DC vs GT : ଲଢେଇ କଲେ ରାହୁଲ ଏବଂ ମିଲର, କିନ୍ତୁ ଦିଲ୍ଲୀକୁ ଜିତାଇପାରିଲେନି ମ୍ୟାଚ୍, ୧ ରନରେ ଜିତିଲା ଗୁଜୁରାଟ

ନୂଆଦିଲ୍ଲୀ, ୦୮/୦୪ : ରୋମାଞ୍ଚକର ମୁକାବିଲା । ଶେଷ ବଲରେ ରେଜଲ୍ଟ୍ ।ଚାଲିଲା କେଏଲ ରାହୁଲ ଏବଂ ଡେଭିଡ୍ ମିଲରଙ୍କବ୍ୟାଟ୍ । ବର୍ଷା କଲେ ଛକା ଏବଂ ଚଉକା। କିନ୍ତୁ ଗୁଜୁରାଟ ପାଖରୁ ଛଡାଇ ଆଣି ପାରିଲେନିବିଜୟ ।ଗୁଜୁରାଟ ଟାଇଟନ୍ସର ବିଶାଳ ବିଜୟ ଲକ୍ଷ୍ୟକୁ ପିଛାକରିବାରେ ବିଫଳହୋଇଛି ଦିଲ୍ଲୀ କ୍ୟାପିଟାଲ୍ସ । ବୁଧବାର ଆଇପିଏଲରେ ଦିଲ୍ଲୀକ୍ୟାପିଟାଲ୍ସଏବଂ ଗୁଜୁରାଟଟାଇଟନ୍ସମଧ୍ୟରେ ଖେଳାଯାଇଥିବା ହାଇସ୍କୋରିଂ ମୁକାବିଲାରେ ଗୁଜୁରାଟବାଜି ମାରି ନେଇଛି । ଗୁଜୁରାଟ ଏକ ରନରେ ମ୍ୟାଚ୍ ଜିତି ନେଇଛି ।ମୁକାବିଲାରେ ଟସ୍ ହାରି ପ୍ରଥମେ ବ୍ୟାଟିଂ କରିଥିଲା ଗୁଜରାଟ । ଓପନର ସାଇ ସୁଦର୍ଶନ ସଅଳ ଆଉଟ୍ ହୋଇଯାଇଥିଲେ । କିନ୍ତୁ ଅଧିନାୟକ ଶୁଭମନ୍ ଗିଲ ଏବଂ ଜସ୍ ବଟଲର ସ୍କୋରକୁ ଆଗରୁ ନେଇଥିଲେ । ଉଭୟେ ବିସ୍ଫୋରକ ବ୍ୟାଟିଂ କରି ଅର୍ଧଶତକ ଲଗାଇଥିଲେ । ବଟଲର ଆଉଟ୍ ହେଲା ପରେ ଓ୍ୱାଶିଂଟନ୍ ସୁନ୍ଦର ମଧ୍ୟ ଦମଦାର ଅର୍ଧଶତକ ହାସଲ କରିଥିଲେ । ଫଳରେ ଗୁଜୁରାଟ ନିର୍ଧାରିତ୨୦ଓଭରରେ୪ଓ୍ୱିକେଟ୍ ହରାଇ୨୧୦ରନ୍ କରିଥିଲା ।ତେବେ୨୧୧ରନର ବିଜୟ ଲକ୍ଷ୍ୟକୁ ଚେଜ୍ କରିବା ପାଇଁ ଓହ୍ୱାଇଥିଲେ କେଏଲ ରାହୁଲ ଏବଂ ପାଥୁମ ନିଶଙ୍କା । ଉଭୟେ ଜବରଦସ୍ତ ବ୍ୟାଟିଂ କରିଥିଲେ । ନିଶଙ୍କା୪୧ରନ୍ କରି ପ୍ୟାଭିଲିୟନ ଫେରିଥିଲେ । କିନ୍ତୁ ରାହୁଲ ଅଟକି ନଥିଲେ । ସେ ୧୭ଓଭରଯାଏଁ ରହି ଦଳକୁ ବିଜୟଆଶା ଦେଉଥିଲେ । କ୍ରିଜର ଗୋଟିଏ ପରେ ରାହୁଲ ଠିଆ ହୋଇ ରନ୍ କରୁଥିଲେ । କିନ୍ତୁ ଅନ୍ୟ ଦିଗରେ ଜଣଙ୍କ ପରେ ଜଣେ ବ୍ୟାଟର ପ୍ୟାଭିଲିୟନ ଫେରୁଥିଲେ । ରାହୁଲ ଆଉଟ୍ ହେଲା ପରେ ଦିଲ୍ଲୀର ବିଜୟ ଆଶା କିଛି ସମୟ ପାଇଁ ମଉଳି ଯାଇଥିଲା । କିନ୍ତୁ ଡେଭିଡ୍ ମିଲରରିଟାୟର ହର୍ଟରୁ ଫେରି ରନ୍ ବର୍ଷା କରି ବିଜୟଆଶା ଦେଖାଇଥିଲେ । ଶେଷ ଯାଏଁ ରହିଥିଲେ ମଧ୍ୟଦିଲ୍ଲୀକୁ ମ୍ୟାଚ୍ ଜିତାଇ ପାରିନଥିଲେ ।ରାହୁଲ ୯୨ରନ୍ କରିଥିବା ବେଳେ ଅନ୍ୟମାନଙ୍କ ମଧ୍ୟରେ ନୀତିଶ ରାଣା୫ଏବଂ ସମୀର ରିଜଭୀ୧ରନ୍ କରିଛନ୍ତି ।ସେହିପରି ଟି ଷ୍ଟବସ୍ ଏବଂ ବିପ୍ରଜ ନିଗମ୭ ଏବଂ ୧୨ରନ୍ କରିଛନ୍ତି। ମିଲର ୪୧ରନ୍ କରିଥିଲେ ।ଦଳ ୨୦ ଓଭରରେ ୨୦୯ ରନ୍ କରିବାରେ ସକ୍ଷମ ହୋଇଥିଲା ।ଫଳରେ ଗୁଜୁରାଟ ୧ ରନରେ ମ୍ୟାଚ୍ ଜିତି ନେଇଛି । ​​​​​​​ଗୁଜରାଟ ପକ୍ଷରୁ ରଶିଦ ଖାନ ତିନୋଟି ଓ୍ୱିକେଟ୍ ନେଇଥିବା ବେଳେ ମହମ୍ମଦ ସିରାଜ ଗୋଟିଏ ଏବଂପ୍ରସିଦ୍ଧ କ୍ରିଷ୍ଣା ଦୁଇଟିଲେଖାଏଁ ଓ୍ୱିକେଟ୍ ଅକ୍ତିଆର କରିଛନ୍ତି ।

‘ଲେବାନନ ଉପରେ ଆକ୍ରମଣ ଜାରି ରହିଲେ ଭାଙ୍ଗିବ ଅସ୍ତ୍ରବିରତି...’, ଧମକ ଦେଇ ହର୍ମୁଜ ପ୍ରଣାଳୀରେ ଜାହାଜ ଚଳାଚଳ ଉପରେ ପ୍ରତିବନ୍ଧକ ଲଗାଇଲା ଇରାନ

ନୂଆଦିଲ୍ଲୀ: ଆମେରିକା ଏବଂ ଇରାନ ମଧ୍ୟରେ ସିଜଫାୟାର ବା ଅସ୍ତ୍ରବିରତି ଘୋଷଣା ହୋଇଛି। ହେଲେ ସେପଟେ କିନ୍ତୁ ଇସ୍ରାଏଲ ଏବଂ ଲେବାନନ ମଧ୍ୟରେ ଯୁଦ୍ଧ ଜାରି ରହିଛି। ଏମିତିରେ ଇରାନ, ଲେବାନନ ଉପରେ ଆକ୍ରମଣ ଜାରି ରହିଲେ ଅସ୍ତ୍ରବିରତିରୁ ପଛକୁ ହଟିବା ନେଇ ଧମକ ଦେଇଛି। ଖାଲି ସେତିକି ନୁହେଁ ହର୍ମୁଜ୍ ପ୍ରଣାଳୀ ଦେଇ ଟ୍ୟାଙ୍କର୍ ଚଳାଚଳକୁ ମଧ୍ୟ ଅବରୋଧ କରିଛି।ପ୍ରକୃତରେ ଆମେରିକା ଏବଂ ଇରାନର ଯୁଦ୍ଧବିରତି ସତ୍ତ୍ୱେ, ଇରାନ ଉପରେ ଲଗାତାର ଆକ୍ରମଣ ଜାରି ରହିଛି । ଆକ୍ରମଣ ପାଇଁଇରାନ, ଇସ୍ରାଏଲ ଉପରେ ଅସ୍ତ୍ରବିରତିଉଲ୍ଲଘଂନ ଅଭିଯୋଗ ଆଣିଛି।ଇରାନର ଲଭାନ ଏବଂ ସିରି ଦ୍ୱୀପପୁଞ୍ଜ ଉପରେ ଆକ୍ରମଣ ହୋଇଛି। ଏମିତିରେଲେବାନନ ଉପରେ ଇସ୍ରାଏଲୀ ଆକ୍ରମଣ ପରେ, ଇରାନ ହର୍ମୁଜ୍ ପ୍ରଣାଳୀ ଦେଇ ଟ୍ୟାଙ୍କରଗୁଡ଼ିକର ଗତିବିଧିକୁ ଅବରୋଧ କରିଛି। ସେପଟେଇସ୍ରାଏଲ ଏହା ପୂର୍ବରୁ କହିଛି ଯେ, ଯୁଦ୍ଧବିରତିର ସର୍ତ୍ତାବଳୀ ଲେବାନନ ଉପରେ ଲାଗୁ ହେଉନାହିଁ।ଅସ୍ତ୍ରବିରତି ସର୍ତ୍ତାବଳୀରେ ଲେବାନନକୁ ସାମିଲ କରାଯାଇନାହିଁହ୍ୱାଇଟ୍ ହାଉସ୍ ସ୍ପଷ୍ଟ କରିଛି ଯେ ଏହି ଚୁକ୍ତିନାମା କେବଳ ଆମେରିକା ଏବଂ ଇରାନ ପାଇଁ। ଲେବାନନ୍ ଏଥିରେ ଅନ୍ତର୍ଭୁକ୍ତ ନୁହେଁ। ଅନ୍ୟପକ୍ଷରେ ଇସ୍ରାଏଲ କହିଛି ଯେ ଯୁଦ୍ଧବିରତି ସର୍ତ୍ତାବଳୀ ସେଠାରେ ପ୍ରଯୁଜ୍ୟ ନୁହେଁ କାରଣ ହିଜବୋଲ୍ଲା ଲେବାନନରେ ସକ୍ରିୟ ରହିଛି। ଇସ୍ରାଏଲ ଗୋଟିଏ ପଟେ ଆମେରିକା ଏବଂ ଇରାନ ମଧ୍ୟରେ ଯୁଦ୍ଧବିରତିକୁ ସମର୍ଥନ କରିଥିଲା, ଅନ୍ୟପଟେ ଲେବାନନ୍ ଉପରେ ବିମାନ ଆକ୍ରମଣକୁ ତୀବ୍ର କରିଥିଲା।Also Read:ହୋର୍ମୁଜରୁ ଟୋଲ ଅସୁଲ ପାଇଁ ଇରାନ ସହ ଜଏଣ୍ଟଭେଞ୍ଚର କରିବାକୁ ଚାହାନ୍ତି ଆମେରିକା ରାଷ୍ଟ୍ରପତିଇରାନ ଏବଂ ଆମେରିକା ମଧ୍ୟରେ ୧୪ ଦିନିଆ ଅସ୍ତ୍ରବିରତିଯୁଦ୍ଧର ପ୍ରାୟ ୪୦ ଦିନ ପରେ ଆମେରିକା ଏବଂ ଇରାନ ମଧ୍ୟରେ ଅସ୍ତ୍ରବିରତି ଘୋଷଣା ହୋଇଛି। ୧୪ ଦିନ ପାଇଁ ହୋଇଥିବା ଏହି ଅସ୍ତ୍ରବିରତିରେ ଦୁଇ ଦେଶ ପରସ୍ପର ଉପରେ ଆକ୍ରମଣ କରିବେ ନାହିଁ। ହେଲେ ମାତ୍ର କିଛି ଘଣ୍ଟା ପରେ ଇରାନ ଯୁଦ୍ଧବିରତି ସମ୍ପର୍କରେ ଏକ ବଡ଼ ବିବୃତ୍ତି ଜାରି କରି ଯୁଦ୍ଧବିରତିରୁ ଓହରିଯିବାକୁ ଧମକ ଦେଇଛି। ଅବଶ୍ୟ ଇସ୍ରାଏଲ ଲେବାନନରେ ଏହାର ଆକ୍ରମଣ ଜାରି ରଖିପାରେ।ଇସ୍ରାଏଲୀ ଆକ୍ରମଣକୁ ନିନ୍ଦା କଲେ ଲେବାନନ୍ ରାଷ୍ଟ୍ରପତିଅନ୍ତର୍ଜାତୀୟ ଗଣମାଧ୍ୟର ରିପୋର୍ଟ ଅନୁସାରେ, ଲେବାନନ୍ ରାଷ୍ଟ୍ରପତି ଜୋସେଫ୍ ଆଉନ୍ ଇସ୍ରାଏଲୀ ଆକ୍ରମଣକୁ ଦୃଢ଼ ନିନ୍ଦା କରିଛନ୍ତି। ସେ ବେରୁତ ଏବଂ ଅନ୍ୟାନ୍ୟ ଅଞ୍ଚଳରେ ଇସ୍ରାଏଲୀ ଆକ୍ରମଣକୁ ବର୍ବର ବୋଲି କହିଛନ୍ତି ଏବଂ ଉତ୍ତେଜନା ବୃଦ୍ଧି ପାଇଁ ଇସ୍ରାଏଲକୁ ଦାୟୀ କରିଛନ୍ତି। IDF ଆକ୍ରମଣରେ ହଜାର ହଜାର କୋଠା ଧ୍ୱଂସ ହୋଇଛି ଏବଂ ହସ୍ପିଟାଲ ନଷ୍ଟ ହୋଇଛି। ଉଦ୍ଧାରକାରୀମାନେ ଧ୍ୱଂସାବଶେଷରୁ ମୃତଦେହ ଖୋଜୁଛନ୍ତି।Also Read:Watch Video : ଯୁଦ୍ଧ ବିରତି ଘୋଷଣା, କିନ୍ତୁ ଇରାନରେ ଖସି ପଡିଲା ଆମେରିକାର ଯୁଦ୍ଧ ବିମାନ ! ଭିଡିଓ ସେୟାର କଲା ତେହେରାନ ମିଡିଆଲେବାନନରେ ୮୯ ଜଣଙ୍କର ମୃତ୍ୟୁ, ୭୦୦ ଆହତମୃତାହତଙ୍କ ସଂଖ୍ୟା ବୃଦ୍ଧି ପାଇବାରେ ଲାଗିଛି। ଲେବାନନ୍ ସ୍ୱାସ୍ଥ୍ୟ ମନ୍ତ୍ରଣାଳୟର ଜଣେ ମୁଖପାତ୍ର ରଏଟର୍ସକୁ କହିଛନ୍ତି ଯେ, ବୁଧବାର ଲେବାନନରେ ଇସ୍ରାଏଲୀ ଆକ୍ରମଣରେ ୮୯ ଜଣ ପ୍ରାଣ ହରାଇଛନ୍ତି ଏବଂ ୭୦୦ ଜଣ ଆହତ ହୋଇଛନ୍ତି।

ବିକାଶରୁ ବଞ୍ଚିତ କୋଇଡ଼ା ଖଣି ଅଞ୍ଚଳ; ଚାଉଳ ଓ ଭତ୍ତା ପାଇଁ ଲୋକଙ୍କ ସଂଘର୍ଷ

କନକ ବ୍ୟୁରୋ : ରାଜ୍ୟରୁ ହଜାର ହଜାର କୋଟିର ରାଜସ୍ୱ ଯାଉଛି, କିନ୍ତୁ ପାହାଡ଼ ଉପରେ ଜୀବନ ଆଜି ବି ଅନ୍ଧାରରେ । ଯେଉଁଠି ମୁଖ୍ୟମନ୍ତ୍ରୀ ଏବଂ କେନ୍ଦ୍ରମନ୍ତ୍ରୀ ନିଜେ ଆଦିବାସୀ ସମ୍ପ୍ରଦାୟରୁ ସେଠାରେ ଖଣି ସମୃଦ୍ଧ ସୁନ୍ଦରଗଡ଼ର ଗୋଟିଏ ଗାଁ ଆଜି ବି ମୌଳିକ ସୁବିଧା ପାଇଁ ସଂଘର୍ଷ କରୁଛି । ୪ ଦିନ ଚାଲିଲେ ମିଳୁଛି ଭତ୍ତା, ଆଉ ମୃତ୍ୟୁ ସହ ପଞ୍ଝା ଲଢ଼ିବା ପରେ ମିଳୁଛି ଚାଉଳ । ଏହା କୌଣସି ଆଫ୍ରିକୀୟ ଦେଶର ଚିତ୍ର ନୁହେଁ, ବରଂ ଖଣି ସମ୍ପନ୍ନ ସୁନ୍ଦରଗଡ଼ ଜିଲ୍ଲା କୋଇଡ଼ା ସୀମାନ୍ତ ଲହୁଣୀପଡ଼ା ବ୍ଲକର କେନଶିଳା ଗ୍ରାମ । ଲୁହାପଥର ଆଉ କୋଇଲାର ପ୍ରାଚୁର୍ଯ୍ୟ ଭିତରେ ବଞ୍ଚୁଥିବା ଏହି ମଣିଷମାନଙ୍କ ପାଇଁ ବିକାଶ ଶବ୍ଦଟି ଆଜି ବି ଅଜଣା । ଭତ୍ତା ପାଇଁ ୪ ଦିନ ପଞ୍ଚାୟତକୁ ଯାଇ ଭତ୍ତା ଆଣିବା ପାଇଁ ବୃଦ୍ଧବୃଦ୍ଧାମାନେ ଚଢ଼ୁଛନ୍ତି ୨୦ କିଲୋମିଟର ପାହାଡ଼ । ଯିବାକୁ ଲାଗୁଛି ୨ ଦିନ, ଫେରିବାକୁ ଲାଗୁଛି ଆଉ ୨ ଦିନ । ରାସନ ଚାଉଳ ମୁଣ୍ଡେଇ ପାହାଡ଼ିଆ ପଥର ଉପରେ ଚାଲିବା ଏମାନଙ୍କର ନିତିଦିନିଆ ଭାଗ୍ୟ ପାଲଟିଯାଇଛି । ଅଧିକ ପଢ଼ନ୍ତୁ : ମାଲକାନଗିରିରେ କୁପୋଷଣର କରାଳ ରୂପ; ଆଦିମ ବଣ୍ଡା ଘାଟିରେ ସବୁଠାରୁ ଅଧିକ ଅପପୁଷ୍ଟି ପିଲା ଚିହ୍ନଟ ଏଠି ସ୍ୱାସ୍ଥ୍ୟସେବା କହିଲେ ‘ଖଟିଆ’ ଆଉ ‘ଚେଙ୍କ’ । ରାସ୍ତା ନାହିଁ, ତେଣୁ ଆମ୍ବୁଲାନ୍ସ ଆସିବା ସାତସପନ । ଗର୍ଭବତୀ ମହିଳାମାନେ ଅନ୍ଧାରୀ ଘରରେ ପ୍ରସବ କରିବାକୁ ବାଧ୍ୟ ହୁଅନ୍ତି । ଯଦି ଦେହ ବେଶି ଖରାପ ହେଲା, ତେବେ ଖଟିଆରେ ବୋହି ବୋହି ମାଇଲ ମାଇଲ ବାଟ ଯିବା ବେଳେ ଅନେକ ସମୟରେ ବାଟରେ ହିଁ ଚାଲିଯାଏ ଜୀବନ । କୁରାଢ଼ି ନାଳର ଅପରିଷ୍କାର ପାଣି ଏମାନଙ୍କ ଜୀବନରେଖା । ଶିଶୁଙ୍କ ଆଖିରେ ସ୍ୱପ୍ନ ଅଛି କିନ୍ତୁ ପଢ଼ିବାକୁ ବିଦ୍ୟାଳୟ ନାହିଁ । ଅପପୃଷ୍ଟିରେ ଜର୍ଜରିତ କୁନି କୁନି ମୁହଁ ଗୁଡ଼ିକ ଆଜି ପ୍ରଶ୍ନ କରୁଛନ୍ତି- ଆମେ କ’ଣ ଏହି ଦେଶର ନାଗରିକ ନୁହେଁ ? ଖଣ୍ଡାଧାର ପାହାଡ଼ରୁ କୋଟି କୋଟି ଟଙ୍କାର ଲୌହପଥର ଲୁଟ୍ ହେଉଛି, ବଡ଼ ବଡ଼ କମ୍ପାନୀ ଲାଭ କମାଉଛନ୍ତି । କିନ୍ତୁ ସେହି ପାହାଡ଼ ପାଦଦେଶରେ ଥିବା ଆଦିବାସୀଙ୍କୁ ମିଳୁଛି କେବଳ କନ୍ଦମୂଳ ଆଉ ଝରଣା ପାଣି । ପ୍ରଶାସନର ଡିଏମ୍‌ଏଫ୍‌ ପାଣ୍ଠି କୁଆଡ଼େ ଯାଉଛି ? କେଉଁଠି ଅଟକିଛି ବିକାଶର ରଥ ? ରାଷ୍ଟ୍ରପତିଙ୍କ ଠାରୁ ଆରମ୍ଭ କରି ମୁଖ୍ୟମନ୍ତ୍ରୀଙ୍କ ଯାଏଁ ସମସ୍ତେ ଆଦିବାସୀ ସମାଜର ଗର୍ବ । କିନ୍ତୁ କେନଶିଳାର ଏହି ଦୟନୀୟ ଚିତ୍ର ବ୍ୟବସ୍ଥାର ମୁହଁରେ ଏକ ଶକ୍ତ ଚାପୁଡ଼ା । କେବେ ସରକାରଙ୍କ ରାଡାରକୁ ଆସିବ ଏହି ଗାଁ ? କେବେ ଶେଷ ହେବ ୪ ଦିନିଆ ଯନ୍ତ୍ରଣାର ଯାତ୍ରା ?

ମାଲକାନଗିରିରେ କୁପୋଷଣର କରାଳ ରୂପ; ଆଦିମ ବଣ୍ଡା ଘାଟିରେ ସବୁଠାରୁ ଅଧିକ ଅପପୁଷ୍ଟି ପିଲା ଚିହ୍ନଟ

କନକ ବ୍ୟୁରୋ : ସୁପୋଷିତ ହବ ଓଡିଶା । କୁପୋଷଣ ଦୁର କରିବା ଲାଗି ମହିଳା ଓ ଶିଶୁ ବିକାଶ ବିଭାଗର ଗୋଟିଏ ପରେ ଗୋଟି ଯୋଜନା ଜାରି ରହିଛି । ତେବେ ଏବେ ବି ସୁପୋଷିତ ଓଡିଶା ଲକ୍ଷ୍ୟ ଠାରୁ ବହୁ ଦୁରରେ ଆମ ରାଜ୍ୟ । ବିଶେଷ କରି ମାଲକାନଗିରି ପରି ଉପାନ୍ତ ଜିଲ୍ଲାରେ ଶିଶୁ ମୃତ୍ୟୁ ହାର ଏବେ ବି ଉଦବେଗଜନକ ରହି ଥିବା ବେଳେ କୁପୋଷଣତାର ହାରେ ଏବେ ବି ଚିନ୍ତାଜନକ । ବିଶେଷ କରି ଆଦିମ ବଣ୍ଡା ଘାଟିରେ ସବୁଠାରୁ ଅଧିକ ଅପପୁଷ୍ଟି ପିଲା ଚିହ୍ନଟ ହୋଉ ଥିବା ବେଳେ ସ୍ଥିତି ସମୀକ୍ଷା କରି ସମାଧାନ ଲାଗି ସୁପୋଷିତ ଓଡିଶା ମିଶନ ଉପରେ ଗୁରୁତ୍ୱ ଦେଇଛନ୍ତି ମହିଳା ଓ ଶିଶୁ ବିକାଶ ବିଭାଗର ସଚିବ ମୃଣାଲିନୀ ଧର୍ଶୱାଲ । ସୁପୋଷିତ ଓଡ଼ିଶା ଗଠନ ପାଇଁ ସରକାରଙ୍କ ଅନେକ ଯୋଜନା, କିନ୍ତୁ ଗ୍ରାଉଣ୍ଡ ଜିରୋର ଚିତ୍ର କିଛି ଅଲଗା । ବିଶେଷ କରି ମାଲକାନଗିରି ଜିଲ୍ଲାରେ ବଣ୍ଡାଘାଟିରୁ ସହର ଯାଏଁ ପୁଷ୍ଟିହୀନତା ଏବଂ ଶିଶୁ-ମାତୃ ମୃତ୍ୟୁହାର ଏବେ ବି ଚିନ୍ତାଜନକ । ଜିଲ୍ଲାର ମୋଟ ୧୩୨୪ ଅଙ୍ଗନବାଡ଼ିରେ ୫୪ ହଜାର ୪୬୩ ପିଲାଙ୍କ ନାଁ ପଞ୍ଜୀକୃତ ହୋଇଛି । ସେମାନଙ୍କ ୭୪୦୦ ଅର୍ଥାତ ୧୩.୬୧% ପିଲାଙ୍କ ଓଜନ ଓ ଉଚ୍ଚତା ବୟସ ତୁଳନାରେ କମ୍‌ । ୬୫୦ ଅର୍ଥାତ ୧.୨% ଶିଶୁ ଗୁରୁତର ପୁଷ୍ଟିହୀନତାର ଶିକାର । ୩୦୬୪ ଅର୍ଥାତ ୫.୬୪% ପିଲାଙ୍କ ଠାରେ ମଧ୍ୟ ପୁଷ୍ଟିହୀନତା । ୨୩୭୬ ଅର୍ଥାତ ୪.୩୭% ପିଲାଙ୍କ ଓଜନ କମ୍‌ । ଅଧିକ ପଢ଼ନ୍ତୁ : ଗାଁ ଖାଉଛି ମଦ ! ୫ ବର୍ଷରେ ଗଡ଼ିଲାଣି ୩୦ ମୁଣ୍ଡ ମୋଟ ଉପରେ ଜିଲ୍ଲାର ଅଙ୍ଗନବାଡ଼ିରେ ନାମ ଲେଖାଇଥିବା ପିଲାଙ୍କ ମଧ୍ୟରୁ ୧୩ ହଜାର ୪୯୦ ସିଧାସଳଖ କୁପୋଷଣର ଶିକାର । ଖଇରପୁଟ ବ୍ଲକ ଅନ୍ତର୍ଗତ ବଣ୍ଡାଘାଟିର ସ୍ଥିତି ଚିନ୍ତାଜନକ । ମାଲକାନଗିରିରେ ସଂପୂର୍ଣ୍ଣ ସ୍ଥିତିର ସମୀକ୍ଷା କରି ବିଭାଗୀୟ ସଚିବ କହିଛନ୍ତି, ସୁପୋଷିତ ଓଡ଼ିଶାର ମିଶନ ମାଧ୍ୟମରେ ସମସ୍ୟାର ସମାଧାନ କରାଯିବ । ଶିଶୁ ମୃତ୍ୟୁ ହାରରେ ମଧ୍ୟ ମାଲକାନଗିରି ଜିଲ୍ଲାର ସ୍ଥିତି ଦେଶ ଓ ରାଜ୍ୟର ହାର ଠାରୁ ଯଥେଷ୍ଟ ଆଗରେ । ଶିଶୁ ମୃତ୍ୟୁହାର: ଦେଶରେ ୩୫, ମାଲକାନଗିରିରେ ୪୧ରୁ ଅଧିକ । ମାତୃ ମୃତ୍ୟୁହାରରେ ଜାତୀୟ ହାର ୯୭, ରାଜ୍ୟ ହାର ୧୧୯, ମାଲକାନଗିରିରେ ୧୭୦ ଟପିଛି । ଏହି ସଂଖ୍ୟାକୁ କମାଇବା ପାଇଁ ଏବେ 'ଓଡ଼ିଶା ପୁଷ୍ଟି ଯୋଜନା'ରେ ରାଜ୍ୟର ୨୫ ହଜାର ଅଙ୍ଗନବାଡ଼ି କେନ୍ଦ୍ର ଜରିଆରେ ଅଧିକ ପୁଷ୍ଟିକର ଖାଦ୍ୟ ଯୋଗାଇ ଦେବାକୁ ପ୍ରସ୍ତୁତି ଚାଲିଛି । ସମ୍ପୂର୍ଣ୍ଣତା ଅଭିଯାନ, ମୁଖ୍ୟମନ୍ତ୍ରୀ ସମ୍ପୂର୍ଣ୍ଣ ପୁଷ୍ଟି ଯୋଜନା ଓ ମମତା ଯୋଜନା ପରି ଅନେକ କାର୍ଯ୍ୟକ୍ରମ ଏବେ ମାଲକାନଗିରି ପରି ଆକାଂକ୍ଷୀ ଜିଲ୍ଲା ଉପରେ କେନ୍ଦ୍ରୀଭୂତ । ଏହି ନୂଆ ମିଶନ ବାସ୍ତବରେ ମାଲକାନଗିରିରୁ କୁପୋଷଣର ଦାଗ ଲିଭାଇବାରେ କେତେ ସଫଳ ହେଉଛି, ତାହା ଆଗାମୀ ଦିନରେ ଜଣାପଡ଼ିବ ।

୪୦, ୮୧୧ କୋଟି ଟଙ୍କାରେ ୩୬ଟି ଶିଳ୍ପ ପ୍ରକଳ୍ପର ଭିତ୍ତିପ୍ରସ୍ତର ସ୍ଥାପନ, ସୃଷ୍ଟି ହେବ ୫୯,୦୦୦ ରୁ ଅଧିକ ନିଯୁକ୍ତି

ଭୁବନେଶ୍ଵର: ଶିଳ୍ପ ଅଭିବୃଦ୍ଧି ଏବଂ ସମୟୋଚିତ କାର୍ଯ୍ୟାନ୍ୱୟନ ପ୍ରତି ରାଜ୍ୟର ଦୃଢ଼ ପ୍ରତିବଦ୍ଧତାକୁ ଗୁରୁତ୍ୱ ଦେଇ ଓଡ଼ିଶା ସରକାର ଆଉ ଏକ ମାଇଲଖୁଣ୍ଟ ସ୍ଥାପନ କରିଛନ୍ତି। ମୁଖ୍ୟମନ୍ତ୍ରୀ ଶ୍ରୀ ମୋହନ ଚରଣ ମାଝୀ ଆଜି ଖୋର୍ଦ୍ଧା ଜିଲ୍ଲା ବେଗୁନିଆ ଅନ୍ତର୍ଗତ ଭୂଇଁପୁର ଠାରେ ୪୦, ୮୧୧ କୋଟି ଟଙ୍କା ନିବେଶରେ ସମୁଦାୟ ୩୬ ଗୋଟି ଶିଳ୍ପ ପ୍ରକଳ୍ପର ଶିଳାନ୍ୟାସ ଓ ଶୁଭାରମ୍ଭ କରିଛନ୍ତି। ଏଥିମଧ୍ୟରୁ ୨୫ଟି ପ୍ରକଳ୍ପର ଭିତ୍ତିପ୍ରସ୍ତର ସ୍ଥାପନ ହୋଇଥବା ବେଳେ ୧୧ ଟି ପ୍ରକଳ୍ପର ଉଦ୍ଘାଟନ କରାଯାଇଛି। ଏହି ଅବସରରେ ମୁଖ୍ୟମନ୍ତ୍ରୀ କହିଛନ୍ତି ଯେ, ଓଡିଶା ଏବେ ଆଉ କେବଳ ଏକ ସମ୍ଭାବନାର ରାଜ୍ୟ ହୋଇ ରହିନାହିଁ, ଆମ ରାଜ୍ୟ ଏବେ ସମୃଦ୍ଧିର ସ୍ପର୍ଶ ଅନୁଭବ କରୁଛି।ସୂଚନାଯୋଗ୍ୟଯେ, ଏହି ପ୍ରକଳ୍ପ ଗୁଡିକର ଶିଳାନ୍ୟାସ ଓ ଶୁଭାରମ୍ଭ ଦ୍ୱାରା ୫୯,୦୦୦ ରୁ ଅଧିକ ନିଯୁକ୍ତି ସୃଷ୍ଟି ହେବ। ଏହି ଶିଳ୍ପ ପ୍ରକଳ୍ପଗୁଡ଼ିକ ମଧ୍ୟରେ ଗ୍ରୀନ ଏନର୍ଜି ଉପକରଣ, ଧାତୁ ଏବଂ ଡାଉନଷ୍ଟ୍ରିମ୍ ଶିଳ୍ପ, ବୟନ ଏବଂ ପୋଷାକ ଶିଳ୍ପ , ପ୍ଲାଷ୍ଟିକ୍, ପର୍ଯ୍ୟଟନ, କୃଷି ଏବଂ ଖାଦ୍ୟ ପ୍ରକ୍ରିୟାକରଣ, ପ୍ରତିରକ୍ଷା ଉତ୍ପାଦନ, ଆଇଟି, ଅଟୋମୋବାଇଲ୍, ସିମେଣ୍ଟ ଶିଳ୍ପ ବିଭିନ୍ନ ଜିଲ୍ଲାରେ ଆରମ୍ଭ ହେବାକୁ ଯାଉଛି, ଯାହା ରାଜ୍ୟର ଅର୍ଥନୀତିରେ ଦ୍ରୁତ ବିକାଶ ଘଟାଇବ।ଏହି ଅବସରରେ ଆୟୋଜିତ ସାଧାରଣ ସଭାରେ ଯୋଗଦେଇ ମୁଖ୍ୟମନ୍ତ୍ରୀ କହିଥିଲେ ଯେ, ‘ସମୃଦ୍ଧ ଓଡିଶା’ର ସ୍ବର୍ଣ୍ଣିମ ଯାତ୍ରାରେ ଏକ ନୂତନ କିନ୍ତୁ ଗୁରୁତପୁର୍ଣ୍ଣ ଫର୍ଦ୍ଦ ଯୋଡି ହୋଇଗଲା। ବର୍ତ୍ତମାନ ଓଡିଶାରେ ଚାଲୁଥିବା ଦ୍ଵିତୀୟ ଶିଳ୍ପ ବିପ୍ଲବର ଏହା ହେଉଛି ବାସ୍ତବ ପ୍ରତିଫଳନ। ପ୍ରତିଶ୍ରୁତିରୁ କାର୍ଯ୍ୟାନ୍ବୟନ ଏବଂ ସମ୍ଭାବନାରୁ ସମୃଦ୍ଧି ଆଡ଼କୁ ଉଦ୍ଦେଶ୍ୟ ନେଇ ଓଡ଼ିଶା ଆଗକୁ ବଢ଼ୁଛି। ଆମ ପ୍ରତିଶ୍ରୁତି, ଆମେ ନିଶ୍ଚୟ ପୂରଣ କରୁ ବୋଲି ମୁଖ୍ୟମନ୍ତ୍ରୀ ଶ୍ରୀ ମୋହନ ଚରଣ ମାଝୀ ଆୟୋଜିତ ସାଧାରଣ ସଭାରେ ଉଦବୋଧନ ଦେଇ କହିଛନ୍ତି।Also Read:ସତ ହେବ ସ୍ୱର୍ଣ୍ଣ ତ୍ରିଭୂଜର ସ୍ୱପ୍ନ: ପର୍ଯ୍ୟଟନ ସାଂଗକୁ ଶିଳ୍ପ ସମୃଦ୍ଧ ହେବ ଓଡ଼ିଶା, ବେଦାନ୍ତର ବଡ଼ ଘୋଷଣାମୁଖ୍ୟମନ୍ତ୍ରୀ କହିଛନ୍ତି ଯେ, ଆଗାମୀ ଦୁଇ-ତିନି ବର୍ଷ ମଧ୍ୟରେ ଓଡ଼ିଶା କେବଳ ସମ୍ଭାବନାର ରାଜ୍ୟ ହୋଇ ରହି ନାହିଁ, ବରଂ ଓଡିଶା ଏବେ ସମୃଦ୍ଧିର ସ୍ପର୍ଶ ଅନୁଭବ କରିବା ଆରମ୍ଭ କରିଛି। ଆଗାମୀ କିଛି ବର୍ଷ ମଧ୍ୟରେ ଆମରାଜ୍ୟ ଏକ ପୂର୍ଣ୍ଣ ସମୃଦ୍ଧି ସମ୍ପନ୍ନ ରାଜ୍ୟ ଭାବେ ବିଶ୍ଵ ଦରବାରରେ ଉଭା ହେବ। ୫୯ ହଜାର ନୂଆ ନିଯୁକ୍ତି କୌଣସି ଦୃଷ୍ଟିକୋଣରୁ ଏକ ଛୋଟ ଉପଲବ୍ଧି ନୁହେଁ। ପୂର୍ବରୁ ଆମ ସରକାର ଏହି ୧୮-୨୦ ମାସ ମଧ୍ୟରେ ପ୍ରାୟ ଅଢ଼େଇ ଲକ୍ଷ କୋଟି ଟଙ୍କାର ୧୦୯ ଟି ପ୍ରକଳ୍ପର ଶିଳାନ୍ୟାସ ଓ ଉଦ୍ଘାଟନ କରିଛନ୍ତି । ଯାହାଦ୍ୱାରା, ୧ ଲକ୍ଷ ୭୬ ହଜାର ନିଯୁକ୍ତି ସୃଷ୍ଟି ହୋଇପାରିଛି । ଆଜିର ଏହି କାର୍ଯ୍ୟକ୍ରମରେ ଆଉ ୪୦ ହଜାର କୋଟି ଟଙ୍କାର ପୁଞ୍ଜି ନିବେଶ ହୋଇଛି ଏବଂ ୫୯ ହଜାର ନିଯୁକ୍ତି ସୃଷ୍ଟି ହୋଇଛି ।ଆମକୁ ଯେଉଁ ସାମଗ୍ରୀ ବିଦେଶରୁ ଆମଦାନୀ କରିବାକୁ ପଡୁଥିଲା, ସେଗୁଡ଼ିକ ଏବେ ଆମ ଖୋର୍ଦ୍ଧା ମାଟିରେ ତିଆରି ହେବ। ଏହି ସଫଳତା ଆମ ପାଇଁ ଗର୍ବ ଓ ଗୌରବର ବିଷୟ। ଓଡ଼ିଶାରେ ନିର୍ମିତ ସାମଗ୍ରୀ ବିଶ୍ଵ ବଜାରକୁ ଯିବ ଏବଂ ଆମ ଶିଳ୍ପ ବ୍ୟବସ୍ଥାକୁ ଆହୁରି ସ୍ଵାବଲମ୍ବୀ କରି ଗଢିତୋଳିବାରେ ସହାୟକ ହେବ। ଏହି ଶିଳ୍ପପ୍ରକଳ୍ପ ଗୁଡିକ ଆତ୍ମନିର୍ଭର ଭାରତ ଗଠନରେ ଗୁରୁତ୍ବପୂର୍ଣ୍ଣ ଭୂମିକା ଗ୍ରହଣ କରିବ। ଚଳିତ ବଜେଟରେ ଭିତ୍ତିଭୂମି ପାଇଁ ୭୨ ହଜାର କୋଟିରୁ ଅଧିକ ଟଙ୍କାର ପ୍ରାବଧାନ କରାଯାଇଛି ଯାହା ବର୍ତ୍ତମାନ ଆମ ରାଜ୍ୟ GDPର ପ୍ରାୟ ୬.୫ ପ୍ରତିଶତ। ଏହା ଦ୍ଵାରା ଭିତ୍ତିଭୂମି ନିର୍ମାଣ ତ୍ବରାନ୍ବିତ ହେବା ସହିତ ନୂତନ ରୋଜଗାର ସୃଷ୍ଟି ହେଉଛି ବୋଲି ସେ କହିଥିଲେ ।Also Read:ପୂର୍ତ୍ତ ମନ୍ତ୍ରୀଙ୍କ ବଡ଼ ବୟାନ, ମେଟ୍ରୋ ପ୍ରକଳ୍ପକୁ ନେଇ କହିଲେ ଏମିତି...ଓଡିଶାରେ ଗତ ୨୦ ମାସ ଧରି ଶିଳ୍ପ କ୍ଷେତ୍ରରେ ଏକ ନୂତନ ଦିଗ ଦେଖାଯାଇଛି ଏବଂ ବିଶେଷ କରି ୨୦୨୫ ଜାନୁଆରୀରୁ ରାଜ୍ୟରେ ଦ୍ୱିତୀୟ ଶିଳ୍ପ ବିପ୍ଳବ ଆରମ୍ଭ ହୋଇଛି। ୨୦୩୬ ପାଇଁ ଆଉ ୧୦ ବର୍ଷ ରହିଛି ଏବଂ ଏହି ୧୦ ବର୍ଷ ହେଉଛି ସମସ୍ତଙ୍କ ପାଇଁ ‘ସଂକଳ୍ପର ଦଶକ’। ଓଡିଆ ଅସ୍ମିତା ସହିତ ଅର୍ଥନୈତିକ ଉନ୍ନତିକୁ ସର୍ବୋଚ୍ଚ ପ୍ରାଧାନ୍ୟ ଦିଆଯାଇଛି ବୋଲି ସେ ଉଲ୍ଲେଖ କରିଥିଲେ। ଆମର ଅର୍ଥନୀତି ଯେତେବେଳେ ଶକ୍ତିଶାଳୀ ହେବ ଏବଂ ଭିତ୍ତିଭୂମି ବିଶ୍ୱସ୍ତରୀୟ ହେବ, ସେତେବେଳେ ଓଡିଶାର ଅର୍ଥନୀତି ସମଗ୍ର ବିଶ୍ୱର ଅର୍ଥନୀତି ସହିତ ସଂଯୁକ୍ତ ହେବ ବୋଲି ମୁଖ୍ୟମନ୍ତ୍ରୀ କହିଥିଲେ।କାର୍ଯ୍ୟକ୍ରମ ଆରମ୍ଭରେ ମୁଖ୍ୟମନ୍ତ୍ରୀ ଶ୍ରୀ ମାଝୀ ଦେଶର ବିଭିନ୍ନ ରାଜ୍ୟ ତଥା ରାଜ୍ୟ ବାହାରୁ ଆସିଥିବା ଶିଳ୍ପପତି ମାନଙ୍କ ସହ ଏକ ସ୍ୱତନ୍ତ୍ର ରାଉଣ୍ଡଟେବୁଲ୍ ବୈଠକରେ ଯୋଗଦେଇ ରାଜ୍ୟରେ ଆରମ୍ଭ ହେବାକୁ ଥିବା ବିଭିନ୍ନ ପ୍ରକଳ୍ପ ବିଷୟରେ ଆଲୋଚନା କରିଥିଲେ। ରାଜ୍ୟରେ ଶିଳ୍ପ ଉନ୍ନତି ପାଇଁ ଓଡିଶା ସରକାର ସମସ୍ତ ପ୍ରକାରର ସହଯୋଗ ଯୋଗାଇବାକୁ ପ୍ରତିବଦ୍ଧ ବୋଲି ମୁଖ୍ୟମନ୍ତ୍ରୀ କହିଥିଲେ।ଜମି, ବିଦ୍ୟୁତ୍, ପାଣି ଓ ଯୋଗାଯୋଗ ପରି ସମସ୍ତ ଆବଶ୍ୟକୀୟ ସୁବିଧା ପୂର୍ବରୁ ଆମ ସରକାର ଯୋଗାଇ ଆସୁଛନ୍ତି ଏବଂ ଆଗକୁ ମଧ୍ୟ ଯୋଗାଇବ। ଏହା ସହିତ ଶିଳ୍ପ ପ୍ରତିଷ୍ଠା ପାଇଁ ଆବଶ୍ୟକ ସମସ୍ତ ଅନୁମୋଦନ ସମୟତା ମଧ୍ଯ ମିଳିବ ବୋଲି ମୁଖ୍ୟମନ୍ତ୍ରୀ କହିବା ସହିତ କୌଣସି ସମସ୍ୟା ହେଲେ ଶିଳ୍ପପତିମାନେ ସିଧାସଳଖ ମୁଖ୍ୟମନ୍ତ୍ରୀଙ୍କ କାର୍ଯ୍ୟାଳୟ ସହ ସମ୍ପର୍କ କରି ସମାଧାନ ପାଇପାରିବେ ବୋଲି ଶିଳ୍ପପତି ମାନଙ୍କୁ ଆଶ୍ୱାସନା ଦେଇଥିଲେ। ସାଧାରଣ ସଭା ପରେ ମୁଖ୍ୟମନ୍ତ୍ରୀ ବିଭିନ୍ନ ଶିଳ୍ପ ଅନୁଷ୍ଠାନ ଦ୍ୱାରା ଆୟୋଜିତ ପ୍ରକଳ୍ପ ଗୁଡିକର ପ୍ରଦର୍ଶନୀ ବୁଲି ଦେଖିବା ସହିତ କମ୍ପାନୀର କର୍ମଚାରୀ ମାନଙ୍କ ସହିତ କଥା ହୋଇଥିଲେ ।ଏହି ଅବସରରେ, ଶିଳ୍ପ ମନ୍ତ୍ରୀ ଶ୍ରୀ ସମ୍ପଦ ଚନ୍ଦ୍ର ସ୍ୱାଇଁ କହିଥିଲେ ଯେ ଆଜିର ଏହି ଭିତ୍ତିଭୂମି ଏବଂ ଶୁଭ ଉଦଘାଟନ କାର୍ଯ୍ୟକ୍ରମ ଏକ ବିବିଧ, ସ୍ଥିର ଏବଂ ଭବିଷ୍ୟତ ପାଇଁ ପ୍ରସ୍ତୁତ ଶିଳ୍ପ ଇକୋସିଷ୍ଟମ ଗଠନ ପାଇଁ ରାଜ୍ୟର ପ୍ରତିବଦ୍ଧତାକୁ ପ୍ରତିଫଳିତ କରେ। କଥାରେ କହିବା ଏବଂ ପ୍ରତିଶ୍ରୁତିକୁ ଯଥାର୍ଥତାରେ ପ୍ରତିଫଳନ କରିବା, ଦୁଇଟି ଭିନ୍ନ ଭିନ୍ନ କାର୍ଯ୍ୟ। ଆଉ ଆମ ସରକାର ସବୁ କଥାକୁ କାମରେ କରି ଦେଖାଉଛି ବୋଲି ସେ କହିଥିଲେ। ଭୁବନେଶ୍ୱର ସାଂସଦ ଶ୍ରୀମତୀ ଅପରାଜିତା ଷଡ଼ଙ୍ଗୀ ନିଜ ଅଭିଭାଷଣରେ କହିଥିଲେ ଯେ ୧୯ ମାସରେ ଓଡିଶାକୁ ଶିଳ୍ପ ସମୃଦ୍ଧ କରିବା ପାଇଁ ସମସ୍ତ କାର୍ଯ୍ୟ , ଆମ ସରକାରଙ୍କ ଦୃଢ଼ ଶାସନ ଏବଂ ଶିଳ୍ପ ପାଇଁ ଓଡ଼ିଶାର ପ୍ରତିଷ୍ଠାକୁ ପ୍ରମାଣିତ କରୁଛି ।ଏହି ଅବସରରେ ଖୋର୍ଦ୍ଧା ବିଧାୟକ ଶ୍ରୀ ପ୍ରଶାନ୍ତ ଜଗଦେବ, ବେଗୁନିଆ ବିଧାୟକ ଶ୍ରୀ ପ୍ରଦୀପ କୁମାର ସାହୁ, ମୁଖ୍ୟ ଶାସନ ସଚିବ ଶ୍ରୀମତୀ ଅନୁ ଗର୍ଗ, ଆଦାନୀ ପୋର୍ଟସ୍ ଏଣ୍ଡ୍ SEZ ର ମ୍ୟାନେଜିଙ୍ଗ୍ ଡାଇରେକ୍ଟର ଶ୍ରୀ କରନ୍ ଆଦାନୀ ଏବଂ ଶିଳ୍ପ ବିଭାଗର ଅତିରିକ୍ତ ମୁଖ୍ୟ ଶାସନ ସଚିବ ଶ୍ରୀ ହେମନ୍ତ ଶର୍ମା ଉପସ୍ଥିତ ଥିଲେ। ଏହା ସହିତ ଆଜି ଶିଳାନ୍ୟାସ ଓ ଉଦ୍ଘାଟନ ହେଉଥିବା ବିଭିନ୍ନ କମ୍ପାନୀର ପ୍ରତିନିଧିମାନେ ମଧ୍ୟ ଏହି କାର୍ଯ୍ୟକ୍ରମରେ ଉପସ୍ଥିତ ରହିଥିଲେ।

Assam Election : ରାତି ପାହିଲେ ଭୋଟ୍, ଦଳ ଛାଡିଲେ କଂଗ୍ରେସ ପ୍ରାର୍ଥୀ : ପଠାଇଦେଲେ ଇସ୍ତଫା ପତ୍ର

ଗୌହାଟୀ, ୦୮/୦୪ :ରାତି ପାହିଲେ ଭୋଟ୍ । ମାତ୍ର୯ରୁ୧୦ଘଣ୍ଟା ପରେ ମତଦାନ କରିବେ ଭୋଟର । ସବୁ ଦଳ ପ୍ରସ୍ତୁତି କରି ସାରିଛନ୍ତି । କିନ୍ତୁ ଏହି ସମୟରେ ଜଣେ ପ୍ରାର୍ଥୀ ନିଜ ଦଳରୁ ଇସ୍ତଫା ଦେଇଛନ୍ତି। ଯାହାକୁ ନେଇ ଚର୍ଚ୍ଚା ଏବଂ ଆଲୋଚନା ।ରିପୋର୍ଟ ଅନୁସାରେ, ଆସାମ ଉଦଲଗୁରି ଆସନରୁ ଲଢୁଥିବା କଂଗ୍ରେସ ପ୍ରାର୍ଥୀ ସୁରେନ ଡାଇମାରି ଦଳରୁ ଇସ୍ତଫା ଦେଇଛନ୍ତି । ଦଳୀୟ ନେତୃତ୍ୱକୁ ବିରୋଧ କରି ସେ ଇସ୍ତଫା ପତ୍ର ପ୍ରଦାନ କରିଛନ୍ତି । ସେ ଅଭିଯୋଗ କରିଛନ୍ତି ଯେ, ଦଳ ପ୍ରଚାରରେ ହେଳା କରିଥିଲା । ତେବେ ଏହି ସମୟରେ ,ସୁରେନ ଦଳ ଛାଡିବା ଏକ ବଡ ଝଟକା ଅଟେ । ଯାହାକଂଗ୍ରେସରଭିତିରି କନ୍ଦଳକୁ ଦର୍ଶାଉଛି ।ଗଣମାଧ୍ୟମକୁ ସୁରେନ କହିଛନ୍ତି ଯେ, କଂଗ୍ରେସ ସହ ତାଙ୍କର ଅଭିଜ୍ଞତା ଭଲ ନାହିଁ । ପ୍ରଚାରରେ କଂଗ୍ରେସ କୌଣସି ସମର୍ଥନ କରିନାହିଁ । ଯେମିତି ସହଯୋଗ ମିଳିବା କଥା ଦଳ ପକ୍ଷରୁ ମିଳି ନାହିଁ । ଦଳର ନେତୃତ୍ୱ ତାଙ୍କ ସହ ଯୋଗାଯୋଗ ମଧ୍ୟ କରୁନଥିଲେ । ଏନେଇ ସେ ବରିଷ୍ଠ ନେତାଙ୍କ ସହ ଆଲୋଚନା ପାଇଁ ପ୍ରୟାସ କରିଥିଲେ । ହେଲେ ସେମାନଙ୍କ ପକ୍ଷରୁ କୌଣସି ଉତ୍ତର ମିଳିନଥିଲା ।ସୁରେନ ଆହୁରିଅଭିଯୋଗ କରିଛନ୍ତି ଯେ, କଂଗ୍ରେସ ଠିକ୍ ଭାବେ ରାଜନୀତି କରୁନାହିଁ । କେବଳ କିଛି ନିର୍ଦ୍ଦିଷ୍ଟ ଗୋଷ୍ଠୀ ଏବଂ ସଂପ୍ରଦାୟଙ୍କୁ ଖୁସି କରିବାକୁ ଚାହୁଁଛି । ତେବେ ଏବାବାଦରେ ସେ କୌଣସି ପ୍ରମାଣ ଦେଇନାହାଁନ୍ତି ।

ଗାଁ ଖାଉଛି ମଦ ! ୫ ବର୍ଷରେ ଗଡ଼ିଲାଣି ୩୦ ମୁଣ୍ଡ

କନକ ବ୍ୟୁରୋ : ମଦ ଯାହାକୁ କୁହାଯାଏ ଧୀମା ବିଷ । ଆଉ ଏହି ବିଷ ଏବେ ଗୋଟିଏ ଗାଁକୁ ଶ୍ମଶାନରେ ପରିଣତ କରିବାକୁ ବସିଛି । ସୁନ୍ଦରଗଡ଼ ଜିଲ୍ଲା ହେମଗିରି ବ୍ଲକରୁ ଆସିଛି ଏଭଳି ଏକ ହୃଦୟବିଦାରକ ଚିତ୍ର । ଗତ ୫ ବର୍ଷରେ ମଦ ପିଇ ଗଲାଣି ୩୦ରୁ ଅଧିକ ଜୀବନ । କେଉଁଠି ଶାଶୁ-ବୋହୂ ବିଧବା ତ କେଉଁଠି ମୁରବିଶୂନ୍ୟ ହୋଇ ଛାରଖାର ପରିବାର । ଗାଁ ଖାଉଛି ମଦ ! ୫ ବର୍ଷରେ ଗଡ଼ିଲାଣି ୩୦ ମୁଣ୍ଡ । ସୁନ୍ଦରଗଡ଼ ହେମଗିରି ବ୍ଲକ୍ ଲଇକେରା ଗାଁର ଝାଟିମାଟିର କୁଡ଼ିଆ, ଉପର ଛପର ଉଡ଼ିଗଲାଣି, ହେଲେ ଘର ଛାଉଣୀବାକୁ ଅଣ୍ଟାରେ କାଣି କଉଡ଼ିଟିଏ ନାହିଁ । ଏହି ଘରର ଦୁଃଖ କହିଲେ ନସରେ । ପରିବାରର ତିନି ପୁରୁଷ ବାପା ଓ ଦୁଇ ପୁଅଙ୍କୁ ଖାଇଯାଇଛି ମଦ । ଏବେ ବୁଢ଼ୀ ମାଆ ଦୀପାବଳି ନାଏକ ଓ ତାଙ୍କର ଦୁଇ ଅବିବାହିତା ଝିଅ ଭାଗ୍ୟକୁ ଆଦରି ପଡ଼ିରହିଛନ୍ତି । ବାପା-ଭାଇଙ୍କ ମୃତ୍ୟୁ ପରେ ଜଣେ ଝିଅ ମାନସିକ ସନ୍ତୁଳନ ହରାଇ ବସିଛି । ଅଧିକ ପଢ଼ନ୍ତୁ : କାଳବୈଶୀଖୀ ଓ କୁଆପଥର ଉଜାଡ଼ିଦେଲା ଫସଲ; ତୁରନ୍ତ କ୍ଷତିପୂରଣ ନଦେଲେ ଆନ୍ଦୋଳନର ଚେତାବନୀ କେବଳ ଦୀପାବଳି ନୁହଁନ୍ତି, ସେହି ସମାନ ସ୍ଥିତି ତୁଳସା ଧରୁଆଙ୍କ ପରିବାରର । ସ୍ୱାମୀ ମେଜର ଧରୁଆ ମଦ ପିଇ ପିଇ ଆରପାରିକୁ ଚାଲିଗଲେ । ଏବେ ପୁଅ ମଧ୍ୟ ସେହି ବାଟର ପଥିକ । ମଦ ନିଶାରେ ଚୁର୍ ହୋଇ ମାଆକୁ ନିର୍ଯାତନା ଦେଉଥିବା ଅଭିଯୋଗ ହୋଇଛି । ଲଇକେରା ଗାଁରେ ଏବେ ଘରେ ଘରେ ଶୋକାକୁଳ ପରିବେଶ । ଗାଁରେ ମଦଭାଟି ଖୋଲିବା ପରେ ସ୍ଥିତି ସଙ୍ଗିନ ହୋଇପଡ଼ିଛି । ୧୯ ବର୍ଷର ଯୁବକଠାରୁ ଆରମ୍ଭ କରି ୫୦ ବର୍ଷର ବୟସ୍କ, ସମସ୍ତେ ମୃତ୍ୟୁମୁଖରେ ପଡ଼ୁଛନ୍ତି । ମଦ ଯୋଗୁଁ ଗାଁରେ ଘରୋଇ ନିର୍ଯାତନା, ଚୋରି ଓ ମାରପିଟ୍ ବଢ଼ିବାରେ ଲାଗିଛି । ମଦଭାଟି ବନ୍ଦ କରିବା ନେଇ ପ୍ରଶାସନ ପାଖରେ ବାରମ୍ବାର ଗୁହାରି ସତ୍ତ୍ୱେ କୌଣସି ସୁଫଳ ମିଳୁନି । ତେଣୁ ଏବେ ରାସ୍ତାକୁ ଓହ୍ଲାଇଛନ୍ତି ମହିଳା । ଗାଁ ଗାଁରେ ମୁଣ୍ଡ ଟେକିଲାଣି ମଦ ବିରୋଧୀ ଅଭିଯାନ । ମଦ ପାଇଁ ଏଠି ଲୋକେ ମରୁଛନ୍ତି, ପରିବାର ଉଜୁଡ଼ି ଯାଉଛି । ପ୍ରଶ୍ନ ଉଠୁଛି, ରାଜସ୍ୱ ପାଇଁ ସରକାର ଆଉକେତେ ଜୀବନ ବଳି ପଡ଼ିବାକୁ ଅପେକ୍ଷା କରିବେ ? କେବେ ବନ୍ଦ ହେବ ମଦ ? ନିଶା କବଳରୁ କେବେ ମୁକୁଳିବେ ଲୋକେ ?

ଦେବଗଡ଼ରେ ମିଶନ ଶକ୍ତି ସଂଘ ପକ୍ଷରୁ ବନ୍ଧୁମିଳନ ଓ ସମ୍ବର୍ଦ୍ଧନା କାର୍ଯ୍ୟକ୍ରମ

ଦେବଗଡ଼: ବୁଧବାର ଦେବଗଡ଼ ଜିଲ୍ଲା ମିଶନ ଶକ୍ତି ଇସି ସଂଘ ପକ୍ଷରୁ ବନ୍ଧୁ ମିଳନ ଓ ସମ୍ବର୍ଦ୍ଧନା କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି। ସଂଘର ଦେବଗଡ ଜିଲ୍ଲା ସଭାପତି ସୁଜାତା ପ୍ରଧାନ ଙ୍କ ସଭାପତିତ୍ବ ରେ ପ୍ରଧାନପାଟ ଜଳପ୍ରପାତ ନିକଟରେ ଆୟୋଜିତ ଏହି କାର୍ଯ୍ୟକ୍ରମରେ ଦେବଗଡ ବିଧାୟକ ରୋମାଞ୍ଚ ରଞ୍ଜନ ବିଶ୍ଵାଳ, ଅତିରିକ୍ତ ଏସପି ଧିରଜ ଚୋପଦାର ଓ ସମ୍ମାନୀତ ଅତିଥି ରୁପେ ବିଭିନ୍ନ ଗଣମାଧ୍ୟମ ର ପ୍ରତିଦିନ ଯୋଗଦେଇଥିଲେ।ସଂଘ ଆଗାମୀ ଦିନରେ ସରକାରଙ୍କ ବିଭିନ୍ନ ଜନହିତକର ଯୋଜନା ଲୋକମାନଙ୍କ ନିକଟରେ ପହଞ୍ଚାଇବ, ସେହିପରି ସାଧାରଣ ଲୋକମାନଙ୍କ ବିଭିନ୍ନ ସମସ୍ୟା କୁ ସରକାରଙ୍କ ଦୃଷ୍ଟି କୁ ନେବ ବୋଲି ପ୍ରସ୍ତାବ ଗୃହିତ ହୋଇଥିଲା। ସଂଘ ପକ୍ଷରୁ ଦୀର୍ଘ ଦିନ ଧରି ଆନ୍ଦୋଳନ ସମୟରେ ସଂଘର ସମସ୍ୟା ଲୋକଲୋଚନ କୁ ଆଣିବାରେ ଗଣମାଧ୍ୟମ ର ପ୍ରୟାସ ଓ ପୋଲିସ ପ୍ରଶାସନ ର ସହଯୋଗ ପାଇଁ ପୋଲିସ ଅଧିକାରୀ ଓ ବିଭିନ୍ନ ଗଣମାଧ୍ୟମ ର ପ୍ରତିନିଧି ମାନଙ୍କୁ ସମ୍ମାନୀତ କରାଯାଇଥିଲା।Also Read:ପାଉଁଜିର ରୁମଝୁମ୍ ଶବ୍ଦ ଶୁଭିଲା, କେହି ଜଣେ ଆସିଲା ପରି ଲାଗିଲା...ସେହିଭଳି ମହିଳା ଦିବସ ପାଳନ ସମୟରେ ପୁରୀ ଠାରେ ଉପମୁଖ୍ୟମନ୍ତ୍ରୀ ପ୍ରଭାତି ପରିଡା ସଂଘର ସମସ୍ୟାର ସମାଧାନ ପାଇଁ ପ୍ରତିଶୃତି ଦେଇଥିବାରୁ ସଂଘ ପକ୍ଷରୁ ତାଙ୍କୁ ଧନ୍ଯବାଦ ଅର୍ପଣ କରାଯାଇଥିଲା।ଏହି କାର୍ଯ୍ୟକ୍ରମରେ ସଂଘର ଜିଲ୍ଲା ସଂପାଦିକା କୁନ୍ତଳା ନାଏକ ସ୍ବାଗତ ଭାଷଣ ଦେଇଥିଲେ। କାର୍ଯ୍ୟକ୍ରମରେ ଜିଲ୍ଲାର ବିଭିନ୍ନ ଅଞ୍ଚଳରେ ମିଶନ ଶକ୍ତି କାର୍ଯ୍ୟକ୍ରମରେ କାର୍ଯ୍ୟରତ ଶତାଧିକ ମହିଳା ଯୋଗ ଦେଇଥିଲେ।

ହୋର୍ମୁଜରୁ ଟୋଲ ଅସୁଲ ପାଇଁ ଇରାନ ସହ ଜଏଣ୍ଟଭେଞ୍ଚର କରିବାକୁ ଚାହାନ୍ତି ଆମେରିକା ରାଷ୍ଟ୍ରପତି

ୱାସିଂଟନ : ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ବୁଧବାର କହିଛନ୍ତି ଯେ ୱାସିଂଟନ ଓ ତେହେରାନ ମଧ୍ୟରେ ଦୁଇ ସପ୍ତାହ ଯୁଦ୍ଧବିରାମ ବୁଝାମଣା ପରେ ସେ ହୋର୍ମୁଜ ପ୍ରଣାଳୀରେ ଟୋଲ ଅସୁଲ ପାଇଁ ଇରାନ ସହିତ ଏକ ‘ମିଳିତ ଉଦ୍ୟମ’ (ଜଏଣ୍ଟ ଭେଞ୍ଚର)ର ଯୋଜନା କରୁଛନ୍ତି। ଏବିସି ନ୍ୟୁଜ୍ ସାମ୍ବାଦିକ ଜୋନାଥନ କାର୍ଲଙ୍କ ଏ ନେଇ ଏକ ପ୍ରଶ୍ନର ଉତ୍ତରରେ ଟ୍ରମ୍ପ ଏହି ସୂଚନା ଦେଇଛନ୍ତି। ସେ କହିଛନ୍ତି ଯେ ଏହା ଦ୍ୱାରା ଏହି ଜଳମାର୍ଗକୁ ସୁରକ୍ଷିତ କରାଯାଇ ପାରିବ ଓ ଅନ୍ୟମାନଙ୍କଠାରୁ ଏହାକୁ ସୁରକ୍ଷିତ ରଖା ଯାଇ ପାରିବ।ଜୋନାଥନ କାର୍ଲ ଟ୍ରମ୍ପ ଙ୍କୁ ପଚାରିଥିଲେ ଯେ ଇରାନ ଦ୍ୱାରା ହୋର୍ମୁଜ ପ୍ରଣାଳୀ ଦେଇ ଜାହାଜଙ୍କ ଯାତାୟାତ ଉପରେ ଟୋଲ ଲଗାଇବାର ପ୍ରସ୍ତାବକୁ ସମର୍ଥନ କରନ୍ତି କି? ଏହାର ଉତ୍ତରେ ରିପବ୍ଲିକାନ ନେତା କହିଛନ୍ତି ଯେ ଏହାକୁ ଆମେ ଜଏଣ୍ଟ ଭେଞ୍ଚରରେ କରିବାକୁ ବିଚାର କରୁଛୁ। ଏହା ପୂର୍ବରୁ ଟ୍ରମ୍ପ ଏହି ରଣନୈତିକ ଜଳମାର୍ଗ ଦେଇ ଯାତାୟାତ କରୁଥିବା ଜାହାଜଙ୍କ ଉପରେ ଟୋଲ ଲଗାଇବା ପାଇଁ ଆମେରିକା ବିଚାର କରୁଥିବା କହିଥିଲେ। ଯଦି ଯୁକ୍ତରାଷ୍ଟ୍ର ଆମେରିକା ଏହି ପଦକ୍ଷେପ ନିଏ ତେବେ ହୋର୍ମୁଜ ଉପରେ ଆମେରିକାର ସୈନ୍ୟ ନିୟନ୍ତ୍ରଣ ଆବଶ୍ୟକତା ପଡିପାରେ।ପାରସ୍ୟ ଉପସାଗରକୁ ହୀନ୍ଦ ମହାସାଗର ସହ ସଂଯୁକ୍ତ କରୁଥିବା ଏହି ଜଳମାର୍ଗର ଅଧିକାଂଶ ଅଞ୍ଚଳ ଓମାନ ଓ ଇରାନ ଜଳକ୍ଷେତ୍ର ମଧ୍ୟରେ ରହିଛି। ଟ୍ରମ୍ପ ଜାରି ଯୁଦ୍ଧରେ ବିଜୟ ଘୋଷଣା କରି ଇରାନକୁ ସାମରିକ ରୂପେ ପରାସ୍ତ କରିଥିବା ଦାବିକୁ ଦୋହରାଇଛନ୍ତି। ତେବେ ଇରାନ ଯୁଦ୍ଧବିରାମ ଘୋଷଣା ପରେ ମଧ୍ୟ ମିଡିଲଇଷ୍ଟରେ ଡ୍ରୋନ ଓ ମିଜାଇଲ ଆକ୍ରମଣ ଜାରି ରଖିଛି ଓ ହୋର୍ମୁଜକୁ ନାକାବନ୍ଦୀ କରିଛି।ସିପିଙ୍ଗ ଉଦ୍ୟୋଗର ଗୁଇନ୍ଦା ସୂଚନା ରଖୁଥିବା ୱେବସାଇଟ୍ ‘ଲୟଡ ଲିଷ୍ଟ’ ଅନୁସାରେ ହୋର୍ମୁଜ ଦେଇ ଦୈନିକ ୧୨୦ରୁ ଅଧିକ ଜାହାଜ ଯାତାୟାତ କରିଥାନ୍ତି। କେତେକ ମିଡିଆ ରିପୋର୍ଟ ଅନୁସାରେ ତେହେରାନ ପୂର୍ବରୁ ହୋର୍ମୁଜ ପ୍ରଣାଳୀ ଦେଇ ଯିବାକୁ ଅନୁମତି ଦେବା ନିମନ୍ତେ କେତେକ ଜାହାଜଙ୍କଠାରୁ ୨ ନିୟୁତ ଡଲାର ଟୋଲ ଅସୁଲ କରିଛି। ଏଥିରେ ଯଦି ଟ୍ରମ୍ପ ଏହି ଯୋଜନାରେ ଆଗକୁ ବଢନ୍ତି ଓ ଏହିଭଳି ଶୁଳ୍କ ଅସୁଲ କରନ୍ତି ଏଥିରୁ ଆମେରିକାର ଦୈନିକ ୨୪୦ ମିଲିୟନ ଡଲାରରୁ ଅଧିକ ଆୟ ହେବ।

Watch Video : ଯୁଦ୍ଧ ବିରତି ଘୋଷଣା, କିନ୍ତୁ ଇରାନରେ ଖସି ପଡିଲା ଆମେରିକାର ଯୁଦ୍ଧ ବିମାନ ! ଭିଡିଓ ସେୟାର କଲା ତେହେରାନ ମିଡିଆ

ତେହେରାନ, ୦୮/୦୪ : ବନ୍ଦ ହୋଇଛି ଯୁଦ୍ଧ । ଆଣ୍ଠେଇଛନ୍ତି ଡୋନାଲ୍ଡ ଟ୍ରମ୍ପ୍ । ୩୮ ଦିନ ଧରି ଚାଲିଥିବା ଆମେରିକା, ଇସ୍ରାଏଲ-ଇରାନ ଯୁଦ୍ଧରେ ବିରାମ ଲାଗିଛି । ଇରାନର 'ସମ୍ପୂର୍ଣ୍ଣ ସଭ୍ୟତା'କୁ ନିଶ୍ଚିହ୍ନ କରିଦେବାକୁ ଧମକ ଦେବାର ଗୋଟିଏ ଦିନ ପରେ, ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ନିଜର ଆଭିମୁଖ୍ୟ ବଦଳାଇଛନ୍ତି। 'ଅପରେସନ୍ ଏପିକ୍ ଫ୍ୟୁରୀ(Operation Epic Fury) ' ପରେ ତେହେରାନ୍ ସହ ଅସ୍ତ୍ରବିରତି (Ceasefire) ଘୋଷଣା କରିଛନ୍ତି । ଏହା ସହ ଏହାକୁ ଆମେରିକାର ସମ୍ପୂର୍ଣ୍ଣ ଏବଂ ଚୂଡ଼ାନ୍ତ ବିଜୟ ବୋଲି ଆଖ୍ୟା ଦେଇଛନ୍ତି।ଅନ୍ୟପକ୍ଷରେ, ମୋଜତାବା ଖାମେନିଙ୍କ ନେତୃତ୍ୱାଧୀନ ଇରାନ ସରକାର ଏହାକୁ ନେଇ ଭିନ୍ନ ଦାବି କରିଛନ୍ତି। ଆମେରିକା ଇରାନର ୧୦-ସୂତ୍ରୀ ପ୍ରସ୍ତାବକୁ ଗ୍ରହଣ କରିଥିବାରୁ ଏହାକୁ ନିଜର ସାମରିକ ତଥା କୂଟନୈତିକ ସଫଳତା ଏବଂ ବିଜୟ ବୋଲି ଇରାନ କହିଛି। ଖାଲି ଏତିକି ନୁହେଁ ଟ୍ରମ୍ପଙ୍କ ଯୁଦ୍ଧ ବିରତି ଘୋଷଣା ପରେ ଇରାନୀ ଗଣମାଧ୍ୟମ କିଛି ଭିଡିଓ ପୋଷ୍ଟ୍ କରିଛି । ଯେଉଁଥିରେ ଆମେରିକା ସେନାକୁ କଟାକ୍ଷ କରାଯାଇଛି ।Also Read :-ଟ୍ରମ୍ପଙ୍କ ବଡ଼ ବୟାନ, କହିଲେ- ଇରାନକୁ ଅସ୍ତ୍ରଶସ୍ତ୍ର ଯୋଗାଉଥିବା ଦେଶଙ୍କ ଉପରେ ଲଗାଇବେ ୫୦% ଟାରିଫଇରାନୀ ମିଡିଆର ଭିଡିଓଏସବୁ ଭିତରେ ଇରାନର ପ୍ରେସ୍ ଟିଭି ଏକ ଭିଡିଓ ପୋଷ୍ଟ୍ କରିଛି । ଯେଉଁଥିରେ ଆମେରିକାର ଯୁଦ୍ଧ ବିମାନ ଖସି ପଡିଥିବା ଦେଖିବାକୁ ମିଳିଛି । ଏହାସହ କ୍ୟାପ୍ସନରେ ଲେଖାଯାଇଛି ଯେ, ଆନିମେସନରେ ଆମେରିକାର ପରାଜୟକୁ ବର୍ଣ୍ଣନା କରାଯାଇଛି । ଆମେରିକା ହାରିଥିବାରୁ ଇରାନର ସମସ୍ତ ସର୍ତ୍ତ ମାନିବାକୁ ବାଧ୍ୟ ହୋଇଛି ।ଟ୍ରମ୍ପ୍ ଦାବି କଲେ ବିଜୟAn animated reenactment of the operation depicting America’s major defeat in Isfahan and the escape mission; a defeat that forced the United States to accept Iran’s terms and request a ceasefire.Follow: https://t.co/mLGcUTS2ei https://t.co/kCOMOZR5mI pic.twitter.com/By6UgLOTey— Press TV (@PressTV) April 8, 2026ଅସ୍ତ୍ରବିରତି ଲାଗୁ ହେବା ପରେ ଏଏଫପି (AFP) ନ୍ୟୁଜ୍ ଏଜେନ୍ସିକୁ ୟୁଏସ ପ୍ରେସିଡେଣ୍ଟ୍ ପ୍ରତିକ୍ରିୟା ଦେଇଛନ୍ତି । ଟ୍ରମ୍ପ କହିଛନ୍ତି, ଏହା ୧୦୦ ପ୍ରତିଶତ ସମ୍ପୂର୍ଣ୍ଣ ଏବଂ ଚୂଡ଼ାନ୍ତ ବିଜୟ। ଏଥିରେ କୌଣସି ସନ୍ଦେହ ନାହିଁ। ଆକ୍ରମଣ ପାଇଁ ଟ୍ରମ୍ପ ଦେଇଥିବା ଡେଡଲାଇନ୍ ଶେଷ ହେବାର ମାତ୍ର ଘଣ୍ଟାଏ ପୂର୍ବରୁ ଏହି ଚୁକ୍ତି ହୋଇଛି। ଆମର ଏକ ୧୫-ସୂତ୍ରୀ ବୁଝାମଣା ହୋଇଛି, ଯେଉଁଥିରୁ ଅଧିକାଂଶ କଥା ଉପରେ ସହମତି ପ୍ରକାଶ ପାଇଛି ବୋଲି ଟ୍ରମ୍ପ ପ୍ରକାଶ କରିଛନ୍ତି

Vigilance Raid: ଅତିରିକ୍ତ କାର୍ଯ୍ୟନିର୍ବାହୀ ଯନ୍ତ୍ରୀଙ୍କ ଘରେ ଭିଜିଲାନ୍ସ ରେଡ୍, କୋଠା, ପ୍ଲଟ, ନଗଦ ସବୁ ଜବତ

ଭୁବନେଶ୍ଵର: ଆୟବର୍ହିଭୂତ ସମ୍ପତ୍ତି ଠୁଳ ଅଭିଯୋଗରେ ଭୁବନେଶ୍ବର- ଅତିରିକ୍ତ କାର୍ଯ୍ୟନିର୍ବାହୀ ଯନ୍ତ୍ରୀଙ୍କ ଘରେ ଭିଜିଲାନ୍ସ ଚଢାଉ ହୋଇଛି। ଜଳସେଚନ ବିଭାଗର ଅତିରିକ୍ତ କାର୍ଯ୍ୟନିର୍ବାହୀ ଯନ୍ତ୍ରୀ ହେଉଛନ୍ତି ରାଜେଶ ମହାନ୍ତି। ବୁଧବାର ତାଙ୍କର ଭୁବନେଶ୍ବର ବାସଭବନ ସହ ସରକାରୀ କର୍ଯ୍ୟାଳୟରେ ଚଢାଉ କରାଯାଇଛି। ଏହି ସମୟରେ କୋଟିଏରୁ ଉର୍ଦ୍ଧ୍ଵ ବ୍ୟାଙ୍କ ଜମା ସହ ଜମି, ପ୍ଲଟ ଓ ସୁନା ଗହଣ ଜବତ କରିଛି ଭିଜିଲାନ୍ସ।ଚଢାଉରେ ଯନ୍ତ୍ରୀ ରାଜେଶ ମହାନ୍ତିଙ୍କ ବ୍ୟାଙ୍କ ଜମା ଏକ କୋଟି ୭୦ ଲକ୍ଷ ଟଙ୍କା ରହିଛି। ଘରୁ ୩୫୦ ଗ୍ରାମ ସୁନା ଅଳଙ୍କାର ଜବତ କରିଛି ଭିଜିଲାନ୍ସ। ଭୁବନେଶ୍ଵରରେ ବିଳାସପୂର୍ଣ୍ଣ କୋଠା, ପ୍ଲଟ୍ ଠାବ କରାଯାଇଛି। ଏକ ଏକରରୁ ଅଧିକ ଜମିର ଫାର୍ମ ହାଉସ ମଧ୍ୟ ଠାବ ହୋଇଛି। ଫାର୍ମ ହାଉସରେ ରହିଛି ଏକ ସୁନ୍ଦର ଚାକ୍ୟଚକ୍ୟ କୋଠା। ଭିଜିଲାନ୍ସର ୭ରୁ ୮ ଜଣିଆ ଟିମ ଏହି ଚଢାଉ କରିଛନ୍ତି।Also Read:କୁବେର ଯନ୍ତ୍ରୀଙ୍କ ବିଳାସପୂର୍ଣ୍ଣ ଜୀବନଶୈଳୀ, ଦାମୀ ଘଣ୍ଟା ସାଙ୍ଗକୁ ଥିଲା ଚଷମା ସଉକ

ଜୟସ୍ୱାଲଙ୍କ ଛକା ରେକର୍ଡ

କନକ ବ୍ୟୁରୋ : ମଙ୍ଗଳବାରର ରାଜସ୍ଥାନ ରୟାଲ୍‌ସ-ମୁମ୍ବାଇ ଇଣ୍ଡିଆନ୍ସ ମ୍ୟାଚ୍‌‌ ଅବସରରେ ନିଜ ୭୨* ରନ୍‌ର ମ୍ୟାଚ୍‌ ବିଜୟୀ ପାଳି ଭିତରେ ରାଜସ୍ଥାନର ଯୁବ ଓପନର୍‌ ଯଶସ୍ୱୀ ଜୟସ୍ୱାଲ୍‌ ଏକାଧିକ ବ୍ୟକ୍ତିଗତ ମାଇଲ୍‌ଖୁଣ୍ଟ ଛୁଇଁଥିଲେ । ସଞ୍ଜୁ ସାମସନ୍‌ (୧୯୨), ଜୋସ୍‌ ବଟଲର୍‌ (୧୩୫) ଓ ସେନ୍ ୱାଟସନ୍‌ (୧୦୯)ଙ୍କ ପରେ ରାଜସ୍ଥାନ ପକ୍ଷରୁ ୧୦୦ କିମ୍ବା ତା’ଠାରୁ ଅଧିକ ଛକା ମାରିବାରେ ଚତୁର୍ଥ ଖେଳାଳି ହୋଇଥିଲେ ସେ । ଅଧିକ ପଢ଼ନ୍ତୁ : ବୁମ୍‌ରାଙ୍କ ଆଲୋଡ଼ା ହ୍ୟାଟ୍ରିକ୍‌; ପ୍ରଥମ ବଲ୍‌ରେ ଛକା ମାରିଲେ ୧୫ ବର୍ଷୀୟ ବୈଭବ ରାଜସ୍ଥାନ ପକ୍ଷରୁ ସର୍ବାଧିକ ୫୦+ ସ୍କୋର୍‌ କରିବାରେ ତୃତୀୟ ଖେଳାଳି ହୋଇଥିଲେ ସେ । ଏହି କ୍ରମରେ ବଟଲର୍‌ (୨୫, ୮୨ ପାଳି) ଓ ସାମସନ୍‌ (୨୫, ୧୪୪ ପାଳି) ଯୁଗ୍ମ ପ୍ରଥମ ସ୍ଥାନରେ ରହିଛନ୍ତି । ଯୟସ୍ୱାଲ ୬୯ ପାଳିରୁ ୧୯ଥର ୫୦ରୁ ଅଧିକ ସ୍କୋର୍‌ କରିଛନ୍ତି । ଅଜିଙ୍କ୍ୟ ରାହାଣେ ୯୩ ପାଳିରୁ ସେହି ୧୯ଥର ୫୦ରୁ ଅଧିକ ରନ୍‌ କରିଛନ୍ତି ।

ଏବେ ରୂପା ବିକିବା ହେବ ସହଜ! MMTC ଆଣିଲେ ଦେଶର ପ୍ରଥମ ‘ଅର୍ଗାନାଇଜଡ୍ ବାୟବ୍ୟାକ୍ ସର୍ଭିସ’

ନୂଆଦିଲ୍ଲୀ: ଏବେ ରୂପା ବିକ୍ରି କରିବା ଓ ଏହାର ଉଚିତ ମୂଲ୍ୟ ପାଇବା ସହଜ ହୋଇଛି। ବୁଲିୟନ ରିଫାଇନର ମେଟାଲସ ଆଣ୍ଡ ମିନେରାଲସ୍ ଟ୍ରେଡିଂ କର୍ପୋରେସନ ଅଫ ଇଣ୍ଡିଆ (ଏମଏମଟିସି) ଭାରତରେ ପ୍ରଥମ ସଙ୍ଗଠିତ ‘ସିଲଭର ବାୟବ୍ୟାକ୍’ ସର୍ଭିସ ଆରମ୍ଭ କରିଛନ୍ତି। ଏଥିରେ ଗ୍ରାହକ ଏବେ ସେମାନଙ୍କ ରୂପା ମୁଦ୍ରା, ବାର ଓ ପୁରୁଣା ଗହଣା ସିଧା କମ୍ପାନୀକୁ ବିକ୍ରି କରିପାରିବେ। କମ୍ପାନୀ ଦେଶର ବଡ଼ ସହରାଞ୍ଚଳ ଦିଲ୍ଲୀ, ମୁମ୍ବାଇ, ଅହମଦାବାଦ କୋଲକାତା, ଭୁବନେଶ୍ୱର, ଗୌହାଟୀ ଓ ଲୁଧିଆନାରେ ଏହି ବାୟବ୍ୟାକ ଆରମ୍ଭ କରିଛି।ଗ୍ରାହକ ନିଜ ରୂପା ଗହଣା, ମୁଦ୍ରା ଓ ଖଣ୍ଡକୁ ପ୍ୟୋରିଟି ଭେରିଫିକେସନ ସେଣ୍ଟରକୁ ନେଇ ଯାଇ ପାରିବେ। ସେଠାରେ ଅତ୍ୟନ୍ତ ସୁରକ୍ଷାର ସହ ଏକ୍ସଆରଆଏଫ ଟେକ୍ନୋଲଜି ମାଧ୍ୟମରେ ରୂପାର ଶୁଦ୍ଧତା ଯାଞ୍ଚ କରାଯିବ। ଏହା ପରେ ବଜାରରେ ପ୍ରଚଳିତ ବାୟବ୍ୟାକ୍ ଦରରେ ସିଧା ଗ୍ରାହକଙ୍କ ବ୍ୟାଙ୍କ ଖାତାକୁ ଦେୟ ଟ୍ରାନ୍ସଫର କରିଦିଆଯିବ। ଉଲ୍ଲେଖଯୋଗ୍ୟ ଯେ ଭାରତୀୟ ପରିବାରମାନଙ୍କ ପାଖରେ ବିପୁଳ ପରିମାଣରେ ରୂପା ରହିଛି। ହେଲେ ସେମାନଙ୍କୁ ବଜାର ଦର ମିଳି ପାରୁ ନଥିବାରୁ ସେମାନେ ଏହାକୁ ବଦଳ ଅଥବା ବିକ୍ରି କରିପାରୁ ନାହାନ୍ତି।ବୈଶ୍ୱିକ ସ୍ତରରେ ଏତେ ପରିମାଣରେ ରୂପା ଖନନ ହେଉ ନାହିଁ ଯେତିକି ଚାହିଦା ରହିଛି। ଏଥିରେ ରିସାଇକଲ କରାଯାଉଥିବା ରୂପା ବଜାରରେ ଏହାର ଚାହିଦା ଓ ଯୋଗାଣକୁ ପୁରା କରିପାରିବ। ଏହି ସେବା ସେହି ଗ୍ରାହକଙ୍କ ଲାଗି ଆଶ୍ୱସ୍ତି ଯେଉଁମାନେ ଏପର୍ଯ୍ୟନ୍ତ ସ୍ଥାନୀୟ ଜ୍ୱେଲରଙ୍କ ନିକଟରେ ସ୍ୱଳ୍ପ ଦାମ ଓ ଅନିଶ୍ଚିତତା କାରଣରୁ ରୂପା ବିକିବାକୁ ଥତମତ ହେଉଥିଲେ। ଏବେ ପାରଦର୍ଶି ପ୍ରକ୍ରିୟା ଓ ବଜାରରେ ଦରରେ ପୈଠ ମିଳୁଥିବାରୁ ରୂପାକୁ ନଗଦରେ ରୂପାନ୍ତରିତ କରିବା ସୁରକ୍ଷିତ ଓ ସହଜ ହେବ।

କନ୍ୟା ରାଶି ବ୍ୟକ୍ତି କାର୍ଯ୍ୟକ୍ଷେତ୍ରରେ ନୂଆ ସୁଯୋଗ ପାଇବେ, ମାନସିକ ଚାପ କମିବ ଓ ଶାନ୍ତି ଅନୁଭବ କରିବେ

ମେଷ- ଆତ୍ମବିଶ୍ୱାସ ବଢ଼ିବ ଓ ନୂଆ କାମ ଆରମ୍ଭ ପାଇଁ ଭଲ ସମୟ ରହିବ। କାର୍ଯ୍ୟକ୍ଷେତ୍ରରେ ଧୀରେ ଧୀରେ ସଫଳତା ମିଳିବ। ପରିବାର ସହଯୋଗ ମିଳିବ। ଧନ ଆଗମନ ହେବ।ବୃଷ- ଧନ ଓ ବ୍ୟବସାୟରେ ଲାଭ ହେବାର ସମ୍ଭାବନା ରହିଛି। ଶତ୍ରୁ ଭୟ ସମାପ୍ତ ହେବ, ଆପଣଙ୍କ ପ୍ରଭାବ ବଢିବ। ସ୍ୱାସ୍ଥ୍ୟ ଭଲ ରହିବ। ନୂଆ ଯୋଜନା ସଫଳ ହେବ। ପରିବାରରୁ ସୁଖ ସମ୍ବାଦ ମିଳିପାରେ।ମିଥୁନ- ମନରେ ଦ୍ୱନ୍ଦ୍ୱ ଓ ଅସ୍ଥିରତା ରହିପାରେ। କାମରେ ଅବସର ମିଳିଲେ ମଧ୍ୟ ନିଷ୍ପତ୍ତି ନେବାରେ ଦେର ହେବ। ଆର୍ଥିକ ଦିଗରେ ସାଧାରଣ ଫଳ ମିଳିବ। ପରିବାରର ସହଯୋଗ ରହିବ। ଧୈର୍ଯ୍ୟ ରଖିବା ଆବଶ୍ୟକ।କର୍କଟ- ଧନ ଲାଭ ଓ କାର୍ଯ୍ୟରେ ସଫଳତା ମିଳିବ। ବ୍ୟବସାୟରେ ଭଲ ପରିଣାମ ଆସିବ। ପରିବାର ସହ ସମୟ କାଟିବେ। ଧାର୍ମିକ କାର୍ଯ୍ୟରେ ରୁଚି ବଢ଼ିବ। ମନ ଖୁସି ରହିବ ଓ ସମ୍ମାନ ବଢ଼ିବ।ସିଂହ- କାର୍ଯ୍ୟକ୍ଷେତ୍ରରେ ସତର୍କତା ରଖିବା ଆବଶ୍ୟକ। ଅତି ଆତ୍ମବିଶ୍ୱାସ କ୍ଷତି କରିପାରେ। ଧନ ଦିଗରେ ସାଧାରଣ ଫଳ ମିଳିବ। ପରିବାର ସହ ମତଭେଦ ହୋଇପାରେ। ଧୈର୍ଯ୍ୟ ଓ ସମନ୍ୱୟ ରଖିଲେ ସମସ୍ୟା ସମାଧାନ ହେବ।କନ୍ୟା- ମାନସିକ ଚାପ କମିବ ଓ ଶାନ୍ତି ଅନୁଭବ କରିବେ। କାର୍ଯ୍ୟକ୍ଷେତ୍ରରେ ନୂଆ ସୁଯୋଗ ଆସିପାରେ। ପରିବାରର ସହଯୋଗ ମିଳିବ। ଧନ ଲାଭ ସମ୍ଭାବନା ରହିଛି। ସ୍ୱାସ୍ଥ୍ୟରେ ସୁଧାର ଆସିବ।ତୁଳା- ଆଜି ନୂଆ ଆରମ୍ଭ ପାଇଁ ଶୁଭ ସମୟ ରହିଛି। ଆପଣଙ୍କ ନିଷ୍ପତ୍ତି ସଫଳ ହେବ। ସମ୍ପର୍କରେ ସୁଧାର ଆସିବ। କାର୍ଯ୍ୟରେ ଆଗକୁ ବଢିବେ। ଧନ ଆଗମନ ହେବ ଓ ମନରେ ସନ୍ତୋଷ ରହିବ।ବିଛା- ଆତ୍ମଚିନ୍ତନ ଓ ଧ୍ୟାନର ଦିନ ରହିବ। କାମରେ ଧୀରେ ଧୀରେ ଆଗକୁ ବଢନ୍ତୁ। ଅତି ରିଆକ୍ସନ୍ କ୍ଷତି କରିପାରେ। ଧନ ଦିଗରେ ସାଧାରଣ ଫଳ ମିଳିବ। ମନରେ କିଛି ଚିନ୍ତା ରହିପାରେ।ଧନୁ- ଭାଗ୍ୟ ସହଯୋଗ କରିବ ଓ ଧନ ଲାଭ ହେବ। କାର୍ଯ୍ୟକ୍ଷେତ୍ରରେ ସଫଳତା ମିଳିବ। ପରିବାର ସହ ଖୁସି ରହିବ। ନୂଆ କାମ ଆରମ୍ଭ କରିପାରିବେ। ଧାର୍ମିକ ଚିନ୍ତା ଓ ସକାରାତ୍ମକତା ବଢିବ।ମକର- କାମରେ ସତର୍କ ରହିବା ଦରକାର। ଅତି ଚିନ୍ତା ଓ ଚାପ ରହିପାରେ। ଧନ ଦିଗରେ ସାଧାରଣ ଫଳ ମିଳିବ। ପରିବାର ସହଯୋଗ ରହିବ। ଧୈର୍ଯ୍ୟ ରଖିଲେ ଆଗାମୀ ଦିନରେ ଲାଭ ମିଳିବ।କୁମ୍ଭ- ନୂଆ ଯୋଜନା ଓ କାର୍ଯ୍ୟରେ ଆଗକୁ ବଢିବେ। ମନରେ ସ୍ପଷ୍ଟତା ଆସିବ। ସମ୍ପର୍କରେ ସୁଧାର ହେବ। ଧନ ଲାଭ ସମ୍ଭାବନା ରହିଛି। କାର୍ଯ୍ୟକ୍ଷେତ୍ରରେ ସଫଳତା ମିଳିବ।ମୀନ- କାର୍ଯ୍ୟ ଓ ବ୍ୟବସାୟରେ ଲାଭ ମିଳିବ। ସମ୍ମାନ ବଢ଼ିବ। ପରିବାରର ସହଯୋଗ ରହିବ। କିନ୍ତୁ ମନରେ କିଛି ଅସ୍ଥିରତା ରହିପାରେ। ଧ୍ୟାନ ଓ ଶାନ୍ତି ରଖିଲେ ସଫଳତା ଆସିବ।ଜ୍ୟୋତିର୍ବିଦ୍ ଶ୍ରୀ ସିଦ୍ଧାର୍ଥ ଶେଖର ନାୟକଯୋଗାଯୋଗ – 8249826682

ଘରୁ ବାହାର କରିଦେଲା ପୁଅ; ଦୋକାନ ବାରଣ୍ଡାରେ ମୁଣ୍ଡ ଗୁଞ୍ଜିଛି ଅସହାୟ ମା’

କନକ ବ୍ୟୁରୋ : ଦଶ ମାସ ଦଶ ଦିନ ଗର୍ଭରେ ଧାରଣ କରିଥିଲା । ଅନେକ ଆଶା ଆଉ ଭରସା ନେଇ ପୁଅକୁ ବଡ଼ କରିଥିଲା । ଭାବିଥିଲା ବାଦ୍ଧକ୍ୟରେ ସେ ହେବ ଆଶାବାଡ଼ି । ହେଲେ ସେଇ ପୁଅ ଆଜି ପାଲଟିଯାଇଛି ପର । ଜନ୍ମକଲା ମା’ ଆଉ ଦିବ୍ୟାଙ୍ଗ ଭଉଣୀକୁ ଘରୁ ତଡ଼ିଦେଇଛି । ୧୫ ଦିନରୁ ଅଧିକ ହେଲାଣି ଦୋକାନ ବାରଣ୍ଡାରେ ପଡ଼ିଛନ୍ତି । ଖୋଲା ଆକାଶ ତଳେ ରୋଷେଇ କରୁଛନ୍ତି, ବାହାରେ ସ୍ନାନଶୌଚ । କେତେବେଳେ ପ୍ରଚଣ୍ଡ ରୌଦ୍ରତାପ ତ କେତେବେଳେ କାଳବୈଶାଖୀର ତାଣ୍ଡବ । ଏ ସବୁ ସହି ନିଜ ଭାଗ୍ୟକୁ ଦୋଷ ଦେଇ ଲୁହ ଗଡ଼ାଉଛି ଜଣେ ଅସହାୟ ମା’ । ଏ ଅଭାବନୀୟ ଘଟଣାଟି ହେଉଛି ଗଜପତି ଜିଲ୍ଲା ପାରଳାଖେମୁଣ୍ଡି ରେଳଷ୍ଟେସନ ନିକଟସ୍ଥ ଶାଢ଼ି କଲୋନୀର । ବୃଦ୍ଧା ଜଣକ ହେଉଛନ୍ତି ୬୧ ବର୍ଷୀୟା ଭାଗ୍ୟ କରଡ଼ା । ଅଧିକ ପଢ଼ନ୍ତୁ : ବରୀରେ ବେଆଇନ ବାଲି ଲୁଟ୍‌ ! ଚାଲିଛି ମାଫିଆଙ୍କ ରାଜ୍‌, ବିରୋଧ କଲେ ମିଳୁଛି ବନ୍ଧୁକ ଧମକ ! ନିଜ ନାଁରେ ଘର ଥାଇ ମଧ୍ୟ ଆଜି ଭାଗ୍ୟ ବାସହରା । ପୁଅ ଓ ବୋହୂ ଝଗଡ଼ା କରି ଆସୁଥିଲେ । ଶେଷରେ ଘରୁ ବାହାର କରିଦେଲେ । ଏପରି ପରିଣତ ବୟସରେ ଦିବ୍ୟାଙ୍ଗ ଝିଅଟିକୁ ଧରି ଦୋକାନ ବାରଣ୍ଡାରେ ଆଶ୍ରୟ ନେଇଛନ୍ତି । କିନ୍ତୁ କ’ଣ ବା କରିବେ ? ପାଖରେ ରାସନ କାର୍ଡ ଅଛି, ଝିଅକୁ ଭତ୍ତା ମଧ୍ୟ ମିଳୁଛି, ହେଲେ ମୁଣ୍ଡ ଗୁଞ୍ଜିବାକୁ ଟିକେ ସୁରକ୍ଷିତ ସ୍ଥାନ ନାହିଁ । ନିଜ ରକ୍ତ ଯେତେବେଳେ ଶତ୍ରୁ ସାଜେ, ସେତେବେଳେ ଦୁନିଆଟା ଅନ୍ଧାର ଦିଶେ । ପୁଅର ଏଭଳି କାର୍ଯ୍ୟକୁ ଦେଖି ସ୍ଥାନୀୟ ଲୋକେ ଦୁଃଖ ପ୍ରକାଶ କରିବା ସହ ପ୍ରଶାସନର ସହଯୋଗ ଲୋଡ଼ିଛନ୍ତି ।

ବିଲି ଜିନ୍‌ କିଙ୍ଗ୍‌ କପ୍‌: ନ୍ୟୁଜିଲାଣ୍ଡକୁ ହରାଇଲା ଭାରତ

କନକ ବ୍ୟୁରୋ :ସ୍ଥାନୀୟ ଡିଏଲ୍‌ଟି କମ୍ପ୍ଲେକ୍ସଠାରେ ଚାଲିଥିବା ବିଲି ଜିନ୍‌ କିଙ୍ଗ୍‌ କପ୍‌ ‌ଏସିଆ/ଓସେନିଆ ଗ୍ରୁପ୍‌-୧ରେ ଭାରତ ପ୍ରଥମ ବିଜୟ ପାଇଛି । ନିଜର ପ୍ରଥମ ମ୍ୟାଚ୍‌ରେ ଥାଇଲାଣ୍ଡଠୁ ୧-୨ରେ ହାରିଥିବା ଭାରତ ବୁଧବାର ୩-୦ରେ ନ୍ୟୁଜିଲାଣ୍ଡକୁ ପରାସ୍ତ କରିଛି । ପ୍ରଥମ ଏକକ ମୁକାବିଲାରେ ବୈଷ୍ଣବୀ ଆଦ୍‌କର ସିଧାସଳଖ ୬-୨, ୬-୪ ସେଟ୍‌ରେ ଐଶି ଦାସଙ୍କୁ ପରାସ୍ତ କରି ଭାରତକୁ ପ୍ରାରମ୍ଭିକ ଅଗ୍ରଣୀ ଦେଇଥିଲେ । ଅଧିକ ପଢ଼ନ୍ତୁ : ବୁମ୍‌ରାଙ୍କ ଆଲୋଡ଼ା ହ୍ୟାଟ୍ରିକ୍‌; ପ୍ରଥମ ବଲ୍‌ରେ ଛକା ମାରିଲେ ୧୫ ବର୍ଷୀୟ ବୈଭବ ଦ୍ୱିତୀୟ ଏକକରେ ସାହାଜା ୟାଲାପଲ୍ଲୀ ୬-୧, ୬-୩ ସେଟ୍‌ରେ ଭାଲେଣ୍ଟିନା ଇଭାନୋଭଙ୍କୁ ହରାଇ ଦଳକୁ ୨-୦ରେ ଆଗୁଆ ରଖିଥିଲେ । ଯୁଗଳ ମୁକାବିଲାରେ ଋତୁଜା ଭୋସାଲେ ଓ ଅଙ୍କିତା ରାଇନା ୬-୪, ୬-୨ ସେଟ୍‌ରେ ମୋନିକ୍‌ ବାରି ଓ ଏରିନ୍‌ ରୌଟ୍‌ଲିଫେଙ୍କୁ ପରାସ୍ତ କରି ଦେଇଥିଲେ । ଏହି ୫ ଦଳୀୟ ପ୍ରତିଯୋଗିତାରେ ଭାରତ ଗୁରୁବାର ରିପବ୍ଲିକ୍‌ କୋରିଆକୁ ଭେଟିବ ।

DC vs GT IPL: ବଟଲର-ଗିଲ୍-ସୁନ୍ଦରଙ୍କ ଅର୍ଦ୍ଧଶତକ, ଦିଲ୍ଲୀକୁ ବଡ଼ ଟାର୍ଗେଟ୍ ଦେଲା ଗୁଜରାଟ

DC vs GT IPL: ଆଇପିଏଲ୍ ୨୦୨୬ର ୧୪ତମ ମ୍ୟାଚରେ ମୁହାଁମୁହିଁ ହୋଇଛନ୍ତି ଦିଲ୍ଲୀ କ୍ୟାପିଟାଲ୍ସ ଓ ଗୁଜରାଟ ଟାଇଟନ୍ସ। ପ୍ରଥମେ ବ୍ୟାଟିଂ କରିଥିବା ଗୁଜରାଟ ୪ ଓ୍ଵିକେଟ୍ ହରାଇ ୨୧୦ ରନ କରିଛି। ଅଧିନାୟକ ଶୁଭମନ ଗିଲ୍ ୭୦ ରନର ଦମଦାର ଇନିଂସ ଖେଳିଥିବା ବେଳେ ଜୋସ ବଟଲର ୫୨ ରନ ଓ ଓ୍ଵାଂଶିଟନ ସୁନ୍ଦର ୫୫ ରନର ବିସ୍ଫୋରକ ଇନିଂସ ଖେଳିଛନ୍ତି। ଦିଲ୍ଲୀ ସାମ୍ନାରେ ରହିଛି ୨୧୧ ରନର ବିଜୟ ଲକ୍ଷ୍ୟ। ଚଳିତ ସିଜିନରେ ଦିଲ୍ଲୀ ନିଜର ପ୍ରଥମ ୨ଟି ମ୍ୟାଚ୍ ଜିତି ସାରିଛି। ଅନ୍ୟପଟେ ଗୁଜରାଟକୁ ପ୍ରଥମ ବିଜୟ ଲକ୍ଷ୍ୟ ଅପେକ୍ଷାରେ ରହିଛି। ଗୁଜରାଟ ପକ୍ଷରୁ ମୁକେଶ କୁମାର ସର୍ବାଧିକ ୨ଟି ଓ୍ଵିକେଟ୍ ନେଇଥିଲେ ହେଁ ମହଙ୍ଗା ସାବ୍ୟସ୍ତ ହୋଇଛନ୍ତି।Updating...

ସୁନା ହେଲା ୧.୮୦% ମହଙ୍ଗା, ତଥାପି All time highରୁ ୪୦,୦୦୦ ଟଙ୍କା ଶସ୍ତା

ନୂଆଦିଲ୍ଲୀ: ଆମେରିକା ଓ ଇରାନ ମଧ୍ୟରେ ଦୁଇ ସପ୍ତାହର ଯୁଦ୍ଧବିରାମ ଅଚାନକ ସୁନା ଦର ବୃଦ୍ଧିର କାରଣ ପାଲଟିଛି। ବୁଧବାର ଫ୍ୟୁଚର ଗୋଲ୍ଡ କାରବାର ମୂଲ୍ୟ ୪,୬୦୦ ଟଙ୍କା ବଢି ଦିନର ସର୍ବୋଚ୍ଚ ଦର ପ୍ରତି ୧୦ଗ୍ରାମ ୧,୫୪,୯୩୪ ଟଙ୍କା ହୋଇଯାଇଛି। ଖବର ଲେଖା ହେବା ବେଳକୁ ସୁନା ମୂଲ୍ୟରେ ୧.୮୦% ବୃଦ୍ଧି ସହ ପ୍ରତି ୧୦ଗ୍ରାମ ୧,୫୨,୯୯୨ ଟଙ୍କାରେ ଟ୍ରେଡିଂ କରୁଛି। ଏହି ସମୟରେ ଲୋ ଲେବୁଲ ୧,୫୨,୬୨୫ ଟଙ୍କାକୁ ପହଞ୍ଚିଥିବା ବେଳେ ପିଛିଲା କ୍ଲୋଜ ୧,୫୦,୨୮୯ ଟଙ୍କା ଥିଲା।କାହିଁକି ବଢିଲା ସୁନା ଦର?ବଜାର ବିଶେଷଜ୍ଞଙ୍କ ଅନୁସାରେ ମଲ୍ଟି କମଡିଟି ଏକ୍ସଚେଞ୍ଜ (ଏମସିଏକ୍ସ)ରେ ଜୁନ ଡେଲିଭରୀ ସୁନାରେ ହୋଇଥିବା ୨% ବୃଦ୍ଧି ମୁଖ୍ୟ ରୂପେ ଡଲାର ଦୁର୍ବଳ ହେବା ଓ ଭୂ-ରାଜନୈତିକ ଉତ୍ତେଜନା ହ୍ରାସ ଯୋଗୁ ହୋଇଛି। ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ଇରାନ ସହିତ ୨ ସପ୍ତାହ ଯୁଦ୍ଧବିରାମ ଘୋଷଣା କରିଛନ୍ତି। ଫଳରେ ଯୁଦ୍ଧ ଆଉ ତୀବ୍ର ହେବାର ସମ୍ଭାବନା କମିଛି। ଇରାନର ବେସାମରିକ କ୍ଷେତ୍ର ଉପରେ ଆକ୍ରମଣ ରୋକିବା ନିଷ୍ପତ୍ତି ଯୋଗୁ ବଜାର ମାନସିକତାରେ ପରିବର୍ତ୍ତନ ଆସିଛି। ଏଥିଯୋଗୁ ଡଲାର ଦୁର୍ବଳ ହୋଇଥିବା ବେଳେ ସୁନାକୁ ସମର୍ଥନ ମିଳିଛି।ଅଶୋଧିତ ତୈଳ ମୂଲ୍ୟ ହ୍ରାସର ଦେଖାଗଲା ପ୍ରଭାବକେବଳ ସୁନା ମୂଲ୍ୟ ବଢି ନାହିଁ, ଏହି ଶାନ୍ତି ବୁଝାମଣା ଯୋଗୁ ଅଶୋଧିତ ତୈଳ ମୂଲ୍ୟରେ ୧୫%ର ଭୀଷଣ ହ୍ରାସ ଦେଖାଯାଇଛି। ହୁଏତ ଏହା ‘ସର୍ଟ କଭରିଂ’ କାରଣରୁ ବି ହୋଇପାରିଥାଏ। କାରଣ ଏବେବି ଏହା ସ୍ପଷ୍ଟ କୁହାଯାଇ ପାରୁନି ଯୁଦ୍ଧବିରାମ କେଉଁ ପର୍ଯ୍ୟନ୍ତ ସଫଳ ହେବ। ଯଦିଓ ଆଜି ସୁନା ମୂଲ୍ୟରେ ବୃଦ୍ଧି ଦେଖା ଯାଇଛି ତଥାପି ସୁନା ତାର ରେକର୍ଡ ହାଇ ସ୍ତରରୁ ଏବେବି ତଳେ ରହିଛି। ୨୭ ଫେବୃଆରୀ ୨୦୨୬ରେ ସୁନା ପ୍ରତି ୧୦ଗ୍ରାମ ୧,୬୫,୬୫୯ ଟଙ୍କାରେ ଥିଲା। ତେବେ ଯୁଦ୍ଧ କାଳରେ ୧୨,୩୬୩ ଟଙ୍କା ଅର୍ଥାତ ୭.୫% ହ୍ରାସ ହୋଇଥିଲା। ଅନ୍ତର୍ଜାତୀୟ ବଜାରରେ ମଧ୍ୟ ଜୁନ ଫ୍ୟୁଚର ଗୋଲ୍ଡ ୩% ମହଙ୍ଗା ହୋଇ ପ୍ରତି ଆଉନ୍ସ ୪,୮୧୩ ଡଲାରକୁ ପହଞ୍ଚି ଯାଇଛି।ଅଲଟାଇମ ହାଇରୁ ୪୦,୦୦୦ ଶସ୍ତାଏମସିଏକ୍ସ ରେ ଗୋଲ୍ଡ ଜାନୁୟାରୀ ୨୯ ତାରିଖରେ ୧.୯୩ ଲକ୍ଷ ଟଙ୍କାକୁ ପହଞ୍ଚି ଇତିହାସ ରଚିଥିଲା। ତେବେ ଏହି ପରଦିନଠାରୁ ସୁନା ମୂଲ୍ୟରେ ଲଗାତାର ହ୍ରାସ ଜାରି ରହିଛି। ଯଦି ଅଲଟାଇମ ହାଇ ଓ ଆଜି ଦିନର ଦର ତୁଳନା କରିବା ତେବେ ସୁନା ପ୍ରତି ୧୦ଗ୍ରାମ ଏବେ ୪୦,୦୦୦ ଟଙ୍କା ଶସ୍ତା ଅଛି। ଇରାନ ହୋର୍ମୁଜ ଷ୍ଟ୍ରେଟ୍କୁ ପୁଣି ଥରେ ଖୋଲିବାକୁ ରାଜି ହୋଇଛି। ଏହା ଭାରତ ଭଳି ତୈଳ ଆମଦାନୀକାରୀ ଦେଶଙ୍କ ଲାଗି ଏକ ବଡ଼ ଆଶ୍ୱସ୍ତି। ଟ୍ରମ୍ପଙ୍କୁ ଇରାନର ୧୦ ସୂତ୍ରୀ ପ୍ରସ୍ତାବ ମିଳିଛି। ଯାହାକୁ ସେ ବୁଝାମଣା ପାଇଁ ଏକ ଭଲ ଆଧାର ରୂପେ ଦେଖୁଛନ୍ତି।ଆଉ କେତେ ବଢିବ ସୁନାଦର?ଏକ୍ସପର୍ଟଙ୍କ ଅନୁସାରେ ସୁନା ୪,୮୦୦ ଡଲାର ସ୍ତର ପାର କରିଯାଇଛି,ଯାହା ଦରବୃଦ୍ଧିର ସଂକେତ ହୋଇପାରେ। ଯଦି ଏହି ପରିସ୍ଥିତି ଜାରି ରହିଲା ତେବେ ଅନ୍ତର୍ଜାତୀୟ ବଜାରରେ ସୁନା ୫ ହଜାର ଡଲାର ଓ ଘରୋଇ ବଜାରରେ ପ୍ରତି ୧୦ଗ୍ରାମ ୧.୫୯ଲକ୍ଷ ଟଙ୍କାର ଆଗାମୀ ଲକ୍ଷ୍ୟକୁ ପହଞ୍ଚିଯିବ।Also Read..ବନ୍ଦ ହେଲା ଇରାନ ଯୁଦ୍ଧ; ଆକାଶ ଛୁଆଁ ହେଲା ସୁନା ରୁପା, ଗୋଟିଏ ଦିନରେ ଗୋଲ୍ଡର ହାଇ ଜମ୍ପ

ବୁମ୍‌ରାଙ୍କ ଆଲୋଡ଼ା ହ୍ୟାଟ୍ରିକ୍‌; ପ୍ରଥମ ବଲ୍‌ରେ ଛକା ମାରିଲେ ୧୫ ବର୍ଷୀୟ ବୈଭବ

କନକ ବ୍ୟୁରୋ :ଗୁଆହାଟୀର ବର୍ଷାପାରା ଷ୍ଟାଡିୟମ୍‌ରେ ମଙ୍ଗଳବାର ଖେଳାଯାଇଥିବା ରାଜସ୍ଥାନ ରୟାଲ୍‌ସ-ମୁମ୍ବାଇ ଇଣ୍ଡିଆନ୍ସ ମ୍ୟାଚ୍‌ରେ ଏକ ଅବିଶ୍ୱସନୀୟ ଦୃଶ୍ୟ ଦେଖିବାକୁ ମିଳିଥିଲା । ସାଂପ୍ରତିକ କ୍ରିକେଟ୍‌ର ଶ୍ରେଷ୍ଠ ଦ୍ରୁତ ବୋଲର୍‌ ଯଶପ୍ରୀତ୍ ବୁମ୍‌ରାଙ୍କୁ ୧୫ବର୍ଷୀୟ ବୈଭବ ସୂର୍ଯ୍ୟବଂଶୀ ଅତ୍ୟନ୍ତ ସହଜ ଓ ସ୍ୱାଭାବିକ ଭାବେ ଛକା, ଚୌକା ମାରି ଚାଲିଥିଲେ । ବୁମ୍‌ରାଙ୍କ ପ୍ରତିଷ୍ଠା ଓ ସମ୍ମାନକୁ ବେଖାତିର କରି ବୈଭବ ତାଙ୍କ ସମ୍ମୁଖୀନ ହୋଇଥିବା ପ୍ରଥମ ବଲ୍‌କୁ ଉପରେ ଉପରେ ସୀମାରେଖା ପାର କରାଇ ଛକା ଅମଳ କରିଥିଲେ । ସେହି ଓଭରରେ ସେ ମଧ୍ୟ ଆଉ ଏକ ଦର୍ଶନୀୟ ଛକା ମାରି ସମସ୍ତଙ୍କୁ ଚକିତ କରି ଦେଇଥିଲେ । ବୈଭବଙ୍କ ସହ ତାଙ୍କ ଓପନିଂ ପାର୍ଟନର ଯଶସ୍ୱୀ ଜୟସ୍ୱାଲ ମଧ୍ୟ ବିସ୍ଫୋରକ ବ୍ୟାଟିଂ କରିଥିଲେ । ବୈଭବ ୧୪ବଲ୍‌ରୁ ୩୯ ଏବଂ ଜୟସ୍ୱାଲ ୩୨ ବଲ୍‌ରୁ ୭୭* ରନ୍‌ର ଧମାକାଦାର ପାଳି ଖେଳି ରାଜସ୍ଥାନକୁ ସହଜ ବିଜୟ ଉପହାର ଦେଇଥିଲେ । ଅଧିକ ପଢ଼ନ୍ତୁ : ଏସୀୟ ବ୍ୟାଡ୍‌ମିଣ୍ଟନ୍‌: ଦ୍ୱିତୀୟ ରାଉଣ୍ଡ୍‌ରେ ସିନ୍ଧୁ, ଆୟୁଷ, ଲକ୍ଷ୍ୟଙ୍କ ବିଦାୟ କେବଳ ବୁମ୍‌ରା ନୁହନ୍ତି, ଆପାତତଃ ସବୁ ମୁମ୍ବାଇ ବୋଲର୍‌ଙ୍କୁ ଉଭୟ ନିର୍ଧୂମ ଧୂଲେଇ କରିଥିଲେ ଏହି ଦୁଇ ଓପନର୍‌ । ରାଜସ୍ଥାନର ରନ୍‌ ବର୍ଷା ଭିତରେ ବୁମ୍‌ରା ବ୍ୟକ୍ତିଗତ ଭାବେ ଏକ ଆଲୋଡ଼ା ହ୍ୟାଟ୍ରିକ୍‌ ଅର୍ଜନ କରିଥିଲେ । ଚଳିତ ଆଇପିଏଲ୍‌ର ଲଗାତାର ତୃତୀୟ ମ୍ୟାଚ୍‌ ପାଇଁ ୱିକେଟ୍‌ ଶୂନ୍ୟ ରହିଥିଲେ ସେ । ଯାହା ଗତ ୮ବର୍ଷ ମଧ୍ୟରେ ପ୍ରଥମ ବୁମ୍‌ରାଙ୍କ ଟ୍ୱେଣ୍ଟି-୨୦ ଖେଳ ଜୀବନରେ ଚତୁର୍ଥ ଥର ଲାଗି ଘଟିଥିଲା । ବୁମ୍‌ରା ଏପର୍ଯ୍ୟନ୍ତ ମୋଟ ୨୭୩ଟି ଟ୍ୱେଣ୍ଟି-୨୦ ମ୍ୟାଚ୍ ଖେଳିଥିବା ବେଳେ ୩୪୫ ୱିକେଟ୍‌ କରାୟତ୍ତ କରିଛନ୍ତି । ଏଣୁ ମ୍ୟାଚ୍‌ ପିଛା ହାରାହାରି ୧.୨୬ ୱିକେଟ୍‌ ଅକ୍ତିଆର କରିଛନ୍ତି । କିନ୍ତୁ ଚଳିତ ସଂସ୍କରଣରେ ୱିକେଟ୍‌ ପାଇଁ ସଂଘର୍ଷ କରୁଛନ୍ତି । ଚଳିତ ଋତୁରେ କୋଲକାତା ନାଇଟ୍‌ ରାଇଡର୍ସ ବିପକ୍ଷରେ ଖେଳିଥିବା ପ୍ରଥମ ମ୍ୟାଚ୍‌ରେ ସେ ୪ ଓଭର ବୋଲିଂ କରି ବିନା ୱିକେଟ୍‌ରେ ୩୫ ରନ୍‌ ଖର୍ଚ୍ଚ କରିଥିଲେ । ଦିଲ୍ଲୀ ବିପକ୍ଷ ଦ୍ୱିତୀୟ ମୁକାବିଲରେ ୪ ଓଭରରେ ୨୧ ରନ୍‌ ଦେଇ କୌଣସି ୱିକେଟ୍‌ ନେଇ ନଥିଲେ । ମଙ୍ଗଳବାର ରାଜସ୍ଥାନ ବିପକ୍ଷ‌ରେ ମାତ୍ର ୩ ଓଭର ବୋଲିଂ କରି ୩୨ ରନ୍‌ ବ୍ୟୟ କରିଥିଲେ ।

BCCI ଲଗାଇଲା ଅଜବ ଗଜବ ନିୟମ, IPL ଖେଳାଳିଙ୍କ ପାଇଁ ବଢ଼େଇଲା ଚିନ୍ତା, ଏଣିକି ମଇଦାନରେ…

New IPL Rule: ଭାରତୀୟ କ୍ରିକେଟ୍ ନିୟନ୍ତ୍ରଣ ବୋର୍ଡ (BCCI) ଇଣ୍ଡିଆନ୍ ପ୍ରିମିୟର ଲିଗ୍ (IPL) ପାଇଁ ଏକ ନୂତନ ନିୟମ ଜାରି କରିଛି। ଏହି ନୂତନ ନିୟମ ଅନୁଯାୟୀ, IPL ମ୍ୟାଚ୍ ସମୟରେ ବେଞ୍ଚରେ ବସିଥିବା ଖେଳାଳିମାନଙ୍କୁ ପଡ଼ିଆରେ ବୁଲିବାକୁ ଅନୁମତି ଦିଆଯିବ ନାହିଁ। ପଡ଼ିଆରେ ଗତିବିଧି କେବଳ ସେହି ୧୬ ଖେଳାଳିଙ୍କ ମଧ୍ୟରେ ସୀମିତ ରହିବ ଯେଉଁମାନେ ମ୍ୟାଚ୍ ପୂର୍ବରୁ ଟିମ୍ ସିଟରେ ଅନ୍ତର୍ଭୁକ୍ତ। Cricbuzz ଅନୁଯାୟୀ, କେବଳ ସେହି ୧୬ ଖେଳାଳିଙ୍କୁ ଦଳ […]

biju legacy: ବିଜୁଙ୍କ ଶ୍ରାଦ୍ଧ ଦିବସରେ ଏକାଠି ହେବେ ବିଜୁ ଅନୁଗତ, ପଡ଼ିବ ନୂଆ ଦଳର ମୁଳଦୂଆ

ଭୁବନେଶ୍ଵର: ପ୍ରବାଦ ପୁରୁଷ ବିଜୁ ପଟ୍ଟନାୟକଙ୍କ ଶ୍ରାଦ୍ଧ ଦିବସରେ ବଳ କଷାକଷି ହେବେ ବିଜୁଙ୍କ ଅନୁଗତ । ବିଜେଡିରୁ କରଛଡା ଦେଇଥିବା ନେତା ଏବଂ ବିତାଡ଼ିତ ବିଜୁ ଅନୁଗତମାନେ ଏକାଠି ହୋଇ ଓଡ଼ିଶା ନାଗରିକ ମଞ୍ଚରେ ବିଜୁ ବାବୁଙ୍କ ଶ୍ରାଦ୍ଧ ଦିବସ ପାଳନ କରିବେ । ଆଉ ଏହିଠାରେ ହିଁ ଶକ୍ତି ପ୍ରଦର୍ଶନ ସହ ନୂଆ ଦଳ ଗଠନର ମୁଳଦୂଆ ପଡ଼ିବ ବୋଲି ଚର୍ଚ୍ଚା ହେଉଛି । ଏମିତିରେ ବିଜେଡି କହିଛି ବିଜୁ ଜନତା ଦଳକୁ ଛାଡ଼ିଦେଲେ ଆଉ କୌଣସି ଦଳ ଓଡ଼ିଶାରେ ତିଷ୍ଠିବନି । ସେପଟେ ମନ୍ତ୍ରୀ ପ୍ରଦୀପ ବଳସାମନ୍ତ କହିଛନ୍ତି ବିଜୁ ଅନୁଗତଙ୍କ ନୂଆ ମଞ୍ଚ ବିଜେପିକୁ ଫାଇଦା ଦେବ।ବିଜୁ ବାବୁଙ୍କ ଶ୍ରାଦ୍ଧ ଦିବସରେ ଏକାଠି ହେବେ ବିଜୁ ଅନୁଗତ । ଆଉ ଏହିଠାରୁ ହିଁ ପଡ଼ିବ ନୂଆ ଦଳର ମୁଳଦୂଆ । ଏପ୍ରିଲ ୧୭ରେ ପ୍ରବାଦ ପୁରୁଷ ବିଜୁ ପଟ୍ଟନାୟକଙ୍କ ଶ୍ରାଦ୍ଧ ଦିବସ । ଏହି ଦିନ ଓଡ଼ିଶା ନାଗରିକ ମଞ୍ଚ ନାଁରେ ଏକାଠି ହେବେ ବିଜୁଙ୍କ ଅନୁଗତ । ବିଜେଡିରୁ କରଛଡା ଦେଇଥିବା ନେତା ଏବଂ ବିତାଡ଼ିତ ବିଜୁ ଅନୁଗତମାନେ ଏକାଠି ହୋଇ ଓଡ଼ିଶା ନାଗରିକ ମଞ୍ଚରେ ବିଜୁ ବାବୁଙ୍କ ଶ୍ରାଦ୍ଧ ଦିବସ ପାଳନ କରିବେ । ଆଉ ଏହିଠାରେ ହିଁ ଶକ୍ତି ପ୍ରଦର୍ଶନ ସହ ନୂଆ ଦଳ ଗଠନର ମୁଳଦୂଆ ପଡ଼ିବ ବୋଲି ଚର୍ଚ୍ଚା ହେଉଛି ।Also Read:ବିଜେଡି ସଂସଦୀୟ ଦଳ ନେତା ପଦରୁ ଇସ୍ତଫା ଦେଲେ ସସ୍ମିତ ପାତ୍ର, କାରଣ କ'ଣ ?ଏହାର ନେତୃତ୍ବ ନେବେ ରାଜସଭା ସାଂସଦ ଦିଲ୍ଲୀପ ରାୟ, ବରିଷ୍ଠ ରାଜନେତା ବିଜୟ ମହାପାତ୍ର, ସୌମ୍ୟ ରଞ୍ଜନ ପଟ୍ଟନାୟକ, ପ୍ରଭାତ ତ୍ରିପାଠୀ, ପ୍ରଭାତ ବିଶ୍ବାଳ ଏବଂ ଅମର ଶତପଥୀଙ୍କ ଭଳି ନେତା । ଭୁବନେଶ୍ବରରେ OUAT କନଭେନସନ ହଲରେ ଆୟୋଜିତ ହେବ ବିଜୁବାବୁଙ୍କ ଶ୍ରାଦ୍ଧ ପାଳନ ସଭା । ପାଖାଖାଖି ୫ହଜାର ଲୋକ ଏଥିରେ ଯୋଗ ଦେବାର କାର୍ଯ୍ୟକ୍ରମ ରହିଛି ।ବରିଷ୍ଠ ରାଜନେତା ଅମର ଶତପଥୀ କହିଛନ୍ତି କିଛି ବର୍ଷ ଧରି ବିଜୁ ବାବୁଙ୍କ ନାଁକୁ ଖର୍ବ କରିବାକୁ ଚେଷ୍ଟା କରାଯାଇଛି । ବିଜେଡିରେ ବିଜୁ ବାବୁଙ୍କ ଫଟୋକୁ ବି କାଢି ଦିଆଯାଇଛି । ଅନ୍ୟ ମାନଙ୍କ ନାଁ ଓ ଫଟୋ ଲଗାଇ ରାଜନୀତି କରାଯାଉଛି । ଆଜି ବି କିଛି ଲୋକ ବିଜୁ ବାବୁଙ୍କ ନାଁ ବ୍ୟବହାର କରିବାକୁ ଚାହୁଁଛନ୍ତି କିନ୍ତୁ ବିଜୁ ଲିଗାସୀକୁ ଆଗକୁ ନେବାକୁ ଚାହୁଁ ନାହାନ୍ତି । ଲିଗାସୀ ବନାମ୍ ହିପୋକ୍ରାସୀ ଲୋକଙ୍କ ଭିତରେ ଆଲୋଡନ ସ୍ରୁଷ୍ଟି କରୁଛି । ସେଥିପାଇଁ ବିଜୁ ବାବୁଙ୍କ ଶ୍ରାଦ୍ଧ ଦିବସ ବଡ ଆକରରେ ପାଳନ କରିବା ଆବଶ୍ୟକ ରହିଛି ।Also Read:ରାଜ୍ୟରେ ଏବେ ପାଓ୍ୱାରଲେସ୍ ବିଜେଡି, ବିଜେପି କଣ୍ଟାକ୍ଟରେ ଅନେକ ଅସନ୍ତୁଷ୍ଟବିଜୁ ବାବୁଙ୍କ ଶ୍ରାଦ୍ଧ ଦିବସରେ ବିଜୁଙ୍କ ଅନୁଗତ ଏକାଠି ହୋଇ ପ୍ରବାଦ ପୁରୁଷଙ୍କ ଶ୍ରାଦ୍ଧ ଦିବସ ପାଳନ କରିବାକୁ ସ୍ବାଗତ କରିଛନ୍ତି ବିଜେଡି ନେତା । ହେଲେ ବିଜୁ ଜନତା ଦଳକୁ ଛାଡି ବିଜୁଙ୍କ ନାଁରେ ନୂଆ ଦଳ ଗଠନକୁ ସେମାନେ ନାପସନ୍ଦ କରିଛନ୍ତି । ବିଜେଡି ନେତା ଅଶୋକ ଚନ୍ଦ୍ର ପଣ୍ଡା କହିଛନ୍ତି ବିଜୁଙ୍କ ନାଁରେ ନୂଆ ଦଳ ଗଠନର ଅପଚେଷ୍ଟାକୁ ଲୋକେ ଗ୍ରହଣ କରିବେ ନାହିଁ । ସେପଟେ ବିଜେପି କହିଛି ବିଜୁ ଅନୁଗତ ଏକାଠି ହୋଇ ଭିନ୍ନ ସାମ୍ମୁଖ୍ୟ ଗଠନ କଲେ ଏହା ବିଜେପିକୁ ଫାଇଦା ଦେବ ।ବିଜୁ ବାବୁଙ୍କ ନୀତି ଆଦର୍ଶ ସହ ଓଡ଼ିଶାରେ ଅଣକଂଗ୍ରେସ ରାଜନୀତିରୁ ବିଜୁ ଜନତା ଦଳର ଗଠନ ହୋଇଥିଲା । କିନ୍ତୁ ରାଜ୍ୟସଭା ନିର୍ବାଚନରେ ବିଜେଡି, କଂଗ୍ରେସ ସହ ହାତ ମିଳାଇବାକୁ ନେଇ ଅସନ୍ତୋଷ ଜାହିର କରିଛନ୍ତି ଅନେକ ବିଜୁ ଅନୁଗତ । ଆଉ ଆଗକୁ ବିଜୁଙ୍କ ନାଁରେ ନୂଆ ସାମ୍ମୁଖ୍ୟ ଗଠନ କରି ଅଣକଂଗ୍ରେସ ଲଢ଼େଇକୁ ଜୋରଦାର୍ କରିବାକୁ ଏବେ କମର କଷିଛନ୍ତି ଅନେକ ବରିଷ୍ଠ ନେତା ଓ ବିଜୁ ଅନୁଗତ ।

ସୋସିଆଲ୍ ମିଡ଼ିଆ ୟୁଜର୍ସଙ୍କ ପାଇଁ ଖୁସି ଖବର, ଏଣିକି ଫେସବୁକ୍ ଓ ୟୁଟ୍ୟୁବ ପରି ହ୍ଵାଟ୍ସଆପରୁ ବି କରିପାରିବେ ଆୟ

WhatsApp Feature: ଯଦି ଆପଣ ନିଜର ହ୍ୱାଟ୍ସଆପ୍ ଚ୍ୟାନେଲ୍ ଆରମ୍ଭ କରିବାକୁ ଚିନ୍ତା କରୁଛନ୍ତି, ତେବେ ନିକଟ ଭବିଷ୍ୟତ ଆପଣଙ୍କ ପାଇଁ ଏକ ବଡ଼ ପ୍ରତିଶ୍ରୁତି ରଖିପାରେ। ରିପୋର୍ଟଗୁଡ଼ିକ ସୂଚାଇଛି ଯେ, ହ୍ୱାଟ୍ସଆପ୍ ଏକ ଏପରି ଫିଚର୍ସ ପ୍ରଚଳନ କରିବାକୁ ପ୍ରସ୍ତୁତ ହେଉଛି ଯାହା କ୍ରିଏଟରମାନଙ୍କୁ ସେମାନଙ୍କ ଚ୍ୟାନେଲ୍ ମାଧ୍ୟମରେ ସିଧାସଳଖ ଟଙ୍କା ରୋଜଗାର କରିବାକୁ ଅନୁମତି ଦେବ। ଏହାର ଅର୍ଥ ହେଉଛି ଯେ, ଏହି ପରିସର ଆଉ କେବଳ ଆପଣଙ୍କ ଫଲୋଅର୍ସ ସଂଖ୍ୟା ବୃଦ୍ଧି କରିବାରେ […]

ଏସୀୟ ବ୍ୟାଡ୍‌ମିଣ୍ଟନ୍‌: ଦ୍ୱିତୀୟ ରାଉଣ୍ଡ୍‌ରେ ସିନ୍ଧୁ, ଆୟୁଷ, ଲକ୍ଷ୍ୟଙ୍କ ବିଦାୟ

କନକ ବ୍ୟୁରୋ : ଚୀନର ନିଙ୍ଗ୍‌ବୋଠାରେ ଚାଲିଥିବା ଏସୀୟ ବ୍ୟାଡ୍‌ମିଣ୍ଟନ୍‌ର ଦ୍ୱିତୀୟ ଦିନ ଭାରତ ପାଇଁ ମିଶ୍ରିତ ଫଳାଫଳ ଆଣି ଦେଇଛି । ଭାରତର ପିଭି ସିନ୍ଧୁ ମହିଳା ଏକକରେ ମାଲେସିଆର ଓଙ୍ଗ ଲିଙ୍ଗ୍‌ ଚିଙ୍ଗ୍‌ଙ୍କୁ ପରାସ୍ତ କରି ଦ୍ୱିତୀୟ ରାଉଣ୍ଡ୍‌ରେ ପ୍ରବେଶ କରିଛନ୍ତି । ଦୁଇମାସର ବ୍ୟବଧାନ ପରେ କୋର୍ଟକୁ ଓହ୍ଲାଇଥିବା ସିନ୍ଧୁ ବିଶ୍ୱର ୩୮ ନମ୍ବର ମାନ୍ୟତାପ୍ରାପ୍ତ ଚିଙ୍ଗ୍‌ଙ୍କୁ ୧୫-୨୧, ୨୧-୧୧, ୨୧-୧୯ ସେଟ୍‌ରେ ପରାସ୍ତ କରିଛନ୍ତି । ଅଧିକ ପଢ଼ନ୍ତୁ : କେବେ ଫେରିବେ ଧୋନୀ, ସଙ୍କଟରେ ସିଏସକେ ? ଥାଲାଙ୍କୁ ଅପେକ୍ଷା କରିଛନ୍ତି ଫ୍ୟାନ୍ସ ଦ୍ୱିତୀୟ ରାଉଣ୍ଡରେ ସେ ଚୀନ ପ୍ରତିଯୋଗୀ ତଥା ଦୁଇ ଥରର ଏସୀୟ ଚାମ୍ପିଅନ ୱାଙ୍ଗ ଝି ୟିଙ୍କୁ ଭେଟିବେ । ଅନ୍ୟପକ୍ଷରେ ଭାରତର ଏକ ନମ୍ବର ଖେଳାଳି ତଥା ଅଲ୍‌ ଇଂଲଣ୍ଡ ଉପବିଜେତା ଲକ୍ଷ୍ୟ ସେନ୍‌ ପ୍ରଥମ ରାଉଣ୍ଡରୁ ହିଁ ବିଦାୟ ନେଇଛନ୍ତି । ସେ ହଂକଂର ଚି ୟୁ ଜେନ୍‌ଙ୍କଠାରୁ ସିଧାସଳଖ ସେଟ୍‌ ୧୨-୨୧,୧୯-୨୧ରେ ହାରିଯାଇଛନ୍ତି । ତେବେ ଭାରତର ଆୟୁଷ ସେଟ୍ଟୀ ଏକ ଚମକପ୍ରଦ ପ୍ରଦର୍ଶନ କରି ବିଶ୍ୱର ୭ ନମ୍ବର ମାନ୍ୟତାପ୍ରାପ୍ତ ଲି ସି ଫେଙ୍ଗ୍‌ଙ୍କୁ ସିଧାସଳଖ ସେଟ୍‌ ୨୧-୧୩, ୨୧-୧୬ରେ ପରାସ୍ତ କରିଛନ୍ତି ।

ଟ୍ରମ୍ପଙ୍କ ବଡ଼ ବୟାନ, କହିଲେ- ଇରାନକୁ ଅସ୍ତ୍ରଶସ୍ତ୍ର ଯୋଗାଉଥିବା ଦେଶଙ୍କ ଉପରେ ଲଗାଇବେ ୫୦% ଟାରିଫ

ୱାସିଂଟନ: ଆମେରିକା ଓ ଇରାନ ମଧ୍ୟରେ ନିକଟରେ ହୋଇଥିବା ଯୁଦ୍ଧବିରାମ ପରେ ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ଏକ ଗୁରୁତ୍ୱପୂର୍ଣ୍ଣ ତଥା ଆଶ୍ଚର୍ଯ୍ୟଜନକ ବୟାନ ଦେଇଛନ୍ତି। ଟ୍ରମ୍ପ କହିଛନ୍ତି ଯେ ଇରାନରେ ଏକ ସକରାତ୍ମକ ସରକାର ପରିବର୍ତ୍ତନ ହୋଇଛି ଓ ଅମେରିକାର ୧୫ଟି ସର୍ତ୍ତ ମଧ୍ୟରୁ ଅନେକକୁ ଇରାନ ସହମତି ଦେଇଛି। ଏହି ନୂଆ ବୁଝାମଣା ଅନୁସାରେ ଇରାନରେ ୟୁରେନିୟମର ସମ୍ବର୍ଦ୍ଧନ ହେବନି ଓ ଆମେରିକା ଇରାନକୁ ସହଯୋଗ କରିବ। ଏଥିରେ ଟ୍ରମ୍ପ ଚେତାବନୀ ଦେଇଛନ୍ତି ଯେ ଯେଉଁ ଦେଶ ଇରାନକୁ ଅସ୍ତ୍ରଶସ୍ତ୍ର ଯୋଗାଣ କରିବ ତା ଉପରେ ୫୦%ର ଟାରିଫ ଲଗାଯିବ।ଅସ୍ତ୍ରଶସ୍ତ୍ର ଯୋଗାଣକାରୀଙ୍କ ବିରୋଧରେ ହେବ କଡ଼ା କାର୍ଯ୍ୟାନୁଷ୍ଠାନଟ୍ରମ୍ପ ତାଙ୍କ ସୋସିଆଲ ମିଡିଆ ଟ୍ରୁଥ ସୋସାଲରେ ଏକ ପୋଷ୍ଟରେ ସ୍ପଷ୍ଟ କରିଛନ୍ତି ଯେ ଇରାନକୁ ଅସ୍ତ୍ର ଯୋଗାଣକାରୀ ଦେଶଙ୍କୁ ଏବେ ଛଡାଯିବ ନାହିଁ। ଏପରି ଦେଶମାନଙ୍କରୁ ଆମେରିକାକୁ ଆସୁଥିବା ସବୁ ସାମଗ୍ରୀ ଉପରେ ୫୦%ର କଡ଼ା ଟାରିଫ ଲଗାଯିବ ଓ ଏହି ମାମଲାରେ କୌଣସି ଦେଶକୁ ଛାଡ ମିଳିବ ନାହିଁ। ଟ୍ରମ୍ପଙ୍କ ଏହି ଚେତାବନୀ ବିଶ୍ୱ ବାଣିଜ୍ୟ ଉପରେ ଗଭୀର ପ୍ରଭାବ ପକାଇପାରେ। କାରଣ ଏହା ଦ୍ୱାରା ସେହି ସବୁ ଦେଶଙ୍କ ସାମଗ୍ରୀ ଆମେରିକାରେ ମହଙ୍ଗା ହୋଇଯିବ। ପଶ୍ଚିମ ଏସିୟାରେ ଜାରି ଉତ୍ତେଜନା ମଧ୍ୟରେ ଟ୍ରମ୍ପଙ୍କ ଏହି କଡ଼ା ଆଭିମୁଖ୍ୟ ବିଶ୍ୱକୂଟନୀତି ଓ ବାଣିଜ୍ୟ ସମ୍ପର୍କକୁ ଅଧିକ ଜଟିଳ କରିପାରେ।ପରମାଣୁ ଅବଶେଷ ଉପରେ ରହିବ କଡ଼ା ନଜରପରମାଣୁ ଅସ୍ତ୍ର ପ୍ରସଙ୍ଗରେ ଟ୍ରମ୍ପ କହିଛନ୍ତି ଯେ ଇରାନରେ ୟୁରେନିୟମ ସମ୍ବର୍ଦ୍ଧନକୁ ସମ୍ପୂର୍ଣ୍ଣ ରୋକାଯିବ। ସେ ଏହା ବି କହିଛନ୍ତି ଯେ ଇରାନରେ ଥିବା ବଳକା ପରମାଣୁକୁ ଆମେରିକା ମାଟି ତଳୁ ଉଦ୍ଧାର କରିବ। ଟ୍ରମ୍ପ କହିଛନ୍ତି ଯେ ଇରାନର ସବୁ ପରମାଣୁ ଆଡ୍ଡା ଉପରେ ହାଇଟେକ୍ ସାଟେଲାଇଟ ମାଧ୍ୟମରେ ୨୪ ଘଣ୍ଟା ନଜର ରଖାଯିବ ଓ ଏବେ ସେଠାରେ କୌଣସି ଜିନିଷ ସହ କୌଣସି ପ୍ରକାରର ହସ୍ତକ୍ଷେପ କରାଯିବନି। ଆମେରିକା ଏହା ବି କହିଛି ଯେ ଯଦି ଇରାନ ଏହି ସବୁ ସର୍ତ୍ତ ପାଳନ କରିବ ତେବେ ଆମେରିକା ତାକୁ ସହଯୋଗ କରିବ ଓ ଏହା ବଦଳେ ଇରାନ ଉପରେ ଜାରି ଆର୍ଥିକ କଟକଣା କୋହଳ କରାଯିବ।Also Read..ସିଜଫାୟାର ମଧ୍ୟରେ ଆସିଲା ଇରାନ ନେଭିର ଧମକ୍, କହିଲା- ବିନା ଅନୁମତିରେ ପାର ହେବନି ଗୋଟେ ବି ଜାହାଜ

ମଦ ବିରୋଧରେ ରଣହୁଙ୍କାର, ତେଜିଲା ମଦ ବିରୋଧୀ ଆନ୍ଦୋଳନ

କନକ ବ୍ୟୁରୋ: ମଦ ନେଉଛି ଜୀବନ। ମଦ ବଢ଼ାଉଛି ବିଶୃଙ୍ଖଳା । ମଦ ଯୋଗୁଁ ବଢ଼ୁଛି ପାରିବାରିକ ଅଶାନ୍ତି। ଗାଁଠୁ ସହର ସବୁଠି ମଦର ବନ୍ୟା। ଫଳରେ ମଦ ବିରୋଧରେ ଏକାଠି ହେଲେଣି ଲୋକ। ରାଜ୍ୟର ୩ଟି ଜାଗାରୁ ମଦ ବିରୋଧୀ ଆନ୍ଦୋଳନର ଚିତ୍ର ସାମ୍ନାକୁ ଆସିଛି। ବରଗଡ଼, ସୁନ୍ଦରଗଡ଼ ଓ କଣ୍ଟାବାଂଜିରେ ମଦ କାରବାର ରୋକିବାକୁ ଲୋକେ ଏକାଠି ହୋଇଛନ୍ତି। ମଦ ବିରୋଧରେ ଏବେ ତେଜିଲେଣି ଲୋକ। ବରଗଡ ଜିଲ୍ଲାର ତାଲପଦର ଗାଁର ମହିଳା ନିଶା କରବାରକୁ ବିରୋଧ କରି ଜିଲ୍ଲାପାଳ ଅଫିସରେ ଅଭିଯୋଗ କରିଛନ୍ତି। ସେହିପରି ପଦ୍ମପୁର ଅଂଚଳ ଘନାମାଲ ଗାଁରେ ମଧ୍ୟ ମଦ କାରବାର ରୋକିବାକୁ ଗାଁ ଲୋକ ଦୃଢ଼ ନିଷ୍ପତ୍ତି ନେଇଛନ୍ତି। ବାରମ୍ବାର ଅଭିଯୋଗ ସତ୍ତ୍ବେ ପୁଲିସ ପଦକ୍ଷେପ ନେଉନଥିବା ବେଳେ ଏବେ ଗାଁ କମିଟି କାର୍ଯ୍ୟାନୁଷ୍ଠାନ ଗ୍ରହଣ କରିଛି। ଗାଁ କମିଟି ନିଷ୍ପତି ନେଇଛି, ଯିଏ ଗାଁରେ ମଦ ବିକ୍ରି କରିବ, ୨୦ ହଜାର ଟଙ୍କା ଜରିମାନା ସହ ଗାଁରୁ ବାସନ୍ଦ କରାଯିବ । ଅଧିକ ପଢନ୍ତୁ: ପୁରୀରେ ଅମାନିଆ ହେଉଛନ୍ତି ପର୍ଯ୍ୟଟକ; ସମୁଦ୍ର ଭିତରେ ପଶି ପିଉଛନ୍ତି ମଦ ଖାଲି ବରଗଡ଼ ନୁହେଁ ବଲାଙ୍ଗୀରରେ ମଧ୍ୟ ମଦ ବିରୋଧୀ ଆନ୍ଦୋଳନ। ତୁରେଇକେଲା ବ୍ଲକ ଅନ୍ତର୍ଗତ କୁଳିଆଦର ଗାଁରେ ଦେଶୀ ମଦ ବିକ୍ରିକୁ ବିରୋଧ କରି ଅବକାରୀ ବିଭାଗ ଓ କଣ୍ଟାବାଞ୍ଜି ଥାନାର ଦ୍ୱାରସ୍ଥ ହୋଇଛନ୍ତି ଗାଁର ମହିଳା। ଏହାସହ ସେମାନେ ଏକ ଦାବିପତ୍ର ଦେଇଛନ୍ତି। ଥାନା ଅଧିକାରୀ ଓ ଅବକାରୀ ବିଭାଗ ତୁରନ୍ତ ପଦକ୍ଷେପ ନେବାକୁ ଦାବି କରିଛନ୍ତି ୧୦ଟି ମହିଳା ସ୍ୱୟଂ ସହାୟକ ଗୋଷ୍ଠୀ ଓ ସହିଦ ଭଗତ ସିଂ ୟୁଥ କ୍ଳବର ସଦସ୍ୟ। ମଦର ଭୟାବହ ପରିଣତି ସୁନ୍ଦରଗଡ଼ରେ ଦେଖିବାକୁ ମିଳିଛି। ହେମଗିରି ବ୍ଲକ ଲଇକେରା ଗାଁରେ ମଦ ପିଇ ୫ ବର୍ଷରେ ଗଲାଣି ୩୦ରୁ ଅଧିକ ଜୀବନ। ଏହା ଭିତରେ ୧୯ ବର୍ଷରୁ ୫୦ ବର୍ଷ ପର୍ଯ୍ୟନ୍ତବ୍ୟକ୍ତି ରହିଛନ୍ତି। ମଦ ପିଇ କେବଳ ଜୀବନ ଯାଉନି, ଘରୋଇ ନିର୍ଯାତନା, ଚୋରି, ମାଡ଼ପିଟ ପରି ଘଟଣା ବଢ଼ିଚାଲିଛି। ଫଳରେ ଅତିଷ୍ଠ ହୋଇପଡ଼ିଥିବା ଗାଁ ଲୋକ ଜିଲ୍ଲାପାଳଙ୍କ କାର୍ଯ୍ୟାଳୟ ଘେରାଉ କରିବା ପର୍ଯ୍ୟନ୍ତ କଥା ଗଲାଣି।

ଅସ୍ତ୍ରବିରତିର ପ୍ରଭାବ ! ତେଲ, ଗ୍ୟାସ୍, ଭୋଜନଠୁ ନେଇ ଫ୍ଲାଇଟ୍‌ ଟିକେଟ୍ ପର୍ଯ୍ୟନ୍ତ; ଜାଣନ୍ତୁ କ'ଣ କ'ଣ ହେବ ଶସ୍ତା

Cease fire impact: ଇରାନ ଓ ଆମେରିକା ମଧ୍ୟରେ ହୋଇଥିବା ଅସ୍ତ୍ରବିରତି କେବଳ ବିଶ୍ଵ ରାଜନୀତିକୁ ଆଶ୍ଵସ୍ତ କରିନି ବରଂ ସାଧାରଣ ଜନତାଙ୍କ ପକେଟ୍ ଉପରେ ସିଧାସଳଖ ପ୍ରଭାବ ପକାଇଛି। ଯେମିତି ଦୁଇ ଦେଶ ମଧ୍ୟରେ ଉତ୍ତେଜନା ଥମିଲା ଅନ୍ତର୍ଜାତୀୟ ବଜାରରେ ଅଶୋଧିତ ତୈଳ ଦରରେ ୧୩ରୁ ୧୭ ପ୍ରତିଶତ ହ୍ରାସ ପାଇଛି। ଏହାର ସିଧାସଳଖ ସଂପର୍କ ଭାରତ ପରି ଦେଶଗୁଡ଼ିକ ସହ ରହିଛି। କାରଣ ଭାରତ ନିଜ ଆବଶ୍ୟକତାର ୮୦ ପ୍ରତିଶତ ତେଲ ଆମଦାନୀ କରିଥାଏ। ଏବେ ପ୍ରଶ୍ନ ଉଠୁଛି କଣ ଏବେ ନିତ୍ୟ ବ୍ୟବହାର୍ଯ୍ୟ ଜିନିଷ ବାସ୍ତବରେ ଶସ୍ତା ହେବ। ଅସ୍ତ୍ରବିରତିରେ ପେଟ୍ରୋଲ-ଡିଜେଲ୍, ଗ୍ୟାସ, ସାର, ପରିବହନ, ବିମାନ ଯାତ୍ରା କେତେ ଶସ୍ତା ହେବ ? ଚାଲନ୍ତୁ ଜାଣିବା…ଉଲ୍ଲେଖନୀୟ ଯେବେଠୁ ଇରାନ ଉପରେ ଇସ୍ରାଏଲ ଓ ଆମେରିକା ମିଳିତ ଭାବେ ଆକ୍ରମଣ କଲେ ତା ପରେ ମଧ୍ୟପ୍ରାଚ୍ୟରେ ଯୁଦ୍ଧ ଆରମ୍ଭ ହୋଇ ଯାଇଥିଲା। ଏହାରି ପ୍ରଭାବରେ ଧିରେ ଧିରେ ପେଟ୍ରୋଲ-ଡିଜେଲ୍, ଗ୍ୟାସ, ପରିବହନ ଓ ବିମାନ ଯାତ୍ରା ସମେତ ଦୈନନ୍ଦୀନ ବ୍ୟବହୃତ କିଛି ବସ୍ତୁର ଦାମ ଆକାଶଛୁଆଁ ହୋଇଥିଲା।Also Read:ସରକାରଙ୍କ ବଡ଼ ନିଷ୍ପତ୍ତି ! ଏବେ ଜବରଦସ୍ତି ଡାଟା ପ୍ଲାନ ରିଚାର୍ଜ ସମାପ୍ତ, କମ୍ପାନିକୁ ଆଣିବାକୁ ପଡ଼ିବ କଲ୍-SMS ପ୍ଲାନସଂଘର୍ଷର ସବୁଠୁ ବଡ଼ ପ୍ରଭାବ ହର୍ମୁଜ ପ୍ରଣାଳୀ ଉପରେ ପଡ଼ିଥିଲା। ଇରାନ ହର୍ମୁଜ ପ୍ରଣାଳୀ ଅବରୋଧ କରିବାରୁ ସମଗ୍ର ବିଶ୍ଵରେ ଶକ୍ତି ସଙ୍କଟ ଦେଖା ଦେଇଥିଲା। କାରଣ ଏହି ମାର୍ଗ ଦେଇ ଦୁନିଆର ପ୍ରାୟ ୨୫ ପ୍ରତିଶତ ତେଲ ଓ ଗ୍ୟାସ୍ ପରିବହନ ହୋଇଥାଏ। ଏବେ ଯୁଦ୍ଧବିରତି ପରେ ପୁଣି ଥରେ ସବୁ ସ୍ଵାଭାବିକ ହେବ ବୋଲି ଆଶା କରାଯାଉଛି, ଯଦ୍ଵାରା ବଢିଥିବା ଦାମ ହ୍ରାସ ପାଇବ।ପେଟ୍ରୋଲ-ଡିଜେଲ୍ ସହ କେଉଁ ସାମଗ୍ରୀ ଉପରେ ପଡ଼ିବ ପ୍ରଭାବ ?ଅସ୍ତ୍ରବିରତିରେ ଭାରତରେ ଏହାର ସିଧାସଳଖ ପ୍ରଭାବ ପେଟ୍ରୋଲ ଓ ଡିଜେଲ୍ ଉପରେ ଦେଖିବାକୁ ମିଳିପାରେ। ହେଲେ ଦର ତୁରନ୍ତ ହ୍ରାସ ପାଇବ ନାହିଁ। ଯଦି ଅନ୍ତର୍ଜାତୀୟ ବଜାରରେ ଦର ହ୍ରାସ ପାଏ ତେବେ ଆଗାମୀ ଦିନରେ ତେଲ କମ୍ପାନିକୁ ବଡ଼ ଆଶ୍ଵସ୍ତି ମିଳିପାରେ। ଏହାର ଫାଇଦା କେବଳ ଗାଡ଼ି ଚଲାଉଥିବା ନୁହେଁ ବରଂ ପୂରା ପରିବହନ ସିଷ୍ଟମକୁ ମିଳିବ। ଡିଜେଲ୍ ଶସ୍ତା ହେଲେ ସାମାନ ପରିବହନ ଖର୍ଚ୍ଚ କମ ହେବ, ଯେଉଁଥିରେ ପନିପରିବା, କ୍ଷୀର, ରାସନ, ସାର, ପ୍ଲାଷ୍ଟିକ ସାମାନ ସମେତ ଅନ୍ୟ ଜରୁରୀ ସାମଗ୍ରୀ ଦାମ ଧିରେ ଧିରେ କମିପାରେ।LPG ଉପରେ ପଡ଼ିବ ପ୍ରଭାବହର୍ମୁଜ ପ୍ରଣାଳୀ ଅବରୋଧ ଫଳରେ ଭାରତରେ ସବୁଠୁ ଅଧିକ ପ୍ରଭାବ ଏଲପିଜି ଗ୍ୟାସ୍ ଉପରେ ପଡ଼ିଥିଲା। ଏଲପିଜି ଅଭାବ କାରଣରୁ ପୂରା ଦେଶରେ ଲୋକେ ନାହିଁ ନ ଥିବା ଅବସ୍ଥାର ସମ୍ମୁଖୀନ ହୋଇଥିଲେ। ଏବେ ଇନ୍ଧନ ଯୋଗାଣ ସ୍ଵାଭାବିକ ହେଲେ ଦର କମିପାରେ। ଗ୍ୟାସ୍ ଅଭାବ କାରଣରୁ ହୋଟେଲ ଓ ରେଷ୍ଟୁରାଣ୍ଟ ଚଢା ଦରରେ ସିଲିଣ୍ଡର କିଣୁଥିଲେ। ଫଳରେ ଟିଫିନଠୁ ନେଇ ମିଲ୍ ପର୍ଯ୍ୟନ୍ତ ସବୁ ଦାମ ୧୦/୨୦/୩୦ ଟଙ୍କା ମହଙ୍ଗା ହୋଇଥିଲା। ଏବେ ଏହା ପୁଣି ଥରେ ପୂର୍ବ ଦାମରେ ମିଳିପାରେ।ଶସ୍ତା ହେବ ବିମାନ ଯାତ୍ରାବିମାନ ଯାତ୍ରା କରୁଥିବା ଯାତ୍ରୀଙ୍କ ଏହା ନିଶ୍ଚିତ ଭାବେ ଭଲ ଖବର। ଏଭିଏସନ କମ୍ପାନିର ବଡ଼ ଖର୍ଚ୍ଚ ଇନ୍ଧନ ଉପରେ ହୋଇଥାଏ। ଏଥିପାଇଁ ତେଲ ଶସ୍ତା ହେବାରୁ ବିମାନ ଟିକେଟ୍ ଦାମ ଏବେ କମିପାରେ। ଏହା ସହିତ ପ୍ଲାଷ୍ଟିକ, ପ୍ୟାକେଜିଂ, କପଡ଼ା ଓ ଅନ୍ୟ ପେଟ୍ରୋକେମିକାଲ୍ସ ଉତ୍ପାଦର ଦାମ ହ୍ରାସ ପାଇପାରେ।କୃଷକଙ୍କୁ ମିଳିବ ଫାଇଦାଅଶୋଧିତ ତେଲ ଶସ୍ତା ହେବାରୁ ପ୍ରାୟତଃ ସବୁ ଉଦ୍ୟୋଗର ଉତ୍ପାଦ ମୂଲ୍ୟ ହ୍ରାସ ପାଇବ। ଏହାର ଫାଇଦା ଧିରେ ଧିରେ ଗ୍ରାହକଙ୍କ ପର୍ଯ୍ୟନ୍ତ ପହଞ୍ଚିବ। ସାର ନିର୍ମାଣକାରି କମ୍ପାନି ଏବଂ କୃଷକଙ୍କୁ ମଧ୍ୟ ଫାଇଦା ମିଳିବ। କାରଣ ଇନ୍ଧନ ଯୋଗାଣ ସ୍ଵାଭାବିକ ହେଲେ ପରିବହନ ସ୍ଵାଭାବିକ ହେବ। ଏଥିରେ ସାର ପ୍ରସ୍ତୁତକାରି କମ୍ପାନି ନିକଟକୁ ସଠିକ ଦରରେ ଉପକରଣ ପହଞ୍ଚି ପାରିବ।

ଓବିସିଙ୍କ ପାଇଁ କାହାର ନାହିଁ ଆନ୍ତରିକତା, ଦୀର୍ଘ ଦିନ ହେଲା ଖାଲି ପଡିଛି କମିସନ ପଦ

କନକ ବ୍ୟୁରୋ; ୨୦୨୪ ନିର୍ବାଚନ ପୂର୍ବରୁ ବାରମ୍ବାର ପଛୁଆ ବର୍ଗ କଥା ଉଠାଉଥିଲା ବିଜେପି । ପଛୁଆ ବର୍ଗ ବା ଓବିସିଙ୍କ ଗଣନା କରି ସଂଖ୍ୟା ଭିତିରେ ବିଭିନ୍ନ ସୁବିଧା ଦେବାକୁ ଦାବି କରି ଆସୁଥିଲା। ତତ୍କାଳୀନ ବିଜେଡି ସରକାରକୁ ଅନେକ ସମୟରେ ଏହି ପ୍ରସଙ୍ଗରେ ଘେରୁଥିଲା । କିନ୍ତୁ ବିଜେପି କ୍ଷମତାକୁ ଆସିବା, ଏହା ଭିତରେ ୨୨ ମାସ ବିତିଲାଣି ତଥାପି ପୂର୍ବ ସରକାର ସମୟରେ ଓବିସି କମିସନ ଦେଇଥିବା ରିପୋର୍ଟ ସାମନାକୁ ଆସିପାରିଲାନି । ସଂଖ୍ୟା ଭିତିରେ ନିଯୁକ୍ତି ଓ ଅନ୍ୟାନ୍ୟ ସୁବିଧା ଦେବାକୁ ସବୁ ଦଳ ଦାବି କରୁଛନ୍ତି । କିନ୍ତୁ ବାସ୍ତବରେ ପଛୁଆ ବର୍ଗଙ୍କ ପାଇଁ କାହାର ଆନ୍ତରିକତା ନାହିଁ। ଦୀର୍ଘ ଦିନ ହେବ ଦାବି ହୋଇ ଆସୁଥିଲେ ବି ରାଜ୍ୟରେ ଓବିସି ଗଣନା ହୋଇପାରୁନି । ରାଜ୍ୟରେ ପଛୁଆ ବର୍ଗଙ୍କ ପାଇଁ ୨୦୨୦ରେ ଓବିସି କମିସନ ଗଠନ କରିଥିଲେ ପୂର୍ବ ସରକାର। ପ୍ରଥମ କମିସନ ଭାବେ ହାଇକୋର୍ଟର ପୂର୍ବତନ ବିଚାରପତି ରଘୁନାଥ ବିଶ୍ବାଳ ପ୍ରଥମ କମିସନ ଭାବେ ଦାୟିତ୍ବ ନେଇଥିଲେ। ରାଜ୍ୟ ରାଜକୋଷରୁ କୋଟିକୋଟି ଟଙ୍କା ଖର୍ଚ୍ଚ କରି ପଛୁଆବର୍ଗଙ୍କୁ ଚିହ୍ନଟ କରିଥିଲେ ସରକାର । ଏହାର ରିପୋର୍ଟ ମଧ୍ୟ ଦେଇଥିଲେ । ହେଲେ ତାହା ଶୀତଳ ଭଣ୍ଡାର ରହିଯାଇଥିଲା । ଓବିସିଙ୍କ ପାଇଁ କୌଣସି ନୀତିଗତ ନିଷ୍ପତ୍ତି ନେଇନଥିଲେ ପୂର୍ବ ସରକାର। ବିଜେପି ସରକାର ବି ଓବିସି ରିପୋର୍ଟ ସାର୍ବଜନୀନ କରିବା ନେଇ କୌଣସି ତତ୍ପରତା ଦେଖାଇ ନାହାନ୍ତି । ଅଧିକ ପଢନ୍ତୁ: ରୋଗୀଙ୍କ ଜୀବନ ସହ ଖେଳ ! ବିନା ବିମା, ଫିଟନେସ୍‌ରେ ଚାଲିଛି ଆମ୍ବୁଲାନ୍ସ ! ନିକଟରେ ମୋହନ ସରକାର ଏସସି, ଏସଟି ବର୍ଗ, ଏସଇବିସିର ବିଦ୍ୟାର୍ଥୀଙ୍କ ପାଇଁ ମେଡିକାଲ, ବୈଷୟିକ ଓ ଉଚ୍ଚଶିକ୍ଷା କ୍ଷେତ୍ରରେ ସଂରକ୍ଷଣ ବୃଦ୍ଧି କରିଛନ୍ତି । ଏସ୍‌ସି ବର୍ଗ ପାଇଁ ୧୬.୨୫%, ଏସ୍‌ଟି ବର୍ଗ ପାଇଁ୨୨.୫୦% ଓ ଏସଇବିସି ପାଇଁ ୧୧.୨୫% ସଂରକ୍ଷଣ ଦେବାକୁ ନିଷ୍ପତ୍ତି ନେଇଛନ୍ତି । କିନ୍ତୁ ଓବିସି ବର୍ଗର ଲୋକ ସଂଖ୍ୟା ସବୁଠୁ ଅଧିକ ହୋଇଥିଲେ ସେମାନଙ୍କ ପାଇଁ କୌଣସି ସଂରକ୍ଷଣ ବ୍ୟବସ୍ଥା ହୋଇନାହିଁ। ଯାହାକୁ ନେଇ ଶାସକ ଦଳକୁ ବିରୋଧୀ ଘେରିଛନ୍ତି । ଏବେ ପ୍ରଶ୍ନ ଉଠୁଛି, ଓବିସି କମିସନ୍‌ଙ୍କ ରିପୋର୍ଟକୁ କାହିଁକି ଚପାଇ ରଖିଛନ୍ତି ସରକାର? କେବେ ନିଯୁକ୍ତ ହେବେ ନୂଆ ଓବିସି କମିସନ୍‌?

୪ ବର୍ଷୀୟ ଶ୍ରେୟାଂସ ମୃତ୍ୟୁ ପରେ ବି ବଞ୍ଚିଛି, ଏବେ ବି ତା ଉପସ୍ଥିତି ଅନୁଭବ କରୁଛନ୍ତି ବାପା ମାଆ...

ଝାରସୁଗୁଡ଼ା : କୁନି ପିଲାଟି । ଦୁନିଆ କ’ଣ ଭଲରେ ବୁଝିନି ହେଲେ ଆଖିରେ ଥିଲା ତାର ମେଞ୍ଚାଏ ସ୍ବପ୍ନ । ଥର ଥର କୁନି ଓଠରେ ଭଲରେ କଥା ସିନା କହିପାରୁନଥିଲା କିନ୍ତୁ କହୁଥିଲା ଡାକ୍ତର ହେବି, ଆଉ ରୋଗୀ ସେବା କରିବି । ମାଆ-ବାପା ବି ତାକୁ ନେଇ ଦେଖିଥିଲେ ଅନେକ ସ୍ବପ୍ନ । ହେଲେ ସେସବୁ ଯେମିତି ହୋଇଗଲା ଧୂଳିସାତ୍ । ସବୁ ସ୍ବପ୍ନ ଭାଙ୍ଗି ଚୁରମାର୍ ହୋଇଗଲା । ଯେଉଁ ଆଖିରେ ସେ ସ୍ବପ୍ନ ଦେଖୁଥିଲା ସେହି ଆଖି ସବୁଦିନ ପାଇଁ ବୁଜିଦେଲା । ମାଆ-ବାପାଙ୍କ ନୟନ ପିତ୍ତୁଳା ଚାଲିଗଲା ଆରପାରିକୁ । କୁନି ପୁଅକୁ ହରାଇ ଭାଙ୍ଗିପଡିଛନ୍ତି ପୂରା ପରିବାର । ଏସବୁ ଭିତରେ ପରିବାରର ଗୋଟିଏ ପଦକ୍ଷେପ ଶ୍ରେୟାଂସଙ୍କ ଉପସ୍ଥିତିକୁ ସବୁବେଳେ ବଞ୍ଚାଇ ରଖିବ ।କ'ଣ ଥିଲା ପୂରା ଘଟଣା ?ଝାରସୁଗୁଡ଼ାର ୪ ବର୍ଷୀୟ ଶ୍ରେୟାଂସ ଚଇନି । ରାମନବମୀରେ ଖୁସିରେ ବୁଲିବାକୁ ଆସିଥିଲା ମାମୁଘର । ହେଲେ ତାର ସେହି ଖୁସି ରହିଲାନି ବେଶୀ ସମୟ । ସମ୍ପର୍କୀୟଙ୍କ ସହ ବାଇକ୍ରେ ଯାଉଥିଲେ । ଏକ ସଡ଼କ ଦୁର୍ଘଟଣାରେ ସବୁଦିନ ପାଇଁ ଆଖି ବୁଜିଦେଲେ ଶ୍ରେୟାଂସ । କୋଳଶୂନ୍ୟ ହୋଇଗଲେ ବାପା-ମାଆ । ହଠାତ୍ ପୁଅକୁ ହରାଇ ଯେମିତି ହୋଇପଡିଥିଲେ ହତବାକ୍ । କିନ୍ତୁ ଧର୍ଯ୍ୟହରା ହୋଇନଥିଲେ ପରିବାର । ନେଇଥିଲେ ଏକ ସାହସିକ ପଦକ୍ଷେପ । ମାଆ-ବାପା ଛାତିକୁ ପଥର କରି ପୁଅର ଚକ୍ଷୁ ଦାନ ପାଇଁ ନିଷ୍ପତ୍ତି ନେଇଥିଲେ । ଯାହା ତାଙ୍କ ପାଇଁ ଥିଲା ବେଶ୍ କଷ୍ଟକର । ପୁଅ ସିନା ଚାଲିଗଲା ହେଲେ ତା ପାଇଁ କିଏ ତ ଦୁନିଆ ଦେଖିବ । ଏମିତି କିଛି ଚିନ୍ତା କରି ନିଷ୍ପତ୍ତି ନେଇଥିଲେ । ଏଭଳି ପଦକ୍ଷେପ ଆଉ ଦୁଇ ଜଣଙ୍କୁ ବାଟ ଚାଲିବାର ରାହା ଦେଖାଇଛି । ଯାହାକୁ ବିଭିନ୍ନ ମହଲରେ ବେଶ୍ ପ୍ରଶଂସା କରାଯାଉଛି ।ମୃତ୍ୟୁ ପରେ ବି ଅମର ଶ୍ରେୟାଂସ । ନିଜେ ସିନା ଆଖି ବୁଜିଲେ ହେଲେ ଅନ୍ୟକୁ ଦେଇଗଲେ ସ୍ବପ୍ନ ଦେଖିବାକୁ ସାହାରା । ତାଙ୍କ ଆଖିରେ ଏବେ ଆଉ କିଏ ଦେଖୁଛି ଦୁନିଆ । ସିଏ ଯାହା ବି ହେଉ ପରିବାରର ଏଭଳି ନିଷ୍ପତ୍ତି ନିଶ୍ଚିତ ଭାବେ ଅନ୍ୟମାନଙ୍କ ପାଇଁ ପ୍ରେରଣା । ଏବେ ଖାଲି ଏତିକି କହିପାରିବା ଭଗବାନ ଶ୍ରେୟାଂସକୁ ଭଲରେ ରଖନ୍ତୁ ଆଉ ତାଙ୍କ ପରିବାରକୁ ଶକ୍ତି ଦିଅନ୍ତୁ ।Also Read-ଗୋଟିଏ ପ୍ଲଟ୍ରେ ଅନେକଙ୍କ ଘର ଆଉ ଦୋକାନ, କେବଳ ଆମକୁ କାହିଁକି ନୋଟିସ୍

ରାଜ୍ୟରେ ଆରମ୍ଭ ହେଲା ଦ୍ବିତୀୟ ଶିଳ୍ପ ବିପ୍ଳବ, ଖୋର୍ଦ୍ଧାରୁ ୪୦ହଜାର କୋଟିର ୩୬ଟି ପ୍ରକଳ୍ପର ଶିଳାନ୍ୟାସ ଓ ଉଦ୍ଦଘାଟନ କଲେ ମୁଖ୍ୟମନ୍ତ୍ରୀ

କନକ ବ୍ୟୁରୋ: ଓଡ଼ିଶା ପାଇଁ ଆଉ ଏକ ମାଇଲଖୁଣ୍ଟ । ଏକକାଳୀନ ୪୦ ହଜାର କୋଟିର ପ୍ରକଳ୍ପକୁ ଶିଳାନ୍ୟାସ ଓ ଉଦଘାଟନ କରିଛନ୍ତି ମୁଖ୍ୟମନ୍ତ୍ରୀ ମୋହନ ମାଝୀ । ଏଣିକି ଓଡ଼ିଶା ବିଦେଶରୁ ଆମଦାନୀ କରିବନି ବରଂ ଓଡ଼ିଶାର ସାମଗ୍ରୀ ବିଦେଶ ଯିବ । ଏଭଳି ସ୍ବପ୍ନକୁ ସାକାର କରିବାକୁ ଅଣ୍ଟା ଭିଡ଼ିଛନ୍ତି ମୁଖ୍ୟମନ୍ତ୍ରୀ । ଆଉ କହିଛନ୍ତି,ସମ୍ଭାବନାର ରାଜ୍ୟ ନୁହେଁ , ଓଡିଶା ଏବେ ସମୃଦ୍ଧିର ସ୍ପର୍ଶ ଅନୁଭବ କରୁଛି । ସମୃଦ୍ଧ ଓଡ଼ିଶା ଗଢ଼ୁଛନ୍ତି ଲୋକଙ୍କ ସରକାର ସବୁ ଜିଲ୍ଲାରେ ଏବେ ଶିଳ୍ପାୟନ ସହ ରୋଜଗାର ଓଡ଼ିଶା ଶିଳ୍ପ ଜଗତରେ ଯୋଡ଼ି ହୋଇଛି ନୂଆ ଅଧ୍ୟାୟ। ଲୋକଙ୍କ ସରକାରରେ ଓଡ଼ିଶାରେ ଆରମ୍ଭ ହୋଇଛି ଦ୍ଵିତୀୟ ଶିଳ୍ପ ବିପ୍ଲବ। ଖୋର୍ଦ୍ଧା ଭୂଇଁପୁରରେ ଏକାଥରକେ ୩୬ଟି ପ୍ରକଳ୍ପର ଶିଳାନ୍ୟାସ ଓ ଶୁଭାରମ୍ଭ କରିଛନ୍ତି ମୁଖ୍ୟମନ୍ତ୍ରୀ ମୋହନ ମାଝୀ। ୪୦ ହଜାର ୮୧୧ କୋଟି ଟଙ୍କାର ଏହି ପ୍ରକଳ୍ପରେ ମିଳିବ ୫୯ ହଜାରରୁ ଅଧିକ ନିଯୁକ୍ତି । ଓଡ଼ିଶାକୁ ଶିଳ୍ପର ହବ୍‌ ଭାବେ ଗଢି ତୋଳିବାକୁ ଯେଉଁ ସ୍ବପ୍ନ ସରକାର ଦେଖିଛନ୍ତି ତାହାକୁ ବଳ ଦେବ ଏହି ପ୍ରକଳ୍ପ। ଏଥିପାଇଁ ବିଭିନ୍ନ ସଂସ୍ଥାର ମୁଖ୍ୟଙ୍କ ସହ ରାଉଣ୍ଡ ଟେବୁଲ ବୈଠକ ସହ ସରକାରଙ୍କ ପକ୍ଷରୁ ସବୁ ସହଯୋଗ ଯୋଗାଇଦେବାକୁ ପ୍ରତିଶ୍ରୁତି ଦେଇଛନ୍ତି ମୁଖ୍ୟମନ୍ତ୍ରୀ। କହିଛନ୍ତି, ପ୍ରତିଶ୍ରୁତିରୁ କାର୍ଯ୍ୟାନ୍ବୟନ ଏବଂ ସମ୍ଭାବନାରୁ ସମୃଦ୍ଧି ଆଡ଼କୁ ଉଦ୍ଦେଶ୍ୟ ନେଇ ଓଡ଼ିଶା ଆଗକୁ ବଢ଼ୁଛି। ଗତ ୨ରୁ ୩ ବର୍ଷ ମଧ୍ୟରେ ଓଡ଼ିଶା କେବଳ ସମ୍ଭାବନାର ରାଜ୍ୟ ହୋଇ ରହି ନାହିଁ, ବରଂ ଓଡିଶା ଏବେ ସମୃଦ୍ଧିର ସ୍ପର୍ଶ ଅନୁଭବ କରିବା ଆରମ୍ଭ କରିଛି । ଅଧିକ ପଢନ୍ତୁ: ଆଜିଠାରୁ ବିଧାନସଭା ଶୀତକାଳୀନ ଅଧିବେଶନ, କାର୍‌କେଡ୍‌ ସହ ଏମିତି ଆସିଲେ ମୁଖ୍ୟମନ୍ତ୍ରୀ ମୋହନ ମାଝୀ ଶିଳାନ୍ୟାସ ଓ ଉଦଘାଟନ ହୋଇଥିବା ଏହି ଶିଳ୍ପ ପ୍ରକଳ୍ପ ମଧ୍ୟରେ ଗ୍ରିନ୍‌ ଏନର୍ଜି ଉପକରଣ, ଧାତୁ ଏବଂ ଡାଉନଷ୍ଟ୍ରିମ୍ ଶିଳ୍ପ, ବୟନ ଏବଂ ପୋଷାକ ଶିଳ୍ପ, ପ୍ଲାଷ୍ଟିକ୍, ପର୍ଯ୍ୟଟନ, କୃଷି ଏବଂ ଖାଦ୍ୟ ପ୍ରକ୍ରିୟାକରଣ, ପ୍ରତିରକ୍ଷା ଉତ୍ପାଦନ, ଆଇଟି, ଅଟୋମୋବାଇଲ୍, ସିମେଣ୍ଟ ଶିଳ୍ପ ରହିଛି। ଯାହା ରାଜ୍ୟର ଅର୍ଥନୀତିକୁ ବୁଷ୍ଟରଡୋଜ ଦେବ । ଅନ୍ୟପଟେ ଶିଳ୍ପମନ୍ତ୍ରୀ ସମ୍ପଦ ସ୍ବାଇଁ କହିଛନ୍ତି, କଥାରେ କହିବା ଏବଂ ପ୍ରତିଶ୍ରୁତିକୁ ବାସ୍ତବତାର ରୂପ ଦେବା ଦୁଇଟି ଭିନ୍ନ ଭିନ୍ନ କାର୍ଯ୍ୟ। ବିଜେପି ସରକାର ସବୁ କଥାକୁ କାମରେ କରି ଦେଖାଉଛି । ଗତ ୧୮ରୁ ୨୦ ମାସରେ ପ୍ରାୟ ଅଢ଼େଇ ଲକ୍ଷ କୋଟି ଟଙ୍କାର ୧୦୯ ଟି ପ୍ରକଳ୍ପର ଶିଳାନ୍ୟାସ ଓ ଉଦ୍‌ଘାଟନ ହୋଇଛି। ଏହାଦ୍ବାରା ୧ ଲକ୍ଷ ୭୬ ହଜାର ନିଯୁକ୍ତି ସୃଷ୍ଟି ହୋଇପାରିଛି ।

Bengal Election ପ୍ରାର୍ଥିପତ୍ର ଦାଖଲ ପରେ ମମତା ଦେଲେ ଭାବୁକ ବୟାନ, ଜାଣନ୍ତୁ କହିଲେ କ’ଣ?

ଭବାନୀପୁର: ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ମମତା ବାନାର୍ଜୀ ବୁଧବାର ଭବାନୀପୁର ବିଧାନସଭା ନିର୍ବାଚନମଣ୍ଡଳିରୁ ତାଙ୍କର ପ୍ରାର୍ଥିପତ୍ର ଦାଖଲ କରିଛନ୍ତି। ଏଥି ପାଇଁ ସେ ପୂର୍ବାହ୍ନରେ କାଲିଘାଟସ୍ଥିତ ତାଙ୍କ ବାସଭବନରୁ ପଦଯାତ୍ରାରେ ବାହାରିଥିଲେ। ପ୍ରାର୍ଥିପତ୍ର ଦାଖଲ ନିମନ୍ତେ ତାଙ୍କର ଏହି ଅନନ୍ୟ କାର୍ଯ୍ୟକ୍ରମ ରାଜ୍ୟରେ ବିଜେପିର ‘ପରିବର୍ତ୍ତନ’ ଆହ୍ବାନ ବିରୋଧରେ ତୃଣମୂଳ କଂଗ୍ରେସ (ଟିଏମସି)ର ରାଜନୈତିକ ଜବାବ ବୋଲି କୁହାଯାଉଛି।ମମତାଙ୍କ ରାଲି ବିଚାରଧାରାର ପ୍ରଦର୍ଶନମମତା ବାନାର୍ଜୀ ସମର୍ଥକଙ୍କ ଭିଡ ମଧ୍ୟରେ ଅଲିପୁର ସର୍ଭେ ବିଲ୍ଡିଂ ପର୍ଯ୍ୟନ୍ତ ରାଲିର ନେତୃତ୍ୱ ନେଇଥିବା ବେଳେ ସେହିଠାରେ ତାଙ୍କ ପ୍ରାର୍ଥିପତ୍ର ଦାଖଲ କରିଛନ୍ତି। ମମତା ୨୦୨୧ ବିଧାନସଭା ନିର୍ବାଚନରେ ଭବାନୀପୁର ଆସନରୁ ବିଧାୟକ ନିର୍ବାଚିତ ହୋଇଥିଲେ। ଏହା ପୂର୍ବରୁ ବିଜେପି ପ୍ରାର୍ଥୀ ଶୁଭେନ୍ଦୁ ଅଧିକାରୀ ଗତ ସପ୍ତାହରେ ଅମିତ ଶାହଙ୍କ ଉପସ୍ଥିତିରେ ଏଠାରେ ପ୍ରାର୍ଥିପତ୍ର ଦାଖଲ କରିଥିଲେ। ସେତେବେଳେ ଶୁଭେନ୍ଦୁ ଅଧିକାରୀ ତାଙ୍କ ପାର୍ଟିର ଶକ୍ତି ପ୍ରଦର୍ଶନ କରିବା ସହ ‘ପରିବର୍ତ୍ତନ’ ଆହ୍ୱାନ ଦେଇଥିଲେ। ଏହାର ବିପରୀତ ବୁଧବାର ମମତାଙ୍କ ରୋଡ ଶୋ କୁ ବିଚାରାଧାରାର ପ୍ରଦର୍ଶନ ରୂପେ ଦେଖାଯାଉଛି।ଆମକୁ ବହୁମତରେ ଜିତାନ୍ତୁପ୍ରାର୍ଥିପତ୍ର ଦାଖଲ ପରେ ମମତା ବାନାର୍ଜୀ କହିଛନ୍ତି ଯେ ମୋର ଜନ୍ମ ଓ ଲାଳନପାଳନ ଏହିଠାରେ ହିଁ ହୋଇଛି। ମୁଁ ବର୍ଷର ୩୬୫ ଦିନ ଭବାନୀପୁରରେ ରହୁଛି। ମୋ ଜୀବନର ସବୁକିଛି ଭବାନୀପୁର ଆଖପାଖରେ ହିଁ ଘଟିଛି। ମୋ ଜୀବନର ପ୍ରତ୍ୟେକ ପ୍ରାରମ୍ଭ ଏହିଠାରୁ ହିଁ ହୋଇଛି। ଏଥି ପାଇଁ ମୁଁ ଭବାନୀପୁରର ଲୋକଙ୍କୁ ଧନ୍ୟବାଦ ଦେଉଛି ଓ ପ୍ରଣାମ କରୁଛି। ଏଥର ନିର୍ବାଚନରେ ମମତା ପୁରା ପଶ୍ଚିମବଙ୍ଗ ଭୋଟରଙ୍କୁ ତୃଣମୂଳ କଂଗ୍ରେସ ଲାଗି ସମର୍ଥନ ମାଗିଛନ୍ତି। ସେ କହିଛନ୍ତି ଯେ ମୁଁ ନା କେବଳ ଭବାନୀପୁର ବରଂ ସମସ୍ତ ୨୯୪ ନିର୍ବାଚନମଣ୍ଡଳିର ଲୋକଙ୍କୁ ନିବେଦନ କରୁଛି ଯେ ଆମ ପ୍ରାର୍ଥୀମାନଙ୍କ ବିଜୟ ସୁନିଶ୍ଚିତ କରନ୍ତୁ। ଆମକୁ ବହୁମତରେ ଜିତାନ୍ତୁ।ପୁଣି ଥରେ କୋର୍ଟକୁ ଯିବୁଟିଏମସି ୨୦୨୧ ମସିହାରେ ୨୯୪ ଆସନରୁ ୨୧୩ଟିରେ ଜିତିଥିଲା। ନିର୍ବାଚନ ପ୍ରଚାରରେ ଭୋଟର ସୂଚୀରେ ସଂଶୋଧନ ଏବେ ସବୁଠୁ ବଡ଼ ରାଜନୈତିକ ପ୍ରସଙ୍ଗ ପାଲଟିଛି। ମମତା ଅଭିଯୋଗ କରିଛନ୍ତି ଯେ ଭୋଟର ଲିଷ୍ଟ ବିଶେଷ ଗହନ ପୁନରୀକ୍ଷଣ (ଏସଆଇଆର) ବହୁ ସଂଖ୍ୟାରେ ଭୋଟରଙ୍କ ନାମ ହଟିଥିବାରୁ ମୁସଲମାନ ଓ ମହିଳାଙ୍କ ଉପରେ ପ୍ରଭାବ ପଡିଛି। ସେ କହିଛନ୍ତି ଯେ ଟିଏମସି ଭୋଟର ସୂଚୀକୁ ‘ଫ୍ରିଜ’ କରିବା ପାଇଁ ପୁଣି ଥରେ କୋର୍ଟକୁ ଯିବ। ମମତା କହିଛନ୍ତି ଯେ ଭୋଟର ଲିଷ୍ଟରୁ ଏତେ ସଂଖ୍ୟା ନାମ ହଟାଇ ଦିଆଯିବା ଘଟଣାରେ ମୁଁ ଅତ୍ୟନ୍ତ ଦୁଃଖି।ତୃଣମୂଳ ମୁଖ୍ୟ କହିଛନ୍ତି ଯେ ‘ମୁଁ ସୁ୍ପିମକୋର୍ଟରେ ପିଟିସନ ଦାୟର କରିଥିଲି, ୧.୨କୋଟି ଭୋଟରଙ୍କ ମଧ୍ୟରୁ ୩୨ ଲକ୍ଷ ନାମ ପୁଣି ଲିଷ୍ଟକୁ ଫେରାଇଆଣିବାକୁ ସକ୍ଷମ ହୋଇଛି। ଯେଉଁ ଲୋକଙ୍କ ନାମ ନିଷ୍ପତ୍ତି ହୋଇଛି ତାହା ସୂଚୀବଦ୍ଧ ହୋଇଛି ତାଙ୍କ ନାମ ମଧ୍ୟ ଭୋଟର ଲିଷ୍ଟରେ ଆସିବା ଦରକାର। ହେଲେ ମୁଁ ବୁଝି ପାରୁନି ଭୋଟର ଲିଷ୍ଟକୁ କାହିଁକି ଅଟକାଇ ରଖାଯାଇଛି? ଏଣୁ ଆମେ ପୁଣି କୋର୍ଟରେ ଆବେଦନ କରିବୁ’।

EPFO New Rule: ଏହି କାମ ସମ୍ପୁର୍ଣ୍ଣ କରିନଥିଲେ ବୁଡିଯିବ ଆପଣଙ୍କ ସବୁ ଟଙ୍କା, ଏବେ ଘରେ ବସି ସାରନ୍ତୁ ସବୁ କାମ

EPFO New Rule: EPFO ତାର କୋଟିକୋଟି ସଦସ୍ୟଙ୍କ ପାଇଁ ଏକ ଗୁରୁତ୍ୱପୂର୍ଣ୍ଣ ସତର୍କତା ଜାରି କରିଛି। PF ଆକାଉଣ୍ଟରେ ଯଦି ଆପଣଙ୍କର ଚାକିରି ଆରମ୍ଭ କିମ୍ବା ଛାଡ଼ିବା ତାରିଖ (Date of Exit) ଭୁଲ୍ ରହିଛି, ତେବେ ଆପଣଙ୍କୁ ସୁଦ ଓ ପେନସନ୍‌ରେ ବଡ଼ କ୍ଷତି ସହିବାକୁ ପଡ଼ିପାରେ। EPFO ଅନୁସାରେ, ଜବ୍‌ ଜଏନ୍‌ ଓ ଏକ୍ସିଟ୍‌ ତାରିଖରେ ସାମାନ୍ୟ ଭୁଲ୍‌ ମଧ୍ୟ PF ବ୍ୟାଲାନ୍ସ ଏବଂ ପେନ୍ସନ୍‌ ଯୋଗ୍ୟତାରେ ଖରାପ ପ୍ରଭାବ ପକାଏ। ଏହାକୁ […]

ବାତ୍ୟା, ବନ୍ୟା ବିପର୍ଯ୍ୟୟକୁ ବଳିଗଲା କାଳବୈଶାଖୀ ଦୁଃଖ

କନକ ବ୍ୟୁରୋ: ରାଜ୍ୟର ବିଭିନ୍ନ ସ୍ଥାନରେ ତାଣ୍ଡବ ରଚିଛି କାଳବୈଶାଖୀ । ବର୍ଷା, ପବନରେ ଘର ଦ୍ବାର, ବଡ ବଡ଼ ଗଛ ଭାଙ୍ଗି ପଡିଛି । କୁଆ ପଥର ମାଡରେ ସୁନାର ଫସଲ ଉଜୁଡି ଯାଇଛି। ଉଜୁଡା କ୍ଷେତ ଦେଖି କୋହ ଭାଗ୍ୟକୁ ନିନ୍ଦୁଛି ଚାଷୀ । କ୍ଷତି ପୂରଣ ଦାବିରେ ରାସ୍ତାକୁ ଓହ୍ଲାଇଛି । ବାତ୍ୟା, ବନ୍ୟା ବିପର୍ଯ୍ୟୟକୁ ବଳି ଯାଇଛି କାଳବୈଶାଖୀର ତାଣ୍ଡବ। ମାତ୍ର କିଛି ସମୟ ଭିତରେ ରାଜ୍ୟର ବିଭିନ୍ନ ଅଂଚଳର ହଜାର ହଜାର ପରିବାରର ଆର୍ଥିକ ମେରୁଦଣ୍ଡକୁ ଦୋହଲାଇ ଦେଇଛି। କୁଆପଥର ବର୍ଷା ଓ ପ୍ରବଳ ପବନରେ ଭାଂଗି ଯାଇଛି ବହୁ ଘର। କେଉଁଠି ଛପର ଉଡାଇ ନେଇଛି ତ ଆଉ କେଉଁଠି କୂଆପଥର ମାଡ଼ରେ ଭାଂଗି ଯାଇଛି । ଅଧିକ ପଢନ୍ତୁ: ଖରା ଦିନ ପରେ କାଳବୈଶାଖୀ ବର୍ଷା : ୭ ଜିଲ୍ଲାକୁ ଅରେଞ୍ଜ ଆଲର୍ଟ କେନ୍ଦୁଝର ପାଟଣା ଅଂଚଳର ଏହି ଦୃଶ୍ୟକୁ ଦେଖନ୍ତୁ । ଘର ଆଗରେ ଥିବା ଗାଡ଼ି ବି କାଳବୈଶାଖୀ କୋପରୁ ବାଦ ପଡିନି । କ୍ଷତିପୂରଣ ଦାବିରେ ରାସ୍ତା ଅବରୋଧ କରିବା ସହ ତହସିଲ ଅଫିସ ଘେରାଉ କରିଛନ୍ତି ଲୋକେ। ଭଦ୍ରକ ତିହିଡ଼ି ନରେନ୍ଦ୍ରପୁର ଗାଁରେ ବ୍ୟାପକ୍ କ୍ଷତି କରିଛି। ଲୋକଙ୍କ ଘରର ଆଜବେଷ୍ଟ ଭାଙ୍ଗିଯାଇଥିବା ବେଲେ ଫସଲ ନଷ୍ଟ ହୋଇଛି । ଭଂଗା ଘର ଦେଖି ଆଖିରୁ ଲୁହ ଗଡାଉଛନ୍ତି କ୍ଷତିଗ୍ରସ୍ତ। ସ୍କୁଲ ଘର ବି ଭାଂଗି ରୁଜି ଯାଇଛି । ବଲାଙ୍ଗୀର ପାଟଣାଗଡ଼ ଅଂଚଳରୁ ଆସିଛି ସମାନ ଦୃଶ୍ୟ । କୂଆପଥର ବର୍ଷାରେ କ୍ଷତିଗ୍ରସ୍ତ ହୋଇଛି ଘରଦ୍ବାର । ଘର ଦ୍ବାର ଭାଂଗିବା ସହ ଉଜାଡ଼ି ଦେଇଛି ସୁନାର ଫସଲ । ବଲାଙ୍ଗୀର ପାଟଣାଗଡ଼ରେ କୁଆପଥର ମାଡ଼ରେ ଉଜୁଡି ଯାଇଛି ପରିବା ଚାଷ। ମାଟିରେ ଲୋଟିଛି ଟମାଟୋ, ଭେଣ୍ଡି, କଲରା। କ୍ଷତିପୂରଣ ଦାବିରେ ଗତକାଲି ରାସ୍ତା ରୋକ୍ କରିଥିଲେ ଆଜି ସରକାରଙ୍କ ନିକଟରେ ଦାବି ରଖିଛନ୍ତି । ବରଗଡ଼ରେ ପ୍ରକୃତିର ତାଣ୍ଡବରେ ଧାନ ଫସଲଠୁ ଆରମ୍ଭ କରି ସବୁ ପନିପରିବା ନଷ୍ଟ ହୋଇ ବିଲରେ ପଡ଼ିରହିଛି। ବରଗଡ଼ ସହର ସମେତ ଯମୁଡା, ଅତାବିରା, ସୋହେଲା, ବରପାଲି, ଅମ୍ବାଭୋନା ଅଂଚଳ ରେ ବ୍ୟାପକ ଧାନ ଫସଲ ସହିତ ପନିପରିବା ନଷ୍ଟ ହୋଇଛି। ଯାହାକୁ ନେଇ ଏବେ ଚିନ୍ତାରେ ଚାଷୀ। କ୍ଷତିପୂରଣ ଦାବିରେ ଧାନ ଗଛ ଧରି ଜିଲ୍ଲାପାଳ ଅଫିସ ଘେରାଉ କରିଛନ୍ତି । ବାଲେଶ୍ବର ସୋରର ଦୃଶ୍ୟକୁ ଦେଖନ୍ତୁ। ବର୍ଷା ମାଡ଼ରେ ଶୋଇ ଯାଇଛି ସୂର୍ଯ୍ୟମୁଖୀ ଫସଲ । କେବେ କ୍ଷତିଗ୍ରସ୍ତଙ୍କ ଦୁଃଖ ଶୁଣିବେ ସରକାର ତା ଉପରେ ନଜର ।

ଏବେ ଇଣ୍ଟରନ୍ୟାଶନାଲ୍ ଡେବ୍ୟୁ ପାଇଁ ଯୋଗ୍ୟ ବୈଭବ ସୂର୍ଯ୍ୟବଂଶୀ, ନେବେ ଏହି ଖେଳାଳିଙ୍କ ସ୍ଥାନ, କରିବେ ଛକା ବର୍ଷା

Vaibhav Suryavanshi: ବୈଭବ ସୂର୍ଯ୍ୟବଂଶୀ ଏବେ ଅନ୍ତର୍ଜାତୀୟ କ୍ରିକେଟରେ ଡେବ୍ୟୁ କରିବା ପାଇଁ ଯୋଗ୍ୟ ହୋଇଛନ୍ତି। ବୈଭବ ୧୫ ବର୍ଷ ବୟସରେ ପହଞ୍ଚିଛନ୍ତି ଏବଂ ଅନ୍ତର୍ଜାତୀୟ କ୍ରିକେଟ ପରିଷଦ (ICC) ନିୟମ ଅନୁଯାୟୀ ଅନ୍ତର୍ଜାତୀୟ ଡେବ୍ୟୁ ପାଇଁ ସର୍ବନିମ୍ନ ବୟସ ସୀମା ବି ୧୫ ବର୍ଷ। ୧୯ ବର୍ଷରୁ କମ୍ ବିଶ୍ୱକପ୍, ରାଇଜିଂ ଷ୍ଟାର୍ସ ଏସିଆ କପ୍ ଏବଂ ଅନ୍ୟାନ୍ୟ ଟୁର୍ଣ୍ଣାମେଣ୍ଟରେ ତାଙ୍କର ଚମତ୍କାର ପ୍ରଦର୍ଶନ ପରେ ବୈଭବଙ୍କୁ ଟିମ୍ ଇଣ୍ଡିଆରେ ସାମିଲ କରିବା ପାଇଁ ଦାବି […]

ଚିଲିକାରେ ହଜିଗଲା ଭସାପୋଲ, କାଳବୈଶାଖୀ ଯୋଗୁଁ ଦିଗ ଭୁଲିଗଲା ଭସାପୋଲ

କନକ ବ୍ୟୁରୋ: କୃଷ୍ଣପ୍ରସାଦ ବ୍ରେକିଙ୍ଗ ଚିଲିକାରେ କାଳବୈଶାଖୀରେ ହଜିଗଲା ଭସାପୋଲ । ପ୍ରବଳ ବର୍ଷା ପରେ ମଝି ଚିଲିକାରେ ଦିଗ ଭୁଲିଗଲା ଭସାପୋଲ । ଭସାପୋଲରେ ଅଛନ୍ତି ୫ କାର, ୧୦ ବାଇକ ସହ ୫୦ରୁ ଉର୍ଦ୍ଧ୍ବ ଯାତ୍ରୀ । ସାତପଡ଼ା ଘାଟରୁ ଜହ୍ନିକୁଦା ଘାଟ ଯାଏଁ ଆସୁଥିଲା ଭସୋପୋଲ । ସବୁ କିଛି ଠିକଠାକ ଥିଲା । କିନ୍ତୁ ମଝି ଚିଲିକାରେ ବିଗିଡ଼ିଥିଲା ପାଣିପାଗର ମିଜାଜ। ହଠାତ ବାଟବଣା ହୋଇଯାଇଥିଲା ଭସାପୋଲ । ବହୁତ ସମୟ ପରେ ଭସାପୋଲରୁ ନିଜ ଅବସ୍ଥିତି ସଂପର୍କରେ ଜଣାଇଥିଲେ ଯାତ୍ରୀ । ଅଧିକ ପଢନ୍ତୁ: ବ୍ରାହ୍ମଣୀ ନଦୀରେ ଓଲଟିଲା ଯାତ୍ରୀବାହୀ ଡ଼ଙ୍ଗା : ୨୦ ଯାତ୍ରୀଙ୍କୁ ନେଇ ଯାଉଥିବା ବେଳେ ଅଘଟଣ; ଜଣେ ମୃତ, ଜଣେ ନିଖୋଜ ମଏଁଷା ବ୍ରହ୍ମପୁର ଗାଁ ନିକଟରେ ଫସି ରହିଥିବା କଥା ବାହାର ଦୁନିଆକୁ ଜଣାଇଥିଲେ । ଏପଟେ ଅନ୍ଧାର ମାଡ଼ି ଆସୁଥିବାରୁ ଭୟଭୀତ ଅଛନ୍ତି ଯାତ୍ରୀ। କେବଳ ଫୋନ ପାଲଟିଛି ସଂଯୋଗର ମାଧ୍ୟମ । ପ୍ରଶାସନକୁ ଉଦ୍ଧାର ପାଇଁ ଗୁହାରି କରୁଛନ୍ତି ଫସିଥିବା ଯାତ୍ରୀ। ଏଯାଏଁ ଉଦ୍ଧାର ପାଇଁ କେହିବି ଘଟଣାସ୍ଥଳକୁ ଯାଇନାହାନ୍ତି। ଅଭିଯୋଗ ପରେ କୃଷ୍ଣପ୍ରସାଦ ପୋଲିସ ଡଙ୍ଗାରେ ମଝି ଚିଲିକାକୁ ଯିବାକୁ ଚେଷ୍ଟା କରୁଥିବା ଜଣାପଡ଼ିଛି ।

ଇରାନର ବ୍ଲାକମେଲିଂକୁ ଓମାନର ‘ନା’, ହର୍ମୁଜ ପ୍ରଣାଳୀରେ ଶୁଳ୍କ ଆଦାୟ ପ୍ରସ୍ତାବକୁ ରୋକଠୋକ୍ ମନା କଲା ମସ୍କାଟ

କନକ ବ୍ୟୁରୋ: ହର୍ମୁଜ ପ୍ରଣାଳୀ ଦେଇ ଯାତାୟାତ କରୁଥିବା ଜାହାଜଗୁଡ଼ିକ ଉପରେ ‘ଟ୍ରାଞ୍ଜିଟ୍ ଫି’ ବା ପରିବହନ ଶୁଳ୍କ ଲଗାଇବା ପାଇଁ ଇରାନ ରଖିଥିବା ଅହଂକାରୀ ପ୍ରସ୍ତାବକୁ ଓମାନ ବୁଧବାର ସିଧାସଳଖ ପ୍ରତ୍ୟାଖ୍ୟାନ କରିଛି । ଇରାନର ୧୦-ସୂତ୍ରୀ ଯୁଦ୍ଧବିରତି ପ୍ରସ୍ତାବରେ ଏହି ଶୁଳ୍କ ଆଦାୟର ଦାବି ରହିଥିବା ବେଳେ, ଓମାନ ସ୍ପଷ୍ଟ କରିଛି ଯେ ଏହି ଅନ୍ତର୍ଜାତୀୟ ଜଳପଥରେ କୌଣସି ପ୍ରକାରର ଶୁଳ୍କ ଲାଗୁ କରାଯାଇପାରିବ ନାହିଁ । ଓମାନର ପରିବହନ ମନ୍ତ୍ରୀ ଏକ କଠୋର ବିବୃତି ଜାରି କରି କହିଛନ୍ତି ଯେ, ସୁଲତାନେଟ୍ ଅଫ୍ ଓମାନ ପୂର୍ବରୁ ହୋଇଥିବା ଅନ୍ତର୍ଜାତୀୟ ଚୁକ୍ତିନାମା ଅନୁଯାୟୀ ଅବାଧ ନୌଚଳାଚଳ ପାଇଁ ପ୍ରତିବଦ୍ଧ ଏବଂ ଏହି ସାମରିକ ଗୁରୁତ୍ୱପୂର୍ଣ୍ଣ ଜଳପଥକୁ କୌଣସି ଦେଶ ନିଜର ଆର୍ଥିକ ଫାଇଦା ପାଇଁ ବ୍ୟବହାର କରିପାରିବେ ନାହିଁ । ଅଧିକ ପଢନ୍ତୁ: ସପ୍ତମ ଭାରତୀୟ ଏଲ୍‌ପିଜି ଟ୍ୟାଙ୍କର୍ ହର୍ମୁଜ୍ ପ୍ରଣାଳୀ ଅତିକ୍ରମ କଲା : ୧୭ ଜାହାଜ ଏବେ ବି ଲାଇନରେ ଇରାନ ନିଜର ଦୁର୍ବଳ ଅର୍ଥନୀତିକୁ ସଜାଡ଼ିବା ପାଇଁ ହର୍ମୁଜ ପ୍ରଣାଳୀକୁ ଏକ ''ଟୋଲ୍ ଗେଟ୍''ରେ ପରିଣତ କରିବାକୁ ଚକ୍ରାନ୍ତ କରୁଛି । ତେହେରାନ ପକ୍ଷରୁ ଏକ ପ୍ରସ୍ତାବିତ ପ୍ରୋଟୋକଲ୍ ପ୍ରସ୍ତୁତ କରାଯାଇଛି, ଯେଉଁଥିରେ ଜାହାଜଗୁଡ଼ିକୁ ପାସ୍ ଏବଂ ଲାଇସେନ୍ସ ନେବା ପାଇଁ ବାଧ୍ୟ କରାଯାଉଛି । ଏପରିକି ଗୋଟିଏ ଜାହାଜ ପାଖରୁ ୨୦ ଲକ୍ଷ ଡଲାର ଆଦାୟ କରାଯାଇଥିବା ଭଳି ସାଂଘାତିକ ଖବର ସାମ୍ନାକୁ ଆସିଛି। ମାତ୍ର ଓମାନର ଏହି ନିର୍ଭୀକ ପଦକ୍ଷେପ ଇରାନର ସମସ୍ତ ଯୋଜନାକୁ ପଣ୍ଡ କରିଦେଇଛି । ବିଶ୍ୱର ଏକ-ପଞ୍ଚମାଂଶ ତୈଳ ବାଣିଜ୍ୟ ଏହି ୩୪ କିଲୋମିଟର ପ୍ରଶସ୍ତ ଜଳପଥ ଦେଇ ହେଉଥିବା ବେଳେ, ଓମାନର ଏହି ନିଷ୍ପତ୍ତି ବିଶ୍ୱ ବାଣିଜ୍ୟ ବଜାରକୁ ଏକ ବଡ଼ ସୁରକ୍ଷା କବଚ ପ୍ରଦାନ କରିଛି । ଯୁଦ୍ଧବିରତି ଆଳରେ ଇରାନର ଏହି ଅର୍ଥନୈତିକ ବ୍ଲାକମେଲିଂ ଆଗରେ ଓମାନ ମୁଣ୍ଡ ନଇଁବାକୁ ମନା କରିଦେବା ପରେ ତେହେରାନ ଏବେ କୂଟନୈତିକ ସ୍ତରରେ ଏକାକୀ ହୋଇପଡ଼ିଛି ।

ଇସ୍ତଫା ପୂର୍ବରୁ ମୋଦି ଓ ଶାହାଙ୍କୁ ଭେଟିବେ ନୀତିଶ, ଦିଲ୍ଲୀରେ କ’ଣ ହେବ ଆଲୋଚନା ?

ପାଟନା/ନୂଆଦିଲ୍ଲୀ: ବିହାର ରାଜନୀତିରେ ପୁଣି ଏକ ବଡ଼ ଧରଣର ପରିବର୍ତ୍ତନ ହେବାକୁ ଯାଉଛି। ଦୀର୍ଘ ଦୁଇ ଦଶନ୍ଧି ଧରି ବିହାରର ମୁଖ୍ୟମନ୍ତ୍ରୀ ଭାବେ ଦାୟିତ୍ୱ ତୁଲାଇ ଆସୁଥିବା ନୀତିଶ କୁମାର ଏବେ ମୁଖ୍ୟମନ୍ତ୍ରୀ ପଦରୁ ଇସ୍ତଫା ଦେଇ କେନ୍ଦ୍ରୀୟ ରାଜନୀତିକୁ ଯିବା ନେଇ ଚର୍ଚ୍ଚା ଜୋର ଧରିଛି। ଏହି ପରିପ୍ରେକ୍ଷୀରେ ନୀତିଶ କୁମାର ଦିଲ୍ଲୀ ଗସ୍ତ କରି ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଏବଂ କେନ୍ଦ୍ର ଗୃହମନ୍ତ୍ରୀ ଅମିତ ଶାହଙ୍କୁ ଭେଟିବାର କାର୍ଯ୍ୟକ୍ରମ ରହିଛି। ରାଜ୍ୟସଭାକୁ ଯିବେ ନୀତିଶ! […]

Twins With Different Fathers: ଯାଆଁଳା ପିଲା, କିନ୍ତୁ ବାପା ଅଲଗା ଅଲଗା, DNA ଟେଷ୍ଟରୁ ସାମ୍ନାକୁ ଆସିଲା ବ୍ରାଜିଲ ମହିଳାଙ୍କ ଆଶ୍ଚର୍ଯ୍ୟକର ସତ

ବ୍ରାସିଲିଆ (ବ୍ରାଜିଲ): ହିନ୍ଦୀ ସିନେମା 'ଗୋପୀ କିଷନ'ରେ ଏକ ପ୍ରସିଦ୍ଧ ଡାଇଲଗ୍ ଥିଲା- ମେରେ ଦୋ ଦୋ ବାପ୍ ହୈ। ସିନେମାରେ ଏହା କେବଳ ଏକ ମଜାଳିଆ କଥା ଥିଲେ ମଧ୍ୟ, ବାସ୍ତବ ଜୀବନରେ ଠିକ୍ ଏମିତି ଏକ ଆଶ୍ଚର୍ଯ୍ୟଜନକ ଘଟଣା ସାମ୍ନାକୁ ଆସିଛି। ଜଣେ ମହିଳା ଗୋଟିଏ ଦିନରେ ଦୁଇ ଜଣ ଅଲଗା ଅଲଗା ପୁରୁଷଙ୍କ ସହ ଶାରୀରିକ ସମ୍ପର୍କ ରଖି ଗର୍ଭବତୀ ହୋଇଥିଲେ ଏବଂ ଯାଆଁଳା ସନ୍ତାନ ଜନ୍ମ ଦେଇଥିଲେ। ଆଶ୍ଚର୍ଯ୍ୟର କଥା ହେଉଛି, ଏହି ଦୁଇ ପିଲାଙ୍କ ବାପା ଭିନ୍ନ ଭିନ୍ନ ବ୍ୟକ୍ତି ଅଟନ୍ତି।Also Read:Odisha Politics: ବିଜେଡି ସଂସଦୀୟ ଦଳ ନେତା ପଦରୁ ଇସ୍ତଫା ଦେଲେ ସସ୍ମିତ ପାତ୍ର, ସରଗରମ ରାଜନୀତିକିପରି ସାମ୍ନାକୁ ଆସିଲା ସତ?ଏହି ବିରଳ ଘଟଣାଟି ବ୍ରାଜିଲର ଗୋୟାସ୍ (Gois) ପ୍ରଦେଶର ମିନେରୋସ୍ ସହରରେ ଘଟିଛି। ଜଣେ ୧୯ ବର୍ଷୀୟା ମହିଳା ଯାଆଁଳା ସନ୍ତାନଙ୍କୁ ଜନ୍ମ ଦେଇଥିଲେ। ପିଲାମାନଙ୍କୁ ୮ ମାସ ବୟସ ହେବା ପରେ ପିତୃତ୍ୱ ଜାଣିବା ପାଇଁ ଡିଏନଏ (DNA) ଟେଷ୍ଟ କରାଯାଇଥିଲା। କିନ୍ତୁ ରିପୋର୍ଟ ଆସିବା ପରେ ସମସ୍ତେ ଆଶ୍ଚର୍ଯ୍ୟ ହୋଇଯାଇଥିଲେ। କାରଣ ଜଣେ ପିଲାର ଡିଏନଏ ବାପାଙ୍କ ସହ ମେଳ ଖାଇଥିବା ବେଳେ, ଅନ୍ୟ ପିଲାର ଡିଏନଏ ଟେଷ୍ଟ ନେଗେଟିଭ୍ ଆସିଥିଲା।Also Read:ସୋସିଆଲ ମିଡିଆରେ ଖରାପ ଶବ୍ଦ କହିଲେ ସାବଧାନ ! ଆସିବ ଆଇନ୍, ନିଆଯିବ କାର୍ଯ୍ୟାନୁଷ୍ଠାନ, ଚେତାଇଦେଲେ ଆଇନ୍ ମନ୍ତ୍ରୀଗୋଟିଏ ଦିନରେ ଦୁଇ ଜଣଙ୍କ ସହ ସମ୍ପର୍କରିପୋର୍ଟ ନେଗେଟିଭ୍ ଆସିବା ପରେ ମହିଳା ଜଣକ ସ୍ୱୀକାର କରିଥିଲେ ଯେ, ସେ ଗୋଟିଏ ଦିନରେ ଅନ୍ୟ ଜଣେ ପୁରୁଷଙ୍କ ସହ ମଧ୍ୟ ଶାରୀରିକ ସମ୍ପର୍କ ରଖିଥିଲେ। ତେଣୁ ସେହି ଦ୍ୱିତୀୟ ବ୍ୟକ୍ତିଙ୍କର ଡିଏନଏ ଟେଷ୍ଟ କରାଯିବାରୁ ତାହା ଦ୍ୱିତୀୟ ପିଲା ସହ ସମ୍ପୂର୍ଣ୍ଣ ମେଳ ଖାଇଥିଲା। ଅର୍ଥାତ୍, ଏହି ଯାଆଁଳା ସନ୍ତାନଙ୍କର ଦୁଇ ଜଣ ଭିନ୍ନ ଭିନ୍ନ ଜୈବିକ ପିତା ଅଛନ୍ତି। ଯଦିଓ ଦୁଇ ପିଲାଙ୍କର ପ୍ରକୃତ ବାପା ଅଲଗା, ତଥାପି ସେମାନଙ୍କ ଜନ୍ମ ପ୍ରମାଣପତ୍ରରେ ମହିଳାଙ୍କ ବର୍ତ୍ତମାନର ପାର୍ଟନରଙ୍କ ନାମ ହିଁ ଉଲ୍ଲେଖ କରାଯାଇଛି ଏବଂ ସେ ଖୁସିରେ ଉଭୟ ପିଲାଙ୍କ ଲାଳନପାଳନର ଦାୟିତ୍ୱ ନେଉଛନ୍ତି।Also Read:ପୁଷ୍ପା ପରେ RAAKAରେ ଜଲଓ୍ଵା ଦେଖାଇବେ ଅଲ୍ଲୁ ଅର୍ଜୁନ, ସଭିଙ୍କୁ ଆଶ୍ଚର୍ଯ୍ୟ କଲା ଫିଲ୍ମର ପୋଷ୍ଟରଚିକିତ୍ସା ବିଜ୍ଞାନରେ ଏହାକୁ କ'ଣ କୁହାଯାଏ?ଏହି ଅସାଧାରଣ ଘଟଣାକୁ ଦେଖି ଡାକ୍ତରମାନେ ମଧ୍ୟ ଆଶ୍ଚର୍ଯ୍ୟ ପ୍ରକଟ କରିଛନ୍ତି। ଏଭଳି ଅସ୍ୱାଭାବିକ ଗର୍ଭଧାରଣ ଉପରେ ଗବେଷଣା କରୁଥିବା ଡାକ୍ତର ଟୁଲିଓ ଜର୍ଜ ଫ୍ରାଙ୍କୋଙ୍କ (Dr. Tulio Jorge Franco) ମତରେ:ବିଶ୍ୱରେ ଏପର୍ଯ୍ୟନ୍ତ ଏଭଳି କେବଳ ୨୦ଟି ଘଟଣା ରେକର୍ଡ କରାଯାଇଛି, ଯେଉଁଠାରେ ଯାଆଁଳା ସନ୍ତାନଙ୍କର ଭିନ୍ନ ଭିନ୍ନ ପିତା ଥାଆନ୍ତି।ଚିକିତ୍ସା ବିଜ୍ଞାନ ଭାଷାରେ ଏହି ଅତି ବିରଳ ପ୍ରକ୍ରିୟାକୁ 'ହେଟେରୋପେରେଣ୍ଟାଲ୍ ସୁପରଫେକଣ୍ଡେସନ୍' (Heteroparental superfecundation) କୁହାଯାଏ।ମା'ର ଶରୀରରୁ ନିର୍ଗତ ଦୁଇଟି ଅଲଗା ଅଲଗା ଡିମ୍ବାଣୁ (Eggs), ଦୁଇ ଭିନ୍ନ ପୁରୁଷଙ୍କ ଶୁକ୍ରାଣୁ ଦ୍ୱାରା ଏକା ସମୟରେ ନିଷିକ୍ତ (Fertilized) ହେଲେ ଏଭଳି ବିରଳ ଗର୍ଭଧାରଣ ଘଟିଥାଏ।ମହିଳାଙ୍କ ଗର୍ଭଧାରଣ ସମୟ ସମ୍ପୂର୍ଣ୍ଣ ସ୍ୱାଭାବିକ ଥିଲା ଏବଂ ଦୁଇ ପିଲା ସୁସ୍ଥ ଭାବେ ଜନ୍ମଗ୍ରହଣ କରିଥିଲେ ବୋଲି ଡାକ୍ତର ସୂଚନା ଦେଇଛନ୍ତି। ବର୍ତ୍ତମାନ ପିଲାମାନଙ୍କୁ ୧ ବର୍ଷ ୪ ମାସ ବୟସ ହେଲାଣି। ନିଜର ପରିଚୟ ଗୋପନ ରଖିବା ସର୍ତ୍ତରେ ମହିଳା ଜଣକ ଡାକ୍ତରଙ୍କୁ ଏହି ତଥ୍ୟ ସାର୍ବଜନୀନ କରିବାକୁ ଅନୁମତି ଦେବା ପରେ ଏହି ରୋଚକ ତଥ୍ୟ ସାମ୍ନାକୁ ଆସିଛି।

CSKକୁ ଲାଗିଲା ବଡ଼ ଝଟକା, ଧୋନିଙ୍କୁ ନେଇ ଆସିଲା ବଡ଼ ଅପଡେଟ୍, ଏଥର ବି ମ୍ୟାଚ୍ ଖେଳିବେନି

IPL 2026: IPL ୨୦୨୬ ଆରମ୍ଭ ହେବା ମାତ୍ରେ, ଚେନ୍ନାଇ ସୁପର କିଙ୍ଗ୍ସ (CSK) ପାଇଁ ସମସ୍ୟା ବଢ଼ିଯାଇଛି। ଦଳ ଲଗାତାର ତିନୋଟି ମ୍ୟାଚ୍ ରେ ପରାଜୟ ବରଣ କରିବା ସହ ଏପର୍ଯ୍ୟନ୍ତ ଗୋଟିଏ ବି ବିଜୟ ହାସଲ କରିପାରିନାହିଁ। ଅନ୍ୟପକ୍ଷରେ, ଦଳର ଆଇକନ୍ ଏବଂ ପୂର୍ବତନ ଅଧିନାୟକ ଏମଏସ ଧୋନି ଆଘାତ ହେବା କାରଣରୁ ଦଳରୁ ବାହାରେ ଅଛନ୍ତି । ଟୁର୍ଣ୍ଣାମେଣ୍ଟ ଆରମ୍ଭ ହେବା ମାତ୍ରେ ଫ୍ରାଞ୍ଚାଇଜ୍ ଘୋଷଣା କରିଥିଲା ​​ଯେ ଧୋନି ଏବେ ଶାରୀରିକ […]

PSL ସିଡ୍ୟୁଲ୍ ଉପରେ ବର୍ଷିଲେ ଆଷ୍ଟନ ଟର୍ନର: କହିଲେ “କମ୍ବଳ ତକିଆ ଆଣ, ଏଇଠି ଶୋଇପଡ଼ିବି”

ନୂଆଦିଲ୍ଲୀ: ଭାରତରେ ଆଇପିଏଲ୍ (IPL) ଚାଲିଥିବା ବେଳେ ପାକିସ୍ତାନରେ ପିଏସଏଲ୍ (PSL) ଖେଳାଯାଉଛି। ପାକିସ୍ତାନୀ ଟି-୨୦ ଲିଗ୍‌ରେ ୮ଟି ଦଳ ଅଂଶଗ୍ରହଣ କରୁଛନ୍ତି, ତଥାପି ମୁଲ୍ତାନ ସୁଲ୍ତାନ ଦଳକୁ ଲଗାତାର ଦୁଇ ଦିନ ମ୍ୟାଚ୍ ଖେଳିବାକୁ ପଡ଼ିଛି। ଅପ୍ରେଲ ୫ ତାରିଖରେ ସିଜିନର ୧୩ତମ ମ୍ୟାଚ୍‌ରେ ମୁଲ୍ତାନର ସାମ୍ନା କ୍ୱେଟା ଗ୍ଲାଡିଏଟର୍ସ ସହ ହୋଇଥିଲା। ଏହାର ଠିକ୍ ପରଦିନ ଦଳ ରାୱଲପିଣ୍ଡି ଦଳ ସହ ମୁକାବିଲା କରିଥିଲା। ଲାହୋରର ଗଦାଫି ଷ୍ଟାଡିୟମରେ ଅନୁଷ୍ଠିତ ଏହି ଦୁଇଟି ଯାକ […]

Odisha Politics: ବିଜେଡି ସଂସଦୀୟ ଦଳ ନେତା ପଦରୁ ଇସ୍ତଫା ଦେଲେ ସସ୍ମିତ ପାତ୍ର, କାରଣ କ'ଣ ?

ଭୁବନେଶ୍ଵର: ଏକ ବଡ଼ ନିଷ୍ପତ୍ତି କ୍ରମେ ବିଜେଡିର ରାଜ୍ୟସଭା ସାଂସଦ ସସ୍ମିତ ପାତ୍ର ବିଜେଡି ସଂସଦୀୟ ଦଳ ନେତା ପଦରୁ ଇସ୍ତଫା ଦେଇଛନ୍ତି। ବିଜେଡି ସଭାପତି ନବୀନ ପଟ୍ଟନାୟକଙ୍କ ପାଖକୁ ସସ୍ମିତ ନିଜର ଇସ୍ତଫା ପତ୍ର ପଠାଇଛନ୍ତି। ନିକଟରେ ବିଜୁ ବାବୁଙ୍କ ପ୍ରତି ବିଜେପି ସାଂସଦ ନିଶିକାନ୍ତ ଦୁବେଙ୍କ ବିବାଦୀୟ ମନ୍ତବ୍ୟକୁ ନେଇ ସେ ସଂସଦର ଏକ କମିଟିର ସଦସ୍ୟ ପଦରୁ ଇସ୍ତଫା ଦେଇଥିଲେ। କିନ୍ତୁ ଏବେ ଦଳର ଆଭିମୁଖ୍ୟ ପ୍ରତି ଅସନ୍ତୁଷ୍ଟ ବ୍ୟକ୍ତ କରି ସେ ନିଜ ପଦରୁ ଇସ୍ତଫା ଦେଇଥିବା କୁହାଯାଉଛି।ନିକଟରେ ରାଜ୍ୟସଭାରେ ସାଂସଦ ଭାବେ ଶପଥ ଗ୍ରହଣ କରିଥିଲେ ବିଜେଡିର ସାଂସଦ ସଂତୃପ୍ତ ମିଶ୍ର। ଏବେ ଦଳ ତାଙ୍କୁ ରାଜ୍ୟସଭାରେ ବିଜେଡିର ସଂସଦୀୟ ଦଳ ନେତା କରିବାକୁ ଯୋଜନା ଚାଲିଛି। ଅନ୍ୟପଟେ ବିଜେଡିର ରାଜ୍ୟସଭାରେ ସଂସଦୀୟ ଦଳ ନେତା ସସ୍ମିତ ପାତ୍ରଙ୍କୁ ହଟାଇବା ପାଇଁ ଅଭିଯାନ ଆରମ୍ଭ ହୋଇଥିବା ରାଜନୀତି ମହଲରେ ଭିତିରି ଚର୍ଚ୍ଚା ଚାଲିଥିଲା। ଦଳର ଅନ୍ୟ ସାଂସଦମାନେ ଏ ସମ୍ପର୍କରେ ସଭାପତିଙ୍କୁ ଲିଖିତ ଭାବେ ଜଣାଇଥିବା ଖବର ମଧ୍ୟ ସାମ୍ନାକୁ ଆସିଥିଲା।Also Read:ମଞ୍ଜୁଲତା ମଣ୍ଡଳ ଓ ମୁକ୍ତିକାନ୍ତ ମଣ୍ଡଳ ବିଜେଡିରୁ ନିଲମ୍ବିତ, ଦଳବିରୋଧୀ କାର୍ଯ୍ୟ ପାଇଁ ଦଳରୁ ସସ୍‌ପେଣ୍ଡକିନ୍ତୁ ଏହି ପ୍ରସଙ୍ଗରେ କେହି ଗଣମାଧ୍ୟମରେ ମୁହଁ ଖୋଲି ନାହାନ୍ତି। ଉଲ୍ଲେଖନୀୟ ରାଜ୍ୟସଭାରେ ଏବେ ବିଜେଡିର ୬ ସାଂସଦ ରହିଛନ୍ତି। ସସ୍ମିତ ପାତ୍ର, ଦେବାଶିଷ ସାମନ୍ତରାୟ, ମାନସ ମଙ୍ଗରାଜ, ସୁଲତା ଦେଓ, ଶୁଭାଶିଷ ଖୁଣ୍ଟିଆ ଓ ସଂତୃପ୍ତ ମିଶ୍ର। ୨୦୨୨ ମସିହାରୁ ସସ୍ମିତ ବିଜେଡିର ସଂସଦୀୟ ଦଳ ନେତା ରହିଛନ୍ତି। ଏପ୍ରିଲ ୬ରେ ସଂତୃପ୍ତ ରାଜ୍ୟସଭାରେ ଶପଥ ଗ୍ରହଣ କରିବା ଦିନ ହିଁ ସାଂସଦମାନେ ସସ୍ମିତଙ୍କୁ ହଟାଇବାକୁ ସଭାପତିଙ୍କୁ ପତ୍ର ଲେଖିବା ଘଟଣା ବେଶ୍ ଚର୍ଚ୍ଚାର ବିଷୟ ପାଲଟିଥିଲା। ହଠାତ୍‌ କେଉଁ ପରିସ୍ଥିତିରେ ସାଂସଦମାନେ ସସ୍ମିତଙ୍କ ବିରୋଧରେ ମେଳି କଲେ ତାହା ବୁଝିବା ବାହାରେ ରହଛି। କିନ୍ତୁ ସସ୍ମିତ କିମ୍ବା ଅନ୍ୟ ସାଂସଦମାନେ ଏ ସମ୍ପର୍କରେ କିଛି ପ୍ରତିକ୍ରିୟା ଦେଇ ନ ଥିଲେ।ନିଜ ପାଇଁ ହେଉଥିବା ଏମିତି ଅପ୍ରୀତିକର ପରିସ୍ଥିତିର ସସ୍ମିତ ପାତ୍ର ବୁଧବାର ନିଜ ଆଡ଼ୁ ଇସ୍ତଫା ଦେଇଛନ୍ତି। ଏଥିରୁ ସ୍ପଷ୍ଟ ଜଣା ପଡ଼ୁଛି ଯେ, ସସ୍ମିତ ପାତ୍ର ଏବେ ଦଳରେ କୋଣଠେସା ହେବାକୁ ଯାଉଛି। ତାଙ୍କ ସ୍ଥାନରେ କର୍ପୋରେଟ୍ ଜଗତରୁ ଆସିଥିବା ସଂତୃପ୍ତ ମିଶ୍ରଙ୍କୁ ବିଜେଡି ସଂସଦୀୟ ଦଳ ନେତା କରାଯିବା ନେଇ ବିଜେଡିରେ ପଥ ପ୍ରସ୍ତୁତ ଚାଲିଛି।

ରୋଗୀଙ୍କ ଜୀବନ ସହ ଖେଳ ! ବିନା ବିମା, ଫିଟନେସ୍‌ରେ ଚାଲିଛି ଆମ୍ବୁଲାନ୍ସ !

କନକ ବ୍ୟୁରୋ : ବିନା ବିମା, ଫିଟନେସରେ ଚାଲିଥିଲା ଆମ୍ବୁଲାନ୍ସ । ଅପ୍‌ଡେଟ୍‌ କରିବା ପାଇଁ କହିବାରୁ ଚାରି ମାସର ଦରମା ଗଲା । ଏପରିକି ଚାକିରିରୁ ହାତ ଧୋଇବାକୁ ପଡ଼ିଲା ତିନି ଆମ୍ବୁଲାନ୍ସ ଡ୍ରାଇଭରଙ୍କୁ । ଝାରସୁଗୁଡ଼ାର ଏକ ଘରୋଇ ହସ୍ପିଟାଲ୍‌ ନାଁରେ ଏମିତି କିଛି ସାଂଘାତିକ ଅଭିଯୋଗ ଆଣିଛନ୍ତି ତିନି ଆମ୍ବୁଲାନ୍ସ ଡ୍ରାଇଭର । ଝାରସୁଗୁଡ଼ାର ଏକ ଘରୋଇ ହସ୍ପିଟାଲ ନାଁରେ ଆସିଛି ଏମିତି ସଙ୍ଗୀନ ଅଭିଯୋଗ । ଏ ହେଉଛି ସେହି ଆମ୍ବୁଲାନ୍ସ ଯାହା ଲୋକଙ୍କ ଜୀବନ ବଞ୍ଚାଏ । କିନ୍ତୁ ଏଠି ଇଏ ନିଜେ ଅସୁରକ୍ଷିତ । ଆମ୍ବୁଲାନ୍ସର ଫିଟନେସ୍‌ ବୈଧତା ନଭେମ୍ବର ୧, ୨୦୨୦ରୁ ସରିଯାଇଛି । ବୀମାର ବୈଧତା ଅକ୍ଟୋବର ୨, ୨୦୧୯ରୁ ଶେଷ ହୋଇଯାଇଛି । ଆମ୍ବୁଲାନ୍ସ ବିନା ପଞ୍ଜୀକରଣରେ ଚାଲୁଛି । ୨୦୨୩ରେ ଗୋଟିଏ ଚାଲାଣ କଟିଛି, ଯାହା ଏଯାଏଁ ପୈଠ କରାଯାଇନି । ଅଧିକ ପଢ଼ନ୍ତୁ : ଅଧିକାରୀଙ୍କ ପଦୋନ୍ନତି ସହ ବଦଳି ହେଉଛି , ହେଲେ ପୂରଣ ହେଉନି ଖାଲି ସ୍ଥାନ ଏମିତି ଅବସ୍ଥାରେ ରୋଗୀଙ୍କୁ ସେବା ଯୋଗାଉଥିଲା ଆମ୍ବୁଲାନ୍ସ । ଏହାକୁ ଅପେଡେଟ୍‌ କରିବା ପାଇଁ କହିବାରୁ ହସ୍ପିଟାଲ୍‌ରେ କାମ କରୁଥିବା ୩ ଡ୍ରାଇଭର୍‌ଙ୍କୁ ଏହାର ଦଣ୍ଡ ଭୋଗିବାକୁ ପଡ଼ିଛି । ତ୍ରିଲୋଚନ ବାରିକ, ରୋମାଞ୍ଚ ପଟେଲ, ଏବଂ ଶେଖ ଶୁଲେମାନ ଏନେଇ ଉଚ୍ଚକର୍ତ୍ତୃପକ୍ଷଙ୍କୁ ଜଣାଇଥିଲେ । ସେମିତି କିଛି ତ’ ହେଲାନି, ଓଲଟା ୩ ଜଣଙ୍କ ଦରମା ଗଲା, ଚାକିରିରୁ ବାହାର କରିଦିଆଯାଇଥିବା ଅଭିଯୋଗ ହୋଇଛି । ସିଡିଏମ୍‌ଓ, ଜିଲ୍ଲାପାଳ ସମସ୍ତଙ୍କୁ ଅଭିଯୋଗ ପରେ ଶେଖ ସୁଲେମାନଙ୍କୁ ଦରମା ତ’ ମିଳିଛି କିନ୍ତୁ ତ୍ରିଲୋଚନ ଏବଂ ରୋମାଞ୍ଚକୁ ଏଯାଏଁ ଦରମା ପାଇନାହାନ୍ତି । ସେପଟେ ଏକ ନୂଆ ଡ୍ରାଇଭର ସହାୟତାରେ ଆମ୍ବୁଲାନ୍ସ ପୁଣି ଚାଲିଛି । ଆମ୍ବୁଲାନ୍ସରେ ସାଇରନ୍ ନାହିଁ । ବୀମା ଓ ଫିଟନେସ୍ ଅପଡେଟ୍ ହୋଇନି । ଆମ୍ବୁଲାନ୍ସ ରାସ୍ତାରେ ଚାଲୁଛି କିପରି ? ନା ରୋଗୀ ଜୀବନ ସହ ଖେଳ ଚାଲିଛି ? ତାହା ଏକ ପ୍ରଶ୍ନବାଚୀ ସୃଷ୍ଟି ହୋଇଛି । ଯେଉଁ ଆମ୍ବୁଲାନ୍ସ ଜୀବନ ବଞ୍ଚାଏ, ସେହି ଆମ୍ବୁଲାନ୍ସ ଯଦି ନିଜେ ଅସୁରକ୍ଷିତ, ତାହେଲେ ଲୋକମାନେ କାହାକୁ ଭରସା କରିବେ ? ଏହା କେବଳ ଶ୍ରମିକ ଶୋଷଣ ନୁହେଁ, ଏହା ସର୍ବ ସାଧାରଣଙ୍କ ଜୀବନ ସହ ଖେଳ ବୋଲି ଅଭିଯୋଗ ହୋଇଛି ।

ଅଧିକାରୀଙ୍କ ପଦୋନ୍ନତି ସହ ବଦଳି ହେଉଛି , ହେଲେ ପୂରଣ ହେଉନି ଖାଲି ସ୍ଥାନ

କନକ ବ୍ୟୁରୋ : ଉଚ୍ଚ ପଦାଧିକାରୀଙ୍କ ପଦୋନ୍ନତି ହେଉଛି, ବଦଳି ବି ହେଉଛି। ହେଲେ ଖାଲି ସ୍ଥାନ ପୂରଣ ହେଉନି । କିଛି ପଦବି କାମଚଳାରେ ଚାଲିଛି ଆଉ କିଛି ପଦବି ମାସ ମାସ ଧରି ଖାଲି ପଡ଼ିଛି । ଚଳିତ ମାସ ଶେଷରେ ସର୍ବୋଚ୍ଚ ଅଧିକାରୀଙ୍କ ଚାକିରି କାଳ ସରିବା ସହ ଅବସର ନେବେ। ଆଉ ତା’ ପରେ, ମୁରବି ଶୂନ୍ୟ ହୋଇଯିବ କି ଏମ୍‌କେସିଜି ? ଦକ୍ଷିଣ ଓଡ଼ିଶାର ଏକ ମାତ୍ର ରେଫରାଲ୍ ହସ୍ପିଟାଲ ବ୍ରହ୍ମପୁର ଏମକେସିଜି ମେଡିକାଲ କଲେଜ। ସ୍ୱାସ୍ଥ୍ୟସେବାରେ ଉନ୍ନତି ଆସିବା ବେଳକୁ ପ୍ରାଶାସନିକ ଅସ୍ଥିରତା ଆଡ଼କୁ ଗତି କରୁଛି ଏହି ଅନୁଷ୍ଠାନ। ଏମକେସିଜି ମେଡିକାଲ କଲେଜରେ ଗତ ପ୍ରାୟ ବର୍ଷକ ମଧ୍ୟରେ ୨ ଉପାଧ୍ୟକ୍ଷ, ରେଜିଷ୍ଟ୍ରାର ଓ ପ୍ରାଶାସନିକ ଅଧିକାରୀଙ୍କ ବଦଳି ପରେ ଖାଲି ପଡ଼ିଛି ଏହି ୪ଟି ପଦ। ଗତ ମାସରେ ଅଧୀକ୍ଷକ ପ୍ରଫେସର ଦୁର୍ଗା ମାଧବ ଶତପଥୀ ଡିଇଏମ୍‌ଟି ଭାବେ ପଦୋନ୍ନତି ପାଇ ବଦଳି ହୋଇଛନ୍ତି। ତାଙ୍କ ଦାୟିତ୍ୱରେ ଅଛନ୍ତି ଡିନ୍‌ ଡାକ୍ତର ସୁଚିତ୍ରା ଦାସ। ଚଳିତ ମାସ ଶେଷରେ ଡାକ୍ତର ଦାସ ଅବସର ନେବେ। ତେବେ ବିନା ମୁରବିରେ ରୋଗୀସେବା ଓ ଶିକ୍ଷାଦାନ ପ୍ରଭାବିତ ହେବା ଆଶଙ୍କା ବଢ଼ିଛି । ସେପଟେ ଦୀର୍ଘଦିନ ହେଲା ଡିପାର୍ଟମେଣ୍ଟଲ ପ୍ରମୋସନ କମିସନ ହୋଇ ନଥିବାରୁ ବହୁ ଅଧ୍ୟାପକ ପଦ ଖାଲି ପଡ଼ିଛି। ଆଉ ଖାଲି ପଡ଼ିଥିବା ଶତକଡା ୪୦ଭାଗ ସ୍ଥାନରେ ଶିକ୍ଷାଦାନରେ ଦକ୍ଷତା ନଥିବା ଅର୍ଥାତ୍ ରୋଗୀ ଚିକିତ୍ସା ବିଶେଷଜ୍ଞଙ୍କୁ ବିଭିନ୍ନ ବିଭାଗୀୟ ମୁଖ୍ୟ ଭାବେ ଠିକା ନିଯୁକ୍ତି ଦିଆଯାଇଛି। ଫଳରେ ଶିକ୍ଷାଦାନ ବାଧାପ୍ରାପ୍ତ ହେଉଥିବା ଅଭିଯୋଗ ଆସିଛି। ଅନ୍ୟପକ୍ଷେ ଚଳିତ ବଜେଟ୍‌ରେ ଏମ୍‌କେସିଜି ପାଇଁ ୨ହଜାର କୋଟି ଟଙ୍କାର ଅନୁଦାନ ଘୋଷଣା ହୋଇଥିବାରୁ ସମସ୍ୟାର ସମାଧାନ ହେବ ବୋଲି କହିଛନ୍ତି ବ୍ରହ୍ମପୁର ବିଧାୟକ ।

RKL Air IndiaOne Plane Crash: କାହିଁକି ହୋଇଥିଲା ବିମାନ ଦୁର୍ଘଟଣା ? ସାମ୍ନାକୁ ଆସିଲା ରିପୋର୍ଟ

ରାଉରକେଲା: ରାଉରକେଲା ବିମାନ ଦୁର୍ଘଟଣାର ଆସିଲା ରିପୋର୍ଟ । ରିପୋର୍ଟରେ ଉଲ୍ଲେଖ ଅଛି ଯେବିମାନରେ ଇନ୍ଧନ କମିଯିବାରୁ ଘଟିଥିଲା ଦୁର୍ଘଟଣା । ଗତ ଜାନୁଆରି ୧୦ ତାରିଖ ପୂର୍ବାହ୍ନରେ ଭୁବନେଶ୍ୱର ବିମାନ ବନ୍ଦରରୁ ରାଉରକେଲା ଅଭିମୁଖେ ଉଡ଼ାଣ ଭରିଥିଲେ ଇଣ୍ଡିଆ ୱାନ ବିମାନ । ବିମାନରେ ପାଇଲଟ କୋ ପାଇଲଟ ସହ ୪ ଜଣ ଯାତ୍ରୀ ଥିଲେ ।ବିମାନଟି ରାଉରକେଲା ବିମାନ ବନ୍ଦରରେ ଅବତରଣ କରିବା ପୂର୍ବରୁ କଂସର ଗାଁରେ ଖସି ପଡ଼ି ଘଟିଥିଲା ଦୁର୍ଘଟଣା। ୬ ଗୁରୁତରଙ୍କୁ ତୁରନ୍ତ ଡାକ୍ତରଖାନାରେ ଭର୍ତ୍ତି କରାଯାଇଥିଲା । ଯାତ୍ରୀ ସୁନୀଲ ଅଗ୍ରୱାଲ ସହ ତାଙ୍କ ପତ୍ନୀ ସବିତା ଅଗ୍ରୱାଲଙ୍କୁ ତା ପରଦିନ ମୁମ୍ବାଇ ଏୟାର ଲିଫ୍ଟ କରାଯାଇଥିବା ବେଳେ ସନ୍ତୋଷ ବିଶ୍ଵାଳ ନାମକ ଯାତ୍ରୀ ଚିକିତ୍ସା ସମୟରେ ଜୀବନ ହାରିଥିଲେ । ପରେ ପାଇଲଟ, କୋ ପାଇଲଟ, ଜଣେ ଯାତ୍ରୀ ରାଉରକେଲାର ଏକ ଘରୋଇ ହସ୍ପିଟାଲ୍‌ରେ ସୁସ୍ଥ ହୋଇ ଘରକୁ ଫେରିଥିଲେ । ଆଉ ଆଜି ଆସିଛି ଦୁର୍ଘଟଣାର ରିପୋର୍ଟ ।ରିପୋର୍ଟରେ ଉଲ୍ଲେଖ ଅଛି ଯେ ବିମାନରେ କମ ଇନ୍ଧନ ଥିବା ଯୋଗୁଁ ବିମାନ ଲକ୍ଷ ସ୍ଥଳରେ ଅବତରଣ କରିପାରିଲା ନାହିଁ । ଯାହା ଫଳରେ ପାଇଲଟ ବାଧ୍ୟ ହୋଇ ଫୋର୍ସ ଲ୍ୟାଣ୍ଡିଙ୍ଗ କରିଥିଲେ । ହେଲେ ଏଠାରେ ପ୍ରଶ୍ନ ଯେ ବିମାନ ଉଡ଼ାଣ ପୂର୍ବରୁ କେମିତି ଯାଞ୍ଚ ହୋଇଥିଲା ବିମାନରେ ଇନ୍ଧନ କମ୍ ଅଛି । କିଏ ଉଡ଼ାଣ ଭରିବା ପାଇଁ ଅନୁମତି ଦେଲା ତାହା ବଡ ପ୍ରଶ୍ନ ।

ମେଟ୍ରୋ ପ୍ରକଳ୍ପ ବାତିଲ ପରେ ତେଜୁଛି ପ୍ରତିବାଦ ; କଟକ ବିଜେଡି ପକ୍ଷରୁ ବିକ୍ଷୋଭ

କନକ ବ୍ୟୁରୋ : ମେଟ୍ରୋ ପ୍ରକଳ୍ପ ବନ୍ଦ ହେବା ପରେ କଟକରେ ପ୍ରତିବାଦର ସ୍ୱର । ଆଜି କଟକ ବିଜୁ ଜନତା ଦଳ ପକ୍ଷରୁ ବକ୍ସବଜାର ଛକରେ ପ୍ରତିବାଦ କରାଯାଇଛି । ଅନ୍ୟପଟେ ମେଟ୍ରୋ ପ୍ରକଳ୍ପ ବନ୍ଦ ହେବା ପରେ କଟକ ତ୍ରିଶୁଳିଆରେ ଜାଗା କିଣି ଫସିଛନ୍ତି ଶହ ଶହ ଲୋକ । ମେଟ୍ରୋକୁ ଆଶା କରି ଜାଗା ଅଧିକ ଦାମ୍‌ରେ କିଣିଥିଲେ । ଏବେ ମେଟ୍ରୋ ବନ୍ଦ ହେବା ପରେ ନିରାଶ ହୋଇଛନ୍ତି । କଟକରେ ବିଜୁ ଜନତା ଦଳ ପକ୍ଷରୁ ପ୍ରତିବାଦକୁ ଜୋରଦାର କରାଯାଇଛି। ଆଜି କଟକ ବିଜେଡି ପକ୍ଷରୁ ବକ୍ସ ବଜାର ଛକ ନିକଟରେ ପ୍ରତିବାଦ କରାଯାଇଛି । କଟକ ବିଜେଡି ସଭାପତି ପ୍ରଫୁଲ୍ଲ ସିଂ, ସିଏମ୍‌ସି ମେୟର ସୁବାସ ସିଂଙ୍କ ସମେତ ବହୁ ବିଜେଡି କର୍ପୋରେଟର ଓ ବିଜୁ ଜନତା ଦଳର କର୍ମୀମାନେ ପ୍ରତିବାଦରେ ସାମିଲ ହୋଇଥିଲେ। ମେଟ୍ରୋ ପ୍ରକଳ୍ପ ବନ୍ଦ କରି ସରକାର ରାଜ୍ୟବାସୀଙ୍କଙ୍କ ସହ ପ୍ରତାରଣା କରିଛନ୍ତି । ରାଜ୍ୟବାସୀ କେବେ ହେଲେ ଏ ସରକାରକୁ କ୍ଷମା କରିବେ ନାହିଁ ବୋଲି କହିଛନ୍ତି କଟକ ମେୟର । ସରକାର ମେଟ୍ରୋ ପ୍ରକଳ୍ପ ବନ୍ଦ କରିବା ପରେ ଏହାକୁ ନେଇ ରାଜନୀତି ଜୋର ଧରିଛି। ଅନ୍ୟପଟେ ତ୍ରିଶୁଳିଆ ଠାରେ ଜାଗା କିଣି ଫସି ଯାଇଛନ୍ତି ଶହ ଶହ ଲୋକ। ମେଟ୍ରୋ ପ୍ରକଳ୍ପର ଶୁଭ ପରେ ହଠାତ ତ୍ରିଶୁଳିଆରେ ଜମି ଦର ବଢ଼ି ଯାଇଥିଲା। କଟକ-ଭୁବନେଶ୍ୱର ମଧ୍ୟରେ ଯାତାୟାତ ସୁବିଧା ହେବ ଭାବି ତ୍ରିଶୁଳିଆ ଠାରେ ଜାଗା ଲୋକେ ଘର କରିଥିଲେ। ବର୍ତ୍ତମାନ ଏହି ପ୍ରକଳ୍ପ ବନ୍ଦ ପରେ ଜାଗା କିଣିଥିବା ଲୋକମାନେ ନିରାଶ ହୋଛଇନ୍ତି । ତେବେ ସବୁଠି ପ୍ରତିବାଦ ପରେ ରାଜ୍ୟ ସରକାର ମେଟ୍ରୋ ପ୍ରକଳ୍ପ ଉପରେ ଆଗାମୀ ଦିନରେ କ’ଣ ପଦକ୍ଷେପ ନେଉଛନ୍ତି ତାହା ଦେଖିବାକୁ ବାକି ରହିଲା । ଅଧିକ ପଢ଼ନ୍ତୁ--- ବଜାରରେ ଖୁଚୁରା ସଙ୍କଟ ! ବେପାରରେ ବ୍ରେକ୍‌, ଦୋକାନରୁ ଫେରୁଛନ୍ତି ଗ୍ରାହକ

ମେଟ୍ରୋ ସ୍ବପ୍ନ ଚୁରମାର ପରେ ଚିନ୍ତାରେ କଟକ ତ୍ରିଶୁଳିଆ ବାସୀ,  ଅଡୁଆରେ ଅଧିକ ଟଙ୍କା ଦେଇ ଜାଗା କିଣିଥିବା ଲୋକେ

କନକ ବ୍ୟୁରୋ; ସ୍ୱପ୍ନ ଥିଲା ମେଟ୍ରୋରେ ଯିବା, ଆଶା ଥିଲା ବିକାଶର ନୂଆ ରାସ୍ତା ଖୋଲିବ। ହେଲେ ସରକାର ବଦଳିବା ସହ ବଦଳିଗଲା ଭାଗ୍ୟ । ମେଟ୍ରୋ ପ୍ରକଳ୍ପ ବନ୍ଦ ହେବା ପରେ ଏବେ ହାତରେ ମୁଣ୍ଡ ଦେଇ ବସିଛନ୍ତି ଶହ ଶହ ଜମି ମାଲିକ। ‘ଜାଗା କିଣି ଫସିଗଲୁ’ । ଏବେ ଏଇ ଗୋଟିଏ ସ୍ୱର ଶୁଭୁଛି କଟକର ତ୍ରିଶୂଳିଆ ଅଞ୍ଚଳରେ । ଓଡ଼ିଶାରେ ମେଟ୍ରୋ ଚାଲିବ । ଏମିତି କିଛି ଆଶା ଥିଲା ରାଜ୍ୟବାସୀଙ୍କର। ତତ୍କାଳୀନ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଯେତେବେଳେ ତ୍ରିଶୂଳିଆ ଠାରେ ମେଟ୍ରୋ ପ୍ରକଳ୍ପର ଶୁଭ ଦେଇଥିଲେ, ସାରା ଓଡ଼ିଶାର ନଜର ଏହି ଅଞ୍ଚଳ ଉପରେ ଥିଲା। କଟକ-ଭୁବନେଶ୍ୱର ମଝିରେ ଥିବା ଏହି ସ୍ଥାନ ପାଲଟିଥିଲା ‘ହଟ୍ ସ୍ପଟ୍’। ରାତାରାତି ବଢ଼ି ଯାଇଥିଲା ଜମିର ଦାମ୍ । ଅଧିକ ପଢନ୍ତୁ: ମୁମ୍ବାଇ ମେଟ୍ରୋରେ ଷ୍ଟଣ୍ଟ୍ କରିବା ପଡିଲା ମହଙ୍ଗା : ବିବାଦରେ ଅଭିନେତା.. ଆଉ ସେହି ଚମକରେ ଭଳିଯାଇ ଶହ ଶହ ଲୋକ ନିଜ ସଞ୍ଚିତ ପୁଞ୍ଜି ଲଗାଇ ଏଠାରେ ଜମି କିଣିଥିଲେ। ଲୋକଙ୍କ ମନରେ ଆଶା ଥିଲା, ମେଟ୍ରୋ ହେଲେ ଯାତାୟାତ ସହଜ ହେବ। ଅଞ୍ଚଳର ଉନ୍ନତି ହେବ। କିନ୍ତୁ ସରକାର ପରିବର୍ତ୍ତନ ପରେ ମେଟ୍ରୋ ପ୍ରକଳ୍ପ ଉପରେ ଲାଗିଲା ବ୍ରେକ୍। ରାଜ୍ୟ ସରକାରଙ୍କ ଏହି ନିଷ୍ପତ୍ତି ପରେ ଏବେ ସବୁ ଓଲଟପାଲଟ ହୋଇଯାଇଛି। ଯେଉଁ ଜମି ପାଇଁ ଲୋକେ ଲକ୍ଷ ଲକ୍ଷ ଟଙ୍କା ଖର୍ଚ୍ଚ କରିଥିଲେ, ତାହାର ଭବିଷ୍ୟତ ଏବେ ଅନ୍ଧାରରେ। କେବଳ ଜାଗା ନୁହେଁ, ଅଞ୍ଚଳର ବିକାଶ ବି ଅଟକି ଗଲା। ରାଜନୀତି ଭିତରେ ସାଧାରଣ ଲୋକ ବି ବଳି ପଡ଼ୁଛନ୍ତି। ତ୍ରିଶୂଳିଆରେ କେବଳ ସାଧାରଣ ଲୋକ ନୁହଁନ୍ତି, ବରଂ ବ୍ୟବସାୟୀ ମାନେ ମଧ୍ୟ ନିରାଶ ହୋଇଛନ୍ତି। ଗୋଟିଏ ପଟେ ଏହାକୁ ନେଇ ରାଜନୀତି ଜୋର ଧରିଛି। ବିରୋଧୀ ଦଳ ସରକାରଙ୍କୁ ଘେରୁଥିବା ବେଳେ, ଜନସାଧାରଣ ନିଜର ଆର୍ଥିକ କ୍ଷତିକୁ ନେଇ ଚିନ୍ତିତ। କଟକ-ଭୁବନେଶ୍ୱରକୁ ଯୋଡ଼ିବା ପାଇଁ ଯେଉଁ ସ୍ୱପ୍ନ ଦେଖାଯାଇଥିଲା, ତାହା ଏବେ କାଗଜ କଲମରେ ସୀମିତ ହୋଇ ରହିଯାଇଛି। ମେଟ୍ରୋ ପ୍ରକଳ୍ପ ବନ୍ଦ ତ୍ରିଶୂଳିଆରେ ହାହାକାର ସ୍ବପ୍ନ ଭାଙ୍ଗିଲା ବିକାଶରେ ବ୍ରେକ୍ ନିରାଶ ବାସିନ୍ଦା ଯାତାୟାତ ସୁବିଧା ଆଶା ମଉଳିଲା

ବଜାରରେ ଖୁଚୁରା ସଙ୍କଟ ! ବେପାରରେ ବ୍ରେକ୍‌, ଦୋକାନରୁ ଫେରୁଛନ୍ତି ଗ୍ରାହକ

କନକ ବ୍ୟୁରୋ : ସମ୍ବଲପୁର ଜିଲ୍ଲା କୁଚିଣ୍ଡା ସହରରେ ଏବେ ଦେଖାଦେଇଛି ଖୁଚୁରା ପଇସାର ଘୋର ଅଭାବ । ବଜାରରୁ ଯେମିତି ହଜି ଯାଇଛି ୫ ଟଙ୍କା ଓ ୧୦ ଟଙ୍କା । ଯାହାକୁ ନେଇ ସାଧାରଣ ଖାଉଟିଙ୍କଠାରୁ ଆରମ୍ଭ କରି କ୍ଷୁଦ୍ର ବ୍ୟବସାୟୀ ନାହିଁ ନଥିବା ହଇରାଣ ହେଉଛନ୍ତି । ସ୍ଥିତି ଏପରି ହେଉଛି ଯେ, ଖୁଚୁରା ପାଇଁ ଦୋକାନରେ ଝଗଡ଼ା ହେଉଛି ତ କେଉଁଠି ଗ୍ରାହକ ସଉଦା ନପାଇ ଫେରୁଛନ୍ତି । ସମ୍ବଲପୁର ଜିଲ୍ଲା କୁଚିଣ୍ଡା ବଜାରରେ ଖୁଚୁରା ପଇସା ଏକ ବଡ଼ ସଙ୍କଟ ଭାବେ ଉଭା ହୋଇଛି । ଦୋକାନରେ ୫ ଟଙ୍କା କିମ୍ବା ୧୦ ଟଙ୍କାର ସଉଦା କିଣିଲେ, ଦୋକାନୀ ପ୍ରଥମେ ଗ୍ରାହକଙ୍କୁ ଖୁଚୁରା ମାଗୁଛନ୍ତି । ଯଦି ଗ୍ରାହକଙ୍କ ପାଖରେ ଖୁଚୁରା ନାହିଁ, ତେବେ ଜିନିଷ ଦେବାକୁ ମନା କରୁଛନ୍ତି ବେପାରୀ । ଏହି ଖୁଚୁରା ସମସ୍ୟା ଯୋଗୁଁ ବ୍ୟବସାୟ ଏକ ପ୍ରକାର ଠପ୍ ହେବାକୁ ବସିଲାଣି । ଏପରିକି ଅନେକ ସମୟରେ ଖୁଚୁରା ପଇସା ପାଇଁ ଗ୍ରାହକ ଓ ଦୋକାନୀଙ୍କ ମଧ୍ୟରେ ଝଗଡ଼ା ମଧ୍ୟ ଦେଖିବାକୁ ମିଳୁଛି । ଅଧିକ ପଢ଼ନ୍ତୁ : ଭିଜିଲାନ୍ସ ଜାଲରେ ଆଉ ଜଣେ ବଡବାବୁ, ଜଳସେଚନ ସର୍କଲର ଅତିରିକ୍ତ ମୁଖ୍ୟ ଯନ୍ତ୍ରୀଙ୍କ ଭିଜିଲାନ୍ସ ଚଢ଼ାଉ ଖାଲି ବଜାରଘାଟ ନୁହେଁ, ବରଂ ବସ୍ ଯାତ୍ରା ସମୟରେ ମଧ୍ୟ ସମାନ ସମସ୍ୟା । ଟିକେଟ୍ କାଟିବା ବେଳେ ଖୁଚୁରାକୁ ନେଇ କଣ୍ଡକ୍ଟର ଓ ଯାତ୍ରୀଙ୍କ ମଧ୍ୟରେ ବାରମ୍ବାର ବଚସା ହେଉଛି । ପାଖରେ ଖୁଚୁରା ନଥିଲେ ଯାତ୍ରୀଙ୍କୁ ଗାଡ଼ିରେ ନେଉ ବି ନାହାନ୍ତି । ବଜାରରେ ଖୁଚୁରାର ଅଭାବ ଥିବା ମାନିଛନ୍ତି କୁଚିଣ୍ଡା ଷ୍ଟେଟ୍ ବ୍ୟାଙ୍କର ଭାରପ୍ରାପ୍ତ ଶାଖା ପରିଚାଳକ । ରିଜର୍ଭ ବ୍ୟାଙ୍କ ସହ ଆଲୋଚନା କରାଯାଇ ଖୁବଶୀଘ୍ର ସମସ୍ୟାର ସମାଧାନ ହେବ ବୋଲି ପ୍ରତିଶ୍ରୁତି ଦେଇଛନ୍ତି । ଖୁଚୁରା ସଙ୍କଟ ଏବେ କୁଚିଣ୍ଡାବାସୀଙ୍କ ପାଇଁ ମୁଣ୍ଡବିନ୍ଧାର କାରଣ ସାଜିଛି । ବ୍ୟାଙ୍କ କର୍ତ୍ତୃପକ୍ଷ ପ୍ରତିଶ୍ରୁତି ତ’ ଦେଇଛନ୍ତି, କିନ୍ତୁ କେବେ ସୁଦ୍ଧା ବଜାରକୁ ପର୍ଯ୍ୟାପ୍ତ ଖୁଚୁରା ପଇସା ଆସୁଛି, ତାକୁ ଅପେକ୍ଷା ।

ବରୀରେ ବେଆଇନ ବାଲି ଲୁଟ୍‌ ! ଚାଲିଛି ମାଫିଆଙ୍କ ରାଜ୍‌, ବିରୋଧ କଲେ ମିଳୁଛି ବନ୍ଧୁକ ଧମକ !

କନକ ବ୍ୟୁରୋ : ଯାଜପୁର ଜିଲ୍ଲା ବରୀ ଅଞ୍ଚଳରେ ବାଲି ମାଫିଆଙ୍କ ବେଧଡ଼କ କାରବାର । ନଦୀ ଶଯ୍ୟାରୁ ଦିନରାତି ଲୁଟ୍ ହେଉଛି ଶହଶହ ଟ୍ରିପ୍ ବାଲି । ବିରୋଧ କଲେ ମିଳୁଛି ବନ୍ଧୁକ ମୁନରେ ଧମକ । ସବୁ ଜାଣିଶୁଣି ପ୍ରଶାସନ ନୀରବଦ୍ରଷ୍ଟା ସାଜିଥିବା ଅଭିଯୋଗ ହୋଇଛି । ବାଲି ଚୋରାଚାଲାଣର ହବ୍ ପାଲଟିଛି ବରୀ । ବ୍ରାହ୍ମଣୀ ନଦୀର ବିଭିନ୍ନ ସ୍ଥାନରୁ ପ୍ରତିଦିନ ବେଆଇନ ଭାବେ ବାଲି ଲୁଟ୍ ହେଉଛି । ସରକାରୀ ନିଲାମ ଘାଟ, ଅଣନିଲାମ ଅଞ୍ଚଳ କିଛି ମାନୁନାହାନ୍ତି ମାଫିଆ । ବିରୋଧ କଲେ ବନ୍ଧୁକର ଧମକ ମିଳୁଥିବା ସ୍ଥାନୀୟ ଲୋକେ ଅଭିଯୋଗ କରିଛନ୍ତି । ଆଜି ବାଲିଉଠାଣ ସମୟରେ ସ୍ଥାନୀୟ ଲୋକେ ତୀବ୍ର ବିରୋଧ କରିବାରୁ ଟ୍ରାକ୍ଟର ଗୁଡ଼ିକୁ ନଦୀରେ ଛାଡ଼ି ଚାଲିଯାଇଛନ୍ତି ମାଫିଆ ଓ ଚାଳକ । ଅଧିକ ପଢ଼ନ୍ତୁ : ମଧ୍ୟପ୍ରାଚ୍ୟରେ ଯୁଦ୍ଧର ପ୍ରଭାବ, ପ୍ରଭାବିତ ହେଲାଣି ବିଦ୍ୟାଳୟ ମଧ୍ୟାହ୍ନ ଭୋଜନ ଗୋଳକୁଣ୍ଡ ଅଞ୍ଚଳର ଜଂପଡ଼ା ଠାରେ ନିଲାମ ଘାଟ ନାଁରେ ଚାଲିଛି ମନଇଛା ଲୁଟ୍ । କିଛି ମାସ ତଳେ ବାଲି ଚାଲାଣ ପାଇଁ ବେଆଇନ ରାସ୍ତା କରିବାକୁ ଯାଇ ବଡ଼ବଡ଼ ଗଛ କାଟି ପକାଇଥିଲେ ମାଫିଆ । ଅଭିଯୋଗ ପରେ ପ୍ରଶାସନ ନାଲି ପତାକା ପୋତି କାମ ବନ୍ଦ କରିଥିଲେ । ମାତ୍ର କିଛି ଦିନ ପରେ ପୁଣି ସବୁ ପୂର୍ବପରି ଚାଲିଛି । ଅନ୍ୟପଟେ ନଦୀ ଭିତରୁ ମନଇଚ୍ଛା ବାଲି ଚାଲାଣ ଫଳରେ ଗଭୀର ଗାତ ସୃଷ୍ଟି ହେଉଛି । ଯେଉଁଥିପାଇଁ ବର୍ଷକ ଭିତରେ ୩ଟି ନିରୀହ ଜୀବନ ଗଲାଣି । ଦ୍ରୁତଗତିରେ ଚାଲୁଥିବା ବାଲି ବୋଝେଇ ଟ୍ରାକ୍ଟର ପାଇଁ ନଦୀବନ୍ଧ ଗୁଡ଼ିକ ଧସିବାରେ ଲାଗିଛି । ସେପଟେ ଅଭିଯୋଗକୁ ସ୍ୱୀକାର କରିଛନ୍ତି ଅତିରିକ୍ତ ତହସିଲଦାର । ରାଜନେତା ଓ ଅଧିକାରୀଙ୍କ ଛତ୍ରଛାୟା ତଳେ ରହି ଏହି ଚୋରା କାରବାର ଚାଲିଥିବା ଅଭିଯୋଗ ହେଉଛି । ନଚେତ୍‌ ମୁଖ୍ୟମନ୍ତ୍ରୀଙ୍କ କଡ଼ା ନିର୍ଦ୍ଦେଶ ରହିଛି, ଏନେଇ ବାରମ୍ବାର ଅଭିଯୋଗ ବି ହୋଇଛି । ତଥାପି ବରୀରେ କିପରି ଏହି କାରବାର ଖୁଲମଖୁଲା ଚାଲିଛି ? କାହିଁକି ପ୍ରଶାସନ ନିରବ ? ତାହା ଏକ ବଡ଼ ପ୍ରଶ୍ନ । ତୁରନ୍ତ ଏହା ଉପରେ ରୋକ୍ ନଲାଗିଲେ ଜିଲ୍ଲାପାଳଙ୍କ ଅଫିସ ଆଗରେ ଧାରଣା ଦେବାକୁ ଚେତାବନୀ ଦେଇଛନ୍ତି ଅଞ୍ଚଳବାସୀ ।

ରାଜନଗରରେ ଓଡ଼ିଶା ଜନତା କଂଗ୍ରେସର ସମାବେଶ ସହ ମିଶ୍ରଣ ପର୍ବ, ଦଳରେ ଯୋଗଦେଲେ ହେଭିୱେଟ୍

ପଟ୍ଟାମୁଣ୍ଡାଇ ୮।୪: ଓଡ଼ିଶା ରାଜନୀତିର ପରିଚିତ ଚେହେରା ମହମ୍ମଦ ମୋକିମ୍ଙ୍କ ନୂଆ ରାଜନୈତିକ ଦଳ ଓଡ଼ିଶା ଜନତା କଂଗ୍ରେସ ପାର୍ଟିର ସମାବେଶ ଓ ମିଶ୍ରଣ ପର୍ବ । କେନ୍ଦ୍ରାପଡ଼ା ଜିଲ୍ଲାର ରାଜନଗରରେ ଆୟୋଜିତ ହୋଇଛି ଏହି ମିଶିରଣ ପର୍ବ । ଏହି ମିଶ୍ରଣ ପର୍ବରେ ରାଜନଗର ନିର୍ବାଚନ ମଣ୍ଡଳୀର ୨୦୨୪ ମସିହା ଜାତୀୟ କଂଗ୍ରେସ ଦଳର ବିଧାୟକ ପ୍ରାର୍ଥୀ ଅଶୋକ ପତିହାରି ନିଜ ସମର୍ଥକଙ୍କ ସହ ଦଳରେ ସାମିଲ ହୋଇଛନ୍ତି lଗତ ନିର୍ବାଚନରେ ଅଶୋକ ପତିହାରି ୨୭ ହଜାରରୁ ଉର୍ଦ୍ଧ୍ୱ ଭୋଟ୍ ପାଇଥିଲେ । ହେଲେ ବି କଂଗ୍ରେସ ଦଳ ତାଙ୍କୁ କୋଣଠେସା କରିବାରୁ ସେ ଅତିଷ୍ଠ ହୋଇ ମୋକିମ୍ଙ୍କ ନୂଆ ରାଜନୈତିକ ଦଳ ଓଡ଼ିଶା ଜନତା କଂଗ୍ରେସ ଦଳରେ ସାମିଲ ହୋଇଛନ୍ତି lAlso Read:-Third Front : ବଡ଼ ଇସାରା ଦେଲେ ବରିଷ୍ଠ ନେତା ଅମର ଶତପଥୀ, ଏପ୍ରିଲ ୧୭ରେ ଆତ୍ମପ୍ରକାଶ କରିବ ତୃତୀୟ ସାମ୍ମୁଖ୍ୟଅନ୍ୟପଟେ ମହମ୍ମଦ ମୋକିମ୍ କହିଛନ୍ତି, ଓଡ଼ିଶା ଲୋକ ଦାଦନ ଖଟିବାକୁ ବାହାରକୁ ଯାଉଥିବା ବେଳେ ବାହାର ରାଜ୍ୟର ଶିଳ୍ପପତି ଓଡ଼ିଶାକୁ ଲୁଟ୍ କରିବାରେ ଲାଗିଛନ୍ତି l ଏଣୁ ପ୍ରତିଟି ଓଡ଼ିଆଙ୍କ ସ୍ୱାର୍ଥ ରକ୍ଷା ପାଇଁ ଓଡ଼ିଶା ଜନତା କଂଗ୍ରେସ ପାର୍ଟିର ପରିକଳ୍ପନା କରାଯାଇଥିଲା । ଆଉ ଆଗକୁ ଆଳି ଓ କେନ୍ଦ୍ରାପଡ଼ାରେ ଦଳ ସମାବେଶ କରି ରାଜନୀତିର ପ୍ରାଣକେନ୍ଦ୍ର ଭାବେ ପରିଚିତ କେନ୍ଦ୍ରପଡ଼ା ଜିଲ୍ଲାରେ ତାର ସଂଗଠନ ସୁଦୃଢ଼ କରିବ ବୋଲି ମୋକିମ୍ କହିଛନ୍ତି ।

Big Breaking: ବିଜେଡିକୁ ଲାଗିଲା ଶକ୍ତ ଝଟକା, ଇସ୍ତଫା ଦେଲେ ସସ୍ମିତ ପାତ୍ର, ନବୀନଙ୍କୁ ପଠେଇଲେ ଇସ୍ତଫା ପତ୍ର

Sasmit Patra: ଓଡ଼ିଶାର ରାଜନୀତିରେ ବିଜୁ ଜନତା ଦଳ (BJD) ମଧ୍ୟରେ ଅସନ୍ତୋଷ ଓ ଭିତିରି ଦ୍ୱନ୍ଦ୍ୱ ଏବେ ସ୍ପଷ୍ଟ ହେଉଛି। ଦଳର ସଂସଦୀୟ ଦଳ ନେତା ଭାବେ କାମ କରୁଥିବା ସସ୍ମିତ ପାତ୍ର ତାଙ୍କ ପଦରୁ ଇସ୍ତଫା ଦେଇଛନ୍ତି। ସେ ଏହି ଇସ୍ତଫା ପତ୍ର ଦଳର ସଭାପତି ନବୀନ ପଟ୍ଟନାୟକଙ୍କୁ ପଠାଇଛନ୍ତି। ସୂତ୍ର ଅନୁସାରେ, କିଛି ବିଜେଡି ସାଂସଦ ସସ୍ମିତ ପାତ୍ରଙ୍କୁ ସଂସଦୀୟ ଦଳ ନେତା ପଦରୁ ହଟାଇବା ପାଇଁ ନବୀନ ପଟ୍ଟନାୟକଙ୍କୁ ଚିଠି ଲେଖିଥିଲେ। […]

ସଂସଦୀୟ ଦଳର ନେତା ପଦରୁ ଇସ୍ତଫା ଦେଲେ ସସ୍ମିତ ପାତ୍ର

କନକ ବ୍ୟୁରୋ : ବଢିଲା ବିଜେଡି ସାଂସଦୀୟ ଦଳରେ ବଢିଲା ଫାଟ । ସଂସଦୀୟ ଦଳର ନେତା ପଦରୁ ଇସ୍ତଫା ଦେଲେ ସସ୍ମିତ ପାତ୍ର । ଦଳର ସଭାପତି ନବୀନ ପଟ୍ଟନାୟକଙ୍କୁ ପଠାଇଲେ ଇସ୍ତଫା ପତ୍ର । ସସ୍ମିତଙ୍କୁ ସଂସଦୀୟ ନେତା ପଦରୁ ହଟାଇବା ପାଇଁ ନବୀନଙ୍କୁ ଚିଠି ଲେଖିଥିଲେ କିଛି ସାଂସଦ ।

ଆମେରିକା-ଇରାନ ଯୁଦ୍ଧବିରତିକୁ ସ୍ୱାଗତ କଲା ଭାରତ

ନୂଆଦିଲ୍ଲୀ: ଆମେରିକା ଏବଂ ଇରାନ ମଧ୍ୟରେ ହୋଇଥିବା ଯୁଦ୍ଧବିରତିକୁ ଭାରତ ସ୍ୱାଗତ କରିବା ସହ ଏହା ପଶ୍ଚିମ ଏସିଆରେ ଶାନ୍ତି ପ୍ରତିଷ୍ଠା ଦିଗରେ ଏକ ସକାରାତ୍ମକ ପଦକ୍ଷେପ ବୋଲି କହିଛି। ଭାରତର ବୈଦେଶିକ ମନ୍ତ୍ରଣାଳୟ ପକ୍ଷରୁ କୁହାଯାଇଛି ଯେ, ଏହି ଅସ୍ଥାୟୀ ଚୁକ୍ତି ଆଗକୁ ସ୍ଥାୟୀ ଶାନ୍ତି ପାଇଁ ରାସ୍ତା ପ୍ରସ୍ତୁତ କରିବ। ଭାରତ ଦୋହରାଇଛି ଯେ, ସେ ସବୁବେଳେ ଉତ୍ତେଜନା ହ୍ରାସ କରିବା ସହ ଆଲୋଚନା ଏବଂ କୂଟନୀତିକୁ ସମର୍ଥନ କରିଆସୁଛି। ମନ୍ତ୍ରଣାଳୟ ଅନୁଯାୟୀ, ବର୍ତ୍ତମାନର […]

Jioର ଧୁଆଁଧାର ପ୍ଲାନ୍, ୨୮ ଦିନ ପାଇଁ ନୁହେଁ ବରଂ ପୁରା ମାସେ ପାଇଁ ପାଇବେ ଏତେ ସବୁ ବେନିଫିଟ୍ସ, ଚିନ୍ତାରେ Airtel

JIO recharge plan: ସମ୍ପ୍ରତି ସମଗ୍ର ଦେଶରେ ଟେଲିକମ୍ କମ୍ପାନୀଗୁଡ଼ିକ ଦ୍ୱାରା ପୂର୍ଣ୍ଣ ୩୦ ଦିନର ବୈଧତା ପ୍ରଦାନ କରୁଥିବା ଯୋଜନା ପ୍ରଚଳନ କରିବା ନେଇ ଏକ ଆଲୋଚନା ଜୋର ଧରିଛି। ଏହି ବର୍ଦ୍ଧିତ ଚାହିଦା ମଧ୍ୟରେ, ରିଲାଏନ୍ସ ଜିଓ ଏବେ ଏକ ନୂତନ ସୁଲଭ ଯୋଜନା ଉନ୍ମୋଚନ କରିଛି, ଯାହା ୩୦ ଦିନର ବୈଧତା ଅବଧି ସହିତ ଆସିଥାଏ। ତେବେ ପ୍ରଥମ ନଜରରେ ଏହି ଯୋଜନାଟି ବହୁତ ଆକର୍ଷଣୀୟ ମନେହୁଏ । କିନ୍ତୁ ନିକଟରୁ ଯାଞ୍ଚ […]

ସୋସିଆଲ ମିଡିଆରେ ଖରାପ ଶବ୍ଦ କହିଲେ ସାବଧାନ ! ଆସିବ ଆଇନ୍, ନିଆଯିବ କାର୍ଯ୍ୟାନୁଷ୍ଠାନ, ଚେତାଇଦେଲେ ଆଇନ୍ ମନ୍ତ୍ରୀ

ଭୁବନେଶ୍ୱର, ୦୮/୦୪ :ଅପଶବ୍ଦ ବ୍ୟବହାର ଉପରେ ଲାଗିବ ରୋକ୍ । ସୋସିଆଲ ମିଡିଆ ହେଉ କିମ୍ବା ବାହାରେ । କେଉଁଠି ବି କେହି ଅପଶବ୍ଦ ବ୍ୟବହାର କରିପାରିବେ ନାହିଁ । ସର୍ବ ସାଧାରଣ ସ୍ଥାନରେ ଖରାପ ଶବ୍ଦ ପ୍ରୟୋଗ କଲେ ଦଣ୍ଡ ବିଧାନର ବ୍ୟବସ୍ଥା କରାଯିବ । ଏନେଇ ସୂଚନା ଦେଇଛନ୍ତି ଆଇନ୍ ମନ୍ତ୍ରୀ ପୃଥ୍ୱୀରାଜ ହରିଚନ୍ଦନ ।ଆଇନ ମନ୍ତ୍ରୀ କହିଛନ୍ତି ଯେ, ସୋସିଆଲ ମିଡିଆ ଅତ୍ୟନ୍ତ କୁତ୍ସିତ ମିଡିଆ ହେବା ଆରମ୍ଭ କଲାଣି । କାହାକୁ କଣ ସମ୍ମାନ ଦେବା କଥା ତାହା କେହି ମାନୁ ନାହାଁନ୍ତି । କେଉଁ ବୟସର ୟୁଜର ଦେଖୁଛନ୍ତି ତାହା କେହି ଭାବୁ ନାହାଁନ୍ତି । ଅନେକ ବ୍ୟକ୍ତି ମନଇଚ୍ଛା ଭାଷା ପ୍ରୟୋଗ କରୁଛନ୍ତି । କିଏ ସେମାନଙ୍କ ଭିଡିଓ କିମ୍ବା କଣ୍ଟେଣ୍ଟ୍ ଦେଖୁଛି ତାହା ସେମାନେ ଚିନ୍ତା କରୁ ନାହାଁନ୍ତି ।ସେହିପରି ଯେଉଁମାନେ ସୋସିଆଲ ମିଡିଆରେ ଆଶାଳୀନ ଶବ୍ଦ ପ୍ରୟୋଗ କରୁଛନ୍ତି ସେମାନେ ହେଲେ ମାନସିକ ରୋଗୀ । ସେମାନଙ୍କୁ ପାଗଳଖାନାରେ କରେଣ୍ଟ୍ ଦିଆଯିବା ଭଳି ବ୍ୟବସ୍ଥା କରାଯିବା ଦରକାର । ଯଦି ସେମାନଙ୍କୁ ଏପରି କାର୍ଯ୍ୟରୁ ନିବୃତ୍ତ ନରଖା ଯାଏଁ ତେବେ ସେମାନେ ସୋସିଆଲ ମିଡିଆର ଶାଳୀନତାକୁ ଧ୍ୱଂସ କରିଦେବେ ବୋଲି ଆଇନ ମନ୍ତ୍ରୀ ପ୍ରକାଶ କରିଛନ୍ତି ।ସୂଚନାଯୋଗ୍ୟ, ଅପଶବ୍ଦ ପ୍ରୟୋଗ ଉପରେ ଅଙ୍କୁଶ ଆଣିବା ପାଇଁ ଏକ ଆଇନ ଆଣିବାକୁ ପ୍ରସ୍ତାବ ଦେଇଛନ୍ତି ଆଇନ କମିଶନ । ପ୍ରିଭେଣ୍ଟସନ୍ ଅଫ୍ ହେଟ୍ ସ୍ପିଚ୍ ଏବଂ ହେଟ୍ କ୍ରାଇମ୍ ଆକ୍ଟକୁ ଲାଗୁ କରିବା ପାଇଁ କମିଶନ ପ୍ରସ୍ତାବ ଦେଇଛନ୍ତି । ଏହା ଛଡ଼ା ଆରଟିଆଇକୁ ଆବାସିକ ମାଧ୍ୟମରେ କରିବା ପାଇଁ ମଧ୍ୟ ପ୍ରସ୍ତାବ ଦିଆଯାଇଛି। ଲୋକଙ୍କ ଦରଖାସ୍ତର ଉତ୍ତରକୁ ୧୫ଦିନ ଭିତରେ ଦେବାକୁ ପ୍ରସ୍ତାବ ରହିଛି ।ପ୍ରସ୍ତାବରେ ଆହୁରି ମଧ୍ୟ ଉଲ୍ଲେଖ ଅଛି ଯେ,୧୫ଦିନ ଭିତରେ ଉତ୍ତର ଦେବା ପାଇଁ ଆଇନ ଆସିବ । ଯଦି ତଥ୍ୟ ଦିଆଯାଉ ନାହିଁ ତେବେ ସେ ଅଧିକାରୀଙ୍କ ସିସିଆରରେ ଏହା ଲେଖାଯିବ । ଏମିତି ଅନେକ ନୂଆ ଆଇନ ଓ ପୁରୁଣା ଆଇନକୁ ନେଇ ନିଜର ପ୍ରସ୍ତାବ ଦେଇଛନ୍ତି କମିଶନ ।ବର୍ଷ ପୂର୍ତ୍ତିରେ ପ୍ରସ୍ତାବକମିଶନର ଏକ ବର୍ଷ ପୂର୍ତ୍ତି ଅବସରେ ଲୋକସେବା ଭବନରେ ଏକ ବୈଠକ ଅନୁଷ୍ଠିତ ହୋଇଥିଲା। ଏହି ବର୍ଷକ ମଧ୍ୟରେ ଆଇନ କମିଶନ ସଫଳତା ସହ କାର୍ଯ୍ୟକରିଥିବା ଆଇନ ମନ୍ତ୍ରୀ କହିଛନ୍ତି। ବୈଠକରେ ଆଇନ କମିଶନଙ୍କ ପକ୍ଷରୁ ସରକାରଙ୍କୁ ବିଭିନ୍ନ ଆଇନକୁ ସଂଶୋଧନ ଓ ଅଦରକାରୀ ଆଇନକୁ ପ୍ରତ୍ୟଖ୍ୟାନ ପାଇଁ ପ୍ରସ୍ତାବ ଦିଆଯାଇଛି ।୨୮୮ଟି ଆଇନକୁ ନେଇ କମିଶନ ପ୍ରସ୍ତାବ ଦେଇଛନ୍ତି ।୨୮୦ଟି ଆଇନକୁ ବନ୍ଦ କରିବା ସହ୮ଟି ଆଇନକୁ ସଂଶୋଧନ କରିବା ପାଇଁ ପ୍ରସ୍ତାବ ଦିଆଯାଇଛି। ଲୋକଙ୍କ ନିକଟରେ ସୁଶାସନ ଯୋଗାଇ ଦେବା ପାଇଁ ଏହି କମିଶନ ଆରମ୍ଭ ହୋଇଥିବା ମନ୍ତ୍ରୀ ସୂଚନା ଦେଇଛନ୍ତି। ଏପରିକିଏକ ଓ୍ୱେବସାଇଟ୍ ମଧ୍ୟ ଉନ୍ମୋଚନ ହୋଇଛି । ଯାହାକୁ ସାଧାରଣ ଜନତା ଆକସେସ୍ କରିପାରିବେ ।

ସରକାରଙ୍କ ବଡ଼ ନିଷ୍ପତ୍ତି ! ଏବେ ଜବରଦସ୍ତି ଡାଟା ପ୍ଲାନ ରିଚାର୍ଜ ସମାପ୍ତ, କମ୍ପାନିକୁ ଆଣିବାକୁ ପଡ଼ିବ କଲ୍-SMS ପ୍ଲାନ

Telecome news:ଗ୍ରାହକଙ୍କୁ ମିଳିବ ଶସ୍ତା କଲ୍ ଓ ଏସଏମଏସ ପ୍ଲାନ୍। ଭଏସ ସହ ଡାଟା ପ୍ଲାନ ନେବାକୁ ବାଧ୍ୟ କରିପାରିବେନି ଟେଲିକମ୍ କମ୍ପାନି। ଗ୍ରାହକ ଚାହିଁଲେ ନେଇପାରିବେ କେବଳ କଲ୍ କିମ୍ବା ଏସଏମଏସ ପ୍ୟାକ୍ । ଭାରତୀୟ ଟେଲିକମ୍ ନିୟାମକ TRAI ମଙ୍ଗଳବାର, ଟେଲିକମ୍ କମ୍ପାନିଙ୍କୁ ମୋବାଇଲ ପ୍ଲାନ ଉପରେ ନୂଆ ପ୍ରସ୍ତାବ ଦେଇଛି। ଯେଉଁଥିରେ ଶସ୍ତା ଭଏସ ଓନଲି ଏବଂ ଏସଏମଏସ ପ୍ଲାନ ଆଣିବାକୁ କୁହାଯାଇଛି। ସବୁ କିଛି ଠିକ୍ ରହିଲେ ଆଗକୁ ଫୋନ୍ କଲ୍ ଏବଂ ଏସଏମଏସ ଥିବା ଅଲଗା ଅଲଗା ଶସ୍ତା ପ୍ଲାନ ବାଧ୍ୟତାମୂଳକ ହେବ।​​​​​​​​​​​​​​ମୋବାଇଲ୍ ରିଚାର୍ଜର ବଢୁଥିବା ମୂଲ୍ୟକୁନେଇ ଅସନ୍ତୁଷ୍ଟ ୟୁଜର୍ସ। ଏଥିରେ ସେହି ଲୋକଙ୍କୁ ଅଧିକ ସମସ୍ୟା ହେଉଥିଲା, ଯେଉଁମାନେ କେବଳ କଲ୍ ଏବଂ SMS କରିବାକୁ ଚାହୁଁଥିଲେ। ତଥାପି ସେମାନଙ୍କୁ ବାଧ୍ୟ ହୋଇ ମହଙ୍ଗା ଡାଟା ବିଶିଷ୍ଟ ପ୍ଲାନ ନେବାକୁ ପଡ଼ୁଥିଲା। ଏବେ ଏହି ସମସ୍ୟାକୁ ଦୂର କରିବା ପାଇଁ ଟେଲିକମ ରେଗୁଲେଟରୀ ଅଥରିଟି ଅଫ ଇଣ୍ଡିଆ(TRAI) ଏ ସଂଦର୍ଭରେ ଏକ ନୂଆ ଡ୍ରାଫ୍ଟ ଜାରି କରିଛି। ଏଥିରେ ଟେଲିକମ କମ୍ପାନିକୁ ଏମିତି ପ୍ଲାନ ନେବାକୁ କୁହାଯାଇଛି, ଯେଉଁଥିରେ କେବଳ କଲ୍ ଏବଂ ଏସଏମଏସର ସୁବିଧା ଥିବ ଏବଂ ଡାଟା ନ ଥିବ।#TRAI has released the Draft Telecom Consumer Protection (13th Amendment) Regulations, 2026 proposing Voice & SMS-only packs across all validity periods, giving consumers more choice & avoiding forced data bundling.Share comments by 28 April '26.Details: https://t.co/a1Hwxi2Hws pic.twitter.com/X7nHuob3QU— TRAI (@TRAI) April 8, 2026ଏହି ପ୍ରସ୍ତାବର ଉଦ୍ଦେଶ୍ୟ ୟୁଜର୍ସଙ୍କୁ ଭଲ ବିକଳ୍ପ ଦେବା ଏବଂ ଅନାବଶ୍ୟକଡାଟା ପ୍ଲାନକୁ ଏଡ଼ାଇବା। ବିଶେଷ କରି ଗ୍ରାମାଞ୍ଚଳ, ବୟସ୍କ ବ୍ୟକ୍ତି ଏବଂ ଫିଚର ଫୋନ ବ୍ୟବହାରକାରୀଙ୍କୁ ବଡ଼ ଫାଇଦା ମି। ଯଦି ଏହି ନିୟମ ଲାଗୁ ହୁଏ ତେବେ ମୋବାଇଲ୍ ୟୁଜର୍ସଙ୍କୁ ପ୍ରଥମ ଥର ପ୍ରତିଟି ଭାଲିଡିଟିରେ ଶସ୍ତା ଭଏସ ଓ SMS ପ୍ଲାନର ବିକଳ୍ପ ମିଳିବ।TRAIର ନୂଆ ପ୍ରସ୍ତାବଟେଲିକମ କମ୍ପାନି ଜିଓ, ଏୟାରଟେଲ, ଭୋଡାଫୋନ ଆଇଡିଆକୁ ଏବେ ସବୁ ପ୍ରକାରର ରିଚାର୍ଜ ପ୍ଲାନ ସହିତ ଏକ ଏମିତି ପ୍ଲାନ ଦେବାକୁ ପଡ଼ିବ ଯେଉଁଥିରେ କେବଳ କଲ ଏବଂ SMS ସୁବିଧା ଥିବ। ଅର୍ଥାତ ଯଦି କୌଣସି ୨୮ ଦିନିଆ, ୫୬ ଦିନିଆ କିମ୍ବା ୮୪ ଦିନିଆ ପ୍ଲାନ ରହିଛି, ତେବେ ସେହି ଭାଲିଡିଟିରେ Voice+SMS ବିଶିଷ୍ଟ ପ୍ଲାନ ମଧ୍ୟ ଦେବାକୁ ପଡ଼ିବ।Also Read:କେଉଁଠି ମିଳୁଛି ୫ କେଜିଆ ସିଲିଣ୍ଡର ? ଜାଣିବାକୁ ସହଜ ବ୍ୟବସ୍ଥା କରିଦେଲେ ସରକାରTRAI ମୁତାବକ ଏବେ ବଜାରରେ Voice-only ପ୍ଲାନ ବହୁତ କମ ରହିଛି ଏବଂ ଯାହା ବି ରହିଛି ତାହାର ଭାଲିଡିଟି ୮୪ ଦିନ କିମ୍ବା ୩୬୫ ଦିନର ରହିଛି। ଏହା ବ୍ୟତୀତ ଏହି ପ୍ଲାନର ମୂଲ୍ୟ ମଧ୍ୟ ଅଧିକ ରହିଛି। ଆଉ ଏଥିରେ ଡାଟା ସାମିଲ୍ ନ ଥାଏ। TRAI ଏହି ପ୍ରସ୍ତାବ ଉପରେ ଚଳିତ ବର୍ଷ ଏପ୍ରିଲ ୨୮ ସୁଦ୍ଧା ଟେଲିକମ କମ୍ପାନିଗୁଡ଼ିକୁରିପୋର୍ଟଦେବାକୁ କହି।ଉପକୃତ ହେବେ ଗ୍ରାହକTRAIର ଏହି ପ୍ରସ୍ତାବ କାର୍ଯ୍ୟକାରୀ ହେଲେ ୟୁଜର୍ସଙ୍କୁ ଶସ୍ତାରେ ଭଏସ ଏବଂ ଏସଏମଏସ ବିଶିଷ୍ଟ ପ୍ଲାନ ମିଳିବ। ଆଉ ବାଧ୍ୟ ହୋଇ ଡାଟା ବିଶିଷ୍ଟ ପ୍ଲାନ ନେବାକୁ ପଡ଼ିବ ନାହିଁ କି ଅଧିକ ଖର୍ଚ୍ଚାନ୍ତ ହେବାକୁ ପଡ଼ିବନି। ଏହା ଲାଗୁ ହେଲେ କମ୍ପାନିକୁ ନିଜର ପ୍ଲାନ ସହିତ ଏହି ପ୍ଲାନକୁ ଯୋମିବାକୁ ପଡ଼ିବ।

Third Front : ବଡ଼ ଇସାରା ଦେଲେ ବରିଷ୍ଠ ନେତା ଅମର ଶତପଥୀ, ଏପ୍ରିଲ ୧୭ରେ ଆତ୍ମପ୍ରକାଶ କରିବ ତୃତୀୟ ସାମ୍ମୁଖ୍ୟ

ଭୁବନେଶ୍ବର ୮।୪: ବିଜୁ ତିରୋଧାନ ଦିବସରେ ଆତ୍ମପ୍ରକାଶ କରିବ ତୃତୀୟ ସାମ୍ମୁଖ୍ୟ ! ଏମିତି କିଛି ଇସାରା ଦେଲେ ବରିଷ୍ଠ ରାଜନେତା ଅମର ଶତପଥୀ । ବିଜୁ ଲିଗାସିକୁ ନେଇ କିଛି ଲୋକ ଭୁଲ୍ ପ୍ରଚାର କରୁଛନ୍ତି । ଏପ୍ରିଲ ୧୭ ତାରିଖରେ ପ୍ରବାଦ ପୁରୁଷ ବିଜୁ ବାବୁଙ୍କ ଶ୍ରାଦ୍ଧ ଦିବସ ଭୁବନେଶ୍ବରରେ ପାଳିତ ହେବାକୁ ଯାଉଛି । ଆଗକୁ ଅନେକ କଥା ଘଟିବ । ବିଜୁ ବାବୁଙ୍କ ବିଚାରଧାରାରେ ବିଶ୍ବାସ ରଖୁଥିବା ବ୍ୟକ୍ତି ବିଶେଷ ଏକାଠି ହେବାର ଆବଶ୍ୟକତା ରହିଛି ।କିଛି ବର୍ଷ ଧରି ବିଜୁ ବାବୁଙ୍କ ନାଁକୁ ଖର୍ବ କରିବାକୁ ଚେଷ୍ଟା କରାଯାଇଛି । ବିଜେଡିରେ ବିଜୁ ବାବୁଙ୍କ ଫଟୋ ବି କାଢି ଦିଆଗଲା । ଅନ୍ୟ ମାନଙ୍କ ନାଁ ରଖାଗଲା । ଆଜି ବି କିଛି ଲୋକ ବିଜୁ ବାବୁଙ୍କ ନାଁ ବ୍ୟବହାର କରିବାକୁ ଚାହୁଁଛନ୍ତି କିନ୍ତୁ ବିଜୁ ଲିଗାସିକୁ ଆଗକୁ ନେବାକୁ ଚାହୁଁ ନାହାନ୍ତି । ଏହା ପ୍ରବଞ୍ଚନା । ଲିଗାସି ବନାମ ହିପୋକ୍ରାସି ଲୋକଙ୍କ ଭିତରେ ଆଲୋଡନ ସୃଷ୍ଟି କରୁଛି । ଏହାକୁ ନେଇ ବିଜୁ ଶ୍ରାଦ୍ଧ ଦିବସ ପାଳନ ଗୁରୁତ୍ଵ ବହନ କରୁଛି ।ବିଜେଡିରୁ ଲୋକେ ଦୂରେଇ ଯାଉଛନ୍ତି । ବାଲେଶ୍ଵର, ଭଦ୍ରକ ଓ ଯାଜପୁରରେ ଯାହା ଘଟଣା ଘଟୁଛି, ସେଥିରୁ ସ୍ପଷ୍ଟ ବୋଲି ଅମର ଶତପଥୀ କହିଛନ୍ତି ।ବିଜେଡିରେ ଲମ୍ବି ଚାଲିଛି ସସପେଣ୍ଡ ତାଲିକା । ଏଥିରୁ ବାଦ ପଡୁ ନାହାନ୍ତି ବିଧାୟକ, ପୂର୍ବତନ ବିଧାୟକ, ସାଂସଦ କି ବରିଷ୍ଠ ନେତା । ବରିଷ୍ଠ, କନିଷ୍ଠ, ଯୁବ, ଛାତ୍ର ସବୁ ସଂଗଠନରେ ବିଜେଡି ଚଲାଇଛି ସସପେଣ୍ଡ ପର୍ବ । ଏହାରି ଭିତରେ ସୋମବାର ବିଜେଡି ପୂର୍ବତନ ସାଂସଦ ମଞ୍ଜୁଲତା ମଣ୍ଡଳ ଓ ଧାମନଗରର ପୂର୍ବତନ ବିଧାୟକ ମୁକ୍ତିକାନ୍ତ ମଣ୍ଡଳଙ୍କୁ ଦଳ ସସପେଣ୍ଡ କରିଥିଲା । ଦଳ ବିରୋଧୀ କାମ ପାଇଁ ତାଙ୍କ ଉପରେ ଦଳ କାର୍ଯ୍ୟାନୁଷ୍ଠାନ ନେଇଥିବା କୁହାଯାଉଥିଲା । ଏମିତି କି ସେ ଖୁବ୍‌ଶୀଘ୍ର ବିଜେପିରେ ମିଶିବା ନେଇ ମଧ୍ୟ ଚର୍ଚ୍ଚା ହେଉଛି । ଏପଟେ ବିଜେଡି ବର୍ତ୍ତମାନ ଯେମିତି ଦଳ ବିରୋଧୀ କାର୍ଯ୍ୟକ୍ରମ ନାଁରେ ଜଣେ ପରେ ଜଣେ ନେତାଙ୍କୁ ସସପେଣ୍ଡ କରିବାରେ ଲାଗିଛି, ଆଗାମୀ ଦିନରେ ଦଳ ପାଇଁ ଏହା ବଡ଼ ଚ୍ୟାଲେଞ୍ଜ ସୃଷ୍ଟି କରିବାକୁ ଯାଉଛି । ବିଜେଡି କହିଛି, ଦଳରୁ ଯିଏ ଗଲେ ମଧ୍ୟ କିଛି ଫରକ ପଡିବ ନାହିଁ । ଅଳିଆ ସଫା ହେଲେ ଦଳ ଅଧିକ ମଜଭୁତ ହେବ । ସେପଟେ ବିଶେଷଜ୍ଞଙ୍କ ମତ, ପଂଚାୟତ ନିର୍ବାଚନ ଯେତିକି ପାଖେଇବ ଏହି ସସପେଣ୍ଡ ପର୍ବ ସେତିକି ବଢିବ । ଏହାଦ୍ବାରା ଦଳ ଦୁର୍ବଳ ହେବା ସମ୍ଭାବନା ବି ରହିଛି ।Also Read:-Bjp Target Bjd: ରାଜ୍ୟରେ ଏବେ ପାଓ୍ୱାରଲେସ୍ ବିଜେଡି, ବିଜେପି କଣ୍ଟାକ୍ଟରେ ଅନେକ ଅସନ୍ତୁଷ୍ଟଗୋଟିଏ ପଟେ ବିଜେଡି ଯେତିକି ଛିଣ୍ଡୁଛି ଅନ୍ୟପଟେ ବିଜେପି ସେତିକି ବଢୁଛି । କାରଣ ବିଜେଡି ଛାଡି ନେତାମାନେ ବିଜେପି ମୁହାଁ ହେଉଛନ୍ତି । ହେଲେ ଆଗାମୀ ଦିନରେ ଏହା ବିଜେପି ପାଇଁ ବି ଘାତକ ହୋଇପାରେ । କାରଣ ଗୋଟିଏ ଦଳରୁ ଅନ୍ୟ ଦଳକୁ ନେତା ଆସିଲେ ପଦ ପଦବୀ ପାଇଁ ଡିଲ୍ କରି ଆସିଥାନ୍ତି । ଏହି କ୍ରମରେ ବିଜେପିକୁ ଆସୁଥିବା ନେତା ଯଦି ପଦ ପଦବୀ ମାଡି ବସିବେ ତାହାଲେ ଦୀର୍ଘ ଦିନ ଧରି ଦଳ ପାଇଁ କାମ କରୁଥିବା ନେତାଙ୍କ ଭିତରେ ଅସନ୍ତୋଷ ବଢିପାରେ । ବିଜେପି ସଭାପତି ମନ ମୋହନ ସାମଲ କହିଛନ୍ତି, ଆମ ଦ୍ୱାର ସମସ୍ତଙ୍କ ପାଇଁ ଉନ୍ମୁକ୍ତ ରହିଛି । ଯେଉଁମାନେ ଆଗ୍ରହ ପ୍ରକାଶ କରିବେ ଆସିପାରିବେ । ବିଶେଷଜ୍ଞ କହିଛନ୍ତି, ବିଜେପିକୁ ସରକାରକୁ ଆଣିବା ପାଇଁ ଅନେକ ନେତା ଦିନ ରାତି ଏକ କରି ପରିଶ୍ରମ କରିଥିଲେ । ନୂଆ ନେତାଙ୍କ ପାଇଁ ଯଦି ଦଳ ତାଙ୍କୁ ଅଣଦେଖା କରେ ଦଳ ପାଇଁ ଏହା ଅଡୁଆ ସ୍ଥିତି ଉପୁଜାଇ ପାରେ ।

Mansoon Rain: ବର୍ଷା ଋତୁରେ ବି ମୌସୁମୀ ହେବ ଦୁର୍ବଳ, ବଢିଯିବ ଚାଷୀଙ୍କ ଚିନ୍ତା

ଭୁବନେଶ୍ୱର: ଚଳିତ ବର୍ଷ କମ ହୋଇପାରେ ବର୍ଷା । ସ୍ୱାଭାବିକ ଠାରୁ ୬ ପ୍ରତିଶତ କମ ବର୍ଷା ହେବାକୁ ନେଇ ପୂର୍ବାନୁମାନ କରିଛି ବିଦେଶୀ ସଂସ୍ଥା ସ୍କାଇମେଟ । ସମଗ୍ର ଭାରତରେ ଏ ବର୍ଷ କମ ମୌସୁମୀ ବର୍ଷା ସମ୍ଭାବନା ରହିଛି । ତେବେ ଏଲ-ନିନୋର ପ୍ରଭାବ ଓଡିଶା ଉପରେ ପଡିନପାରେ ବୋଲି କହିଛନ୍ତି ସିଇସି ମୁଖ୍ୟ ଶରତ ଚନ୍ଦ୍ର ସାହୁ । ପୂର୍ବରୁ ମୌସୁମୀ ଉପରେ ଏଲନିନୋର ପ୍ରଭାବ ଥାଇ ମଧ୍ୟ ତାହା ଓଡିଶା ଉପରେ କାର୍ଯ୍ୟକରି ନାହିଁ ବୋଲି ସେ କହିଛନ୍ତି । ୨୦୨୫ ମସିହା, ୨୦୨୩ରେ ଏଲ-ନିନୋ ପ୍ରଭାବ ରହିଥିଲା । କିନ୍ତୁ ଓଡ଼ିଶାରେ ସ୍ୱାଭାବିକ ବର୍ଷା ରେକର୍ଡ ହୋଇଥିବା ମଧ୍ୟ ତଥ୍ୟ ରହିଛି । ଚଳିତ ବର୍ଷ ଏହାର ପ୍ରଭାବ କିପରି ରହିବ ତାହା ମେ ମାସ ବେଳକୁ ସ୍ପଷ୍ଟ ହେବ । ଏପଟେ କିନ୍ତୁ ସ୍କାଇମେଟର ଆକଳନ କହୁଛି ଏ ବର୍ଷ ୯୪ ପ୍ରତିଶତ ବର୍ଷା ସମଗ୍ର ଭାରତରେ ରେକର୍ଡ ହେବ । ବିଶେଷ କରି ଜୁନ ଜୁଲାଇରେ ବର୍ଷାର ମାତ୍ର କମ ରହିବ । ​​​​​​​Also Read...Weather Update: ଅସହ୍ୟ ଗୁଳୁଗୁଳିରେ ସନ୍ତୁଳି ହେବ ଓଡ଼ିଶା, ୪ ଜିଲ୍ଲାକୁ ଆଲର୍ଟ କରାଇଲା ପାଣିପାଗ ବିଭାଗଏହା ପ୍ରଭାବ ଦେଶର ହରିୟାଣା, ପଞ୍ଜାବ, ରାଜସ୍ଥାନ ପରି ରାଜ୍ୟରେ ପଡିବା ଦମ୍ଭବନା ରହିଛି । ମୌସୁମୀ ବର୍ଷା ପାଇଁ ବିଭିନ୍ନ ଫ୍ୟାକ୍ଟର ରୁହେ । ଖରା, ପବନର ଦିଗ, ଲଘୁଚାପ । ତେଣୁ ଭାରତୀୟ ପାଣିପାଗ ବିଭାଗ ପକ୍ଷରୁ ମୌସୁମୀ ଜନିତ ପୂର୍ବାନୁମାନ ଏହାକୁ ସ୍ପଷ୍ଟ କରିବ ବୋଲି ପାଣିପାଗ ବିଶେଷଜ୍ଞ କହିଛନ୍ତି । ଯଦି ବର୍ଷା କମ ହୁଏ ତେବେ ଚାଷୀଙ୍କ ପାଇଁ ଚିନ୍ତା ବଢିବ ବୋଲି ସେ କହିଛନ୍ତି । ଏବର୍ଷ ଖରା ଓ ତାର ପ୍ରକୋପ ମଧ୍ୟ ଅଧିକ ରହିବାକୁ ନେଇ ପୂର୍ବାନୁମାନ ହୋଇଛି ।

ମଧ୍ୟପ୍ରାଚ୍ୟରେ ଯୁଦ୍ଧର ପ୍ରଭାବ, ପ୍ରଭାବିତ ହେଲାଣି ବିଦ୍ୟାଳୟ ମଧ୍ୟାହ୍ନ ଭୋଜନ

କନକ ବ୍ୟୁରୋ; ମଧ୍ୟପ୍ରାଚ୍ୟରେ ଯୁଦ୍ଧର ନିଆଁ, ଆଉ ଏହାର ସିଧାସଳଖ ପ୍ରଭାବ ଏବେ ଗରିବର ହାଣ୍ଡିଶାଳରେ। ରନ୍ଧନ ଗ୍ୟାସ ପାଇଁ ହାହାକାର ଦେଖାଦେଇଥିବା ବେଳେ ଲୋକେ ପୁଣି କାଠ ଓ କୋଇଲା ଚୁଲାକୁ ଆଦରି ନେଲେଣି। କିନ୍ତୁ ସବୁଠାରୁ ବଡ଼ ପ୍ରଭାବ ପଡ଼ିଛି ସରକାରୀ ସ୍କୁଲର ମିଡ୍-ଡେ-ମିଲ୍ ବା ମଧ୍ୟାହ୍ନ ଭୋଜନ ଉପରେ। ସୁନ୍ଦରଗଡ଼ ଜିଲ୍ଲାରୁ ଆସିଛି ଚିନ୍ତାଜନକ ଖବର। ସୁନ୍ଦରଗଡ଼ ଜିଲ୍ଲାର ସରକାରୀ ସ୍କୁଲ ଗୁଡ଼ିକରେ ଏବେ ପାଠପଢ଼ା କମ୍, ଗ୍ୟାସ ପାଇଁ ଲମ୍ବା ଲାଇନ୍ ଅଧିକ ଦେଖିବାକୁ ମିଳୁଛି। ବିଭାଗ ପକ୍ଷରୁ ପ୍ରତି ସ୍କୁଲକୁ ଦୁଇଟି ସିଲିଣ୍ଡର ଓ ଚୁଲା ଦିଆଯାଇଥିଲେ ମଧ୍ୟ ଗ୍ୟାସ ମିଳିବା ଏବେ ଆକାଶ କଇଁଆ । ଅଧିକ ପଢନ୍ତୁ: ଟ୍ରମ୍ପଙ୍କ ‘ଆତ୍ମଘୋଷିତ’ ବିଜୟ ପଛରେ ବିରାଟ ପ୍ରହେଳିକା, ଇସ୍ରାଏଲର ପିଠିରେ ଆମେରିକାର କୂଟନୈତିକ ଛୁରୀ! ଅନଲାଇନ୍ ବୁକିଂ କଲେ ବି ସପ୍ତାହ ସପ୍ତାହ ଧରି ସିଲିଣ୍ଡର ମିଳୁନାହିଁ। ଶିକ୍ଷକମାନେ ନିଜର ମୂଲ୍ୟବାନ ସମୟ ପାଠପଢ଼ାରେ ଲଗାଇବା ପରିବର୍ତ୍ତେ ଗ୍ୟାସ ଏଜେନ୍ସି ଆଗରେ ଲାଇନ୍ ଲଗାଉଛନ୍ତି। ଗ୍ୟାସ ନମିଳିବାରୁ ବାଧ୍ୟ ହୋଇ ସ୍କୁଲ କର୍ତ୍ତୃପକ୍ଷ ପୁଣି ସେହି ପୁରୁଣା କାଠ ଚୁଲାକୁ ଫେରିଛନ୍ତି। ହେଲେ ସମସ୍ୟା ଏତିକିରେ ସରିନାହିଁ। ଗ୍ୟାସର କଳାବଜାରୀ ବଢ଼ିବା ସହ କାଠ ଦର ମଧ୍ୟ ଆକାଶଛୁଆଁ ହୋଇଛି। ପୂର୍ବରୁ କାଠ ଦର କୁଇଣ୍ଟାଲ ପ୍ରତି ୪୫୦ ରୁ ୫୦୦ ଟଙ୍କା ଥିଲା। ବର୍ତ୍ତମାନର ଦର ୮୫୦ ରୁ ୯୦୦ ଟଙ୍କା। ମିଡ୍-ଡେ-ମିଲ୍ ପାଇଁ ସରକାରଙ୍କ ପକ୍ଷରୁ ଏକ ନିର୍ଦ୍ଧାରିତ ବଜେଟ୍ ବା ଦର ରହିଛି। କିନ୍ତୁ କାଠ ଦର ଦ୍ୱିଗୁଣିତ ହୋଇଯାଇଥିବାରୁ, ସେହି ସୀମିତ ଅର୍ଥରେ ପିଲାଙ୍କୁ କିଭଳି ସ୍ୱାଦିଷ୍ଟ ଓ ପୁଷ୍ଟିକର ଭୋଜନ ମିଳିବ, ସେ ନେଇ ଶିକ୍ଷକମାନେ ଏବେ ଦ୍ୱନ୍ଦ୍ୱରେ। ସୁନ୍ଦରଗଡ଼ରେ କ’ଣ ରହିଛି ସ୍ଥିତି ସେ ନେଇ ଅଧିକ ସୂଚନା ଦେଉଛନ୍ତି ଆମ ପ୍ରତିନିଧି ଦେବାଶିଷ କବି... ଗ୍ୟାସ୍‌ ସଙ୍କଟ ଗଭୀର ହାଣ୍ଡିଶାଳରେ ନିଆଁ କାଠ ଚୁଲାରେ ରୋଷେଇ ସୁନ୍ଦରଗଡ଼ରେ ହାହାକାର ମଧ୍ୟାହ୍ନ ଭୋଜନ ପ୍ରଭାବିତ ବଜେଟ୍‌ ବାହାରେ ଦର ଗ୍ୟାସ୍‌ କଳାବଜାରୀ ବୃଦ୍ଧି ଶିକ୍ଷକଙ୍କ ଚିନ୍ତା ବଢ଼ିଲା

“ମୁଁ ଜଣେ ମୂଲିଆ..” କଥାରେ କଥାରେ ଚୟନକର୍ତ୍ତାଙ୍କୁ ତାତ୍ସଲ୍ୟ କଲେ ଶାମୀ

କୋଲକତା : ସନରାଇଜର ହାଇଦ୍ରାବାଦ ବିପକ୍ଷରେ ଖେଳାଯାଇଥିବା ମ୍ୟାଚରେ ଲକ୍ଷ୍ନୌ ସୁପରଜାଏଂଟସ ପକ୍ଷରୁ ଶ୍ରେଷ୍ଠ ପ୍ରଦର୍ଶନ କରିଥିବା ଷ୍ଟାର ଖେଳାଳୀ ମହମ୍ମଦ ଶାମୀ ନିଜ ହୋମ ଗ୍ରାଉଣ୍ଡ ଇଡେନ ଗାର୍ଡେନକୁ ପ୍ରତ୍ୟୋବର୍ତ୍ତନ କରିଛନ୍ତି । ଗୁରୁବାର ଦିନ କୋଲକତା ବିପକ୍ଷରେ ଖେଳାଯିବାକୁ ଥିବା ମ୍ୟାଚ ପୂୂର୍ବରୁ ଶାମୀ ବିପକ୍ଷ ଦଳକୁ କିଛି ଖାସ ଅନ୍ଦାଜରେ ଚେତାବନୀ ଦେଇଛନ୍ତି । ଗୋଟେ ପଟେ କୋଲକତା କ୍ରମାଗତ ଭାବେ ୩ ଟି ମ୍ୟାଚ ହାରି ବିଜୟର ଆଶାକୁ ଚାହିଁ ରହିଥିବାବେଳେ […]

UPI Biometric Payment: ଏଣିକି ଦେବାକୁ ପଡ଼ିବନି UPI ପିନ୍, BHIM ଓ Paytm ରେ ଆସିଲା ନୂଆ ଫିଚର, ମୁହଁ ଦେଖିଲେ ହେବ ପେମେଣ୍ଟ

ନୂଆଦିଲ୍ଲୀ: ଯଦି ଆପଣ ମଧ୍ୟ ପେମେଣ୍ଟ କରିବା ସମୟରେ ବାରମ୍ବାର UPI ପିନ୍ (UPI PIN) ଭୁଲିଯାଉଛନ୍ତି, ତେବେ ଆପଣଙ୍କ ପାଇଁ ଏକ ଆଶ୍ୱସ୍ତିକର ଖବର। ଡିଜିଟାଲ୍ ପେମେଣ୍ଟକୁ ଅଧିକ ସହଜ ଏବଂ ସୁରକ୍ଷିତ କରିବା ପାଇଁ ଭୀମ୍ ଆପ୍ (BHIM App) ଏବଂ ପେଟିଏମ୍ (Paytm) ଏକ ନୂଆ ବାୟୋମେଟ୍ରିକ୍ ଫିଚର ଆରମ୍ଭ କରିଛନ୍ତି। ଏବେ ଆପଣଙ୍କୁ ବାରମ୍ବାର ନିଜର ପିନ୍ ଟାଇପ୍ କରିବାର ଆବଶ୍ୟକତା ନାହିଁ; କେବଳ ଫିଙ୍ଗରପ୍ରିଣ୍ଟ କିମ୍ବା ଫେସ୍ ଅନଲକ୍ ସାହାଯ୍ୟରେ ସେକେଣ୍ଡକ ମଧ୍ୟରେ ପେମେଣ୍ଟ ହୋଇପାରିବ।ଏହା ସହିତ Paytm ରେ ଏବେ ବିନା ଡେବିଟ୍ କାର୍ଡରେ ଏଟିଏମ୍ରୁ ଟଙ୍କା ଉଠାଇବାର ଏକ ନୂଆ ସୁବିଧା ମଧ୍ୟ ପ୍ରଦାନ କରାଯାଇଛି। ଜାଣନ୍ତୁ ଏହି ନୂତନ ଫିଚରଗୁଡ଼ିକ ବିଷୟରେ ସବିଶେଷ ତଥ୍ୟ।୫,୦୦୦ ଟଙ୍କା ପର୍ଯ୍ୟନ୍ତ ବିନା ପିନ୍ରେ ପେମେଣ୍ଟନ୍ୟାସନାଲ୍ ପେମେଣ୍ଟସ୍ କର୍ପୋରେସନ୍ ଅଫ୍ ଇଣ୍ଡିଆ (NPCI) ର ଗାଇଡଲାଇନ୍ ଅନୁଯାୟୀ, ଏହି ନୂଆ ବାୟୋମେଟ୍ରିକ୍ ଫିଚର ମାଧ୍ୟମରେ ୟୁଜର୍ସ ୫,୦୦୦ ଟଙ୍କା ପର୍ଯ୍ୟନ୍ତ UPI ଟ୍ରାଞ୍ଜାକ୍ସନ୍ କେବଳ ଫିଙ୍ଗରପ୍ରିଣ୍ଟ କିମ୍ବା ଫେସ୍ ରେକଗନିସନ୍ (Face recognition) ମାଧ୍ୟମରେ କରିପାରିବେ। ଏହାଦ୍ୱାରା ବାଲାନ୍ସ ଚେକ୍ ମଧ୍ୟ କରିହେବ। ତେବେ ୫,୦୦୦ ଟଙ୍କାରୁ ଅଧିକ ପେମେଣ୍ଟ କରିବାକୁ ହେଲେ ପୂର୍ବଭଳି ଆପଣଙ୍କୁ ନିଜର ୪ କିମ୍ବା ୬ ଅଙ୍କ ବିଶିଷ୍ଟ UPI ପିନ୍ ଦେବାକୁ ପଡ଼ିବ। ଯେଉଁମାନେ ପିନ୍ ଦେଇ ପେମେଣ୍ଟ କରିବାକୁ ଚାହୁଁଛନ୍ତି, ସେମାନଙ୍କ ପାଇଁ ପୂର୍ବ ବିକଳ୍ପ ମଧ୍ୟ ଖୋଲା ରହିଛି।ବିନା ଏଟିଏମ୍ କାର୍ଡରେ ଉଠାଇପାରିବେ କ୍ୟାସ୍ (Cardless ATM Withdrawal)Paytm ଏହି ଫିଚର ସହ ଏକ କାର୍ଡଲେସ୍ ଏଟିଏମ୍ ଉଠାଣ ସୁବିଧା ମଧ୍ୟ ଆଣିଛି। ଏହି ସୁବିଧା ଥିବା ATM ଗୁଡ଼ିକରେ ଗ୍ରାହକମାନେ ଥରକେ ସର୍ବାଧିକ ୧୦,୦୦୦ ଟଙ୍କା ପର୍ଯ୍ୟନ୍ତ କ୍ୟାସ୍ ଉଠାଇପାରିବେ। ଦୈନିକ ଟଙ୍କା ଉଠାଣ ସୀମା ଆପଣଙ୍କ ନିଜ ବ୍ୟାଙ୍କର ନିୟମ ଉପରେ ନିର୍ଭର କରିବ। ଏଥିପାଇଁ ମଧ୍ୟ ଆପଣଙ୍କୁ ବାୟୋମେଟ୍ରିକ୍ ଭେରିଫିକେସନ୍ ବ୍ୟବହାର କରିବାର ସୁବିଧା ମିଳିବ।ଭିଡ଼ରେ ମଧ୍ୟ ସମ୍ପୂର୍ଣ୍ଣ ସୁରକ୍ଷିତ ରହିବ ଟ୍ରାଞ୍ଜାକ୍ସନ୍ପ୍ରାୟତଃ ଦୋକାନ କିମ୍ବା ଭିଡ଼ ଜାଗାରେ ପିନ୍ ଟାଇପ୍ କରିବା ସମୟରେ ଆଖପାଖ ଲୋକ ଏହାକୁ ଦେଖିନେବାର ଏବଂ ପିନ୍ ଲିକ୍ ହେବାର ଭୟ ରହିଥାଏ। କିନ୍ତୁ ବାୟୋମେଟ୍ରିକ୍ ଅଥେଣ୍ଟିକେସନ୍ ଦ୍ୱାରା ଏହି ଆଶଙ୍କା ଯଥେଷ୍ଟ କମିଯିବ।ଗୋପନୀୟତା: ଆପଣଙ୍କ ବାୟୋମେଟ୍ରିକ୍ ଡାଟା (ଫିଙ୍ଗରପ୍ରିଣ୍ଟ କିମ୍ବା ଫେସ୍ ଆଇଡି) ପେଟିଏମ୍ କିମ୍ବା ବ୍ୟାଙ୍କ ପାଖରେ ସେଭ୍ ହୋଇନଥାଏ। ଏହା କେବଳ ଆପଣଙ୍କ ନିଜ ଡିଭାଇସ୍ରେ ହିଁ ସୁରକ୍ଷିତ ଥାଏ।Paytm ରେ କିପରି ଆକ୍ଟିଭ୍ କରିବେ ଏହି ଫିଚର୍? (୬ଟି ସହଜ ଷ୍ଟେପ୍)ଷ୍ଟେପ୍ ୧: ନିଜ ଫୋନରେ Paytm ଆପ୍ ଖୋଲନ୍ତୁ।ଷ୍ଟେପ୍ ୨: ବାମ ପାର୍ଶ୍ୱରେ ଥିବା ପ୍ରୋଫାଇଲ୍ (Profile) ଆଇକନ୍ ଉପରେ କ୍ଲିକ୍ କରନ୍ତୁ।ଷ୍ଟେପ୍ ୩: ସେଟିଙ୍ଗ୍ସକୁ ଯାଇ ‘Pay with Fingerprint’ କିମ୍ବା ‘Pay with Face ID’ ବିକଳ୍ପ ଉପରେ ଟ୍ୟାପ୍ କରନ୍ତୁ।ଷ୍ଟେପ୍ ୪: ବର୍ତ୍ତମାନ ଆପଣ ଯେଉଁ ବ୍ୟାଙ୍କ ଆକାଉଣ୍ଟ ପାଇଁ ଏହି ବାୟୋମେଟ୍ରିକ୍ ପେମେଣ୍ଟ ଆକ୍ଟିଭ୍ କରିବାକୁ ଚାହୁଁଛନ୍ତି ତାହାକୁ ବାଛନ୍ତୁ।ଷ୍ଟେପ୍ ୫: ସ୍କ୍ରିନ୍ରେ ଆସୁଥିବା ନିର୍ଦ୍ଦେଶ ଅନୁଯାୟୀ ନିଜର ଫିଙ୍ଗରପ୍ରିଣ୍ଟ ବା ଫେସ୍ ଆଇଡି ଦେଇ ଅଥେଣ୍ଟିକେଟ୍ କରନ୍ତୁ।ଷ୍ଟେପ୍ ୬: ଏବେ ଏହା ସକ୍ରିୟ ହୋଇଯିବ ଏବଂ ଆପଣ ୫,୦୦୦ ଟଙ୍କା ପର୍ଯ୍ୟନ୍ତ ପେମେଣ୍ଟ ତଥା ବାଲାନ୍ସ ଚେକ୍ ସୁରକ୍ଷିତ ଭାବେ କରିପାରିବେ।BHIM ଆପ୍ ୟୁଜର୍ସ କ'ଣ କରିବେ?ଯଦି ଆପଣ BHIM ଆପ୍ ବ୍ୟବହାର କରୁଛନ୍ତି, ତେବେ ଧ୍ୟାନ ରଖନ୍ତୁ ଯେ ଏହି ଫିଚର ଆପେଆପେ ଚାଲୁ ହୁଏନାହିଁ। ଆପଣଙ୍କୁ ଆପରେସେଟିଙ୍ଗ୍ସକୁ ଯାଇ ବାୟୋମେଟ୍ରିକ୍ ଅଥେଣ୍ଟିକେସନ୍କୁ ମାନୁଆଲ୍ ଭାବେ 'ଅନ୍' (ON) କରିବାକୁ ପଡ଼ିବ। ଏହା ପୂର୍ବରୁ ଆପଣଙ୍କ ଫୋନରେ ସ୍କ୍ରିନ୍ ଲକ୍ ପାଇଁ ଫିଙ୍ଗରପ୍ରିଣ୍ଟ କିମ୍ବା ଫେସ୍ ଲକ୍ ସେଟ୍ ହୋଇଥିବା ନିତାନ୍ତ ଜରୁରୀ।

ଭିଜିଲାନ୍ସ ଜାଲରେ ଆଉ ଜଣେ ବଡବାବୁ, ଜଳସେଚନ ସର୍କଲର ଅତିରିକ୍ତ ମୁଖ୍ୟ ଯନ୍ତ୍ରୀଙ୍କ ଭିଜିଲାନ୍ସ ଚଢ଼ାଉ

କନକ ବ୍ୟୁରୋ: ସରକାରୀ ଚାକିରି, କିନ୍ତୁ ଠାଣି ପୂରା ଶେହେନସାହଙ୍କ ଭଳି! ଜଳସେଚନ ବିଭାଗର ଅତିରିକ୍ତ ମୁଖ୍ୟ ଯନ୍ତ୍ରୀ ରାଜେଶ ଚନ୍ଦ୍ର ମହାନ୍ତି ଏବେ ଭିଜିଲାନ୍ସ ଜାଲରେ । ଖାଲି ଜାଲରେ ପଡ଼ିନାହାନ୍ତି, ବାବୁଙ୍କ ସଉକ ଦେଖି ତଦନ୍ତକାରୀ ଅଧିକାରୀଙ୍କ ଆଖି ମଧ୍ୟ ଖୋସି ହୋଇଯାଇଛି । ଘଣ୍ଟା ଠାରୁ ଚଷମା, ଆଉ ଆଲମାରି ଭର୍ତ୍ତି ନଗଦ ଟଙ୍କା; ଏମିତି କିଛି ମିଳିଛି ବାବୁଙ୍କ ଘରୁ। ଜଣେ ସରକାରୀ ବାବୁଙ୍କର ଏତେ ସମ୍ପତ୍ତି କେଉଁଠୁ ଆସିଲା ? ଭୁବନେଶ୍ୱରରୁ ଢେଙ୍କାନାଳ, ଯାଜପୁରରୁ କଟକ; ବାବୁଙ୍କ ସାମ୍ରାଜ୍ୟ ଚାରିଆଡ଼େ ବ୍ୟାପିଛି। ଆୟ ବହିର୍ଭୂତ ସମ୍ପତ୍ତି ଠୁଳ ଅଭିଯୋଗରେ ଆଜି ଏକକାଳୀନ ୬ଟି ସ୍ଥାନରେ ଚଢ଼ାଉ କରିଛି ଭିଜିଲାନ୍ସ । ବାବୁଙ୍କ ଖଜାନାରୁ ଯାହା ମିଳିଛି ଶୁଣିଲେ ଆଖି ଝଲସିଯିବ । ଭୁବନେଶ୍ୱର ବରମୁଣ୍ଡା ହାଉସିଂ ବୋର୍ଡ କଲୋନୀରେ ରହିଛି ୩୦୦୦ ବର୍ଗଫୁଟର ଏକ ବିଶାଳ ତିନି ମହଲା କୋଠା । ସେହିପରି ଢେଙ୍କାନାଳ ଭାପୁରର ବିମ୍ବୋଲରେ ୧.୭୧ ଏକର ଜମି ଉପରେ ରହିଛି ୪୦୦୦ ବର୍ଗଫୁଟର ଏକ ବିଳାସପୂର୍ଣ୍ଣ ଫାର୍ମ ହାଉସ୍ ସହ ଦୁଇ ମହଲା କୋଠା । ଏଥିସହ ଭୁବନେଶ୍ୱର ଓ ଢେଙ୍କାନାଳରେ ମୋଟ ୫ଟି ମୂଲ୍ୟବାନ ପ୍ଲଟ୍‌ ଚିହ୍ନଟ ହୋଇଛି । ଅଧିକ ପଢନ୍ତୁ: ଭିଜିଲାନ୍ସ ଜାଲରେ ଓପିଏଚଡବ୍ଲୁସିର ଡେପୁଟି ମ୍ୟାନେଜର ଫିଲ୍ମ ଷ୍ଟାରଙ୍କ ଭଳି ସରକାରୀ ବାବୁଙ୍କ ଠାଣି ଆଉ ଚଳଣି ଇଞ୍ଜିନିୟର ବାବୁଙ୍କର ଚଳଣି କୌଣସି ଧନୀ ବ୍ୟବସାୟୀଙ୍କ ଠାରୁ କମ୍ ନୁହେଁ ଘରୁ ମିଳିଛି ଦାମୀ ଦାମୀ ଘଣ୍ଟା ଏବଂ ଚଷମାର ଭଣ୍ଡାର ଆଖି ଝଲସିଲା ଭଳି ସୁନା ଅଳଙ୍କାର ମଧ୍ୟ ଜବତ ଖାଲି ସେତିକି ନୁହେଁ, ନଗଦ ମିଳିଛି ୬ ଲକ୍ଷ ୨୩ ହଜାର ଟଙ୍କା ବ୍ୟାଙ୍କ ଆକାଉଣ୍ଟରେ ରହିଛି ୬୦ ଲକ୍ଷରୁ ଅଧିକ ଟଙ୍କାର ଜମା ୨ଟି ଚାରିଚକିଆ ଯାନ ଓ ୨ଟି ଦୁଇଚକିଆ ଯାନ ମଧ୍ୟ ରଖିଛନ୍ତି ବାବୁ ବାବୁଙ୍କ ଭ୍ରମଣ ଖର୍ଚ୍ଚ ବି କିଛି କମ୍‌ ନୁହେଁ ବିମାନ ଟିକେଟ୍ ବାବଦକୁ ଖର୍ଚ୍ଚ କରିଛନ୍ତି ୧୩.୪୭ ଲକ୍ଷ ଟଙ୍କା ରାଜ୍ୟରେ ଜଣଙ୍କ ପରେ ଜଣେ ସରକାରୀ ବାବୁ ଭିଜିଲାନ୍ସ ଜାଲରେ ପଡୁଥିଲେ ମଧ୍ୟ ଦୁର୍ନୀତି ଥମିବାର ନାଁ ନେଉନି। ବର୍ତ୍ତମାନ ଭିଜିଲାନ୍ସର ଟେକ୍ନିକାଲ୍ ୱିଙ୍ଗ୍ ସମସ୍ତ ସ୍ଥାବର ଓ ଅସ୍ଥାବର ସମ୍ପତ୍ତିର ମୂଲ୍ୟାଙ୍କନ କରୁଛି। ତେବେ ଏହି କଳା ଟଙ୍କାର ପାହାଡ଼ ପଛରେ ଆଉ କାହାର ହାତ ରହିଛି କି? ଚଢ଼ାଉ ଜାରି ରହିଛି, ଆଗକୁ ଆଉ କେଉଁ ସବୁ ଗୁମର ଫିଟୁଛି ତାହା ଦେଖିବାକୁ ବାକି ରହିଲା।

ଏ କ’ଣ ! ମିଶିଗଲା ମନ, ଏକାଠି ହେଲେ ଦୁଇ ପରିବାର, ବିବାହ ବନ୍ଧନରେ ବାନ୍ଧିହେବେ ପଲାଶ୍-ସ୍ମୃତି

Smriti-Palash: ଭାରତୀୟ ମହିଳା କ୍ରିକେଟ ଦଳର ଷ୍ଟାର ବ୍ୟାଟ୍ସମ୍ୟାନ୍ ସ୍ମୃତି ମନ୍ଧାନା ଏବଂ ଲୋକପ୍ରିୟ ସଂଗୀତକାର ପଲାଶ ମୁଛଲ ଗତ ନଭେମ୍ବର ୨୦୨୫ରେ ବିବାହ ବନ୍ଧନରେ ବାନ୍ଧି ହୋଇଥାନ୍ତେ । କିନ୍ତୁ, ବିବାହର କିଛି ଦିନ ପୂର୍ବରୁ ଆସିଥିବା ଖବର ସମସ୍ତଙ୍କୁ ଆଶ୍ଚର୍ଯ୍ୟ କରିଦେଇଥିଲା। ପ୍ରାରମ୍ଭରେ, ବିବାହ କିଛି ଦିନ ପାଇଁ ସ୍ଥଗିତ ରଖାଯାଇଥିବା ଖବର ପ୍ରକାଶିତ ହୋଇଥିଲା । ମାତ୍ର ପରବର୍ତ୍ତୀ ସମୟରେ, ସମ୍ପର୍କ ଶେଷ ହୋଇଥିବା ରିପୋର୍ଟ ପ୍ରସାରିତ ହେବା ଆରମ୍ଭ ହୋଇଥିଲା। ଏହା […]

ରେବତୀଙ୍କ ସାକ୍ଷ୍ୟ ଯୋଗୁ ୯ ପୁଲିସ କର୍ମଚାରୀଙ୍କୁ ମିଳିଥିଲା ମୃତ୍ୟୁ ଦଣ୍ଡାଦେଶ

କନକ ବ୍ୟୁରୋ: ତାମିଲନାଡ଼ୁରେ ବାପ-ପୁଅଙ୍କ ହାଜତ ମୃତ୍ୟୁ ମାମଲାରେ ମାଡ୍ରାସ ହାଇକୋର୍ଟଙ୍କ ଐତିହାସିକ ରାୟକୁ ପ୍ରଶଂସା ମିଳୁଥିବାବେଳେ ଏହାର ମାଧ୍ୟମ ସାଜିଥିଲେ ତାମିଲନାଡ଼ୁ ପୁଲିସ ବିଭାଗର ମୁଖ୍ୟ କନଷ୍ଟେବଳ ରେବତୀ । ଧମକ ଏବଂ ସାଂଗଠନିକ ଚାପକୁ ବେଖାତିର କରି ରେବତୀ ନିର୍ଭୀକ ଭାବେ ନିଜର ସାକ୍ଷ୍ୟ ପ୍ରଦାନ କରି ମୃତ ବାପ-ପୁଅଙ୍କୁ ନ୍ୟାୟ ଦେବାରେ ପ୍ରମୁଖ ଭୂମିକା ଗ୍ରହଣ କରିଥିଲେ । ୨୦୨୦ ମସିହାରେ ବ୍ୟବସାୟୀ ପି ଜୟରାଜ ଓ ତାଙ୍କ ପୁଅ ଜେ ବେନିକ୍ସଙ୍କୁ କୋଭିଡ ନିୟମ ଉଲ୍ଲଂଘନ ଅଭିଯୋଗରେ ଥୁଟ୍ଟିକୁଡିର ସତନକୁଲମ୍‌ ପୁଲିସ ଗିରଫ କରିଥିଲା। ସେତେବେଳେ ରେବତୀ ସତନକୁଲମ ପୁଲିସ ଷ୍ଟେସନରେ ଡ୍ୟୁଟିରେ ଥିଲେ । ଏହି ମାମଲାରେ ସାକ୍ଷୀ ହେବା ପରେ ତାଙ୍କ ସୁରକ୍ଷା, ପରିବାର କିମ୍ବା ଚାକିରି ବିଷୟରେ କୌଣସି ସ୍ପଷ୍ଟ ସୁରକ୍ଷା ମିଳି ନଥିଲେ ମଧ୍ୟ ସେ ନିର୍ଭୀକତାର ସହିତ ପୁଲିସ ଷ୍ଟେସନରେ ସେ ଦିନ ଘଟିଥିବା ସମସ୍ତ ଘଟଣା ମାଜିଷ୍ଟ୍ରେଟଙ୍କୁ ବର୍ଣ୍ଣନା କରିଥିଲେ । ମାମଲାରେ ଅଭିଯୁକ୍ତ ଅଧିକାରୀମାନେ ତାଙ୍କର ବରିଷ୍ଠ ଏବଂ ପ୍ରଭାବଶାଳୀ ଥିଲେ। ସେତେବେଳେ ରେବତୀ ଜଣେ ଜୁନିଅର କନଷ୍ଟେବଳ ଥିଲେ। କିନ୍ତୁ ଜୟରାଜ ଓ ବେନିକ୍ସଙ୍କୁ ନ୍ୟାୟ ଦେବାକୁ ସେ ଦୃଢ଼ ପଣ କରିଥିିଲେ । ଅଧିକ ପଢନ୍ତୁ: ଲୁଟ୍‌ କରି ଅଏସ କରୁଥିଲେ ଦମ୍ପତି ; ଧରାପଡ଼ିଲେ ଚେନ୍‌ ଝାମ୍ପୁଥିବା ଲୁଟେରା ଗ୍ୟାଙ୍ଗ ରେବତୀ ଜୁଡିସିଆଲ ମାଜି‌ଷ୍ଟ୍ରେଟଙ୍କୁ ତାଙ୍କ ଦୁଇ ଝିଅଙ୍କ ପାଇଁ ସୁରକ୍ଷା ମାଗିଥିଲେ । ଜୁଡିସିଆଲ ମାଜି‌ଷ୍ଟ୍ରେଟଙ୍କୁ ସେ ସେଦିନର ଘଟଣାର ମିନିଟ ମିନିଟର ତଥ୍ୟ ଦେଇଥିଲେ । କେମିତି ପୁଲିସ ସମସ୍ତ ବର୍ବରତା ପାର୍‌ କରି ରାତି ସାରା ବାପ-ପୁଅଙ୍କ ପିଟିଥିଲା । ପୁଲିସ ମାଡ଼ରେ ଦୁହେଁ ଗୁରୁତର ଭାବେ ଆହତ ହୋଇଥିଲେ । ପରେ ସେମାନଙ୍କୁ ନ୍ୟାୟିକ ହାଜତକୁ ପଠାଯାଇଥିଲା । କିଛି ଦିନ ବ୍ୟବଧାନ ପରେ ସେମାନଙ୍କର ମୃତ୍ୟୁ ହୋଇଥିଲା। ଏହି ଘଟଣାକୁ ନେଇ ସାରା ଦେଶରେ ଆକ୍ରୋଷ ଦେଖାଯାଇଥିଲା। ରେବତୀ ସିସିଟିଭି ଫୁଟେଜରେ ଦେଖାଯାଉଥିବା ପୁଲିସ କର୍ମଚାରୀମାନଙ୍କୁ ଚିହ୍ନଟ କରିଥିଲେ ଓ ଘଟଣାସ୍ଥଳରେ ସେମାନଙ୍କର ଉପସ୍ଥିତି ସ୍ଥାପନ କରିବାରେ ସାହାଯ୍ୟ କରିଥିଲେ, ଯାହା ଅପରାଧ ନିର୍ଣ୍ଣୟ କରିବାରେ ଗୁରୁତ୍ବପୂର୍ଣ୍ଣ ଥିଲା । ସେହି କାଳ ରାତିରେ ଅତିନୃଶଂସ ପାଲଟି ଯାଇଥିଲେ ପୁଲିସ ଅଧିକାରୀ, ଯାହା ପାଇଲେ ସେଥିରେ ବାପା-ପୁଅଙ୍କୁ ପିଟିଥିଲେ। ଏପରି ସେମାନଙ୍କ ସମ୍ବେଦନଶୀଳ ଅଙ୍ଗକୁ ମଧ୍ୟ ବୁଟ୍‌ରେ ଆଘାତ ଦେଇଥିଲେ। ବାପା-ପୁଅଙ୍କ ଶରୀରରେ ପ୍ରବଳ ରକ୍ତସ୍ରାବ ହେଉଥିବାବେଳେ ପୁଲିସ ସେମାନଙ୍କୁ ସେହି ରକ୍ତ ସଫା କରିବାକୁ କହୁଥି‌ଲେ । ରେବତୀ ଏସବୁ ନିଜ ଆଖିରେ ଦେଖି ସହ୍ୟ କରିପାରୁନଥିଲେ । ଏହି ବିଷୟରେ ମୁହଁ ନ ଖୋଲିବାକୁ ରେବତୀଙ୍କୁ ସାଥୀ ପୁଲିସ କର୍ମଚାରୀମାନେ ଧମକ ଦେଇଥିଲେ। ଏପରିକି ତାଙ୍କୁ ବୟାନ ରେକର୍ଡ଼ କରିବାକୁ ନଦେବା ପାଇଁ ଅନେକ ଚାପ ପକାଇଥିଲେ। ତେବେ ମାଜିଷ୍ଟ୍ରେଟ୍‌ଙ୍କଠାରୁ ସୁରକ୍ଷା ଆଶ୍ବାସନା ପାଇବା ପରେ ସେ ବୟାନ ରେକର୍ଡ଼ କରିଥିଲେ। ପୁଲିସ କର୍ମଚାରୀ କୋର୍ଟ ଷ୍ଟାଫଙ୍କୁ ମଧ୍ୟ ଧମକ ଦେବାକୁ ପଛାଇ ନଥିଲେ। ଯଦିଓ ମାମଲାର ପ୍ରାରମ୍ଭିକ ପର୍ଯ୍ୟାୟରେ ରେବତୀଙ୍କ ସାକ୍ଷ୍ୟକୁ ବ୍ୟାପକ ସମର୍ଥନ ମିଳିଥିଲା କିନ୍ତୁ ସେ ତାଙ୍କର ଦୁଇ ଝିଅ ଓ ସ୍ବାମୀଙ୍କ ସୁରକ୍ଷାକୁ ନେଇ ସର୍ବଦା ଆଶଙ୍କାରେ ରହିଥିଲେ। ମାଡ୍ରାସ ହାଇକୋର୍ଟଙ୍କ ନିର୍ଦ୍ଦେଶରେ ଜିଲ୍ଲା ପ୍ରଶାସନ ଦୁଇଜଣ ପୁଲିସ କନଷ୍ଟେବଳଙ୍କୁ ତାଙ୍କ ପରିବାରର ସୁରକ୍ଷା ପାଇଁ ଜଗାଇଥି‌ଲେ। ରେବତୀଙ୍କ ସାହସିକତା ଯୋଗୁ ଜୟରାଜ ଓ ବେନିକ୍ସଙ୍କୁ ନ୍ୟାୟ ମିଳିଥିଲା ।

ପରାଜୟ ପରେ ଦୋଷ ଲଦିଲେ ପାଣ୍ଡ୍ୟା : କହିଲେ -'ଏମାନଙ୍କ ପାଇଁ ଆମେ ହାରିଗଲୁ'

ଗୌହାଟୀ, ୦୭/୦୪ :ବୈଭବ ଝଡରେ ମାଟି କାମୁଡିଛି ମୁମ୍ବାଇ ଇଣ୍ଡିଆନ୍ସ । ମୁମ୍ବାଇର ଟପ୍ ବୋଲରଙ୍କୁ ପ୍ରହାର କରିଛନ୍ତି ରାଜସ୍ଥାନ ରୟାଲ୍ସର୧୫ବର୍ଷୀୟ ବ୍ୟାଟର ବୈଭବ ସୂର୍ଯ୍ୟବଂଶୀ । ଗୌହାଟୀରେ ଖେଳାଯାଇଥିବା ବର୍ଷା ବାଧା ପ୍ରାପ୍ତ ମୁକାବିଲାରେ ଜିତିଛି ରାଜସ୍ଥାନ ।୨୭ରେ ପରାସ୍ତ ହୋଇଛି ମୁମ୍ବାଇ ।ମୁକାବିଲାରେ ପ୍ରଥମେ ବ୍ୟାଟିଂ କରିଥିଲା ରାଜସ୍ଥାନ । ବର୍ଷା କାରଣରୁ ମୁକାବିଲାକୁ୧୧ଓଭର ବିଶିଷ୍ଟ କରାଯାଇଥିଲା । ପ୍ରଥମେ ବ୍ୟାଟିଂ କରିଥିବା ରାଜସ୍ଥାନ ଆରମ୍ଭରୁ ବିସ୍ଫୋରକ ଇନିଂସ ଖେଳିଥିଲା । ଯଶସ୍ୱୀ ଜୟସ୍ୱାଲ ଏବଂ ବୈଭବ ସୂର୍ଯ୍ୟବଂଶୀ ମୁମ୍ବାଇ ବୋଲରଙ୍କୁ ପ୍ରହାର କରିଥିଲେ । ଖାଲି ଛକା ଏବଂ ଚଉକା ବର୍ଷା ହୋଇଥିଲା । ଯାହା ମୁମ୍ବାଇ ପରାଜୟର ମୂଳଦୁଆ ପକାଇଥିଲା ।ତେବେ ଦଳ ପରାସ୍ତ ହେଲା ପରେ ବୋଲରଙ୍କୁ ଦୋଷ ଦେଇଛନ୍ତି ଅଧିନାୟକ ହାର୍ଦ୍ଦିକ ପାଣ୍ଡ୍ୟା । ସେ କହିଛନ୍ତି ଯେ, ପାଓ୍ୱାର ପ୍ଲେରେ ଦଳ ଯୋଜନା ମୁତାବକ ବୋଲିଂ କରିପାରିନଥିଲା । ରାଜସ୍ଥାନ ଓପନର ଦମଦାର୍ ବ୍ୟାଟିଂ କରିଥିଲେ । କିନ୍ତୁ ମୁମ୍ବାଇ ସେପରି ପ୍ରଦର୍ଶନ କରିପାରିନଥିଲା । ବ୍ୟାଟସମ୍ୟାନ୍ ନୁହେଁ ବରଂ ବୋଲରମାନେ ହିଁ ପରାଜୟର ମୁଖ୍ୟ କାରଣ ।ସେ ଆହୁରି କହିଛନ୍ତି ଯେ, କମ୍ ବୟସରେ ବୈଭବ ନିର୍ଭୟରେ ଖେଳୁଛନ୍ତି । ସେ ଜଣେ ଅଦ୍ଭୁତ ବ୍ୟାଟସମ୍ୟାନ୍ । ତାଙ୍କର ଭବିଷ୍ୟତ ଉଜ୍ଜ୍ୱଳ ବୋଲି ପାଣ୍ଡ୍ୟା ପ୍ରକାଶ କରିଛନ୍ତି ।ଜୟସ୍ୱାଲ ଏବଂ ବୈଭବଙ୍କ ବିସ୍ଫୋରକ ବ୍ୟାଟିଂମ୍ୟାଚ୍ ଆରମ୍ଭରୁ ବୈଭବ ଏବଂ ଜୟସ୍ୱାଲଙ୍କ ପ୍ରହାର ଆରମ୍ଭ କରିଥିଲେ । ପ୍ରଥମ ବଲରୁ ହିଁ ଦୁଇ ବ୍ୟାଟର ଜଲଓ୍ୱା ଦେଖାଇଥିଲେ । ଜସପ୍ରିତ ବୁମରା, ଟ୍ରେଣ୍ଟ୍ ବୋଲ୍ଟ୍, ଦୀପକ ଚହରଙ୍କ ଭଳି ବୋଲରଙ୍କୁ ଛକା ମାରିଥିଲେ । ବୈଭବ୧୪ବଲରୁ୩୯ରନ୍ କରିଥିବା ବେଳେ ଜୟସ୍ୱାଲ୩୨ବଲରୁ୭୭ରନ୍ କରି ଅପରାଜେୟ ରହିଥିଲେ ।

Man Kills Wife in Sundarpada: ସକାଳେ ଝିଅକୁ ଫୋନ୍ କରି ମାଆର ରିଚାର୍ଜ କରିବାକୁ କହିଲେ, ହେଲେ ୧୧ଟା ବେଳକୁ କାହିଁକି ଏମିତି କଲେ ?

ଭୁବନେଶ୍ବର ୮।୪:ଦାମ୍ପତ୍ୟ ଜୀବନର୩୫ ବର୍ଷରେଲାଗିଲା ରକ୍ତର ଛିଟା ।ସାତ ଜନମର ସାଥୀ ହେବେ ବୋଲିହାତଧରିଥିଲେ । ପରସ୍ପରର ସୁଖ ଦୁଃଖରେ ସାମିଲ ହେବେ ଆଉ ବାକି ଜୀବନ ହସଖୁସିରେକାଟିଦେବେ ବୋଲି ଭାବିଥିଲେ । ବୈବାହିକ ସମ୍ପର୍କ ବି ସୁରୁଖୁରୁରେ ଚାଲିଥିଲା । ହେଲେ ସେମାନଙ୍କସମ୍ପର୍କରେ ଯେମିତି କାହା ନଜର ଲାଗିଗଲା । ଯେଉଁ ଗଳାରେ ମଙ୍ଗଳସୂତ୍ର ପିନ୍ଧାଇ ଆଣିଥିଲେ ସେହି ଗଳା କାଟିଦେଲେ ।ଏକ ଧାରୁଆ ଛୁରୀରେ ପତ୍ନୀର ଗଳାକାଟିଦେଲା ନୃଶଂସ ସ୍ବାମୀ ।ବେଡରୁମ୍ଭିତରେ ଛଟପଟ ହୋଇ ଚାଲିଗଲା ସ୍ତ୍ରୀର ଜୀବନ ।ତଣ୍ଟି କାଟି ସ୍ତ୍ରୀର ମୃତଦେହ ନିକଟରେ ଜଗି ବସିଥିଲା ସ୍ବାମୀ ।​​​​​​​​​​​​​​​​​​​​​ରାଜଧାନୀରେ ମହିଳାଙ୍କୁ ବୀଭତ୍ସ ହତ୍ୟା । ସ୍ତ୍ରୀଙ୍କ ତଣ୍ଟିକାଟି ହତ୍ୟାକଲେ ଅବସରପ୍ରାପ୍ତ ସରକାରୀ ଅଧିକାରୀ । ଅବସାଦ କାରଣରୁ ହତ୍ୟା କରାଯାଇଥିବା ସନ୍ଦେହ କରାଯାଉଛି । ଅଭିଯୁକ୍ତ ସ୍ବାମୀ ଏବେ ପୋଲିସ ହେପାଜତରେ । ଏଭଳି ବୀଭତ୍ସ ହତ୍ୟାକାଣ୍ଡ ଘଟିଛି ଏୟାରଫିଲ୍ଡ ଥାନା ସୁନ୍ଦରପଦା ଅଞ୍ଚଳରେ । ଖବର ପାଇ ଘଟଣାସ୍ଥଳରେ ପୋଲିସ ପହଞ୍ଚିଥିଲା । ପୋଲିସ ମୃତଦେହ ଜବତ କରି ବ୍ୟବଚ୍ଛେଦ ପାଇଁ ମେଡିକାଲକୁ ପଠାଇଛି । ଅଭିଯୁକ୍ତକୁ ହେପାଜତକୁ ନେଇ ପୋଲିସ ଅଧିକ ତଦନ୍ତ ଚଳାଇଛି । ଘଟଣାସ୍ଥଳରେ ସାଇଣ୍ଟିଫିକ୍ ଟିମ୍ ପହଞ୍ଚି ଛାନଭିନ୍ କରିଛି ।ପୂରା ଘଟଣା ଥିଲା କିଛି ଏମିତିଏଜି ଅଫିସରେ ସିନିୟର ଆସିଷ୍ଟାଣ୍ଟ ଭାବେ କାର୍ଯ୍ୟ କରୁଥିଲେ ଦେବରାୟ ଷଡ଼ଙ୍ଗୀ । ଗତ ୨ ବର୍ଷ ହେବ ସେ ଚାକିରିରୁ ଅବସର ନେଇଥିଲେ । ଅବସର ପରେ ଏୟାରଫିଲ୍ଡ ଥାନା ଅଞ୍ଚଳରେ ନୂଆ ଘରଟିଏ କରିଥିଲେ । ଗୋଟିଏ ବୋଲି ଝିଅକୁ ବିବାହ କରାଇଦେଇଛନ୍ତି । ଘର ତିଆରି କରିବା ପରେ ସେ ଧିରେ ଧିରେ ଦୁର୍ବଳ ହେବାକୁ ଲାଗିଥିଲେ । ପରବର୍ତ୍ତୀ ସମୟରେ ରୋଗାଗ୍ରସ୍ତ ହୋଇ ଅବସାଦ ଆଡକୁ ଚାଲିଯାଇଥିଲେ । ଏ ସମ୍ପର୍କରେ ସ୍ତ୍ରୀ ପ୍ରିୟମ୍ବଦା ନିକଟରେ ରହୁଥିବା ଭଉଣୀଙ୍କୁ ଜଣାଇଥିଲେ । ମଙ୍ଗଳବାର ମଧ୍ୟ ଭଉଣୀକୁ ଏ ସମ୍ପର୍କରେ ଜଣାଇଥିଲେ ପ୍ରିୟମ୍ବଦା । କିନ୍ତୁ କାହାକୁ କିଛି କହିବୁନି ବୋଲି ମଧ୍ୟ ସେ ଭଉଣୀଙ୍କୁ କହିଥିଲେ । ବୁଧବାର ସକାଳ ପ୍ରାୟ ୧୧ଟା ସମୟରେ ପ୍ରିୟମ୍ବଦାଙ୍କ ଭଉଣୀ ତାଙ୍କ ଘରକୁ ଅଟା ନେଇ ଯାଇଥିଲେ । ସେହି ସମୟରେ ସେ ଦେଖିଥିଲେ ଯେ, ତାଙ୍କ ଘର ଆଗରେ ପୋଲିସ ଗାଡି ଛିଡା ହୋଇଛି । ଘର ଭିତରକୁ ଯାଇ ଦେଖିଥିଲେ ଭଉଣୀ ପ୍ରିୟମ୍ବଦା ରକ୍ତାକ୍ତ ଅବସ୍ଥାରେ ପଡ଼ିଥିଲେ । ଘରେ ପୋଲିସ ଛାଉଣୀ ହୋଇଥିଲେ । ଏ ସମ୍ପର୍କରେ ଖବର ପାଇ ମୃତକଙ୍କ ଝିଅ ମଧ୍ୟ ପହଞ୍ଚିଥିଲେ ।ଡିପ୍ରେସନ୍‌ରେଥିଲେ ବାପାତବେ ବୁଧବାର ସକାଳେ ସବୁକିଛି ସ୍ବାଭାବିକ ଥିଲା । ଅଭିଯୁକ୍ତ ଦେବରାୟ ଝିଅ ସହ ଫୋନ୍ ଯୋଗେ କଥା ହୋଇଥିଲେ । ମାଆର ଫୋନ୍ ରିଚାର୍ଜ କରିବାକୁ ଝିଅକୁ ସେ କହିଥିଲେ । ଦିନ ୧୨ଟା ପାଖାପାଖି ଝିଅ ଘର ପାତ୍ରପଡ଼ାକୁ ଯାଇ ସ୍ତ୍ରୀଙ୍କ ସୁନାଗହଣା ଏବଂ ଟଙ୍କା ଦେଇଦେଇ ଆସିଥିଲେ । ପରେ ପ୍ରାୟ ୧ଟା ସମୟରେ ପୋଲିସ ନିକଟରୁ ଝିଅକୁ ଫୋନ୍ ଯାଇଥିଲା ଯେ ତାଙ୍କ ମା’ ଆଉ ନାହାନ୍ତି । ଏହି ଖବର ପାଇ ଘରେ ପହଞ୍ଚିଥିଲେ ଝିଅ । ସେ ମଧ୍ୟ କାନ୍ଦି କାନ୍ଦି କହୁଥିଲେ ଯେ ବାପା ଡିପ୍ରେସନରେ ଥିଲେ ।ଶୁଣନ୍ତୁ କ'ଣ କହୁଛନ୍ତି ମୃତ ମହିଳାଙ୍କ ଝିଅ ଆଉ ଭିଣୋଇ-

ସମୁଦ୍ରରେ ଆସିଲା ଭୂମିକମ୍ପ : ଲାଗିଲା ତିନୋଟି ଝଟକା, ସୁନାମୀ ଭୟରେ ଉପକୂଳବାସୀ

ଆସ୍ତରା, ୦୮/୦୪ :ଥରିଲା ସମୁଦ୍ର । ପାଣି ଭିତରେ ଆସିଲା ଭୂମିକମ୍ପ । କୂଳ ଆଗକୁ ମାଡି ଆସିଲା ପାଣି । ସବୁଠି ଭୟର ମାହୋଲ । ସୁନାମି ଆଶଙ୍କାରେ ଲୋକେ । ଗୋଟିଏ ନୁହେଁ ଲଗାତାର ସମୁଦ୍ର ଭିତରେ ଆସିଛି ସିରିଜ୍ ଭୂମିକମ୍ପ ।​​​​​​​Also Read :-Israel Iran war news: ୟୁଏସ- ଇରାନ ଯୁଦ୍ଧ ବିରାମରେ ସାମିଲ ନୁହେଁ ଲେବାନନ: ହେଜବୁଲ ଉପରେ ଆକ୍ରମଣ ଜାରି ରଖିବ ଇସ୍ରାଏଲ୍!ରିପୋର୍ଟ ଅନୁସାରେ, କାସପିଆନ୍ ସାଗରରେ ସିରିଜ୍ ଭୂମିକମ୍ପ ଆସିଛି । ଗୋଟିଏ ପରେ ଗୋଟିଏ ହୋଇ ତିନୋଟି ଝଟକା ଲାଗିଛି । ତେବେ ସବୁଠାରୁ ଅଧିକ ତୀବ୍ରତା ବିଶିଷ୍ଟ ଭୂମିକମ୍ପକୁ ରିକ୍ଟର ସ୍କେଲରେ୫.୩ବୋଲି ରେକର୍ଡ କରାଯାଇଛି । ଯାହା ଉପରେ ପାଣିପାଗ ବିଭାଗ କଡା ନଜର ରଖିଛି ।ବୁଧବାର କାସପିଆନ ସାଗରରେ ପ୍ରଥମେ ମୃଦୁ ଭୂମିକମ୍ପ ଅନୁଭୂତ ହୋଇଥିଲା । ଆଜାରବୈଜାନ ନ୍ୟାଶନାଲ ଆକାଡେମୀର ରିପୋର୍ଟ ଅନୁସାରେ, ପ୍ରଥମେ ଯେଉଁ ଦୁଇଟି ଭୂମିକମ୍ପ ଆସିଥିଲା ତାହାରତୀବ୍ରତା ରିକ୍ଟର ସ୍କେଲରେ ଥିଲା୩.୨ଏବଂ୩.୦। ଏହାପରେ ଆଉ ଥର ସମୁଦ୍ର ଥରିଥିଲା । ଭୂପୃଷ୍ଣରୁ୨୦-୨୧କିଲୋମିଟର ଭିତରେ ଏହାର କେନ୍ଦ୍ରସ୍ଥଳୀ ଥିବା କୁହାଯାଉଛି ।ଆଜାରବୈଜାନରେ ଅଧିକ ପ୍ରଭାବଭୁମିକମ୍ପ ଝଟକା ଲାଗିବା ପରେ ଆଜାରବୈଜାନର ଦକ୍ଷିଣ ପ୍ରାନ୍ତରେ ଏହାରପ୍ରଭାବଅନୁଭୂତ ହୋଇଛି । ଦେଶର ଲଙ୍କାରନ ଏବଂ ଅସ୍ତାରାରେ ଲୋକେ ଝଟକା ଅନୁଭୂତ କରିଛନ୍ତି । ତେବେ ଏଥିରେ କେହି ମୃତାହତ କିମ୍ବା କକିଛି କ୍ଷୟକ୍ଷତି ହୋଇଥିବା ନେଇ ସୂଚନା ମିଳିପାରିନାହିଁ । ସ୍ଥାନୀୟ ପାମିପାଗବିତ୍ ଘଟଣା ଉପରେ ନଜର ରଖିଛନ୍ତି ।

ବାର୍ତ୍ତାବାହକ ନା ମଧ୍ୟସ୍ଥି.. ଇରାନ-ଆମେରିକା ଯୁଦ୍ଧବିରତିରେ ପାକିସ୍ତାନର ପ୍ରକୃତ ଭୂମିକା କ’ଣ, ଜାଣନ୍ତୁ..

Iran-US War: ଆମେରିକା ଏବଂ ଇରାନ ମଧ୍ୟରେ ଯୁଦ୍ଧବିରତିରେ ପାକିସ୍ତାନର ଭୂମିକା ବର୍ତ୍ତମାନ ତୀବ୍ର ଆଲୋଚନାର ବିଷୟ। ଗୋଟିଏ ପଟେ, ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ଯୁଦ୍ଧବିରତି ସମ୍ପର୍କରେ ତାଙ୍କ ବାର୍ତ୍ତାରେ ପାକିସ୍ତାନର ଉଲ୍ଲେଖ କରିଥିଲେ । ଅନ୍ୟପଟେ, ଇରାନର ଉପ-ବୈଦେଶିକ ମନ୍ତ୍ରୀ ଆବାସ ଆରାକଚି ମଧ୍ୟ ଚୁକ୍ତିନାମା ସମ୍ପର୍କରେ ଜାରି ଏକ ବିବୃତ୍ତିରେ ପାକିସ୍ତାନର ପ୍ରଧାନମନ୍ତ୍ରୀ ଏବଂ ସେନା ମୁଖ୍ୟ ଅସୀମ ମୁନିରଙ୍କୁ ଧନ୍ୟବାଦ ଜଣାଇଥିଲେ। ଫଳସ୍ୱରୂପ, ପ୍ରଶ୍ନ ଉଠୁଛି ଯେ, ଏହି ସମ୍ପୂର୍ଣ୍ଣ ପ୍ରକ୍ରିୟାରେ […]

ଉତ୍ତରାଖଣ୍ଡ-ଚାରିଧାମରେ ତତୁଷାରପାତ, ଉତ୍ତର ପ୍ରଦେଶରେ ସପ୍ତାହକରେ ୧୫ ମୃତ

କନକବ୍ୟୁରୋ : ଦେଶରେ ଏକସାଙ୍ଗରେ ଦୁଇଟି ପଶ୍ଚିମାଝଡ଼ ସକ୍ରିୟ ହେବା ଯୋଗୁ ପାଣିପାଗରେ ବ୍ୟାପକ ପରିବର୍ତ୍ତନ ଦେଖାଯାଇଛି। ଉତ୍ତରାଖଣ୍ଡରେ ଚାରିଧାମ - କେଦାରନାଥ, ବଦ୍ରିନାଥ, ଗଙ୍ଗୋତ୍ରି ଓ ଯମୁନେତ୍ରିରେ ପ୍ରବଳ ତୁଷାରପାତ ହେଉଛି। ଏହାସହିତ ରାଜ୍ୟର ସମସ୍ତ ଜିଲ୍ଲାରେ ବର୍ଷା ଲାଗି ରହିଛି । ରାଜସ୍ଥାନରେ ଶ୍ରୀଗଙ୍ଗାନଗର, ହନୁମାନଗଡ଼, ନାଗୋର ସମେତ ଅନେକ ଜିଲ୍ଲାରେ ଝଡ଼ବର୍ଷା ସହିତ କୁଆପଥର ବର୍ଷା ହେଉଛି। ଅନେକ ଜିଲ୍ଲାରେ ଏକ ଇଞ୍ଚରୁ ଅଧିକ ବର୍ଷା ହୋଇଛି । ଭାରତପୁର ଜିଲ୍ଲାରେ ବଜ୍ରପାତ ଯୋଗୁ ଘରେ ଥିବା ଗ୍ୟାସ ସିଲିଣ୍ଡରରେ ବିସ୍ଫୋରଣ ଘଟିଛି। ବର୍ଷା ଯୋଗୁ ରାଜସ୍ଥାନରେ ତାପମାତ୍ରା ୭ ଡିଗ୍ରି ହ୍ରାସ ପାଇଛି । ଅଧିକ ପଢନ୍ତୁ.... ଟ୍ରମ୍ପଙ୍କ ‘ଆତ୍ମଘୋଷିତ’ ବିଜୟ ପଛରେ ବିରାଟ ପ୍ରହେଳିକା, ଇସ୍ରାଏଲର ପିଠିରେ ଆମେରିକାର କୂଟନୈତିକ ଛୁରୀ! ଉତ୍ତର ପ୍ରଦେଶର ମିରଟ, ବରେଲି, ଶାହଜାହାନପୁରରେ ଅପରାହ୍ଣରେ କୁଆପଥର ବର୍ଷା ହୋଇଛି। ଲକ୍ଷ୍ନୌ, ଗୋରଖପୁର, ଗୋଣ୍ଡା, ଜୌନପୁର, ଅଲିଗଡ଼ ସମେତ ୨୫ ଜିଲ୍ଲାରେ ଆଜି ପ୍ରବଳ ପବନ ସହିତ ତୁହାକୁ ତୁହା ବର୍ଷା ହୋଇଛି । ଗତ ଏକ ସପ୍ତାହ ହେଲା ଉତ୍ତର ପ୍ରଦେଶରେ ଝଡ଼ବର୍ଷା ଓ ବଜ୍ରପାତ ଯୋଗୁ ୧୫ ଜଣ ଲୋକଙ୍କର ମୃତ୍ୟୁ ହେଲାଣି। ମଧ୍ୟପ୍ରଦେଶରେ ୩ଟି ଘୂର୍ଣ୍ଣିବଳୟ ସକ୍ରିୟ ଅଛି। ପାଣିପାଗ ବିଭାଗ ୧୮ ଜିଲ୍ଲାକୁ ବର୍ଷା ଆଲର୍ଟ ଜାରି କରିଛି। ଜମ୍ମୁ-କାଶ୍ମୀରରେ ଭୂସ୍ଖଳନ ଯୋଗୁ ଜମ୍ମୁ-ଶ୍ରୀନଗର ହାଇୱେ ବନ୍ଦ ହୋଇଯାଇଛି।

8th Pay Commission କର୍ମଚାରୀଙ୍କ ବଢିବ ୧୦୦% ବେତନ, ଜାଣନ୍ତୁ ହିସାବ କିତାବ

ନୂଆଦିଲ୍ଲୀ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ନେତୃତ୍ୱାଧୀନ କେନ୍ଦ୍ର କ୍ୟାବିନେଟ ଅଷ୍ଟମ ବେତନ ଆୟୋଗ (ସିପିସି) ର କାର୍ଯ୍ୟକ୍ଷେତ୍ରକୁ ମଞ୍ଜୁରୀ ପ୍ରଦାନ କରିଛି। ଏହା ଛଡା ସରକାର ନୂଆ ସିପିସି ଗଠନ ଓ ଅଧିସୂଚନା ମଧ୍ୟ ଜାରି କରିଛନ୍ତି। ଆୟୋଗଙ୍କ ସୁପାରିଶ ପାଖାପାଖି ୧.୨କୋଟି କେନ୍ଦ୍ର ସରକାରୀ କର୍ମଚାରୀ ଓ ପେନସନ ଭୋଗୀଙ୍କ ନିମନ୍ତେ ଲାଗୁ ହେବ। କେନ୍ଦ୍ର ସରକାର ଜାନୁୟାରୀ ୨୦୨୫ରେ କେନ୍ଦ୍ରୀୟ ସରକାରୀ କର୍ମଚାରୀଙ୍କ ବେତନ ଓ ଅନ୍ୟ ଲାଭ ସମୀକ୍ଷା ନିମନ୍ତେ ଏଥିରେ ସଂଶୋଧନ ସୁପାରିଶ କରିବା ପାଇଁ ଅଷ୍ଟମ ସିପିସି ଗଠନର ଘୋଷଣା କରିଛନ୍ତି।ଅଷ୍ଟମ ବେତନ କମିଶନ ପ୍ୟାନେଲରେ ଅଛନ୍ତି କିଏ?ଭାରତର ସର୍ବୋଚ୍ଚ ନ୍ୟାୟାଳୟଙ୍କ ପୂର୍ବତନ ବିଚାରପତି ଜଷ୍ଟିସ୍ ରଞ୍ଜନା ପ୍ରକାଶ ଦେଶାଇଙ୍କୁ ଅଷ୍ଟମ ବେତନ ଆୟୋଗ ଅଧ୍ୟକ୍ଷ ନିଯୁକ୍ତ କରାଯାଇଛି। ସେହିପରି ଆଇଆଇଏମ ବେଙ୍ଗାଲୁରୁର ପ୍ରଫେସର ପୁଲକ ଘୋଷଙ୍କୁ ବେତନ ଆୟୋଗର ଅଂଶକାଳୀନ ସଦସ୍ୟ ନିଯୁକ୍ତ କରାଯାଇଛି। ସରକାର ପେଟ୍ରୋଲିୟମ ଓ ପ୍ରାକୃତିକ ଗ୍ୟାସ୍ ମନ୍ତ୍ରାଳୟଙ୍କ ସଚିବ ପଙ୍କଜ ଜୈନଙ୍କୁ ବେତନ ଆୟୋଗଙ୍କ ସଦସ୍ୟ ସଚିବ ନିଯୁକ୍ତ କରିଛନ୍ତି।ନୂଆ ବେତନ ଆୟୋଗଙ୍କ ସମୟସୀମାସପ୍ତମ ବେତନ ଆୟୋଗ ସୁପାରିଶକୁ ୬ ମାସ ମଧ୍ୟରେ ମଞ୍ଜୁରୀ ମିଳି ଯାଇଥିଲା, ଯାହାକୁ ୧ ଜାନୁୟାରୀ ୨୦୧୬ରୁ ଲାଗୁ କରାଯାଇଥିଲା। ଯଦି ଆମେ ଏହି ସମୟୀମାକୁ ଧରିବା ଅଷ୍ଟମ ବେତନ ଆୟୋଗ ଏବେଠାରୁ ପାଖାପାଖି ୨୦ ମାସ ପରେ ଲାଗୁ ହେବ ବୋଲି ଆଶା କରାଯାଉଛି। ସପ୍ତମ ବେତନ ଆୟୋଗଙ୍କ କାର୍ଯ୍ୟକାଳ ସମାପ୍ତ ହେବା ପରେ ଅଷ୍ଟମ ବେତନ ଆୟୋଗ ପ୍ରାବଧାନ ୧ଜାନୁୟାରୀ ୨୦୨୬ରୁ ଲାଗୁ ହେବ। ସାଧାରଣତଃ ବେତନ ଆୟୋଗଙ୍କ ସୁପାରିଶ ପ୍ରତି ୧୦ ବର୍ଷ ଅନ୍ତରାଳରେ ଲାଗୁ କରାଯାଇଥାଏ। ଏଣୁ ଏହାକୁ ଦେଖିଲେ ଅଷ୍ଟମ ବେତନ ଆୟୋଗ ସୁପାରିଶ ୧ ଜାନୁୟାରୀ ୨୦୨୬ରୁ କାର୍ଯ୍ୟକାରୀ ହେବ।କେନ୍ଦ୍ର ସରକାରୀ କର୍ମଚାରୀଙ୍କ ବର୍ତ୍ତମାନର ବେତନ ହାରଏବେ କେନ୍ଦ୍ର ସରକାରଙ୍କ କର୍ମଚାରୀ ଓ ପେନସନଭୋଗୀଙ୍କୁ ସପ୍ତମ ବେତନ ଆୟୋଗ ଅନୁସାରେ ବେତନ ଓ ପେନସନ ପ୍ରଦାନ କରାଯାଉଛି। ଏଥିରେ କେନ୍ଦ୍ର ସରକାରୀ କର୍ମଚାରୀଙ୍କ ସର୍ବ ନିମ୍ନ ମୂଳ ବେତନ ୧୮,୦୦୦ ଟଙ୍କା ଧାର୍ଯ୍ୟ ହୋଇଥିବା ବେଳେ ପେନସନଭୋଗୀଙ୍କ ସର୍ବନିମନ୍ନ ପେନସନ ୯,୦୦୦ ଟଙ୍କା ରହିଛି। ସେହିପରି ସପ୍ତମ ବେତନ ଆୟୋଗ ସୁପାରିଶ ଅନୁସାରେ ସର୍ବାଧିକ ମୂଳ ବେତନ ୨,୨୫,୦୦୦ ଟଙ୍କା ରହିଛି। ଏହି ସମୟରେ କ୍ୟାବିନେଟ ସଚିବ ଓ ଅନ୍ୟ ଉଚ୍ଚ ପଦପଦବୀରେ ଅବସ୍ଥାପିତ ଆଧିକାରୀଙ୍କୁ ମାସିକ ୨,୫୦,୦୦୦ ଟଙ୍କା ବେତନ ମିଳୁଛି। ସପ୍ତମ ବେତନ ଆୟୋଗରେ ଫିଟମେଣ୍ଟ ୨.୫୭% ନିର୍ଧାରଣ କରାଯାଇଥିଲା।ଏହା ଛଡା ବର୍ତ୍ତମାନର ମହଙ୍ଗା ଭତ୍ତା ପ୍ରତିଶତ ୫୮ରେ ରହିଛି।ଅଷ୍ଟମ ବେତନ ଆୟୋଗରେ ବେତନ ବୃଦ୍ଧିବିଶେଷଜ୍ଞଙ୍କ ପୂର୍ବାନୁମାନକୁ ଧ୍ୟାନରେ ରଖି ଅଷ୍ଟଚମ ବେତନ ଆୟୋଗରେ ସ୍ୱୀକୃତ ଫିଟମେଣ୍ଟ ଫ୍ୟାକ୍ଟର ୨ ହୋଇ ପାରେଫିଟମେଣ୍ଟ ଫ୍ୟାକ୍ଟର ୨ ଅନୁସାରେକର୍ମଚାରୀଙ୍କ ସର୍ବନିମ୍ନ ମୂଳ ବେତନ-୩୬,୦୦୦ ଟଙ୍କାପେନସନଭୋଗୀଙ୍କ ଲାଗି ସର୍ବନିମ୍ନ ମୂଳ ପେନସନ-୧୮,୦୦୦ ଟଙ୍କାଉଲ୍ଲେଖଯୋଗ୍ୟ ଯେ ସପ୍ତମ ବେତନ ଆୟୋଗ ଅନୁସାରେ ମୂଳ ବେତନରେ ବେତନ ଓ ପେନସନ ୧୦୦% ବୃଦ୍ଧି ଯେଉଁଥିରେ ମହଙ୍ଗା/ ମାନ୍ଦାବସ୍ଥା ଭତ୍ତା ମିଳିତ ରହିଛି।

ପୁଷ୍ପା ପରେ RAAKAରେ ଜଲଓ୍ଵା ଦେଖାଇବେ ଅଲ୍ଲୁ ଅର୍ଜୁନ, ସଭିଙ୍କୁ ଆଶ୍ଚର୍ଯ୍ୟ କଲା ଫିଲ୍ମର ପୋଷ୍ଟର

ହାଇଦ୍ରାବାଦ: ଗତ ପ୍ରାୟ ଚାରି ମାସ ହେବ ବକ୍ସ ଅଫିସରେ ରାଜ୍ କରି ଚାଲିଛି ଫିଲ୍ମ ଧୁରନ୍ଧର। ପାକିସ୍ତାନ ଓ ଆତଙ୍କବାଦ ସହିତ ଦେଶଭକ୍ତି ଓ ବଳିଦାନ ଭାବନା ନେଇ ନିର୍ମିତ ଫିଲ୍ମରେ ରଣବୀର ସିଂ ବେଶ ଚର୍ଚ୍ଚାରେ ରହିଛନ୍ତିହେଲେ ପୁଷ୍ପା ପରି ଅଲ୍ଲୁ ଅର୍ଜୁନଙ୍କ ଆଟିଚ୍ୟୁଟ ସହ ବରାବର କରି ପାରି ନାହାନ୍ତି। ଅଲ୍ଲୁ ଅର୍ଜୁନ ଜଣେ ଆଇକନିକ ସୁପର ଷ୍ଟାର। ଆଜିର ସିନେମାରେ କାହାଣୀ, କଳାକାରା, କ୍ରାଇମ ସହିତ ଯେଉଁ ଗୋଟିଏ ଜିନିଷ ବହୁତ ପସନ୍ଦ କରାଯାଉଛି ତାହା ହେଉଛି କ୍ରାଫ୍ଟା। ଧୁରନ୍ଧରର କ୍ରାଫ୍ଟ ମଧ୍ୟ ଲୋକଙ୍କୁ ଚକିତ କରିବା ସହ ବେଶ ଲୋକପ୍ରିୟତା ସାଉଁଟିଛି। ହେଲେ ଏବେ ଅଲ୍ଲୁ ଅର୍ଜୁନଙ୍କ ଆଗାମୀ ଫିଲ୍ମ ରାକା(RAAKA)ର ପୋଷ୍ଟର ସଭିଙ୍କୁ ଆଚମ୍ବିତ କରିଛି ଏବଂ ବେଶ ଆକର୍ଷିତ ରହିଛି। ଅଲ୍ଲୁଙ୍କ ଏହି ଲୁକ୍ ଏବେ ଜୋରଦାର ଭାଇରାଲ୍ ହେବାରେ ଲାଗିଛି।ଅଲ୍ଲୁ ଅର୍ଜୁନଙ୍କ ପୁଷ୍ପା ସିରିଜର ଦୁଇ ଫିଲ୍ମର କାହାଣୀ, କଳାକାର ଓ କ୍ରାଫ୍ଟ କାରଣରୁ ଚର୍ଚ୍ଚାରେ ରହିଛି। ଅଲ୍ଲୁ ଉକ୍ତ ଫିଲ୍ମରେ ଏମିତି ଅଭିନୟ କରିଥିଲେ ଯେ, ତାଙ୍କର ଚାଲିଚଳନ ଓ ଆବଭାବକୁ ଲୋକେ ଅନୁସରଣ କରିବାରେ ଲାଗିଲେ। ଯେବେ କୌଣସି କଳାକାରଙ୍କ ଆବଭାବ ସାଧାରଣ ଲୋକେ ଆପଣେଇ ନିଅନ୍ତି ତେବେ ଉକ୍ତ କଳାକାରଙ୍କୁ ଆଇକନିକ ସୁପରଷ୍ଟାର କହିବାରେ କୌଣସି ଅତ୍ୟୁକ୍ତି ହେବନି।Also Read:‘ରାମାୟଣ’ ପାଇଁ କିଏ ନେଇଛନ୍ତି କେତେ ଟଙ୍କା ? ଫାଷ୍ଟ ଲୁକ୍ ଆସିବା ପରେ ଜାଣିବାକୁ ଉତ୍ସାହିତ ଫ୍ୟାନ୍ସଧୁରନ୍ଧରରେ ରଣବୀରଙ୍କ ଅଭିନୟକୁ ସମସ୍ତେ ପ୍ରଶଂସା କରିଛନ୍ତି, ମାତ୍ର ତାଙ୍କର ଆବଭାବକୁ ପ୍ରଶଂସକ ଆପଣେଇ ନାହାନ୍ତି। ଦର୍ଶକ ଆକ୍ଟରଙ୍କ ବଦଳରେ ଫିଲ୍ମକୁ ଭଲ ପାଇବା ଦେଇଛନ୍ତି। ମାତ୍ର ଅଲ୍ଲୁ ଅର୍ଜୁନଙ୍କ ସହିତ ଏମିତି ନୁହେଁ। ଦର୍ଶକ ତାଙ୍କ ଫିଲ୍ମକୁ ଯେତିକି ଭଲ ପାଇବା ଦିଅନ୍ତି, ସେତିକି ତାଙ୍କୁ ମଧ୍ୟ ପସନ୍ଦ କରନ୍ତି।ପୋଷ୍ଟର ଜାରି ହେବା ମାତ୍ରେ ଭାଇରାଲ୍ପୁଷ୍ପା ୩ର ଚର୍ଚ୍ଚା ମଧ୍ୟରେ ଅଲ୍ଲୁଙ୍କ ଆଗାମୀ ପିଲ୍ମ ରାକାର ପୋଷ୍ଟର ଜାରି ହେବା ମାତ୍ରେ ଚର୍ଚ୍ଚାରେ ରହିଛି। ଏହି ଫିଲ୍ମର ନାଁ ପ୍ରଥମେ AA22xA6 ରଖାଯାଇଥିଲା। ଅଲ୍ଲୁ ପୁଷ୍ପାର ପ୍ରଥମ ଭାଗରେ ଫାୟର ଥିଲେ, ଦ୍ଵିତୀୟରେ ଥିଲେ ଓ୍ଵାଇଲ୍ଡ ଫାୟର। ଏବେ ରାକାରେ ସେ ଭୋଲକାନୋ ମଚାଇବା ପାଇଁ ଆସୁଛନ୍ତି। କିନ୍ତୁ ପୁରୁଣା ଟାଇଟଲ୍ ଅସ୍ଥାୟୀ ଭାବେ ରଖା ଯାଇଥିଲା।ପଦରାକୁ କେବେ ଆସିବ ରାକାପ୍ରାୟ ୮୦୦ କୋଟି ବଡ଼ ବଜେଟରେ ନିର୍ମାଣ ହେଉଥିବା ଏହି ପାନ୍ ଇଣ୍ଡିଆ ଫିଲ୍ମରେ ଅଲ୍ଲୁ ଅର୍ଜୁନ ଏକାଧିକ ଚରିତ୍ରରେ ନଜର ଆସିବେ। ଫିଲ୍ମ ଅନେକ ଭାରତୀୟ ଭାଷାରେ ରିଲିଜ୍ ହେବ। ଫିଲ୍ମରେ ମୁଖ୍ୟ ଅଭିନେତ୍ରୀ ଭାବେ ଅଛନ୍ତି ଦୀପିକା ପାଦୁକୋନ। ଦୀପିକା ଅଲ୍ଲୁ ଅର୍ଜୁନଙ୍କ ସହ କାମ କରିବା ନେଇ ବେଶ ଉତ୍ସାହିତ ଅଛନ୍ତି। ରାକାର ରିଲିଜକୁ ସେ ଚାତକ ପରି ଚାହିଁ ରହିଛନ୍ତି।Also Read:ରଜନୀକାନ୍ତଙ୍କ ‘ଜେଲର ୨’ରେ କ୍ୟାମିଓ କରିବାକୁ ମନା କଲେ ଶାହରୁଖ, ସାମ୍ନାକୁ ଆସିଲା ପ୍ରକୃତ କାରଣଫିଲ୍ମରେ ଦୀପିକାଙ୍କ ସହ ଅନ୍ୟ କଳାକାର ମଧ୍ୟରେ ରଶ୍ମିକା ମନ୍ଦାନା, ମୃଣାଲ ଠାକୁର, ଜାହ୍ନବୀ କପୁର, ରାମ୍ୟା କୃଷ୍ଣନ ଓ ଯୋଗୀ ବାବୁ ରହିଛନ୍ତି। ହେଲେ ଅଲ୍ଲୁ ଅର୍ଜୁନଙ୍କ ଅଭିନୀତ ଓ ଏଟଲୀଙ୍କ ନିର୍ଦ୍ଦେଶିତ ଏହି ଫିଲ୍ମ ପାଇଁ ଦର୍ଶକଙ୍କୁ ଆଉ କିଛି ସମୟ ଅପେକ୍ଷା କରିବାକୁ ପଡ଼ିବ। ରାକା ୨୦୨୬ ନୁହେଁ ୨୦୨୭ରେ ରିଲିଜ୍ ହେବ।

ଟ୍ରମ୍ପଙ୍କ ‘ଆତ୍ମଘୋଷିତ’ ବିଜୟ ପଛରେ ବିରାଟ ପ୍ରହେଳିକା, ଇସ୍ରାଏଲର ପିଠିରେ ଆମେରିକାର କୂଟନୈତିକ ଛୁରୀ!

କନକବ୍ୟୁରୋ: ମଧ୍ୟପ୍ରାଚ୍ୟର ରଣାଙ୍ଗନରେ ଘୋଷିତ ଯୁଦ୍ଧବିରତି ବର୍ତ୍ତମାନ ଏକ ‘ଅପମାନଜନକ ପଛଘୁଞ୍ଚା’ ଭାବେ ଉଭା ହୋଇଛି। ଯେଉଁଠି ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ସୋସିଆଲ ମିଡିଆରେ ନିଜର ମିଥ୍ୟା ବିଜୟର ଡିଣ୍ଡିମ ପିଟୁଛନ୍ତି, ସେଠି ତେହେରାନର ଜିଦ୍ ଆଗରେ ୱାଶିଂଟନ ନତମସ୍ତକ ହୋଇଥିବା ସ୍ପଷ୍ଟ ଜଣାପଡ଼ୁଛି। ଇରାନ ଆମେରିକାର କୌଣସି ଗୋଟିଏ ବି ସର୍ତ୍ତ ମାନିନଥିବା ବେଳେ, ହର୍ମୁଜ ପ୍ରଣାଳୀ ଉପରେ ଏବେ ଇରାନୀ ସେନାର ନିରୁଙ୍କୁଶ ଆଧିପତ୍ୟ ପ୍ରତିଷ୍ଠା ହୋଇଛି। ଯୁଦ୍ଧବିରତି ସତ୍ତ୍ୱେ ଇସ୍ରାଏଲ୍ ଉପରେ ହୋଇଥିବା ପ୍ରଳୟଙ୍କାରୀ କ୍ଷେପଣାସ୍ତ୍ର ମାଡ଼ ଟ୍ରମ୍ପଙ୍କ କୂଟନୀତିକୁ ଜଳାଞ୍ଜଳି ଦେଇଥିବା ବେଳେ, ଜେରୁଜେଲମ୍ ଏହାକୁ ଏକ ଭୟଙ୍କର ବିଶ୍ୱାସଘାତକତା ଭାବେ ଅଭିହିତ କରିଛି। ଅଧିକ ପଢନ୍ତୁ .... ୭ ବର୍ଷ ପରେ ଭାରତ ଆସୁଛି ଇରାନରୁ ତେଲ ଇସ୍ରାଏଲୀ ଗଣମାଧ୍ୟମର ରିପୋର୍ଟ ଅନୁଯାୟୀ, ଇରାନ ନିଜର ପରମାଣୁ କ୍ଷମତା ସଂକୁଚିତ କରିବାକୁ ସିଧାସଳଖ ମନା କରିଦେଇଛି। ଟ୍ରମ୍ପ ଯୁଦ୍ଧରୁ ମୁକ୍ତି ପାଇବା ପାଇଁ ପାକିସ୍ତାନୀ ମଧ୍ୟସ୍ଥତା ମାଧ୍ୟମରେ ଏକ ଅସମ୍ମାନଜନକ ସନ୍ଧି କରିଥିବା ଅଭିଯୋଗ ହେଉଛି। ଏହି ନିଷ୍ପତ୍ତି ଫଳରେ ଇସ୍ରାଏଲର ହିଜବୋଲା-ବିରୋଧୀ ଅଭିଯାନ ଅଧାରେ ଅଟକି ଯାଇଥିବା ବେଳେ, ବିରୋଧୀ ଦଳଗୁଡ଼ିକ ପ୍ରଧାନମନ୍ତ୍ରୀ ନେତାନ୍ୟାହୁଙ୍କୁ କାପୁରୁଷତା ପାଇଁ ଦାୟୀ କରିଛନ୍ତି। ଆମେରିକାର ଏହି ହଠାତ୍ ପଲଟାବାଜି ଇସ୍ରାଏଲର ସମସ୍ତ ସାମରିକ ଯୋଜନାକୁ ଧୂଳିସାତ୍ କରିଦେଇଛି, ଯାହା ମଧ୍ୟପ୍ରାଚ୍ୟରେ ଇରାନର ଶକ୍ତିକୁ ଆହୁରି ବଢ଼ାଇ ଦେଇଛି। ଏହି ଯୁଦ୍ଧବିରତି ଆମେରିକାର ବିଜୟ ନୁହେଁ, ବରଂ ଇସ୍ରାଏଲ ପାଇଁ ଏକ କୂଟନୈତିକ ଅମାବାସ୍ୟା ବୋଲି କୁହାଯାଉଛି।

US Iran Ceasefire Real Mastermind: ଆମେରିକା-ଇରାନ ଅସ୍ତ୍ରବିରତିର ପ୍ରକୃତ 'ମାଷ୍ଟରମାଇଣ୍ଡ' କିଏ? ପାକିସ୍ତାନ ନୁହେଁ, ଚୀନ୍ ରଚିଥିଲା ଗୁପ୍ତ ରଣନୀତି

ୱାଶିଂଟନ୍ / ବେଜିଂ: ଆମେରିକା ଏବଂ ଇରାନ ମଧ୍ୟରେ ଲାଗିରହିଥିବା ଯୁଦ୍ଧରେ ତେହେରାନ୍ର ପ୍ରମୁଖ ସହଯୋଗୀ ଚୀନ୍ ଏପର୍ଯ୍ୟନ୍ତ ନୀରବ ଥିଲା। ତେବେ ଏବେ ଜଣାପଡ଼ିଛି ଯେ ଚୀନ୍ର ଗୋପନ କୂଟନୀତି ଏବଂ ଶେଷ ମୁହୂର୍ତ୍ତର ହସ୍ତକ୍ଷେପ ଯୋଗୁଁ ହିଁ ଇରାନ ଦୁଇ ସପ୍ତାହ ପାଇଁ ଅସ୍ତ୍ରବିରତି (Ceasefire) ଚୁକ୍ତିରେ ରାଜି ହୋଇଛି। ତେଣୁ ଏହି ବୁଝାମଣା ପଛରେ ପାକିସ୍ତାନ ନୁହେଁ, ବରଂ ଚୀନ୍ ହିଁ ପ୍ରକୃତ ଖେଳାଳି ଭାବେ ଉଭା ହୋଇଥିବା ଅନ୍ତର୍ଜାତୀୟ ସ୍ତରରେ ଚର୍ଚ୍ଚା ହେଉଛି।ମଙ୍ଗଳବାର ଦିନ ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ଇରାନକୁ ଏକ ବିନାଶକାରୀ ଧମକ ଦେଇ କହିଥିଲେ ଯେ ଚୁକ୍ତି ନହେଲେ ଆଜି ରାତିରେ ଏକ ସମ୍ପୂର୍ଣ୍ଣ ସଭ୍ୟତା ନିଶ୍ଚିହ୍ନ ହୋଇଯିବ। ଇରାନ ମଧ୍ୟ ପଛକୁ ନହଟି ଆମେରିକା ସହ ସମସ୍ତ କୂଟନୈତିକ ସମ୍ପର୍କ ଛିନ୍ନ କରିଥିବା କହିଥିଲା। ଯୁଦ୍ଧ ଆହୁରି ଭୟଙ୍କର ରୂପ ନେବାକୁ ଯାଉଥିଲା। କିନ୍ତୁ ଠିକ୍ ୧୦ ଘଣ୍ଟା ପରେ ଏକ ଚୁକ୍ତି ହେଲା ଏବଂ ବିଶ୍ୱର ପ୍ରମୁଖ ଶକ୍ତି ପଥ 'ହରମୁଜ୍ ଜଳପଥ' ଖୋଲିବାକୁ ଇରାନ ରାଜି ହେଲା। ଏହି ୧୦ ଘଣ୍ଟା ଭିତରେ ଏମିତି କ'ଣ ବଦଳିଗଲା? ଆମେରିକା ଏହି ଦୁଇ ସପ୍ତାହର ଅସ୍ତ୍ରବିରତି ପାଇଁ ପାକିସ୍ତାନକୁ ଶ୍ରେୟ ଦେଇଥିଲେ ମଧ୍ୟ ପ୍ରକୃତରେ ଚୀନ୍ର ଶେଷ ମୁହୂର୍ତ୍ତର ହସ୍ତକ୍ଷେପ ହିଁ ଏହାକୁ ସଫଳ କରିଥିଲା।ଆମେରିକା-ଇରାନ ଅସ୍ତ୍ରବିରତିରେ ଚୀନର​​​ଭୂମିକାଟ୍ରମ୍ପଙ୍କ ସ୍ୱୀକାରୋକ୍ତି: ଏପରିକି ଟ୍ରମ୍ପ ମଧ୍ୟ କୁଣ୍ଠାର ସହ ଏହି କଥାକୁ ସ୍ୱୀକାର କରିଛନ୍ତି। ଇରାନ ଉପରେ ଆଲୋଚନା ପାଇଁ ଚୀନ୍ ଚାପ ପକାଇଛି କି ବୋଲି ପଚରାଯିବାରୁ ଟ୍ରମ୍ପ କହିଥିଲେ, ହଁ, ମୁଁ ସେମିତି ଶୁଣିବାକୁ ପାଉଛି।ସିଧାସଳଖ ହସ୍ତକ୍ଷେପ: ପ୍ରଥମେ ଚୀନ୍ ପାକିସ୍ତାନ, ତୁର୍କୀ ଏବଂ ଇଜିପ୍ଟ ଭଳି ମଧ୍ୟସ୍ଥିଙ୍କ ଜରିଆରେ ଯୁଦ୍ଧ ଶେଷ କରିବାକୁ ଉଦ୍ୟମ କରୁଥିଲା। କିନ୍ତୁ ଯେତେବେଳେ ଟ୍ରମ୍ପଙ୍କ ଡେଡଲାଇନ୍ ପାଖେଇ ଆସିଲା ଏବଂ ଏକ ବଡ଼ ଧରଣର ଯୁଦ୍ଧର ଆଶଙ୍କା ଦେଖାଦେଲା, ସେତେବେଳେ ଚୀନ୍ ସିଧାସଳଖ ଇରାନ ସହ କଥାବାର୍ତ୍ତା କରିଥିଲା ବୋଲି ଦୁଇ ଜଣ ଚୀନ୍ ଅଧିକାରୀ ସୂଚନା ଦେଇଛନ୍ତି। ଏଥିରୁ ସ୍ପଷ୍ଟ ହେଉଛି ଯେ ଇରାନ ଉପରେ ପାକିସ୍ତାନ ଅପେକ୍ଷା ଚୀନ୍ର ଅଧିକ ପ୍ରଭାବ ଓ ନିୟନ୍ତ୍ରଣ ରହିଛି।ଜାତିସଂଘରେ ଇରାନକୁ ସୁରକ୍ଷା: ଅସ୍ତ୍ରବିରତି ଘୋଷଣାର କିଛି ଘଣ୍ଟା ପୂର୍ବରୁ ମିଳିତ ଜାତିସଂଘ ନିରାପତ୍ତା ପରିଷଦରେ (UNSC) ଚୀନ୍ ଏବଂ ରୁଷ ମିଶି ଏକ ପ୍ରସ୍ତାବକୁ ରୋକିଥିଲେ, ଯେଉଁଥିରେ ହରମୁଜ୍ ଜଳପଥ ଖୋଲିବାକୁ ସାମରିକ ବଳ ପ୍ରୟୋଗ କରିବାର କ୍ଷମତା ଦିଆଯାଇଥାନ୍ତା। ଏହି ଜଳପଥ ବନ୍ଦ ଯୋଗୁଁ ବିଶ୍ୱରେ ତୈଳ ଦର ବୃଦ୍ଧି ପାଇଥିଲା।ନୀରବତା ପଛର ରଣନୀତି ଏବଂ ଟ୍ରମ୍ପଙ୍କ ବୟାନଅସ୍ତ୍ରବିରତିରେ ନିଜର ଭୂମିକାକୁ ନେଇ ଚୀନ୍ ସରକାରୀ ଭାବେ କିଛି ମଧ୍ୟ କହିନାହିଁ। କିନ୍ତୁ ଚୀନ୍ ବୈଦେଶିକ ମନ୍ତ୍ରୀ ୱାଙ୍ଗ୍ ୟି ଇରାନ, ଇସ୍ରାଏଲ୍, ରୁଷ ଏବଂ ଉପସାଗରୀୟ ଦେଶଗୁଡ଼ିକ ସହ ୨୬ ଥର ଫୋନ୍ରେ ଆଲୋଚନା କରିଛନ୍ତି। ଟ୍ରମ୍ପ ସୃଷ୍ଟି କରିଥିବା ମଧ୍ୟପ୍ରାଚ୍ୟ ବିବାଦରେ ସିଧାସଳଖ ନପଶିବା ଚୀନ୍ର ଏକ ବଡ଼ ରଣନୀତି ଥିଲା।ବିଶେଷଜ୍ଞଙ୍କ ମତରେ, ଟ୍ରମ୍ପ ଜାଣିଶୁଣି ନିଜ ସରକାରୀ ବିବୃତ୍ତିରେ ଚୀନ୍କୁ ଶ୍ରେୟ ଦେଇନାହାଁନ୍ତି ବରଂ ପାକିସ୍ତାନ ପ୍ରଧାନମନ୍ତ୍ରୀ ଶାହବାଜ ସରିଫ୍ଙ୍କ ନାମ ନେଇଛନ୍ତି। କାରଣ ଯଦି ଚୀନ୍ର ନାମ ନିଆଯାଏ, ତେବେ ଘରୋଇ ରାଜନୀତିରେ ଆମେରିକାର ଦୁର୍ବଳତା ପଦାରେ ପଡ଼ିବ ଏବଂ ବେଜିଂ ଏକ ସମକକ୍ଷ ଶକ୍ତି ଭାବେ ଉଭା ହେବ ବୋଲି ଟ୍ରମ୍ପ ଆଶଙ୍କା କରିଥିଲେ।ପାକିସ୍ତାନ ପ୍ରଧାନମନ୍ତ୍ରୀଙ୍କ 'ଡ୍ରାଫ୍ଟ' ପୋଷ୍ଟକୁ ନେଇ ସନ୍ଦେହଅସ୍ତ୍ରବିରତି ଘୋଷଣା ପୂର୍ବରୁ ପାକିସ୍ତାନ ପ୍ରଧାନମନ୍ତ୍ରୀ ଶାହବାଜ ସରିଫ୍ ଏକ୍ସ (X) ରେ ଏକ ପୋଷ୍ଟ କରି ଟ୍ରମ୍ପଙ୍କୁ ସାମରିକ କାର୍ଯ୍ୟାନୁଷ୍ଠାନ ଘୁଞ୍ଚାଇବାକୁ ଅନୁରୋଧ କରିଥିଲେ। କିନ୍ତୁ ସେହି ପୋଷ୍ଟର ପ୍ରଥମ ଅଂଶରେ Draft - Pakistan's PM message on X ଲେଖାଥିଲା। ଏହି ଶବ୍ଦଗୁଡ଼ିକ ପ୍ରମାଣ କରୁଛି ଯେ ଏହି ବାର୍ତ୍ତାଟି ବୋଧହୁଏ ଆମେରିକା (ହ୍ୱାଇଟ୍ ହାଉସ୍) ପକ୍ଷରୁ ଲେଖାଯାଇ ପାକିସ୍ତାନକୁ ପଠାଯାଇଥିଲା ଏବଂ ସରିଫ୍ ତାକୁ କେବଳ 'କପି ପେଷ୍ଟ୍' କରିଦେଇଥିଲେ। ପାକିସ୍ତାନ ଏକ ନିରପେକ୍ଷ ମଧ୍ୟସ୍ଥି ନୁହେଁ, ବରଂ 'ଆମେରିକାର କଣ୍ଢେଇ' ସାଜିଛି ବୋଲି ସମାଲୋଚନା ହେଉଛି। ଏହି କାରଣରୁ ଇରାନ ମଧ୍ୟ ପାକିସ୍ତାନ ସହ ସିଧାସଳଖ ଆଲୋଚନା କରିବାକୁ ମନା କରିଦେଇଥିଲା। ତେଣୁ ଇରାନକୁ ଟେବୁଲ୍କୁ ଆଣିବା ପାଇଁ ଶେଷରେ ଚୀନ୍ର ଆବଶ୍ୟକତା ପଡ଼ିଥିଲା।ଏଥିରେ ଚୀନ୍ର ଫାଇଦା କ'ଣ?ଶାନ୍ତି ପ୍ରତିଷ୍ଠାକାରୀ ଭୂମିକା ପଛରେ ଚୀନ୍ ନିଜର ବ୍ୟବସାୟିକ ସ୍ୱାର୍ଥକୁ ମଧ୍ୟ ସୁରକ୍ଷିତ ରଖିଛି।ତୈଳ ଆମଦାନୀ: ଚୀନ୍ ହେଉଛି ବିଶ୍ୱର ସବୁଠାରୁ ବଡ଼ ଅଶୋଧିତ ତୈଳ ଆମଦାନୀକାରୀ। ଯୁଦ୍ଧ ସମୟରେ ମଧ୍ୟ 'ସ୍ୟାଡୋ ଫ୍ଲିଟ୍' (shadow fleets ବା ପୁରୁଣା ଜାହାଜ) ମାଧ୍ୟମରେ ଇରାନରୁ ବିପୁଳ ପରିମାଣର ତୈଳ ଚୀନ୍ ପାଖରେ ପହଞ୍ଚୁଥିଲା।ଅର୍ଥନୈତିକ ସୁରକ୍ଷା: ଯଦି ଏହି ଯୁଦ୍ଧ ବ୍ୟାପକ ରୂପ ନେଇଥାନ୍ତା, ତେବେ ଇରାନର ତୈଳ ରପ୍ତାନି ସମ୍ପୂର୍ଣ୍ଣ ବନ୍ଦ ହୋଇଯାଇଥାନ୍ତା। ହରମୁଜ୍ ଜଳପଥ ଉପରେ ଆମେରିକାର କବଜା ହୋଇଥିଲେ ଚୀନ୍ର ଏହି ଗୋପନ ଜାହାଜଗୁଡ଼ିକ ଧରାପଡ଼ିଥାନ୍ତା।ରପ୍ତାନି ବାଣିଜ୍ୟ: ମଧ୍ୟପ୍ରାଚ୍ୟରେ ଅଶାନ୍ତି ଦେଖାଦେଲେ ଉତ୍ପାଦନ ହବ୍ କୁହାଯାଉଥିବା ଚୀନ୍ର ବିଶ୍ୱବ୍ୟାପୀ ସାମଗ୍ରୀ ବିକ୍ରି ଗୁରୁତର ଭାବେ ପ୍ରଭାବିତ ହୋଇଥାନ୍ତା।ତେଣୁ ନିଜର ଶକ୍ତି ସୁରକ୍ଷା ଏବଂ ଅର୍ଥନୈତିକ ସ୍ୱାର୍ଥକୁ ଆଖିଆଗରେ ରଖି ଚୀନ୍ ଶେଷ ମୁହୂର୍ତ୍ତରେ ଏହି ଚୁକ୍ତି କରାଇବାରେ ନିର୍ଣ୍ଣାୟକ ପଦକ୍ଷେପ ନେଇଥିଲା।

ଆକାଉଣ୍ଟକୁ ଆସିବ ମୋଟା ଅଙ୍କରେ ଟଙ୍କା, ମାତ୍ର ୩୦୦ ଟଙ୍କା ଜମା କରି ପାଇବେ ୧୫ ଲକ୍ଷ, ସୁଧ ଟଙ୍କାରେ ହେବେ ମାଲାମାଲ୍

Post Office RD Scheme: ପ୍ରତ୍ୟେକ ବ୍ୟକ୍ତି ସର୍ବଦା ଭବିଷ୍ୟତ ପାଇଁ ସେମାନଙ୍କର କଷ୍ଟ-ଅର୍ଜିତ ଆୟର ଏକ ଅଂଶ ଅଲଗା ରଖନ୍ତି। କିନ୍ତୁ ବର୍ଦ୍ଧିତ ମୁଦ୍ରାସ୍ଫୀତିର ଏହି ଯୁଗରେ କେବଳ ଟଙ୍କା ସଞ୍ଚୟ କରିବା ଯଥେଷ୍ଟ ନୁହେଁ, ସେହି ଟଙ୍କାକୁ ସଠିକ୍ ଏବଂ ସୁରକ୍ଷିତ ରାସ୍ତାରେ ନିବେଶ କରିବା ମଧ୍ୟ ସମାନ ଭାବରେ ଗୁରୁତ୍ୱପୂର୍ଣ୍ଣ। ଏହି ଆବଶ୍ୟକତା ପୂରଣ କରିବା ପାଇଁ ପୋଷ୍ଟ ଅଫିସ୍ ର କ୍ଷୁଦ୍ର ସଞ୍ଚୟ ଯୋଜନାଗୁଡ଼ିକ ଏକ ଉତ୍କୃଷ୍ଟ ବିକଳ୍ପ ପ୍ରମାଣିତ ହୁଏ। […]

ବଦଳିଲା LPG ବିତରଣ ନିୟମ: ଜାଣନ୍ତୁ ଆପଣଙ୍କ ରାଜ୍ୟ ଓ ଶିଳ୍ପ ଉପରେ କି ପ୍ରଭାବ ପଡ଼ିବ

ଭୁବନଶ୍ୱେର : ଦେଶରେ କେନ୍ଦ୍ର ସରକାର ଏଲପିଜି ଯୋଗାଣ କୁ ନେଇ ଏକ ବଡ଼ ନିଷ୍ପତ୍ତି ନେଇଛନ୍ତି। ସରକାର ଏଲପିଜି ଯୋଗାଣ ପାଇଁ ଏକ ନୂଆ ବିତରଣ ଫର୍ମୁଲା ପ୍ରସ୍ତୁତ କରିଛନ୍ତି, ଯେଉଁଥିରେ ଶିଳ୍ପ କ୍ଷେତ୍ରକୁ ଆଶ୍ୱସ୍ତି ଦେବା ସହ ରାଜ୍ୟମାନଙ୍କ ପାଇଁ କିଛି ନୂଆ ସର୍ତ୍ତ ମଧ୍ୟ ରଖାଯାଇଛି। ଆମେରିକା ଏବଂ ଇରାନ ମଧ୍ୟରେ ଯୁଦ୍ଧବିରତି ପରେ ଏହି ନିଷ୍ପତ୍ତି ନିଆଯାଇଛି। ସରକାର ଫାର୍ମା, ଷ୍ଟିଲ୍‌, ଖାଦ୍ୟ ଏବଂ କୃଷି ସମେତ ଅନେକ ଗୁରୁତ୍ୱପୂର୍ଣ୍ଣ ଶିଳ୍ପ […]

୭ ବର୍ଷ ପରେ ଭାରତ ଆସୁଛି ଇରାନରୁ ତେଲ

କନକ ବ୍ୟୁରୋ: ସାତ ବର୍ଷର ବ୍ୟବଧାନ ପରେ ଚଳିତ ସପ୍ତାହରେ ଭାରତ ଇରାନରୁ ଅଶୋଧିତ ତୈଳ ପାଇବାକୁ ଯାଉଛି । ଚୀନ ଅଭିମୁଖେ ଯାଉଥିବା ଏକ ଟ୍ୟାଙ୍କରକୁ ହଠାତ୍‌ ଭାରତ ଆସିବାକୁ ସଙ୍କେତ ଦିଆଯାଇଥିଲା । ବିଶ୍ୱରେ ଥିବା ସଙ୍କଟପୂର୍ଣ୍ଣ ଯୋଗାଣ ସ୍ଥିତିକୁ ସ୍ଥିର କରିବା ପାଇଁ ୱାସିଂଟନ ଇରାନ ତେଲ ଉପରେ ଅସ୍ଥାୟୀ ଭାବରେ କଟକଣା ଉଠାଇ ଦେବା ପରେ ତେହେରାନରୁ ଆମଦାନୀରେ ସାତ ବର୍ଷର ଅନ୍ତ ଘଟିଛି । ଲଣ୍ଡନ ଷ୍ଟକ୍ ଏକ୍ସଚେଞ୍ଜ ଗ୍ରୁପ୍ ଏବଂ କେପ୍‌ଲର୍‌ ତଥ୍ୟ ଦର୍ଶାଉଛି ଯେ, କୁରାଓ-ପତାକାଯୁକ୍ତ ବହୁତ ବଡ଼ ଅଶୋଧିତ ବାହକ ଜାହାଜ ଜୟାକୁ ଭାରତର ପୂର୍ବ ଉପକୂଳରେ ଇରାନୀ ଅଶୋଧିତ ତୈଳ ପହଞ୍ଚାଇବ । ଅଧିକ ପଢନ୍ତୁ: ଇରାନ ସହିତ ଦୁଇ ସପ୍ତାହର ଅସ୍ତ୍ରବିରତିକୁ ''ଆମେରିକାର ବଡ଼ ବିଜୟ'' ବୋଲି ହ୍ୱାଇଟ୍ ହାଉସ୍ ଦାବି କରିଛି ଜାହାଜଟି ପ୍ରଥମେ ଦକ୍ଷିଣ-ପୂର୍ବ ଏସିଆ, ବିଶେଷତଃ ଚୀନ ଅଭିମୁଖେ ଯାଉଥିଲା, କିନ୍ତୁ ପରେ ଭାରତ ଅଭିମୁଖେ ଏହାର ଦିଗ ପରିବର୍ତ୍ତନ କରିଥିଲା। ଏହି କାର୍ଗୋ ଜାହାଜଟି ଇଣ୍ଡିଆନ ଅଏଲ କର୍ପୋରେସନ ଦ୍ବାରା କିଣାଯାଇଥିଲେ ମଧ୍ୟ ଆଇଓସିଏଲ୍‌ ପକ୍ଷରୁ କୌଣସି ସୂଚନା ଦିଆଯାଉନାହିଁ। ସେହିପରି ନ୍ୟୁଜ ଏଜେନ୍ସି ରଏଟର୍ସର ସୂଚନା ଅନୁଯାୟୀ ଆଉ ଏକ ଜାହାଜ ଜୋର୍ଡାନ ମଧ୍ୟ ଭାରତ ଉପକୂଳରେ ତୈଳ ନେଇ ପହଞ୍ଚିବ। ଭାରତ ଶେଷ ଥର ପାଇଁ ମେ ୨୦୧୯ରେ ଇରାନୀ ତେଲ ଆମଦାନୀ କରିଥିଲା। ତେହେରାନ ଶସ୍ତାରେ ତେଲ ଦେଉଥିଲେ ମଧ୍ୟ ଆମେରିକାର କଟକଣା ଯୋଗୁଁ ଭାରତର ବିଶୋଧନକାରୀମାନେ ଇରାନଠାରୁ ତୈଳ କ୍ରୟ ବନ୍ଦ କରିବାକୁ ବାଧ୍ୟ ହୋଇଥିଲେ। ସେବେଠାରୁ ଭାରତୀୟ ବିଶୋଧନକାରୀମାନେ ପଶ୍ଚିମ ଏସୀୟ ଉତ୍ପାଦକ ଏବଂ ଯୁକ୍ତରାଷ୍ଟ୍ର ସମେତ ବିକଳ୍ପ ଉତ୍ସ ଉପରେ ବହୁଳ ଭାବରେ ନିର୍ଭର କରିଆସୁଛନ୍ତି।

୫୦୦୦ ବର୍ଷର ପ୍ରାଚୀନ ଜଳପଥ ଏହି ‘ହର୍ମୁଜ ପ୍ରଣାଳୀ’ : କେମିତି ହେଲା ଏହା ବିଶ୍ୱ ବାଣିଜ୍ୟର ହୃଦୟ?

ନୂଆଦିଲ୍ଲୀ : ହର୍ମୁଜ ପ୍ରଣାଳୀ ପେଟ୍ରୋଲିୟମ ସମୃଦ୍ଧ ଦେଶ ଗୁଡିକୁ ଯୋଡିବା ପାଇଁ ଏକ ଏକମାତ୍ର ସାମୁଦ୍ରିକ ମାର୍ଗ ଅଟେ । ଫାରସ ପାଶ୍ୱର୍ ପଶ୍ଚିମରେ ଅଛି ଏବଂ ଏହା ଓମାନ ଉପସାଗର ଓ ଆରବ ସାଗର ଦ୍ୱାରା ଘେରି ହୋଇ ରହିଛି । ଇରାନ ଯୁଦ୍ଧ ସମୟରେ ହର୍ମୁଜ ପ୍ରଣାଳୀ ଖୁବ ଚର୍ଚ୍ଚାରେ ରହିଥିଲା । ଯୁଦ୍ଧ ପୂର୍ବରୁ ଅଧିକାଂଶ ଲୋକେ ଏହାର ନାମ ମଧ୍ୟ ଶୁଣିନଥିଲବେ କିନ୍ତୁ ବର୍ତ୍ତମାନ ସବୁଠାରୁ ଚର୍ଚ୍ଚିତ ସ୍ଥାନ ଅଟେ […]

ଗୋଟିଏ ପ୍ଲଟ୍‌ରେ ଅନେକଙ୍କ ଘର ଆଉ ଦୋକାନ, କେବଳ ଆମକୁ କାହିଁକି ନୋଟିସ୍

ଭଦ୍ରକ ୮।୪: ହାଇକୋର୍ଟ ରହିତାଦେଶ ପରେ ବି ଲାଗୁଛି ଉଚ୍ଛେଦ ନୋଟିସ୍ । ରହିତାଦେଶ ଥିବା ସତ୍ତ୍ୱେ ମଧ୍ୟ ରାଜନୈତିକ ଚାପର ବଶବର୍ତ୍ତୀ ହୋଇ ଘର ଭାଙ୍ଗିବା ନେଇ ନୋଟିସ୍ ପରେ ଅଭିଯୋଗ । ଜିଲ୍ଲାପାଳଙ୍କ ଦ୍ୱାରସ୍ଥ ହେଲେ ଅଭିଯୋଗକାରୀ । ଭଦ୍ରକ ଜିଲ୍ଲା ବନ୍ତ ପ୍ରଶାସନ ଜଣେ ପରିବାରର ଘର ଭାଙ୍ଗିବାକୁ ବାରମ୍ବାର ନୋଟିସ୍ କରୁଥିବା ଅଭିଯୋଗ ହୋଇଛି ।ଭଦ୍ରକ ଜିଲ୍ଲା ବନ୍ତ ବ୍ଲକ୍ କେନ୍ଦୁଆପଦା ଚିକିତ୍ସାଳୟ ନିକଟରେ ଦୀର୍ଘ ୨୫ ବର୍ଷରୁ ଉର୍ଦ୍ଧ୍ବ ବର୍ଷ ହେବ ଭୂମିହୀନ ମନୋରଞ୍ଜନ କର ଓ ତାଙ୍କ ପରିବାର ଘର କରି ରହି ଆସୁଛନ୍ତି । କେବଳ ମନୋରଞ୍ଜନ ନୁହନ୍ତି ସଂପୃକ୍ତ ପ୍ଲଟରେ ମଧ୍ୟ ଆଉ କେତେକ ବ୍ୟକ୍ତି ବ୍ୟବସାୟିକ ପ୍ରତିଷ୍ଠାନ ତିଆରି କରିଛନ୍ତି । ମାତ୍ର ବିଗତ କିଛି ମାସ ହେବ ମନୋରଞ୍ଜନଙ୍କୁ ସଂପୃକ୍ତ ଜାଗା ଖାଲି କରିବାକୁ ବନ୍ତ ପ୍ରଶାସନ ନୋଟିସ୍ କରିଚାଲିଛି । ପରେ ଘଟଣାକୁ ନେଇ ଅଭିଯୋଗ ପରେ ହାଇକୋର୍ଟ ରହିତାଦେଶ ଜାରି କରିଛନ୍ତି ବୋଲି ମନୋରଞ୍ଜନ କହିଛନ୍ତି ।Also Read:-Child Snatched from Mother's Lap: ମାଆ କୋଳରେ ଶୋଇଥିଲା ୪ ମାସର ଶିଶୁ ପୁତ୍ର, ଆଖି ଖୋଲିଲା ବେଳକୁ ଗାଏବମାତ୍ର ସବୁ ପରେ ବି ସଂପୃକ୍ତ ପରିବାରକୁ ବନ୍ତ ତହସିଲ ପକ୍ଷରୁ ପୁନଃ ଉଚ୍ଛେଦ ପାଇଁ ନୋଟିସ୍ କରାଯାଇଥିବା ଅଭିଯୋଗ ହୋଇଛି । ଯାହାକୁ ନେଇ ପରିବାର ପକ୍ଷରୁ ଜିଲ୍ଲାପାଳଙ୍କ ନିକଟରେ ପହଞ୍ଚି ତ୍ୱରିତ ନ୍ୟାୟ ପାଇଁ ନିବେଦନ କରିଛନ୍ତି । ଗୋଟିଏ ସରକାରୀ ପ୍ଲଟରେ ଅନ୍ୟମାନେ ଘର ଓ ବ୍ୟବସାୟିକ ପ୍ରତିଷ୍ଠାନ ଚଳାଇଥିବା ବେଳେ କେବଳ ଆମକୁ କାହିଁକି ଏକ ନିର୍ଦ୍ଧିଷ୍ଟ ଘର ଭାଙ୍ଗିବା ନୋଟିସ୍ ଦିଆଯାଉଛି ତାକୁ ନେଇ ପ୍ରଶ୍ନ ଉଠାଇଛନ୍ତି ମନୋରଞ୍ଜନ ।

ସମୁଦ୍ରକୁ ଚ୍ୟାଲେଞ୍ଜ୍ ଦେବେ କୁନି ପହଁରାଳି: ଶ୍ରୀଲଙ୍କାରୁ ପହଁରି ଭାରତ ଆସିବେ

କନକବ୍ୟୁରୋ : ଝାଡ଼ଖଣ୍ଡର ଜଣେ କୁନି ପିଲା ‘ମିଶନ ସମନ୍ଦର’ ପୂରଣ କରିବା ପାଇଁ ଦିନରାତି ପରିଶ୍ରମ କରୁଛି। ରାଞ୍ଚିର ସାତ ବର୍ଷୀୟ ଇଶାଙ୍କ୍ ନୂଆ ଇତିହାସ ସୃଷ୍ଟି କରିବାକୁ ପ୍ରସ୍ତୁତ ହେଉଛନ୍ତି । ଏବେ ସେ ଭାରତ ଏବଂ ଶ୍ରୀଲଙ୍କା ମଧ୍ୟରେ ଦୂରତା ପାର କରିବା ମିଶନରେ ବ୍ୟସ୍ତ ଅଛନ୍ତି। ତାଙ୍କର ଲକ୍ଷ୍ୟ କେବଳ କଷ୍ଟକର ସମୁଦ୍ର ପଥକୁ ଜୟ କରିବା ନୁହେଁ, ବରଂ ଗିନିଜ୍ ବୁକ୍ ଅଫ୍ ୱାର୍ଲ୍ଡ ରେକର୍ଡରେ ନିଜ ନାମ ପଞ୍ଜିକୃତ କରିବା । ଏତେ କମ୍ ବୟସରେ ଇଶାଙ୍କ୍‌ଙ୍କର ମନୋବଳ ସମସ୍ତଙ୍କୁ ଆଶ୍ଚର୍ଯ୍ୟ କରିଛି। ଏହି ଲକ୍ଷ୍ୟ ହାସଲ କରିବା ପାଇଁ ସେ ଘଣ୍ଟା ଘଣ୍ଟା ଧରି ପାଣିରେ ରହି କଠିନ ଅଭ୍ୟାସ କରୁଛି । ଅଧିକ ପଢନ୍ତୁ.... ଗ୍ୟାସ୍‌ କଳାବଜାରୀ ଉପରେ ଧରଣର ଚଢ଼ାଉ ; କାଠ ଗୋଲା ଭିତରୁ ମିଳିଲା ବିପୁଳ ଗ୍ୟାସ୍‌ ଟାଙ୍କି ରାଞ୍ଚିର ବାସିନ୍ଦା ଇଶାଙ୍କ୍‌ଙ୍କ ଏହି ଦୁଃସାହସିକ ଯାତ୍ରା ଏପ୍ରିଲ ୨୯ ତାରିଖରେ ତାମିଲନାଡୁର ରାମେଶ୍ୱରମରୁ ଆରମ୍ଭ ହେବ। ଇଶାଙ୍କ୍ ୨୨ ତାରିଖରେ ରାମେଶ୍ୱରମ ଅଭିମୁଖେ ଯାତ୍ରା କରିବେ। ୩୦ ତାରିଖରେ ତାଙ୍କ ପରିବାର ସଦସ୍ୟ ଏବଂ ପହଁରିବା ଦଳ ସମୁଦ୍ର ପଥ ଦେଇ ଶ୍ରୀଲଙ୍କାର ତଲାଇମନ୍ନାର ଅଭିମୁଖେ ଯାତ୍ରା କରିବେ। ତଲାଇମନ୍ନାରରେ ପହଞ୍ଚିବା ପରେ ସମସ୍ତେ ଡଙ୍ଗାରେ ରାତ୍ରୀଯାପନ କରିବେ। ତା’ପରେ ଏପ୍ରିଲ ୩୦ ତାରିଖରେ ଇଶାଙ୍କ୍ ତଲାଇମନ୍ନାରରୁ ତାଙ୍କର ଅଭିଯାନ ଆରମ୍ଭ କରିବେ। ସେ ୩୦ କିଲୋମିଟର ଦୂରତା ଅତିକ୍ରମ କରି ପହଁରି ପହଁରି ଭାରତର ଶେଷ ସାମୁଦ୍ରିକ ସୀମା ଧନୁଷକୋଡିରେ ପହଞ୍ଚିବେ। ତାଙ୍କ ମାଆ ମନୀଷା କୁହନ୍ତି, ପହଁରିବା ହେଉଛି ଇଶାଙ୍କ୍‌ଙ୍କ ପ୍ରଥମ ପସନ୍ଦ, ସେ ଅଢ଼େଇ ବର୍ଷ ବୟସରୁ ପହଁରୁଛନ୍ତି। ପିତା ସୁନୀଲ ତାଙ୍କର ସବୁଠାରୁ ବଡ଼ ଗାଇଡ୍। ବାପା କୁହନ୍ତି,ମୋ ପୁଅର ସଫଳତାରେ ମୁଁ ବହୁତ ଖୁସି, ଏବଂ ଏହା ଭଲ ଲାଗୁଛି। ଯଦି ସେ ବିଶ୍ୱ ରେକର୍ଡ ଭାଙ୍ଗିପାରିବ ତେବେ ଏହା ବହୁତ ଭଲ ହେବ। ମୋ ପୁଅ ନିଜର ମିଶନ ପ୍ରତି ବେଶ୍ ଯତ୍ନଶୀଳ। ମିଶନ ଲକ୍ଷ୍ୟ ପୂରଣ ପାଇଁ ଇଶାଙ୍କ୍ ପ୍ରତିଦିନ ରାଞ୍ଚିର ଧୁରୱା ଡ୍ୟାମ୍‌ରେ ଚାରିରୁ ପାଞ୍ଚ ଘଣ୍ଟା ଅଭ୍ୟାସ କରୁଛନ୍ତି। ସେ ୧୫ ରୁ ୨୦ କିଲୋମିଟର ପହଁରୁଛନ୍ତି। ତାଙ୍କ ମାଆ ମନୀଷା କହିଛନ୍ତି, ସେ ସପ୍ତାହରେ ଥରେ ଆଠ ଘଣ୍ଟା ଅଭ୍ୟାସ କରନ୍ତି। ଏହି ସମୟରେ, ତାଙ୍କ ସହିତ ତାଙ୍କର ସମ୍ପୂର୍ଣ୍ଣ ପହଁରା ଦଳ ମଧ୍ୟ ଥାଏ। ଇଶାଙ୍କ୍‌ଙ୍କ ପ୍ରଶିକ୍ଷକ ଅମନ କୁମାର ଜୟସୱାଲ୍ ତାଙ୍କୁ ବ୍ୟକ୍ତିଗତ ଭାବରେ ତାଲିମ ଦେଉଛନ୍ତି। ଏହା ସହିତ ବଜରଙ୍ଗ କୁମାର ମଧ୍ୟ ତାଙ୍କୁ ତାଲିମ ଦେଉଛନ୍ତି।୧୧ ଏପ୍ରିଲରେ, ଇଶାଙ୍କ୍ କୋଚି ଯାଉଛନ୍ତି । ସେଠାରେ ପେରିଆର ନଦୀରେ ଖୋଲା ଜଳ ସନ୍ତରଣ ପ୍ରତିଯୋଗିତାରେ ଅଂଶଗ୍ରହଣ କରିବେ। ଏଥିପାଇଁ କୌଣସି ବୟସ ସୀମା ନାହିଁ, ଏବଂ ଯେକୌଣସି ବ୍ୟକ୍ତି ଅଂଶଗ୍ରହଣ କରିପାରିବେ। ପ୍ରତିଭାବାନ ଇଶାଙ୍କ୍ ପୂର୍ବରୁ ଅନେକ ଜାତୀୟ ସନ୍ତରଣ ପ୍ରତିଯୋଗିତାରେ ନିଜର ଦକ୍ଷତା ପ୍ରମାଣିତ କରିସାରିଛନ୍ତି। ୨୨ ଫେବ୍ରୁଆରିରେ, ଇଶାଙ୍କ୍ ଗେଟୱେ ଅଫ୍ ଇଣ୍ଡିଆ ଇଭେଣ୍ଟରେ ତୃତୀୟ ସ୍ଥାନ ଅଧିକାର କରିଥିଲେ। ସେଠାରେ ସେ ଆରବ ସାଗରରେ ଏକ କିଲୋମିଟର ସନ୍ତରଣ ପ୍ରତିଯୋଗିତାରେ ତୃତୀୟ ସ୍ଥାନ ହାସଲ କରିଥିଲେ। ଜିଲ୍ଲାସ୍ତରୀୟ ପ୍ରତିଯୋଗିତାରେ ମଧ୍ୟ ଇଶାଙ୍କ୍‌ଙ୍କର ପ୍ରଦର୍ଶନ ଭଲ ରହିଛି। ସେ ଭଲ ପାଠ ମଧ୍ୟ ପଢୁଛନ୍ତି।

Minister On Road: ସେତୁବନ୍ଧ ଯୋଜନାରେ ନିର୍ମାଣ ହେବ ୫ ହଜାର ସେତୁ, ମନ୍ତ୍ରୀ କହିଲେ ଆଗାମୀ ଟାର୍ଗେଟ

ଭୁବନେଶ୍ୱର: ଗ୍ରାମ୍ୟ ଉନ୍ନୟନ ମନ୍ତ୍ରୀ ରବି ନାୟକଙ୍କ ସାମ୍ବାଦିକ ସମ୍ମିଳନୀ । ବିଭାଗର ସଫଳତା ଓ ବଜେଟ ଖର୍ଚ୍ଚ ଏବଂ ଆଗାମୀ ଦିନର ଲକ୍ଷ ନେଇ ବିସ୍ତୃତ ତଥ୍ୟ ଦେଲେ ମନ୍ତ୍ରୀ । ୧୭୦୦ କିଲୋମିଟର ପ୍ରଧାନମନ୍ତ୍ରୀ ଗ୍ରାମ୍ୟ ସଡ଼କ ଯୋଜନାରେ ରାସ୍ତା ନିର୍ମାଣ ପାଇଁ ଆସିଛି ମଞ୍ଜୁର । ବର୍ତ୍ତମାନ ସୁଦ୍ଧା ୮୯.୪୭ ପ୍ରତିଶତ ଲକ୍ଷ ହାସଲ କରିଛି ଗ୍ରାମ୍ୟ ଉନ୍ନୟନ ବିଭାଗ । ୮୫୮୦.୨୪ କୋଟି ଟଙ୍କାର ବଜେଟ ଅଟକଳ ହୋଇଛି । ୫୨୧୧ କିଲୋମିଟର ରୋଡ ସହ ୨୧୭୯ଟି ରାସ୍ତା ନିର୍ମାଣ ହୋଇଛି । ୩୪୪୪.୪୧ କୋଟି ଟଙ୍କା MMSY ରେ ୯୯.୭୯ ପ୍ରତିଶତ କାମ ହୋଇଛି । ୪୭୦୦ କିଲୋମିଟର ରାସ୍ତା ୨୦୨୫-୨୬ରେ ହୋଇଛି । ନକ୍ସଲ ଅଞ୍ଚଳରେ ୩୦୧୮.୭୯ କିଲୋମିଟର କାମ ସହ ୫୫ଟି ରାସ୍ତା ଶେଷ ହୋଇଛି । ୧୭୭ କୋଟି ଟଙ୍କା ଖର୍ଚ୍ଚ ହୋଇଛି । ୬୩୫.୧୨ କିଲୋମିଟର ରାସ୍ତା ମୁଖ୍ୟମନ୍ତ୍ରୀ ସଡ଼କ ଯୋଜନା ରେ ଶେଷ ହୋଇଛି । ସେତୁବନ୍ଧ ଯୋଜନାରେ ୭୫ହଜାର କିଲୋମିଟର ରାସ୍ତା ତିଆରି କରିବୁ । ​​​​​​​Also Read...ସରକାରଙ୍କ ଚେତାବନୀ ; ଗୋ-ମାଫିଆଙ୍କୁ କ୍ଷମା ନାହିଁ, ସମୟ ଥାଉ ଥାଉ ସୁଧୁରିଯାଅ, ନଚେତ୍...୫ ହଜାର ସେତୁ ନିର୍ମାଣ ହେବ । ମୋ ବିଭାଗରେ ୫୦୦ ସେତୁ ନିର୍ମାଣ ପାଇଁ ଦାୟିତ୍ୱ ମିଳିଥିଲା ୨୯୪ଟି ବ୍ରିଜ୍ ଶେଷ ହୋଇଛି । ୩୭୪ ନୂଆ ବ୍ରିଜ କାମ ପାଇଁ ଆପ୍ରୁଭ ହୋଇଛି । ପ୍ରଧାନମନ୍ତ୍ରୀ ସଡ଼କ ଯୋଜନା ରେ ୫୨୫.୯୦ କିଲୋମିଟର ରାସ୍ତା ସହ ୨୭ଟି ବ୍ରିଜ କାମ ସରିଛି । ଆଗାମୀ ଦିନରେ ଜିରୋ କନେଟଭିଟ ଲକ୍ଷ ରହିଛି ବୋଲି ମନ୍ତ୍ରୀ କହିଛନ୍ତି ।​​​​​​​

ଗ୍ୟାସ୍‌ କଳାବଜାରୀ ଉପରେ ଧରଣର ଚଢ଼ାଉ ; କାଠ ଗୋଲା ଭିତରୁ ମିଳିଲା ବିପୁଳ ଗ୍ୟାସ୍‌ ଟାଙ୍କି

କନକ ବ୍ୟୁରୋ : ଗ୍ୟାସ୍‌ କଳାବଜାରୀ ଉପରେ ବଡ଼ ରେଡ୍‌ । କାଠଗୋଲା ଭିତରୁ ମିଳିଲା ବିପୁଳ ଗ୍ୟାସ୍‌ ଟାଙ୍କି । ସାମନ୍ତରାପୁର ଛକ ନିକଟରୁ ଠାବ ହେଲା ଗ୍ୟାସ୍‌ ଗୋଦାମ । ବେଆଇନ ଭାବେ ଗ୍ୟାସ୍‌ କଳାବଜାରୀ ଖବର ପାଇ ଜିଲ୍ଲା ଯୋଗାଣ ବିଭାଗର ଅତର୍କିତ ଚଢ଼ାଉ କରିଛି । ଚଢ଼ାଉ ବେଳେ ବିନା ଲାଇସେନ୍ସରେ ଗ୍ୟାସ ମହଜୁଦ ଥିବା ଠାବ । ଗ୍ୟାସ୍‌ ଟାଙ୍କି ସିଲିଣ୍ଡର ଜବତ କଲେ ଯୋଗାଣ ଅଧିକାରୀ । ସେଠାରୁ ୫ଲିଟରିଆ , ୧୨ଲିଟରିଆ, ୧୪ଲିଟରିଆ ଗ୍ୟାସ ଟାଙ୍କି ଠାବ ହୋଇଛି । ଜିଲ୍ଲା ଯୋଗାଣ ଅଧିକାରୀ ସୂଚନା ଦେଇଛନ୍ତି । ଏସବୁ ଗ୍ୟାସ କଳାବଜାରୀ କରାଯାଉଥିଲା। ବିନା ଅନୁମତିରେ ବିପଦପୂର୍ଣ୍ଣ ଭାବେ କାଠଗୋଲା ଭିତରେ ଗ୍ୟାସ ମହଜୁଦ ରଖାଯାଉଥିଲା । ବିନା ନମ୍ବର ପ୍ଲେଟ୍ ଗାଡିରେ ଗ୍ୟାସ୍‌ ଚାଲାଣ ହେଉଥିଲା । ଯାହାର ଖବର ପାଇ ଚଢ଼ାଉ ପରେ ଏସବୁ ଗ୍ୟାସ ଟାଙ୍କି ଜବତ କରାଯାଇଛି । ଏନେଇ କାର୍ଯାନୁଷ୍ଠାନ ପାଇଁ ପ୍ରକ୍ରିୟା ଆରମ୍ଭ ହୋଇଛି । ଅଧିକ ପଢ଼ନ୍ତୁ--- ମାଆ କୋଳରୁ ଚୋରି ହୋଇଗଲା ୪ ମାସର ପୁଅ ; ନିଜ ଛୁଆକୁ ଖୋଜିବାକୁ ଗୁହାରି କଲେ ବାପା ମାଆ ଅନ୍ୟପଟେ ରାଜ୍ୟର ବିଭିନ୍ନ ସ୍ଥାନରୁ ଆସୁଛି ଘରୋଇ ରନ୍ଧନ ଗ୍ୟାସର ଅଭାବର ଖବର । ଜଗତସିଂହପୁରରେ ସିଲିଣ୍ଡର ଅଭାବରୁ ଗ୍ୟାସ୍‌ ଡିପୋରେ ଲୋକମାନେ ରାତିରୁ ଲାଇନରେ ଠିଆ ହୋଇ ରହିଛନ୍ତି । ଗ୍ୟାସ ଟାଙ୍କି ଧରି ଖରା କାକରରେ ଲୋକେ ଧାଡିରେ ଅପେକ୍ଷା କରୁଥିଲେ ବି ଯେତିକି ଗ୍ୟାସ ଆସୁଛି ତାହା ସମୁଦ୍ରକୁ ଶଙ୍ଖେ ପରି ହେଉଛି । ଯାହାକୁ ନେଇ ଲୋକେ ଅସନ୍ତୋଷ ବ୍ୟକ୍ତ କରିଛନ୍ତି ।

Iranian oil heads to India: ଚୀନରୁ ଫେରି ଭାରତ ଆସୁଛି ଇରାନୀ ତେଲ ଜାହାଜ: ଦୀର୍ଘ ୭ ବର୍ଷ ପରେ ପହଞ୍ଚିବ ତେହେରାନ ତେଲ

India to receive Iran oil:ଦୀର୍ଘ ୭ ବର୍ଷ ପରେ ଭାରତରେ ପହଞ୍ଚିବ ଇରାନ ତେଲ। କିଛିଦିନ ତଳେ ଯେଉଁ ଇରାନୀ ଜାହାଜ ଚୀନରୁ ଫେରି ଭାରତ ଆସୁଥିଲା, ତାହା ଏହି ସପ୍ତାହରେ ଭାରତୀୟ ବିମାନ ବନ୍ଦରରେ ପହଞ୍ଚିବ। ବୁଧବାରLSEGଏବଂKplerର ଜାହାଜ ଟ୍ରାକିଂ ତଥ୍ୟରୁ ଏହି ସୂଚନା ମିଳିଛି।ଯୁଦ୍ଧ ଯୋଗୁ ଯୋଗାଣ ଅଭାବକୁ କମ କରିବା ପାଇଁ ଆମେରିକା ଇରାନୀ ତେଲ ଏବଂ ବିଶୋଧିତ ଉତ୍ପାଦ ଉପରେ ଅସ୍ଥାୟୀ ଭାବରେ କଟକଣା ପ୍ରତ୍ୟାହାର କରିଥିଲା। ଏହାପରେ ଭାରତ ଇରାନ ଠାରୁ ତେଲ କିଣିବା ଆରମ୍ଭ କରିଥିଲା। ଏଇ ସପ୍ତାହରେ ଭାରତ ପହଞ୍ଚିବାକୁ ଥିବା ତୈଳ ଜାହାଜଟି ପୂର୍ବରୁ ଇରାନରୁ ତେଲ ନେଇ ଚୀନ ଯାଉଥିଲା। ହେଲେ ଭାରତ କିଣିବାକୁ ଇଚ୍ଛା ପ୍ରକାଶ କରିବାରୁ ଜାହଜଟି ଗତିପଥ ବଦଳାଇ ଭାରତ ଅଭିମୁଖେ ଯାତ୍ରା କରିଥିଲା।ତଥ୍ୟ ଅନୁସାରେ, କୁରାଓ-ପତାକାଯୁକ୍ତ ବହୁତ ବଡ଼ ତେଲଜାହାଜ ଜୟାରେ ଥିବା କାର୍ଗୋକୁ ସରକାରୀ କମ୍ପାନୀ ଇଣ୍ଡିଆନ୍ ଅଏଲ୍ କର୍ପୋରେସନ୍ ଏନ୍ଏସ୍କିଣିଛି। ଏବଂ ଏହା ଭାରତର ପୂର୍ବ ଉପକୂଳକୁ ଆସୁଛି।Also Read-US‑Iran ceasefire : ଯୁଦ୍ଧ ବିରାମକୁ ସ୍ୱାଗତ କଲା ଭାରତ, ହରମୁଜରେ ମୁକ୍ତ ପରିବହନ ପାଇଁ ଆହ୍ୱାନଏନେଇ ରୟଟର୍ସ ପକ୍ଷରୁ ଦେଶର ସର୍ବୋଚ୍ଚ ରିଫାଇନର ଇଣ୍ଡିଆନ ଅଏଲକୁ ଇ-ମେଲ ଦେଇ ଜାହାଜ ବିଷୟରେ ଜବାବ ମଗାଯାଇଥିଲା। ହେଲେ ତୈଳ କମ୍ପାନୀ ଏନେଇ କୌଣସି ପ୍ରତିକ୍ରିୟା ଦେଇ ନାହିଁ। LSEG ଜାହାଜ ଟ୍ରାକିଂରୁ ମିଳିଥିବା ତଥ୍ୟ ଅନୁସାରେ, ଆଉ ଏକ ଜୋର୍ଡାନ ନାମକ ଏକ ଜାହାଜ ଭାରତକୁ ଅଭିମୁଖେ ଆସୁଛି। ଏହି ଜାହଜର ଡିସ୍ଚାର୍ଜ ଲୋକେସନ ଭାରତ ଦର୍ଶାଉଛି।ବିଶ୍ୱର ତୃତୀୟ ସର୍ବାଧିକ ତୈଳ ଆମଦାନୀକାରୀ ରାଷ୍ଟ୍ର ଭାରତଆମେରିକାର ପ୍ରତିବନ୍ଧକ ପରେ ଭାରତ ଇରାନ ଠାରୁ ତେଲ କିଣିପାରୁ ନଥିଲା। ଦୀର୍ଘ ୭ ବର୍ଷ ହେଲା ଏହି କଟକଣା ଲାଗିଥିଲା।ଫଳରେ ଇରାନ ଠାରୁ ତୈଳ ଆମଦାନୀ ୨୦୧୯ ମେ ମାସ ଠାରୁ ବନ୍ଦ ରହିଥିଲା। ହେଲେ ଯୁଦ୍ଧ ଯୋଗୁ ଏବେ ଅସ୍ଥାୟୀ ଭାବେ ଆମେରିକା କଟକଣା ହଟାଇବା ପରେ ଭାରତ ଇରାନୀ ତୈଳ କିଣୁଛି।ଭାରତ ବିଶ୍ୱର ତୃତୀୟ ସର୍ବବୃହତ ତୈଳ ଆମଦାନୀକାରୀ ରାଷ୍ଟ୍ର ହୋଇଥିବା ବେଳେ ୯୦ ପ୍ରତିଶତ ତୈଳ ଆମଦାନୀ କରିଥାଏ। ଇରାନ ଉପରେ କଟକଣା ଲାଗିବା ପରେ ଭାରତ ଏହାର ଆବଶ୍ୟକତା ପୂରଣ କରିବା ପାଇଁ ଋଷ, ଭେନେଜୁଏଲା ଭଳି ଅନ୍ୟ ଦେଶମାନଙ୍କ ଠାରୁ ତେଲ କିଣୁଥିଲା। ତେବେ ଇରାନ ଯୁଦ୍ଧ ଦିନ ଠାରୁ ହରମୁଜ ଜଳପଥ ବନ୍ଦ କରାଯାଇଥିବାରୁ ପରିବହନ ସମ୍ପୂର୍ଣ୍ଣ ଠପ୍ ହୋଇଯାଇଥିଲା। ଯେଉଁଥିପାଇଁ ଦେଶରେ ଶକ୍ତି ସଂକଟ ଦେଖା ଦେଇଥିଲା। ଯଦି ଆମେରିକା ଇରାନର କଟକଣା ପ୍ରତ୍ୟାହାର କରିବା ସର୍ତ୍ତରେ ରାଜି ହୋଇଯାଏ ତେବେ ଭାରତ ଖୁବ୍ କମ ଖର୍ଚ୍ଚରେ ଇରାନ ଠାରୁ ଉନ୍ନତମାନର ତେଲ କିଣିପାରିବ।Also Read-RBI MPC: ମହଙ୍ଗା ହେବନି ଋଣ, ବଢ଼ିବନି EMI; ଏମପିସି ବୈଠକରେ ବଡ଼ ନିଷ୍ପତ୍ତି ନେଲା ରିଜର୍ଭ ବ୍ୟାଙ୍କ ଅଫ୍ ଇଣ୍ଡିଆ, କେମିତି ରହିବ ଜିଡିପି ସ୍ଥିତି ?

ଇଣ୍ଡିଆନ ବ୍ୟାଙ୍କରେ ବାହାରିଲା ବମ୍ପର ନିଯୁକ୍ତି, ଗ୍ରାଜୁଏସନ୍ ପାସ୍ କରିଥିଲେ କରିପାରିବେ ଆବେଦନ, ଜାଣନ୍ତୁ ଶେଷ ତାରିଖ

IB Recruitment: ସରକାରୀ ବ୍ୟାଙ୍କରେ ଚାକିରି ପାଇଁ ପ୍ରସ୍ତୁତ ହେଉଥିବା ଯୁବ ଆଶାୟୀମାନଙ୍କ ପାଇଁ ଏକ ଗୁରୁତ୍ୱପୂର୍ଣ୍ଣ ଖବର। ଇଣ୍ଡିଆନ୍ ବ୍ୟାଙ୍କ ୨୦୨୬ ବର୍ଷ ପାଇଁ ୩୫୦ ବିଶେଷଜ୍ଞ ଅଧିକାରୀ (SO) ପଦବୀ ପାଇଁ ଏକ ନିଯୁକ୍ତି ବିଜ୍ଞପ୍ତି ପ୍ରକାଶ କରିଛି। ଏହି ନିଯୁକ୍ତି ଅଭିଯାନ ସ୍କେଲ ୧,୨ ଏବଂ ୩ ପଦବୀକୁ ଅନ୍ତର୍ଭୁକ୍ତ କରେ । IT, ଅର୍ଥ, ମାର୍କେଟିଂ, HR, ବିପଦ ପରିଚାଳନା ଏବଂ ଅନ୍ୟାନ୍ୟ ବୈଷୟିକ ବିଭାଗରେ ବିଶେଷଜ୍ଞ ପ୍ରାର୍ଥୀମାନେ ଆବେଦନ କରିବାକୁ […]

Vaibhav Sooryavanshi: ଏକ୍ ବିହାରୀ ସବ୍ ପେ ଭାରି...ଆଇପିଏଲ୍‌ରେ ଏବେ କାଳ ଭୈରବ ଝଡ଼

ନୂଆଦିଲ୍ଲୀ: ହଁ ହମ୍ ବିହାରୀ ହେଁ ଜୀ...ଥୋଡେ ସଂସ୍କାରୀ ହେଁ ଜୀ...ମାଟି କୋ ସୋନା କର ଦେ...ଓ୍ୱେସି କଲାକାରୀ ହେଁ ଜୀ... । ମନୋଜ ବାଜପେୟୀଙ୍କ ଏହି ଗୀତ ଯଦିଓ ବୈଭବ ସୂର୍ଯ୍ୟବଂଶୀଙ୍କ ଉପରେ ପ୍ରସ୍ତୁତ ହୋଇନି । କିନ୍ତୁ ଲାଇନ୍ ପୁରା ଫିଟ୍ ଏହି ୧୫ ବର୍ଷୀୟ ବିସ୍ଫୋରକ ବ୍ୟାଟରଙ୍କ ଉପରେ । IPLରେ ସାରା ବିଶ୍ୱର ଖେଳାଳିଙ୍କ ଭିତରେ ବୈଭବ ନିଜର ହାକିମାତ ଜାହିର କରିଛନ୍ତି । ବିହାରକୁ ଏହି ଖେଳାଳି ନିଜର ସ୍ୱତନ୍ତ୍ର ପରିଚୟ ସୃଷ୍ଟି କରିଛନ୍ତି ।ବୈଭବ ପ୍ରକୃତରେ ବିଶ୍ୱକୁ ଦେଖାଇଛନ୍ତି ଯେ ଜଣେ ବିହାରୀ ସମସ୍ତଙ୍କ ଉପରେ ଭାରି । ୧୪ କିମ୍ବା ୧୫ ବର୍ଷ ବୟସରେ ବିଶ୍ୱ କ୍ରିକେଟର ନିଜର ଐତିହାସିକ ରେକର୍ଡ କରିବା ବା ବ୍ୟାଟ୍ ଗର୍ଜିବା ଛୋଟିଆ କଥା ନୁହେଁ । ତଥାପି, ବୈଭବ ଆଇପିଏଲ ମାଧ୍ୟମରେ ନିଜର ମୂଲ୍ୟବୋଧ ପ୍ରଦର୍ଶନ କରିବା ସହ କୀର୍ତ୍ତିମାନ ହାସଲ କରିଛନ୍ତି । ସେ ଏମିତି କିଛି କରିଛନ୍ତି, ଯାହା କ୍ରିକେଟରେ ଚତ୍ମକାର ବୋଲି ଚର୍ଚ୍ଚା ହେଉଛି ।ବିହାରର ପରିଚୟ ବୈଭବ:ବିହାରରେ କ୍ରିକେଟର ସ୍ଥିତି କଣ ତାହା କାହାକୁ ଅଛପା ନାହିଁ । ତେଣୁ, ବୈଭବଙ୍କ ପାଇଁ କ୍ରିକେଟ ମୈଦାନରେ ଏଣ୍ଟ୍ରି ନଥିଲା ଏତେ ସହଜ । କିନ୍ତୁ, ଏହାକୁ ଭୁୁଲ ପ୍ରମାଣ କରି ଦେଖେିଥିଲେ ବୈଭବ । କେବଳ ଖୋଜୁଥିଲେ ଗୋଟିଏ ସୁଯୋଗ । ରାଜସ୍ଥାନ ରୟାଲ୍ସର ଟେଷ୍ଟରେ ପାସ୍ କରିଥିଲେ ବେବି ବସ୍ । ସୁଯୋଗକୁ ଅତି ସହଜରେ ହାସଲ କରିଥିଲେ ୟଙ୍ଗ କ୍ରିକେଟର । ଆଇପିଏଲ ୨୦୨୫ରେ ମିଳିଥିଲା ଜବରଦସ୍ତ ପ୍ଲାଟଫର୍ମ । ସେବେଠୁ ଆଉ ପଛକୁ ଫେରିନାହାଁନ୍ତି ବୈଭବ ସୂର୍ଯ୍ୟବଂଶୀ । ହାସଲ କରିଚାଲିଛନ୍ତି ବ୍ୟାକ୍ ଟୁ ବ୍ୟାକ୍ ସଫଳତା ।ଆଇପିଏଲ ୨୦୨୬ରେ ତାଙ୍କ ସଫଳତାର ନୂତନ କାହାଣୀ ଲେଖି ଚାଲିଛନ୍ତି ସେ । ସେ ଯାହା କହିଥିଲେ ସେ କଥାକୁ ସତ୍ୟରେ ପରିଣତ କରିଚାଲିଛନ୍ତି ।IPL ୨୦୨୬ ପୂର୍ବରୁ ଅନୁଷ୍ଠିତ NAMAN ପୁରସ୍କାରରେ, ବୈଭବ ସୂର୍ଯ୍ୟବଂଶୀ କହିଥିଲେ ଯେ ଯଦି ସେ ପ୍ରଥମ ବଲ୍ ପାଆନ୍ତି, ତେବେ ସେ ନିଶ୍ଚିତ ଏହାକୁ ବାଉଣ୍ଡରୀ ଲାଇନ ପାର୍ କରିବେ । ଏବେ ଠିକ୍ ସେହିପରି କରୁଥିବା ପରି ମନେ ହେଉଛି। ତଥାପି, ମଜା ସେତେବେଳେ ଲାଗିଥିଲା ଯେତେବେଳେ ସେ ବୁମରାହଙ୍କ ପ୍ରଥମ ବଲ୍ କୁ ଧୂଆଁଦାର ପ୍ରହାର କରିଥିଲେ ।ବୁମରାହଙ୍କ ବିପକ୍ଷରେ ପ୍ରଥମ ବଲ୍ ରେ ଛକା ମାରି, ୧୫ବର୍ଷୀୟ ବୈଭବ ବିଶ୍ୱ କ୍ରିକେଟକୁ ଏକ ଶକ୍ତିଶାଳୀ ବାର୍ତ୍ତା ଦେଇଥିଲେ । ଆଉ ଏହି ବାର୍ତ୍ତା ବିହାରକୁ କରିଛି ଗର୍ବିତ । ବିହାର ସାଧାରଣତଃ ଅନ୍ୟ କାରଣ ପାଇଁ ଆଲୋଚନା କରାଯାଉଥିଲା । କିନ୍ତୁ ବର୍ତ୍ତମାନ ବୈଭବ ସୂର୍ଯ୍ୟବଂଶୀ ବିହାର ଆଲୋଚନାର ଟପିକ୍ ପାଲଟିଛନ୍ତି ।View this post on InstagramA post shared by Rajasthan Royals (@rajasthanroyals)​​​​​​​ହୃଦୟ ଛଇଁଛି ବୈଭବ ସୂର୍ଯ୍ୟବଂଶୀଙ୍କ ସଂସ୍କାର:ବିହାର, ଯେଉଁଠାରେ ଗୌତମ ବୁଦ୍ଧ ଜ୍ଞାନ ଲାଭ କରିଥିଲେ । ଶତାବ୍ଦୀ ଧରି ମୂଲ୍ୟବୋଧର ଭୂମି ହୋଇଆସିଛି । IPL ସମୟରେ, ବୈଭବ ସୂର୍ଯ୍ୟବଂଶୀଙ୍କ ଖେଳରେ ସଂସ୍କାର ତାଙ୍କ ମୂଲ୍ୟବୋଧ ପରି ଚର୍ଚ୍ଚାରେ ରହିଛି । ଗତ ସିଜିନରେ ଧୋନିଙ୍କ ପାଦ ଛୁଇଁବା ହେଉ କିମ୍ବା IPL ୨୦୨୬ରେ ଗୁଜରାଟ ଟାଇଟନ୍ସର ମୁଖ୍ୟ ପ୍ରଶିକ୍ଷକ ଆଶିଷ ନେହେରାଙ୍କୁ ପ୍ରଣାମ କରିବା । ବୈଭବ ସୂର୍ଯ୍ୟବଂଶୀ କେବଳ ବିହାରର ଛାପ ଛାଡି ନାହାଁନ୍ତି, ବରଂ ତାଙ୍କର ପ୍ରତ୍ୟେକ ସଂସ୍କୃତିପୂର୍ଣ୍ଣ ପ୍ରତିଛବି ସହିତ ଲୋକଙ୍କ ହୃଦୟ ମଧ୍ୟ ଜିତିଛନ୍ତି।Also Read...IPL 2026: ବରସାପରା ଷ୍ଟାଡିୟମରେ ଜୟସ୍ଵାଲ-ବୈଭବଙ୍କ ରନ ବର୍ଷା, ମୁମ୍ବାଇକୁ ବିଶାଳ ଟାର୍ଗେଟ୍ ଦେଲା RRପଡ଼ିଆ ବାହାରେ ସଂସ୍କୃତି ସମ୍ପନ୍ନ, କିନ୍ତୁ ପଡ଼ିଆରେ...​​​​​​​ତଥାପି, କ୍ରିକେଟ୍ ମ୍ୟାଚ୍ ଆରମ୍ଭ ହେବା ପରେ ବୈଭବ ସୂର୍ଯ୍ୟବଂଶୀଙ୍କ ଶବ୍ଦକୋଷରୁ ସମ୍ମାନର ଏହି ମୂଲ୍ୟବୋଧ ଉଭାନ ହୋଇଯାଏ । ପଡ଼ିଆ ବାହାରେ ସେ ଯେଉଁ ଖେଳାଳି ଏବଂ ବୋଲରମାନଙ୍କୁ ସମ୍ପୂର୍ଣ୍ଣ ସମ୍ମାନ ଦେଖାନ୍ତି । କିନ୍ତୁ ଅସଲ ଲଢେଇରେ ସେ ସେମାନଙ୍କ ବିରୋଧର ପ୍ରଚଣ୍ଡ ପ୍ରହାର କରନ୍ତି । ଯେମିତି ଥିଲା ମଙ୍ଗଳବାର ମୁମ୍ୱାଇ ବିପକ୍ଷ ମ୍ୟାଚ୍ । ଆଉ ଏହି ମ୍ୟାଚ୍ ଦେଖିବା ପରେ ଶ୍ରୀଲଙ୍କାର କିମ୍ବଦନ୍ତୀ ଆଞ୍ଜେଲୋ ମାଥ୍ୟୁସ୍ ରିଆକ୍ଟ କରିଥିଲେ । କହିଥିଲେ ଯେ ସେ ଏପରି ଖେଳନ୍ତି ଯେପରି ତାଙ୍କର ବୋଲରମାନଙ୍କ ପ୍ରତି କୌଣସି ସମ୍ମାନ ନାହିଁ । ସେ ବୈଭବଙ୍କୁ ଏକ ଅସାଧାରଣ ପ୍ରତିଭା ବୋଲି ବିବେଚନା କରିଥିଲେ।​​​​​​​କ୍ରିକେଟରେ 'ଚମତ୍କାର' ବୈଭବ ସୂର୍ଯ୍ୟବଂଶୀ:ଜନ୍ମରେ ଜଣେ ବିହାରୀ ଓ ଜଣେ ସଂସ୍କୃତି ସମ୍ପନ୍ନ ପିଲା । ବୈଭବ ସୂର୍ଯ୍ୟବଂଶୀଙ୍କର ଏକ ତୃତୀୟ ଅବତାର ବି ଅଛି । ଯାହାକୁ ବିଶ୍ୱ ଚମତ୍କାର ବୋଲି କୁହାଯାଉଛି । ଏହି ଚମତ୍କାର ଦିଗ କ୍ରିକେଟ୍ କ୍ଷେତ୍ରରେ ପ୍ରକାଶ ପାଏ । ଲୋକେ କଳ୍ପନା କରିପାରୁଥିବା ସୀମାକୁ ସେ ଅତିକ୍ରମ କରିବାରେ ମାହିର । ସେ IPLର ପ୍ରମୁଖ ରେକର୍ଡଗୁଡ଼ିକୁ ଏକ ପବନ ପରି ଭାଙ୍ଗି ଦେଉଛନ୍ତି । ଗତ ସିଜିନରେ ଦ୍ରୁତତମ ଭାରତୀୟ ଭାବରେ ଶତକ ହାସଲ କରିବା ହେଉ କିମ୍ବା ଜଣେ ଶ୍ରେଷ୍ଠ ବୋଲରଙ୍କ ବଲ୍‌କୁଠିକଣାରେ ପହଞ୍ଚାଇବା । ବୈଭବ ସୂର୍ଯ୍ୟବଂଶୀଙ୍କ ୧୫ବର୍ଷ ବୟସରେ କୃତିତ୍ୱ ଅଲୌକିକ ମନେହୁଏ ।ବୈଭବଙ୍କ ପ୍ରଶିକ୍ଷକଙ୍କ ଦାବି :ବୈଭବ ସୂର୍ଯ୍ୟବଂଶୀ ତାଙ୍କ ପଥରୁ ପ୍ରତ୍ୟେକ ପ୍ରତିବନ୍ଧକକୁ ଭାଙ୍ଗି ଦେଉଛନ୍ତି । ସେ ପ୍ରତ୍ୟେକ ସସପେନ୍ସକୁ ଦୂର କରୁଛନ୍ତି । ସେ IPLରେ ନିଜ ପାଇଁ ଏକ ଲକ୍ଷ୍ୟ ମଧ୍ୟ ରଖିଛନ୍ତି: କ୍ରିସ୍ ଗେଲଙ୍କ ୧୭୫ ରନର ରେକର୍ଡ ଭାଙ୍ଗିବା। ବୈଭବ ସୂର୍ଯ୍ୟବଂଶୀଙ୍କ ପ୍ରଶିକ୍ଷକ ମନୀଷ ଓଝା ଗଣମାଧ୍ୟରେ ଦାବି କରିଛନ୍ତି ଯେ ସେ ଏହି ସିଜିନରେ ସେହି ରେକର୍ଡ ଭାଙ୍ଗିବେ।

Bhadrak : ପାଉଁଜିର ରୁମଝୁମ୍ ଶବ୍ଦ ଶୁଭିଲା, କେହି ଜଣେ ଆସିଲା ପରି ଲାଗିଲା

ଭଦ୍ରକ : ପାଉଁଜିର ରୁମଝୁମ୍ ଶବ୍ଦ ଶୁଭିଲା, କେହି ଜଣେ ଆସିଲା ପରି ଲାଗିଲା। ଏମିତି ପରିସ୍ଥିତି ହେଲା ସେ ସମୟରେ ଲାଇଟ୍ ଅଫଡାଉନ୍ ହେଲା। ଯେମିତି କି ବିରାଟ କଳା ଛାଇ ଆମକୁ ମାଡ଼ି ଆସୁଥାଏ । ଅଜବ ଏକ ଶବ୍ଦ। ଛାତି ଆମର ଥରି ଉଠିଲା , ମାଆ ଭଦ୍ରକାଳୀଙ୍କ ମୁକୁଟ ଚୋରି ଆଉ କଣ କରିବୁ । ଭୟରେ ସେଠାରୁ ଖସିବାକୁ ବାଟ ପାଇଲୁନି। ଭଦ୍ରକାଳୀ ମନ୍ଦିରକୁ ଚୋରି କରିବାକୁ ଯାଉଥିବା ଚୋରର ଏ ଅନୁଭୂତି।କ'ଣ ଥିଲା ପୂରା ଘଟଣାଭଦ୍ରକରେ ମାଆ ଭଦ୍ରକାଳୀଙ୍କ ମନ୍ଦିରରେ ଚୋରି କରିବାକୁ ଯାଇଥିଲେ ଦୁଇ ଚୋର। ହେଲେ ପରିସ୍ଥିତି ଏମିତି ହେଲା ଯେ, ସେମାନେ ଚୋରି ନକରି ଫରେି ଆସନିଥିଲେ । କୋହିଁକି ସେମାନେ ଚୋରି କରିପାରିଲେନି। କେମିତି ଚୋରି ବେଳେ ପରିସ୍ଥିତି ଭୟଙ୍କର ହୋଇଥିଲା ସେସବୁର ଅନୁଭୂତି ପୋଲିସ୍ ଆଗରେ ବଖାଣିଛନ୍ତି ଚୋର। ଚୋରି କରିବାକୁ ଯାଇ ମାଆଙ୍କ କୋଠ ଘର ଗୋଦ୍ରେଜ୍ ଭାଙ୍ଗିଥିଲେ ଚୋର କିନ୍ତୁ କିଛି ଚୋରି କରି ପାରିନଥିଲେ। କାହିଁକିନା ସେଠାରେ ଶୁଭିଥିଲା ପାଉଁଜି ଶବ୍ଦ ଆଉ ଦେଖିଥିଲେ ଏକ ବିରାଟ କଳା ଛାଇ। ସେଥିପାଇଁ ମାଆ ଭଦ୍ର କାଳୀଙ୍କ ଦୁଇଟି ମୁକୁଟ ନେବାକୁ କରିପାରିନଥିଲେ ସାହସ। ଛାତି ଥରିଥିଲା ଓ ଶେଷକୁ କେବଳ ହୁଣ୍ଡି ଟଙ୍କା ନେଇ ଦୌଡି ପଳାଇ ଆସିଥିଲେ । ଦୁଇ ଜଣ ଚୋର ମନ୍ଦିର ନିକଟରେ ପୋଲିସକୁ ଚୋରି ବେଳ ସତ କହୁଥିବାର ଭିଡିଓ ହେଉଛି ଭାଇରାଲ ।ପୋଲିସ୍ ଓ ଚୋର ଭିତରେ ଥିଲା କିଛି ଏମିତି କାଥାବର୍ତ୍ତା-ପୋଲିସ୍ - ଭୂତ ବାହାରିଲା କହୁଥିଲୁ ?ଚୋର- ନା ସାର୍ ଭୂତ ନୁହେଁ ବଡ଼ ଆକାରର ଛାଇ, ମନ୍ଦିର ଭିତରୁ ଝମ୍ ଝମ୍ ଶବ୍ଦ ହେଉଥିଲାପୋଲିସ୍ - କେତେବେଳେ ?ଚୋର- ଯେତେବେଳେ ମୁଁ ମନ୍ଦିର ଭିତର କବାଟ କାଟିବା ଆରମ୍ଭ କଲିପୋଲିସ୍ - କାଲି ଝମ୍ ଝମ୍ ଶବ୍ଦ ନା କାହାରି ପାଦର ଶବ୍ଦଚୋର- ନା ସାର୍ ପାଦ ପଡ଼ିବା ସହ ଝମ ଝମ ଶବ୍ଦ ହେଲାପୋଲିସ୍ - ସେତିକିରେ ତୋ ମୁଣ୍ଡ ରେ କିଛି ପଶିଲା ନାହିଁଚୋର- ଭୟରେ ମୁଁ ମନ୍ଦିର ଭିତରୁ ବାହାରି ଆସିବି ବୋଲି ଭାବିଲି , ତାପରେ ଆଉ ଏକ ଘରକୁ ଆସି କବାଟ କାଟିବାକୁ ଲାଗିଲି। କିନ୍ତୁ କିଛି ଆଣି ପାରିଲି ନାହିଁ। ମୋ ସାଙ୍ଗ ବେହୋସ ହୋଇ ପଡ଼ିଥିଲା। ତା ପରେ ତାକୁ ଡାକିଲି ସେ ଉଠିଲାନି , ମୁଁ ସେଠାରୁ ଡେଇଁକି ଚାଲି ଆସିଲି ।ପୋଲିସ୍ - ସେ ଘରକୁ ଯାଇ ଗୋଦ୍ରେଜ ଭାଙ୍ଗିଲୁ।ଚୋର- ହଁ ...ହଁ....ପୋଲିସ୍ - ଭାଙ୍ଗିଲା ପରେ ମା’ ଙ୍କ ମୁକୁଟ 2 ଟା ଥିଲା କଣ ପାଇଁ ନେଲୁ ନାହିଁଚୋର- ସେଟା କଣ ପାଇଁ ନେବି , ମୁକୁଟ ଠାକୁର ପିନ୍ଧୁଛନ୍ତି । ପଇସା କଣ ଠାକୁର ପିନ୍ଧୁଛନ୍ତିପୋଲିସ୍ - କଣ କହୁଥିଲୁ , ଭିତରେ କଣ ଦେଖାହେଲା କହୁଥିଲୁଚୋର- ମାଆଙ୍କର ପାଉଁଜିର ଝମ ଝମ ଶବ୍ଦ ହେଲାପୋଲିସ୍ - କଣ ଦେଖିଲୁଚୋର- ଲାଇଟ୍ ଦପ ଦପ୍ ହେଲା , ମୁଁ ସେଇଠୁ ସେଠାରୁ ଦୌଡି ପଲାଇଲିପୋଲିସ୍ - କିଏ ଗୋଡାଇଲା କି ?ଚୋର- ନା କେହି ଗୋଡ଼ାଉ ନାହାନ୍ତି , ମୋତେ ଝମ୍ ଝମ୍ ଶବ୍ଦ ଶୁଭିଲା। ମୋ ଛାତି ପ୍ରବଳ ଥରିଲା। ମୁଁ ଦୌଡ଼ିକି ବାହାରିବା ପାଇଁ ଚେଷ୍ଟା କଲି , ସବୁ ଗେଟ୍ ବନ୍ଦ୍ ଥିଲା । ମୋ ସାଙ୍ଗକୁ ଡାକିଲି ଶୁଣିଲାନି। ମୁଁ ଡରିକି ଡେଇଁକି ପଳାଇ ଆସିଲି ।ପୋଲିସ୍ - କହୁଥିଲୁ ପା ତୋତେ ଛାଇ ଦେଖା ହେଲାଚୋର- ହଁ ସେ ଛାଇ ବାହାରେ ଦେଖାହେଲା , ଯେତେବେଳେ ମନ୍ଦିର କୁ ପଶିଲି ଗୋଡ ପାଦ ଶବ୍ଦ ଆଉ ପାଉଁଜି ଶୁଭିଲାପୋଲିସ୍ - ସେ ଛାଇ ତୋତେ ଗୋଡ଼ାଇଲାଚୋର- ହଁଚୋରି କରିବାକୁ ଯାଇ ନିଜର ଅନୁଭୂତି ବଖାଣିଛି ଚୋର। କେତେ ସତ୍ୟା ସତ୍ୟ କାହାକୁ ଜଣା ନାହିଁ। କିନ୍ତୁ କିଛି ତ ହୋଇଛି, ନହେଲେ ଚୋରି କରିବାକୁ ଯାଇ ମା’ଙ୍କ ଅଳଙ୍କାରରେ କାହିଁକି ୟଛୁଇଁ ପାରିଲାନି ଚୋର। ନିଶ୍ଚିତ ଭାବେ ମନ୍ଦିରରେ ମାଆଙ୍କର ଏକ ଅଜବ ଶକ୍ତି ଅଛି ବୋଲି କହିପାରିବା।Also Read-Child Snatched from Mother's Lap: ମାଆ କୋଳରେ ଶୋଇଥିଲା ୪ ମାସର ଶିଶୁ ପୁତ୍ର, ଆଖି ଖୋଲିଲା ବେଳକୁ ଗାଏବ

Odisha News : ୧୩୬୩ ଜୁନିଅର ରେଭେନ୍ୟୁ ଆସିଷ୍ଟାଣ୍ଟ୍ ପଦବୀରେ ହେବ ନିଯୁକ୍ତି, ଜିଲ୍ଲାପାଳଙ୍କୁ ଚିଠି ଲେଖିଲେ ରାଜସ୍ୱ ସଚିବ

ଭୁବନେଶ୍ୱର ୦୮।୦୪ : ରାଜସ୍ୱ ବିଭାଗରେ ବଡ଼ ନିଯୁକ୍ତି ସୁଯୋଗ। ରାଜ୍ୟର ରାଜସ୍ୱ ପ୍ରଶାସନକୁ ଆହୁରି ସୁଦୃଢ଼ କରିବା ନିମନ୍ତେ ଓଡ଼ିଶା ସରକାରଙ୍କ ଦ୍ୱାରା ୧୩୬୩ ଜୁନିଅର ରେଭେନ୍ୟୁ ଆସିଷ୍ଟାଣ୍ଟ୍ ପଦବୀକୁ ସିଧାସଳଖ ନିଯୁକ୍ତି ମାଧ୍ୟମରେ ପୂରଣ କରିବାକୁ ସ୍ୱୀକୃତି ମିଳିଛି। ଏହି ନିଯୁକ୍ତି ନିମନ୍ତେ ଅର୍ଥ ବିଭାଗର ପ୍ରମୁଖ ଶାସନ ସଚିବଙ୍କ ଅଧ୍ୟକ୍ଷତାରେ ଗଠିତ କମିଟିର ବୈଠକରେ ଉକ୍ତ ନିଷ୍ପତ୍ତି ଗ୍ରହଣ କରାଯାଇଛି । ଏ ସମ୍ପର୍କରେ ରାଜସ୍ୱ ଓ ବିପର୍ଯ୍ୟୟ ପରିଚାଳନା ବିଭାଗର ଅତିରିକ୍ତ ମୁଖ୍ୟ ଶାସନ ସଚିବ ଡ. ଅରବିନ୍ଦ ପାଢ଼ୀ ଜିଲ୍ଲାପାଳମାନଙ୍କୁ ଚିଠି ଲେଖିଛନ୍ତି l ଏହି ପଦବୀଗୁଡ଼ିକୁ ରାଜ୍ୟର ୩୦ଟି ଜିଲ୍ଲାରେ ସିଧାସଳଖ ନିଯୁକ୍ତି ପ୍ରକ୍ରିୟା ମାଧ୍ୟମରେ ପୂରଣ କରାଯିବ ।Also Read:-IPL 2026 : ବରସାପରାରେ ବୈଭବ ଝଡ଼ ; ବୁମ୍‌ରାଙ୍କ ଫାଷ୍ଟ ବଲ୍‌ରେ ଛକା, ୪ର୍ଥ ବଲ୍‌ ବି ଆଉଟ୍ ଅଫ ବାଉଣ୍ଡାରୀ... ରିଆକ୍ସନ ଭାଇରାଲଜିଲ୍ଲା ଭିତ୍ତିକ ଖାଲି ଥିବା ପଦବୀ ସଂଖ୍ୟା ସହିତ ଅନୁସୂଚିତ ଜାତି, ଅନୁସୂଚିତ ଜନଜାତି ଏବଂ ସାମାଜିକ ଓ ଶିକ୍ଷାଗତ ପଛୁଆ ବର୍ଗ ସହ ମହିଳା, ଦିବ୍ୟାଙ୍ଗ, ଏକ୍ସ ସର୍ଭିସମ୍ଯାନ୍ ଏବଂ କ୍ରୀଡ଼ାବିତଙ୍କ ପାଇଁ ଆବଶ୍ୟକୀୟ ସଂରକ୍ଷଣ ନିମନ୍ତେ ଏହି ଚିଠିରେ ଉଲ୍ଲେଖ ଅଛି l ଏହି ନିଯୁକ୍ତି ସମ୍ବନ୍ଧରେ ଜିଲ୍ଲାପାଳମାନଙ୍କୁ ଓଡ଼ିଶା ଅଧସ୍ତନ କର୍ମଚାରୀ ଚୟନ ଆୟୋଗ (OSSSC) ସହ ଆଲୋଚନା କରି ଶୀଘ୍ର ଅନଲାଇନ୍ ଆବେଦନ ଦାଖଲ କରିବାକୁ ନିର୍ଦ୍ଦେଶ ରହିଛି l ରାଜ୍ୟ ସରକାରଙ୍କ ଏହି ପଦକ୍ଷେପ ରାଜସ୍ୱ ପ୍ରଶାସନର କ୍ଷମତା ବୃଦ୍ଧି ସହ ଜନସେବା ପ୍ରଦାନକୁ ଅଧିକ ସୁଦୂରପ୍ରସାରୀ କରିପାରିବ ବୋଲି ରାଜସ୍ୱ ସଚିବ ଆଶା ପ୍ରକାଶ କରିଛନ୍ତି l

ଯୁଦ୍ଧବିରତି ମାନିଲାନି ଇରାନ, ୫ଟି ଦେଶ ଉପରେ ଏକାସାଙ୍ଗେ ମାଡ କଲା ମିସାଇଲ୍!

ନୂଆଦିଲ୍ଲୀ : ପଶ୍ଚିମ ଏସିଆରେ ଶାନ୍ତିର ଆଶା ସେତେବେଳେ ଧୂଳିସାତ୍ ହୋଇଗଲା, ଯେତେବେଳେ ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କ ଅସ୍ତ୍ରବିରତି ଘୋଷଣା ପରେ ତୁରନ୍ତ ଇରାନ ଉପରେ ମିସାଇଲ୍ ମାଡ଼ ହୋଇଥିବା ଅଭିଯୋଗ ଆସିଲା। ରିପୋର୍ଟ ଅନୁସାରେ, ଟ୍ରମ୍ପ ଯେମିତି ହିଁ ଆମେରିକା ଏବଂ ଇରାନ ମଧ୍ୟରେ ଦୁଇ ସପ୍ତାହ ପାଇଁ ଯୁଦ୍ଧବିରତି ଘୋଷଣା କଲେ, ତାହାର କିଛି ସମୟ ପରେ ହିଁ ଇସ୍ରାଏଲରେ ଏୟାର-ରେଡ୍ ସାଇରନ୍ ବାଜିବାକୁ ଲାଗିଲା। ଇସ୍ରାଏଲ୍ ପ୍ରତିରକ୍ଷା ବାହିନୀ (ଆଇଡିଏଫ) ସୂଚନା […]

IPL 2026 : ବରସାପରାରେ ବୈଭବ ଝଡ଼ ; ବୁମ୍‌ରାଙ୍କ ଫାଷ୍ଟ ବଲ୍‌ରେ ଛକା, ୪ର୍ଥ ବଲ୍‌ ବି ଆଉଟ୍ ଅଫ ବାଉଣ୍ଡାରୀ... ରିଆକ୍ସନ ଭାଇରାଲ

ମୁମ୍ବାଇ ୦୮।୦୭ : ତାରିଖ ୭ ଅପ୍ରେଲ୍ ୨୦୨୬ । ଜାଗା ବର୍ସାପଡ଼ା ଷ୍ଟାଡିୟମ୍, ଆସାମ । ସାମ୍ନାରେ ଥିଲେ ବିଶ୍ୱର ଶ୍ରେଷ୍ଠ ବୋଲର, ନାଁ ଜଶପ୍ରୀତ୍ ବୁମ୍ରା । ତଥାପି ମନରେ ନଥିଲା କୌଣସି ଡ଼ର କିମ୍ବା ଭୟ । ୧୫ ବର୍ଷୀୟ ବ୍ୟାଟର ବୈଭବ ସୂର୍ଯ୍ୟବଂଶୀ କଲେ କମାଲ୍ । ୟକର୍ର ସ୍ପେଶାଲିଷ୍ଟ ଜଶପ୍ରୀତ୍ ବୁମ୍ରାଙ୍କ ପ୍ରଥମ ବଲ୍ରେ ବିରାଟ ଛକା, ପୁଣି ଚତୁର୍ଥ ବଲ୍ରେ ଆଉ ଏକ ଛକା । ବୁମ୍‌ରାଙ୍କଭଳି ଦକ୍ଷ ବୋଲରଙ୍କୁ ପ୍ରଥମ ଓଭରରେ ଦୁଇଟି ଛକା ମାରି ପୁରା ଚର୍ଚ୍ଚାକୁ ଆସିଛନ୍ତି। ଯାହାର ଭିଡ଼ିଓ ଏବେ ସୋସିଆଲ୍‌ ମିଡିଆରେ ଭାଇରାଲ ହେବାରେ ଲାଗିଛି ।The sheer audacity of Vaibhav Sooryavanshi The 1️⃣5️⃣ year old welcomes Jasprit Bumrah with a maximum! #TATAIPL | #KhelBindaas | #RRvMI | @rajasthanroyals pic.twitter.com/cI0zqCXz0X— IndianPremierLeague (@IPL) April 7, 2026ବର୍ଷା ଲାଗି ବିଳମ୍ବରେ ଆରମ୍ଭ ହୋଇଥିଲା ଆଇପିଏଲ୍ ୨୦୨୬ର ୧୩ ତମ ମ୍ୟାଚ୍‌ । ରାଜସ୍ଥାନ ରୟାଲ୍ସ ଏବଂ ମୁମ୍ବାଇ ଇଣ୍ଡିଆନ୍ସ ମଧ୍ୟରେ ବର୍ଷା ଲାଗି ୧୧-୧୧ ବିଶିଷ୍ଟ ମ୍ୟାଚ୍‌ ହେବା ପାଇଁ ନିଷ୍ପତ୍ତି ନିଆଯାଇଥିଲା । ପ୍ରଥମ ଓଭରରେ ମୁମ୍ବାଇର ଦୀପକ ଚହରଙ୍କୁ ୨୨ ରନ୍‌ ପଡ଼ିଥିଲା । ଏହାପରେ ୨ୟ ଓଭର ବୋଲିଂ କରିବାକୁ ଆସିଥିଲେ ବିଶ୍ୱ କ୍ରିକେଟ୍‌ର ସବୁଠାରୁ ଖତରନାକ ବୋଲର ଜଶପ୍ରୀତ୍‌ ବୁମ୍‌ରା । ତାଙ୍କ ସାମ୍ନାରେ ଥିଲେ ଯଶସ୍ୱୀ ଜୈସଓ୍ୱାଲ ଏବଂ ବୈଭବ୍‌ ସୂର୍ଯ୍ୟବଂଶୀ ।୨ୟ ଓଭରରେ ବୋଲିଂ କରିବାକୁ ଆସିଥିବା ବୁମ୍‌ରାଙ୍କ ପ୍ରଥମ ବୋଲରେ ବୈଭବ ମାରିଥିଲେ ବିରାଟ ଛକା । ବୁମ୍‌ରାଙ୍କ ଲାଇନ୍‌ ଲେନ୍ଥ ଠିକ୍‌ ଥିଲା, ହେଲେ ବୈଭବ୍‌ଙ୍କ ଟ୍ୟାଲେଣ୍ଟ ହିଁ ଭଲ ବଲ୍‌କୁ ଛକାରେ ପରିଣତି କରିଥିଲା । ୨ୟ ବଲ୍‌ରେ ଏକ ରନ୍‌, ୩ୟ ବଲ୍‌ରେ ଆଉ ଏକ ରନ୍‌ । ୪ର୍ଥ ବଲ୍‌ରେ ବୁମ୍‌ରାଙ୍କ ବଲ୍‌ରେ ଆଉ ଏକ ବିରାଟ ଛକା ମାରିଥିଲେ ବୈଭବ । ଉଭୟ ବ୍ୟାଟର ପାଓ୍ୱାର ପ୍ଲେରେ ବିସ୍ଫୋରକ ପାରି ଖେଳିଥିଲେ । ମାତ୍ର ୩.୨ ଓଭରରେ ୫୯ ରନ୍‌ ସଂଗ୍ରହ କରିଥିଲେ । Also Read:-IPL 2026 : ଯଶସ୍ୱୀ-ବୈଭବ ଝଡ଼ରେ ଧରାଶାୟୀ ମୁମ୍ବାଇ, ୨୭ ରନ୍‌ରେ ହରାଇଲା ରାଜସ୍ଥାନ ରୟାଲ୍ସମ୍ୟାଚ୍ ପୂର୍ବରୁ ଯୁବ ବ୍ୟାଟର ବୈଭବଙ୍କ ଉପରେ ସମସ୍ତଙ୍କ ନଜର ଥିଲା। ସେ ମଙ୍ଗଳବାର ମ୍ୟାଚ୍‌ରେ କିପରି ବୁମରାଙ୍କ ସାମ୍ନା କରିବେ। କିନ୍ତୁ ବୁମରାଙ୍କ ପ୍ରଥମ ବଲକୁ ହିଁ ସେ ସିଧାସଳଖ ଛକା ମାରି ନିଜର ଉଦ୍ଦେଶ୍ୟ ସ୍ପଷ୍ଟ କରିଦେଇଥିଲେ। ପରେ ଏକ ସ୍ଲୋୟର୍ ବଲକୁ ମଧ୍ୟ ସେ ବାଉଣ୍ଡାରୀ ପାର୍ କରାଇଥିଲେ। ବୈଭବ ନିଜର ଏହି ଛୋଟ ଇନିଂସରେ ୫ଟି ବିଶାଳ ଛକା ମାରିଥିଲେ। ବୈଭବଙ୍କ ନିର୍ଭୀକ ଶୈଳୀ ମୁମ୍ବାଇ ଇଣ୍ଡିଆନ୍ସର ପୂର୍ବତନ ଅଧିନାୟକ ରୋହିତ ଶର୍ମା ଏବଂ ଅନ୍ୟ ଖେଳାଳିମାନଙ୍କୁ ନିରାଶ କରିଥିଲା। ଆଉଟ୍ ହେବା ପରେ ବୈଭବ ନିଜ ଉପରେ ବିରକ୍ତି ହୋଇ ନିରାଶ ବ୍ୟକ୍ତ କରୁଥିବାର ଦେଖିବାକୁ ମିଳିଥିଲା ।ରାଜସ୍ଥାନ ପ୍ରଥମ ବ୍ୟାଟିଂ କରି ୧୧ ଓଭରରେ ୧୫୦/୩ମୁମ୍ବାଇ ଦ୍ୱିତୀୟ ବ୍ୟାଟିଂ କରି ୧୧ ଓଭରରେ ୧୨୩/୯୧୩ ତମ ମ୍ୟାଚ୍‌ରେ ମୁମ୍ବାଇକୁ ୨୭ ରନ୍‌ରେ ପରାସ୍ତ କରିଛି ରାଜସ୍ଥାନ

ଆର୍‌ବିଆଇର ଏମ୍‌ପିସି ବୈଠକ: ରେପୋ ହାର ଅପରିବର୍ତ୍ତିତ, ମୁଦ୍ରାସ୍ଫୀତି ହାର ୪.୬% ରହିବ ବୋଲି ଆକଳନ

କନକ ବ୍ୟୁରୋ : ଭାରତୀୟ ରିଜର୍ଭ ବ୍ୟାଙ୍କ (ଆର୍‌ବିଆଇ) ନୂତନ ଆର୍ଥିକ ବର୍ଷର ପ୍ରଥମ ମୁଦ୍ରା ନୀତି କମିଟି (ଏମ୍‌ପିସି) ବୈଠକରେ ସୁଧ ହାର ଅପରିବର୍ତ୍ତିତ ରଖିବାକୁ ନିଷ୍ପତ୍ତି ନେଇଛି । ଆର୍‌ବିଆଇ ଗଭର୍ଣ୍ଣର ସଞ୍ଜୟ ମାଲହୋତ୍ରାଙ୍କ ଅଧ୍ୟକ୍ଷତାରେ ଛଅ ଜଣିଆ ସଦସ୍ୟ ବିଶିଷ୍ଟ ଏମ୍‌ପିସି ସର୍ବସମ୍ମତିକ୍ରମେ ରେପୋ ହାରକୁ ୫.୨୫% ରେ ଅପରିବର୍ତ୍ତିତ ରଖିଛନ୍ତି । ମଧ୍ୟପ୍ରାଚ୍ୟରେ ଚାଲିଥିବା ଉତ୍ତେଜନା, ଅଶୋଧିତ ତୈଳ ମୂଲ୍ୟ ବୃଦ୍ଧି ଏବଂ ଟଙ୍କାର ଦୁର୍ବଳତାକୁ ଦୃଷ୍ଟିରେ ରଖି କେନ୍ଦ୍ରୀୟ ବ୍ୟାଙ୍କ ସତର୍କ ମନୋଭାବ ଗ୍ରହଣ କରିଛନ୍ତି । ଡିସେମ୍ବର ୨୦୨୫ରେ ଶେଷ ହାର ହ୍ରାସ ପରଠାରୁ, ପୂର୍ବ ନୀତି ପରିବର୍ତ୍ତନର ସମ୍ପୂର୍ଣ୍ଣ ପ୍ରଭାବ ଅର୍ଥନୀତି ଉପରେ ପଡ଼ିବା ପାଇଁ ଆର୍‌ବିଆଇ ୱେଟ୍ ଆଣ୍ଡ୍ ୱାଚ୍ ପଦ୍ଧତି ଗ୍ରହଣ କରୁଛି । ଏଥର ମଧ୍ୟ, ଏମ୍‌ପିସି ନିଜର ନିରପେକ୍ଷ ମନୋଭାବ ବଜାୟ ରଖିଛି, ଯାହା ସୂଚାଇ ଦେଇଛି ଯେ, ବ୍ୟାଙ୍କ ଭବିଷ୍ୟତ ପରିସ୍ଥିତି ଉପରେ ଆଧାର କରି ନମନୀୟ ଭାବରେ ନିଷ୍ପତ୍ତି ନେବା ଜାରି ରଖିବ । ସଞ୍ଜୟ ମାଲହୋତ୍ରା କହିଛନ୍ତି, ଘରୋଇ ମୁଦ୍ରାସ୍ଫୀତି ବର୍ତ୍ତମାନ ନିୟନ୍ତ୍ରଣରେ ଥିବା ବେଳେ, ବିଶ୍ୱବ୍ୟାପୀ ଯୋଗାଣ ପ୍ରତିବନ୍ଧକ ଏବଂ ବୃଦ୍ଧି ପାଉଥିବା ଶକ୍ତି ମୂଲ୍ୟ ଆହୁରି ବିପଦ ସୃଷ୍ଟି କରିପାରେ। ଆରବିଆଇର ପ୍ରାଥମିକ ଲକ୍ଷ୍ୟ ହେଉଛି ସ୍ଥାୟୀ ଭାବରେ ମୁଦ୍ରାସ୍ଫୀତି ୪% ପାଖାପାଖି ବଜାୟ ରଖିବା ଏବଂ ଅର୍ଥନୈତିକ ଅଭିବୃଦ୍ଧିକୁ ସମର୍ଥନ କରିବା। ସେ ଏହା ମଧ୍ୟ ଉଲ୍ଲେଖ କରିଛନ୍ତି ଯେ, ମଧ୍ୟପ୍ରାଚ୍ୟରେ ଚାଲିଥିବା ସଂଘର୍ଷ ଏବଂ ଶକ୍ତି ଭିତ୍ତିଭୂମିର କ୍ଷତି ଯୋଗାଣରେ ଏକ ଆଘାତ ସୃଷ୍ଟି କରିଛି, ଯାହା ମୁଦ୍ରାସ୍ଫୀତି ଏବଂ ଅଭିବୃଦ୍ଧି ଉଭୟକୁ ପ୍ରଭାବିତ କରିପାରେ। ତଥାପି, ଭାରତୀୟ ଅର୍ଥନୀତିର ମୌଳିକ ତତ୍ତ୍ୱଗୁଡ଼ିକୁ ଦୃଢ଼ ଏବଂ ବାହ୍ୟ ଆଘାତ ସହ୍ୟ କରିବାକୁ ସକ୍ଷମ ବୋଲି ବର୍ଣ୍ଣନା କରାଯାଇଛି । ବିଦେଶୀ ନିବେଶ କ୍ଷେତ୍ରରେ, ଭଲ ଖବର ହେଉଛି ଯେ, ନିବେଶକଙ୍କ ବିଶ୍ୱାସକୁ ପ୍ରତିଫଳିତ କରି ନିବେଶକମାନେ ପ୍ରାୟ ୨୦% ଏଫ୍‌ଡିଆଇ ବୃଦ୍ଧି ପାଇଛି। ତଥାପି, ରପ୍ତାନି କ୍ଷେତ୍ରରେ ଚ୍ୟାଲେଞ୍ଜ ରହିଛି, ବର୍ଷର ପ୍ରାରମ୍ଭିକ ମାସଗୁଡ଼ିକରେ ସାମଗ୍ରୀ ରପ୍ତାନି ସାମାନ୍ୟ ହ୍ରାସ ପାଇଛି। ଟଙ୍କାର ସ୍ଥିତି ସମ୍ପର୍କରେ, ଆର୍‌ବିଆଇ ସ୍ପଷ୍ଟ କରିଛି, ବ୍ୟାଙ୍କ କେବଳ ଅସ୍ଥିରତା ନିୟନ୍ତ୍ରଣ କରିବା ପାଇଁ ବିଦେଶୀ ମୁଦ୍ରା ବଜାରରେ ହସ୍ତକ୍ଷେପ କରିଥାଏ, କୌଣସି ନିର୍ଦ୍ଦିଷ୍ଟ ସ୍ତର ବଜାୟ ରଖିବା ପାଇଁ ନୁହେଁ । ଗତ ବର୍ଷକ ମଧ୍ୟରେ, ଆରବିଆଇ ଫେବ୍ରୁଆରି ଏବଂ ଜୁନ୍ ୨୦୨୫ ମଧ୍ୟରେ ୧୦୦ ବେସିସ୍ ପଏଣ୍ଟ୍ ସୁଧ ହ୍ରାସ କରିଥିଲା, ଅଗଷ୍ଟ-ଅକ୍ଟୋବର ୨୦୨୫ ଏବଂ ଫେବ୍ରୁଆରି ୨୦୨୫ ରେ ସୁଧ ହାରକୁ ଅପରିବର୍ତ୍ତିତ ରଖିଥିଲା। ଶେଷ ଥର ପାଇଁ ଡିସେମ୍ବର ୨୦୨୫ ରେ ୨୫ ବେସିସ୍ ପଏଣ୍ଟ୍ ହ୍ରାସ କରାଯାଇଥିଲା। ଚଳିତ ଆର୍ଥିକ ବର୍ଷ ପାଇଁ ମୁଦ୍ରାସ୍ଫୀତି ହାର ୪.୬% ରହିବ ବୋଲି ଆକଳନ କରାଯାଇଛି, ତ୍ରୈମାସିକ ଆଧାରରେ ପରିବର୍ତ୍ତନ ସମ୍ଭବ। ଆର୍‌ବିଆଇ ସ୍ୱୀକାର କରିଛି ଯେ ଶକ୍ତି ମୂଲ୍ୟରେ ସମ୍ପ୍ରତି ବୃଦ୍ଧି ମୁଦ୍ରାସ୍ଫୀତି ପାଇଁ ବିପଦ ସୃଷ୍ଟି କରୁଛି, ଯଦିଓ ଖାଦ୍ୟ ମୂଲ୍ୟର ସମ୍ଭାବନା ବର୍ତ୍ତମାନ ସନ୍ତୁଳିତ ମନେ ହେଉଛି ।

ଗୋଆ ନାଇଟକ୍ଲବ ଅଗ୍ନିକାଣ୍ଡ : ଲଥ୍ରା ଭ୍ରାତାଙ୍କୁ ମିଳିଲା ଜାମିନ୍‌

କନକବ୍ୟୁରୋ : ଗୋଆର ଏକ କୋର୍ଟ ବୁଧବାର ଜାଲିଆତି ମାମଲାରେ ଅଗ୍ନିକାଣ୍ଡରେ ନଷ୍ଟ ହୋଇଥିବା ରୋମିଓ ଲେନ୍ ବିର୍ଚ ନାଇଟ କ୍ଲବର ମାଲିକ ସୌରଭ ଲୁଥ୍ରା ଏବଂ ଗୌରବ ଲୁଥ୍ରାଙ୍କୁ ଜାମିନ ପ୍ରଦାନ କରିଛନ୍ତି । ଫଳରେ ଜେଲରୁ ମୁ କ୍ତ ହେବା ପାଇଁ ସେମାନଙ୍କ ପଥ ପ୍ରଶସ୍ତ ହୋଇଛି। ଗତ ଡିସେମ୍ବରରେ ସେମାନଙ୍କ ନାଇଟକ୍ଲବରେ ଭୟାବହ ଅଗ୍ନିକାଣ୍ଡ ଘଟି ୨୫ ଜଣଙ୍କର ମୃତ୍ୟୁ ହୋଇଥିଲା। ଏ ସମ୍ପର୍କିତ ଏକ ମାମଲାରେ ଲୁଥ୍ରା ଭ୍ରାତାଙ୍କୁ ପୂର୍ବରୁ ଜାମିନ ମିଳିଥିଲା‌ । ଆମେରିକା-ଇରାନ ଯୁଦ୍ଧବିରତିକୁ ଭାରତର ସ୍ୱାଗତ, ପଶ୍ଚିମ ଏସିଆରେ ଶାନ୍ତି ପାଇଁ ଦିଲ୍ଲୀର ବଡ଼ ଆହ୍ୱାନ ଲୁଥ୍ରା ଭ୍ରାତାଙ୍କ ଓକିଲ ପରାଗ ରାଓ ସାମ୍ବାଦିକମାନଙ୍କୁ କହିଥିଲେ ଯେ, ନ୍ୟାୟିକ ମାଜିଷ୍ଟ୍ରେଟ ପ୍ରଥମ ଶ୍ରେଣୀ (ମାପୁସା) ଜୁଡ ସେକ୍ୱେରା ଜାଲିଆତି ମାମଲାରେ ଅଭିଯୁକ୍ତଙ୍କୁ ନିୟମିତ ଜାମିନ ପ୍ରଦାନ କରିଛନ୍ତି । ନାଇଟ କ୍ଲବ ଚଳାଇବାକୁ ଅନୁମତି ପାଇବାକୁ ଦୁଇ ଭାଇ କଣ୍ଡୋଲିମ୍‌ ପ୍ରାଥମିକ ସ୍ବାସ୍ଥ୍ୟକେନ୍ଦ୍ରରୁ ଏନ୍‌ଓସି ପାଇବାରେ ଜାଲିଆତି କରିଥିଲେ। ସ୍ବାସ୍ଥ୍ୟ ଅଧିକାରୀଙ୍କ ଅଭିଯୋଗ ଉପରେ ମାପୁସା ପୁଲିସ ଏକ ସ୍ବତନ୍ତ୍ର ଏତଲା ରୁଜୁ କରିଥିଲା। କୋର୍ଟ କୌଣସି ମୌଖିକ ପର୍ଯ୍ୟବେକ୍ଷଣ ଦେଇ ନାହାନ୍ତି, ଉଲ୍ଲେଖ କରିଛନ୍ତି ଯେ ବିସ୍ତୃତ ଯୁକ୍ତି ଲିଖିତ ଆଦେଶର ଅଂଶ ହେବ।

MIକୁ ଭଲସେ ଧୋଇଲେ, ତଥାପି ପଡ଼ିଆ ମଝିରେ ଭୋ ଭୋ ହୋଇ କାନ୍ଦିଲେ ବୈଭବ, ଭାଇରାଲ୍ ହେଲା ଭିଡ଼ିଓ

Vaibhav Sooryavanshi: ବୈଭବ ସୂର୍ଯ୍ୟବଂଶୀ ବାସ୍ତବରେ ଜଣେ ଉଲ୍ଲେଖନୀୟ ଖେଳାଳି। ଯେତେବେଳେ ସେ ବ୍ୟାଟିଂ କରିବାକୁ କ୍ରିଜ୍ ଉପରକୁ ଆସନ୍ତି, ସମସ୍ତେ ମଜା ନେଇ ନେଇ ମ୍ୟାଚ୍ ଦେଖନ୍ତି। ଗତକାଲି ମୁମ୍ବାଇ ଇଣ୍ଡିଆନ୍ସ ବିପକ୍ଷରେ, ସେ ଏକ ଧମାକାଦାର ଇନିଂସ ଖେଳିଥିଲେ । ଯଦିଓ ସେ ଏହାକୁ ଏକ ବିଶାଳ ସ୍କୋରରେ ପରିଣତ କରିପାରି ନଥିଲେ କିନ୍ତୁ ତାଙ୍କ ପାରି ସବୁଠାରୁ ଭିନ୍ନ ଥିଲା । ବୈଭବ ସବୁବେଳେ ବଡ଼ ରନ କରିବା ପାଇଁ ଆଶା କରିଥାନ୍ତି […]

US‑Iran ceasefire : ଯୁଦ୍ଧ ବିରାମକୁ ସ୍ୱାଗତ କଲା ଭାରତ, ହରମୁଜରେ ମୁକ୍ତ ପରିବହନ ପାଇଁ ଆହ୍ୱାନ

US-Iran ceasefire: ଇରାନ ଓ ଆମେରିକା ମଧ୍ୟରେ ହୋଇଥିବା ଯୁଦ୍ଧ ବିରାମକୁ ଭାରତ ସ୍ୱାଗତ କରିଛି। ମଧ୍ୟପ୍ରାଚ୍ୟରେ ଶାନ୍ତି ପ୍ରତିଷ୍ଠା ପାଇଁ ଏହା ପଥ ପ୍ରଶସ୍ତ କରିବା ବୋଲି ଭାରତ ଆଶା ବ୍ୟକ୍ତ କରିଛି। ଏନେଇ ବୈଦେଶିକ ବ୍ୟାପାର ମନ୍ତ୍ରଣାଳୟ ଏକ ବିବୃତ୍ତି ଜାରି କରି କହିଛି “ଆମେ ଯୁଦ୍ଧବିରାମକୁ ସ୍ୱାଗତ କରୁଛୁ ଏବଂ ଆଶା କରୁଛୁ ଯେ ଏହା ପଶ୍ଚିମ ଏସିଆରେ ଏକ ସ୍ଥାୟୀ ଶାନ୍ତି ପ୍ରତିଷ୍ଠା କରିବ। ସଂଘର୍ଷର ଶୀଘ୍ର ସମାପ୍ତି ପାଇଁ ଉତ୍ତେଜନା ହ୍ରାସ,ଆଲୋଚନା ଏବଂ କୂଟନୀତି ଅତ୍ୟନ୍ତ ଜରୁରୀ ବୋଲି ଆମେ ପୂର୍ବରୁ ସବୁବେଳେ କହି ଆସିଛୁ।”ଭାରତ ଜାରି କରିଥିବା ବିବୃତ୍ତିରେ ବିଶ୍ୱ ବାଣିଜ୍ୟ ଏବଂ ଶକ୍ତି ଯୋଗାଣ ଉପରେ ଯୁଦ୍ଧର ପ୍ରଭାବ ନେଇ ମତ ରଖିଛି। ଏବଂ ହାରମୁଜ୍ ଜଳପଥ ଖୋଲା ରଖିବାକୁ ଅନୁରୋଧ କରିଛି। ଯାହା ଦ୍ୱାରା ସାମଗ୍ରୀ ଏବଂ ଶକ୍ତି ସମ୍ପଦର ଅବାଧ ଗତିବିଧି ସୁନିଶ୍ଚିତ ହୋଇପାରିବ।ଏନେଇ ବୈଦେଶିକ ମନ୍ତ୍ରଣାଳୟ କହିଛି “ଏହି ସଂଘର୍ଷ ପୂର୍ବରୁ ଲୋକମାନଙ୍କୁ ପ୍ରଚୁର କଷ୍ଟ ଦେଇଛି ଏବଂ ବିଶ୍ୱ ଶକ୍ତି ଯୋଗାଣ ଏବଂ ବାଣିଜ୍ୟ ନେଟୱାର୍କକୁ ବାଧାପ୍ରାପ୍ତ କରିଛି। ଆମେ ଆଶା କରୁଛୁ ଯେ ହର୍ମୁଜ୍ ଜଳପଥ ଦେଇ ନୌଚାଳନା ଏବଂ ବିଶ୍ୱ ବାଣିଜ୍ୟ ପ୍ରବାହ ସ୍ୱାଧୀନ ରହିବ।” ଦୁଇ ଦେଶ ଯୁଦ୍ଧ ଆରମ୍ଭରୁ ଭାରତ ସବୁବେଳେ ଶାନ୍ତିକୁ ଗୁରୁତ୍ୱ ଦେଇଛି। ଆଲୋଚନା ଓ କୂଟନୀତି ମାଧ୍ୟମରେ ସମସ୍ୟାର ସମାଧାନ କରିବାକୁ କହିଛି। ଏବେ ଯୁଦ୍ଧ ବିରାମ ଘୋଷଣା ପରେ ଭାରତ ପୁଣିଥରେ ଏହାର ଆଭିମୁଖ୍ୟ ଦୋହରାଇଛି। ଏବଂ ପଶ୍ଚିମ ଏସିଆରେ ଏବେ ଶାନ୍ତି କାଏମ ରଖିବାକୁ ପରାମର୍ଶ ଦେଇଛି।ଇରାନ-ୟୁଏସ ଯୁଦ୍ଧ ବିରାମ ବୁଧବାର ଭୋର ସମୟରେ ଇରାନ ଓ ଆମେରିକା ମଧ୍ୟରେ ଦୁଇ ସପ୍ତାହ ପାଇଁ ଯୁଦ୍ଧ ବିରାମ ହୋଇଛି। ଫଳରେ ଫେବ୍ରୁଆରୀ ୨୮ ତାରିଖରୁ ଏପର୍ଯ୍ୟନ୍ତ ଦୀର୍ଘ ୪୦ ଦିନ ହେଲା ଲାଗି ରହିଥିବା ଯୁଦ୍ଧ ବନ୍ଦ ହୋଇଯାଇଛି। ତେବେ ଯୁଦ୍ଧ ବନ୍ଦ ପାଇଁ ପରସ୍ପର ଏକାଧିକ ସର୍ତ୍ତ ରଖିଛନ୍ତି। ଆମେରିକା ଇରାନ ଉପରେ ୧୫ ସର୍ତ୍ତ ରଖିଥିବା ବେଳେ ଇରାନ ୧୦ଟି ସର୍ତ୍ତ ରଖିଛି। ଟ୍ରମ୍ପ କହିଛନ୍ତି ଇରାନ ହରମୁଜ ଜଳପଥ ଖୋଲିବାକୁ ରାଜି ହେବା ପରେ ଆମେ ଯୁଦ୍ଧ ବିରାମ କଲୁ। ତେଣୁ ଏହା ଆମେରିକାର ବିଜୟ।ଏପଟେ ଇରାନ କହିଛି, ଆମେ ଇସ୍ରାଏଲ-ଆମେରିକା ଉପରେ ବିଜୟ ପାଇଛୁ। ଅପରାଧି ଆମେରିକା ଆମ ସର୍ତ୍ତ ମାନିବାକୁ ରାଜି ହେଲା। ଯେ ପର୍ଯ୍ୟନ୍ତ ଆମର ୧୦ ସୂତ୍ରକୁ ବିଚାର ନିଆ ନଯାଇଛି, ସେ ପର୍ଯ୍ୟନ୍ତ ଯୁଦ୍ଧ କେତେବେଳେ ବି ଆରମ୍ଭ ହୋଇପାରେ ବୋଲି ଇରାନ ସଂକେତ ଦେଇଛି।