକି ରହିଲା କେବେ ଆବାସ ଯୋଗାଇବାରେ ସଫଳ ହେଉଛି ବ୍ଲକ ପ୍ରଶାସନ ।

ଅପରେସନ ‘ସାଇବର କବଚ’କୁ ଆଉ ଏକ ସଫଳତା, ୨ ଝାଡ଼ଖଣ୍ଡୀ ସାଇବର ଅପରାଧୀଙ୍କ ସମେତ ୫ ଠକ ଗିରଫ

ବଡ଼ବିଲ: ଚାଲିଛି ଓଡ଼ିଶା ପୋଲିସର ସ୍ପେଶାଲ ଡ୍ରାଇଭ୍ ସାଇବର କବଚ। ଏହି କ୍ରମରେ ଚମ୍ପୁଆ ପୋଲିସ୍ ୫ ଜଣ ସାଇବର ଠକଙ୍କୁ ଗିରଫ କରିବା ସହ ସେମାନଙ୍କ ନିକଟରୁ ୧୩ଟି ଡେବିଟ୍ କାର୍ଡ, ୨ଟି ପାନ୍ କାର୍ଡ ଓ ୬ଟି ମୋବାଇଲ୍ ଫୋନ୍ ଜବତ୍ କ...

ଜିତିବା ମ୍ୟାଚ୍ ହାରିଲା ନ୍ୟୁଜିଲାଣ୍ଡ, ଶେଷ ୧୮ ବଲ୍‌ରେ ବାଜି ଓଲଟାଇ ଦେଲା ଇଂଲଣ୍ଡ

କଲମ୍ବୋ: ଟି-୨୦ ବିଶ୍ୱକପ୍ ୨୦୨୬ରେ ଇଂଲଣ୍ଡ ଏବଂ ନ୍ୟୁଜିଲାଣ୍ଡ ମଧ୍ୟରେ ସୁପର-8 ମ୍ୟାଚ୍ ଶୁକ୍ରବାର କଲମ୍ବୋର ଆର. ପ୍ରେମଦାସା ଷ୍ଟାଡିୟମରେ ଖେଳାଯାଇଥିଲା। ଇଂଲଣ୍ଡ ଏହି ମ୍ୟାଚ୍ ୪ ୱିକେଟରେ ଜିତି ନେଇଛି । ଦଳ ପାଇଁ, ୱିଲ୍ ଜ୍ୟାକ୍ସ ଏବଂ ରେହ...

ପମ୍ପ ହାଉସ୍‌ ଘର ନିର୍ମାଣରେ ଅହେତୁକ ବିଳମ୍ୱ, ନିମ୍ନମାନ କାର୍ଯ୍ୟରେ ଦୁର୍ନୀତିର ଗନ୍ଧ !

କନକ ବ୍ୟୁରୋ: ଦୁର୍ନୀତି କେଉଁଠି, କେମିତି ବି ହୋଇପାରେ । ଟଙ୍କା ଖାଇବାକୁ ସତେ ଯେମିତି ସମସ୍ତେ ହାଁ ହାଁ ହେଉଛନ୍ତି । ଛୋଟ ହେଉ ବା ବଡ଼, ସବୁ ପ୍ରକଳ୍ପରେ ଲୋକଙ୍କ ସୁବିଧା ଅପେକ୍ଷା, ପ୍ରଥମେ ଭାଗ ଉପରେ ନଜର । ଯୋଜନା ବାବଦକୁ ଆସିଥିବା ଅର୍ଥରୁ କାହା ଭାଗରେ କେତେ ପଡ଼ିବ ତାକୁ ନେଇ ଚିନ୍ତା । ସେଥିପାଇଁ ପ୍ରକଳ୍ପ ନିମ୍ନମାନର ହେଉ, ଲୋକଙ୍କୁ ସୁଫଳ ମିଳୁବା ନମିଳୁ, ନାଁ ବାହାନା କାମ କରି ଖସିଯିବାକୁ ଚାହୁଁଛନ୍ତି ଠିକାଦାର । ଆଉ ତାଙ୍କୁ ହାତ ଖୋଲା ସହଯୋଗ କରୁଛନ୍ତି କିଛି ଅସାଧୁ ବାବୁ । ଏହା ବି ପଢ଼ନ୍ତୁ: ନିଶା କବଳରେ ଓଡ଼ିଶା, ରାଜ୍ୟରେ ବଢ଼ୁଛି ମଦ ବିକ୍ରି ଓଡ଼ିଶା ଏକ କୃଷିପ୍ରବଣ ରାଜ୍ୟ । ଆମ ରାଜ୍ୟର ସିଂହଭାଗ ଲୋକ ଚାଷୀ । ଧାନ, ପାନ, ମୀନ, ପନିପରିବା ଚାଷ କରି ପରିବାର ପ୍ରତିପୋଷଣ କରନ୍ତି । ଚାଷୀ ଓ ଚାଷର ଉନ୍ନତି ପାଇଁ ବଜେଟ୍‌ରେ ମଧ୍ୟ ଶହଶହ କୋଟିର ବ୍ୟୟ ବରାଦ କରନ୍ତି ସରକାର । ବିଭିନ୍ନ ଯୋଜନା କାର୍ଯ୍ୟକାରୀ କରାଯାଏ । ହେଲେ ସବୁ ଯୋଜନାର ସୁଫଳ ଚାଷୀଙ୍କୁ ମିଳେନି । ଅନେକ ପ୍ରକଳ୍ପ ବାଟମାରଣା ହୁଏ । ବିଳମ୍ବିତ ପ୍ରକ୍ରିୟା ଯୋଗୁଁ ଚାଷୀ ଅସୁବିଧା ଭୋଗନ୍ତି, ଠିକାଦାର ଓ ବିଭାଗୀୟ ଯନ୍ତ୍ରୀ ଲାଭ ଖାଆନ୍ତି । ଢେଙ୍କାନାଳ ସଦର ବ୍ଳକ ନାରଣପୁରରେ ଉଠା ଜଳସେଚନ ବିଭାଗ ପକ୍ଷରୁ ୨ଟି ପମ୍ପ ହାଉସ୍‌ ଘର ନିର୍ମାଣରେ ଅହେତୁକ ବିଳମ୍ୱ ଏବଂ ନିମ୍ନମାନ କାର୍ଯ୍ୟରେ ଦୁର୍ନୀତିର ଗନ୍ଧ! ସ୍ପଷ୍ଟ ବାରି ହେଉଛି । ନାରଣପୁର ଗାଁର ୭୦% ପରିବାର କୃଷି ଉପରେ ନିର୍ଭରଶୀଳ । ଚାଷୀ ସମୁଦାୟ ପନି ପରିବା ବାଇଗଣ, ବିଲାତି, ଦେଶୀ ପିଆଜ, ଶାଗ ଆଦି ଉତ୍ପାଦନ କରି ପେଟ ପୋଷନ୍ତି । ଚାଷ ପାଇଁ ବଡ଼ ଜୋର ନାଳ ପାଣି ହେଉଛି ବଡ଼ ଆୟୁଧ । ବଡ଼ ଜୋର ପାଣିକୁ ଜମିରେ ପଞ୍ଚାଇବା ଲାଗି ଉଠା ଜଳସେଚନ ବିଭାଗ ପକ୍ଷରୁ ୨ଟି ପର୍ଯ୍ୟାୟରେ ୨ଟି ପମ୍ପ ହାଉସ ପାଇଁ ୭୨ ଲକ୍ଷ ଅର୍ଥ ମଞ୍ଜୁର କରିଛନ୍ତି । ନିର୍ମାଣ ଅବଧିର ବର୍ଷେ ବିତିଲାଣି ହେଲେ କାମ ସରିଲା ନାହିଁ । ଯାହା ଯେତିକି ହୋଇଛି ତାହା ଅତ୍ୟନ୍ତ ନିମ୍ନମାନର । ସେଥିରୁ ପଲସ୍ତରା ଝଡି ପଡ଼ୁଛି । ଝରକା ନାହିଁ, ଘର ସାଇଜ ମଧ୍ୟ ଛୋଟ । ଏନେଇ ଜିଲ୍ଲାପାଳ ଓ ବିଭାଗୀୟ ମୁଖ୍ୟଯନ୍ତ୍ରୀଙ୍କୁ ଅଭିଯୋଗ କରିଛନ୍ତି ଖୋଦ୍ ପାଣି ପଞ୍ଚାୟତ ସମ୍ପାଦକ । ହେଲେ କାର୍ଯ୍ୟାନୁଷ୍ଠାନ ନିଆଯାଉନାହିଁ । ତେଣୁ ଚାଷୀଙ୍କ ପାଇଁ ଆସୁଥିବା ଅର୍ଥ ହରିଲୁଟ୍‌ ହେଉଥିବା ସନ୍ଦେହ କରାଯାଉଛି ।

ବିଷ ବଳୟରେ ବରଗଡ଼ ସହର, ପାଣିଠୁ ପବନ ସବୁକିଛି ଜହର

କନକ ବ୍ୟୁରୋ: ରାଜ୍ୟରେ ପ୍ରଦୂଷଣ ମାତ୍ରା ଉପର ମୁହାଁ । ଖଣି ଖାଦାନ ଭରା ଜିଲ୍ଲା କଥା ଛାଡ଼ନ୍ତୁ ଅନ୍ୟ ଜିଲ୍ଲାରେ ବି ପ୍ରଦୂଷଣ ମାତ୍ରା କିଛି କମ୍‌ ନୁହେଁ । କ୍ରମାଗତ ଭାବେ ଆମେ ଝାରସୁଗୁଡ଼ା, କେନ୍ଦୁଝର, ସମ୍ବଲପୁର, ଅନୁଗୁଳର ପ୍ରଦୂଷିତ ଅଞ୍ଚଳର ଦୃଶ୍ୟ ଦେଖିଛେ । କେମିତି ଗଛପତ୍ରଠୁ ଆରମ୍ଭ କରି ପୋଖରୀ ଗାଡ଼ିଆ ସବୁ ଦୂଷିତ ହେଉଛି ତାରା ରିପୋର୍ଟ ମାଧ୍ୟମରେ ଆପଣମାନେ ଜାଣିଛନ୍ତି । ଆଜି ଦେଖିବା ବରଗଡ଼ର ଚିତ୍ର । ସହରକୁ ପ୍ରଦୂଷିତ କରୁଛି କିଏ? କେମିତି ଜହର ପାଲଟିଗଲାଣି ପାଣିଠୁ ପବନ । ଏହା ବି ପଢ଼ନ୍ତୁ: ନିଶା କବଳରେ ଓଡ଼ିଶା, ରାଜ୍ୟରେ ବଢ଼ୁଛି ମଦ ବିକ୍ରି ମାଟିରେ ପଡ଼ୁଥିବା ପାଉଁଶ ଆଉ ପାଣିରେ ମିଶୁଥିବା ବିଷାକ୍ତ କେମିକାଲ ସହର ଓ ଗାଁରେ ବୁଣୁଛି ମାରାତ୍ମକ ରୋଗ । ଯେଉଁଠି ଇଚ୍ଛା ସେଇଠି ପକାଉଛନ୍ତି ପାଉଁଶ । ବିନା ଟ୍ରିଟମେଣ୍ଟରେ ନାଳ ଓ କେନାଲକୁ ଛାଡ଼ୁଛନ୍ତି ବିଷାକ୍ତ ଜଳ । ଯାହାଫଳରେ ଜୀବନ ଦୁର୍ବିସହ ହୋଇପଡ଼ିଛି । ଗାଁ ଗାଁକୁ ରୋଗ ବ୍ୟାପୁଛି । ଆଞ୍ଚଳିକ ପ୍ରଦୂଷଣ ବୋର୍ଡ ବାରମ୍ବାର ଗସ୍ତ କରି ବିଭିନ୍ନ ରାଇସ ମିଲକୁ ତାଗିତ କରିବା ସହ କାରଣ ଦର୍ଶାଅ ନୋଟିସ ମଧ୍ୟ କରୁଛି, କିନ୍ତୁ ସ୍ଥିତି ସୁଧୁରୁନି । ଗତ ୨୩ ତାରିଖରେ ଭୋଇପାଲି ସରଣ୍ଡାରେ ଥିବା ମାଆ ସମଲେଶ୍ବରୀ ଉଦ୍ୟୋଗର ଟ୍ରିଟମେଣ୍ଟ ପ୍ଲାଣ୍ଟ ଠିକ ନଥିବାରୁ ଏବଂ ବେଆଇନ ଭାବେ ଆସ୍ ଡମ୍ପିଂ କରୁଥିବାରୁ ମିଲକୁ ନୋଟିସ କରି ୧୫ ଦିନ ମଧ୍ୟରେ ଜବାବ ଦେବାକୁ କହିଛି ଆଞ୍ଚଳିକ ପ୍ରଦୂଷଣ ବୋର୍ଡ । ଏନ୍‌ଏଚ୍‌-୬ ପାର୍ଶ୍ୱରେ ଆସ୍ ଡମ୍ପିଂ କରୁଥିବାରୁ ମିଲ୍ ମାଲିକଙ୍କୁ ତାଗିଦ କରିଛି ବୋର୍ଡ । ସେହିପରି ଧାଙ୍ଗେରରେ ଥିବା ଶ୍ରୀକ୍ରିଷ୍ଣା ଫୁଡ୍ସ, ବରଗଡ଼ର ଶ୍ରୀକ୍ରିଷ୍ଣା ସଲଭେଣ୍ଟ ଏକ୍ସଟ୍ରାକ୍ସନ, କ୍ରିଷ୍ଣା ଟେକ୍ସଟାଇଲ୍ସ, ନବଦାନ୍ୟ ଫୁଡ୍ସ, ବରଗଡ଼ ନାଗେନପାଳିରେ ଥିବା ଓମ୍ ଫୁଡ୍‌ ପ୍ରଡକ୍ଟସ, ଭୋଇପାଳିରେ ଥିବା ବାଲାଜୀ ଏଗ୍ରୋ ଫୁଡ୍ସ, ରେଙ୍ଗାଲି କ୍ୟାମ୍ପରେ ଥିବା ବିଜୟଲକ୍ଷ୍ମୀ ରାଇସ୍‌ ମିଲ୍‌, ବରାହଗୁଡ଼ାରେ ଥିବା ଶଙ୍କର ରାଇସ୍‌ ଇଣ୍ଡଷ୍ଟ୍ରିଜକୁ ମଧ୍ୟ କାରଣ ଦର୍ଶାଅ ନୋଟିସ୍‌ କରାଯାଇଛି । ଏହି ସଂସ୍ଥା ଗୁଡ଼ିକ ସର୍ବସାଧାରଣରେ ଆସ୍ ଡମ୍ପିଂ କରିବା ସହ ବିନା ଟ୍ରିଟମେଣ୍ଟରେ ବିଷାକ୍ତ ପାଣି ଛାଡ଼ୁଛନ୍ତି । ଏମିତିକି କିଛି ସଂସ୍ଥାର ଟ୍ରିଟମେଣ୍ଟ ପ୍ଲାଣ୍ଟ ଅଚଳ ହୋଇପଡ଼ିଥିବା ଚିଠି ଗୁଡ଼ିକରେ ଉଲ୍ଲେଖ କରିଛି ପ୍ରଦୂଷଣ ନିୟନ୍ତ୍ରଣ ବୋର୍ଡ । ଏପଟେ ଏମିତି କିଛି ନଜରକୁ ଆସିଲେ ଆକ୍ସନ ନିଆଯିବ ବୋଲି କହିଛନ୍ତି ବରଗଡ଼ ଉପଜିଲ୍ଲାପାଳ ପ୍ରସନ୍ନ ପାଣ୍ଡେ । କେବଳ ନୋଟିସରେ ସୀମିତ ରହିଯାଉଛି ଆକ୍ସନ । ପ୍ରଦୂଷଣ ନିୟମର ଧଜ୍ଜିଆ ଉଡ଼ାଉଥିବା ରାଇସ ମିଲ ଗୁଡ଼ିକ ବେଖାତିର ଭାବେ ପରିବେଶକୁ ନଷ୍ଟ କରିଚାଲିଛନ୍ତି ।

ଜଙ୍ଗଲରୁ ଯୁବକଙ୍କ ଝୁଲନ୍ତା ମୃତଦେହ ଉଦ୍ଧାର, ହତ୍ୟା ଅଭିଯୋଗ ଆଣିଲେ ପରିବାର

ଦେବଗଡ଼: ଜଙ୍ଗଲରୁ ଯୁବକଙ୍କ ଝୁଲନ୍ତା ମୃତଦେହ ଉଦ୍ଧାର। ହତ୍ୟା ଅଭିଯୋଗ ଆଣିଲେ ପରିବାର ସଦସ୍ୟ। ଦେବଗଡ଼ ଜିଲ୍ଲା ରିଆମାଳ ଥାନାଞ୍ଚଳ ରତନପୁର ଗ୍ରାମ ନିକଟସ୍ଥ ଜଙ୍ଗଲରୁ ଜଣେ ଯୁବକଙ୍କ ଝୁଲନ୍ତା ମୃତଦେହ ଉଦ୍ଧାର କରାଯାଇଛି। ମୃତକ ହେଲେ ଦେବଗଡ଼...

ବେଆଇନ ବାଣ ନିଷ୍କ୍ରିୟ ସମୟରେ ଅଘଟଣ, ପ୍ରଚଣ୍ଡ ଶବ୍ଦରେ ଫାଟିଲା ଘରର କାନ୍ଥ

ପାରାଦୀପ: ବେଆଇନ ବାଣ ନିଷ୍କ୍ରିୟ ସମୟରେ ଅଘଟଣ। ପ୍ରଚଣ୍ଡ ଶବ୍ଦରେ ଫାଟିଲା ଘରର କାନ୍ଥ। କଟକ ଜଗତପୁର ପୋଲିସ ମହାଜନପୁର ଗ୍ରାମରୁ ବେଆଇନ ବାଣ ଜବତ କରି ବାରବୋଡ଼ିଆ ମହାନଦୀ ପଠାରେ ନିଷ୍କ୍ରିୟ ସମୟରେ ଦେଖିବାକୁ ମିଳିଛି ଅଘଟଣ।ସୂଚନା ଅନୁସ...

ଗାଁ ଠିକାଦାରଙ୍କ କବଜାରେ ଯୋଜନା, ନିମ୍ନମାନର କାମ କରି ଟଙ୍କା ନେଇ ଛୁ’

କନକ ବ୍ୟୁରୋ: ସଭିଏଁ ପକ୍କା ଘରେ ରହିବେ । ମୁଣ୍ଡ ଉପରେ ଆଉ ଚାଳ ଛପର ରହିବନି । ଯେଉଁଥିପାଇଁ କୋଟି କୋଟି ଟଙ୍କା ଖର୍ଚ୍ଚ କରି ଆବାସ ଯୋଜନାରେ ଗରିବ ଲୋକଙ୍କୁ ପକ୍କା ଘର ଯୋଗାଉଛନ୍ତି ସରକାର । ହେଲେ ନିପଟ ମଫସଲରେ ଧର୍ମକୁ ଆଖିଠାର ପାଲଟିଛି ଆବାସ ଯୋଜନା । ଗାଁ ଠିକାଦାରଙ୍କ କବଜାରେ ଯୋଜନା । ହିତାଧୀକାରୀଙ୍କ ସବୁ ଟଙ୍କା ନେଇଯାଇ ପକ୍କା ଘର ତ' ତିଆରି କରୁଛନ୍ତି, ହେଲେ ରହିବାଯୋଗ୍ୟ ନୁହେଁ । ତେଣୁ ଆବାସ ଘର ପାଇ ବି ଭାଗ୍ୟକୁ ଆଦରି ପୁଣି ସେଇ ପୁରୁଣା ମାଟି ଘରେ ମୁଣ୍ଡ ଗୁଞ୍ଜୁଛନ୍ତି ବହୁ ହିତାଧିକାରୀ । ଏହା ବି ପଢ଼ନ୍ତୁ: କୁଢ଼କୁଢ଼ ପାଉଁଶର ପାହାଡ଼: କେଉଁଠି ରାସ୍ତା ତ ଆଉ କେଉଁଠି ବିଲ ମଝିରେ ବାଲି ଯୋଡ଼େଇ ମାତ୍ର କେଇ ଖଣ୍ଡ ଇଟା ଉପରେ ଛିଡ଼ା ହୋଇଛି କଂକ୍ରିଟ୍‌ ଛାତ । ସେଣ୍ଟରିଂର ପାଲ ଛାଡ଼ିନି, ସେପଟେ ଦେଖାଗଲାଣି ଛାତର ଛଡ଼ । ହାତ ଲଗେଇଲେ ଦୋହଲି ଯାଉଛି ଘର ସାମ୍ନା ତାଜା । ବର୍ଷା ହେଲେ ଘର ସାରା ପାଣି । ଛାତକୁ ଅନେଇଲେ, ଲାଗୁଛି ଯେମିତି ଏଠି ଅପେକ୍ଷା କରିଛି ଜମ । ପ୍ରଧାନମନ୍ତ୍ରୀ ଆବାସ ଯୋଜନାରେ ପାଇଥିବା ପକ୍କା ଘର ଭିତରକୁ ପଶିବାକୁ ଡରୁଛନ୍ତି ଅନୁଗୁଳ କିଶୋରନଗର ବ୍ଲକ୍‌ ହଣ୍ଡପା ପଞ୍ଚାୟତ ନୂଆଖୁଲାରେଗଡ଼ା ଗାଁର ନିକା ବାର୍ଲାଙ୍କ ପରିବାର । ଚାଳ ଛପର ମାଟି ଘରେ ରହୁଥିବାରୁ ପରିବାରର ମୁଖିଆ ଜର୍ଜ ବାର୍ଲାଙ୍କ ନାମରେ ୭ ବର୍ଷ ତଳେ ଆସିଥିଲା ଘର କାର୍ଯ୍ୟାଦେଶ । ଘର ତାଲିକା ବାହାରିବା କ୍ଷଣି ଘରେ ପହଞ୍ଚି ଯାଇଥିଲା ଠିକାଦାର । ଅଭାବୀ ମଣିଷଙ୍କୁ ଫୁସୁଲା ଫୁସିଲି କରି, ଘର ତିଆରି କରିଦେବ ବୋଲି ମନେଇ ଦେଲା । ଠିକାଦାରକୁ ଭରସା କରିଗଲେ ବାର୍ଲା । ଘର କାମ ବି ଆରମ୍ଭ ହେଲା, ୬ ବର୍ଷ ତଳୁ ତିଆରି ମଧ୍ୟ ସରିଛି । ଅତ୍ୟନ୍ତ ନିମ୍ନମାନର କାମ କରି ଠିକାଦାର ଛୁ’ ମାରିଛି । ଏହାରି ଭିତରେ ଜର୍ଜ ବାର୍ଲା ବି ଆରପାରିକୁ ଚାଲିଗଲେଣି । ହେଲେ ପକ୍କା ଘରେ ରହିବା ସ୍ବପ୍ନ ପୂରଣ ହେଲା ନାହିଁ । ଦୁର୍ବଳ କୋଠା ଘରେ ରହିବାକୁ ଡର ଲାଗୁଥିବାରୁ ପୁରୁଣା ମାଟି ଘରେ ଭାଗ୍ୟକୁ ଆଦରି ନେଇଛନ୍ତି ସ୍ୱର୍ଗତ ଜର୍ଜଙ୍କ ସ୍ତ୍ରୀ ଓ ଝିଅ । କେବଳ ନୂଆ-ଖୁଲାରେଗଡ଼ାର ନିକା ବାର୍ଲାଙ୍କ ପରିବାର ଯେ ଏ ଆବାସ ଠକାମିର ଶିକାର ହୋଇଛନ୍ତି ତାହା ନୁହେଁ, ପାଖ ଗାଁ ନୂଆବାଲିଖମଣର ଶୁଦ୍ର ପଧାନଙ୍କର ବି ଏ ସମାନ ଅବସ୍ଥା । ନିଜେ ଘର କରିବାକୁ ସକ୍ଷମ ନଥିବାରୁ ଠିକାଦାର କଥାରେ ଭଳିଗଲେ । ହେଲେ ଘର ତିଆରି ହେବା ଦିନରୁ ହିଁ ପାଣି ଗଳୁଛି । ଏପଟେ ଠିକାଦାର ସବୁ ଟଙ୍କା ନେଇ ଛୁ । ବିଚରା ଶୁଦ୍ର କାନମୁଣ୍ଡ ଆଉଁସି ଏବେ ନିଜର ପୁରୁଣା ଚାଳଛପର ମାଟି ଘରେ ହିଁ ଦିନ ଗଣୁଛନ୍ତି । ହଣ୍ଡପା ପଞ୍ଚାୟତରେ ଏବେ ଏମିତି ଅନେକ ଆବାସ ହିତାଧିକାରୀ ଠିକାଦାରର ମାୟାଜାଲରେ ଛନ୍ଦିହୋଇ ପକ୍କା ଘର ପାଇ ବି ମାଟିଘରେ ଜୀବନ କାଟୁଛନ୍ତି ।

ଜାତୀୟ ବାଳିକା ଭଲିବଲ୍‌: ଓଡ଼ିଶାର ବିଜୟ ଅଭିଯାନ

କନକ ବ୍ୟୁରୋ: ଚଳିତ ୪୬ତମ ଜାତୀୟ ଉପକନିଷ୍ଠ ବାଳିକା (୧୬ବର୍ଷରୁ କମ୍‌) ଭଲିବଲ୍‌ ପ୍ରତିଯୋଗିତାରେ ଓଡ଼ିଶା ବିଜୟରୁ ଅଭିଯାନ ଆରମ୍ଭ କରିଛି । ହୁଗଲିରେ ଚାଲିଥିବା ଏହି ପ୍ରତିଯୋଗିତାରେ ପୁଡ଼ୁଚେରୀ ବିପକ୍ଷ ଏହି ମ୍ୟାଚ୍‌ରେ ଓଡ଼ିଶା ୩-୦ (୨୫-୨୦, ୨୫-୨୨, ୨୫-୧୯) ସେଟ୍‌ରେ ଆଧିପତ୍ୟ ବିସ୍ତାର କରିଥିଲେ । ଏଥିସହ ଦଳଗତ ପ୍ରଦର୍ଶନ କରି ପୁଡ଼ୁଚେରୀକୁ ସିଧାସଳଖ ସେଟ୍‌ରେ ମାତ୍‌ ଦେଇଥିଲେ । ଏଥିଲାଗି ଖେଳାଳିମାନଙ୍କୁ କିଟ୍‌, କିସ୍‌, କିମ୍ସ ପ୍ରତିଷ୍ଠାତା ତଥା ଓଡ଼ିଶା ଭଲିବଲ୍‌ ସଂଘ ସଭାପତି ଅଚ୍ୟୁତ ସାମନ୍ତ ଅଭିନନ୍ଦନ ଜଣାଇବା ସହ ଅଗାମୀ ମ୍ୟାଚ୍‌ ଲାଗି ସଫଳତା କାମନା କରିଛନ୍ତି । ଏହା ବି ପଢ଼ନ୍ତୁ: ସର୍ବଭାରତୀୟ ସମ୍ବଲପୁର କପ୍‌ ଫୁଟ୍‌ବଲ୍, ଫାଇନାଲରେ କେରଳ ପୁଲିସ

ସର୍ବଭାରତୀୟ ସମ୍ବଲପୁର କପ୍‌ ଫୁଟ୍‌ବଲ୍, ଫାଇନାଲରେ କେରଳ ପୁଲିସ

କନକ ବ୍ୟୁରୋ: ସ୍ଥାନୀୟ ବୀର ସୁରେନ୍ଦ୍ର ସାଏ ଷ୍ଟାଡିୟମ୍‌ରେ ଚାଲିଥିବା ୧୪ତମ ସର୍ବଭାରତୀୟ ସମ୍ବଲପୁର କପ୍‌ ଫୁଟ୍‌ବଲ୍ ପ୍ରତିଯୋଗିତାର ଫାଇନାଲ୍‌ରେ କେରଳ ପୁଲିସ ପହଞ୍ଚିଛି । ଶୁକ୍ରବାର ଦ୍ବିତୀୟ ସେମିଫାଇନାଲ୍‌ କେରଳ ପୁଲିସ ଓ ୟୁନିଟ୍‌-୬ ଭୁବନେଶ୍ବର ମଧ୍ୟରେ ଖେଳାଯାଇଥିଲା । ଏଥିରେ କେରଳ ଦଳ ୧-୦ ଗୋଲ୍‌ରେ ବିଜୟୀ ହୋଇ ଫାଇନାଲ୍‌ରେ ପ୍ରବେଶ କରିଥିଲା । ପ୍ରଥମାର୍ଦ୍ଧର ୧୪ ମିନିଟ୍‌ରେ ‌କେରଳ ଦଳର ସଜେଶ୍‌ ଏକମାତ୍ର ଗୋଲ୍‌ ଦେଇଥିଲେ । ଆଜିର ମ୍ୟାଚ୍‌ରେ ଅତିଥି ଭାବେ ଫୁଟ୍‌ବଲ୍ ଆସୋସିଏସନ୍‌ ଅଫ୍ ଓଡ଼ିଶା (ଫାଓ)ର ସଭାପତି ତଥା ଝାରସୁଗୁଡ଼ା ବିଧାୟକ ଟଙ୍କଧର ତ୍ରିପାଠୀ ଯୋଗ ଦେଇଥିଲେ । ସମ୍ବଲପୁର ବିଧାୟକ ଜୟ ନାରାୟଣ ମିଶ୍ର, ରେଙ୍ଗାଳୀର ପୂର୍ବତନ ବିଧାୟକ ନାଉରୀ ନାଏକ ପ୍ରମୁଖ ଉପସ୍ଥିତ ଥିଲେ । ଆସନ୍ତା ମାର୍ଚ୍ଚ ୧ ତାରିଖ କେରଳ ରାଜ୍ୟ ବିଦ୍ୟୁତ୍‌ ବୋର୍ଡ ଓ କେରଳ ପୁଲିସ ଦଳ ମଧ୍ୟରେ ଫାଇନାଲ ମୁକାବିଲା ହେବ । ଏହା ବି ପଢ଼ନ୍ତୁ: ସିଭିଲ ସର୍ଭିସ ହକି: ଓଡ଼ିଶା ମହିଳା ଦଳ ଫାଇନାଲରେ

VIDEO: IPL 2026 ପୂର୍ବରୁ ମା’ ଦେଓରୀଙ୍କ ଦର୍ଶନ କଲେ ଏମଏସ୍ ଧୋନୀ

ରାଞ୍ଚି: ଆଇପିଏଲ ୨୦୨୬ ମାର୍ଚ୍ଚ ୨୮ରୁ ଆରମ୍ଭ ହେବାକୁ ଯାଉଛି । ଏହା ପୂର୍ବରୁ ଲୋକପ୍ରିୟ କ୍ରିକେଟର ଏମଏସ୍ ଧୋନୀ ଝାଡ଼ଖଣ୍ଡର ପ୍ରସିଦ୍ଧ ମା’ ଦେଓରୀ ମନ୍ଦିରରେ ପୂଜାର୍ଚ୍ଚନା କରିଛନ୍ତି । ଏହି ସମୟରେ ତାଙ୍କର ଫଟୋ ଏବଂ ଭିଡିଓ ସୋସ...

ସିଭିଲ ସର୍ଭିସ ହକି: ଓଡ଼ିଶା ମହିଳା ଦଳ ଫାଇନାଲରେ

କନକ ବ୍ୟୁରୋ: ନୂଆଦିଲ୍ଲୀରେ ଚାଲିଥିବା ଅଲ୍ ଇଣ୍ଡିଆ ସିଭିଲ୍ ସର୍ଭିସ୍ ହକି (ପୁରୁଷ ଓ ମହିଳା) ପ୍ରତିଯୋଗିତାରେ ଓଡ଼ିଶା ସଚିବାଳୟ ମହିଳା ଦଳ ଉତ୍କୃଷ୍ଟ ପ୍ରଦର୍ଶନ କରି ଫାଇନାଲ୍‌ରେ ପ୍ରବେଶ କରିଛି । ଶୁକ୍ରବାର ସେମିଫାଇନାଲ୍‌ରେ ଓଡ଼ିଶା ୧୦-୧ ଗୋଲ୍‌ରେ ଦିଲ୍ଲୀକୁ ପରାସ୍ତ କରିଛି । ଓଡ଼ିଶା ଶନିବାର ଫାଇନାଲ୍‌ରେ କେନ୍ଦ୍ରୀୟ ସଚିବାଳୟ ସହିତ ମୁହାଁମୁହିଁ ହେବ । ଏହା ପୂର୍ବରୁ ଲିଗ୍ ପର୍ଯ୍ୟାୟରେ ଓଡ଼ିଶା ଦମଦାର୍‌ ପ୍ରଦର୍ଶନ କରି ପାଞ୍ଚଟି ଲଗାତାର ବିଜୟ ହାସଲ କରିଥିଲା । ପ୍ରଥମ ମ୍ୟାଚ୍‌ରେ ମହାରାଷ୍ଟ୍ରକୁ ୧୧–୦ରେ, ଦ୍ୱିତୀୟରେ ହରିୟାଣାକୁ ୩-୦ରେ, ତୃତୀୟରେ ଛତିଶଗଡ଼କୁ ୭-୧ରେ, ଚତୁର୍ଥରେ ରାଜସ୍ଥାନକୁ ୯-୦ରେ ଏବଂ ପଞ୍ଚମରେ ବିହାରକୁ ୬–୦ ଗୋଲ୍‌ରେ ପରାସ୍ତ କରି ସେମିଫାଇନାଲ୍‌ରେ ପହଞ୍ଚିଥିଲା ଓଡ଼ିଶା । ଏହା ବି ପଢ଼ନ୍ତୁ; ଜାତୀୟ କରାଟେ: ଓଡ଼ିଶାକୁ ଆଉ ୨ ସ୍ୱର୍ଣ୍ଣ ଓଡ଼ିଶା ଦଳରେ ବିମଳା ବାରୱା, ଖୁସବୁ କୁଜୁର, ଅସ୍ମିତା ବାର୍ଲା, ପ୍ରେମାଞ୍ଜଳି ଟପ୍ପୋ, ରାହିଲ ତିର୍କି, ଜାହ୍ନବୀ ପ୍ରଧାନ, ଲକ୍ଷ୍ମୀ ଏକ୍କା, ନେହା ଲାକ୍ରା, ଦୀପ୍ତି ଲାକ୍ରା, ପ୍ରେମିତା ବାରା, ଫ୍ଲୋରେନ୍ସିଆ ଏକ୍କା, ସରସ୍ୱତୀ ଓରାମ, ରୋଜିତା କୁଜୁର, ସୁଜାତା ଏକ୍କା, ଉମା ଲାକ୍ରା, ଲୁସିଲା ଏକ୍କା, ମେରୀ ଫ୍ଲୋରିଟା ଏକ୍କା, କୁମୁଦିନୀ ଲାକ୍ରା ଅଛନ୍ତି । ଦଳର ମ୍ୟାନେଜର ତଥା କୋଚ୍‌ ଭାବେ ପ୍ରୀତି ତିର୍କି ଦାୟିତ୍ୱ ବହନ କରୁଛନ୍ତି ।

‘କିଟ୍‌’ରେ ଏଫ୍‍ଆଇଭିବି ବିଶ୍ୱ ବିଚ୍‍ ଭଲିବଲ୍‍ ୪ରୁ, ଭାଗନେବେ ୫୨ ଦେଶର ୮୨ ଦଳ

କନକ ବ୍ୟୁରୋ: ମାର୍ଚ୍ଚ ୪ରୁ ୮ ତାରିଖ ପର୍ଯ୍ୟନ୍ତ କିଟ୍ ବିଶ୍ୱବିଦ୍ୟାଳୟଠାରେ ଏଫ୍‍ଆଇଭିବି ବିଶ୍ୱ ବିଚ୍‍ ଭଲିବଲ୍‍ ପ୍ରତିଯୋଗିତା (ପୁରୁଷ ଓ ମହିଳା) ହେବାକୁ ଯାଉଛି । ଏହି ପ୍ରତିଯୋଗିତା ପ୍ରଥମ ଥର ଲାଗି ଭାରତ ବିଶେଷ କରି ଓଡ଼ିଶାର କିଟ୍‍ ବିଶ୍ୱବିଦ୍ୟାଳୟରେ ଅନୁଷ୍ଠିତ ହେବାକୁ ଯାଉଛି । ଏଥିରେ ୫୨ ଦେଶରୁ ୮୨ ଦଳ ଅଂଶଗ୍ରହଣ କରିବେ । ଏହି ପ୍ରତିଯୋଗିତାରେ ଅଲିମ୍ପିକ୍ସ ସ୍ୱର୍ଣ୍ଣପଦକ ବିଜେତାଙ୍କ ସମେତ ୩୦୬ ଖେଳାଳି ଓ ଅଫିସିଆଲ୍‍ ଯୋଗଦେବେ । ଏଥିପାଇଁ କିଟ୍‍ ବିଶ୍ୱବିଦ୍ୟାଳୟରେ ବ୍ୟାପକ ଆୟୋଜନ କରାଯାଇଛି । ଦୂତି ଚାନ୍ଦ ଆଥ୍‌ଲେଟିକ୍‍ ଷ୍ଟାଡିୟମ୍‌ରେ ଏଥିପାଇଁ ସମସ୍ତ ପ୍ରସ୍ତୁତ ସରିଛି । କିଟ୍‍ ଓ କିସ୍‍ ପ୍ରତିଷ୍ଠାତା ଅଚ୍ୟୁତ ସାମନ୍ତଙ୍କ ପ୍ରତ୍ୟକ୍ଷ ତତ୍ତ୍ୱାବଧାନରେ ସମସ୍ତ ପ୍ରକାର ପ୍ରସ୍ତୁତି କାର୍ଯ୍ୟ ଆଗେଇ ଚାଲିଛି । ଖେଳାଳି ଓ ଅଫିସିଆଲ୍‍ମାନଙ୍କ ସୁରକ୍ଷାକୁ ଦୃଷ୍ଟିରେ ରଖି ସେମାନଙ୍କ ରହିବା ଓ ଆତିଥ୍ୟ ଯେଭଳି ସୁବିଧାଜନକ ହୋଇପାରିବ ସେଥିପାଇଁ ଶ୍ରୀ ସାମନ୍ତ ଆବଶ୍ୟକ ପରାମର୍ଶ ଦେଇଛନ୍ତି । ଏହା ବି ପଢ଼ନ୍ତୁ: ମାର୍ଚ୍ଚ ୨୮ରୁ ଆଇପିଏଲ୍‌, ମେ’ ୩୧ରେ ଫାଇନାଲ୍‌ ଗତ ଡିସେମ୍ବର ମାସରେ କିଟ୍‍ ଓ କିସ୍‍ ରେ ଅନୁଷ୍ଠିତ ଭଲିବଲ୍‍ ମହାକୁମ୍ଭରେ ଯୋଗଦେବା ଅବସରରେ ଏଫ୍‌ଆଇଭିବି ସଭାପତି ଫାବିଓ ଆଜେଭେଦୋ ଏ ବିଷୟରେ ଘୋଷଣା କରିଥିଲେ । କିଟ୍‍ ଓ କିସ୍‌ରେ ବ୍ୟାପକ ସୁବିଧା ଓ ଓଡ଼ିଶାର ମନୋରମ ପରିବେଶକୁ ଦୃଷ୍ଟିରେ ରଖି ୨୦୨୬, ୨୦୨୭ ଓ ୨୦୨୮ ଲଗାତାର ୩ ବର୍ଷ ଧରି କିଟ୍‍ ଓ କିସ୍‍ ସହଯୋଗରେ ଓଡ଼ିଶାରେ ଏଫ୍‍ଆଇଭିବି ବିଚ୍‍ ଭଲିବଲ୍‍ ଆୟୋଜିତ ହେବ ବୋଲି ଫାବିଓ ଘୋଷଣା କରିଥିଲେ । ଏହି ଅବସରରେ ଶ୍ରୀ ସାମନ୍ତ କହିଛନ୍ତି, ଆମେ ସବୁବେଳେ କ୍ରୀଡ଼ା ଓ କ୍ରୀଡ଼ାବିତ୍‌ଙ୍କ ବିକାଶ ନିମନ୍ତେ କାର୍ଯ୍ୟ କରିଆସୁଛୁ । ଭଲିବଲ୍‍ ଏକ ଗ୍ରାମାଞ୍ଚଳ ଓ ଅଲିମ୍ପିକ୍‍ କ୍ରୀଡ଼ା ହୋଇଥିବାରୁ ଏହାର ବିକାଶ ପାଇଁ ଗତ ୮ବର୍ଷ ଧରି କିଟ୍‍ ଓ କିସ୍‍ ପକ୍ଷରୁ ଲଗାତାର ଉଦ୍ୟମ ଜାରି ରହିଛି । ପାରମ୍ପରିକ ଭଲିବଲ୍‍ ସାଧାରଣତଃ ଗ୍ରାମାଞ୍ଚଳରେ ଖେଳାଯାଇଥାଏ । ମାତ୍ର ଏଥିରେ ଅଲିମ୍ପିକ୍‌ରେ ସୁଯୋଗ ପାଇବା କଷ୍ଟକର । କିନ୍ତୁ ବିଚ୍‍ ଭଲିବଲ୍‍ ଯେହେତୁ ୨ଜଣଙ୍କୁ ନେଇ ଖେଳାଯାଏ ଏବଂ ଓଡ଼ିଶାର ବ୍ୟାପକ ବେଳଭୂମି ରହିଛି, ଏହାକୁ ଦୃଷ୍ଟିରେ ରଖି ଆମେ ଏହି ଯୋଜନା କରିଛୁ । ଖୁବ୍‍ ଶୀଘ୍ର ଭାରତୀୟ ବିଚ୍‍ ଭଲିବଲ୍‍ ଦଳ ଅଲିମ୍ପିକ୍ସରେ ସୁଯୋଗ ପାଇବ ବୋଲି ଆମେ ଆଶା ରଖିଛୁ ବୋଲି ଶ୍ରୀ ସାମନ୍ତ କହିଛନ୍ତି । ଏହା ଫଳରେ ବିଶ୍ୱରେ ଓଡ଼ିଶାର ଭାଗମୂର୍ତ୍ତୀ ଆହୁରି ବୃଦ୍ଧିପାଇବା ସହ ରର୍ୟେରେ ପର୍ଯ୍ୟଟନର ପ୍ରଭୂତ ବିକାଶ ହେବ ବୋଲି ଶ୍ରୀ ସାମନ୍ତ ପ୍ରକାଶ କରିଛନ୍ତି ।

ହକି ବିଶ୍ୱକପ୍‌ରେ ବନୀକରଣ ବାର୍ତ୍ତା: ଗୋଲ୍ ପିଛା ୧୦୦ ଗଛ

କନକ ବ୍ୟୁରୋ: ସାମାଜିକ ଦାୟିତ୍ବବୋଧ ତଥା ନିରନ୍ତର ପରିବେଶ ଅନୁକୂଳ ବିକାଶର ପ୍ରତିବଦ୍ଧତା ପରିପ୍ରେକ୍ଷୀରେ ହକି ଇଣ୍ଡିଆ ଏକ ଅଭିନବ ପ୍ରୟାସ ଆରମ୍ଭ କରିଛି । ତେଲେଙ୍ଗାନାର ହାଇଦ୍ରାବାଦଠାରେ ଆୟୋଜିତ ହେବାକୁ ଥିବା ହକି ବିଶ୍ବକପ୍‌ ଯୋଗ୍ୟତା ପର୍ଯ୍ୟାୟ ଅବସରରେ ବନୀକରଣ ତଥା ପରିବେଶ ସୁରକ୍ଷାର ଜନହିତକର ବାର୍ତ୍ତା ଦେବାକୁ ‘ଆଡପ୍ଟଟ୍ରୀ’ ନାମକ ସ୍ବେଚ୍ଛାସେବୀ ସଂଗଠନ ସହ ସହବନ୍ଧନ କରିଛି । ଏହି ପ୍ରତିଯୋଗିତା ମାର୍ଚ୍ଚ ୮ରୁ ଆରମ୍ଭ ହୋଇ ୧୪ ତାରିଖରେ ଶେଷ ହେବ । ୭ ଦିନର ଖେଳରେ ହେବାକୁ ଥିବା ପ୍ରତି ପେନାଲ୍ଟି କର୍ଣ୍ଣର ପାଇଁ ‘ଆଡପ୍ଟଟ୍ରୀ’ ୫୦ ଗଛ ଲଗାଇବ । ସେହିଭଳି ଗୋଟିଏ ଗୋଟିଏ ଗୋଲ୍‌ ପାଇଁ ୧୦୦ ଲେଖାଏଁ ବୃକ୍ଷ ରୋପଣ କରିବ । ଏହି ଅନନ୍ୟ ସବୁଜ ଅଭିଯାନ ମାଧ୍ୟମରେ ପରିବେଶ ସୁରକ୍ଷାରେ ଜଙ୍ଗଲ ତଥା ସବୁଜିମାର ସକାରାତ୍ମକ ପ୍ରଭାବ ଏବଂ ଏହାର ସୁଫଳକୁ ଲୋକଙ୍କ ପାଖ‌ରେ ପହଞ୍ଚାଇବେ ‘ହକି ଇଣ୍ଡିଆ’ ଓ ‘ଆଡପ୍ଟଟ୍ରୀ’ । ଏହି ଗଛଗୁଡ଼ିକ ତେଲେଙ୍ଗାନା, ନାଗାଲାଣ୍ଡ ଓ ଅରୁଣାଚଳପ୍ରଦେଶ ଲଗାଯିବ । ଯାହା ପରିବେଶଗତ ପୁନରୁଦ୍ଧାର ଏବଂ ସବୁଜ ଆଚ୍ଛାଦନ ବିସ୍ତାର ଦିଗରେ ଏକ ମାଇଲ୍‌ଖୁଣ୍ଟ ସାବ୍ୟସ୍ତ ହେବ । ଏହା ବି ପଢ଼ନ୍ତୁ: ମାର୍ଚ୍ଚ ୨୮ରୁ ଆଇପିଏଲ୍‌, ମେ’ ୩୧ରେ ଫାଇନାଲ୍‌ ଏଭଳି ପ୍ରୟାସର ମୂଳ ଲକ୍ଷ୍ୟ ହେଉଛି ଏକ ସ୍ଥାୟୀ ପରିବେଶଗତ ଐତିହ୍ୟ ସୃଷ୍ଟି କରିବା ସହିତ ଖେଳାଳି, ପ୍ରଶଂସକ ଓ ସମ୍ପ୍ରଦାୟ ମଧ୍ୟରେ ପରିବେଶ ବିକାଶର ସଚେତନତାକୁ ପ୍ରୋତ୍ସାହିତ କରିବା । ଏହି ଅଭିଯାନ ମଧ୍ୟ ଅନ୍ତର୍ଜାତୀୟ ହକି ମହାସଂଘର ‘ଜଙ୍ଗଲକୁ ଫେରାଇବା’ ଅଭିଯାନକୁ ଆହୁରି ସୁଦୃଢ଼ କରିବ । ଏହି ଅଭିଯାନ ଅନ୍ତର୍ଗତ ଭାରତ, ଚୀନ, ଓମାନ, ପୋଲାଣ୍ଡ, ଦକ୍ଷିଣ ଆଫ୍ରିକା ଓ ଉରୁଗୁଏ ଭଳି ଦେଶରେ ଏଫ୍‌ଆଇଏଚ୍‌ ଭିନ୍ନ ଭିନ୍ନ ସ୍ବେଚ୍ଛାସେବୀ ସଂଗଠନକୁ ସାଥୀ କରି ହଜାର ହଜାର ବୃକ୍ଷରୋପଣ କରିସାରିଲାଣି । ଏହି ବିଷୟରେ ପ୍ରତିକ୍ରିୟା ପ୍ରକାଶ କରି ହକି ଇଣ୍ଡିଆ ସଭାପତି ଦିଲୀପ ତିର୍କି କହିଛନ୍ତି, ହକି ସବୁବେଳେ ଦଳଗତ ଭାବନା, ଦାୟିତ୍ବବୋଧ, ସମ୍ମାନ ଓ ନାଗରିକ ମୂଲ୍ୟକୁ ଗୁରୁତ୍ବ ଦେଇ ଆସିଛି । ଯାହା ହକି ପଡ଼ିଆ ବାହରକୁ ମଧ୍ୟ ପରିବର୍ଦ୍ଧିତ । ବିଶ୍ବକପ୍‌ର ପରିବେଶ ବିକାଶ ସାଥୀ ଭାବେ ‘ଆଡପ୍ଟଟ୍ରୀ’କୁ ପାଇ ଆମେ ବହୁତ ଉଲ୍ଲସିତ । ଗୋଲ୍‌ ଓ କର୍ଣ୍ଣର ସହ ବୃକ୍ଷରୋପଣକୁ ଯୋଡ଼ି ଏଫ୍‌ଆଇଏଚ୍‌ କ୍ରୀଡ଼ା ସଫଳତାକୁ ଏକ ସ୍ଥାୟୀ ପରିବେଶଗତ ଐତିହ୍ୟ ସୃଷ୍ଟି କରିବାକୁ ଲକ୍ଷ୍ୟ ରଖିଛି । ସଂପାଦକ ଭୋଳାନାଥ ସିଂହ ମଧ୍ୟ ଏଫ୍‌ଆଇଏଚ୍‌ର ଏହି ପଦକ୍ଷେପକୁ ପ୍ରଶଂସା କରିଛନ୍ତି । ସୂଚାନଯୋଗ୍ୟ ଯେ ଏଫ୍‌ଆଇଏଚ୍‌ ହକି ବିଶ୍ବକପ୍‌ ଯୋଗ୍ୟତା ପର୍ଯ୍ୟାୟରେ ଆୟୋଜକ ଭାରତ ସହ ଇଂଲଣ୍ଡ, ସ୍କଟଲାଣ୍ଡ, କୋରିଆ, ଇଟାଲି, ଉରୁଗୁଏ, ୱେଲ୍‌ସ ଓ ଅଷ୍ଟ୍ରିଆ ଭଳି ଦେଶ ଅଂଶଗ୍ରହଣ କରିବେ । ଏଥିରୁ ବେଲଜିୟମ ଓ ନେଦରଲାଣ୍ଡ୍‌ସରେ ଚଳିତବର୍ଷ ଖେଳାଯିବାକୁ ଥିବା ହକି ବିଶ୍ବକପ୍‌ ଲାଗି ତିନିଟି ଦଳ ଯୋଗ୍ୟତା ଅର୍ଜନ କରିବେ ।

ମାର୍ଚ୍ଚ ୨୮ରୁ ଆଇପିଏଲ୍‌, ମେ’ ୩୧ରେ ଫାଇନାଲ୍‌

କନକ ବ୍ୟୁରୋ: ଆଇପିଏଲ୍‌-୨୦୨୬ ଆସନ୍ତା ମାର୍ଚ୍ଚ ୨୮ରୁ ଆରମ୍ଭ ହେବ । ମେ ୩୧ରେ ଏହି ଚର୍ଚ୍ଚିତ ତଥା ଲୋକପ୍ରିୟ ଲିଗ୍‌ର ଫାଇନାଲ୍‌ ଖେଳାଯିବ । ପୂର୍ବରୁ ଆଇପିଏଲ୍‌ ମାର୍ଚ୍ଚ ୨୬ରୁ ଆରମ୍ଭ ହେବ ବୋଲି ଚର୍ଚ୍ଚା ହେଉଥିଲା । ତେବେ କେତେକ ଅନିର୍ବାଜ୍ୟ କାରଣ ପାଇଁ ଏହାକୁ କିନ୍ତୁ ଦୁଇ ଦିନ ଆଗକୁ ଘୁଞ୍ଚାଇ ଦିଆଯାଇଥିବା ଜଣାପଡ଼ିଛି । ଏବେ ସୁଦ୍ଧା କିନ୍ତୁ ବିସିସିଆଇ ଆଇପିଏଲ୍‌ର ସମ୍ଭାବ୍ୟ ସୂଚୀକୁ ନେଇ କୌଣସି ଅନୁଷ୍ଠାନିକ ସୂଚନା ଦେଇନାହିଁ । ଏହା ବି ପଢ଼ନ୍ତୁ: ଦିନିକିଆ ଶୃଙ୍ଖଳା ହାରିଲା ଭାରତୀୟ ମହିଳା ଦଳ: ଅଷ୍ଟ୍ରେଲିଆ ୨-୦ରେ ଜିତିଲା ସୂଚନା ଅନୁସାରେ ଏହି ନିଷ୍ପତ୍ତିକୁ ଅନୁମୋଦନ କରିବାକୁ ଆସନ୍ତା ସପ୍ତାହରେ ଆଇପିଏଲ୍‌ ପରିଚାଳନା ପରିଷଦର ଏକ ଗୁରୁତ୍ବପୂର୍ଣ୍ଣ ବୈଠକ ବସିବାକୁ ଯାଉଛି । ସେହିଭଳି ଏହି ବୈଠକରେ ମଧ୍ୟ ପ୍ରସ୍ତାବିତ ପୂରା ସୂଚୀ ଉପରେ ଆନୁଷ୍ଠାନିକ ମୋହର ବାଜିବ । ଏହା ପରେ ଯାଇ ଏହାର ଘୋଷଣା କରାଯିବ । ଆସାମ, ପଶ୍ଚିମବଙ୍ଗ ଓ ତାମିଲନାଡ଼ୁ ବିଧାନସଭା ନିର୍ବାଚନ ତାରିଖ ଘୋଷଣା ହେବାର ଥିବାରୁ ଏହାକୁ ଆଖି ଆଗରେ ରଖି ସୂଚୀରେ ଆଉ କିଛି ଅଦଳ ବଦଳ ହେବାର ମଧ୍ୟ ସମ୍ଭାବନା ରହିଛି ।

କଳାହାଣ୍ଡି କପ: ସାହିଲଙ୍କ ଶତକ; ସର୍ବେଶ୍ବର, ସୁବୀର, ଆଶିଷଙ୍କୁ ୬ ୱିକେଟ୍‌ ସଫଳତା

କନକ ବ୍ୟୁରୋ: ଚଳିତ କଳାହାଣ୍ଡି କପ୍‌ରେ ଶୁକ୍ରବାର ଭଦ୍ରକ, ଭୁବନେଶ୍ବର ‘ବି’, ଅନୁଗୁଳ, ବାଲେଶ୍ବର, ରାଉରକେଲା, ନୂଆପଡ଼ାୋ, ପାରାଦୀପ, ରାୟଗଡ଼ା ନିଜ ନିଜ ମ୍ୟାଚ୍‌ ଜିତିଛନ୍ତି । ଭଦ୍ରକର ସାହିଲ ଖାନ୍‌ଙ୍କ ଶତକ ଅର୍ଜନ କରିଥିଲା ବେଳେ ବାଲେଶ୍ୱରର ସର୍ବେଶ୍ବର ମହାନ୍ତି, ନୂଆପଡ଼ାର ମାଇକେଲ ସୁବୀର ଓ ରାୟଗଡ଼ାର ଆଶିଷ କୁମାର ସେଠୀଙ୍କ ୬ ୱିକେଟ୍‌ ସଫଳତା ଆଜିର ଉଲ୍ଲେଖନୀୟ ବିଷୟ ଥିଲା । ଏହା ବି ପଢ଼ନ୍ତୁ: ଦିନିକିଆ ଶୃଙ୍ଖଳା ହାରିଲା ଭାରତୀୟ ମହିଳା ଦଳ: ଅଷ୍ଟ୍ରେଲିଆ ୨-୦ରେ ଜିତିଲା ଡ୍ରିମ୍‌ସ କ୍ରିକେଟ୍‌ ପଡ଼ିଆରେ ଭଦ୍ରକ ୨୦୮ ରନ୍‌ରେ ମୟୂରଭଞ୍ଜକୁ ପରାସ୍ତ କରିଛି । ସାହିଲ ଖାନ (୧୦୩)ଙ୍କ ଶତକ ଓ ଆକାଶ ମହାପାତ୍ର (୮୭)ଙ୍କ ଅର୍ଦ୍ଧଶତକ ବଳରେ ଭଦ୍ରକ ୩୦୩/୫ କରିଥିଲା । ଜବାବରେ ମୟୂରଭଞ୍ଜ ୨୬.୨ ଓଭରରେ ସମସ୍ତ ୱିକେଟ୍‌ ହରାଇ ୯୫ ରନ୍‌ କରିବକୁ ସକ୍ଷମ ହୋଇଥିଲା । ନିହାର ବି ଭୂୟାଁ ୩/୩୨ ଶ୍ରେଷ୍ଠ ଖେଳାଳି ପୁରସ୍କାର ପାଇଥିଲେ । ସନ୍‌ସାଇନ୍‌ ପଡ଼ିଆରେ ଭୁବନେଶ୍ବର ‘ବି’ ୭ ୱିକେଟ୍‌ରେ ବରଗଡ଼କୁ ହରାଇଛି । ବରଗଡ଼ ୪୯.୩ ଓଭାରେ ୨୧୯ କରିଥିଲା ବେଳେ ଭୁବନେଶ୍ବର ‘ବି’ ୩୮.୧ ଓଭରରେ ୩ ୱିକେଟ୍‌ ହରାଇ ମ୍ୟାଚ୍‌ ଜିତି ନେଇଥିଲା । ଭୁବନେଶ୍ବରର ଦେବାଶିଷ ସାମନ୍ତରାୟ (୮୪) ଶ୍ରେଷ୍ଠ ଖେଳାଳି ବିବେଚିତ ହୋଇଥିଲେ । ଏମ୍‌ଜିଏମ୍‌ ଗ୍ରାଉଣ୍ଡ୍‌ରେ ଅନୁଗୁଳ (୮୯/୭) ୩ ୱିକେଟ୍‌ରେ ପୁରୀ (୮୮/୧୦)କୁ ପରାସ୍ତ କରିଛି । ଅଲ୍‌ରାଉଣ୍ଡ୍‌ ପ୍ରଦର୍ଶନ ପାଇଁ ଅନୁଗୁଳର ରୋହିତ କୁମାର ପ୍ରଧାନ (୨/୪, ୧୭* ରନ୍‌)ଙ୍କୁ ଶ୍ରେଷ୍ଠ ଖେଳାଳି ପୁରସ୍କାର ମିଳିଥିଲା । ସେଞ୍ଚୁରିଅନ୍‌ ବିଶ୍ବବିଦ୍ୟାଳୟ ଗ୍ରାଉଣ୍ଡରେ ବାଲେଶ୍ବର ୯୮ ରନ୍‌ରେ ଜଗତସିଂହପୁରକୁ ହରାଇଛି । ବାଲେଶ୍ବର ୩୧୪/୬ କରିଥିଲା ବେଳେ ଜଗତସିଂହପୁର ୨୧୬/୮ରେ ଅଟକିଯାଇଥିଲା । ବାଲେଶ୍ବରର ସର୍ବେଶ୍ବର ମହାନ୍ତି (୭୪ ରନ୍, ୬/୩୧) ଶ୍ରେଷ୍ଠ ଖେଳାଳି ପୁରସ୍କାର ପାଇଥିଲେ । ରେଭେନ୍‌ସା ଗ୍ରଉଣ୍ଡ-୧ରେ ରାଉରକେଲା ୧୭୨ ରନ୍‌ରେ କନ୍ଧମାଳକୁ ହରାଇଛି । ରାଉରକେଲା ୪୬.୪ ଓଭରରେ ୨୪୩ ରନ୍‌ କରିଥିଲା । ଜବାବରେ କନ୍ଧମାଳ ୩୦.୧ ଓଭରରେ ୭୧ ରନ୍‌ରେ ଅଲ୍‌ଆଉଟ୍‌ ହୋଇଯାଇଥିଲା । ରାଉରକେଲାର କୌଶିକ ମାଣିକପୁରି (୫/୨୧) ଶ୍ରେଷ୍ଠ ଖେଳାଳି ବିବେଚିତ‌ ହୋଇଥିଲେ । ଗ୍ରାଉଣ୍ଡ-୨ରେ କଟକ ‘ଏ’ ୧୧୭ ରନ୍‌ରେ ଗଞ୍ଜାମକୁ ପରାସ୍ତ କରିଛି । କଟକ ଦଳର ୨୬୦/୯ ଜବାବରେ ଗଞ୍ଜାମ ୧୪୩/୧୦ରେ ଅଟକିଯାଇଥିଲା । ଅଡ଼ଶପୁର ଗ୍ରାଉଣ୍ଡରେ ନୂଆପଡ଼ା ୩ ୱିକେଟ୍‌ରେ କଳାହାଣ୍ଡିକୁ ପରାସ୍ତ କରିଛି । କଳାହାଣ୍ଡି ୩୪.୪ ଓଭରରେ ୧୩୭/୧୦ କରିଥିଲା ବେଳେ ନୂଆପଡ଼ା ୨୫.୫ ଓଭରରେ ୭ ୱିକେଟ୍‌ ହରାଇ ମ୍ୟାଚ୍‌ ଜିତି ନେଇଥିଲା । ନୂଆପଡ଼ାର ମାଇକେଲ ସୁବୀର (୬/୩୧, ୪୨ ରନ୍‌) ଶ୍ରେଷ୍ଠ ଖେଳାଳି ପୁରସ୍କାର ପାଇଥିଲେ । ଜଟଣୀ ରେଳବାଇ ପଡ଼ିଆରେ ପାରାଦୀପ ୧୭୦ ରନ୍‌ରେ ଗଜପତିକୁ ମାତ୍‌ ଦେଇଛି । ପାରାଦୀପ ୨୬୩/୯ କରିଥିଲା ବେଳେ ଗଜପତି ୨୫.୪ ଓଭରରେ ୯୩ ରନ୍‌ରେ ଅଲ୍‌ଆଉଟ୍‌ ହୋଇଯାଇଥିଲା । ପାରାଦୀପର ପ୍ରକାଶ ଜେନା (୫/୮)ଙ୍କୁ ଶ୍ରେଷ୍ଠ ଖେଳାଳି ପୁରସ୍କାର ମିଳିଥିଲା । ଖୋର୍ଦ୍ଧା ବିଜେବି ସ୍କୁଲ୍‌ ପଡ଼ିଆରେ ରାୟଗଡ଼ା ୬ ୱିକେଟ୍‌ରେ କିଟ୍‌କୁ ପରାସ୍ତ କରିଛି । କିଟ୍‌ ୨୩ ଓଭରରେ ୯୨ ରନ୍‌ରେ ଅଲ୍‌ଆଉଟ୍‌ ହୋଇଥିଲା ବେଳେ ରାୟଗଡ଼ା ୧୭.୪ ଓଭରରେ ୪ ୱିକେଟ୍‌ ହରାଇ ବିଜୟ ଲକ୍ଷ୍ୟ ହାସଲ କରି ନେଇଥିଲା । ରାୟଗଡ଼ାର ଆଶିଷ କୁମାର ସେଠୀ (୬/୩୦) ଶ୍ରେଷ୍ଠ ଖେଳାଳି ବିବେଚିତ ହୋଇଥିଲେ ।

ଆକଳନ ଠାରୁ ଭଲ ପ୍ରଦର୍ଶନ କଲ ଦେଶର ଜିଡିପି: ୭.୮% ରହିଲା ଗ୍ରୋଥ ରେଟ୍

ନୂଆଦିଲ୍ଲୀ:ଶେୟାର ମାର୍କେଟ୍ ଲଗାତର ହ୍ରାସ ହେଉଥିବା ବେଳେ ଦେଶର ଅର୍ଥନୀତିକୁ ନେଇ ଆସିଛି ବଡ଼ ଖବର। ଆକଳନ ଠାରୁ ଭଲ ପ୍ରଦର୍ଶନ କଲା ଜିଡିପି ଅଭିବୃଦ୍ଧି। ଆର୍ଥିକ ବର୍ଷ ୨୦୨୫-୨୬ ର ତୃତୀୟ ତ୍ରୈମାସିକ (ଅକ୍ଟୋବର-ଡିସେମ୍ବର)ରେ ଜିଡିପି...

ଦିନିକିଆ ଶୃଙ୍ଖଳା ହାରିଲା ଭାରତୀୟ ମହିଳା ଦଳ: ଅଷ୍ଟ୍ରେଲିଆ ୨-୦ରେ ଜିତିଲା

କନକ ବ୍ୟୁରୋ: ଅଷ୍ଟ୍ରେଲିଆ ଗସ୍ତରେ ଥିବା ଭାରତୀୟ ମହିଳା ଦଳ ଘରୋଇ ଦଳ ବିପକ୍ଷ ଦିନିକିଆ ଶୃଙ୍ଖଳା ହାତଛଡ଼ା କରିଛି । ଏହି ଗସ୍ତରେ ୩ ମ୍ୟାଚ୍‌ ବିଶିଷ୍ଟ ଟ୍ବେଣ୍ଟି-୨୦ ଶୃଙ୍ଖଳାକୁ ୨-୧ରେ ଜିତିଥିବା ଭାରତ ୩ ମ୍ୟାଚ୍‌ ବିଶିଷ୍ଟ ଦିନିକିଆ ଶୃଙ୍ଖଳାରେ ୦-୨ରେ ପଛୁଆ ରହିଛି । ଶୁକ୍ରବାର ଏଠାରେ ଖେଳାଯାଇଥିବା ଦ୍ବିତୀୟ ଦିନିକିଆକୁ ଘରୋଇ ଦଳ ୫ ୱିକେଟ୍‌ରେ ଜିତି ଶୃଙ୍ଖଳାକୁ ୨-୦ରେ ଆଗୁଆ ଜିତିନେଇଛି । ତୃତୀୟ ତଥା ଶେଷ ଦିନିକିଆ ରବିବାର ଖେଳାଯିବ । ଏହା ବି ପଢ଼ନ୍ତୁ: ରଣଜୀ ଟ୍ରଫି ଫାଇନାଲ୍‌: ମାଇଲ୍‌ଖୁଣ୍ଟ ଦ୍ୱାରରେ ଜମ୍ମୁ କାଶ୍ମୀର ଶୁକ୍ରବାର ଟସ୍‌ ଜିତି ପ୍ରଥମେ ବ୍ୟାଟିଂ କରିଥିବା ଭାରତ ପ୍ରତୀକା ରାୱଲ (୫୨, ୮୧ ବଲ୍‌, ୬ ଚୌକା) ଓ ଅଧିନାୟିକା ହର୍‌ମନପ୍ରୀତ କୌର (୫୪, ୭୦ ବଲ୍‌, ୨ ‌ଚୌକା, ୧ ଛକା)ଙ୍କ ଅର୍ଦ୍ଧଶତକ ବଳରେ ୯ ୱିକେଟ୍‌ ହରାଇ ୨୫୧ ରନ୍‌ କରିଥିଲା । ପ୍ରତୀକା ଓ ସ୍ମୃତି ମନ୍ଧାନା (୩୧) ପ୍ରଥମ ୱିକେଟ୍‌ରେ ୭୮ ରନ୍‌ ଯୋଡ଼ି ଭଲ ଆରମ୍ଭ ଦେଇଥିଲେ । ହେଲେ ଭାରତୀୟ ବ୍ୟାଟର୍‌ ଖରାପ ସଟ୍‌ ଖେଳିବାରୁ ଦଳ ଲଗାତାର ୱିକେଟ୍‌ ହରାଇ ବଡ଼ ସ୍କୋର୍‌ କରିପାରି ନଥିଲା । ହର୍‌ମନପ୍ରୀତଙ୍କ ସହ ଗୌତମ କାସ୍‌ଭି (୨୫) ସପ୍ତମ ୱିକେଟ୍‌ରେ ଉପଯୋଗୀ ୫୫ ରନ୍‌ ଯୋଡ଼ିବାରୁ ଦଳ ଏହି ସମ୍ମାନଜନକ ସ୍କୋର୍‌ କରିପାରିଥିଲା । ରିଚା ଘୋଷ ୧୯ ବଲ୍‌ରୁ ୨୨ ଓ କ୍ରାନ୍ତି ଗୌଡ଼ ୧୫ ବଲ୍‌ରୁ ୧୯ ରନ୍‌ କରିଥିଲେ । ଅଷ୍ଟ୍ରେଲିଆ ପକ୍ଷରୁ ଆସ୍‌ଲେ ଗାର୍ଡନର, ଆନ୍ନାବେଲ ସଦରଲାଣ୍ଡ ଓ ଆଲାନା କିଙ୍ଗ୍‌ ୨‌ ଲେଖାଏଁ ୱିକେଟ୍‌ ନେଇଥିଲେ । ଜବାବରେ ଅଷ୍ଟ୍ରେଲିଆ ୨୧ ରନ୍‌ରେ ଅଧିନାୟକ ଆଲିସା ହିଲି (୬)ଙ୍କୁ ହରାଇ ସଙ୍କଟରେ ପଡ଼ିଥିଲା । ହେଲେ ଜର୍ଜିଆ ଭୋଲ୍‌ (୧୦୧, ୮୨ ବଲ୍‌, ୧୩ ଚୌକା, ୧ ଛକା)ଙ୍କ ବିସ୍ଫୋରକ ଶତକ ଏବଂ ଫୋଏବ ଲିଚ୍‌ଫିଲ୍ଡ (୮୦, ୬୨ ବଲ୍‌, ୧୧ ଚୌକା, ୧ ଛକା)ଙ୍କ ଅର୍ଦ୍ଧଶତକ ବଳରେ ଘରୋଇ ଦଳ ୮୩ ବଲ୍‌ ପୂର୍ବରୁ ୫ ୱିକେଟ୍‌ ହରାଇ ବିଜୟ ଲକ୍ଷ୍ୟରେ ପହଞ୍ଚି ଯାଇଥିଲା । ଭୋଲ୍‌ ଓ ଲିଚ୍‌ଫିଲ୍ଡ ଦ୍ବିତୀୟ ୱିକେଟ୍‌ରେ ୧୧୯ ଯୋଡ଼ିଥିଲେ । ଲିଚ୍‌ଫିଲ୍ଡଙ୍କ ଆଉଟ୍‌ ପରେ ବେଥ୍‌ ମୁନି (୩୧)ଙ୍କ ସହ ଭୋଲ୍‌ ୮୨ ରନ୍‌ର ଭାଗୀଦାର ଗଢ଼ି ଦଳର ବିଜୟ ସୁଗମ କରିଥିଲେ । ଶେଷରେ ଆସ୍‌ଲେ ଗାର୍ଡନର ୧୪ ବଲ୍‌ରୁ ୧୯* ରନ୍‌ର ଅପରାଜିତ ପାଳି ଖେଳି ବିଜୟ ମୁଣ୍ଡି ମାରିଥିଲେ । ଭାରତ ପକ୍ଷରୁ ଦୀପ୍ତି ଶର୍ମା ଓ କାସ୍‌ଭୀ ଗୌତମ ୨ ଲେଖାଏଁ ୱିକେଟ୍‌ ନେଇଥିଲେ । ଶତକୀୟ ପାଳି ପାଇଁ ଭୋଲ୍‌ଙ୍କୁ ମ୍ୟାଚ୍‌ର ଶ୍ରେଷ୍ଠ ଖେଳାଳି ପୁରସ୍କାର ମିଳିଥିଲା । ସଂକ୍ଷିପ୍ତ ସ୍କୋର୍‌: ଭାରତ ୫୦ ଓଭରରେ ୨୫୧/୯ (ହର୍‌ମନପ୍ରୀତ କୌର ୫୪, ପ୍ରତୀକା ରାୱଲ ୫୨, ସ୍ମୃତି ମନ୍ଧାନା ୩୧, ଆନ୍ନାବେଲ ସଦରଲାଣ୍ଡ ୨/୩୭, ଆସ୍‌ଲେ ଗାର୍ଡନର ୨/୩୯, ଆଲାନା କିଙ୍ଗ୍‌ ୨/୪୧) । ଅଷ୍ଟ୍ରେଲିଆ ୩୬.୧ ଓଭରରେ ୨୫୨/୫ (ଜର୍ଜିଆ ଭୋଲ୍‌ ୧୦୧, ଫୋଏବ ଲିଚ୍‌ଫିଲ୍ଡ ୮୦, ବେଥ ମୁନି ୩୧, ଦୀପ୍ତି ଶର୍ମା ୨/୩୨, କାସ୍‌ଭୀ ଗୌତମ ୨/୪୭) ।

ରଣଜୀ ଟ୍ରଫି ଫାଇନାଲ୍‌: ମାଇଲ୍‌ଖୁଣ୍ଟ ଦ୍ୱାରରେ ଜମ୍ମୁ କାଶ୍ମୀର

କନକ ବ୍ୟୁରୋ: ପ୍ରଥମ ଥର ରଣଜୀ ଟ୍ରଫି ଫାଇନାଲ୍‌ ଖେଳୁଥିବା ଜମ୍ମୁ କାଶ୍ମୀର ଟ୍ରଫି କରାୟତ୍ତ କରିବାର ନିକଟତର ହୋଇଛି । ହୁବଲିରେ ଚାଲିଥିବା ଶକ୍ତିଶାଳୀ କର୍ଣ୍ଣାଟକ ବିପକ୍ଷ ଫାଇନାଲ୍‌ରେ ଜମ୍ମୁ କାଶ୍ମୀର ପ୍ରଥମ ପାଳି ଅଗ୍ରଣୀ ନେଇ ଏହି ଆଶା ସଂଚାର କରିଛି । ମ୍ୟାଚ୍‌ ଆଉ ଗୋଟିଏ ଦିନ ଥିଲା ବେଳେ ଜମ୍ମୁ କଶ୍ମୀର ଦ୍ବିତୀୟ ପାଳିରେ ୪ ୱିକେଟ୍‌ ହରାଇ ୧୮୬ ରନ୍‌ରେ ବ୍ୟାଟିଂ ଜାରି ରଖିଛି । ଏଥିସହ ଦଳ ୪୭୭ ରନ୍‌ରେ ଆଗୁଆ ରହିଛି । କମରନ ଇକ୍‌ବାଲ (୯୪*) ଓ ସାହିଲ ‌ଲୋଟ୍‌ରା (୧୬*) ବ୍ୟାଟିଂ କରୁଛନ୍ତି । ଏହା ବି ପଢ଼ନ୍ତୁ: ଭାରି ପଡ଼ିବନି ତ ଏହି ଭୁଲ୍ ? ବର୍ଷା, ରନ୍ ରେଟ୍ ହାତରେ ଭାରତର ଭାଗ୍ୟ ପ୍ରଥମେ ବ୍ୟାଟିଂ କରିଥିବା ଜମ୍ମୁ କାଶ୍ମୀର ପ୍ରଥମ ପାଳିରେ ୫୮୪ ରନ୍‌ କରିଥିଲା । ଜବାବରେ ଘରୋଇ କର୍ଣ୍ଣାଟକ ୨୯୩ ରନ୍‌ରେ ଅଲ୍‌ଆଉଟ୍‌ ହୋଇଯାଇଥିଲା । ଗତକାଲିର ସ୍କୋର୍‌ ୨୨୦/୫ରୁ ଖେଳ ଆରମ୍ଭ କରିଥିବା କର୍ଣ୍ଣାଟକ ଶୁକ୍ରବାର ଏଥିରେ ମାତ୍ର ୭୩ ରନ୍‌ ଯୋଡ଼ି ଅବଶିଷ୍ଟ ୫ ୱିକେଟ୍‌ ହରାଇଥିଲା । ବୁଧବାର ୧୩୦ ରନ୍‌ରେ ବ୍ୟାଟିଂ କରୁଥିବା ମୟଙ୍କ ଅଗ୍ରୱାଲଙ୍କ ୧୬୦ ରନ୍‌ ଛଡ଼ା ଅନ୍ୟ କୌଣସି ବ୍ୟାଟର୍‌ ବଡ଼ ସ୍କୋର୍‌ କରି ନପାରିବାରୁ ଦଳ ୩୦୦ ଭିତରେ ସୀମିତ ରହିଥିଲା । ଜମ୍ମୁ କାଶ୍ମୀର ପକ୍ଷରୁ ଆକ୍ବିବ ନବି ୫ ୱିକେଟ୍‌ ସଫଳତା ପାଇଥିଲା ବେଳେ ସୁନୀଲ କୁମାର ଓ ଯୁଦ୍ଧବୀର ସିଂହ ୨ ଲେଖାଏଁ ୱିକେଟ୍‌ ନେଇଥିଲେ । ସଂକ୍ଷିପ୍ତ ସ୍କୋର୍‌: ଜମ୍ମୁ କାଶ୍ମୀର ପ୍ରଥମ ପାଳି ୧୭୩.୧ ଓଭରରେ-୫୮୪ (ଶୁଭମ ପୁନ୍ଦିର ୧୨୧, ୟାୱେର ହାସନ ୮୮, ସାହିଲ ‌ଲୋତ୍ରା ୭୨, ପାରସ ଡୋଗ୍ରା ୭୦, ଅବଦୁଲ ସମଦ ୬୧, ପ୍ରସିଦ୍ଧ କୃଷ୍ଣ ୫/୯୮, ବିଜୟକୁମାର ବୈଶାକ ୧/୭୫) । କର୍ଣ୍ଣାଟକ ପ୍ରଥମ ପାଳି ୯୩.୩ ଓଭରରେ-୨୯୩ (ମୟଙ୍କ ଅଗ୍ରୱାଲ ୧୬୦, କୃତିକ କୃଷ୍ଣ ୩୬, ଶ୍ରେୟସ୍ ଗୋପାଳ ୨୭, ଆକ୍ବିବ ନବି ୫/୫୪, ସୁନିଲ କୁମାର ୨/୫୧, ଯୁଦ୍ଧବୀର ସିଂହ ୨/୫୫) । ଜମ୍ମୁ କାଶ୍ମୀର ଦ୍ବିତୀୟ ପାଳି ୫୭ ଓଭରରେ-୧୮୬/୪ (କମରନ ଇକ୍‌ବାଲ ୯୪*, ଅବ୍‌ଦୁଲ ସମଦ ୩୨, ସାହିଲ ଲୋଟ୍‌ରା ୧୬*, ପ୍ରସିଦ୍ଧ କୃଷ୍ଣ ୨/୪୨) ।

Virosh Wedding: ଇନଷ୍ଟାରେ ଏକ ନମ୍ବର ପୋଷ୍ଟ ପାଲଟିଲା ବିଜୟ-ରଶ୍ମିକାଙ୍କ ବିବାହ ଫଟୋ, ବିରୋଶଙ୍କ ନାମରେ ବଡ଼ ରେକର୍ଡ

ଜୟପୁର: ରଶ୍ମିକା ମନ୍ଦାନା-ବିଜୟ ଦେବରକୋଣ୍ଡାଙ୍କ ବିବାହ ଇନଷ୍ଟାଗ୍ରାମରେ ଏକ ନମ୍ବର ପୋଷ୍ଟ ହୋଇଯାଇଛି । ବିରୋଶ ଏକ ନୂତନ ବିବାହ ରେକର୍ଡ ସୃଷ୍ଟି କରିଛନ୍ତି । ୨୬ ଫେବୃଆରୀ ୨୦୨୬ ରେ, ରଶ୍ମିକା ଏବଂ ବିଜୟ ଉଦୟପୁରରେ ବିବାହ କରିଛନ୍ତି । ପ୍ରେ...

ପାର୍ବଣ ପୂର୍ବରୁ ପୋଲିସର ପ୍ରସ୍ତୁତି ବୈଠକ, ଶୃଙ୍ଖଳିତ ଏବଂ ଶାନ୍ତିପୂର୍ଣ୍ଣ ଭାବରେ ପାଳନ କରିବାକୁ ଡିଜିପିଙ୍କ ନିର୍ଦ୍ଦେଶ

ଭୁବନେଶ୍ବର: ଆଗକୁ ଆସୁଛି ଦୋଳ ପୂର୍ଣ୍ଣିମା, ହୋଲି, ରାମ ନବମୀ, ହନୁମାନ ଜୟନ୍ତୀ ଏବଂ ମହା ବିଷୁବ ସଂକ୍ରାନ୍ତି ଏବଂ ଇଦ୍ ଭଳି ପର୍ବପର୍ବାଣୀ। ଏହି ପର୍ବପର୍ବାଣୀ ସମୟରେ ଯେଭଳି ଶାନ୍ତିଶୃଙ୍ଖଳା ବଜାୟ ରହିବ, ତା’କୁ ଦୃଷ୍ଟିରେ ରଖି ଶୁ...

କୁଢ଼କୁଢ଼ ପାଉଁଶର ପାହାଡ଼: କେଉଁଠି ରାସ୍ତା ତ ଆଉ କେଉଁଠି ବିଲ ମଝିରେ

କନକ ବ୍ୟୁରୋ: ଅଣନିଶ୍ୱାସୀ ହୋଇଗଲେଣି ସୁନ୍ଦରଗଡ଼ବାସୀ । ବିଭିନ୍ନ କମ୍ପାନୀରେ କୋଇଲାରୁ ନିର୍ଗତ ପାଉଁଶ ଲୋକଙ୍କ ସମସ୍ୟାକୁ ଦୁଇ ଗୁଣା କରିଛି । ଏଭଳି ସ୍ଥିତିରେ ସନ୍ଦେହ ଘେରରେ ଜଙ୍ଗଲ ପରିବେଶ ଓ ଜଳବାୟୁ ପରିବର୍ତ୍ତନ ମନ୍ତ୍ରୀ ଗଣେଶ ରାମ ଖୁଣ୍ଟିଆଙ୍କ ଉତ୍ତର । ଗତ ୨୪ ତାରିଖରେ ରଘୁନାଥପଲ୍ଲୀ ବିଧାୟକ ଦୁର୍ଗା ଚରଣ ତନ୍ତିଙ୍କ ପ୍ରଶ୍ନର ଉତ୍ତର ଦେଇ ମନ୍ତ୍ରୀ କହିଛନ୍ତି, ସୁନ୍ଦରଗଡ଼ ଜିଲ୍ଲାରେ କେବଳ କୁତ୍ରାରେ ପାଉଁଶ ଗୁଣ୍ଡ ପଡ଼ିଛି । ମାମଲା ରୁଜୁ କରି କାର୍ଯ୍ୟାନୁଷ୍ଠାନ ନିଆଯାଇଛି । ଏପଟେ ଉପବାଚସ୍ପତି ଭବାନୀଶଙ୍କର ଭୋଇ ମୁଖ୍ୟମନ୍ତ୍ରୀଙ୍କ ନିକଟକୁ ଲେଖିଥିବା ଚିଠିରୁ ପାଉଁଶ ସମସ୍ୟା କେତେ ଗମ୍ଭୀର ତାହା ସ୍ପଷ୍ଟ ହୋଇଛି । ସୁନ୍ଦରଗଡ ବିଧାୟକ କହିଛନ୍ତି, ମନ୍ତ୍ରୀମାନେ ପ୍ରାକ୍ଟିକାଲ୍‌ ନୁହନ୍ତି, ଏମାନଙ୍କ ପାଖରେ ଅଭିଜ୍ଞତା ନାହିଁ । ସରକାର ସୁନ୍ଦରଗଡରେ ବେଆଇନ ପାଉଁଶକୁ ବନ୍ଦ ନକଲେ ଏକ ବଡ ଆନ୍ଦୋଳନ ହେବ । ଏହା ବି ପଢ଼ନ୍ତୁ: ନିଶା କବଳରେ ଓଡ଼ିଶା, ରାଜ୍ୟରେ ବଢ଼ୁଛି ମଦ ବିକ୍ରି ସରକାରୀ ତଥ୍ୟ ଉପସ୍ଥାପନ ଭିତରେ ଗ୍ରାଉଣ୍ଡ ଜିରୋରେ ସ୍ଥିତି ପରଖିଛି କନକ ନ୍ୟୁଜ୍ । ପାଉଁଶ ଗଦାରୁ ପାଉଁଶ ଉଡିବା ଯୋଗୁଁ ଯାତାୟାତରେ ଅସୁବିଧା ହେଉଛି । ବାଇକରେ କୌଣସି ସ୍ଥାନକୁ ଯିବା ମଧ୍ୟ ଭାରି ମୁସ୍କିଲ । ଅଣନିଃଶ୍ୱାସୀ ହୋଇପଡ଼ିଲେଣି ଲୋକେ । ଚାଷ ଜମି ବି ସମ୍ପୂର୍ଣ୍ଣ ନଷ୍ଟ । ନଦୀ ପାଣିରେ ପାଉଁଶ ପଡି ବିଷରେ ପରିଣତ ହେଲାଣି । ଜଙ୍ଗଲ ବି ନଷ୍ଟ ହେବାକୁ ବସିଲାଣି । ଏତେ ପରେ ଏଠି ପ୍ରଶ୍ନ ଉଠୁଛି ଉପବାଚସ୍ପତି ଏବଂ ବିଧାୟକଙ୍କ ବାରମ୍ବାର ଅଭିଯୋଗ ପରେ ବି ମନ୍ତ୍ରୀ କି ବିଭାଗ ପାଖରେ ଖବର ନାହିଁ କାହିଁକି? କାର୍ଯ୍ୟାନୁଷ୍ଠାନ ବଦଳରେ ସତ ଲୁଚାଇବାକୁ କାହିଁକି କରାଯାଉଛି ଅପଚେଷ୍ଟା? ମାଫିଆଙ୍କୁ ଧରିବା ବଦଳରେ କାହିଁକି ଚୁପ୍ ରାଜ୍ୟ ସରକାର?

ବଢ଼ିଲା ଆମେରିକା-ଇରାନ୍ ଯୁଦ୍ଧ ଆଶଙ୍କା, ମୁତୟନ ହେଲେ ଅଧିକ ସେନା, ଚୀନ ଜାରି କଲା ଆଡଭାଇଜରୀ

US-Iran War: ମଧ୍ୟପ୍ରାଚ୍ୟରେ ବଢ଼ୁଥିବା ଉତ୍ତେଜନା ମଧ୍ୟରେ, ଆମେରିକା ଏବଂ ଇରାନ ମଧ୍ୟରେ ମୁହାଁମୁହିଁ ହେବାର ସମ୍ଭାବନା ବୃଦ୍ଧି ପାଇଛି। ଏହି ସମୟରେ, ଇସ୍ରାଏଲରେ ନିୟୋଜିତ ଥିବା ଅଣ-ଅତ୍ୟାବଶ୍ୟକୀୟ ସରକାରୀ କର୍ମଚାରୀ ଏବଂ ସେମାନଙ୍କ ପରିବାରକୁ ସ୍ଥାନାନ୍ତର କରିବାକୁ ଆମେରିକା ଅନୁମତି ଦେଇଛି। ଇସ୍ରାଏଲରେ ଥିବା ଆମେରିକାର ରାଷ୍ଟ୍ରଦୂତ ମାଇକ୍ ହୁକାବି ଦୂତାବାସ କର୍ମଚାରୀଙ୍କୁ ଏକ ଇମେଲ୍ ପଠାଇ ଇସ୍ରାଏଲ ଛାଡିବାକୁ ଚାହୁଁଥିବା ଲୋକଙ୍କୁ ଆଜି ଏହା କରିବାକୁ ଅନୁରୋଧ କରିଛନ୍ତି। ହୁକାବି କହିଛନ୍ତି ଯେ, ବିମାନ […]

ନିଶା କବଳରେ ଓଡ଼ିଶା, ରାଜ୍ୟରେ ବଢ଼ୁଛି ମଦ ବିକ୍ରି

କନକ ବ୍ୟୁରୋ: ନିଶା କାରବାରର ହବ୍‌ ପାଲଟିଛି ଓଡ଼ିଶା । ନିଶା କବଳରେ ପଡ଼ିଲେଣି ଯୁବ ଗୋଷ୍ଠୀ । ଲକ୍ଷ ଲକ୍ଷ ଟଙ୍କା ଖର୍ଚ୍ଚ କରି ନିଶା ଖାଉଛନ୍ତି । ଅନେକ ଯୁବକ ଏବେ ଡ୍ରଗ୍ସ ବେପାରରେ ମାତିଛନ୍ତି । ଏହାରି ଭିତରେ ବିଧାନସଭାରେ ମନ୍ତ୍ରୀ ଦେଇଥିବା ଉତ୍ତର ସମସ୍ତଙ୍କୁ ଚମକାଇ ଦେଇଛି । ଡ୍ରଗ୍ସ, ବ୍ରାଉନ୍‌ ସୁଗାରଠାରୁ ଆରମ୍ଭ କରି ବିଦେଶୀ ମଦର ମାୟାରେ ପଡ଼ିଛନ୍ତି ଲୋକେ । ଏହା ବି ପଢ଼ନ୍ତୁ; ଗଞ୍ଜେଇ ମାଫିଆଙ୍କ ନୂଆ ଚାଲ୍, ରାଜ୍ୟରେ ବଢ଼ିଛି ଗଞ୍ଜେଇ ତେଲର କାରବାର ରାଜ୍ୟରେ ନିଶା କାରବାରକୁ ନେଇ ବିଧାନସଭାରୁ ଆସିଛି ସାଂଘାତିକ ତଥ୍ୟ । ୧୦ ମାସରେ ବିକ୍ରି ହୋଇଛି ୬୨୦ ଲକ୍ଷ ଲିଟର ଲଣ୍ଡନ ପ୍ରୁଫ୍‌ ବିଦେଶୀ ମଦ । ୧୦୯୨ ଲକ୍ଷ ବଲ୍କ ଲିଟର ବିଅର ଓ ୯୭ ଲକ୍ଷ ଲିଟର ଲଣ୍ଡନ ପ୍ରୁଫ୍‌ ଦେଶୀ ମଦ । ସେହିପରି ୧୦ ମାସରେ ୬ ହଜାର ୫୬୯ କୋଟି ଟଙ୍କାର ମଦ ପିଇ ଦେଇଛନ୍ତି ରାଜ୍ୟବାସୀ । ବିଧାନସଭାରେ ଅବକାରୀ ମନ୍ତ୍ରୀ ରଖିଥିବା ଉତ୍ତର କହୁଛି ପ୍ରତିବର୍ଷ କ୍ରମାଗତ ଭାବେ ବଢି ଚାଲିଛି ମଦ ବିକ୍ରି । ୨୦୨୩-୨୪ରେ ମଦ ବିକ୍ରିରୁ ୭ ହଜାର ୨୧୬ କୋଟି ରାଜସ୍ୱ ଆଦାୟ ହୋଇଥିବା ବେଳେ ୨୦୨୪-୨୫ରେ ୮ ହଜାର ୧୯୫ କୋଟିର ରାଜସ୍ୱ ଆଦାୟ କରାଯାଇଛି । ବାଇଟ୍‌- ପି. ଅନ୍ବେଷା ରେଡ୍ଡୀ, ଅବକାରୀ କମିସନର (କଟକ) ଭିଓ-୧: କେବଳ ମଦ କାରବାର ନୁହେଁ ବ୍ରାଉନ୍‌ସୁଗାରକୁ ନେଇ ଆସିଛି ଚମକେଇ ଦେଲା ଭଳି ତଥ୍ୟ । ବ୍ରାଉନ ସୁଗାର କାରବାରର ହବ ପାଲଟିଲାଣି ବାଲେଶ୍ୱର, ପୁରୀ, ଭୁବନେଶ୍ୱର ଏବଂ ଜଗତସିଂହପୁର ଜିଲ୍ଲା । ବିଜେଡ଼ି ବିଧାୟକ ପ୍ରଶାନ୍ତ ବେହେରାଙ୍କ ପ୍ରଶ୍ନରେ ଉତ୍ତରରେ ଅବକାରୀ ମନ୍ତ୍ରୀ ଦେଇଥିବା ତଥ୍ୟ ଉପରେ ନଜର ପକାନ୍ତୁ । ଚଳିତ ମାସ ସୁଦ୍ଧା ଜବତ ହୋଇଛି ୪୦ କେଜି ୨୭୮ ଗ୍ରାମ୍‌ ଗିରଫ ହୋଇଛନ୍ତି ୪୮୧ ଜଣ ୨୦୨୪-୨୫ରେ ଜବତ ହୋଇଛି ୨୮ କେଜି ୫୭୫ ଗ୍ରାମ୍‌ ଗିରଫ ହୋଇଥିଲେ ୩୬୧ ଜଣ ୨୦୨୩-୨୪ ବର୍ଷରେ ଜବତ ୩୪ କେଜି ୪୨୬ ଗ୍ରାମ୍‌ ଗିରଫ ହୋଇଛନ୍ତି ୪୪୮ ଜଣ ୨୦୨୨-୨୩ରେ ୩୨ କେଜି ୮୨୬ ଗ୍ରାମ୍‌ ବ୍ରାଉନ ସୁଗାର ଜବତ ଗିରଫ ହୋଇଛନ୍ତି ୩୮୨ ଜଣ ବିଶେଷ କରି ଯୁବପିଢ଼ିଙ୍କ ଭିତରେ ବଢ଼ୁଛି ନିଶା ପ୍ରତି ଦୁର୍ବଳତା । ମଦ, ଗଞ୍ଜେଇ, ଡ୍ରଗ୍ସ ଭଳି ନିଶାରେ ବୁଡ଼ି ରହୁଛନ୍ତି ଯୁବପିଢ଼ି । ଏଠି ପ୍ରଶ୍ନ ଉଠୁଛି, ଅବକାରୀ ବିଭାଗ କରୁଛି କ’ଣ ? ନିଶା କାରବାର ପଛରେ କିଏ ? କାରବାର କରୁଥିବା ବଡ଼ ବେପାରୀଙ୍କୁ ଧରିବ କିଏ ?

କନ୍ୟା ରାଶି ବ୍ୟକ୍ତି ଆର୍ଥିକ ନେଣଦେଣରେ ସାବଧାନ ରୁହନ୍ତୁ, ଗୁପ୍ତ କଥା କାହା ଆଗରେ ପ୍ରକାଶ କରନ୍ତୁ ନାହିଁ

ମେଷ- ଦିନଟି ଆପଣଙ୍କ ପାଇଁ କିଛିଟା ଅଶୁଭ ରହିପାରେ। ମନରେ ଅସ୍ଥିରତା ଓ ଭୟ ରହିବ। ଶିକ୍ଷା କ୍ଷେତ୍ରରେ ବିଦ୍ୟାର୍ଥୀମାନେ ବାଧା ପାଇପାରନ୍ତି ଏବଂ ଆର୍ଥିକ କ୍ଷେତ୍ରରେ କ୍ଷତି ହେବାର ସମ୍ଭାବନା ଅଛି। କୌଣସି ନୂତନ କାର୍ଯ୍ୟ କିମ୍ବା ବଡ଼ ନିଷ୍ପତ...

ପାକିସ୍ତାନର ଯୁଦ୍ଧ ଡାକରା ଭିତରେ ଧମକ ଦେଲା ଆଫଗାନିସ୍ତାନ, କହିଲା, ‘ଗୋଟିଏ ଦିନରେ ବଦଳେଇଦେବୁ ପୁରା..’

Pak-Afgh War: ଖୋସ୍ତରେ ଶୁକ୍ରବାର ନମାଜ ପରେ ଆଫଗାନିସ୍ତାନର ଇସଲାମିକ୍ ଏମିରେଟ୍ସର ଗୃହମନ୍ତ୍ରୀ ଖଲିଫା ସିରାଜୁଦ୍ଦିନ ହକ୍କାନି ପାକିସ୍ତାନକୁ ଏକ ଚେତାବନୀ ଦେଇଛନ୍ତି। ଶୁକ୍ରବାର ନମାଜ ପାଠ ପରେ ତାଙ୍କ ଧର୍ମୋପଦେଶରେ ହକ୍କାନି କହିଛନ୍ତି ଯେ, ଆଫଗାନିସ୍ତାନ ଲୋକମାନେ ଏକତ୍ରିତ ହୋଇ ପାକିସ୍ତାନ ବିରୁଦ୍ଧରେ ଲଢ଼ିବାକୁ ପ୍ରସ୍ତୁତ। ସେ ପାକିସ୍ତାନର ଫିଲ୍ଡ ମାର୍ଶାଲ ଅସୀମ ମୁନିରଙ୍କୁ ଇତିହାସରୁ ଶିକ୍ଷା ନେବାକୁ ପରାମର୍ଶ ମଧ୍ୟ ଦେଇଛନ୍ତି। ପାକିସ୍ତାନର ମାନଚିତ୍ର ବଦଳାଇଦେବୁ ସ୍ଥାନୀୟ ନ୍ୟୁଜ୍ ଅନୁସାରେ, ସିରାଜୁଦ୍ଦିନ ହକ୍କାନି ପାକିସ୍ତାନକୁ […]

ଖେଳପ୍ରେମୀଙ୍କୁ ନିରାଶ କରିପାରେ ବିସିସିଆଇର ନିଷ୍ପତ୍ତି, କାହିଁକି ଘୁଞ୍ଚିଲା ଆଇପିଏଲ୍‌-୨୦୨୬ ?

ନୂଆଦିଲ୍ଲୀ: ଆଇସିସି ଟି-୨୦ ବିଶ୍ୱକପ୍ ୨୦୨୬ ଶେଷ ହେବା ପାଇଁ ଆଉ କିଛି ମ୍ୟାଚ୍ ବାକି ଅଛି । ଫାଇନାଲ୍ ମ୍ୟାଚ୍ ମାର୍ଚ୍ଚ ୮ରେ ଖେଳାଯିବ । କିନ୍ତୁ ଟି-୨୦ କ୍ରିକେଟର ଆକ୍ସନ୍ ଏବଂ ଉତ୍ସାହ ବିଶ୍ୱକପ୍ ପରେ ମଧ୍ୟ ଜାରି ରହିବ । IPLର ୧୯ତମ ସିଜିନ...

ଚର୍ଚ୍ଚାରେ ହକୀମ ବାବରଙ୍କ ବିବାହ, ସୋସିଆଲ ମିଡିଆରେ ୟୁଜର୍ସ କଲେ ଟ୍ରୋଲ

ନୂଆଦିଲ୍ଲୀ: ସୋସିଆଲ ମିଡିଆରେ ଅନେକ ସମୟରେ ବିଭିନ୍ନ ରୋଚକ ବିବାହ ଦେଖିବାକୁ ମିଳେ। କେତେବେଳେ ବର ନିଆରା ଢଙ୍ଗରେ ଏଣ୍ଟ୍ରି କରିଥାଏ ତ’ କେତେବେଳେ ପୁଣି କନିଆର ଭିନ୍ନ ଅନ୍ଦାଜ।ହେଲେ ଏବେ ସୋସିଆଲ ମିଡିଆରେ ଏକ ବିବାହକୁ ନେଇ ଖୁବ୍...

ଘୁଞ୍ଚୁଛି ଡେଡ୍‌ଲାଇନ୍, ହେଉନି କାର୍ଯ୍ୟାନୁଷ୍ଠାନ: ବାବୁଙ୍କୁ ନାହିଁ ସରକାରଙ୍କ ଭୟ?

କନକ ବ୍ୟୁରୋ: ତାରିଖ ପରେ ତାରିଖ ଘୁଞ୍ଚି ଚାଲିଛି । କିନ୍ତୁ ସମ୍ପତ୍ତି ତାଲିକାର ହିସାବ ଦେଉନାହାନ୍ତି ସରକାରୀ ବାବୁ । ଲାଗୁଛି ସରକାରଙ୍କୁ ଯେପରି ଅଫିସରଙ୍କ ଭୟ ନାହିଁ । ସେଥିପାଇଁ ତ ବାରମ୍ବାର ବେଖାତିର ମନୋଭାବ ଦେଖାଇ ଚାଲିଛନ୍ତି ଅଫିସର । ଆଉ ସଠିକ୍ ସମୟରେ ସମ୍ପତ୍ତି ତାଲିକା ଦେଇନଥିଲେ ବି କାର୍ଯ୍ୟାନୁଷ୍ଠାନ ଶୂନ । ଡେଡଲାଇନ୍ ସରୁଥିଲେ ବି ଦରମା ବନ୍ଦ କରି ସସପେଣ୍ଡ କରୁନାହାନ୍ତି । ଯେହେତୁ କାର୍ଯ୍ୟାନୁଷ୍ଠାନ ଶୂନ, ସେଥିପାଇଁ ବାବୁଙ୍କର ଭୟ ଛାଡ଼ିଯାଇଛି । ଯାହାଦ୍ବାର ସଠିକ୍ ସମୟରେ ଦରମାର ହିସାବ ଦେଉନାହାନ୍ତି, ବରଂ ଆୟ ବହିଭୂତ ସମ୍ପତି ଠୁଳ କରିଚାଲିଛନ୍ତି । ଏହା ବି ପଢ଼ନ୍ତୁ: ଜନଶୁଣାଣି ବେଳେ ତୁମୁଳକାଣ୍ଡ, ଯିଏ ଯାହାକୁ ପାରିଲା ବାଡ଼େଇଲା ଆୟବର୍ହିଭୂତ ସମ୍ପତ୍ତି ଠୁଳ ଅଭିଯୋଗରେ ଘନଘନ ଚଢ଼ାଉ କରୁଛି ଭିଜିଲାନ୍ସ । କୋଟି କୋଟି ଟଙ୍କା ବାବୁଙ୍କ ଘରୁ ବାହାରୁଛି । ତଥାପି ବାବୁଙ୍କ ପ୍ରତି ସରକାରଙ୍କ ଦରଦ ପ୍ରବଳ । ସରକାର କାର୍ଯ୍ୟାନୁଷ୍ଠାନ କଥା ତ କହୁଛନ୍ତି, ନେବା ବେଳକୁ କୁନ୍ଥକୁନ୍ଥ । ସମ୍ପତ୍ତି ତାଲିକା ନଦେଲେ, କିଛି ସରକାରୀ ବିଭାଗରେ ପ୍ରମୋସନ୍‌ ହେଉନାହିଁ । ତେଣୁ ସବୁ ବିଭାଗରେ କାହିଁକି ଏହାକୁ କାର୍ଯ୍ୟକାରୀ କରାଯିବନି ବୋଲି ଉଠିଲାଣି ପ୍ରଶ୍ନ । ପୂର୍ବତନ ପ୍ରଶାସକଙ୍କ ମତରେ, ସବୁ ଜିଲ୍ଲାରେ ଭିଜିଲାନ୍ସ ମନିଟରିଂ କରିବାର ଆବଶ୍ୟକତା ରହିଛି । ଏହାଦ୍ବାରା ନା କେବଳ ବାବୁଙ୍କ ଭିତରେ ଭୟ ରହିବ, ବରଂ ସେମାନେ ସରକାରଙ୍କ ସ୍କାନରରେ ବି ରହିବେ । ସରକାରଙ୍କ ନିର୍ଦ୍ଦେଶକୁ ଅମାନିଆ ବାବୁଙ୍କ ବେଖାତିର କ’ଣ ପାଇଁ ? ବାବୁଙ୍କ ବିରୋଧରେ କାହିଁକି କାର୍ଯ୍ୟାନୁଷ୍ଠାନ ନେବାକୁ ଜୁ’ ଜୁଟାଇ ପାରୁନାହାନ୍ତି ସରକାର ?

Vijay's wife files for divorce: ଅଭିନେତା ତଥା ଟିଭିକେ ନେତା ବିଜୟଙ୍କ ଠାରୁ ଛାଡ଼ପତ୍ର ଆବେଦନ କଲେ ପତ୍ନୀ ସଂଗୀତା

ନୂଆଦିଲ୍ଲୀ: ଅଭିନେତା ଏବଂ ତାମିଲଗା ଭେଟ୍ଟ୍ରି କାଝାଗମ (ଟିଭିକେ) ମୁଖ୍ୟ ବିଜୟଙ୍କୁ ଛାଡ଼ପତ୍ର ଦେବେ ତାଙ୍କ ପତ୍ନୀ ସଙ୍ଗୀତା ସୋର୍ନାଲିଙ୍ଗମ। ଏନେଇ ସଂଗୀତା କୋର୍ଟରେ ଛାଡ଼ପତ୍ର ପାଇଁ ଆାବେଦନ କରିଛନ୍ତି। ୨୭ ବର୍ଷର ବୈବାହିକ ଜୀବନକୁ ବିଜୟଙ୍କ...

ଜନଶୁଣାଣି ବେଳେ ତୁମୁଳକାଣ୍ଡ, ଯିଏ ଯାହାକୁ ପାରିଲା ବାଡ଼େଇଲା

କନକ ବ୍ୟୁରୋ: ପ୍ରଶାସନର କାର୍ଯ୍ୟକାରିତା ଉପରୁ ଉଠିଗଲାଣି କି ଲୋକଙ୍କ ଭରସା? କେଉଁଠି ଜନଶୁଣାଣି ବେଳେ ଜଳୁଛି ଅସନ୍ତୋଷର ନିଆଁ, ହାତାହାତି ହେଉଛନ୍ତି ଲୋକେ, ଆଉ କେଉଁଠି ଜମି ମାପଚୁପ ବେଳେ ଦେଖିବାକୁ ମିଳିଛି ତୁମୁଳକାଣ୍ଡ । ପୁଲିସ ଓ ପ୍ରଶାସନ ଉପସ୍ଥିତିରେ ଉତ୍ତେଜନା ସ୍ଥିତି ଉଗ୍ର ରୂପ ନେଉଛି । ଏହା ବି ପଢ଼ନ୍ତୁ: ଅନୁଦାନ ଦେବାକୁ କୁନ୍ଥକୁନ୍ଥ କେନ୍ଦ୍ର, ଡବଲ ଇଞ୍ଜିନରେ ଓଡ଼ିଶାକୁ ଫାଇଦା କମ୍, ଘାଟା ଅଧିକ ବାଡ଼ାବାଡ଼ି... ହାତାହାତି... ଗୋଷ୍ଠୀ ସଂଘର୍ଷ... । ଯିଏ ଯାହାକୁ ପାରିଲା ବାଡ଼େଇଲା । ପୁଲିସ ଅଛି, ପ୍ରଶାସନ ଅଛି । ହେଲେ ଅଣାୟତ୍ତ ହୋଇଗଲା ଦୁଇ ଗୋଷ୍ଠୀ ମଧ୍ୟରେ ଉତ୍ତେଜନା । ଇଏ ବାଲେଶ୍ବର ଜିଲ୍ଲା ଜଳେଶ୍ବରର ଦୃଶ୍ୟ । ଶେଖସରାଇ ବାଲି ଖାଦାନ ନିଲାମ ପାଇଁ ଜନଶୁଣାଣି ଚାଲିଥିଲା । ଜିଲ୍ଲା ପ୍ରଶାସନ ତରଫରୁ ହେଉଥିଲା ସର୍ବସାଧାରଣ ଜନଶୁଣାଣି । ହେଲେ ନିଲାମକୁ ସମର୍ଥନ ଓ ବିରୋଧ କରୁଥିବା ଦୁଇ ଗୋଷ୍ଠୀଙ୍କ ମଧ୍ୟରେ ପାଟିତୁଣ୍ଡ ଅଚାନକ୍ ଉଗ୍ର ରୂପ ନେଇଥିଲା। ଏତେ ଜୋରରେ ଗଣ୍ଡଗୋଳ ଓ ମାରପିଟ୍ ହେଲା ଯେ, ଅଧାରୁ ବନ୍ଦ ରହିଲା ଜନଶୁଣାଣି । ଏଥିରେ ୨ ଜଣ ଆହତ ହୋଇଛନ୍ତି ।... ଏପଟେ ଯାଜପୁର କଳିଙ୍ଗନଗର ଶିଳ୍ପାଞ୍ଚଳରେ ଜମିଜମା ମାମଲାକୁ ନେଇ ପୁଣି ଅଶାନ୍ତି । ସୀମା ନିର୍ଦ୍ଧାରଣକୁ ନେଇ ପୁଲିସ-ଜନତା ମୁହାଁମୁହିଁ। ଯାଜପୁର ରୋଡ୍- ଯଖପୁରା ଥାନା ମନୋହରପୁର ଅଞ୍ଚଳରେ ଉତ୍ତେଜନା ଦେଖାଦେବା ପରେ, ଟାୟାର ଜାଳି ରାସ୍ତା ରୋକ କରିଥିଲେ ସ୍ଥାନୀୟ ଲୋକେ । ତହସିଲ ପକ୍ଷରୁ ଜମି ମାପଚୁପ ବେଳେ ଏହାକୁ ବିରୋଧ କରିଥିଲେ ଲୋକେ । ଭୂମିହୀନଙ୍କ ସରକାର ଦେଇଥିବା ଜମିକୁ ଚଞ୍ଚକତା କରି କିଛି ଲୋକ କମ୍ ଦରରେ କିଣି ନେଇଥିବା ଅଭିଯୋଗ ହୋଇଛି ।

୧୦୦୦ ପୃଷ୍ଠାର ଚାର୍ଜସିଟ୍, ୩୦୦ ସାକ୍ଷୀ, ୪ ବର୍ଷ ପରେ କେମିତି ନିର୍ଦ୍ଦୋଷରେ ମୁକ୍ତ ହେଲେ କେଜରିୱାଲ ଓ ସିସୋଦିଆ?

ନୂଆଦିଲ୍ଲୀ ୨୭।୨: ରାଉଜ ଏଭେନ୍ୟୁ କୋର୍ଟ ଦିଲ୍ଲୀ ଅବକାରୀ ଦୁର୍ନୀତି ମାମଲାରେ ଶୁକ୍ରବାର ପୂର୍ବତନ ମୁଖ୍ୟମନ୍ତ୍ରୀ ଅରବିନ୍ଦ କେଜରିୱାଲ ଓ ଉପମୁଖ୍ୟମନ୍ତ୍ରୀ ମନିଷ ସିସୋଦିଆଙ୍କ ସମେତ ୨୩ ଅନ୍ୟ ଅଭିଯୁକ୍ତଙ୍କୁ ନିର୍ଦ୍ଦୋଷରେ ମୁକ୍ତ କରିଦେଇଛନ୍ତ...

IPL ପ୍ରେମୀଙ୍କ ପାଇଁ ବଡ଼ ଅପଡେଟ୍, ଘୁଞ୍ଚିଲା ତାରିଖ, ୨୬ ମାର୍ଚ୍ଚରେ ନୁହେଁ ଏହି ତାରିଖରୁ ଆରମ୍ଭ ହେବ IPL ୨୦୨୬

IPL 19th Season: ICC T20 ବିଶ୍ୱକପ୍ 2026 ଶେଷ ହେବାକୁ ଆଉ ମାତ୍ର କିଛି ମ୍ୟାଚ୍ ବାକି ଅଛି। ଫାଇନାଲ୍ ମ୍ୟାଚ୍ ୮ ମାର୍ଚ୍ଚରେ ଖେଳାଯିବ । କିନ୍ତୁ T20 କ୍ରିକେଟର କାର୍ଯ୍ୟକଳାପ ଏବଂ ଉତ୍ସାହ ବିଶ୍ୱକପ୍ ପରେ ମଧ୍ୟ ଜାରି ରହିବ, କାରଣ IPLର ୧୯ତମ ସିଜିନ୍ ମାର୍ଚ୍ଚ ଶେଷରେ ଆରମ୍ଭ ହେବାକୁ ଯାଉଛି। ଯାହା ପାଇଁ BCCI ପୂର୍ବରୁ ପ୍ରସ୍ତୁତି ଆରମ୍ଭ କରିସାରିଛି। ଏବେ BCCI ହଠାତ୍ ଟୁର୍ଣ୍ଣାମେଣ୍ଟକୁ ଦୁଇ ଦିନ ବିଳମ୍ବ […]

ଅନୁଦାନ ଦେବାକୁ କୁନ୍ଥକୁନ୍ଥ କେନ୍ଦ୍ର, ଡବଲ ଇଞ୍ଜିନରେ ଓଡ଼ିଶାକୁ ଫାଇଦା କମ୍, ଘାଟା ଅଧିକ

କନକ ବ୍ୟୁରୋ: ଓଡ଼ିଶାରେ ବିଜେପି ସରକାର, କେନ୍ଦ୍ରରେ ବି କ୍ଷମତାରେ ବିଜେପି । ଡବଲ ଇଞ୍ଜିନ ସରକାରରେ ଓଡ଼ିଶାର ବିକାଶ ବହୁଗୁଣିତ ହେବ । ଏଭଳି ଆଶା ଓ ସ୍ବପ୍ନ ଦେଖାଇଥିଲା ବିଜେପି । ହେଲେ ରାଜ୍ୟରେ ଡବଲ ଇଞ୍ଜିନ ସରକାରକୁ ଆସିବା ପରେ ବିଭିନ୍ନ ଯୋଜନାରେ କେନ୍ଦ୍ରୀୟ ଅନୁଦାନ ଯେଉଁଭଳି ଭାବେ ହ୍ରାସ ପାଇଛି ତାହା ବିଜେପିର କଥା ଓ କାମ ମଧ୍ୟରେ ଫରକକୁ ପଦାରେ ପକାଇଛି । ଏହା ବି ପଢ଼ନ୍ତୁ: ରାଜ୍ୟସଭା ପ୍ରାର୍ଥୀକୁ ନେଇ କସରତ, ତିନି ଦଳରେ ଚାଲିଛି ମାନସମନ୍ଥନ ଡବଲ ଇଞ୍ଜିନ ସରକାରରେ ଓଡ଼ିଶା ହେବ ଏକ ନମ୍ବର ରାଜ୍ୟ । ଅନୁଦାନ ବଢିବ, ଦୁଇଗୁଣା ବେଗରେ ବଢିବ ବିକାଶର ଗତି । ନିର୍ବାଚନ ସମୟରେ ଏହା କେବଳ ବିଜେପିର ସ୍ଲୋଗାନ ନଥିଲା ବରଂ କେନ୍ଦ୍ରୀୟ ନେତୃତ୍ବ ବାରମ୍ବାର ଏହି କଥାକୁ ଦୋହରାଇଥିଲେ । ହେଲେ ଓଡ଼ିଶାରେ ଡବଲ ଇଞ୍ଜିନ ସରକାର ଆସିବା ପରେ ଯେପରି ପୂର୍ବ ପ୍ରତିଶ୍ରୁତି ଭୁଲି ଯାଇଛି କେନ୍ଦ୍ର । ଯାହାର ଲେଖାଯୋଖା ପ୍ରମାଣ ଅର୍ଥମନ୍ତ୍ରୀ ଭାବେ ବିଧାନସଭାରେ ରଖିଛନ୍ତି ମୁଖ୍ୟମନ୍ତ୍ରୀ ମୋହନ ମାଝୀ । ୨୦୨୫-୨୬ ଆର୍ଥିକ ବର୍ଷରେ କେନ୍ଦ୍ର ଅନୁଦାନ ବାବଦକୁ ୪୧ ହଜାର ୫୯୧ କୋଟି ପାଇବାକୁ ଲକ୍ଷ୍ୟ ରଖିଥିଲା ରାଜ୍ୟ । ହେଲେ ଜାନୁଆରି ଶେଷ ସୁଦ୍ଧା କେନ୍ଦ୍ର ଉପରେ ୩୦ ହଜାର ୮୬୪ କୋଟି ଟଙ୍କା ବକେୟା ରହିଛି । ଡବଲ ଇଞ୍ଜିନ ସରକାର ଥାଇ ମଧ୍ୟ କେନ୍ଦ୍ରୀୟ ଅନୁଦାନ କାହିଁକି କମୁଛି? ବୋଲି ସାଧାରଣରେ ପ୍ରଶ୍ନ ଉଠୁଥିବା ବେଳେ ଜବାବ ରଖିଛି ବିଜେପି । କେବଳ ଚଳିତ ଆର୍ଥିକ ବର୍ଷ ନୁହେଁ ୨୦୨୪-୨୫ ଆର୍ଥିକ ବର୍ଷରେ କେନ୍ଦ୍ରୀୟ ଅନୁଦାନ ଯଥେଷ୍ଟ ହ୍ରାସ ପାଇଛି । କେବଳ କେନ୍ଦ୍ର ପ୍ରବର୍ତ୍ତିତ ଯୋଜନାରେ ଗତ ୨୦୨୪-୨୫ରେ ୧୪ ହଜାର ୧୦୦ କୋଟି କମ୍‌ ପାଇଛି ଓଡ଼ିଶା । ସେହିଭଳି ଚଳିତ ଆର୍ଥିକ ବର୍ଷର ଅକ୍ଟୋବର ସୁଦ୍ଧା ୨୯ ହଜାର ୧୦୧ କୋଟି ବଦଳରେ ରାଜ୍ୟ ପାଇଛି ମାତ୍ର ୪ ହଜାର ୬୭୬ କୋଟି । ବିରୋଧୀ ବିଜେଡି ପୂର୍ବ ଅଭିଯୋଗକୁ ଦୋହରାଇ କହିଛି, ସେବେ ବି କେନ୍ଦ୍ର ଅନୁଦାନ କମୁଥିଲା, ଏବେ ଆହୁରି କମୁଛି । ବିଜେଡି ସହ ସ୍ବର ମିଳାଇ ସମାନ ଅଭିଯୋଗ କରିଛି କଂଗ୍ରେସ । କେନ୍ଦ୍ରରେ ବିଜେପି ସରକାର ଗଠନ ପଛରେ ଓଡ଼ିଶାର ବଡ ଭୂମିକା ରହିଛି । ହେଲେ କେନ୍ଦ୍ରୀୟ ଅନୁଦାନ କମୁଥିବା ବେଳେ କାହିଁକି ଚୁପ୍ ଓଡ଼ିଶାର ବିଜେପି ସାଂସଦ? ରାଜ୍ୟର ହକ୍ ପାଇଁ ସଂସଦରେ ଏକ ସ୍ବର ହେବେ କି ୩ ଦଳର ସାଂସଦ ?

ଏପଟେ ଭୋକରେ ପେଟ ଜଳୁଛି, ସେପଟେ ଯୁଦ୍ଧ ପାଇଁ ଡାକରା ଦେଉଛି, ପାକିସ୍ତାନରେ ମିଳୁନି ଚାଉଳ, ଅଟା

Pakistan Crisis: ଗୋଟିଏ ପଟେପାକିସ୍ତାନଏବଂଆଫଗାନିସ୍ତାନମଧ୍ୟରେ ଉତ୍ତେଜନା ବୃଦ୍ଧି ପାଉଥିବା ରିପୋର୍ଟ ଆସୁଛି, ଅନ୍ୟପଟେ ପାକିସ୍ତାନ ଏକ ଗମ୍ଭୀର ଖାଦ୍ୟ ସଙ୍କଟର ସମ୍ମୁଖୀନ ହେବାର ଆଶଙ୍କା ରହିଛି। ରିପୋର୍ଟ ଅନୁସାରେ, ଚଳିତ ବର୍ଷ ଦେଶରେ ଗହମ ଉତ୍ପାଦନରେ ଏକ ଗୁରୁତ୍ୱପୂର୍ଣ୍ଣ ହ୍ରାସ ହେବାର ସମ୍ଭାବନା ରହିଛି, ଯାହା ସିଧାସଳଖ ସାଧାରଣ ଲୋକଙ୍କ ଉପରେ ପ୍ରଭାବ ପକାଇପାରେ। ଯୁକ୍ତରାଷ୍ଟ୍ର କୃଷି ବିଭାଗ(USDA)ର ଏକ ରିପୋର୍ଟ ଅନୁଯାୟୀ, ଗତ ବର୍ଷ ତୁଳନାରେ ଚଳିତ ବର୍ଷ ପାକିସ୍ତାନରେ ଗହମ ଉତ୍ପାଦନ ୨ ରୁ […]

ରାଜ୍ୟସଭା ପ୍ରାର୍ଥୀକୁ ନେଇ କସରତ, ତିନି ଦଳରେ ଚାଲିଛି ମାନସମନ୍ଥନ

କନକ ବ୍ୟୁରୋ: କିଏ ହେବେ ପ୍ରାର୍ଥୀ, କାହା ନା ଉପରେ ବାଜିବ ମୋହର ? ସମୟ ପାଖେଇବା ସହ ବଢିଲାଣି ଉତ୍କଣ୍ଠା । ତିନି ରାଜନୈତିକ ଦଳର ଶିବିରରେ ଦେଖିବାକୁ ମିଳିଲାଣି ହଟଚମଟ । ନବୀନ ନିବାସରେ ବସୁଛି ଘନଘନ ବୈଠକ । ଗତକାଲିର ପିଏସ୍‌ ବୈଠକ ପରେ ଆଜି ସବୁ ବିଧାୟକଙ୍କୁ ନବୀନ ନିବାସ ଡକରା ହୋଇଛି । କାହା ପ୍ରାର୍ଥୀରେ କିଏ ସମର୍ଥକ ଓ ପ୍ରସ୍ତାବକ ରହିବେ ସେନେଇ ଦସ୍ତଖତ ଦେଉଛନ୍ତି ବିଧାୟକ । ଆସନ୍ତାକାଲି ବିଜେଡି ତାର ପ୍ରାର୍ଥୀ କାର୍ଡ ଖୋଲିବ ବୋଲି ସୂଚନା ମିଳିଛି । ଆଉ ସେପଟେ ଚତୁର୍ଥ ଆସନରେ ଦଳ ପ୍ରାର୍ଥୀ ଦେବା ନେଇ ସଙ୍କେତ ଦେଇଛନ୍ତି ବିଜେଡି ବିଧାୟକ । ଏହା ବି ପଢ଼ନ୍ତୁ: ମହାନଦୀ ବିବାଦ: ହେବ କି ସମାଧାନ ? ଟ୍ରିବ୍ୟୁନାଲ ଟିମ୍‌ର ଗସ୍ତ ପରେ ବଢ଼ିଲା ଆଶା ରାଜ୍ୟସଭା ପ୍ରାର୍ଥୀ ପାଇଁ କଂଗ୍ରେସ ଫର୍ମ ନେବା ଚର୍ଚ୍ଚାକୁ ଅଧିକ ଖୋରାକ ଯୋଗାଇଛି । ଗୁଣପୁର ବିଧାୟକ ସତ୍ୟଜିତ ଗମାଙ୍ଗ ତିନିଟି ସେଟ୍‌ ନେଇଛନ୍ତି । ଆଉ ପିସିସି ସଭାପତି କହିଛନ୍ତି, ରାଜ୍ୟସଭା ପାଇଁ ଦଳ ପ୍ରାର୍ଥୀ ଦେବ । ଆଉ ଏ ନିଷ୍ପତ୍ତି ନେବେ ଦିଲ୍ଲୀର ହାଇକମାଣ୍ଡ । ପ୍ରତିଭାସମ୍ପନ୍ନ ବ୍ୟକ୍ତିଙ୍କୁ ପ୍ରାର୍ଥୀ କରିବ କଂଗ୍ରେସ । ଦିନେ ଦୁଇ ଦିନ ଭିତରେ ଶାସକ ଦଳ ବିଜେପି ପ୍ରାର୍ଥୀ ଘୋଷଣା କରିବ । ତେବେ କିଏ ହେବେ ପ୍ରାର୍ଥୀ ନିଷ୍ପତ୍ତି ନେବ ସଂସଦୀୟ ବୋର୍ଡ । ରାଜ୍ୟ ବାହାରୁ ଦଳ ପ୍ରାର୍ଥୀ ଦେଇପାରେ ବୋଲି ଜୋରଦାର ଚର୍ଚ୍ଚା ହେଉଛି ।

ଚାଷୀମୃତ୍ୟୁ ନେଇ ମନ୍ତ୍ରୀଙ୍କ ବେପରୁଆ ଉତ୍ତର, ସନ୍ଦେହ ଘେରରେ ମିଲର୍ ଓ ସମବାୟ ସମ୍ପାଦକ

କନକ ବ୍ୟୁରୋ: ଲୋକଙ୍କ ସରକାର ପାଇଁ ଲୋକଙ୍କୁ ଆହାର ଯୋଗାଉଥିବା ଚାଷୀର ଗୁରୁତ୍ୱ କେତେ? ଆଗରୁ ନୌଟଙ୍କି ବିବାଦ ମୋହନ ସରକାରଙ୍କୁ ଅଡ଼ୁଆରେ ପକାଇଥିବା ବେଳେ, ଏବେ ପୁଣି ରାଜନଗର ଚାଷୀ ମୃତ୍ୟୁକୁ ନେଇ ଆଉ ଜଣେ ମନ୍ତ୍ରୀ ଦେଇଛନ୍ତି ସମ୍ୱଦେନହୀନ ମନ୍ତବ୍ୟ । ସମବାୟ ମନ୍ତ୍ରୀ ପ୍ରଦୀପ ବଳସାମନ୍ତଙ୍କ ପ୍ରତିକ୍ରିୟାକୁ ବିଜେଡି ଜୋରଦାର ବିରୋଧ କରିଥିବା ବେଳେ, କନକ ନ୍ୟୁଜ ହାତରେ ଲାଗିଛି ଏକ୍ସକ୍ଲୁସିଭ୍ ଦସ୍ତାବିଜ, ଯାହାକି ସମବାୟ ସମ୍ପାଦକ ଓ ମିଲରଙ୍କ ଭୂମିକାକୁ ନେଇ ସନ୍ଦେହ ସୃଷ୍ଟି କରିଛି । ଏହା ବି ପଢ଼ନ୍ତୁ: ବିଗୁଡ଼ୁଛି ସହରର ଆଇନ ଶୃଙ୍ଖଳା ; ବଢ଼ୁଛି ଚୋରା ବନ୍ଧୁକ କାରବାର ଲୋକଙ୍କ ସରକାରରେ ଦାୟିତ୍ୱବାନ ମନ୍ତ୍ରୀ! କୁଆଡ଼େ ଗଲା ସମ୍ୱେଦନଶୀଳତା? ମଣ୍ଡି ଅବ୍ୟବସ୍ଥା ପ୍ରସଙ୍ଗରେ ନୂଆ ବିବାଦ ଯୋଡ଼ିଛି ସମବାୟ ମନ୍ତ୍ରୀ ପ୍ରଦୀପ ବଳସାମନ୍ତଙ୍କ ବେପରୁଆ ଉତ୍ତର । ଚାଷୀଟିଏ ଧାନ ବିକିବାକୁ ୪୦ ଦିନ ଦୌଡ଼ିଲା, ଦିନ ଦିନ ଅଖିଆ ଅପିଆ ଧାନକୁ ଜଗି ବସିଲା, ଆଉ ମନ୍ତ୍ରୀ କହୁଛନ୍ତି- ‘ଅପେକ୍ଷା କରି କିଏ କ’ଣ ମରନ୍ତି?’... ‘ତାଙ୍କର ବୟସ ହେଲାଣି’... ‘ହୁଏତ ଅନ୍ୟ ରୋଗରୁ କିମ୍ୱା ହୃଦ୍‌ଘାତରୁ ମୃତ୍ୟୁ ହୋଇଥିବ’। କେନ୍ଦ୍ରାପଡ଼ା ରାଜନଗରର ଚାଷୀ ତ୍ରିଲୋଚନ ନାୟକଙ୍କ ମୃତ୍ୟୁକୁ ନେଇ ଏମିତି ଖାମଖିଆଲ ଉତ୍ତର ରଖିଛନ୍ତି ସମବାୟ ମନ୍ତ୍ରୀ । ଏହାକୁ ନେଇ ଜୋରଦାର ବର୍ଷିଛନ୍ତି ସ୍ଥାନୀୟ ବିଜେଡି ବିଧାୟକ । କାହିଁକି ଧାନ ନେଇ ମିଲ୍‌କୁ ଯାଇଥିଲେ ଚାଷୀ? ସନ୍ଦେହ ଘେରରେ ମିଲର୍ ଓ ସମବାୟ ସମ୍ପାଦକ। କନକ ନ୍ୟୁଜ ହାତରେ ଲାଗିଛି ମୃତ ଚାଷୀଙ୍କ ଟୋକନ୍‌ ଓ ମିଲର୍ ଧାନ ରିସିଭ୍ ଚିଠା । ଆଖି ସ୍କାନ୍ ରିପୋର୍ଟ କହୁଛି- ଫେବ୍ରୁଆରି ୧୪ରେ ତ୍ରିଲୋଚନ ଡାଙ୍ଗମାଳ ସୋସାଇଟିରେ ୩୮ କୁଇଣ୍ଟାଲ ୯୦ କିଲୋ ଧାନ ଦେଇଛନ୍ତି। ଅନ୍ୟପଟେ ଫେବ୍ରୁଆରି ୨୫ରେ ରାମଚଣ୍ଡୀ ରାଇସମିଲ୍‌ ମାଲିକ ତାଙ୍କ ଠାରୁ ୫୧ କୁଇଣ୍ଟାଲ ୨୦ କେଜି ଧାନ ଗ୍ରହଣ କରିଥିବା ଚିଠା ଦେଇଛନ୍ତି। ଯଦି ତ୍ରିଲୋଚନ ୧୪ରେ ମଣ୍ଡିରେ ଧାନ ଦେଲେ, ତେବେ ମିଲର୍ କେମିତି ୫୧ କୁଇଣ୍ଟାଲ ଧାନ ପାଇଲେ? ଯଦି ତ୍ରିଲୋଚନ ୫୧ କୁଇଣ୍ଟାଲ ୨୦ କିଲୋ ଧାନ ମିଲ୍‌ରେ ଦେଲେ, ତାଙ୍କୁ ୩୮ କୁଇଣ୍ଟାଲ ୯୦ କେଜି ଧାନର ଟଙ୍କା କାହିଁକି ପ୍ରଦାନ କରାଗଲା? ବାକି ୧୨ କୁଇଣ୍ଟାଲ ଧାନ କିଏ ଖାଇଲା? ନବ ନିର୍ମାଣ କୃଷକ ସଂଗଠନ କାର୍ଯ୍ୟାନୁଷ୍ଠାନ ଦାବି କରିଥିବା ବେଳେ, ଅତିରିକ୍ତ ଜିଲ୍ଲାପାଳ କହିଛନ୍ତି- ଜିଲ୍ଲା ଯୋଗାଣ ଅଧିକାରୀଙ୍କ ନେତୃତ୍ୱରେ ଟିମ୍ ଗଠନ କରାଯାଇ ଘଟଣାର ତଦନ୍ତ ହେବ । ମଣ୍ଡି ଓ ମିଲରଙ୍କ ଅବହେଳାକୁ ଦାୟୀ କରି ତହସିଲଦାରଙ୍କ ନିକଟରେ ଫେରାଦ ହୋଇଛନ୍ତି ମୃତଚାଷୀଙ୍କ ପତ୍ନୀ ।

ଛାତ୍ରୀନିବାସରୁ ନିଖୋଜ ହୋଇଗଲେ ଚାରି ନବମଶ୍ରେଣୀ ଛାତ୍ରୀ, ୪୮ ଘଣ୍ଟା ପରେ ଉଦ୍ଧାର

ଦାରିଙ୍ଗବାଡ଼ି: ରାତିରେ ସ୍କୁଲ ଛାତ୍ରୀ ନିବାସରୁ ନିଖୋଜ ହୋଇଗଲେ ୪ ଛାତ୍ରୀ। ବହୁ ଖୋଜାଖୋଜି ପରେ ନିରାଶ ହୋଇ ଥାନାରେ ଅଭିଯୋଗ କଲେ ବିଦ୍ୟାଳୟ କର୍ତ୍ତୃପକ୍ଷ। ଆଉ ଶେଷରେ ପୋଲିସ ସେହି ୪ ଛାତ୍ରୀଙ୍କୁ ଉଦ୍ଧାର କରିବାରେ ସଫଳ ହୋଇଛି। କ...

ମନମୋହନ ସିଂହଙ୍କ ସଂସ୍କାର ଭାରତକୁ ୩୦ ବର୍ଷର ଅର୍ଥନୈତିକ ଅଭିବୃଦ୍ଧି ପଥରେ ନେଇଛି: ଆଞ୍ଜେଲା ମର୍କେଲ

ନୂଆଦିଲ୍ଲୀ: ଭାରତର ପୂର୍ବତନ ପ୍ରଧାନମନ୍ତ୍ରୀସ୍ବର୍ଗତମନମୋହନ ସିଂହଙ୍କ ଅର୍ଥନୈତିକ ସଂସ୍କାରକୁ ଭୂୟସୀ ପ୍ରଶଂସା କରିଛନ୍ତି ଜର୍ମାନ ଚାନ୍ସଲର ଆଞ୍ଜେଲା ମର୍କେଲ । ଗୁରୁବାର ଏକ କାର୍ଯ୍ୟକ୍ରମରେ ପୂର୍ବତନ ଜର୍ମାନ ଚାନ୍ସଲର ଆଞ୍...

ଭାରି ପଡ଼ିବନି ତ ଏହି ଭୁଲ୍ ? ବର୍ଷା, ରନ୍ ରେଟ୍ ହାତରେ ଭାରତର ଭାଗ୍ୟ

କନକ ବ୍ୟୁରୋ: କ୍ରିକେଟ୍ ଅନିଶ୍ଚିତତାର ଖେଳ, ଆଉ ଏହି ଅନିଶ୍ଚିତତା ଏବେ ଭାରତୀୟ କ୍ରିକେଟ୍ ପ୍ରେମୀଙ୍କ ଶ୍ୱାସରୁଦ୍ଧ କରିଦେଇଛି । ବିଶ୍ୱକପ୍‌ର ସେମିଫାଇନାଲ୍ ଦୌଡ଼ ଏବେ ଏମିତି ଏକ ରୋମାଞ୍ଚକର ମୋଡ଼ରେ ପହଞ୍ଚିଛି, ଯେଉଁଠି ପ୍ରତିଟି ରନ୍ ଏବଂ ଆକାଶର ପ୍ରତିଟି ବାଦଲ ଭାରତର ଭାଗ୍ୟ ନିର୍ଦ୍ଧାରଣ କରିବ। ଭାରତ ପାଇଁ ସମୀକରଣ ଏକଦମ୍ ସ୍ପଷ୍ଟ- 'କର ବା ମର'। ଯିଏ ଜିତିବ, ସିଏ ସେମିଫାଇନାଲ ଟିକେଟ୍ ପାଇବ। କିନ୍ତୁ ଏହି ସରଳ ସମୀକରଣ ମଝିରେ ବଡ଼ ବାଧକ ସାଜି ଛିଡ଼ା ହୋଇଛି 'ବର୍ଷା' ଏବଂ 'ନେଟ୍ ରନ୍ ରେଟ୍' । ୱେଷ୍ଟଇଣ୍ଡିଜ୍ ବିପକ୍ଷ ମ୍ୟାଚ୍‌ ଭାରତ ପାଇଁ ଅତ୍ୟନ୍ତ ଗୁରୁତ୍ୱପୂର୍ଣ୍ଣ । କିନ୍ତୁ ଯଦି ବର୍ଷା ଯୋଗୁଁ ମ୍ୟାଚ୍ ବାତିଲ ହୁଏ, ତେବେ ପଡ଼ିଆରେ ନଖେଳି ମଧ୍ୟ ଭାରତ ବିଶ୍ୱକପରୁ ବାହାରିଯାଇପାରେ । ନିୟମ ଅନୁଯାୟୀ, ମ୍ୟାଚ୍ ଧୋଇଗଲେ ଉଭୟ ଦଳକୁ ୧-୧ ପଏଣ୍ଟ ମିଳିବ । ଏଭଳି ସ୍ଥିତିରେ ଉଭୟ ଭାରତ ଓ ୱେଷ୍ଟଇଣ୍ଡିଜର ପଏଣ୍ଟ ସମାନ ୩ ପଏଣ୍ଟ ହୋଇଯିବ । ଏଠାରେ ହିଁ ଆରମ୍ଭ ହେବ ନେଟ୍ ରନ୍ ରେଟ୍‌ର ଖେଳ । ୱେଷ୍ଟଇଣ୍ଡିଜର ରନ ରେଟ୍ ବର୍ତ୍ତମାନ +୧.୭୯୧ ରହିଥିବା ବେଳେ ଭାରତର ରନ ରେଟ୍ ୦.୧୦୦ ରହିଛି । ଅର୍ଥାତ୍ ବର୍ଷା ହେଲେ ଉନ୍ନତ ରନ୍ ରେଟ୍ ଆଧାରରେ ୱେଷ୍ଟଇଣ୍ଡିଜ୍ ସେମିଫାଇନାଲରେ ପହଞ୍ଚିବ ଏବଂ ଭାରତକୁ ଖାଲି ହାତରେ ଘରକୁ ଫେରିବାକୁ ପଡ଼ିବ। ଭାରତ ଆଜି ଯେଉଁ ସଙ୍କଟଜନକ ସ୍ଥିତିରେ ଅଛି, ସେଥିପାଇଁ ଜିମ୍ବାୱେ ବିପକ୍ଷ ମ୍ୟାଚରେ ଦଳର ରଣନୀତିକୁ ଦାୟୀ କରାଯାଉଛି । ସେହି ମ୍ୟାଚରେ ଭାରତ ପାଖରେ ନିଜର ରନ୍ ରେଟ୍ ସୁଧାରିବାର ସୁବର୍ଣ୍ଣ ସୁଯୋଗ ଥିଲା । ଯଦି ଭାରତ ଜିମ୍ବାୱେକୁ ୧୦୮ ରନରୁ ଅଧିକ ବ୍ୟବଧାନରେ ପରାସ୍ତ କରିଥାନ୍ତା, ତେବେ ଆଜି ଭାରତର ନେଟ୍ ରନ୍ ରେଟରେ ୱେଷ୍ଟଇଣ୍ଡିଜଠାରୁ ଭଲ ଥାନ୍ତା । ଆହୁରି ପଢ଼ନ୍ତୁ... ଜିମ୍ୱାୱେକୁ ହରାଇ ବି ଖୁସି ନାହାନ୍ତି ସୂର୍ଯ୍ୟ, ପୁଣି ପଦାରେ ପଡ଼ିଲା ଟିମ୍ ଇଣ୍ଡିଆର ଦୁର୍ବଳତା କିନ୍ତୁ ଅଧିନାୟକ ସୂର୍ଯ୍ୟକୁମାର ଯାଦବଙ୍କ କିଛି ନିଷ୍ପତ୍ତି ଏବେ ସମାଲୋଚନା ପାଲଟିଛି । ଦଳର ଦୁଇ ପ୍ରମୁଖ ଘାତକ ବୋଲର ଯଶପ୍ରିତ ବୁମରାହ ଏବଂ ହାର୍ଦ୍ଦିକ ପାଣ୍ଡ୍ୟାଙ୍କ ଓଭର ବାକି ଥିବା ସତ୍ତ୍ୱେ ସୂର୍ଯ୍ୟକୁମାର ଅଲରାଉଣ୍ଡର ଶିବମ ଦୁବେଙ୍କୁ ବୋଲିଂ ଦେଇଥିଲେ। ଦୁବେ ମାତ୍ର ୨ ଓଭରରେ ୪୬ ରନ୍ ବ୍ୟୟ କରିଦେଲେ, ଯାହା ଫଳରେ ଜିମ୍ବାୱେ ବଡ଼ ସ୍କୋର କରିବାରେ ସଫଳ ହେଲା ଏବଂ ଭାରତର ବିଜୟ ବ୍ୟବଧାନ କମିଗଲା । ଏହି ଗୋଟିଏ ରଣନୈତିକ ଭୁଲ୍ ଯୋଗୁଁ ଭାରତର ରନ୍ ରେଟ୍ ମାଇନସ୍‌ରେ ରହିଗଲା। ଭାରତୀୟ ଦଳ ଏବେ ସମ୍ପୂର୍ଣ୍ଣ ଭାବେ କୋଣଠେସା ହୋଇଛି । ଆକାଶରେ ବାଦଲ ଘେରି ରହିଥିବା ବେଳେ ପ୍ରଶଂସକମାନେ ପ୍ରାର୍ଥନା କରୁଛନ୍ତି ଯେପରି ବର୍ଷା ନହେଉ । କାରଣ କେବଳ ଏକ ସମ୍ପୂର୍ଣ୍ଣ ମ୍ୟାଚ୍ ଏବଂ ସେଥିରେ ବିଜୟ ହିଁ ଭାରତକୁ ସେମିଫାଇନାଲ୍ ଟିକେଟ୍ ଦେଇପାରିବ । ଯଦି ବର୍ଷା କାଳ ସାଜେ, ତେବେ ଜିମ୍ବାୱେ ବିପକ୍ଷରେ କରାଯାଇଥିବା ସେହି ଭୁଲ୍ ଭାରତୀୟ କ୍ରିକେଟ୍ ଇତିହାସରେ ଏକ ବଡ଼ ଅବସୋସ ହୋଇ ରହିଯିବ । ଏବେ ସମଗ୍ର ଦେଶର ନଜର ସୂର୍ଯ୍ୟକୁମାର ଯାଦବ ଏବଂ ତାଙ୍କ ସେନା ଉପରେ । କଣ ସେମାନେ ୱେଷ୍ଟଇଣ୍ଡିଜକୁ ହରାଇ ସମସ୍ତ ସମୀକରଣକୁ ଭୁଲ୍ ପ୍ରମାଣିତ କରିବେ, ନା ବର୍ଷାରେ ଧୋଇଯିବ କୋଟି କୋଟି ଭାରତୀୟଙ୍କ ବିଶ୍ୱ ବିଜୟର ସ୍ୱପ୍ନ? ତାହା ସମୟ ହିଁ କହିବ।

ସରକାରୀ ବାଲିଘାଟକୁ ନେଇ ମୁହାଁମୁହିଁ ପରିସ୍ଥିତି, ଅଧାରୁ ବନ୍ଦ ହେଲା ଜନଶୁଣାଣି

ଜଳେଶ୍ବର ୨୭।୨: ରଣକ୍ଷେତ୍ର ପାଲଟିଲା ଜନଶୁଣାଣି ଶିବିର । ସରକାରୀ ବାଲିଘାଟକୁ ନେଇ ଜଳେଶ୍ବର ଠାରେ ସର୍ବସାଧାରଣ ଜନଶୁଣାଣି ବେଳେ ମୁହାଁମୁହିଁ ହୋଇଥିଲେ ସପକ୍ଷବାଦୀ ଓ ବିପକ୍ଷବାଦୀ । ଶାନ୍ତି ଶୃଙ୍ଖଳା ପାଇଁ ପୋଲିସ ମୁତୟନ ହୋଇଥିଲେ ବି ଗଣ୍ଡଗ...

ଜିମ୍ୱାୱେକୁ ହରାଇ ବି ଖୁସି ନାହାନ୍ତି ସୂର୍ଯ୍ୟ, ପୁଣି ପଦାରେ ପଡ଼ିଲା ଟିମ୍ ଇଣ୍ଡିଆର ଦୁର୍ବଳତା

କନକ ବ୍ୟୁରୋ: ଐତିହାସିକ ଏମଏ ଚିଦାମ୍ବରମ ଷ୍ଟାଡିୟମରେ ଖେଳାଯାଇଥିବା ଆଇସିସି ପୁରୁଷ ଟି-୨୦ ବିଶ୍ୱକପ ୨୦୨୬ର ଏକ ଗୁରୁତ୍ୱପୂର୍ଣ୍ଣ ମୁକାବିଲାରେ ଭାରତୀୟ ଦଳ ଜିମ୍ବାୱେକୁ ପରାସ୍ତ କରି ଏକ ଚମତ୍କାର ବିଜୟ ହାସଲ କରିଛି । ଚେପକର ଗ୍ୟାଲେରୀରେ 'ଇଣ୍ଡିଆ-ଇଣ୍ଡିଆ' ନାରା ଗୁଞ୍ଜରିତ ହେଉଥିବା ବେଳେ ପଡ଼ିଆରେ ନୀଳ ବାହିନୀର ଦବଦବା ଦେଖିବାକୁ ମିଳିଥିଲା। ତେବେ ଏହି ବଡ଼ ବିଜୟ ସତ୍ତ୍ୱେ ଭାରତୀୟ ଅଧିନାୟକ ସୂର୍ଯ୍ୟକୁମାର ଯାଦବଙ୍କ ମୁହଁରେ ସମ୍ପୂର୍ଣ୍ଣ ଆତ୍ମସନ୍ତୋଷ ଦେଖିବାକୁ ମିଳିନାହିଁ। ବିଶେଷ କରି ଦଳର ବୋଲିଂ ପ୍ରଦର୍ଶନ ଏବଂ ନକ୍‌ଆଉଟ୍ ପୂର୍ବରୁ ରଣନୀତିକୁ ନେଇ ସେ କିଛିଟା ଚିନ୍ତିତ ଥିବା ଜଣାପଡ଼ିଛନ୍ତି । ସୁପର-୮ର ପ୍ରଥମ ମ୍ୟାଚରେ ଦକ୍ଷିଣ ଆଫ୍ରିକାଠାରୁ ଶୋଚନୀୟ ପରାଜୟ ପରେ ଭାରତ ପାଇଁ ଏହି ମ୍ୟାଚ୍ କର ବା ମର ସଦୃଶ ଥିଲା । ପ୍ରଥମେ ବ୍ୟାଟିଂ କରିଥିବା ଭାରତୀୟ ଦଳ ଆରମ୍ଭରୁ ହିଁ ଆକ୍ରମଣାତ୍ମକ ଆଭିମୁଖ୍ୟ ଗ୍ରହଣ କରିଥିଲା । ଟପ୍ ଅର୍ଡରଠାରୁ ଆରମ୍ଭ କରି ସପ୍ତମ ନମ୍ବର ପର୍ଯ୍ୟନ୍ତ ସମସ୍ତ ବ୍ୟାଟର ପଡ଼ିଆର ଚତୁର୍ଦ୍ଦିଗରେ ଚୌକା ଓ ଛକା ବର୍ଷା କରିଥିଲେ । ଫଳସ୍ୱରୂପ, ଭାରତ ନିର୍ଦ୍ଧାରିତ ୨୦ ଓଭରରେ ୪ ୱିକେଟ୍ ହରାଇ ୨୫୬ ରନର ଏକ ବିଶାଳ ସ୍କୋର ଛିଡ଼ା କରିଥିଲା, ଯାହା ଚେନ୍ନାଇ ପଡ଼ିଆରେ ଏକ ବିରଳ ଦୃଶ୍ୟ ଥିଲା। ୨୫୭ ରନର ବିଶାଳ ଲକ୍ଷ୍ୟ ପିଛା କରୁଥିବା ଜିମ୍ବାୱେ ଦଳ କେବେ ବି ମ୍ୟାଚ୍ ଜିତିବା ସ୍ଥିତିରେ ନଥିଲା । କିନ୍ତୁ ଭାରତୀୟ ବୋଲରମାନେ ସେମାନଙ୍କୁ ସହଜରେ ରନ୍ ସଂଗ୍ରହ କରିବାର ସୁଯୋଗ ଦେଇଥିଲେ । ଜିମ୍ବାୱେ ୬ ୱିକେଟ୍ ହରାଇ ୧୮୪ ରନ୍ ସଂଗ୍ରହ କରିବାରେ ସଫଳ ହୋଇଥିଲା । ସବୁଠାରୁ ଚିନ୍ତାର ବିଷୟ ଥିଲା ଷଷ୍ଠ ବୋଲିଂ ବିକଳ୍ପ ଭାବେ ଶିବମ ଦୁବେଙ୍କ ବ୍ୟୟବହୁଳ ଓଭର । ସେ ମାତ୍ର ୨ ଓଭରରେ ୪୬ ରନ୍ ବ୍ୟୟ କରିଥିଲେ । ମ୍ୟାଚ୍ ପରେ ଅଧିନାୟକ ସୂର୍ଯ୍ୟକୁମାର କହିଛନ୍ତି, ବିଜୟ ତ ବିଜୟ, କିନ୍ତୁ ଆମକୁ ଆହୁରି ସ୍ମାର୍ଟ ହେବାକୁ ପଡ଼ିବ। ବୋଲିଂ ବିଭାଗରେ ସୁଧାର ଆଣିବା ନିହାତି ଜରୁରୀ। ଦଳ ପୁରୁଣା ଭୁଲକୁ ସୁଧାରିବା ପାଇଁ ଭିଡିଓ ଆନାଲିଷ୍ଟଙ୍କ ସହାୟତା ନେଇଥିଲେ ମଧ୍ୟ ପଡ଼ିଆରେ କିଛି ତ୍ରୁଟି ପରିଲକ୍ଷିତ ହୋଇଛି। ଆହୁରି ପଢ଼ନ୍ତୁ... ଭାରତୀୟ ବୋଲିଂକୁ ନେଇ କୁମ୍ବଲେଙ୍କ ଚିନ୍ତା ଅନ୍ୟପଟେ, ଜିମ୍ବାୱେ ଅଧିନାୟକ ସିକନ୍ଦର ରଜା ପରାଜୟ ପାଇଁ ଦୁଃଖ ପ୍ରକାଶ କରିବା ସହ ସେମିଫାଇନାଲ ଦୌଡ଼ରୁ ବାହାରିଥିବା ସ୍ପଷ୍ଟ କରିଛନ୍ତି। ବଡ଼ ଦଳକୁ ହରାଇବା ପାଇଁ ସେମାନଙ୍କୁ ସବୁ ବିଭାଗରେ ଉନ୍ନତ ପ୍ରଦର୍ଶନ କରିବାକୁ ପଡ଼ିବ ବୋଲି ସେ କହିଛନ୍ତି। ଭାରତ ପାଇଁ ଅସଲ ପରୀକ୍ଷା ମାର୍ଚ୍ଚ ୧ ତାରିଖରେ ହେବାକୁ ଯାଉଛି । କୋଲକାତାର ଇଡେନ ଗାର୍ଡେନ୍ସରେ ୱେଷ୍ଟଇଣ୍ଡିଜ୍ ବିପକ୍ଷରେ ଭାରତ ନିଜର ଶେଷ ଗ୍ରୁପ୍ ମ୍ୟାଚ୍ ଖେଳିବ। ଏହା ଏକ 'ଭର୍ଚୁଆଲ କ୍ୱାର୍ଟର ଫାଇନାଲ' ସଦୃଶ, ଯେଉଁଥିରେ ବିଜୟୀ ହେଲେ ହିଁ ଭାରତ ସେମିଫାଇନାଲ ଟିକେଟ୍ ପାଇବ। ବର୍ତ୍ତମାନ ଭାରତୀୟ ପ୍ରଶଂସକଙ୍କ ନଜର ଦଳର ବୋଲିଂ ସନ୍ତୁଳନ ଉପରେ ରହିଛି। ୱେଷ୍ଟଇଣ୍ଡିଜ୍ ଭଳି ଶକ୍ତିଶାଳୀ ଦଳ ବିପକ୍ଷରେ ସୂର୍ଯ୍ୟକୁମାରଙ୍କ ବୋହିନୀ କିଭଳି ରଣନୀତି ଆପଣାଉଛନ୍ତି, ତାହା ଦେଖିବା ବାକି ରହିଲା ।

ଚର୍ଚ୍ଚାରେ ଆଉ ଏକ ଅଭିନେତାଙ୍କ ବିବାହ ବିଚ୍ଛେଦ, ବିବାହର ୨୭ ବର୍ଷ ପରେ ଅଲଗା ହେବେ ବିଜୟ-ସଙ୍ଗୀତା

Vijay-Sangeeta Divorce: ଦକ୍ଷିଣ ଭାରତର ପ୍ରସିଦ୍ଧ ଅଭିନେତା ଥାଲାପତି ବିଜୟଙ୍କ ବ୍ୟକ୍ତିଗତ ଜୀବନକୁ ନେଇ ଏବେ ବଡ଼ ଖବର ସାମ୍ନାକୁ ଆସିଛି। ତାଙ୍କ ସ୍ତ୍ରୀ ସଙ୍ଗୀତା ସୋର୍ନାଲିଙ୍ଗମ୍ ୨୭ ଫେବୃଆରୀ ୨୦୨୬ରେ ଚେଙ୍ଗଲପଟ୍ଟୁ ପରିବାର ଆଦାଲତରେ ବିବାହ ବିଚ୍ଛେଦ ପାଇଁ ଆବେଦନ କରିଛନ୍ତି। ଏହା ଦୁହେଁଙ୍କ ଭିତରେ ବିଚ୍ଛେଦ ଦିଗରେ ପ୍ରଥମ ଆଇନଗତ ପଦକ୍ଷେପ ବୋଲି ମନେ କରାଯାଉଛି। ଏହି ମାମଲାରେ ଏପର୍ଯ୍ୟନ୍ତ ବିଜୟଙ୍କ ପକ୍ଷରୁ କୌଣସି ଅଧିକାରିକ ବିବୃତି ଆସିନାହିଁ। ଆଦାଲତ ଏହି ଆବେଦନ ଉପରେ […]

ନବୀନ ନିବାସରେ ମାନସ ମନ୍ଥନ, ଦଳକୁ ମଜବୁତ୍ କରିବା ପାଇଁ ବିଭିନ୍ନ ଗଠନମୂଳକ ଆଲୋଚନା

ଭୁବନେଶ୍ବର ୨୭।୨: ନବୀନ ନିବାସରେ ବସିଥିବା ବିଜେଡି ବିଧାୟକ ଦଳ ବୈଠକ ଶେଷ ହୋଇଛି । ରାଜ୍ୟସଭା ନିର୍ବାଚନ ଓ ସାଙ୍ଗଠନିକ ନିର୍ବାଚନ ନେଇ ବୈଠକରେ ଆଲୋଚନା ହୋଇଛି । ବିଜେଡି ସଭାପତି ନବୀନ ପଟ୍ଟନାୟକଙ୍କ ଅଧ୍ୟକ୍ଷତାରେ ବୈଠକ ବସିଥିଲା । ବୈଠକରେ...

ପଶ୍ଚିମବଙ୍ଗ ଏସ୍‌ଆଇଆର୍‌ରେ ନ୍ୟାୟିକ ଅଧିକାରୀଙ୍କ ପାଇଁ ତାଲିମ ମଡ୍ୟୁଲ୍‌

କନକ ବ୍ୟୁରୋ : ପଶ୍ଚିମବଙ୍ଗରେ ସ୍ବତନ୍ତ୍ର ଭୋଟର ତାଲିକା ସଂଶୋଧନ (ଏସ୍‌ଆଇଆର୍‌)କୁ ନେଇ ରାଜ୍ୟ ସରକାର ଓ ନିର୍ବାଚନ ଆୟୋଗଙ୍କ ମଧ୍ୟରେ ବିବାଦ ଥମିବାର ନାଁ ନେଉ ନାହିଁ। ନ୍ୟାୟିକ ଅଧିକାରୀଙ୍କ ତାଲିମ ମଡ୍ୟୁଲ୍ ଉପରେ ଆପତ୍ତି ଗ୍ରହଣ କରିବାକୁ ପଶ୍ଚିମବଙ୍ଗ ସରକାରଙ୍କ ଆବେଦନକୁ ସୁପ୍ରିମକୋର୍ଟ ଶୁକ୍ରବାର ଗ୍ରହଣ କରିବାକୁ ମନା କରିଦେଇଛନ୍ତି। ସୁପ୍ରିମକୋର୍ଟ ପ୍ରଧାନ ବିଚାରପତି ଜ‌ଷ୍ଟିସ ସୂର୍ଯ୍ୟକାନ୍ତ ଓ ଜଷ୍ଟିସ ଜୟମାଲ୍ୟ ବାଗ୍‌ଚୀଙ୍କୁ ନେଇ ଗଠିତ ଖଣ୍ଡପୀଠ ସମ୍ମୁଖରେ ପଶ୍ଚିମବଙ୍ଗ ପାଇଁ ବରିଷ୍ଠ ଓକିଲ କପିଲ ସିବଲ ପକ୍ଷ ରଖିଥିଲେ। ସିବଲ କହିଥିଲେ, ଏସ୍‌ଆଇଆର୍‌ ନେଇ ସମସ୍ତ କାର୍ଯ୍ୟପନ୍ଥା କୋଲକାତା ହାଇକୋର୍ଟଙ୍କ ମୁଖ୍ୟ ବିଚାରପତି ଏବଂ କମିଟି ଦ୍ୱାରା ସମାଧାନ କରାଯିବ ବୋଲି ସୁପ୍ରିମକୋର୍ଟ ନିର୍ଦ୍ଦେଶ ଦେଇଥିଲେ। କିନ୍ତୁ ନିର୍ବାଚନ ଆୟୋଗ ନ୍ୟାୟିକ ଅଧିକାରୀମାନଙ୍କ ନିମନ୍ତେ ଏକ ତାଲିମ ମଡ୍ୟୁଲ୍ ଜାରି କରି କ’ଣ ଗ୍ରହଣ କରିବା ଉଚିତ ଏବଂ ଗ୍ରହଣ କରିବା ଉଚିତ ନୁହେଁ ତାହା କରିବାକୁ ନିର୍ଦ୍ଦେଶ ଦେଇଛନ୍ତି । ତେବେ ପ୍ରଧାନ ବିଚାରପତି ଜଷ୍ଟିସ ସୂର୍ଯ୍ୟକାନ୍ତ କହିଛନ୍ତି, ଆମେ ଏପରି ମାମଲାର ଶୁଣାଣି କରିପାରିବୁ ନାହିଁ । ଏସବୁର ଅନ୍ତ ଘଟିବା ଉଚିତ। ଆମେ ଜାଣୁ ଆମ ନ୍ୟାୟିକ ଅଧିକାରୀ କୌଣସି ଜିନିଷ ଦ୍ବାରା ପ୍ରଭାବିତ ହେବେ ନାହିଁ । ଆମ ନିର୍ଦ୍ଦେଶ ଦିବାଲୋକ ପରି ସ୍ପଷ୍ଟ ବୋଲି ଜଷ୍ଟିସ ବାଗଚୀ କହିଛନ୍ତି । ସୁପ୍ରିମକୋର୍ଟ କହିଛନ୍ତି, ନା ରାଜ୍ୟ ସରକାର ନା ନିର୍ବାଚନ ଆୟୋଗ କେହି ତାଙ୍କ ନିର୍ଦ୍ଦେଶ ବିରୋଧରେ ଯାଇ କାର୍ଯ୍ୟ କରିପାରିବେ ନାହିଁ। ନିର୍ବାଚନ ଆୟୋଗ ଓ ପଶ୍ଚିମବଙ୍ଗ ସରକାରଙ୍କ ମଧ୍ୟରେ ଚାଲିଥିବା ବିବାଦକୁ ଲକ୍ଷ୍ୟ କରି ସୁପ୍ରିମ‌କୋର୍ଟ ଫେବ୍ରୁଆରି ୨୦ରେ ରାଜ୍ୟରେ ବିବାଦୀୟ ଭୋଟର ତାଲିକାର ସଂଶୋଧନରେ ନିର୍ବାଚନ ପ୍ୟାନେଲକୁ ସହାୟତା କରିବା ପାଇଁ କାର୍ଯ୍ୟରତ ଏବଂ ପୂର୍ବତନ ଜିଲ୍ଲା ବିଚାରପତିମାନଙ୍କୁ ନିୟୋଜିତ କରିବାକୁ ନିର୍ଦ୍ଦେଶ ଦେଇଥିଲେ। ଫେବୃଆରୀ ୨୪ ତାରିଖରେ ସର୍ବୋଚ୍ଚ ନ୍ୟାୟାଳୟ ଏସ୍‌ଆଇଆର୍‌ ପ୍ରକ୍ରିୟାରେ ଭୋଟର ତାଲିକାରୁ ନାମ ବାଦ ଦିଆଯିବାର ସମ୍ମୁଖୀନ ହେଉଥିବା ୮୦ ଲକ୍ଷ ଦାବି ଏବଂ ଆପତ୍ତିର ସମାଧାନ ପାଇଁ ୨୫୦ ଜିଲ୍ଲା ଜଜ୍‌ଙ୍କ ବ୍ୟତୀତ ପଶ୍ଚିମବଙ୍ଗ ସିଭିଲ୍ ଜଜ୍‌ଙ୍କୁ ନିୟୋଜିତ କରିବା ଏବଂ ଝାଡ଼ଖଣ୍ଡ ଏବଂ ଓଡ଼ିଶାର ନ୍ୟାୟିକ ଅଧିକାରୀମାନଙ୍କୁ ନିୟୋଜିତ କରିବା ପାଇଁ ଅନୁମତି ଦେଇଥିଲେ ।

ଶନିବାରଠାରୁ ମହାକାଶରେ ସୃଷ୍ଟି ହେବ ବିରଳ ସଂଯୋଗ, ଦେଖିବାକୁ ମିଳିବ ଦୁର୍ଲଭ ଦୃଶ୍ୟ

ଭୁବନେଶ୍ବର: ଫେବ୍ରୁଆରୀ ୨୮ରୁ ମାର୍ଚ୍ଚ ୭ ତାରିଖ ପର୍ଯ୍ୟନ୍ତ ମହାକାଶରେ ଦୃଶ୍ୟମାନ ହେବ ବିରଳ ମହାଜାଗତିକ ଦୃଶ୍ୟ। ଏହି ସମୟରେ ସନ୍ଧ୍ୟା ଆକାଶରେ ଦେଖାଯିବେ ୬ଟି ଗ୍ରହ। ଗୋଟିଏ ସରଳ ରେଖାରେରହିବେ ବୁଧ, ଶୁକ୍ର, ନେପଚୁନ, ଶନି, ୟୁରେନ୍...

କେବେ ଓ କେଉଁଠି ଖେଳାଯିବ ଟି୨୦ ବିଶ୍ଵକପ୍ ମ୍ୟାଚର ସେମିଫାଇନାଲ୍ ରାଉଣ୍ଡ, ଦେଖନ୍ତୁ ପୁରା ଲିଷ୍ଟ

T20 World Cup Semi: ୨୦୨୬ ଟି୨୦ ବିଶ୍ୱକପର ଦ୍ୱିତୀୟ ପର୍ଯ୍ୟାୟ ମଧ୍ୟ ଶେଷ ହେବାକୁ ଯାଉଛି। ସୁପର ୮ ମ୍ୟାଚ୍ ବର୍ତ୍ତମାନ ଚାଲିଛି, ଏବଂ ଚାରି ସେମିଫାଇନାଲିଷ୍ଟ ଖୁବ୍ ଶୀଘ୍ର ନିର୍ଣ୍ଣୟ କରାଯିବ। ଏହି ସମୟରେ ସେମିଫାଇନାଲ୍ ମ୍ୟାଚ୍ କେବେ ଓ କେଉଁଠି ଖେଳାଯିବ ସେନେଇ ଚର୍ଚ୍ଚା ବଢ଼ିଛି । ତେବେ ଆସନ୍ତୁ ଜାଣିବା ସେ ବିଷୟରେ… ମାର୍ଚ୍ଚ ୧ରେ ଶେଷ ସୁପର ୮ ମ୍ୟାଚ୍ ଆଇସିସି ଟି୨୦ ବିଶ୍ୱକପ୍ ୨୦୨୬ ର ଶେଷ ସୁପର […]

ଦିଲ୍ଲୀ ଏକ୍ସାଇଜ ପଲିସି କେସ୍: CBI ତଦନ୍ତକାରୀ ଅଧିକାରୀଙ୍କ ବିରୋଧରେ କୋର୍ଟଙ୍କ କାର୍ଯ୍ୟାନୁଷ୍ଠାନ ନିର୍ଦ୍ଦେଶ

ନୂଆଦିଲ୍ଲୀ ୨୭।୨: ଦିଲ୍ଲୀ ରାଉଜ ଏଭେନ୍ୟୁ କୋର୍ଟ ଶୁକ୍ରବାର କେନ୍ଦ୍ରୀୟ ଯାଞ୍ଚ ବ୍ୟୁରୋ (ସିବିଆଇ)ର ସେହି ଅଧିକାରୀଙ୍କ ବିରୋଧରେ ବିଭାଗୀୟ କାର୍ଯ୍ୟାନୁଷ୍ଠାନର ଆଦେଶ ଦେଇଛନ୍ତି, ଯିଏ ଦିଲ୍ଲୀ ଏକ୍ସାଇଜ ନୀତିର ଯାଞ୍ଚ କରିଥିଲେ। ଏହି ମାମଲାରେ...

ଅଘଟଣ ପରେ ଚେତିଲା ବିଏମ୍‌ସି ; ହୋର୍ଡିଂ ନେଇ ଆଣିଲା କଡ଼ା ଗାଇଡ୍‌ଲାଇନ୍

କନକ ବ୍ୟୁରୋ : ହୋର୍ଡିଂ ଅଘଟଣ ପରେ ବିଏମ୍‌ସିର ଚେତା ପଶିଛି। ସହରରେ ମାସେ ଭିତରେ ବେଆଇନ ହୋର୍ଡିଂ ସବୁ ହଟାଯିବା ପାଇଁ ନିଷ୍ପତ୍ତି ହୋଇଥିବା ବେଳେ ଆଗକୁ ହୋର୍ଡିଂ ଲଗାଇବା ପାଇଁ ମଧ୍ୟ କଡ଼ା ନିୟମ ଆଣିଛି ବିଏମ୍‌ସି । ଭୁବନେଶ୍ବର ମହାନଗର ନିଗମ ଅଞ୍ଚଳରେ ଯିଏ ଯେଉଁଠି ବି ହୋର୍ଡିଂ ଲଗାଇବ ଏଣିକି ବିଏମ୍‌ସି ଠାରୁ ନେବାକୁ ପଡ଼ିବ ଅନୁମତି । ହୋର୍ଡିଂ ଲଗାଇବା ଆଗରୁ ଷ୍ଟ୍ରକ୍‌ଚରାଲ୍‌ ସାର୍ଟିଫିକେଟ ଏବଂ ଥାର୍ଡ ପାର୍ଟି ଇନସ୍ୟୁରାନ୍ସ ବାଧ୍ୟତାମୂଳକ। ନହେଲେ କଟାଯିବ ହୋର୍ଡିଂ । ତା ଛଡ଼ା ଘରୋଇ ଅନୁଷ୍ଠାନ କିମ୍ବା କୌଣସି ବ୍ୟକ୍ତି ନିଜ ଘର ଉପରେ ହୋର୍ଡିଂ ଲଗାଇ ପାରିବେନି। ଏନେଇ କଡ଼ା ଚେତାବନୀ ଦେଇଛି ବିଏମ୍‌ସି। ଏଜେନ୍‌ସିଙ୍କ ଠାରୁ ପଇସା ନେଇ ମନଇଚ୍ଛା ଘର ଉପରେ ହୋର୍ଡିଂ ଲଗାଯାଉଛି। ତୁରନ୍ତ ସେ ସବୁ ହୋର୍ଡିଂ ହଟାଇବାକୁ ଅଭିଯାନ ଆରମ୍ଭ ହୋଇଛି। ଏଭଳି ହୋର୍ଡିଂ ନଜରକୁ ଆସିଲେ ଜଣାଇବା ଲାଗି ଜନସାଧାରଣଙ୍କୁ ଅନୁରୋଧ କରିଛି ବିଏମ୍‌ସି । ଏପଟେ ରାଜଧାନୀରେ ଅଘଟଣ ପରେ ସିଏମ୍‌ସି ମଧ୍ୟ ସଜାଗ ହୋଇଛି। କଟକରେ ଥିବା ବିଭିନ୍ନ ହୋର୍ଡିଂର ସ୍ଥିତି ଯାଞ୍ଚ କରିଛନ୍ତି ସିଏମ୍‌ସି ମେୟର ଏବଂ କମିସନର। ପ୍ରାଥମିକ ପର୍ଯ୍ୟାୟରେ ବେଆଇନ ଏବଂ ଅସୁରକ୍ଷିତ ହୋର୍ଡିଂ ଚିହ୍ନଟ କରାଯାଇଛି। ସେ ସବୁକୁ ଶୀଘ୍ର ଭଙ୍ଗାଯିବ ବୋଲି କମିସନର କହିଛନ୍ତି । କାହିଁକି ଅଘଟଣ ପରେ ପଶୁଛି ଚେତା? ଆଗୁଆ କାହିଁକି ସଜାଗ ହେଉନି ପ୍ରଶାସନ? ଏଭଳି ତଦାରଖ ଆଗରୁ ହୋଇଥିଲେ ହୁଏତ ଦୁଇଟି ଅମୂଲ୍ୟ ଜୀବନ ବଞ୍ଚିଯାଇଥାନ୍ତା । ଅଧିକ ପଢ଼ନ୍ତୁ--- ଲାଇସେନ୍ସପ୍ରାପ୍ତ ମଦ ଦୋକାନରେ ନକଲି ମଦ ; ଚାଲିଛି ଲୋକଙ୍କ ଜୀବନ ସହ ଖେଳ

କେଜରିୱାଲ ନିର୍ଦ୍ଦୋଷରେ ମୁକ୍ତ ହେବା ପରେ ନ୍ୟାୟପାଳିକାଙ୍କୁ ଉଚ୍ଚ ପ୍ରଶଂସା କଲେ ଆନ୍ନା ହଜାରେ

ନୂଆଦିଲ୍ଲୀ ୨୭।୨: ସାମାଜିକ କାର୍ଯ୍ୟକର୍ତ୍ତା ଆନ୍ନା ହଜାରେ ଦିଲ୍ଲୀର ପୂର୍ବତନ ମୁଖ୍ୟମନ୍ତ୍ରୀ ତଥା ଆମ ଆଦମୀ ପାର୍ଟି (ଆପ) ନେତା ଅରବିନ୍ଦ କେଜରିୱାଲଙ୍କୁ ଏକ୍ସାଇଜ ପଲିସି ମାମଲାରେ କୋର୍ଟ ଦ୍ୱାରା ମୁକ୍ତ କରାଯିବା ନିଷ୍ପତ୍ତିକୁ ସମ୍ମାନ କର...

ଲାଇସେନ୍ସପ୍ରାପ୍ତ ମଦ ଦୋକାନରେ ନକଲି ମଦ ; ଚାଲିଛି ଲୋକଙ୍କ ଜୀବନ ସହ ଖେଳ

କନକ ବ୍ୟୁରୋ : ଷ୍ଟିଲ ସିଟିରେ ଲାଇସେନ୍ସ ପ୍ରାପ୍ତ ମଦ ଦୋକାନରେ ପ୍ରସ୍ତୁତ ହେଉଛି ନକଲି ମଦ । ଦୋକାନରେ ଚଢ଼ଉ କରି ୩ ଜଣ କର୍ମଚାରୀଙ୍କୁ ଗିରଫ କରି କାମ ସାରି ଦେଇଛି ଅବକାରୀ ବିଭାଗ। ହେଲେ ବିଷାକ୍ତ ମଦ ପ୍ରସ୍ତୁତ କରୁଥିବା ମାଷ୍ଟର ମାଇଣ୍ଡ ଦୋକାନୀଙ୍କୁ ବାନ୍ଧିବାକୁ ହାତ ଯାଉନି । ଲୋକଙ୍କ ଜୀବନ ସହ ଖେଳୁଥିବା ମାଲିକଙ୍କ ସହ ଅବକାରୀ ବିଭାଗର ହୋଇଛି କି ବଡ଼ ଡିଲ୍ । ମଦ ଦୋକାନ ମାଲିକ ତିଆରି କରୁଥିଲେ ନକଲି ମଦ। ଏଥିପାଇଁ ନାମୀ ଦାମୀ କମ୍ପାନିର ବୋତଲ, ଷ୍ଟିକର, ଠିପି ଓ ସରକାରଙ୍କ ସ୍ବୀକୃତି ଲେଭଲ ସବୁ କିଛି ଅରିଜିନାଲ ଭଳି ପ୍ରସ୍ତୁତ କରି ଚଳାଇଥିଲେ କାରବାର। ଏ ହେଉଛି ରାଉରକେଲା ଷ୍ଟେସନ ରୋଡ ଭଳି ଜନଗହଳିପୂର୍ଣ୍ଣ ଜାଗାରେ ଥିବା ଠିପି ବନ୍ଦ ସରକାରୀ ବିଦେଶୀ ମଦ ଦୋକାନ। ଦୋକାନରେ ଚଢ଼ଉ କରି ୩୪ ଲିଟର ନକଲି ମଦ ସହ ବିଭିନ୍ନ ସାମଗ୍ରୀ ଜବତ କରି ୩ ଜଣ କର୍ମଚାରୀଙ୍କୁ ଗିରଫ କରିଛି ଅବକାରୀ ବିଭାଗ। ହେଲେ ଘଟଣାର ମାଷ୍ଟର ମାଇଣ୍ଡଙ୍କୁ ଛୁଇଁ ପାରିନି ଅବକାରୀ ବିଭାଗ । ଅଧିକ ପଢ଼ନ୍ତୁ--- ବିଗୁଡ଼ୁଛି ସହରର ଆଇନ ଶୃଙ୍ଖଳା ; ବଢ଼ୁଛି ଚୋରା ବନ୍ଧୁକ କାରବାର ଏଠାରେ ପ୍ରଶ୍ନ ଉଠୁଛି, ମଦ ଦୋକାନ ମାଲିକଙ୍କ ଅଜାଣତରେ ଚାଲିଥିଲା କି ନକଲି ମଦ ତିଆରି? ନିୟମ ଅନୁସାରେ ନକଲି ମଦ ତିଆରି ଘଟଣା ପରେ ତୁରନ୍ତ ଦୋକାନକୁ ସିଲ୍‌ କରିବା କଥା। ଏଥିସହ ଦୋକାନ ଲାଇସେନ୍ସ ବାତିଲ ହେବା କଥା। ହେଲେ ଦୋକାନ ମାଲିକଙ୍କ ଅନ୍ୟ ଜାଗାରେ ଥିବା ମଦ ଦୋକାନରେ କାହିଁକି ଚଢ଼ଉ କରୁନି ଅବକାରୀ ବିଭାଗ? ମାଲିକଙ୍କ ଗୋଦାମରେ କାହିଁକି ହାତ ମାରୁନି ଅବକାରୀ ବିଭାଗ? କେତେ ଦିନରୁ ଚାଲୁଥିଲା ଏହି କାରବାର? ଲୋକଙ୍କ ଜୀବନ ସହ ଖେଳୁଥିବା ଦୋକାନ ମାଲିକଙ୍କୁ କାହିଁକି ଏତେ ଅନୁକମ୍ପା ? ତେବେ ଏନେଇ ଅବକାରୀ ମନ୍ତ୍ରୀଙ୍କୁ ଜଣାଇବା ସହ ଲାଇସେନ୍ସ ବାତିଲ କରିବା ଓ ମଦ ଦୋକାନ ମାଲିକଙ୍କୁ ଗିରଫ ପାଇଁ ଲିଖିତ ଭାବେ ଜଣାଇବେ ବୋଲି କହିଛନ୍ତି ପୂର୍ବତନ ନଗରପାଳ ।

ହୁତହୁତ ହୋଇ ଜଳୁଛି ଜଙ୍ଗଲ, ୨୫ ଜଙ୍ଗଲରେ ଲାଗିଛି ବଡ଼ ଆକାରର ନିଆଁ

ଭୁବନେଶ୍ବର ୨୭।୨: ରାଜ୍ୟର ୨୫ ଜଙ୍ଗଲରେ ଲାଗିଛି ବଡ଼ ଆକାରର ନିଆଁ । ହୁତହୁତ ହୋଇ ଜଳୁଛି ଜଙ୍ଗଲ । କୋରାପୁଟର ପାର୍ବତୀପୁରମ ମାନ୍ୟମ ପଏଣ୍ଟ, ଢେଙ୍କାନାଳର ମହାବୀରରୋଡ-୧, କାମାକ୍ଷାନଗର ଇଷ୍ଟ ୧ ପଏଣ୍ଟ, ନବରଙ୍ଗପୁରର ଉମରକୋଟ ୯,୧୦,୧୧,୧୨ ପଏଣ...

ପିତାଙ୍କ କୋକେଇ କାନ୍ଧେଇଲେ ରିଙ୍କୁ ସିଂହ, ମୁଖାଗ୍ନି ଦେଲେ ବଡ଼ ଭାଇ

ନୂଆଦିଲ୍ଲୀ: ଭାରତୀୟ କ୍ରିକେଟର ରିଙ୍କୁ ସିଂହଙ୍କ ପିତା ଖାନଚାନ୍ଦ ସିଂହ ଫେବୃଆରୀ ୨୭ (ଶୁକ୍ରବାର) ମୃତ୍ୟୁବରଣ କରିଛନ୍ତି । ପିତାଙ୍କ କୋକେଇରେ କାନ୍ଧ ଦେଇ ତାଙ୍କର ମରଶରୀରକୁ ଶ୍ମଶାନ ନେଇଛନ୍ତି ରିଙ୍କୁ । ଖାନଚାନ୍ଦ ସିଂହଙ୍କ ଅନ୍ତିମ ସଂସ୍...

ବିଗୁଡ଼ୁଛି ସହରର ଆଇନ ଶୃଙ୍ଖଳା ; ବଢ଼ୁଛି ଚୋରା ବନ୍ଧୁକ କାରବାର

କନକ ବ୍ୟୁରୋ : ସହରରେ ବିଗିଡ଼ିଲାଣି ଆଇନ ଶୃଙ୍ଖଳା ସ୍ଥିତି। ଖୁଲମଖୁଲା ମିଳୁଛି ବନ୍ଧୁକ। କଥା କଥାକେ ଫୁଟୁଛି ଗୁଳି। ଆଉ ଏହା ପଛରେ ରହିଛି ବାଲି ମାଫିଆଙ୍କ ଲିଙ୍କ୍ । କଟକ ପ୍ରେସ୍‌ କଲୋନି ହତ୍ୟାକାଣ୍ଡ ପରେ ଗୋଟିଏ ପରେ ଗୋଟିଏ ଖିଅ ସାମ୍ନାକୁ ଆସୁଛି। ସୌମ୍ୟ ରଂଜନ ହତ୍ୟା ମାମଲାରେ ବାଲି ମାଫିଆଙ୍କ ସଂପୃକ୍ତି ସାମ୍ନାକୁ ଆସିବା ପରେ ଏହାକୁ ନେଇ ତେଜିଛି ରାଜନୀତି । ବାଲି ମାଫିଆଙ୍କ ଯୋଗୁଁ ସହରରେ ଆଇନଶୃଙ୍ଖଳା ସ୍ଥିତି ବିଗୁଡୁଥିବା ଅଭିଯୋଗ ଆଣିଛନ୍ତି ପୂର୍ବତନ କଟକ ସଦର ବିଧାୟକ ଚନ୍ଦ୍ର ସାରଥୀ ବେହେରା। ବାଲିଘାଟ କାରବାରରେ ମୋଟ ଆଙ୍କର କମିସନ ମିଳୁଥିବାରୁ ମାଫିଆଙ୍କୁ ସ୍ଥାନୀୟ ରାଜନେତା ସହଯୋଗ କରୁଥିବା ସେ ଅଭିଯୋଗ କରିଛନ୍ତି। ଏ ନେଇ କଟକ ସଦର ବିଧାୟକଙ୍କୁ ଟାର୍ଗେଟ୍ କରିଛନ୍ତି ଚନ୍ଦ୍ର ସାରଥି । ସୌମ୍ୟରଂଜନଙ୍କ ହତ୍ୟାକାରୀଙ୍କ ସହ କଟକ ସଦର ବିଧାୟକ ପ୍ରକାଶ ସେଠୀଙ୍କ ଫଟୋ ଭାଇରାଲ୍‌ ହେବାକୁ ନେଇ ଉଭୟ ମୁହାଁମୁହିଁ ହୋଇଛନ୍ତି । କଟକ ସଦର, ବୟାଳିଶ ମୌଜା, ନୂଆପଡ଼ା, ମହାନଦୀ କୂଳରେ ବିଦ୍ୟାଧରପୁରରୁ କିଶନନଗର ପର୍ଯ୍ୟନ୍ତ ଚୋରା ବାଲି କାରବାର ଅପରାଧିକଙ୍କ ଆୟର ପ୍ରମୁଖ ଉତ୍ସ ପାଲଟିଛି। ପୁଲିସ ନାଁକୁ ମାତ୍ର ପାଟ୍ରୋଲିଂ କରୁଥିବା ବେଳେ ଏସବୁ ପ୍ରତି ଯେମିତି ଆଖିବୁଜିଦେଇଛି। ସହଜ ଆୟ ଏବଂ ମୋଟ ଅଙ୍କର ଅର୍ଥ କାରବାରର ବାଟ ସାଜିଥିବାରୁ ମାଫିଆଙ୍କୁ ରାଜନେତାମାନେ ପ୍ରଶ୍ରୟ ଦେଉଥିବା ଅଭିଯୋଗ ହୋଇଛି। ସେହିପରି କର୍ତ୍ତୃତ୍ବ ଜାହିର ପାଇଁ ମାଫିଆମାନଙ୍କ ଦ୍ଵାରା ରାଜ୍ୟ ତଥା ରାଜ୍ୟ ବାହାରୁ ଚୋରା ବନ୍ଧୁକ କାରବାର ବଢ଼ି ଚାଲିଛି। ବାଲି ମାଫିଆମାନେ ଏକାଧିକ ଅପରାଧରେ ବି ସଂପୃକ୍ତ ରହୁଥିବା ନଜରକୁ ଆସୁଛି। ଏସବୁକୁ ଦେଖିଲେ ସହରରେ ମାଫିଆ ରାଜ୍‌ ବଢ଼ୁଥିବା କହିଛନ୍ତି ପୂର୍ବତନ ପୁଲିସ ଅଧିକାରୀ । ଅଧିକ ପଢ଼ନ୍ତୁ--- ଟୋପେ ପାଣି ପାଇଁ ହୀନସ୍ତା; ଶୋଷ ମେଣ୍ଟାଉଛି ପୋଖରୀ

ଚୀନ୍ରେ ମୋୟା ମାନିଆ; ହଲି ହଲି ଚାଲୁଛି, ହସୁଛି, ଆଖି ବି ମାରୁଛି...

ନୂଆଦିଲ୍ଲୀ: ଏବେ ସାରା ଦୁନିଆରେ ଏଆଇର ଚର୍ଚ୍ଚା। କମ୍ପ୍ୟୁଟର ଠାରୁ ଆରମ୍ଭ କରି ମୋବାଇଲ... ସବୁଥିରେ ଆସିଲାଣି ଏଆଇ। ଖୁବଶୀଘ୍ର ଦିନ ଆସିବ ଯେତେବେଳେ, ଏଆଇ ମନୁଷ୍ୟ ଜୀବନର ଏକ ଅବିଚ୍ଛେଦ୍ୟ ଅଙ୍ଗ ପାଲଟିଯିବ। ଏହାରି ଭିତରେ ଚୀନର ଏକ ଏଆଇ ରୋ...

ଅସ୍ତିତ୍ବ ହରାଉଛି ଶିବ ସାଗର ! ରକ୍ଷଣାବେକ୍ଷଣ ଅଭାବରୁ ପୋତି ହୋଇଯିବ କି ?

କନକ ବ୍ୟୁରୋ : ମାଲାକାନଗିରି ଜିଲ୍ଲା ମାଥିଲିର ହଜାର ହଜାର ଲୋକଙ୍କ ଏକମାତ୍ର ଭରସା ଥିଲା ଶିବସାଗର । ଲୋକଙ୍କ ପୋଟକୁ ଦାନା ଯୋଗାଉଥିଲା, ଶୋଷ ବି ମେଣ୍ଟାଉଥିଲା । ରକ୍ଷଣାବେକ୍ଷଣ ଅଭାବରୁ ଏବେ ନିଜର ଅସ୍ତିତ୍ୱ ହରାଇବାରେ ଲାଗିଛି । ସାଗର ପାଣି ଦୂଷିତ ହେଉଥିବାରୁ ଲୋକଙ୍କ ପାଇଁ ବ୍ୟବହାର ଅନୁପଯୋଗୀ ହୋଇପଡିଛି । ମାଥିଲି ସଦରରେ ଥିବା ଶିବ ସାଗର ଏବେ ବିପଦ ମୁହାଁ । ଦିନେ ସାରା ଅଞ୍ଚଳର ଜଳକଷ୍ଟ ଦୂର କରୁଥିଲା । ପିଇବା ପାଣିଠାରୁ ଆରମ୍ଭ କରି ନିତ୍ୟ ବ୍ୟବହାର ଯାଏଁ କାର୍ଯ୍ୟରେ ଲାଗୁଥିଲା । ଏବେ ରକ୍ଷଣାବେକ୍ଷଣା ଅଭାବରୁ ଜଳସ୍ରୋତ ଶୁଷ୍କ ହେବାରେ ଲାଗିଛି । ଆଉ ସେ ସୌନ୍ଦର୍ଯ୍ୟ ନାହିଁ । କି ଲୋକଙ୍କ କାମରେ ଲାଗୁନି । ରକ୍ଷଣାବେକ୍ଷଣ ଅଭାବରୁ ଅଳିଆ ଆବର୍ଜନରେ ପୋତି ହୋଇଯାଇଛି ପ୍ରସିଦ୍ଧ ଶିବ ସାଗର । ଅଧିକ ପଢ଼ନ୍ତୁ : ଟୋପେ ପାଣି ପାଇଁ ହୀନସ୍ତା; ଶୋଷ ମେଣ୍ଟାଉଛି ପୋଖରୀ ସାଗରର ରକ୍ଷଣାବେକ୍ଷଣା ଦାୟିତ୍ବ ନେଇଥିଲା କ୍ଷୁଦ୍ର ଜଳ ସେଚନ ବିଭାଗ । ଜଣେ ଠିକାଦାର ସୌନ୍ଦର୍ଯ୍ୟୀକରଣ ପାଇଁ ଟେଣ୍ତର ପାଇଥିଲେ । କିନ୍ତୁ ଠିକାଦାରଙ୍କ ଅବହେଳା ପାଇଁ କାମ ଆଗେଇ ପାରିଲାନି । ଶେଷରେ ଟେଣ୍ତର ରଦ୍ଧ ହୋଇଥିଲା। ଫଳରେ ପ୍ରାୟ ବର୍ଷେ ହେବ ସାଗରର ବିଭିନ୍ନ ଉନ୍ନୟନ କାମ ବନ୍ଦ ରହିଛି । ଏପଟେ ପୁନଃ ଟେଣ୍ତର ଆହ୍ବାନ ପରେ କାମ ଆରମ୍ଭ କରାଯିବ ବୋଲି ସୂଚନା ଦେଇଛି ମାଥିଲି କ୍ଷୁଦ୍ର ଓ ଜଳସେଚନ ବିଭାଗ । ଦିନ ଥିଲା ମାଥିଲି ଶିବ ସାଗର ଲୋକଙ୍କ ଜଳ କଷ୍ଟ ଦୂର କରୁଥିଲା । ଶହ ଶହ ଲୋକଙ୍କ ଏକମାତ୍ର ଭରସା ସାଜିଥିଲା । ମତ୍ସଜୀବୀ ମଧ୍ୟ ସାଗରରୁ ମାଛ ଧରି ପେଟ ପୋଷୁଥିଲେ । ଏବେ ରକ୍ଷଣାବେକ୍ଷଣା ଅଭାବରୁ ଏହା ପୋତି ହୋଇଯିବାର ଆଶଙ୍କା ସୃଷ୍ଟି ହୋଇଛି ।

ଇସ୍ରାଏଲ ନିକଟରେ ପହଞ୍ଚିଲା ୟୁଏସଏସ୍ ଜେରାଲ୍ଡ ଆର. ଫୋର୍ଡ; ଆମେରିକା ରାଷ୍ଟ୍ରପତିଙ୍କୁ ଆକ୍ରମଣର ପ୍ଲାନ୍ ବୁଝାଇଲା ସେନା

ନୂଆଦିଲ୍ଲୀ: ମଧ୍ୟପ୍ରାଚ୍ୟ ପୁଣି ଥରେ ଅଶାନ୍ତ ହୋଇପଡ଼ିଛି । ଇସ୍ରାଏଲ ଏବଂ ହମାସ ମଧ୍ୟରେ ଲଢ଼େଇ ଜାରି ରହିଥିବା ବେଳେ ଆଉ ଏକ ବଡ଼ ଯୁଦ୍ଧର ଆଶଙ୍କା ବଢ଼ିଯାଇଛି। ଖୁବଶୀଘ୍ର ଆମେରିକା ଇରାନ୍ ଉପରେ ଆକ୍ରମଣ କରିପାରେ । ଆମେରିକାର ସେଣ୍ଟ୍ରାଲ କ...

Pakistan-Afghanistan conflict: ପାକିସ୍ତାନ ଏୟାର ଷ୍ଟ୍ରାଇକ୍‌ରେ ତାଲିବାନ ଶୀର୍ଷ ନେତା ହୈବାତୁଲ୍ଲା ଅଖୁନ୍ଦଜାଦାଙ୍କ ମୃତ୍ୟୁ!

କାବୁଲ:ପାକିସ୍ତାନର ଏୟାର ଷ୍ଟ୍ରାଇକ୍ ପରେ ଆଫଗାନିସ୍ତାନର ଜବାବୀ ହମଲା ପରେ ଦୁଇ ଦେଶ ମଧ୍ୟରେ ପୁଣି ଯୁଦ୍ଧ ଆରମ୍ଭ ହୋଇଯାଇଛି। ଶୁକ୍ରବାର(୨୭ ଫେବୃଆରୀ) ପାକିସ୍ତାନ ଆଫଗାନିସ୍ତାନ ବିରୁଦ୍ଧରେ ଓପନ ୱାର୍(ଖୋଲୁମଖୁଲା ଯୁଦ୍ଧ) ଘୋଷଣା କରି...

ରାସ୍ତାରେ ଗଲାବେଲେ ବାସ୍ ଗୋଟିଏ ଭୁଲ୍, ସିଧାସଳଖ ରବ୍ଦ ହେବ ଆପଣଙ୍କ DL, ଡ୍ରାଇଭିଙ୍ଗ୍ ଲାଇସେନ୍ସକୁ ନେଇ ନୂଆ ନିୟମ

RTO Rule for DL: ଯଦି ଆପଣ ଗାଡି ଚଲାଇବା ସମୟରେ ଟ୍ରାଫିକ୍ ନିୟମକୁ ହାଲୁକା ଭାବରେ ନେଉଛନ୍ତି, ତେବେ ଏବେ ସତର୍କ ରୁହନ୍ତୁ। ଟ୍ରାଫିକ୍ ନିୟମ ଉଲ୍ଲଂଘନ କରୁଥିବା ଲୋକଙ୍କ ବିରୁଦ୍ଧରେ ଏବେ ବଡ଼ କାର୍ଯ୍ୟାନୁଷ୍ଠାନ ଗ୍ରହଣ କରାଯାଉଛି। କେନ୍ଦ୍ର ସରକାର ଖୁବ୍ ଶୀଘ୍ର ଦେଶରେ ସମ୍ପୂର୍ଣ୍ଣ ଡ୍ରାଇଭିଂ ଲାଇସେନ୍ସ ବ୍ୟବସ୍ଥାକୁ ପରିବର୍ତ୍ତନ କରିବାକୁ ଯାଉଛନ୍ତି। କେନ୍ଦ୍ର ମନ୍ତ୍ରୀ ନୀତିନ ଗଡକରୀ ଘୋଷଣା କରିଛନ୍ତି ଯେ, ଭାରତରେ ଖୁବ୍ ଶୀଘ୍ର ଏକ ‘ଗ୍ରେଡ୍-ଆଧାରିତ ଡ୍ରାଇଭିଂ ଲାଇସେନ୍ସ […]

ଟୋପେ ପାଣି ପାଇଁ ହୀନସ୍ତା; ଶୋଷ ମେଣ୍ଟାଉଛି ପୋଖରୀ

କନକ ବ୍ୟୁରୋ : ବିଶୁଦ୍ଧ ପାଣି ମୁନ୍ଦାଏ ପାଇଁ କେନ୍ଦ୍ର ତଥା ରାଜ୍ୟ ସରକାର ବହୁ ଯୋଜନା ହାତକୁ ନେଇ କୋଟି କୋଟି ଟଙ୍କା ଖର୍ଚ୍ଚ କରିଚାଲିଛନ୍ତି । ମାତ୍ର ଏହି ଯୋଜନା ଗ୍ରାମାଞ୍ଚଳରେ କେତେ ସଫଳ ତାର ତଥ୍ୟ ବିଭାଗୀୟ ବାବୁଙ୍କ ପାଖରେ ଖବର ନାହିଁ । ଯାହାର ଜ୍ୱଳନ୍ତ ଉଦାହରଣ ଦେଖିବାକୁ ମିଳିଛି ନୟାଗଡ଼ ଭାପୁର ବ୍ଳକ ତରବାଲୋ ଗାଁର ୫ଟି ୱାର୍ଡର ଲୋକେ । ନୟାଗଡ଼ ଜିଲ୍ଲା ଭାପୁର ବ୍ଳକ ଗୋଳାପୋଖରୀ ପଞ୍ଚାୟତର ତରବାଲୋ ଗାଁ । ଗାଁକୁ ଦେଖିଲେ ଆପଣଙ୍କ ମନକୁ ଆସିବ ସତରେ କ’ଣ ଏମିତି ଚାଲିଛି ଜଳ ଯୋଗାଣ ବ୍ୟବସ୍ଥା । ଯେଉଁ ପାଣିରେ ଗୋଡ଼ ଧୋଇବାକୁ ଅପରିଷ୍କାର ଲାଗିବ, ସେହି ପୋଖରୀ ପାଣି ପିଉଛନ୍ତି ଗାଁର ୪ ହଜାରରୁ ଅଧିକ ଲୋକ । ଏମିତି ନୁହେଁ ବ୍ୟବସ୍ଥା ନଥିଲା, ଜିଲ୍ଲା ଗ୍ରାମ୍ୟ ଜଳ ଯୋଗାଣ ଓ ପରିମଳ ବିଭାଗ ତରଫରୁ ଲକ୍ଷ ଲକ୍ଷ ଟଙ୍କା ଖର୍ଚ୍ଚ କରି ବୋରିଂ ଖୋଳା ଯାଇଥିଲା । ସାହି ମାନଙ୍କରେ ପ୍ରାୟ ୨୦ଟି ଟ୍ୟାପ୍‌ପୋଷ୍ଟ ନିର୍ମାଣ କରାଯାଇ ପାଣି ପାଉଥିଲେ ଲୋକେ । ହେଲେ ୬ ମାସ ହେଲାଣି ଲୁହା ପାଇପ୍‌ ଫାଟିଯାଇଛି । ଅଧିକ ପଢ଼ନ୍ତୁ : ଢେଙ୍କାନାଳ ଭୁବନର ପଛୁଆ ଗାଁ ଅରିଲୋ; ସ୍ୱାଧୀନତାର ବର୍ଷ ବର୍ଷ ପରେ ବି ନାହିଁ ପକ୍କା ରାସ୍ତା ଫଳରେ ବାଧ୍ୟ ହୋଇ ଡ୍ରେନ୍‌ର ଅପରିଷ୍କାର ମଳମୂତ୍ର ପାଣି ପିଉଥିଲେ ଲୋକେ । ଏନେଇ ଅଭିଯୋଗ କରିବା ପରେ ମରାମତି ନକରି ପାଖାପାଖି ୧୦ ଦିନ ହେଲାଣି ଜଳଯୋଗାଣ ବ୍ୟବସ୍ଥା ସମ୍ପୂର୍ଣ୍ଣ ବନ୍ଦ କରିଦିଆଯାଇଛି । ବାଧ୍ୟ ହୋଇ ଅପରିଷ୍କାର ପୋଖରୀ ପାଣି ବ୍ୟବହାର କରିବାକୁ ପଡ଼ୁଛି । ଗାଁ ନିକଟରେ ରହିଛି ଏସିଆର ଦ୍ୱିତୀୟ ବୃହତମ ଉଷ୍ମପସ୍ରବଣ । କୂଅ ଓ ପୋଖରୀ ପାଣି ଗନ୍ଧକ ଯୁକ୍ତ ହୋଇଥିବାରୁ ବ୍ୟବହାର ଅନୁପଯୋଗୀ ହୋଇପଡ଼େ । ଗାଁରେ ଥିବା ୫ଟି ନଳକୂପରୁ ୩ଟି ଅଚଳ । ଏବେ ପାଇପ୍‌ ଫାଟିଯିବା ପରେ ନାହିଁ ନଥିବା ଅସୁବିଧାର ସମ୍ମୁଖୀନ ହେଉଛନ୍ତି ଲୋକେ । ଏମିତି ପାଣି ପିଇଲେ ଆମେ ବଞ୍ଚିବୁ ତ’ ? ଏ କଥା ପଚାରୁଛନ୍ତି ତରବାଲୋର ପ୍ରତ୍ୟେକଟି ବାସିନ୍ଦା । ତୁରନ୍ତ ଗାଁକୁ ଜଳ ଯୋଗାଣର ବ୍ୟବସ୍ଥା କରିବାକୁ ଦାବି ହୋଇଛି ।

ଅଭିଷେକଙ୍କ ବ୍ୟାଟିଂ ଦେଖି ଆଶ୍ଚର୍ଯ୍ୟ ହେଲେ ଗାଭାସ୍କର

କନକ ବ୍ୟୁରୋ: ଜିମ୍ବାଓ୍ବେ ବିପକ୍ଷ ଗୁରୁତ୍ବପୂର୍ଣ୍ଣ ସୁପର-୮ ମ୍ୟାଚ୍‌ରେ ଏକ ଲଢୁଆ ପାଳି ଖେଳିଥିବାରୁ ଅଭିଷେକ ଶର୍ମାଙ୍କୁ ପ୍ରଶଂସା କରିଛନ୍ତି ଭାରତର ବ୍ୟାଟିଂ କିମ୍ବଦନ୍ତୀ ସୁନୀଲ ଗାଭାସ୍କର୍‌। ୫୫ ରନ୍‌ର ଏକ ପାଳି ଖେଳି ସେ ସମାଲୋଚକଙ୍କ ମୁହଁ ବନ୍ଦ କରିଦେଇଛନ୍ତି ବୋଲି ଗାଭାସ୍କର୍‌ କହିଛନ୍ତି। ବିଶ୍ବକପ୍‌ର ଅନ୍ୟ ମ୍ୟାଚ୍‌ ଗୁଡ଼ିକରେ ଖରାପ ପ୍ରଦର୍ଶନ ପାଇଁ ଗାଭାସ୍କର ପୂର୍ବରୁ ତାଙ୍କୁ କଡ଼ା ସମାଲୋଚନା କରିବା ସହ ପ୍ରଥମରୁ ବଲକୁ ବାଉଣ୍ଡରୀ ପଠାଇବାକୁ ଉଦ୍ୟମ କରିବା ବଦଳରେ ୧-୨ ରନ୍‌ ନେଇ ପିଚ୍‌ରେ ସମୟ ବିତେଇବାକୁ ପରାମର୍ଶ ଦେଇଥିଲେ। ଗତ ମ୍ୟାଚ୍‌ରେ ବୋଧହୁଏ ଅଭିଷେକ ତାଙ୍କ ପରାମର୍ଶକୁ ଗ୍ରହଣ କରିଥିଲେ। ଆହୁରି ପଢ଼ନ୍ତୁ... ଭାରତ-ଦକ୍ଷିଣ ଆଫ୍ରିକା ଫାଇନାଲ୍‌ : ଭନ୍‌ ଜିମ୍ବାଓ୍ବେ ବିପକ୍ଷ ମ୍ୟାଚ୍‌ରେ ଅଭିଷେକ ଆରମ୍ଭରୁ ଅତ୍ୟନ୍ତ ସତର୍କ ହୋଇ ଓ କୌଣସି ବିପଦ ବରଣ ନ କରି ବ୍ୟାଟିଂ କରୁଥିବା ଦେଖାଯାଇଥିଲା। ଏ ସମ୍ପର୍କରେ ଗାଭାସ୍କର କହିଛନ୍ତି ଯେ ଅଭିଷେକ ଆରମ୍ଭରୁ କିଛି ଅତିରିକ୍ତ ସମୟ ନେଇଥିଲେ ଓ ଅଫ୍‌-ସ୍ପିନରମାନଙ୍କୁ ସମ୍ମାନ ଦେଇଥିଲେ। ସେ ଅତ୍ୟନ୍ତ ଶାନ୍ତଭାବରେ କୌଣସି ରିସ୍କ୍‌ ନ ନେଇ ଖେଳୁଥିଲେ। ତେବେ ଅଭିଷେକ କେତେକ ବଲକୁ ରକ୍ଷଣାତ୍ମକ ଶୈଳୀରେ ଖେଳୁଥିବା ଦେଖି ସେ ଆଶ୍ଚର୍ଯ୍ୟ ବ୍ୟକ୍ତି କରିଛନ୍ତି। କାରଣ ସେ ସାଧାରଣତଃ ଏପରି କରୁଥିବା ଦେଖାଯାଏ ନାହିଁ। ଗାଭାସ୍କର ଆହୁରି ମଧ୍ୟ କହିଛନ୍ତି ଯେ ବିଗତ କିଛି ମ୍ୟାଚ୍‌ ଅଭିଷେକଙ୍କ ପାଇଁ ବେଶ ଶିକ୍ଷଣୀୟ ହୋଇଥିବ। ସବୁ ବ୍ୟାଟର୍‌ଙ୍କ କ୍ୟାରିୟରରେ ଏପରି ସମୟ ଆସେ ଯେତେବେଳେ ବ୍ୟାଟ୍‌ରୁ ରନ୍‌ ବାହାରେ ନାହିଁ, କିନ୍ତୁ ସେହି ପରିସ୍ଥିତିରୁ କେତେ ଶିକ୍ଷା ଲାଭ କଲ ତାହା ବଡ଼ କଥା।

ସଚିବାଳୟର ୬ ମହଲା କୋଠାରୁ ଡେଇଁ ହରିୟାଣା ସରକାରଙ୍କ ସଚିବ ପାହ୍ୟା ଅଧିକାରୀଙ୍କ ଆତ୍ମହତ୍ୟା

କନକ ବ୍ୟୁରୋ : ହରିୟାଣା ସରକାରଙ୍କର ସ୍ବତନ୍ତ୍ର ସଚିବ ପାହ୍ୟାର ଜଣେ ଅଧିକାରୀ ଗଣେଶ ଦାସ ଅରୋରା (୫୮) ସଚିବାଳୟର ଷଷ୍ଠ ମହଲାରୁ ଡେଇଁ ଆତ୍ମହତ୍ୟା କରିଛନ୍ତି। ମୃତ ଅଧିକାରୀ ଜଣେ ବରିଷ୍ଠ ଆଇଏଏସ୍‌ଙ୍କ ଅଧୀନରେ କାମ କରୁଥିଲେ। ବୁଧବାର ଅରୋରା ଆତ୍ମହତ୍ୟା କରିଥିବାବେଳେ ତାଙ୍କ ନିକଟରୁ ମିଳିଥିବା ସୁଇସାଇଡ ନୋଟ ମିଳିଛି । ଯେଉଁଥିରେ ସେ ନା ପରିବାର ଲୋକ ନା ଅଫିସରୁ କାହାରିଠାରୁ ଚାପରେ ନଥିଲେ। ତେଣୁ ତାଙ୍କ ମୃତ୍ୟୁ ପାଇଁ କାହାକୁ ଦାୟୀ ନକରିବାକୁ ଲେଖିଛନ୍ତି। ପୁଲିସ ଏହି ଆତ୍ମହତ୍ୟା ମାମଲାକୁ କର୍ମକ୍ଷେତ୍ରରେ ଚାପ କିମ୍ବା ନିର୍ଯାତନା ଦିଗରୁ ତଦନ୍ତ କରୁଛି। ହାତଲେଖା ଯାଞ୍ଚ କରିବାକୁ ପୁଲିସ ସୁଇସାଇଡ ନୋଟ୍‌କୁ କେନ୍ଦ୍ରୀୟ ଫୋରେନସିକ୍‌ ଲାବୋରେଟୋରୀକୁ ପଠାଇବ। ସୂତ୍ର ଅନୁଯାୟୀ ଜିରାକପୁର ବାସିନ୍ଦା ଅରୋରା ଆସନ୍ତା ଅକ୍ଟୋବର ମାସରେ ଅବସର ଗ୍ରହଣ କରିଥାନ୍ତେ। ଏହାପୂର୍ବରୁ ତାଙ୍କ ବିଭାଗ ବଦଳିକୁ ନେଇ ସେ ଚାପରେ ଥିଲେ। ପ୍ରତ୍ୟକ୍ଷଦର୍ଶୀଙ୍କ ଅନୁଯାୟୀ ଅରୋରା ମଧ୍ୟାହ୍ନ ୧୨ଟା ୩୦ ମିନିଟ ବେଳେ ନିଜ ସିଟ୍‌ରୁ ଉଠି ଷଷ୍ଠ ମହଲା ବାଲ‌କୋନୀରୁ ତଳକୁ ଡେଇଁ ପଡ଼ିଥିଲେ। ୧୫ ଦିନ ପୂର୍ବରୁ ମଧ୍ୟ ସେ ଆତ୍ମହତ୍ୟା ଉଦ୍ୟମ କରିଥିଲେ, କିନ୍ତୁ ସହକର୍ମୀ ତାଙ୍କୁ ଅଟକାଇ ଦେଇଥିଲେ। ମୃତକଙ୍କ ପତ୍ନୀ ହରିୟାଣା ରାଜଭବନରେ କାର୍ଯ୍ୟରତ ଅଛନ୍ତି। ତାଙ୍କ ପରିବାର ପକ୍ଷରୁ ଏ ସମ୍ପର୍କରେ କୌଣସି ମନ୍ତବ୍ୟ ରଖାଯାଇନାହିଁ । ଅଧିକ ପଢ଼ନ୍ତୁ--- ତୁରନ୍ତ ଯୁଦ୍ଧ ବନ୍ଦ କର ; ପାକିସ୍ତାନ-ଆଫଗାନିସ୍ତାନକୁ ରୁଷ,ଚୀନ ଓ ଇରାନର ଅପିଲ

ଢେଙ୍କାନାଳ ଭୁବନର ପଛୁଆ ଗାଁ ଅରିଲୋ; ସ୍ୱାଧୀନତାର ବର୍ଷ ବର୍ଷ ପରେ ବି ନାହିଁ ପକ୍କା ରାସ୍ତା

କନକ ବ୍ୟୁରୋ : ସ୍ୱାଧୀନତାର ବର୍ଷ ବର୍ଷ ପରେ ବି ଗାଁକୁ ନାହିଁ ନୀତି ଦିନିଆ ରାସ୍ତା। ବିଲ ରାସ୍ତା ଦେଇ ନାଳ ପାର ହୋଇ ଯାତୟାତ କରୁଛନ୍ତି ଢେଙ୍କାନାଳ ଭୁବନ ବ୍ଲକର ଅରିଲୋ ଗାଁ । ଆବାସ ଯୋଜନାରେ ଘର ବି ମିଳୁନି । ଝାଟିମାଟି ଘରେ ଜୀବନ ବିତାଉଛନ୍ତି ୨୦ ପରିବାର । ଅଭିଯୋଗ ପରେ ଅଭିଯୋଗ ହୋଇଛି ହେଲେ ଫଳ ଶୂନ । ବାଉଁଶ ପୋଲରେ ପାରି ହେଉଛନ୍ତି । ବିଲ ରାସ୍ତା ଦେଇ ଗାଁକୁ ଯାଉଛନ୍ତି । କୌଣସି ଉପାନ୍ତ ନୁହେଁ, ଏ ଦୃଶ୍ୟ ଢେଙ୍କାନାଳ ଭୁବନ ଅରିଲୋ ଗାଁର । ସ୍ୱାଧୀନତାର ୭ ଦଶନ୍ଧି ପରେ ବିକାଶର ନକ୍ସା ଏଠି କେମିତି ଅଙ୍କାଯାଇଛି ତାହା ସମସ୍ତଙ୍କ ଆଗରେ । ନୀତିଦିନିଆ ରାସ୍ତା ଖଣ୍ଡେ ନାହିଁ । ସଂକୀର୍ଣ୍ଣ ବିଲ ହୁଡ଼ା ଓ ନାଳ ପାରି ହୋଇ ଗାଁକୁ ଯିବାକୁ ହେବ । ନାଳ ଉପରେ କଂକ୍ରିଟ୍‌ ନୁହେଁ, କାଠ ପୋଲ । ଦେଖିଲେ ହିଁ ଭୁଷୁଡ଼ିବାର ଭୟ ଘାରୁଛି। ସରକାର ଯୋଜନା ପରେ ଯୋଜନା କରୁଛନ୍ତି କିନ୍ତୁ ତାହା କିପରି ଲୋକଙ୍କ ପାଖେ ପହଞ୍ଚୁଛି ଏହାକୁ ଦେଖିଲେ ଅନୁମାନ କରାଯାଇପାରେ । ଅଧିକ ପଢ଼ନ୍ତୁ : ଡେଲାଙ୍ଗରେ ଜଣ୍ଡିସ୍‌ ଡର ! ଶିକ୍ଷାଦାନର ମନ୍ଦିର ଏବେ ପାଲଟିଛି ରୋଗର ପେଣ୍ଠସ୍ଥଳୀ ବିକାଶ ତ’ ଦୂରର କଥା, ମୌଳିକ ସୁବିଧା ପାଇଁ ଗୁହାରି କରିବାକୁ ପଡ଼ୁଛି । ନିର୍ବାଚନ ଆସିଲେ ବାବୁ ଆସନ୍ତି, ନୂଆ ନୂଆ ପ୍ରତିଶ୍ରୁତି ଦିଅନ୍ତି । ଭୋଟ୍‌ ସରିଲେ ଭୁଲିଯାଆନ୍ତି । ସ୍କୁଲ୍‌, କଲେଜ୍‌, ଡାକ୍ତରଖାନା କି ସରକାରୀ କାମ ପାଇଁ ଯିବାକୁ ହେଲେ ୨ କିମି ଅତି କଷ୍ଟରେ ଚାଲିଚାଲି ଯିବାକୁ ପଡ଼େ । ଖାଲି ରାସ୍ତା ନୁହେଁ, ଗାଁରେ ଗୋଟେ ପକ୍କା ଘର ନାହିଁ । ଝାଟିମାଟି ଘରେ ପଲିଥିନ ଘୋଡାଇ ରହୁଛନ୍ତି ୨୦ ପରିବାର । ସରକାରୀ ଆବାସ ଯୋଜନା ଗାଁ ପାଇଁ ଅପହଞ୍ଚ । ସରକାରୀ ବାବୁଙ୍କର ପାଦ ପଡ଼ିନଥିବା ଗାଁ ଭିତରୁ ଗୋଟିଏ ଗାଁ ହେଉଛି ଅରିଲେ । ନହେଲେ ରାସ୍ତା ଖଣ୍ଡିଏ ପାଇଁ ଏତେ ହୀନସ୍ତା ହେବାକୁ ପଡ଼ନ୍ତାନି ।

ତୁରନ୍ତ ଯୁଦ୍ଧ ବନ୍ଦ କର ; ପାକିସ୍ତାନ-ଆଫଗାନିସ୍ତାନକୁ ରୁଷ,ଚୀନ ଓ ଇରାନର ଅପିଲ

କନକ ବ୍ୟୁରୋ : ପାକିସ୍ତାନ-ଆଫଗାନିସ୍ତାନ ଯୁଦ୍ଧ ଉଗ୍ର ରୂପ ନେବାରେ ଲାଗିଛି । ପାକିସ୍ତାନର ଏୟାରଷ୍ଟ୍ରାଇକରେ ତାଲିବାନର ଅନେକ ସେବା ମୃତାହତ ହୋଇଥିବା ବେଳେ ଆଫଗାନିସ୍ତାନ ମଧ୍ୟ ଡ୍ରୋନ୍ ଆକ୍ରମଣ ଜରିଆରେ ପାକିସ୍ତାନର ଅନେକ କ୍ଷୟକ୍ଷତି କରିଛି, ଯାହାକୁ ନେଇ ଚିନ୍ତା ପ୍ରକଟ କରିବା ସହ ପରସ୍ପର ସହ ଆଲୋଚନା କରି ଯୁଦ୍ଧ ବିରତି ପାଇଁ ଇରାନ, ରୁଷ ଓ ଚୀନ୍ ଉଭୟ ଦେଶକୁ ଅନୁରୋଧ କରିଛନ୍ତି ଏବଂ ଏହି ବିବାଦରେ ମଧ୍ୟସ୍ଥତା କରିବାକୁ ପ୍ରସ୍ତାବ ଦେଇଛନ୍ତି । ରୁଷିଆ ବୈଦେଶିକ ମନ୍ତ୍ରଣାଳୟ ଶୁକ୍ରବାର ଏକ ବିବୃତ୍ତିରେ ଉଭୟ ଦେଶକୁ ସାମରିକ ଆକ୍ରମଣ ବନ୍ଦ କରି କୂଟନୈତିକ ଆଲୋଚନାକୁ ଫେରିବାକୁ ଅନୁରୋଧ କରିଛି। ଦୁଇ ଦେଶ ମଧ୍ୟରେ ହଠାତ୍ ହିଂସାତ୍ମକ ଉତ୍ତେଜନା ବୃଦ୍ଧି ପାଇବା ମଧ୍ୟରେ ଏହି ଆବେଦନ ଆସିଛି। ସେହିପରି ଚୀନ୍ ଓ ଇରାନ ମଧ୍ୟ ପାକିସ୍ତାନ-ଆଫଗାନିସ୍ତାନ ସୀମାରେ ଉତ୍ତେଜନା ବୃଦ୍ଧି ନେଇ ଗଭୀର ଚିନ୍ତିତ, ଶୁକ୍ରବାର ଦିନ ଚୀନ୍ ର ବୈଦେଶିକ ମନ୍ତ୍ରଣାଳୟ କହିଛି ଯେ ଚୀନ୍ ଉଭୟ ଦେଶର ବିବାଦରେ ମଧ୍ୟସ୍ଥତା କରିବାକୁ ଇଚ୍ଛୁକ। ପରିସ୍ଥିତିକୁ ଥଣ୍ଡା କରିବାରେ ଚୀନ୍ ଏକ ଗଠନମୂଳକ ଭୂମିକା ଗ୍ରହଣ କରିପାରିବ। ଆଲୋଚନା ମାଧ୍ୟମରେ ଯଥାଶୀଘ୍ର ଯୁଦ୍ଧବିରତୀ କରାଯାଉ ବୋଲି ଇରାନ ମଧ୍ୟ ଅନୁରୋଧ କରିଛି ।

ପାକିସ୍ତାନ-ଆଫଗାନିସ୍ତାନ ମଧ୍ୟରେ ବିବାଦର ମୂଳ କାରଣ ହେଉଛି ଏଇ ଗୋଟିଏ ଲାଇନ୍, ଯେଉଁଥିପାଇଁ ଏତେ କାଣ୍ଡ

Pak vs Afgh War: ପାକିସ୍ତାନ ଏବଂ ଆଫଗାନିସ୍ତାନ ମଧ୍ୟରେ ଡୁରାଣ୍ଡ ରେଖାରେ ପ୍ରବଳ ଆକ୍ରମଣ ଏବଂ ଏୟାରଷ୍ଟ୍ରାଇକ୍ ହେଉଛି। ଏହାରିଭିତରେ ଆଫଗାନିସ୍ତାନ ବିରୋଧରେ ପାକିସ୍ତାନ “ଖୋଲା ଯୁଦ୍ଧ” ଘୋଷଣା କରିଛି । ସେପଟେ ଆଫଗାନ ତାଲିବାନ ପ୍ରତିଶୋଧ ସ୍ୱରୂପ ପାକିସ୍ତାନୀ ପୋଷ୍ଟଗୁଡ଼ିକୁ କବଜା କରିଥିବା ଦାବି କରିଛି। ଏହି ଆକ୍ରମଣଗୁଡ଼ିକ ୧୩୨ ବର୍ଷ ପୁରୁଣା, ପ୍ରାୟ ୨୬୦୦ କିଲୋମିଟର ଲମ୍ବା ଡୁରାଣ୍ଡ ରେଖାକୁ ଚର୍ଚ୍ଚାକୁ ଆଣିଥିଲା, ଯାହା ଆଫଗାନିସ୍ତାନ ଏବଂ ପାକିସ୍ତାନ ମଧ୍ୟରେ ସୀମାକୁ ଚିହ୍ନିତ […]

ଗ୍ୟାସ୍ ସିଲିଣ୍ଡର ବୋହି ପୁଅକୁ କ୍ରିକେଟର କରିଥିଲେ, ଶେଷରେ କ୍ୟାନ୍ସରରେ ହାରିଗଲେ ରିଙ୍କୁ ସିଂଙ୍କ ବାପା...

କନକ ବ୍ୟୁରୋ: ସେ ପଡ଼ିଆରେ ଛକା ମାରିଲେ କୋଟି କୋଟି ଭାରତୀୟଙ୍କ ମୁହଁରେ ହସ ଫୁଟେ, କିନ୍ତୁ ଆଜି ସେହି 'ଫିନିସର'ଙ୍କ ଆଖିରେ ଲୁହ ଭରି ଯାଇଛି । ଭାରତୀୟ କ୍ରିକେଟର ଉଦୀୟମାନ ତାରକା ରିଙ୍କୁ ସିଂଙ୍କ ବାପା ଖାନଚନ୍ଦ୍ର ସିଂହ ଆଉ ନାହାନ୍ତି । ଦୀର୍ଘ ଦିନ ଧରି ମାରାତ୍ମକ କର୍କଟ ରୋଗ ସହ ଲଢ଼େଇ କରି ଶେଷରେ ଶୁକ୍ରବାର ସକାଳୁ ସକାଳୁ ସେ ଶେଷ ନିଶ୍ୱାସ ତ୍ୟାଗ କରିଛନ୍ତି । ଗ୍ରେଟର ନୋଏଡାର ଏକ ଘରୋଇ ହସ୍ପିଟାଲରେ ଚିକିତ୍ସାଧୀନ ଅବସ୍ଥାରେ ତାଙ୍କର ଦେହାନ୍ତ ହୋଇଛି । ସେ ଲିଭର କ୍ୟାନସରର ଲାଷ୍ଟ ଷ୍ଟେଜରେ ସଂଘର୍ଷ କରୁଥିଲେ । ବର୍ତ୍ତମାନ ଭାରତୀୟ ଦଳ ଟି-୨୦ ବିଶ୍ବକପ୍ ଖେଳୁଛି । ଏଭଳି ଗୁରୁତ୍ୱପୂର୍ଣ୍ଣ ସମୟରେ ବାପାଙ୍କ ସ୍ୱାସ୍ଥ୍ୟାବସ୍ଥା ଅତ୍ୟନ୍ତ ବିଗିଡ଼ି ଯିବାରୁ ରିଙ୍କୁ ଜରୁରୀକାଳୀନ ଭାବେ କ୍ୟାମ୍ପ ଛାଡ଼ି ଘରକୁ ଫେରିଥିଲେ । ମାତ୍ର ଜଣେ ସଚ୍ଚା ଦେଶପ୍ରେମୀ ଖେଳାଳି ଭାବେ ସେ ପୁଣି ଦଳ ସହଯୋଗ ଦେବାକୁ ଚେଷ୍ଟା କରୁଥିବା ବେଳେ ଏହି ଦୁଃଖଦ ଖବର ତାଙ୍କୁ ସ୍ତବ୍ଧ କରିଦେଇଛି । ପିତାଙ୍କ ସ୍ୱପ୍ନ ଥିଲା ପୁଅ ଦେଶ ପାଇଁ ଖେଳୁ ଏବଂ ବିଜୟୀ ହେଉ, ସେହି ସ୍ୱପ୍ନକୁ ପାଥେୟ କରି ରିଙ୍କୁ ପଡ଼ିଆରେ ଲଢ଼ୁଥିଲେ, କିନ୍ତୁ ଆଜି ସେହି ସ୍ୱପ୍ନର ସାରଥି ଚିରଦିନ ପାଇଁ ଆଖି ବୁଜି ଦେଇଛନ୍ତି । ରିଙ୍କୁ ସିଂଙ୍କ କ୍ରିକେଟର ହେବା ପଛର କାହାଣୀ କୌଣସି ସିନେମାଠାରୁ କମ୍ ନୁହେଁ । ତାଙ୍କ ପିତା ଖାନଚନ୍ଦ୍ର ସିଂ ଅଲିଗଡ଼ରେ ଘରକୁ ଘର ଗ୍ୟାସ୍ ସିଲିଣ୍ଡର ବୋହି ପରିବାର ପ୍ରତିପୋଷଣ କରୁଥିଲେ । ଅତ୍ୟନ୍ତ ଅଭାବ ଅନଟନ ଏବଂ ଦାରିଦ୍ର୍ୟ ଭିତରେ ବି ସେ ପୁଅର ବ୍ୟାଟ୍ ଧରିବାର ଜିଦ୍‌କୁ ଭାଙ୍ଗିବାକୁ ଦେଇନଥିଲେ । ରିଙ୍କୁ ଯେତେବେଳେ ଆଇପିଏଲରେ କୋଟି କୋଟି ଟଙ୍କା ପାଇଲେ, ସେତେବେଳେ ବି ତାଙ୍କ ପିତା ନିଜର ପୁରୁଣା କାମ ଛାଡ଼ିବାକୁ ମନା କରିଦେଇଥିଲେ । ସେ କହୁଥିଲେ, ଏହି କାମ ହିଁ ମୋ ପୁଅକୁ ଆଜି ଏଠାରେ ପହଞ୍ଚାଇଛି । ଏହି ସାଧାରଣ ଶ୍ରମିକଙ୍କ ଅସାଧାରଣ ସଂଘର୍ଷ ହିଁ ରିଙ୍କୁଙ୍କୁ ଆଜି ବିଶ୍ୱସ୍ତରୀୟ ଖେଳାଳି କରିପାରିଛି । ଗତ କିଛି ମାସ ଧରି ଖାନଚନ୍ଦ୍ରଙ୍କ ସ୍ୱାସ୍ଥ୍ୟାବସ୍ଥା ଖରାପ ହେବାକୁ ଲାଗିଥିଲା । ପରୀକ୍ଷା ପରେ ତାଙ୍କୁ କ୍ୟାନସର ହୋଇଥିବା ଜଣାପଡ଼ିଥିଲା । ରିଙ୍କୁ ନିଜ ପିତାଙ୍କ ଚିକିତ୍ସା ପାଇଁ ସବୁ ପ୍ରକାର ଚେଷ୍ଟା କରିଥିଲେ । ଦେଶର ସର୍ବୋତ୍ତମ ଡାକ୍ତରଖାନାରେ ତାଙ୍କୁ ଭର୍ତ୍ତି କରାଯାଇଥିଲା । କିନ୍ତୁ ରୋଗ ଶରୀର ସାରା ବ୍ୟାପି ଯାଇଥିବାରୁ ଡାକ୍ତରମାନେ ମଧ୍ୟ ଅସହାୟ ହୋଇପଡ଼ିଥିଲେ । ଗତ ୪-୫ ଦିନ ଧରି ସେ କ୍ରିଟିକାଲ କେୟାର ୟୁନିଟରେ ଭେଣ୍ଟିଲେଟର ସପୋର୍ଟରେ ଥିଲେ । ଏହି ଖବର ପ୍ରସାରିତ ହେବା ପରେ କ୍ରିକେଟ ପ୍ରେମୀଙ୍କ ମଧ୍ୟରେ ଗଭୀର ଶୋକ ପ୍ରକାଶ ପାଇଛି । କେକେଆର୍ ଫ୍ରାଞ୍ଚାଇଜ୍ ସମେତ ବିସିସିଆଇ ଏବଂ ଅନେକ ବରିଷ୍ଠ କ୍ରିକେଟର ରିଙ୍କୁଙ୍କୁ ସମବେଦନା ଜଣାଇଛନ୍ତି । ସମସ୍ତେ ଗୋଟିଏ କଥା କହୁଛନ୍ତି, ରିଙ୍କୁ ଆଜି ଯେଉଁ ସଫଳତାର ଶିଖରରେ ପହଞ୍ଚିଛନ୍ତି, ତାହା କେବଳ ତାଙ୍କ ପିତାଙ୍କ ବଳିଦାନ ପାଇଁ ସମ୍ଭବ ହୋଇଛି । ରିଙ୍କୁ ପୁଣିଥରେ ଅଲିଗଡ଼ ଅଭିମୁଖେ ବାହାରିଛନ୍ତି । ସେଠାରେ ତାଙ୍କ ପିତାଙ୍କ ଶେଷକୃତ୍ୟ ସମ୍ପନ୍ନ ହେବ । ଜଣେ ନମ୍ର ବ୍ୟକ୍ତି ଏବଂ ସଂଘର୍ଷଶୀଳ ବାପା ଭାବେ ଖାନଚନ୍ଦ୍ର ସିଂ ସବୁଦିନ ପାଇଁ ଲୋକଙ୍କ ସ୍ମୃତିରେ ରହିବେ । ରିଙ୍କୁଙ୍କ ଛକା ପଛରେ ଥିବା ସେହି ମଜଭୁତ ଓ ଶକ୍ତିଶାଳୀ ହାତ ଆଜି ସବୁଦିନ ପାଇଁ ଶୋଇଯାଇଛି ।

ବଡ଼ବିଲ ଖଣି ଅଞ୍ଚଳରେ କୃଷିଭିତ୍ତିକ ଜୀବିକାକୁ ସୁଦୃଢ଼ କରୁଛି OMC, ଚାଷୀଙ୍କୁ ଆଳୁ ଚାଷ ପାଇଁ କରାଯାଉଛି ପ୍ରୋତ୍ସାହିତ

ବଡ଼ବିଲ: ଖଣି ପରିଧି ଅଞ୍ଚଳରେ ରହୁଥିବା ସ୍ଥାୟୀ ସମ୍ପ୍ରଦାୟଗୁଡ଼ିକର ବିକାଶ ପ୍ରତି ଥିବା ପ୍ରତିବଦ୍ଧତାକୁ ସୁଦୃଢ଼ କରିଛି ଓଡ଼ିଶା ମାଇନିଂ କର୍ପୋରେସନ (OMC)। ଏଥିପାଇଁ ଓଏମସି ପକ୍ଷରୁ କେନ୍ଦୁଝର ବଡ଼ବିଲର ଦୁବନା-ସେକରାଡିହି ଲୁହା ଏବଂ ମାଙ...

ପାକିସ୍ତାନ ଆକ୍ରମଣରେ ତାଲିବାନ ଶିକ୍ଷା ମନ୍ତ୍ରୀ ମୃତ;ମୁଖ୍ୟ କମାଣ୍ଡର ସମେତ ୧୩୩ ସୈନ୍ୟଙ୍କ ମୃତ୍ୟୁ ସୂଚନା

କନକ ବ୍ୟୁରୋ : ପାକିସ୍ତାନ-ଆଫଗାନିସ୍ତାନ ଯୁଦ୍ଧ ଏବେ ଚରମ ସୀମାରେ ପହଞ୍ଚିଛି। ଆଫଗାନିସ୍ତାନର ସ୍ପିନ୍ ବୋଲଡାକ୍ ସହର ନିକଟରେ ପାକିସ୍ତାନର ଏୟାର ଷ୍ଟ୍ରାଇକରେ ତାଲିବାନ ଶିକ୍ଷା ମନ୍ତ୍ରୀ ନିଦା ମହମ୍ମଦ ନଦୀମଙ୍କ ମୃତ୍ୟୁ ହୋଇଥିବା ସୂଚନା ମିଳିଛି। ଏହାସହ ସୋସିଆଲ ମିଡିଆରେ ମିସାଇଲ୍ ମାଡ଼ରେ ନଷ୍ଟ ହୋଇଯାଇଥିବା ଏକ କାରର ଫଟୋ ଭାଇରାଲ ହେଉଛି। କୁହାଯାଉଛି, ସେହି କାରରେ ତାଲିବାନର ଜଣେ ମୁଖ୍ୟ କମାଣ୍ଡର ଯାତ୍ରା କରୁଥିଲେ ଏବଂ ପାକିସ୍ତାନର ମିଜାଇଲ୍ ମାଡ଼ରେ ତାଙ୍କର ମୃତ୍ୟୁ ହୋଇଛି, ଯାହାକୁ ନେଇ ପ୍ରଥିଶୋଧ ପରାୟଣ ହୋଇଉଠିଛି ତାଲିବାନ । ରିପୋର୍ଟ ଅନୁଯାୟୀ, ଆକାଶ ମାର୍ଗରୁ ପାକିସ୍ତାନର ଆକ୍ରମଣ ଫଳରେ ତାଲିବାନର ୧୩୩ଜଣ ସୈନ୍ୟଙ୍କ ମୃତ୍ୟୁ ହୋଇଥିବା ବେଳେ ୨୦୦ରୁ ଅଧିକ ଆହତ ହୋଇଛନ୍ତି। ଏହାବ୍ୟତିତ ଦୁଇଟି ଆଫଗାନ କୋର ମୁଖ୍ୟାଳୟ, ତିନୋଟି ବାଟାଲିୟନ ମୁଖ୍ୟାଳୟ, ଦୁଇଟି ଅସ୍ତ୍ରଶସ୍ତ୍ର ଡିପୋ, ଏକ ଲଜିଷ୍ଟିକ୍ ବେସ୍ ଓ ୮୦ରୁ ଅଧିକ ଟ୍ୟାଙ୍କ, ତୋପ ଏବଂ ସଶସ୍ତ୍ର ଯାନ ନଷ୍ଟ ହୋଇଯାଇଛି । ଅଧିକ ପଢ଼ନ୍ତୁ--- ଲଢ଼ୁଆ ହେଲିକପ୍ଟର ‘ପ୍ରଚଣ୍ଡ’ରେ ଉଡ଼ିଲେ ରା‌ଷ୍ଟ୍ରପତି ମୁର୍ମୁ

ବାଡ଼ିରୁ ଶାଗ ତୋଳିବାକୁ ଯାଇଥିବା ବେଳେ କୁକର୍ମ କଲା ସଇତାନ; ଇଜ୍ଜତ ଲୁଟିଲେ, ମାରିଦେଲେ !

କନକ ବ୍ୟୁରୋ : ରାଜ୍ୟରେ ବଢ଼ିବାରେ ଲାଗିଛି ନାରୀ ନିର୍ଯାତନା । ଅନୁଗୁଳ ଜିଲ୍ଲାରୁ ଆସିଛି ଏକ ହୃଦୟବିଦାରକ ଖବର । ଜଣେ ୧୩ ବର୍ଷର ନାବାଳିକାଙ୍କୁ ଦୁଷ୍କର୍ମ ପରେ ଅତି ନିର୍ମମ ଭାବେ ହତ୍ୟା କରାଯାଇଛି । ଶାଗ ତୋଳିବାକୁ ଯାଇଥିବା ବେଳେ ଏହି ନରରାକ୍ଷସର ଶିକାର ହୋଇଛନ୍ତି ଜଣେ କୋମଳମତି ଶିଶୁ । ପୁଲିସ ଏବେ ଘଟଣାର ଛାନଭିନ୍ ଜାରି ରଖିଥିବା ବେଳେ ପୂରା ଅଞ୍ଚଳରେ ଖେଳିଯାଇଛି ଶୋକର ଛାୟା । ଘଟଣାଟି ଘଟିଛି ଅନୁଗୁଳ ଜିଲ୍ଲା କଣିହାଁ ବ୍ଲକ ଏନଟିପିସି ଥାନା ଅଞ୍ଚଳରେ। ମୃତ ନାବାଳିକାଙ୍କ ବୟସ ମାତ୍ର ୧୩ ବର୍ଷ । ଅଧିକ ପଢ଼ନ୍ତୁ : ଭିଜିଲାନ୍ସ ଜାଲରେ ଆରଆଇ; ପଟା ସଂଶୋଧନ କରାଇଦେବା ପାଇଁ ନେଉଥିଲେ ଲାଞ୍ଚ ଗତକାଲି ନାବାଳିକା ନିଜ ବାଡ଼ି ପଛପଟକୁ ଶାଗ ତୋଳିବା ପାଇଁ ଯାଇଥିବା ବେଳେ ଆଉ ଘରକୁ ଫେରିନଥିଲେ । ପରିବାର ଲୋକେ ବହୁ ଖୋଜାଖୋଜି କରିବା ପରେ କୌଣସି ପତ୍ତା ନପାଇବାରୁ ଥାନାରେ ଅଭିଯୋଗ କରିଥିଲେ । ତେବେ ଆଜି ସକାଳେ ଗାଁ ପାଖ ଏକ ଘାସ ବଣରୁ ନାବାଳିକାଙ୍କ ମୃତଦେହ ଉଦ୍ଧାର କରାଯାଇଛି । ନାବାଳିକାଙ୍କ ବାପାଙ୍କ ଅଭିଯୋଗ ଅନୁଯାୟୀ, ସେହି ଗ୍ରାମର ୨୨ ବର୍ଷୀୟ ବିବାହିତ ଯୁବକ ଆଶିଷ ନାଏକ ପୂର୍ବରୁ ଛକି ବସିଥିଲା । ଝିଅ ଏକୁଟିଆ ଥିବାର ସୁଯୋଗ ନେଇ ସେ ତାଙ୍କୁ ଟେକି ନେଇଥିଲା ଏବଂ ଦୁଷ୍କର୍ମ କରିବା ପରେ ଧରାପଡ଼ିଯିବା ଭୟରେ ତାଙ୍କୁ ଜୀବନରୁ ମାରିଦେଇଥିଲା । ଘଟଣାସ୍ଥଳରେ ଏନଟିପିସି ଥାନା ପୁଲିସ ଏବଂ ସାଇଣ୍ଟିଫିକ୍ ଟିମ୍ ପହଞ୍ଚି ତଦନ୍ତ ଆରମ୍ଭ କରିଛନ୍ତି । ପାରିପାର୍ଶ୍ୱିକ ସ୍ଥିତିରୁ ଏହା ଏକ ସ୍ପଷ୍ଟ ହତ୍ୟାକାଣ୍ଡ ବୋଲି ଜଣାପଡ଼ିଛି । ମୁଖ୍ୟ ଅଭିଯୁକ୍ତ ଆଶିଷ ନାଏକ ବର୍ତ୍ତମାନ ଫେରାର ଥିବା ବେଳେ, ପୁଲିସ ତାର ବଡ଼ ଭାଇ ଏବଂ ମା’ଙ୍କ ସମେତ ୩ ଜଣଙ୍କୁ ଅଟକ ରଖି ପଚରାଉଚରା କରୁଛି । ଏହି ଘଟଣା ସ୍ଥାନୀୟ ଅଞ୍ଚଳରେ ଏକ ପ୍ରକାର ଚାପା ଉତ୍ତେଜନା ସୃଷ୍ଟି କରିଛି । ତେବେ ଫେରାର ଅଭିଯୁକ୍ତକୁ ଧରିବା ପାଇଁ ପୁଲିସ ବିଭିନ୍ନ ସ୍ଥାନରେ ଚଢ଼ାଉ ଜାରି ରଖିଛି ।

ଲଢ଼ୁଆ ହେଲିକପ୍ଟର ‘ପ୍ରଚଣ୍ଡ’ରେ ଉଡ଼ିଲେ ରା‌ଷ୍ଟ୍ରପତି ମୁର୍ମୁ

କନକ ବ୍ୟୁରୋ : ରାଷ୍ଟ୍ରପତି ଦ୍ରୌପଦୀ ମୁର୍ମୁ ଶୁକ୍ରବାର ଜୈସାଲମୈର୍‌ ଏୟାରଫୋର୍ସ ଷ୍ଟେସନରେ ସ୍ବଦେଶୀ ଜ୍ଞାନକୌଶଳରେ ନିର୍ମିତ ଲଢ଼ୁଆ ହେଲିକପ୍ଟର ‘ପ୍ରଚଣ୍ଡ’ରେ ସହ ପାଇଲଟ ଭାବେ ଉଡ଼ାଣ କରିବାରେ ଦେଶର ପ୍ରଥମ ରାଷ୍ଟ୍ରପତି ହୋଇପାରିଛନ୍ତି। ପାଖାପାଖି ୨୫ ମିନିଟ ଧରି ରାଷ୍ଟ୍ରପତି ହେଲିକପ୍ଟରରେ ବସି ଜୈସାଲମେର୍‌ରୁ ସୀମାବର୍ତ୍ତୀ କ୍ଷେତ୍ର ଅନୁଧ୍ୟାନ କରିଥିଲେ। ରାଷ୍ଟ୍ରପତି ଏକ ଅଲିଭ୍‌ ଗ୍ରୀନ ରଙ୍ଗର ବାୟୁସେନା ପୋଷାକ ଓ ହେଲମେଟ୍‌ ପିନ୍ଧି ବାୟୁସେନା ଷ୍ଟେସନଠାରେ ସକାଳେ ପହଞ୍ଚି ଥିଲେ। ବାୟୁସେନା ଷ୍ଟେସନଠାରେ ତାଙ୍କୁ ବାୟୁସେନା ମୁଖ୍ୟ ଏୟାର ମାର୍ଶଲ ଏ ପି ସିଂହ ସ୍ବାଗତ କରିଥିଲେ। ରା‌ଷ୍ଟ୍ରପତି କ୍ୟାପଟେନଙ୍କ ସହିତ କିଛି ସମୟ କଥା ହୋଇଥିଲେ । ସକାଳ ୧୦ଟା ୧୦ ମିନିଟରେ ହେଲିକପ୍ଟର କକ୍‌ପିଟରେ ବସିବା ସହିତ ହାତ ହଲାଇ ସମସ୍ତଙ୍କୁ ଅଭିନନ୍ଦନ ଜଣାଇଥିଲେ । ୧୦ଟା ୩୫ମିନିଟରେ ହେଲିକପ୍ଟର ସୁରକ୍ଷିତ ଭାବେ ଅବତରଣ କରିଥିଲା। ରାଷ୍ଟ୍ରପତି ପୋଖରଣ ଫିଲ୍ଡ ଫାୟାରିଂ ରେଞ୍ଜ ଓ ନିକଟରେ ଥିବା ଗୁରୁତ୍ବପୂର୍ଣ୍ଣ ରଣନୈତିକ କ୍ଷେତ୍ର ଆକାଶମାର୍ଗରୁ ବୁଲି ଦେଖିଥିଲେ। ରାଷ୍ଟ୍ରପତି ଏଠାରୁ ଦେଶବାସୀଙ୍କ ପାଇଁ ବାର୍ତ୍ତା ଦେଇଥିଲେ। ଯବାନମାନଙ୍କ ମନୋବଳ ବୃଦ୍ଧି କରିବା ସହିତ ଜୟ ହିନ୍ଦ୍‌ ଜୟ ଭାରତ ନାରା ଦେଇଥିଲେ। ବାୟୁସେନାର ପ୍ରଶଂସା କରିବା ସହିତ କିଛି ସମୟ ଫଟୋ ସେସନ୍‌ କରିଥିଲେ । ଏହାପୂର୍ବରୁ ରାଷ୍ଟ୍ରପତି ମୁର୍ମୁ ଜୈସାଲମେର୍‌ ଏୟାରଫୋର୍ସ ଷ୍ଟେସନର ଅତିଥି କକ୍ଷରେ ପହଞ୍ଚି ଥିଲେ। ପୋଖରଣଠାରେ ‘ବାୟୁଶକ୍ତି ୨୦୨୬’ର ବାୟୁସେନା ସମରାଭ୍ୟାସରେ ରାଷ୍ଟ୍ରପତି ମୁଖ୍ୟ ଅତିଥି ଅଛନ୍ତି। ସୂଚନାଯୋଗ୍ୟ, ରାଷ୍ଟ୍ରପତି ଗତବର୍ଷ ଅକ୍ଟୋବରରେ ଅମ୍ବାଲା ଏୟାରଫୋର୍ସ ଷ୍ଟେସନଠାରେ ରାଫେଲ୍‌ ଲଢ଼ୁଆ ବିମାନ ଓ ୨୦୨୩ରେ ଆସାମର ତେଜପୁର ଏୟାରଫୋର୍ସ ଷ୍ଟେସନରୁ ସୁଖୋଇ- ୩୦ ଏମ୍‌କେଆଇ ଲଢ଼ୁଆ ବିମାନରେ ବସିଥିଲେ ।

ଟ୍ରମ୍ପଙ୍କୁ ମାରିବାକୁ ଷଡ଼୍‌ଯନ୍ତ୍ର! କୋର୍ଟରେ ହାଜର ହେଲେ ପାକିସ୍ତାନୀ ନାଗରିକ

କନକ ବ୍ୟୁରୋ : ଆମେରିକାର ପ୍ରମୁଖ ରାଜନୈତିକ ବ୍ୟକ୍ତିବିଶେଷଙ୍କୁ ହତ୍ୟା କରିବା ପାଇଁ ଷଡ଼୍‌ଯନ୍ତ୍ର କରୁଥିବା ଅଭିଯୋଗରେ ଜଣେ ଅଭିଯୁକ୍ତ ପାକିସ୍ତାନୀ ନାଗରିକଙ୍କ ବିରୋଧରେ ନ୍ୟୁୟର୍କର ବ୍ରୁକଲିନ୍ କୋର୍ଟରେ ଏହି ସପ୍ତାହରେ ଏକ ମକଦମା ଆରମ୍ଭ ହୋଇଛି । ଏହି ମାମଲାରେ ଆମେରିକାର ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କୁ ମଧ୍ୟ ଏକ ସମ୍ଭାବ୍ୟ ଟାର୍ଗେଟ ଭାବରେ ନାମିତ କରାଯାଇଛି । ଅଭିଯୁକ୍ତ ଆସିଫ୍ ମର୍ଚାଣ୍ଟ ବର୍ତ୍ତମାନ ବ୍ରୁକଲିନ୍ ଫେଡେରାଲ୍ କୋର୍ଟରେ ଜୁରିଙ୍କ ସମ୍ମୁଖରେ ହାଜର ହେଉଛନ୍ତି। ଦୋଷୀ ସାବ୍ୟସ୍ତ ହେଲେ ତାଙ୍କୁ ଆଜୀବନ ଜେଲଦଣ୍ଡ ହୋଇପାରେ । ଆମେରିକୀୟ ପବ୍ଲିକ ପ୍ରସିକ୍ୟୁଟରଙ୍କ ଅନୁଯାୟୀ, ଆସିଫ୍ ମର୍ଚାଣ୍ଟ ୨୦୨୪ରେ ରାଷ୍ଟ୍ରପତି ନିର୍ବାଚନ ପୂର୍ବରୁ ଆମେରିକାରେ ପହଞ୍ଚିଥିଲେ। ସେହି ସମୟରେ ଦେଶର ରାଜନୈତିକ ପାଣିପାଗ ବହୁତ ଉତ୍ତେଜନାପୂର୍ଣ୍ଣ ଥିଲା। ଅଭିଯୋଗ କରାଯାଇଛି ଯେ ଏହି ସମୟ ମଧ୍ୟରେ ସେ ଆମେରିକାରେ ଏକ ହତ୍ୟା ଷଡ଼ଯନ୍ତ୍ର କରିବାକୁ ଯୋଜନା କରିଥିଲେ। ଏପ୍ରିଲ ୨୦୨୪ରେ ଆମେରିକାରେ ପହଞ୍ଚିବା ପରେ, ମର୍ଚାଣ୍ଟ ଜଣେ ପେଶାଦାର ହତ୍ୟାକାରୀ ବା ସୁପାରି କିଲର୍ କୁ ଭେଟିଥିଲେ, କିନ୍ତୁ ବାସ୍ତବରେ ଉକ୍ତ ବ୍ୟକ୍ତି ଜଣକ ଏଫବିଆଇ(ଫେଡରାଲ ବ୍ୟୁରୋ ଅଫ୍ ଇନଭେଷ୍ଟିଗେସନ୍)ର ଗୁପ୍ତଚର ଥିଲେ। ଏଫବିଆଇକୁ ଏ ସଂକ୍ରାନ୍ତରେ ଖବର ମିଳିବା ପରେ ଏକ ଷ୍ଟିଙ୍ଗ୍ ଅପରେସନ୍ ଜରିଆରେ ମର୍ଚାଣ୍ଟକୁ ଗିରଫ କରାଯାଇଥିଲା । ଇରାନ ସହ ସମ୍ପର୍କରେ ଥିଲେ ୨୦୨୦ ମସିହାରେ ଆମେରିକା ପକ୍ଷରୁ ହୋଇଥିବା ଡ୍ରୋନ ଆକ୍ରମଣର ପ୍ରତିଶୋଧ ନେବାକୁ ଇରାନ ଚାହୁଥିବା ଆମେରିକାର ଅଧିକାରୀମାନେ ଦୀର୍ଘ ଦିନ ଧରି ସନ୍ଦେହ କରିଆସୁଛନ୍ତି, ଯେଉଁ ଆକ୍ରମଣରେ ଇରାନୀ ସାମରିକ କମାଣ୍ଡର କାସେମ ସୋଲେମାନୀଙ୍କୁ ହତ୍ୟା କରାଯାଇଥିଲା। ଏହି ଆକ୍ରମଣ ଟ୍ରମ୍ପଙ୍କ ରାଷ୍ଟ୍ରପତିତ୍ୱ ସମୟରେ ହୋଇଥିଲା। ପୁରୁଣା କୋର୍ଟ ଡକ୍ୟୁମେଣ୍ଟ ଅନୁଯାୟୀ, ମର୍ଚାଣ୍ଟ ଆମେରିକା ଆସିବା ପୂର୍ବରୁ ଇରାନରେ ରହୁଥିଲେ ଏବଂ ସୋଲେମାନୀଙ୍କ ମୃତ୍ୟୁକୁ ନେଇ ଆମେରିକୀୟ ନେତାମାନଙ୍କ ଉପରେ କ୍ରୋଧିତ ଥିଲେ। ତଥାପି, ଇରାନ ଏପରି କୌଣସି ହତ୍ୟା ଷଡ଼ଯନ୍ତ୍ରରେ ସମ୍ପୃକ୍ତିକୁ ଲଗାତାର ଅସ୍ୱୀକାର କରିଆସିଛି ।

ଟି-୨୦ ବିଶ୍ୱକପରୁ OUT ହେଲେ ରିଙ୍କୁ ସିଂହ! ବାପାଙ୍କ ମୃତ୍ୟୁ ପରେ ଆସିଲା ବିସିସିଆଇର ବଡ଼ ଅପଡ଼େଟ; ୱେଷ୍ଟଇଣ୍ଡିଜ୍ ବିପକ୍ଷରେ ଖେଳିବେନି ମ୍ୟାଚ

ନୂଆଦିଲ୍ଲୀ: ଶୁକ୍ରବାର (୨୭ ଫେବୃଆରୀ), ଷ୍ଟାର ଭାରତୀୟ କ୍ରିକେଟ୍ ବ୍ୟାଟ୍ସମ୍ୟାନ୍ ରିଙ୍କୁ ସିଂହ ଦୁଃଖରେ ଭାଙ୍ଗି ପଡିଛନ୍ତି। ପ୍ରାୟ ସକାଳ ୫ଟାରେ ଖବର ଆସିଲା ଯେ ରିଙ୍କୁଙ୍କ ପିତା ଖାନଚାନ୍ଦ ସିଂହ, ଯିଏ ଯକୃତ କର୍କଟ ରୋଗରେ ପୀଡିତ ଥିଲେ, ତାଙ୍କ ଦେହାନ୍ତ ହୋଇଯାଇଛି। ପୂର୍ବ ରାତିରେ, ଗୁରୁବାର, ଟିମ୍ ଇଣ୍ଡିଆ ଚେନ୍ନାଇରେ ଜିମ୍ବାୱେ ବିପକ୍ଷରେ ଦ୍ୱିତୀୟ ସୁପର ୮ ମ୍ୟାଚ୍ ଖେଳିଥିଲା, ଯେଉଁଠାରେ ରିଙ୍କୁଙ୍କୁ ପ୍ଲେଇଂ ଇଲେଭେନରେ ସାମିଲ କରାଯାଇ ନଥିଲା। ଏବେ ପ୍ରଶ୍ନ ଉଠୁଛି: […]

୫ ବର୍ଷର ୟୁକେଜି ଛାତ୍ରଟି ବସ୍‌ ଭିତରେ କାନ୍ଦୁଥିଲା ୭ ଘଣ୍ଟା, ଶୁଣିପାରୁ ନଥିଲେ କେହି... କାହିଁକି, କିପରି ଆଉ ହେଲା କ’ଣ ?

ନୂଆଦିଲ୍ଲୀ ୨୭।୨: ବେଳେ ବେଳେ କିଛି କର୍ମଚାରୀଙ୍କ ଦାୟିତ୍ବହୀନତାରୁ ଏମିତି ଅଘଟଣ ଘଟେ ଯେ, ତାହା କେବଳ ଚିନ୍ତାଜନକ ନୁହଁ ବେଦନା ଦାୟକ ବି ହୋଇଥାଏ । ଠିକ୍ ସେମିତି ଘଟଣାଟିଏ ଘଟିଛି ରାଜଧାନୀ ଦିଲ୍ଲୀରେ । ମାତ୍ର ୫ ବର୍ଷର ଶିଶୁଟିଏ କାନ୍ଦି କ...

ଡେଲାଙ୍ଗରେ ଜଣ୍ଡିସ୍‌ ଡର ! ଶିକ୍ଷାଦାନର ମନ୍ଦିର ଏବେ ପାଲଟିଛି ରୋଗର ପେଣ୍ଠସ୍ଥଳୀ

କନକ ବ୍ୟୁରୋ : ଶିକ୍ଷାଦାନର ମନ୍ଦିର ଏବେ ପାଲଟିଛି ରୋଗର ପେଣ୍ଠସ୍ଥଳୀ । ପୁରୀ ଜିଲ୍ଲା ଡେଲାଙ୍ଗ ଷ୍ଟେସନ ବଜାର ସ୍ଥିତ ରାଧାକାନ୍ତ ବିଦ୍ୟାପୀଠରେ ଏବେ ଜଣ୍ଡିସ ବା କାମଳ ରୋଗର କାୟା ବିସ୍ତାର କରିଛି । ବିଦ୍ୟାଳୟର ୧୦ରୁ ଊର୍ଦ୍ଧ୍ୱ ଛାତ୍ରଛାତ୍ରୀ ଏହି ମାରାତ୍ମକ ରୋଗରେ ଆକ୍ରାନ୍ତ ହେବା ପରେ ସମଗ୍ର ଅଞ୍ଚଳରେ ତଥା ଅଭିଭାବକ ମହଲରେ ଭୟ ଓ ଅସନ୍ତୋଷର ବାତାବରଣ ସୃଷ୍ଟି ହୋଇଛି । ଅଭିଯୋଗ ଅନୁଯାୟୀ, ବିଦ୍ୟାଳୟ ପରିସରରେ ପ୍ରଦାନ କରାଯାଉଥିବା ମଧ୍ୟାହ୍ନ ଭୋଜନ ଏବଂ ପାନୀୟ ଜଳର ଅବ୍ୟବସ୍ଥା ଯୋଗୁଁ ପିଲାମାନେ ରୋଗାକ୍ରାନ୍ତ ହେଉଛନ୍ତି । ବିଦ୍ୟାଳୟର ମୁଖ୍ୟ ପ୍ରବେଶ ପଥ କଡ଼ରେ ଥିବା ଆବର୍ଜନା କୁଣ୍ଡରୁ ଦୁର୍ଗନ୍ଧ ଛୁଟୁଥିବା ବେଳେ ରୋଷଶାଳାର ସ୍ଥିତି ମଧ୍ୟ ଅତି ଶୋଚନୀୟ । ସବୁଠାରୁ ଭୟଙ୍କର କଥା ହେଉଛି, ପିଲାମାନେ ବ୍ୟବହାର କରୁଥିବା ଟ୍ୟାପ୍ ପାଣିରୁ ଗୁଣ୍ଡ ଓ ଶିଉଳି ବାହାରୁଛି । ନୂତନ କୋଠାରେ ଥିବା ପାଣି ଟାଙ୍କିକୁ କେବେ ସଫା କରାଯାଇଛି କିମ୍ବା ସେଥିରେ ବ୍ଲିଚିଂ ପାଉଡର ପକାଯାଇଛି, ସେ ନେଇ ବିଦ୍ୟାଳୟ କର୍ତ୍ତୃପକ୍ଷଙ୍କ ପାଖରେ କୌଣସି ସଠିକ ତଥ୍ୟ ନାହିଁ । ଅଧିକ ପଢ଼ନ୍ତୁ : ଭିଜିଲାନ୍ସ ଜାଲରେ ଆରଆଇ; ପଟା ସଂଶୋଧନ କରାଇଦେବା ପାଇଁ ନେଉଥିଲେ ଲାଞ୍ଚ ବିଦ୍ୟାଳୟରେ ୬ଷ୍ଠରୁ ୧୦ମ ଶ୍ରେଣୀ ପର୍ଯ୍ୟନ୍ତ ପ୍ରାୟ ୨୦୬ ଜଣ ଛାତ୍ରଛାତ୍ରୀ ଅଧ୍ୟୟନ କରୁଛନ୍ତି । ରୋଷେଇ ଓ ପରିମଳ ବ୍ୟବସ୍ଥା ପାଇଁ ୨ ଜଣ ପାଚିକା ଏବଂ ୩ ଜଣ ଚପରାସୀ ନିୟୋଜିତ ଥିଲେ ମଧ୍ୟ ସେମାନେ ନିଜ କର୍ତ୍ତବ୍ୟରେ ଚରମ ଅବହେଳା କରୁଥିବା ଅଭିଭାବକମାନେ ସିଧାସଳଖ ଆରୋପ ଲଗାଇଛନ୍ତି । ସରକାରୀ ନିୟମ ଅନୁସାରେ ପରିମଳ ବ୍ୟବସ୍ଥା ଉପରେ ଗୁରୁତ୍ୱ ଦିଆଯାଉ ନଥିବାରୁ କୋମଳମତି ପିଲାଙ୍କ ଜୀବନ ଏବେ ବିପଦରେ । ଘଟଣା ସମ୍ପର୍କରେ ଖବର ପାଇବା ପରେ ଡେଲାଙ୍ଗ ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ର ପକ୍ଷରୁ ଏକ ଡାକ୍ତରୀ ଦଳ ବିଦ୍ୟାଳୟରେ ପହଞ୍ଚି ତଦନ୍ତ ଆରମ୍ଭ କରିଛନ୍ତି । ୯ ଜଣ ଆକ୍ରାନ୍ତ ଛାତ୍ରଛାତ୍ରୀଙ୍କ ରକ୍ତ ନମୁନା ସଂଗ୍ରହ କରାଯାଇ ପରୀକ୍ଷା ପାଇଁ ପଠାଯାଇଛି । ଏଥିସହ ବିଦ୍ୟାଳୟର ପାନୀୟ ଜଳର ମଧ୍ୟ ନମୁନା ସଂଗ୍ରହ କରାଯାଇଛି ।

ରିଙ୍କୁ ସିଂହଙ୍କ ପିତାଙ୍କ ନିଧନ, ଗଭୀର ଶୋକ ପ୍ରକାଶ କଲେ ବିରାଟ କୋହଲି

ନୂଆଦିଲ୍ଲୀ: ଭାରତୀୟ ବ୍ୟାଟର ରିଙ୍କୁ ସିଂହଙ୍କ ପିତାଙ୍କ ଦେହାନ୍ତ ହୋଇଛି । ଶୁକ୍ରବାର ସକାଳେ ତାଙ୍କ ପିତା ଖାନଚାନ୍ଦ ସିଂହଙ୍କ ମୃତ୍ୟୁ ଖବର ଆସିଥିଲା । ଏହି ଖବର ପ୍ରତିଟି ଭାରତୀୟଙ୍କୁ ମର୍ମାହତ କରିଛି । ଭାରତୀୟ ଟିମପୂର୍ବତନ ଅଧିନ...

ଏତିକି ରନରେ ଇଂଲଣ୍ଡ ଜିତିଲେ ସେମିକୁ ଯିବ ପାକିସ୍ତାନ, କରୁଛି ପ୍ରାର୍ଥନା, ଜାଣନ୍ତୁ ପାକିସ୍ତାନ ସେମିଫାଇନାଲର ସମୀକରଣ

Pak Semi Qualification: ଆଜି, ୨୦୨୬ ଟି୨୦ ବିଶ୍ୱକପ୍ ରେ ଇଂଲଣ୍ଡ ଏବଂ ନ୍ୟୁଜିଲ୍ୟାଣ୍ଡ ମଧ୍ୟରେ ସୁପର ୮ ମ୍ୟାଚ୍ ଖେଳାଯିବ। ଗୋଟିଏ ପଟେ, ଇଂଲଣ୍ଡ ଅଛି, ଯାହା ପୂର୍ବରୁ ସେମିଫାଇନାଲ୍ ସ୍ଥାନ ସୁରକ୍ଷିତ କରିସାରିଛି ଏବଂ ଅନ୍ୟପଟେ, ଏହି ମ୍ୟାଚ୍ ନ୍ୟୁଜିଲ୍ୟାଣ୍ଡ ପାଇଁ ମଧ୍ୟ ବହୁତ ଗୁରୁତ୍ୱପୂର୍ଣ୍ଣ। ଏହି ମ୍ୟାଚ୍ ର ଫଳାଫଳ ଟି୨୦ ବିଶ୍ୱକପ୍ କୁ ତୃତୀୟ ସେମିଫାଇନାଲିଷ୍ଟ ଦେଇପାରେ, କିନ୍ତୁ ପାକିସ୍ତାନ ମଧ୍ୟ ଏହି ମ୍ୟାଚ୍ ଉପରେ ନଜର ରଖିବ, କାରଣ ପାକିସ୍ତାନର […]

କଂଗ୍ରେସର ରାଜ୍ୟସଭା କସରତ, ୩ ସେଟ୍ ଫର୍ମ ନେଲେ ବିଧାୟକ ସତ୍ୟଜିତ ଗମାଙ୍ଗ

ଭୁବନେଶ୍ବର ୨୭।୨: ରାଜ୍ୟସଭା ନିର୍ବାଚନ ପାଇଁ ଫର୍ମ ନେଲା କଂଗ୍ରେସ । କଂଗ୍ରେସ ବିଧାୟକ ସତ୍ୟଜିତ ଗମାଙ୍ଗ ତିନି ସେଟ୍ ଫର୍ମ ନେଇଛନ୍ତି । ଫର୍ମ ନେବା ପରେ ପ୍ରତିକ୍ରିୟା ରଖି କହିଛନ୍ତି, କଂଗ୍ରେସ ନିଶ୍ଚିତ ପ୍ରାର୍ଥୀ ଦେବ । ଏଆଇସିସି ଏବଂ ପି...

ଭିଜିଲାନ୍ସ ଜାଲରେ ଆରଆଇ; ପଟା ସଂଶୋଧନ କରାଇଦେବା ପାଇଁ ନେଉଥିଲେ ଲାଞ୍ଚ

କନକ ବ୍ୟୁରୋ : ଭିଜିଲାନ୍ସ ଜାଲରେ କେରେଡାଗଡ଼ ସର୍କଲ ରାଜସ୍ୱ ନିରୀକ୍ଷକ ପ୍ରଦ୍ୟୁମ୍ନ କୁମାର ବେହେରା । ରାଜନଗର ତହସିଲ ନିକଟରେ ଏକ ପଟାକୁ ସଂଶୋଧନ କରାଇଦେବା ପାଇଁ ୧୦ହଜାର ଟଙ୍କା ଲାଞ୍ଚ ନେବା ବେଳେ ଧରିଛି କଟକ ଭିଜିଲାନ୍ସ ଟିମ । ଦୀର୍ଘ ସମୟ ଧରି ସମ୍ପୃକ୍ତ ରାଜସ୍ୱ ନିରୀକ୍ଷକକୁ ଭିଜିଲାନ୍ସ ଟିମ ଅନୁସରଣ କରିଥିଲା । ଅଭିଯୋଗକାରୀ ଟଙ୍କା ଦେବା ପରେ ନିରୀକ୍ଷକ ଟଙ୍କା ନେଇ ତହସିଲ ଅଫିସକୁ ଯିବା ବେଳେ ତହସିଲ ଆଗରୁ ଭିଜିଲାନ୍ସ ଟିମ ଧରିଥିଲା । ଅଧିକ ପଚରାଉଚରା ପାଇଁ ପ୍ରଦ୍ୟୁମ୍ନ କୁମାର ବେହେରାଙ୍କୁ କେନ୍ଦ୍ରାପଡ଼ା ଭିଜିଲାନ୍ସ ଅଫିସକୁ ନିଆଯାଇଛି । ଅଧିକ ପଢ଼ନ୍ତୁ : ସୀମା ନିର୍ଦ୍ଧାରଣ ବେଳେ ପୁଲିସ-ଜନତା ମୁହାଁମୁହିଁ; ଯାଜପୁରରେ ଟାୟାର ଜାଳି ରାସ୍ତା ଅବରୋଧ

‘ଦି କେରଳ ଷ୍ଟୋରୀ-୨’କୁ ନେଇ ଆସିଲା ପ୍ରିୟଙ୍କା ଗାନ୍ଧିଙ୍କ ପ୍ରତିକ୍ରିୟା, ଜାଣନ୍ତୁ କହିଲେ କ’ଣ?

ନୂଆଦିଲ୍ଲୀ ୨୭।୨: କଂଗ୍ରେସ ୱାୟନାଡ ସାଂସଦ ପ୍ରିୟଙ୍କା ଗାନ୍ଧି ଶୁକ୍ରବାର ଫିଲ୍ମ ‘ଦି କେରଳ ଷ୍ଟୋରୀ-୨ ଗୋଜ୍ ବେୟଣ୍ଡ’ ଉପରେ ତାଙ୍କର ପ୍ରତିକ୍ରିୟା ରଖିଛନ୍ତି। ସେ କହିଛନ୍ତି ଯେ ଲୋକଙ୍କୁ ନିଜକୁ ଅଭିବ୍ୟକ୍ତ କରିବାର ଅଧିକାର ଦ...

ପ୍ରଥମେ ଯୁଦ୍ଧ ଘୋଷଣା କଲା, ଏବେ ତାଲିବାନଠୁ ବଞ୍ଚିବାକୁ ଏହି ଦେଶକୁ ଗୋଡ ତଳେ ପଡି ଜୀବନ ଭିକ୍ଷା ମାଗୁଛି ପାକିସ୍ତାନ

PAK vs AFG War: ତାଲିବାନ ସହିତ ଯୁଦ୍ଧ ଆରମ୍ଭ ହେବା ପରେ, ପାକିସ୍ତାନ ସାଉଦି ଆରବ ସହିତ ଯୋଗାଯୋଗ କରିଛି। ପାକିସ୍ତାନର ଉପ-ପ୍ରଧାନମନ୍ତ୍ରୀ ଏବଂ ବୈଦେଶିକ ବ୍ୟାପାର ମନ୍ତ୍ରୀ ଇସାକ ଦାର ସାଉଦି ବିଦେଶ ମନ୍ତ୍ରୀଙ୍କ ସହ ଫୋନ୍ ଯୋଗେ କଥା ହୋଇଛନ୍ତି। ସାଉଦି ବିଦେଶ ମନ୍ତ୍ରଣାଳୟ ଅନୁଯାୟୀ, ପାକିସ୍ତାନ ଏହି ଅଞ୍ଚଳରେ ଉତ୍ତେଜନା ହ୍ରାସ କରିବା ପାଇଁ ଉପାୟ ବିଷୟରେ ଆଲୋଚନା କରିଛି। ସାଉଦି ଆରବ ଏବଂ ପାକିସ୍ତାନ ମଧ୍ୟ ପ୍ରତିରକ୍ଷା ସହଯୋଗୀ, ଏବଂ […]

ସପ୍ତାହରେ ଥରେ ମଦ ପିଇବା ସୁରକ୍ଷିତ? ଶରୀର ଉପରେ କ’ଣ ପକାଏ ପ୍ରଭାବ, ଜାଣିଲା ପରେ ଆପଣ ସମ୍ପୂର୍ଣ୍ଣ ଆଶ୍ଚର୍ଯ୍ୟ ହୋଇଯିବେ

ନୂଆଦିଲ୍ଲୀ: ଅନେକ ଲୋକ ବିଶ୍ୱାସ କରନ୍ତି ଯେ ସପ୍ତାହରେ ଥରେ ମଦ୍ୟପାନ ସମ୍ପୂର୍ଣ୍ଣ ନିରାପଦ। କିନ୍ତୁ ସତ୍ୟ ହେଉଛି ଯେ ବେଳେବେଳେ ମଦ୍ୟପାନ ମଧ୍ୟ ଶରୀର ଉପରେ ପ୍ରଭାବ ପକାଇପାରେ। ଏହାର ପ୍ରଭାବର ପରିମାଣ ବ୍ୟକ୍ତିର ବୟସ, ସ୍ୱାସ୍ଥ୍ୟ, ଜୀବନଶୈଳୀ ଏବଂ ମଦ୍ୟପାନର ପରିମାଣ ଉପରେ ନିର୍ଭର କରେ। ହେଲଦି ପଡକାଷ୍ଟରେ କୁହାଯାଇଥିଲା ଯେ ଯଦି ଆପଣ ଦୁଇଟି ବିୟର ପିଅନ୍ତି ଏବଂ ତା’ ସହିତ କିଛି ସ୍ନାକ୍ସ ଖାଆନ୍ତି, ତେବେ ଏହା ୧୨୦୦ କ୍ୟାଲୋରୀ ହୋଇଯାଏ, […]

ପାକିସ୍ତାନ-ଆଫଗାନିସ୍ତାନ ଯୁଦ୍ଧ: ଇସଲାମାବାଦ୍‌ ନିକଟ ସେନା ବେସ୍‌ରେ ଏୟାରଷ୍ଟ୍ରାଇକ୍, ଦାବି କଲା ତାଲିବାନ

ନୂଆଦିଲ୍ଲୀ: ପାକିସ୍ତାନ ଏବଂ ଆଫଗାନିସ୍ତାନ ଯୁଦ୍ଧ ଏବେ ଚିନ୍ତା ବଢ଼ାଇଛି । ତାଲିବାନ ଶାସିତ ଆଫଗାନିସ୍ତାନ ରକ୍ତମୁଖା ହୋଇଉଠିଛି । ପାକିସ୍ତାନ ପଟୁ ଯେକୌଣସି ଆକ୍ରମଣର ପ୍ରତିଜବାବ ଦେଉଛି ତାଲିବାନ । ଏବେ ପାକିସ୍ତାନର ରାଜଧାନୀ ଇସଲାମାବାଦ...

ବରଗଡ଼ରେ ଲଜ୍ଜା, ୧୨ ବର୍ଷୀୟା ନାବାଳିକାକୁ ଦୁଷ୍କର୍ମ ଅଭିଯୋଗ

ବରଗଡ଼: ୧୨ ବର୍ଷର ନାବାଳିକାକୁ ଦୁଷ୍କର୍ମ ଅଭିଯୋଗ। ଘଟଣା ଘଟିଛି ବରଗଡ଼ ସଦର ଥାନା ଅଞ୍ଚଳରେ। ନାବାଳିକାକୁ ସେହି ଅଞ୍ଚଳର ପରଦେଶୀ ପ୍ରଧାନ (୫୫) ଦୁଷ୍କର୍ମ କରିଥିବା ଅଭିଯୋଗ ହୋଇଛି। ତେବେ ଅଭିଯୋଗ ପରେ ପୋଲିସ ଅଭିଯୁକ୍ତକୁ ଗିରଫ କରିଛି...

ସୀମା ନିର୍ଦ୍ଧାରଣ ବେଳେ ପୁଲିସ-ଜନତା ମୁହାଁମୁହିଁ; ଯାଜପୁରରେ ଟାୟାର ଜାଳି ରାସ୍ତା ଅବରୋଧ

କନକ ବ୍ୟୁରୋ : ସୀମା ନିର୍ଦ୍ଧାରଣକୁ ନେଇ ପୁଲିସ-ଜନତା ମୁହାଁମୁହିଁ । ଯାଜପୁର ରୋଡ୍- ଯଖପୁରା ଥାନା ମନୋହରପୁର ଅଞ୍ଚଳରେ ଉତ୍ତେଜନା । ଏକ ଜମି ସିମା ନିର୍ଦ୍ଧାରଣକୁ ନେଇ ପୁଲିସ ଓ ସ୍ଥାନୀୟ ଗ୍ରାମବାସୀ ମୁହାଁମୁହିଁ ହୋଇଛି । ଉତ୍ତେଜନା ପରେ ସ୍ଥାନୀୟ ଲୋକେ ଟାୟାର ଜାଳି ରାସ୍ତା ରୋକ କରିଛନ୍ତି । ଫଳରେ ମିଲେଟାରି ଛକରୁ ବଙ୍ଗଳା ଛକ ପର୍ଯ୍ୟନ୍ତ ଗାଡ଼ି ଯାତାୟାତ ବନ୍ଦ ରହିଛି । ଘଟଣାସ୍ଥଳରେ ବ୍ୟାପକ ପୋଲିସ ମୁତୟନ କରାଯାଇଛି । ତହସିଲ ପ୍ରଶାସନ ପକ୍ଷରୁ ଜମି ମାପଚୁପ କରୁଥିବା ସମୟରେ ବିରୋଧ କରିଥିଲେ ଗ୍ରାମବାସୀ । ଅଧିକ ପଢ଼ନ୍ତୁ : ପାରାଦୀପରେ ଅର୍ଦ୍ଧଉଲଗ୍ନ ଯୁବତୀଙ୍କ ଶବ ମିଳିବା ଘଟଣା ; ଆଜି ପୁଲିସର ସାମ୍ବାଦିକ ସମ୍ମିଳନୀ ସେପଟେ ଜନଶୁଣାଣି ବେଳେ ଗୋଷ୍ଠୀ ସଂଘର୍ଷ । ବାଡ଼ାବାଡ଼ି, ହାତାହାତି । ବାଲେଶ୍ୱର ଜିଲ୍ଲା ଜଳେଶ୍ୱରରେ ବାଲି ଖାଦାନ ନିଲାମ ପାଇଁ ଜନଶୁଣାଣି ବେଳେ ଏଭଳି ତୁମୁଳକାଣ୍ଡ ହୋଇଛି । ଜିଲ୍ଲା ପ୍ରଶାସନ ତରଫରୁ ସର୍ବସାଧାରଣ ଜନଶୁଣାଣି ଅନୁଷ୍ଠିତ ହେଉଥିଲା । ଏହି ସମୟରେ ସପକ୍ଷ ଏବଂ ବିପକ୍ଷବାଦୀଙ୍କ ମଧ୍ୟରେ ସଂଘର୍ଷ ଘଟିଛି । ଏତେ ଜୋରରେ ଗଣ୍ଡଗୋଳ ଏବଂ ମାରପିଟ୍ ହୋଇଛି ଯେ, ଅଧାରୁ ବନ୍ଦ ରହିଛି ଜନଶୁଣାଣି । ଏହି ଗଣ୍ଡଗୋଳରେ ୨ ଜଣ ଆହତ ହୋଇଛନ୍ତି । ଜଳେଶ୍ୱର ତହସିଲ ଅନ୍ତର୍ଗତ ମହମ୍ମଦନଗର ପାଟଣା ପଞ୍ଚାୟତ ସେଖସରାଇ ବାଲି ଖାଦାନ ନିଲାମ ପାଇଁ ଏହି ଜନଶୁଣାଣି ଚାଲିଥିଲା ।

liquor policy case: ଅର୍ଥନୀତି ଉପରେ କୌଣସି ଜ୍ଞାନ ନାହିଁ, ସିବିଆଇକୁ କଡ଼ା ସମାଲୋଚନା କଲେ କୋର୍ଟ

ନୂଆଦିଲ୍ଲୀ:ମଦ ଦୁର୍ନୀତି ମାମଲାରେ ଆଜି ଦିଲ୍ଲୀର ପୂର୍ବତନ ମୁଖ୍ୟମନ୍ତ୍ରୀ ଅରବିନ୍ଦ କେଜରିୱାଲ୍ଙ୍କୁ ନର୍ଦ୍ଦୋଷରେ ଖଲାସ କରିଛନ୍ତି ରାଉଜ ଏଭିନ୍ୟୁ କୋର୍ଟ। ରାୟ ଶୁଣାଇବା ବେଳେ ଆଜି କୋର୍ଟ ସିବିଆଇକୁ କଡ଼ା ସମାଲୋଚନା କରିଛନ୍ତି। ଅର୍ଥନ...

ଭାଷଣ ଦେଉଥିଲେ କେନ୍ଦ୍ରମନ୍ତ୍ରୀ, ଥରିଲା ସଭାମଞ୍ଚ #WatchVideo

କୋଲକାତା ୨୭।୨: କେନ୍ଦ୍ରମନ୍ତ୍ରୀ ସୁକାନ୍ତ ମଜୁମଦାର ଶୁକ୍ରବାର କୋଲକାତାରେ ଏକ କାର୍ଯ୍ୟକ୍ରମକୁ ସମ୍ବୋଧିତ କରୁଥିବା ବେଳ ଅଚାନକ ଭୂମିକମ୍ପ ଅନୁଭୂତ ହୋଇଛି। ଏହି ସମୟର ଭିଡିଓ ଏବେ ସୋସିଆଲ ମିଡିଆରେ ଅପଲୋଡ ହୋଇଥିବା ବେଳେ ତାହା ଭାଇରାଲ ହୋଇଯ...

ଭୀଷ୍ମ ପିତାମହଙ୍କୁ ମୃତ୍ୟୁଶଯ୍ୟାରେ ଦେଖି ଠୋ ଠୋ ମାରି ହସି ଉଠିଲେ ଦ୍ରୌପଦୀ? ପାଣ୍ଡବମାନେ ମଧ୍ୟ ହୋଇଗଲେ ଆଶ୍ଚର୍ଯ୍ୟ; ହେଲେ ସେ କାହିଁକି ଏମିତି କରିଥିଲେ ….

ନୂଆଦିଲ୍ଲୀ: ମହାଭାରତ ସହିତ ଜଡିତ ଅନେକ କାହାଣୀ ଅଛି ଯାହା ଲୋକଙ୍କ ପାଇଁ ପ୍ରେରଣାଦାୟକ। ତଥାପି, ମହାଭାରତର କିଛି ତଥ୍ୟ ଆଜି ମଧ୍ୟ ଲୋକଙ୍କୁ ଆଶ୍ଚର୍ଯ୍ୟ କରେ। ପାଣ୍ଡବ ଏବଂ କୌରବମାନଙ୍କ ମଧ୍ୟରେ ମହାଭାରତ ଯୁଦ୍ଧ ସମୟରେ, ଭୀଷ୍ମ ପିତାମହ କୌରବମାନଙ୍କ ପକ୍ଷ ନେଇଥିଲେ, ଯଦିଓ ସେ ଜାଣିଥିଲେ ଯେ ସେମାନେ ଭୁଲ ଏବଂ କେବଳ ସେମାନଙ୍କର ଅଧିକାର ଦାବି କରୁଥିଲେ। ତଥାପି, ସେ ସିଂହାସନ ସହିତ ବନ୍ଧା ହୋଇଥିବାରୁ କୌରବମାନଙ୍କ ପକ୍ଷ ହୋଇଥିଲେ। ଯୁଦ୍ଧ ସମୟରେ, […]

ଏ କ‘ଣ, ଏତେ ବଡ଼ ଶିଶୁକୁ କେମିତି ଜନ୍ମ ଦେଲେ ମହିଳା, ଓଜନ ଜାଣିଲେ ହୋଇଯିବେ ଆଶ୍ଚର୍ଯ୍ୟ

Heaviest Newborn Surprises Family in New York